Вересень * Жовтень * Листопад * Грудень * Січень * Лютий * Березень * Квітень * Травень * Червень * Липень * Серпень * Богородичний додаток
| ← В 16-й день | В 18-й день → |
День 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
В 17-й день
Свята́го великому́ченика Фео́дора Ти́рона
На Го́споди, воззва́х: стихи́ры на 6, глас 2.
Подо́бен: Егда́ от Дре́ва:
Дар Христо́с богатотво́рен тя вселе́нней подаде́,/ я́ко Благоде́тель Бог,/ дар твой, че́стную кровь, Фео́доре,/ Того́ ра́ди излия́нную/ и Богоче́стия ре́вностию приноси́мую Ему́, прие́м./ Ему́же ны́не благоче́стным дерзнове́́нием, му́чениче, предстоя́,/ вся, и́же к тебе́ притека́ющия, спаса́й.
Столп еси́ тве́рд, сопроти́вных наше́ствия отрева́я,/ побо́рник непобеди́м хваля́щим тя,/ скоре́йше́е заступле́ние, те́плое предста́тельство,/ тщате́льное избавле́ние, о́бщая по́мощь,/ моли́твенник сильне́йший, блаже́нне,/ избави́тель гото́вейший,/ всем, ве́рно моля́щим тя, Фео́доре.
Име́я пото́к сла́дости и оставле́ния во́ду/ Христа́ Благопремени́теля,/ свиде́тель и́стиннейший Того́ быв,/ пото́ков изба́ви мя грехо́вных,/ во́ду ми утиши́ непостоя́нную,/ уста́ви напа́стей бу́ри,/ упра́ви к Вы́шней тишине́, достоблаже́нне Фео́доре.
И́ны стихи́ры, глас 4.
Подо́бен: Я́ко до́бля:
Ревностию Боже́ственною дви́жим/ и душе́ю распаля́емь, любо́вию, сла́вне, Спа́са Христа́,/ с хра́мом попали́л еси́ боги́ню лжеиме́нную,/ Вла́дыки и Бо́га возвеща́я и́мя,/ и посрами́л еси́ му́чителей шата́ния, страстоте́рпче,/ и ра́дости ве́чней/ сподо́бился еси́, Фео́доре.
На высоту́, Фео́доре, Христо́ва разуме́ния возшед,/ прете́кл еси́ ви́димая,/ и Сего́ то́кмо взыска́л еси́,/ и, обре́т, возлюби́л еси́,/ и до́блественною душею Того́ ра́ди пострада́л еси́./ Его́же моли́ от тли и бед изба́витися/ ве́рою творя́щим/ пресла́вную па́мять твою́.
Богодаро́ванною си́лою,/ страстоте́рпче Фео́доре,/ и подви́жными ра́нами обло́жен,/ Царю́ всея тва́ри предста́л еси́, Христу́ Бо́гу,/ венцы́ от Него́ по́чести прие́мля./ егоже моли́/ от тли и бед изба́витися/ ве́рою творя́щим/ пресла́вную па́мять твою́.
Сла́ва, глас 6.
Самогласен: Свяще́ния дар и бога́тство Бо́жественный жи́зни/ яви́лся еси́ ми́ру, Фео́доре,/ Христо́с бо твою́, му́дре, па́мять просла́ви,/ в не́йже согла́сно, ве́рнии, ра́дующеся, пое́м/ по́двиги боле́зней твои́х.
И ны́не, Богоро́дичен или Крестобогоро́дичен.
Подо́бен: Всю отложи́вше:
Ору́жие, я́коже рече́ Симео́н, се́рдце Твое́ про́йде,/ Пречи́стая Влады́чице,/ егда́ узрела еси́ из Тебе́ возсия́вшаго/ неизрече́нным сло́вом,/ от беззако́нных я́ко осуждена́ возноси́ма на Крест,/ о́цтом и же́лчию напая́емаго,/ ре́бра же пробода́ема,/ и ру́це и но́зе пригвожда́емы/ и, рыда́ющи, восклица́ла еси́, ма́терски вопию́щи:/ что сие́, Ча́до сладча́йшее, но́вое та́инство?
На стихо́вне Окто́иха.
Сла́ва, глас 8:
Самогласен: Страда́льческим му́жеством благоче́стно вооружи́вся, страстоте́рпче Христо́в,/ и слове́сней слу́жбе та́йно спобора́я си́лою Его́,/ и́дольское злоче́стие и мучи́тельское преще́ние не́мощно показа́л еси́,/ неради́в о му́ках и време́ннем огни́./ Но, о, Боже́ственных даро́в! и вещь, и и́мя,/ от вся́каго обстоя́ния моли́твою твое́ю спаса́й/ соверша́ющия па́мять твою́.
И ны́не, Богоро́дичен или Крестобогоро́дичен:
Подо́бен: О, пресла́внаго чудесе́!
Юни́ца нескве́рная,/ Юнца́ ви́дящи на Дре́ве,/ пригвожда́ема во́лею,/ рыдающи жа́лостне, –/увы́ Мне, – вопияше, – люби́мейшее Ча́до:/ что Ти сонм воздаде́ безблагода́тный евре́йский,/ хотя́ Мя обезча́дствовати/ от Тебе́, Вселюбе́зне?
Тропа́рь, глас 2:
Ве́лия ве́ры исправле́ния,/ во исто́чнице пла́мене, я́ко на воде́ упокое́ния,/ святы́й му́ченик Фео́дор ра́довашеся:/ огне́м бо всесоже́гся,/ я́ко хлеб сла́дкий Тро́ице принесе́ся./ Того́ моли́твами, Христе́ Бо́же, спаси́ ду́ши на́ша.
На у́трени
О́ба кано́на Окто́иха и свята́го, на 6. Кано́н (его́же краегране́сие: Призыва́ющий тя спаса́й, всеблаже́нне). Глас 8.
Песнь 1
Ирмо́с: Во́ду прошед, я́ко су́шу,/ и еги́петскаго зла избежа́в,/ израильтя́нин вопия́ше:/ Изба́вителю и Бо́гу на́шему пои́м.
Боже́ственным по́двигом, му́чениче Христо́в, подви́гся и тече́ние сконча́в,/ ве́ру соблю́л еси́ Боже́ственную,/ пра́вды обре́л еси́ вене́ц.
Преесте́ственну сла́ву от Христа́ прии́м, страстоте́рпче,/ зе́млю всю обхо́диши, избавля́я вся,/ ве́рою с благогове́нием к тебе́ притека́ющия.
Небе́сный, сла́вне, ликовник, со безплотными сый,/ на земли́ призыва́ющий тя от бед и напа́стей избавля́й.
Богоро́дичен: Прему́дрость и Сло́во О́тчее несказа́нно ро́ждшая,/ души́ мое́й лю́тую исцели́ я́зву и се́рдца боле́знь укроти́.
Песнь 3
Ирмо́с: Ты еси́ утвержде́ние притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.
Огнь муче́ний тя не устраши́,/ темже огнь напа́стей к тебе́ прибега́ющим/ утиша́еши, Фео́доре.
Изба́ви моли́твами твои́ми одержа́щия мя печа́ли, му́чениче Христо́в,/ все углажда́я жите́йское стропо́тство.
Все се́рдце мое́ и помышле́ние простира́ю к тебе́ и ду́шу,/ твоея́, страстоте́рпче, по́мощи тре́буя.
Богоро́дичен: Уст́ви непостоя́нное помышле́ний мои́х смуще́ние, Ма́ти Божия,/ е́же к Сы́ну Твоему́ направля́ющи движе́ние.
Седа́лен, глас 4.
Подо́бен: Вознесы́йся:
Му́ченическими добро́тами укра́шен,/ Царю́ Небе́сному, му́чениче, ра́дуяся, венцено́сец предстои́ши, Фео́доре:/ на крест бо воздви́жен был еси́ Его́ ра́ди/ и гвозде́й пригвожде́ние,/ и воло́вых жил, и ногте́й, и о́чных зени́ц изверте́ние/ претерпе́л еси́ тве́рдо./ Темже тя ве́рою почита́ем, превели́кий.
Сла́ва, и ны́не, Богоро́дичен.
Подо́бен то́йже:
И́же на престо́ле Херуви́мстем седяй,/ и в недрех О́тчих водворя́лся,/ я́ко на престо́ле святем седи́т Свое́м, Влады́чице, в не́дрех Твои́х;/ вопло́щься бо, Бог вои́стинну,/ воцари́ся над все́ми языки́,/ и разу́мно ны́не пои́м Ему́./ Его́же умоли́ спасти́ся рабо́м Твои́м.
Крестобогоро́дичен:
И́же от Безнача́льнаго Отца́ рожде́ннаго,/ напосле́док Тя пло́тию ро́ждшая,/ на Кресте́ ви́сяща, зря́щи, Христе́,/ увы́ Мне, любе́знейший Иису́се, вопия́ше:/ ка́ко сла́вимый я́ко Бог от А́нгел,/ от беззако́нных ны́не челове́к, Сы́не, хотя́ распина́ешися?/ Пою́ Тя, Долготерпели́ве.
Песнь 4
Ирмо́с: Услышах, Го́споди,/ смотре́ния Твоего́ та́инство,/ ра́зумех дела́ Твоя́/ и просла́вих Твое́ Божество́.
Прави́теля тя предлага́ю, Бо́жий угодниче,/ ты мя упра́ви ветри́лом Ду́ха и Боже́ственными ве́тры, пресла́вне.
От вся́каго, мо́лимся, изба́ви преще́ния, всеблаже́нне Фео́доре,/ тя ве́рою блажа́щия и Бо́жественную па́мять твою́ почита́ющия.
Ни живо́т, ни смерть, ни настоя́щая, ни гряду́щая,/ ни огнь, ни ра́ны, от Христа́, Богому́дре, отлучи́ша тебе́.
Богоро́дичен: Под ле́том бы́вша, от Отца́ безле́тно возсия́вшаго,/ Богома́ти нам родила́ еси́,/ Его́же моли́ спасти́ пою́щия Тя.
Песнь 5
Ирмо́с: У́тренююще, вопие́м Ти:/ Го́споди, спаси́ ны,/ Ты бо еси́ Бог наш,/ ра́зве Тебе́, ино́го не вемы.
Му́чеников быв удобре́ние, му́чениче Христо́в,/ ве́рных по́мощь буди́ и стена́ неруши́ма.
Едине́ния насла́ждься лу́чшаго, я́же па́че ума́ благи́х,/ Фео́доре, тя чту́щия спаси́.
Побежда́емь любо́вию Зижди́теля,/ жите́йская оттря́сл еси́ пристра́стия/ и Бо́гу благоугоди́л еси́.
Богоро́дичен: Его́же родила́ еси́, Де́во Всенепоро́чная, Бо́га Сло́ва,/ приле́жно моли́ о нас, пою́щих Тя.
Песнь 6
Ирмо́с: Очи́сти мя, Спа́се,/ многа бо беззако́ния моя́,/ и из глуби́ны зол возведи́, молю́ся:/ к Тебе́ бо возопи́х, и услы́ши мя,/ Бо́же спасе́ния моего́.
Побо́рник сый благоче́стия тепле́йший и пре́лести обличи́тель и́дольския быв,/ де́монов мечта́ния и страсте́й о́бразы души́ мое́й потреби́.
Утвержде́ние ми буди́ и стена́, му́чениче, непобеди́ма,/ не́мощь и гни́лость ума́ моего́ утвержда́я, Феодоре, твои́ми предста́тельствы/ и сохраня́я невре́дно.
Во́инства тлетво́рнаго и тле́ннаго отре́клся еси́,/ во́инство же жи́зни, всеблаже́нне Фео́доре, до конца́ возлюби́л еси́,/ в немже победоно́сец пока́зался еси́, досточу́дне.
Богоро́дичен: Возсия́ от Сио́на Вы́шняго благоле́пие/ прия́тием пло́ти по соедине́нию неизглаго́ланному,/ из Тебе́, Неискусобра́чная, оде́явся, и мир просвети́.
Конда́к, глас 8:
Ве́ру Христо́ву, я́ко щит, внутрь прии́м в се́рдце твое́м,/ проти́вныя си́лы попра́л еси́, мно́гострадальче,/ и ве́нцем Небе́сным венча́лся еси́ ве́чно, Фео́доре,/ я́ко непобеди́мый.
И́кос:
На престо́ле све́та носи́маго, благода́рственно ве́рою воспева́ем тя,/ я́ко дарова́ние Божественно́е дарова́л еси́ – до́бляго во страда́нии Фе́одора, в житии́ треблаже́ннаго,/ я́ко побо́рника сущаго и́стины,/ благочести́вым по́мыслом тя жела́юща, Христе́,/ крепка́ победи́теля на льсти́ваго,/ я́ко непобеди́мый.
Песнь 7
Ирмо́с: От Иуде́и доше́дше, о́троцы/ в Вавило́не иногда́,/ ве́рою Тро́ическою пла́мень пе́щный попра́ша, пою́ще:/ отце́в Бо́лее, благослове́н еси́.
Тя, живота́ моего́ предста́теля,/ и засту́пника и́мам спасе́ния моего́,/ и храни́теля, Богому́дре,/ утвержде́ние даю́ща ве́рою зову́щим:/ оте́ц на́ших Бо́же, благослове́н еси́.
Я́ко красно́ заколе́ние сам себе́ Го́сподеви и свяще́ннейшее приве́л еси́, всеблаже́нне,/ и огне́м муче́ний всесоже́глся еси́, сла́вне, вопия́:/ оте́ц на́ших Бо́же, благослове́н еси́.
Живо́тнаго вдохнове́ния насыща́лся, блаже́нне,/ Боже́ственнаго Ду́ха,/ ду́хи отгоня́вши, неду́ги исцеля́вши и зове́ши, ра́дуяся:/ оте́ц на́ших Бо́же, благослове́н еси́.
Богоро́дичен: Из утро́бы Твое́й про́йде, вопло́щься, вся́ческих, Де́во, Госпо́дь./ Тем Тя, Богоро́дицу, му́дрствующе правосла́вно, Сы́ну Твоему́ взыва́ем:/ оте́ц на́ших Бо́же, благословен еси́.
Песнь 8
Ирмо́с: Седмери́цею пещь/ халде́йский мучи́тель/ Богочести́вым неи́стовно разжже́,/ си́лою я́се лу́чшею спасены́, сия́ ви́дев,/ Творцу́ и Избави́телю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.
Вся́ческими, прехва́льне, треволне́нии окружа́еми и напа́стьми жите́йскими содержи́ми,/ предста́теля скоре́йша, и помо́щника, и спобо́рника,/ вси ве́рнии, тя моли́твенника Влады́це приво́дим, вопию́ще:/ не престай моли́ти о воспева́ющих всечестну́ю твою́ па́мять.
Грехо́вными вери́гами свя́зан, пребога́те,/ и прегреше́ний мои́х плени́цами око́ван,/ прибега́ю к покро́ву твоему́, венцено́сче, разреше́ния прося,/ но я́ко чу́дно ко Влады́це всех, Богому́дре, дерзнове́ние име́я,/ моли́ спасти́ся Христа́ пою́щим во ве́ки вся.
Му́ченическими светлостьми́ просвеще́н, всехва́льне, А́нгельским счи́слился еси́ чи́ном,/ с ни́миже ра́дуяся и слику́я, му́чениче, при́сно,/ чудотво́рными исцеле́нии уясня́вши любо́вию тя чту́щмя и ве́рно пою́щия:/ лю́дие, превозноси́те Христа́ во ве́ки вся.
Богоро́дичен: Пло́тию приобщи́ся к челове́ком, я́ко Благоутро́бен,/ Соде́тель и Творе́ц тва́ри, из Тебе́, Неискусобра́чная Богороди́тельнице, сию́ прие́м:/ темже Богоро́дицу, вернии, Тя и́стинно сла́вим, вопию́ще и ве́рно пою́ще:/ людие, превозноси́те Христа́ во ве́ки вся.
Песнь 9
Ирмо́с: Тя, Неискусобра́чную Ма́терь Бо́га Вы́шняго,/ Тя, па́че ума́ ро́ждшую сло́вом вои́стинну Бо́га,/ вы́шшую пречи́стых Сил,/ немо́лчными славословле́нии велича́ем.
Бодра́ тя храни́теля, великому́чениче, стяжа́вше, враго́в злоу́мие удобь отгоня́ща/ и Церква́м подаю́ща мир, страстоте́рпче, непреста́нно ублажа́ем.
Кре́пость тебе́ на де́моны дарова́ Влады́ка,/ стра́сти же души́ и телесе́ исцеля́ти, блаже́нне,/ всеблагочести́вейшим дерзнове́нием, моля́ся Спа́су,/ те́мже тя вси ублажа́ем.
Зарю́ Трисо́лнечную и еди́нственную созерца́ли, Еди́но в Тре́х Божество́,/ и нача́ло преначальное, и исто́чник бла́гости, страстоте́рпче, тя пою́щия сохраня́й.
Богоро́дичен: Изми́ мя, Всенепоро́чная, мы́сленна́го плене́ния,/ избавле́ние воздаю́щи, Влады́чице, Сы́на Твоего́ распя́тие,/ е́же за всех бы́вшее, избавле́ние, и мир, и спасе́ние пою́щим Тя.
Свети́лен.
Подо́бен: Не́бо звезда́ми:
Искуси́вся, я́коже зла́то, огне́м и му́ками,/ досто́ин яви́лся еси́ дар Бо́га Вы́шняго,/ Фео́доре страстоте́рпче, о нас ны́не моли́ся.
Богоро́дичен: Держа́вным Твои́м покро́вом от враго́в наве́та нас, Чи́стая, Твоя́ рабы́, сохрани́ вся невреди́мы,/ Тя бо стяжа́хом, Еди́ну прибе́жище в ну́ждах.
На стихо́вне, стихи́ры Окто́иха.
Сла́ва, глас 2:
Боже́ственных даро́в тезоимени́та тя, треблаже́нне, почита́ю, Фео́доре:/ све́та бо Боже́ственнаго незаходи́мое свети́ло я́влься,/ просвети́л еси́ страда́ньми твои́ми всю тварь,/ и, огня́ крепча́йший яви́вся, пла́мень погаси́л еси́,/ и льсти́ваго зми́я главу́ сокруши́л еси́./ Темже во страда́ниих твои́х Христо́с приклони́вся,/ венча́ Боже́ственную главу́ твою́, великому́чениче страда́льче./ Я́ко име́я дерзнове́ние к Бо́гу,/ приле́жно моли́ся о ду́шах на́ших.
И ны́не, Богоро́дичен и́ли Крестобогоро́дичен.
Подо́бен: Егда́ от Дре́ва:
Грозд всезре́лый, Чи́стая,/ Его́же невозде́ланно во утро́бе носи́ла еси́,/ на Дре́ве я́ко узре, Сего́ пове́шена,/ рыда́ющи, восклица́ше и взыва́ше:/ Ча́до, сла́дость иска́пай,/ е́юже оты́мется пия́нство вся́кое страсте́й,/ Благоде́телю, Ме́не ра́ди, Тебе́ ро́ждшия,/ Твои́м благоутро́бием умоля́емь.
На литурги́и
Блаженны Октоиха на 4 и святаго песнь 3-я, на 4. Прокимен, глас 7: Возвесели́тся пра́ведник о Го́споде/ и упова́ет на Него́. Стих: Услы́ши, Бо́же, глас мой,/ внегда́ моли́ти ми ся к Тебе́. Апостол к Тимофею, зачало 292. Аллилу́ия, глас 4: Пра́ведник, я́ко фи́никс, процвете́т,/ и, я́ко кедр, и́же в Лива́не, умно́жится. Стих: Насажде́ни в до́му Госпо́дни,/ во дво́рех Бо́га на́шего процвету́т. Ева́нгелие от Иоа́нна, зача́ло 52. Прича́стен: В па́мять ве́чную бу́дет пра́ведник:
Святи́теля Ермоге́на, Патриа́рха Моско́вскаго и всея Руси
На ма́лой вече́рни
На Го́споди, воззва́х: стихи́ры на 4, глас 1.
Подо́бен: Прехва́льнии му́ченицы:
Прехва́льный Ермоге́не му́чениче,/ тя ни темни́ца потаи́ла есть,/ но Ду́ха Бо́жия благода́ть прия́т тя,/ и испо́лнился еси́ ду́ха ра́зума,/ и внутрь тебе́ бы́вшее Бо́жие Ца́рство созерца́л еси́,/ Христу́ моли́ся дарова́ти ду́шам на́шим мир и ве́лию ми́лость.
Прехва́льный Ермоге́не му́чениче,/ тя ни темни́ца потаи́ла есть,/ возсе́л бо еси́ тамо, я́ко на престо́ле,/ и отверзо́шася уста́ твоя́,/ и, внутрь ея быв, всю Русь к ратобо́рству за ве́ру и Оте́чество призва́л еси́./ Христу́ моли́ся дарова́ти ду́шам на́шим мир и ве́лию ми́лость.
Прехва́льный Ермоге́не му́чениче,/ тя ни темни́ца изнури́ла есть,/ но велия ре́вность Бо́жия объя́т тя,/ и испо́лнился еси́ огня́, поя́сти хотя́щаго сопроти́вныя,/ и, внутрь темни́цы быв, я́ко свети́льник, пред Бо́гом сгора́л еси́./ Христу́ моли́ся дарова́ти ду́шам на́шим мир и ве́лию ми́лость.
Прехва́льный Ермоге́не му́чениче,/ тя ни земля́ потаи́ла есть,/ но Не́бо прият тя,/ и отверзо́шася ти ра́йския две́ри,/ и, внутрь быв, дре́ва живо́тнаго наслажда́ешися./ Христу́ моли́ся дарова́ти ду́шам на́шим мир и ве́лию ми́лость.
Сла́ва, и ны́не, Богоро́дичен.
Подо́бен то́йже:
Днесь священному́ченик Ермоге́н/ предстои́т Бо́жией Ма́тери и неви́димо за ны мо́лится с на́ми:/ Засту́пнице Усе́рдная, заступи́, спаси́ и поми́луй Русь Правосла́вную/ и сохрани́ ю покро́вом Твое́й бла́гости.
На стихо́вне стихи́ры, глас 2.
Подо́бен: До́ме Евфра́фов:
Гра́де Москва́, се́рдце Ру́си Правосла́вный,/ гра́де вели́ких святи́телей,/ красу́йся но́вым чудотво́рцем Ермоге́ном.
Стих: Честна́ пред Го́сподем/ смерть преподо́бных Его́.
До́ме темни́чный, до́ме святый,/ в не́мже святи́тель скончася, весели́ся,/ обре́л бо еси́ благода́ть: престо́л Божия хра́ма.
Стих: В па́мять ве́чную бу́дет пра́ведник,/ от слу́ха зла не у́бои́тся.
До́ме свяще́нный, гро́бе святы́й,/ правосла́вных сла́во,/ отве́рзися и буди́ исто́чник Жи́зни при́снотекущия.
Сла́ва, и ны́не.
Подо́бен то́йже:
Засту́пнице Усе́рдная, Ма́ти Бо́га на́шего/ и Предста́тельнице Чи́стая,/ со святи́телем моли́ Сы́на Твоего́ о Твои́х рабех.
Тропа́рь, глас 4 (зри на вели́цей вече́рни)
Сла́ва, и ны́не, Богоро́дичен:
Е́же от ве́ка утае́нное:
На вели́цей вече́рни
Блаже́н муж: 1 -й антифо́н. На Го́споди, воззва́х: стихи́ры на 8, глас 3:
Глас Святы́я Це́ркве Правосла́вный/ со умиле́нием любве́ взыва́ет:/ прииди́те, ча́да моя́, и́мижеболезную./ Прииди́те к святи́телю вели́кому,/ прииди́те к священному́ченику преди́вному,/ прииди́те к моли́твеннику за Русь неотсту́пному,/ припади́те и моли́теся из глубины́ души́:/ священному́чениче Ермоге́не, спаса́й и ны́не, ю́же возлюби́л еси́,/ Русь Правосла́вную моли́твами твои́ми.
Кто сей, коле́на телесе и души́ со умиле́нием преклони́вый?/ Кто сей, на лице́ свое́ падый?/ Кто сей, наде́ждею о́чи на не́бо возводя́й/ и со упова́нием нело́жным ру́це свои́ воздева́ли?/ Кто сей, пла́чай и рыда́яй?/ Ты еси́, священному́чениче Ермоге́не,/ ты еси́, печа́льниче земли́ на́шея,/ преложи́ плач ея на ра́дость.
Го́споди, аще не бы́хом, свята́го Твоего́ священному́ченика Ермоге́на име́ли моли́твенника/ и благосты́ню Твою́, ми́лующую нас,/ ка́ко сме́ли, Спа́се, стоя́ти пред лице́м Твои́м/ во гресе́х на́ших да́же до сего́ дне?/ Ка́ко сме́ли бы́хом противуста́ти враго́м на́шим,/ и огради́ти ве́ру оте́ц на́ших, и утверди́ти страну́ правосла́вную?/ Но услы́шал еси́ моли́тву святи́теля вели́каго?/ Ермоге́на, священному́ченика преди́внаго,/ и собра́л еси́ под криле его́ Русь Правосла́вную,/ и побего́ша врази́ ея пред лице́м ея./ И ны́не моли́твами святи́теля пощади́ и спаси́ нас, Го́споди.
Жи́во сло́во Госпо́дне и де́йственно:/ не у́бойтеся от убива́ющих те́ло, души́ же не мо́гущих уби́ти,/ у́бойтеся же па́че могущаго и ду́шу и те́ло погуби́ти в гее́нне./ Потерпе́ душа́ твоя́ в сло́во сие́, священному́чениче Ермоге́не:/ Еди́наго бою́ся, Живу́щаго на Небесе́х, – рекл еси́ беззако́нным изме́нником, –/ Что ми есть заточе́ние? – сла́дость моли́твы уедине́нныя./ Что ми есть мраз и глад? – умира́ние жи́зни грехо́вныя./ Что ми есть смерть? – ра́дость отшествия ко Христу́./ Не бою́ся стра́ха сме́ртнаго,/ вся потерплю́ за Возлюби́вшаго ме́не, потерплю́ и не отвергу́ся,/ я́ко спасе́ние Ру́си от Це́ркве Правосла́вныя./ Сие́ разуме́йте и покаряйтеся,/ я́ко с на́ми от Свое́ю благода́тию.
Разуме́йте, язы́цы, и покаря́йтеся,/ услы́шите до после́дних земли́,/ аще бо па́ки возмо́жете и па́ки побежде́ни бу́дете,/ не дре́млют бо о́чи святи́теля Ермоге́на на стра́же Ру́си Правосла́вный,/ не умолка́ют уста́ во всеору́жии и́стины,/ се́рдце же бдит от стра́жи у́тренния до но́щи,/ упова́ющу ему́ на Го́спода и моля́щуся:/ да вознесе́т на Ру́си Це́рковь Правосла́вную/ и да укрепи́т на ве́ки страну́Русскую.
Постиго́ша Русь греси́ ея,/ пото́цы беззако́ния смято́ша ю,/ приложи́ бо беззако́ние к беззако́нию и погиба́ше за беззако́ние свое́,/ но обрати́ся ко Го́споду и спасе́ся, –/ святи́телю Ермоге́ну пропове́дующу, и к покая́нию зову́щу, и глаго́лющу:/ прииди́те, ча́да, послу́шайте ме́не,/ испове́дайте на ся грехи́ ва́ша и в беззако́ниях ва́ших смирм́теся:/ лю́бит бо Госпо́дь смире́нный се́рдцем и сокруше́нныя ду́хом прие́млет,/ я́ко у Го́спода ми́лость и мно́гое у Него́ избавле́ние.
Моли́твами святи́теля Ермоге́на/ прия́л есть Госпо́дь покая́ние рыда́ющих пред Ним/ и утверди́л есть Госпо́дь ми́лость Свою́ на боя́щихся Его́,/ и се на Ру́си Правосла́вней ра́дуются о Го́споде и веселя́тся о Дусе Святе,/ си́лою Христо́вою хва́лятся и сла́вою Святыя Це́ркве велича́ются,/ лю́дие Го́рняя му́дрствуют, и́щуще Небе́снаго Иерусали́ма,/ и́стина Правосла́вия наро́дом бла́говествуется во спасе́ние всея земли́./ Та́ко и́стина Госпо́дня пребыва́ет в ро́де на́шем,/ и ми́лость Его́ на нас утвержда́ется.
Сла́ва, и ны́не, Богоро́дичен: Ка́ко не диви́мся: Вход. Проки́мен. Чте́ния три святи́тельская (зри страни́цы 413–415)
На ли́тии стихи́ры, глас 1, самогла́сны:
Что сие́ есть пра́зднество?/ Что есть ве́лий глас освяще́ннаго собо́ра?/ Что сие́ есть благохва́льное и кра́сное собра́ние?/ Свяще́нницы ра́дуются, лю́дие в весе́лие облека́ются,/ и вся Правосла́вная Русь торжеству́ет,/ святи́телю Ермоге́ну предлежа́щу,/ и всех от ра́ки моще́й свои́х благословля́ющу,/ и всех благода́тно утеша́ющу, и та́йно глаго́лющу:/ не бо́йся, ма́лое ста́до,/ не потопи́ти мо́рю жите́йскому корабля́ Иису́сова,/ не поги́бнет Русь Правосла́вная и Бо́гом люби́мая,/ я́ко бла́гоизволи Госпо́дь дати нам си́лу,/ на ќамени бо ве́ры и пра́вды стои́м.
Прииди́те, вси ве́рнии, святи́теля Ермоге́на восхва́лим,/ звезду́, от восто́к со́лнца возсия́вшую/ и за́пад со́лнца Правосла́вием ве́ры озари́вшую,/ и ны́не звезду́ но́ву, на сла́вных Небесе́х в со́нме священному́ченик явле́нную/ в по́мощь Це́ркви и оте́честву проти́ву враго́в на́ших/ и во утвержде́ние ве́ры отце́в на́ших./ Го́споди, моли́твами святи́теля/ мир Твой пода́ждь нам и ве́лию ми́лость.
Сла́ва, глас 8:
Что тя нарече́м, святи́телю Ермоге́не?/ А́нгела ли, зане́ я́ко храни́тель Правосла́вныя Ру́си был еси́,/ и́ли апо́стола, я́ко неверныя научи́л еси́,/ му́ченика ли, я́ко за Правосла́вную ве́ру ду́шу свою́ Христа́ ра́ди положи́л еси́./ Его́же моли́ поми́ловати ду́ши на́ша.
И ны́не, Богоро́дичен, глас то́йже:
Притеце́м ны́не к Ма́тери Го́спода Вы́шняго/ и вку́пе со святи́телем Ермоге́ном воспое́м Засту́пницу Усе́рдную:/ за всех мо́лит бо Сы́на Своего́, Христа́ Бо́га на́шего,/ и всем твори́т спасти́ся, в держа́вный Ея покро́в прибега́ющим.
На стихо́вне стихи́ры, глас 6.
Подо́бен: Тридне́вен воскре́сл еси́:
Святи́телю Ермоге́не, мо́лим тя:/ при́зри на Русь и посети́ ю моли́твою:/ Го́споди, да исче́знут вра́зи Ру́си, я́ко дым,/ и, я́ко воск от лица́ огня́, да поги́бнут.
Стих: Честна́ пред Господем/ смерть преподо́бных Его́.
Моли́тву твою́ пролиял еси́ ко Го́споду, святи́телю Ермоге́не,/ и Тому́ возвести́л еси́ печа́ли твоя́, глаго́ля:/ се аз ду́шу мою́ полага́ю за о́вцы моя́./ Го́споди, приими́ ю, я́ко кади́ло моли́твы о Ру́си Правосла́вней,/ да пребу́дет свята́ и правове́рна во ве́ки.
Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.
Облецы́ нас моли́твами твои́ми, святи́телю о́тче наш,/ и научи́ нас правосла́вно моли́тися:/ Го́споди, Го́споди, спаси́ нас,/ пре́жде да́же до конца́ не поги́бнем.
Сла́ва, и ны́не, Богоро́дичен.
Подо́бен то́йже:
Святи́телю Ермоге́ну предстоя́щу Бо́жией Ма́тери и моля́щуся о Ру́си,/ припаде́м и мы ко Пречисте́й:/ Пресвята́я Богоро́дице, помога́й нам.
На благослове́нии хле́бов тропа́рь, два́жды, и Богоро́дице Де́во: еди́ножды.
А идеже несть всено́щнаго бде́ния, на велицей вече́рни по Ны́не отпущаеши: глаго́лем тропа́рь еди́ножды. Сла́ва, и ны́не, Богоро́дичен воскре́сен.
Тропа́рь на преставле́ние, глас 4:
Русския зе́мли первопресто́льниче/ и неусы́пный о ней к Бо́гу моли́твенниче!/ За ве́ру Христо́ву и па́ству твою́ ду́шу свою́ положи́в,/ страну́ на́шу от нече́стия изба́вил еси́./ Те́мже вопие́м ти:/ спаса́й нас моли́твами твои́ми,/ священному́чениче Ермоге́не, о́тче наш.
Тропа́рь на прославле́ние, глас 4;
Приспе́ день све́тлаго торжества́,/ град Москва́ ра́дуется,/ и с ним Русь Правосла́вная ли́ковствует/ пе́сньми и пе́ньми духо́вными:/ днесь бо свяще́нное торжество́/ в явле́нии че́стных и многоцеле́бных моще́й/ святи́теля и чудотво́рца Ермоге́на,/ я́коже со́лнце незаходи́мое возсия́ светоза́рными луча́ми,/ разгоня́я тьму искуше́ний же и бед/ от вопию́щих ве́рно:/ спаса́й нас, я́ко предста́тель наш, вели́кий Ермоге́не.
На у́трени
На Бог Госпо́дь: тропа́рь святи́теля два́жды. Сла́ва, и ны́не, Богоро́дичен: Е́же от века утае́нно́е:
По 1-м стихосло́вии седа́льны, глас 4:
Подо́бен: Яви́лся еси́:
Строи́теля земли́ на́шея во дни нестрое́ния,/ ве́рнии, соше́дшеся, восхва́лим,/ я́ко земле́ на́шей путь правосла́внаго строи́тельства пропове́да,/ и, самозва́нныя богопроти́вныя вла́сти обличи́в де́рзновение,/ в темни́це гла́дом заму́чен бысть,/ и ны́не со священному́ченики живы́й Христу́ мо́лится спасти́ся нам.
Сла́ва:
Све́тлую твою́ па́мять днесь творя́ще,/ Спа́са и Го́спода моли́ти приле́жно тя мо́лим, свяще́нномучениче Ермоге́не,/ зако́ном да́ти правосла́вное утвержде́ние.
И ны́не:
Те́плое заступле́ние су́щим в бе́дах и Помо́щницу на́шу,/ Е́юже ра́бства инозе́мнаго изба́вихомся,/ Богоро́дицу, ве́рнии, ублажа́ем.
По 2-м стихосло́вии седа́льны, глас 4.
Подо́бен то́йже:
Яви́лся еси́ днесь Ру́си Правосла́вней,/ и свет твоего́ благоволе́ния зна́менася на нас, в ра́зуме пою́щих тя:/ прише́л еси́ и яви́лся еси́ чудотво́рец пресла́вный.
Сла́ва:
Притеце́м, ве́рнии, к моще́м святи́теля Ермоге́на,/ и пролие́м пред ним печа́ль на́шу, и скорбь на́шу пред ним возвести́м,/ да обря́щем ве́лие утеше́ние:/ всяк бо ве́руяй не оты́дет тощ.
И ны́не:
Днесь Влады́чица ми́ра ра́дуется,/ зря́щи святи́теля́ Ермоге́на, от Христа́ венча́ннаго си́лою мно́гою и при́сно о Правосла́вней Ру́си моля́щася./ егоже моли́твами, Ма́ти Бо́га Вы́шняго, покрый нас покро́вом Твоея бла́гости.
По полиелеи седа́льны, глас 4.
Подо́бен то́йже:
Прему́драго иера́рха восхва́лим,/ я́ко ко́рмчаго Ру́си Правосла́вныя, к Го́рнему Иерусали́му путево́дствующа,/ и на всяку пра́вду наставля́юща, и от вся́каго зла спаса́юща.
Сла́ва:
Прему́драго иера́рха восхва́лим,/ я́ко А́нгела храни́теля Ру́си Правосла́вныя,/ страну́ на́шу в Правосла́вней ве́ре утвержда́юща и Христа́ в ней вообража́юща.
И ны́не:
Ублажи́м Честне́йшую Го́рних во́инств:/ Та бо помогла́ есть святи́телю Ермоге́ну упоко́итися в Ве́чных оби́телях,/ Та бо спасе́т и нас, гре́шных.
По 50-м псалме́ стихи́ра, глас 4.
Подо́бен: Яви́лся еси́:
Предста́тель тепле́йший наро́да правосла́внаго показа́лся еси́, Ермоге́не,/ и, иносла́вная уче́ния отверга́я со дерзнове́нием,/ пра́вило показа́лся еси́ всем Правосла́вия,/ о всех моля́ся, после́дующих твои́м Боже́ственным уче́нием и нака́занием.
Кано́н Богородицы, со ирмосом на 6, глас 8: Воду прошед: и святителя канон, на 8, глас 8, егоже краегране́сие: Вонми́, земле́, гла́су святи́теля Ермоге́на: свята́я и Богом люби́мая Русь не поги́бнет.
Песнь 1
Ирмо́с: Песнь возсле́м, лю́дие,/ чу́дному Бо́гу на́шему,/ свободи́вшему Изра́иля от рабо́ты,/ песнь побе́дную пою́ще и вопию́ще:/ пои́м Тебе́, Еди́ному Влады́це.
Веду́щий воскликнове́ние, по́йте и велича́йте святи́теля вели́каго/ и, взира́юще на кончи́ну его́, подража́йте ве́ре его́.
Оби́лие благода́ти обита́ет в раце моще́й твои́х, святи́телю Ермоге́не,/ ея́же ра́ди прославля́ем тя, я́ко новоя́вленна чудотво́рца, и про́сим исцеле́ний.
На́чало прему́дрости – страх Госпо́день, научи́вый и тя, святи́телю,/ рабо́тати Го́сподеви с тре́петом и ра́доватися пред лице́м Его́./ Даждь и нам по моли́тве твое́й положи́ти сие́ нача́ло благо́е.
Многи ско́рби пра́ведным, и от всех их изба́вит я Госпо́дь./ По словеси́ сему́ бысть житие́ твое́, святи́телю./ И се ны́не ра́дуешися на Небесе́х/ и ра́дувши всех, чту́щих па́мять твою́.
Испыта́ли свиде́ния Бо́жия был еси́, святи́телю,/ в зако́не бо Христо́ве поуча́лся еси́ день и нощь,/ и оправда́ния Госпо́дня пра́ва суть,/ в селе́ния бо пра́ведных всели́ тя Госпо́дь.
За́поведи Госпо́дни от ю́ности возлюби́л еси́/ и преда́ния святы́х оте́ц да́же до сме́рти соблю́л еси́, святи́телю,/ и ны́не с ни́ми сопрославля́еши Бо́га,/ егоже моли́, да спасе́т тобо́ю ду́ши на́ша.
Егоже возлюби́л еси́ и Ему́же ре́вностно порабо́тал еси́,/ ны́не с ли́ки святы́х воспева́вши и мо́лишися за ны.
Богоро́дичен: Моли́твеннице те́плая, Засту́пнице ро́да христиа́нскаго,/ приими́ мольбы́ от нас, приле́жно призыва́ющих и моля́щихся Тебе́:/ покры́й страну́ на́шу Правосла́вную покро́вом Твое́я бла́гости.
Песнь 3
Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.
Ле́та дре́вняя помяну́х, и поучи́хся во всех де́лех твои́х, святи́телю,/ и обрето́х ве́дение, ка́ко жити в ми́ре сем,/ от святы́х оте́ц и от жити́й святы́х вразумля́лся.
Епи́скоп му́дрый лю́дем был еси́, святи́телю,/ уподо́бился еси́ му́жу, смотря́щу лице́ бытия стра́ны Правосла́вныя/ в ле́тописех дре́вних, я́коже в зерца́ле,/ поуча́ющуся прему́дрости Правосла́вия во днех дре́вних.
Го́споди, Госпо́дь наш, я́ко чу́дно И́мя Твое́ по всей Ру́си./ Госпо́дь посмее́тся враго́м на́шим./ Госпо́дь засту́пник наш./ Сию́ пра́вду живописа́л еси́, святи́телю,/ поуча́я ро́ды родо́в, я́ко летопи́сец Правосла́вный Ру́си.
Лю́дие, поучи́теся, лю́дие, умили́теся,/ вразумля́юще себе́ самех в пе́ниих и пе́снех духо́вных,/ ими́же просла́вил есть святи́тель Ермоге́н За́ступницу ро́да на́шего.
Аще не Госпо́дь сози́ждет дом, всу́е труди́шася зи́ждущий./ Сию́ и́стину внуша́л еси́, святи́телю, стра́жем земли́ на́шея,/ да не осуетя́тся помышле́нии свои́ми и да не всу́е мяту́тся.
Свяще́нник це́ркве Святи́теля Никола́я был еси́, Ермоге́не,/ и, возгрева́я дар, живы́й в тебе́,/ ве́лию любо́вь Богома́тере стяжа́л еси́,/ Е́юже от сла́вы в сла́ву да́же до Небесе́ влеко́м был еси́/ и в селе́ниих пра́ведных всели́лся еси́.
Уподо́бился еси́ купцу́, многоце́нен би́сер обре́тшу,/ егда́ ико́ну Богома́тере от земли́ подъя́л еси́, я́ко сокро́вище благода́ти,/ ни́щия ду́хом обогаща́ющее.
Богоро́дичен: Сказа́ние чуде́с Твои́х, Богоро́дице,/ е́же написа́ святи́тель Ермоге́н во сла́ву ико́ны Твое́я Каза́нския,/ воздвиза́ет всю Русь Правосла́вную при́сно прибега́ти к Тебе́ во всех обстоя́ниих и приле́жно моли́ти:/ Пресвята́я Богоро́дице, помога́й нам.
Седа́лен, глас 8.
Подо́бен: Прему́дрости:
Возше́д на высоту́ Небе́сную и Боже́ственными отту́ду, о́тче, озари́вся сия́нии чуде́с,/ пресве́тел вои́стину яви́лся еси́ Правосла́вней Ру́си па́стырь, нам в напа́стех сый предста́тель непобеди́м./ Те́мже пресла́вно враги́ победи́в, лжу иносла́вия отгна́л еси́/ и страну́ Правосла́вную спасл еси́ от поги́бели, Ермоге́не./ Моли́ Христа́ Бо́га грехо́в оставле́ние дарова́ти/ чту́щим любо́вию святу́ю па́мять твою́.
Сла́ва, и ны́не, Богоро́дичен:
Святи́телю Ермоге́ну подража́юще,/ почти́м пресве́тлую ико́ну Богома́тере, я́ко исто́чник неисче́рпаемый исцеле́ний,/ и ублажи́м Ма́терь Бо́га Вы́шняго я́ко Де́ву и Еди́ну в же́нах, без семе́не ро́ждшую Бо́га пло́тию.
Песнь 4
Ирмо́с: Услышах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.
Возвести́те во языцех дела́ Бо́жия,/ я́же яви́л нам есть Госпо́дь Вседержи́тель от ико́ны Свое́я Ма́тере, –/ рекл еси́, святи́телю, –/ да не реку́т язы́цы: где есть Бог их, в Него́же ве́руют?/ и да заградя́тся уста́ их.
Я́та бысть земле́ю, но не удержа́нна, ико́на Пречи́стыя,/ да бу́дет во утвержде́ние новопросвеще́нным, блужда́ющим же во тьме неве́дения, во открове́ние све́та И́стины,/ я́коже му́дрствует о сем святи́тель Ермоге́н.
Ты еси́ изря́дное пе́ние чуде́с Пренепоро́чныя,/ ты еси́ утвержде́ние немощствующих в ве́ре,/ ты еси́ просвеще́ние омраче́нных тьмо́ю неве́рия, и пое́т тя дух мой.
И́го благо́е и бре́мя ле́гкое подъя́л еси́, Ермоге́не,/ егда́ о́браз А́нгельский восприя́л еси́,/ да прииде́ши в во́зраст му́жа соверше́нна.
Тебе́, оде́ющагося моли́твою, я́ко ри́зою,/ добро́детелей подви́жника, Спа́сова оби́тель ви́дя, зело́ ра́довася:/ гряде́т бо священноархимандри́т обнови́ли оби́тель и утверди́ти благоче́стие.
Ермола́ю тезоимени́тый, усоверши́лся еси́,/ Ермоге́ну же, сожи́тельствуя, уподо́бился еси́/ и се, я́ко свети́льник немерца́яй, поставля́ешися на све́щнице Каза́нский це́ркве.
Лепо есть прему́дрому нему́дрыя просвеща́ти,/ си́льному о Го́споде не́мощный укрепля́ти,/ лепо есть святи́тельствовати Ермоге́ну, вся мо́гущему о Христе́ Иису́се.
Богоро́дичен: Я́ко Госпожу́, Цари́цу и Влады́чицу,/ заступа́ющу всех нас, в держа́вный Твой покро́в прибега́ющих,/ пое́т Тя святы́й Ермоге́н,/ с ни́мже приими́ и на́ша моле́ния и спаси́ ду́ши на́ша.
Песнь 5
Ирмо́с: У́тренююще вопие́м Ти:/ Го́споди, спаси́ ны,/ Ты бо еси́ Бог наш,/ра́зве Тебе́, ино́го не вемы.
Егда́ был еси́ в Каза́ни, неве́дущия и́стиннаго Бо́га просвеща́л еси́/ и рабо́тати Еди́ному Бо́гу науча́л еси́./ Сего́ ра́ди со апо́столы ра́дуешися, прие́мля награ́ду благове́стника Христо́ва.
Ре́вностию Бо́жиею по сла́ве ди́вных во святы́х Гу́рия, Варсоно́фия и Ге́рмана поревнова́л еси́, Ермоге́не,/ и, тех моли́твами вспомоществу́емый, в оби́тели святи́телей пресели́лся еси́,/ предстоя́ Еди́ному Пастыренача́льнику, Его́же моли́ спасти́ся всем нам.
Ми́луя, нака́зывал еси́ и, наказу́я, ми́ловал еси́, святи́телю,/ и се́ю му́дростию огражда́л еси́ от волко́в хи́щных/ новопросвеще́нная ча́да твоя́ и вся о́вцы твоя́.
Опло́том был еси́ Правосла́вию,/ немощны́я в ве́ре огражда́л еси́/ и к попече́нию о спасе́нии страны́ во Христе́ Иису́се царя́ Фео́дора призы́вал еси́,/ указу́я стране́ спаси́тельное преображе́ние.
Град Москва́ и с ним вся Русь пла́кася го́рько,/ самозва́нну повели́телю воцари́вшуся и в нече́стие обле́кшуся,/ ты же еди́н, я́ко кре́пкий побо́рник, сему́ нече́стию противоста́л еси́/ и ве́ру Правосла́вную со дерзнове́нием испове́дал еси́.
Ермоге́на испове́дника,/ и́же не у́боя́ся преще́ния сме́ртнаго и слове́с жесто́ких от нечести́ваго врага́,/ пе́сньми ублажа́ем.
На Него́же, ра́дующеся, взира́ют чини́ А́нгельстии и вси святи́и,/ Тому́ предстои́ши ны́не, Ермоге́не,/ и я́ко испове́дник хода́тайствуеши при́сно за Русь Правосла́вную.
Богоро́дичен: Ада́мово воззва́ние, Пренепоро́чная Де́во,/ с Тобо́ю Госпо́дь и Тобо́ю с на́ми Бог,/ разуме́йте сие́, язы́цы, и покаря́йтеся.
Песнь 6
Ирмо́с: Ри́зу мне пода́ждь све́тлу,/ одея́йся све́том, я́ко ри́зою,/ Многоми́лостиве Христе́ Бо́же наш.
Собо́ра освяще́ннаго избра́нием и Бо́жией во́лею/ возше́л еси́, святи́телю, на престо́л патриа́ршия вла́сти,/ да спасе́ши Русь, напа́стьми мно́гими обурева́ему.
Ве́ры нелицеме́рный испове́дание непоколеблемое/ начерта́л еси́, святи́телю, руко́ю твое́ю/ и сию́ ве́ру пред лицем всея Це́ркве в собо́ре Успе́ния Пречи́стыя испове́дал еси́,/ да узрит вся Русь ка́мень и́стинныя ве́ры,/ на не́мже сози́ждется и утверди́тся в Правосла́вии.
Язы́к твой – трость кни́жника скоропи́сца,/ имже загради́шася уста́ гре́шнича и уста́ льстиваго,/ и усмири́ся мяте́ж нечести́вых.
Тьму лжи разгоня́я сло́вом и́стины/ и на борьбу́ с изме́нниками Правосла́вное во́инство благословля́я,/ изне́сл еси́ на сто́гна гра́да Москвы́ покро́в от чудото́чных моще́й царе́вича Дими́трия,/ да возвести́тся пра́вда Бо́жия, и да укрепи́тся страна́ Правосла́вная.
Аще покаетеся, – рекл еси́, святи́телю, – спасе́ни бу́дете,/ и укрепи́тся си́лою Бо́жиею страна́ Русская.
Я́ко дре́во при исхо́дищих вод,/ был еси́ у Престо́ла благода́ти, святи́телю,/ осеня́я прохладою́ утеше́ния и многопло́дием пра́вды Правосла́вную Русь.
И пропове́дуеши, и облича́вши, и призыва́вши,/ и мо́лишися, и моли́тися во всех хра́мех повелева́вши, святи́телю,/ о спасе́нии и о умире́нии страны́ Правосла́вныя.
Богоро́дичен: Богоро́дице Де́во, Упова́ние христиа́ном,/ покры́й, соблюди́, сохрани́ и спаси́ Русь,/ прибега́ющу ко Твоему́ заступле́нию.
Конда́к, глас 6:
Темни́цею и гла́дом изнуря́емь,/ да́же до сме́рти ве́рен пребы́л еси́, блаже́нне Ермоге́не,/ мало́душие от серде́ц люде́й твои́х отгоня́я/ и на о́бщий по́двиг вся призыва́я./ Те́мже и нечести́вых мяте́ж низложи́л еси́ и страну́ на́шу утверди́л еси́,/ да вси зове́м ти:/ ра́дуйся, засту́пниче Русския земли́.
И́кос:
Прииди́те, правосла́внии людие,/ пе́сньми ублажи́м пресве́тла свети́льника Це́ркве Русския,/ непоколеби́ма столпа́ ве́ры Православныя,/ тепла́ моли́твенника и предста́теля за зе́млю на́шу,/ крепка́ стоятеля проти́ву враго́в,/ стро́гаго обличи́теля на преда́телей и разори́телей Правосла́вный страны́,/ добраго па́стыря, ду́шу свою́ за о́вцы своя́ положи́вша/ и сего́ ра́ди ве́нцем сла́вы от Го́спода венча́нна,/ к нему́же припа́ем, ве́рою и любо́вию зову́ще си́це:/ ра́дуйся, вели́кий в иера́рсех Русских святи́телю Христо́в о́тче наш Ермоге́не.
Песнь 7
Ирмо́с: О́троцы Богочести́вии в Вавило́не/ о́бразу злато́му не поклони́шася,/ но посреде́ пе́щи о́гненный, ороша́еми,/ песнь воспева́ху, глаго́люще:/ превозноси́мый отце́в и нас Бо́же, благослове́н еси́.
Огне́м лю́тыя зло́бы опаля́ема,/ пе́щи о́гненней уподо́билася есть Правосла́вная Русь во дни разоре́ния и мятежа́ лю́таго,/ си́лою же слове́с твои́х, святи́телю, ороша́ема,/ и до днесь пое́т правосла́вно:/ отце́в и нас Бо́же, благослове́н еси́.
Оте́ц всея Ру́си в дни ско́рби и обстоя́ний яви́ся святи́тель Бо́жий Ермоге́н,/ сего́ ра́ди призыва́йте его́ и по́йте с ним И́мени Всевы́шняго:/ отце́в и нас Бо́же, благослове́н еси́.
Моли́теся, и пости́теся, и измени́теся в но́ваго челове́ка,/ оде́яна в доброде́тели Боголю́бия и благоче́стия,/ да пода́ст всем нам Госпо́дь мир и любо́вь,/ земли́ на́шей кре́пкое едине́ние, стране́ побе́ду на враги́ и одоле́ние.
Любо́вию к оте́честву согрева́яйся и ре́вностию по ве́ре па́че огня́ разгора́яйся,/ попаля́л еси́, святи́телю, те́рния грехолюби́ваго мятежа́,/ обно́вляя и утвержда́я обветша́вшее житие́.
Юнцы́ ту́чнии, самозва́нцы мяте́жнии,/ ца́рие инозе́мнии и изме́нницы нечести́вии одержа́ша Русь,/ пред лице́м же твое́я пра́вды, святи́телю, исчезо́ша, я́ко дым от огня́,/ да весели́тся Пра́восла́вная Русь о Го́споде, и да торжеству́ет Пра́вославие.
Бо́гови рабо́тницы и тебе́ помо́щницы бы́ша святи́тели Христо́вы:/ Филаре́т Росто́вский, Ефре́м Каза́нский, Феокти́ст Тверски́й и Галактио́н Су́ждальский,/ и́миже во всю зе́млю изы́де сло́во твое́, Ермоге́не святи́телю, и в концы́ Ру́си ве́щание твое́.
Богоро́дичен: И́же в напа́стех, и в ско́рбех, и в боле́знех, обремене́ннии грехи́ мно́гими,/ прииди́те к Засту́пнице Усе́рдней, Ма́тери Го́спода Вы́шнято,/ Та бо исцели́т вы, и уте́шит, и упоко́ит.
Песнь 8
Ирмо́с: Богоглаго́ливии о́троцы в пе́щи,/ со огне́м пламень попира́юще, поя́ху:/ благослови́те, дела́ Госпо́дня, Го́спода.
Ми́лостыни мно́ги твори́л еси́ лю́дем, святи́телю,/ егда́ бога́тии обнища́ша ми́лостию и сребролю́бия ра́ди не внима́ху, е́же помощи́ неиму́щим,/ ты же рекл еси́ ке́ларю Се́ргиевой оби́тели Авраа́мию,/ и жи́тницы отверзо́шася, и а́лчущий насы́тищася, и благослови́ша Го́спода.
А́ще и пе́нится жите́йское мо́ре,/ аще и бесну́ется, воздвиза́емо напа́стей бу́рею,/ не потопи́ти ему́ корабля́ Иису́сова:/ на ка́мени бо ве́ры и пра́вды стои́м./ Та́ко рекл еси́, святи́телю, и бысть та́ко,/ и се торжеству́ют правосла́внии и благословя́т Го́спода.
Я́ко до́брый ко́рмчий, приве́л еси́, святи́телю, кора́бль Русский к ти́хой при́стани Правосла́вный Це́ркве,/ и се страна́ на́ша осоля́ется благода́тию Свята́го Ду́ха и благословля́ет Го́спода.
Рекл еси́, святи́телю, боя́щимся Го́спода:/ не бо́йся, ма́лое ста́до, я́ко благоизво́лил есть Оте́ц Небе́сный дарова́ти нам одоле́ние враго́в и мир./ Та́ко ве́ровал еси́ и та́ко по ве́ре восприял еси́./ И се Свята́я Це́рковь ра́дуется о правосла́вии страны́ на́шея и благословля́ет Го́спода.
Уничижи́ша тя возстаю́щии на тя,/ мета́юще прах и песо́к в лице́ твое́, да не преща́еши изме́нником и мяте́жником./ Ты же вся претерпе́л еси́ пра́вды ра́ди, благословля́я Го́спода.
Свята́я и Бо́гом люби́мая Русь не поги́бнет, –/ рекл еси́, святи́телю, изме́нником, и преда́телем, и всем враго́м на́шим:/ всу́е тружда́етеся, аще не Госпо́дь созида́ет,/ пока́йтеся и благослови́те Го́спода.
Не ве́даем, ка́ко и нарещи́ вас,/ – рекл еси́, святи́телю, мяте́жником и изме́нником,/ отступи́ли бо есте́ от Бо́га, отпа́ли от Собо́рныя и Апо́стольския Це́ркве,/ забы́ли есте обе́ты Правосла́вныя ве́ры на́шея:/ стоя́ти до сме́рти за дом Пресвяты́я Богоро́дицы, за ве́ру Правосла́вную и Оте́чество./ Пока́йтеся, и обрати́теся, и благослови́те Го́спода.
Богоро́дичен: Е́же о нас испо́лнив смотре́ние Бо́жие/ и я́же на земли́ соедини́в Небе́сным,/ носи́ла еси́ во чре́ве от Ду́ха Свята́, Пренепоро́чная, и родила́ еси́ нам всех Бо́га,/ Его́же, вся дела́ Госпо́дня, пою́т и превозно́сят во вся ве́ки.
Песнь 9
Ирмо́с: Вои́стину Богоро́дицу,/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.
Пречи́стей Влады́чице вве́рил еси́, святи́телю, Правосла́вное во́инство,/ и стоя́ти за ве́ру неподви́жно да́же до сме́рти благослови́л еси́,/ и боя́тися Еди́наго, на Небес́х Живу́щаго, научи́л еси́,/ сего́ ра́ди со испове́дники правосла́вныя пра́вды ра́дуешися.
Окая́нныя изме́нники анафема́тствовал еси́,/ правосла́вным же во́ином и всем ревни́телем Правосла́вия/ ми́лость от Го́спода Бо́га и от своего́ смире́ния благослове́ние препода́л еси́, святи́телю,/ и́мже бысть побе́да и одоле́ние на враги́ и всея Ру́си спасе́ние,/ тебе́ же вене́ц от Бо́га, я́ко строи́телю святы́я жи́зни.
Глас о́гненныя ре́вности о спасе́нии Оте́чества не вя́жется,/ аще и заключа́ется во хра́мине пусте, я́ко во гро́бе,/ сего́ ра́ди и запове́дал еси́ ученику́ твоему́, Диони́сию игу́мену,/ и и́ноком оби́тели свята́го Се́ргия огласи́ти всю Русь Правосла́вную,/ да воздви́жется спаси́тельная брань во сла́ву Святы́я Це́ркве/ и во утвержде́ние страны́ Русския,/ ю́же возлюби́л еси́ и о нейже мо́лишися Бо́гу.
И первопресто́льник Апо́стольския Це́ркве, и испове́дник Правосла́вныя ве́ры,/ и вторы́й Златоу́ст во обличе́ние грехолюби́вых и мяте́жных,/ и строи́тель Правосла́вныя страны́ был еси́, святи́телю,/ и за сие́ произволе́ние темни́цею и гла́дом му́чим был еси́,/ и, прия́в от Бо́га неувяда́емый вене́ц, с му́ченики весели́шися.
Бо́гу на́шему тобо́ю сла́ва,/ Тебе́ же, священному́чениче Ермоге́не, довле́ет ра́доватися во све́те лица́ Его́/ и непреста́нно моли́тися, да не поги́бнет Русь Свята́я, но да бу́дет да́же до конца́/ свет во открове́ние язы́ков Правосла́вныя пра́вды.
Нищ и боля́й есмь аз, святи́телю,/ и во смире́нии свое́м припада́ю к цельбоно́сным моще́м твои́м, исцеле́ния тре́буя.
Его́же возлюби́л еси́, Ему́же ду́шу пре́дал свою́ еси́,/ и ны́не предстои́ши со дерзнове́нием я́ко му́ченик./ Моли́ Бо́га о нас, сня́тый священному́чениче Ермоге́не.
Богоро́дичен: Тя испове́дуем, я́ко Ма́терь Го́спода Вы́шняго,/ и, невозвра́тну наде́жду иму́ще на Тя,/ мо́лимся Тебе́ умиле́нною душею и сокруше́нным се́рдцем:/ всем поле́зная дару́й, и вся спаси́, Богоро́дице Де́во,/ Ты бо еси́ Боже́ственный покро́в рабо́м Твои́м.
Свети́лен.
Подо́бен: Жены́, услы́шите:
Во све́те Правосла́вия, его́же ревни́тель был еси́, святи́телю Ермоге́не,/ зрим Свет И́стины, в немже полнота́ дарова́ний Ду́ха,/ ра́дуемся о Го́споде и велича́ем озари́вшаго тя Све́том присноживо́тным.
Сла́ва, и ны́не, Богоро́дичен:
Ма́терь Незаходи́маго Све́та,/ осиява́ющую Русь покро́вом Матерняго заступле́ния,/ пе́сньми велича́ем я́ко светле́йшую Го́рних во́инств.
На хвали́тех стихи́ры на 6, глас 7:
Сотвори́те в пе́снех суд напи́сан,/ сла́ва сия́ бу́дет вели́кому Ермоге́ну:/ той бо есть Правосла́вия ревни́тель/ и всея Ру́си храни́тель,/ я́ко оре́л, птенцы́ своя́ покрыва́ли.
Хвали́те Бо́га во святе́м Его́:/ той бо возвели́чил есть Его́/ и во всех де́лех Его́ оправда́л есть Его́/ утвержде́нием си́лы Его́.
Хвали́те свята́го в си́ле его́:/ вся бо мо́жет о укрепля́ющем Иису́се./ Хвали́те его́ по мно́жеству чуде́с его́:/ вся бо неду́жныя исцеля́ет о И́мени Госпо́днем.
Хвали́те свята́го во псалме́х и пе́снех,/ хвали́те его́ в пе́ниих духо́вных,/ велича́йте сла́ву оте́ц на́ших,/ воспева́йте утвержде́ние земли́ на́шея,/ ра́дуйтеся о не́м и весели́теся.
Хвали́те свята́го в собо́ре освяще́нных,/ похвали́те его́, вси лю́дие:/ той бо есть красота́ церко́вная,/ той бо есть доброта́ наро́дная,/ той бо есть ра́дость на́ша.
Хвали́те свята́го во святи́телех,/ похвали́те его́ во Святе́йших Патриа́рсех,/ ублажи́те его́ во испове́дницех/ и просла́вите его́ во свяще́нному́ченицех./ Хвали́те его́ во всех де́лех его́.
Сла́ва, глас то́йже:
Прииди́те, ублажи́м па́стыря до́браго земли́ на́шея,/ за ве́ру Ру́си вся претерпе́вшаго,/ и за Правосла́вие и Оте́чество ду́шу свою́ положи́вшаго,/ и ны́не ми́лостию Бо́жиею чудотво́рца,/ явле́ннаго во утвержде́ние ве́ры немощству́ющих,/ и во исцеле́ние всех неду́гующих,/ и во упокое́ние озло́бленных грехи́ мно́гими,/ да вси возра́дуемся и да пое́м ему́:/ ра́дуйся, лю́бы, нас согрева́ющая;/ ра́дуйся, сило́, нас исцеля́ющая;/ ра́дуйся, ра́зуме, всех просвеща́яй;/ ра́дуйся, стра́же, Правосла́вие на́ше охраня́яй;/ ра́дуйся, святи́телю Ермоге́не.
И ны́не, Богоро́дичен, глас то́йже:
Прииди́те, восхва́лим Прехва́льную,/ Славне́йшую всех земноро́дных и Честне́йшую Небе́сных во́инств,/ Ма́терь Го́спода Вы́шняго, Засту́пницу Усе́рдную.
Славосло́вие вели́кое и отпу́ст. Дае́тся же и еле́й братии от канди́ла свята́го, и час 1-й.
На литурги́и
Блаже́нны от кано́на свята́го, пе́сни 3-я и 6-я. Проки́мен, глас 7: Возвесели́тся пра́ведник о Го́споде/ и упова́ет на Него́. Стих: Услы́ши, Бо́же, глас мой, внегда́ моли́тимися к Тебе́. Апостол к Евреем, зачало 335. Аллилуия, глас 4: Свяще́нницы Твои́ облеку́тся в пра́вду,/ и преподо́бнии Твои́ возра́дуются. Ева́нгелие от Иоа́нна, зача́ло 36. Прича́стен: В па́мять ве́чную:
С™aгw великом§ника fе0дwра тЂрwна.
На ГDи, воззвaхъ, стіхи6ры на ѕ7, глaсъ в7.
Под0бенъ: Е#гдA t дрeва:
Дaръ хrт0съ богатотв0ренъ тS вселeннэй подадE, ћкw благодётель бGъ, дaръ тв0й честнyю кр0вь, fе0дwре, тогw2 рaди и3зліsнную, и3 бGочeстіz рeвностію приноси1мую є3мY пріeмъ. Е#мyже нhнэ благочeстнымъ дерзновeніемъ, м§ниче, предстоS, вс‰, и5же къ тебЁ притекaющыz, спасaй.
Ст0лпъ є3си2 твeрдъ, сопроти1вныхъ нашє1ствіz tрэвaz, поб0рникъ непобэди1мь хвaлzщымъ тS, скорёйшее заступлeніе, тeплое предстaтельство, тщaтельное и3збавлeніе, џбщаz п0мощь, моли1твенникъ си1льнэйшій, блажeнне, и3збaвитель гот0вэйшій всBмъ вёрнw молsщымъ тS, fе0дwре.
И#мёz пот0къ слaдости, и3 њставлeніz в0ду, хrтA бlгопремэни1телz, свидётель и4стиннэйшій тогw2 бhвъ, пот0кwвъ и3збaви мS грэх0вныхъ, в0ду ми2 ўти1ши непостоsнную, ўстaви напaстей б{ри, ўпрaви къ вhшнэй тишинЁ, достоблажeнне fе0дwре.
И$ны стіхи6ры, глaсъ д7.
Под0бенъ: Ћкw д0блz:
Рeвностію бжcтвенною дви1жимь, и3 душeю распалsемь, люб0вію, слaвне, сп7са хrтA, съ хрaмомъ попали1лъ є3си2 боги1ню лжеимeнную, вLки и3 бGа возвэщaz и4мz, и3 посрами1лъ є3си2 мучи1телей шат†ніz, страстотeрпче, и3 рaдости вёчнэй спод0билсz є3си2, fе0дwре.
На высотY, fе0дwре, хrт0ва разумёніz возшeдъ, претeклъ є3си2 ви6димаz, и3 сегw2 т0кмw взыскaлъ є3си2, и3 њбрётъ, возлюби1лъ є3си2, и3 д0блественною душeю тогw2 рaди пострадaлъ є3си2. Е#г0же моли2, t тли2 и3 бёдъ и3збaвитисz, вёрою творsщымъ преслaвную пaмzть твою2.
БGодаровaнною си1лою, страстотeрпче fе0дwре, и3 подви1жными рaнами њбложeнъ, цRю2 всеS твaри предстaлъ є3си2 хrтY бGу, вэнцы2 t негw2 п0чести пріeмлz: є3г0же моли2, t тли2 и3 бёдъ и3збaвитисz, вёрою творsщымъ преслaвную пaмzть твою2.
Слaва, глaсъ ѕ7. Самоглaсенъ:
Свzщeніz дaръ, и3 богaтство бжcтвенныz жи1зни kви1лсz є3си2 мjру, fе0дwре: хrт0съ бо твою2, мyдре, пaмzть прослaви, въ нeйже соглaснw вёрніи рaдующесz поeмъ п0двиги болёзней твои1хъ.
И# нhнэ, бGор0диченъ, и3ли2 кrтобGор0диченъ.
Под0бенъ: ВсE tл0жше:
Nрyжіе, ћкоже речE сmмеHнъ, сeрдце твоE пр0йде, пречcтаz вLчце, є3гдA ўзрёла є3си2 и3зъ тебє2 возсіsвшаго, неизречeннымъ сл0вомъ, t беззак0нныхъ ћкw њсуждeна возноси1ма на кrтъ, џцтомъ и3 жeлчію напаsемаго, рє1бра же прободaєма, и3 рyцэ и3 н0зэ пригвождaємы, и3 рыдaющи восклицaла є3си2, м™рски вопію1щи: что2 сіE, чaдо сладчaйшее, н0вое тaинство;
На стіх0внэ nктHиха. Слaва, глaсъ }. Самоглaсенъ:
Страдaльческимъ мyжествомъ благочeстнw воwружи1всz, страстотeрпче хrт0въ, и3 словeснэй слyжбэ тaйнw споборaz си1лою є3гw2, јдwльское ѕлочeстіе, и3 мучи1тельское прещeніе нeмощно показaлъ є3си2, неради1въ њ мyкахъ и3 врeменнэмъ nгни2. Но, q бжcтвенныхъ дарHвъ! И# вeщь, и3 и4мz, t всsкагw њбстоsніz, моли1твою твоeю спасaй совершaющыz пaмzть твою2.
И# нhнэ, бGор0диченъ, и3ли2 кrтобGор0диченъ.
Под0бенъ: Q преслaвнагw чудесE!
Ю$ница несквeрнаz, ю3нцA ви1дzщи на дрeвэ пригвождaема в0лею, рыдaющи жaлостнэ, ўвы2 мнЁ, вопіsше, люби1мэйшее чaдо, чт0 ти с0нмъ воздадE безблагодaтный є3врeйскій, хотs мz њбезчaдствовати t тебє2, вселюбeзне.
Тропaрь, глaсъ в7:
Вeліz вёры и3справлє1ніz, во и3ст0чницэ плaмене, ћкw на водЁ ўпокоeніz, с™hй м§никъ fе0дwръ рaдовашесz: nгнeмъ бо всесожжeгсz, ћкw хлёбъ слaдкій трbцэ принесeсz. Тогw2 моли1твами, хrтE б9е, спаси2 дyшы нaшz.
На ќтрени џба канHна nктHиха: и3 с™aгw на ѕ7.
КанHнъ, глaсъ }, є3гHже краегранeсіе:
Призывaющыz тS спасaй, всеблажeнне.
Пёснь №.
Їрм0съ: В0ду прошeдъ ћкw сyшу, и3 є3гЂпетскагw ѕлA и3збэжaвъ, ї}льтzнинъ вопіsше: и3збaвителю и3 бGу нaшему пои1мъ.
Бжcтвеннымъ п0двигомъ, м§ниче хrт0въ, подви1гсz, и3 течeніе скончaвъ, вёру соблю1лъ є3си2 бжcтвенную, прaвды њбрёлъ є3си2 вэнeцъ.
Преестeственну слaву t хrтA пріи1мъ, страстотeрпче, зeмлю всю2 њбх0диши, и3збавлsz вс‰, вёрою съ благоговёніемъ къ тебЁ притекaющыz.
Нбcный слaвне лик0вникъ, со безпл0тными сhй, на земли2 призывaющыz тS t бёдъ и3 напaстей и3збавлsй.
БGор0диченъ: Премyдрость и3 сл0во џ§ее несказaннw р0ждшаz, души2 моеS лю1тую и3сцэли2 ћзву, и3 сeрдца болёзнь ўкроти2.
Пёснь G.
Їрм0съ: Ты2 є3си2 ўтверждeніе притекaющихъ къ тебЁ, гDи, ты2 є3си2 свётъ њмрачeнныхъ, и3 поeтъ тS дyхъ м0й.
Џгнь мучeній тS не ўстраши2, тёмже џгнь напaстей, къ тебЁ прибэгaющымъ, ўтишaеши, fе0дwре.
И#збaви моли1твами твои1ми њдержaщіz мS печaли, мyчениче хrт0въ, всE ўглаждaz житeйское строп0тство.
ВсE сeрдце моE и3 помышлeніе простирaю къ тебЁ и3 дyшу, твоеS, страстотeрпче, п0мощи трeбуz.
БGор0диченъ: Ўстaви непостоsнное помышлeній мои1хъ смущeніе, м™и б9іz, є4же къ сн7у твоемY направлsющи движeніе.
Сэдaленъ, глaсъ д7.
Под0бенъ: Вознесhйсz:
Мyченическими добр0тами ўкрaшенъ, цRю2 нбcному, мyчениче, рaдуzсz, вэнцен0сецъ предстои1ши, fе0дwре, на кrтъ бо воздви1женъ бhлъ є3си2 є3гw2 рaди, и3 гвоздeй пригвождeніе, и3 вол0выхъ жи1лъ, и3 ногтeй, и3 nчнhхъ зёницъ и3звертёніе претерпёлъ є3си2 твeрдw. Тёмже тS вёрою почитaемъ, превели1кій. Двaжды.
Слaва, и3 нhнэ, бGор0диченъ.
Под0бенъ: И$же на пrт0лэ херувjмстэмъ сэдsй, и3 въ нёдрэхъ џ§ихъ водворszсz, ћкw на пrт0лэ с™ёмъ сэди1тъ своeмъ, вLчце, въ нёдрэхъ твои1хъ, вопл0щсz бо бGъ вои1стинну, воцRи1сz надъ всёми kзhки, и3 разyмнw нhнэ пои1мъ є3мY. Е#г0же ўмоли2 спасти1сz рабHмъ твои6мъ.
КrтобGор0диченъ: И$же t безначaльнагw nц7A рождeннаго, напослёдокъ тS пл0тію р0ждшаz, на кrтЁ ви1сzща зрsщи, хrтE, ўвы2 мнЁ, любeзнэйшій ї}се, вопіsше: кaкw слaвимый ћкw бGъ t ѓгGлъ, t беззак0нныхъ нhнэ человBкъ, сн7е, хотS распинaешисz; пою1 тz, долготерпэли1ве.
Пёснь д7.
Їрм0съ: Ўслhшахъ, гDи, смотрeніz твоегw2 тaинство, разумёхъ дэлA тво‰, и3 прослaвихъ твоE бжcтво2.
Прави1телz тS предлагaю, б9ій ўг0дниче, тh мz ўпрaви вётриломъ д¦а? и3 бжcтвенными вётры, преслaвне.
T всsкагw, м0лимсz, и3збaви прещeніz, всеблажeнне fе0дwре, тS вёрою блажaщыz, и3 бжcтвенную пaмzть твою2 почитaющыz.
Ни жив0тъ, ни смeрть, ни насто‰щаz, ни грzд{щаz, ни џгнь, ни р†ны, t хrтA, бGомyдре, tлучи1ша тебE.
БGор0диченъ: Подъ лётомъ бhвша, t nц7A безлётнw возсіsвшаго, бGомaти, нaмъ родилA є3си2: є3г0же моли2 спасти2 пою1щыz тS.
Пёснь є7.
Їрм0съ: Ќтренююще вопіeмъ ти2, гDи, спаси1 ны: тh бо є3си2 бGъ нaшъ, рaзвэ тебє2, и3н0гw не вёмы.
М§никwвъ бhвъ ўдобрeніе, м§ниче хrт0въ, вёрныхъ п0мощь бyди, и3 стэнA неруши1ма.
Е#динeніz наслaждсz лyчшагw, и5же пaче ўмA благи1хъ, fе0дwре, тS чтyщыz спаси2.
Побэждaемь люб0вію зижди1телz, житє1йскаz tтрsслъ є3си2 пристр†стіz, и3 бGу благоугоди1лъ є3си2.
БGор0диченъ: Е#г0же родилA є3си2, дв7о всенепор0чнаz, бGа сл0ва, прилёжнw моли2 њ нaсъ пою1щихъ тS.
Пёснь ѕ7.
Їрм0съ: Њчи1сти мS, сп7се, мнHга бо беззакHніz мо‰, и3 и3зъ глубины2 ѕHлъ возведи2, молю1сz: къ тебё бо возопи1хъ, и3 ўслhши мS, б9е спасeніz моегw2.
Поб0рникъ сhй благочeстіz теплёйшій, и3 прeлести њбличи1тель јдwльскіz бhвъ, дeмwнwвъ мечт†ніz, и3 страстeй џбразы души2 моеS потреби2.
Ўтверждeніе ми2 бyди и3 стэнA, м§ниче, непобэди1ма, нeмощь и3 гни1лость ўмA моегw2 ўтверждaz, fе0дwре, твои1ми предстaтельствы, и3 сохранsz неврeднw.
В0инства тлетв0рнагw и3 тлённагw tрeклсz є3си2, в0инство же жи1зни, всеблажeнне fе0дwре, до концA возлюби1лъ є3си2, въ нeмже побэдон0сецъ показaлсz є3си2, досточyдне.
БGор0диченъ: ВозсіS t сіHна вhшнzгw благолёпіе, пріsтіемъ пл0ти по соединeнію неизглаг0ланному, и3зъ тебє2, неискусобрaчнаz, њдёzвсz, и3 мjръ просвэти2.
Кондaкъ, глaсъ }:
Вёру хrт0ву, ћкw щи1тъ, внyтрь пріи1мъ въ сeрдцэ твоeмъ, проти6вныz си6лы попрaлъ є3си2, многострадaльче: и3 вэнцeмъ нбcнымъ вэнчaлсz є3си2 вёчнw, fе0дwре, ћкw непобэди1мый.
Јкосъ: На прест0лэ свёта носи1маго, благодaрственнw вёрою воспэвaемъ тS: ћкw даровaніе бжcтвенное даровaлъ є3си2, д0блzго во страдaніи fе0дwра, въ житіи2 треблажeннаго, ћкw поб0рника сyщаго и4стины, благочести1вымъ п0мысломъ тS желaюща, хrтE, крёпка побэди1телz на льсти1ваго, ћкw непобэди1мый.
Пёснь з7.
Їрм0съ: T їудeи дошeдше џтроцы въ вавmлHнэ и3ногдA, вёрою трbческою плaмень пeщный попрaша, пою1ще: nтцє1въ б9е, благословeнъ є3си2.
ТS животA моегw2 предстaтелz, и3 застyпника и4мамъ спасeніz моегw2, и3 храни1телz, бGомyдре, ўтверждeніе даю1ща вёрою зовyщымъ: nтє1цъ нaшихъ б9е, бlгословeнъ є3си2.
Ћкw красно2 заколeніе, сaмъ себE гDеви, и3 свzщeннэйшее привeлъ є3си2, всеблажeнне: и3 nгнeмъ мучeній всесожeглсz є3си2, слaвне, вопіS: nтє1цъ нaшихъ б9е, бlгословeнъ є3си2.
Жив0тнагw вдохновeніz насыщazсz, блажeнне, бжcтвеннагw д¦а, дyхи tгонsеши, недyги и3сцэлsеши, и3 зовeши рaдуzсz: nтє1цъ нaшихъ б9е, бlгословeнъ є3си2.
БGор0диченъ: И#зъ ўтр0бы твоеS пр0йде, вопл0щсz всsческихъ, дв7о, гDь. Тёмъ тS бцdу мyдрствующе правослaвнw, сн7у твоемY взывaемъ: nтє1цъ нaшихъ б9е, бlгословeнъ є3си2.
Пёснь }.
Їрм0съ: Седмери1цею пeщь халдeйскій мучи1тель бGочести6вымъ неи1стовнw разжжE, си1лою же лyчшею спасє1ны сі‰ ви1дэвъ, творцY и3 и3збaвителю вопіsше: џтроцы, бlгослови1те, свzщeнницы, восп0йте, лю1діе, превозноси1те во вс‰ вёки.
Всsческими, прехвaльне, треволнє1ніи nкружaеми, и3 напaстьми житeйскими содержи1ми, предстaтелz скорёйша, и3 пом0щника, и3 споб0рника, вси2 вёрніи тS моли1твенника вLцэ прив0димъ, вопію1ще: не престaй моли1ти њ воспэвaющихъ всечестнyю твою2 пaмzть.
Грэх0вными вери1гами свsзанъ, пребогaте, и3 прегрэшeній мои1хъ плени1цами њк0ванъ, прибэгaю къ покр0ву твоемY, вэнцен0сче, разрэшeніе просS: но ћкw чyдно ко вLцэ всёхъ, бGомyдре, дерзновeніе и3мёz, моли2 спасти1сz хrтA пою1щымъ во вёки вс‰.
Мyченическими свэтлостьми2 просвэщeнъ, всехвaльне, ѓгGльскимъ счисли1лсz є3си2 чинHмъ: съ ни1миже рaдуzсz, и3 сликyz, м§ниче, при1снw, чудотв0рными и3сцэлє1ніи ўzснsеши, люб0вію тS чтyщыz, и3 вёрнw пою1щыz: лю1діе, превозноси1те хrтA во вёки вс‰.
БGор0диченъ: Пл0тію приwбщи1сz къ человёкwмъ, ћкw бlгоутр0бенъ, содётель и3 творeцъ твaри, и3зъ тебє2, неискусобрaчнаz бGороди1тельнице, сію2 пріeмъ: тёмже бцdу вёрніи тS и4стиннw слaвимъ, вопію1ще, и3 вёрнw пою1ще: лю1діе, превозноси1те хrтA во вёки вс‰.
Пёснь f7.
Їрм0съ: ТS неискусобрaчную м™рь бGа вhшнzгw, тS пaче ўмA р0ждшую сл0вомъ вои1стинну бGа, вhшшую пречcтыхъ си1лъ, нем0лчными славословлє1ніи величaемъ.
Б0дра тS храни1телz, великомyчениче, стzжaвше, врагHвъ ѕлоyміе ўд0бь tгонsща, и3 цRквамъ подаю1ща ми1ръ, страстотeрпче, непрестaннw ўблажaемъ.
Крёпость тебЁ на дeмwны даровA вLка, стр†сти же души2 и3 тэлесE и3сцэлsти, бlжeнне, всеблагочести1вэйшимъ дерзновeніемъ, молsсz сп7су: тёмже тS вси2 ўблажaемъ.
Зарю2 трис0лнечную и3 є3ди1нственную созерцazй, є3ди1но въ трeхъ б9ество2, и3 начaло преначaльное, и3 и3ст0чникъ блaгости, страстотeрпче, тS пою1щыz сохранsй.
БGор0диченъ: И#зми1 мz, всенепор0чнаz, мhсленнагw плэнeніz, и3збавлeніе воздаю1щи, вLчце, сн7а твоегw2 распsтіе, є4же за всёхъ бhвшее и3збавлeніе, и3 ми1ръ, и3 спасeніе пою1щымъ тS.
Свэти1ленъ.
Под0бенъ: Нб7о ѕвэздaми:
И#скуси1всz ћкоже злaто nгнeмъ и3 мyками, дост0инъ kви1лсz є3си2 дaръ бGа вhшнzгw, fе0дwре страстотeрпче, њ нaсъ нhнэ моли1сz.
Слaва, и3 нhнэ, бGор0диченъ:
Держaвнымъ твои1мъ покр0вомъ, t врагHвъ навёта нaсъ, чcтаz, тво‰ рабы6 сохрани2 вс‰ невреди6мы: тs бо стzжaхомъ є3ди1ну прибёжище въ нyждахъ.
На стіх0внэ стіхи6ры nктHиха. Слaва, глaсъ в7:
Бжcтвенныхъ дарHвъ тезоимени1та тS, треблажeнне, почитaю, fе0дwре: свёта бо бжcтвеннагw незаходи1мое свэти1ло ћвльсz, просвэти1лъ є3си2 страдaньми твои1ми всю2 твaрь: и3 nгнS крэпчaйшій kви1всz, плaмень погаси1лъ є3си2, и3 льсти1вагw ѕмjz главY сокруши1лъ є3си2. Тёмже во страдaніихъ твои1хъ хrт0съ, приклони1всz, вэнчA бжcтвенную главY твою2, великом§ниче страдaльче, ћкw и3мёz дерзновeніе къ бGу, прилёжнw моли1сz њ душaхъ нaшихъ.
И# нhнэ, бGор0диченъ, и3ли2 кrтобGор0диченъ.
Под0бенъ: Е#гдA t дрeва:
Гр0здъ всезрёлый, чcтаz, є3г0же невоздёланнw во ўтр0бэ носи1ла є3си2, на дрeвэ ћкw ўзрЁ сего2 повёшена, рыдaющи восклицaше и3 взывaше: чaдо, слaдость и3скaпай, є4юже tи1метсz піsнство всsкое страстeй, благодётелю, менє2 рaди тебE р0ждшіz, твои1мъ благоутр0біемъ ўмолsемь.
На літургjи блажє1нна, nктHиха на д7: и3 с™aгw пёснь G-z, на д7.
Прокjменъ, глaсъ з7:
Возвесели1тсz прaведникъ њ гDэ, и3 ўповaетъ на него2.
Стjхъ: Ўслhши, б9е, глaсъ м0й, внегдA моли1тимисz къ тебЁ.
Ґпcлъ къ тімоfeю, зачaло с§в.
Ґллилyіа, глaсъ д7: Прaведникъ ћкw фjніxъ процвэтeтъ, и3 ћкw кeдръ, и4же въ лівaнэ, ўмн0житсz.
Стjхъ: Насаждeни въ домY гDни, въ дв0рэхъ бGа нaшегw процвэтyтъ.
Е#ђліе їwaнна, зачaло н7в.
Причaстенъ: Въ пaмzть вёчную бyдетъ прaведникъ:
С™и1телz и3 чудотв0рца є3рмогeна, патріaрха моск0вскому и3 всеS руси2.
На мaлэй вечeрни, на ГDи воззвaхъ, стіхи6ры на д7, глaсъ №-й.
Под0бенъ: Прехвaльніи м§нцы:
Прехвaльный є3рмогeне м§нче, тS ни темни1ца потаи1ла є4сть, но д¦а б9іz бlгодaть пріsтъ тS, и3 и3сп0лнилсz є3си2 д¦а рaзума, и3 внyтрь тебє2 бhвшее б9іе цrтво созерцaлъ є3си2. ХrтY моли1сz, даровaти душaмъ нaшымъ ми1ръ и3 вeлію ми1лость.
Прехвaльный є3рмогeне м§нче, тS ни темни1ца потаи1ла є4сть: возсёлъ бо є3си2 тaмw, ћкw на прест0лэ, и3 tверз0шасz ўстA тво‰, и3 внyтрь є3S бhвъ, всю2 рyсь къ ратоб0рству за вёру и3 nтeчество призвaлъ є3си2. ХrтY моли1сz, даровaти душaмъ нaшымъ ми1ръ и3 вeлію ми1лость.
Прехвaльный є3рмогeне м§нче, тS ни2 темни1ца и3знури1ла є4сть, но вeліz рeвность б9іz њб8sтъ тS, и3 и3сп0лнилсz є3си2 nгнS, поsсти хотsщагw сопроти6вныz, и3 внyтрь темни1цы бhвъ, ћкw свэти1льникъ пред8 бGомъ сгорaлъ є3си2. ХrтY моли1сz, даровaти душaмъ нaшымъ ми1ръ и3 вeлію ми1лость.
Прехвaльный є3рмогeне м§нче, тS ни землS потаи1ла є4сть, но нб7о пріsтъ тS, и3 tверз0шасz ти2 р†йскіz двє1ри, и3 внyтрь бhвъ, дрeва жив0тнагw наслаждaешисz. ХrтY моли1сz, даровaти душaмъ нaшымъ ми1ръ и3 вeлію ми1лость.
Слaва, и3 нhнэ, бGор0диченъ:
Под0бенъ: Прехвaльніи м§нцы:
Днeсь сщ7енном§нкъ є3рмогeнъ предстои1тъ б9іей м™ри и3 неви1димw за ны2м0литсz съ нaми: застyпнице ўсeрднаz, заступи2, сп7си2 и3 поми1луй рyсь правослaвную и3 сохрани2 ю5 покр0вомъ твоеS бlгости.
На стіх0внэ стіхи6ры, глaсъ в7-й.
Под0бенъ: Д0ме є3vфрafовъ:
Грaде москвA, сeрдце рyси правослaвныz, грaде вели1кихъ с™и1телей, красyйсz н0вымъ чудотв0рцемъ є3рмогeномъ.
Стjхъ: ЧCтнA пред8 гDемъ смeрть прпdбныхъ є3гw2.
Д0ме темни1чный, д0ме с™hй, въ нeмже с™и1тель скончaсz, весели1сz, њбрёлъ бо є3си2 бlгодaть: прест0лъ б9іz хрaма.
Стjхъ: Въ пaмzть вёчную бyдетъ првdникъ, t слyха ѕлA не ўбои1тсz.
Д0ме сщ7eнный, гр0бе с™hй, правослaвныхъ слaво, tвeрзисz и3 бyди и3ст0чникъ жи1зни приснотекyщіz.
Слaва, и3 нhнэ:
Под0бенъ: Д0ме є3vфрafовъ:
Застyпнице ўсeрднаz, м™и бGа нaшегw и3 предстaтельнице чcтаz, со с™и1телемъ моли2 сн7а твоего2 њ твои1хъ рабёхъ.
Тропaрь на преставлeніе, глaсъ д7.
Ру1сскіz земли2 первопрест0льниче и3 неусhпный њ нeй къ бGу моли1твенниче! За вёру хrт0ву и3 пaству твою2 дyшу свою2 положи1въ, странY нaшу t нечeстіz и3збaвилъ є3си2. Тёмже вопіeмъ ти2: сп7сaй нaсъ моли1твами твои1ми, сщ7енном§ниче є3рмогeне, џтче нaшъ.
Тропaрь на прославлeніе, глaсъ д7.
ПриспЁ дeнь свётлагw торжествA, грaдъ москвA рaдуетсz, и3 съ ни1мъ рyсь правослaвнаz ликовствyетъ пёсньми и3 пёньми дух0вными: днeсь бо сщ7eнное торжество2 въ kвлeніи честнhхъ и3 многоцэлeбныхъ мощeй с™и1телz и3 чудотв0рца є3рмогeна, ћкоже с0лнце незаходи1мое возсіS свэтозaрными лучaми, разгонsz тьмY и3скушeній же и3 бёдъ t вопію1щихъ вёрнw: сп7сaй нaсъ, ћкw предстaтель нaшъ, вели1кій є3рмогeне.
Слaва, и3 нhнэ, бGор0диченъ:
Е$же t вёка ўтаeнное:
На вели1цэй вечeрни, Бlжeнъ мyжъ: №-й ґнтіфHнъ.
На ГDи воззвaхъ, стіхи6ры на }, глaсъ G-й.
Глaсъ с™hz цRкве правослaвныz со ўмилeніемъ любвE взывaетъ: пріиди1те, ч†да мо‰, и4миже болёзную. Пріиди1те къ с™и1телю вели1кому, пріиди1те къ сщ7енном§нку преди1вному, пріиди1те къ мlтвеннику за рyсь неtстyпному, припади1те и3 моли1тесz и3з8 глубины2 души2: сщ7енном§нче є3рмогeне, сп7сaй и3 нhнэ, ю4же возлюби1лъ є3си2, рyсь правослaвную мlтвами твои1ми.
Кто2 сeй колBна тэлесE и3 души2 со ўмилeніемъ преклони1вый; кто2 сeй на лицE своE падhй; кто2 сeй надeждею џчи на нeбо возводsй и3 со ўповaніемъ нел0жнымъ рyцэ свои2 воздэвazй; кто2 сeй плaчай и3 рыдazй, ты2 є3си2, сщ7енном§нче є3рмогeне, ты2 є3си2, печaльниче земли2 нaшеz, преложи2 плaчь є3S на рaдость.
ГDи, ѓще не бhхомъ с™aго твоего2 сщ7енном§нка є3рмогeна и3мёли мlтвенника, и3 благостhню твою2 ми1лующую нaсъ, кaкw смёли, сп7се, стоsти пред8 лицeмъ твои1мъ во грэсёхъ нaшихъ дaже до сегw2 днE, кaкw смёли бhхомъ противустaти врагHмъ нaшымъ и3 њгради1ти вёру nтє1цъ нaшихъ и3 ўтверди1ти цaрство правослaвное; но ўслhшалъ є3си2мlтву с™и1телz вели1кагw, є3рмогeна сщ7енном§нка преди1внагw, и3 собрaлъ є3си2 под8 крилЁ є3гw2 рyсь правослaвную, и3 побэг0ша врази2 є3S пред8 лицeмъ є3S. И# нhнэ мlтвами с™и1телz пощади2 и3 сп7си2 нaсъ, гDи.
Жи1во сл0во гDне и3 дёйственно: не ўб0йтесz t ўбивaющихъ тёло, души1 же не могyщихъ ўби1ти: ўб0йтесz же пaче могyщагw и3 дyшу и3 тёло погуби1ти въ геeннэ. ПотерпЁ душA твоS въ сл0во сіE, сщ7енном§нче є3рмогeне: є3ди1нагw бою1сz живyщагw на нб7сёхъ, рeклъ є3си2 беззакHннымъ и3змённикwмъ. Чт0 ми є4сть заточeніе, слaдость мlтвы ўединeнныz. Чт0 ми є4сть мрaзъ и3 глaдъ; ўмирaніе жи1зни грэх0вныz. Чт0 ми є4сть смeрть; рaдость tшeствіz ко хrтY. Не бою1сz стрaха смeртнагw: вс‰ потерплю2 за возлюби1вшаго менE, потерплю2 и3 не tвeргусz, ћкw сп7сeніе рyси t цRкве правослaвныz и3 t помaзанника є3S держaвнагw. СіE разумёйте и3 семY покарsйтесz, ћкw съ нaми бGъ своeю бlгодaтію.
Разумёйте kзhцы и3 покарsйтесz, ўслhшите до послёднихъ земли2: ѓще бо пaки возм0жете, и3 пaки побэждeни бyдете, не дрeмлютъ бо џчи с™и1телz є3рмогeна на стрaжэ рyси правослaвныz, не ўмолкaютъ ўстA во всеwрyжіи и4стины, сeрдце же бди1тъ t стрaжи ќтренніz до н0щи, ўповaющу є3мY на гDа и3 молsщусz: да вознесeтъ на рyси цRковь правослaвную и3 да ўкрэпи1тъ на вёки странY ру1сскую.
Постиг0ша рyсь грэси2 є3S, пот0цы беззак0ніz смzт0ша ю5: приложи1 бо беззак0ніе къ беззак0нію и3 погибaше за беззак0ніе своE, но њбрати1сz ко гDу и3 сп7сeсz, с™и1телю є3рмогeну проповёдующу и3 къ покаsнію зовyщу и3 глаг0лющу: пріиди1те ч†да, послyшайте менє2, и3сповёдайте на сS грэхи2 вaшz и3 въ беззак0ніихъ вaшихъ смири1тесz: лю1битъ бо гDь смирє1нныz сeрдцемъ и3 сокрушє1нныz дyхомъ пріeмлетъ, ћкw ў гDа млcть и3 мн0гое ў негw2 и3збавлeніе.
Си1це рeклъ є3си2, с™и1телю є3рмогeне, врагHмъ цaрства правослaвнагw: тaкw вёрую и3 тaкw и3сповёдую: подобaетъ царю2 рyси бhти правослaвну, и3 њ цRкви с™ёй рачи1тельну, и3 њ чaдэхъ цRкве попечи1тельну, и3 њ нар0дэхъ цaрства промысли1тельну: да хвaлzтъ гDа вси2 лю1діе и3 вси2 kзhцы да похвaлzтъ є3го2, да бyдутъ вси2 є3ди1но стaдо под8 ски1петромъ держaвы є3гw2, и3 да пою1тъ вси2 є3ди1нэми ўсты6 и3 є3ди1нэмъ сeрдцемъ вели1кое и4мz с™hz трbцы.
Мlтвами с™и1телz є3рмогeна пріsлъ є4сть гDь покаsніе рыдaющихъ пред8 ни1мъ и3 ўтверди1лъ є4сть гDь млcть свою2 на боsщихсz є3гw2: и3 сE, на рyси правослaвнэй рaдуютсz њ гDэ и3 веселsтсz њ д©э с™э, си1лою хrт0вою хвaлzтсz и3 слaвою с™hz цRкве величaютсz, лю1діе гHрнzz мyдрствуютъ, и4щуще нбcнагw їеrли1ма, и4стина правослaвіz нар0дwмъ бlговэствyетсz во сп7сeніе всеS земли2. Тaкw и4стина гDнz пребывaетъ въ р0дэ нaшемъ и3 млcть є3гw2 на нaсъ ўтверждaетсz.
Слaва, и3 нhнэ, бGор0диченъ:
Кaкw не диви1мсz:
Вх0дъ. Прокjменъ. Чтє1ніz свzти1тєльскаz три2.
При1тчей чтeніе. (Главы6 G и3 }.)
Пaмzть првdнагw съ похвалaми, и3 бlгословeніе гDне на главЁ є3гw2. Бlжeнъ человёкъ, и4же њбрёте премyдрость: и3 смeртенъ, и4же ўвёдэ рaзумъ. Лyчше бо сію2 куповaти, нeжели злaта и3 сребрA сокрHвища. Чтcнёйшаz же є4сть кaменій многоцённыхъ, всe же чcтн0е недост0йно є3S є4сть. Долготa бо днeй, и3 лBта животA въ десни1цэ є3S: въ шyйцэ же є3S богaтство, и3 слaва. T ќстъ є3S и3сх0дитъ прaвда, зак0нъ же и3 млcть на љзhцэ н0ситъ. Послyшайте ќбw менE, q ч†да! Чтcн†z во рекY: и3 бlжeнъ человёкъ, и4же пути6 мо‰ сохрани1тъ: и3сх0ди бо мои2, и3сх0ди животA, и3 ўготовлsетсz хотёніе t гDа. Сегw2 рaди молю2 вaсъ, и3 предлагaю м0й глaсъ сыновHмъ человёчєскимъ: ћкw ѓзъ премyдрость ўстр0ихъ совётъ, и3 рaзумъ и3 смhслъ ѓзъ призвaхъ. М0й совётъ и3 ўтверждeніе, м0й рaзумъ, моs же крёпость. Ѓзъ менE лю1бzщыz люблю2, и4щущіи же менE њбрsщутъ бlгодaть. Разумёйте ќбw неѕл0бивіи ковaрство, ненакaзанніи же прилагaйте сердцA. Послyшайте менE и3 пaки, чтcн†z бо рекY, и3 tвeрзу t ўстeнъ пр†ваz: ћкw и4стинэ поучи1тсz гортaнь м0й, мeрзки же предо мн0ю ўстны2 лжи6выz. Съ прaвдою вси2 глаг0лы ќстъ мои1хъ: ничт0же въ ни1хъ стр0потно, нижE развращeнно: Вс‰ пр†ва сyть разумэвaющымъ, и3 прHста њбрэтaющымъ рaзумъ. НаучY во вaсъ и4стинэ, да бyдетъ њ гDэ надeжда вaша, и3 и3сп0лнитесz д¦а.
Премyдрости соломHновы чтeніе. (Главы6 ‹, ѕ7 и f7.)
ЎстA првdнагw кaплютъ премyдрость: ўстнё же мужeй мyдрыхъ вёдzтъ бlгодaть. ЎстA мyдрыхъ поучaтсz премyдрости, прaвда же и3збавлsетъ и5хъ t смeрти. Скончaвшусz мyжу прaведну, не поги1бнетъ надeжда. Сhнъ во првdнъ раждaетсz въ жив0тъ, и3 во бlги1хъ свои1хъ пл0дъ прaвды њб8и1метъ. Свётъ првdнымъ всегдA, и3 t гDа њбрsщутъ бlгодaть и3 слaву. љзhкъ мyдрыхъ дHбраz свёсть, и3 въ сeрдцэ и4хъ почjетъ мyдрость. Лю1битъ гDь прпdбнаz сердцA, пріsтни же є3мY вси2 непор0чніи въ пути2. Мyдрость гDнz просвэщaетъ лицE разyмнагw. Постигaетъ бо желaющыz ю5, прeжде дaже разумёти ю5: и3 ўд0бь ќзритсz t лю1бzщихъ ю5. Ќтреневавый къ нeй не ўтруди1тсz: и3 бдsй є3S рaди, вск0рэ без8 печaли бyдетъ. Ћкw дост0йныхъ є3S самA њбх0дитъ и4щущи: и3 во стезsхъ є3S kвлsетсz и5мъ бlгопріeмнэ. Мyдрости никогдaже њдолёетъ ѕл0ба. Си1хъ рaди и3 рачи1тель бhхъ добр0ты є3S: и3 возлюби1хъ ю5, и3 поискaхъ t ю4ности моеS: И# взыскaхъ невёсту привести2 себЁ, ћкw всёхъ вLка возлюби2 ю5. Таи1бница бо є4сть б9іz хи1трости, и3 њбрэтaтельница дёлъ є3гw2. Труды2 є3S, сyть добродётєли: цэломyдрію же и3 рaзуму тA ўчи1тъ, прaвдэ и3 мyжеству, и5хже потрeбнэе ничт0же є4сть къ житіи2 человёкwмъ. Ѓще же и3 мн0гагw и3скyсства желaетъ кто2, вёсть дрє1внzz, и3 бhти хот‰щаz разсм0тритъ: Свёсть и3зви6тіz словeсъ, и3 разрэшє1ніz гадaній: знaмєніz и3 чудесA проразумёетъ, и3 сбыті‰ времeнъ и3 лётъ: и3 всBмъ совётникъ є4сть бlгъ, ћкw безсмeртіе є4сть въ нeй, и3 бlгослaвіе во nбщeніи словeсъ є3S. Сегw2 рaди бесёдовахъ ко гDу, и3 помоли1хсz є3мY, и3 рёхъ t всегw2 сeрдца моегw2: Б9е nтцє1въ, и3 гDи млcти, сотвори1вый вс‰ сл0вомъ твои1мъ, и3 мyдростію твоeю ўстр0ивый человёка, да владёетъ бhвшими t тебE тварьми2, и3 да ўправлsетъ мjръ въ препод0біи и3 прaвдэ: Дaждь ми2 твои1хъ пrт0лwвъ присэдsщую премyдрость, и3 не tлучи2 менE t џтрwкъ твои1хъ, ћкw ѓзъ рaбъ тв0й, и3 сhнъ рабhни твоеS. Посли2 ю5 съ нб7съ t с™aгw жили1ща твоегw2, и3 t пrт0ла слaвы твоеS, да сyщи со мн0ю научи1тъ мS, что2 бlгоуг0дно є4сть пред8 тоб0ю: и3 настaвитъ мS въ рaзумъ, и3 сохрани1тъ мS въ слaвэ своeй. Помышлє1ніz бо смeртныхъ вс‰ боzзли6ва, и3 погрэши1тєльна ўмышлє1ніz и4хъ.
Премyдрости соломHновы чтeніе. (Главы6 д7, ѕ7, з7, в7.)
Похвалsему првdнику, возвеселsтсz лю1діе: Безсмeртіе бо є4сть пaмzть є3гw2, ћкw t гDа познавaетсz, и3 t человBкъ: и3 ўг0дна гDви душA є3гw2. Возлюби1те u5бо, q мyжіе, мyдрость, и3 поживетE: восхощи1те є3S, и3 накaзани бyдете: начaло бо є3S любы2, и3 соблюдeніе зак0на. Почти1те премyдрость, да во вёки цrтвуете. ВозвэщY вaмъ, и3 не скрhю t вaсъ т†инъ б9іихъ: Ћкw т0й мyдрости настaвникъ є4сть, и3 мyдрыхъ и3спрaвитель, и3 всsкому смhслу и3 дёлу хитрeцъ. И# всBмъ смhслwмъ научи1тъ мyдрость: є4сть бо въ нeй д¦ъ разyменъ и3 с™ъ, и3 сіsніе свёта присносyщнагw, и3 w4бразъ бlгости б9іz. ТA дрyги б9іz и3 прbр0ки ўстроsетъ: Бlголёпнэйши же є4сть с0лнца, и3 пaче всsкагw сотворeніz ѕвёздъ: свёту сосуждaема, њбрэтaетсz пeрвэйши. ТA ўгождaющихъ є4й t болёзней и3збaви, и3 настaви на стєзи2 пр†выz. ДадE и5мъ рaзумъ и3мёти свsтъ, и3 сохрани2 | t ловsщихъ, и3 п0двигъ крёпокъ подадE и5мъ. Да разумёютъ вси2, ћкw си1льнэе всегw2 є4сть бlгочeстіе. И# никогдaже прем0жетъ ѕл0ба мyдрости, нижE прeйдетъ ѕлы6z њбличaющи сyдъ. Рек0ша же въ себЁ, помhсливше непрaведнw: наси1льствуемъ прaведному, и3 не пощади1мъ прпdбства є3гw2, ни ўсрами1мсz сэди1нъ стaрости многолётны. Бyдетъ бо нaмъ крёпость зак0нъ: и3 ўлови1мъ прaведнаго, ћкw неуг0денъ нaмъ є4сть и3 проти1витсz дэлHмъ нaшымъ, и3 пон0ситъ нaмъ tпадeніе зак0на, и3 њбличaетъ нaмъ согрэшє1ніz наказaніz нaшегw. Возвэщaетъ нaмъ рaзумъ и3мёти б9ій, и3 џтрока гDнz себE и3менyетъ. Бhсть нaмъ на њбличeніе помышлeніємъ нaшымъ, и3 тsжекъ нaмъ є4сть и3 ви1димь: ћкw непод0бно и3ны6мъ житіE є3гw2 и3 и3змэнeны стєзи2 є3гw2. Въ поругaніе вмэни1хомсz є3мY, и3 ўдалsетсz t путeй нaшихъ ћкw t нечистHтъ, и3 блажи1тъ послBднzz прaведныхъ. Ўви1димъ ќбw, ѓще словесA є3гw2 и4стинна сyть, и3скуси1мъ, ±же сбывaютсz є3мY. Ругaніемъ и3 мyкою и3стsжемъ є3го2, да разумёемъ кр0тость є3гw2, и3 и3скyсимъ безѕл0бство є3гw2: смeртію без8wбрaзною њсyдимъ є3го2, бyдетъ бо посэщeніе t словeсъ є3гw2. Сі‰ помhслиша, и3 прельсти1шасz: њслэпи1 бо | ѕл0ба и4хъ, и3 не разумёша т†инъ б9іихъ, и3 не разсуди1ша, ћкw ты2 є3си2 бGъ є3ди1нъ, животA и3мёzй и3 смeрти влaсть, и3 сп7сazй во врeмz ск0рби, и3 и3збавлszй t всsкагw ѕлA. Щeдръ и3 млcтивъ, и3 даS преподHбнымъ свои1мъ бlгодaть, и3 своeю мhшцею гHрдымъ противлszсz.
На літjи стіхи1ра хрaма: тaже стіхи6ры є3рмогeна, глaсъ №-й, самоглaсны.
Что2 сіE є4сть прaзднество; что2 є4сть вeлій глaсъ њсщ7eннагw соб0ра; что2 сіE є4сть бlгохвaльное и3 крaсное собрaніе; сщ7eнницы рaдуютсz, лю1діе въ весeліе њблекaютсz, и3 вс‰ правослaвнаz рyсь торжествyетъ, с™и1телю є3рмогeну предлежaщу и3 всёхъ t рaки мощeй свои1хъ бlгословлsющу и3 всёхъ бlгодaтнw ўтэшaющу и3 тaйнw глаг0лющу: не б0йсz, мaлое стaдо, не потопи1ти м0рю житeйскому кораблS ї}сова, не поги1бнетъ рyсь правослaвнаz и3 бGомъ люби1маz, ћкw бlгоизв0ли гDь дaти нaмъ цaрство, на кaмени бо вёры и3 прaвды стои1мъ.
Пріиди1те, вси2 вёрніи, с™и1телz є3рмогeна восхвaлимъ, ѕвэздY t востHкъ с0лнца возсіsвшую и3 зaпадъ с0лнца правослaвіемъ вёры њзари1вшую и3 нhнэ ѕвэздY н0ву на слaвныхъ нб7сёхъ въ с0нмэ сщ7енном§нкъ kвлeнную, въ п0мощь цRкви и3 nтeчеству проти1ву врагHвъ нaшихъ и3 во ўтверждeніе вёры nтцє1въ нaшихъ: гDи, мlтвами с™и1телz ми1ръ тв0й подaждь нaмъ и3 вeлію млcть.
Слaва, глaсъ }.
Чт0 тz наречeмъ, с™и1телю є3рмогeне; ѓгGла ли, занE ћкw храни1тель правослaвныz рyси бhлъ є3си2, и3ли2 ґпcла, ћкw невBрныz научи1лъ є3си2, м§нка ли, ћкw за правослaвіе цaрства дyшу свою2 хrтA рaди положи1лъ є3си2: є3г0же моли2 поми1ловати дyшы нaшz.
И# нhнэ, бGор0диченъ, глaсъ т0йже.
Притецeмъ нhнэ къ м™ри гDа вhшнzгw и3 вкyпэ со с™и1телемъ є3рмогeномъ воспоeмъ застyпницу ўсeрдную: за всёхъ м0литъ бо сн7а своего2, хrтA бGа нaшего и3 всBмъ твори1тъ сп7сти1сz, въ держaвный є3S покр0въ прибэгaющымъ.
На стіх0внэ стіхи6ры, глaсъ ѕ7.
Под0бенъ: Триднeвенъ воскрeслъ є3си2:
С™и1телю є3рмогeне, м0лимъ тS: при1зри на рyсь и3 посэти2 ю5мlтвою: гDи, да и3счeзнутъ врази2 рyси, ћкw дhмъ, и3 ћкw в0скъ t лицA nгнS да поги1бнутъ.
Стjхъ: ЧCтнA пред8 гDемъ смeрть прпdбныхъ є3гw2.
Мlтву твою2 проліsлъ є3си2 ко гDу, с™и1телю є3рмогeне, и3 томY возвэсти1лъ є3си2 печ†ли тво‰ глаг0лz: сE, ѓзъ дyшу мою2 полагaю за џвцы мо‰. ГDи, пріими2 ю5, ћкw кади1ло мlтвы њ рyси правослaвнэй, да пребyдетъ с™а и3 правовёрна во вёки.
Стjхъ: Сщ7eнницы твои2 њблекyтсz въ прaвду, и3 прпdбніи твои2 возрaдуютсz.
Њблецы2 нaсъ мlтвами твои1ми, с™и1телю џтче нaшъ, и3 научи2 нaсъ правослaвнw моли1тисz: гDи, гDи, сп7си2 нaсъ, прeжде дaже до концA не поги1бнемъ.
Слaва, и3 нhнэ, бGор0диченъ:
Под0бенъ: Триднeвенъ воскрeслъ є3си2:
С™и1телю є3рмогeну предстоsщу б9іей м™ри и3 молsщусz њ рyси, припадeмъ и3 мы2 ко пречcтэй: прес™az бцdе, помогaй нaмъ.
На бlгословeніи хлёбwвъ тропaрь, двaжды.
Бцdе дв7о: Е#ди1ножды.
Ґ и3дёже нёсть всен0щнагw бдёніz: на вели1цэй вечeрни по Нhнэ tпущaеши: глаг0лемъ тропaрь є3ди1ножды: Слaва, и3 нhнэ, бGор0диченъ воскрeсенъ.
Тропaрь на преставлeніе, глaсъ д7.
Ру1сскіz земли2 первопрест0льниче и3 неусhпный њ нeй къ бGу моли1твенниче! За вёру хrт0ву и3 пaству твою2 дyшу свою2 положи1въ, странY нaшу t нечeстіz и3збaвилъ є3си2. Тёмже вопіeмъ ти2: сп7сaй нaсъ моли1твами твои1ми, сщ7енном§ниче є3рмогeне, џтче нaшъ.
Тропaрь на прославлeніе, глaсъ д7.
ПриспЁ дeнь свётлагw торжествA, грaдъ москвA рaдуетсz, и3 съ ни1мъ рyсь правослaвнаz ликовствyетъ пёсньми и3 пёньми дух0вными: днeсь бо сщ7eнное торжество2 въ kвлeніи честнhхъ и3 многоцэлeбныхъ мощeй с™и1телz и3 чудотв0рца є3рмогeна, ћкоже с0лнце незаходи1мое возсіS свэтозaрными лучaми, разгонsz тьмY и3скушeній же и3 бёдъ t вопію1щихъ вёрнw: сп7сaй нaсъ, ћкw предстaтель нaшъ, вели1кій є3рмогeне.
На ќтрени, На БGъ гDь, тропaрь с™и1телz, двaжды. Слaва, и3 нhнэ, бGор0диченъ:
Е$же t вёка ўтаeнное:
По №-мъ стіхосл0віи сэдaльны, глaсъ д7.
Под0бенъ: Kви1лсz є3си2:
Строи1телz земли2 нaшеz во дни6 нестроeніz, вёрніи, сошeдшесz восхвaлимъ: ћкw цaрству нaшему пyть правослaвнагw строи1тельства проповёда, и3 самозвaнныz бGопроти1вныz вл†сти њбличи1въ дерзновeннэ, въ темни1цэ глaдомъ замyченъ бhсть: и3 нhнэ со сщ7енном§нки живhй, хrтY м0литсz, сп7сти1сz нaмъ.
Слaва:
Свётлую твою2 пaмzть днeсь творsще, сп7са и3 гDа моли1ти прилeжнw тS м0лимъ, сщ7енном§нче є3рмогeне, зак0нwмъ дaти правослaвное ўтверждeніе.
И# нhнэ, бGор0диченъ:
Тeплое заступлeніе сyщымъ въ бэдaхъ, и3 пом0щницу нaшу, є4юже рaбства и3нозeмнагw и3збaвихомсz, бцdу, вёрніи, ўбlжaемъ.
По в7-мъ стіхосл0віи сэдaльны, т0йже глaсъ и3 под0бенъ.
Kви1лсz є3си2 днeсь рyси правослaвнэй, и3 свётъ твоегw2 бlговолeніz знaменасz на нaсъ, въ рaзумэ пою1щихъ тS: пришeлъ є3си2, и3 kви1лсz є3си2, чудотв0рецъ преслaвный.
Слaва:
Притецeмъ, вёрніи, къ рaцэ мощeй с™и1телz є3рмогeна, и3 проліeмъ пред8 ни1мъ печaль нaшу, и3 ск0рбь нaшу пред8 ни1мъ возвэсти1мъ, да њбрsщемъ вeліе ўтэшeніе: всsкъ бо вёруzй не tи1детъ т0щь.
И# нhнэ:
Днeсь вLчца мjра рaдуетсz, зрsщи с™и1телz є3рмогeна, t хrтA вэнчaннаго си1лою мн0гою и3 при1снw њ правослaвнэй рyси молsщасz. Е#гHже мlтвами м™и бGа вhшнzгw, покрhй нaсъ покр0вомъ твоеS бlгости.
По полmелeи сэдaльны, глaсъ и3 под0бенъ т0йже.
Премyдраго їерaрха восхвaлимъ, ћкw к0рмчаго рyси правослaвныz, къ г0рнему їеrли1му путев0дствующа, и3 на всsку прaвду наставлsюща, и3 t всsкагw ѕлA сп7сaюща.
Слaва:
Премyдраго їерaрха восхвaлимъ, ћкw ѓгGла храни1телz рyси правослaвныz странY нaшу въ правослaвнэй вёрэ ўтверждaюща, и3 хrтA въ нeй воwбражaюща.
Ўбlжи1мъ чcтнёйшую г0рнихъ в0инствъ: тa бо помоглA є4сть с™и1телю є3рмогeну ўпок0итисz въ вёчныхъ њби1телехъ, тa бо сп7сeтъ и3 нaсъ грёшныхъ.
По н7-мъ pалмЁ стіхи1ра, глaсъ д7.
Под0бенъ: Kви1лсz є3си2:
Предстaтель теплёйшій цaрства правослaвнагw показaлсz є3си2, є3рмогeне, и3 и3носл†внаz ўчє1ніz tвергaz со дерзновeніемъ, прaвило показaлсz є3си2 всBмъ правослaвіz, њ всёхъ молsсz послэдyющихъ твои6мъ бжcтвєннымъ ўчє1ніемъ и3 наказaніємъ.
КанHнъ бцdы, со їрмос0мъ на ѕ7, глaсъ }:
В0ду прошeдъ:
И# с™и1телz, глaсъ }, є3гHже краегранeсіе:
Вонми2, землE, глaсу с™и1телz є3рмогeна: с™az и3 бGомъ люби1маz рyсь не поги1бнетъ на }.
Пёснь №.
Їрм0съ: Пёснь возслeмъ лю1діе, чyдному бGу нaшему, свободи1вшему ї}лz t раб0ты, пёснь побёдную пою1ще и3 вопію1ще: пои1мъ тебЁ є3ди1ному вLцэ.
Вёдущіи воскликновeніе, п0йте и3 величaйте с™и1телz вели1каго, и3 взирaюще на кончи1ну є3гw2, подражaйте вёрэ є3гw2.
Nби1ліе бlгодaти њбитaетъ въ рaцэ мощeй твои1хъ, с™и1телю є3рмогeне, є3sже рaди прославлsемъ тS, ћкw новоzвлeнна чудотв0рца, и3 пр0симъ и3сцэлeній.
Начaло премyдрости стрaхъ гDнь, научи1вый и3 тS, с™и1телю, раб0тати гDеви съ трeпетомъ и3 рaдоватисz пред8 лицeмъ є3гw2. Дaждь и3 нaмъ, по мlтвэ твоeй, положи1ти сіE начaло бlг0е.
МнHги скHрби првdнымъ и3 t всёхъ и4хъ и3збaвитъ | гDь. По словеси2 семY бhсть житіE твоE, с™и1телю. И# сE, нhнэ рaдуешисz на нб7сёхъ и3 рaдуеши всёхъ чтyщихъ пaмzть твою2.
И#спытazй свидBніz б9іz бhлъ є3си2, с™и1телю: въ зак0нэ бо хrт0вэ поучaлсz є3си2 дeнь и3 н0щь, и3 њправд†ніz гDнz пр†ва сyть: въ селє1ніz бо првdныхъ всели1 тz гDь.
Зaпwвэди гDни t ю4ности возлюби1лъ є3си2 и3 пред†ніz с™hхъ nтє1цъ дaже до смeрти соблю1лъ є3си2, с™и1телю, и3 нhнэ съ ни1ми сопрославлsеши бGа, є3г0же моли2, да сп7сeтъ тоб0ю дyшы нaшz.
Е#г0же возлюби1лъ є3си2 и3 є3мyже рeвностнw пораб0талъ є3си2, нhнэ съ ли1ки с™hхъ воспэвaеши и3м0лишисz за ны2.
БGор0диченъ: Мlтвеннице тeплаz, застyпнице р0да хrтіaнскагw, пріими2 мwльбы2 t нaсъ, прилeжнw призывaющихъ и3 молsщихсz тебЁ: покрhй странY нaшу правослaвную покр0вомъ твоеS бlгости.
Пёснь G.
Їрм0съ: Ты2 є3си2 ўтверждeніе притекaющихъ къ тебЁ, гDи: ты2 є3си2 свётъ њмрачeнныхъ, и3 поeтъ тS дyхъ м0й.
ЛBта дрє1внzz помzнyхъ и3 поучи1хсz во всёхъ дёлэхъ твои1хъ, с™и1телю, и3 њбрэт0хъ вёдэніе, кaкw жи1ти въ мjрэ сeмъ, t с™hхъ nтє1цъ и3 t житjй с™hхъ вразумлszсz.
Е#пjскопъ мyдрый лю1демъ и3 цaрству бhлъ є3си2, с™и1телю: ўпод0билсz є3си2 мyжу смотрsщу лицE бытіS цaрства правослaвнагw въ лётописехъ дрeвнихъ, ћкоже въ зерцaлэ, поучaющусz премyдрости правослaвіz во днeхъ дрeвнихъ.
ГDи гDь нaшъ, ћкw чyдно и4мz твоE по всeй рyси. ГDь посмэeтсz врагHмъ нaшымъ. ГDь застyпникъ нaшъ. Сію2 прaвду живописaлъ є3си2, с™и1телю, поучaz р0ды родHвъ, ћкw лэтопи1сецъ правослaвныz рyси.
Лю1діе, поучи1тесz, лю1діе, ўмили1тесz, вразумлsюще себE самёхъ въ пёніихъ и3 пёснехъ дух0вныхъ, и4миже прослaвилъ є4сть с™и1тель є3рмогeнъ застyпницу р0да нaшегw.
Ѓще не гDь сози1ждетъ д0мъ, всyе труди1шасz зи1ждущіи. Сію2 и4стину внушaлъ є3си2, с™и1телю, стрaжємъ земли2 нaшеz, да не њсуетsтсz помышлє1ніи свои1ми и3 да не всyе мzтyтсz.
Сщ7eнникъ цRкве с™и1телz ніколaz бhлъ є3си2, є3рмогeне, и3 возгрэвaz дaръ, живhй въ тебЁ, вeлію люб0вь бGомaтере стzжaлъ є3си2, є4юже t слaвы въ слaву дaже до нб7сE влек0мъ бhлъ є3си2 и3 въ селeніихъ првdныхъ всели1лсz є3си2.
Ўпод0билсz є3си2 купцY, многоцёненъ би1серъ њбрётшу, є3гдA їкHну бGом™ре t земли2 под8sлъ є3си2, ћкw сокр0вище бlгодaти, ни1щыz дyхомъ њбогащaющее.
БGор0диченъ: Сказaніе чудeсъ твои1хъ, бцdе, є4же написA с™и1тель є3рмогeнъ во слaву їкHны твоеS казaнскіz, воздвизaетъ всю2 рyсь правослaвную при1снw прибэгaти къ тебЁ во всёхъ њбстоsніихъ и3 прилeжнw моли1ти: прес™az бцdе, помогaй нaмъ.
Сэдaленъ, глaсъ }.
Под0бенъ: Премyдрости:
Возшeдъ на высотY нбcную, и3 бжcтвенными tтyду, џтче, њзари1всz сі‰ніи чудeсъ, пресвётелъ вои1стину kви1лсz є3си2 правослaвнэй рyси пaстырь, нaмъ въ напaстехъ сhй предстaтель непобэди1мъ: тёмже преслaвнw враги2 побэди1въ, лжY и3нослaвіz tгнaлъ є3си2, и3 цaрство правослaвное спaслъ є3си2 t поги1бели, є3рмогeне. Моли2 хrтA бGа: грэхHвъ њставлeніе даровaти чтyщымъ люб0вію с™yю пaмzть твою2.
Слaва, и3 нhнэ, бGор0диченъ:
С™и1телю є3рмогeну подражaюще, почти1мъ пресвётлую їкHну бGом™ре, ћкw и3ст0чникъ неисчерпaемый и3сцэлeній, и3 ўбlжи1мъ м™рь бGа вhшнzгw, ћкw дв7у и3 є3ди1ну въ женaхъ, без8 сёмене р0ждшую бGа пл0тію.
Пёснь д7.
Їрм0съ: Ўслhшахъ, гDи, смотрeніz твоегw2 тaинство, разумёхъ дэлA тво‰, и3 прослaвихъ твоE бжcтво2.
Возвэсти1те во kзhцэхъ дэлA б9іz, ±же kви1лъ нaмъ є4сть гDь вседержи1тель t їкHны своеS м™ре, рeклъ є3си2, с™и1телю: да не рекyтъ kзhцы: гDэ є4сть бGъ и4хъ, въ нег0же вёруютъ; и3 да заградsтсz ўстA и4хъ.
Ћта бhсть землeю, но не ўдержaнна, їкHна пречcтыz, да бyдетъ во ўтверждeніе новопросвэщє1ннымъ, блуждaющымъ же во тьмЁ невёдэніz во tкровeніе свёта и4стины, ћкоже мyдрствуетъ њ сeмъ с™и1тель є3рмогeнъ.
Ты2 є3си2 и3зрsдное пёніе чудeсъ пренепор0чныz, ты2 є3си2 ўтверждeніе немощствyющихъ въ вёрэ, ты2 є3си2 просвэщeніе њмрачeнныхъ тьм0ю невёріz, и3 поeтъ тS дyхъ м0й.
И$го бlг0е и3 брeмz лeгкое под8sлъ є3си2, є3рмогeне, є3гдA џбразъ ѓгGльскій воспріsлъ є3си2, да пріи1деши въ в0зрастъ мyжа совершeнна.
ТебE, њдёющагосz мlтвою, ћкw ри1зою, добродётелей подви1жника, сп7сова њби1тель ви1дz, ѕэлw2 рaдовасz: грzдeтъ бо сщ7енно-ґрхімандрjтъ њбнови1ти њби1тель и3 ўтверди1ти бlгочeстіе.
Е#рмолaю тезоимени1тый ўсоверши1лсz є3си2: є3рмогeну же сожи1тельствуz ўпод0билсz є3си2: и3 сE, ћкw свэти1льникъ немерцazй, поставлsешисz на свёщницэ казaнскіz цRкве.
Лёпw є4сть премyдрому нем{дрыz превэщaти, си1льному њ гDэ немощны6z ўкрэплsти: лёпw є4сть свzти1тельствовати є3рмогeну, вс‰ могyщему њ хrтЁ ї}сэ.
БGор0диченъ: Ћкw гпcжY цRи1цу и3 вLчцу, заступaющу всёхъ нaсъ, въ держaвный тв0й покр0въ прибэгaющихъ, поeтъ тS с™hй є3рмогeнъ, съ ни1мже пріими2 и3 н†ша молє1ніz и3 сп7си2 дyшы нaшz.
Пёснь є7.
Їрм0съ: Ќтренююще вопіeмъ ти2: гDи, сп7си1 ны, тh бо є3си2 бGъ нaшъ, рaзвэ тебє2 и3н0гw не знaемъ.
Е#гдA бhлъ є3си2 въ казaни, невёдущыz и4стиннагw бGа просвэщaлъ є3си2 и3 раб0тати є3ди1ному бGу научaлъ є3си2. Сегw2 рaди со ґпcлы рaдуешисz, пріeмлz нагрaду бlговёстника хrт0ва.
Рeвностію б9іею по слaвэ ди1вныхъ во с™hхъ: гyріа, варсон0фіа и3 гeрмана поревновaлъ є3си2, є3рмогeне, и3 тёхъ мlтвами вспомоществyемый, въ њби1тєли с™и1телей пресели1лсz є3си2, предстоS є3ди1ному пастыреначaльнику, є3г0же моли2 сп7сти1сz всBмъ нaмъ.
Ми1луz накaзывалъ є3си2 и3 наказyz ми1ловалъ є3си2, с™и1телю, и3 сeю мyдростію њграждaлъ є3си2 t волкHвъ хи1щныхъ новопросвэщє1ннаz ч†да тво‰ и3 вс‰ џвцы тво‰.
Њпл0томъ в0ли царeвой, ревнyющіz по правослaвію цaрства, немощны6z въ вёрэ њграждaлъ є3си2 и3 къ попечeнію њ сп7сeніи цaрства во хrтЁ ї}сэ царS fе0дwра призывaлъ є3си2, ўказyz цaрству сп7си1тельное преwбражeніе.
Грaдъ москвA и3 съ ни1мъ всS рyсь плaкасz г0рькw, самозвaнну повели1телю воцари1вшусz и3 въ нечeстіе њблeкшусz, тh же є3ди1нъ, ћкw крёпкій поб0рникъ, семY нечeстію противостaлъ є3си2 и3 вёру правослaвную со дерзновeніемъ и3сповёдалъ є3си2.
Е#рмогeна и3сповёдника, и4же не ўбоsсz прещeніz смeртнагw и3 словeсъ жест0кихъ t нечести1вагw врагA, пёсньми ўбlжaемъ.
На нег0же рaдующесz взирaютъ чи1ни ѓгGльстіи и3 вси2 с™jи, томY предстои1ши нhнэ, є3рмогeне, и3 ћкw и3сповёдникъ ходaтайствуеши при1снw за рyсь правослaвную.
БGор0диченъ: Ґдaмово воззвaніе, пренепор0чнаz дв7о, съ тоб0ю гDь и3 тоб0ю съ нaми бGъ: разумёйте сіE, kзhцы, и3 покарsйтесz.
Пёснь ѕ7.
Їрм0съ: Ри1зу мнЁ подaждь свётлу, њдэsйсz свётомъ ћкw ри1зою, многомлcтиве хrтE б9е нaшъ.
Соб0ра њсщ7eннагw и3збрaніемъ и3 повелёніемъ цaрскимъ возшeлъ є3си2, с™и1телю, на прест0лъ патріaршіz влaсти, да сп7сeши рyсь, напaстьми мн0гими њбуревaему.
Вёры нелицемёрныz и3сповёданіе непоколeблемое начертaлъ є3си2, с™и1телю, рук0ю твоeю и3 сію2 вёру пред8 лицeмъ всеS цRкве въ соб0рэ ўспeніz пречcтыz и3сповёдалъ є3си2, да ќзритъ вс‰ рyсь кaмень и4стинныz вёры, на нeмже сози1ждетсz цaрство и3 ўтверди1тсz въ правослaвіи.
Љзhкъ тв0й тр0сть кни1жника скоропи1сца, и4мже загради1шасz ўстA грёшнича и3 ўстA льсти1вагw и3 ўсмири1сz мzтeжъ нечести1выхъ.
ТьмY лжи2, ћже бhсть w4крестъ прест0ла цaрскагw, разгонsz сл0вомъ и4стины, и3 на борьбY съ и3змённиками правослaвное в0инство бlгословлsz и3знeслъ є3си2 на стHгна грaда москвы2 покр0въ t чудот0чныхъ мощeй цReвича дими1тріа, да возвэсти1тсz прaвда б9іz и3 да ўкрэпи1тсz странA правослaвнаz.
Ѓще цaрь бlгочести1въ рeклъ є3си2, с™и1телю, и3 по вёрэ правослaвнэй поборaтель, бlгослови1те њ нeмъ гDа, и3 возлюби1те є3го2, и3 въ стрaсэ б9іи повинyйтесz є3мY и3 покарsйтесz.
Ћкw дрeво при и3сх0дищихъ в0дъ бhлъ є3си2 ў прест0ла бlгодaти, с™и1телю, њсэнsz прохлaдою ўтэшeніz и3 многопл0діемъ прaвды царS правослaвныz рyси.
И# проповёдуеши, и3 њбличaеши, и3 призывaеши, и3м0лишисz, и3 моли1тисz во всёхъ хрaмэхъ повелэвaеши, с™и1телю, њ сп7сeніи њ ўмирeніи страны2 правослaвныz.
БGор0диченъ: Бцdе дв7о, ўповaніе хrтіaнwмъ, покрhй, соблюди2, сохрани2 и3 сп7си2 рyсь, прибэгaющу ко твоемY заступлeнію.
Кондaкъ, глaсъ ѕ7.
Темни1цею и3 глaдомъ и3знурsемь, дaже до смeрти вёренъ пребhлъ є3си2, бlжeнне є3рмогeне, малодyшіе t сердeцъ людeй твои1хъ tгонsz и3 на џбщій п0двигъ вс‰ призывaz. Тёмже и3 нечести1выхъ мzтeжъ низложи1лъ є3си2 и3 ски1птры цaрства ўтверди1лъ є3си2, да вси2 зовeмъ ти2: рaдуйсz, застyпниче ру1сскіz земли2.
Јкосъ: Пріиди1те, правослaвніи лю1діе, пёсньми ўбlжи1мъ пресвётла свэти1льника цRкве ру1сскіz, непоколеби1ма столпA вёры правослaвныz, тeпла мlтвенника и3 предстaтелz за зeмлю нaшу, крёпка стоsтелz проти1ву врагHвъ, стр0гаго њбличи1телz на предaтелей и3 разори1телей правослaвнагw цaрства, д0браго пaстырz, дyшу свою2 за џвцы сво‰ положи1вша и3 сегw2 рaди вэнцeмъ слaвы t гDа вэнчaнна, къ немyже припадeмъ, вёрою и3 люб0вію зовyще си1це: рaдуйсz, вели1кій въ їерaрсэхъ ру1сскихъ с™и1телю хrт0въ, џтче нaшъ є3рмогeне.
Пёснь з7.
Їрм0съ: Џтроцы бlгочести1віи въ вавmлHнэ џбразу злат0му не поклони1шасz: но посредЁ пeщи џгненныz њрошaеми, пёснь воспэвaху, глаг0люще: превозноси1мый nтцє1въ и3 нaсъ б9е, бlгословeнъ є3си2.
Nгнeмъ лю1тыz ѕл0бы њпалsема, пeщи џгненнэй ўпод0биласz є4сть правослaвнаz рyсь во дни2 разорeніz и3 мzтeжа лю1тагw, си1лою же словeсъ твои1хъ, с™и1телю, њрошaема и3 до днeсь поeтъ правослaвнw: nтцє1въ и3 нaсъ б9е, бlгословeнъ є3си2.
Глaсъ въ соб0рэ ўспeніz пречcтыz слhшанъ бhсть: покaйтесz њ ѕл0бэ вaшей, врази2 царю2 правослaвному и3 бGови, и4бо бGомъ вэнчaнъ є4сть на цaрство и3 бGомъ цaрствуетъ во ўтверждeніе хrт0вы прaвды, пою1ще гDеви: nтцє1въ б9е, бlгословeнъ є3си2.
Nтeцъ всеS рyси въ дни6 ск0рби и3 њбстоsній kви1лсz с™и1тель б9ій є3рмогeнъ: сегw2 рaди призывaйте є3го2 и3 п0йте съ ни1мъ и4мени всевhшнzгw: nтцє1въ и3 нaсъ б9е бlгословeнъ є3си2.
Моли1тесz и3 пости1тесz и3 и3змэни1тесz въ н0вагw человёка, њдёzна въ добродётєли бGолю1біz и3 бlгочeстіz, да подaстъ всBмъ нaмъ гDь ми1ръ и3 люб0вь, земли2 нaшей крёпкое є3динeніе, странЁ побёду на враги2 и3 њдолёніе.
Люб0вію къ царю2 согрэвazйсz и3 рeвностію по вёрэ пaче nгнS разгорazйсz, попалsлъ є3си2, с™и1телю, тє1рніz грэхолюби1вагw мzтeжа, њбновлsz и3 ўтверждaz њбветшaвшее цaрство.
Ю#нцы2 тyчніи: самозвaнцы мzтeжніи, цaріе и3нозeмніи и3 и3змBнницы нечести1віи њдержaша рyсь, пред8 лицeмъ же твоеS прaвды, с™и1телю, и3счез0ша ћкw дhмъ t nгнS, да весели1тсz правослaвнаz рyсь њ гDэ и3 да торжествyетъ правослaвіе.
БGови рабHтницы и3 тебЁ помHщницы бhша с™и1тели хrтHвы: філарeтъ рwст0вскій, є3фрeмъ казaнскій, fеоктjстъ тверскjй и3 галактіHнъ сyздальскій, и4миже во всю2 зeмлю и3зhде сл0во твоE, є3рмогeне с™и1телю, и3 въ концы2 рyси вэщaніе твоE.
БGор0диченъ: И%же въ напaстехъ и3 въ ск0рбехъ, и3 въ болёзнехъ њбременeнніи грэхи2 мн0гими, пріиди1те къ застyпницэ ўсeрднэй, м™ри гDа вhшнzгw: тa бо и3сцэли1тъ вы2 и3 ўтёшитъ и3 ўпок0итъ.
Пёснь }.
Їрм0съ: БGоглаг0ливіи џтроцы въ пещи2, со nгнeмъ плaмень попирaюще, поsху: бlгослови1те, дэлA гDнz, гDа.
Ми1лwстыни мнHги твори1лъ є3си2 лю1демъ, с™и1телю, є3гдA богaтіи њбнищaша ми1лостію и3 сребролю1біz рaди не внимaху є4же помощи2 неимyщымъ: тh же рeклъ є3си2 кeларю сeргіевой њби1тели ґвраaмію, и3 жи6тницы tверз0шасz и3 ѓлчущіи насhтишасz и3 бlгослови1ша гDа.
Ѓще и3 пёнитсz житeйское м0ре, ѓще и3 бэснyетсz воздвизaемо напaстей бyрею, не потопи1ти є3мY кораблS ї}сова: на кaмени бо вёры и3 прaвды стои1мъ. Тaкw рeклъ є3си2, с™и1телю, и3 бhсть тaкw, и3 сE, торжествyютъ правослaвніи и3 бlгословsтъ гDа.
Ћкw д0брый к0рмчій, привeлъ є3си2, с™и1телю, корaбль ру1сскіz держaвы къ ти1хой при1стани правослaвныz цRкве: и3 сE, странA нaша њсолsетсz бlгодaтію с™aгw д¦а и3 бlгословлsетъ гDа.
Рeклъ є3си2, с™и1телю, боsщымсz гDа: не б0йсz, мaлое стaдо, ћкw бlгоизв0лилъ є4сть nц7ъ нбcный даровaти нaмъ цaрство. Тaкw вёровалъ є3си2 и3 тaкw по вёрэ воспріsлъ є3си2. И# сE, с™az цRковь рaдуетсz њ правослaвіи страны2 нaшеz и3 благословлsетъ гDа.
Ўничижи1ша тS возстаю1щіи на тS, метaюще прaхъ и3 пес0къ въ лицE твоE, да tречeшисz t б9іz помaзанника, тh же вс‰ претерпёлъ є3си2 прaвды рaди, бlгословлsz гDа.
С™az и3 бGомъ люби1маz рyсь не поги1бнетъ, рeклъ є3си2, с™и1телю, и3змённикwмъ и3 предaтелємъ и3 всBмъ врагHмъ нaшымъ: всyе труждaетесz, ѓще не гDь созидaетъ, покaйтесz и3 бlгослови1те гDа.
Не вёдаемъ, кaкw и3 нарещи2 вaсъ, рeклъ є3си2, с™и1телю, мzтeжникwмъ и3 и3змённикwмъ: tступи1ли бо є3стE t бGа, tпaли t соб0рныz и3 ґпcльскіz цRкве, tступи1ли t бGомъ и3 с™hмъ є3лeемъ помaзаннагw царS, забhли є3стE њбёты правослaвныz вёры нaшеz: стоsти до смeрти за д0мъ прес™hz бцdы и3 за цaрство правослaвное. Покaйтесz и3 њбрати1тесz и3 бlгослови1те гDа.
БGор0диченъ: Е$же њ нaсъ и3сп0лнивъ смотрeніе б9іе и3 ±же на земли2 соедини1въ небє1снымъ, носи1ла є3си2 во чрeвэ t д¦а с™а, пренепор0чнаz, и3 родилA є3си2 нaмъ всёхъ бGа, є3г0же вс‰ дэлA гDнz пою1тъ и3 превозн0сzтъ во вс‰ вёки.
Пёснь f7.
Їрм0съ: Вои1стину бцdу тS и3сповёдуемъ, сп7сeніи тоб0ю, дв7о чcтаz, съ безпл0тными ли6ки тS величaюще.
Пречcтэй вLчцэ ввёрилъ є3си2, с™и1телю, правослaвное в0инство, и3 стоsти за вёру неподви1жнw дaже до смeрти бlгослови1лъ є3си2, и3 боsтисz є3ди1нагw на нб7сёхъ живyщагw научи1лъ є3си2. Сегw2 рaди со и3сповёдники правослaвныz прaвды рaдуешисz.
Њка‰нныz и3змённики ґнаfемaтствовалъ є3си2, правосл†внымъ же в0инwмъ и3 всBмъ ревни1телємъ правослaвнагw цaрства млcть t гDа бGа и3 t своегw2 смирeніz бlгословeніе преподaлъ є3си2, с™и1телю, и4мже бhсть побёда и3 њдолёніе на враги2 и3 всеS рyси сп7сeніе, тебё же вэнeцъ t бGа, ћкw строи1телю с™hz жи1зни.
Глaсъ џгненныz рeвности њ сп7сeніи nтeчества не вsжетсz, ѓще и3 заключaетсz во хрaминэ пyстэ, ћкw во гр0бэ: сегw2 рaди и3 заповёдалъ є3си2 ўченикY твоемY діwнЂсію и3гyмену и3 и4нокwмъ њби1тели с™aгw сeргіа њгласи1ти всю2 рyсь правослaвную, да воздви1жетсz сп7си1тельнаz брaнь во слaву с™hz цRкве и3 во ўтверждeніе держaвы ру1сскіz, ю4же возлюби1лъ є3си2 и3 њ нeйже м0лишисz бGу.
И# первопрест0льникъ ґпcльскіz цRкве, и3 и3сповёдникъ правослaвныz вёры, и3 вторhй златоyстъ во њбличeніе грэхолюби1выхъ и3 мzтeжныхъ, и3 строи1тель правослaвнагw цaрства бhлъ є3си2, с™и1телю, и3 за сіE произволeніе темни1цею и3 глaдомъ мyчимъ бhлъ є3си2 и3 пріsвъ t бGа неувzдaемый вэнeцъ, съ м§нки весели1шисz.
БGу нaшему тоб0ю слaва, тебё же, сщ7енном§нче є3рмогeне, довлёетъ рaдоватисz во свётэ лицA є3гw2 и3 непрестaннw моли1тисz, да не поги1бнетъ рyсь с™az, но да бyдетъ дaже до концA свётъ во tкровeніе kзhкwмъ правослaвныz прaвды.
Ни1щь и3 болsй є4смь ѓзъ, с™и1телю, и3 во смирeніи своeмъ припaдаю къ цэльбон0снэй рaцэ твоeй, и3сцэлeніz трeбуz.
Е#г0же возлюби1лъ є3си2, є3мyже дyшу свою2 прeдалъ є3си2 и3 нhнэ предстои1ши со дерзновeніемъ ћкw м§нкъ: моли2 бGа њ нaсъ, с™hй сщ7енном§нче є3рмогeне.
БGор0диченъ: ТS и3сповёдуемъ, ћкw м™рь гDа вhшнzгw, и3 невозврaтну надeжду и3мyще на тS, м0лимсz тебЁ ўмилeнною душeю и3 сокрушeннымъ сeрдцемъ: всёмъ полє1знаz дaруй, и3 вс‰ сп7си2, бцdе дв7о, тh бо є3си2 бжcтвенный покр0въ рабHмъ твои6мъ.
Свэти1ленъ.
Под0бенъ: Жєны2, ўслhшите:
Во свётэ правослaвіz, є3гHже ревни1тель бhлъ є3си2, с™и1телю є3рмогeне, зри1мъ свётъ и4стины, въ нeмже полнотA даровaній д¦а, рaдуемсz њ гDэ и3 величaемъ њзари1вшаго тS свётомъ присножив0тнымъ.
Слaва, и3 нhнэ, бGор0диченъ:
М™рь незаходи1магw свёта, њсіzвaющу рyсь покр0вомъ м™рнzгw заступлeніz, пёсньми величaемъ, ћкw свэтлёйшую г0рнихъ в0инствъ.
На хвали1техъ стіхи6ры на ѕ7, глaсъ з7.
Сотвори1те въ пёснехъ сyдъ напи1санъ: слaва сіS бyдетъ вели1кому є3рмогeну: т0й бо є4сть правослaвіz ревни1тель и3 всеS рyси храни1тель, ћкw nрeлъ птенцы2 сво‰ покрывazй.
Хвали1те бGа во с™ёмъ є3гw2: т0й бо возвели1чилъ є4сть є3го2 и3 во всёхъ дёлэхъ є3гw2 њправдaлъ є4сть є3го2 ўтверждeніемъ си1лы є3гw2.
Хвали1те с™aго въ си1лэ є3гw2: вс‰ бо м0жетъ њ ўкрэплsющемъ ї}сэ. Хвали1те є3го2 по мн0жеству чудeсъ є3гw2: вс‰ бо нед{жныz и3сцэлsетъ њ и4мени гDнемъ.
Хвали1те с™aго во pалмёхъ и3 пёснехъ, хвали1те є3го2 въ пёніихъ дух0вныхъ, величaйте слaву nтє1цъ нaшихъ, воспэвaйте ўтверждeніе земли2 нaшеz, рaдуйтесz њ нeмъ и3 весели1тесz.
Хвали1те с™aго въ соб0рэ њсщ7eнныхъ, похвали1те є3го2, вси2 лю1діе: т0й бо є4сть красотA цRк0внаz, т0й бо є4сть добр0та нар0днаz, т0й бо є4сть рaдость нaша.
Хвали1те с™aго во с™и1телехъ, похвали1те є3го2 во с™ёйшихъ патріaрсэхъ, ўбlжи1те є3го2 во и3сповёдницэхъ и3 прослaвите є3го2 во сщ7енном§нцэхъ. Хвали1те є3го2 во всёхъ дёлэхъ є3гw2.
Слaва, глaсъ т0йже.
Пріиди1те, ўбlжи1мъ пaстырz д0браго земли2 нaшеz, за вёру рyси вс‰ претерпёвшаго, и3 за правослaвіе цaрства дyшу свою2 положи1вшаго, и3 нhнэ млcтію б9іею чудотв0рца, kвлeннаго во ўтверждeніе вёры немощствyющихъ, и3 во и3сцэлeніе всёхъ недyгующихъ, и3 во ўпокоeніе њѕл0бленныхъ грэхи2 мн0гими, да вси2 возрaдуемсz и3 да поeмъ є3мY: рaдуйсz, любы2, нaсъ согрэвaющаz. Рaдуйсz, си1ло, нaсъ и3сцэлsющаz. Рaдуйсz, рaзуме, всёхъ просвэщazй. Рaдуйсz, стрaже, правослaвіе нaше њхранszй. Рaдуйсz, с™и1телю є3рмогeне.
И# нhнэ, бGор0диченъ, глaсъ т0йже:
Пріиди1те восхвaлимъ прехвaльную, слaвнэйшую всёхъ земнор0дныхъ и3 чcтнёйшую нбcныхъ в0инствъ м™рь гDа вhшнzгw, застyпницу ўсeрдную.
Славосл0віе вели1кое: И# tпyстъ. Даeтсz же и3 є3лeй брaтіи t канди1ла с™aгw, и3 чaсъ №-й.
На літургjи: Бlжє1нна t канHна с™aгw, пBсни G-z и3 ѕ7-z.
Прокjменъ, глaсъ з7:
Возвесели1тсz првdникъ њ гDэ и3 ўповaетъ на него2.
Стjхъ: Ўслhши, б9е, глaсъ м0й.
Ґпcтолъ къ є3врeємъ, зачaло тlє.
Ґллилyіа, глaсъ д7: Сщ7eнницы твои2 њблекyтсz въ прaвду, и3 прпdбніи твои2 возрaдуютсz.
Е#ђліе їwaнна, зачaло lѕ.
Причaстенъ: Въ пaмzть вёчную.
