Мінея Місячна,  Березень

Вересень * Жовтень * Листопад * Грудень * Січень * Лютий * Березень * Квітень * Травень * Червень * Липень * Серпень * Богородичний додаток

Березень

← В 27-й день В 29-й день →

День 12345678910111213141516171819202122232425262728293031

В 28-й день

ТранслітераціяЦерковнослов’янськаУкраїнська

Преподо́бнаго отца́ на́шего Иларио́на Но́ваго и свята́го Стефа́на чудотво́рца

Стихи́ры, глас 4.

Подо́бен: Дал еси́ зна́мение:

Житие́ нескве́рно,/ терпе́ние, и кро́тость,/ и любо́вь нелицеме́рну,/ воздержа́ние безме́рно,/ всено́щное стоя́ние,/ умиле́ние Боже́ственно,/ ве́ру, наде́жду и́стинну в сострада́нии, о́тче, стяжа́в,/ я́ко А́нгел пожи́л еси́ на земли́ с пло́тию,/ Иларио́не блаже́нне,/ моли́твенниче о душа́х на́ших.

Земны́й А́нгел/ и Небе́сный челове́к был еси́, преподо́бне,/ исто́чник умиле́ния,/ сострада́ния струя́,/ пучи́на чуде́с,/ гре́шных пору́чник,/ ма́слина вои́стинну Бо́жия плодови́та,/ еле́ем трудо́в твои́х умаща́я ли́ца,/ Иларио́не чу́дне,/ ве́рно восхваля́ющих тя.

Ум твой, просвеща́емь/ Боже́ственными ра́зумы,/ теле́сных, страсте́й превы́ше бы́сть,/ неприме́тен земны́м,/ нося́ начерта́ние/ и изобража́я в себе́ Боже́ственную добро́ту,/ и познава́емь ве́сь Богови́днейший/ соде́йством Ду́ха,/ Иларио́не о́тче наш,/ мона́шествующих украше́ние.

И́ны стихи́ры свята́го Стефа́на, глас то́йже.

Подо́бен: Я́ко до́бля:

Мона́х и́стиннейший,/ звезда́ светле́йшая/ и исто́чник быв умиле́ния,/ любве́ яви́лся еси́ испо́лнен/ и кро́ток, и тих,/ сострада́телен и смире́н,/ беззло́бив, непоро́чен, о́тче Стефа́не./ Сего́ ра́ди Христо́с тя/ преподо́бных поставля́ет стадо́м па́стыря,/ чудоде́йствии почита́ема.

Бде́ние всено́щное/ и воздержа́ние неизрече́нно,/ моли́тву нему́тну,/ житие́ Боже́ственно,/ ве́ру, наде́жду и́скреннюю,/ правосла́вну му́дрость,/ чу́дно пребыва́ние/ и велича́йшее сострада́ние, о́тче, име́л еси́,/ и у́мер, и пре́жде конца́ облиста́в во зна́мениих пресла́вных./ Те́мже тя почита́ем, преподо́бне Стефа́не.

Я́ко звезду́ многосве́тлу,/ и я́ко со́лнце незаходи́мо,/ и я́ко не́бо одушевле́нное,/ Боже́ственными чудесы́, я́ко звезда́ми, укра́шено,/ и я́ко цве́тник благово́нный, и рай сла́дости,/ я́ко исто́чник свяще́ния,/ я́ко превели́ка врача́ немощству́ющих,/ я́ко па́стыря и до́браго на́шего предста́теля,/ восхваля́ем тя, Стефа́не.

Сла́ва, и ны́не, Богоро́дичен, глас и подо́бен то́йже:

Ту́чами Ду́ха Пресвята́го, Пречи́стая,/ мою́ мы́сль ороси́,/ Я́же ка́плю ро́ждшая, Христа́,/ неизче́тно безме́рная беззако́ния челове́ков/ щедро́тами измы́вшую,/ изсуши́ исто́чник страсте́й мои́х/ и пото́ка мя сподо́би/ пи́щи живы́я при́сно/ моли́твами Твои́ми.

Крестобогоро́дичен. Подо́бен то́йже:

На Кресте́ Тя я́ко узре́/ пригвожде́на, Го́споди,/ А́гница и Ма́ти Твоя́ дивля́шеся,/ и – что виде́ние сие́, – взыва́ше, – Сы́не вожделе́нне?/ Сия́ Ти неве́рный собо́р воздаде́ беззако́нный,/ мно́гих Твои́х чуде́с наслади́выйся./ Но сла́ва неизглаго́ланному/ соше́ствию Твоему́, Влады́ко.

Кано́н преподо́бнаго Иларио́на, его́же краегране́сие: Твоя́ ти́хия восхвалю́, о́тче, нра́вы. Творе́ние Ио́сифа. Глас 2.

Пе́снь 1

Ирмо́с: Во глубине́ постла́ иногда́/ фараони́тское всево́инство преоруже́нная си́ла,/ вопло́щшееся же Сло́во всезло́бный грех потреби́ло е́сть,/ препросла́вленный Госпо́дь, сла́вно бо просла́вися.

Сострада́телен, и кро́ток быв, о́тче,/ и цел, и тих я́ко вои́стинну ду́хом,/ сострада́ния Боже́ственнаго мя хода́тайством твои́м, Иларио́не, сподо́би,/ я́ко да воспою́ тя ны́не, в тишине́ се́рдца моего́.

Очи́стився, о́тче, от де́тства и взем крест твой, Го́сподеви после́довал еси́,/ стра́сти теле́сныя воздержа́нием же и ча́стыми моли́твами увяди́л еси́/ и безстра́стием украша́яся.

Восприе́м ты Госпо́дне и́го ле́гкое,/ и, Того́ послу́шая оправда́ний, Иларио́не преподо́бне,/ тяжча́йшее грехо́вное отве́ргл еси́, всему́дре, бре́мя, святы́ню пристяжа́в.

Богоро́дичен: Мои́х прегреше́ний плени́цы, Влады́чице, расто́ргни,/ Твоего́ Сы́на и Бо́га моля́щи,/ и му́чащий мя, Присноде́во, грех низложи́,/ я́ко да восхвалю́ Тя при́сно, Всенепоро́чная, спаса́емь.

Ин кано́н, свята́го Стефа́на, его́же краегране́сие: Твоя́ честву́ю, всеблаже́нне, Боже́ственныя труды́. Творе́ние кир Ио́сифа. Глас 1.

Пе́снь 1

Ирмо́с: Пе́снь побе́дную пои́м вси Бо́гу,/ сотво́ршему ди́вная чудеса́ мы́шцею высо́кою/ и спа́сшему Изра́иля,/ я́ко просла́вися.

Боже́ственную па́мять твою́, Богому́дре о́тче, ве́рно пра́зднующе,/ всех Го́спода при́сно сла́вим,/ тя просла́вльшаго мно́гими, Стефа́не, чудесы́.

Ум твой, манове́нии Боже́ственными, всему́дре, обожа́емь,/ всеконе́чно отврати́ся от страсте́й пло́ти/ и а́нгела тя на земли́ показа́, Стефа́не.

Подъя́л еси́ по́стничества боле́зни, о́тче,/ и стра́сти умертви́л еси́ пло́ти неудобоудержа́нныя,/ и в безстра́стие, я́ко во оде́жду све́тлу, я́ве оде́ялся еси́.

Распе́н у́ды твоя́ воздержа́нием,/ Христу́, о́тче, пожи́л еси́, Кресто́м сме́рть погу́бльшему/ и исцеле́ний оби́льною благода́тию обогати́вшему тя.

Богоро́дичен: Зачала́ еси́, Пречи́стая, неизрече́нным сло́вом/ вся содержа́щаго земны́я концы́ и Сего́ родила́ еси́,/ Его́же моли́ приле́жно поми́ловати ны.

Пе́снь 3

Ирмо́с: Процвела́ е́сть пусты́ня, я́ко крин, Го́споди,/ язы́ческая неплодя́щая, Це́рковь/ прише́ствием Твои́м,/ в не́йже утверди́ся мое́ се́рдце.

Житие́ твое́, я́ко со́лнце, возсия́, преподо́бне, све́тлыми дея́нии,/ мона́шествующих ли́ки просвети́/ и де́монскую тьму́ отгна́.

Был еси́ тиша́йш се́рдцем, преподо́бне, и смире́н ду́хом,/ и любве́ Боже́ственныя испо́лнен,/ благоприве́тлив обы́чай име́яй всегда́.

Ка́плями твои́х слез угаси́л еси́ у́гли грехо́вныя, то́чиши же, я́ко пре́жде конца́/ и по конце́, му́дре, исцеле́ний пучи́ну притека́ющим.

Богоро́дичен: Исцели́ я́звы души́ моея́, Влады́чице,/ и ума́ испра́ви движе́ния/ к во́лям из Тебе́ вопло́щшагося Сло́ва, молю́ся.

Ин

Ирмо́с: Да утверди́тся се́рдце мое́ в во́ли Твое́й, Христе́ Бо́же,/ И́же над вода́ми не́бо утвержде́й второ́е/ и основа́вый на вода́х зе́млю, Всеси́льне.

Де́лы честны́ми и исправле́нии доброде́тельными, о́тче, просия́л еси́,/ я́коже звезда́ всесве́тлая, мона́шествующих собо́ру/ и просвети́л еси́ чуде́сными сия́нии подсо́лнечную.

Си́лою благода́ти Ду́ха враги́ безпло́тныя низложи́л еси́,/ и возне́слся еси́ благосла́вно смире́нною му́дростию,/ и чуде́с самоде́латель, о́тче му́дре, был еси́.

Ерети́чествующих, о́тче, уста́ и́стины сло́вом загради́л еси́/ и, гоне́ния претерпе́в, вене́ц Боже́ственный восприя́л еси́,/ кроме́ я́звы быв, му́дре, му́ченик изря́днейш.

Богоро́дичен: Да Бог Челове́к бу́дет, Бог бы́сть Челове́к,/ из Тебе́, Еди́ныя Чи́стыя, нача́ло прие́м Безнача́льный./ Сего́ ра́ди Тя, Де́во, ве́рнии, ублажа́ем.

Седа́лен, глас 4.

Подо́бен: Ско́ро предвари́:

Бо́гу освяти́л еси́ твою́, всеблаже́нне, жи́знь,/ быв изря́днейш священноде́тель, и́стинно Христо́в, свяще́ннейше./ Те́мже, по мно́гих и по́тех, и боле́знех ра́дуяся,/ к невеще́ственным преста́вился еси́ ски́нием/ и ны́не источа́еши нам струи́ врачева́ний.

Сла́ва, седа́лен, глас 1.

Подо́бен: Гроб Твой:

Я́ко со́лнце, све́тло возсия́вши, о́тче, па́мять твоя́,/ ве́рных сердца́ просвеща́ет, стра́сти отгоня́ющи и тьмы́ изъе́млющи./ Ю́же ве́рою чи́стою соверша́ющия покры́й,/ сохрани́ от искуше́ний жите́йских нас, о́тче Стефа́не.

И ны́не, Богоро́дичен:

Безневе́стная Чи́стая Богоро́дице Де́во,/ Еди́на ве́рных Предста́тельнице и покро́ве,/ бед, и скорбе́й, и лю́тых обстоя́ний вся изба́ви,/ на Тя упова́ние, Отрокови́це, иму́щия,/ и ду́ши на́ша спаси́ Боже́ственными моли́твами Твои́ми.

Крестобогоро́дичен:

Зря́щи Тя, Христе́, Всенепоро́чная Ма́ти, ме́ртва на Кресте́ просте́рта, вопия́ше:/ Сы́не Мой, Собезнача́льне Отцу́ и Ду́ху, что неизрече́нное Твое́ сие́ строе́ние?/ И́мже спасл еси́ пречи́стых рук Твои́х, Ще́дре, созда́ние.

Пе́снь 4

Ирмо́с: Прише́л еси́ от Де́вы не хода́тай, ни А́нгел,/ но Сам, Го́споди, вопло́щся,/ и спасл еси́ всего́ мя, челове́ка./ Тем зову́ Ти: сла́ва си́ле Твое́й, Го́споди.

Очи́стив твое́ се́рдце,/ честны́ми восхожде́ньми ум впери́л еси́ Еди́наго Бо́га зре́ти добро́ту недомы́сленную/ и отону́дными светлостьми́ озаря́тися.

Сказа́ние слове́с Боже́ственных творя́,/ ра́зум Боже́ственный, о́тче, отту́ду поче́рпл еси́,/ всем же преда́л еси́ благоче́стно, Иларио́не, к тебе́ притека́ющим.

Глаго́л твои́х сла́достию сердца́ ути́ши притека́ющих к тебе́,/ творя́ бо я́же учи́л еси́ сло́вом благоприя́тным,/ в сострада́нии любо́вь име́л еси́, преподо́бне.

Богоро́дичен: Госпо́дь Тя Госпожу́ и Влады́чицу всех соде́ла, Пречи́стая:/ из Твои́х бо ложе́сн воплоти́ся,/ от о́бласти вра́жия Свое́ созда́ние изба́вив.

Ин

Ирмо́с: Ду́хом прови́дя, проро́че Авваку́ме, Словесе́ воплоще́ние,/ пропове́дал еси́, вопия́:/ внегда́ прибли́житися ле́том, позна́ешися,/ внегда́ приити́ вре́мени, пока́жешися./ Сла́ва си́ле Твое́й, Го́споди.

Ка́плями свяще́нных твои́х слез напои́вся,/ дре́во яви́лся еси́, Стефа́не, плодови́то, му́дре,/ плоды́ принося́ доброде́телей благово́нныя, и чудеса́ безчи́сленна источа́еши./ Те́мже благоче́стно тя почита́ем.

Я́ко Боже́ственный зри́тся рай, му́дре, храм,/ име́я твои́х моще́й ра́ку, цве́ты разли́чныя принося́ чуде́с,/ и́миже сердца́ наслажда́ются ве́рою, Стефа́не,/ при́сно хва́лящих тя.

Слепы́я разреша́еши и уставля́еши лю́тыя челове́ков неду́ги в сла́ву Христо́ву,/ от Него́же, благода́тию трудо́в обогати́вся, возвели́чился еси́,/ просвети́лся еси́ и просла́вился еси́,/ сла́во мона́шествующих, о́тче наш.

Богоро́дичен: Свята́я Богоро́дице, освяти́ ны,/ Я́же Пресвята́го ро́ждши пло́тию, уподо́битися восхоте́вша челове́ком,/ и Небе́снаго жи́тельства вся покажи́, Пречи́стая, прича́стники моли́твами Твои́ми.

Пе́снь 5

Ирмо́с: Хода́тай Бо́гу и челове́ком был еси́, Христе́ Бо́же:/ Тобо́ю бо, Влады́ко, к Светонача́льнику, Отцу́ Твоему́,/ от но́щи неве́дения/ приведе́ние и́мамы.

Истка́л еси́ себе́ спасе́ния, преподо́бне, ри́зу/ от сво́йственных боле́зней твои́х,/ се́ю оде́явся, и кня́зя тьмы́ в студ ве́чный обле́кл еси́.

Пло́ти сла́сти воздержа́нием, преподо́бне, увяди́л еси́/ и благода́ть Небе́сную, о́тче, восприя́л еси́, Иларио́не,/ врачева́ти вся́кия челове́ков неду́ги.

Твои́ к Бо́гу непреста́нно ру́це воздева́еме/ руки́ льсти́ваго, о́тче, благочести́выя изба́виша/ и вся́кому боля́щему здра́вие пода́ша.

Богоро́дичен: Кре́пость ве́рных и преподо́бных была́ еси́ держа́ва,/ Тобо́ю бо, Чи́стая, всем истеко́ша лу́чшая/ и на земли́ живу́щии к Небеси́ восхо́дят.

Ин

Ирмо́с: Твой мир да́ждь нам, Сы́не Бо́жий:/ ино́го бо, ра́зве Тебе́, бо́га не зна́ем,/ и́мя Твое́ имену́ем,/ я́ко Бог живы́х и ме́ртвых еси́.

Миродохнове́нен быв Боже́ственными доброде́тельми,/ источи́л еси́, му́дре, по успе́нии ми́ро благово́нное,/ удивля́емь ве́рными челове́ки, любо́вию честву́ющими тя.

Велича́йшими показа́нии чуде́с стра́шных, Стефа́не всему́дре, просия́л еси́/ и пре́жде сме́рти, досточу́дне, и по изше́ствии,/ и свяще́нном твое́м погребе́нии.

Свя́то соверши́в твое́ житие́ о Христе́, Стефа́не Богому́дре, о́тче наш,/ со святы́ми всели́лся еси́/ и ны́не освяща́еши ве́рою честву́ющия тя.

Богоро́дичен: Ро́ждши, Пренепоро́чная, Бо́га Емману́ила,/ Челове́ка я́ве за милосе́рдие бы́вша,/ Сего́ моли́ я́ко Человеколю́бца, Чи́стая, уще́дрити согре́шшия.

Пе́снь 6

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.

Умертви́вся, Иларио́не, ми́ру всему́,/ ны́не живе́ши, преста́вився в Небе́сныя хра́мы/ и живоно́сное всегда́ исцеле́ний источа́еши де́йство.

Благозва́нен, кро́ток, незло́бив, непоро́чен,/ и преподо́бен, и благоумиле́н, и тих ду́хом/ был еси́, о́тче пребога́те.

Сострада́нием безме́рным украша́емь/ и нищелю́бия добро́тою честву́емь,/ Бо́жий уго́дник бли́жний, Иларио́не, показа́лся еси́, всеизря́дне.

Я́ко че́стно твое́ житие́ и непоро́чно,/ я́ко предо́бр и красе́н нрав твой,/ я́ко стра́шна чуде́са, я́же соверша́еши всегда́, всечу́дне.

Богоро́дичен: Черто́г Бо́жий нескве́рный,/ престо́л огнеобра́зный Вседержи́теля,/ Богоро́дицу, вси ро́ди родо́в, ублажа́ем.

Ин

Ирмо́с: Проро́ка Ио́ну подража́я, вопию́:/ живо́т мой, Бла́же, свободи́ из тли/ и спаси́ мя, Спа́се ми́ра, зову́ща: сла́ва Тебе́.

Исправля́еши, о́тче, хромы́я, вооча́еши слепы́я,/ ходи́ти же твори́ши разсла́бленныя, о Христе́,/ и отгоня́еши лука́выя ду́хи, Стефа́не преподо́бне.

Струя́ истека́ет при́сно, я́ко от исто́чника чи́ста,/ от честны́я твоея́ ра́ки исцеле́ний бога́тно, блаже́нне,/ страсте́й изсуша́ющи всяк пото́к.

Чу́ден чудоде́латель и па́стырь и́стинен, о́тче Стефа́не, я́влься,/ сохраня́й при́сно ста́до твое́,/ е́же совокупи́л еси́ мно́гими по́ты твои́ми.

Богоро́дичен: На Тя, я́ко до́ждь на руно́, соше́д, Богоро́дице, Спас,/ изсуши́ я́ве то́ки безбо́жия,/ души́ же напои́в при́сно чту́щих Тя.

Пе́снь 7

Ирмо́с: Богопроти́вное веле́ние беззако́ннующаго мучи́теля/ высо́к пла́мень вознесло́ е́сть,/ Христо́с же простре́ Богочести́вым отроко́м ро́су духо́вную,/ Сый благослове́н и препросла́влен.

Ору́жии уязви́л еси́ твои́х подвиго́в безпло́тнаго зми́я/ и всеконе́чно истреби́л еси́./ Те́мже чуде́с по́честь восприя́л еси́,/ стра́сти люте́йшия душ же и теле́с исцеля́ти, преподо́бне.

Сло́во твое́ происхо́дит, я́коже роса́, отгоня́ зной уны́ния, преподо́бне,/ приходя́щих тебе́ ве́рою, о́тче наш,/ и доброде́тельными твои́ми при́сно просвеща́я нра́вы ду́хом.

Страсте́й самоде́ржца ум сотвори́в, я́ве ца́рствовал еси́, я́ко победи́тель изря́ден,/ и язы́ки иноплеме́нныя побори́л еси́,/ и изгуби́л еси́, му́дре, де́монов стра́сти всепа́губныя.

Не поколеба́ша, преподо́бне, твоего́ се́рдца столпа́ недви́жимаго искуше́ний ве́тры,/ на ка́мени бо утверди́ся Госпо́дни любве́,/ е́юже укрепля́емь, мно́гим был еси́ Боже́ственное, о́тче, утвержде́ние.

Тро́ичен: Пою́ Тя, Тричи́сленную Ли́цы, Тро́ице Пресу́щественная,/ неразде́льну, неслия́нну Еди́ницу, естество́м же недомы́сленну,/ Еди́наго Вседержи́теля Бо́га – О́тче, Сло́ве и Ду́ше Святы́й.

Богоро́дичен: О́бразы Тя издале́ча прообразова́ше/ благода́ть Ду́ха проро́ческими пропове́дании,/ го́ру ту́чну свя́ту, две́рь спаси́тельную, сви́ток же нове́йший, Чи́стая,/ и киво́т Тя имену́ющи.

Ин

Ирмо́с: Су́щим в пещи́ отроко́м Твои́м, Спа́се,/ не прикосну́ся, ниже́ стужи́ о́гнь./ Тогда́ трие́, я́ко еди́неми усты́, поя́ху/ и благословля́ху, глаго́люще:/ благослове́н Бог оте́ц на́ших.

Священноде́йствовал еси́, я́коже тебе́ сама́го у́глием по́стническаго пребыва́ния,/ ве́сь Христо́во показа́лся еси́, о́тче, благово́ние/ и ве́рных лица́ благово́нствуеши при́сно, чудоде́йствуя па́че ума́.

Правосла́вия сия́я блиста́нии, отгна́л еси́ тьму́ ересе́й, му́дре,/ и, гоне́ния на ле́та мно́жайшая претерпе́в, му́ченик без кро́ве был еси́./ Те́мже ве́рно тя восхваля́ем.

Терпе́ние стяжа́в мно́гое, воздержа́ние, ве́ру и любо́вь и́стинну,/ яви́лся еси́ оте́ц сиро́т, вдови́ц предста́тель сострада́телен и смире́н,/ Стефа́не, мона́хов сла́во и похвало́.

Твоему́ удиви́ся полк злоу́мных всено́щному стоя́нию и моли́твенному пожда́нию,/ слеза́м и воздыха́нию к Зижди́телю и́стинней любви́,/ и́миже низложи́л еси́ тех, Стефа́не, кова́рствия.

Богоро́дичен: Ка́ко пита́еши млеко́м Сы́на безо́тча,/ пита́ющаго вся́ко дыха́ние, Ма́ти Чи́стая?/ Ка́ко на рука́х но́сиши содержа́щаго вся?/ Па́че ума́ чу́до Твое́./ Тем пое́м при́сно вели́чия Твоя́.

Пе́снь 8

Ирмо́с: Пе́щь иногда́ о́гненная в Вавило́не де́йства разделя́ше,/ Бо́жиим веле́нием халде́и опаля́ющая,/ ве́рныя же ороша́ющая, пою́щия:/ благослови́те, вся дела́ Госпо́дня, Го́спода.

Привре́менную оста́вив жития́ сла́ву, о́тче, и претека́ющее наслажде́ние,/ сла́ву же неотъе́млему и пи́щу немимотеку́щую на Небесе́х восприя́л еси́, всему́дре,/ со все́ми, боя́щимися Го́спода.

Все твое́, се́туя, проше́л еси́ житие́,/ тем блаже́нства сподо́бился еси́ и утеше́ния, ему́же причаща́ются святи́и,/ в земли́ кро́тких, ра́дуяся, ны́не, преподо́бне, всели́лся еси́,/ я́ко смы́слен же и разу́мен.

Честна́ твоя́ пред Бо́гом яви́ся сме́рть, о́тче свяще́ннейше:/ Того́ бо почти́л еси́ ико́ну и гоне́ния претерпе́л еси́,/ оскорбля́емь от мучи́телей, преподо́бне,/ му́ченик всем показу́яся.

Уста́вил еси́ я́ве ловце́в, о́тче, негодова́ние/ и умно́жил еси́ сих ловле́ния, и́же пре́жде не получи́ша,/ Бо́гу послу́шавшу, преподо́бне, моли́тв твои́х, священноде́йственне всеблаже́нне.

Богоро́дичен: Скве́рны мя страсте́й и ка́ла грехо́внаго, Богора́дованная, отмы́й/ и две́рь мне отве́рзи покая́ния, попо́лзшемуся,/ и соде́ржно прегреше́ньми, Чи́стая, срета́ющемуся, и Бо́га прогне́вающему.

Ин

Ирмо́с: Его́же ужаса́ются А́нгели и вся во́инства,/ я́ко Творца́ и Го́спода,/ по́йте, свяще́нницы, просла́вите, о́троцы,/ благослови́те, лю́дие,/ и превозноси́те во вся ве́ки.

Преподо́бно преподо́бная, всеблаже́нне, соверша́я,/ преподо́бным сочта́лся еси́ и всем избра́нным,/ с ни́миже тя почита́ем и ра́це моще́й твои́х покланя́ющеся,/ Стефа́не о́тче Богоно́се.

Ума́ чистоту́ стяжа́в, му́дре,/ Ду́ха зерца́ло был еси́ красно́, Сего́ явле́ния прие́мля/ и лю́ди просвеща́я твои́ми уче́нии.

Ви́дится пресла́вное, всеблаже́нне, тобо́ю, всему́дре, соверша́емое:/ от еди́наго бо твоего́ жена́ виде́ния/ прису́щего ей неду́га отре́шшися, пра́во ше́ствоваше.

Тро́ичен: Воспои́м Безнача́льнаго Отца́, и Сы́на, и Ду́ха Свята́го,/ неразде́льное нача́ло, присносу́щную держа́ву, Триипоста́сное Естество́,/ еди́ну сла́ву и еди́но Ца́рство.

Богоро́дичен: Вопло́щся Безпло́тный из Тебе́ боголе́пне,/ Его́же моли́, Пречи́стая, стра́сти пло́ти моея́ умертви́ти/ и оживи́ти мою́ умерщвле́нную ду́шу грехми́.

Пе́снь 9

Ирмо́с: Безнача́льна Роди́теля Сын, Бог и Госпо́дь,/ вопло́щся от Де́вы, нам яви́ся,/ омраче́нная просвети́ти, собра́ти расточе́нная./ Тем всепе́тую Богоро́дицу велича́ем.

Врачева́ния гроб твой Ду́ха благода́тию источа́я,/ изсуша́ет страсте́й ту́чи, ду́хи отго́нит пре́лести/ и просвеща́ет всех сердца́, Иларио́не преподо́бне,/ ве́рно блажа́щих тя.

Я́ко ши́пок, процве́л еси́ в цве́тнице поще́ния,/ я́ко сладково́нный крин, я́ко я́блоко благово́нно,/ и облагоуха́л еси́ всех благочести́вых души́ и се́рдца, Иларио́не сла́вне,/ моли́твенниче о благохва́лящих тя.

Сострада́ние име́л еси́, любо́вь, и смире́ние, и ми́лостыню,/ и обы́чай прост, ве́ру и́стинну и наде́жду,/ житие́ че́стно и нрав прав, Иларио́не преподо́бне, мона́шествующих удобре́ние.

Па́мять твоя́ дне́сь, я́ко со́лнце, возсия́,/ благочести́вых сердца́ све́тлостию боле́зней твои́х/ и чуде́с сия́ньми я́ко вои́стинну просвеща́ющи, о́тче,/ в ню́же вся помяни́, ве́рно чту́щия тя.

Богоро́дичен: Глас Тебе́ прино́сим Гаврии́лов, ра́дующеся:/ ра́дуйся, глаго́люще, ме́сто свяще́ния;/ ра́дуйся, преподо́бных сла́во и всех ве́рных спасе́ние,/ Ея́же ра́ди обожи́хомся, Богоро́дице Присноде́во.

Ин

Ирмо́с: Светоно́сный о́блак, в о́ньже всех Влады́ка,/ я́ко до́ждь с Небесе́ на руно́ сни́де/ и воплоти́ся нас ра́ди,/ быв Челове́к, Безнача́льный,/ велича́ем вси я́ко Ма́терь Бо́га на́шего Чи́стую.

Стопа́м после́дуя, Богоно́се, благоче́стно и преподо́бно пожи́вшим на земли́,/ кро́ток, незло́бив яви́лся еси́,/ сострада́телен, и смире́н, и тих, Стефа́не,/ и любве́ испо́лнен Боже́ственныя,/ сего́ ра́ди тя ве́рно восхваля́ем.

Я́коже сладково́нное ми́ро, я́ко пречи́стый крин, я́ко ши́пок, о́тче, благоцвету́щ,/ благово́ние испуща́еши от честны́я твоея́ ра́ки безчи́сленных врачева́ний,/ злосмра́дныя неду́ги отгоня́ ве́рою приступа́ющих тебе́ те́пле.

Тя, па́стыря Боже́ственнаго и подража́теля вели́каго Началопа́стыря Христа́,/ мо́лим, Богому́дре:/ су́щия твоего́ ста́да ны́не о́вцы, нас спаса́й от лука́вых волко́в/ святы́ми хода́тайствы твои́ми при́сно.

Всесвята́я твоя́ па́мять, я́коже со́лнце ве́лие, возсия́вши,/ све́тло озаря́ет тва́рь,/ ю́же соверша́юще благоче́стно, вопие́м ти, Стефа́не:/ моли́твами твои́ми всех мы́сли озари́в, покры́й и сохрани́ ны.

Богоро́дичен: Грехолюби́в сый в нераде́нии жив,/ и Суди́ща, Чи́стая, неумы́тнаго трепе́щу,/ на не́мже мя соблюди́ Твои́ми святы́ми мольба́ми, Богоневе́сто, неосужде́нна,/ да я́ко Предста́тельницу при́сно ублажа́ю Тя.

Свята́го преподо́бному́ченика Евстратия, в Бли́жних пеще́рах почива́ющаго

ВЕ́ЧЕР

На Го́споди, воззва́х: стихи́ры, глас 1.

Подо́бен: Небе́сных чино́в:

И́же пе́рвее распны́йся ми́рови во́лею/ и всех страсте́й отсече́нием,/ ты ны́не по́слежде, Влады́чняго страда́ния соо́бщник быв,/ стра́ждеши стра́сти коне́чнаго умерщвле́ния,/ от иуде́й на кресте́ пригвожда́емь,/ а́ки ле́ствицею, на Небеси́ восхо́диши,/ отню́дуже, Евстра́тие, блаже́нне, призира́я,/ возведи́ на́ша умы́ к Го́рним/ и моли́ Христа́ Бо́га/ пода́ти нам всех страсте́й отсече́ние.

Вторы́й Илия́ колесни́чник/ ре́вностию по Христе́ яви́лся еси́, чу́дне:/ я́коже бо той ца́рствующего обличи́ неи́стовство,/ та́ко и ты укори́л еси́ безу́мнаго иуде́я богоуби́йство/ и от него́ был еси́ на кресте́ распя́т те́лом,/ душа́ же твоя́ о́гненною колесни́цею востече́ к Небе́сным,/ иде́же ра́дуешися, немерца́ющим Све́том озаря́емь,/ сего́ и мы да не лиши́мся моли́твами твои́ми.

Стра́сть Влады́ки своего́ изобразу́я,/ распя́лся еси́ на кресте́ от иуде́я,/ от него́ же копие́м в ре́бра пробо́дся,/ возше́д на о́гненную колесни́цу,/ пла́менну любо́вь твою́ зна́меновал еси́ к Бо́гу,/ Ему́же ны́не в весе́лии предстоя́,/ моли́ о пою́щих тя, о́тче Евстра́тие блаже́нне.

Сла́ва, глас 2:

На Небе́сную сла́ву при́сно взира́я, преподо́бне,/ воздержа́нием пе́рвее те́ло свое́ распя́л еси́,/ по́слежде же пригвожде́нны име́я ру́це и но́зе от иуде́й,/ жела́ния ле́ствицу обре́л еси́,/ е́юже возше́д к Го́рним си́лам,/ великоле́пому тя призыва́ющу гла́су:/ сей е́сть до́брый граждани́н Небе́снаго Сио́на./ В не́мже веселя́ся ны́не со святы́ми,/ помяни́ нас, чту́щих святу́ю твою́ па́мять,/ я́ко да о́наго и мы насле́дницы с тобо́ю бу́дем.

И ны́не, Богоро́дичен: Пре́йде се́нь:

Вход. Проки́мен дне и чте́ния (зри 17-ое марта).

На стихо́вне стихи́ры, глас 1.

Подо́бен: Всехва́льнии му́ченицы:

Прехва́льне преподо́бному́чениче Евстра́тие,/ твое́ житие́ возложи́л еси́ доброде́телей попече́ние,/ песносло́вием бо ве́рнии ве́рою Христа́ похваля́ют,/ твои́ми покаря́ющеся уче́нии,/ и́мже утверди́тися в ми́ре,/ предстоя́, умоли́ Боже́ственнаго Ду́ха.

Стих: Честна́ пред Го́сподем/ сме́рть преподо́бных Его́.

Богодухнове́нне му́чениче Евстра́тие,/ твое́ житие́, у́бо ра́вно А́нгелом, зе́мным объяви́ся,/ Небе́сным же, я́ко благово́нная же́ртва и до́брое кади́ло,/ твое́ испове́дание принесе́ся./ И ны́не моли́ся/ дарова́ти душа́м на́шим мир и ве́лию ми́лость.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Пребога́те преподо́бному́чениче Евстра́тие,/ страсте́й победи́тель быв,/ мучи́теля победи́л еси́./ Венцено́сцем сликовству́я, блаже́нне,/ о всех помина́й, соверша́ющих твою́ па́мять./ И ны́не Христу́ моли́ся/ дарова́ти душа́м на́шим мир и ве́лию ми́лость.

Сла́ва, глас 4:

Глаго́л проро́ческих не разуме́ша иуде́е,/ от чре́ва заблуди́ша,/ глаго́люще лжу на Спа́са на́шего,/ и поноше́нием кля́твы сме́рть Влады́чню осужда́ху./ Но ты, блаже́нне, облича́я сих богоуби́йство,/ благослове́ние распя́тием, ми́ру всему́ да́нное, показа́л еси́./ Тем у́бо беззако́ннии ко кресту́ тя пригвозди́ша/ и копие́м ре́бра твоя́ прободо́ша,/ не ве́дуще, я́ко ты креста́ ра́ди своего́/ возме́здие прие́млеши от Бо́га,/ нечести́вии же вско́ре поги́бнут./ Они́ кля́тву дре́вом насле́диша,/ ты же наслажда́ешися дре́ва живо́тнаго,/ его́же и мы прича́стницы с тобо́ю да бу́дем,/ Спа́са и Го́спода в па́мяти твое́й,/ о́тче Евстра́тие, прославля́ем.

И ны́не, Богоро́дичен: При́зри на моле́ния:

Тропа́рь, глас 7:

По́стником и му́чеником яви́лся еси́ похвала́, преподо́бне Евстра́тие,/ пре́жде бо воздержа́нием пло́ть умертви́в,/ после́довал еси́ Христу́, нося́ крест свой./ Последи́ же и сам на крест вознесе́н быв/ и копие́м в ре́бра прободе́н,/ в ру́це Бо́жии ду́шу преда́л еси́./ Колесни́цею о́гненною возноси́м на Небеса́,/ сугу́бо венча́лся еси́ от Христа́ Бо́га/ и Спа́са душ на́ших.

Сла́ва, и ны́не, Богоро́дичен.

НА У́ТРЕНИ

На Бог Госпо́дь: тропа́рь свята́го, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 1.

Подо́бен: Лик а́нгельский:

Стра́стию Влады́це своему́ подо́бяся,/ кре́стное дре́во подъя́л еси́ вселюбе́зно,/ ху́лящаго же иуде́я посрами́л еси́ Богодухнове́нными усты́ твои́ми,/ тем копие́м ре́бра твоя́ пробода́ет нечести́вый,/ ты же, ра́дуяся, восхо́диши ко Го́споду своему́,/ Ему́же моли́ся о нас вы́ну,/ от любве́ чту́щих твоя́ страда́ния, доблему́дре Евстра́тие.

Сла́ва, и ны́не, Богоро́дичен:

А́нгельское пе́ние приношу́ Ти, Безневе́стная Де́во:/ ра́дуйся, Обра́дованная и в жена́х Благослове́нная,/ прие́мшая во утро́бе безсе́менно Бо́жие Сло́во,/ от безслове́сных дел изме́ншее челове́ки.

По 2-м стихосло́вии Седа́лен, глас 5.

Подо́бен: Собезнача́льное Сло́во:

Вы́шняго Иерусали́ма граждани́на,/ свиде́теля и́стинна и до́браго ору́жника Христо́ва, доблему́драго Евстра́тия,/ преподо́бных сожи́теля, му́чеников сликостоя́теля,/ пе́сньми, лю́дие, почти́м, па́мять его́ пою́ще:/ той бо, предстоя́ Христу́ Бо́гу, непреста́нно мо́лится о душа́х на́ших.

Сла́ва, и ны́не, Богоро́дичен:

Вы́шняго Иерусали́ма Цари́це,/ Еди́на в жена́х Непоро́чная Ма́ти,/ де́вам вене́ц и святы́х Святе́йшая,/ Тро́ицы Святы́я неотсту́пная Предста́тельнице,/ нас, удали́вшихся, Ма́ти Бо́жия, поми́луй и изба́ви от бед, Тя воспева́ющих.

По полиеле́и седа́лен, глас 4.

Подо́бен: Ско́ро предвари́:

Пла́менем горя́щия любве́ к распя́тому Христу́ разжиза́емь,/ ды́шущаго я́ростию богоху́льнаго евре́ина не убоя́вся,/ обличи́л еси́ того́ мужему́дренне,/ и зако́нныя па́схи  отверже́ние, благода́ти прише́дшей, от Писа́ний пропове́дал еси́;/ сего́ ра́ди на кресте́ пригвожде́н был еси́ от иуде́й/ и, прие́мь вене́ц испове́дания, вшел еси́ во дворы́ Небе́сныя,/ иде́же не забу́ди и нас, о́тче Евстра́тие.

Сла́ва, и ны́не, Богоро́дичен:

Пла́менем страсте́й пали́мым нам от губи́тельных прило́гов/ ско́ро потщи́ся низпосла́ти во́ду благода́ти, Пресвята́я Де́во,/ и уступи́ о́гнь, во удесе́х на́ших горя́щий,/ я́ко да в тишине́ жи́знь сию́ ве́дуще,/ воскресе́ния Христо́ва Тебе́ ра́ди наслади́мся све́тло.

Степе́нна, 1-й антифо́н, 4-го гла́са. Проки́мен: Честна́ пред Го́сподем/ сме́рть преподо́бных Его́. Стих: Что возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Ма́рка, зача́ло 37.

По 50-м псалме́ стихи́ра, глас 6:

Дне́сь гора́ Пече́рская весели́тся,/ содержа́щая мо́щи твоя́,/ я́ко многоце́нное сокро́вище,/ и просвеща́ется заря́ми твои́х страда́ний,/ цве́ты пе́сней духо́вных тебе́ нося́ще и глаго́люще:/ уго́дниче Христо́в, о́тче наш Евстра́тие,/ предстоя́ всех Влады́це,/ непреста́й моля́ся о нас ко Го́споду,/ низпосла́ти душа́м на́шим ве́лию ми́лость.

Кано́н, глас 1.

Пе́снь 1

Ирмо́с: Твоя́ победи́тельная десни́ца/ боголе́пно в кре́пости просла́вися:/ та бо, Безсме́ртне,/ я́ко всемогу́щая проти́вныя сотре́,/ изра́ильтяном пу́ть глубины́ новосоде́лавшая.

Воскресе́ния дне и прича́стник све́та хотя́ бы́ти, преподо́бне,/ в де́нь стра́сти Влады́чни возне́слся еси́ на крест,/ и сообрази́лся еси́ стра́сти Христо́вей, победи́в мир,/ и ны́не, прича́стник сый сла́вы неизрече́нныя,/ весели́шися, побе́дную пе́снь пою́щи.

Ничто́же в ми́ре сем многомяте́жном возлюби́л еси́, преподо́бне,/ я́ко Крест Христо́в, и, того́ име́я в похвалу́, со Апо́столом взыва́л еси́:/ мне да не бу́дет хвали́тися, то́кмо о Кресте́ Госпо́днем./ О не́мже весели́шися, пе́снь побе́дную пою́щи.

Ко кресту́ пригвожде́н сый от иуде́й, всеблаже́ннейший о́тче,/ пригвозди́л еси́ вся теле́сныя стра́сти,/ я́ко тебе́ со апо́столом глаго́лати:/ мне мир распя́тся, и аз ми́ру./ Те́мже досто́йно ны́не с Воскре́сшим весели́шися, побе́дную пою́щи.

От любостра́стнаго Еги́пта ми́ра сего́ изше́д,/ о кресте́ всебу́рное того́ безмяте́жно преше́л еси́ мо́ре, свя́те,/ вопреки́ же написа́в пригвожде́нныма дла́ньма,/ погрузи́л еси́ мы́сленнаго фарао́на с возду́шными во́и/ и ны́не ра́дуешися, побе́дную пою́щи.

Богоро́дичен: Любостра́стнаго ми́ра сего́ изше́д, а́ки от Еги́пта,/ возвраща́юся на пе́рвая, да чре́ву угожда́ю, пита́йся ско́тски;/ да́ждь ми, Богоневе́стная Де́во, поне́ ма́ло уклони́тися от сих,/ да, свобо́дь сый, принесу́ Ти хвале́ние, побе́дную пою́щи.

Пе́снь 3

Ирмо́с: Еди́не, ве́дый челове́ческаго существа́ не́мощь/ и ми́лостивно в не вообра́жся,/ препоя́ши мя с высоты́ си́лою,/ е́же вопи́ти Тебе́, Святы́й,/ одушевле́нный хра́ме неизрече́нныя сла́вы Твоея́, Человеколю́бче.

Прииди́те ко Мне, тружда́ющиеся, – Ре́кшему после́довал еси́, о́тче,/ и Того́ Кресто́м разгна́л еси́ враги́ мы́сленныя,/ и́же, до конца́ побежде́нни, возврати́шася со студо́м./ Моли́ и о нас, да и мы проти́ву тех ополче́ния ста́нем,/ на сие́ бо о Христе́ утвержда́емся.

Крест возложи́в на ра́мо, свя́те,/ ве́рою несумне́нною к Еди́ному любо́вию привяза́лся еси́, да Христа́ приобря́щеши,/ и Того́ по жела́нию обре́л еси́ те́сною стезе́ю,/ ю́же проше́л еси́, не запе́нся,/ имы́й крест держа́ву и утвержде́ние.

Облеки́йся во и́ноческий о́браз, ми́ра обнажи́лся еси́, блаже́нне,/ и, ле́гце проше́д пу́ть,/ во обетова́нную зе́млю, в Пече́рскую оби́тель,/ точа́щую, а́ки мед и млеко́, уче́ния Богоно́сных оте́ц,/ от ни́хже напита́вся, был еси́ кре́пок,/ тех уче́нием сотвори́, да и мы утвержда́емся.

Глаго́лом моли́твы и посто́м чу́вственнаго врага́ покори́в ду́ху,/ смире́нием же и послуша́нием мы́сленнаго амали́ка победи́в,/ был еси́, о́тче, уго́ден Влады́це своему́/ и от Него́ прия́л крест, ору́жие непобеди́мое,/ о не́мже и мы утвержда́емся.

Богоро́дичен: Коле́блемь сый вра́жиими прило́ги вы́ну,/ утвержде́ния не имы́й аз, стра́стный,/ к Тебе́ прибега́ю, Ма́ти Бо́жия:/ Ты бо еси́ ве́рным Необори́мая Стена́, о не́йже утвержда́емся.

Седа́лен, глас 2:

Победоно́снаго страда́льца прииди́те, лю́дие, воспое́м па́мять,/ пе́сньми и пе́нии де́нь весе́лия его́ провожда́юще,/ от плаче́внаго бо удо́лия сего́ к неконча́емей ра́дости пре́йде,/ и, предстоя́ Влады́чню Престо́лу, вопие́т к нам:/ подража́тели мне быва́йте, я́коже аз Христу́,/ И́же пода́ст всем бога́тую Свою́ ми́лость.

Сла́ва, и ны́не, Богоро́дичен:

В ми́ре стра́стное житие́ имы́й,/ обурева́юся смертоно́сных ве́тров волна́ми,/ Ко́рмчия ро́ждшая, Христа́,/ к ти́хому приста́нищу упра́ви живо́т мой, молю́ся,/ и пода́ждь ми бога́тую Твою́ ми́лость.

Пе́снь 4

Ирмо́с: Го́ру Тя, благода́тию Бо́жиею приосене́нную,/ прозорли́выма Авваку́м усмотри́в очи́ма,/ из Тебе́ изы́ти Изра́илеву провозглаша́ше Свято́му/ во спасе́ние на́ше и обновле́ние.

Ве́дый, преподо́бне, невоздержа́ния ра́ди пе́рваго во ад все́льшагося челове́ка,/ приложи́лся еси́ воздержа́нию и поще́нию зе́льному/ и отсю́ду стяжа́л и́мя по́стник,/ зане́ сло́вом Бо́жиим па́че, не́жели бра́шном, пита́лся еси́,/ пою́щи Христу́, я́ко Всеси́лен.

Вы́шняго попуще́нием плене́н, свя́те, быв от по́ловцев,/ апо́стольски взыва́л еси́:/ свобо́дь е́сть, и́же пленя́ет ум свой в послуша́ние Христо́во./ Тем в ско́рби не изнемога́л еси́,/ но па́че, судьба́м Бо́жиим дивя́ся,/ славосло́вил еси́ Христа́, я́ко Всеси́лен.

Пре́даннаго Иису́са всегда́ нося́ на те́ле свое́м о́браз,/ про́дан был еси́ в гре́ческую зе́млю, во град Корсу́н,/ не́коему богоуби́йце иуде́янину,/ и той тебе́ тща́шеся отврати́ти от любве́ Бо́жия,/ ея́же ра́ди и на сме́рть гото́в был еси́, пою́щи:/ воскре́се Христо́с, я́ко Всеси́лен.

Затворе́н быв в темни́це с про́чими христиа́ны/ и гла́дом му́чим от евре́ина, терпя́, сла́дце рекл еси́:/ кто мя разлучи́т от любве́ Христо́вы?/ ни глад, ни сме́рть, ни теснота́ –/ вся бо ма́ла су́ть сия́ к хотя́щей славе́ яви́тися в нас, пою́щих:/ воскре́се Христо́с, я́ко Всеси́лен.

Богоро́дичен: Плене́н быв от враго́в мы́сленных/ и близ уже́ су́щи а́довы темни́цы, к Тебе́ обра́щся, вопию́:/ Ма́ти Бо́жия, внегда́ возврати́ши плен души́ моея́,/ тогда́ язы́к мой весе́лия испо́лнится и воспое́т:/ воскре́се Сын Твой, я́ко Всеси́лен.

Пе́снь 5

Ирмо́с: Просвети́вый сия́нием прише́ствия Твоего́, Христе́,/ и освети́вый Кресто́м Твои́м ми́ра концы́,/ се́рдца просвети́ све́том Твоего́ Богоразу́мия/ правосла́вно пою́щих Тя.

У́треневал еси́ любо́вию ко Христу́, до́блественне Евстра́тие,/ проти́вящеся понужда́ющему евре́ину отступи́ти от Христа́ твоего́,/ И́же е́сть Пра́вды Со́лнце,/ всем присносу́щную жи́знь возсия́ющее.

Твои́м, о́тче, уче́нием вси пле́нницы, су́щии в темни́це,/ богоуби́йственнаго евре́ина поплева́ша бу́йство/ и изво́лиша па́че гла́дом и жа́ждею умре́ти,/ не́же отврещи́ся Христа́, всем жи́знь подаю́щаго.

Полк му́ченик пятьдесяточи́сленный, гла́дом и жа́ждею убие́н от жидови́на,/ предпосла́л еси́, блаже́нне, Христу́ своему́,/ сам последи́ то́жде пострада́ти хотя́ за любо́вь Иису́са,/ всем жи́знь подава́юща.

Ви́дев окая́нный,/ я́ко изме́ршим всем у́зником в темни́це погуби́ зла́то/ и наде́жду привлече́ния к злоче́стию своему́,/ умы́сли распя́ти тя на кресте́,/ на него́же текл еси́ спе́шно, преподо́бне, зовы́й:/ Христе́ мой, изведи́ из темни́цы плотски́я ду́шу мою́.

Богоро́дичен: Преблаже́нная Де́во,/ уще́дри бла́гостию Твое́ю ду́шу мою́, ги́блющую гла́дом,/ и насы́ти ю а́нгельским хле́бом,/ напо́й пото́ком сла́дости Небе́сныя,/ да отсю́ду мир души́ мое́й обря́щу.

Пе́снь 6

Ирмо́с: Обы́де нас после́дняя бе́здна,/ не́сть избавля́яй,/ вмени́хомся, я́ко о́вцы заколе́ния,/ спаси́ лю́ди Твоя́, Бо́же наш,/ Ты бо кре́пость немощству́ющих и исправле́ние.

А́ки во́днаго зве́ря, бы́сть утро́ба беззако́ннаго иуде́янина,/ и́же хотя́ше тя поглоти́ти и в число́ привести́ омраче́ннаго евре́йскаго со́нмища,/ но ты, о́тче, дерзнове́нно стал еси́ проти́ву того́ зия́ния/ и одоле́л еси́ тому́, по́мощию Вы́шняго укрепля́емь.

Во́ньже де́нь, возшата́вшеся , иуде́е Животода́вца на Кресте́ пове́сиша,/ тогда́ и тебе́ окая́нный евре́ин распя́;/ да с Ни́мже страда́л еси́, с Тем и просла́вишися, блаже́нне, в немерца́емом све́те/ прие́мь возме́здие от Спа́са своего́.

Руга́нием помина́юще стра́сть Влады́чню скве́рнии богоуби́йцы,/ я́коже отцы́ их – Христа́,/ та́ко си́и к дре́ву кре́стному, руга́ющеся, пригвозди́ша тя, о́тче:/ но бы́сть им дре́во кре́стное – юро́дство,/ тебе́ же, спа́сшемуся, – си́ла Бо́жия.

Обличи́л еси́ пра́здники скве́рныя иуде́йския,/ на кресте́ ви́ся, свя́те, не боя́ся их кля́твы,/ я́ко та потреби́ся пло́тию пригвожде́нна Христа́ Бо́га/ и тридне́вным Воскресе́нием мир просве́щшаго.

Богоро́дичен: Я́же пра́дедную кля́тву Потреби́вшая благослове́нным рождество́м Твои́м, Ма́ти Чи́стая,/ благослове́ния избра́нных Бо́жиих, молю́, да мя сподо́биши,/ Благослове́нная и Просла́вленная.

Конда́к, глас 8:

Я́ко ревни́тель стра́сти Влады́чней/ и по́стников усе́рдный после́дователь сый,/ пле́нники уче́нием твои́м наста́вль, Христо́ви приве́л еси́, Евстра́тие,/ и нас, плене́нных страстьми́, мольба́ми свои́ми свободи́/ и подража́тели честно́му твоему́ житию́ покажи́, зову́щих:/ ра́дуйся, испи́вый сла́достне ча́шу Христо́вых страда́ний.

Пе́снь 7

Ирмо́с: Тебе́, у́мную, Богоро́дице, пе́щь,/ разсмотря́ем, ве́рнии,/ я́коже бо о́троки спасе́ три Превозноси́мый,/ мир обнови́, во чре́ве Твое́м всеце́л,/ хва́льный отце́в Бог и препросла́влен.

Безу́мное веле́ние иуде́йское,/ пригвожде́н сый, о́тче, на кресте́, обличи́л еси́ проро́ческими Писа́ньми/ и па́схи зако́нныя не восхоте́л еси́ вкуси́ти,/ жела́я прича́стник бы́ти Па́схи, Я́же за ве́сь мир пожре́ся –/ Христо́с Бог благослове́нный.

Разоре́ние кля́твы, я́же от Дре́ва, приводи́л еси́, блаже́нне, от проро́к сказу́я,/ и, вход живота́ на Дре́ве кре́стном Живото́м,/ ви́сящим пред очи́ма их, пропове́дуя,/ посрами́л еси́ иуде́и, неве́дущия пе́ти:/ Бо́же, благослове́н еси́.

Распе́ншим тя иуде́ем проро́чествовал еси́, о́тче преподо́бне:/ прии́дет вско́ре отмще́ние на вы за кро́вь мою́/ и про́чиих христиа́н, и́хже уби́сте непови́нне,/ и пра́здники ва́ша в се́тование обратя́тся,/ ненави́дит бо суббо́т ва́ших Госпо́дь, в ни́хже отверго́стеся пе́ти:/ Христе́ Бо́же, благослове́н еси́.

Словеса́ твоя́ бы́ша о́стрыя стре́лы беззако́нным,/ и́миже пробода́еми, не стерпе́ша, но копие́м ре́бра твоя́ прободо́ша,/ и отше́л еси́ ко Источи́вшему от прободе́ннаго ре́бра жи́знь всему́ ми́ру пе́ти:/ Бо́же, благослове́н еси́.

Богоро́дичен: Прободе́нну ми грехолю́бным копие́м лю́таго велиа́ра,/ ско́ро приложи́ пла́стырь ми́лости Твоея́, Богоневе́стная Де́во Ма́ти,/ я́ко да, исцеле́в, вы́ну Ти пою́, Влады́чице:/ Благослове́нна еси́.

Пе́снь 8

Ирмо́с: В пещи́ о́троцы Изра́илевы,/ я́коже в горни́ле,/ добро́тою благоче́стия чисте́е зла́та блеща́хуся, глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Почти́те, лю́дие, до́браго страда́льца,/ и́же, вся у́ды пре́жде собо́ю мы́сленне распя́в,/ последи́ чу́вственне от иуде́й ра́спят, возопи́л ко Христу́:/ се аз я́звы Твоя́ на те́ле мое́м ношу́ и пою́ Тя во вся ве́ки.

Тебе́, о́тче, на Не́бо о́гненною колесни́цею и ко́ньми восхище́нну,/ изыдо́ша в сре́тение му́ченик и пра́ведник ли́ки,/ восхвали́ша ру́чныя и но́жныя я́звы твоя́ и бок прободе́нный,/ прие́млюще тя в ски́нию святы́х хвали́ти Го́спода во ве́ки.

Глас принесе́ся к тебе́, свя́те, от велеле́пныя сла́вы:/ се до́брый Небе́сный граждани́н, его́же не бе досто́ин ве́сь мир,/ восхо́дит от су́етнаго ми́ра к преми́рным селе́ниям/ пе́ти Го́спода во вся ве́ки.

Сокро́вище многоце́нное – мо́щи твоя́, – преблаже́нне,/ беззако́нный евре́ин хотя́ утаи́ти, вве́рже в мо́ре,/ но Бо́жиим смотре́нием обрето́шася зде, в пеще́ре,/ и́мже покланя́ющеся, прославля́ем просла́вльшаго тя нетле́нием и чудесы́/ Го́спода во вся ве́ки.

Богоро́дичен: Сокро́вище многоце́нное, дража́йшаго Иису́са,/ от Ма́терних недр произве́дшая,/ искупи́ ду́шу мою́ от плене́ния любостра́стнаго ми́ра,/ да пою́ Тя зде и в немерца́ющем Све́те во вся ве́ки.

Пе́снь 9

Ирмо́с: О́браз чи́стаго рождества́ Твоего́/ огнепали́мая купи́на показа́ неопа́льная;/ и ны́не на нас напа́стей свире́пеющую угаси́ти, мо́лимся, пе́щь,/ да Тя, Богоро́дице,/ непреста́нно велича́ем.

Свети́ся, свети́ся, Бо́жия Ма́тере Пече́рская оби́тель,/ в тебе́ бо цвету́щее дре́во возрасте́, чу́дный Евстра́тий,/ благово́нными цве́ты страда́ния укра́шен./ Красоте́ того́ и мы прича́стницы да бу́дем,/ покланя́емся моще́м его́ и пе́сньми велича́ем.

Открыва́яй та́йны Бог/ скве́рных уби́йцев яви́ благочести́вому царю́,/ я́ко, лицеме́рствующе, иуде́е в та́йне христиа́н убива́ют,/ и взы́де непра́вда на главу́ их:/ ра́вную бо сме́рть восприя́ша по твоему́ проро́честву, о́тче блаже́ннейший.

Кро́вь твоя́, непови́нне излия́нная от иуде́й,/ а́ки А́велева, о́тче, вопия́ше к Бо́гу,/ И́же пра́ведным судо́м за ню наведе́ отмще́ние,/ и, пове́шен быв на дре́ве,/ твой мучи́тель получи́ ча́сть со Иу́дою в гее́нне,/ твоя́ же ча́сть – Госпо́дь,/ Ему́же покланя́ющеся, дне́сь велича́ем.

Кро́вь твоя́, свя́те, и нело́жное проро́чество мно́гия по́слежде приведе́ к ве́ре:/ собы́тие бо того́ ви́девше, и́стинно пока́явшеся, ве́роваша во Христа́,/ и, кре́щшеся, до́бре пожи́ша, и блаже́нныя сподо́бишася жи́зни,/ ея́же и мы да не лиши́мся,/ кла́няемся ра́це моще́й твои́х и тя велича́ем.

Богоро́дичен: Жи́знь присносу́щную в не́дрех Свои́х объе́мля,/ от вре́менней жи́зни к ве́чной нас упра́ви Твои́м хода́тайством, Непоро́чная Ма́ти,/ и да́ждь всем зре́ти невече́рний де́нь Ца́рствия Сы́на Твоего́.

Свети́лен:

Присносу́щную прови́дя жи́знь, блаже́нне, о вре́менней неради́л еси́,/ вся, наноси́мая от иуде́й, претерпе́в до́блественне,/ и, зако́нныя па́схи не восхоте́в вкуси́ти,/ ко кресту́ пригвожде́н был еси́,/ и, о́гненною от земли́ восходя́ колесни́цею, свиде́тельствовал еси́:/ Христо́с е́сть Па́сха нетле́ния, ми́ра спасе́ние.

Сла́ва, и ны́не, Богоро́дичен:

Присносу́щнаго Све́та Предста́тельница су́щи, Богоневе́стная Де́во,/ нам, во мра́це живу́щим, предста́ни и упра́ви жи́знь на́шу,/ да безпреткнове́нно до́йдем, иде́же Христо́с е́сть Па́сха нетле́ния, ми́ра спасе́ние

На хвали́тех стихи́ры, глас 6:

Му́ченическими кровьми́ свяще́нную ри́зу очервлени́в, преподо́бне,/ вшел еси́ во свята́я святы́х досто́йно, сла́вне,/ иде́же Свет неизрече́нный,/ иде́же Боже́ственная сла́ва,/ иде́же глас пра́зднующих,/ от него́же трудо́в твои́х му́ченическия восприя́л еси́ побе́ды,/ и вене́ц неувяда́ющий, и ве́чнующую до́брую сла́ву,/ и ра́йское житие́, Евстра́тие прему́дре,/ со дерзнове́нием моли́ся о душа́х на́ших.

Муче́ний треволне́ния не поколеба́ша твоея́ души́,/ ни затворе́ния долготы́ во мра́чней темни́це,/ тя сокрыва́ющее, страда́льче сла́вне,/ но, я́ко свет, возсия́л еси́ во тьме́ бе́дствующим су́етия,/ и́хже сы́ны дне показа́л еси́ ба́нею креще́ния,/ порожде́нием бо́льшим и спаси́тельным/ и Боже́ственным пребыва́нием,/ я́ко страда́лец Богоприя́тен, прему́дре Евстра́тие.

Кто досто́йно доброде́телей твои́х испове́сть побе́ды?/ Ка́я уста́ муче́ния и терпе́ния изреку́т?/ Во обои́х бо благоугоди́л еси́ Христу́, Евстра́тие,/ и ны́не не преста́й моля́ся, уго́дниче,/ спасти́ ду́ши на́ша,/ я́ко име́я, преподо́бному́чениче, дерзнове́ние мно́гое.

Сла́ва, глас 8:

Херуви́м, ви́дев тя, на о́гненной колесни́це/ к Небе́сным гряду́ща,/ пла́менным свои́м ору́жием не возбрани́л тебе́/ от дре́ва жи́зни вкуси́ти,/ но с ра́достию тя прия́л,/ му́чениче Христо́в Евстра́тие./ Те́мже ны́не ра́йския пи́щи наслажда́яся,/ не забу́ди нас, па́мять твою́ почита́ющих,/ но простри́ дла́ни,/ и́миже ко дре́ву пригвожде́н был еси́,/ и моли́ся о всех Творцу́ и Влады́це,/ я́ко да и мы тебе́ соприча́стницы бу́дем,/ о́тче блаже́ннейший.

И ны́не, Богоро́дичен.

Славосло́вие вели́кое и отпу́ст.

Преподо́бнаго Иларио́на Гдовскаго, Псковоезерскаго

Тропа́рь, глас 4:

В моли́твах бо́дрствуя,/ пресве́тлый храм Ду́ха Свята́го был еси́,/ те́мже и чудотво́рец преди́вный яви́лся еси́,/ преподо́бне о́тче наш Иларио́не./ О нас моли́ Христа́ Бо́га/ све́том Боже́ственнаго позна́ния просвети́ти ны/ и спасти́ души́ на́ша.

Свята́го му́ченика Енраво́та-Боя́на, кня́зя Болгарскаго

(† 830)

Тропа́рь, глас 4:

Я́коже А́вель, от суда́ бра́тняго сме́рть прия́л еси́/ и кро́вь твою́ пролия́л еси́ за Искупи́вшаго ны честно́ю Свое́ю Кро́вию./ От земна́го же к Небе́сному преста́вився Ца́рствию,/ кня́же и му́чениче Енраво́те-Боя́не,/ моли́ Царя́ царе́й о нас, при́сных твои́х.

 

Препод0бнагw nц7A нaшегw їларіHна н0вагw:

И# с™aгw стефaна чудотв0рца.

Стіхи6ры, глaсъ д7.

Под0бенъ: Дaлъ є3си2 знaменіе:

ЖитіE несквeрно, терпёніе и3 кр0тость, и3 люб0вь нелицемёрну, воздержaніе безмёрно, всен0щное стоsніе, ўмилeніе бжcтвенно, вёру, надeжду и4стинну въ сострадaніи, џ§е, стzжaвъ, ћкw ѓгGлъ пожи1лъ є3си2 на земли2 съ пл0тію, їларіHне блажeнне, моли1твенниче њ душaхъ нaшихъ.

Земнhй ѓгGлъ, и3 нбcный человёкъ бhлъ є3си2, прпdбне, и3ст0чникъ ўмилeніz, сострадaніz струS, пучи1на чудeсъ, грёшныхъ порyчникъ, мaслина вои1стинну б9іz плодови1та, є3лeемъ трудHвъ твои1хъ ўмащaz ли1ца, їларіHне чyдне, вёрнw восхвалsющихъ тS.

Ќмъ тв0й просвэщaемь бжcтвенными р†зумы, тэлeсныхъ страстeй превhше бhсть, непримёшенъ земны6мъ, носS начертaніе, и3 и3з8wбражaz въ себЁ бжcтвенную добр0ту: и3 познавaемь вeсь бGови1днэйшій содёйствомъ д¦а, їларіHне џ§е нaшъ, монaшествующихъ ўкрашeніе.

И$ны стіхи6ры с™aгw стефaна, глaсъ т0йже.

Под0бенъ: Ћкw д0блz:

Монaхъ и4стиннэйшій, ѕвэздA свэтлёйшаz, и3 и3ст0чникъ бhвъ ўмилeніz, любвE kви1лсz є3си2 и3сп0лненъ, и3 кр0токъ, и3 ти1хъ, сострадaтеленъ и3 смирeнъ, безѕл0бивъ, непор0ченъ, џ§е стефaне. Сегw2 рaди хrт0съ тS препод0бныхъ поставлsетъ стадHмъ пaстырz, чудодBйствіи почитaема.

Бдёніе всен0щное, и3 воздержaніе неизречeнно, моли1тву немyтну, житіE б9eственно, вёру, надeжду, и4скренню, правослaвну мyдрость, чyдно пребывaніе, и3 величaйшее сострадaніе, џ§е, и3мёлъ є3си2, и3 ќмеръ и3 прeжде концA њблистaвъ во знaменіихъ преслaвныхъ: тёмже тS почитaемъ, препод0бне стефaне.

Ћкw ѕвэздY многосвётлу, и3 ћкw сlнце незаходи1мо, и3 ћкw нб7о њдушевлeнное, б9eственными чудесы2 ћкw ѕвэздaми ўкрaшено: и3 ћкw цвётникъ бlгов0нный, и3 рaй слaдости: ћкw и3ст0чникъ свzщeніz, ћкw превели1ка врачA немощствyющихъ: ћкw пaстырz и3 д0браго нaшего предстaтелz, восхвалsемъ тS, стефaне.

Слaва, и3 нhнэ, бGор0диченъ, глaсъ и3 под0бенъ т0йже:

Тyчами д¦а прес™aгw, пречcтаz, мою2 мhсль њроси2, ћже кaплю р0ждшаz хrтA неизчeтнw, безмBрнаz беззакHніz человёкwвъ щедр0тами и3змhвшую, и3зсуши2 и3ст0чникъ страстeй мои1хъ, и3 пот0ка мS спод0би пи1щи живhz при1снw, моли1твами твои1ми.

КrтобGор0диченъ. Под0бенъ т0йже:

На кrтё тz ћкw ўзрЁ пригвождeнна, гDи, ѓгница и3 м™и твоS дивлsшесz, и3 что2 видёніе сіE, взывaше, сн7е вожделённе; сі‰ ти2 невёрный соб0ръ воздадE беззак0нный, мн0гихъ твои1хъ чудeсъ наслади1выйсz: но слaва неизглаг0ланному сошeствію твоемY, вLко.

КанHнъ препод0бнагw їларіHна, творeніе їHсифа, глaсъ в7, є3гHже краегранeсіе:

Тво‰ ти6хіz восхвалю2, џ§е, нрaвы.

Пёснь №.

Їрм0съ: Во глубинЁ постлA и3ногдA, фараwни1тское всев0инство преwружeннаz си1ла, вопл0щшеесz же сл0во всеѕл0бный грёхъ потреби1ло є4сть, препрослaвленный гDь, слaвнw бо прослaвисz.

Сострадaтеленъ и3 кр0токъ бhвъ, џ§е, и3 цёлъ, и3 ти1хъ ћкw вои1стинну д¦омъ, сострадaніz б9eственнагw мS ходaтайствомъ твои1мъ, їларіHне, спод0би, ћкw да воспою1 тz нhнэ, въ тишинЁ сeрдца моегw2.

Њчи1стивсz, џ§е, t дётства, и3 взeмъ кrтъ тв0й, гDеви послёдовалъ є3си2: стр†сти тэлє1сныz воздержaніемъ же и3 чaстыми моли1твами ўвzди1лъ є3си2, и3 безстрaстіемъ ўкрашazсz.

Воспріeмъ ты2 гDне и4го лeгкое, и3 тогw2 послyшаz њправдaній, їларіHне препод0бне, тzжчaйшее грэх0вное tвeрглъ є3си2, всемyдре, брeмz, свzтhню пристzжaвъ.

БGор0диченъ: Мои1хъ прегрэшeній плени6цы, вLчце, раст0ргни, твоего2 сн7а и3 бGа молsщи: и3 мyчащій мS, приснодв7о, грёхъ низложи2, ћкw да восхвалю1 тz при1снw, всенепор0чнаz, спасaемь.

И$нъ канHнъ свzтaгw стефaна, творeніе кЂръ їHсифа, глaсъ №, є3гHже краегранeсіе:

Тво‰ чествyю, всеблажeнне, бжcтвєнныz труды2.

Пёснь №.

Їрм0съ: Пёснь побёдную пои1мъ вси2 бGу, сотв0ршему ди6внаz чудесA мhшцею выс0кою, и3 спaсшему ї}лz, ћкw прослaвисz.

Б9eственную пaмzть твою2, бGомyдре џ§е, вёрнw прaзднующе, всёхъ гDа при1снw слaвимъ, тS прослaвльшаго мн0гими, стефaне, чудесы2.

Ќмъ тв0й мановє1ніи б9eственными, всемyдре, њбожaемь, всеконeчнw tврати1сz t страстeй пл0ти, и3 ѓгGла тS на земли2 показA, стефaне.

Под8sлъ є3си2 п0стничества болBзни, џ§е, и3 стр†сти ўмертви1лъ є3си2 пл0ти неудобоудержaнныz, и3 въ безстрaстіе ћкw во nдeжду свётлу ћвэ њдёzлсz є3си2.

Распeнъ ќды тво‰ воздержaніемъ, хrтY, џ§е, пожи1лъ є3си2, кrт0мъ смeрть погyбльшему, и3 и3сцэлeній nби1льною благодaтію њбогати1вшему тS.

БGор0диченъ: ЗачалA є3си2, пречcтаz, неизречeннымъ сл0вомъ вс‰ содержaщаго земны6z концы2, и3 сего2 родилA є3си2. Е#г0же моли2 прилёжнw поми1ловати ны2.

Пёснь G.

Їрм0съ: ПроцвэлA є4сть пустhнz, ћкw крjнъ, гDи, kзhческаz неплодsщаz цRковь, пришeствіемъ твои1мъ, въ нeйже ўтверди1сz моE сeрдце.

ЖитіE твоE ћкw сlнце возсіS, препод0бне, свётлыми дэ‰ніи, монaшествующихъ ли1ки просвэти2, и3 дeмwнскую тмY tгнA.

Бhлъ є3си2 тишaйшъ сeрдцемъ, препод0бне, и3 смирeнъ д¦омъ, и3 любвE бжcтвенныz и3сп0лненъ, благопривётливъ nбhчай и3мёzй всегдA.

Кaплzми твои1хъ слeзъ ўгаси1лъ є3си2 ќгли грэхHвныz, т0чиши же ћкw прeжде концA, и3 по концЁ, мyдре, и3сцэлeній пучи1ну притекaющымъ.

БGор0диченъ: И#сцэли2 ћзвы души2 моеS, вLчце, и3 ўмA и3спрaви движє1ніz, къ в0лzмъ и3зъ тебє2 вопл0щшагосz сл0ва, молю1сz.

И$нъ.

Їрм0съ: Да ўтверди1тсz сeрдце моE въ в0ли твоeй, хrтE б9е, и4же надъ водaми нб7о ўтверждeй втор0е, и3 њсновaвый на водaхъ зeмлю, всеси1льне.

Дёлы честнhми, и3 и3справлє1ніи добродётельными, џ§е, просіsлъ є3си2, ћкоже ѕвэздA всесвётлаz монaшествующихъ соб0ру: и3 просвэти1лъ є3си2 чудeсными сі‰ніи подс0лнечную.

Си1лою благодaти д¦а враги2 безплHтныz низложи1лъ є3си2, и3 вознeслсz є3си2 благослaвнw смирeнною мyдростію: и3 чудeсъ самодёлатель, џ§е мyдре, бhлъ є3си2.

Е#ретjчествующихъ, џ§е, ўстA и4стины сл0вомъ загради1лъ є3си2: и3 гонє1ніz претерпёвъ, вэнeцъ б9eственный воспріsлъ є3си2, кромЁ ћзвы бhвъ, мyдре, мyченикъ и3зрsднэйшъ.

БGор0диченъ: Да бGъ человёкъ бyдетъ, бGъ бhсть чlвёкъ, и3зъ тебє2 є3ди1ныz чcтыz начaло пріeмъ безначaльный: сегw2 рaди тS, дв7о, вёрніи ўблажaемъ.

Сэдaленъ, глaсъ д7.

Под0бенъ: Ск0рw предвари2:

БGу њсвzти1лъ є3си2 твою2, всеблажeнне, жи1знь, бhвъ и3зрsднэйшъ свzщеннодётель, и4стиннw хrт0въ, свzщeннэйше. Тёмже по мн0гихъ и3 п0тэхъ и3 болёзнехъ рaдуzсz, къ невещeствєннымъ престaвилсz є3си2 ски1ніємъ: и3 нhнэ и3сточaеши нaмъ струи6 врачевaній.

Слaва, сэдaленъ, глaсъ №.

Под0бенъ: Гр0бъ тв0й:

Ћкw с0лнце свётло возсіsвши, џ§е, пaмzть твоS, вёрныхъ сердцA просвэщaетъ, стр†сти tгонsющи, и3 тмы2 и3з8eмлющи. Ю$же вёрою чи1стою совершaющыz покрhй, сохрани2 t и3скушeній житeйскихъ нaсъ, џ§е стефaне.

И# нhнэ, бGор0диченъ:

Безневёстнаz чcтаz бцdе дв7о, є3ди1на вёрныхъ предстaтельнице и3 покр0ве, бёдъ и3 скорбeй, и3 лю1тыхъ њбстоsній вс‰ и3збaви, на тS ўповaніе, nтрокови1це, и3мyщыz, и3 дyшы нaшz спаси2 б9eственными моли1твами твои1ми.

КrтобGор0диченъ: Зрsщи тS, хrтE, всенепор0чнаz м™и, мeртва на кrтЁ простeрта, вопіsше, сн7е м0й, собезначaльне nц7Y и3 д¦у, что2 неизречeнное твоE сіE строeніе; и4мже спaслъ є3си2, пречcтыхъ рyкъ твои1хъ, щeдре, создaніе.

Пёснь д7.

Їрм0съ: Пришeлъ є3си2 t дв7ы, не ходaтай, ни ѓгGлъ, но сaмъ, гDи, вопл0щсz, и3 спaслъ є3си2 всег0 мz человёка. Тёмъ зовy ти: слaва си1лэ твоeй, гDи.

Њчи1стивъ твоE сeрдце, честнhми восхождeньми ќмъ впери1лъ є3си2, є3ди1нагw бGа зрёти добр0ту недомhсленную, и3 toнyдными свэтлостьми2 њзарsтисz.

Сказaніе словeсъ бжcтвенныхъ творS, рaзумъ бжcтвенный, џ§е, tтyду почeрплъ є3си2: всBмъ же предaлъ є3си2, благочeстнw, їларіHне, къ тебЁ притекaющымъ.

ГлагHлъ твои1хъ слaдостію сердцA ўти1ши притекaющихъ къ тебЁ: творs бо ±же ўчи1лъ є3си2 сл0вомъ благопріsтнымъ, въ сострадaніи люб0вь и3мёлъ є3си2, препод0бне.

БGор0диченъ: ГDь тS гпcжY и3 вLчцу всёхъ содёла, пречcтаz: и3зъ твои1хъ бо ложeснъ воплоти1сz, t џбласти врaжіz своE создaніе и3збaвивъ.

И$нъ.

Їрм0съ: Д¦омъ прови1дz, прор0че ґввакyме, словесE воплощeніе, проповёдалъ є3си2, вопіS: внегдA прибли1житисz лётwмъ, познaешисz, внегдA пріити2 врeмени, покaжешисz. Слaва си1лэ твоeй, гDи.

Кaплzми свzщeнныхъ твои1хъ слeзъ напои1всz, дрeво kви1лсz є3си2, стефaне, плодови1то, мyдре, плоды2 приносS добродётелей благовHнныz, и3 чудесA безчи1слєнна и3сточaеши. Тёмже благочeстнw тS почитaемъ.

Ћкw б9eственный зри1тсz рaй, мyдре, хрaмъ и3мёz твои1хъ мощeй рaку, цвёты разли6чныz приносS чудeсъ: и4миже сердцA наслаждaютсz, вёрою, стефaне, при1снw хвaлzщихъ тS.

Слэпы6z разрэшaеши, и3 ўставлsеши лю6тыz человёкwвъ недyги въ слaву хrт0ву: t негHже благодaтію трудHвъ њбогати1всz, возвели1чилсz є3си2, просвэти1лсz є3си2, и3 прослaвилсz є3си2, слaво монaшествующихъ, џ§е нaшъ.

БGор0диченъ: С™az бцdе, њсвzти1 ны, ћже прес™aго р0ждши пл0тію, ўпод0битисz восхотёвша человёкwмъ: и3 нбcнагw жи1тельства вс‰ покажи2, пречcтаz, причaстники моли1твами твои1ми.

Пёснь є7.

Їрм0съ: Ходaтай бGу и3 человёкwмъ бhлъ є3си2, хrтE б9е: тоб0ю бо, вLко, къ свэтоначaльнику nц7Y твоемY, t н0щи невёдэніz, приведeніе и4мамы.

И#сткaлъ є3си2 себЁ спасeніz, препод0бне, ри1зу t св0йственныхъ болёзней твои1хъ: сeю њдёzвсz, и3 кнsзz тмы2 въ стyдъ вёчный њблeклъ є3си2.

Пл0ти сл†сти воздержaніемъ, препод0бне, ўвzди1въ є3си2, и3 бlгодaть нбcную, џ§е, воспріsлъ є3си2, їларіHне, врачевaти вс‰кіz человёкwвъ недyги.

Твои2 къ бGу непрестaннw рyцэ воздэвaемэ, руки2 льсти1вагw, џ§е, благочести6выz и3збaвиша, и3 всsкому болsщему здрaвіе подaша.

БGор0диченъ: Крёпость вёрныхъ, и3 препод0бныхъ былA є3си2 держaва: тоб0ю бо, чcтаz, всBмъ и3стек0ша л{чшаz, и3 на земли2 живyщіи къ нб7си2 восх0дzтъ.

И$нъ.

Їрм0съ: Тв0й ми1ръ дaждь нaмъ, сн7е б9ій, и3н0гw бо рaзвэ тебє2 б0га не знaемъ, и4мz твоE и3менyемъ, ћкw бGъ живhхъ и3 мeртвыхъ є3си2.

Мmродохновeненъ бhвъ б9eственными добродётельми, и3сточи1лъ є3си2, мyдре, по ўспeніи мЂро благов0нное, ўдивлsемь вёрными человёки, люб0вію чествyющими тS.

Величaйшими показ†ніи чудeсъ стрaшныхъ, стефaне всемyдре, просіsлъ є3си2, и3 прeжде смeрти, досточyдне, и3 по и3зшeствіи, и3 свzщeнномъ твоeмъ погребeніи.

Свsто соверши1въ твоE житіE њ хrтЁ, стефaне, бGомyдре џ§е нaшъ, со с™hми всели1лсz є3си2: и3 нhнэ њсвzщaеши вёрою чествyющыz тS.

БGор0диченъ: Р0ждши пренепор0чнаz бGа є3мманyила, чlвёка ћвэ за милосeрдіе бhвша, сего2 моли2 ћкw чlвэколю1бца, чcтаz, ўщeдрити лю1ди согрёшшыz.

Пёснь ѕ7.

Їрм0съ: Въ бeзднэ грэх0внэй валszсz, неизслёдную милосeрдіz твоегw2 призывaю бeздну: t тли2, б9е, мS возведи2.

Ўмертви1всz, їларіHне, мjру всемY, нhнэ живeши престaвивсz въ нбcныz хрaмы, и3 живон0сное всегдA и3сцэлeній и3сточaеши дёйство.

Благозвaненъ, кр0токъ, неѕл0бивъ, непор0ченъ и3 препод0бенъ, и3 благоумолeнъ, и3 ти1хъ д¦омъ бhлъ є3си2, џ§е пребогaте.

Сострадaніемъ безмёрнымъ ўкрашaемь, и3 нищелю1біz добр0тою чествyемь, б9ій ўг0дникъ бли1жній, їларіHне, показaлсz є3си2, всеизрsдне.

Ћкw чeстно твоE житіE и3 непор0чно, ћкw пред0бръ и3 красeнъ нрaвъ тв0й, ћкw стр†шна чудесA, ±же совершaеши всегдA, всечyдне.

БGор0диченъ: Черт0гъ б9ій, несквeрный, пrт0лъ nгнеoбрaзный вседержи1телz, бцdу вси2 р0ди родHвъ ўблажaемъ.

И$нъ.

Їрм0съ: Прbр0ка їHну подражaz, вопію2: жив0тъ м0й, бlже, свободи2 и3зъ тли2, и3 спаси1 мz, сп7се мjра, зовyща: слaва тебЁ.

И#справлsеши, џ§е, хромы6z, воoчaеши слэпы6z, ходи1ти же твори1ши разслaблєнныz, њ хrтЁ, и3 tгонsеши лук†выz дyхи, стефaне препод0бне.

СтруS и3стекaетъ при1снw, ћкw t и3ст0чника чи1ста, t честнhz твоеS рaки, и3сцэлeній богaтнw, блажeнне, страстeй и3зсушaющи всsкъ пот0къ.

Чyденъ чудодёлатель и3 пaстырь и4стиненъ, џ§е стефaне, ћвльсz, сохранsй при1снw стaдо твоE, є4же совокупи1лъ є3си2 мн0гими п0ты твои1ми.

БGор0диченъ: На тS, ћкw д0ждь на руно2, сошeдъ, бцdе, сп7съ, и3зсуши2 ћвэ т0ки безб0жіz, дyшы же напои1въ при1снw чтyщихъ тS.

Пёснь з7.

Їрм0съ: БGопроти1вное велёніе беззак0ннующагw мучи1телz выс0къ плaмень вознесло2 є4сть: хrт0съ же прострE бGочести6вымъ nтрокHмъ р0су д¦0вную, сhй бlгословeнъ и3 препрослaвленъ.

Nр{жіи ўzзви1лъ є3си2 твои1хъ подвигHвъ безпл0тнаго ѕмjz, и3 всеконeчнw и3стреби1лъ є3си2. Тёмже чудeсъ п0честь воспріsлъ є3си2, стр†сти лютёйшыz дyшъ же и3 тэлeсъ и3сцэлsти, препод0бне.

Сл0во твоE происх0дитъ, ћкоже росA tгонS зн0й ўнhніz, препод0бне, приходsщихъ тебЁ вёрою, џ§е нaшъ, и3 добродётельными твои1ми при1снw просвэщaz нрaвы д¦омъ.

Страстeй самодeржца ќмъ сотвори1въ, ћвэ цrтвовалъ є3си2 ћкw побэди1тель и3зрsденъ, и3 kзhки и3ноплемє1нныz побори1лъ є3си2: и3 и3згуби1лъ є3си2, мyдре, дeмwнwвъ стр†сти всеп†губныz.

Не поколебaша, препод0бне, твоегw2 сeрдца столпA недви1жимагw и3скушeній вётры: на кaмени бо ўтверди1сz гDни любвE, є4юже ўкрэплsемь, мнHгимъ бhлъ є3си2 бжcтвенное, џ§е, ўтверждeніе.

Трbченъ: Пою1 тz тричи1сленную ли1цы, трbце пресyщественнаz, нераздёльну, несліsнну є3ди1ницу, є3стеств0мъ же недомhсленну, є3ди1наго вседержи1телz бGа, џ§е, сл0ве, и3 дш7е с™hй.

БGор0диченъ: Nбразh тz и3здалeча проwбразовaше бlгодaть д¦а прbр0ческими проповBданіи, г0ру тyчну, свsту, двeрь спаси1тельную, сви1токъ же новёйшій, чcтаz, и3 ківHтъ тS и3менyющи.

И$нъ.

Їрм0съ: Сyщымъ въ пещи2 nтрокHмъ твои6мъ, сп7се, не прикоснyсz, нижE стужи2 џгнь. ТогдA тріE, ћкw є3ди1нэми ўсты2, поsху и3 бlгословлsху, глаг0люще: благословeнъ бGъ nтє1цъ нaшихъ.

Свzщеннодёйствовалъ є3си2, ћкоже тебE самaго ќгліемъ п0стническагw пребывaніz, вeсь хrт0во показaлсz є3си2, џ§е, благов0ніе: и3 вёрныхъ ли1ца бlгов0нствуеши при1снw, чудодёйствуz пaче ўмA.

Правослaвіz сіsz блист†ніи, tгнaлъ є3си2 тмY є3ресeй, мyдре: и3 гонє1ніz на лBта мнHжайшаz претерпёвъ, мyченикъ безъ кр0ве бhлъ є3си2: тёмже вёрнw тS восхвалsемъ.

Терпёніе стzжaвъ мн0гое, воздержaніе, вёру и3 люб0вь и4стинну, kви1лсz є3си2 nтeцъ сирHтъ, вдови1цъ предстaтель сострадaтеленъ и3 смирeнъ, стефaне, монaхwвъ слaво и3 похвало2.

ТвоемY ўдиви1сz п0лкъ ѕлоyмныхъ всен0щному стоsнію, и3 моли1твенному пождaнію, слезaмъ и3 воздыхaнію, къ зижди1телю и4стиннэй любви2, и4миже низложи1лъ є3си2 тёхъ, стефaне, ков†рствіz.

БGор0диченъ: Кaкw питaеши млек0мъ сн7а без8o1§а, питaющаго всsко дыхaніе, м™и чcтаz; кaкw на рукaхъ н0сиши содержaщаго вс‰; пaче ўмA чyдо твоE. Тёмъ поeмъ при1снw вели6чіz тво‰.

Пёснь }.

Їрм0съ: Пeщь и3ногдA џгненнаz въ вавmлHнэ дBйства раздэлsше, б9іимъ велёніемъ халдє1и њпалsющаz, вBрныz же њрошaющаz, пою1щыz: благослови1те, вс‰ дэлA гDнz, гDа.

Приврeменную њстaвивъ житіS слaву, џ§е, и3 претекaющее наслаждeніе, слaву же неteмлему и3 пи1щу немимотекyщую на нб7сёхъ воспріsлъ є3си2, всемyдре, со всёми боsщимисz гDа.

ВсE твоE сётуz прошeлъ є3си2 житіE: тёмъ блажeнства спод0билсz є3си2 и3 ўтэшeніz, є3мyже причащaютсz свzтjи. Въ земли2 кр0ткихъ рaдуzсz нhнэ, препод0бне, всели1лсz є3си2, ћкw смhсленъ же и3 разyменъ.

ЧестнA твоS предъ бGомъ kви1сz смeрть, џ§е свzщeннэйше: тогH бо почти1лъ є3си2 їкHну, и3 гонє1ніz претерпёлъ є3си2, њскорблsемь t мучи1телей, препод0бне, мyченикъ въ сeмъ показyzсz.

Ўстaвилъ є3си2 ћвэ ловцє1въ, џ§е, негодовaніе, и3 ўмн0жилъ є3си2 си1хъ ловлє1ніz, и5же прeжде не получи1ша, бGу послyшавшу, препод0бне, моли1твъ твои1хъ, сщ7еннодёйственне всеблажeнне.

БGор0диченъ: Сквeрны мS страстeй и3 кaла грэх0внагw, бGорaдованнаz, tмhй, и3 двeрь мнЁ tвeрзи покаsніz поп0лзшемусz, и3 содeржнw прегрэшeньми, чcтаz, срэтaющемусz, и3 бGа прогнёвающему.

И$нъ.

Їрм0съ: Е#гHже ўжасaютсz ѓгGли и3 вс‰ вHинства, ћкw творцA и3 гDа, п0йте, сщ7eнницы, прослaвите, џтроцы, благослови1те, лю1діе и3 превозноси1те во вс‰ вёки.

Препод0бнw преподHбнаz, всебlжeнне, совершaz, преподHбнымъ сочтaлсz є3си2, и3 всBмъ и3збр†ннымъ, съ ни1миже тS почитaемъ, и3 рaцэ мощeй твои1хъ покланsющесz, стефaне џ§е бGон0се.

ЎмA чистотY стzжaвъ, мyдре, д¦а зерцaло бhлъ є3си2 красно2, сегw2 kвлє1ніz пріeмлz, и3 лю1ди просвэщaz твои1ми ўчє1ніи.

Ви1дитсz преслaвное, всебlжeнне, тоб0ю, всемyдре, совершaемое: t є3ди1нагw бо твоегw2 женA видёніz, присyщагw є4й недyга tрёшшисz, прaвw шeствоваше.

Трbченъ: Воспои1мъ безначaльнагw nц7A и3 сн7а, и3 д¦а с™aгw нераздёльное начaло, присносyщную держaву, тріmпостaсное є3стество2, є3ди1ну слaву и3 є3ди1но цrтво.

БGор0диченъ: Вопл0щсz безпл0тный и3з8 тебє2 бGолёпнэ, є3г0же моли2, пречcтаz, стр†сти пл0ти моеS ўмертви1ти, и3 њживи1ти мою2 ўмерщвлeнную дyшу грэхми2.

Пёснь f7.

Їрм0съ: Безначaльна роди1телz сн7ъ, бGъ и3 гDь, вопл0щсz t дв7ы, нaмъ kви1сz, њмрачє1ннаz просвэти1ти, собрaти расточє1ннаz. Тёмъ всепётую бцdу величaемъ.

Врачев†ніz гр0бъ тв0й д¦а бlгодaтію и3сточaz, и3зсушaетъ страстeй тyчы, дyхи tг0нитъ прeлести, и3 просвэщaетъ всёхъ сердцA, їларіHне препод0бне, вёрнw блажaщихъ тS.

Ћкw ши1покъ процвёлъ є3си2 въ цвётницэ пощeніz, ћкw сладков0нный крjнъ, ћкw ћблоко благов0нно: и3 њблагоухaлъ є3си2 всёхъ благочести1выхъ дyшы и3 сердцA, їларіHне слaвне, моли1твенниче њ благохвaлzщихъ тS.

Сострадaніе и3мёлъ є3си2, люб0вь и3 смирeніе, и3 ми1лостыню, и3 nбhчай пр0стъ, вёру и4стинну и3 надeжду, житіE чeстно и3 нрaвъ прaвъ, їларіHне препод0бне, монaшествующихъ ўдобрeніе.

Пaмzть твоS днeсь ћкw с0лнце возсіS, благочести1выхъ сердцA свётлостію болёзней твои1хъ и3 чудeсъ сіsньми, ћкw вои1стинну просвэщaющи, џ§е, въ ню1же вс‰ помzни2 вёрнw чтyщыz тS.

БGор0диченъ: Глaсъ тебЁ прин0симъ гавріи1ловъ рaдующесz: рaдуйсz, глаг0люще, мёсто свzщeніz: рaдуйсz, препод0бныхъ слaво, и3 всёхъ вёрныхъ спасeніе, є3sже рaди њбожи1хомсz, бцdе приснодв7о.

И$нъ.

Їрм0съ: Свэтон0сный џблакъ, въ џньже всёхъ вLка, ћкw д0ждь съ нб7сE на руно2 сни1де, и3 воплоти1сz нaсъ рaди, бhвъ чlвёкъ, безначaльный, величaемъ вси2 ћкw м™рь бGа нaшегw чcтую.

Стопaмъ послёдуz, бGон0се, бlгочeстнw и3 препод0бнw пожи1вшымъ на земли2, кр0токъ, неѕл0бивъ kви1лсz є3си2, сострадaтеленъ и3 смирeнъ, и3 ти1хъ, стефaне, и3 любвE и3сп0лненъ бжcтвенныz: сегw2 рaди тS вёрнw восхвалsемъ.

Ћкоже сладков0нное мЂро, ћкw пречи1стый крjнъ, ћкw ши1покъ, џ§е, благоцвэтyщь, благов0ніе и3спущaеши t честнhz твоеS рaки, безчи1сленныхъ врачевaній, ѕлосмр†дныz недyги tгонS, вёрою приступaющихъ тебЁ тeплэ.

ТS пaстырz бжcтвеннаго и3 подражaтелz вели1каго началопaстырz хrтA м0лимъ, бGомyдре: сyщыz твоегw2 стaда нhнэ џвцы нaсъ спасaй t лукaвыхъ волкHвъ, с™hми ходaтайствы твои1ми при1снw.

Всесвzтaz твоS пaмzть, ћкоже сlнце вeліе возсіsвши, свётлw њзарsетъ твaрь, ю4же совершaюще благочeстнw, вопіeмъ ти2, стефaне: моли1твами твои1ми всёхъ мы6сли њзари1въ, покрhй и3 сохрани2 ны2.

БGор0диченъ: Грэхолюби1въ сhй въ нерадёніи жи1въ, и3 суди1ща, чcтаz, неумhтнагw трепeщу: на нeмже мS соблюди2 твои1ми с™hми мольбaми, бGоневёсто, неwсуждeнна, да ћкw предстaтельницу при1снw ўблажaю тS.

Знайшли помилку