Вересень * Жовтень * Листопад * Грудень * Січень * Лютий * Березень * Квітень * Травень * Червень * Липень * Серпень * Богородичний додаток
| ← В 29-й день | В 31-й день → |
День 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
В 30-й день
→ Преподо́бнаго отца́ на́шего Иоа́нна, списа́теля Ле́ствицы
→ Святи́теля Софро́ния, епи́скопа Ирку́тскаго
→ Святы́я пра́ведныя Евву́лы, ма́тере свята́го великому́ченика Пантелеи́мона
Сре́тение Пресвяты́я Влады́чицы на́шея Богоро́дицы и Присноде́вы Мари́и и святы́я пра́ведныя Елисаве́ты, ма́тере свята́го Иоа́нна Предте́чи
На Го́споди, воззва́х: стихи́ры, глас 6.
Подо́бен: Все отло́жше:
Сове́т преве́чный/ сокрыва́я в Себе́ Отрокови́ца,/ Гаврии́лом о Предте́чи Ей веща́нный,/ и́де в Го́рняя со тща́нием, во град Иу́дов,/ и, целова́вши ю́жику, не пра́здну су́щу,/ ра́дуйся, – рече́ ей, – ра́дости испо́лненная;/ ра́дуйся, глаго́лемая непло́ды, ма́ти зри́мая;/ ра́дуйся, безча́дства поноше́ние упраздни́вшая;/ ра́дуйся, естества́ уста́вы превозмо́гшая;/ ра́дуйся, нача́ло Боже́ственнаго снизхожде́ния;/ ра́дуйся, сконча́ние прама́терняго осужде́ния;/ ра́дуйся, заре́, денни́цу Со́лнца изводя́щая;/ ра́дуйся, ражда́ющая в рожде́нных жена́ми бо́льшаго.
Явля́еши ми ся я́ко челове́к, –/ глаго́лет Елисаве́та Богоро́дице,/ но вем Тя, превы́шшую всех тва́рей,/ Царе́ву Дще́рь, воспе́тую Дави́дом/ Иса́иину Де́ву, Ма́терь Емману́ила,/ мои́м плодо́м утробным ны́не мне явле́ную./ И отку́ду мне и ка́ко мне сие́,/ да Ма́ти Го́спода моего́ ко мне прии́де?/ Блаже́нна Ты, уве́ровавшая/ глаго́ланным Тебе́ от Го́спода,/ благослове́нна Ты в жена́х/ и благослове́н Плод чре́ва Твоего́.
Бог, иде́же хо́щет,/ твори́т держа́ву мы́шцею Свое́ю, –/ глаго́лет ю́жике Богоотрокови́ца, –/ низложи́т си́льныя и вознесе́т смире́нныя,/ а́лчущия испо́лнит благ и богатя́щияся отпу́стит тщи,/ расточи́т го́рдыя мы́слию се́рдца их/ и поми́лует боя́щихся Его́ в ро́ды родо́в./ Вели́чит душа́ Моя́ Го́спода,/ и возра́довася дух Мой о Бо́зе, Спа́се Мое́м,/ я́ко призре́ на смире́ние Рабы́ Своея́,/ се бо от ны́не ублажа́т Мя вси ро́ди,/ я́ко сотвори́ Мне вели́чие Си́льный,/ и свя́то всесвято́е И́мя Его́.
Сла́ва, и ны́не, глас то́йже, самогла́сен. Иоа́нна мона́ха:
По́слан бы́сть с Небе́с Гаврии́л Арха́нгел/ благовести́ти Де́ве зача́тие/ и, прише́д в Назаре́т,/ помышля́ше в себе́, чудеси́ удивлялся:/ о, ка́ко в Вы́шних непостижи́м Сый от Де́вы ражда́ется!/ Име́яй престо́л Не́бо и подно́жие зе́млю/ во утро́бу вмеща́ется Деви́чу!/ На Него́же шестокрила́тии и многоочи́тии зре́ти не мо́гут,/ сло́вом еди́нем от Сея́ воплоти́тися благоизво́ли./ Бо́жие е́сть сло́во настоя́щее./ Что у́бо стою́ и не глаго́лю Де́ве:/ ра́дуйся, Благода́тная, Госпо́дь с Тобо́ю;/ ра́дуйся, Чи́стая Де́во;/ ра́дуйся, Неве́сто Неневе́стная;/ ра́дуйся, Ма́ти Живота́,/ благослове́н Плод чре́ва Твоего́.
На стихо́вне стихи́ры, глас 2.
Подо́бен: Егда́ от Дре́ва:
Егда́ от, дре́ва тя жи́зни,/ ро́де стро́потный Ада́мов,/ А́нгела пла́менное отгна́ ору́жие,/ Го́рния чинонача́лия на до́лзе/ в круг земны́й испы́тне приница́ху./ Егда́ же, по ле́тех мно́зех,/ ю́ную Отрокови́цу, Ма́терию Го́спода зово́му, слы́шаху,/ у́жасом одержи́ми бя́ху,/ оба́че и ра́дости преми́рныя исполня́хуся,/ та́йну ве́лию зре́ти ча́юще/ все́ми Влады́чествующаго,/ осуществова́вшагося челове́чеством.
Стих: Вся сла́ва Дще́ре Царе́вы вну́трь,/ ря́сны златы́ми оде́яна и преиспещре́на.
Егда́ обру́чник, Богому́дрый Ио́сиф,/ уве́де от Святы́я Де́вы/ никтому́же ве́домое о всечестне́й Елисаве́ти,/ я́ко в ста́рости обре́теся непра́здна,/ ме́сяц шесты́й в себе́ зача́тие тая́щи,/ и я́ко роди́ти изве́стно и́мать сы́на,/ по глаго́лу неизнемога́ющему Бо́жию,/ недоумева́ше о словеси́./ Оба́че, пра́ведно ходя́ пред Бо́гом,/ ве́руем глаго́лемым от Де́вы,/ соизво́ли, да и́дет к ю́жике/ со тща́нием из гра́да Назаре́та/ во град Иу́дов, в Го́рняя.
Стих: Приведе́тся Царю́ де́вы в след Ея́,/ и́скренния Ея́ приведу́тся Тебе́.
Егда́ Богоневе́стная Ма́терь Де́ва/ вся та́ко вои́стинну обре́те,/ я́коже бысть рече́но Ей от А́нгела,/ я́ве сбытие́ слове́с его́ проразумева́ше,/ вся же, восто́ргшися умо́м и се́рдцем о Бо́зе Жи́ве,/ ра́достно целова́ Богозна́менованную ю́жику./ Е́же слы́шавши, Предте́ча благода́ти,/ во чре́ве ма́тернем носи́мый,/ ра́бски преесте́ственне взыгра́ся,/ поклоне́ние творя́ Творцу́ тва́ри, зрак прие́мшу.
Сла́ва, и ны́не, глас и подо́бен то́йже:
Егда́ испо́лнися вре́мя роди́ти Елисаве́ти,/ сего́ ча́янием удержа́нная Отрокови́ца,/ благода́ти тезоиме́ннаго привеща́я Иоа́нна/ и Себе́ помышля́я непрело́жно то́жде Ма́терию,/ и́но в се́рдце Свое́м слага́ше,/ И́мя, тезоиме́нное Спасе́нию,/ И́мя покланя́емое Иису́са,/ пронарече́нное Арха́нгелом./ Сим у́бо та́ко Бо́жиим хоте́нием,/ тайново́дственно устро́енным,/ Богора́дованная Свята́я Де́ва Мари́я/ от тех, я́же услы́ша о Заха́рии,/ изве́стнее в глаго́лех утве́рдшися благове́щения,/ по трех ме́сяцех возврати́ся в дом Свой.
Тропа́рь, глас 4:
Де́во Безневе́стная/ и Ма́ти Всечи́стая,/ прие́мши от Арха́нгела благове́щение,/ со тща́нием востекла́ еси́ в Го́рняя,/ и, целова́вши ю́жику Твою́, всечестну́ю Елисаве́ту,/ Ма́терию Го́спода от сия́ нарече́на была́ еси́,/ и возвели́чила возвели́чившаго Тя Го́спода:/ Благослове́нна Ты в жена́х,/ и благослове́н Плод чре́ва Твоего́.
Конда́к, глас 3:
Вои́стинну блаже́нна еси́,/ Свята́я Де́во Мари́е/ и вся́кия хвалы́ превосходя́щая,/ я́ко из Тебе́ провозсия Со́лнце Пра́вды,/ Христо́с Бог наш.
Про́чая слу́жба – Благове́щению Пресвяты́я Богоро́дицы, зри 25 ма́рта.
Преподо́бнаго отца́ на́шего Иоа́нна, списа́теля Ле́ствицы
Стихи́ры, глас 8.
Подо́бен: О, пресла́внаго чудесе́:
О́тче Иоа́нне преподо́бне,/ вы́ну вои́стинну Бо́жия/ в горта́ни возноше́ния носи́л еси́,/ поуча́лся де́тельнейшим/ Богодохнове́нным словесе́м, всему́дре,/ и отту́ду истекающею благода́тию обогати́лся еси́,/ быв блаже́н,/ нечести́вых всех сове́тования низвраща́я.
О́тче Иоа́нне пресла́вне,/ слез исто́чники ду́шу очи́стив/ и всено́щными стоя́нии Бо́га уми́лостивив,/ впери́лся еси́ к любле́нию сего́, блаже́нне, и красоте́,/ ея́же досто́йно ны́не наслажда́ешися,/ непреста́нно ра́дуяся,/ с сострада́льцы твои́ми,/ Богому́дре преподо́бне.
О́тче Иоа́нне преподо́бне,/ впери́в ум к Бо́гу ве́рою,/ мирска́го смеше́ния омерзи́л еси́ нестоя́нное/ и, крест твой восприи́м,/ Всеви́дцу после́довал еси́,/ те́ло необузда́нное/ по́двигами по́стничества/ по́мыслу порабо́тив,/ си́лою Боже́ственнаго Ду́ха.
А́ще случи́тся суббо́та или́ неде́ля, пое́тся самогла́сен.
Сла́ва, глас 6:
Преподо́бне о́тче,/ во всю зе́млю изы́де веща́ние исправле́ний твои́х,/ тем на Небесе́х обре́л еси́ мзду трудо́в твои́х,/ де́монския погуби́л еси́ полки́/ и А́нгельския дости́гл еси́ чи́ны,/ и́хже житию́ непоро́чно поревнова́л еси́./ Дерзнове́ние име́я ко Христу́ Бо́гу,/ мир испроси́ душа́м на́шим.
И ны́не, Богоро́дичен:
Ненаде́ющимся на дея́ние изве́стное/ и согреша́ющим спасе́ние, Всепе́тая Богоро́дице,/ приими́ моле́ния на́ша/ и испроси́ разреше́ние всем, и́же согреши́хом в житии́,/ ма́тернею Твое́ю моли́твою/ спаси́ от бед и бу́дущаго осужде́ния, Влады́чице,/ вели́кия ра́ди Твоея́ ми́лости.
А́ще по́стен де́нь, пое́тся по стихи́рах: Сла́ва, и ны́не, Богоро́дичен или́ Крестобогоро́дичен, пи́саны в 31-й де́нь.
На стихо́вне, Сла́ва, глас 8. Самогла́сен:
Мона́хов мно́жества/ наста́вника тя почита́ем, о́тче наш Иоа́нне,/ твое́ю бо стезе́ю вои́стинну пра́во ходи́ти позна́хом./ Блаже́н еси́, Христу́ рабо́тав,/ и вра́жию обличи́л еси́ си́лу,/ А́нгелов собесе́дниче, преподо́бных соприча́стниче и пра́ведных,/ с ни́миже моли́ся Го́сподеви/ поми́ловатися душа́м на́шим.
И ны́не, Богоро́дичен или́ Крестобогоро́дичен:
Со́лнце, ви́дев Тя, устраши́ся,/ на Кресте́, Иису́се, распросте́рта хоте́нием,/ и земля́ тряса́шеся, и ка́мение стра́хом распада́шеся,/ гро́би отверзо́шася, и Си́лы вся дивля́хуся./ Сия́ у́бо ви́дящи, Де́ва, Влады́ко,/ жа́лостно – увы́ Мне, – вопия́ше, – что зри́мое?
Тропа́рь, глас 8:
Слез твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Иоа́нне, о́тче наш,/ моли́ Христа́ Бо́га спасти́ся душа́м на́шим.
Ин тропа́рь, глас 4:
Я́ко Боже́ственную ле́ствицу, обрето́хом, Иоа́нне преподо́бне,/ твоя́ Боже́ственныя доброде́тели,/ к Небеси́ возводя́щия ны:/ доброде́телей бо ты был еси́ воображе́ние./ Тем моли́ Христа́ Бо́га, да спасе́т души́ на́ша.
Кано́н, творе́ние Игна́тиево. Глас 8.
Пе́снь 1
Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.
Во Свет невеще́ственный и у́мный/ от се́тования веще́ственных восте́к, Иоа́нне преподо́бне,/ моли́твами твои́ми, су́щими ко Го́споду, просвети́ мя.
Я́ко воздержа́ния сла́дость ссав,/ отри́нул еси́ го́ресть страсте́й,/ те́мже па́че ме́да и со́та услажда́вши, о́тче, чу́вства на́ша.
Возше́д на высоту́ доброде́телей/ и долере́вностныя поплева́в сла́сти,/ сла́дость яви́лся еси́ спасе́ния, преподо́бне о́тче, па́стве твое́й.
Богоро́дичен: Прему́дрость и Сло́во О́тчее несказа́нно ро́ждшая,/ души́ моея́ лю́тую уврачу́й я́зву/ и се́рдца боле́знь укроти́.
Пе́снь 3
Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.
Попали́л еси́ у́глем поще́ния, преподо́бне, страсте́й те́рние/ и гре́еши мона́шествующих состоя́ния.
Ми́ро освяще́ния,/ от по́стнических, преподо́бне, арома́т ве́сь сложи́лся еси́/ в воню́ благоуха́ния Бо́жия.
В зако́нех обуче́ния поуча́лся,/ стра́сти погрузи́л еси́, я́коже ины́я ны́не фараони́ты,/ тече́нием слез твои́х.
Богоро́дичен: Уста́ви мое́ нестоя́нное по́мыслов, Чи́стая, смуще́ние, Ма́ти Бо́жия,/ к Сы́ну Твоему́ направля́ющи движе́ние.
Конда́к, глас 1.
Подо́бен: Лик А́нгельский:
Плоды́ присноцвету́щия,/ от твоея́ кни́ги принося́ уче́ния, прему́дре,/ услажда́еши се́рдца, сим с трезве́нием вне́млющих, блаже́ннее/ ле́ствица бо е́сть, души́ возводя́щая от земли́ к Небе́сней и пребыва́ющей сла́ве/ ве́рою чту́щих тя.
Та́же, седа́лен, глас 8.
Подо́бен: Прему́дрости:
Виде́нием и дея́нием преесте́ственне просия́в, облиста́еши уче́ньми,/ зако́ны нам положи́л еси́ Богому́дрыя, блаже́нне,/ доброде́телей добро́ты степе́ни поста́вль/ и зло́бы ле́сти показа́в и ловле́ния./ Отону́дуже возво́диши твои́м после́дующия Боже́ственным уче́нием/ от страсте́й к безстра́стию, Иоа́нне равноа́нгельне,/ моли́ Христа́ Бо́га прегреше́ний оставле́ние пода́ти/ чту́щим любо́вию святу́ю па́мять твою́.
Сла́ва, и ны́не, Богоро́дичен:
Я́ко Де́ву и еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии,/ О́гнь бо всели́ся в Тя Божества́,/ и я́ко Младе́нца дои́ши Зижди́теля и Го́спода./ Тем, А́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.
Крестобогоро́дичен:
А́гнца, и Па́стыря, и Изба́вителя А́гница зря́щи на Кресте́,/ восклица́ше, пла́чущи, и, го́рько рыда́ющи, вопия́ше:/ мир у́бо ра́дуется, прие́мля Тобо́ю избавле́ние,/ утро́ба же Моя́ гори́т, зря́щи Твое́ распя́тие,/ е́же терпи́ши за милосе́рдие ми́лости./ Долготерпели́ве Го́споди, ми́лости бе́здно и исто́чниче неисчерпа́емый,/ умилосе́рдися и да́руй согреше́ний оставле́ние/ ве́рою пою́щим Боже́ственный стра́сти Твоя́.
Пе́снь 4
Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.
Я́ко цветни́к благово́ннейший и доброде́телей рай одушевле́нный,/ воздержа́ние процве́л еси́,/ и́мже вся пита́еши, чту́щия тя.
Законоположи́теля обуче́ния и мона́хов пра́вило кротча́йшее,/ я́ко Моисе́я тя и Дави́да, и́стинно стяжа́вше, о́тче, ублажа́ем.
Насажде́н на вода́х воздержа́ния,/ яви́лся еси́, блаже́нне, розга́, о́тче, благоцве́тнейшая,/ благоче́стия гро́зды произнося́щая.
Богоро́дичен: Под ле́том бы́вша,/ от Отца́ безле́тно возсия́вша, Богома́ти, нам родила́ еси́,/ Его́же моли́ спасти́ пою́щия Тя.
Пе́снь 5
Ирмо́с: Вску́ю мя отри́нул еси́/ от лица́ Твоего́, Све́те незаходи́мый,/ и покры́ла мя е́сть чужда́я тьма́, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.
Погаси́в вся стра́сти росо́ю по́двигов твои́х, о́тче блаже́нне,/ оби́льно вжег огне́м любве́ и ве́ры воздержа́ния свети́льник,/ и просвеще́ние безстра́стия, и дне сын был еси́.
Ве́ры грозд Боже́ственным земледе́ланием твои́м, о́тче, воспита́л еси́,/ и в точи́ла вложи́л еси́, и изгне́л еси́ труды́ обуче́ния,/ и, ча́шу испо́лнив духо́вную воздержа́ния, весели́ши се́рдца па́ствы твоея́.
Претерпе́в до́блественно прило́ги и я́звы неви́димых враго́в,/ яви́лся еси́ столп терпе́ния,/ утвержда́я па́ству твою́ па́лицею Боже́ственною на па́житех воздержа́ния/ и на воде́ воспитова́я, блаже́нне.
Богоро́дичен: Рече́м Твои́х усте́н, Всечи́стая, после́дующе, Тя ублажа́ем:/ с Тобо́ю бо вои́стинну вели́чия сотвори́вый Госпо́дь возвели́чи Тя,/ и и́стинную Бо́жию Ма́терь рожде́йся из чре́ва Твоего́ показа́.
Пе́снь 6
Ирмо́с: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.
Собра́л еси́ в души́ Боже́ственное бога́тство Ду́ха,/ непоро́чную моли́тву, чистоту́, че́стность,/ бде́ние всегда́шнее, воздержа́ния труды́,/ и́миже дом позна́лся еси́ Бо́жий.
Вещества́ до́льняго, прему́дре, прете́кл еси́ ху́дость,/ невеще́ственною же моли́твою ум впери́в,/ и Вы́шняго упокое́ния яви́лся еси́ насле́дник соверше́нством жития́.
По́тами по́стническими у́глие стрел вра́жиих угаси́л еси́ вои́стинну/ и, о́гнь ве́ры вжег, попали́л еси́ неве́рия ересе́й шата́ния.
Богоро́дичен: Возсия́ от Сио́на вы́шняго благоле́пие/ предложе́нием пло́ти по соедине́нию неизрече́нному,/ из Тебе́, Неискусобра́чная, обложе́нное, и мир просвети́.
Конда́к, глас 4.
Подо́бен: Яви́лся еси́:
На высоте́ Госпо́дь воздержа́ния и́стинна тя положи́,/ я́коже звезду́ неле́стную, световодя́щую концы́,/ наста́вниче Иоа́нне, о́тче наш.
И́кос:
Дом Бо́жий я́ко вои́стинну тебе́ сама́го соде́лал еси́, о́тче,/ Боже́ственными твои́ми доброде́тельми/ я́ве украси́в, я́ко зла́то све́тлое, ве́ру, наде́жду и любо́вь и́стинную,/ Боже́ственныя зако́ны излага́я, воздержа́нием обучи́вся, я́ко безпло́тен,/ ра́зум, му́жество, целому́дрие стяжа́в,/ смире́ние, и́мже возвы́сился еси́./ Те́мже и, просвети́вся моли́твами непреста́нными,/ виде́нии та́йными впери́лся еси́ и Небе́сный прия́л еси́ селе́ния,/ наста́вниче Иоа́нне, о́тче наш.
Пе́снь 7
Ирмо́с: От Иуде́и доше́дше, о́троцы/ в Вавило́не иногда́/ ве́рою тро́ическою пла́мень пе́щный попра́ша, пою́ще:/ отпев Бо́же, благослове́н еси́.
На зла́це Вы́шняго Ца́рствия ста́до, о́тче, воспита́л еси́/ и, жезло́м догма́тов зве́ри отгна́в ересе́й, воспе́л еси́:/ оте́ц на́ших Бо́же, благослове́н еси́.
В Го́рний вшел еси́ неве́стнический черто́г Ца́рства Христо́ва,/ оде́ждею облече́н, досто́йною зва́вшаго,/ в не́мже и возле́гл еси́, вопия́:/ оте́ц на́ших Бо́же, благослове́н еси́.
Невла́жная грехми́ река́ яви́лся еси́ воздержа́ния, о́тче,/ по́мыслы потопля́я и скве́рну очища́я вопию́щих ве́рою:/ оте́ц на́ших Бо́же, благослове́н еси́.
Богоро́дичен: Из чре́ва Твоего́ про́йде воплоти́выйся, Де́во, всех Госпо́дь./ Те́мже Тя, Богоро́дицу, му́дрствующе правосла́вно, Сы́ну Твоему́ зове́м:/ оте́ц на́ших Бо́же, благослове́н еси́.
Пе́снь 8
Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.
Столп тя одушевле́нный я́ко вои́стинну/ и о́браз воздержа́ния, о́тче, стяжа́вше,/ вси твою́ па́мять почита́ем, Иоа́нне.
Мно́жество ра́дуется мона́хов,/ и лику́ет преподо́бных собо́р и пра́ведных,/ вене́ц бо досто́йно с си́ми прия́л еси́.
Укра́шен доброде́тельми,/ в неве́стник неизрече́нныя сла́вы возше́л еси́,/ пе́снь воспева́я Христу́ во ве́ки.
Богоро́дичен: По́мощи я́же от Тебе́ тре́бующия не пре́зри, Де́во,/ пою́щия и превознося́щия Тя во ве́ки.
Пе́снь 9
Ирмо́с: Чи́стую сла́вно почти́м,/ лю́дие, Богоро́дицу,/ о́гнь Божестве́ прии́мшую во чре́ве неопа́льно,/ пе́сньми велича́ем.
Врач боля́щих в прегреше́ниих от Бо́га, блаже́нне,/ губи́тель же яви́лся еси́ и прогони́тель лука́вых духо́в,/ те́мже тя ублажа́ем.
Зе́млю, я́коже тли жили́ще, оста́вил еси́, о́тче,/ и в земли́ всели́лся еси́ кро́тких,/ и с ни́ми весели́шися, Боже́ственный наслажда́яся сла́дости.
Дне́сь де́нь пра́зднственный/ вся бо созыва́ет мона́шествующих ста́да в лик духо́вный,/ трапе́зу и сне́дь нетле́нныя жи́зни.
Богоро́дичен: В Тебе́ всели́вся, Всенепоро́чная,/ пре́жде родонача́льники злонравнаго прельсти́вшаго человекоуби́йцу низложи́вый роди́ся/ и вся ны спа́се.
Свети́лен.
Подо́бен: Жены́, услы́шите:
Ми́ра пристра́стия, я́ко от скве́рны уклони́лся еси́/ и, а́лчбою пло́ть увяди́в, обнови́л еси́ души́ кре́пость, преподо́бне,/ и сла́вою обогати́лся еси́ Небе́сною, приснопа́мятне./ Те́мже не преста́й моля́ся о нас, Иоа́нне.
Богоро́дичен:
Госпо́дственно Богоро́дицу Тя испове́дуем, Влады́чице, Тобо́ю спа́сшиися,/ и́бо Бо́га неизрече́нно родила́ еси́, разо́ршаго Кресто́м сме́рть,/ к Себе́ же привле́кшаго преподо́бных собо́ры,/ с ни́миже Тя восхваля́ем, Де́во.
Святи́теля Софро́ния, епи́скопа Ирку́тскаго
НА ВЕЛИ́ЦЕЙ ВЕЧЕ́РНИ
На Го́споди, воззва́х: стихи́ры на 8, глас 8:
О́тче, святи́телю Софро́ние,/ чи́стый сосу́де Свята́го Ду́ха,/ пра́вило благоче́стия,/ гра́да Ирку́тска церко́вное украше́ние/ и всея́ Сиби́ри утвержде́ние,/ ревни́телю апо́столов, иера́рхов похвале́,/ Христа́ Архипа́стыря моли́/ дарова́ти душа́м на́шим/ мир и ве́лию ми́лость.
О́тче свяще́ннейший Софро́ние,/ Бо́жия зако́ны невреди́мы соблюда́л еси́/ и, лю́ди твоя́ науча́я благоче́стию,/ ве́ре, любви́ и милосе́рдию,/ мона́шествующим пра́вило жи́зни полага́л еси́,/ сам показу́я о́браз доброде́тели,/ всяк чин и во́зраст стра́ху Бо́жию уча́,/ всех приводя́ ко спасе́нию,/ прося́ коему́ждо у Бо́га ве́лия ми́лости.
Боже́ственная благода́ть призва́ тя, блаже́нне,/ во святи́теля вели́каго гра́да Ирку́тска и страны́ Сиби́рския,/ пра́вило бы́ти ве́ры и о́браз кро́тости,/ тем же, Богому́дре,/ житие́ твое́ тя прекра́сна показа́,/ архиере́ев был еси́ спобо́рник,/ преподо́бных соприча́стник и пра́ведных,/ и ны́не предстоя́ Престо́лу Святы́я Тро́ицы,/ моли́ о спасе́нии душ на́ших.
По твое́м честне́м преставле́нии,/ святи́телю о́тче Софро́ние,/ мно́га ле́та храни́ми бы́ша мо́щи твоя́,/ источа́я чудеса́ с ве́рою призыва́ющим тя,/ егда́ же приспе́ вре́мя прославле́ния твоего́,/ испепели́ся гроб твой запале́нием о́гненным/ и мо́щи со оде́ждею изнури́шася,/ грех ра́ди на́ших и скве́рнаго жития́,/ я́ко недосто́йным су́щим име́ти сокро́вище Небе́сное,/ но и по сих при́сно с на́ми пребывавши,/ да́руя нам мир и ве́лию ми́лость.
Сла́ва, глас 6:
Сла́вная и свяще́нная Це́рковь Сиби́рская,/ архиере́ев собо́р и вся́каго чи́на лю́дие,/ ны́не воеди́но собери́теся,/ све́тло да торжеству́ем па́мять Софро́ния,/ па́стыря на́шего и учи́теля,/ ра́достно ему́ взыва́юще:/ ра́дуйся, Тро́ицы побо́рниче;/ ра́дуйся, Ирку́тския ка́федры украше́ние;/ ра́дуйся, но́вый и изря́дный чудотво́рче,/ святы́х бо моще́й твои́х честны́я оста́нки,/ не престая́, сия́ют чудесы́,/ озаря́юще и увеселяюще избра́нныя лю́ди твоя́,/ и́хже Ева́нгелием породи́л еси́/ и в Правосла́вии утверди́л еси́,/ и ны́не моли́ся, свя́тче, о нас ко Го́споду.
И ны́не, глас то́йже: Кто Тебе́ не ублажи́т: Вход. Проки́мен дне. Чте́ния три святи́тельская (зри 31-ое марта).
На лити́и стихи́ра хра́ма и свято́му, глас 1:
Влады́ки Христа́ стопа́м после́дуя,/ све́том Боже́ственнаго Ду́ха просвети́вся,/ вмести́лище чистоты́ показа́лся еси́,/ Небе́сных виде́ний прича́стник был еси́,/ те́мже Христо́с насле́дника тя Ца́рствия показа́/ и сожи́теля со все́ми святы́ми,/ е́же и нам улучи́ти, о́тче, моли́ся,/ соверша́ющим любо́вию па́мять твою́.
Сла́ва, глас 7:
Печа́ль неизрече́нная пости́же па́ству Ирку́тскую,/ егда́ честны́я мо́щи и свяще́нная ра́ка/ возгоре́шася в но́щи о́гненным запалением./ Но и по сих неоску́дный исто́чник чуде́с показа́лся еси́,/ святи́телю Христо́в Софро́ние:/ гра́ду – огражде́ние, ве́рным ча́дам – в ду́се укрепле́ние/ и святы́я ве́ры утвержде́ние.
И ны́не, глас то́йже:
Под кров Твой прибега́ем, Влады́чице,/ вопие́м Ти, вси земноро́днии:/ упова́ние на́ше, Богоро́дице,/ изба́ви ны от безме́рных прегреше́ний/ и спаси́ души́ на́ша.
На стихо́вне стихи́ры, глас 5:
Ра́дуйтеся, лю́дие гра́да Ирку́тска,/ се бо вторы́й чудотво́рец яви́ся,/ врач и помо́щник во вся́кой ско́рби,/ цели́тель и бесо́в прогони́тель,/ гра́ду защи́тник и страсте́й укротитель,/ моли́твенник неусы́пный ко Го́споду о всех,/ с ве́рою к нему́ прибега́ющих.
Стих: Честна́ пред Го́сподем/ сме́рть преподо́бных Его́.
Ра́дуйся, свяще́нная главо́,/ о́тче Богоприя́тне Софро́ние,/ пра́выя ве́ры основа́ние,/ исполни́телю вся́кия доброде́тели,/ ни́щих пита́телю и ско́рбных утеше́ние,/ врачу́ безме́здный немощству́ющих,/ кре́пкая наде́ждо всех,/ те́плою ве́рою тя призыва́ющих.
Стих: Блаже́н муж, боя́йся Го́спода,/ в за́поведех Его́ восхо́щет зело́.
Ра́дуйся, ра́досте на́ша, Софро́ние,/ моли́твенниче и ско́рбных сострада́льниче,/ ты бо, я́ко А́нгел, на земли́ пожи́л еси́,/ незло́бием и пра́вдою украша́емь,/ све́тлый пу́ть к Бо́гу показу́яй,/ и по отше́ствии от земны́х нас не оставля́вши./ Сла́вим тя, о́тче Богоприя́тне.
Сла́ва, глас 3:
Сла́ва Тебе́, Христе́ Бо́же,/ апо́столов похвале́ и му́чеников весе́лие,/ святи́телей и свяще́нников благоле́пие,/ преподо́бных сла́досте духо́вная./ Сла́ва Тебе́, Христе́ Спа́се,/ я́ко яви́л еси́ нам/ чудотво́рца но́ва и пресла́вна.
И ны́не, глас то́йже:
Ра́дости испо́лни се́рдце мое́, Де́во,/ прии́мшая от Гаврии́ла ра́дости веща́ние,/ ны́не печа́ль грехо́вную во мне потребля́ющи,/ се́рдце мое́ испо́лни/ любо́вию ко Го́споду.
Тропа́рь, глас 4:
От ю́ности Христа́ возлюби́л еси́, блаже́нне Софро́ние,/ до́бре упра́вил еси́ и́ноческия оби́тели/ и, архиере́йства са́ном почте́н быв,/ упа́сл еси́ Ирку́тскую па́ству,/ те́мже и по преставле́нии дарова́ния чуде́с от Бо́га прия́л еси́/ и мо́лиши Христа́ Бо́га/ изба́вити нас от бед и спасти́ души́ на́ша.
Ин тропа́рь, глас 1:
Ско́рый в беда́х и ско́рбех засту́пниче,/ о́тче иера́рше страны́ Сиби́рския,/ святи́телю Софро́ние,/ на Небеси́ предстоя́й с первоиера́рхом Ирку́тския Це́ркве и все́ми святы́ми,/ вы́ну и́маши благоволе́ние Го́спода сла́вы,/ при́зри на лю́ди, притека́ющия к честны́м оста́нкам святы́х моще́й твои́х,/ с ве́рою и любо́вию сле́зно прося́щия твое́я по́мощи и заступле́ния,/ моли́, Его́же пропове́дал еси́ лю́дем Сиби́ри,/ изба́вите я от находя́щих зол и наве́тов вра́жиих,/ просвети́ти люде́й олядене́вшая дре́вле неве́рием се́рдца,/ дарова́ти утвержде́ние ве́ры Христо́вы/ и спасти́ души́ на́ша.
НА У́ТРЕНИ
На Бог Госпо́дь: тропа́рь свята́го, два́жды. Сла́ва, и ны́не, Богоро́дичен воскре́сен или́ пра́здника.
По 1-м стихосло́вии седа́лен, глас 1:
Излия́ся благода́ть Ду́ха во уста́х твои́х, о́тче прему́дре Софро́ние,/ и был еси́ па́стырь Христо́ва ста́да,/ уча́ слове́сныя о́вцы бли́жняго люби́ти, я́коже себе́,/ Бо́га же всем се́рдцем и все́ю кре́постию,/ и ве́рным бы́ти Ему́ да́же до сме́рти.
Сла́ва, и ны́не, Богоро́дичен:
Святе́йшая Безпло́тных Сил Небе́сных,/ Честне́йшая всея́ тва́ри, Богоро́дице,/ моли́ся ко Го́споду со святи́телем Софро́нием и все́ми святы́ми/ от бед и мно́гих зол изба́вится нам, я́ко Блага́я.
По 2-м стихосло́вии Седа́лен, глас 2:
Прему́дренно соблю́л еси́ себе́, Софро́ние, от ловле́ний вселука́ваго/ и в коне́ц низложи́л еси́ того́,/ Правосла́вия был еси́ столп и утвержде́ние,/ те́мже, соше́дшеся дне́сь, па́мять твою́ почита́ем.
Сла́ва, и ны́не, Богоро́дичен: Иму́ще Тя, Богоро́дице, упова́ние и предста́тельство,/ вра́жиих наве́т не убои́мся,/ я́ко спаса́еши души́ на́ша.
По полиеле́и седа́лен, глас 3:
Равноа́нгельно пожи́л еси́, о́тче, на земли́,/ ра́вное стоя́ние и́маши со А́нгелы на Небеси́,/ те́мже тя, я́ко челове́ка Бо́жия ублажа́юще,/ па́мять соверша́ем ра́достно,/ ча́юще от Христа́ Бо́га на́шего/ моли́твами твои́ми улучи́ти мир и ве́лию ми́лость.
Сла́ва, и ны́не, Богоро́дичен:
Без се́мене зачала́ еси́ от Ду́ха Свята́го,/ и, славосло́вяще, воспева́ем Тя:/ ра́дуйся, Пресвята́я Де́во.
Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ сме́рть преподо́бных Его́. Стих: Что возда́м Го́сподеви о всех, я́же воздаде́ ми?
Вся́кое дыха́ние: Ева́нгелие от Иоа́нна, зача́ло 35.
По 50-м псалме́ стихи́ра, глас 6:
Чу́до ве́лие зрим в запале́нии моще́й твои́х,/ о́тче наш святи́телю Софро́ние./ Не ума́лися бо си́ла чудоде́йственная в тебе́,/ ниже́ свято́е ме́сто запустело е́сть,/ но, я́ко заря́ со́лнечная,/ просвеща́еши ве́рных се́рдца,/ ве́ровати науча́я в Тро́ицу Единосу́щную,/ во Еди́но Божество́.
Кано́н Богоро́дицы, я́же в повече́рии настоящего гла́са на 6 и свята́го на 6, глас 2. Ирмосы́ кано́на свята́го, катава́сия по уста́ву.
Пе́снь 1
Ирмо́с: Гряди́те, лю́дие,/ пои́м пе́снь Христу́ Бо́гу,/ разде́льшему мо́ре и наста́вльшему лю́ди,/ я́же изведе́ из рабо́ты еги́петския,/ я́ко просла́вися.
Сла́ву возсле́м Христу́, Бо́гу на́шему,/ ди́вному во святы́х Свои́х,/ па́мять уго́дника Его́ дне́сь прославля́юще.
Втора́го тя засту́пника гра́ду на́шему прия́хом,/ от вся́ких находя́щих на ны зол/ твои́м предста́тельством нас сохрани́.
Всех благи́х дел о́браз себе́ показу́я па́стве твое́й,/ привле́кл еси́ мно́ги души́ во спасе́ние,/ и́же и улучи́ша ра́йскаго утеше́ния наслажде́ние, пою́ще:/ не́сть свят, па́че Тебе́, Го́споди.
Богоро́дичен: Бу́ря напа́стей обдержи́т ны, Влады́чице, и во́лны скорбе́й,/ но, предвари́вши, пода́ждь нам ру́ку по́мощи/ и те́плое заступле́ние и предста́тельство Твое́.
Пе́снь 3
Ирмо́с: На ка́мени мя ве́ры утверди́в,/ разшири́л еси́ уста́ моя́ на враги́ моя́,/ возвесели́бося дух мой, внегда́ пе́ти:/ не́сть свят, я́коже Бог наш,/ и не́сть пра́веден, па́че Тебе́, Го́споди.
Я́ко адама́нт драгоце́ннейший, возсия́л еси́ ко украше́нию Це́ркве Русския,/ блиста́яй непоро́чностию жития́,/ да и мы, недосто́йнии, све́та Христо́ва наслади́мся.
Теплото́ю ве́ры согре́й се́рдца на́ша, от мра́ка грехо́внаго иззя́бшия,/ дух благоче́стия и стра́ха Бо́жия вкорени́ в нас,/ па́мять твою́ ублажа́ющих.
Любо́вию утверди́вся Христо́вою, яви́лся еси́, я́ко река́,/ Сиби́рскую страну́ напая́я уче́нием слове́с, Богоблаже́нне Софро́ние,/ те́мже любо́вию па́мять твою́ соверша́ем.
Богоро́дичен: Удиви́ла еси́ вои́стинну ны́не на нас благодея́ния/ и ми́лости Твоя́, Влады́чице,/ те́мже сла́вим мно́гое милосе́рдие Твое́.
Ин конда́к, глас 3:
Па́стырей Нача́льнику, Христу́,/ труди́лся еси́, святи́телю Софро́ние,/ на па́жити духо́вней се́верныя страны́ на́шея,/ язы́цы монго́льстии от пре́лести и скве́рны и́дольския избавля́я,/ приве́л еси́ я к све́ту ве́ры Христо́вой,/ и ны́не, со А́нгелы Влады́чню Престо́лу предстоя́,/ моли́ непреста́нно о всех нас,/ изба́вити ны от бед и спасти́ души́ на́ша.
Седа́лен, глас 5:
Блаже́н ты, иера́рше Софро́ние, вои́стинну и треблаже́н еси́:/ соверше́нною прилепля́яся к Бо́гу любо́вию, и вся лю́ди возлюби́л еси́,/ ду́шу полага́я за па́ству твою́, бе́дствующим благодея́ния творя́,/ души́ напая́я смире́нием и покоре́нием промышле́нию Боже́ственному./ Сего́ ра́ди тя ублажа́ем.
Сла́ва, и ны́не, Богоро́дичен:
Стена́ непобеди́мая нам, христиа́ном, Ты еси́, Де́во Богоро́дице,/ к Тебе́ бо прибега́юще, невреди́ми пребыва́ем/ и, па́ки согреша́юще, и́мамы Тя Моли́твенницу./ Тем, благодари́те, вопие́м Ти:/ ра́дуйся, Благода́тная, Госпо́дь с Тобо́ю.
Пе́снь 4
Ирмо́с: Услы́шах, Го́споди,/ сла́вное Твое́ смотре́ние/ и просла́вих, Человеколю́бче,/ непостижи́мую Твою́ си́лу.
Иера́рше Бо́жий, предстоя́ Престо́лу Го́спода сла́вы,/ моли́ся у́бо мир дарова́ти стране́ на́шей/ и от всех лю́тых изба́вится.
Та́ко просвети́ся свет твой пред челове́ки твои́ми до́брыми де́лы,/ и́мже яви́лся еси́ в ско́рбех уте́шитель, боля́щим врач благода́тный,/ да, вси лю́дие Ирку́тстии, просла́вим Отца́ Небе́снаго,/ дарова́вшаго нам тебе́, вели́каго чудотво́рца.
Ду́ха Пресвята́го храм, о́тче, был еси́,/ вмеща́ющ в себе́ Боже́ственную Прему́дрость,/ на домострои́тельство Це́ркве Христо́вы и мона́шествующим на утвержде́ние.
Богоро́дичен: Удивля́ется вся земля́ и вси язы́цы чудя́тся,/ зря́ще мно́гое Твое́ милосе́рдие, Влады́чице, к стране́ на́шей и ро́ду христиа́нскому,/ оба́че неисправле́ние на́ше ве́рою ко благоче́стию премени́.
Пе́снь 5
Ирмо́с: Све́та Пода́телю и веко́в Тво́рче, Го́споди,/ во све́те Твои́х повеле́ний наста́ви нас:/ ра́зве бо Тебе́ ино́го бо́га не зна́ем.
Ели́цы во Христа́ крести́хомся, лю́дие Ирку́тския па́ствы,/ вку́пе соше́дшеся дне́сь, облеко́хомся в ра́дость духо́вную,/ па́мять святи́теля прославля́юще.
Любве́ Христо́вы подража́тель быв, вся на́ша братоненавиде́ния умири́,/ да, тобо́ю в любви́ евангельстей споспешеству́еми,/ благогове́йно хва́лим тя.
Непреобори́м яви́лся еси́ в де́ле Госпо́дни, Софро́ние,/ во всем покаря́яся во́ли Его́ святе́й,/ нима́ло не взира́я на челове́ков негодова́ния, поя́ всегда́:/ ра́зве Тебе́ ино́го бо́га не зна́ю.
Богоро́дичен: Боже́ственным Твои́м сия́нием, Блага́я, исцели́ на́ша стра́сти,/ я́же от невнима́ния нам прихо́дят:/ мо́лит Тя о сем и святы́й Софро́ний.
Пе́снь 6
Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.
Яви́ся па́ки благода́ть спаси́тельная па́стве Ирку́тстей/ в прославле́нии, блаже́нне, па́мяти твое́й,/ не бо по грехо́м на́шим воздадеся нам,/ но те́плаго моли́твенника обрето́хом, чту́щия па́мять твою́.
Па́стыря тя до́браго ве́мы, до́бре ста́до твое́ упа́сшаго,/ и ны́не па́ству твою́ в ве́ре и единомы́слии сохрани́,/ во е́же пребы́ти нам в сою́зе любве́ и ми́ра/ и досто́йным бы́ти ве́чныя любве́.
Напита́л еси́ а́лчущия пра́вды пи́щею Небе́сною:/ хлеб бо а́нгельский бы́сть сло́во твое́, Софро́ние,/ изыма́я от плене́ния грехо́внаго души́ чад твои́х/ и ко Христу́ тех приводя́.
Богоро́дичен: Тре́петом содержи́ми есмы́, Блага́я,/ ужаса́ют бо нас ловле́ния лука́ваго,/ но Ты, Влады́чице, от бе́здны грехо́вный нас возведи́.
Конда́к, глас 4:
Соиме́ннаго му́дрости иера́рха,/ изря́дное Це́ркве Ирку́тский украше́ние,/ отца́ на́шего святи́теля Софро́ния любо́вию восхва́лим, вси ве́рнии,/ той бо е́сть храни́тель гра́да и страны́ сея́/ и моли́твенник о душа́х на́ших.
И́кос:
Целому́дрия добро́тами уязви́вся, святи́телю,/ невозвра́тным жела́нием после́довал еси́ Сотво́ршему тя,/ вся́ко плотско́е наслажде́ние возненави́дел еси́/ и я́ко ино́е со́лнце Ирку́тстей па́стве возсия́л еси́,/ тем и Христо́с да́ром тя чуде́с обогати́./ Помина́й нас, чту́щих пресве́тлую па́мять твою́, да зове́м ти:/ ра́дуйся, архиере́йскаго са́на удобре́ние;/ ра́дуйся, гра́да Ирку́тска духо́вное украше́ние;/ ра́дуйся, полу́денныя страны́ Русския прозябе́ние;/ ра́дуйся, полу́ношныя страны́ Сиби́рския похвале́;/ ра́дуйся, чуде́с не умали́вый в опале́нии моще́й твои́х;/ ра́дуйся, нося́й вене́ц пра́вды в Небе́снем Ца́рствии./ Ра́дуйся, Софро́ние Богому́дре, моли́твенниче о душа́х на́ших.
Пе́снь 7
Ирмо́с: Богопроти́вное веле́ние беззако́ннующаго мучи́теля/ высо́к пла́мень вознесло́ е́сть:/ Христо́с же простре́ Богочести́вым отроко́м ро́су духо́вную,/ Сын благослове́н и препросла́влен.
Ра́дости исполня́емся, лю́дие гра́да Ирку́тска,/ соше́дшеся на честно́е прославле́ние твое́,/ да еди́неми усты́ и се́рдцем Тро́ицу Единосу́щную, тя просла́вльшую, почти́м,/ Е́йже ты, святи́телю, предстои́ши, моля́ся о душа́х на́ших.
О́тче, святи́телю Софро́ние, предстоя́ на Небесе́х,/ не забу́ди ны, до́лу су́щих:/ от вся́кия находя́щия напа́сти сохрани́,/ вся раздо́ры и бра́ни умири́,/ да про́чее вре́мя живота́ на́шего безпеча́льни пребу́дем,/ огражда́еми моли́твами твои́ми.
Трисо́лнечный Свет почи́л е́сть в тебе́, святи́телю Софро́ние,/ пресве́тлую свещу́ тя показа́ лю́дем Свои́м,/ целе́бника и врача́ безме́здна, пою́щим Го́сподеви:/ Сый благослове́н и препросла́влен.
Богоро́дичен: Ма́ти Де́во Препросла́вленная,/ угаси́ пе́щь страсте́й на́ших милосе́рдием Твои́м,/ да воспое́м Тя во ве́ки со избра́нными Твои́ми.
Пе́снь 8
Ирмо́с: Пе́щь иногда́ о́гненная/ в Вавило́не де́йства разделя́ше,/ Бо́жиим веле́нием халде́и опаля́ющая,/ ве́рныя же ороша́ющая, пою́щия:/ благослови́те, вся дела́ Госпо́дня, Го́спода.
Сла́вы, я́же от челове́к, восприя́ти не восхоте́в,/ Бо́жиим произволе́нием честны́я мо́щи твоя́ о́гненным запале́нием премени́л еси́,/ да то́чию от Христа́ Бо́га просла́вишися,/ те́мже науча́я нас не земна́го, но Небе́снаго Ца́рствия вожделева́ти,/ его́же улучи́ти ча́ем моли́твами твои́ми, предста́телю, наш.
Я́ко луч све́та Христо́ва возсия́л еси́ в стране́ Сиби́рстей,/ святи́телю блаже́нне Софро́ние,/ просвеща́я вся́каго гряду́щаго путе́м ева́нгельским,/ да, све́том твои́м озаря́еми, не заблу́дим в пути́ грехо́внем/ и ве́чнаго Све́та дости́гнем,/ иде́же вку́пе с тобо́ю жи́знь ве́чную насле́дуем.
Апо́стола втора́го Сиби́ри, Софро́ния, просла́вим,/ непоро́чному житию́ того́ после́дуем/ и, вся грехо́вная злопомне́ния отри́нувше, зове́м:/ ра́дуйся, Софро́ние, гра́да на́шего заступле́ние.
Богоро́дичен: Е́сть вои́стинну святы́й сей де́нь, в о́ньже собра́ нас Ма́терь Бо́жия/ просла́вити уго́дника Своего́ Софро́ния, во хра́ме Ея́ почива́ющаго/ и чудесы́ свои́ми пе́ти нас побужда́ющего:/ благослови́те, вся дела́ Госпо́дня, Го́спода.
Пе́снь 9
Ирмо́с: Безнача́льна Роди́теля Сын, Бог и Госпо́дь,/ вопло́щся от Де́вы, нам яви́ся,/ омраче́нная просвети́ти, собра́ти расточе́нная./ Тем Всепе́тую Богоро́дицу велича́ем.
Ве́ру соблюде́, тече́ние земно́е сконча́,/ про́чее даде́ся тебе́ вене́ц в Ца́рствии Христо́ве./ Утверди́ и нас, малове́рием коле́блемых,/ да не бу́дем неве́рни, но ве́рни,/ и, взира́юще на честны́й о́браз твой, спасе́ние улучи́м.
И́же с ве́рою призыва́ху тя, уго́дниче Бо́жий,/ ве́лию благода́ть получи́ша,/ явля́ешибося в ско́рбех жите́йских уте́шитель,/ в печа́лех помо́щник, неду́г многообра́зных цели́тель,/ от вся́ких бед и зол изба́витель:/ не оста́ви чудотво́рною по́мощию нас,/ па́мять твою́ ве́рою чту́щих.
Мы́слию твое́ю к ве́чному и нетле́нному устреми́лся еси́,/ вся же земна́я – сла́ву и бога́тство – отри́нул еси́./ Помози́ и нам, наста́вниче ди́вный, да взыску́ем пра́вды и Ца́рствия Бо́жия,/ да, тле́нную ми́ра юдо́ль преше́дше,/ в час сме́ртный христиа́нский кончи́ны сподо́бимся/ и вку́пе с тобо́ю лицезре́ти Го́спода сла́вы досто́йни бу́дем.
Богоро́дичен: А́нгелов Цари́цу,/ архиере́йскаго, пресви́терскаго и мона́шескаго чи́на Влады́чицу/ и всего́ ро́да христиа́нскаго Покрови́тельницу,/ прииди́те, вси, восхва́лим и поклони́мся Ей,/ Та бо нело́жно обеща́ся бы́ти нам Помо́щница до сконча́ния ве́ка.
Свети́лен:
Свет Христо́в бога́тно в тя всели́ся, прему́дре Софро́ние,/ да, предугото́вав чистото́ю жи́зни ду́шу твою́,/ сотвори́т тя насле́дника Ца́рствия Небе́снаго/ и моли́твенника о душа́х на́ших.
Сла́ва, и ны́не, Богоро́дичен:
Сла́досте А́нгелов, святи́телей и преподо́бных ра́дование,/ христиа́н всех Предста́тельнице, Де́во Ма́ти Госпо́дня,/ заступи́ нас и изба́ви от ве́чных мук.
На хвали́тех стихи́ры, глас 4:
Воздержа́нием до́бре воспита́вся,/ на пресла́вную высоту́ доброде́телей возше́л еси́,/ святи́тельства оде́ждею и жития́ све́тлостию укра́шен,/ Боже́ственною осиява́емь благода́тию,/ просвети́ и нас, восхваля́ющих тя,/ моли́твами твои́ми, Софро́ние.
Прему́дре Софро́ние,/ Це́рковь Христо́ву ты украси́л еси́,/ вруче́нный тебе́ тала́нт умно́жил еси́,/ в ра́дость сподо́бився вни́ти Го́спода твоего́,/ Ему́же предстоя́ со А́нгелы, свя́те,/ моли́ о душа́х на́ших.
Я́коже зла́то, огне́м искуша́емо, чи́сто явля́ется,/ та́ко и честны́я твоя́ мо́щи, о́тче Софро́ние,/ искуше́ни бы́ша в пеще́ре,/ да све́тлостию чуде́с возсия́ют па́че,/ озаря́юще души́,/ малове́рия о́блаком омраче́нныя,/ во е́же просла́вити Христа́, Спаси́теля на́шего,/ и Его́ вели́кую ми́лость.
Егда́ ро́ду на́шему явле́ни бы́ша нетле́нныя мо́щи твоя́,/ блаже́нне иера́рше Софро́ние,/ вра́жиим ненавиде́нием во огни́ попали́шася сия́,/ хотя́щу ему́ нивочто́же вмени́ти сла́ву твою́,/ Бог же мно́жайшими чудесы́ просла́ви тя/ и моли́твенника сотвори́ о душа́х на́ших.
Сла́ва, глас 8:
О́тче Софро́ние,/ благи́й и ве́рный ра́бе Госпо́день,/ приле́жный де́лателю виногра́да Христо́ва,/ оби́тели и́ноков до́бре устро́ив,/ па́ству твою́ напои́в водо́ю живо́ю,/ се́мя благоче́стия в лю́дех возрасти́л еси́/ и, ны́не ра́дуяся и Бо́гу предстоя́,/ моли́ся со все́ми святы́ми/ о спасе́нии душ на́ших.
И ны́не, Богоро́дичен:
Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.
НА ЛИТУРГИ́И
Блаже́нны от кано́на свята́го, пе́сни 1-я и 3-я. Проки́мен, глас 1: Уста́ моя́ возглаго́лют прему́дрость/ и поуче́ние се́рдца моего́ ра́зум. Стих: Услы́шите сия́, вси язы́цы, внуши́те, вси, живу́щии по вселе́нней. Апо́стол ко Евре́ем, зача́ло 318. Ева́нгелие от Матфе́я, зача́ло 11. Прича́стен: В па́мять ве́чную:
Моли́тва
Свя́тче Бо́жий, святи́телю Христо́в, до́брый па́стырю слове́снаго ста́да, челове́че Бо́жий, но́вый чудотво́рче и неусы́пный к Бо́гу моли́твенниче за страну́ сию́, о́тче Софро́ние, при́зри с высоты́ Небе́сныя на нас, с ве́рою и любо́вию покланя́ющихся о́бразу твоему́ и честны́м оста́нкам святы́х моще́й, в на́ше утеше́ние избы́вшим от всепояда́ющаго огня́. При́зри, свя́тче Бо́жий, и ви́ждь на́ше нестрое́ние и раздо́ры, на́шу тугу́, ско́рбь и серде́чную боле́знь, от лише́ния бра́тския любве́ пребыва́ющии. Испроси́ у Христа́ Бо́га коему́ждо нам благода́ти смире́ния, позна́ние свое́й греховности и самоукоре́ния, да, внима́юще ки́йждо свое́й со́вести, преста́нем осужда́ти бли́жняго, клевета́ти и поноша́ти, но, соедини́вшеся друг ко дру́гу любо́вию, сподо́бимся ми́рно во смире́нии про́чее вре́мя живота́ на́шего пожи́ти и улучи́ти христиа́нскую кончи́ну. Да, совоку́пльшеся в бу́дущей жи́зни со все́ми святы́ми и с тобо́ю, па́стырю наш, просла́вим Еди́наго в Тро́ице сла́вимаго Бо́га, Отца́, и Сы́на, и Свята́го Ду́ха во ве́ки веко́в. Ами́нь.
Святы́я пра́ведныя Евву́лы, ма́тере свята́го великому́ченика Пантелеи́мона
ВЕ́ЧЕР
На Го́споди, воззва́х: стихи́ры, глас 2:
Ка́ко по достоя́нию ублажи́м тя, Еввуло,/ в христиа́нских жена́х блаже́нную,/ благочести́ваго бо ко́рене о́трасль су́щи,/ благода́тию Бо́жиею возращаема,/ яви́лася еси́, я́ко дре́во кра́сное,/ насажде́нное при исходя́щих вод,/ и принесла́ еси́ Христу́ плод благосла́вный –/ страстоте́рпца Его́ Пантелеи́мона,/ с ни́мже на Небеси́ лику́ющи,/ моли́ся о чту́щих святу́ю па́мять твою́. Ка́ко по достоя́нию восхва́лим/ Боже́ственная исправле́ния твоя́, о ма́ти,/ ты бо в зако́не Госпо́дни поуча́ющися де́нь и но́щь,/ блюсти́тельница святы́х за́поведей была́ еси́,/ и благоуго́дная Бо́гови/ всеусе́рдно твори́ла еси́,/ е́же я́ко вседраго́е насле́дие,/ и Пантелеи́мону по себе́ оста́вила еси́,/ и ны́не на Небеси́ с ним лику́ющи,/ моли́ся о чту́щих святу́ю па́мять твою́.
Ка́ко по достоя́нию воспое́м тя, свята́я Еввуло,/ ты бо посреде́ язы́ческаго те́рния,/ я́ко благово́нный ши́пок, процвела́ еси́/ и, я́ко кедр, кре́пка ве́рою и благоче́стием показа́лася еси́,/ е́же восприи́м и рожде́нное тобо́ю отроча́,/ му́жески за Христа́ последи́ подвиза́ся/ и за ве́ру в Него́ пострада́,/ и ны́не на Небеси́ с сыно́м свои́м лику́ющи,/ моли́ся о чту́щих святу́ю па́мять твою́.
Сла́ва, глас 1:
Внедря́ющи в ю́наго сы́на благоче́стие,/ глаго́лала еси́ ему́, Евву́ло прехва́льная:/ е́ллинскаго многобо́жия я́ко губи́тельнаго отвраща́йся,/ о ча́до мое́ любе́знейшее,/ да зна́еши же Еди́наго и́стиннаго,/ на Небеси́ су́щаго Бо́га/ и Тому́ до́брыми де́лы потщи́ся угоди́ти,/ якову́ю ве́ру твою́/ пропове́ждь и неве́рным согра́жданом твои́м,/ я́ко еди́ну и́стинную/ и спаси́тельную всем челове́ком.
И ны́не Богоро́дичен. На стихо́вне стихи́ры, глас 6:
Ра́достный нам де́нь ны́не возсия́ –/ па́мять твоя́, Евву́ло благохва́льная,/ из тебе́ бо роди́ся те́плый наш засту́пник,/ вели́кий в му́ченицех/ и в безме́здных врачех сла́вный,/ прие́мый с Небесе́ ми́лости тезоиме́ние,/ с ни́мже не преста́й моли́тися за ны ко Го́споду.
Стих: Терпя́, потерпе́х Го́спода, и внят ми,/ и услы́ша моли́тву мою́.
Боже́ственною благода́тию просвеща́ема,/ Евву́ло пречестна́я,/ посреде́ беззако́нных живу́щи,/ тьму́ идолослуже́ния презре́ла еси́,/ во све́те же за́поведей Бо́жиих/ с сыно́м свои́м ходи́ла еси́,/ с ни́мже не преста́й моли́тися за ны ко Го́споду.
Стих: Поста́ви на ка́мени но́зе мои́/ и испра́ви стопы́ моя́.
Благоче́стия насади́вши/ в рожде́нном тобо́ю, Евву́ло всеблаже́нная,/ пресели́лася еси́ от жи́зни привре́менныя к несконча́емей/ и при́сно сра́дуешися на Небеси́ Пантелеи́мону,/ с ним же не преста́й моли́тися за ны ко Го́споду.
Сла́ва, глас 3:
Словеса́ свята́го Па́вла исполня́ющи,/ с неве́рным супру́жником твои́м Евсто́ргием,/ благоизво́лила еси́ жи́тельствовати, Богому́драя,/ да ко и́стинней ве́ре того́ обрати́ши/ и спасе́ши ду́шу его́,/ е́же и потща́ся испо́лнити сын твой,/ му́дрыми бо словесы́ и благода́тию чудотворе́ний/ приведе́ ко Христу́ отца́ своего́/ и с ним мно́жество неве́рных/ вели́каго гра́да Никомиди́и.
И ны́не, Богоро́дичен.
Тропа́рь, глас 1:
Всера́достное дарова́ние от Бо́га/ святы́м жена́м – святы́я де́ти;/ всера́достное дая́ние и тебе́, свята́я Евву́ло, –/ святы́й великому́ченик Пантелеи́мон,/ ми́лости тезоимени́тый,/ неду́гующих цели́тель и наш засту́пник./ Сла́ва у́бо о вас Всеми́лостивому Влады́це,/ сла́ва Подаю́щему ва́ми цельбы́,/ сла́ва предста́тели на́ши вас Показа́вшему.
НА У́ТРЕНИ
По 1-м стихосло́вии Седа́лен, глас 4:
Святу́ю Евву́лу по до́лгу в пе́снех воспои́м,/ я́ко породи́ нам те́плаго засту́пника,/ страстоте́рпцев сла́ву и безме́зднаго врача́,/ гото́ваго на по́мощь всем, с ве́рою прибега́ющим.
Сла́ва, и ны́не, Богоро́дичен:
Исаа́ка рожде́ние от безча́дныя ма́тере поноше́ние отъя́т и возвели́чи ю сла́вою./ Ро́ждшееся от Тебе́ свя́то пе́рвейшую сла́ву принесе́ Тебе́, Богоро́дице:/ всяк земноро́дный да сла́вит Тя.
По 2-м стихосло́вии, седа́лен, глас 8:
Дне́сь све́тлое торжество́ в сла́вней па́мяти твое́й, ма́ти, соверша́юще,/ благогове́йно лику́ем ду́хом,/ яви́ся бо нам, блиста́я благода́тьми исцеле́ний,/ о́бщих сы́ну твоему́ и тебе́, о Евву́ло досточу́дная.
Сла́ва, и ны́не, Богоро́дичен:
От ю́ности кре́пок явля́яся, Сампсо́н/ сла́ва ма́тери свое́й бы́сть./ В ро́ждшемся от Тебе́, Де́во, Иису́се/ все исполне́ние е́сть Божества́ теле́сне./ Сла́внейшую у́бо всех святы́х, Тя велича́ем.
Велича́ние:
Велича́ем тя,/ свята́я пра́ведная Евву́ло,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Псало́м избра́нный: Терпя́, потерпе́х Го́спода, и внят ми:
По полиеле́и седа́лен, глас 4:
Пантелеи́мона сла́внаго ро́ждши/ и того́ во благоче́стии воспита́вши,/ преста́вилася еси́, ма́ти, от земли́ свесели́тися святы́м./ Те́мже ны́не преставле́ние твое́ любо́вию пра́зднуем,/ моли́ся о чту́щих тя.
Сла́ва, и ны́не, Богоро́дичен:
Самуилов о рожде́ние ма́тери свое́й сле́зы от о́чию отре́ и ра́дость принесе́,/ Ро́ждшийся от Тебе́ Госпо́дь всему́ ми́ру ра́дость сотвори́./ Пе́сньми у́бо Тя непреста́нно, Обра́дованная Де́во Ма́ти, велича́ем.
По 50-м псалме́ стихи́ра, глас 6:
Вели́кое человеколю́бие Свое́,/ е́же к земноро́дным и́мать Бог,/ на тебе́ показа́, Евву́ло пречестна́я,/ я́ко пра́ведну тя в жена́х/ и свя́ту яви́л е́сть,/ да со святы́м сыно́м твои́м/ лику́ющи в Небе́сных селе́ниих,/ мо́лишися о воспева́ющих тя/ и чту́щих святу́ю па́мять твою́.
Кано́н, глас 4.
Пе́снь 1
Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.
Чти́телие Пантелеи́мона сла́внаго,/ того́ святу́ю ма́терь пе́сньми почти́м,/ обои́х вку́пе велича́юще.
К злому́дрию идолослужи́телей не примеша́ющися, Богому́драя Евву́ло,/ Христа́ возлюби́ла еси́/ и Тому́ усе́рдно порабо́тала еси́.
И́стинное чадолю́бие к рожде́нному тобо́ю име́ющи,/ благоче́стием па́че, не́же млеко́м,/ того́ воспита́ла еси́, достоблаже́нная.
Богоро́дичен: Яви́лася еси́, Богороди́тельнице,/ вы́сшая Го́рних сил и всея́ тва́ри,/ возвы́сившая естество́ челове́ческое рождество́м Твои́м.
Пе́снь 3
Ирмо́с: Твоя́ песносло́вцы, Богоро́дице,/ живы́й и незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве,/ венце́в сла́вы сподо́би.
Твоя́ песносло́вцы, засту́пниче наш, лик себе́ совоку́пльше,/ воспева́ем дне́сь достоблаже́нную ма́терь твою́./ Моли́твами у́бо ва́шими духо́вно утверди́те ны.
Словеса́ свята́го Дави́да испо́лнишася на тебе́, пра́ведная Евву́ло:/ ты бо еси́ ма́терь,/ о святе́м ча́де свое́м веселя́щаяся в Небе́сных селе́ниих.
Я́ко иму́щий дерзнове́ние ко Го́споду, дво́ице свята́я,/ чту́щия вас свобожда́йте от бед и нужд/ и ве́чных мук изба́витися нам Того́ умоли́те.
Богоро́дичен: Благоле́пная ски́ние Божества́, Мари́е,/ первозда́нную ле́поту возврати́вшая нам Вопло́щщимся из Тебе́,/ неблаголе́пие души́ мое́й претвори́ во благоле́пие.
Седа́лен, глас 8:
Ми́лование име́ла еси́, честна́я ма́ти, ко и́скреннему,/ ве́ру же и́стинную и любо́вь, я́же к Бо́гу,/ сего́ ра́ди Бо́жия благода́ть в тебе́ предпочи́ла е́сть,/ ю́же испроси́ и нам, воспева́ющим тя.
Сла́ва, и ны́не, Богоро́дичен:
Богоро́дицу Тя испове́дуем, Влады́чице,/ Ро́ждшимся от Тебе́ спа́сшиися гре́шнии раби́,/ Бо́га бо непостижи́мо родила́ еси́,/ Кро́вию Свое́ю очища́ющаго нас от вся́каго греха́/ и в ра́йское весе́лие приводя́щаго.
Пе́снь 4
Ирмо́с: Седя́й в сла́ве на Престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спа́се зову́щия:/ сла́ва, Христе́, си́ле Твое́й.
Кто не похва́лит, о Евву́ло, благоче́стие твое́,/ ве́ру же и любо́вь ко Христу́ посреде́ идолослужи́телей,/ их же су́етная чти́лища презирала еси́.
Я́ко сын предо́брый, весели́ши ты, Пантелеи́моне, ублажаемую на́ми ма́терь твою́,/ ея́же почита́ние отно́сится и к тебе́,/ благотво́рное нам, обои́х вас восхваля́ющим.
Удиви́шася никомиди́йцы,/ возра́довашася Небожи́телие о му́ченическом боре́нии кра́снаго прозябе́ния твоего́, Евву́ло,/ его́же увенча́ Христо́с венце́м побе́ды.
Богоро́дичен: Неудо́бь соединя́емая в Себе́ соедини́вшая,/ е́же пре́жде рождества́, в рождестве́ и по рождестве́ де́вство,/ в де́встве утверди́ и в чистоте́ соблюди́ ны, Чи́стая Присноде́во.
Пе́снь 5
Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусому́жная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая.
И́стинную любо́вь име́ла еси́ к Бо́гу, Боголюби́вая ма́ти,/ за́поведи Его́ храня́:/ сей бо и́стинно лю́бит Бо́га, и́же за́поведи Его́ соблюда́ет.
Благода́тию спасе́ннии чрез ве́ру,/ благи́ми де́лы угожда́ти Бо́гови до́лжни есмы́,/ я́коже угоди́ Тому́ благолюби́вая Евву́ла.
Не оправди́тся пред Бо́гом всяк живы́й,/ ты же пра́ведна яви́лася еси́ пред Ним, приснопа́мятная./ Пра́ведную у́бо, тя пе́сньми почита́ем.
Богоро́дичен: Кра́сную, и избра́нную, и всечестну́ю разуме́в Тя,/ Сын Бо́жий Сын Твой бы́сть./ Сы́ны сотвори́ по благода́ти, чту́щия Тя, Богоневе́сто.
Пе́снь 6
Ирмо́с: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.
Блаже́нна в христиа́нских жена́х вои́стинну показа́лася еси́, Евву́ло,/ вели́каго Христо́ва страстоте́рпца ма́терь су́щи, прехва́льная.
Досто́йна еси́ почита́ема бы́ти, ма́ти всечестна́я,/ я́ко в Боже́ственных повеле́ниях поуча́лася еси́/ и сих при́сная храни́тельница была́ еси́.
Благочести́ва су́щи,/ и рожде́ннаго тобо́ю, Евву́ло, благоче́стию учи́ла еси́, глаго́лющи:/ Христо́с бу́ди тебе́, ча́до, Свет, Пу́ть, И́стина и Живо́т.
Богоро́дичен: Тя, Госпоже́, жи́зни на́шея/ предлага́ем Храни́тельницу и Засту́пницу Непобеди́мую:/ Помо́щница нам бу́ди, избавля́ющи от бед сла́вящих Тя.
Конда́к, глас 3:
Па́мять твоя́, Евву́ло,/ весели́т чту́щих тя,/ ма́терь сла́внаго Пантелеи́мона,/ с ни́мже Бо́жию Престо́лу предстоя́щи,/ моли́ся прегреше́ний оставле́ние да́ти нам.
И́кос:
Достоблаже́нную и святу́ю Еввулу во гла́се ра́дования ны́не ублажи́м./ Сия́ бо, благоче́стие, я́ко щит, иму́щи,/ и́дольскую пре́лесть и сопроти́внаго низложи́/ и по кончи́не свое́й пра́ведною душе́ю свое́ю на Небеса́ возлете́,/ иде́же с Пантелеи́моном Бо́жию Престо́лу предстоя́щи,/ мо́лится прегреше́ний оставле́ние да́ти нам.
Пе́снь 7
Ирмо́с: Не послужи́ша тва́ри Богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.
Не послужи́сте тва́ри, Богому́драя дво́ице, па́че Созда́вшаго,/ но преще́ние неве́рных и и́долы их попра́вше,/ с весе́лием взыва́ете:/ препе́тый отце́в Госпо́дь и Бог, благослове́н еси́.
Стре́лы огнено́сныя де́монов ты угаси́ла еси́, Евву́ло, огради́вшися ве́рою,/ смире́нием же твои́м низложи́ла еси́ го́рдаго зми́я, взыва́ющи:/ препе́тый отце́в Госпо́дь и Бог, благослове́н еси́.
Побе́дных по́честей, я́же прия́ Пантелеи́мон,/ о́бщница еси́, блаже́нная того́ ма́ти:/ тобо́ю бо пе́рвее наста́вленный,/ му́жески подвиза́ся за Христа́ Богому́дрый сын твой.
Богоро́дичен: Сбытие́ слове́с Твои́х, Влады́чице, испо́лнися:/ се бо ублажа́ют Тя вси ро́ди,/ ро́ждшую Спа́са ро́да челове́ческаго,/ Ему́же о Тебе́ пое́м:/ препе́тый отце́в Госпо́дь и Бог, благослове́н еси́.
Пе́снь 8
Ирмо́с: О́троки благочести́выя в пещи́/ Рождество́ Богоро́дичо спасло́ е́сть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.
Свети́льник нога́ма свои́ма иму́щи зако́н Госпо́день и свет стезя́м свои́м,/ воспи́товала еси́ в том сы́на своего́, пою́щи с ним:/ Го́спода по́йте, дела́, и превозноси́те Его́ во вся ве́ки.
Я́ко зве́зды, просия́ете све́тлостию благоче́стия, свята́я дво́ице,/ науча́юще в но́щи неве́рия су́щих пе́ти:/ Го́спода по́йте, дела́, и превозноси́те Его́ во вся ве́ки.
Зря́щи Пантелеи́мона, му́ченическим венце́м укра́шенна,/ на Небеси́, лику́еши, прехва́льная, и вопие́ши:/ сра́дуйтеся мне вси, пою́ще:/ Го́спода по́йте, дела́, и превозноси́те Его́ во вся ве́ки.
Богоро́дичен: Я́ко Небе́снаго Царя́ чисте́йший храм,/ Того́ моли́, Де́во, очи́стити души́ на́ша/ и хра́мы себе́ человеколю́бием Свои́м соде́лати, да пое́м:/ Го́спода по́йте, дела́, и превозноси́те Его́ во вся ве́ки.
Пе́снь 9
Ирмо́с: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная Богоро́дице,/ Чи́стая Присноде́во.
Ве́руя во Христа́ Бо́га и за́поведи Его́ усе́рдно храня́,/ благоугоди́ла еси́ Ему́, Боголюби́вая Евву́ло,/ моли́ у́бо Всеблага́го Влады́ку и нам благоуго́дным Ему́ бы́ти/ и спасти́ся душа́м на́шим.
И́же за́поведи Бо́жия сохраня́ет, того́ возлюби́ти обещава́ется Бог./ В за́поведех Его́ ходи́вшая, возлюблена еси́ Им, ма́ти,/ но моли́ся, да и мы возлю́бим Бо́га/ и возлю́блени бу́дем благоутро́бием Его́.
Чту́щую вас, честна́я дво́ице, оби́тель присеща́йте, блаже́ннии,/ предста́тельством ва́шим избавлявши от вся́ких лю́тых обстоя́ний,/ и грехо́м на́шим испроси́те проще́ние.
Богоро́дичен: А́да Победи́теля ро́ждшая,/ Того́ моли́, Влады́чице,/ да изба́вит вы, гре́шныя, от де́рзости лука́вых де́монов,/ страстьми́ нас борю́щих,/ и да огради́т ми́ром ду́ши на́ша.
Свети́лен:
Све́том Тро́ическим осиява́емая, яви́лася еси́, Евву́ло, я́ко свеща́,/ све́том Богоразу́мия светя́щая Никомиди́и./ Те́мже, светоно́сную твою́ па́мять чту́ще,/ похва́льными пе́сньми тя ублажа́ем.
Сла́ва, и ны́не, Богоро́дичен:
Две́ре Боже́ственная све́та,/ Безле́тный Свет ми́рови возсия́вшая,/ све́том благода́ти просвети́ ны/ и во све́те Того́ повеле́ний жи́тельствовати укрепи́,/ да похва́льными пе́сньми Тя, Богоро́дице, ублажа́ем.
На хвали́тех стихи́ры, глас 4:
Ми́лость Твоя́, Го́споди,/ в ро́ды родо́в боя́щимся Тебе́,/ и благогове́йной Евву́ле,/ бога́тую ми́лость яви́л еси́,/ дарова́в ей ми́лости тезоимени́таго сы́на,/ о ни́хже хва́лим препе́тое И́мя Твое́.
Де́йствуяй в нас, Всеще́дрый Бо́же,/ и е́же хоте́ти и е́же де́яти блага́я,/ и почита́емую на́ми блаже́нную дво́ицу,/ благочести́ву и свя́ту, яви́л еси́,/ о не́йже сла́вим препе́тое И́мя Твое́.
Ди́вен еси́ во святы́х Твои́х, Влады́ко,/ и во благоугоди́вших Тебе́, Еввуле и Пантелеи́моне,/ ди́вен показа́лся еси́,/ о ни́хже благослови́м препе́тое И́мя Твое́.
Сла́ва, глас 3:
Весели́ся, Никомиди́йский гра́де,/ я́ко из тебе́ прозябе́ плод благосла́вный – Евву́ла, пречестна́я и доброча́дная ма́терь,/ и от нея́ свято́е отроча́ – Пантелеи́мон Богому́дрый./ Всю бо хи́трость льсти́ваго велиа́ра попра́вше,/ он – му́ченическим боре́нием,/ она́ же – Боже́ственных за́поведей соблюде́нием,/ венцы́ побе́ды досто́йно прия́ша от Го́спода,/ к Нему́же мо́лятся о чту́щих святу́ю па́мять их.
И ны́не, Богоро́дичен.
Препод0бнагw nц7A нaшегw їwaнна, списaтелz лёствицы.
Стіхи6ры, глaсъ }.
Под0бенъ: Q преслaвнагw чудесE!
Џ§е їwaнне препод0бне, вhну вои1стинну б9іz въ гортaни возношє1ніz носи1лъ є3си2, поучazсz дётельнэйшымъ бGодохновє1ннымъ словесє1мъ, всемyдре, и3 tтyду и3стекaющею благодaтію њбогати1лсz є3си2, бhвъ блажeнъ, нечести1выхъ всёхъ совётwваніz низвращaz.
Џ§е їwaнне преслaвне, слeзъ и3стHчники дyшу њчи1стивъ, и3 всен0щными сто‰ніи бGа ўми1лостививъ, впери1лсz є3си2 къ люблeнію сегw2, блажeнне, и3 красотЁ: є3sже дост0йнw нhнэ наслаждaешисz, непрестaннw рaдуzсz, со страдaльцы твои1ми, бGомyдре препод0бне.
Џ§е їwaнне препод0бне, впери1въ ќмъ къ бGу вёрою, мірскaгw смэшeніz њмерзи1лъ є3си2 нестоsнное: и3 кrтъ тв0й воспріи1мъ, всеви1дцу послёдовалъ є3си2, тёло неwбуздaнное, п0двигами п0стничества, п0мыслу пораб0тивъ, си1лою бжcтвеннагw д¦а.
Ѓще случи1тсz суббHта и3ли2 недёлz, поeтсz самоглaсенъ.
Слaва, глaсъ ѕ7:
Препод0бне џ§е, во всю2 зeмлю и3зhде вэщaніе и3справлeній твои1хъ. Тёмъ на нб7сёхъ њбрёлъ є3си2 мздY трудHвъ твои1хъ, дeмwнскіz погуби1лъ є3си2 полки2, и3 ѓгGльскіz дости1глъ є3си2 чи1ны, и4хже житію2 непор0чнw поревновaлъ є3си2. Дерзновeніе и3мёz ко хrтY бGу, ми1ръ и3спроси2 душaмъ нaшымъ.
Ѓще п0стенъ дeнь, поeтсz по стіхи1рахъ:
Слaва, и3 нhнэ, бGор0диченъ:
Дёвства сосyдъ, и3 чи1стое б9іе и3 крaсное жили1ще, молю1 тz всечестн0е: дyшу мою2 ўтёши, њѕл0бленную ћдомъ ѕміи1нымъ, и3 ўмерщвлeнную преступлeньми: ћкw да слaвлю тS, вBрныz вс‰ возвели1чившую, бGорaдованнаz.
КrтобGор0диченъ.
Под0бенъ: Q преслaвнагw чудесE!
Что2 зри1мое видёніе, є4же мои1ма nчи1ма ви1дитсz, q вLко! Содержaй всю2 твaрь, на дрeво воздви1женъ бhвъ, и3 ўмирaеши, всBмъ даsй жи1знь, бцdа плaчущисz глаг0лаше, є3гдA ўзрЁ на кrтЁ возноси1ма, и4же и3зъ неS неизречeннw возсіsвшаго, бGа и3 чlвёка.
На стіх0внэ, Слaва, глaсъ }. Самоглaсенъ:
Монaхwвъ мн0жества настaвника тS почитaемъ, џ§е нaшъ їwaнне: твоeю бо стезeю вои1стинну прaвw ходи1ти познaхомъ. Блажeнъ є3си2 хrтY раб0тавъ, и3 врaжію њбличи1лъ є3си2 си1лу, ѓгGлwвъ собесёдниче, препод0бныхъ сопричaстниче и3 прaведныхъ: съ ни1миже моли1сz гDеви, поми1ловатисz душaмъ нaшымъ.
Тропaрь, глaсъ }:
Слeзъ твои1хъ течeньми пустhни безпл0дное воздёлалъ є3си2, и3 и5же и3зъ глубины2 воздыхaньми во сто2 трудHвъ ўплодоноси1лъ є3си2, и3 бhлъ є3си2 свэти1льникъ вселeннэй, сіsz чудесы2, їwaнне џ§е нaшъ: моли2 хrтA бGа, спасти1сz душaмъ нaшымъ.
КанHнъ, творeніе їгнaтіево. Глaсъ }.
Пёснь №.
Їрм0съ: В0ду прошeдъ, ћкw сyшу, и3 є3гЂпетскагw ѕлA и3збэжaвъ, ї}льтzнинъ вопіsше: и3збaвителю и3 бGу нaшему пои1мъ.
Во свётъ невещeственный и3 ќмный, t сётованіz вещeственныхъ востeкъ, їwaнне препод0бне, моли1твами твои1ми, сyщими ко гDу, просвэти1 мz.
Ћкw воздержaніz слaдость ссaвъ, tри1нулъ є3си2 г0ресть страстeй: тёмже пaче мeда и3 с0та ўслаждaеши џ§е, ч{вства н†ша.
Возшeдъ на высотY добродётелей, и3 долэрeвнwстныz поплевaвъ сл†сти, слaдость kви1лсz є3си2 спасeніz, препод0бне џ§е, пaствэ твоeй.
БGор0диченъ: Премyдрость и3 сл0во џ§ее несказaннw р0ждшаz, души2 моеS лю1тую ўврачyй ћзву, и3 сeрдца болёзнь ўкроти2.
Пёснь G.
Їрм0съ: Ты2 є3си2 ўтверждeніе притекaющихъ къ тебЁ, гDи, ты2 є3си2 свётъ њмрачeнныхъ, и3 поeтъ тS дyхъ м0й.
Попали1лъ є3си2 ќгліемъ пощeніz, препод0бне, страстeй тeрніе, и3 грёеши монaшествующихъ состо‰ніz.
МЂро њсвzщeніz, t п0стническихъ, препод0бне, ґрwм†тъ вeсь сложи1лсz є3си2, въ воню2 благоухaніz б9іz.
Въ зак0нэхъ њбучeніz поучazсz, стр†сти погрузи1лъ є3си2, ћкоже и3ны6z нhнэ фараwни1ты, течeніемъ слeзъ твои1хъ.
БGор0диченъ: Ўстaви моE нестоsнное помыслHвъ, чcтаz, смущeніе, м™и б9іz, къ сн7у твоемY направлsющи движeніе.
Кондaкъ, глaсъ №.
Под0бенъ: Ли1къ ѓгGльскій:
Плоды2 присноцвэтyщыz, t твоеS кни1ги приносS ўчeніz, премyдре, ўслаждaеши сердцA, си6мъ съ трезвёніемъ внeмлющихъ, блажeнне: лёствица бо є4сть, дyшы возводsщаz t земли2 къ нбcнэй и3 пребывaющей слaвэ, вёрою чтyщихъ тS.
Тaже сэдaленъ, глaсъ }.
Под0бенъ: Премyдрости:
Видёніемъ и3 дэsніемъ преестeственнэ просіsвъ, њблистaеши ўчeньми: зак0ны нaмъ положи1лъ є3си2 бGом{дрыz, блажeнне, добродётелей добр0ты степє1ни постaвль, и3 ѕл0бы лє1сти показaвъ и3 ловлє1ніz. Toнyдуже возв0диши, твои6мъ послёдующыz б9eствєннымъ ўчeніємъ, t страстeй къ безстрaстію, їwaнне равноaгGльне: моли2 хrтA бGа, прегрэшeній њставлeніе подaти чтyщымъ люб0вію свzтyю пaмzть твою2.
Слaва, и3 нhнэ, бGор0диченъ:
Ћкw дв7у и3 є3ди1ну въ женaхъ, тS безъ сёмене р0ждшую бGа пл0тію, вси2 ўблажaемъ р0ди человёчестіи: џгнь бо всели1сz въ тS бжcтвA, и3 ћкw младeнца дои1ши зижди1телz и3 гDа. Тёмъ ѓгGльскій и3 человёческій р0дъ, дост0йнw слaвимъ пресвzт0е рождество2 твоE, и3 соглaснw вопіeмъ ти2: моли2 хrтA бGа, согрэшeній њставлeніе даровaти покланsющымсz вёрою прес™0му рождествY твоемY.
КrтобGор0диченъ: Ѓгнца и3 пaстырz, и3 и3збaвителz, ѓгница зрsщи на кrтЁ, восклицaше плaчущи, и3 г0рькw рыдaющи, вопіsше: мjръ ќбw рaдуетсz, пріeмлzй тоб0ю и3збавлeніе, ўтр0ба же моS гори1тъ, зрsщи твоE распsтіе, є4же терпи1ши за милосeрдіе ми1лости. Долготерпэли1ве гDи, ми1лости бeздно, и3 и3ст0чниче неисчерпaемый, ўмилосeрдисz, и3 дaруй согрэшeній њставлeніе вёрою пою1щымъ бжcтвєнныz стр†сти тво‰.
Пёснь д7.
Їрм0съ: Ўслhшахъ, гDи, смотрeніz твоегw2 тaинство, разумёхъ дэлA тво‰, и3 прослaвихъ твоE бжcтво2.
Ћкw цвётникъ благов0ннэйшій, и3 добродётелей рaй њдушевлeнный, воздержaніе процвёлъ є3си2, и4мже вс‰ питaеши чтyщыz тS.
Законоположи1телz њбучeніz, и3 монaхwвъ прaвило кротчaйшее, ћкw мwmсeа тS и3 дв7да и4стиннw стzжaвше, џ§е, ўблажaемъ.
Насаждeнъ на водaхъ воздержaніz, kви1лсz є3си2, блажeнне, розгA, џ§е, благоцвётнэйшаz, благочeстіz гр0зды произносsщаz.
БGор0диченъ: Подъ лётомъ бhвша, t nц7A безлётнw возсіsвша, бGомaти, нaмъ родилA є3си2, є3г0же моли2, спасти2 пою1щыz тS.
Пёснь є7.
Їрм0съ: Вскyю мS tри1нулъ є3си2 t лицA твоегw2, свёте незаходи1мый, и3 покрhла мS є4сть чуждaz тмA nкаsннаго, но њбрати1 мz, и3 къ свёту зaповэдей твои1хъ, пути6 мо‰ напрaви, молю1сz.
Погаси1въ вс‰ стр†сти рос0ю подвигHвъ твои1хъ, џ§е блажeнне, nби1льнw вжeгъ nгнeмъ любвE и3 вёры воздержaніz свэти1льникъ, и3 просвэщeніе безстрaстіz, и3 днE сhнъ бhлъ є3си2.
Вёры гр0здъ, бжcтвеннымъ земледёланіемъ твои1мъ, џ§е, воспитaлъ є3си2, и3 въ точи6ла вложи1лъ є3си2, и3 и3згнeлъ є3си2 труды6 њбучeніz, и3 чaшу и3сп0лнивъ д¦0вную воздержaніz, весели1ши сердцA пaствы твоеS.
Претерпёвъ д0блественнw прил0ги и3 ћзвы неви1димыхъ врагHвъ, kви1лсz є3си2 ст0лпъ терпёніz, ўтверждaz пaству твою2 пaлицею бжcтвенною, на пaжитехъ воздержaніz, и3 на водЁ воспитовaz, блажeнне.
БGор0диченъ: Рёчємъ твои1хъ ўстeнъ, всечcтаz, послёдующе, тS ўблажaемъ: съ тоб0ю бо вои1стинну вели6чіz сотвори1вый гDь возвели1чи тS, и3 и4стинную б9ію м™рь, рождeйсz и3зъ чрeва твоегw2 показA.
Пёснь ѕ7.
Їрм0съ: Њчи1сти мS, сп7се, мнHга бо беззакHніz мо‰, и3 и3зъ глубины2 ѕHлъ возведи2, молю1сz: къ тебё бо возопи1хъ, и3 ўслhши мS, б9е спасeніz моегw2.
Собрaлъ є3си2 въ души2 бжcтвенное богaтство д¦а, непор0чную моли1тву, чистотY, чeстность, бдёніе всегдaшнее, воздержaніz труды2, и4миже д0мъ познaлсz є3си2 б9ій.
ВеществA д0льнzгw, премyдре, претeклъ є3си2 хyдость, невещeственною же моли1твою ќмъ впери1въ, и3 вhшнzгw ўпокоeніz kви1лсz є3си2 наслёдникъ совершeнствомъ житіS.
П0тами п0стническими ќгліе стрёлъ врaжіихъ ўгаси1лъ є3си2 вои1стинну, и3 џгнь вёры вжeгъ, попали1лъ є3си2 невёріz є3ресeй шат†ніz.
БGор0диченъ: ВозсіS t сіHна вhшнzгw бlголёпіе, предложeніемъ пл0ти по соединeнію неизречeнному, и3зъ тебє2, неискусобрaчнаz, њбложeнное, и3 мjръ просвэти2.
Кондaкъ, глaсъ д7:
Под0бенъ: Kви1лсz є3си2:
На высотЁ гDь воздержaніz и4стинна тS положи2, ћкоже ѕвэздY нелeстную, свэтоводsщую концы2, настaвниче їwaнне, џ§е нaшъ.
Јкосъ: Д0мъ б9ій ћкw вои1стинну тебE самаго2 содёлалъ є3си2, џ§е, б9eственными твои1ми добродётельми, ћвэ ўкраси1въ, ћкw злaто свётлое, вёру, надeжду и3 люб0вь и4стинную, б9eствєнныz зак0ны и3злагaz, воздержaніемъ њбучи1всz ћкw безпл0тенъ, рaзумъ, мyжество, цэломyдріе стzжaвъ, смирeніе, и4мже возвhсилсz є3си2. Тёмже и3 просвэти1всz моли1твами непрестaнными, видBніи тaйными впери1лсz є3си2, и3 нбcныz пріsлъ є3си2 селє1ніz, настaвниче їwaнне, џ§е нaшъ.
Пёснь з7.
Їрм0съ: T їудeи дошeдше, џтроцы въ вавmлHнэ и3ногдA вёрою трbческою плaмень пeщный попрaша, пою1ще: nтцє1въ б9е, бlгословeнъ є3си2.
На ѕлaцэ вhшнzгw цrтвіz стaдо, џ§е, воспитaлъ є3си2, и3 жезл0мъ догмaтwвъ ѕвёри tгнaвъ є3ресeй, воспёлъ є3си2: nтє1цъ нaшихъ б9е, бlгословeнъ є3си2.
Въ г0рній вшeлъ є3си2 невёстническій черт0гъ цrтва хrт0ва, nдeждею њблечeнъ дост0йною звaвшагw, въ нeмже и3 возлeглъ є3си2, вопіS: nтє1цъ нaшихъ б9е, бlгословeнъ є3си2.
Невлaжнаz грэхми2 рэкA kви1лсz є3си2 воздержaніz, џ§е, п0мыслы потоплsz, и3 сквeрну њчищaz вопію1щихъ вёрою: nтє1цъ нaшихъ б9е, бlгословeнъ є3си2.
БGор0диченъ: И#зъ чрeва твоегw2 пр0йде воплоти1выйсz, дв7о, всёхъ гDь. Тёмже тS бцdу мyдрствующе правослaвнw, сн7у твоемY зовeмъ: nтє1цъ нaшихъ б9е, бlгословeнъ є3си2.
Пёснь }.
Їрм0съ: ЦRS нб7снаго, є3г0же пою1тъ вHи ѓгGльстіи, хвали1те и3 превозноси1те во вс‰ вёки.
Ст0лпъ тS њдушевлeнный ћкw вои1стинну, и3 џбразъ воздержaніz, џ§е, стzжaвше, вси2 твою2 пaмzть почитaемъ, їwaнне.
Мн0жество рaдуетсz монaхwвъ, и3 ликyетъ препод0бныхъ соб0ръ и3 прaведныхъ: вэнeцъ бо дост0йнw съ си1ми пріsлъ є3си2.
Ўкрaшенъ добродётельми, въ невёстникъ неизречeнныz слaвы возшeлъ є3си2, пёснь воспэвaz хrтY во вёки.
БGор0диченъ: П0мощи, ћже t тебє2, трeбующыz не прeзри, дв7о, пою1щыz и3 превозносsщыz тS во вёки.
Пёснь f7.
Їрм0съ: Чи1стую слaвнw почти1мъ, лю1діе, бцdу, џгнь б9ествA пріи1мшую во чрeвэ неwпaльнw, пёсньми величaемъ.
Врaчь болsщихъ въ прегрэшeніихъ, t бGа, бlжeнне, губи1тель же kви1лсz є3си2 и3 прогони1тель лукaвыхъ духHвъ: тёмже тS ўблажaемъ.
Зeмлю, ћкоже тли2 жили1ще, њстaвилъ є3си2, џ§е, и3 въ земли2 всели1лсz є3си2 кр0ткихъ, и3 съ ни1ми весели1шисz, бжcтвенныz наслаждazсz слaдости.
Днeсь дeнь прaзднственный, вс‰ бо созывaетъ монaшествующихъ стадA въ ли1къ дух0вный трапeзу и3 снёдь нетлённыz жи1зни.
БGор0диченъ: Въ тебЁ всели1всz, всенепор0чнаz, прeжде родоначaльники ѕлонрaвнаго прельсти1вшаго человэкоубjйцу низложи1вый, роди1сz, и3 вс‰ ны2 спасE.
Свэти1ленъ.
Под0бенъ: Жєны2 ўслhшите:
Мjра пристрaстіz ћкw t сквeрны ўклони1лсz є3си2, и3 ѓлчбою пл0ть ўвzди1въ, њбнови1лъ є3си2 души2 крёпость, препод0бне, и3 слaвою њбогати1лсz є3си2 нбcною, приснопaмzтне: тёмже не престaй молsсz њ нaсъ, їwaнне.
БGор0диченъ: ГDьственнw бцdу тS и3сповёдуемъ, вLчце, тоб0ю спaсшіисz: и4бо бGа неизречeннw родилA є3си2, раз0ршаго крест0мъ смeрть, къ себё же привлeкшаго препод0бныхъ соб0ры. Съ ни1миже тS восхвалsемъ, дв7о.
