...
Квiтень,  Мінея Місячна

Вересень * Жовтень * Листопад * Грудень * Січень * Лютий * Березень * Квітень * Травень * Червень * Липень * Серпень * Богородичний додаток

Квітень

← В 13-й день В 15-й день →

День 123456789101112131415161718192021222324252627282930

В 14-й день

ТранслітераціяЦерковнослов’янськаУкраїнська

И́же во святы́х отца́ на́шего и испове́дника Марти́на, Па́пы Ри́мскаго

НА ВЕЧЕ́РНИ:

Стихи́ры, глас 8.

Подо́бен: Что́ вас нарече́м:

Что тя ны́не, Марти́не, провеща́ем?/ Правосла́вных уче́ний наста́вника всесла́вна,/ верхо́вника свяще́нных повеле́ний Боже́ственных нело́жна,/ лжи и́стиннейшаго обличи́теля,/ словесе́ до́блественнейша споспе́шника,/ священноде́йственна свяще́ннейша,/ чудоде́лателя честне́йшаго./ Моли́ спасти́ся душа́м на́шим.

Что тя ны́не, Марти́не, нарече́м?/ Реку́, духо́вных вод испо́лнену,/ при́сно напая́ющу ду́ши ко благопло́дию разу́мному,/ све́щник, благоче́стия свет сия́ющ,/ го́ру, точа́щу Боже́ственное ра́дование,/ Боже́ственных Слове́с изъяви́теля,/ вся́кия е́реси обличи́теля./ Моли́ спасти́ся душа́м на́шим.

Что тя ны́не, Марти́не, прорече́м?/ Ски́нии и́стинныя священноде́теля всехва́льна,/ хода́тая к Бо́гу и тва́ри боголе́пна,/ ча́шу, пи́во Боже́ственное точа́щу,/ свети́льника, я́ко жи́зни сло́во иму́ща,/ от за́пада у́бо исходя́ща,/ на восто́це же явля́ющася./ Моли́ спасти́ся душа́м на́шим.

Сла́ва, и ны́не, Богоро́дичен:

Кому́ уподо́билася еси́, окая́нная душе́,/ к покая́нию ника́коже возни́чущи/ и огня́ не ужаса́ющися, злых ожида́ющаго?/ Воста́ни, и Еди́ну к заступле́нию ско́рую призови́, и возопи́й:/ Де́во Ма́ти, моли́ Твоего́ Сы́на и Бо́га на́шего/ изба́вити мя от се́ти льсти́ваго.

Крестобогоро́дичен:

А́гница А́гнца я́ко ви́де,/ на Дре́ве просте́рта во́лею Кре́стнем,/ вопия́ше, ма́терски боле́знующи с пла́чем:/ Сы́не Мой, что́ стра́нное сие́ виде́ние?/ Всем жизнь дая́й я́ко Госпо́дь,/ ка́ко умерщвля́ешися, Долготерпели́ве,/ земны́м подая́ воскресе́ние?/ Сла́влю Твое́ мно́гое, Бо́же Мой, снизхожде́ние.

Тропа́рь, глас 4:

И́стинных повеле́ний устне́ распространи́л еси́,/ уче́нии Боже́ственными вся просвети́л еси́,/ злове́рие низложи́л еси́, Богому́дре Марти́не,/ святи́телю всече́стне,/ помина́й нас, уго́дниче Христо́в,/ е́же к Нему́ хода́тайствы твои́ми,/ да в ми́ре устро́иши живо́т наш.

Кано́н, творе́ние Ио́сифово. Глас 8.

Песнь 1

Ирмо́с: Посе́ченный несеко́маго пресече́,/ и ви́де со́лнце зе́млю, ю́же не ви́де./ Лю́таго врага́ вода́ потопи́,/ и непроходи́мое про́йде Изра́иль,/ песнь же воспева́шеся:/ Го́сподеви пои́м, сла́вно бо просла́вися.

Боле́зни мно́ги, Марти́не, претерпе́л еси́ за Христа́ Бо́га/ и ны́не изше́л еси́ к неболе́зненней жи́зни, до́бре подвиза́вся./ Тем моея́ души́ лю́тыя боле́зни облегчи́,/ я́ко да воспою́ тя, моли́твами твои́ми просвеща́емь.

Существа́ два, и две во́ли, и де́йства сугу́ба нося́ща, блаже́нне,/ Еди́наго от Честны́я Тро́ицы научи́л еси́, Христа́, Пресу́щнаго Бо́га,/ и и́же не та́ко честву́ющия,/ вся отве́ргл еси́, Марти́не свяще́ннейше.

Неду́говавшия безслове́сно безу́мне, в Еди́ном Христе́, еди́ну му́дрствующе во́лю,/ ра́зумом и́стинным и ве́рою украша́емь, обличи́л еси́, Марти́не, я́вственно/ и, ра́дуяся, взыва́л еси́:/ пои́м Го́сподеви, сла́вно бо просла́вися.

Кра́сными пе́сньми, све́тло лику́ющи,/ днесь Христо́ва Це́рковь тя почита́ет, Богоблаже́нне,/ Христо́в служи́телю, Марти́не пресве́тле,/ пою́щая тя просвети́.

Богоро́дичен: И́же по естеству́ Боже́ственному Неви́димый,/ ви́ден бысть из Тебе́ Младе́нец, Челове́к быв,/ сугу́ба я́ко вои́стинну хоте́ния и де́йства нося́ во Еди́ной Ипоста́си,/ Его́же моли́, Пренепоро́чная, вся ны спасти́, любо́вию пою́щия Тя.

Песнь 3

Ирмо́с: Страх Твой, Го́споди,/ всади́ в сердца́ раб Твои́х/ и бу́ди нам утвержде́ние,/ Тя во и́стине призыва́ющим.

Сый испо́лнен, всеблаже́нне, Боже́ственныя ре́вности,/ собра́л еси́ Свяще́нен, Марти́не, Собо́р/ и церко́вное утверди́л еси́ уче́ние.

Посреди́ Собо́ра отве́ргл еси́ Пи́рра, Се́ргия и Фео́дора, Ки́ра же/ и подо́бныя тем буесло́вящим злосла́вныя, о́тче.

Из Ри́ма ну́ждею изгна́н,/ обше́л еси́, я́ко со́лнце, лучи́ испуща́я, преподо́бне,/ правосла́вныя просвеща́я вся.

Прему́дростию освяще́н свы́ше, я́ко со́лнце,/ Ри́мскому оте́честву ве́лий засту́пник проявле́н,/ Марти́не преподо́бне, блаже́нне.

Богоро́дичен: Отцу́ Равноче́стна и Сопресто́льна па́че сло́ва родила́ еси́,/ де́йства два нося́ща и две во́ли, Всесвята́я Отрокови́це.

Седа́лен, глас 4.

Подо́бен: Вознесы́йся:

Испове́дании свяще́нными укра́шься,/ му́ченически же жизнь соверши́в,/ к Небесе́м восте́кл еси́, Марти́не му́дре,/ венце́м неувяда́емым от Бо́га венча́лся еси́./ Те́мже святу́ю твою́ пра́зднуем па́мять, вопию́ще:/ помяни́ нас, священноблаже́нне, Христу́ предстоя́.

Сла́ва, и ны́не,

Богоро́дичен:

По Бо́зе во Твой, Богоро́дице, прибега́ю, смире́нный, покро́в Боже́ственный/ и, припа́дая, молю́ся:/ поми́луй, Пречи́стая, я́ко превзыдо́ша главу́ мою́ греси́,/ и бою́ся, Влады́чице, му́ки, и трепе́щу,/ моле́ние сотвори́, Чи́стая, к Сы́ну Твоему́ от сих изба́вити мя.

Крестобогоро́дичен:

И́же от Безнача́льнаго Отца́ рожде́ннаго напосле́док Тя пло́тию ро́ждшая,/ на Кресте́ ви́сяща, зря́щи, Христе́, – у́вы Мне, любе́знейший Иису́се, – вопия́ше, –/ ка́ко сла́вимый я́ко Бог от А́нгел,/ от беззако́нных ны́не челове́к, Сы́не, хотя́, распина́ешися?/ Пою́ Тя, Долготерпели́ве.

Песнь 4

Ирмо́с: Всел еси́ на ко́ни, апо́столы Твоя́, Го́споди,/ и прия́л еси́ рука́ма Твои́ма узды́ их,/ и спасе́ние бысть ежде́ние Твое́/ ве́рно пою́щим:/ сла́ва си́ле Твое́й, Го́споди.

Непра́ведно от престо́ла твоего́, му́дре, изгоня́емь,/ от челове́к непра́ведных пра́ведный пострада́ти благоволи́л еси́,/ я́ко да пра́ведное уче́ние церко́вное, о́тче, спасе́ши невреди́мо.

Стоя́ среди́ пребеззако́ннующих я́ко зако́нен страда́лец, святи́телю Богоприя́тне,/ и от них оскорбля́емь, и наруга́емь, и влачи́м всу́е,/ пребы́л еси́ умо́м непревра́щен.

Младе́нцев вмени́л еси́, о́тче, стреля́ния, Марти́не, всу́е оскорбля́ющих тя/ и, терпели́вно пострада́в, гони́м, и вя́жемь всу́е,/ ив темни́цах заключа́емь.

Трисве́тлыми заря́ми пресве́тло укра́шен, па́че со́лнца, блаже́нне,/ за́паду сия́еши и неве́рствия тьму отгоня́еши, прему́дре./ Те́мже просвети́ ны, тя блажа́щия.

Богоро́дичен: Во двою́ существу́ богому́жно познава́емаго,/ от Тро́ицы Еди́наго родила́ еси́,/ я́ко Бо́га и Челове́ка, во́ли нося́ща прили́чно обе́ма естество́ма,/ Де́во Пренепоро́чная.

Песнь 5

Ирмо́с: От но́щи неве́дения/ по душелови́тельному пути́ при́сно блудя́щаго,/ све́том ра́зума Твоего́, Го́споди, преднаставля́я мя,/ на стезю́ за́поведей Твои́х напра́ви.

Свяще́ннейшим твои́м сло́вом, о́тче, всесвяще́нное уче́ние я́ве утверди́л еси́/ и ерети́ческия полки́ низве́ргл еси́,/ претерпева́я изгна́ния, и темни́цы, и ско́рби мно́ги.

Дрема́ния твои́м ве́ждом, преподо́бне, не дал еси́,/ до́ндеже вселе́ние Бо́гу был еси́,/ и всю разве́ял еси́ е́реси пре́лесть, му́ченически подвиза́вся.

Вражде́бно тя, я́коже зве́рие, влеко́ша вери́гами, му́дре,/ врази́, связа́вше посреде́ гра́да, руга́тельно, укоря́юще, и ху́ляще,/ и без студа́ на тя напа́дающе.

Ве́рою огра́ждся, я́ко со́лнце луча́ми,/ и устне́ возвесели́, и гра́ды вся просвети́,/ пропове́дая Христа́, Сына Бо́жия, во пло́ти прише́дша.

Богоро́дичен: Неискусобра́чно, Де́во, неопи́санное Сло́во пло́тию ро́ждши,/ пло́ти моея́ стра́сти умертви́, оживи́ же ду́шу мою́,/ умерщвле́нную прегреше́ньми.

Песнь 6

Ирмо́с: Бе́здна грехо́в и прегреше́ний бу́ря мя смуща́ет/ и во глубину́ ну́жднаго ре́ет мя отча́яния,/ но Твою́ кре́пкую ру́ку мне простри́, я́ко Петро́ви,/ о Упра́вителю, и спаси́.

Разсе́деся лука́вый при ногу́ твое́ю свяще́нною, Богоно́се,/ и лука́вых челове́к бездве́рная уста́ загражда́ются твои́м сло́вом,/ и явля́ется, сия́ющи, уче́ние Боже́ственное, па́че со́лнца.

Простира́ют тя неща́дно и у́жи связу́ют преле́стницы, вя́жуща вся́ку лесть/ и ерети́ческий сою́з растерза́юща сою́зом Боже́ственных уче́ний твои́х,/ святи́телю о́тче Марти́не свяще́ннейше.

Стоя́л еси́ пред суди́щем судя́щих,/ осужда́я пре́лесть пропове́дающих еди́ну во Христе́, о́тче, во́лю/ и му́ченическими я́ве украша́яся венцы́, Богоблаже́нне Марти́не му́дре.

Чудесы́ испо́лни весь мир, прехва́льне,/ источа́я ре́ки исцеле́ний, Богогла́се,/ и́миже и мя просвети́, молю́ ти ся, Марти́не пресвяты́й.

Богоро́дичен: Зако́ни естества́ в Тебе́ разоря́ются,/ неизрече́нно бо ражда́еши Соде́теля всех, Богоро́дице Всепе́тая,/ я́ко Бо́га же и Челове́ка, две во́ли же иму́ща и де́йства, Ма́ти Де́во.

Песнь 7

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Сугу́бых действ и хоте́ний, о́тче, Христа́ лиши́вшиися/ лиши́ша тя престо́ла, отда́вше изгна́нием да́льним, зову́щаго:/ оте́ц на́ших Бо́же, благослове́н еси́.

Проше́д многовре́менныя темни́цы я́ко храни́тель непоро́чныя ве́ры,/ ерети́ческую тьму ума́лил еси́ и пе́ти ве́рныя просвети́л еси́:/ оте́ц на́ших Бо́же, благослове́н еси́.

Я́коже лев, о́тче, упова́в, на беззако́нныя де́рзостно наскочи́л еси́/ Фео́дора, и Ки́ра, и Се́ргия, и Пи́рра,/ и сих единомы́сленныя отлуча́я Христо́вы Святы́я Це́ркве.

Возсия́в, блаже́нне, яко со́лнце на земли́,/ благода́тию свы́ше озаря́емь, о́тче Марти́не, поя́ше:/ препе́тый Го́споди, Бо́же оте́ц на́ших, благослове́н еси́.

Богоро́дичен: Во дву во́лях и де́йствах двух из Тебе́, Пренепоро́чная, рожде́йся несказа́нно,/ И́же си́це му́дрствующий спаса́ет, зову́щия:/ оте́ц на́ших Бо́же, благослове́н еси́.

Песнь 8

Ирмо́с: Богоглаго́ливии о́троцы в пещи́,/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.

Стесня́емь, о́тче, немощьми́,/ и лю́тыми изгна́нии, и многообра́зными му́ками,/ муче́ния венцы́ я́ко му́ченик прия́л еси́.

Блаже́нства Богоизбра́ннаго сподо́бился еси́, изгоня́емь, Марти́не,/ и пра́вды близ был еси́,/ изгна́в от среды́ непра́ведную е́ресь.

Украси́в Петро́в Боже́ственный престо́л/ и на того́ ка́мени Це́рковь неколе́блему соблю́л, Марти́не,/ с сим просла́вился еси́.

Тро́ицы Пресвяте́й яви́ся и́стинный пропове́дник, Марти́не пресвя́те,/ Е́юже просве́щся, па́че со́лнца, блаже́нне,/ сия́еши чудесы́, исцеле́ния точа́ взыва́ющим:/ Го́спода по́йте, дела́, и превозноси́те Его́ во ве́ки.

Богоро́дичен: Святе́йши Вы́шних во́инств и Херуви́м превы́шши, Ма́ти Бо́жия су́щи,/ страсте́й плотски́х мя превы́шша сотвори́.

Песнь 9

Ирмо́с: Уста́вы прешла́ еси́ естества́,/ Соде́теля заче́нши и Го́спода,/ и дверь спасе́ния ми́рови была́ еси́,/ тем Тя, Богоро́дице,/ непреста́нно велича́ем.

Священноде́тель свяще́ннейший, испове́дник же и му́ченик быв,/ с патриа́ршескими ли́ки, Марти́не, всегда́ досто́йно ра́дуешися,/ те́мже тя ве́рою ублажа́ем.

Я́ко светоза́рное, блаже́нне, со́лнце, возсия́л еси́ к восто́ком от за́пада,/ всю заря́ми благоче́стия зе́млю просвети́л еси́/ и отгна́л еси́ тьму ерети́чествующих глубоча́йшую.

Ста́нем в дому́ Бо́га на́шего, пропове́дающе стра́сти, и боре́ния,/ и испове́дания небому́дреннаго отца́ на́шего Марти́на/ и сего́ любо́вию ублажи́м.

Твое́ свято́е преставле́ние днесь све́тло соверша́ем,/ испо́лни ра́дости помышле́ния восхваля́ющих тя, Богому́дре святи́телю,/ в не́йже вся ны помяни́.

В ли́це ны́не предстои́ши с Безпло́тными си́лами, блаже́нне о́тче,/ подви́гни проро́ки и апо́столы прему́дры, с му́ченики святы́я/ приле́жно за ны моли́тися Бо́гу,/ да досто́йно тя велича́ем.

Богоро́дичен: Гласово́м отце́в повину́ющеся, во дву естества́х и во́лях, Чи́стая,/ Еди́наго от Тро́ицы, из Тебе́ ражда́емаго, ве́рно испове́дуем/ и Тя непреста́нно велича́ем.

 

Святы́х му́ченик Анто́ния, Иоа́нна и Евста́фия, в Ви́льне пострада́вших

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры на 6, глас 4.

Подо́бен: Я́ко до́бля:

Ве́ры предбори́телие,/ благоче́стия побо́рницы,/ Це́ркве зве́зды многосве́тлыя,/ льсти тьму ума́ливше благода́тию/ и свет и́стиннаго Богопозна́ния светя́ще,/ восхваля́ем вас свяще́нными пе́сньми,/ Боже́ственнии и му́дрии страда́льцы/ Анто́ние, Иоа́нне и Евста́фие.

Небеса́, пове́дающа Бо́жия та́инства/ и сла́ву всем возвеща́юща,/ му́ченицы Боже́ственнии бы́сте,/ и́бо веща́ние подвиго́в и ве́ры ва́шея/ во вся концы́ Правосла́вныя Це́ркве изы́де./ Те́мже вся Це́рковь почита́ет страда́ния ва́ша,/ я́же подъя́сте до́блественне о Христе́, присносла́внии.

Лы́стом  твои́м сокруше́нным и косте́м,/ приснопа́мятне Евста́фие,/ и бе́драм твои́м, па́че естества́ сотре́нным,/ и но́су и у́шию уре́занным/ ра́довался еси́, всеблаже́нне,/ зми́еву главу́ идолослуже́ния отсека́я./ Сего́ ра́ди подвигополо́жник Христо́с Бог/ вене́ц побе́дный дарова́ тебе́.

Правосла́вно уве́ровавше в Тро́ицу Пребоже́ственную,/ науче́ни пресви́тером Не́стором,/ просвети́стеся Ду́хом Святы́м, прехва́льнии,/ и, на мироде́ржца ополчи́вшеся,/ ко́зни его́ му́жески победи́сте,/ посо́бием Бо́жиим на него́ подви́гшеся./ Тем днесь пресве́тлую ва́шу па́мять соверша́юще,/ по до́лгу хвала́ми ва́ше почита́ем страда́ние.

Ра́нам преда́вшеся и му́кам, святи́и,/ непрекло́нна прему́дростию пребы́сте,/ я́ко свещи́, разже́гшеся теплото́ю духо́вною,/ просвеща́ете сердца́ ве́рных благода́тию/ и отгоня́ете всяк неду́г и вся́ку скорбь./ Те́мже вся́ческий род и во́зраст/ пра́зднует ва́шу святу́ю па́мять,/ пе́сньми сла́вяще Го́спода.

Све́тлостию, му́ченицы, чуде́с ва́ших/ всю просвети́сте тварь,/ отгоня́юще мглу страсте́й и скорбе́й,/ бесо́вских наважде́ний и боле́зней/ от притека́ющих к вам со слеза́ми/ и ве́рою прося́щих ва́шего заступле́ния,/ до́блии страда́льцы Спа́совы/ Анто́ние, Иоа́нне и Евста́фие./ Те́мже ве́рою свято́е и светоно́сное/ ва́ше соверша́ем торжество́.

Сла́ва, глас 6:

Це́рковь днесь пра́зднует све́тло,/ в но́ву оде́жду оде́явшися,/ я́ко порфи́рою и ви́ссом,/ кро́вию и страда́нием но́вых страстоте́рпец:/ си́и бо, в благоче́стии воспита́вшеся,/ же́ртву непоро́чну, прия́тну и благоуго́дну/ принесо́ша Ти, Христе́./ Те́мже, Спа́се наш, Бо́же,/ сих победи́тели беззако́нных показа́вый,/ венча́вый и просла́вивый,/ низпосли́ нам тех моли́твами ве́лию ми́лость.

И ны́не, Богоро́дичен: Кто Тебе́ не ублажи́т:

Вход. Проки́мен дне и чте́ния.

Проро́чества Иса́иина чте́ние (глава́ 43):

Та́ко глаго́лет Госпо́дь:/ вси язы́цы собра́шася вку́пе,/ и соберу́тся кня́зи от них./ Кто возвести́т сия́? или́, я́же испе́рва, кто возвести́т вам?/ Да приведу́т свиде́тели своя́, и оправдя́тся, и да услы́шат, и да реку́т и́стину./ Бу́дите Ми свиде́тели, и Аз Свиде́тель, глаго́лет Госпо́дь Бог,/ и О́трок Мой, Его́же избра́х:/ да уве́сте, и ве́руете Ми, и уразуме́ете, я́ко Аз есмь./ Пре́жде Мене́ не быстъ ин бог, и по Мне не бу́дет./ Аз Бог, и несть, ра́зве Мене́, спаса́яй./ Аз возвести́х и спасо́х, укори́х и не бе в вас чу́ждий./ Вы Мне свиде́тели, и Аз Свиде́тель, глаго́лет Госпо́дь Бог./ Еще́ от нача́ла, и несть изыма́яй от руку́ Мое́ю./ Сотворю́, и кто отврати́т е?/ Та́ко глаго́лет Госпо́дь Бог, избавля́яй вас,/ Святы́й Изра́илев.

Прему́дрости Соломо́новы чте́ние (глава 3):

Пра́ведных ду́ши в руце́ Бо́жией, и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их:/ и е́же от нас ше́ствие – сокруше́ние, они́ же суть в ми́ре./ И́бо пред лице́м челове́ческим, а́ще и му́ку прии́мут,/ упова́ние их безсме́ртия испо́лнено./ И вма́ле нака́зани бы́вше, вели́кими благоде́тельствовани бу́дут,/ я́ко Бог искуси́ я и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань разуме́ют и́стину/ и ве́рнии в любви́ пребу́дут Ему́./ Я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́новы чте́ние (глава́ 4):

Пра́ведник, а́ще пости́гнет сконча́тися, в поко́и бу́дет./ Ста́рость бо честна́ не многоле́тна,/ ниже́ в числе́ лет исчита́ется./ Седи́на же есть му́дрость челове́ком,/ и во́зраст ста́рости – житие́ нескве́рное./ Благоуго́ден Бо́гови быв, возлю́блен бысть,/ и живы́й посреде́ гре́шников, проста́влен бысть./ Восхище́н бысть, да не зло́ба измени́т ра́зум его́/ или́ лесть прельсти́т ду́шу его́./ Раче́ние бо зло́бы помрача́ет до́брая/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга,/ уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́дие же ви́девше и не разуме́вше,/ ниже́ поло́жше в помышле́нии таково́е,/ я́ко благода́ть и ми́лость в преподо́бных Его́/ и посеще́ние во избра́нных Его́.

На стихо́вне стихи́ры, глас 4.

Подо́бен: Я́ко до́бля:

Я́ко зве́зды многосве́тлыя,/ страстоте́рпцы прехва́льнии,/ Боже́ственными светлостьми́ озаря́ете вселе́нныя концы́,/ де́монскаго омраче́ния и страсте́й тлетво́рных и бед изыма́юще./ Те́мже днесь све́тлое, и светоно́сное,/ и свято́е ва́ше торжество́,/ соше́дшеся, восхва́лим, сла́внии.

Стих: Воззва́ша пра́веднии,/ и Госпо́дь услы́ша их.

Чу́днии, Боже́ственнии, прему́дрии страстоте́рпцы/ пе́сньми свяще́нными да почту́тся:/ Тро́ицу бо Несозда́нную пред враги́ свяще́нно пропове́дающе,/ многобо́жную угаси́ша лесть кро́вными излия́нии/ и сла́ву прия́ша неувяда́емую.

Стих: Мно́ги ско́рби пра́ведным,/ и от всех их изба́вит я Госпо́дь.

Царя́ беззако́ннаго,/ беззако́нно повелева́ющаго поклони́тися/ и че́сти принести́ безслове́сным бого́м безду́шным,/ блаже́ннии, му́дре посрами́сте,/ му́ченицы великоимени́тии,/ и, пострада́вше терпели́вно и зако́нно,/ венцы́ исплето́сте побе́ды,/ о ми́ре моля́щеся.

Сла́ва, глас 6:

Полк Боговенча́нен ны́не я́вльшихся му́ченик,/ заколе́ние непоро́чное, за Христа́ пожре́ное усе́рдно,/ святоизбра́нное во́инство,/ мучениколю́бцы, прииди́те, всесвяще́нную па́мять духо́вно соверша́юще,/ возопие́м к ним:/ сокруши́те свире́пство ага́рян безбо́жных/ и изба́вите лю́ди благочестному́дренныя моли́твами ва́шими/ вся́каго обстоя́ния.

И ны́не, Богоро́дичен:

Бо́га, из Тебе́ воплоти́вшагося, разуме́хом, Богоро́дице Де́во,/ Того́ моли́ о спасе́нии душ на́ших.

Тропа́рь, глас 4:

И́же земны́х че́сти и сла́вы отве́ргшеся,/ до́блии и честни́и страда́льцы,/ ве́ры ра́ди кре́пко и му́жественно му́ки претерпе́сте,/ на смерть себе́ вда́вше за Живо́т всех – Влады́ку./ Те́мже и Христо́с пресла́вно столпо́м о́блачным/ с Небесе́ вас озари́/ и по́честьми и венцы́ от Престо́ла сла́вы венча́./ Со А́нгелы Тому́ предстоя́ще,/ моли́те спасти́ся душа́м на́шим.

Ин тропа́рь, глас то́йже:

От ко́рене непло́дна, преблаже́ннии,/ возрасти́вше Правосла́вныя ве́ры ве́тви,/ первому́чеником тезоимени́тии яви́стеся:/ зла́го бо и нечести́ваго кня́зя я́рости не убоя́стеся,/ повелева́юща Христа́ отрещи́ся./ Сего́ ра́ди му́ченическия венцы́ прие́мше/ и со А́нгелы Престо́лу Влады́чню предстоя́ще,/ о нас моли́теся, преблаже́ннии,/ правосла́вно чту́щих святу́ю па́мять ва́шу.

НА УТРЕНИ

На Бог Госпо́дь: тропа́рь святы́м, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 4.

Подо́бен: Яви́лся еси́ днесь:

Честну́ю твердь церко́вную, я́ко зве́зды велича́йшия, просвеща́ете при́сно/ и ве́рныя озаря́ете, му́ченицы Боже́ственнии, Христо́вы во́ини.

Сла́ва, и ны́не, Богоро́дичен:

В кров Твой, Пречи́стая Де́во, прибега́ющих, мольбу́ прие́млеши от нас,/ не преста́й моля́щи Человеколю́бца спасти́ рабы́ Твоя́.

По 2-м стихосло́вии седа́лен, глас 4.

Подо́бен: Вознесы́йся на Крест:

Му́жественнейшим по́мыслом преше́дше муче́ние, чу́днии страстоте́рпцы,/ сквозе́ огнь и во́ду проидо́сте/ и премину́сте ко спасе́ния широте́, насле́дие прие́мше – Небе́сное Ца́рство,/ в не́мже твори́те о нас Боже́ственныя мольбы́, му́дрии великому́ченицы.

Сла́ва, и ны́не, Богоро́дичен:

И́же благода́рно воспева́ем Ти от се́рдца и про́сим приле́жно, Богоро́дице,/ Твоея́ ми́лости, Влады́чице, на рабы́ Твоя́, зову́щия и глаго́лющия:/ Пресвята́я Де́во, предвари́ и изба́ви от враг ви́димых и неви́димых и вся́каго преще́ния,/ Ты бо еси́ на́ше заступле́ние.

По полиеле́и седа́лен, глас 8:

Ведо́ми бы́сте свя́зани от враго́в/ и в темни́це заключе́ни на времена́ мно́га, ве́рою соблюда́еми, невре́дни пребы́сте/ и, отре́шшеся мечи́ теле́с, святи́и,/ Боже́ственным жела́нием я́ве связа́стеся./ Те́мже, я́ко свети́ла, просия́ете в ми́ре, вся просвеща́юще Ду́ха благода́тию,/ страстоте́рпцы блаже́ннии, моли́те Христа́ Бо́га грехо́в оставле́ние дарова́ти/ пра́зднующим любо́вию святу́ю па́мять ва́шу.

Сла́ва, и ны́не, Богоро́дичен:

Я́ко Де́ву и Еди́ну в Жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии:/ Огнь бо всели́ся в Тя Божества́,/ и я́ко Младе́нца дои́ши Зижди́теля и Го́спода./ Тем, а́нгельский и челове́ческий род, досто́йно сла́вим пресвято́е рождество́ Твое́ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Степе́нна, 1-й антифо́н 4-го гла́са. Проки́мен, глас 4: Воззва́ша пра́веднии,/ и Госпо́дь услы́ша их. Стих: Мно́ги ско́рби пра́ведным,/ и от всех их изба́вит я Госпо́дь. Вся́кое дыха́ние: Ева́нгелие от Матфе́я, зача́ло 36.

По 50-м псалме́ стихи́ра, глас 6:

Прииди́те, возра́дуемся Го́сподеви,/ в па́мять страстоте́рпцев, о празднолю́бцы!/ Прииди́те, воспои́м,/ та́йно восхваля́юще, страда́лец Христо́вых,/ лесть и́дольскую па́губе преда́вших/ и Христа́ посреде́ суди́ща я́сно пропове́давших./ Те́мже, о всеблаже́ннии и многострада́льнии,/ не преста́йте моля́щеся о душа́х на́ших.

Кано́н му́чеником на 4, глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зными Моисе́овыми рука́ми/ Амали́кову си́лу в пусты́ни победи́л есть.

Добро́тою муче́ния, сла́внии, удобря́еми/ и Боже́ственнаго све́та па́че естества́ исполня́еми, му́ченицы,/ и́же ва́шу чту́щих па́мять отону́ду осиява́ете.

Глаго́лы мучи́теля небрего́ша, Боже́ственнии му́ченицы,/ я́рость, гнев и горды́ню нивочто́же вмени́ша/ и благохва́льно смерть, веселя́щеся, претерпе́ша.

Кре́постию утверди́вшеся, святи́и, Вседержи́телевою,/ и́стиною во чре́сла держа́вно препоя́савшеся,/ вои́стинну лука́ваго си́лу и кова́рство разруши́сте.

Богоро́дичен: Си́лы па́че есте́ственных соде́лаша, Боже́ственнии му́ченицы,/ укрепля́еми си́лою Твое́ю, Иису́се Всеси́льне,/ И́же в на́шу не́мощь пе́рвее от Де́вы оболки́йся.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Любо́вь ко Го́споду восприе́мше, и́стиннии му́ченицы,/ о Нем ра́дующеся, вои́стинну ду́ши преда́ша.

Телесе́м и душа́м цели́тели вас, прему́дрии, показа́,/ И́же ва́ше страда́ние и терпе́ние Прие́мый.

Пре́лесть дре́внюю оттря́сше, тве́рдии му́ченицы,/ но́вую изво́листе жизнь,/ живу́ще о Христе́ па́че челове́ка.

Богоро́дичен: Дне мя Све́та невече́рняго прича́стника сотвори́,/ Ма́ти Бо́жия Всечи́стая,/ тьмы избавля́ющи бу́дущия.

Седа́лен му́чеником, глас 1.

Подо́бен: Гроб Твой, Спа́се:

Огню́ чу́вственному не принесо́сте че́сти,/ изба́вистеся огня́ гее́нскаго, Богоглаго́ливии,/ огню́ и му́кам приобщи́вшеся, святи́и,/ не отверго́стеся И́же всех Влады́ки,/ но, ра́дующеся, до сме́рти храни́ти ве́ру потща́стеся.

Сла́ва, глас 8:

Огне́м муче́ния, я́ко зла́то в горни́ле, искуше́ннии,/ све́тло искуси́стеся, приснопа́мятнии му́ченицы,/ и яви́стеся зла́та честне́йши естество́м,/ я́ко душе́вную добро́ту пресве́тлу показа́вше,/ сосу́д Влады́це честне́йший вои́стинну принесо́сте, святи́и, огню́ не послужи́вше./ Сего́ ра́ди моли́теся ко Го́споду о всех нас,/ грехо́в оставле́ние дарова́ти чту́щим любо́вию па́мять ва́шу.

И ны́не, Богоро́дичен:

Моли́твы Свои́х рабо́в приими́, Богоро́дице,/ и изба́ви ны от вся́кия беды́,/ я́ко ро́ждшая Христа́, Спа́са душ на́ших.

Крестобогоро́дичен:

И́же Твое́ заступле́ние стяжа́вше, Пречи́стая,/ и Твои́ми моли́твами от напа́стей избавля́еми,/ Кресто́м бо Сы́на Твоего́ везде́ сохраня́еми,/ по до́лгу Тя вси благоче́стно велича́ем.

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Крепча́йшим противле́нием до́блии и стремле́нием неотло́жнии,/ друзи́и Маккаве́и яви́стеся,/ повелева́ющих я́рости не убоя́стеся, скве́рная я́сти не изво́ливше.

С Го́рними си́лами предсто́яще все́ми Владе́ющему, му́ченицы до́блии,/ вас почита́ющих напа́стей изба́вите и ве́чнаго муче́ния.

Нескве́рно дарова́ние соблю́дше всечестна́го креще́ния,/ Твои́ страстоте́рпцы сие́ честне́йше соде́лаша,/ сла́дко сме́рти Твое́й поревнова́вше.

Твое́й сме́рти му́ченицы до́блии, Влады́ко Христе́, подо́бящеся,/ пове́шени на дре́ве, ра́дующеся,/ ду́ши преда́ша Ти, – сла́ва си́ле Твое́й, – пою́ще.

Богоро́дичен: Вели́чия Ти сотвори́ Влады́ка,/ Еди́н Сый, Влады́чице, си́лен кре́постию, я́коже прорекла́ еси́,/ и́бо блажа́т Тя вси ро́ди, Непоро́чная.

Песнь 5

Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Черто́г вмени́сте пе́рвый темни́цу, блаже́ннии,/ та́мо бо Жениху́ Кра́сному, ра́дующеся, му́ченицы, обручи́стеся,/ Его́же ра́ди уя́звлени душа́ми,/ неудержи́мым жела́нием к Нему́ устреми́стеся.

Красе́н еси́, Влады́ко, и в след Тебе́ тече́м чи́стыми душа́ми, Женише́,/ – тро́ица му́ченик вопия́ше, ра́дующеся, –/ Твое́ю любо́вию, я́коже зри́ши, связа́хомся и Боже́ственным Ти раче́нием.

Ходи́сте по Влады́це, святи́и, иму́ще во́ду жи́ву бию́щу,/ сла́дко подви́жущую вас к подвиго́м муче́ния,/ Христо́ву ча́шу ве́село испи́сте.

Богоро́дичен: Твоея́, Богоневе́сто, сла́вы земля́ испо́лнися,/ и к Себе́ святы́х вся ли́ки све́тло привлече́,/ ми́ра сла́дкая оста́вити сих повину́ющи/ и получи́ти Твоея́ све́тлости.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Жезлы́ неми́лостивно му́ченик Евста́фий приклоня́емь,/ вся́чески стена́ние или́ сле́зу не испусти́:/ кре́пкаго бо адама́нта бя́ше тверде́йший.

Возмо́гл еси́, си́лою Боже́ственною укрепля́емь, му́чениче Евста́фие,/ терпе́ти му́ки нестерпи́мыя, блаже́нне,/ сего́ ра́ди Боже́ственнаго весе́лия сподо́бился еси́.

Полцы́ лука́вых бесо́в побежде́ни бы́ша му́ченик мно́жеством крове́й,/ и крепи́тся Твоя́ Це́рковь, Жизнода́вче,/ воспева́ющи Твое́й си́ле сла́ву.

Богоро́дичен: Добро́тою де́вства сия́ющи, Влады́чице,/ Царе́ви веко́в избра́на была́ еси́ в жили́ще,/ Его́же ражда́еши, по рождестве́ соблюда́ющаго Тя нетле́нну.

Конда́к, глас 3.

Подо́бен: Де́ва днесь:

Оте́ческую пре́лесть оста́вльше, святи́и,/ приведо́стеся Христо́ви,/ всем души́ усе́рдием ста́сте мужему́дренно до сме́рти./ Те́мже и взя́сте побе́ды по́честь вои́стинну,/ о всех Влады́ку на́шего непреста́нно моля́ще.

И́кос:

Му́ченик по́двиг любопра́зднственне ви́дяще,/ му́жеству их досто́йно почуди́мся,/ и со безпло́тными враги́ сих боре́нию А́нгелов ли́кове ра́дующеся, сих ублажи́ша./ Та́мо бесо́встии полцы́, побежда́еми, ли́ца отвраща́ху,/ та́мо бо всех Влады́ка венцы́ сла́вно украша́ет му́ченик главы́./ Сего́ ра́ди возопие́м к ним:/ о всех, му́ченицы Христо́вы блаже́ннии, моли́теся.

Песнь 7

Ирмо́с: Спасы́й во огни́ авраа́мския Твоя́ о́троки/ и халде́и уби́в,/ я́же Пра́вда пра́ведно уловля́ше,/ препе́тый Го́споди,/ Бо́же оте́ц на́ших, благослове́н еси́.

Иска́пающи ра́дость и духо́вное весе́лие,/ яви́ся нам честна́я ва́ша па́мять, блаже́ннии,/ сердца́ услажда́я, исполня́ющи ра́дости премно́гия.

Ум впери́л еси́, блаже́нне, па́че чу́вства добро́тами плене́нный,/ и сокруше́ния бедро́м не ощуща́л еси́, блаже́нне Евста́фие,/ и власо́м с пло́тию отре́занным ти терпе́л еси́, я́ко адама́нт, в му́ках.

Красота́ теле́сная, му́дре му́чениче, и ю́ности цвет возра́стный,/ лик и жела́ние нивочто́же вмени́ся,/ сего́ ра́ди, Евста́фие, сла́дости ны́не Боже́ственныя восприе́млеши.

Но́са и у́шию Тебе́ ра́ди, Спа́се, обре́зан, му́ченик Евста́фий/ Твою́, Влады́ко, велича́ше си́лу и воплоще́ние Твое́ поя́ше,/ сподобля́юща того́ па́че есте́ственных терпе́ний.

Богоро́дичен: Я́ко спасе́ние на́ше Тя, Богоро́дице, мо́лим:/ моли́ за ны вопло́щшагося из Тебе́.

Песнь 8

Ирмо́с: Изба́вителю всех, Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.

Исте́кшая, преблаже́ннии, кровь ва́ша честна́я всю освяти́ тварь,/ мно́жеством тече́ния му́ченики соде́лавшая вас,/ и́бо све́тло Бо́га пропове́дасте, вас ра́ди уме́рша.

Неруши́мая Це́ркви основа́ния, ве́рным же кре́пкое предгра́дие,/ стены́ тверде́йше, яви́стеся, му́ченицы Богоглаго́ливии,/ и нас всех кре́пко заступа́юще.

Земля́ соде́ржит честна́я телеса́ ва́ша, Богоно́снии, Не́бо же – ду́ши,/ тем весели́теся, му́ченицы, со А́нгелы, Го́сподеви трисвяту́ю песнь пою́ще:/ благослови́те, вся дела́ Госпо́дня, Го́спода.

Богоро́дичен: Страшна́ челове́ком смерть пре́жде рождества́ Твоего́, Богоро́дице,/ по сих же игра́лище святы́м вмени́ся,/ хода́тайствуя живо́т ве́чный.

Песнь 9

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Возде́лан быв, я́ко ра́лом, сло́вом твои́м, Богому́дре Анто́ние, чу́дный Евста́фий,/ се́мя же прие́м, я́ко блага́я земля́, Иоа́нн Богому́дрый,/ и́же муче́ния клас возрасти́.

Вели́ким по́двигом, прему́дрии, по́чести взе́мше,/ воздая́ния трудо́м и боле́знем от Бо́га прия́сте, му́ченицы,/ о нас Того́ моли́те, и́же вас помина́ющих, святи́и.

Ны́не у Престо́ла предстоя́ще Царе́ви всех/ и бу́дущих благ наслажда́ющеся, Богоблаже́ннии,/ чту́щих помина́йте ва́шу па́мять свяще́нную.

Богоро́дичен: Во́ды живы́я испо́лнь весе́лия,/ благода́ти дарова́ния пролива́еши, всем сия́ незави́стно источа́я,/ Тебе́ бо ра́ди дарова́ся вся́ко бла́го ми́рови, Влады́чице.

Свети́лен:

Муче́ния добро́тами осия́вшеся,/ от Бо́га воздая́ние трудо́м ны́не прия́сте вои́стинну,/ о нас, му́ченицы, Благода́теля моли́те.

Сла́ва, и ны́не, Богоро́дичен:

Вели́ка Сове́та А́нгела родила́ еси́ – Христа́, Препе́тая Отрокови́це, Царя́ Сла́вы,/ Его́же Крест му́ченицы взе́мше, во след Сего́ потеко́ша,/ с ни́миже непреста́нно о нас моли́ся.

На хвали́тех стихи́ры, глас 4.

Подо́бен: Дал еси́ зна́мение:

Иму́ще, блаже́ннии, Христо́ву Боже́ственную си́лу,/ я́ко ору́жие непобеди́мое,/ отрази́сте вся си́лы бесо́вския/ и тьмы безпло́тных боре́ц/ и побе́ды по́чести взя́сте,/ те́мже предстоя́ще Подвигополо́жнику Христу́,/ о всех моли́теся, чту́щих па́мять ва́шу.

Огню́ не послужи́вше чу́вственному, приснопа́мятнии,/ и огню́ причасти́вшеся и му́кам,/ прия́сте Небе́сную ро́су,/ и поко́й Боже́ственный, и ве́чную ра́дость/ и, кня́зя тьмы, му́ченицы прему́дрии, попали́вше/ терпе́нием боле́зней ва́ших,/ ве́рных утверди́сте ко и́стинному благоче́стию.

К приста́нищу невла́емому приста́сте, му́ченицы,/ мяте́жныя волны́ изба́вльшеся, я́ко му́дростнии,/ и треволне́ния мяте́жа вели́каго,/ отню́дуже собира́юще плод боле́зней – ве́чную жизнь,/ помина́йте и нас, блаже́ннии,/ чту́щих па́мять ва́шу.

Сла́ва, глас 3:

До́блественнии му́ченицы и́стиннии,/ вас ни ну́жда мучи́телъская, ни ласка́ние льсти́вное,/ ни удо́в отре́зание,/ ниже́ сме́рти преще́ние/ от Боже́ственныя любве́ разлучи́ти возмо́же,/ те́мже дерзнове́ние иму́ще ко Христу́,/ И́же над все́ми Бо́гу,/ проси́те от Христа́ и нам моли́твами ва́шими/ дарова́ти ве́лию ми́лость.

И ны́не, Богоро́дичен, глас 8:

Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.

Славосло́вие вели́кое и отпу́ст.

НА ЛИТУРГИИ

Блаже́нны от кано́на, пе́сни 3-я и 6-я. Проки́мен, глас 4: Святы́м, и́же суть на земли́ Его́,/ удиви́ Госпо́дь вся хоте́ния Своя́ в них. Стих: Предзре́х Го́спода предо мно́ю вы́ну, я́ко одесну́ю мене́ есть, да не подви́жуся. Апо́стол ко Ефесе́ем, зача́ло 233. Аллилу́ия, глас 4: Воззва́ша пра́веднии, и Госпо́дь услы́ша их и от всех скорбе́й их изба́ви их. Стих: Мно́ги ско́рби пра́ведным, и от всех их изба́вит я Госпо́дь. Ева́нгелие от Матфе́я, зача́ло 36. Прича́стен: Ра́дуйтеся, пра́веднии:

Моли́тва

Святи́и му́ченицы Анто́ние, Иоа́нне и Евста́фие! При́зрите с Небе́снаго черто́га на тре́бующих ва́шей по́мощи и не отве́ргните проше́ний на́ших, но, я́ко при́снии благоде́тели и хода́таи на́ши, моли́те Христа́ Бо́га, да, Человеколюби́в и Многоми́лостив Сый, сохрани́т нас от вся́каго лю́таго обстоя́ния: от тру́са, пото́па, огня́, меча́, наше́ствия иноплеме́нников и междоусо́бныя бра́ни. Да не осу́дит нас, гре́шных, по беззако́ниям на́шим, и да не во зло обрати́м блага́я, да́руемая нам от Всеще́драго Бо́га, но во сла́ву Свята́го И́мени Его́ и в прославле́ние кре́пкаго ва́шего заступле́ния. Да моли́твами ва́шими даст нам Госпо́дь мир по́мыслов, воздержа́ние от па́губных страсте́й и от вся́кия скве́рны и да укрепи́т во всем ми́ре Свою́ Еди́ную Святу́ю Собо́рную и Апо́стольскую Це́рковь, ю́же стяжа́л есть Честно́ю Свое́ю Кро́вию. Моли́теся приле́жно, святи́и му́ченицы, да утверди́т Христо́с Бог во святей Свое́й Правосла́вней Це́ркви живы́й дух пра́выя ве́ры и благоче́стия, да вси чле́ны ея́, чи́стии от суему́дрия и суеве́рия, ду́хом и и́стиною покланя́ются Ему и усе́рдно пеку́тся о соблюде́нии Его́ за́поведей, да мы вси в ми́ре и благоче́стии поживе́м в настоя́щем ве́це и дости́гнем блаже́нныя ве́чныя жи́зни на Небеси́ благода́тию Го́спода на́шего Иису́са Христа́, Ему́же подоба́ет вся́кая сла́ва, честь и держа́ва со Отце́м и Святы́м Ду́хом, ны́не, и при́сно, и во ве́ки веко́в. Ами́нь.

И$же во с™hхъ, nц7A нaшегw и3 и3сповёдника мартjна, пaпы ри1мскагw.

Стіхи6ры. Глaсъ }.

Под0бенъ: Что2 вaсъ наречeмъ:

Чт0 тz нhнэ, мартjне, провэщaемъ; правослaвныхъ ўчeній настaвника всеслaвна, верх0вника свzщeнныхъ повелёній бжcтвенныхъ нел0жна, лжи2 и4стиннэйшаго њбличи1телz, словесE д0блественнэйша споспёшника, свzщеннодёйственна свzщeннэйша, чудодёлателz честнёйшаго: моли2 спасти1сz душaмъ нaшымъ.

Чт0 тz нhнэ, мартjне, наречeмъ; рэкY дух0вныхъ в0дъ и3сп0лнену, при1снw напаsщу дyшы ко бlгопл0дію разyмному, свёщникъ, благочeстіz свётъ сіsющъ, г0ру, точaщу бжcтвенное рaдованіе, бжcтвенныхъ словeсъ и3з8zви1телz, всsкіz є4реси њбличи1телz: моли2 спасти1сz душaмъ нaшымъ.

Чт0 тz нhнэ, мартjне, проречeмъ; ски1ніи и4стинныz свzщеннодётелz всехвaльна, ходaтаz къ бGу и3 твaри бGолёпна, чaшу, пи1во б9eственное точaщу, свэти1льника, ћкw жи1зни сл0во и3мyща, t зaпада ќбw и3сходsща, на вост0цэ же kвлsющасz: моли2 спасти1сz душaмъ нaшымъ.

Слaва, и3 нhнэ, бGор0диченъ:

КомY ўпод0биласz є3си2, nкаsннаz душE, къ покаsнію никaкоже возни1чущи, и3 nгнS не ўжасaющисz ѕлhхъ њжидaющагw; востaни, и3 є3ди1ну къ заступлeнію ск0рую призови2, и3 возопjй: дв7о м™и, моли2 твоего2 сн7а и3 бGа нaшего, и3збaвити мS t сёти льсти1вагw.

Кrтобогор0диченъ: Ѓгница ѓгнца ћкw ви1дэ на дрeвэ простeрта в0лею кrтнэмъ, вопіsше м™рски болёзнующи съ плaчемъ: сн7е м0й, что2 стрaнное сіE видёніе; всBмъ жи1знь даsй ћкw гDь, кaкw ўмерщвлsешисz, долготерпэли1ве, земны6мъ подаS воскrніе; слaвлю твоE мн0гое, б9е м0й, снизхождeніе.

КанHнъ, творeніе їHсифово. Глaсъ }.

Пёснь №.

Їрм0съ: Посёченый несэк0маго пресэчE, и3 ви1дэ с0лнце зeмлю, ю4же не ви1дэ: лю1таго врагA водA потопи2, и3 непроходи1мое пр0йде ї}ль: пёснь же воспэвaшесz: гDеви пои1мъ, слaвнw бо прослaвисz.

БолBзни мнHги, мартjне, претерпёлъ є3си2 за хrтA бGа, и3 нhнэ и3зшeлъ є3си2 къ неболёзненнэй жи1зни, д0брэ подвизaвсz: тёмъ моеS души2 лю6тыz болBзни њблегчи2, ћкw да воспою1 тz, моли1твами твои1ми просвэщaемь.

СущєствA двA, и3 двЁ вHли, и3 дBйства суг{ба носsща, бlжeнне, є3ди1наго t честнhz трbцы научи1лъ є3си2, хrтA пресyщнаго бGа, и3 и5же не тaкw чествyющыz, вс‰ tвeрглъ є3си2, мартjне свzщeннэйше.

Недyговавшыz безсловeснw безyмнэ, въ є3ди1номъ хrтЁ є3ди1ну мyдрствующе в0лю, рaзумомъ и4стиннымъ и3 вёрою ўкрашaемь, њбличи1лъ є3си2, мартjне, ћвственнw, и3 рaдуzсz взывaлъ є3си2: пои1мъ гDеви, слaвнw бо прослaвисz.

БGор0диченъ: И$же по є3стествY бжcтвенному неви1димый, ви1дэнъ бhсть и3зъ тебє2мLнецъ, чlвёкъ бhвъ, суг{ба ћкw вои1стинну хотBніz и3 дBйства носS, во є3ди1ной v3постaси: є3г0же моли2, пренепор0чнаz, вс‰ ны2 спасти2 люб0вію пою1щыz тS.

Пёснь G.

Їрм0съ: Стрaхъ тв0й, гDи, всади2 въ сердцA р†бъ твои1хъ, и3 бyди нaмъ ўтверждeніе, тS во и4стинэ призывaющихъ.

Сhй и3сп0лненъ, всебlжeнне, бжcтвенныz рeвности, собрaлъ є3си2 свzщeненъ, мартjне, соб0ръ, и3 церк0вное ўтверди1лъ є3си2 ўчeніе.

Посреди2 соб0ра tвeрглъ є3си2 пЂрра, сeргіа и3 fе0дwра, кЂра же, и3 подHбныz тBмъ буесл0вzщыz ѕлосл†вныz, џ§е.

И#зъ ри1ма нyждею и3згнaнъ, њбшeлъ є3си2 ћкw с0лнце лучи2 и3спущaz, прпdбне, правосл†вныz просвэщaz вс‰.

БGор0диченъ: Nц7Y равночeстна и3 сопрест0льна, пaче сл0ва родилA є3си2, дBйства двA носsща, и3 двЁ вHли, всес™az nтрокови1це.

Сэдaленъ, глaсъ д7.

Под0бенъ: Вознесhйсz:

И#сповBданіи свzщeнными ўкрaшсz, м§нически же жи1знь соверши1въ, къ нб7сє1мъ востeклъ є3си2, мартjне мyдре, вэнцeмъ неувzдaемымъ t бGа вэнчaлсz є3си2. Тёмже свzтyю твою2 прaзднуемъ пaмzть, вопію1ще: помzни2 нaсъ, сщ7енноблажeнне, хrтY предстоS.

Слaва, и3 нhнэ, бGор0диченъ:

По бз7э во тв0й, бцdе, прибэгaю смирeнный покр0въ бжcтвенный, припaдаz молю1сz: поми1луй, пречcтаz, ћкw превзыд0ша главY мою2 грэси2, и3 бою1сz, вLчце, мyки, и3 трепeщу. Молeніе сотвори2, чcтаz, къ сн7у твоемY, t си1хъ и3збaвити мS.

Кrтобогор0диченъ: И$же t безначaльнагw nц7A рождeннаго, напослёдокъ тS пл0тію р0ждшаz, на кrтЁ ви1сzща зрsщи, хrтE, ўвы2 мнЁ, любeзнэйшій ї}се, вопіsше: кaкw слaвимый ћкw бGъ t ѓгGлъ, t беззак0нныхъ нhнэ человBкъ, сн7е, хотS распинaешисz; пою1 тz, долготерпэли1ве.

Пёснь д7.

Їрм0съ: Всёлъ є3си2 на к0ни, ґпcлы тво‰, гDи, и3 пріsлъ є3си2 рукaма твои1ма ўзды2 и4хъ, и3 спасeніе бhсть э3ждeніе твоE вёрнw пою1щымъ: слaва си1лэ твоeй, гDи.

Непрaведнw t прест0ла твоегw2, мyдре, и3згонsемь, t человBкъ непрaведныхъ прaведный пострадaти благоволи1лъ є3си2, ћкw да прaведное ўчeніе церк0вное, џ§е, спасeши невреди1мо.

СтоS среди2 пребеззак0ннующихъ, ћкw зак0ненъ страдaлецъ, с™и1телю бGопріsтне, и3 t ни1хъ њскорблsемь и3 наругaемь, и3 влачи1мь всyе, пребhлъ є3си2 ўм0мъ непревращeнъ.

Младeнцєвъ вмэни1лъ є3си2, џ§е, стрэлsніz, мартjне, всyе њскорблsющихъ тS, и3 терпэли1внw пострадaвъ, гони1мь и3 вsжемь всyе, и3 въ темни1цахъ заключaемь.

БGор0диченъ: Во двою2 сущєствY бGомyжнw познавaемаго, t трbцы є3ди1наго родилA є3си2, ћкw бGа и3 чlвёка, вHли носsща прили1чнw nбёма є3стеств0ма, дв7о пренепор0чнаz.

Пёснь є7.

Їрм0съ: T н0щи невёдэніz, по душелови1тельному пути2 при1снw блудsщаго, свётомъ рaзума твоегw2, гDи, преднаставлsz мS на стезю2 зaповэдей твои1хъ, напрaви.

Свzщeннэйшимъ твои1мъ сл0вомъ, џ§е, всесвzщeнное ўчeніе ћвэ ўтверди1лъ є3си2, и3 є3ретjчєскіz полки2 низвeрглъ є3си2, претерпэвaz и3згн†ніz и3 темни6цы, и3 скHрби мнHги.

Дремaніz твои6мъ вёждwмъ, прпdбне, не дaлъ є3си2, д0ндеже вселeніе бGу бhлъ є3си2: и3 всю2 развёzлъ є3си2 є4реси прeлесть, мyченически подвизaвсz.

Враждeбнw тS, ћкоже ѕвёріе влек0ша вери1гами, мyдре, врази2, свzзaвше посредЁ грaда ругaтельнw, ўкорsюще и3 хyлzще, и3 безъ студA на тS напaдающе.

БGор0диченъ: Неискусобрaчнw, дв7о, неwпи1санное сл0во пл0тію р0ждши, пл0ти моеS стр†сти ўмертви2, њживи1 же дyшу мою2 ўмерщвлeнную прегрэшeньми.

Пёснь ѕ7.

Їрм0съ: Бeздна грэхHвъ и3 прегрэшeній бyрz мS смущaетъ, и3 во глубинY нyжднагw рёетъ мS tчazніz: но твою2 крёпкую рyку мнЁ простри2, ћкw петр0ви, q ўпрaвителю! И# спаси2.

Разсёдесz лукaвый при ногY твоє1ю свzщє1нною, бGон0се, и3 лукaвыхъ человBкъ бездвє1рнаz ўстA заграждaютсz твои1мъ сл0вомъ, и3 kвлsетсz сіsющи ўчeніе бжcтвенное пaче с0лнца.

Простирaютъ тS нещaднw, и3 ќжи свzзyютъ прелє1стницы, вsжуща всsку лeсть, и3 є3ретjческій сою1зъ растерзaюща, сою1зомъ бжcтвенныхъ ўчeній твои1хъ, с™и1телю џ§е мартjне свzщeннэйше.

Стоsлъ є3си2 предъ суди1щемъ судsщихъ, њсуждaz прeлесть проповёдающихъ є3ди1ну во хrтЁ, џ§е, в0лю, и3 мyченическими ћвэ ўкрашazсz вэнцы2, бGоблажeнне мартjне мyдре.

БGор0диченъ: Зак0ни є3стествA въ тебЁ разорsютсz, неизречeннw бо раждaеши содётелz всёхъ, бцdе всепётаz, ћкw бGа же и3 чlвёка, двЁ вHли же и3мyща и3 дBйства, м™и дв7о.

Пёснь з7.

Їрм0съ: T їудeи дошeдше, џтроцы въ вавmлHнэ и3ногдA вёрою трbческою плaмень пeщный попрaша пою1ще: nтцє1въ б9е, бlгословeнъ є3си2.

Сугyбыхъ дёйствъ и3 хотёній, џ§е, хrтA лиши1вшіисz, лиши1ша тS прест0ла, tдaвше и3згнaніємъ д†льнимъ, зовyщаго: nтє1цъ нaшихъ б9е, бlгословeнъ є3си2.

Прошeдъ многоврeмєнныz темни6цы, ћкw храни1тель непор0чныz вёры, є3ретjческую тмY ўмaлилъ є3си2, и3 пёти вBрныz просвэти1лъ є3си2: nтє1цъ нaшихъ б9е, бlгословeнъ є3си2.

Ћкоже лeвъ, џ§е, ўповaвъ, на беззакHнныz дeрзостнw наскочи1лъ є3си2, fе0дwра и3 кЂра, и3 сeргіа, и3 пЂрра, и3 си1хъ є3диномhслєнныz tлучaz хrт0вы с™hz цRкве.

БGор0диченъ: Во двY в0лzхъ и3 дёйствахъ двyхъ, и3зъ тебє2, пренепор0чнаz, рождeйсz несказaннw, и4же си1це мyдрствующыz спасaетъ, зовyщыz: nтє1цъ нaшихъ б9е, бlгословeнъ є3си2.

Пёснь }.

Їрм0съ: БGоглаг0ливіи џтроцы въ пещи2, со nгнeмъ плaмень попирaюще, поsху: бlгослови1те, дэлA гDнz, гDа.

Стэснsемь, џ§е, немощьми2 и3 лю1тыми и3згн†ніи, и3 многоoбрaзными мyками, мучeніz вэнцы2 ћкw м§никъ пріsлъ є3си2.

Блажeнства бGоизбрaннагw спод0билсz є3си2, и3згонsемь, мартjне, и3 прaвды бли1зъ бhлъ є3си2, и3згнaвъ t среды2 непрaведную є4ресь.

Ўкраси1въ петр0въ бжcтвенный прест0лъ, и3 на тогw2 кaмени цRковь неколeблему соблю1дъ, мартjне, съ си1мъ прослaвилсz є3си2.

БGор0диченъ: С™ёйши вhшнихъ в0инствъ, и3 херув‡мъ превhшши, м™и б9іz сyщи, страстeй плотски1хъ мS превhшша сотвори2.

Пёснь f7.

Їрм0съ: Ўстaвы прешлA є3си2 є3стествA, содётелz зачeнши и3 гDа, и3 двeрь спасeніz мjрови былA є3си2: тёмъ тS, бцdе, непрестaннw величaемъ.

Свzщеннодётель свzщeннэйшій, и3сповёдникъ же и3 мyченикъ бhвъ, съ патріaршескими ли1ки, мартjне, всегдA дост0йнw рaдуешисz: тёмже тS вёрою ўблажaемъ.

Ћкw свэтозaрное, бlжeнне, с0лнце, возсіsлъ є3си2 къ вост0кwмъ t зaпада, всю2 зарsми благочeстіz зeмлю просвэти1лъ є3си2, и3 tгнaлъ є3си2 тмY є3ретjчествующихъ глубочaйшую.

Стaнемъ въ домY бGа нaшегw, проповёдающе стр†сти и3 борє1ніz и3 и3сповBданіz нб7омyдреннагw nц7A нaшегw мартjна, и3 сего2 люб0вію ўблажи1мъ.

ТвоE свzт0е преставлeніе днeсь свётлw совершaемъ, и3сп0лни рaдости помышлє1ніz восхвалsющихъ тS, бGомyдре с™и1телю, въ нeйже вс‰ ны2 помzни2.

БGор0диченъ: ГласовHмъ nтцє1въ повинyющесz, во двY є3стествaхъ и3 в0лzхъ, чcтаz, є3ди1наго t трbцы, и3зъ тебє2 раждaемаго вёрнw и3сповёдуемъ, и3 тS непрестaннw величaемъ.

Знайшли помилку