Січень,  Мінея Місячна

Вересень * Жовтень * Листопад * Грудень * Січень * Лютий * Березень * Квітень * Травень * Червень * Липень * Серпень * Богородичний додаток

Січень

← В 20-й день В 22-й день →

День 12345678910111213141516171819202122232425262728293031

В 21-й день

ТранслітераціяЦерковнослов’янськаУкраїнська

Преподо́бнаго отца́ на́шего Макси́ма Испове́дника и свята́го му́ченика Неофи́та. И святы́х му́чеников Евге́ния, Кани́дия, Валериа́на и Аки́лы

Слу́жба их пое́тся на повече́рии.

На Го́споди, воззва́х: стихи́ры Макси́ма, на 6, глас 4.

Подо́бен: Яко до́бля:

На милосе́рдие бы́вша Челове́ка, я́ко благоизво́ли,/ во дву хоте́ниих, де́йствах же разумева́ема, преподо́бне,/ пропове́дал еси́, Макси́ме,/ загражда́я скве́рных незатворе́нная уста́,/ единово́льна, единоде́йственна Того́ сла́вящих,/ искуше́нием диа́вольским зло́бу соде́лавшаго.

Жи́лами уче́ний твои́х/ Пи́рра, о́тче, удави́л еси́,/ буесло́вяща, Макси́ме, злому́дреннаго,/ и гоне́ния претерпе́л еси́, и ско́рби, приснопа́мятне,/ ураня́емь лю́те, и язы́к отре́зуемь,/ и ю́же всегда́ к Бо́гу простира́емую Боже́ственную ру́ку,/ е́юже пиша́, соверши́л еси́ высо́кая словеса́.

Скоропи́сца я́ко трость, наостре́на Ду́хом,/ святы́й бысть, блаже́нне, язы́к твой,/ добропи́шущ благода́тию на скрижа́лех серде́ц на́ших/ зако́н Боже́ственных доброде́телей, и уче́нием изве́стие,/ и воплоще́ние во дву существа́х челове́ком/ и Еди́ней Ипоста́си яви́тися восхоте́вшаго.

И́ны стихи́ры му́ченика Неофи́та, глас 8.

Подо́бен: О, пресла́внаго чудесе́:

О, пресла́внаго чудесе́!/ Го́лубь бесе́дует Неофи́ту му́ченику/ челове́ческим веща́нием,/ от Вы́шних прише́дший,/ его́же ра́ди и облиста́ет житие́ равноа́нгельно,/ и́мже, ю́ношствуя, стра́ждет кре́пко./ О, Боже́ственных дея́ний пятострада́льнаго му́ченика!/ Его́же моли́твами спаси́ ду́ши на́ша, Христе́,/ я́ко Благоутро́бен.

О, пресла́внаго чудесе́!/ От пеле́н саме́х совершенному́дрый Неофи́т/ соверша́ет чудеса́ де́йством Ду́ха:/ из ка́мене во́ду моли́твами источа́ет,/ ме́ртвую воздвиза́ет,/ ея́же яви́ся поро́д./ О, Боже́ственных дея́ний пятострада́льнаго му́ченика!/ Его́же моли́твами спаси́ ду́ши на́ша, Христе́,/ я́ко Благоутро́бен.

О, пресла́внаго чудесе́!/ За Христа́ стражда́ треблаже́нный Неофи́т,/ враги́ устраши́ изря́дными виде́нии,/ огнь угаса́ет сему́ вмета́ему,/ свере́пыя зве́ри устраши́вшияся показу́ет./ О держа́во непобеди́мая,/ в не́йже удивля́ется страда́лец!/ Но моли́твами его́ спаси́ ны, Бо́же.

Сла́ва, преподо́бнаго, глас 6:

Преподо́бне о́тче,/ во всю зе́млю изы́де веща́ние исправле́ний твои́х./ Тем на Небесе́х обре́л еси́ мзду трудо́в твои́х,/ де́монския погуби́л еси́ полки́/ и А́нгельския дости́гл еси́ чи́ны,/ ихже житию́ без поро́ка поревнова́л еси́,/ дерзнове́ние име́я ко Христу́ Бо́гу,/ мир испроси́ душа́м на́шим.

И ны́не, Богоро́дичен.

А́ще среда́ и́ли пято́к, Крестобогоро́дичен.

Подо́бен: Всю отложи́вше:

А́гнца Своего́/ А́гница нескве́рная дре́вле и Непоро́чная Влады́чица/ на Дре́ве Кре́стнем я́ко узре́,/ ма́терски восклица́ше/ и, дивя́шися, вопия́ше:/ Ча́до сладча́йшее,/ что зре́ние сие́, но́вое и пресла́вное?/ Ка́ко сонм безблагода́тный/ суди́щу Пила́тову преда́де Тя/ и осужда́ет на смерть Жизнь вся́ческих?/ Но воспева́ю Твое́ неизрече́нное,/ Сло́ве, снизхожде́ние.

На стихо́вне Окто́иха.

Сла́ва, глас 8:

Мона́хов мно́жества,/ наста́вника тя почита́ем, о́тче наш Макси́ме:/ твое́ю бо стезе́ю вои́стинну пра́во ходи́ти позна́хом./ Блаже́н еси́, Христу́ рабо́тав,/ и вра́жию обличи́л еси́ си́лу,/ А́нгелов собесе́дниче, преподо́бных соприча́стниче и пра́ведных,/ с ни́миже моли́ся Го́сподеви/ поми́ловатися душа́м на́шим.

И ны́не, Богоро́дичен и́ли Крестобогоро́дичен.

Подо́бен: О, пресла́внаго чудесе́!

Что зри́мое виде́ние,/ е́же Мои́ми очесы́ ви́дится,/ о Влады́ко!/ Содержа́й всю тварь,/ на Дре́во воздви́жен быв,/ и умира́еши, всем Дая́й жизнь? -/ Богоро́дица, пла́чущи, глаго́лаше,/ егда́ узре́ на Кресте́ возноси́ма/ из Нея́ неизрече́нно возсия́вшаго/ Бо́га и Челове́ка.

Тропа́рь, глас 8:

Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ мона́шествующих Богодухнове́нное удобре́ние,/ Макси́ме прему́дре,/ уче́ньми твои́ми вся просвети́л еси́,/ цевни́це духо́вная,/ моли́ Христа́ Бо́га спасти́ся душа́м на́шим.

Други́й тропа́рь, му́ченика, глас 4:

Му́ченик Твой, Го́споди, Неофи́т/во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.

На повече́рии

После́дование му́чеников пое́тся на повече́рии. Кано́н, его́же краегране́сие: Четвери́цу пою́ му́чеников победоно́сных, глас 2.

Песнь 1

Ирмо́с: Нетре́ну, необы́чну,/ немо́кренно морску́ю ше́ствовав стезю́,/ избра́нный вопия́ще Изра́иль:/ Го́сподеви пои́м, я́ко просла́вися.

Све́тлостию Трисо́лнечныя благода́ти, сла́внии му́ченицы, озаря́еми,/ воспева́ющия ва́шу па́мять всечестну́ю просвети́те,/ от тьмы избавля́юще страсте́й и обстоя́ний.

Освеща́еми Всесвяты́м Ду́хом, ми́ра оста́вльше бу́рю,/ удали́стеся в гора́х, му́дрии му́ченицы сла́внии,/ к Боже́ственному страда́нию обуча́еми,/ е́же и све́тло соверши́сте.

Утвержда́еми держа́вною Зижди́теля и всекре́пкою си́лою,/ Боже́ственнии му́ченицы,/ обурева́ньми мно́гими яви́стеся непрекло́нни в му́ках,/ всю попра́вше враго́в си́лу.

Богоро́дичен: Ми́лости мя, благослове́нная Влады́чице,/ Боже́ственныя получи́ти сподо́би предста́тельствы Твои́ми,/ ро́ждшая пло́тию Сло́во Ми́лостивнейшее и Благопремени́тельное,/ прие́млющее к Нему́ притека́ющия.

Песнь 3

Ирмо́с: На ка́мени мя ве́ры утверди́в,/ разши́рил еси́ уста́ моя́ на враги́ моя́,/ возвесели́ бо ся дух мой, внегда́ пе́ти:/ несть свят, я́коже Бог наш,/ и несть пра́веден, па́че Тебе́, Го́споди.

Любо́вию уязвля́еми Влады́чнею, му́ки претерпе́сте многообра́зныя:/ жи́лами бо суро́вейше, страда́льцы, бие́ми,/ огне́м же отвсю́ду лю́то опаля́еми, непрекло́нни пребы́сте.

Укрепля́еми си́лою Госпо́днею, изыдо́сте к боре́нию врага́/ и сего́ низложи́сте, страстоте́рпцы, Христу́ зову́ще:/ Ты еси́ Бог наш, и несть пра́веден, па́че Тебе́, Го́споди.

Со А́нгелы лику́юще в Вы́шних и с собо́ры соединя́еми му́чеников,/ с си́ми моли́теся/ изба́вити вся́кия ско́рби и обстоя́ния вас чту́щия,/ Боже́ственнии му́ченицы.

Богоро́дичен: Согла́сно Тя, Всепе́тая, благосло́вим,/ Е́юже нам возси́я неизрече́нно Сия́ние Невече́рнее, и вопие́м:/ спаса́й рабы́ Твоя́ вся́каго озлобле́ния,/ ве́рных бо Помо́щница Ты еси́.

Песнь 4

Ирмо́с: Пою́ Тя, слу́хом бо, Го́споди, услы́шах и ужасо́хся:/ до ме́не бо и́деши, мене́ ища́, заблу́ждшаго./ Тем мно́гое Твое́ снизхожде́ние, е́же на мя, прославля́ю,/ Многоми́лостиве.

Пою́ще благоче́стно, почти́м Евге́ниево дерзнове́ние,/ Аки́лы противле́ние,/ Кани́диево же терпе́ние,/ ку́пно с ни́ми почита́юще и Валериа́нову кре́пость.

Неи́стовством одержа́н, мучи́тель/ у́жами растя́гнена неми́лостивно би́ти тя повелева́ет,/ и желе́зом вельми́ строга́ти тя, Евге́ние,/ и свеща́ми опаля́ти те́ло твое́.

Непщева́в пребезу́мный мучи́тель/ тве́рдость ва́шу му́ками разори́ти, му́дрии му́ченицы,/ му́кам подлага́ет вас горча́йшим,/ но благода́тию Вседе́теля Христа́ сего́ посрами́сте.

Богоро́дичен: Я́ко еди́на ве́рных по́моще,/ Всеблагослове́нная Богоро́дице,/ от вся́ких изба́ви скорбе́й Твоя́ рабы́,/ те́пле блажа́щия Тя и в Боже́ственный кров Твой притека́ющия.

Песнь 5

Ирмо́с: Просвеще́ние во тьме лежа́щих,/ спасе́ние отча́янных, Христе́ Спа́се мой,/ к Тебе́ у́тренюю, Царю́ ми́ра,/ просвети́ мя сия́нием Твои́м:/ ино́го бо, ра́зве Тебе́, бо́га не зна́ю.

Му́ченическое показу́я вои́стинну терпе́ние,/ стал еси́, я́ко адама́нт, го́рькия му́ки подъе́мля/ и взыва́я Зижди́телю благода́рно, му́чениче Евге́ние:/ ино́го бо, ра́зве Тебе́, бо́га не зна́ем.

Безве́стию бо́ги и́дольския препосла́л еси́/ свяще́ннейшими твои́ми к Зижди́телю моли́твами,/ подъя́л еси́ ра́ны многообра́зныя по всему́ те́лу,/ му́чениче Евге́ние,/ па́лицами неща́дно ураня́емь.

Богоро́дичен: Изба́ви нас, Всесвята́я Дево, вся́каго вре́да,/ Ты бо Предста́тельница еси́ на́ша,/ наде́ющихся на Тя, Богоро́дице, и вопию́щих Боже́ственному Рождеству́ Твоему́:/ ино́го бо, ра́зве Тебе́, бо́га не зна́ем.

Песнь 6

Ирмо́с: Ко Го́споду от ки́та Ио́на возопи́:/ Ты мя возведи́ из глубины́ а́да, молю́ся,/да я́ко Изба́вителю во гла́се хвале́ния/ и́стины же Ду́хом пожру́ Тебе́.

Простира́еми на дре́ве, и желе́зом стру́жеми я́ростию судя́щаго/ и жи́лами ссека́еми по плеще́м неща́дно, и огне́м опаля́еми,/ добропобе́днии му́ченицы ра́довахуся.

Терпе́л еси́ те́лом, свеща́ми опаля́емь,/ и на дре́ве, сла́вне, протяза́емь, Евге́ние,/ и со́лию ра́ны неща́дно посыпа́емы/ беззако́ннаго мучи́теля суровство́м.

Богоро́дичен: Да изба́вимся вся́каго наве́та и ско́рби, Богора́дованная,/ и́же в Твой покро́в притека́ющии,/ и любо́вию Тя при́сно благоче́стно сла́вяще,/ я́ко Ма́терь Бо́жию Всенепоро́чную.

Седа́лен, глас 4.

Подо́бен: Яви́лся еси́ днесь:

Красота́ просия́вши тве́рдых му́чеников,/ четвери́ца озари́ четы́ре концы́ ми́ра заря́ми,/ страда́ньми му́чеников и си́лами,/ от ни́хже сия́ет вели́кий Евге́ний.

Песнь 7

Ирмо́с: О́бразу злато́му, на по́ли Деи́ре служи́му,/ три́е Твои́ о́троцы небрего́ша безбо́жнаго веле́ния,/ посреде́ же огня́ вве́ржени, ороша́емы, поя́ху:/ благослове́н еси́, Бо́же оте́ц на́ших.

По́двиги све́тлыми обле́клся еси́ му́жески на пре́лесть/ и, победоно́сец, о Евге́ние, Боже́ственным манове́нием быв,/ обре́л еси́ воздая́ния трудо́в, со А́нгелы же пое́ши:/ благослове́н еси́, Бо́же отце́в на́ших.

Крест Христо́в иму́ще, страда́льцы, я́ко Боже́ственное ору́жие,/ диа́воле ополче́ние и мучи́телей противле́ние вку́пе низложи́сте,/ побе́ды венцы́ прие́мше от жизноно́сныя десни́цы Страстополо́жника Бо́га.

Умо́м чи́стым мук прило́ги не поколеба́лся еси́,/ но непреста́нно, о Евге́ние, па́лицами бие́мь,/ изря́днейше посе́кл еси́, му́чениче, сопротивле́нием страда́ний твои́х/ главы́ враго́в и неви́димых супоста́тов.

Богоро́дичен: Се вои́стинну, я́ко прорекла́ еси́,/ ро́ди Тя, Всечи́стая, вси досто́йно ублажа́ем и по до́лгу сла́вим:/ Ты бо Собезнача́льное Сло́во О́тчее родила́ еси́,/ за е́же спасти́ челове́ки,/ воплоще́нное из Тебе́.

Песнь 8

Ирмо́с: В пещь о́гненную ко отроко́м евре́йским снизше́дшаго/ и пла́мень в ро́су прело́жшаго Бо́га,/по́йте, дела́, я́ко Го́спода/ и превозноси́те во вся ве́ки.

Вся́кому лука́вному кова́рству гони́телей сопроти́вися/ Валериа́н же, и сла́вный с ним Аки́ла,/ и Боже́ственный Евге́ний/ ку́пно со страда́льцем Кани́дием до́блественным.

Богоза́рная чу́дных страстоте́рпцев Христо́вых наста́ па́мять,/ Валериа́на же и Евге́ния ку́пно,/ Аки́лы Боже́ственнаго и Кани́дия,/ ю́же ра́достно соверша́ем любо́вию.

Светови́дными луча́ми облиста́ющи нам све́тло,/ наста́ ле́тняя па́мять страстоте́рпцев Христо́вых,/ Аки́лы Боже́ственнаго и Кани́дия ку́пно,/ и Евге́ния, и Валериа́на.

Богоро́дичен: Соприсносу́щный Отцу́ и Собезнача́льный Сын из Тебе́ про́йде, в после́дняя ле́та,/ за е́же спасти́ ны, Де́во Чи́стая Неискусобра́чная,/ Его́же не преста́й нам умилостивля́ющи.

Песнь 9

Ирмо́с: От Бо́га Бо́га Сло́ва,/ неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те,/ от Святы́я Де́вы неизрече́нно воплоти́вшагося нас ра́ди,/ ве́рный, единому́дренно пе́сньми велича́ем.

Стремле́ние победи́л еси́ мучи́телей,/ по множа́йших му́ках преше́д к Бо́гу прера́достно,/ побе́ды по́чести прие́м, я́ко ору́жник до́блественный,/ я́ко вели́к хра́брник, я́ко избра́нный Христо́в во́ин, Евге́ние всеизя́щнейший.

Со А́нгельскими ли́ки, и му́ченическими собо́ры совоку́пльшеся, и пра́ведных чи́ны,/ ны́не с ни́ми моли́теся/ вас воспева́ющим дарова́ти очище́ние грехо́в/ и вся́ких бед, му́ченицы, избавле́ние.

О нас, соверша́ющих све́тлую ва́шу па́мять, Евге́ние Богому́дре, благоче́стно,/ му́чениче Аки́ло всесла́вне и Валериа́не с Кани́дием сострада́льцем,/ приле́жно умоли́те Христа́ Преблага́го.

Богоро́дичен: Тя, Всесвята́я Де́во,/ А́нгелов мно́жества и всех челове́к ро́ди прера́достно ублажа́ют:/ всех бо Спа́са, и Зижди́теля, и Влады́ку, и Бо́га породила́ еси́,/ Его́же о нас моли́.

Стихи́ры, глас 2.

Подо́бен: Егда́ от Дре́ва:

Пе́сньми восхва́лим, ве́рнии,/ и́стинно Боже́ственныя ору́жники и страда́льцы Христо́вы:/ му́драго Евге́ния и Валериа́на,/ Кани́дия сла́внаго и сострада́льца/ ку́пно со Аки́лою,/ ве́рно ублажа́юще сия́, я́ко пострада́вшия стра́нно,/ я́ко да в час осужде́ния нас изъе́млют муче́ния.

Му́чениче страстоте́рпче Христо́в,/ твое́ ве́рвьми те́ло наляца́емо/ я́ростию мучи́теля зе́льно строга́шеся,/ неща́дно же опаля́шеся,/ бие́мо, му́чениче, свеща́ми опаля́емо/ и притрыва́емо со́лию и о́цтом люте́йшим,/ ты же претерпе́л еси́ вся, Евге́ние блаже́нне, ра́ди Го́спода.

Зако́н спаси́тельный я́ве име́я в се́рдцы твое́м, му́чениче,/ мир оста́вил еси́,/ гора́м же прибли́жился еси́,/ к Боже́ственному страда́нию обуча́яся, блаже́нне,/ вои́стинну соверше́нному;/ е́же и прие́мля, ра́дуяся,/ претерпе́л еси́ все телесе́ строга́ние/ и огня́ люте́йшее, Валериа́не му́чениче, попале́ние.

Сла́ва, и ны́не, Богоро́дичен:

Ра́дуйся! – вся тварь Тебе́ вопие́т:/ ра́дуйся, Всесвята́я Де́во,/ ра́дуйся, скиптре Дави́дов;/ ра́дуйся, прозя́бшая грозд та́йный;/ ра́дуйся, две́ре Небе́сная и неопали́мая купино́;/ ра́дуйся, све́те всеми́рный;/ ра́дуйся, всех ра́досте;/ ра́дуйся, заступле́ние;/ ра́дуйся, чи́сте притека́ющих в Твою́ по́мощь, Всенепоро́чная.

Крестобогоро́дичен:

Егда́ нескве́рная А́гница/ ви́де Своего́ А́гнца,/ на заколе́ние я́ко Челове́ка во́лею влеко́ма,/ пла́чущи, глаго́лаше:/ безча́дствовати Мя ны́не тщи́шися, Христе́, ро́ждшую Тя,/ что сие́ сотвори́л еси́, Избави́телю вся́ческих?/ Оба́че воспева́ю/ и сла́влю Твою́, ю́же па́че ума́ и сло́ва,/ кра́йнюю бла́гость,/ Человеколю́бче.

На у́трени

Еди́н кано́н Окто́иха и святы́х два. Кано́н преподо́бнаго, его́же краегране́сие кроме́ Богоро́дичное: Всевелича́йший Макси́м да сла́вится. Творе́ние Иоа́нна мона́ха, глас 8.

Песнь 1

Ирмо́с: Пои́м Го́сподеви,/ прове́дшему лю́ди Своя́ сквозе́ Че́рмное мо́ре,/ я́ко Еди́н сла́вно просла́вися.

Всю мне Богодухнове́нную от медото́чнаго и сла́дкаго твоего́ иска́пай язы́ка,/ Боже́ственный Макси́ме, благода́ть Ду́ха.

Огнь горя́щ яви́лся еси́ на е́реси, блаже́нне:/ я́ко бо тро́стие, сия́ изнури́л еси́ ре́вностию Ду́ха.

Безслове́сное предложи́ся от злочести́вейшаго произволе́ния единово́льное уче́ние,/ словесы́ же твои́ми, о́тче, обличи́ся.

Богоро́дичен: Весь жела́ние, из утро́бы Твоея́, Богоневе́сто, благоизво́ливый роди́тися,/ и Сла́дость есть, и Свет незаходи́мый.

Кано́н му́ченика, глас то́йже, его́же краегране́сие: Христо́в сад тя, му́чениче, благохвалю́ но́вый. Творе́ние Иосифово.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Христо́в тя, всеблаже́нне, но́вый сад, в вертогра́де процве́тший му́ченичестем,/ и свяще́нныя плоды́ благоче́стия израсти́вша, позна́вше, пое́м, Неофи́те.

Глаго́лов Боже́ственных испо́лнитель показа́вся, блаже́нне,/ от младе́нства благу́ю часть му́дре избра́л еси́/ и наста́вник заблу́дшим был еси́.

Ви́дети жела́я Христа́, пло́тию из Де́вы младе́нствовавшаго нас ра́ди,/ младе́нец сый, младе́нцев к соверше́нству водя́й мудрова́ние.

Иска́паяй, Богому́дре, сла́дость Богоразу́мия из уст свяще́нных,/ ду́ши, очарова́нныя зло́бою чужда́го, че́стно услади́л еси́.

Богоро́дичен: Ро́ждшая естество́м Соде́теля, обожи́ла еси́ все существо́ земноро́дных,/ те́мже Тя, вои́стинну Богоро́дицу, испове́дуем, Де́во Богоневе́сто.

Песнь 3

Ирмо́с: Ты еси́ утвержде́ние притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.

Велича́йший Макси́м, благочести́выя Христо́вы ве́ры/ всеи́стинно пропове́дник же и му́ченик показа́ся кро́вию.

Макси́ме блаже́нне,/ ты поще́нием был еси́ Боголе́пное любому́дрия и чи́стое жили́ще.

Излия́ язы́к твой реку́ Христо́вых уче́ний благоче́стие,/ Макси́ме всеблаже́нне,/ прему́дрости пита́тель.

Богоро́дичен: Да стезю́, Влады́ко, ко святы́ни веду́щую, пока́жеши нам,/ во утро́бу всесвяту́ю всели́лся еси́.

Ин. Ирмо́с то́йже

Всего́ возложе́на тя Всеще́дрому Сло́ву/ Чи́стый Дух соблюда́ше невреди́ма, сла́вне.

Воспе́ша Го́спода мно́жества люде́й ве́рных,/ ви́девше тобо́ю, му́чениче, ро́ждшия тя из ме́ртвых воста́ние.

Све́том облиста́ющая голуби́ца,/ гла́сом живы́м тя и путе́м спаси́тельным призыва́ет, Неофи́те.

Богоро́дичен: Пе́ние ра́достное род челове́ческий при́сно приноша́ет Тебе́, Ма́ти Бо́жия,/ безсме́ртие Тебе́ ра́ди восприе́мший.

Конда́к, глас 8.

Подо́бен: Взбра́нной:

Тро́ицы рачи́теля и вели́каго Макси́ма,/ науча́юща я́сно ве́ре Боже́ственней,/ е́же сла́вити Христа́, во дву́ естества́х, во́лях же и де́йствах су́ща,/ в пе́снех досто́йных, ве́рнии, почти́м, взыва́юще:/ ра́дуйся, пропове́дниче ве́ры.

Та́же седа́лен, глас 5.

Подо́бен: Собезнача́льное Сло́во:

Гоне́ния претерпе́в за ве́ру,/ отгна́л еси́, о́тче, вся́ку е́ресь,/ отсе́чен же с руко́ю язы́к, Макси́ме,/ испове́дания благоле́пный от руки́ Творца́ прия́л еси́ вене́ц, блаже́нне./ Его́же ны́не непреста́нно моли́/ поми́ловатися душа́м на́шим.

Сла́ва, му́ченика, глас 4.

Подо́бен: Вознесы́йся на Крест:

Новоцве́тный я́коже сад, прозя́бл еси́/ в вертогра́дех Христо́вых страстоте́рпцев,/ плоды́ Боже́ственнаго ра́зума прине́сл еси́,/ и́миже пита́ются ве́рно тя чту́щия, сла́вне Неофи́те,/ страда́льче доблему́дренный,/ но твои́ми моли́твами/ нас всегда́ спаса́й, Бо́гу предстоя́.

И ны́не, Богоро́дичен.

По Бо́зе в Твой, Богоро́дице, прибе́г смире́нный покро́в Боже́ственный,/ припа́дая, молю́ся:/ поми́луй, Пречи́стая, я́ко превзыдо́ша главу́ мою́ греси́,/ и бою́ся, Влады́чице, мук, и трепе́щу./ Моле́ние сотвори́, Чи́стая, к Сы́ну Твоему́/ от сих изба́вити мя.

Крестобогоро́дичен:

Из Безнача́льнаго Отца́ рожде́ннаго,/ напосле́док Тя пло́тию Ро́ждшая/ на Кресте́ ви́сяща зря́щи, Христе́, -/ увы́ Мне, любе́знейший Иису́се! – вопия́ше, -/ ка́ко сла́вимый я́ко Бог от А́нгел,/ от беззако́нных ны́не челове́ков, Сы́не, хотя́, распина́ешися?/ Пою́ Тя, Долготерпели́ве.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Земноро́дных тя почита́ют, и Небе́сных чи́ни чудя́тся,/ любо́вию бо му́дрости показа́лся еси́, о́тче, я́ко безпло́тен.

Су́ров убо мучи́тель, но терпе́ние твое́ непрекло́нно,/ тем ты у́бо ублажи́лся еси́, вселука́вый же изве́ржеся.

Состра́ждет тебе́, Макси́ме, ученико́в дво́ица преблаже́нная,/ твои́м страда́нием приобши́вшеся,/ те́мже и по́честей ра́вно получи́ша.

Тече́нием твоея́ кро́ве напая́ема,/ Це́рковь Христо́ва прозяба́ет оте́ческаго преда́ния Боже́ственное се́мя/ твои́м уче́нием, преподо́бне.

Богоро́дичен: Изба́вльшеся Рождество́м Твои́м грехо́внаго до́лга, Всенепоро́чная,/ ра́достное пе́ние возсыла́ем Тебе́, Богоневе́сто.

Ин. Ирмо́с то́йже

Жития́ твоего́ непоро́чное и ра́зума неужа́сное/ мно́жества премно́га зря́ще, к Бо́гу приступи́ша, му́чениче сла́вне.

Го́ру дости́г, всели́лся еси́, Боже́ственным наставля́емь, блаже́нне, Ду́хом,/ от А́нгела же пита́емь, А́нгелов яви́лся еси́ равностоя́телен.

Сострада́тельно расточи́в, дал еси́ убо́гим, я́коже повеле́но бысть,/ возме́здие прие́мля, блаже́нне, во ве́ки непроходи́мыя.

Богоро́дичен: Во́льно обнища́вшаго бога́тством бла́гости,/ Пребоже́ственнаго, Богоро́дице, родила́ еси́,/ на́шу нищету́ уще́дрившаго.

Песнь 5

Ирмо́с: У́тренююще, вопие́м Ти:/ Го́споди, спаси́ ны,/ Ты бо еси́ Бог наш,/ ра́зве Тебе́, ино́го не ве́мы.

Ра́зум земноро́дных собра́в и Небе́сных,/ впра́вду филосо́ф имену́ется Макси́м.

Прему́дрости безме́рным жела́нием/ Христа́ твоего́ подо́бник изря́днейший яви́лся еси́, сла́вный Макси́ме.

Гне́вом изгна́н был еси́ мучи́теля,/ обре́л же еси́, блаже́нне, Иису́са утеше́ние.

Богоро́дичен: Тя Богоро́дицу неве́дущии, Богома́ти,/ Све́та да не у́зрят, ро́ждшагося из Тебе́, Пречи́стая.

Ин

Ирмо́с: Вску́ю мя отри́нул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Та́ин неизрече́нных испо́лнен быв, досточу́дне,/ к предлежа́щим страда́ния, ра́дуяся, отлучи́лся еси́ му́жеским подвиго́м,/ не убоя́вся мук, ниже́ сме́рти,/ му́чениче Неофи́те.

Неизрече́нным промышле́нием твоя́ Направля́ющего ше́ствия, сла́вне,/ предста́вше, Боже́ственнии А́нгели к по́двигу влеча́ху тя от горы́, я́коже друга́го Моисе́я,/ просла́вленна лице́м Боже́ственными светлостьми́.

Глаго́л жив в се́рдце име́я, всесла́вне му́чениче Неофи́те,/ дерзнове́нным умо́м гони́телем вопия́л еси́:/ самозва́н не и́щущим мя обрето́хся ны́не обличи́ти вашея ве́ры не́мощь.

Богоро́дичен: Е́же пре́жде всех веко́в, Отрокови́це Всенепоро́чная,/ Боже́ственное та́инство сокрове́нное Тобо́ю позна́ся конце́м:/ Сын и Сло́во Бо́жие, плоть быв и обожи́в, Де́во, челове́ка.

Песнь 6

Ирмо́с: Ри́зу мне пода́ждь све́тлу,/ одея́йся све́том, я́ко ри́зою,/ Многоми́лостиве Христе́ Бо́же наш.

Непреста́нно прино́сиши Бо́гу, Богому́дре, мольбу́,/ душе́вных же и теле́сных страсте́й и тле́ния мя изба́вити.

Изсуши́ся ересе́й исто́чник му́тный весь, сла́вне Макси́ме,/ загражда́емь шу́мом язы́ка твоего́.

Очи́сти мя, Еди́не Бла́же,/ и исто́чник благода́ти, Христе́,/ се́рдцу моему́ Твоего́ преподо́бнаго моли́твами источи́.

Богоро́дичен: Красне́йший па́че всех челове́к Сын Твой, Всечи́стая, добро́тою Божества́,/ а́ще и плоть нас ра́ди бысть.

Ин

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Иона́:/ от тли, Бо́же, возведи́ мя.

Возвыша́емь на дре́ве, всеблаже́нне,/ желе́зом по ре́бром стро́ган был еси́ неми́лостивно/ и льсти́ваго обличе́ньми ожесточе́нное се́рдце расто́ргл еси́,/ повелева́ющего жре́ти бого́м и Бо́га отврещи́ся Безсме́ртнаго.

Растерзаемь и вяжемь, мучениче, связа́л еси́ до конца́ лесть,/ и врага́ безчи́нная ше́ствия безде́льна показа́л еси́ си́лою Ду́ха,/ и поте́кл еси́ к Небеси́ венцено́сец Го́споду предста́ти.

Услади́вся добро́тами Влады́ки и Тому́ прилепи́лся еси́, зовы́й:/ Сло́ве Бо́жий, Тебе́ ра́ди, поже́ршагося во́лею, аз закала́юся,/ подо́бяся прея́вственне честны́м Твои́м и Боже́ственным страда́нием.

Богоро́дичен: Пресве́тлый яви́лася еси́ Престо́л Царя́ Небе́снаго, Де́во,/ на Не́мже пло́тию воспочи́ во́лею, и мно́гий наш долг отъя́т,/ и посади́ на О́тчем престо́ле Челове́ка, я́коже благоволи́л есть.

Конда́к, глас 6.

Подо́бен: Е́же о нас испо́лнив:

Свет Трисия́нный, все́льшийся в ду́шу твою́,/ сосу́д избра́н показа́ тя, всеблаже́нне,/ явля́юща Боже́ственная конце́м,/ неудобопости́жных разуме́ний ты сказу́яй, блаже́нне,/ и Тро́ицу всем, Макси́ме, возпропове́дуяй я́сно,/ Пресу́щную, Безнача́льную.

И́кос:

Подража́тель яви́вся Спа́совых страсте́й/ и Того́ в души́ твое́й име́я, всеблаже́нне,/ восхожде́ния в се́рдцы твое́м возложи́л еси́, пребога́те./ Той же тебе́ подаде́ благода́ть с Небесе́,/ сопроти́вил бо ся еси́ мучи́телем, му́дре, му́жески,/ Безнача́льную, и Боже́ственную, и Единосу́щную Тро́ицу пропове́дуя/ и облича́я злосла́вныя и богобо́рныя./ Безчи́сленныя претерпе́л еси́ напа́сти, всехва́льне,/ язы́ка отре́зание Богосло́внаго, преподо́бне, и твоея́ руки́ вку́пе./ Не преста́л же еси́ ты, со дерзнове́нием глаго́ля/ и утвержда́я ве́рныя Боже́ственными твои́ми уче́нии,/ Тро́ицу всем лю́дем пропове́дуя я́сно,/ Пресу́щную, Безнача́льную.

Песнь 7

Ирмо́с: От Иуде́и доше́дше, о́троцы/в Вавило́не иногда́/ ве́рою тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Еди́но естество́ Тро́ицы, еди́но хоте́ние рекл еси́, еди́но де́йство,/ Бо́га же, вопло́щшагося во двою́ естеству́,/ хоте́нию же и де́йству пропове́дал еси́./ Отце́в на́ших Бо́же, благослове́н еси́.

Не во́ли две разделя́емый ра́зума проти́вностию,/ ка́чеством же па́че пропове́дал еси́, о́тче, есте́ственным ра́знствующия./ Отце́в на́ших Бо́же, благослове́н еси́.

Столп правосла́вия Боже́ственная твоя́ словеса́, о́тче, держа́ще,/ Еди́наго от Трои́цы во двух Существа́х и во́лях почита́ем./ Отце́в на́ших Бо́же, благослове́н еси́.

Богоро́дичен: И́наго носящи Младе́нца,/ пре́жде всех веко́в Бо́га, Всенепорочная, из Тебе́ воплощшагося,/ не престай молящи спасти́ поющия:/ отцев на́ших Бо́же, благословен еси́.

Ин

Ирмо́с: Отроцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.

Пещь живогоря́щу сотвори́в, пребеззако́нный в сей заключа́ет на три дни,/ не опали́лся же еси́ отню́д, вопия́, Неофи́те:/ благослове́н еси́, Го́споди Бо́же, во ве́ки.

Наслажда́ешися пе́сней пресла́вно,/ стоя́щу ти посреде́ пла́мене, блаже́нне,/ роса́ бо Бо́жия прохлажда́ше тя, му́чениче, вопию́ща:/ благослове́н еси́, Го́споди Бо́же, во ве́ки.

Велича́йшее чу́до удивля́я всяк ум, в тебе́ соде́янное:/ и́бо огнь ника́коже опали́ тя, Богому́дре,/ разлия́вся же, попали́ огня́ насле́дники.

Богоро́дичен: Яви́лася еси́ А́нгелов превы́шши,/ Сове́та Вели́каго А́нгела ро́ждши, Богоро́дице Чи́стая,/ Ему́же вси песнопое́м:/ благослове́н еси́, Го́споди Бо́же, во ве́ки.

Песнь 8

Ирмо́с: Победи́тели мучи́теля и пла́мене/ благода́тию Твое́ю бы́вше,/ за́поведей Твои́м зело́ прилежа́ще, о́троцы вопия́ху:/ благослови́те, вся дела́ Госпо́дня, Го́спода.

Весьма́ возлюби́в Превозлюби́вшаго род челове́ческий,/ крест Твой взял еси́ и Тому́, блаже́нне, сраспя́лся еси́,/ благослови́те, поя́, дела́ Госпо́дня, Го́спода.

Устрани́вся вся́кия сла́сти, блаже́нне, смертоно́сныя,/ тебе́ соде́лал еси́ всего́ нескве́рно зерца́ло Боже́ственное, поя́:/ благослови́те, вся дела́ Госпо́дня, Го́спода.

Живоно́сну зарю́ от Еди́наго Божества́ Триипоста́снаго прие́м,/ яви́лся еси́ су́щим во тьме со́лнце заблу́ждшим,/ благослови́те, – поя́, – вся дела́ Госпо́дня, Го́спода.

Богоро́дичен: Жи́зни Тя Ма́терь и Бо́га Роди́тельницу позна́вше,/ правосла́вною ве́рою вси блажи́м, Богороди́тельнице,/ благосло́вяще ку́пно Рождество́ Твое́, Чи́стая, и превознося́ще во ве́ки.

Ин

Ирмо́с: Седмери́цею пещь/ халде́йский мучи́тель/ Богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Юны́м, всеблаже́нне, те́лом и соверше́нным мудрова́нием/ началозло́бнаго лука́вство погуби́л еси́,/ Сад красне́йший, прозя́бший во дво́рех, от Иессе́ева изра́стшаго ко́рене,/ к Нему́же вопия́л еси́ непреста́нно:/ свяще́нницы, воспо́йте,/ лю́дие, превозноси́те во вся ве́ки.

На суди́щи зве́рие тебе́, страстоте́рпче, устыде́шася,/ я́коже Дании́ла свяще́ннаго пе́рвее,/ Христо́вых бо тя позна́ша страда́ний свиде́теля./ Его́же испове́дуя, нестерпи́мыя му́ки претерпе́л еси́, взыва́я:/ свяще́нницы, воспо́йте,/ лю́дие, превозноси́те во вся ве́ки.

Позна́вый тя пе́рвее в горе́, Неофи́те, лев превели́кий,/ на суди́щи свя́зану приведе́н, напуща́ется в муче́нии твое́м, страда́льче/ и, позна́в, покланя́шеся тебе́ со стра́хом, студо́м одержи́м/ и исто́чники умиле́нием слез благочу́вственне пролива́я, Богоблаже́ние.

Богоро́дичен: Но́во Отроча́ родила́ еси́,/ пре́жде всея́ тва́ри ро́ждшагося из Отца́ несказа́нно, Всечи́стая./ Того́ у́бо моли́ обветша́вшаго прегреше́ньми ны́не обнови́ти и вопию́ща мя спасти́:/ о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Песнь 9

Ирмо́с: Проявле́нное на горе́ законополо́жнику/ во огни́ и купине́ Рождество́ Присноде́вы/ в на́ше, ве́рных, спасе́ние/ пе́сньми немо́лчными велича́ем.

Еще́ твоя́, я́ко А́велева, кровь и во ве́ки Богодохнове́нныя догма́ты/ гла́сом я́сным Христо́ве Це́ркви пропове́дует,/ Макси́ме всеблаже́нне и превели́кий.

Отсече́ся рука́, пи́шет же Боже́ственным пе́рстом,/ я́ко тро́стию и черни́лом,/ отре́занным язы́ком и твое́ю кро́вию честно́ю ве́ру в сердца́х правосла́вную.

Стал еси́ пред престо́лом Боже́ственным с му́ченики,/ и́хже ре́вности и ве́ры приобщи́лся еси́, о́тче,/ и нас усво́й Влады́це и твоя́ подража́тели соде́лай.

Богоро́дичен: Ты еси́, Богоро́дице, ору́жие на́ше и стена́,/ Ты еси́ заступле́ние к Тебе́ прибега́ющих,/ Тя и ны́не на моли́тву предлага́ем, да изба́вимся от враго́в на́ших.

Ин

Ирмо́с: Устраши́ся всяк слух/ неизрече́нна Бо́жия снизхожде́ния,/ я́ко Вы́шний во́лею сни́де да́же и до пло́ти,/ от деви́ческаго чре́ва быв Челове́к,/ те́мже Пречи́стую Богоро́дицу, ве́рнии, велича́ем.

Стал еси́, я́коже а́гнец, к заколе́нию во́льне предлежа́/ убива́ющим тя го́рьким мучи́телем, му́чениче Неофи́те,/ и, прободе́н в твоя́ ре́бра копие́м, блаже́нный коне́ц восприя́л еси́,/ страстоте́рпче Христо́в до́блественнейше.

Я́ко же́ртва, я́ко добро́ а́гня, я́ко честно́е заколе́ние,/ я́коже возложе́ние хра́ма свята́го, я́коже приноше́ние чи́стое,/ я́коже пти́ца избра́нна, я́коже юне́ц многоце́нен,/ я́коже нов, блаже́нне, сад ра́йский, Бо́гу прине́слся еси́.

Сообра́зен был еси́ страсте́м Пострада́вшаго нас ра́ди бла́гостию,/ и ра́венством копия́, му́чениче, вои́стинну просла́вился еси́,/ и ны́не живе́ши на Небесе́х, побе́ды диади́мою украша́емь/ и ра́дости непрее́мныя исполня́емы

Богоро́дичен: Нося́щи, я́коже клеща́, Небе́сный, Богоро́дице, Угль,/ хвра́стныя моего́ се́рдца стра́сти вся попаля́ющий,/ и гее́нскаго огня́ изба́ви мя, молю́ся,/ да прославля́ю Тя, Наде́жду ве́рных, Всенепоро́чная.

Свети́лен.

Подо́бен: Све́те неизме́нный:

Труба́ яви́лся еси́ прему́дрости, благогла́сным язы́ком твои́м/ проти́вных ужаса́я полки́, Макси́ме, свет мона́шествующих,/ те́мже, твои́ми пита́ющеся словесы́, ра́зум познава́ем су́щих.

Богоро́дичен:

Свет мы́сленнаго весе́лия возсия́ла еси́ в ми́ре,/ Богороди́тельнице Де́во, Изба́вителя и Влады́ку,/ те́мже помоли́ся души́ моея́ зе́ницы просвети́ти/ све́том све́тлости Боже́ственный.

На литурги́и

Проки́мен, глас 4; Святы́м, и́же суть на земли́ Его́, удиви́ Госпо́дь вся хоте́ния Своя́ в них. Стих: Предзре́х Го́спода предо́ мно́ю вы́ну, я́ко одесну́ю ме́не есть, да не подви́жуся. Апо́стол ко Евре́ем, зача́ло 330. Аллилу́йя, глас 4: Воззва́ша пра́веднии,/ и Госпо́дь услы́ша их. Ева́нгелие от Луки́, зача́ло 64. Прича́стен: Ра́дуйтеся, пра́веднии, о Го́споде:

Пра́зднование Пресвяте́й Богоро́дице ра́ди чудотво́рныя ико́ны Ея́ Ватопе́дския «Отра́да, или Утеше́ние»

На ма́лой вече́рни

На Го́споди, воззва́х: стихи́ры и Сла́ва святаго. И ны́не, глас 6:

Устраши́в су́щих в Ватопе́де наказа́нием,/ поми́ловал еси́, Влады́ко, рабы́ Твоя́,/ спа́сши их от уби́йственных рук разбо́йников/ заступле́нием Пресвяты́я Твоея́ Ма́тере./ Буди́ у́бо и на нас ми́лость Твоя́, Го́споди,/ и путь непра́вды отста́ви от нас,/ наста́ви же на стезю́ за́поведей Твои́х/ Богоро́дицею, Еди́не Человеколю́бче.

На стихо́вне стихи́ры, глас 2.

Подо́бен: До́ме Евфра́фов:

В ве́дении и неве́дении/ согреша́ем при́сно/ Тебе́, Дево, и Бо́гу,/ но не лиши́ ны, Пречи́стая,/ заступле́ния Твоего́, Богоро́дице.

Стих: Помяну́ и́мя Твое́/ во вся́ком ро́де и ро́де.

Умоли́ Сы́на Твоего́/ поми́ловати зде рабы́ Твоя́/ и на бу́дущем Суде́ Его́/ и му́ки изми́ ны/ Твои́м, Влады́чице, предста́тельством.

Стих: Лицу́ Твоему́ помо́лятся/ бога́тии лю́дстии.

Ве́мы, я́ко мно́го мо́гут/ Твоя́ моли́твы/ ко из Тебе́ Ро́ждшемуся:/ негоду́юща бо грех ра́ди/ милосе́рда Того́ твори́ши Ты еди́на.

Сла́ва, и ны́не, глас 6:

Ужасо́шася Ватопе́дстии и́ноцы,/ зря́ще на святе́й ико́не/ Богоро́дицу и Преве́чнаго Младе́нца:/ ка́ко иму́щая ма́тернее дерзнове́ние/ уклоне́нием лица́ Своего́/ от руки́ Сы́на Ея́ и Бо́га/ отклони́ от них пра́ведное Его́ преще́ние?/ Те́мже с тре́петом просла́виша Ма́терь щедро́т,/ Отра́ду рабо́в Ея́ и Утеше́ние.

Тропа́рь святаго. Сла́ва, и ны́не, глас 4: Не умолчи́м никогда́, Богоро́дице:

На вели́цей вече́рни

На Го́споди, воззва́х: стихи́ры, глас 2:

Прииди́те, ве́рнии,/ воспое́м Всепе́тую Богоро́дицу,/ и, святы́й о́браз Ея́ обстоя́ще,/ Боже́ственная великодея́ния Ея́ просла́вим,/ и любо́вию рцем:/ ра́дуйся, покро́ве ми́ра,/ ра́дуйся, Отра́до и Утеше́ние скорбя́щих,/ ра́дуйся, Ма́ти Присноде́во,/ ро́ждшая Многоми́лостиваго Спа́са душ на́ших.

Ка́ко по достоя́нию восхва́лим/ милосе́рдие Твое́, Влады́чице?/ Ты бо моли́твами Свои́ми/ отво́диши ту́чи гне́ва Бо́жия,/ грех ра́ди находящаго,/ и ма́терним дерзнове́нием утоля́еши/ преще́ние Сы́на Твоего́,/ Пра́веднаго всех Судии́/ и Многоми́лостиваго Спа́са душ на́ших.

Я́ко радостотво́рная дуга́,/ по всеми́рном пото́пе положе́нная/ во о́блацех Созда́телем/ в зна́мение примире́ния Его́ с Свои́м созда́нием,/ ра́дуеши и Ты, Богоневе́сто,/ Го́рний и до́льний мир ве́чным примире́нием/ и не престае́ши утеша́ти рабы́ Твоя́,/ мир и спасе́ние низводя́щи/ от примири́вшаго Собо́ю вся́ческая,/ Многоми́лостиваго Спа́са душ на́ших.

Воспомина́ние творя́ще днесь/ ди́внаго и ужа́снаго зна́мения,/ явленнаго в Ватопе́дской оби́тели/ от ико́ны Твоея́, Влады́чице,/ мо́лимтися приле́жно:/ пода́ждь житию́ на́шему исправле́ние,/ я́ко да, во страсе́ Бо́жии пожи́вше,/ и́збранных ча́сти моли́твами Твои́ми/ сподо́бимся от Сы́на Твоего́,/ Многоми́лостиваго Спа́са душ на́ших.

Та́же стихи́ры и Сла́ва свята́го Макси́ма.

И ны́не, глас 7:

Иде́же яви́тся заступле́ние Твое́, Влады́чице,/ та́мо стре́лы вра́жия сокруша́ются/ и си́ла сопроти́вных, я́ко дым, исчеза́ет,/ те́мже и со́нмище губи́телей а́бие исчезе́ от Ватопе́да,/ егда́ испроси́ся Тобо́ю проще́ние согреши́вшим,/ благода́рственная у́бо воспису́юще,/ уми́льно зове́м Ти, Чи́стая:/ не отста́ви и ны́не ми́лости Твоя́ от нас,/ да не реку́т врази́: несть избавля́яй их,/ но храни́ при́сно рабы́ Твоя́/ неулови́мы от ко́зней вра́жиих,/ моля́щися о проще́нии грехо́в,/ ми́ре и спасе́нии душ на́ших.

На литии́ стихи́ра, глас 4:

Прия́вши в жре́бий Себе́ Го́ру Афо́нскую,/ рекла́ еси́, Влады́чице:/ Аз бу́ду Засту́пница ме́сту сему́/ и Бо́гу о не́м те́плая Хода́таица./ Те́мже и оби́тель Ватопе́дская,/ враги́ иногда́ окруже́нная,/ я́ко Твое́ достоя́ние, изба́вися от сих/ ди́вным заступле́нием Твои́м,/ и отвраще́но бысть от и́ноков преще́ние Бо́жие/ те́плыми моли́твами Твои́ми./ Припа́дающе у́бо святе́й ико́не Твое́й,/ на нейже доны́не зрим зна́мение/ Твоего́ вели́каго милосе́рдия к рабо́м Твои́м/ и к Сы́ну Твоему́ и Бо́гу дерзнове́ния,/ пра́зднуем Ти днесь, Пресвята́я Де́во,/ и усе́рдно мо́лим Тя:/ бу́ди при́сная Засту́пница Горы́ Твоея́,/ земли  Русския,/ оби́тели се́я и вся́каго ме́ста,/ в нем же велича́ется препе́тое и́мя Твое́, Благослове́нная.

Сла́ва, свята́го Макси́ма. И ны́не, глас 8:

Ды́шущии огне́м и уби́йством,/ вто́ргшеся, Госпоже́, в насле́дие Твое́,/ друг ко дру́гу глаго́лаху:/ госпо́дствовати бу́дут в Ватопе́де ру́ки на́ша,/ убие́м мече́м и́ноки,/ раздели́м коры́сть, огню́ оби́тель преда́вше;/ но посрами́шася неве́давшии,/ я́ко Ты еси́ Горы́ насе́льников неусыпа́ющая Храни́тельница,/ подаю́щая нам ве́лию ми́лость.

На стихо́вне стихи́ры и Сла́ва, свята́го Макси́ма. И ны́не, глас 6:

Ле́та и дни́е жи́зни на́шея/ име́яй во Свое́й вла́сти, Го́споди,/ прогне́вавшия Тя гото́в был еси́ преда́ти разбо́йником,/ но от благоутро́бия Твоего́ возбрани́лся еси́,/ умоле́н быв Пресвято́ю Мате́рию Твое́ю,/ Ея́же моли́твами и нас пощади́,/ я́ко Щедр и Человеколю́бец.

Тропа́рь, глас 4:

К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний./ Не отврати́ Твоя́ рабы́ тщи,/ Тя бо и еди́ну наде́жду и́мамы.

На у́трени

На Бог Госпо́дь: тропа́рь, глас 4: К Богоро́дице приле́жно: два́жды. Сла́ва, свята́го Макси́ма. И ны́не: Не умолчи́м:

По 1-м стихосло́вии седа́лен:

Благодари́м Тя, Богоро́дице,/ о благодея́ниях и чудесе́х Твои́х,/ я́же твори́ши чту́щим Тя./ Разбо́йники бо, устреми́вшияся на Ватопе́д,/ заступле́нием Твои́м неде́йственны и изгна́нны сотвори́ла еси́,/ скорбь и́ноков на весе́лие преложи́вши,/ я́ко печа́льных Отра́да и Утеше́ние.

По 2-м стихосло́вии седа́лен:

Велича́ем благоутро́бие Твое́, Всеблага́я Влады́чице,/ и́мже су́щии в Ватопе́де изба́вишася от злых./ Но и ны́не заступа́й рабы́ Твоя́, на Тя по Бозе упова́ние возлага́ющия./ Поми́луй нас, Госпоже́, и сохрани́ от вся́каго зла,/ спаса́ющи в ми́ре ду́ши на́ша.

По полиеле́и седа́лен:

Я́коже и́ноки Ватопе́да умилостивле́нием Присноде́вы свободи́л еси́, Бла́же, от ви́димых разбо́йников,/ та́ко и нас свобожда́й от неви́димых губи́телей, и́щущих кого́ поглоти́ти,/ и неврежде́нных от тех соблюди́ Твои́м, Христе́, милосе́рдием.

По 50-м псалме́ стихи́ра, глас 6:

Держа́вная Всецари́це,/ враго́м христиа́нским воспяща́ющая/ и от ко́зней тех рабы́ Твоя́ избавля́ющая,/ не преста́й ускоря́ти на по́мощь и защище́ние/ Тебе́ с ве́рою призыва́ющим.

Кано́н Богоро́дицы. Глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопи́яше:/ Изба́вителю и Бо́гу на́шему пои́м.

Бо́жиею благода́тию озари́ мя, Богоблагода́тная,/ благогове́йно пе́ти пред свято́ю ико́ною Твое́ю/ Тебе́, необори́му Засту́пницу и держа́ву неразруши́му ста́да Твоего́.

Тя, Всенепоро́чная, и́мамы предста́тельство, Отра́ду же и Утеше́ние./ Сего́ ра́ди, сла́вяще бла́гость Твою́, моли́мтися: поми́луй нас.

Храни́тельница су́щи Горы́,/ наше́дшим разбо́йником на оби́тель Ватопе́дскую/ не предала́ еси́, Госпоже́, рабо́в Твои́х в ру́ки вра́жия.

Кто подо́бен Тебе́, Де́во, сла́вно творя́щая чудеса́?/ Наста́вив бо и́ноки пра́вдою Сы́на Твоего́, е́же боя́тися Его́,/ изба́вила и уте́шила еси́ их кре́постию Твое́ю.

Враче́вско есть е́же ре́зати и же́щи, здра́вия вино́вное,/ но Ты нас, Сы́не Бо́жий, мя́гкими лечба́ми щедро́т Твои́х уврачу́й,/ Ма́тере Твоея́ мольба́ми.

Услы́ши, Блага́я, мольбы́ христоимени́тых люде́й,/ при́зри на озлобле́ние утесня́емых,/ виждь сле́зы су́щих в ско́рбех/ и умилосе́рдитися потщи́ся на рабы́ Твоя́.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.

Под кров Твой притека́ем, лю́дие Твои́,/ Засту́пница буди́ нам, Влады́чице,/ подаю́щи отра́ду и утеше́ние пою́щим Тя.

Возвесели́шася ватопе́дцы о спасе́нии Твое́м, Де́во,/ немощству́ющих бо препоя́сала еси́ си́лою/ на прогна́ние разбо́йников.

Не преста́й, Всеми́лостивая Госпоже́, спаса́ти рабы́ Твоя́ от неча́емых напа́стей,/ да благода́рственно сла́вим Тя.

Моли́, Богороди́тельнице, е́же изба́витися нам вся́каго гне́ва и преще́ния Бо́жия,/ Тебе́ почита́ющим.

Хода́таица благоприя́тная и си́льная к Бо́гу,/ прегреше́ний оставле́ние испроси́ нам у Него́, Богоневе́сто.

Смертоно́сных неду́гов душе́вных и теле́сных изми́ ны, Влады́чице,/ ве́чнующую Жизнь ми́ру ро́ждшая.

Седа́лен:

Ви́димыми и неви́димыми враги́ окружа́емии,/ к Тебе́, Де́во, прибега́юще, зове́м:/ не удали́ по́мощь Твою́ от нас, я́коже от и́ноков ватопе́дских не удали́ла еси́,/ но держа́вною си́лою Твое́ю побори́ борю́щия ны,/ ми́рное и Богоуго́дное житие́ нам устроя́ющи.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Убо́я́ся се́рдце игу́мена в моли́тве усте́н его́/ от гла́са Твоего́, Богома́ти, и преще́ния Сы́на Твоего́,/ и смяте́ся кре́пость его́, возвеще́ну бы́вшу нападе́нию от разбо́йников.

Внегда́ смути́тися Ватопе́ду во гне́ве Твое́м, Го́споди,/ ми́лость Твою́ помяну́л еси́ предста́тельством Присноде́вы,/ от Нея́же яви́лся еси́ на спасе́ние люде́й Твои́х.

Не преда́ждь в ру́ки враго́в насле́дие Твое́, Чи́стая,/ да некогда́ реку́т:/ где есть Богороди́тельница, на Ню́же упова́ша?/ но не вре́дно и ненаве́тно соблюди́ ста́до Твое́.

Свято́му о́бразу Твоему́ припа́дающе, мо́лим Тя:/ разори́ сове́ты хотя́щих нам зла́я и живо́т наш напра́ви твори́ти в ми́ре Боже́ственную во́лю Сы́на Твоего́.

Во искуше́ниих буди́ нам, Влады́чице, спаси́тельное прибе́жище,/ в боле́знех врачева́ние,/ во обурева́нии ти́хое приста́нище/ и в ско́рбех Отра́да и Утеше́ние.

Песнь 5

Ирмо́с: Вску́ю мя отри́нул еси́/ от лица́ Твоего́, Све́те Незаходи́й,/ и покры́ла мя есть чужда́ тьма, окая́наго?/ Но обрати́ мя и к све́ту за́поведей Твои́х/ пути́ моя́ напра́вимолю́я.

Сте́ну тве́ду и столп непоколеби́м Тя имать Гора́ в наше́ствиих ва́рварских:/ студа́ бо исполня́еши вра́жия ли́ца/ и возвраща́тися твори́ши им вспять тще́тным и безде́льным, Влады́чице.

Ма́тернее промышле́ние о су́щих в Горе́ иму́щей Ти,/ стра́ха ра́ди Сы́на Твоего́, Де́во, поболе́ Ватопе́д, уве́дев о разбо́йницех,/ и роди́ дух спасе́ния предста́тельством Твои́м, Преблагослове́нная.

Я́ко же настоя́теля Ватопе́дскаго, по у́трени бде́вша и моли́вшася,/ наста́вила еси́, Блага́я, ка́ко спасти́ся от напа́сти,/ та́ко и нам пода́ждь тща́ние от но́щи у́треневати к Бо́гу/ и ко спасе́нию наста́ви ны, избавля́ющи от всех бед.

Я́ко же запрети́ла еси́, Госпоже́, отверза́ти врата́/ гото́вой су́щей поги́бели от враго́в,/ та́ко положи́ в нас благода́тную дверь огражде́ния,/ да не обря́щется вхо́да всезло́бным губи́телем и их пле́велом.

Я́ко же повеле́ла еси́, Влады́чице, возше́дше на сте́ны, разгна́ти разбо́йники,/ та́ко укрепи́ бы́ти нам на четверосте́нии му́жества и пра́вды, му́дрости и целому́дрия,/ да отража́ем борю́щия ны.

Я́ко же уми́лостивила еси́, Де́во, Сы́на Твоего́, прогне́вавшася на су́щия в Ватопе́де,/ та́ко умилостивля́й Его́ о нас, во мно́гия грехи́ впада́ющих,/ мно́го бо мо́жет моле́ние ма́тернее ко благосе́рдию Влады́ки.

Песнь 6

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Возвеща́юще Ти печа́ли на́ша, мо́лимтися, Ма́ти Бо́жия:/ обвесели́ благода́тию Твое́ю скорбя́щих сердца́, всех Раосте,/ и от тли возведи́ ны.

Не стяжа́хом на земли́ ино́го утеше́ния и кре́пкаго заступле́ния,/ ра́зве Тебе́, Всеблага́я,/ покры́й у́бо от вся́каго зла любо́вию воспева́ющих Тя.

Благосты́ню и ми́лость прие́млем от Сы́на Твоего́, Де́во, моли́твами Твои́ми:/ от молвы́ бо храни́ши ны, смуще́ния, лови́твы/ и вся́каго кова́рства вра́жия, Всепе́тая.

Ми́ру Спаси́тельнице,/ необори́мою си́лою Твое́ю не преста́й соблюда́ти ста́до Твое́, зову́щее:/ Отра́да и Утеше́ние на́ше Ты еси́, Благослове́нная.

Всех благи́х вина́, сме́ртных оживле́ние,/ поги́бших взыска́ние,/ изба́ви, Госпоже́, чада Твоя́ от напра́сныя сме́рти/ и от тли грехо́вныя возведи́ ны.

Конда́к, глас 8:

Взбра́нной Воево́де победи́тельная,/ я́ко изба́вльшеся от злых,/ благода́рственная воспису́ем Ти, раби́ Твои́, Богоро́дице,/ но я́ко иму́щая держа́ву непобеди́мую,/ от вся́ких нас бед свободи́, да зове́м Ти:/ Ра́дуйся, Неве́сто Неневе́стная.

И́кос:

А́нгели Тя, Ма́терь Бо́га на́шего, пе́сньми славосло́вят,/ и мы земни́и воспева́ем ра́достно, Тебе́ вопию́ще:/ ра́дуйся, Светода́вца селе́ние,/ Е́юже лучи́ спасе́ния ми́рови возсия́ша;/ ра́дуйся, Обра́дованная, Е́юже исполня́емся Боже́ственнаго весе́лия./ Ра́дуйся, две́ре Восто́ка,/ от врат смертоно́сных греха́ нас отводя́щая;/ ра́дуйся, свети́льниче пресве́тлый,/ просвеща́яй омраче́нных./ Ра́дуйся, бе́здно Бо́жия к нам человеколю́бия;/ ра́дуйся, цены́ вся́кия превы́сший дар,/ нам от Бо́га дарова́нный./ Ра́дуйся, я́ко и́маши ве́лие к Нему́ дерзнове́ние;/ ра́дуйся, стра́же Афо́на и та́мо обита́ющих Храни́тельнице./ Ра́дуйся, всекре́пкая стенд, е́юже сохраня́емся необори́мы враги́ христиа́нскими;/ ра́дуйся,я́зво неви́димых враго́в и от них уязвля́емых врачева́ние./ Ра́дуйся, безси́льных си́ло и по́моще безпо́мощных;/ ра́дуйся, Отра́до и Утеше́ние скорбя́щих./ Ра́дуйся, Неве́сто Неневе́стная.

Песнь 7

Ирмо́с: От Иуде́и доше́дше, о́троцы/ в Вавило́не иногда́/ ве́рою Трои́ческою пла́мень пе́щныя попра́ша, пою́ще:/ отце́в Бо́же, благослове́н еси́.

Вопло́щся от утро́бы Твоея́ Госпо́дь, госпо́дствуяй тва́рию,/ и Тебе́, Де́во, Госпожу́ показа́ ви́димым же всем и неви́димым,/ я́ко Ма́терь Свою́ прославля́я Тя.

Согреши́хом, Го́споди, но не отступи́хом от Тебе́/ и ино́го не ве́мы, ра́зве Тебе́,/ не преда́ждь нас до конца́ Ма́тере Твоея́ мольба́ми, отце́в Бо́же благослове́нный.

Гора́ Бо́жия осене́нная, Всечи́стая,/ покры́й су́щия в Горе́ се́нию Твои́х моли́тв/ и от се́ти ловя́щих изба́ви пою́щия:/ оте́ц на́ших Бо́же, благослове́н еси́.

Непобеди́мая еси́ кре́пость, Госпоже́,/ и несокруши́мое огражде́ние с ве́рою призыва́ющих Тя:/ разруша́еши бо сове́ты вооружа́ющихся на сла́вящий Тебе́.

Уныва́ющим Отра́до, печа́льным Утеше́ние, заблужда́ющим Наста́внице,/ соблюди́ нас, Де́во, от вся́каго зла,/ чту́щих святы́й о́браз Твой.

Песнь 8

Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Преблагослове́нная Ма́ти Всеще́драго Бо́га,/ уще́дри ны, недосто́йный, дара́ми милосе́рдия Твоего́,/ да превозно́сим Тя во ве́ки.

Кре́пость и держа́ва бу́ди рабо́м Твои́м, Всецари́це,/ си́ла, ору́жие и меч, враги́ спасе́ния секу́щий,/ да сла́вим Тя во ве́ки.

Сия́ющая па́че А́нгел святы́нею,/ храни́ нас, Всенепоро́чная, от грехо́вных дея́ний, глаго́ланий и помышле́ний,/ да благословля́ем Тя во ве́ки.

Освяти́, Всесвята́я, благогове́йно лобыза́ющих святу́ю ико́ну Твою́/ и Твои́м ма́терним дерзнове́нием ми́лостива нам твори́ Сы́на Твоего́,/ да пое́м Его́ во ве́ки.

Отра́до и Утеше́ние моля́щихся Тебе́,/ вре́менных и ве́чных лю́тых изба́ви ны, да хва́лим Тя/ и Сы́на Твоего́ превозно́сим во вся ве́ки.

Путь и Живо́т, Де́во, ро́ждшая,/ стопы́ на́ша напра́ви по словеси́ Бо́жию,/ да, живо́т ве́чный насле́довавше, пое́м Тя,/ Сы́на Твоего́ превознося́ще во вся ве́ки.

Песнь 9

Ирмо́с: Проявле́нное на горе́ законополо́жнику во огни́ и купине́/ Рождество́ Присноде́вы/ в на́ше, ве́рных, спасе́ние/ пе́сньми немо́лчными велича́ем.

Весели́ся, Ватопе́де,/ неусы́пная бо Афо́на Назира́тельница/ я́же на Тя кова́рство вра́жие ма́нием Свои́м разруши́/ и изгна́нны сотвори́ разруше́ние Тебе́ угото́вавшия.

О, вели́каго дерзнове́ния Твоего́, Де́во, к Бо́гу и благоутро́бия к рабо́м Твои́м!/ Возвеща́ющи бо о вразе́х,/ уклони́ла еси́ лице́ Свое́ от руки́ Сы́на Твоего́,/ я́коже до ны́не зри́шися на ико́не Твое́й.

Пото́к све́тлости, отра́ды и утеше́ния неистощи́мый Ты еси́, Богора́дованная Ма́ти Све́та,/ тьму у́бо страсте́й прожени́ от нас,/ обстоя́щих све́тлое подо́бие лица́ Твоего́,/ и несвети́маго огня́ изба́ви.

Спасе́ние бу́ди при́сное, Госпоже́, от враг на́ших/ и из руки́ всех, ненави́дящих нас,/ и напра́ви но́ги на́ша на путь ми́рен/ милосе́рдия ра́ди ми́лости Сы́на Твоего́ и Бо́га на́шего, Преблагослове́нная.

Влады́чествующая все́ми я́ко Всецаря́ Ма́терь,/ стране́ на́шей пода́ждь благоде́нствие, мир, спасе́ние/ и на сопоста́ты побе́ды и одоле́ние.

Моле́бное пе́ние от души́ принесо́х со стра́хом Тебе́, Де́во, ро́ждшей Христа́ Бо́га,/ Его́же моля́щи, благоприя́тна сотвори́ моле́ния на́ша,/ да Тя пе́сньми немо́лчными велича́ем.

Свети́лен:

Озаря́еми благода́тным све́том от ико́ны Твоея́, Влады́чице,/ благогове́йно зове́м Ти:/ ра́дуйся, светоза́рная луно́, в нощи́ греха́ су́щих путеводя́щая к све́ту покая́ния;/ ра́дуйся, Ма́ти Изба́вителя, избавля́ющая нас от напа́стей неча́емых./ Ра́дуйся, Отра́до и Утеше́ние душ на́ших.

На хвали́тех стихи́ры, глас 1:

Мона́шествующих и мирски́х сосло́вия,/ со благогове́нием и любо́вию/ Ма́терь Бо́га на́шего воспои́м,/ Херуви́м и Серафи́м преиму́щую,/ ми́ра Всеблагу́ю Влады́чицу,/ отра́ду рабо́в Ея́ и утеше́ние.

Дея́ния и мы́сли исправля́юще,/ благодаре́ние и моли́твы/ от чиста́ се́рдца Пречи́стей принесе́м,/ стра́нное соде́явшей в Ватопе́де чу́до/ во исправле́ние согреша́ющих,/ во отра́ду рабо́в Свои́х и утеше́ние.

Афо́на Храни́тельница и стена́ необори́мая ве́рных/ разбо́йники, окружи́вшая оби́тель Ватопе́дскую,/ всемо́щным заступле́нием Свои́м/ су́етны и ничто́же успе́вшия показа́/ во отра́ду рабо́в Свои́х и утеше́ние.

Таже стихи́ры и Сла́ва, свята́го. И ны́не, глас 6:

Несть челове́ка, и́же поживе́т/ и не согреши́т Тебе́, Безгре́шный Влады́ко,/ и, а́ще беззако́ния на́зриши, кто постои́т?/ Ка́ко убо избега́ли бы мы, гре́шнии,/ пра́веднаго гне́ва Твоего́,/ а́ще не бы умилостивля́ла Тя Ма́терь Твоя́,/ Ея́же моли́твами поми́луй рабы́ Твоя́.

Преподо́бнаго Макси́ма Гре́ка

На вели́цей вече́рни

На Го́споди, воззва́х: стихи́ры, глас 2.

Подо́бен: Егда́ от Дре́ва:

Егда́ вся мирска́я мудрова́ния/ отве́ргл еси́, о́тче Макси́ме,/ кресто́м ра́зум просвети́в,/ обре́л еси́ бесце́нный би́сер – Христа́,/ И́же тя прему́дра показа́,/ улови́в мре́жею ве́ры./ Сего́ ра́ди мо́лимся ти, о́тче Макси́ме:/ моли́ Христа́ Бо́га умудри́ти нас/ и спасти́ ду́ши на́ша.

Егда́ Христа́ ра́ди стра́нствия/ подъя́л еси́, прему́дре Макси́ме,/ кресто́м вся стре́лы лука́ваго разжже́нныя,угаси́в,/ стяжа́л еси́ благода́ть Свята́го Ду́ха,/ И́же тя чудото́чца просла́ви,/ явля́я исцеле́ния и цельбы́./ Сего́ ра́ди мо́лимся ти, о́тче Макси́ме:/ моли́ Христа́ Бо́га благода́ть пода́ти нам/ и спасти́ ду́ши на́ша.

Егда́ мно́гия кни́ги от гре́ческаго на слове́нский язы́к/ преве́л еси́, преподо́бне Макси́ме,/ кресто́м ве́ру уясни́в,/ оклеве́тан был еси́ и в темни́цу осужде́н,/ иде́же Свято́му Ду́ху кано́н написа́л еси́,/ не иму́щу ти черни́л,угле́м по сте́нам./ Сего́ ра́ди мо́лимся ти, многострада́льне Макси́ме:/ моли́ Христа́ Бо́га укрепи́ти нас/ и спасти́ ду́ши на́ша.

Егда́ ле́стный мрак уны́ния/ просвети́л еси́, свя́те Макси́ме,/ кресто́м ду́шу утверди́в,/ позна́л еси́ Бо́га – И́стиннаго Отца́,/ И́же тя, я́ко сы́на, в Ца́рствие Небе́сное призва́,/ па́че сне́га убели́в./ Сего́ ра́ди мо́лимся ти, о́тче Макси́ме:/ моли́ Христа́ Бо́га умири́ти нас/ и спасти́ ду́ши на́ша.

Сла́ва, глас 1:

В преставле́нии твое́м к Бо́гу, преподо́бне Макси́ме,/ жа́лостию сердца́ на́ша исполня́ются,/ и сле́знии исто́чницы излива́ются,/ и мона́хов мно́жество уми́льными словесы́/ тя, отца́,и учи́теля, и наста́вника венчава́ют,/ вся же страна́ Русская безпреста́ни красу́ется/ сла́дкими словесы́ твои́ми.

И ны́не, Богоро́дичен.

Вход. Проки́мен дне. Чте́ния три преподо́бническая.

На стихо́вне стихи́ры, глас 2.

Подо́бен: До́ме Евфра́фов:

Дом Ду́ха Свята́го/ и Ца́рствия насле́дник/ ты еси́, Макси́ме,/ моли́ся о нас,/ чту́щих святу́ю па́мять твою́.

Стих: Честна́ пред Го́сподем/ смерть преподо́бных Его́.

Дом благода́ти/ яви́лся есть гроб твой,/ Макси́ме прему́дре,/ моли́ся о нас,/ притека́ющих к тебе́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Дом твой но́вый -/ свята́я Ла́вра,/ вку́пе и Афо́н/ пе́сненно да восхва́лят/ по́двиги и страда́ния твоя́.

Сла́ва, глас то́йже:

До́ме Святы́я Тро́ицы,/ красу́йся и лику́й,/ име́я свети́льник,/ и́же под спу́дом/ сия́ет па́че со́лнечных луч.

И ны́не, глас то́йже:

Дом Бо́жий,/ и пала́та Ца́рская,/ и черто́г Небе́сный/ ты еси́, Пречи́стая,/ упова́ние и покро́в.

Тропа́рь, глас 8.

Заре́ю Ду́ха облиста́емь,/ вити́йствующих богому́дренно сподо́бился еси́ разуме́ния,/ неве́дением омраче́нная сердца́ челове́ков све́том благоче́стия просвеща́я,/ пресве́тел яви́лся еси́ Правосла́вия свети́льник, Макси́ме преподо́бне,/ отону́дуже ре́вности ра́ди Всеви́дящаго/ оте́чества чужд и стра́нен, Русския земли был еси́ пресе́льник,/ страда́ния темни́ц и заточе́ния от самодержа́внаго претерпе́в,/ десни́цею Вы́шняго венча́ешися и чудоде́йствуеши пресла́вная./ И о нас хода́тай буди́ непрело́жен,/ чту́щих любо́вию святу́ю па́мять твою́.

И ны́не, Богоро́дичен.

На у́трени

По 1-м стихосло́вии седа́лен, глас 8:

Тве́рдыя и Боговеща́нныя глаго́лы со тща́нием изъясня́я и нечести́выя писа́нии облича́я/ ум свой впери́в в Го́рняя к Бо́гу,/ у́зы страда́льческий от наве́т проти́вных претерпе́л, Макси́ме преподо́бне,/ и сих ра́ди и́ноком яви́лся еси́ о́браз, па́че же и похвала́.

Сла́ва, и ны́не, Богоро́дичен:

Тя, превосходя́щую безпло́тныя Боже́ственныя чи́ны несравне́нною чистото́ю,/ молю́, Всепе́тая:/ скве́рную мою́ ду́шу очи́сти от беззако́нных помышле́ний,/ я́ко да досто́йно сла́влю Тя.

По 2-м стихосло́вии седа́лен, глас 8:

Все свое́ у́мное жела́ние к Бо́гу впери́л еси́,/ и Того́ зва́нию невозвра́тно от души́ после́довал еси́,/ во оби́тель преподо́бнаго Се́ргия коне́чно всели́вся,и,та́мо а́нгельски пожи́в,/ мно́гим путь был еси́ ко спасе́нию,/ сего́ ра́ди и Госпо́дь тебе́ просла́ви, чудесы́ обогати́в,/ те́мже вси вопие́м ти:/ ра́дуйся оби́тели Тро́ицкия чудесото́чное похвало́, Макси́ме о́тче наш.

Сла́ва, и ны́не, Богоро́дичен:

Молю́ Тя, Пречи́стая,/ не пре́зри мене́, потопля́ема лю́те в скве́рную ти́ну греха́,/ но измы́й мене́ от злосмра́дия благоуха́нным ми́ром моле́ний Твои́х/ и све́том сладча́йшим Боже́ственный Твоея́ любве́ всю тьму души́ моея́ просвети́.

По полиеле́и седа́лен, глас 4:

Я́ко звезда́ пресве́тлая, обте́кшая восто́чныя стра́ны и к се́веру прише́дшая,/ озаря́ет мглу, те́мность мра́ка просвеща́я вся́ческую,/ та́ко и ты, преподо́бне Макси́ме, уподо́бился еси́ сей,/ держа́внаго испроше́нием стра́нен яви́лся еси́ и пресе́льник от Афо́на в вели́цей Руси,/ в исправле́нии Боже́ственных Писа́ний преди́вен, изя́щен показа́ся,/ но наве́тующими льсти́ваго борца́ науще́нии пострада́л еси́,/ и за страда́ния своя́ и в темни́це заточе́ния от Бо́га свы́ше прия́т чудоде́йствия дар,/ и ны́не мо́лим тя:/ при́сно проси́ Христа́ мир вселе́нней дарова́ти/ и душа́м на́шим ве́лию ми́лость.

Сла́ва, и ны́не, Богоро́дичен:

Уще́дри мене́, Влады́чице, к Тебе́ прибега́ющего,/ и изба́ви мя сту́днаго наси́лия зло́бных предста́телей лю́таго, зми́я,/ и́же, я́ко ехи́дны, уязвля́ют ду́шу мою́./ А́ще бо аз и неключи́мый раб Твой, Влады́чице, но упова́ю на Тя.

Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, яже воздаде́ ми? Вся́кое дыха́ние: Ева́нгелие от Матфе́я, зача́ло 43.

По 50-м псалме́ стихи́ра, глас 6:

Подо́бен: Егда́ преставле́ние:

Егда́ страда́ния претерпева́л еси́, преподо́бне Макси́ме,/ тогда́, пла́ча и рыда́я,/ моли́л еси́ святи́теля Мака́рия:/ даждь ми узре́ти Святу́ю Го́ру -/ моли́твенницу о вселе́нней./ Он же со слеза́ми вопия́ше ти:/ о Макси́ме!/ Ви́жду тя невино́вна/ моли́твенника и сокруша́юся,/ у́зы твоя́ я́ко еди́наго от святы́х целу́ю,/ а помощи́ не могу́ ти./ Но, о преподо́бне о́тче,/ моли́ся приле́жно Бо́гу и Ма́тери Его́/ спасти́ся се́тей вра́жиих/ нам невреди́мым.

Кано́н Пресвяте́й Богоро́дице ра́ди Ея ико́ны, нарица́емыя Ватопе́дския,и преподо́бному Макси́му Гре́ку кано́н, глас 1.

Песнь 1

Ирмо́с: Пои́м, вси лю́дие,/ от го́рькия рабо́ты фарао́ни Изра́иля изме́ншему/ и во глубине́ морсте́й нога́ми немо́крыми Наста́вльшему/ песнь побе́дную,/ я́ко просла́вися.

Воспе́ти кий язы́к возмо́жет по достоя́нию/ твоя́, преди́вный о́тче, ве́лия исправле́ния, высо́кое учи́тельство,/ в темни́це и во у́зах му́ченическое страда́ние и долготерпе́ние?

Ка́ко воспое́м и что тя нарече́м, предо́блий о́тче?/ Проро́ка ли, я́ко провеща́ неудо́бь разумева́емая и ве́домая нам,/ апо́стола ли, я́ко зы́блемую проти́вными нам ве́тры/ утверди́ христиа́нскую ве́ру Боже́ственных писа́ний уче́нии,/ учи́теля ли, но вои́стинну ничи́м же ху́ждши и ни́жши еси́ вели́ких о́нех вселе́нских учи́тель.

Воспе́ти Свята́го и поклоня́емаго Паракли́та в те́мнице извеще́ние от А́нгела, прии́м,/ сотвори́л еси́ кано́н Свято́му Ду́ху,/ И́мже еще́ в во́ли просвеще́н, свяще́нныя и Богодухнове́нныя кни́ги соста́вил еси́.

Богоро́дичен: Пои́м, вси лю́дие, святы́ню и сла́ву Пречи́стыя и Всепе́тыя Бо́жия Ма́тере,/ вы́шшую Небе́с и всех у́мных Сил,/ поноси́вшую в пречи́стой Свое́й утро́бе Емману́ила,/ я́ко свя́та и пресла́вна есть.

Песнь 3

Ирмо́с: Утверди́ ме́не, Христе́, на недви́жимом ка́мени за́поведей Твои́х/ и просвети́ мя све́том лица́ Твоего́:/ несть бо свят, па́че Тебе́, Человеколю́бче.

Утверди́л еси́, преподо́бне Макси́ме, в се́рдце свое́м Боже́ственный страх,/ вся по́хоти плотска́я возненави́дев,/ се́го ра́ди умудри́лся еси́, я́коже прост младе́нец,/ и вслед Го́сподеви восте́кл еси́.

Утвержде́нием име́я распе́ншагося Го́спода Иису́са Христа́,/ стра́нен, незна́ем, бездо́мен, безоте́чествен,/ безъиме́нен, безсмы́слен был еси́, преподо́бне Макси́ме,/ пред свои́ми сро́дники, зна́емыми и дру́ги.

Утвержда́яся на за́поведех Госпо́дних,/ от го́рести темни́чныя был еси́ на мног час, я́ко мертв,/ но де́ял еси́ о злонра́вных моли́тву, си́це глаго́ля:/ Го́споди, Иису́се Христе́, Сы́не Бо́га Жива́го,/ не поста́ви им греха́ сего́, клеве́щущих на мя непра́вду.

Богоро́дичен: Утверди́ нас к хвале́нию Твоему́, Де́во,/ и сохрани́ без вре́да от вся́кия ко́зни лука́ваго,/ и сподо́би стоя́ния одесну́ю Единоро́днаго Сы́на Твоего́,/ Ему́же подоба́ет вся́кая сла́ва, честь и поклоне́ние во ве́ки веко́в.

Седа́лен, глас 4:

Ум украси́в поуче́нии Богодохнове́нных Писа́ний,/ тре́звенною моли́твою и бде́нии Богоуго́дными,/ утверди́л еси́ се́рдце свое́ в Го́споде исполне́нием за́поведей спаси́тельных Его́,/ сего́ ра́ди прославля́ют тя вы́ну русстии лю́дие и Афо́н,/ и оби́тель Ватопе́дская вку́пе с на́ми вопие́т:/ Макси́ме прему́дре, не оста́ви нас, моля́щихся тебе́.

Сла́ва, и ны́не, Богоро́дичен:

Молю́ Тя, Пречи́стая Ма́ти Бо́га Вы́шняго,/ еди́но души́ моея́ утеше́ние, упова́ние, сла́досте,/ Боже́ственный покро́ве, све́те, заступле́ние и спасе́ние!/ Сподо́би мя Твои́ми моли́твами услы́шати глас,/ благослове́нных призыва́ющий внутрь черто́га Влады́ки.

Песнь 4

Ирмо́с: Ве́лия та́йна/ Твоего́, Христе́, смотре́ния:/ сию́ бо свы́ше прови́дя богозри́тельно, Авваку́м,/ изше́л еси́, вопия́ше Тебе́,/ во спасе́ние люде́й Твои́х, Человеколю́бче.

От та́йных ерети́ческих лжеуче́ний/ ничто́же утаи́ся от Тебе́, преподо́бне Макси́ме,/ но благода́тию Свята́го и поклоня́емаго Ду́ха вся тебе́ открове́на суть.

Та́инственных догма́тов Правосла́вный ве́ры/ не то́чию побо́рника и́стинна и ве́рна себе́ показа́,/ но и па́че прео́стра секи́ра/ на вся, я́же под небесе́м, е́реси́ яви́лся еси́.

Я́ко таи́н Свята́го Ду́ха строи́тель,/ и Небе́снаго жи́тельства рачи́тель, и зако́на Госпо́дня учи́тель/ вои́стинну показа́лся еси́, прему́дре Макси́ме.

Богоро́дичен: Ве́лию та́инству Моисе́й Богови́дец науче́н, зря купину́ неопали́му:/ купина́ – не́мощь челове́ческаго естества́,/ огнь же – Божество́ Единоро́днаго Сы́на Вы́шняго,/ и́бо Бог наш – огнь есть, пояда́яй грехи́ на́ша,/ я́коже Боже́ственный апо́стол рече́.

Песнь 5

Ирмо́с: От но́щи у́тренююще, пое́м Тя, Христе́,/ Отцу́ Собезнача́льна и Спа́са душ на́ших,/ мир ми́рови пода́ждь, Человеколю́бче,

Но́щию луна́, днем со́лнце просвеща́ют и веселя́т тварь всю ви́димую,/ житие́ же и прему́дрость святы́х просвеща́ют и веселя́т ду́ши всех челове́ков,/ хотя́щих спасти́ся и в ра́зум и́стины прии́ти́./ Си́це и писа́ния преподо́бнаго Макси́ма Гре́ка, я́ко богодухнове́нныя труды́, велегла́сно вопию́т.

В нощи́ моля́щуся тебе́ в темни́це,/ Богонача́льныя и Преблаги́я Тро́ицы про́мыслом внем А́нгел Госпо́день и ре́че:/ о ста́рче! Си́ми му́ками избу́деши ве́чных мук.

В нощи́, я́ко сладкогла́сный и добропе́снивый сла́вий,/ воспе́л еси́, прему́дре Макси́ме:/ не тужи́, не скорби́, ниже́ тоску́й о ни́хже, -/ любе́зна ми душе́, -/ стра́ждеши без пра́вды,/ твоя́ бо мзда ве́лия на Небесе́х.

Богоро́дичен: От но́щи у́тренююще, пое́м Тя, Де́во,/ Дщерь Царе́ву, ря́сны златы́ми оде́яну и преиспещре́ну,/ ле́ствицу, ю́же Иа́ков ви́де,/ го́ру, ю́же благоволи́ Бог жи́ти в ней, и́бо Госпо́дь всели́тся до конца́.

Песнь 6

Ирмо́с: Проро́ка спасл еси́ от ки́та, Человеколю́бче,/ и мене́ из глубины́ прегреше́ний возведи́, молю́ся.

Проро́чески, преподо́бне Макси́ме, лю́ди облича́л еси́, к покая́нию приводя́:/ заблуди́хом, заблуди́хом от пра́ваго и незаблу́днаго жи́тельства преподо́бных и́нок/ и без ума́ тече́м к по́чести вы́шняго зва́ния.

Проро́к покая́ния яви́лся еси́, преподо́бне Макси́ме,/ души́ трезве́ние снабдева́я Боже́ственными словесы́/ и из ро́ва страсте́й возводя́ омраче́нных грехми́.

Проро́ческия писа́ния, в та́йне глаго́ланныя,/ я́вны соде́лал еси́, прему́дре Макси́ме,/ сего́ ра́ди послу́шают тя оби́льно вси лю́дие.

Богоро́дичен: Проро́ки Тя провозвести́ша, Де́во Чи́стая,/ апо́столи пропове́даша, святи́и вси ублажи́ша,/ мы же со Арха́нгелом вопие́м:/ ра́дуйся, Благода́тная, Госпо́дь с Тобо́ю.

Конда́к, глас 8.

Подо́бен: Прему́дрости:

Богодухнове́нным Писа́нием и Богосло́вия пропове́данием/ неве́рствующих суему́дрие обличи́л еси́, всебога́те,/ па́че же, в Правосла́вии исправля́я, на стезю́ и́стиннаго позна́ния наста́вил еси́,/ я́коже свире́ль Богогла́сная, услажда́я слы́шащих ра́зумы,/ непреста́нно веселиши, Макси́ме досточу́дне,/ сего́ ра́ди мо́лим Тя:/ моли́ Христа́ Бо́га грехо́в оставле́ние низпосла́ти/ ве́рою пою́щим всесвято́е твое́ успе́ние, Макси́ме, о́тче наш.

И́кос:

Ка́ко воспое́м велича́йшему тезоимени́таго, Макси́ма предо́бляго?/ преподо́бных кра́сна венца́, страда́льцев тве́рдаго пра́вила,/ еретико́в нело́жнаго посрамле́ния, Це́ркви столпа́ непоколеби́маго,/ де́вственник изве́стнаго наста́вника и супру́жества честна́го засту́пника,/ филосо́фов прему́дршаго мудреца́, и́стины исто́чника приснотеку́щаго,/ и́нок похвалу́ и всех люде́й вои́стинну украше́ние,/ сего́ ра́ди мо́лим тя, досточу́дне Макси́ме:/ моли́ Христа́ Бо́га грехо́в оставле́ние низпосла́ти/ ве́рою пою́щим всесвято́е твое́ успе́ние, Макси́ме, о́тче наш.

Песнь 7

Ирмо́с: О́бразу служи́ти,/ мусики́йскому согла́сию созыва́ющу лю́ди,/ от пе́сней сио́нских по́юще оте́чески, о́троцы Дави́довы/ мучи́телево разори́ша злочести́вое веле́ние/ и пла́мень в ро́су преложи́ша,/ песнь воспева́юще:/ превозноси́мый отце́в и наш Бо́же, благослове́н еси́.

О́бразу промышле́ния Пресвяты́я Тро́ицы песнь благода́рственну возда́в, преподо́бне Макси́ме,/ вся ны призва́л еси́ благослови́ти небла́зненно Отца́, и Сы́на, и Свята́го Ду́ха,/ Еди́наго Бо́га в Трие́х Ипоста́сех.

О́браз злострада́ния, терпе́ния и моли́твы показа́лся еси́, свя́те Макси́ме, па́че же и упова́ния,/ я́ко Бог Судия́ пра́веден, и кре́пок, и долготерпели́в есть,/ и Той возда́ст коему́ждо по дело́м его́.

О́браз превы́спренняго Богосло́вия стяжа́л еси́, прему́дре Макси́ме,/ сии́ есть догма́ты Боже́ственных апо́стол и оте́ц,/ от Свята́го Паракли́та излия́нныя, и́мже и нас науча́еши Богому́дрыми свои́ми писа́нии.

Богоро́дичен: О́браз пречи́стаго Твоего́ рождества́, Де́во Ма́ти,/ неизрече́нен и недове́дом есть,/ Ты бо вселе́ние преве́чнаго Единоро́днаго Сы́на О́тча была́ еси́, не опали́вшися от Него́.

Песнь 8

Ирмо́с: В пла́мени о́гненне горя́щия пе́щи/ сохра́ншаго де́ти/ и во зра́це А́нгела снизше́дшаго к ним/ по́йте Го́спода/ и превозноси́те Его́ во ве́ки.

Пла́мене Боже́ственнаго Паракли́това облиста́ния возжеле́в, преподо́бнее Макси́ме,/ сего́ ра́ди и сладча́йшим све́том уче́ния и чуде́с огне́м/ отгна́л еси́ вся́кий мрак бесо́вский.

Пла́мене гее́ннскаго бе́гати лю́ди научи́л еси́, преподо́бне Макси́ме,/ сих призыва́я де́лом соверша́ти за́поведи Христо́вы/ и отступи́ти зло́бы, блуда́, лжи, го́рдости, льсти и хище́ния непра́веднаго чужи́х име́ний.

Пла́менно нече́стие ерети́ческое попали́л еси́, прему́дре Макси́ме,/ ве́ры же христиа́нския непоро́чныя Боже́ственное испове́дание изъясни́в.

Богоро́дичен: В пла́мени о́гненне горя́щия купины́ ви́де Тя Моисе́й Богови́дец,/ провозвести́в безсе́менное рождество́ Твое́, Де́во Пречи́стая,/ сего́ ра́ди и нас плотски́х страсте́й свободи́.

Песнь 9

Ирмо́с: Тебе́, све́тлую свещу́ и Ма́терь Бо́жию,/ пречу́дную сла́ву и вы́шшую всех тва́рей,/ пе́сньми велича́ем.

Тебе́, све́тлую свещу́, и ум крайне́йший, и столп непоколеби́м ве́мы,/ па́че же наста́вника мона́хов и ересе́й наказа́теля пропове́дуем.

Све́тло от полу́денных стран возсия́л еси́, преподо́бне Макси́ме,/ све́тло житие́ показа́в, мрак лука́вствия прогоня́я/ и благоприя́тною моли́твою просия́в.

Свеща́ Боже́ственнаго ра́зума быв, дости́гл еси́ в позна́ние Сы́на Бо́жия,/ в му́жа соверше́нна, в ме́ру во́зраста Христо́ва,/ сего́ ра́ди и мы вопие́м ти:/ блаже́н ты еси́ вои́стинну по всему́,/ и по́двиги, и сла́вою, и благода́тию, я́же еси́ свы́ше получи́л.

Богоро́дичен: Тебе́, и све́тлую свещу́ в нощи́ страсте́й,/ и покро́в благосты́ни, и сте́ну необори́му от наве́т вра́жиих,/ пе́сньми велегла́сно велича́ем.

Свети́лен:

Свет возсия́л есть преподо́бному Макси́му Боже́ственных слове́с и повеле́ний,/ сего́ ра́ди я́ко свет вторы́й и ум крайне́йший нам яви́ся.

Сла́ва, и ны́не, Богоро́дичен:

Ужасо́шася а́нгельский си́лы, зря́ще Де́ву,/ Свет от Све́та в рука́х держа́щу,/ чи́сте Ро́ждшей вопия́ше:/ Свет возсия́л есть нам от деви́ческих ложе́сн.

На хвали́тех стихи́ры, глас 8:

Отре́клся еси́ себе́, преподо́бне Макси́ме,/ и стра́нна себе́ показа́ всего́ жития́ сего́ су́етнаго,/ ни пи́ще сла́дкой, ни сла́ве, ни име́нием ктому́ ра́дуяся,/ ниже́ дру́жбам си́льных./ Вся же вку́пе отри́нул еси́ нестяжа́тельным житие́м,/ и слеза́ми, и безмо́лвием, моли́твами, и бде́нии, и кни́жными прочита́нии,/ Боже́ственною добро́тою мы́сленно пита́яся, ра́дуешися,/ весе́лия при́сно наполня́емь.

Макси́м преподо́бный, я́коже и дре́вле отцы́,/ не ху́де боре́ния показа́,/ о́во еретики́ словесы́ свои́ми бия́,/ о́во же ве́рныя неподви́жимо ве́ре стоя́ния укрепля́я,/ не поколеба́ша бо сего́ отца́ лю́тыя бу́ри прира́жения,/ ни темни́ца, ни у́зы, те́ло держа́щии,/ а ду́шу просвеща́ющии.

Макси́м прему́дрый,/ вторы́й земны́й и многострада́льный херуви́м,/ Боже́ственную трапе́зу нам предлага́ет в па́мяти свое́й,/ усе́рдно теце́м, о празднолю́бцы,/ на пресла́дкий сей и изоби́льный исто́чник,/ распали́вшуюся жа́жду от ло́жных ерети́ческих уче́ний угаша́юще/ и ду́ши в Го́рния оби́тели возво́дяще.

Сла́ва, глас 3:

Спаси́ нас Твое́ю благода́тию, Пресвята́я Тро́ице,/ Соде́телю всех и Содержа́телю,/ сохрани́ нас чи́сты, в настоя́щем убо жити́и благове́рно служа́щих Ти,/ в бу́дущем ве́це сподо́би соучини́тися нам/ Боже́ственному ли́ку избра́нных Твои́х,/ иде́же шум чист пра́зднующих и глас неизрече́ннаго весе́лия.

И ны́не, Богоро́дичен:

Славосло́вие вели́кое.

На Литурги́и слу́жба преподо́бническая.

Прпdбнагw nц7A нaшегw маxjма и3сповёдника:

И# с™aгw м§ника неофЂта:

И# с™hхъ мyченикwвъ: є3vгeніа, канjдіа, ўалеріaна и3 ґкЂлы.

На ГDи, воззвaхъ, стіхи6ры маxjма, на ѕ7, глaсъ д7.

Под0бенъ: Ћкw д0блz:

За милосeрдіе бhвша человёка, ћкw благоизв0ли, во двY хотёніихъ, дёйствахъ же разумэвaема, препод0бне, проповёдалъ є3си2, маxjме, заграждaz сквeрныхъ незатворє1ннаz ўстA, є3динов0льна, є3динодёйственна того2 слaвzщихъ, и3скушeніемъ діaвольскимъ ѕл0бу содёлавшаго.

Жи1лами ўчeній твои1хъ, пЂрра, џ§е, ўдави1лъ є3си2, буесл0вzща, маxjме, ѕломyдреннаго, и3 гонє1ніz претерпёлъ є3си2, и3 скHрби, приснопaмzтне, ўранsемь лю1тэ, и3 љзhкъ tрёзуемь, и3 ю4же всегдA къ бGу простирaемую б9eственную рyку, є4юже пишS, соверши1лъ є3си2 высHкаz словесA.

Скоропи1сца ћкw тр0сть, наwстрeна д¦омъ, с™hй бhсть, бlжeнне, љзhкъ тв0й, добропи1шущъ бlгодaтію на скрижaлэхъ сердeцъ нaшихъ, зак0нъ б9eственныхъ добродётелей, и3 ўчeніемъ и3звёстіе, и3 воплощeніе во двY существaхъ человёкwмъ, и3 є3ди1нэй v3постaси kви1тисz восхотёвшагw.

И$ны стіхи6ры мyченика неофЂта, глaсъ }.

Под0бенъ: Q преслaвнагw чудесE!

Q преслaвнагw чудесE! Г0лубь бесёдуетъ неофЂту м§нику человёческимъ вэщaніемъ, t вhшнихъ пришeдшій, є3гHже рaди и3 њблистaетъ житіE равноaгGльно, и4мже ю4ношствуz стрaждетъ крёпкw. Q бжcтвенныхъ дэsній пzтострадaльнагw м§ника! Е#гHже мlтвами спаси2 дyшы нaшz, хrтE, ћкw бlгоутр0бенъ.

Q преслaвнагw чудесE! T пелeнъ самёхъ совершенномyдрый неофЂтъ совершaетъ чудесA дёйствомъ д¦а: и3з8 кaмене в0ду моли1твами и3сточaетъ, мeртвую воздвизaетъ, є3sже kви1сz пор0дъ. Q б9eственныхъ дэsній пzтострадaльнагw мyченика! Е#гHже мlтвами спаси2 дyшы нaшz, хrтE, ћкw бlгоутр0бенъ.

Q преслaвнагw чудесE! За хrтA страждA требlжeнный неофЂтъ, враги2 ўстраши2 и3зрsдными видBніи, џгнь ўгасaетъ, семY вметaему, свирBпыz ѕвёри ўстраши1вшыzсz показyетъ. Q держaво непобэди1маz, въ нeйже ўдивлsетсz страдaлецъ! Но мlтвами є3гw2 спаси1 ны, б9е.

Слaва, препод0бнагw, глaсъ ѕ7:

Препод0бне, џ§е, во всю2 зeмлю и3зhде вэщaніе и3справлeній твои1хъ. Тёмъ на нб7сёхъ њбрёлъ є3си2 мздY трудHвъ твои1хъ, дє1мwнскіz погуби1лъ є3си2 полки2, и3 ѓгGльскіz дости1глъ є3си2 чи1ны, и4хже житію2 безъ пор0ка поревновaлъ є3си2: дерзновeніе и3мёz ко хrтY бGу, ми1ръ и3спроси2 душaмъ нaшымъ.

И# нhнэ, бGор0диченъ. Ѓще средA, и3ли2 пzт0къ, кrтобGор0диченъ.

Под0бенъ: ВсE tл0жше:

Ѓгнца своего2 ѓгница несквeрнаz дрeвле и3 непор0чнаz вLчца на дрeвэ крeстнэмъ ћкw ўзрЁ, мaтерски восклицaше, и3 дивsщисz вопіsше: чaдо сладчaйшее, что2 зрёніе сіE н0вое и3 преслaвное; кaкw с0нмъ безблагодaтный суди1щу пілaтову предадE тS, и3 њсуждaетъ на смeрть жи1знь всsческихъ; но воспэвaю твоE неизречeнное, сл0ве, снизхождeніе.

На стіх0внэ nктHиха. Слaва, глaсъ }:

Монaхwвъ мн0жества настaвника тS почитaемъ, џ§е нaшъ маxjме: твоeю бо стезeю вои1стинну прaвw ходи1ти познaхомъ. Блажeнъ є3си2 хrтY раб0тавъ, и3 врaжію њбличи1лъ є3си2 си1лу, ѓгGлwвъ собесёдниче, препод0бныхъ сопричaстниче и3 прaведныхъ. Съ ни1миже моли1сz гDеви, поми1ловатисz душaмъ нaшымъ.

И# нhнэ, бGор0диченъ, и3ли2 кrтобGор0диченъ.

Под0бенъ: Q преслaвнагw чудесE!:

Что2 зри1мое видёніе, є4же мои1ми nчесы2 ви1дитсz, q вLко! Содержaй всю2 твaрь, на дрeво воздви1женъ бhвъ, и3 ўмирaеши всBмъ даsй жи1знь; бцdа плaчущи глаг0лаше, є3гдA ўзрЁ на кrтЁ возноси1ма и3зъ неS неизречeннw возсіsвшаго бGа и3 чlвёка.

Тропaрь, глaсъ }:

Правослaвіz настaвниче, бlгочeстіz ўчи1телю и3 чистоты2, вселeнныz свэти1льниче, монaшествующихъ бGодухновeнное ўдобрeніе, маxjме премyдре, ўчeньми твои1ми вс‰ просвэти1лъ є3си2, цэвни1це д¦0внаz, моли2 хrтA бGа, спасти1сz душaмъ нaшымъ.

Другjй тропaрь мyченика, глaсъ д7:

М§никъ тв0й, гDи, неофЂтъ, во страдaніи своeмъ вэнeцъ пріsтъ нетлённый t тебє2, бGа нaшегw: и3мёzй бо крёпость твою2, мучи1телей низложи2, сокруши2 и3 дeмwнwвъ немощны6z дeрзwсти: тогw2 моли1твами спаси2 дyшы нaшz.

Послёдованіе м§никwвъ поeтсz на повечeріи.

КанHнъ, глaсъ в7, є3гHже краегранeсіе:

Четвери1цу пою2 мyченикwвъ побэдон0сныхъ.

Пёснь №.

Їрм0съ: Нетрeну, неwбhчну, нем0креннw морскyю шeствовавъ стезю2, и3збрaнный вопіsше ї}ль: гDеви пои1мъ, ћкw прослaвисz.

Свётлостію трис0лнечныz благодaти слaвніи м§ницы њзарsеми, воспэвaющыz вaшу пaмzть всечестнyю просвэти1те, t тмы2 и3збавлsюще страстeй, и3 њбстоsній.

Њсвэщaеми всес™hмъ д¦омъ, мjра њстaвльше бyрю, ўдали1стесz въ горaхъ, мyдріи м§ницы слaвніи, къ б9eственному страдaнію њбучaеми, є4же и3 свётлw соверши1сте.

Ўтверждaеми держaвною зижди1телz и3 всекрёпкою си1лою, б9eственніи мyчєницы, њбуревaньми мн0гими kви1стесz непрекл0нни въ мyкахъ, всю2 попрaвше врагHвъ си1лу.

БGор0диченъ: Ми1лости мS, бlгословeннаz вLчце, б9eственныz получи1ти спод0би предстaтельствы твои1ми, р0ждшаz пл0тію сл0во ми1лостивэйшее и3 благопремэни1тельное, пріeмлющее къ немY притекaющыz.

Пёснь G.

Їрм0съ: На кaмени мS вёры ўтверди1въ, разшири1лъ є3си2 ўстA мо‰ на враги2 мо‰, возвесели1босz дyхъ мои2, внегдA пёти: нёсть с™ъ, ћкоже бGъ нaшъ, и3 нёсть прaведенъ, пaче тебє2, гDи.

Люб0вію ўzзвлsеми вLчнею, м{ки претерпёсте многоoбр†зныz: жи1лами бо сур0вэйше страдaльцы біeми, nгнeмъ же tвсю1ду лю1тw њпалsеми, непрекл0нни пребhсте.

Ўкрэплsеми си1лою гDнею, и3зыд0сте къ борeнію врагA, и3 сего2 низложи1сте страстотeрпцы, хrтY зовyще: ты2 є3си2 бGъ нaшъ, и3 нёсть прaведенъ, пaче тебє2, гDи.

Со ѓгGлы ликyющи въ вhшнихъ, и3 съ собHры соединsеми м§никwвъ, съ ни1ми моли1тесz, и3збaвити всsкіz ск0рби и3 њбстоsніz вaсъ чтyщыz, б9eственніи м§ницы.

БGор0диченъ: Соглaснw тS, всепётаz, благосл0вимъ, є4юже нaмъ возсіS неизречeннw сіsніе невечeрнее, и3 вопіeмъ: спасaй рабы6 тво‰ всsкагw њѕлоблeніz, вёрныхъ бо пом0щница ты2 є3си2.

Пёснь д7.

Їрм0съ: Пою1 тz, слyхомъ бо, гDи, ўслhшахъ и3 ўжас0хсz, до менє1 бо и4деши, менE и3щS заблyждшаго. Тёмъ мн0гое твоE снизхождeніе, є4же на мS, прославлsю, многоми1лостиве.

Пою1ще благочeстнw, почти1мъ є3vгeніево дерзновeніе, ґкЂлы противлeніе, канjдіево же терпёніе, кyпнw съ ни1ми почитaюще и3 ўалеріaнову крёпость.

Неи1стовствомъ њдержaнъ мучи1тель, ќжами растsгнена неми1лостивнw би1ти тS повелэвaетъ, и3 желёзомъ вельми2 строгaти тS, є3vгeніе, и3 свэщaми њпалsти тёло твоE.

Непщевaвъ пребезyмный мучи1тель твeрдость вaшу мyками разори1ти, мyдріи м§ницы, мyкамъ подлагaетъ вaсъ горчaйшымъ: но благодaтію вседётелz хrтA, сего2 посрами1сте.

БGор0диченъ: Ћкw є3ди1на вёрныхъ п0моще, всеблагословeннаz бцdе, t всsкихъ и3збaви скорбeй тво‰ рабы6, тeплэ блажaщыz тS, и3 въ б9eственный кр0въ тв0й притекaющыz.

Пёснь є7.

Їрм0съ: Просвэщeніе во тмЁ лежaщихъ, спасeніе tчazнныхъ, хrтE сп7се м0й, къ тебЁ ќтренюю цRю2 ми1ра, просвэти1 мz сіsніемъ твои1мъ: и3н0гw бо рaзвэ тебє2 б0га не знaю.

М§ническое показyz вои1стинну терпёніе, стaлъ є3си2 ћкw ґдамaнтъ, гHркіz м{ки под8eмлz, и3 взывaz зижди1телю бlгодaрнw, м§ниче є3vгeніе: и3н0го бо рaзвэ тебє2 б0га не знaемъ.

Безвёстію б0ги јдwльскіz препослaлъ є3си2 сщ7eннэйшими твои1ми къ зижди1телю моли1твами: под8sлъ є3си2 р†ны многоoбр†зныz, по всемY тёлу, мyчениче є3vгeніе, пaлицами нещaднw ўранsемь.

БGор0диченъ: И#збaви нaсъ, всес™az дв7о, всsкагw врeда, тh бо предстaтельница є3си2 нaша, надёющихсz на тS, бцdе, и3 вопію1щихъ б9eственному ржcтвY твоемY: и3н0гw бо рaзвэ тебє2 б0га не знaемъ.

Пёснь ѕ7.

Їрм0съ: Ко гDу t ки1та їHна возопи2: тh мz возведи2 и3зъ глубины2 ѓда, молю1сz: да ћкw и3збaвителю во глaсэ хвалeніz, и4стины же д¦омъ пожрY тебЁ.

Простирaеми на дрeвэ, и3 желёзомъ стрyжеми, ћростію судsщагw, и3 жи1лами ссэкaеми по плещє1мъ нещaднw, и3 nгнeмъ њпалsеми, добропобёдніи м§ницы рaдовахусz.

Терпёлъ є3си2 тёломъ, свэщaми њпалsемь, и3 на дрeвэ, слaвне, протzзaемь, є3vгeніе, и3 с0лію р†ны нещaднw посыпaємы, беззак0ннагw мучи1телz суровств0мъ.

БGор0диченъ: Да и3збaвимсz всsкагw навёта и3 ск0рби, бGорaдованнаz, и5же въ тв0й покр0въ притекaющіи, и3 люб0вію тS при1снw благочeстнw слaвzще, ћкw м™рь б9ію всенепор0чную.

Сэдaленъ, глaсъ д7.

Под0бенъ: Kви1лсz є3си2 днeсь:

КрасотA просіsвши твeрдыхъ мyченикwвъ, четвери1ца њзари2 четhре концы2 мjра зарsми, страдaньми мyченикwвъ и3 си1лами, t ни1хже сіsетъ вели1кій є3vгeній.

Пёснь з7.

Їрм0съ: Џбразу злат0му, на п0лэ деи1рэ служи1му, тріE твои2 џтроцы небрег0ша безб0жнагw велёніz: посредё же nгнS ввeржени, њрошaеми поsху: бlгословeнъ є3си2, б9е nтє1цъ нaшихъ.

П0двиги свётлыми њблeклсz є3си2 мyжески на прeлесть, и3 побэдон0сецъ, q є3vгeніе! Б9eственнымъ мановeніемъ бhвъ, њбрёлъ є3си2 возда‰ніz трудHвъ, со ѓгGлы же поeши: бlгословeнъ є3си2, б9е nц7є1въ нaшихъ.

Кrтъ хrт0въ и3мyще, страдaльцы, ћкw б9eственное nрyжіе, діaволе њполчeніе и3 мучи1телей противлeніе, вкyпэ низложи1сте, побёды вэнцы2 пріeмше t жизнон0сныz десни1цы страстопол0жника бGа.

Ўм0мъ чи1стымъ мyкъ прилHги не поколебaлсz є3си2, но непрестaннw, q є3vгeніе, пaлицами біeмь, и3зрsднэйше посёклъ є3си2, мyчениче, сопротивлeніемъ страдaній твои1хъ, главы6 врагHвъ и3 неви1димыхъ супостaтwвъ.

БGор0диченъ: СE вои1стинну, ћкw прореклA є3си2, р0ди тS, всечcтаz, вси2 дост0йнw ўблажaемъ, и3 по д0лгу слaвимъ: тh бо собезначaльное сл0во џ§ее родилA є3си2, за є4же спасти2 человёки, воплощeнное и3зъ тебє2.

Пёснь }.

Їрм0съ: Въ пeщь џгненную ко nтрокHмъ є3врє1йскимъ снизшeдшаго, и3 плaмень въ р0су прел0жшаго бGа, п0йте, дэлA, ћкw гDа, и3 превозноси1те во вс‰ вёки.

Всsкому лукaвному ковaрству гони1телей сопроти1висz ўалеріaнъ же, и3 слaвный съ ни1мъ ґкЂла, и3 б9eственный є3vгeній, кyпнw со страдaльцемъ канjдіемъ д0блественнымъ.

БGозaрнаz чyдныхъ стrтотeрпцєвъ хrт0выхъ настA пaмzть, ўалеріaна же и3 є3vгeніа кyпнw, ґкЂлы б9eственнагw и3 канjдіа, ю4же рaдостнw совершaемъ люб0вію.

Свэтови1дными лучaми њблистaющи нaмъ свётлw, настA лётнzz пaмzть стrтотeрпцєвъ хrт0выхъ, ґкЂлы б9eственнагw, и3 канjдіа кyпнw, и3 є3vгeніа и3 ўалеріaна.

БGор0диченъ: Соприсносyщный nц7Y, и3 собезначaльный сн7ъ и3зъ тебє2 пр0йде въ послBднzz лBта, за є4же спасти1 ны, дв7о чcтаz неискусобрaчнаz: є3г0же не престaй нaмъ ўмилостивлsющи.

Пёснь f7.

Їрм0съ: T бGа бGа сл0ва, неизречeнною мyдростію пришeдшаго њбнови1ти ґдaма, ћдію въ тлёніе пaдшаго лю1тэ, t с™hz дв7ы неизречeннw воплоти1вшагосz нaсъ рaди, вёрніи, є3диномyдреннw пёсньми величaемъ.

Стремлeніе побэди1лъ є3си2 мучи1телей, по мн0жайшихъ мyкахъ прешeдъ къ бGу прерaдостнw, побёды п0чєсти пріeмъ ћкw nрyжникъ д0блественный, ћкw вели1къ хрaбрникъ, ћкw и3збрaнный хrт0въ в0инъ, є3vгeніе всеизsщнэйшій.

Со ѓгGльскими ли1ки и3 м§ническими соб0ры совокyпльшесz, и3 прaведныхъ чи1ны, нhнэ съ ни1ми моли1тесz, вaсъ воспэвaющымъ даровaти њчищeніе грэхHвъ, и3 всsкихъ бёдъ, мyчєницы, и3збавлeніе.

Њ нaсъ совершaющихъ свётлую вaшу пaмzть, є3vгeніе бGомyдре, благочeстнw, мyчениче ґкЂло всеслaвне, и3 ўалеріaне съ канjдіемъ сострадaльцемъ, прилёжнw ўмоли1те хrтA преблагaго.

БGор0диченъ: ТS, всес™az дв7о, ѓгGлwвъ мн0жєства и3 всёхъ человBкъ р0ди прерaдостнw ўблажaютъ: всёхъ бо сп7са, и3 зижди1телz, и3 вLку и3 бGа породилA є3си2, є3г0же њ нaсъ моли2.

Стіхи6ры, глaсъ в7.

Под0бенъ: Е#гдA t дрeва тS:

Пёсньми восхвaлимъ, вёрніи, и4стиннw б9eствєнныz nрyжники и3 страдaльцы хrтHвы: мyдраго є3vгeніа и3 ўалеріaна, канjдіа слaвнаго и3 сострадaльца, кyпнw со ґкЂлою, вёрнw ўблажaюще сі‰, ћкw пострадaвшыz стрaннw, ћкw въ чaсъ њсуждeніz нaсъ и3з8eмлютъ мучeніz.

Мyчениче страстотeрпче хrт0въ, твоE вервьми2 тёло налzцaемо, ћростію мучи1телz ѕёльнw строгaшесz, нещaднw же њпалsшесz, біeмо, мyчениче, свэщaми њпалsемо, и3 притрывaемо с0лію, и3 џцтомъ лютёйшимъ: тh же претерпёлъ є3си2 вс‰, є3vгeніе бlжeнне, рaди гDа.

Зак0нъ спаси1тельный ћвэ и3мёz въ сeрдцы твоeмъ, мyчениче, мjръ њстaвилъ є3си2, горaмъ же прибли1жилсz є3си2, къ б9eственному страдaнію њбучazсz, блажeнне, вои1стинну совершeнному: є4же и3 пріeмлz рaдуzсz претерпёлъ є3си2 всE тэлесE строгaніе, и3 nгнS лютёйшее, ўалеріaне мyчениче, попалeніе.

Слaва, и3 нhнэ, бGор0диченъ:

Рaдуйсz, всS твaрь тебЁ вопіeтъ: рaдуйсz, всес™az дв7о: рaдуйсz, ски1птре давjдовъ: рaдуйсz, прозsбшаz гр0здъ тaйный: рaдуйсz, двeре нбcнаz и3 неwпали1маz купино2: рaдуйсz, свёте всемjрный: рaдуйсz, всёхъ рaдосте: рaдуйсz, заступлeніе: рaдуйсz, чи1стэ притекaющихъ въ твою2 п0мощь, всенепор0чнаz.

КrтобGор0диченъ: Е#гдA несквeрнаz ѓгница ви1дэ своего2 ѓгнца, на заколeніе ћкw человёка в0лею влек0ма, плaчущи глаг0лаше: безчaдствовати мS нhнэ тщи1шисz, хrтE, р0ждшую тS, что2 сіE сотвори1лъ є3си2, и3збaвителю всsческихъ; nбaче воспэвaю и3 слaвлю твою2, ю4же пaче ўмA и3 сл0ва, крaйнюю блaгость, чlвэколю1бче.

На ќтрени є3ди1нъ канHнъ nктHиха: и3 с™hхъ двA.

КанHнъ прпdбнагw, творeніе їwaнна монaха, глaсъ }, є3гHже краегранeсіе кромЁ бGор0дичнwвъ:

Всевеличaйшій маxjмъ да слaвитсz.

Пёснь №.

Їрм0съ: Пои1мъ гDеви, провeдшему лю1ди сво‰ сквозЁ чермн0е м0ре, ћкw є3ди1нъ слaвнw прослaвисz.

Всю2 мнЁ бGодухновeнную t медот0чнагw и3 слaдкагw твоегw2 и3скaпай љзhка, б9eственный маxjме, благодaть д¦а.

Џгнь горsщь kви1лсz є3си2 на є4рєси, блажeнне: ћкw бо тр0стіе сі‰ и3знури1лъ є3си2 рeвностію д¦а.

Безсловeсное предложи1сz t ѕлочести1вэйшагw произволeніz, є3динов0льное ўчeніе: словесh же твои1ми, џ§е, њбличи1сz.

БGор0диченъ: Вeсь желaніе, и3зъ ўтр0бы твоеS, бGоневёсто, благоизв0ливый роди1тисz, и3 слaдость є4сть и3 свётъ незаходи1мый.

КанHнъ мyченика, глaсъ т0йже, творeніе їHсифово, є3гHже краегранeсіе:

Хrт0въ сaдъ тS, м§ниче, благохвалю2 н0вый.

Пёснь №.

Їрм0съ: В0ду прошeдъ ћкw сyшу, и3 є3гЂпетскагw ѕлA и3збэжaвъ, ї}льтzнинъ вопіsше: и3збaвителю и3 бGу нaшему пои1мъ.

Хrт0въ тS, всеблажeнне, н0вый сaдъ, въ вертогрaдэ процвётшій мyченичестэмъ, и3 свzщє1нныz плоды2 бlгочeстіz и3зрасти1вша, познaвше поeмъ, неофЂте.

Глаг0лwвъ б9eственныхъ и3сп0лнитель показaвсz, блажeнне, t младeнства благyю чaсть мyдрэ и3збрaлъ є3си2, и3 настaвникъ заблyждшымъ бhлъ є3си2.

Ви1дэти желaz хrтA, пл0тію и3з8 дв7ы младeнствовавшаго нaсъ рaди, младeнецъ сhй, младeнцєвъ къ совершeнству водsй мудровaніе.

И#скaпаzй, бGомyдре, слaдость бGоразyміz и3з8 ќстъ свzщeнныхъ, дyшы њчарHванныz ѕл0бою чуждaгw чeстнw ўслади1лъ є3си2.

БGор0диченъ: Р0ждшаz є3стеств0мъ содётелz, њбожи1ла є3си2 всE существо2 земнор0дныхъ: тёмже тS вои1стинну бцdу и3сповёдуемъ, дв7о бGоневёсто.

Пёснь G.

Їрм0съ: Ты2 є3си2 ўтверждeніе притекaющихъ къ тебЁ, гDи, ты2 є3си2 свётъ њмрачeнныхъ, и3 поeтъ тS дyхъ м0й.

Величaйшій маxjмъ бlгочести1выz хrт0вы вёры всеи1стиннw проповёдникъ же и3 мyченикъ показaсz кр0вію.

Маxjме блажeнне, ты2 пощeніемъ бhлъ є3си2 бGолёпное любомyдріz и3 чи1стое жили1ще.

И#зліS љзhкъ тв0й рэкY хrт0выхъ ўчeній, бlгочeстне, маxjме всебlжeнне, премyдрости питaтель.

БGор0диченъ: Да стезю2, вLко, ко с™hни ведyщую, покaжеши нaмъ, во ўтр0бу всес™yю всес™w всели1лсz є3си2.

И$нъ.

Їрм0съ: Ты2 є3си2 ўтверждeніе притекaющихъ къ тебЁ, гDи, ты2 є3си2 свётъ њмрачeнныхъ, и3 поeтъ тS дyхъ м0й.

Всего2 возложeна тS всещeдрому сл0ву, чи1стый дyхъ соблюдaше невреди1ма, слaвне.

Воспёша гDа мн0жєства людeй вёрныхъ, ви1дэвше тоб0ю, мyчениче, р0ждшіz тS и3з8 мeртвыхъ востaніе.

Свётомъ њблистaющаz голуби1ца глaсомъ живhмъ тS и3 путeмъ спаси1тельнымъ призывaетъ, неофЂте.

БGор0диченъ: Пёніе рaдостное р0дъ человёческій при1снw приношaетъ тебЁ, м™и б9іz, безсмeртіе тебє2 рaди воспріeмшій.

Кондaкъ, глaсъ }.

Под0бенъ: Взбрaнной:

Трbцы рачи1телz и3 вели1каго маxjма, научaюща ћснw вёрэ бжcтвеннэй, є4же слaвити хrтA во двY є3стествaхъ, в0лzхъ же и3 дёйствахъ сyща, въ пёснехъ дост0йныхъ, вёрніи, почти1мъ взывaюще: рaдуйсz, проповёдниче вёры.

Тaже сэдaленъ, глaсъ є7.

Под0бенъ: Собезначaльное сл0во:

Гонє1ніz претерпёвъ за вёру, tгнaлъ є3си2, џ§е, всsку є4ресь, tсёченъ же съ рук0ю љзhкъ, маxjме, и3сповёданіz благолёпный t руки2 творцA пріsлъ є3си2 вэнeцъ, блажeнне. Е#г0же нhнэ непрестaннw моли2, поми1ловатисz душaмъ нaшымъ.

Слaва, мyченика, глaсъ д7.

Под0бенъ: Вознесhйсz на кrтъ:

Новоцвётный ћкоже сaдъ прозsблъ є3си2, въ вертогрaдэхъ хrт0выхъ страстотeрпцєвъ, плоды2 б9eственнагw рaзума принeслъ є3си2, и4миже питaютсz вёрнw тS чтyще, слaвне неофЂте, страдaльче доблемyдренный. Но твои1ми моли1твами нaсъ всегдA спасaй, бGу предстоS.

И# нhнэ, бGор0диченъ:

По бз7э въ тв0й, бцdе, прибёгъ смирeнный покр0въ б9eственный, припaдаz молю1сz: поми1луй, пречи1стаz, ћкw превзыд0ша главY мою2 грэси2, и3 бою1сz, вLчце, мyкъ, и3 трепeщу. Молeніе сотвори2, чcтаz, къ сн7у твоемY, t си1хъ и3збaвити мS.

КrтобGор0диченъ: И#з8 безначaльнагw nц7A рождeннаго, напослёдокъ тS пл0тію р0ждшаz, на крестЁ ви1сzща зрsщи, хrтE, ўвы2 мнЁ, любeзнэйшій ї}се, вопіsше: кaкw слaвимый ћкw бGъ t ѓгGлъ, t беззак0нныхъ нhнэ человёкwвъ, сн7е, хотS распинaешисz; пою1 тz, долготерпэли1ве.

Пёснь д7.

Їрм0съ: Ўслhшахъ, гDи, смотрeніz твоегw2 тaинство, разумёхъ дэлA тво‰, и3 прослaвихъ твоE б9ество2.

Земнор0дныхъ тS почитaютъ, и3 небeсныхъ чи1ни чудsтсz: люб0вію бо мyдрости показaлсz є3си2, џ§е, ћкw безпл0тенъ.

Сyровъ ќбw мучи1тель, но терпёніе твоE непрекл0нно: тёмъ ты2 ќбw ўблажи1лсz є3си2, вселукaвый же и3звeржесz.

Сострaждетъ тебЁ, маxjме, ўченикHвъ дв0ица преблажeннаz, твои6мъ страдaніємъ приwбщи1вшесz: тёмже и3 п0честей рaвнw получи1ша.

Течeніемъ твоеS кр0ве напаsема цRковь хrт0ва, прозzбaетъ nтeческагw предaніz бжcтвенное сёмz, твои1мъ ўчeніемъ, препод0бне.

БGор0диченъ: И#збaвльшесz ржcтв0мъ твои1мъ грэх0внагw д0лга, всенепор0чнаz, рaдостное пёніе возсылaемъ тебЁ, бGоневёсто.

И$нъ.

Їрм0съ: Ўслhшахъ, гDи, смотрeніz твоегw2 тaинство, разумёхъ дэлA тво‰, и3 прослaвихъ твоE б9ество2.

ЖитіS твоегw2 непор0чное, и3 рaзума неужaсное, мн0жєства премнHга зрsще, къ бGу приступи1ша, мyчениче слaвне.

Г0ру дости1гъ всели1лсz є3си2, б9eственнымъ наставлsемь, бlжeнне, д¦омъ: t ѓгGла же питaемь, ѓгGлwвъ kви1лсz є3си2 равностоsтеленъ.

Сострадaтельнw расточи1въ, дaлъ є3си2 ўбHгимъ, ћкоже повелёно бhсть, возмeздіе пріeмлz, блажeнне, во вёки непреходи6мыz.

БGор0диченъ: В0льнw њбнищaвшаго богaтствомъ бlгости, преб9eственнаго, бцdе, родилA є3си2, нaшу нищетY ўщeдрившаго.

Пёснь є7.

Їрм0съ: Ќтренююще вопіeмъ ти2, гDи, спаси1 ны: тh бо є3си2 бGъ нaшъ, рaзвэ тебє2, и3н0гw не вёмы.

Рaзумъ земнор0дныхъ собрaвъ и3 нбcныхъ, впрaвду філос0фъ и3менyетсz маxjмъ.

Премyдрости безмёрнымъ желaніемъ, хrтA твоегw2 под0бникъ и3зрsднэйшій kви1лсz є3си2, слaвный маxjме.

Гнёвомъ и3згнaнъ бhлъ є3си2 мучи1телz, њбрёлъ же є3си2, бlжeнне, ї}са ўтэшeніе.

БGор0диченъ: ТS бцdу невёдущіи бGомaти, свёта да не ќзрzтъ р0ждшагwсz и3зъ тебє2, пречcтаz.

И$нъ.

Їрм0съ: Вскyю мS tри1нулъ є3си2 t лицA твоегw2, свёте незаходи1мый, и3 покрhла мS є4сть чуждaz тмA nкаsннаго, но њбрати1 мz, и3 къ свёту зaповэдей твои1хъ пути6 мо‰ напрaви, молю1сz.

Т†инъ неизречeнныхъ и3сп0лненъ бhвъ, досточyдне, къ предлежaщымъ страдaніz рaдуzсz tлучи1лсz є3си2 мyжєскимъ подвигHмъ, не ўбоsвсz мyкъ, нижE смeрти, мyчениче неофЂте.

Неизречeннымъ промышлeніемъ тво‰ направлsющагw шє1ствіz, слaвне, предстaвше б9eственніи ѓгGли, къ п0двигу влечaху тS t горы2, ћкоже другaго мwmсeа, прослaвленна лицeмъ б9eственными свэтлостьми2.

Глаг0лъ жи1въ въ сeрдцэ и3мёz, всеслaвне мyчениче неофЂте, дерзновeннымъ ўм0мъ гони1телємъ вопіsлъ є3си2: самозвaнъ не и4щущымъ мS њбрэт0хсz нhнэ, њбличи1ти вaшеz вёры нeмощь.

БGор0диченъ: Е$же прeжде всёхъ вэкHвъ, nтрокови1це всенепор0чнаz, б9eственное тaинство сокровeнное тоб0ю познaсz концє1мъ, сн7ъ и3 сл0во б9іе, пл0ть бhвъ, и3 њбожи1въ, дв7о, человёка.

Пёснь ѕ7.

Їрм0съ: Ри1зу мнЁ подaждь свётлу, њдэsйсz свётомъ, ћкw ри1зою, многоми1лостиве хrтE б9е нaшъ.

Непрестaннw прин0сиши бGу, бGомyдре, мольбY, душeвныхъ же и3 тэлeсныхъ страстeй и3 тлёніz мS и3збaвити.

И#зсуши1сz є3ресeй и3ст0чникъ мyтный вeсь, слaвне маxjме, заграждaемь шyмомъ љзhка твоегw2.

Њчи1сти мS, є3ди1не бlже, и3 и3ст0чникъ бlгодaти, хrтE, сeрдцу моемY твоегw2 препод0бнагw моли1твами и3сточи2.

БGор0диченъ: Краснёйшій пaче всёхъ человBкъ, сн7ъ тв0й, всечcтаz, добр0тою б9ествA, ѓще и3 пл0ть нaсъ рaди бhсть.

И$нъ.

Їрм0съ: Моли1тву пролію2 ко гDу, и3 томY возвэщY печ†ли мо‰, ћкw ѕHлъ душA моS и3сп0лнисz, и3 жив0тъ м0й ѓду прибли1жисz, и3 молю1сz, ћкw їHна: t тли2, б9е, возведи1 мz.

Возвышaемь на дрeвэ, всебlжeнне, желёзомъ по рeбрwмъ стр0ганъ бhлъ є3си2 неми1лостивнw, и3 льсти1вагw њбличeньми њжесточeнное сeрдце раст0рглъ є3си2, повелэвaющагw жрeти богHмъ, и3 бGа tврещи1сz безсмeртнагw.

Растерзaемь и3 вsжемь, м§ниче, свzзaлъ є3си2 до концA лeсть, и3 врагA безчи6ннаz шє1ствіz бездBльна показaлъ є3си2 си1лою д¦а, и3 потeклъ є3си2 къ нб7си2 вэнцен0сецъ гDу предстaти.

Ўслади1всz добр0тами вLки, и3 томY прилэпи1лсz є3си2, зовhй: сл0ве б9ій, тебє2 рaди пожeршагwсz в0лею ѓзъ закалaюсz, под0бzсz преsвственнэ честны6мъ твои6мъ и3 б9eствєннымъ страдaніємъ.

БGор0диченъ: Пресвётлый kви1ласz є3си2 пrт0лъ цRS нбcнагw, дв7о, на нeмже пл0тію воспочи2 в0лею, и3 мн0гій нaшъ д0лгъ tsтъ: и3 посади2 на џ§емъ пrт0лэ человёка, ћкоже благоволи1лъ є4сть.

Кондaкъ, глaсъ ѕ7.

Под0бенъ: Е$же њ нaсъ и3сп0лнивъ:

Свётъ трисіsнный, всeльшійсz въ дyшу твою2, сосyдъ и3збрaнъ показa тz, всебlжeнне, kвлsюща б9eствєннаz концє1мъ, неудобопости1жныхъ разумёній ты2 сказyzй, бlжeнне, и3 трbцу всBмъ, маxjме, возпроповёдуzй ћснw, пресyщную безначaльную.

Јкосъ: Подражaтель kви1всz сп7совыхъ стrтeй, и3 того2 въ души2 твоeй и3мёz, всебlжeнне, восхождє1ніz въ сeрдцы твоeмъ возложи1лъ є3си2, пребогaте: т0й же тебЁ подадE благодaть съ нб7сE. Сопроти1вилбосz є3си2 мучи1телємъ, мyдре, мyжески, безначaльную и3 б9eственную и3 є3диносyщную трbцу проповёдуz, и3 њбличaz ѕлосл†вныz и3 бGобHрныz: безчи1слєнныz претерпёлъ є3си2 нап†сти, всехвaльне, љзhка tрёзаніе бGосл0внагw, препод0бне, и3 твоеS руки2 вкyпэ: не престaлъ же є3си2 ты2 со дерзновeніемъ глаг0лz и3 ўтверждaz вBрныz бжcтвенными твои1ми ўчє1ніи, трbцу всBмъ лю1демъ проповёдуz ћснw, пресyщную безначaльную.

Пёснь з7.

Їрм0съ: T їудeи дошeдше џтроцы въ вавmлHнэ и3ногдA, вёрою трbческою плaмень пeщный попрaша, пою1ще: nтцє1въ б9е, благословeнъ є3си2.

Е#ди1но є3стество2 трbцы, є3ди1но хотёніе рeклъ є3си2, є3ди1но дёйство: бGа же вопл0щшагосz во двою2 є3стеств{, хотBнію же и3 дBйству проповёдалъ є3си2, nц7є1въ нaшихъ б9е, бlгословeнъ є3си2.

Не вHли двЁ раздэлsємыz, рaзума проти1вностію, кaчествомъ же пaче проповёдалъ є3си2, џ§е, є3стeственнымъ рaзнствующыz, nц7є1въ нaшихъ б9е, блгcловeнъ є3си2.

Ст0лпъ правослaвіz, бжcтвєннаz тво‰ словесA, џ§е, держaще, є3ди1наго t трbцы во двyхъ существaхъ и3 в0лzхъ почитaемъ, nц7є1въ нaшихъ б9е, бlгословeнъ є3си2.

БGор0диченъ: Ю$наго носsщи мLнца прeжде всёхъ вэкHвъ бGа, всенепор0чнаz, и3зъ тебє2 вопл0щшагосz, не престaй молsщи спасти2 пою1щыz: nц7є1въ нaшихъ б9е, бlгословeнъ є3си2.

И$нъ.

Їрм0съ: Џтроцы є3врeйстіи въ пещи2 попрaша плaмень дерзновeннw, и3 на р0су џгнь преложи1ша, вопію1ще: бlгословeнъ є3си2, гDи б9е, во вёки.

Пeщь живогорsщу сотвори1въ пребеззак0нный, въ сeй заключaетъ на три2 дни6, не њпали1лсz же є3си2 tню1дъ, вопіS, неофЂте: бlгословeнъ є3си2, гDи б9е, во вёки.

Наслаждaешисz пёсней преслaвнw, стоsщу ти2 посредЁ плaмене, бlжeнне, росa бо б9іz прохлаждaше тS, мyчениче, вопію1ща: бlгословeнъ є3си2, гDи б9е, во вёки.

Величaйшее чyдо ўдивлsz всsкъ ќмъ, въ тебЁ содёzнное, и4бо џгнь никaкоже њпали1 тz, бGомyдре, разліsвсz попали2 nгнS наслёдники.

БGор0диченъ: Kви1ласz є3си2 ѓгGлwвъ превhшши, совёта вели1кагw ѓгGла р0ждши, бцdе чcтаz, є3мyже вси2 пэснопоeмъ: благословeнъ є3си2, гDи б9е, во вёки.

Пёснь }.

Їрм0съ: Побэди1тели мучи1телz и3 плaмене бlгодaтію твоeю бhвше, зaповэдемъ твои6мъ ѕэлw2 прилэжaще, џтроцы вопіsху: бlгослови1те, вс‰ дэлA гDнz, гDа.

ВесьмA возлюби1въ превозлюби1вшаго р0дъ человёческій, кrтъ тв0й взsлъ є3си2, и3 томY, бlжeнне, сраспsлсz є3си2, благослови1те поS, дэлA гDнz, гDа.

Ўстрани1всz всsкіz слaсти, бlжeнне, смертон0сныz, тебE содёлалъ є3си2 всего2 несквeрно зерцaло б9eственное, поS: бlгослови1те, вс‰ дэлA гDнz, гDа.

Живон0сну зарю2 t є3ди1нагw бжcтвA тріmпостaснагw пріeмъ, kви1лсz є3си2 сyщымъ во тмЁ с0лнце заблyждшымъ, бlгослови1те, поS, вс‰ дэлA гDнz, гDа.

БGор0диченъ: Жи1зни тS м™рь и3 бGа роди1тельницу познaвше, правослaвною вёрою вси2 блажи1мъ, бGороди1тельнице, бlгосл0вzще кyпнw ржcтво2 твоE, чcтаz, и3 превозносsще во вёки.

И$нъ.

Їрм0съ: Седмери1цею пeщь халдeйскій мучи1тель бGочести6вымъ неи1стовнw разжжE, си1лою же лyчшею спасє1ны сі‰ ви1дэвъ, творцY и3 и3збaвителю вопіsше: џтроцы, благослови1те, свzщeнницы, восп0йте, лю1діе, превозноси1те во вс‰ вёки.

Ю$нымъ, всебlжeнне, тёломъ, и3 совершeннымъ мудровaніемъ, началоѕл0бнагw лукaвство погуби1лъ є3си2, сaдъ краснёйшій прозsбшій во дв0рэхъ, t їессeева и3зрaстшагw к0рене, къ немyже вопіsлъ є3си2 непрестaннw: сщ7eнницы, восп0йте, лю1діе, превозноси1те во вс‰ вёки.

На суди1щи ѕвёріе тебE, страстотeрпче, ўстыдёшасz, ћкоже даніи1ла свzщeннагw пeрвэе: хrт0выхъ бо тS познaша страдaній свидётелz. Е#г0же и3сповёдуz, нестерпи6мыz м{ки претерпёлъ є3си2, взывaz: сщ7eнницы, восп0йте, лю1діе, превозноси1те во вс‰ вёки.

Познaвый тS пeрвэе въ горЁ, неофЂте, лeвъ превели1кій, на суди1щи свsзану приведeнъ напущaетсz, въ мучeніи твоeмъ, страдaльче: и3 познaвъ поклонsшесz тебЁ со стрaхомъ, студ0мъ њдержи1мь, и3 и3ст0чники ўмилeніемъ слeзъ благочyвственнэ проливaz, бGоблажeнне.

БGор0диченъ: Н0во nтрочA родилA є3си2, прeжде всеS твaри р0ждшагосz и3з8 nц7A несказaннw, всечcтаz, того2 ќбw моли2, њбветшaвшаго прегрэшeньми нhнэ њбнови1ти, и3 вопію1ща мS спасти2: џтроцы, бlгослови1те, сщ7eнницы, восп0йте, лю1діе, превозноси1те во вс‰ вёки.

Пёснь f7.

Їрм0съ: Проzвлeнное на горЁ законопол0жнику во nгни2 и3 купинЁ, ржcтво2 приснодв7ы, въ нaше вёрныхъ спасeніе, пёсньми нем0лчными величaемъ.

Е#щE твоS, ћкw ѓвелева, кр0вь и3 во вёки бGодохновeнныz догмaты глaсомъ ћснымъ хrт0вэ цRкви проповёдуетъ, маxjме всебlжeнне и3 превели1кій.

Tсэчeсz рукA, пи1шетъ же б9eственнымъ пeрстомъ, ћкw тр0стію и3 черни1ломъ, tрёзаннымъ љзhкомъ, и3 твоeю кр0вію честн0ю вёру въ сердцaхъ правослaвную.

Стaлъ є3си2 пред8 пrт0ломъ б9eственнымъ съ мyченики, и4хже рeвности и3 вёры приwбщи1лсz є3си2, џ§е, и3 нaсъ ўсв0й вLцэ, и3 тво‰ подражaтели содёлай.

БGор0диченъ: Ты2 є3си2, бцdе, nрyжіе нaше и3 стэнA, ты2 є3си2 заступлeніе къ тебЁ прибэгaющихъ: тS и3 нhнэ на мlтву предлагaемъ, да и3збaвимсz t врагHвъ нaшихъ.

И$нъ.

Їрм0съ: Ўстраши1сz всsкъ слyхъ неизречeнна б9іz снизхождeніz, ћкw вhшній в0лею сни1де дaже и3 до пл0ти, t дв7и1ческагw чрeва бhвъ чlвёкъ. Тёмже пречcтую бцdу, вёрніи, величaемъ.

Стaлъ є3си2 ћкоже ѓгнецъ, къ заколeнію в0льнэ предлежA, ўбивaющымъ тS гHрькимъ мучи1телємъ, м§ниче неофЂте: и3 прободeнъ въ тво‰ рeбра копіeмъ, бlжeнный конeцъ воспріsлъ є3си2, страстотeрпче хrт0въ, д0блественнэйше.

Ћкw жeртва, ћкw добро2 ѓгнz, ћкw честн0е заколeніе, ћкоже возложeніе хрaма с™aгw, ћкоже приношeніе чи1сто, ћкоже пти1ца и3збрaнна, ћкоже ю3нeцъ многоцёненъ, ћкоже н0въ, бlжeнне, сaдъ рaйскій, бGу принeслсz є3си2.

Соoбрaзенъ бhлъ є3си2 стrтeмъ пострадaвшагw нaсъ рaди блaгостію, и3 рaвенствомъ копіS, мyчениче, вои1стинну прослaвилсz є3си2: и3 нhнэ живeши на нб7сёхъ, побёды діади1мою ўкрашaемь и3 рaдости непреeмныz и3сполнsемь.

БGор0диченъ: Носsщи ћкоже клещA нбcный, бцdе, ќгль, хвр†стныz моегw2 сeрдца стр†сти вс‰ попалsющій, и3 геeнскагw nгнS и3збaви мS, молю1сz: да прославлsю тS, надeжду вёрныхъ, всенепор0чнаz.

Свэти1ленъ.

Под0бенъ: Свёте неизмённый:

ТрубA kви1лсz є3си2 премyдрости, бlгоглaснымъ љзhкомъ твои1мъ проти1вныхъ ўжасaz полки2, маxjме, свётъ монaшествующихъ: тёмже твои1ми питaющесz словесы2, рaзумъ познавaемъ сyщихъ.

БGор0диченъ: Свётъ мhсленнагw весeліz возсіsла є3си2 въ мjрэ, бGороди1тельнице дв7о, и3збaвителz и3 вLку: тёмже помоли1сz, души2 моеS зBницы просвэти1ти свётомъ свётлости бжcтвенныz.

На літургjи, прокjменъ, глaсъ д7:

С™ы6мъ, и5же сyть на земли2 є3гw2, ўдиви2 гDь вс‰ хотёніz сво‰ въ ни1хъ.

Стjхъ: Предзрёхъ гDа предо мн0ю вhну, ћкw њдеснyю менє2 є4сть, да не подви1жусz.

Ґпcлъ ко є3врeємъ, зачaло ™л.

Ґллилyіа, глaсъ д7: Воззвaша првdніи, и3 гDь ўслhша и5хъ.

Е#ђліе луки2, зачaло …д.

Причaстенъ: Рaдуйтесz, прaведніи, њ гDэ:

 

Прпdбнагw nц7A нaшегw маxjма грeка.

На вели1цэй вечeрни, На ГDи воззвaхъ, стіхи6ры, глaсъ в7:

Под0бенъ: Е#гдA t дрeва:

Е#гдA вс‰ мірск†z мудров†ніz tвeрглъ є3си2, џтче маxjме, крест0мъ рaзумъ просвэти1въ, њбрёлъ є3си2 безцённый би1серъ хrтA, и4же тS премyдра показA, ўлови1въ мрeжею вёры. Сегw2 рaди м0лимсz ти2, џтче маxjме: моли2 хrтA бGа ўмудри1ти нaсъ и3 сп7сти2 дyшы нaшz.

Е#гдA хrтA рaди стр†нствіz под8sлъ є3си2, премyдре маxjме, крест0мъ вс‰ стрBлы лукaвагw разжжeнныz ўгаси1въ, стzжaлъ є3си2 бlгодaть с™aгw д¦а, и4же тS чудот0чца прослaви, kвлsz и3сцэлє1ніz и3 цэльбы6. Сегw2 рaди м0лимсz ти2, џтче маxjме: моли2 хrтA бGа бlгодaть подaти нaмъ и3 спасти2 дyшы нaшz.

Е#гдA мнHгіz кни6ги t грeческагw на словeнскій kзhкъ превeлъ є3си2, прпdбне маxjме, крест0мъ вёру ўzсни1въ, њклевeтанъ бhлъ є3си2 и3 въ темни1цу њсуждeнъ, и3дёже с™0му д¦у канHнъ написaлъ є3си2, не и3мyщу ти2 черни1лъ, ўглeмъ по стёнамъ. Сегw2 рaди м0лимсz ти2, многострадaльне маxjме: моли2 хrтA бGа ўкрэпи1ти нaсъ и3 сп7сти2 дyшы нaшz.

Е#гдA лeстный мрaкъ ўнhніz просвэти1лъ є3си2, с™е маxjме, крест0мъ дyшу ўтверди1въ, познaлъ є3си2 бGа и4стиннаго nтцA, и4же тS, ћкw сhна, въ цrтвіе нбcное призвA, пaче снёга ўбэли1въ. Сегw2 рaди м0лимсz ти2, џтче маxjме: моли2 хrтA бGа ўмири1ти нaсъ и3 сп7сти2 дyшы нaшz.

Слaва, глaсъ №:

Въ преставлeніи твоeмъ къ бGу, прпdбне маxjме, жaлостію сердцA н†ша и3сполнsютсz, и3 слeзніи и3ст0чницы и3зливaютсz, и3 монaхwвъ мн0жество ўми1льными словесh тz, nтцA, и3 ўчи1телz, и3 настaвника вэнчавaютъ, всs же землz русскаz безпрестaни красyетсz слaдкими словесы2 твои1ми.

И# нhнэ, бGор0диченъ:

Вх0дъ. Прокjменъ днE. Чтє1ніz три2 прпdбническаz.

Премyдрости соломHновы чтeніе. ГлавA G.

Првdныхъ дyшы въ руцЁ б9іей, и3 не прик0снетсz и4хъ мyка: Непщевaни бhша во nчесёхъ безyмныхъ ўмрeти, и3 вмэни1сz њѕлоблeніе и3сх0дъ и4хъ: И# є4же t нaсъ шeствіе сокрушeніе, nни1 же сyть въ ми1рэ. И$бо пред8 лицeмъ человёческимъ, ѓще и3 мyку пріи1мутъ, ўповaніе и4хъ безсмeртіz и3сп0лнено: И# вмaлэ накaзани бhвше, вели1кими бlгодётельствовани бyдутъ, ћкw бGъ и3скуси2 |: и3 њбрёте и5хъ дост0йны себЁ. Ћкw злaто въ горни1лэ и3скуси2 и5хъ, и3 ћкw всепл0діе жeртвенное пріsтъ |. И# во врeмz посэщeніz и4хъ возсіsютъ: и3 ћкw и4скры по стeблію потекyтъ: Сyдzтъ kзhкwмъ, и3 њбладaютъ людьми2, и3 воцRи1тсz гDь въ ни1хъ во вёки. Надёющіисz нaнь разумёютъ и4стину, и3 вёрніи въ любви2 пребyдутъ є3мY. Ћкw бlгодaть и3 млcть въ прпdбныхъ є3гw2, и3 посэщeніе во и3збрaнныхъ є3гw2.

Премyдрости соломHновы чтeніе. Главы6 є7 и3 ѕ7.

Првdницы во вёки живyтъ, и3 въ гDэ мздA и4хъ и3 попечeніе и4хъ ў вhшнzгw. Сегw2 рaди пріи1мутъ цrтвіе бlголёпіz и3 вэнeцъ добр0ты t руки2 гDни, занE десни1цею покрhетъ |, и3 мhшцею защити1тъ и5хъ. Пріи1метъ всеoрyжіе рвeніе своE, и3 воwружи1тъ твaрь въ мeсть врагHмъ. Њблечeтсz въ бронS прaвды, и3 возложи1тъ шлeмъ, сyдъ нелицемёренъ. Пріи1метъ щи1тъ непобэди1мый препод0біе: Поwстри1тъ же напрaсный гнёвъ во nрyжіе: споб0ретъ же съ ни1мъ мjръ на без{мныz: П0йдутъ правол{чныz стрёлы мHлніины, и3 ћкw t бlгокрyгла лyка nблакHвъ, на намёреніе полетsтъ. И# t каменомeтныz ћрости и3сп0лнь падyтъ грaды, вознегодyетъ на ни1хъ водA морскaz, рёки же потопsтъ | нaглw. Сопроти1въ стaнетъ и5мъ д¦ъ си1лы и3 ћкw ви1хоръ развёетъ и5хъ, и3 њпустоши1тъ всю2 зeмлю беззак0ніе, и3 ѕлодёйство преврати1тъ прест0лы си1льныхъ. Слhшите u5бо цaріе, и3 разумёйте, навhкните судіи6 концє1въ земли2. Внуши1те держaщіи мн0жєства, и3 гордsщіисz њ нар0дэхъ kзhкwвъ, ћкw данA є4сть t гDа держaва вaмъ и3 си1ла t вhшнzгw.

Премyдрости соломHновы чтeніе. ГлавA д7.

Првdникъ ѓще пости1гнетъ скончaтисz, въ пок0и бyдетъ. Стaрость бо честнA не многолётна: нижE въ числЁ лётъ и3считaетсz. Сэди1на же є4сть мyдрость человёкwмъ, и3 в0зрастъ стaрости, житіE несквeрное. Бlгоуг0денъ бGови бhвъ, возлю1бленъ бhсть, и3 живhй посредЁ грBшникъ, престaвленъ бhсть. Восхищeнъ бhсть, да не ѕл0ба и3змэни1тъ рaзума є3гw2, и3ли2 лeсть прельсти1тъ дyшу є3гw2. Рачeніе бо ѕл0бы помрачaетъ дHбраz, и3 парeніе п0хоти премэнsетъ ќмъ неѕл0бивъ. Скончaвсz вмaлэ, и3сп0лни лBта дHлга: Ўг0дна бо бЁ гDви душA є3гw2. сегw2 рaди потщaсz t среды2 лукaвствіz. Лю1діе же ви1дэвше, и3 не разумёвше, нижE пол0жше въ помышлeніи таков0е: ћкw бlгодaть и3 млcть въ прпdбныхъ є3гw2, и3 посэщeніе во и3збрaнныхъ є3гw2.

На стіх0внэ стіхи6ры, глaсъ в7:

Под0бенъ: Д0ме є3vфрafовъ:

Д0мъ д¦а с™aгw и3 цrтвіz наслёдникъ ты2 є3си2, маxjме, моли1сz њ нaсъ, чтyщихъ с™yю пaмzть твою2.

Стjхъ: ЧестнA пред8 гDемъ смeрть прпdбныхъ є3гw2.

Д0мъ бlгодaти kви1лсz є4сть гр0бъ тв0й, маxjме премyдре, моли1сz њ нaсъ, притекaющихъ къ тебЁ.

Стjхъ: Бlжeнъ мyжъ, боsйсz гDа, въ зaповэдехъ є3гw2 восх0щетъ ѕэлw2.

Д0мъ тв0й н0вый с™az лavра, вкyпэ и3 ґfHнъ пёсненнw да восхвaлzтъ п0двиги и3 страд†ніz тво‰.

Слaва, глaсъ т0йже.

Д0ме с™hz трbцы, красyйсz и3 ликyй, и3мёz свэти1льникъ, и4же подъ спyдомъ сіsетъ пaче с0лнечныхъ л{чъ.

И# нhнэ, глaсъ т0йже.

Д0мъ б9ій, и3 палaта цrкаz, и3 черт0гъ нбcный ты2 є3си2, прчcтаz, ўповaніе и3 покр0въ.

Тропaрь, глaсъ }:

Зарeю д¦а њблистaемь, витjйствующихъ бGомyдреннw спод0билсz є3си2 разумёніz, невёдэніемъ њмрачє1ннаz сердцA человёкwвъ свётомъ бlгочeстіz просвэщaz, пресвётелъ kви1лсz є3си2 правослaвіz свэти1льникъ, маxjме прпdбне, toнyдуже рeвности рaди всеви1дzщагw nтeчества чyждъ и3 стрaненъ, рускіz земли бhлъ є3си2 пресeльникъ, страд†ніz темни1цъ и3 заточeніz t самодержaвнагw претерпёвъ, десни1цею вhшнzгw вэнчaешисz и3 чудодёйствуеши пресл†внаz. И# њ нaсъ ходaтай бyди непрел0женъ, чтyщихъ люб0вію с™yю пaмzть твою2.

И# нhнэ, бGор0диченъ.

На ќтрени: По №-мъ стіхосл0віи сэдaленъ, глaсъ }:

Твeрдыz и3 бGовэщ†нныz глаг0лы со тщaніемъ и3з8zснsz и3 нечєсти1выz пис†ніz њбличaz, ќмъ св0й впери1въ въ г0рнzz къ бGу, ќзы страдaльческіи t навBтъ проти1вныхъ претерпёлъ, маxjме прпdбне, и3 си1хъ рaди и4нокwмъ kви1лсz є3си2 џбразъ, пaче же и3 похвалA.

Слaва, и3 нhнэ, бGор0диченъ:

ТS, превосходsщую безплHтныz бжcтвенныz чи1ны несравнeнною чистот0ю, молю2, всепётаz: сквeрную мою2 дyшу њчи1сти t беззак0нныхъ помышлeній, ћкw да дост0йнw слaвлю тS.

По в7-мъ стіхосл0віи сэдaленъ, глaсъ }:

ВсE своE ќмное желaніе къ бGу впери1лъ є3си2, и3 тогw2 звaнію невозврaтнw t души2 послёдовалъ є3си2, во nби1тель прпdбнагw сeргіа конeчнw всели1всz, и3 тaмw ѓгGльски пожи1въ, мнHгимъ пyть бhлъ є3си2 ко сп7сeнію, сегw2 рaди и3 гDь тебє2 прослaви, чудесы2 њбогати1въ, тёмже вси2 вопіeмъ ти2: рaдуйсz nби1тели трbцкіz чудесот0чное похвало2, маxjме џтче нaшъ.

Слaва, и3 нhнэ, бGор0диченъ:

Молю1 тz, пречcтаz, не прeзри менE, потоплsема лю1тэ въ сквeрную ти1ну грэхA, но и3змhй менE t ѕлосмрaдіz бlгоухaннымъ мЂромъ молeній твои1хъ и3 свётомъ сладчaйшимъ бжcтвенныz твоеS любвE всю2 тьмY души2 моеS просвэти2.

По полmелeи сэдaленъ, глaсъ д7:

Ћкw ѕвэздA пресвётлаz, њбтeкшаz востHчныz стрaны и3 къ сёверу пришeдшаz, њзарsетъ мглY, тeмность мрaка просвэщaz всsческую, тaкw и3 ты2 прпdбне маxjме, ўпод0билсz є3си2 сeй, держaвнагw и3спрошeніемъ стрaненъ kви1лсz є3си2 и3 пресeльникъ t ґfHна въ вели1цэй руси, въ и3справлeніи бжcтвенныхъ писaній преди1венъ, и3зsщенъ показaсz, но навётующими льсти1вагw борцA наущeніи пострадaлъ є3си2, и3 за страд†ніz сво‰ и3 въ темни1цэ заточє1ніz t бGа свhше пріsтъ чудодёйствіz дaръ, и3 нhнэ м0лимъ тS: при1снw проси2 хrтA ми1ръ вселeннэй даровaти и3 душaмъ нaшымъ вeлію ми1лость.

Слaва, и3 нhнэ, бGор0диченъ:

Ўщeдри менE, вLчца, къ тебЁ прибэгaющаго, и3 и3збaви мS стyднагw наси1ліz ѕл0бныхъ предстaтелей лю1тагw ѕмjz, и5же, ћкw є3х‡дны, ўzзвлsютъ дyшу мою2. Ѓще бо ѓзъ и3 неключи1мый рaбъ тв0й, вLчце, но ўповaю на тS.

Степє1нна, №-й ґнтіфHнъ д7-гw глaса.

Прокjменъ, глaсъ д7:

ЧестнA пред8 гDемъ смeрть прпdбныхъ є3гw2.

Стjхъ: Что2 воздaмъ гDеви њ всёхъ, ±же воздадe ми;

Всsкое дыхaніе:

Е#ђліе t матfeа, зачaло м7г:

По н7-мъ pалмЁ стіхи1ра, глaсъ ѕ7:

Под0бенъ: Е#гдA преставлeніе:

Е#гдA страд†ніz претерпэвaлъ є3си2, прпdбне маxjме, тогдA, плaча и3 рыдaz, моли1лъ є3си2 с™и1телz макaріа: дaждь ми2 ўзрёти с™yю г0ру моли1твенницу њ вселeннэй. џнъ же со слезaми вопіsше ти2: q маxjме! Ви1жду тS невин0вна моли1твенника и3 сокрушaюсz, ќзы тво‰ ћкw є3ди1нагw t с™hхъ цэлyю, ґ помощи2 не могy ти. Но, q прпdбне џтче, моли1сz прилёжно бGу и3 м™ре є3гw2 сп7сти1сz сётей врaжіихъ нaмъ невреди6мымъ.

КанHнъ прес™ёй бцdэ рaди є3S їкHны, нарицaемыz ватопeдскіz, и3 прпdбному маxjму грeку канHнъ, глaсъ №:

Пёснь №.

Їрм0съ: Пои1мъ, вси2 лю1діе, t г0рькіz раб0ты фараHни ї}лz и3змёншему и3 во глубинЁ морстёй ногaми нем0крыми настaвльшему пёснь побёдную, ћкw прослaвисz.

Воспёти кjй kзhкъ возм0жетъ по достоsнію тво‰, преди1вный џтче, вє1ліz и3справлє1ніz, выс0кое ўчи1тельство, въ темни1цэ и3 во ќзахъ мyченическое страдaніе и3 долготерпёніе.

Кaкw воспоeмъ и3 чт0 тz наречeмъ, пред0блій џтче; прbрка ли, ћкw провэщA неуд0бь разумэвaємаz и3 вёдwмаz нaмъ, ґпcла ли, ћкw зhблемую проти1вными нaмъ вётры ўтверди2 хrтіaнскую вёру бжcтвенныхъ писaній ўчeніи, ўчи1телz ли, но вои1стинну ничи1мъ же хyждши и3 ни1жши є3си2 вели1кихъ џнэхъ вселeнскихъ ўчи1тель.

Воспёти с™aго и3 поклонsемаго паракли1та въ темни1цэ и3звэщeніе t ѓгGла пріи1мъ, сотвори1лъ є3си2 канHнъ с™0му д¦у, и4мже є3щE въ в0ли просвэщeнъ, сщ7eнныz и3 бGодухновє1нныz кни1ги состaвилъ є3си2.

БGор0диченъ: Пои1мъ, вси2 лю1діе, с™hню и3 слaву пречcтыz и3 всепётыz б9іz м™ре, вhшшую небeсъ и3 всёхъ ќмныхъ си1лъ, поноси1вшую въ пречcтой своeй ўтр0бэ є3мманyила, ћкw свsта и3 преслaвна є4сть.

Пёснь G.

Їрм0съ: Ўтверди2 менE, хrтE, на недви1жимомъ кaмени зaповэдей твои1хъ и3 просвэти1 мz свётомъ лицA твоегw2: нёсть бо с™ъ, пaче тебE, человэколю1бче.

Ўтверди1лъ є3си2, прпdбне маxjме, въ сeрдцэ своeмъ бжcтвенный стрaхъ, вс‰ пHхоти плwтскjz возненави1дэвъ, сегw2 рaди ўмудри1лсz є3си2, ћкоже пр0стъ младeнецъ, и3 вслёдъ гDеви востeклъ є3си2.

Ўтверждeніемъ и3мёz распeншагосz гDа ї}са хrтA, стрaненъ, незнaемъ, безд0менъ, без8oтeчественъ, без8имeненъ, безсмhсленъ бhлъ є3си2, прпdбне маxjме, пред8 свои1ми ср0дники, знaемыми и3 дрyги.

Ўтверждazсz на зaповэдехъ гDнихъ, t г0рести темни1чныz бhлъ є3си2 на мн0гъ чaсъ, ћкw мeртвъ, но дёzлъ є3си2 њ ѕлонрaвныхъ моли1тву, си1це глаг0лz: гDи, ї}се хrтE, сн7е бGа живaгw, не постaви и5мъ грэхA сегw2, клевeщущихъ на мS непрaвду.

БGор0диченъ: Ўтверди2 нaсъ къ хвалeнію твоемY, дв7о, и3 сохрани2 безъ вредA t всsкіz к0зни лукaвагw, и3 спод0би стоsніz њдеснyю є3динор0днагw сн7а твоегw2, є3мyже подобaетъ всsкаz слaва, чeсть и3 поклонeніе во вёки вэкHвъ.

Сэдaленъ, глaсъ д7:

Ќмъ ўкраси1въ поучeніи бGодохновeнныхъ писaній, трeзвенною моли1твою и3 бдBніи бGоуг0дными, ўтверди1лъ є3си2 сeрдце своE въ гDэ и3сполнeніемъ зaповэдей сп7си1тельныхъ є3гw2, сегw2 рaди прославлsютъ тS вhну русстіи лю1діе и3 ґfHнъ, и3 nби1тель ватопeдскаz вкyпэ съ нaми вопіeтъ: маxjме премyдре, не њстaви нaсъ, молsщихсz тебЁ.

Слaва, и3 нhнэ, бGор0диченъ:

Молю1 тz, пречcтаz м™и бGа вhшнzгw, є3ди1но души2 моеS ўтэшeніе, ўповaніе, слaдосте, бжcтвенный покр0ве, свёте, заступлeніе и3 сп7сeніе. Спод0би мS твои1ми моли1твами ўслhшати глaсъ, бlгословeнныхъ призывaющій внyтрь черт0га вLки.

Пёснь д7.

Їрм0съ: Вeліz тaйна твоегw2, хrтE, смотрeніz: сію1 бо свhше прови1дz бGозри1тельнw, ґввакyмъ, и3зшeлъ є3си2, вопіsше тебЁ, во сп7сeніе людeй твои1хъ, человэколю1бче.

T тaйныхъ є3ретjческихъ лжеучeній ничт0же ўтаи1сz t тебE, прпdбне маxjме, но бlгодaтію с™aгw и3 поклонsемагw д¦а вс‰ тебЁ tкровeна сyть.

Тaинственныхъ догмaтwвъ правослaвныz вёры не т0чію поб0рника и4стинна и3 вёрна себE показA, но и3 пaче преo1стра сэки1ра на вс‰, ±же под8 небесeмъ, є4рєси kви1лсz є3си2.

Ћкw тaинъ с™aгw д¦а строи1тель, и3 небeснагw жи1тельства рачи1тель, и3 зак0на гDнz ўчи1тель вои1стинну показaлсz є3си2, премyдре маxjме.

БGор0диченъ: Вeлію тaинству мwmсeй бGови1децъ научeнъ, зрS купинY неwпали1му: купинA нeмощь человёческагw є3стествA, џгнь же бжcтво2 є3динор0днагw сн7а вhшнzгw, и4бо бGъ нaшъ џгнь є4сть, поzдazй грэхи2 нaшz, ћкоже бжcтвенный ґпcлъ речE.

Пёснь є7.

Їрм0съ: T н0щи ќтренююще, поeмъ тS, хrтE, nц7Y собезначaльна и3 сп7са дyшъ нaшихъ, ми1ръ мjрови подaждь, человэколю1бче.

Н0щію лунA, днeмъ с0лнце просвэщaютъ и3 веселsтъ твaрь всю2 ви1димую, житіe же и3 премyдрость с™hхъ просвэщaютъ и3 веселsтъ дyшы всёхъ человёкwвъ, хотsщихъ сп7сти1сz и3 въ рaзумъ и4стины пріити2. Си1це и3 пис†ніz прпdбнагw маxjма грeка, ћкw бGодухновє1нныz труды2, велеглaснw вопію1тъ.

Въ нощи2 молsщусz тебЁ въ темни1цэ, бGоначaльныz и3 пребlгjz трbцы пр0мысломъ внeмъ ѓгGлъ гDнь и3 речE: q стaрче! Си1ми мyками и3збyдеши вёчныхъ мyкъ.

Въ нощи2, ћкw сладкоглaсный и3 добропёснивый слaвій, воспёлъ є3си2, премyдре маxjме: не тужи2, не скорби2, нижE тоскyй њ ни1хже, любeзна ми2 душE, стрaждеши бeзъ прaвды, твоs бо мздA вeліz на нб7сёхъ.

БGор0диченъ: T н0щи ќтренююще, поeмъ тS, дв7о, дщeрь цReву, р‰сны златhми њдёzну и3 преиспещрeну, лёствицу, ю4же їaкwвъ ви1дэ, г0ру, ю4же благоволи2 бGъ жи1ти въ нeй, и4бо гDь всели1тсz до концA.

Пёснь ѕ7.

Їрм0съ: Прbр0ка спaслъ є3си2 t ки1та, человэколю1бче, и3 менE и3зъ глубины2 прегрэшeній возведи2, молю1сz.

Прbр0чески, прпdбне маxjме, лю1ди њбличaлъ є3си2, къ покаsнію приводS: заблуди1хомъ, заблуди1хомъ t прaваго и3 незаблyднагw жи1тельства прпdбныхъ и4нwкъ и3 безъ ўмA течeмъ къ п0чести вhшнzгw звaніz.

Прbр0къ покаsніz kви1лсz є3си2, прпdбне маxjме, души2 трезвeніе снабдёваz бжcтвенными словесы2 и3 и3зъ р0ва страстeй возводS њмрачeнныхъ грэхми2.

ПрbрHческіz пис†ніz, въ тaйнэ глагHланныz, ћвны содёлалъ є3си2, премyдре маxjме, сегw2 рaди послyшаютъ тS nби1льнw вси2 лю1діе.

БGор0диченъ: Прbр0ки тS провозвэсти1ша, дв7о чcтаz, ґпcли проповёдаша, с™jи вси2 ўблажи1ша, мh же со ґрхaгGломъ вопіeмъ: рaдуйсz, бlгодaтнаz, гDь съ тоб0ю.

Кондaкъ, глaсъ }:

Под0бенъ: Премyдрости:

БGодухновeннымъ писaніемъ и3 бGосл0віz проповёданіемъ невёрствующихъ суемyдріе њбличи1лъ є3си2, всебогaте, пaче же, въ правослaвіи и3справлsz, на стезю2 и4стиннагw познaніz настaвилъ є3си2, ћкоже свирёль бGоглaснаz, ўслаждaz слhшащихъ рaзумы, непрестaннw весели1ши, маxjме досточyдне, сегw2 рaди м0лимъ тS: моли2 хrтA бGа грэхHвъ њставлeніе низпослaти вёрою пою1щымъ всес™0е твоE ўспeніе, маxjме, џтче нaшъ.

Јкосъ: Кaкw воспоeмъ величaйшему тезоимени1таго, маxjма пред0блzго, прпdбныхъ крaсна вэнцA, страдaльцєвъ твeрдаго прaвила, є3ретікHвъ нел0жнаго посрамлeніz, цRкви столпA непоколеби1маго, дBвственникъ и3звёстнаго настaвника и3 супрyжества честнaго застyпника, філ0софwвъ премyдршаго мудрецA, и4стины и3ст0чника приснотекyщаго, и4нwкъ похвалY и3 всёхъ людeй вои1стинну ўкрашeніе; сегw2 рaди м0лимъ тS, досточyдне маxjме: моли2 хrтA бGа грэхHвъ њставлeніе низпослaти вёрою пою1щымъ всес™0е твоE ўспeніе, маxjме, џтче нaшъ.

Пёснь з7.

Їрм0съ: Џбразу служи1ти, мусікjйскому соглaсію созывaющу лю1ди, t пёсней сіHнскихъ пою1ще nтeчески, џтроцы давjдwвы мучи1телево разори1ша ѕлочести1вое велёніе и3 плaмень въ р0су преложи1ша, пёснь воспэвaюще: превозноси1мый nтцє1въ и3 нaшъ б9е, бlгословeнъ є3си2.

Џбразу промышлeніz прс™hz трbцы пёснь бlгодaрственну воздaвъ, прпdбне маxjме, вс‰ ны2 призвaлъ є3си2 бlгослови1ти неблaзненнw nц7A, и3 сн7а, и3 с™aго д¦а, є3ди1наго бGа въ тріeхъ v3постaсехъ.

Џбразъ ѕлострадaніz, терпёніz и3 моли1твы показaлсz є3си2, с™е маxjме, пaче же и3 ўповaніz, ћкw бGъ судіS прaведенъ, и3 крёпокъ, и3 долготерпэли1въ є4сть, и3 т0й воздaстъ коемyждо по дэлHмъ є3гw2.

Џбразъ превhспреннzгw бGосл0віz стzжaлъ є3си2, премyдре маxjме, сjи є4сть догмaты бжcтвенныхъ ґпcлъ и3 nтє1цъ, t свzтaгw паракли1та и3злі‰нныz, и4мже и3 нaсъ научaеши бGомyдрыми свои1ми писaніи.

БGор0диченъ: Џбразъ пречcтагw твоегw2 рождествA, дв7о м™и, неизречeненъ и3 невёдомъ є4сть, тh бо вселeніе превёчнагw є3динор0днагw сн7а џ§а былA є3си2, не њпали1вшисz t негw2.

Пёснь }.

Їрм0съ: Въ плaмени џгненнэ горsщіz пeщи сохрaншаго дёти и3 во зрaцэ ѓгGла снизшeдшаго къ ни1мъ, п0йте гDа и3 превозноси1те є3го2 во вёки.

Плaмене бжcтвеннагw паракли1това њблистaніz возжелёвъ, прпdбне маxjме, сегw2 рaди и3 сладчaйшимъ свётомъ ўчeніz и3 чудeсъ nгнeмъ tгнaлъ є3си2 всsкій мрaкъ бэс0вскій.

Плaмене геeннскагw бёгати лю1ди научи1лъ є3си2, прпdбне маxjме, си1хъ призывaz дёломъ совершaти зaпwвэди хrтHвы и3 tступи1ти ѕл0бы, блудA, лжи2, г0рдости, льсти2 и3 хищeніz непрaведнагw чужи1хъ и3мёній.

Плaменнw нечeстіе є3ретjческое попали1лъ є3си2, премyдре маxjме, вёры же хrтіaнскіz непор0чныz бжcтвенное и3сповёданіе и3з8zсни1въ.

БGор0диченъ: Въ плaмени џгненнэ горsщіz купины2 ви1дэ тS мwmсeй бGови1децъ, провозвэсти1въ безсёменное рождество2 твоE, дв7о прчcтаz, сегw2 рaди и3 нaсъ плотски1хъ страстeй свободи2.

Пёснь f7.

Їрм0съ: ТебE, свётлую свэщY и3 м™рь б9ію, пречyдную слaву и3 вhшшую всёхъ твaрей, пёсньми величaемъ.

ТебE, свётлую свэщY, и3 ќмъ крaйнэйшій, и3 ст0лпъ непоколеби1мъ вёмы, пaче же настaвника монaхwвъ и3 є3ресeй наказaтелz проповёдуемъ.

Свётлw t полyденныхъ стрaнъ возсіsлъ є3си2, прпdбне маxjме, свётло житіE показaвъ, мрaкъ лукaвствіz прогонsz и3 бlгопріsтною моли1твою просіsвъ.

СвэщA бжcтвеннагw рaзума бhвъ, дости1глъ є3си2 въ познaніе сн7а б9іz, въ мyжа совершeнна, въ мёру в0зраста хrт0ва, сегw2 рaди и3 мы2 вопіeмъ ти2: бlжeнъ ты2 є3си2 вои1стинну по всемY, и3 п0двиги, и3 слaвою, и3 бlгодaтію, ±же є3си2 свhше получи1лъ.

БGор0диченъ: ТебE, и3 свётлую свэщY въ нощи2 страстeй, и3 покр0въ бlгостhни, и3 стёну неwбори1му t навBтъ врaжіихъ, пёсньми велеглaснw величaемъ.

Свэти1ленъ: Свётъ возсіsлъ є4сть прпdбному маxjму бжcтвенныхъ словeсъ и3 повелёній, сегw2 рaди ћкw свётъ вторhй и3 ќмъ крaйнэйшій нaмъ kви1сz.

Слaва, и3 нhнэ, бGор0диченъ:

Ўжас0шасz ѓгGльскіz си6лы, зрsще дв7у, свётъ t свёта въ рукaхъ держaщу, чи1стэ р0ждшей вопіsше: свётъ возсіsлъ є4сть нaмъ t дв7и1ческихъ ложeснъ.

На хвали1техъ стіхи6ры, глaсъ }:

Tрeклсz є3си2 себE, прпdбне маxjме, и3 стрaнна себE показA всегw2 житіS сегw2 сyетнагw, ни пи1щэ слaдкой, ни слaвэ, ни и3мёніемъ ктомY рaдуzсz, нижE дрyжбамъ си1льныхъ. Вс‰ же вкyпэ tри1нулъ є3си2 нестzжaтельнымъ житіeмъ, и3 слезaми, и3 безм0лвіемъ, моли1твами, и3 бдёніи, и3 кни1жными прочитaніи, бжcтвенною добр0тою мhсленнw питazсz, рaдуешисz, весeліz при1снw наполнsемь.

Маxjмъ прпdбный, ћкоже и3 дрeвле nтцы2, не хyдэ борє1ніz показA, џво є3ретіки2 словесы2 свои1ми біS, џво же вBрныz неподвижи1мw вёрэ сто‰ніz ўкрэплsz, не поколебaша бо сегw2 nтцA лю1тыz бyри приражє1ніz, ни темни1ца, ни ќзы, тёло держaщіи, ґ дyшу просвэщaющіи.

Маxjмъ премyдрый, вторhй земнhй и3 многострадaльный херувjмъ, бжcтвенную трапeзу нaмъ предлагaетъ въ пaмzти своeй, ўсeрднw тецeмъ, q празднолю1бцы, на преслaдкій сeй и3 и3з8oби1льный и3ст0чникъ, распали1вшуюсz жaжду t л0жныхъ є3ретjческихъ ўчeній ўгашaюще и3 дyшы въ гHрніz њби1тели возводsще.

Слaва, глaсъ G:

Сп7си2 нaсъ твоeю бlгодaтію, прес™az трbце, содётелю всёхъ и3 содержaтелю, сохрани2 нaсъ чи6сты, въ настоsщемъ u5бо житіи2 бlговёрнw служaщихъ ти2, въ бyдущемъ вёцэ спод0би соучини1тисz нaмъ бжcтвенному ли1ку и3збрaнныхъ твои1хъ, и3дёже шyмъ чи1стъ прaзднующихъ и3 глaсъ неизречeннагw весeліz.

И# нhнэ, бGор0диченъ:

Славосл0віе вели1кое.

На літургjи слyжба прпdбническаz.

Очікується текст