Вересень * Жовтень * Листопад * Грудень * Січень * Лютий * Березень * Квітень * Травень * Червень * Липень * Серпень * Богородичний додаток
| ← В 13-й день | В 15-й день → |
День 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 •17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
В 14-й день
Отда́ние пра́здника Просвеще́ния и святы́я равноапо́стольныя Ни́ны, просвети́тельницы Гру́зии. И преподо́бных оте́ц на́ших, в Сина́и и Раи́фе избие́нных
(Пое́м всю слу́жбу их в 13-й день)
На вече́рни
Блаже́н муж: 1-й антифо́н. На Го́споди, воззва́х: стихи́ры на 8, пра́здника 4 и святы́я 4. А́ще же несть отда́ния Богоявле́ний, святы́я на 8, глас 4.
Подо́бен: Я́ко до́бля:
Непоро́чно возра́стшая,/ в ве́ре кре́пкая наста́внице Иве́рии,/ блаже́нная Ни́но, рабо́ всех Искупи́теля Христа́ Бо́га,/ с весе́лием восле́д Того́ текла́ еси́,/ и лю́дем пропове́дала еси́ и́стиннаго Бо́га,/ и научи́ла еси́ я отрещи́ся от и́дол безду́шных,/ показу́ющи пусть и́стины.
В руце́ держа́щи чуде́с зна́мение -/ из лоз виногра́дных Крест честны́й,/ блаже́нная свята́я Ни́на/ си́лою его́ во гра́де Мцхе́те сотвори́ мно́га чудеса́./ Те́мже ели́цы про́поведь ей прия́ша,/ исцели́шася от не́мощи/ и Бо́га просла́виша.
От за́пада к восто́ку прише́дшую,/ и лю́ди, во тьме седя́щия,/ уче́нием Христо́вым просвети́вшую,/ и вся И́верская племена́ ко Христу́ Бо́гу приве́дшую,/ цари́ же и кня́зи, истука́ном порабоще́нныя,/ изба́вльшую си́лою Бо́жиею,/ сла́вим святу́ю равноапо́стольную Ни́ну,/ я́ко свободи́ я от ле́сти и́дольския.
И́ны стихи́ры, глас 8.
Подо́бен: О, пресла́внаго чудесе́!
Прииди́те днесь, вси ве́рнии,/ согла́сно ублажи́м сосу́д благода́ти, Ни́ну святу́ю,/ я́ко апо́столом уподо́бися,/ и прии́де во страны́ И́верския,/ и облиста́ся благода́тию Бо́жиею./ О блаже́нная, в по́двизех твои́х,/ за ны тобо́ю соде́янных,/ бу́ди нам засту́пница пред Го́сподем.
О, чудесе́ ди́внаго,/ я́ко столп животво́рный и сла́вный/ моли́твами жены́ воздвиза́ется./ Днесь Христа́ Бо́га славосло́вят лю́дие И́верстии,/ си́лы же Арма́за и За́дена/ вспять устремля́ются./ О Христе́, толи́кую ми́лость дарова́л еси́ нам/ рабо́ю Твое́ю Ни́ною/ и то́ю спасл еси́ ду́ши на́ша, я́ко Многоми́лостив.
О, чудесе́ чуде́с,/ я́ко немощно́е естество́ жены́/ от Христа́ Го́спода Боже́ственне укрепля́ется,/ и се́ю страна́ И́верская просвеща́ется:/ ве́ра бо разсе́я мрак и́дольский/ и яви́ нам Со́лнце Пра́вды, Христа́ Бо́га.
Сла́ва, глас 2:
Прииди́те, вси вернии,/ восхва́лим цевни́цу Ду́ха Свята́го,/ ублажи́м наста́вницу благоче́стия,/ врачева́ние душ и теле́с на́ших,/ цве́ты слове́с увязе́м равноапо́стольную пропове́дницу и благове́стницу,/ светоза́рное свети́ло Иве́рии,/ трубу́ Богогла́сную,/ Ни́ну Богому́друю,/ Пречи́стыя Богома́тере прехва́льную учени́цу,/ и та́ко ей возопии́м:/ ра́дуйся, голуби́це непоро́чная и го́рлице чи́стая;/ ра́дуйся, наста́внице Богове́дения;/ ра́дуйся, сподви́жнице святы́х апо́столов Па́вла и Андре́я;/ ра́дуйся, иве́рийцев просвеще́ние и сла́во всего́ ми́ра.
И ны́не, пра́здника: Приклони́л еси́ главу́ Предте́чи:
Вход. Проки́мен дне. Чте́ния три.
Собо́рнаго посла́ния Иоа́ннова чте́ние (гла́вы 3 и 4):
Возлю́бленнии, а́ще се́рдце на́ше не за́зрит нам,/ дерзнове́ние и́мамы к Бо́гу./ И Его́же а́ще про́сим, прие́млем от Него́,/ я́ко за́поведи Его́ соблюда́ем/ и уго́дная пред Ним, твори́м./ И сия́ есть за́поведь Его́,/ да ве́руем во И́мя Сы́на Его́ Иису́са Христа́/ и лю́бим друг дру́га,/ я́коже дал есть за́поведь нам./ И соблюда́яй за́поведи Его́, в Нем пребыва́ет, и Той в нем,/ и о сем разуме́ем, я́ко пребыва́ет в нас,/ от Ду́ха, Его́же дал есть нам./ Возлюбленнии, не вся́кому ду́ху ве́руйте,/ но искуша́йте ду́хи, а́ще от Бо́га суть,/ я́ко мно́зи лжепроро́цы изыдо́ша в мир./ О сем познава́йте Ду́ха Бо́жия и ду́ха ле́стча./ Всяк дух, и́же испове́дует Иису́са Христа́, во пло́ти прише́дша,/ от Бо́га есть./ И всяк дух, и́же не испове́дует Иису́са Христа́, во пло́ти прише́дша,/ от Бо́га несть,/ и сей есть анти́христов, его́же слы́шасте, я́ко гряде́т,/ и ны́не в ми́ре есть уже́./ Вы от Бо́га есте, ча́дца, и победи́сте тех,/ я́ко бо́лий есть, И́же в вас,/ не́жели и́же в ми́ре./ Они́ от ми́ра суть,/ сего́ ра́ди от ми́ра глаго́лют, и мир тех послу́шает./ Мы от Бо́га есмы́,/ и́же зна́ет Бо́га, послу́шает нас,/ и и́же несть от Бо́га, не послу́шает нас.
Собо́рнаго посла́ния Иоа́ннова чте́ние (глава́ 4):
Возлю́бленнии, а́ще си́це возлюби́л есть нас Бог,/ и мы до́лжни есмы́ друг дру́га люби́ти./ Бо́га никто́же нигде́же ви́де./ А́ще друг дру́га лю́бим, Бог в нас пребыва́ет,/ и любы́ Его́ соверше́нна есть в нас./ О сем разуме́ем, я́ко в Нем пребыва́ем, и Той в нас,/ я́ко от Ду́ха Своего́ дал есть нам./ И мы ви́дехом и свиде́тельствуем,/ я́ко Оте́ц посла́ Сы́на Спаси́теля ми́ру./ И́же а́ще испове́сть, я́ко Иису́с есть Сын Бо́жий,/ Бог в не́м пребыва́ет, и той в Бо́зе./ И мы позна́хом и ве́ровахом любо́вь,/ ю́же и́мать Бог в нас/ Бог Лю́бы есть,/ и пребыва́яй в любви́ в Бозе пребыва́ет,/ и Бог в не́м пребыва́ет.
Собо́рнаго посла́ния Иоа́ннова чте́ние (гла́вы 4 и 5):
Возлю́бленнии, а́ще кто рече́т, я́ко люблю́ Бо́га,/ а бра́та своего́ ненави́дит,/ ложь есть:/ и́бо не любя́й бра́та своего́, его́же ви́де,/ Бо́га, Его́же не ви́де, ка́ко мо́жет люби́ти?/ И сию́ за́поведь и́мамы от Него́,/ да любя́й Бо́га лю́бит и бра́та своего́./ Всяк, ве́руяй, я́ко Иису́с есть Христо́с,/ от Бо́га рожде́н есть,/ и всяк, любя́й Ро́ждшаго,/ лю́бит и Рожде́ннаго от Него́./ О сем ве́мы, я́ко лю́бим ча́да Бо́жия,/ егда́ Бо́га лю́бим и за́поведи Его́ соблюда́ем./ Сия́ бо есть любы́ Бо́жия,/ да за́поведи Его́ соблюда́ем,/ и за́поведи Его́ тя́жки не суть./ Я́ко всяк, рожде́нный от Бо́га, побежда́ет мир,/ и сия́ есть побе́да, побе́ждшая мир, ве́ра на́ша./ Кто есть побежда́яй мир,/ то́кмо ве́руяй, я́ко Иису́с есть Сын Бо́жий?
А́ще твори́м бде́ние, на литии́ стихи́ры пра́здника.
На стихо́вне стихи́ры, глас 1:
Рожде́ннаго от Де́вы Христа́ Бо́га/ блаже́нная де́ва Ни́на возлюби́,/ да ве́лиим гла́сом возвести́т племено́м И́верским/ свято́е И́мя Его́./ Сего́ бо ра́ди Небе́сный Жени́х, Христо́с Госпо́дь,/ даде́ ей дарова́ния Свята́го Ду́ха,/ и соде́ла ю равноапо́стольну,/ я́ко сосу́д благода́ти духо́вныя,/ и е́ю дарова́ нам спасе́ние, я́ко Человеколю́бец.
Стих: Во всю зе́млю изы́де веща́ние их/ и в концы́ вселе́нныя глаго́лы их.
Иде́же благоуха́ша стопы́ Твоя́, Христе́,/ Женише́ све́тлый,/ та́мо ше́ствова свята́я целому́дренная неве́ста Твоя́,/ блаже́нная Ни́на, голуби́ца чи́стая,/ го́рлица благоле́пная,/ ла́стовица сладкогла́сная,/ и, воню́ ми́ра Твоего́ обоня́вши,/ гла́сом ве́лиим свято́е Твое́ И́мя возвести́,/ и си́лою кре́пкою вся И́верския и Картали́нския лю́ди/ ве́ровати в Божество́ Твое́ научи́.
Стих: Небеса́ пове́дают сла́ву Бо́жию,/ творе́ние же ру́ку Его́ возвеща́ет твердь.
Устраше́нная си́ла тьмы се́тует:/ диа́вол побежде́н бысть./ Арма́за порази́ гром,/ За́дена пости́же гнев Небе́сный./ Крест воздви́жеся,/ и свята́я купе́ль благода́тнаго Креще́ния/ откры́ся нам у столпа́ животво́рнаго./ Те́мже и мы, ча́да Бо́жия,/ восприи́мше Креще́ние твое́ю о Христе́ про́поведию, Ни́но всехва́льная,/ духо́вне весели́мся/ и Христа́ Бо́га воспева́ем, обновле́ннии.
Сла́ва, глас 8:
Ча́шу благода́ти излия́ньми Ду́ха Свята́го,/ блаже́нная Ни́но,/ в це́ркви бога́тно раствори́ла еси́,/ сего́ ра́ди пресла́вное торжество́ твое́/ на ве́черю призыва́ет вся ве́рныя,/ я́же благода́ть Ду́ха Бо́жия возроди́ в купе́ли свята́го Креще́ния./ Те́мже вси, во Христа́ обле́кшиися,/ да восхва́лят Бо́га пе́сньми/ и, пра́зднующе днесь, да велича́ют Богосве́тлую Тро́ицу,/ си́це глаго́люще:/ Бо́же Чудотво́рче Вседержи́телю,/ сохрани́ нас, испове́дающих Тя.
И ны́не, пра́здника.
Тропа́рь, глас 4:
Сло́ва Бо́жия служи́тельнице,/ во апо́стольстей про́поведи первозва́нному Андре́ю/ и про́чим апо́столом подража́вшая,/ просвети́тельнице Иве́рии и Ду́ха Свята́го цевни́це,/ свята́я равноапо́стольная Ни́но,/ моли́ Христа́ Бо́га/ спасти́ся душа́м на́шим.
Сла́ва, и ны́не, пра́здника.
А́ще же твори́м бде́ние, тропа́рь святы́я, два́жды, и пра́здника, еди́ножды.
На у́трени
На Бог Госпо́дь: тропа́рь пра́здника, два́жды. Сла́ва, святыя. И ны́не, пра́здника.
По 1-м стихосло́вии седа́лен, глас 3:
Всю страну́ на́шу сло́вом духо́вным, равноапо́стольная Ни́но, ороси́ла еси́/ и та́ко плодоно́сну сию́ сотвори́ла еси́,/ во е́же произрасти́ти се́мя ве́ры,/ концы́ вселе́нныя просвети́ла еси́ и неве́рия пле́велы исто́ргла еси́,/ крести́вши И́верския язы́ки во И́мя Тро́ицы Безнача́льныя.
Сла́ва, глас 8:
Прииди́те вси, воспои́м равноапо́стольную Ни́ну,/ Богому́друю просвети́тельницу Иве́рии:/ та бо лесть и́дольскую отгна́,/ от тьмы ко све́ту нас приве́дши,/ и Тро́ицу Единосу́щную сла́вити научи́./ Те́мже, вси ве́рнии, пра́зднуим честну́ю па́мять ея́ с ве́рою/ и просла́вим Спа́са на́шего.
И ны́не, пра́здника.
По 2-м стихосло́вии седа́лен, глас 8:
Митропо́лие свята́я, Це́ркве красото́, весели́ся и ра́дуйся,/ я́ко све́тлое пра́зднество основа́вшия тя пропове́дницы Ева́нгелия соверша́ется,/ ма́тере на́шея Ни́ны равноапо́стольный,/ и с на́ми возопи́й:/ Христе́ Бо́же, той моли́твами утверди́ ве́ру Твою́.
Сла́ва, и ны́не, пра́здника.
Велича́ние:
Велича́ем тя,/ свята́я равноапо́стольная Ни́но,/ всю страну́ И́верскую све́том Ева́нгелия просвети́вшую/ и ко Христу́ приве́дшую.
Псало́м избра́нный: Небеса́ пове́дают сла́ву Бо́жию:
По полиеле́и седа́лен, глас 8:
Предызбра́нная от Бо́га ма́ти, апо́столов чин взе́мши,/ све́том Ева́нгелия страну́ И́верскую просвети́ла еси́,/ со А́нгелы песносло́вящи Изба́вителя и моля́щися непреста́нно о нас,/ я́ко да благода́ть и ми́лость Христо́с нам дару́ет.
Сла́ва, и ны́не, пра́здника.
Таже, степе́нна, 1-й антифо́н 4-го гла́са. Проки́мен, глас 4: Во всю зе́млю изы́де веща́ние их/ и в концы́ вселе́нный глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь. Вся́кое дыха́ние: Ева́нгелие от Матфе́я, зача́ло 34 от полу́.
По 50-м псалме́ стихи́ра, глас 6: Прииди́те вси, воспои́м равноапо́стольную Ни́ну: (зри седа́лен на сла́ву по 1-м стихосло́вии).
О́ба кано́на пра́здника со ирмосы́ на 8 и святе́й Ни́не кано́н на 6, глас 1.
Песнь 1
Ирмо́с: Спа́се лю́ди чудоде́йствуяй Влады́ка,/ мо́крую мо́ря во́лну оземлени́в дре́вле;/ во́лею же ро́дждся от Де́вы,/ стезю́ проходну Небесе́ полага́ет нам./ Его́же, по Существу́ ра́вна же Отцу́ и челове́ком, сла́вим.
Отве́рзи устне́ мои́, Христе́ Бо́же,/ да восхвалю́ де́ву равноапо́стольную и пропове́дницу Ни́ну воспою́,/ и просвети́ ум мой,/ да досто́йную цве́ты слове́с укра́шу по достоя́нию.
Ре́чи чужды́х ти племе́н уразуме́ла еси́, прехва́льная Ни́но,/ и, от Ду́ха Свя́та умудре́на бы́вши, в виде́нии Сама́го Го́спода узре́ла еси́./ Те́мже в земли́ непло́дней, Богому́драя де́во,/ лю́ди И́верския ко Христу́ привела́ еси́.
Жестосе́рдыя ва́рвары, куми́ром служа́щия,/ я́ко голуби́ца, от за́пада воспари́вшая,/ любо́вию твое́ю обрати́ла еси́ ко Творцу́/ и, благода́тию обновле́нныя, неве́сто Христо́ва непоро́чная,/ Жениху́ твоему́ обручи́ла еси́.
Богоро́дичен: Сосу́д благосты́ни Твоея́, Пречи́стая Де́во Богоро́дице, бысть свята́я де́ва/ и страну́, жре́бием Тебе́ свиде́тельствовану, просвети́./ Сего́ ра́ди мо́лим Тя:/ сию́ приими́ с Тобо́ю в моли́тву о вопию́щих Тебе́:/ поми́луй жре́бий Твой.
Катава́сия: Глубины́ откры́л есть дно: и друга́я: Ше́ствует морску́ю:
Песнь 3
Ирмо́с: Призри́ на пе́ния рабо́в, Благоде́телю,/ врага́ смиря́я вознесе́нную горды́ню,/ нося́й же, Всеви́дче, греха́ превы́ше,/ непоколе́блемо утвержде́ныя, Бла́же, певцы́/ основа́нием ве́ры.
Милосе́рдия ра́ди Своего́ ми́лостивно помяну́в нас,/ усе́рдну благове́стницу соде́ла тя Бог,/ жену́ су́щу, му́жеским смы́слом укра́шену,/ и испо́лнену Ду́ха Свя́та яви́ нам,/ и твое́ю про́поведию о Христе́, чрез ве́ру в Него́, нас усынови́л есть.
Покрыва́ло от серде́ц на́ших безчу́вственных отпаде́,/ отягче́нный слух наш от гла́са про́поведи твоея́ откры́ся,/ омраче́ние ума́ на́шего разсе́яся све́том уче́ния Христо́ва, тобо́ю возвеще́ннаго,/ о свята́я равноапо́стольная Ни́но, до́блественная учени́це Христо́ва.
Покланя́вшиися иногда́ куми́ром и пребыва́вший во тьме нече́стия/ от ле́сти и́дольския твои́м прише́ствием, блаже́нная Ни́но, свободи́шася,/ Арма́з же вострепета́, егда́ гром возгреме́,/ и неи́стовства За́дена преста́ша.
Богоро́дичен: Тобо́ю, Богоро́дице Де́во, от ро́ва нече́стия подъя́ти бы́хом,/ егда́ Ти уго́дно бысть просвеще́ние на́ше жено́ю сотвори́ти,/ повнегда́ же изы́ти нам от купе́ли святы́я,/ позна́хом Сы́на Твоего́ и Бо́га на́шего блаже́нною Ни́ною.
Конда́к и и́кос пра́здника.
Седален, глас 2:
Я́коже со́лнце незаходи́мое, Со́лнца Пра́вды – Христа́ Бо́га/ пропове́дница, светоза́рная звезда́, све́тлый вселе́нныя свети́льник,/ неоцене́нное сокро́вище И́верския страны́,/ днесь Ни́на в земли́ на́шей сия́ет и благоуха́ет,/ наста́вница на́ша, равноапо́стольная раба́ Христо́ва.
Сла́ва, и ны́не, пра́здника.
Песнь 4
Ирмо́с: Ро́да челове́ча обновле́ние/ дре́вле, поя́, проро́к Авваку́м предвозвеща́ет,/ ви́дети неизрече́нно сподо́бився о́браз:/ млады́м Младе́нец бо из горы́ – Де́вы изы́де,/ люде́й во обновле́ние, Сло́во.
Я́коже лев, безстра́шна пребы́вши,/ кре́пце Христа́ Бо́га пропове́дала еси́:/ па́рфян си́лою чуде́с улови́ла еси́,/ Гаиани́ю же и Рипсими́ю по́двигом до́блественнаго их му́ченичества в дар Христу́ принесла́ еси́./ Той же сохрани́ тебе́ саму́ю,/ во еже́ просвети́ти тобо́ю И́верскую страну́.
Я́коже оре́л, во о́чию твое́ю возобрази́ла еси́ И́верскую страну́ на́шу, пресла́вная Ни́но,/ и, свято́ю ре́вностию по Бо́зе разже́гшися,/ святы́м Ева́нгелием сию́ просвети́ла еси́.
Власть иму́щи разгна́ти мглу,/ му́драго царя́ просвети́ла еси́,/ равноапо́стольному царю́ Константи́ну уподо́бльшися, наста́внице на́ша и врачу́ смы́сленный./ Сего́ ра́ди ублажа́ем и́мя твое́, де́во,/ пропове́днице Христа́, вели́кая равноапо́стольная Ни́но.
Богоро́дичен: От ле́сти и́дольския Тобо́ю, Богоро́дице, изба́влены бы́вше лю́дие И́верстии,/ и́хже Тебе́ жре́бий показа́,/ и, благове́стием преподо́бныя ма́тере на́шея Ни́ны озаре́ни бы́вше,/ взыва́ют к Тебе́:/ избавле́ние на́ше, спаси́ ны, Ма́ти Христа́ Бо́га.
Песнь 5
Ирмо́с: Из но́щи дел омраче́нный пре́лести/ очище́ние нам, Христе́,/ бо́дренно ны́не соверша́ющим песнь, я́ко Благоде́телю,/ прииди́, подава́яй удо́бну стезю́,/ по не́йже востека́юще, обря́щем сла́ву.
Падо́ша и́доли во стране́ И́верстей/ и созда́шася хра́мы Госпо́дни тобо́ю, ма́ти на́ша./ Мы же, ча́да Сио́на, тобо́ю просвеще́ни бы́вше,/ днесь прославля́ем Триипоста́сное Божество́,/ сла́вим Честны́й Крест Христа́ и чествуе́м цельбоно́сный хито́н Его́.
Сы́нове тех, и́же от дней столпотворе́ния Вавило́нска злоче́стием плене́ни бы́ша/ и песнь Госпо́дню воспева́ти не разуме́ша,/ ны́не изше́дше от святы́я купе́ли, глаго́лют:/ во Христа́ облеко́хомся, во Христа́ крести́вшеся.
Егда́ ца́рствова фарао́н над еги́птяны,/ ти́и, во тьме еги́петстей седя́ше,/ и́стинному Бо́гу служи́ти не мого́ша;/ днесь же мы, ча́да Сио́на, Ни́ною изба́влены бы́вше,/ ра́достно пои́м Го́сподеви.
Богоро́дичен: Егда́ приспе́ ко мне врач, Пресвята́я Богоро́дице,/ тогда́ воста́х от одра́ моего́, немощству́яй,/ и преподо́бною Ни́ною изба́вихся от ле́сти и́дол нечи́стых, сия́ род И́верский взыва́ет, глаго́ля:/ воспева́ю Тя, упова́ние мое́, Ма́ти Бо́жия.
Песнь 6
Ирмо́с: Обита́я Ио́на в преиспо́дних морски́х,/ приити́ моля́шеся и бу́рю утоли́ти;/ унзе́н же аз муча́щаго стрело́ю,/ Христу́ воспева́ю, зол губи́телю,/ ско́ро приити́ Тебе́ к мое́й ле́ности.
Возсия́вшу све́ту от за́пада, преста́ни, се́вере, и пове́й, ю́же,/ со́лнце бо восхо́дит разгна́ти мглу,/ и близ есть дхнове́ние теплоты́, во еже́ та́яти ле́ду:/ се гряде́т пропове́дница Христа́, Ни́на свята́я.
От тьмы и́дольския изба́влени бы́вше тобо́ю, равноапо́стольная Ни́но,/ вси лю́дие Картали́нстии воспева́ют тя и умиле́нно взыва́ют:/ отжени́ от нас зло́бу, диа́вола же и супоста́ты на́ша порази́.
Угото́ванная тобо́ю при столпе́ животво́рнем/ и ме́сте хране́ния хито́на Госпо́дня купе́ль свята́я/ не мертви́т младе́нцы, но сия́ возражда́ет, еле́ем святы́м умаща́ющи./ Те́мже вопие́м ти:/ ра́дуйся, дево, равноапо́стольная Ни́но.
Богоро́дичен: Наде́ждо непосты́дная наде́ющихся на Тя,/ еди́на, ро́ждшая па́че естества́ пло́тию Христа́ Бо́га на́шего,/ Того́ со блаже́нною Ни́ною моли́ пода́ти И́верстей стране́ утвержде́ние и преспе́яние в ве́ре/ и всем нам пре́жде конца́ жития́ исправле́ние.
Конда́к, глас 2:
Прииди́те днесь вси,/ воспои́м избра́нную от Христа́/ равноапо́стольную пропове́дницу Бо́жия сло́ва,/ му́друю благове́стницу,/ лю́ди Картали́нии приве́дшу на путь живота́ и и́стины,/ Богома́тере учени́цу,/ усе́рдную засту́пницу и неусыпа́ющую храни́тельницу на́шу,/ Ни́ну прехва́льную.
И́кос:
В гу́слех духо́вных да восхва́лится му́драя пропове́дница, Иве́рии просвети́тельница,/ в купе́ли Креще́ния избра́нными па́стырьми освяти́вшая лю́ди,/ жре́бием свиде́тельствованный,/ равноапо́стольная, возлю́бленная раба́ Христо́ва,/ я́же де́сять за́поведей Бо́жиих прия́т, я́коже Моисе́й Богови́дец./ Прииди́те у́бо, днесь ублажи́м пе́сньми/ усе́рдную засту́пницу и неусыпа́ющую храни́тельницу на́шу,/ Ни́ну прехва́льную.
Песнь 7
Ирмо́с: Всецаря́ любо́вию уловле́ннии, о́троцы/ укори́ша безчи́сленно яря́щася мучи́теля злобо́жное языковре́дие./ И́мже повину́ся огнь мно́гий,/ Влады́це глаго́лющим:/ во ве́ки благослове́н еси́.
Черто́зи царя́ и цари́цы я́ко пле́нницу и стра́нницу тя призре́ша,/ оба́че и сия́ от пле́на преиспо́дняго благода́тию Христо́вою привела́ еси́ ко Христу́ Бо́гу,/ Ни́но равноапо́стольная, благове́стнице спасе́ния.
Внегда́ воздви́гнути тебе́ столп святы́й и возде́яти ру́це твои́,/ устраши́шася си́лы диа́вола и со тре́петом бежа́ша, возрыда́ша го́рько./ Мы же вопие́м:/ благослове́н еси́, Христе́ Бо́же, во ве́ки.
Возвеща́емым словесе́м твои́м, падо́ша ниц лю́дие,/ я́ко от гла́са труб царе́вых, и ца́рства и ца́рие вострепета́ша, глаго́люще:/ о пле́ннице и пле́нных свобожде́ние!/ Буди́ благослове́но прише́ствие твое́.
Богоро́дичен: Я́ве предрече́нная проро́ки, Ма́ти Бо́жия, Пренепоро́чная Де́во Мари́е,/ пребыва́нием Твои́м во Еги́пте с Богомладе́нцем Иису́с Христо́м/ истука́ны еги́петския сокруши́ла еси́ до основа́ний/ и Ни́ною потреби́ла еси́ куми́ры Картали́нии,/ бу́ди благослове́на, Присноде́во.
Песнь 8
Ирмо́с: Утро́бу неопа́льно образу́ют Отрокови́цы/ и́же в Ве́тсем опаля́емии ю́ноши,/ преесте́ственно ражда́ющую запечатле́нну;/ обоя́ же содева́ющи чудоде́йство еди́но,/ лю́ди к пе́нию возставля́ет благода́ть.
Па́мяти святы́я Ни́ны подоба́ет пра́зднество./ Прииди́те у́бо, ве́рнии, Христу́, просла́вим и возблагодари́м ми́лостиваго Бо́га./ Ро́ди же, и племена́, и ча́да Сио́на, в духо́вней ра́дости торжеству́йте ку́пно с на́ми, глаго́люще:/ сла́ва пропове́днице Христа́ и Бо́га на́шего.
Ра́дуйся, стране́ Картали́нская,/ от Ни́ны венце́м Христо́вым венча́нная, свети́ся и благоукраша́йся:/ призыва́ет бо ны равноапо́стольная свята́я Ни́на,/ све́том Госпо́дним вся озаря́ющи.
Ты запове́дала еси́ нам, равноапо́стольная, ве́ру свя́то блюсти́,/ е́йже новообраще́нныя лю́ди научи́ла еси́./ Сего́ ра́ди вертогра́ды, яже насади́ла еси́ в духо́вней па́стве твое́й,/ посети́ и утверди́.
Богоро́дичен: О Ма́ти Христа́ Бо́га, Творца́ су́щих,/ сподо́бльшийся Тобо́ю жи́зни ве́чныя род Картали́нский храни́/ моли́твами Ни́ны блаже́нныя.
Песнь 9
Ирмо́с: Люби́ти у́бо нам я́ко безбе́дное стра́хом/ удо́бее молча́ние;/ любо́вию же, Де́во,/ пе́сни тка́ти, спротяже́нно сложе́нный, неудо́бно есть./ Но и, Ма́ти, си́лу, ели́ко есть произволе́ние, даждь.
Вожделе́нна нам па́мять твоя́,/ ди́вно чудоде́йство твое́, свя́то житие́ твое́ -/ вся нам быва́ют во бла́го тобо́ю, Ни́но целому́дренная.
Прия́телище моще́й твои́х, благода́ть источа́ющих,/ утвержде́ние есть стране́ Ивери́йстей./ Сего́ ра́ди и взыва́ет к тебе́:/ блаже́нная Ни́но, охраня́й нас твои́м заступле́нием.
Пропове́днице и просвети́тельнице,/ при́зри на пе́ние на́ше умиле́нное и уми́лостиви к нам Го́спода,/ не попусти́ нам, хвалы́ твоея́ ревни́телем, во гресе́х поги́бнути/ и, предстоя́щи Престо́лу Бо́жию,/ моли́ Христа́ Бо́га спасти́ся душа́м на́шим.
Богоро́дичен: Услы́ши моле́ния на́ша, Ма́ти Бо́жия,/ и преподо́бныя Ни́ны заступле́нием отжени́ от нас вся искуше́ния,/ да́руй нам ми́лость Твою́ и побе́ду на враги́.
Свети́лен.
Подо́бен: Посети́л ны есть Восто́к свы́ше:
Равноапо́стольная пропове́днице и благове́стнице Христо́ва,/ от наве́т вра́жиих избавля́ющая ны!/ А́ще и в не́дрех земли́ сокрове́на еси́ от о́чию на́шею,/ оба́че жива́ пребыва́еши у Престо́ла Христа́ Бо́га на́шего./ Буди́ у́бо засту́пница усе́рдно чту́щим тя.
Сла́ва, и ны́не, пра́здника.
На хвали́тех стихи́ры на 6, пра́здника 3 и святы́я 3, глас 1:
Ра́дуйся, Це́рковь Бо́жия/ со ча́ды твои́ми,/ блаже́нныя Ни́ны собо́ру сла́вному,/ ра́дуйся и соста́ви духо́вное торжество́,/ во е́же пе́ти пропове́дницу на́шу,/ Ца́рствия Небе́снаго равноапо́стольную благове́стницу.
Зна́мение духо́вное,/ святы́й Крест Христо́в запечатле́ нас,/ прие́мших про́поведь Ни́ны блаже́нныя./ Те́мже и воскли́кнем, глаго́люще:/ о Животворя́щий Кре́сте Госпо́день!/ Храни́ вся ны:/ во Христа́ бо крести́хомся и во Христа́ облеко́хомся./ Ты же, Христе́ Бо́же, спаси́ лю́ди Твоя́.
Сла́ва, глас 2:
Днесь си́лы Небе́сныя с земны́ми ра́дуются,/ днесь страна́ Картали́нская,/ Кресто́м огражде́нная, облека́ется си́лою/ и рог Це́ркве возно́сится,/ днесь храм Пресвяты́я Богоро́дицы/ па́мятию святы́я Ни́ны благоле́пно украша́ется./ Мы же, ве́рнии, воспои́м Христа́, Бо́га же и Челове́ка, и возопии́м:/ сла́ва в Вы́шних Бо́гу.
И ны́не, пра́здника.
Славосло́вие вели́кое. По трисвяте́м тропа́рь святе́й. Сла́ва, и ны́не, пра́здника. Ектении́ и отпу́ст
На литурги́и
Блаже́нны от кано́на Богоявле́ний и святы́я, пе́сни 3-я и 6-я. Проки́мен, глас 8: Во всю зе́млю изы́де веща́ние их/ и в концы́ вселе́нный глаго́лы их. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь. Апо́стол к Кори́нфяном, зача́ло 131. Аллилу́йя, глас 1: Испове́дят небеса́ чудеса́ Твоя́, Го́споди. Стих: Бог прославля́ем в сове́те святы́х. Ева́нгелие от Матфе́я, зача́ло 104. Прича́стен: Во всю зе́млю изы́де веща́ние их:
Моли́тва
О всехва́льная и преди́вная равноапо́стольная Ни́но, вои́стинну вели́кое украше́ние Це́ркве Правосла́вный и изря́дная похвало́ наро́ду Ивери́йскому, просвети́вшая всю страну́ Грузи́нскую Боже́ственным уче́нием и по́двиги апо́стольства победи́вшая врага́ на́шего спасе́ния, трудо́м и моли́твами насади́вшая зде вертогра́д Христо́в и возра́щшая его́ в плод мног. Пра́зднующе святу́ю па́мять твою́, притека́ем к честно́му ли́ку твоему́ и благогове́йно лобыза́ем всехва́льный дар тебе́ от Бо́жия Ма́тере, чудотво́рный крест, его́же ты обви́ла еси́ драги́ми власы́ твои́ми, и уми́льно про́сим, я́ко при́сную предста́тельницу на́шу: огради́ нас от вся́ких зол и скорбе́й, вразуми́ враго́в Святы́я Це́ркве Христо́вы и проти́вников благоче́стия, охраня́й твое́ ста́до, упасе́нное тобо́ю, и моли́ Всеблага́го Бо́га, Спаси́теля на́шего, Ему́же ты ны́не предстои́ши, да да́рует наро́ду на́шему мир, долгоде́нствие и во вся́ком до́брем начина́нии поспеше́ние, и да приведе́т Госпо́дь нас в Небе́сное Свое́ Ца́рствие, иде́же вси святи́и славосло́вят всесвято́е Его́ И́мя ны́не,и при́сно,и во ве́ки веко́в. Ами́нь.
А́ще пое́м еди́ну слу́жбу пра́здника, а преподо́бных оте́ц на́ших, в Сина́е и Раи́фе избие́нных, пое́м всю слу́жбу в 13-й день, поне́же в си́й день отдае́тся пра́здник Просвеще́ния, пое́м слу́жбу пра́здника си́це:
Ве́чер обы́чная кафи́зма, на Го́споди, воззва́х: стихи́ры на 6: пое́мыя на са́мый пра́здник. Сла́ва, и ны́не: Приклони́л еси́ главу́ Предте́чи: Проки́мен дне́. Вхо́да несть, пареми́й не чтем. Та́же, Сподо́би, Го́споди: и ектения́: Испо́лним вече́рнюю моли́тву: На стихо́вне стихи́ры пра́здника, со стихи́ их. Сла́ва, и ны́не, пра́здника. По Ны́не отпуща́еши, и по трисвято́м тропа́рь пра́здника. Та́же ектениая́: Поми́луй нас, Бо́же: и отпу́ст. Свята́го же, и́же на ряду́, помина́ем на отпу́сте. Воу́трие полу́нощницу пое́м по обы́чаю с кафи́змою, и тропари́ глаго́лем рядовы́я, и моли́тву глаго́лем: Помяни́, Го́споди, в наде́жди воскресе́ния: И отпу́ст.
На у́трени на Бог Госпо́дь: тропа́рь пра́здника три́жды. По кафи́змах седа́льны пра́здника. И чте́ние пра́здника. Кано́н пе́рвый со ирмосо́м на 8: други́й кано́н со ирмосо́м на 6. Ирмосы́ пое́м обою́ кано́нов по два́жды. Катава́сиа, ирмо́с пое́м пе́рваго кано́на, на схо́де. По 3-й пе́сни ипакои́, глас 5: Егда́ явле́нием Твои́м: по 6-й пе́сни конда́к пра́здника, и и́кос. На 9-й пе́сни Честнейшую: не пое́м, но пое́м припе́вы пра́здника, я́коже и на са́мый пра́здник. Свети́лен пра́здника еди́ножды. Сла́ва, и ны́не, то́йже. На хвали́тех стихи́ры пра́здника, на 4. Сла́ва, глас 6: Вода́ми Иорда́нскими: И ны́не, глас 2: Днесь Христо́с на Иорда́н: И славосло́вие вели́кое. По трисвято́м тропа́рь пра́здника. Ектении́, и отпу́ст. И обы́чное исхожде́ние в притво́р. И час 1-й Тропа́рь и конда́к пра́здника.
На Литурги́и: Блаже́нна, обоих кано́нов песнь 9, на 8. Антифо́нов же пра́здника не глаго́лем. По вхо́де тропа́рь пра́здника. Сла́ва, и ны́не, конда́к пра́здника. Та́же трисвято́е. Проки́мен, аллилу́иа и прича́стен пра́здника. Апо́стол и Ева́нгелие дне́.
Подоба́ет ве́дати, а́ще случи́тся отда́ние Богоявле́ния в неде́лю пре́жде мытаря́ и фарисе́а.
В суббо́ту на ма́лей вече́рни, на Го́споди, воззва́х, стихиры воскре́сны: Сла́ва, и ны́не, пра́здника. На стихо́вне стихи́ра воскре́сна едина, и пра́здника, стихо́вна со стихи́ свои́ми, великия вече́рни. Сла́ва, и ны́не, пра́здника: Днесь Христо́с: пи́сан на хвали́тех.
На вели́цей вече́рни по обы́чной стихоло́гии. На Го́споди, воззва́х: стихи́ры воскре́сны 3, и восто́чен еди́н: Анато́лиев, и пра́здника 6, пое́мыя на са́мый пра́здник. Сла́ва, пра́здника: и ны́не, Богоро́дичен 1-й гла́са. На лити́и стихи́ры, и Сла́ва, и ны́не, пра́здника. На стихо́вне стихи́ры воскре́сны. Сла́ва, и ны́не, пра́здника. На благослове́нии хле́бов тропа́рь: Богоро́дице Де́во, два́жды, и пра́здника еди́ножды, и чте́ние в Посла́ниих апостольских. А́ще же несть бде́ния, по Ны́не отпуща́еши: тропа́рь воскре́сен. Сла́ва, и ны́не, пра́здника. На повече́рии по Досто́йно: по О́тче наш: конда́к пра́здника.
На у́трени на Бог Госпо́дь: тропа́рь воскре́сен два́жды: Сла́ва, и ны́не, пра́здника. По кафи́змах седа́льны воскре́сны, с Богоро́дичны их. И чте́ние. Та́же непоро́чны, с тропари́: А́нгельский собо́р: ипакои́ гла́са. Степе́нна. Проки́мен. Вся́кое дыха́ние: Ева́нгелие воскре́сно, и про́чее воскре́сно и до кано́на. Кано́н воскре́сен со ирмосо́м на 4, и Богоро́дице на 2, и пра́здника о́ба кано́на на 8. Катава́сиа пра́здника. По 3-й пе́сни конда́к пра́здника, и и́кос, ипакои́ пра́здника, и чте́ние пра́здника. По 6-й пе́сни конда́к воскре́сен и и́кос, и чтем про́лог. На 9-й пе́сни пое́м Честнейшую: Свети́лен воскре́сен. Сла́ва, и ны́не, пра́здника. На хвали́тех стихи́ры воскре́сны 4 и пра́здника 4, со Сла́вным, с припе́вы их. Сла́ва, стихи́ра Ева́нгельская: И ны́не, Преблагослове́нна еси́, Богоро́дице Де́во: Славосло́вие вели́кое. По трисвято́м, тропа́рь воскре́сен то́чию, ектении́, и отпу́ст, и оглаше́ние, и исхожде́ние обы́чное в притво́р, и ча́с 1-й, и коне́чный отпу́ст. На часе́х тропа́рь воскре́сен. Сла́ва, пра́здника: И ны́не, Богоро́дичен часо́в. По О́тче наш: конда́к пра́здника и воскре́сен, глаго́лем пременя́юще.
На Литурги́и: Блаже́нна гла́са на 6: и пра́здника песнь 9-я обоих кано́нов на 4. По вхо́де тропа́рь воскре́сен, и пра́здника. Сла́ва, конда́к воскре́сн. И ны́не, пра́здника. Проки́мен, Апо́стол и Ева́нгелие, неде́ли ря́д. Аллилу́иа и прича́стен пра́здника, и дне́.
Зрим же и сего́ указа́ния. А́ще приспе́ет в 14 января́ неде́ля о мытари́ и фарисе́и, на отда́ние Богоявле́ния, пое́м воскре́сно, и Трио́ди, и пра́здника.
В суббо́ту ве́чера, на ма́лей вече́рни стихи́ры воскре́сны, на 4. Сла́ва, и ны́не, Богоро́дичен 1-й гла́са, ма́лыя вече́рни. На стихо́вне стихи́ра воскре́сна еди́на и пра́здника стихо́вна вели́кия вече́рни со стихи́ ея́. Сла́ва, и ны́не, пра́здника: Днесь Христо́с: пи́сан на хвали́тех. По трисвято́м тропа́рь воскре́сен. Сла́ва, и ны́не, пра́здника, ектениа́ ма́лая, и отпу́ст.
На вели́цей вече́рни, Блаже́н муж: кафи́сму всю́. На Го́споди, воззва́х: стихи́ры воскре́сны, гласа 3, и Трио́ди 3, со Сла́вным, и пра́здника 4, пое́мыя на са́мый пра́здник, Сла́ва, пра́здника. И ны́не, Богоро́дичен 1-й гласа. Вхо́д, проки́мен дне́. На лити́и стихиры пра́здника, и Трио́ди самогла́сны: Фарисе́я велехва́льный глас: Сла́ва, мытаря́ и фарисе́я. И ны́не, пра́здника. На стихо́вне стихи́ры воскре́сны. Сла́ва, Трио́ди. И ны́не, пра́здника. На благослове́нии хле́бов, тропа́рь Богоро́дице Де́во: два́жды, и пра́здника, еди́ножды, и чте́ние. А́ще же несть бде́ния, по Ны́не отпуща́еши: тропа́рь воскре́сен. Сла́ва, и ны́не, пра́здника.
На повече́рии по Досто́йне: по О́тче наш, конда́к пра́здника. Сла́ва, и ны́не, Трио́ди.
На у́трени на Бог Госпо́дь: тропа́рь воскре́сен два́жды. Сла́ва, и ны́не, пра́здника. По кафи́змах седа́льны воскре́сны, с Богоро́дичны их. И чте́ние во Ева́нгелии толково́м. И непоро́чны: ипакои́ гла́са, и чте́ние. Степе́нна, и проки́мен гла́са, и Ева́нгелие воскре́сно. Воскресе́ние Христо́во: псало́м 50. Сла́ва, Покая́ния: И ны́не, На спасе́ния стези: та́же, Поми́луй мя, Бо́же: и, Мно́жества соде́янных мно́ю лю́тых: Кано́н воскре́сен: со ирмосо́м на 4, и Трио́ди на 4: и пра́здника о́ба кано́на на 6. Катава́сия пра́здника. По 3-й пе́сни конда́к и и́кос, и седа́лен Трио́ди. Сла́ва, и ны́не, пра́здника. По 6-й пе́сни конда́к и и́кос пра́здника. На 9-й пе́сни пое́м Честнейшую: Свети́лен воскре́сен. Сла́ва, Трио́ди. И ны́не, пра́здника. На хвали́тех стихиры воскре́сны 4: и пра́здника со Сла́вным 4, с припе́вы их. Сла́ва, самогла́сен Трио́ди. И ны́не, Преблагослове́нна еси́, Богоро́дице Дево: Славосло́вие великое. По трисвято́м тропа́рь воскре́сен то́чию, ектении́, и отпу́ст, и исхожде́ние в притво́р. Сла́ва, и ны́не, стихи́ра Ева́нгельская, и ча́с 1-й. И соверше́нный отпу́ст. На 1-м часе́ тропа́рь воскре́сен. Сла́ва, пра́здника. И ны́не, Богоро́дичен часо́в. По трисвято́м конда́к Трио́ди. Та́кожде и на 3-м, и на 6-м, и на 9-м часе́х глаго́лем тропари́. Кондаки́ же пра́здника и Трио́ди, пременя́юще, глаго́лем.
На Литурги́и: Блаже́нна гласа на 4, и Трио́ди песнь 3-я, на 4, и пра́здника песнь 9-я, на 4. По вхо́де тропа́рь воскре́сен, и пра́здника. Сла́ва, конда́к Трио́ди. И ны́не, пра́здника. Проки́мен гласа, и пра́здника. Апо́стол и Ева́нгелие дне́. Прича́стен: Хвали́те Го́спода с Небе́с: Други́й, пра́здника.
Пaмzть ўспeніz с™hz равноапcльныz нjны, просвэти1тельницы грyзіи.
На вечeрни, стіхосл0вимъ: Бlжeнъ мyжъ: пeрвый ґнтіфHнъ.
На ГDи воззвaхъ, стіхи6ры на }: прaздника д7 и3 с™hz д7. Ѓще же нёсть tдaніz бGоzвлeніи, с™hz на }, глaсъ д7.
Под0бенъ: Ћкw д0блz:
Непор0чнw возрaстшаz, въ вёрэ крёпкаz настaвнице ївeріи, бlжeннаz нjно, рабо2 всёхъ и3скупи1телz хrтA бGа, съ весeліемъ вослёдъ тогw2 теклA є3си2, и3 лю1демъ проповёдала є3си2 и4стиннаго бGа, и3 научи1ла є3си2 | tрещи1сz t јдwлъ бездyшныхъ, показyющи пyть и4стины. Двaжды.
Въ руцЁ держaщи чудeсъ знaменіе, и3з8 л0зъ віногрaдныхъ крeстъ честнhй, бlжeннаz с™az нjна, си1лою є3гw2 во грaдэ мцхeтэ сотвори2 мнHга чудесA. Тёмже є3ли1цы пр0повэдь є3S пріsша, и3сцэли1шасz t нeмощи, и3 бGа прослaвиша.
T зaпада къ вост0ку пришeдшую, и3 лю1ди во тьмЁ сэдsщыz ўчeніемъ хrт0вымъ просвэти1вшую, и3 вс‰ јвєрскаz племенA ко хrтY бGу привeдшую, цари6 же и3 кн‰зи и3стукaнwмъ порабощє1нныz и3збaвльшую си1лою б9іею, слaвимъ с™yю равноапcльную нjну, ћкw свободи2 | t лeсти јдwльскіz.
И$ны стіхи6ры, глaсъ }.
Под0бенъ: Q преслaвнагw чудесE!
Пріиди1те днeсь, вси2 вёрніи, соглaснw ўбlжи1мъ сосyдъ бlгодaти, нjну с™yю, ћкw ґпcлwмъ ўпод0бисz, и3 пріи1де во страны2 јвєрскіz, и3 њблистaсz бlгодaтію б9іею: q бlжeннаz, въ п0двизэхъ твои1хъ, за ны2 тоб0ю содёzнныхъ, бyди нaмъ застyпница пред8 гDемъ. Двaжды.
Q чудесE ди1внагw, ћкw ст0лпъ животв0рный и3 слaвный мlтвами жены2 воздвизaетсz. Днeсь хrтA бGа славосл0вzтъ лю1діе јверстіи: си6лы же ґрмaза и3 зaдена вспsть ўстремлsютсz. Q хrтE, толи1кую млcть даровaлъ є3си2 нaмъ раб0ю твоeю нjною, и3 т0ю спaслъ є3си2 дyшы нaшz, ћкw многомлcтивъ.
Q чудесE чудeсъ, ћкw немощн0е є3стество2 жены2 t хrтA гDа б9eственнэ ўкрэплsетсz, и3 сeю странA јверскаz просвэщaетсz: вёра бо разсёz мрaкъ јдwльскій и3 kви2 нaмъ сlнце прaвды хrтA бGа.
Слaва, глaсъ в7:
Пріиди1те, вси2 вёрніи, восхвaлимъ цэвни1цу д¦а с™aгw, ўбlжи1мъ настaвницу бlгочeстіz, врачевaніе дyшъ и3 тэлeсъ нaшихъ, цвёты словeсъ ўвzзeмъ равноапcльную проповёдницу и3 бlговёстницу, свэтозaрное свэти1ло ївeріи, трубY бGоглaсную, нjну бGомyдрую, пречcтыz бGомaтере прехвaльную ўчени1цу, и3 тaкw є4й возопіи1мъ: рaдуйсz, голуби1це непор0чнаz и3 г0рлице чи1стаz: рaдуйсz, настaвнице бGовёдэніz: рaдуйсz, сподви1жнице с™hхъ ґпcлъ пavла и3 ґндрeа: рaдуйсz, ївeрійцєвъ просвэщeніе и3 слaво всегw2 мjра.
И# нhнэ, прaздника:
Приклони1лъ є3си2 главY п®тeчи:
Вх0дъ. Прокjменъ днE. Чтє1ніz три2.
Соб0рнагw послaніz їwaннова чтeніе, главы6 G и3 д7.
Возлю1бленніи, ѓще сeрдце нaше не зaзритъ нaмъ, дерзновeніе и4мамы къ бGу. И# є3гHже ѓще пр0симъ, пріeмлемъ t негw2: ћкw зaпwвэди є3гw2 соблюдaемъ, и3 ўгHднаz пред8 ни1мъ твори1мъ. И# сіS є4сть зaповэдь є3гw2, да вёруемъ во и4мz сн7а є3гw2 ї}са хrтA, и3 лю1бимъ дрyгъ дрyга, ћкоже дaлъ є4сть зaповэдь нaмъ. И# соблюдazй зaпwвэди є3гw2, въ нeмъ пребывaетъ, и3 т0й въ нeмъ: и3 њ сeмъ разумёемъ, ћкw пребывaетъ въ нaсъ, t д¦а, є3г0же дaлъ є4сть нaмъ. Возлю1бленніи, не всsкому дyху вёруйте, но и3скушaйте, дyхи, ѓще t бGа сyть: ћкw мн0зи лжепрор0цы и3зыд0ша въ мjръ. Њ сeмъ познавaйте д¦а б9іz и3 дyха лeстча. Всsкъ д¦ъ, и4же и3сповёдуетъ ї}са хrтA во пл0ти пришeдша, t бGа є4сть. И# всsкъ дyхъ, и4же не и3сповёдуетъ ї}са хrтA во пл0ти пришeдша, t бGа нёсть: и3 сeй є4сть ґнтjхрістовъ, є3г0же слhшасте, ћкw грzдeтъ, и3 нhнэ въ мjрэ є4сть ўжE. Вы2 t бGа є3стE, ч†дца, и3 побэди1сте тёхъ, ћкw б0лій є4сть и4же въ вaсъ, нeжели и4же въ мjрэ. Nни2 t мjра сyть, сегw2 рaди t мjра глаг0лютъ, и3 мjръ тёхъ послyшаетъ. Мы2 t бGа є3смы2: и4же знaетъ бGа, послyшаетъ нaсъ: и3 и4же нёсть t бGа, не послyшаетъ нaсъ.
Соб0рнагw послaніz їwaннова чтeніе, главA д7.
Возлю1бленніи, ѓще си1це возлюби1лъ є4сть нaсъ бGъ, и3 мы2 д0лжни є3смы2 дрyгъ дрyга люби1ти. БGа никт0же нигдёже ви1дэ. Ѓще дрyгъ дрyга лю1бимъ, бGъ въ нaсъ пребывaетъ, и3 любы2 є3гw2 совершeнна є4сть въ нaсъ. Њ сeмъ разумёемъ, ћкw въ нeмъ пребывaемъ, и3 т0й въ нaсъ, ћкw t д¦а своегw2 дaлъ є4сть нaмъ. И# мы2 ви1дэхомъ и3 свидётельствуемъ, ћкw nц7ъ послA сн7а сп7си1телz мjру. И$же ѓще и3сповёсть, ћкw ї}съ є4сть сн7ъ б9ій, бGъ въ нeмъ пребывaетъ, и3 т0й въ бз7э. И# мы2 познaхомъ, и3 вёровахомъ люб0вь, ю4же и4мать бGъ въ нaсъ. БGъ любы2 є4сть, и3 пребывazй въ любви2, въ бз7э пребывaетъ, и3 бGъ въ нeмъ пребывaетъ.
Соб0рнагw послaніz їwaннова чтeніе, главы6 д7 и3 є7.
Возлю1бленніи, ѓще кто2 речeтъ, ћкw люблю2 бGа, ґ брaта своего2 ненави1дитъ, л0жь є4сть: и4бо не любsй брaта своегw2, є3г0же ви1дэ, бGа, є3гHже не ви1дэ, кaкw м0жетъ люби1ти; И# сію2 зaповэдь и4мамы t негw2, да любsй бGа лю1битъ и3 брaта своего2. Всsкъ вёруzй, ћкw ї}съ є4сть хrт0съ, t бGа рождeнъ є4сть: и3 всsкъ любsй р0ждшаго лю1битъ и3 рождeннаго t негw2. Њ сeмъ вёмы, ћкw лю1бимъ ч†да б9іz, є3гдA бGа лю1бимъ и3 зaпwвэди є3гw2 соблюдaемъ. Сі‰ бо є4сть любы2 б9іz, да зaпwвэди є3гw2 соблюдaемъ: и3 зaпwвэди є3гw2 т‰жки не сyть. Ћкw всsкъ рождeнный t бGа побэждaетъ мjръ: и3 сіS є4сть побёда побёждшаz мjръ, вёра нaша. Кто2 є4сть побэждazй мjръ, т0кмw вёруzй, ћкw ї}съ є4сть сн7ъ б9ій;
Ѓще твори1мъ бдёніе, на літjи стіхи6ры прaздника.
На стіх0внэ стіхи6ры, глaсъ №:
Рождeннаго t дв7ы хrтA бGа бlжeннаz дёва нjна возлюби2, да вeліимъ глaсомъ возвэсти1тъ племенHмъ јвєрскимъ с™0е и4мz є3гw2. СегH бо рaди нбcный жени1хъ хrт0съ гDь дадE є4й даров†ніz с™aгw д¦а, и3 содёла ю5 равноапcльну, ћкw сосyдъ бlгодaти д¦0вныz, и3 є4ю даровA нaмъ сп7сeніе, ћкw чlвэколю1бецъ.
Стjхъ: Во всю2 зeмлю и3зhде вэщaніе и4хъ, и3 въ концы2 вселeнныz глаг0лы и4хъ.
И#дёже бlгоухaша стwпы2 тво‰, хrтE, женишE свётлый, тaмw шeствова с™az цэломyдреннаz невёста твоS, бlжeннаz нjна, голуби1ца чи1стаz, г0рлица бlголёпнаz, лaстовица сладкоглaснаz, и3 воню2 мЂра твоегw2 њбонsвши, глaсомъ вeліимъ с™0е твоE и4мz возвэсти2, и3 си1лою крёпкою вс‰ јвєрскіz и3 картали6нскіz лю1ди вёровати въ б9ество2 твоE научи2.
Стjхъ: Нб7сA повёдаютъ слaву б9ію, творeніе же рукY є3гw2 возвэщaетъ твeрдь.
Ўстрашeннаz си1ла тьмы2 сётуетъ: діaволъ побэждeнъ бhсть. Ґрмaза порази2 гр0мъ: зaдена пости1же гнёвъ нбcный. Крeстъ воздви1жесz, и3 с™az купёль бlгодaтнагw кRщeніz tкрhсz нaмъ ў столпA животв0рнагw. Тёмже и3 мы2 ч†да б9іz, воспріи1мше кRщeніе твоeю њ хrтЁ пр0повэдію, нjно всехвaльнаz, д¦0внэ весели1мсz, и3 хrтA бGа воспэвaемъ њбновлeнніи.
Слaва, глaсъ }:
Чaшу бlгодaти, и3зліsньми д¦а с™aгw, бlжeннаz нjно, въ цRкви богaтнw раствори1ла є3си2: сегw2 рaди преслaвное торжество2 твоE на вeчерю призывaетъ вс‰ вBрныz, ±же бlгодaть д¦а б9іz возроди2 въ купёли с™aгw кRщeніz. Тёмже вси2 во хrтA њблeкшіисz да восхвaлzтъ бGа пёсньми, и3 прaзднующе днeсь, да величaютъ бGосвётлую трbцу, си1це глаг0люще: б9е чудотв0рче вседержи1телю, сохрани2 нaсъ и3сповёдающихъ тS.
И# нhнэ, прaздника.
Тропaрь, глaсъ д7:
Сл0ва б9іz служи1тельнице, во ґпcльстэй пр0повэди первозвaнному ґндрeю и3 пр0чымъ ґпcлwмъ подражaвшаz, просвэти1тельнице ївeріи, и3 д¦а с™aгw цэвни1це, с™az равноапcльнаz нjно, моли2 хrтA бGа сп7сти1сz душaмъ нaшымъ.
Слaва, и3 нhнэ, прaздника.
Ѓще же твори1мъ бдёніе, тропaрь с™hz, двaжды, и3 прaздника. Е#ди1ножды.
На ќтрени, На БGъ гDь, тропaрь прaздника, двaжды. Слaва, с™hz. И# нhнэ, прaздника.
По №-мъ стіхосл0віи сэдaленъ, глaсъ G:
Всю2 странY нaшу сл0вомъ д¦0внымъ, равноапcльнаz нjно, њроси1ла є3си2, и3 тaкw плодон0сну сію2 сотвори1ла є3си2, во є4же произрасти1ти сёмz вёры: концы2 вселeнныz просвэти1ла є3си2, и3 невёріz плeвелы и3ст0ргла є3си2, крести1вши јвєрскіz kзhки во и4мz трbцы безначaльныz.
Слaва, глaсъ }.
Пріиди1те вси2, воспои1мъ равноапcльную нjну, бGомyдрую просвэти1тельницу ївeріи: тa бо лeсть јдwльскую, tгнA, t тьмы2 ко свёту нaсъ привeдши, и3 трbцу є3диносyщную слaвити научи2. Тёмже вси2 вёрніи прaзднуимъ честнyю пaмzть є3S съ вёрою, и3 прослaвимъ сп7са нaшего.
И# нhнэ, прaздника.
По в7-мъ стіхосл0віи сэдaленъ, глaсъ }.
Митроп0ліе с™az, цRкве красото2, весели1сz и3 рaдуйсz, ћкw свётлое прaзднество њсновaвшіz тS проповёдницы є3ђліа совершaетсz, мaтере нaшеz нjны равноапcльныz, и3 съ нaми возопjй: хrтE б9е, тоS мlтвами ўтверди2 вёру твою2.
Слaва, и3 нhнэ, прaздника.
На полmелeи величaніе:
Величaемъ тS, с™az равноапcльнаz нjно, всю2 странY јверскую свётомъ є3ђліа просвэти1вшую и3 ко хrтY привeдшую.
Pал0мъ и3збрaнный: Нб7сA повёдаютъ слaву б9ію:
По полmелeи сэдaленъ, глaсъ }:
Пред8избрaннаz t бGа мaти, ґпcлwвъ чи1нъ взeмши, свётомъ є3ђліа странY јверскую просвэти1ла є3си2, со ѓгGлы пэсносл0вzщи и3збaвителz и3 молsщисz непрестaннw њ нaсъ, ћкw да бlгодaть и3 млcть хrт0съ нaмъ дaруетъ.
Слaва, и3 нhнэ, прaздника.
Тaже, степє1нна, №-й ґнтіфHнъ д7-гw глaса.
Прокjменъ: Во всю2 зeмлю и3зhде вэщaніе и4хъ, и3 въ концы2 вселeнныz глаг0лы и4хъ.
Стjхъ: Нб7сA повёдаютъ слaву б9ію:
Всsкое дыхaніе:
Е#ђліе t матfeа, зачaло lд t полY:
Во врeмz џно призвA ї}съ nбанaдесzть ў§нки2 сво‰:
По н7-мъ pалмЁ стіхи1ра, глaсъ ѕ7:
Пріиди1те вси2, воспои1мъ равноапcльную нjну:
Сп7си2, б9е, лю1ди твоS:
Џба канw6на прaздника со їрмосы2 на }: и3 с™ёй нjнэ на ѕ7, глaсъ №.
Пёснь №.
Їрм0съ: Сп7сE лю1ди чудодёйствуzй вLка, м0крую м0рz в0лну њземлени1въ дрeвле: в0лею же р0ждьсz t дв7ы, стезю2 прох0дну нб7сE полагaетъ нaмъ. Е#г0же по существY, рaвна же nц7Y и3 человёкwмъ слaвимъ.
Tвeрзи ўстнЁ мои2, хrтE б9е, да восхвалю2 дёву равноапcльную и3 проповёдницу нjну воспою2, и3 просвэти2 ќмъ м0й, да дост0йную цвBты словeсъ ўкрaшу по достоsнію.
РBчи чуждhхъ ти2 племeнъ ўразумёла є3си2, прехвaльнаz нjно, и3 t д¦а с™а ўмудрeна бhвши, въ видёніи самaго гDа ўзрёла є3си2. Тёмже въ земли2 непл0днэй, бGомyдраz дёво, лю1ди јвєрскіz ко хrтY привелA є3си2.
Жестосє1рдыz вaрвары, кумjрwмъ служaщыz, ћкw голуби1ца t зaпада воспари1вшаz, люб0вію твоeю њбрати1ла є3си2 ко творцY, и3 бlгодaтію њбновлє1нныz, невёсто хrт0ва непор0чнаz, женихY твоемY њбручи1ла є3си2.
БGор0диченъ: Сосyдъ бlгостhни твоеS, пречcтаz дв7о бцdе, бhсть с™az дёва, и3 странY, жрeбіемъ тебЁ свидётельствовану, просвэти2. Сегw2 рaди м0лимъ тS: сію2 пріими2 съ тоб0ю въ мlтву њ вопію1щихъ тебЁ: поми1луй жрeбій тв0й.
Катавaсіа: Глубины2 tкрhлъ є4сть дно2:
И# другaz: Шeствуетъ морскyю:
Пёснь G.
Їрм0съ: При1зри на пBніz рабHвъ, бlгодётелю, врагA смирsz вознесeнную гордhню: носsй же, всеви1дче, грэхA превhше непоколeблемw, ўтверждє1ныz, бlже, пэвцы2, њсновaніемъ вёры.
Милосeрдіz рaди своегw2 ми1лостивнw помzнyвъ нaсъ, ўсeрдну бlговёстницу содёла тS бGъ, женY сyщу, мyжескимъ смhсломъ ўкрaшену. И# и3сп0лнену д¦а с™а kви2 нaмъ, и3 твоeю пр0повэдію њ хrтЁ, чрез8 вёру въ него2, нaсъ ўсынови1лъ є4сть.
Покрывaло t сердeцъ нaшихъ безчyвственныхъ tпадE, њтzгчeнный слyхъ нaшъ t глaса пр0повэди твоеS tкрhсz, њмрачeніе ўмA нaшегw разсёzсz свётомъ ўчeніz хrт0ва, тоб0ю возвэщeннагw, q с™az равноапcльнаz нjно, д0блественнаz ўчени1це хrт0ва.
Покланsвшіисz и3ногдA кумjрwмъ, и3 пребывaвшіи во тьмЁ нечeстіz, t лeсти јдwльскіz твои1мъ пришeствіемъ, бlжeннаz нjно, свободи1шасz: ґрмaзъ же вострепетA, є3гдA гр0мъ возгремЁ, и3 неи1стwвства зaдена престaша.
БGор0диченъ: Тоб0ю, бцdе дв7о, t р0ва нечeстіz под8sти бhхомъ, є3гдA ти2 ўг0дно бhсть просвэщeніе нaше жен0ю сотвори1ти: повнегдa же и3зhти нaмъ t купёли с™hz, познaхомъ сн7а твоего2 и3 бGа нaшего бlжeнною нjною.
Кондaкъ и3 јкосъ прaздника. Сэдaленъ, глaсъ в7:
Ћкоже с0лнце незаходи1мое, сlнца прaвды хrтA бGа проповёдница, свэтозaрнаz ѕвэздA, свётлый вселeнныz свэти1льникъ, неwцэнeнное сокр0вище јверскіz страны2, днeсь нjна въ земли2 нaшей сіsетъ и3 бlгоухaетъ, настaвница нaша, равноапcльнаz рабA хrт0ва. Двaжды.
Слaва, и3 нhнэ, прaздника.
Пёснь д7.
Їрм0съ: Р0да человёча њбновлeніе, дрeвле поS, прbр0къ ґввакyмъ предвозвэщaетъ, ви1дэти неизречeннw спод0бивсz w4бразъ: младhй мLнцъ бо и3з8 горы2 дв7ы и3зhде, людeй во њбновлeніе, сл0во.
Ћкоже лeвъ безстрaшна пребhвши, крёпцэ хrтA бGа проповёдала є3си2: пaрfzнъ си1лою чудeсъ ўлови1ла є3си2, гаіанjю же и3 ріpімjю п0двигомъ д0блественнагw и4хъ мyченичества въ дaръ хrтY принеслA є3си2. Т0й же сохрани2 тебE самyю, во є4же просвэти1ти тоб0ю јверскую странY.
Ћкоже nрeлъ, во џчію твоє1ю воз8wбрази1ла є3си2 јверскую странY нaшу, преслaвнаz нjно, и3 с™0ю рeвностію по бз7э разжeгшисz, с™hмъ є3ђліемъ сію2 просвэти1ла є3си2.
Влaсть и3мyщи разгнaти мглY, мyдраго царS просвэти1ла є3си2, равноапcльному царю2 кwнстантjну ўпод0бльшисz, настaвнице нaша и3 врачY смhсленный. Сегw2 рaди ўбlжaемъ и4мz твоE, дёво, проповёднице хrтA, вели1каz равноапcльнаz нjно.
БGор0диченъ: T лeсти јдwльскіz тоб0ю, бцdе, и3збaвлени бhвше лю1діе јверстіи, и4хже тебЁ жрeбій показA, и3 бlговёстіемъ прпdбныz мaтере нaшеz нjны њзарeни бhвше, взывaютъ къ тебЁ: и3збавлeніе нaше, сп7си1 ны, м™и хrтA бGа.
Пёснь є7.
Їрм0съ: И#з8 н0щи дёлъ њмрачeнныz прeлести, њчищeніе нaмъ, хrтE, б0дреннw нhнэ совершaющымъ пёснь, ћкw бlгодётелю, пріиди2 подавazй ўд0бну стезю2, по нeйже востекaюще њбрsщемъ слaву.
Пад0ша јдwли во странЁ јверстэй и3 создaшасz хрaмы гDни тоб0ю, мaти нaша: мh же, ч†да сіHна, тоб0ю просвэщeни бhвше, днeсь прославлsемъ тріmпостaсное б9ество2, слaвимъ честнhй кrтъ хrтA и3 чествyемъ цэльбон0сный хітHнъ є3гw2.
Сhнове тёхъ, и5же t днeй столпотворeніz вавmлHнска ѕлочeстіемъ плэнeни бhша, и3 пёснь гDню воспэвaти не разумёша, нhнэ и3зшeдше t с™hz купёли глаг0лютъ: во хrтA њблек0хомсz, во хrтA крести1вшесz.
Е#гдA цaрствова фараHнъ над8 є3гЂптzны, тjи, во тьмЁ є3гЂпетстэй сэдsще, и4стинному бGу служи1ти не мог0ша: днeсь же мы2, ч†да сіHна, нjною и3збaвлени бhвше, рaдостнw пои1мъ гDеви.
БGор0диченъ: Е#гдA приспЁ ко мнЁ врaчь, прес™az бцdе, тогдA востaхъ t nдрA моегw2 немощствyzй, и3 прпdбною нjною и3збaвихсz t лeсти јдwлъ нечи1стыхъ: сі‰ р0дъ јверскій взывaетъ, глаг0лz: воспэвaю тS, ўповaніе моE, м™и б9іz.
Пёснь ѕ7.
Їрм0съ: Њбитaz їHна въ преисп0днихъ морски1хъ, пріити2 молsщесz, и3 бyрю ўтоли1ти: ўнзeнъ же ѓзъ мyчащагw стрэл0ю, хrтY воспэвaю, ѕHлъ губи1телю, ск0рw пріити2 тебЁ къ моeй лёности.
Возсіsвшу свёту t зaпада, престaни, сёвере, и3 повёй, ю4же: с0лнце бо восх0дитъ разгнaти мглY, и3 бли1зъ є4сть дхновeніе теплоты2, во є4же тazти лeду: сE грzдeтъ проповёдница хrтA, нjна с™az.
T тьмы2 јдwльскіz и3збaвлени бhвше тоб0ю, равноапcльнаz нjно, вси2 лю1діе картали1нстіи воспэвaютъ тS и3 ўмилeннw взывaютъ: tжени2 t нaсъ ѕл0бу, діaвола же и3 супостaты нaшz порази2.
Ўгот0ваннаz тоб0ю при столпЁ животв0рнэмъ и3 мёстэ хранeніz хітHна гDнz купёль с™az не мертви1тъ младeнцы, но сі‰ возраждaетъ, є3лeемъ с™hмъ ўмащaющи. Тёмже вопіeмъ ти2: рaдуйсz, дёво, равноапcльнаz нjно.
БGор0диченъ: Надeждо непостhднаz надёющихсz на тS, є3ди1на р0ждшаz пaче є3стествA пл0тію хrтA бGа нaшего, того2 со бlжeнною нjною моли2 подaти јверстэй странЁ ўтверждeніе и3 преспёzніе въ вёрэ, и3 всBмъ нaмъ прeжде концA житіS и3справлeніе.
Кондaкъ, глaсъ в7:
Пріиди1те днeсь вси2, воспои1мъ и3збрaнную t хrтA равноапcльную проповёдницу б9іz сл0ва, мyдрую бlговёстницу, лю1ди картали1ніи привeдшу на пyть животA и3 и4стины, бGомaтере ўчени1цу, ўсeрдную застyпницу и3 неусыпaющую храни1тельницу нaшу, нjну прехвaльную.
Јкосъ: Въ гyслехъ д¦0вныхъ да восхвaлитсz мyдраz проповёдница, ївeріи просвэти1тельница, въ купёли крещeніz и3збрaнными пaстырьми њс™и1вшаz лю1ди, жрeбіемъ свидётельствwванныz, равноапcльнаz, возлю1бленнаz рабA хrт0ва, ћже дeсzть зaповэдей б9іихъ пріsтъ, ћкоже мwmсeй бGови1децъ. Пріиди1те u5бо, днeсь ўбlжи1мъ пёсньми ўсeрдную застyпницу и3 неусыпaющую храни1тельницу нaшу, нjну прехвaльную.
Пёснь з7.
Їрм0съ: ВсецRS люб0вію ўловлeнніи џтроцы, ўкори1ша безчи1сленнw kрsщасz мучи1телz ѕлоб0жное љзыковрeдіе. И%мже повинyсz џгнь мн0гіи, вLцэ глаг0лющымъ: во вёки бlгословeнъ є3си2.
Черт0зи царS и3 цари1цы ћкw плённицу и3 стрaнницу тS призрёша: nбaче и3 сі‰ t плёна преисп0днzгw бlгодaтію хrт0вою привелA є3си2 ко хrтY бGу, нjно равноапcльнаz, бlговёстнице сп7сeніz.
ВнегдA воздви1гнути тебЁ ст0лпъ с™hй и3 воздёzти рyцэ твои2, ўстраши1шасz си6лы діaвола и3 со трeпетомъ бэжaщz возрыдaша г0рькw. Мh же вопіeмъ: бlгословeнъ є3си2, хrтE б9е, во вёки.
Возвэщaємымъ словесє1мъ твои6мъ, пад0ша ни1цъ лю1діе, ћкw t глaса трyбъ царeвыхъ, и3 ц†рства и3 цaріе вострепетaша, глаг0люще: q плённице и3 плённыхъ свобождeніе! Бyди бlгословeно пришeствіе твоE.
БGор0диченъ: Ћвэ предречeннаz прbрHки, м™и б9іz, пренепор0чнаz дв7о мRjе, пребывaніемъ твои1мъ во є3гЂптэ съ бGомладeнцемъ, ї}съ хrт0мъ, и3стукaны є3гЂпєтскіz сокруши1ла є3си2 до њсновaній, и3 нjною потреби1ла є3си2 кумjры картали1ніи: бyди бlгословeна, приснодв7о.
Пёснь }.
Їрм0съ: Ўтр0бу неwпaльнw њбразyютъ nтрокови1цы, и5же въ вeтсэмъ њпалsеміи ю4нwши, преестeственнw раждaющую, запечатлёну: nбоs же содэвaющи чудодёйство є3ди1но, лю1ди къ пёнію возставлsетъ бlгодaть.
Пaмzти с™hz нjны подобaетъ прaзднество. Пріиди1те u5бо, вёрніи хrтY: прослaвимъ и3 возбlгодари1мъ млcтиваго бGа. Р0ди же и3 племенA и3 чaда сіHна, въ д¦0внэй рaдости торжествyйте кyпнw съ нaми, глаг0люще: слaва проповёдницэ хrтA и3 бGа нaшегw.
Рaдуйсz, страно2 картали1нскаz, t нjны вэнцeмъ хrт0вымъ вэнчaннаz, свэти1сz и3 бlгоукрашaйсz: призывaетъ бо ны2 равноапcльнаz с™az нjна, свётомъ гDнимъ вс‰ њзарsющи.
Ты2 заповёдала є3си2 нaмъ, равноапcльнаz, вёру свsтw блюсти2, є4йже новоwбращє1нныz лю1ди научи1ла є3си2. Сегw2 рaди вертогрaды, ±же насади1ла є3си2 въ д¦0внэй пaствэ твоeй, посэти2 и3 ўтверди2.
БGор0диченъ: Q м™и хrтA бGа, творцA сyщихъ, спод0бльшійсz тоб0ю жи1зни вёчныz р0дъ картали1нскій храни2, мlтвами нjны бlжeнныz.
Пёснь f7.
Їрм0съ: Люби1ти ќбw нaмъ, ћкw безбёдное стрaхомъ, ўд0бэе молчaніе: люб0вію же, дв7о, пBсни ткaти, спротzжeннw сложє1нныz, неуд0бно є4сть. Но и3, м™и, си1лу, є3ли1ко є4сть произволeніе, дaждь.
Вожделённа нaмъ пaмzть твоS, ди1вно чудодёйство твоE, с™о житіE твоE: вс‰ нaмъ бывaютъ во бlго тоб0ю, нjно цэломyдреннаz.
Пріsтелище мощeй твои1хъ, бlгодaть и3сточaющихъ, ўтверждeніе є4сть странЁ їверjйстэй. Сегw2 рaди и3 взывaетъ къ тебЁ: бlжeннаz нjно, њхранsй нaсъ твои1мъ заступлeніемъ.
Проповёднице и3 просвэти1тельнице, при1зри на пёніе нaше ўмилeнное, и3 ўми1лостиви къ нaмъ гDа: не попусти2 нaмъ, хвалы2 твоеS ревни1телємъ, во грэсёхъ поги1бнути, и3 предстоsщи пrт0лу б9ію, моли2 хrтA бGа сп7сти1сz душaмъ нaшымъ.
БGор0диченъ: Ўслhши молє1ніz н†ша, м™и б9іz, и3 прпdбныz нjны заступлeніемъ tжени2 t нaсъ вс‰ и3скушє1ніz, дaруй нaмъ млcть твою2, и3 побёду на враги2.
Свэти1ленъ.
Под0бенъ: Посэти1лъ ны2 є4сть вост0къ свhше:
Равноапcльнаz проповёднице и3 бlговёстнице хrт0ва, t навBтъ врaжіихъ и3збавлsющаz ны2! Ѓще и3 въ нёдрэхъ земли2 сокровeна є3си2 t џчію нaшєю, nбaче живA пребывaеши ў пrт0ла хrтA бGа нaшегw: бyди u5бо застyпница ўсeрднw чтyщымъ тS. Двaжды.
Слaва, и3 нhнэ, прaздника.
На хвали1техъ стіхи6ры на ѕ7: прaздника G и3 с™hz G, глaсъ №:
Рaдуйсz, цRковь б9іz, со чaды твои1ми, бlжeнныz нjны соб0ру слaвному: рaдуйсz и3 состaви д¦0вное торжество2, въ є4же пёти проповёдницу нaшу, цrтвіz нбcнагw равноапcльную бlговёстницу. Двaжды.
Знaменіе д¦0вное, с™hй кrтъ хrт0въ запечатлЁ нaсъ, пріeмшихъ пр0повэдь нjны бlжeнныz. Тёмже и3 воскли1кнемъ глаг0люще: q животворsщій кrте гDень! Храни2 вс‰ ны2: во хrтa бо крести1хомсz и3 во хrтA њблек0хомсz. Тh же, хrтE б9е, сп7си2 лю1ди тво‰.
Слaва, глaсъ в7:
Днeсь си6лы нбcныz съ земнhми рaдуютсz: днeсь странA картали1нскаz, кrт0мъ њграждeннаz, њблекaетсz си1лою, и3 р0гъ цRкве возн0ситсz: днeсь хрaмъ прес™hz бцdы пaмzтію с™hz нjны бlголёпнw ўкрашaетсz. Мh же вёрніи воспои1мъ хrтA, бGа же и3 чlвёка, и3 возопіи1мъ: слaва въ вhшнихъ бGу.
И# нhнэ, прaздника.
Славосл0віе вели1кое. По трис™ёмъ тропaрь с™ёй. Слaва, и3 нhнэ, прaздника. Е#ктєніи2, и3 tпyстъ.
На літургjи: Бlжє1нна t канHна бGоzвлeній и3 с™hz, пёснь G-z и3 ѕ7-z.
Прокjменъ, глaсъ }:
Во всю2 зeмлю и3зhде вэщaніе и4хъ, и3 въ концы2 вселeнныz глаг0лы и4хъ.
Стjхъ: Нб7сA повёдаютъ слaву б9ію, творeніе же рукY є3гw2 возвэщaетъ твeрдь.
Ґпcлъ къ корjнfzнwмъ, зачaло рlа:
Брaтіе, бGъ ны2 послaнники послBдніz kви2:
Ґллилyіа, глaсъ №: И#сповёдzтъ нб7сA чудесA тво‰, гDи.
Стjхъ: БGъ прославлsемь въ совётэ с™hхъ.
Е#ђліе t матfeа, зачaло Rд.
РечE гDь при1тчу сію2: ўпод0бисz цrтвіе нбcное десzти1мъ дёвамъ:
Причaстенъ: Во всю2 зeмлю и3зhде вэщaніе и4хъ:
Прпdбныхъ nтє1цъ нaшихъ, въ сінaи и3 раjfэ и3збіeнныхъ.
Поeмъ всю2 слyжбу препод0бныхъ въ Gi дeнь. Понeже въ сjй дeнь tдаeтсz прaздникъ просвэщeніz, и3 поeтсz слyжба прaздника.
Вeчеръ: Nбhчнаz каfjсма, на ГDи, воззвaхъ, стіхи6ры на ѕ7: поє1мыz на сaмый прaздникъ. Слaва, и3 нhнэ: Приклони1лъ є3си2 главY п®тeчи: Прокjменъ днE. Вх0да нёсть, паремjй не чтeмъ. Тaже, Спод0би, гDи: и3 є3ктеніA, И#сп0лнимъ вечeрнюю моли1тву: На стіх0внэ стіхи6ры прaздника, со стіхи2 и4хъ. Слaва, и3 нhнэ, прaздника. По Нhнэ tпущaеши, и3 по трис™0мъ тропaрь прaздника. Тaже є3ктеніA, Поми1луй нaсъ, б9е: и3 tпyстъ. С™aго же, и4же на рzдY, поминaемъ на tпyстэ. Воyтріе полyнощницу поeмъ по nбhчаю съ каfjсмою, и3 тропари2 глаг0лемъ рzдовы6z. И# моли1тву глаг0лемъ: Помzни2, гDи, въ надeжди воскресeніz: И# tпyстъ.
На ќтрени: На БGъ гDь, тропaрь прaздника три1жды. По каfjсмахъ сэдaльны прaздника. И# чтeніе прaздника. КанHнъ пeрвый со їрмос0мъ на }: другjй канHнъ со їрмос0мъ на ѕ7. Їрмосы2 поeмъ nбою2 канHнwвъ по двaжды. Катавaсіа, їрм0съ поeмъ пeрвагw канHна, на сх0дэ. По G-й пёсни v3пакои2, глaсъ є7: Е#гдA kвлeніемъ твои1мъ: По ѕ7-й пёсни кондaкъ прaздника, и3 јкосъ. На f7-й пёсни Честнёйшую не поeмъ, но поeмъ припёвы прaздника, ћкоже и3 на сaмый прaздникъ. Свэти1ленъ прaздника є3ди1ножды. Слaва, и3 нhнэ, т0йже. На хвали1техъ стіхи6ры прaздника, на д7. Слaва, глaсъ ѕ7: Водaми їoрдaнскими: И# нhнэ, глaсъ в7: Днeсь хrт0съ на їoрдaнъ: И# славосл0віе вели1кое. По Трис™0мъ тропaрь прaздника. Е#ктєніи2, и3 tпyстъ. И# nбhчное и3схождeніе въ притв0ръ. И# чaсъ №-й тропaрь и3 кондaкъ прaздника.
На літургjи: Бlжє1нна, nбои1хъ канHнwвъ пёснь f7, на }. ҐнтіфHнwвъ же прaздника не глаг0лемъ. По вх0дэ тропaрь прaздника. Слaва, и3 нhнэ, кондaкъ прaздника. Тaже Трис™0е. Прокjменъ, Ґллилyіа и3 причaстенъ прaздника. Ґпcлъ и3 є3ђліе днE.
Подобaетъ вёдати, ѓще случи1тсz tдaніе бGоzвлeніz въ недёлю прeжде мытарS и3 фарісeа.
Въ суббHту на мaлэй вечeрни: На ГDи, воззвaхъ, стіхи6ры воскрє1сны: Слaва, и3 нhнэ, прaздника. На стіх0внэ стіхи1ра воскрeсна є3ди1на, и3 прaздника, стіх0вна со стіхи2 свои1ми, вели1кіz вечeрни. Слaва, и3 нhнэ, прaздника: Днeсь хrт0съ: пи1санъ на хвали1техъ.
На вели1цэй вечeрни: По nбhчной стіхол0гіи. На ГDи, воззвaхъ, стіхи6ры воскрє1сны G, и3 вост0ченъ є3ди1нъ: и3 прaздника ѕ7, поє1мыz на сaмый прaздникъ. Слaва, прaздника: И# нhнэ, бGор0диченъ №-й глaса. На літjи стіхи6ры, и3 Слaва, и3 нhнэ, прaздника. На стіх0внэ стіхи6ры воскрє1сны. Слaва, и3 нhнэ, прaздника. На бlгословeніи хлёбwвъ тропaрь: Бцdе дв7о, двaжды: и3 прaздника є3ди1ножды. И# чтeніе въ послaніихъ ґпcтольскихъ. Ѓще же нёсть бдёніz. По Нhнэ tпущaеши, тропaрь воскрeсенъ. Слaва, и3 нhнэ, прaздника. На повечeріи по Дост0йнэ, по Џ§е нaшъ, кондaкъ прaздника.
На ќтрени: На БGъ гDь, тропaрь воскрeсенъ двaжды. Слaва, и3 нhнэ, прaздника. По каfjсмахъ сэдaльны воскрє1сны, съ бGорHдичны и4хъ. И# чтeніе. Тaже непорHчны, съ тропари2: ЃгGльскій соб0ръ, v3пакои2 глaса. Степє1нна. Прокjменъ, Всsкое дыхaніе: Е#ђліе воскрeсно, и3 пр0чее воскрeсно и3 до канHна. КанHнъ воскрeсенъ со їрмос0мъ на д7, и3 бцdэ на двA: и3 прaздника џба канHна на }. Катавaсіа прaздника. По G-й пёсни кондaкъ прaздника, и3 јкосъ, и3 v3пакои2 прaздника, и3 чтeніе прaздника. По ѕ7-й пёсни кондaкъ воскrнъ и3 јкосъ, и3 чтeмъ пр0логъ. На f7-й пёсни поeмъ Честнёйшую: Свэти1ленъ воскрeсенъ. Слaва, и3 нhнэ, прaздника. На хвали1техъ стіхи6ры воскрє1сны д7: и3 прaздника д7, со Слaвнымъ, съ припёвы и4хъ. Слaва, стіхи1ра є3ђльскаz: И# нhнэ, Пребlгословeнна є3си2, бцdе дв7о: Славосл0віе вели1кое. По Трис™0мъ, тропaрь воскрeсенъ т0чію, є3ктєніи2, и3 tпyстъ: и3 њглашeніе, и3 и3схождeніе nбhчное въ притв0ръ. И# чaсъ №-й, и3 конeчный tпyстъ. На часёхъ тропaрь воскрeсенъ, Слaва, прaздника: И# нhнэ, бGор0диченъ часHвъ. По Џ§е нaшъ, кондaкъ прaздника и3 воскрeсенъ, глаг0лемъ премэнsюще.
На літургjи: Бlжє1нна глaса на ѕ7: и3 прaздника пёснь f7-z nбои1хъ канHнwвъ на д7. По вх0дэ тропaрь воскрeсенъ, и3 прaздника. Слaва, кондaкъ воскrнъ: И# нhнэ, прaздника. Прокjменъ, Ґпcлъ и3 є3ђліе, недёли рsдъ. Ґллилyіа и3 причaстенъ прaздника, и3 днE.
Зри1мъ же и3 сегw2 ўказaніz.
Ѓще приспёетъ въ д7i їаннуaріа недёлz њ мытари2 и3 фарісeи, на tдaніе бGоzвлeніz, поeмъ воскрeсно, и3 тріHди, и3 прaздника.
Въ суббHту вeчера, на мaлэй вечeрни: Стіхи6ры воскрє1сны, на д7. Слaва, и3 нhнэ, бGор0диченъ №-й глaса, мaлыz вечeрни. На стіх0внэ стіхи1ра воскrна є3ди1на: и3 прaздника стіх0вна вели1кіz вечeрни со стіхи2 є3S. Слaва, и3 нhнэ, прaздника: Днeсь хrт0съ: пи1санъ на хвали1техъ. По Трис™0мъ тропaрь воскrнъ: Слaва, и3 нhнэ, прaздника. Е#ктеніA мaлаz, и3 tпyстъ.
На вели1цэй вечeрни: Бlжeнъ мyжъ, каfjсму всю2: на ГDи, воззвaхъ, стіхи6ры воскрє1сны, глaса G, и3 тріHди G, со Слaвнымъ, и3 прaздника д7, поє1мыz на сaмый прaздникъ, Слaва, прaздника. И# нhнэ, бGор0диченъ №-й глaса. Вх0дъ, прокjменъ днE. На літjи стіхи6ры прaздника, и3 тріHди самогл†сны: Фарісeа велехвaльный глaсъ: Слaва, мытарS и3 фарісeа: И# нhнэ, прaздника. На стіх0внэ стіхи6ры воскрє1сны: Слaва, тріHди: И# нhнэ, прaздника. На бlгословeніи хлёбwвъ, тропaрь, Бцdе дв7о: двaжды, и3 прaздника, є3ди1ножды, и3 чтeніе. Ѓще же нёсть бдёніz, по Нhнэ tпущaеши, тропaрь воскрeсенъ: Слaва, и3 нhнэ, прaздника. На повечeріи по Дост0йнэ: по Џ§е нaшъ, кондaкъ прaздника: Слaва, и3 нhнэ, тріHди.
На ќтрени: На БGъ гDь, тропaрь воскрeсенъ двaжды. Слaва, и3 нhнэ, прaздника. По каfjсмахъ сэдaльны воскрє1сны, съ бGорHдичны и4хъ. И# чтeніе во є3ђліи толков0мъ. И# непорHчны: v3пакои2 глaса, и3 чтeніе. Степє1нна, и3 прокjменъ глaса, и3 є3ђліе воскрeсно. Воскресeніе хrт0во: Pал0мъ н7. Слaва, Покаsніz: И# нhнэ, На спасeніz стези6: тaже, Поми1луй мS, б9е: и3, Мн0жєства содёzнныхъ мн0ю лю1тыхъ: КанHнъ воскрeсенъ: со їрмос0мъ на д7, и3 тріHди на д7: и3 прaздника џба канHна на ѕ7. Катавaсіа прaздника. По G-й пёсни кондaкъ и3 јкосъ, и3 сэдaленъ тріHди. Слaва, и3 нhнэ, прaздника. По ѕ7-й пёсни кондaкъ и3 јкосъ прaздника: На f7-й пёсни поeмъ Честнёйшую: Свэти1ленъ воскрeсенъ: Слaва, тріHди: И# нhнэ, прaздника. На хвали1техъ стіхи6ры воскрє1сны д7: и3 прaздника со Слaвнымъ д7, съ припёвы и4хъ. Слaва, самоглaсенъ тріHди: И# нhнэ, Преблагословeнна є3си2, бцdе дв7о: Славосл0віе вели1кое. По Трис™0мъ тропaрь воскрeсенъ т0чію, є3ктеніи6, и3 tпyстъ, и3 и3схождeніе въ притв0ръ. Слaва, и3 нhнэ, стіхи1ра є3ђльскаz. И# чaсъ №-й. И# совершeнный tпyстъ. На №-мъ часЁ тропaрь воскрeсенъ, Слaва, прaздника: И# нhнэ, бGор0диченъ часHвъ. По Трис™0мъ кондaкъ тріHди. Тaкожде и3 на G-мъ, и3 на ѕ7-мъ, и3 на f7-мъ часёхъ глаг0лемъ тропари2: кондаки1 же прaздника и3 тріHди, премэнsюще глаг0лемъ.
На літургjи: Бlжє1нна глaса на д7: и3 тріHди пёснь G, на д7: и3 прaздника пёснь f7, на д7. По вх0дэ тропaрь воскрeсенъ, и3 прaздника. Слaва, кондaкъ тріHди: И# нhнэ, прaздника. Прокjменъ глaса, и3 прaздника. Ґпcлъ и3 є3ђліе днE. Причaстенъ: Хвали1те гDа съ нб7съ: Другjй, прaздника.
Очікується текст
