Преподо́бнаго отца́ на́шего Иоанни́кия Вели́каго и свята́го Му́ченика Ника́ндра, епи́скопа Ми́рскаго, и Ерме́я пресви́тера

На Го́споди, воззва́х: стихи́ры на 6,

Преподо́бнаго 3, глас 4.

Подо́бен: Зва́нный свы́ше:

Е́же све́том облиста́н Боже́ственным,/ егда́ чистото́ю ума́ воззре́л еси́,/ и подо́бно разсуди́в не стоя́щих, ве́чно бу́дущая,/ тогда́ огнь в се́рдцы, о́тче, прие́м,/ еле́ни подо́бно разже́глся еси́ Боже́ственною любо́вию/ и, забы́в плоть и кровь,/ угото́вился еси́ к подвиго́м по́стническим,/ и́хже ра́ди теле́сныя стра́сти души́ твое́й покори́л еси́.

На восхожде́ние Боже́ственных гор высоты́ всели́лся еси́,/ не смиря́емь смире́ннаго сего́ телесе́ ну́ждами, о́тче, бе́дными, Иоанни́кие./ Бде́нными стоя́нии/ и вседне́вными моли́твами Благо́му сочета́вся,/ просвети́лся еси́ и проро́чества прия́л еси́ дар/ зре́ти да́льняя, я́ко бли́жняя,/ и предглаго́лати ве́рным бу́дущая./ Тем, я́ко Боже́ственнаго учи́теля, тя сла́вим.

Де́монская стремле́ния и стре́лы/ кре́пко притупи́л еси́ воображе́нии моли́тв/ и на тех взял еси́ побе́ды Бо́жиею си́лою, достосла́вне./ Отсю́ду по́чести тебе́, о́тче, чуде́с Благи́й дарова́,/ смире́нием упоко́ився се́рдца твоего́./ Те́мже и ми́ро благово́нное твоя́ честны́я источа́ют мо́щи:/ благово́ние бо яви́лся еси́ Христо́во, Иоанни́кие.

И́ны стихи́ры му́ченика, глас 2.

Подо́бен: Егда́ от Дре́ва:

Зва́ние тезоиме́нное/ прие́м от Боже́ственнаго Про́мысла,/ сие́ вещми́, о́тче, зна́менав, утверди́л еси́:/ ра́тных бо мно́жества и собо́р мучи́телей/ в терпе́нии твое́м победи́л еси́./ Тем вене́ц побе́ды прие́м,/ ве́рою взыва́л еси́:/ сла́ва непобеди́мей держа́ве Твое́й, Человеколю́бче.

Ми́ра благово́ннейшая/ нам врачева́ний источа́еши днесь, Ника́ндре,/ в Боже́ственней па́мяти твое́й,/ и отго́ниши, му́дре, мглу скорбе́й/ и стра́сти теле́сныя,/ и бога́тыя благода́ти исполня́еши/ собо́р всех, вопию́щих Христу́:/ Ты еси́ неистоще́нное ми́ро,/ благоуха́ющее пою́щия Тя.

Име́я дерзнове́ние ко Христу́,/ прославля́емому еди́ному во святы́х Его́,/ Того́ моли́, преподо́бне Ника́ндре,/ о всех, любо́вию соверша́ющих твою́ па́мять/ и восхваля́ющих твоя́ исправле́ния,/ я́ко да неизрече́нных о́ных благ и нетле́нныя сла́вы/ о́бщницы бу́дем благода́тию.

Сла́ва, глас 6:

Преподо́бне о́тче,/ во всю зе́млю изы́де веща́ние исправле́ний твои́х,/ тем на Небесе́х обре́л еси́ мзду трудо́в твои́х./ Де́монския погуби́л еси́ полки́/ и А́нгельския дости́гл еси́ чи́ны,/ и́хже житию́ без поро́ка поревнова́л еси́,/ дерзнове́ние име́я ко Христу́ Бо́гу,/ мир испроси́ душа́м на́шим.

И ны́не, Богоро́дичен или́ Крестобогоро́дичен.

Подо́бен: Тридне́вен:

Ви́дящи Тя распина́ема, Христе́,/ Тебе́ Ро́ждшая вопия́ше:/ что стра́нное, е́же ви́жу, та́инство, Сы́не Мой?/ Ка́ко на Дре́ве умира́еши, пло́тию пове́шен,/ Жизни́ Пода́телю?

На стихо́вне Окто́иха. Сла́ва, глас 8.

Мона́хов мно́жества/ наста́вника тя почита́ем, о́тче наш Иоанни́кие,/ твое́ю бо стезе́ю вои́стинну пра́во ходи́ти позна́хом./ Блаже́н, еси́, Христу́ рабо́тав,/ и вра́жию обличи́л еси́ си́лу,/ А́нгелов собесе́дниче, преподо́бных соприча́стниче и пра́ведных:/ с ни́миже моли́ся Го́споду/ поми́ловатися душа́м на́шим.

И ны́не, Богоро́дичен или́ Крестобогоро́дичен.

Подо́бен: О, пресла́внаго чудесе́!

Тя ви́дящи, пригвожда́ема на Кресте́, Иису́се,/ и стра́сти прие́млюща во́лею,/ Де́ва и Ма́ти Твоя́, Влады́ко,/ увы́ Мне, вопия́ше, Ча́до сла́дкое,/ ра́ны непра́ведно ка́ко терпи́ши,/ Врачу́, исцели́вый челове́ческое неможе́ние/ и от тли́ всех изба́вивый милосе́рдием Твои́м?

Тропа́рь, глас 8:

Слез твои́х тече́ньми пусты́ни безпло́дное возде́лал еси́,/ и, и́же из глубины́ воздыха́ньми, во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Иоанни́кие, о́тче наш:/ моли́ Христа́ Бо́га спасти́ся душа́м на́шим.

Сла́ва, глас 4:

Му́ченик Твой, Го́споди, Ника́ндр,/ во страда́нии свое́м ве́нец прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.

На У́трени

Еди́н кано́н Окто́иха, и преподо́бнаго на 4, и му́ченика на 4. Кано́н преподо́бнаго, его́же краегране́сие: Предте́чева тя подража́теля хвалю́. Ио́сиф, глас 4.

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

Све́том благода́ти озаря́емь, преподо́бне,/ ве́рою па́мять твою́ торжеству́ющия просвети́/ и тьмы́ грехо́вныя моли́твами твои́ми изба́ви, Иоанни́кие.

Путь вводя́щий невозвра́тно ше́ствовал еси́ ко гра́ду Небе́сному, Иоанни́кие,/ Святы́й бо наста́ви тя Дух, почива́яй в се́рдцы твое́м.

Вышша́ющее смире́ние, Иоанни́кие, име́л еси́,/ тем мо́лимся тебе́:/ уще́дри, преподо́бне, смире́ние на́ше/ и боле́зни вся облегчи́ серде́ц на́ших.

Богоро́дичен: Па́дших воззва́ние и стоя́щих укрепле́ние су́щи, Всенепоро́чная,/ тем молю́ся Тебе́:/ па́дший мой ум грехо́м испра́ви, Влады́чице, я́ко да сла́влю Тя.

Кано́н му́чеников, глас 4.

Песнь 1

Ирмо́с: Ли́цы изра́ильтестии/ невла́жнымистопа́ми/ понт Чермны́й и вла́жную глубину́ прогна́вше,/ вса́дники триста́ты, враги́ ви́дяще в ней погруже́ны,/ с весе́лием поя́ху:/ пои́м Бо́гу на́шему, я́ко просла́вися.

Честны́й пра́здник честны́х страда́лец священному́чеников,/ свяще́нную па́мять днесь свяще́нными песнопе́ньми/ ны́не Свяще́ннейшая Христо́ва Це́рковь, священноле́пно соверша́ющи,/ пе́сньми украша́ется, сия́ почита́ющи.

Честно́ю пома́зан ма́стию свяще́нничества ве́рно, священнонача́льниче Ника́ндре,/ честне́йшу сию́ от крове́й твои́х обагре́ньми соде́лал еси́, в ра́дости зовя́:/ воспои́м Бо́гу на́шему, я́ко просла́вися.

Путь муче́ния теку́ще,/ весе́лие и́стинное в нем я́ве показу́юще,/ обогати́стеся благода́тию чуде́с и дарова́ний Небе́сных, му́ченицы,/ согла́сно вопию́ще:/ воспои́м Бо́гу на́шему, я́ко просла́вися.

Богоро́дичен: Неопи́санный в не́дрех Оте́ческих,/ в не́дрех Ма́терних пло́тски Христо́с опису́ется,/ по рождестве́ Сию и́стинно Де́ву па́че ума́ сохрани́в,/ Ему́же велегла́сно вопие́м:/ воспои́м Бо́гу на́шему, я́ко просла́вися.

Песнь 3

Ирмо́с: Твоя́ песносло́вцы, Богоро́дице,/ живы́й и незави́стный исто́чниче,/ лик себе́ совоку́пльшия духо́вно утверди́,/ в Боже́ственней Твое́й сла́ве/ венце́в сла́вы сподо́би.

Теку́щая пребыва́ющими измени́л еси́,/ смы́сленно прие́м твой крест, Иоанни́кие,/ и на невосходи́мыя го́ры, я́ко Илия́ вели́кий, возше́д, пребы́л еси́.

Путь тебе́, зело́ жела́емый, отце́в показа́ дво́ица,/ ю́же обре́л еси́ ле́ты множа́йшими сокрове́нну в гора́х,/ проро́ческим да́ром просвеще́н, блаже́нне.

Коле́блеми страстьми́ разли́чными,/ ве́рою притека́ем к твоему́ покро́ву, Иоанни́кие,/ святы́ми твои́ми хода́тайствы вся ны посети́, моля́ся Человеколю́бцу.

Богоро́дичен: Кропле́нием ми́лости Твоея́, Де́во,/ у́глие погаси́ мои́х страсте́й, Богора́дованная,/ и уга́сший возжзи́ свети́льник се́рдца моего́,/ златы́й свети́льниче, Всенепоро́чная.

Ин

Ирмо́с: Я́ко непло́ды роди́ от язы́к Це́рковь,/ и мно́гое вча́дех изнемо́же со́нмище,/ чу́дному Бо́гу на́шему возопии́м:/ Свят еси́, Го́споди.

Слове́сныя мре́жи простира́я,/ су́щия в пре́лести, чудоде́йствуя, уловля́л еси́,/ обро́к многообра́зен от Де́вы, Ника́ндре, Возсия́вшему сия́ принося́.

Розга́ благопло́днейшая Ти́това са́да был еси́ Кри́тскаго свети́льника,/ гро́зды нося́ слове́сныя, сла́дость нам точа́щая спаси́тельную,/ Ника́ндре блаже́нне.

Со Ерме́ем Боже́ственным олядене́вшая сердца́ Креста́ ра́лом возде́ласте, му́дрии,/ и плодоно́сны благода́ти яви́сте:/ тем блажи́ми есте́.

Богоро́дичен: Ниже́ Небе́сный ум мо́жет па́че ума́ рождество́ Твое́ сказа́ти, Отрокови́це,/ ума́ бо пе́рваго во чре́ве, Сло́во, Чи́стая зачала́ еси́,/ вся́ческая сло́вом соста́вившее.

Седа́лен, глас 8.

Подо́бен: Прему́дрости:

Страсте́й мрак очи́стив,/ Христо́вых повеле́ний я́ко и́стинно свет прие́м,/ в посте́ просия́л еси́/ и, умертви́в те́ло, ду́хом ожи́л еси́,/ вра́жия се́ти попра́л еси́, блаже́нне./ Тем и вы́шних безпло́тных А́нгелов/ соприча́стник был еси́, Ду́ха благода́тию,/ Иоанни́кие, о́тче наш,/ моли́ Христа́ Бо́га грехо́в оставле́ние дарова́ти/ пра́зднующим любо́вию святу́ю па́мять твою́.

Сла́ва, му́чеников, глас 4.

Подо́бен: Вознесы́йся:

Святи́тельства и́стины Боже́ственным пома́занием/ и муче́ния свяще́нною и́стинно кро́вию просвеще́ни, сла́внии,/ совокупи́стеся чино́м, ра́дующеся, безпло́тных А́нгел./ Тем пра́зднуем честну́ю ва́шу па́мять,/ моля́щеся всем очище́ние пода́ти моли́твами ва́шими, святи́и.

И ны́не, Богоро́дичен:

Обнови́ла еси́, Чи́стая, Боже́ственным Рождество́м Твои́м/ истле́вшее во страсте́х земноро́дных ме́ртвенное существо́/ и воздви́гла еси́ вся от сме́рти к животу́ нетле́ния./ Те́мже Тя по до́лгу блажи́м вси, Де́во Препросла́вленная,/ я́коже прорекла́ еси́.

Крестобогоро́дичен:

Де́во Пренепоро́чная, Ма́ти Христа́ Бо́га,/ ору́жие про́йде Твою́ пресвяту́ю ду́шу,/ егда́ распина́ема ви́дела еси́ во́лею Сы́на и Бо́га Твоего́./ Его́же, Благослове́нная, моля́щи не преста́й проще́ние прегреше́ний нам дарова́ти.

Песнь 4

Ирмо́с: Неизсле́дный Бо́жий сове́т,/ е́же от Де́вы воплоще́ния,/ Тебе́, Вы́шняго,/ проро́к Авваку́м, усмотря́я, зовя́ше:/ сла́ва си́ле Твое́й, Го́споди.

Го́ры высоча́йшия пости́г,/ верхи́ де́монов возвыша́емыя смире́нием смири́л еси́, му́дре,/ и на них му́жествовал еси́, сла́ва мона́шествующих и утвержде́ние.

Я́ко мече́м обоюдоо́стрым, Христо́вым стра́хом вооружи́вся,/ зми́я отсту́пника низложи́л еси́ разу́мно/ и чу́вственно, блаже́нне, свяще́нными побе́дами прославля́емь.

Весь Боже́ственным Ду́хом распали́вся, о́тче, мраз претерпе́л еси́,/ мно́жайшими ле́ты в пусты́нях вселя́яся, ища́й Го́спода,/ благода́тию тя Боже́ственною согрева́юща.

Богоро́дичен: Тя, очище́ние всех земны́х, ве́рою молю́ и припа́даю, Благослове́нная:/ ми́лостива ми Судию́ и Сы́на Твоего́ сотвори́,/ я́ко да по до́лгу сла́влю Тя.

Ин

Ирмо́с: Седя́й в сла́ве на Престо́ле Божества́/ во о́блаце ле́гце,/ прии́де Иису́с Пребоже́ственный/ нетле́нною дла́нию и спасе́ зову́щия:/ сла́ва, Христе́, си́ле Твое́й.

Колесни́ца яви́стеся Сло́ва, у́мно Сего́ нося́ще,/ тем привя́зани к ко́нем, лю́те же влачи́ми,/ не отверго́стеся Сего́, ни победи́стеся,/ к Небе́сней стезе́ я́ве подвиза́еми.

Темни́цам приближа́ющеся и у́зами облага́еми,/ от уз льсти град и лю́ди спасо́сте/ и ю́зою любве́ связа́стеся Свя́заннаго пло́тию нас ра́ди, всеблаже́ннии.

Со А́нгелы Влады́ку заключе́нии сла́вляху,/ Небе́сным Хле́бом, всесла́внии, пита́еми./ Тем пло́ти боле́зней небрего́сте,/ си́льнейшии ран бы́вше.

Богоро́дичен: На Престо́ле высо́цем стра́шно седя́й,/ на Ма́терних объя́тиях, Младе́нец быв, седи́т,/ па́дший о́браз исправля́я и обоже́ние су́щим из Ада́ма да́руя.

Песнь 5

Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ безле́тнаго Сы́на,/ всем воспева́ющим Тя/ мир подава́ющая.

Ше́ствовал еси́, преподо́бне, те́сный и приско́рбный путь/ Боже́ственными восхожде́ньми се́рдца,/ и виде́нии разширя́емь, и положе́нием обожа́емь я́ве./ Тем бысть мона́шествующим утвержде́ние и украше́ние.

О́ко очи́стившу помышле́ния, преподо́бне,/ благода́ть тебе́ даде́ся проро́чества,/ я́ко настоя́щая глаго́лати бу́дущая,/ зре́ти же да́льняя, я́ко бли́жняя./ О Иоанни́кие, Бо́жие оби́телище!

Боле́зни мя изба́ви грехо́в и скорбе́й,/ утоли́ се́рдца моего́ боле́знь и грехопаде́ний разреше́ние да́руй,/ Благоде́теля Бо́га имея́, послу́шающа честны́х твои́х моли́тв.

Богоро́дичен: Ума́ моего́ уврачу́й изступле́ния, Всенепоро́чная,/ и уврачи́ стра́сти души́ моея́, и уны́ния тьму отжени́;/ я́ко да восхваля́ю Тя пе́сненно, Присноблаже́нная Богоро́дице Всепе́тая.

Ин

Ирмо́с: Просвеще́ние Твое́, Го́споди, низпосли́ нам,/ и от мглы прегреше́ний разреши́ ны, Бла́же,/ Твой мир да́руяй.

В просвеще́ние ве́ры путево́ждствовал еси́ лю́ди,/ и, оста́вльше тьму идолонеи́стовства,/ ча́да Све́та бы́ша хода́тайством твои́м, Ника́ндре.

Просвети́тельными Ду́ха блиста́юще заря́ми,/ муче́ний нощь преидо́сте безвре́дно,/ реша́ще мглу безбо́жия, свети́льницы сла́внии.

Па́вловых вод испо́лнен Тит быв,/ тя напая́ше, показу́я реку́,/ струи́ му́тныя безбо́жия потопля́ющу, Ника́ндре.

Богоро́дичен: А́гнца и Го́спода ро́ждшая пло́тию, Де́во,/ еди́на нескве́рная ски́ние, Боже́ственный ковче́же, честны́й свети́льниче,/ ду́шу мою́ озари́.

Песнь 6

Ирмо́с: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.

Увяди́в стра́сти теле́сныя,/ я́ко дре́во узре́лся еси́ высокове́рхое,/ плоды́ чуде́сныя и честна́я исправле́ния свяще́ннейше нося́, Богоблаже́нне.

Уврачи́ тя Госпо́дь явле́нием Евста́фия му́ченика,/ яд всепа́губный испи́вша, всеблаже́нне,/ чрез ру́ку непра́ведную и бе́дствующа.

Тьмам боле́зней приобщи́лся еси́,/ те́лом не́мощен пребы́в, Иоанни́кие./ Тем ве́рою зову́ ти:/ боле́зни утоли́ се́рдца моего́.

Богоро́дичен: Еди́на всех по́моще, помози́ нам, бе́дствующим,/ и ру́ку пода́ждь, и к приста́нищем введи́ спасе́ния,/ Отрокови́це Богоблагода́тная.

Ин

Ирмо́с: Возопи́, прообразу́я погребе́ниетридне́вное,/ проро́к Ио́на в ки́те моля́ся:/ от тли изба́ви мя, Иису́се, Царю́ сил.

Пригвожда́ема гвоздьми́ телеса́ му́чеников,/ страсте́й подража́теле Спа́са явля́хуся,/ пригвозди́вшагося на Кресте́ и от тли мир спа́сшаго.

Пучи́ну мук преидо́сте, му́ченицы,/ окормле́нием Свята́го Всеси́льнаго Ду́ха/ и к Боже́ственному приста́нищу приста́сте, сла́вы исполня́еми.

Победи́л еси́, тезоимени́тне, муже́й вся́кое противле́ние уби́йц,/ святи́телю приснопа́мятне Ника́ндре,/ и венцы́ сла́вы прия́л еси́, Бо́гу предстоя́.

Богоро́дичен: Погуби́ла еси́ прама́тере, Отрокови́це, укори́зну,/ благослове́ньми нас Венча́вшаго пло́тию ро́ждши,/ и скорбь тоя́ в ра́дость и́стинную преложи́ла еси́.

Конда́к, глас 8.

Подо́бен: Взбра́нной:

Звезда́ яви́лся еси́ всесве́тлая, в ми́ре просвеща́яй/ и су́щия во мра́це страсте́й облистава́яй,/ врач же крепча́йший яви́лся еси́,/ но я́ко прия́л еси́ благода́ть исцеле́ний,/ прося́щим тя пода́ждь исцеле́ние, да зове́м:/ ра́дуйся, о́тче Иоанни́кие.

И́кос:

Други́й, о́тче, яви́лся еси́ врач и предста́тель,/ неду́ги одержи́мым и скорбьми́, Иоанни́кие чу́дне,/ исцеля́я всех, ве́рно притека́ющих под Боже́ственный кров твой./ Тем и от нас слы́шиши:/ ра́дуйся, отца́ блага́го ко́рене о́трасль;/ ра́дуйся, ма́тере блага́я ветвь;/ ра́дуйся, и́же тех любо́вь отри́нувый;/ ра́дуйся, и́же еди́наго Бо́га прие́мый;/ ра́дуйся, я́ко оста́вил еси́ земно́е во́инство;/ ра́дуйся, я́ко низложи́л еси́ ва́рварскую горды́ню;/ ра́дуйся, стена́ и храни́тель лю́дем бы́вый;/ ра́дуйся, оружие и столп ми́рови явлься;/ ра́дуйся, языческия разрушая бра́ни;/ ра́дуйся, свети́льниче, сия́я чудесы́;/ ра́дуйся, наги́х покрови́телю;/ ра́дуйся, плене́нных изба́вителю;/ ра́дуйся, о́тче Иоанни́кие.

Песнь 7

Ирмо́с: Не послужи́ша тва́ри Богому́дрии/ па́че Созда́вшаго,/ но о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.

Се́рдце твое́ Тро́ицы жили́ще соде́лал еси́,/ три созда́в хра́мы,/ в ни́хже Боже́ственною благода́тию, Иоанни́кие, ми́ро источа́еши/ в просвеще́ние и очище́ние ве́рно тебе́ приходя́щих.

Душа́ твоя́, светозаре́нием Боже́ственнаго Ду́ха освеща́ема при́сно,/ душ зря́ше ве́рно приходя́щих тебе́ сове́ты, блаже́нне,/ проро́ческими прозна́ньми свяще́нно удивля́ема.

Неду́гов, обурева́ющих мя, блаже́нне, души́ же и телесе́/ твои́ми святы́ми моли́твами ско́ро изба́ви и пе́ти сотвори́:/ препе́тый оте́ц на́ших Бо́же, благослове́н еси́.

Богоро́дичен: Непреме́ннаго ро́ждшая еди́на Го́спода, Богора́дованная,/ десни́цею Его́, Чи́стая, премени́ти мой ум моли́ся к лу́чшим,/ лю́те превраща́емый жите́йскими печа́льми.

Ин

Ирмо́с:сАвраа́мстии иногда́ в Вавило́не о́троцы/ пе́щный пла́мень попра́ша,/ пе́сньми взыва́юще:/оте́ц на́ших Бо́же, благослове́н еси́.

Свяще́нную твою́ оде́жду обагри́в, блаже́нне, обагре́ньми крове́й,/ соверши́л еси́ све́тльшую, Ника́ндре,/ отце́в, вопия́, Бо́же, благослове́н еси́.

Приближа́ющеся огню́,/ несомне́нною любо́вию к Творцу́ не опали́стеся, вопию́ще, блаже́ннии:/ оте́ц на́ших Бо́же, благослове́н еси́.

Пе́щи пла́мень, вам угото́ванный на муче́ние,/ преврати́сте на ро́су Ду́хом Вседе́тельным, вопию́ще:/ оте́ц на́ших Бо́же, благослове́н еси́.

Богоро́дичен: Воплоще́нное Сло́во ражда́еши несказа́нно, Чи́стая Де́во,/ зову́щия от смерти́ избавля́юща:/ оте́ц на́ших Бо́же, благослове́н еси́.

Песнь 8

Ирмо́с: О́троки благочести́выя в пещи́,/ Рождество́ Богоро́дичо спасло́ есть:/ тогда́ у́бо образу́емое,/ ны́не же деи́ствуемое,/ вселе́нную всю воздвиза́ет пе́ти Тебе́:/ Го́спода пои́те дела́/ и превозноси́те Его́ во вся ве́ки.

Стоя́ высоко́ на горе́, я́ко на све́щнице свети́льник, преподо́бне,/ всех помышле́ния ве́рою просвеща́л еси́,/ показу́я изря́днейше словесы́ и де́лы стезю́ жи́зни/ и возводи́ ты́я Боже́ственным сло́вом к высоте́ безстра́стия.

Ум безстра́стием очи́щшему, бесе́довал еси́ Го́споду Вседержи́телю,/ от Него́же неизглаго́ланным, преподо́бне, науча́емь,/ проро́чески предглаго́лал еси́, просвеща́я ду́ши, я́ко велича́йш, всеблаже́нне, проро́к./ Тем тя согла́сно, ве́рнии, восхваля́ем.

Постиго́ша мя ра́ны тя́жкия, и неду́зи разли́чнии смуща́ют;/ сих мя изба́ви, о́тче, молю́ся тебе́,/ я́ко от Бо́га прие́м, Иоанни́кие, благода́ть врачева́ти стра́сти/ и боле́зни ве́рных облегчева́ти.

Тро́ичен: Со все́ми Вы́шними во́инствы –/ Отца́, Сы́на и Свята́го Ду́ха –/ Тро́ицу Неразде́льную, Несозда́нное Божество́ песносло́вяще:/ Свят, Свят, Свят, возопии́м в ра́дости,/ еди́на Власть, Нача́ло и Ца́рство.

Богоро́дичен: Яви́лася еси́ А́нгелов превы́шшая, Бо́га неизрече́нно воплоти́вши,/ Того́ умоли́, Влады́чице Всенепоро́чная,/ плотски́х вы́шша страсте́й бы́ти мя умо́м,/ высото́ю смире́ния,/ песносло́вяща Твою́ велича́йшую благода́ть.

Ин

Ирмо́с: Изба́вителю всех, Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́ благослови́те, по́йте Го́спода.

Иера́рх че́стен был еси́,/ ника́коже чужде́ю кро́вию, свое́ю же, Ника́ндре, вшед в Го́рний храм и поя́:/ благослови́те вся дела́ Госпо́дня Го́спода.

На седа́лищи, восхвали́в Го́спода, пресви́теров Ерме́й сла́вный,/ удобри́вся кро́вию муче́ния, зове́т:/ благослови́те вся дела́ Госпо́дня Го́спода.

Свяще́нно предсоверша́юще свята́я,/ же́ртвы честны́я яви́стеся/ и в воню́ принесо́стеся благово́ния Го́споду, вопию́ще:/ благослови́те вся дела́ Госпо́дня Го́спода.

Богоро́дичен: Зол мои́х пучи́ну изсуши́,/ благоутро́бия пучи́ну ро́ждшая, Изба́вителя и Го́спода,/ Ему́же вопие́м, Де́во:/ вся дела́ благослови́те Госпо́дня Го́спода.

Песнь 9

Ирмо́с: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная Богоро́дице,/ Чи́стая Присноде́во.

Укрепи́ся Бо́гу, ум твой утверди́вшу удержа́ти стра́сти,/ А́нгел в телеси́ отсю́ду, о́тче, ты был еси́,/ и со А́нгелы на Небесе́х живе́ши всегда́,/ сла́вы Престо́лу предстоя́ и Све́та невече́рняго исполня́емь.

Яко́же на Небеси́, в гора́х и верте́пах всели́лся еси́, преподо́бне:/ тем укроти́шася тебе́ ди́вии зве́рие,/ покори́вшу стра́сти душе́вныя, неудо́бь покори́мыя, Иоанни́кие, и пра́ведну же бы́вшу./ Сего́ ра́ди ве́рно тя почита́ем.

Твоя́ свяще́нныя и святы́я мо́щи во гро́бе лежа́ще,/ неду́ги погружа́ют и попаля́ют полки́ де́монския всегда́,/ му́дре Иоанни́кие,/ Бо́жиею благода́тию источа́ют всем врачева́ния,/ ве́рно тя при́сно блажа́щим.

Уже́ Христу́ приближа́яся я́снше и чи́стше,/ помяни́ ве́рою тя помина́ющих, Иоанни́кие,/ грехо́в проще́ния нам прося́, и неду́гов всех избавле́ния,/ и Небе́снаго Ца́рствия селе́ние.

Богоро́дичен: Просвети́, Чи́стая, души́ моея́ о́чи, Свет ро́ждшая,/ да не пости́гнет мя грехо́вная тьма тяжча́йшая,/ ниже́ глубина́ покры́ет мя отча́яния,/ но Ты мя спаси́ и окорми́ ко приста́нищу Боже́ственнаго хоте́ния.

Ин

Ирмо́с: Е́ва у́бо неду́гом преслуша́ния/ кля́тву всели́ла есть,/ Ты же, Де́во Богоро́дице,/ прозябе́нием чревоноше́ния ми́рови благослове́ние процвела́ еси́./ Тем Тя вси велича́ем.

На дре́ве, му́дре, терпели́вно растяга́емь и свеща́ми опаля́емь,/ ро́су Небе́сную прия́л еси́ руко́ю А́нгельскою, му́чениче Ника́ндре,/ паля́щия же ме́ртвы показа́л еси́ живоно́сными твои́ми моли́твами.

Ви́дестеся виде́ние стра́шно:/ обнажа́еми, и безслове́сным привязу́еми,/ и на мно́жайше, страстоте́рпцы, влеко́ми,/ и це́ли явля́еми, огню́ приближа́ющеся, и неопаля́еми,/ Ду́хом Боже́ственным соблюда́еми.

Днесь Ми́рская свяще́нная митропо́лия пра́зднует велегла́сно,/ град всяк на весе́лие созыва́ющи,/ в па́мяти ва́шей сей, всехва́льнии,/ в не́йже свяще́нное ва́ше страда́ние соверши́сте.

Отве́рзеся вам Не́бо, и А́нгели восхожде́нию восплеска́вше,/ чи́ни преподо́бных и пра́ведных возвесели́шася, взыгра́шася му́ченицы;/ с ни́миже все́льшеся, помяни́те помина́ющия вас, святи́и.

Богоро́дичен: Све́том мя озари́ Твои́м, Всенепоро́чная, ро́ждшая Свет непристу́пный,/ разжени́ о́блаки души́ моея́, и тьмы мя исхити́, молю́ся,/ и Боже́ственнаго спасе́ния сподо́би, Пречи́стая, Еди́на Присноде́во.

Свети́лен.

Подо́бен: Ду́хом во святи́лищи:

Благода́ть преизбы́сть Бо́жия в души́ твое́й, му́дре Иоанни́кие, безпло́тно живу́ща./ Тем чту́щия тя страсте́й изба́ви те́мных облако́в,/ к ти́хому приста́нищу вводя́ и отгоня́я полки́ де́монския.

Богоро́дичен: Сотвори́ и́стинно с Тобо́ю вели́чия Сын предве́чный О́тчим сове́том:/ Жизнь бо нетле́нную без стра́сти родила́ еси́/ и пребыла́ еси́ я́коже пре́жде рождества́, ма́терских избе́гше боле́зней,/ и Де́ва, па́ки по рождестве́ пребы́вши Де́ва.

На стихо́вне Окто́иха. Сла́ва, глас 6:

Е́же по о́бразу соблю́д невреди́мо,/ ум – влады́ку над страстьми́ па́губными по́стнически поста́вив,/ во е́же по подо́бию я́коже мо́щно возше́л еси́,/ му́жески бо естество́ пону́див,/ потща́лся еси́ ху́ждшее покори́ти лу́чшему/ и плоть порабо́тити ду́ху./ Те́мже мона́шествующих яви́лся еси́ верх,/ жи́тель пусты́нный, благотеку́щих обучи́тель,/ прави́ло доброде́телей изве́стнейшее,/ и ны́не на Небесе́х зерца́лом разре́шшимся,/ о́тче наш Иоанни́кие,/ чи́сте зри́ши Святу́ю Тро́ицу,/ моля́ся непосре́дственне/ о и́же ве́рою и любо́вию чту́щих тя.

И ны́не, Богоро́дичен или́ Крестобогоро́дичен.

Подо́бен: Все отло́жше:

Ору́жие, я́коже рече́ Симео́н,/ се́рдце Твое́ про́йде, Пречи́стая Влады́чице,/ егда́ узре́ла еси́ из Тебе́ Возсия́вшаго неизрече́нным сло́вом,/ от беззако́нных я́ко осужде́на,/ возноси́ма на Кресте́,/ о́цтом и же́лчию напая́емаго,/ ре́бра же пробода́ема,/ и ру́це и но́зе пригвожда́емы,/ и, рыда́ющи, восклица́ше,/ ма́терски вопию́щи:/ что сие́, Ча́до сладча́йшее, но́вое та́инство?

На Литурги́и

Проки́мен, глас 7: Честна́ пред Го́сподем смерть преподо́бных Его́. Стих: Что возда́м Го́сподеви о всех: Апо́стол к Гала́том, зача́ло 213. Аллилу́ия, глас 6: Блаже́н муж, боя́йся Го́спода: Стих: Си́льно на земли́ бу́дет се́мя Его́. Ева́нгелие от Матфе́я, зача́ло 10. Прича́стен: В па́мять ве́чную:

Свята́го и блаже́ннаго Си́мона, Христа́ ра́ди юро́диваго, Юрьеве́цкаго но́ваго чудотво́рца

На Вели́цей Вече́рни

На Го́споди, воззва́х: стихи́ры, глас 6.

Подо́бен: Все упова́ние:

Все жела́ние ко Христу́ име́л еси́,/ предразсужде́нному бо от блага́го сове́та твоего́/ после́довал еси́ произволе́нием,/ своего́ Творца́ присносу́ща ве́дая,/ во́лю Его́ испо́лнив,/ всех в ми́ре се́м красо́тных отве́рглся еси́,/ и и́же по естеству́ движе́ния/ не обрати́в в и́же чрез естество́,/ но в си́ех, и́же Созда́телю уго́дная ше́ствуя,/ нача́тое в де́ло произвести́ потща́лся еси́,/ Богоно́се Си́моне,/ во́льным бу́йством мир возненави́девый.

Весь от ю́ности те́сный ше́ствовал еси́ путь,/ и́же суть страсте́м убива́тельный и губи́тельный,/ стоя́ние бо всено́щное,/ ме́ру во́дную и хле́ба ску́дость,/ подсмея́ния и поруга́ния,/ отсече́ние воль свои́х прираже́ний,/ терпе́ние, досажде́ния, нужду́,/ наготу́, и мраз, и зной,/ и про́чия ско́рби и искуше́ния,/ усе́рдно Христа́ ра́ди претерпе́л еси́,/ но блаже́н еси́, та́ко ходи́вый,/ я́ко твое́ есть ны́не Ца́рствие Небе́сное.

Возсия́л еси́ в Георгиопо́ле,/ я́ко звезда́ пресве́тлая,/ Христо́с бо в тебе́ просла́вися,/ си́лу Свою́ в не́мощех твои́х соверши́вый,/ о́чи же Его́ на тя призре́ша,/ я́коже дре́вле на ни́щаго Ла́заря,/ егда́ от своего́ до́му изгна́вый ти́,/ подъя́т лише́ние супру́жницы,/ я́коже проре́кл еси́,/ Боже́ственным бо словесе́м той не внима́ше,/ я́ко обезче́стивый убо́гаго прогне́вает Сотво́ршаго и,/ но о на́с, тя честву́ющих, блаже́нне,/ со дерзнове́нием моли́ Христа́ Бо́га,/ Изба́вителя душ на́ших.

Показа́ти всем хотя́ше Бог/ Себе́ от Своего́ человеколю́бия побежда́ема,/ я́коже дре́вле и о Ниневи́и рече́, я́ко разори́тся,/ и той не разори́ся, но одоле́ суду́ бла́гость,/ си́це и о твое́м, блаже́нне, гра́де сотвори́ся,/ внегда́ хотя́ше Вы́шний, твое́ исполня́я проро́чество,/ огне́м его́ наказа́ти,/ но ты, я́ко сострада́тельнейший,/ моли́твами, упова́я, о и́скренних подвиза́лся еси́,/ я́ко преодоле́ти твои́м мольба́м огня́ безсту́дству,/ хода́тай бо яви́лся еси́ и́стинен к Бо́гу о согреши́вших к Нему́.

Богому́дре Си́моне,/ ты потща́лся еси́ пребы́ти, яко́в со́здан еси́,/ началообра́зную бо о́ну добро́ту и Ца́рский о́браз/ соблю́л еси́ непоро́чно,/ не низве́дся в безслове́сных ху́дость,/ тем, я́коже Дании́ла дре́вле зве́рие и отроко́в огнь,/ та́ко и тебе́, во́дное естество́ ходя́ща верху́/ сохрани́ неврежде́на, я́ко невеще́ственна,/ Сла́вимый бо тобо́ю просла́ви тя,/ но Того́ я́ко Бла́га со дерзнове́нием ны́не моли́/ о спасе́нии душ на́ших.

Похвали́ти тя кто возмо́жет, о преподо́бне Си́моне?/ Я́ко бо во огне́,/ живо́т препроводи́л еси́ твой во мно́жестве, глаго́лю, искуше́ний,/ искуси́вся же, и победи́, я́коже И́ов,/ и нарече́ся све́тло при конце́ страда́льчеств,/ ни еди́нем от трясу́щих мно́гих су́щих поколе́блем,/ но мно́гим у́бо иску́сством искуси́теля поборе́й,/ смерть же тебе́ исхода́таивша,/ просты́ни не несподо́бил еси́,/ я́ко пока́явшася и уразуме́вша страда́нии та́йну,/ изве́стие сотвори́в ему́ неумале́нием издае́мых пе́нязей,/ прославля́ющу тя Спа́су душ на́ших.

Сла́ва, глас 8:

Прииди́те, гражда́нствующии в Георгиопо́ле,/ вину́ ра́дости обре́тше духо́вныя,/ безстра́стна зде и бы́вша и позна́ннаго похваля́юще о Го́споде,/ возвесели́мся, сограждани́на сего́ себе́ нарица́юще,/ ны́не же кра́йняго ра́ди доброде́телей опа́сства,/ Го́рняго святы́х согражда́нства удосто́еннаго,/ сей бо блаже́нный, украше́нии добродете́лей потща́вся,/ о целому́дрии и чистоте́ попече́ся,/ не то́чию вне́шнее до́бре устро́и,/ но па́че потае́нный се́рдца челове́к в нем неокра́дом соблюде́ся,/ ничто́же бо и́но безстра́стие вмени́ бы́ти,/ ра́зве серде́чное ума́ Не́бо,/ и сего́ ра́ди плоть у́бо нетле́нну сотвори́в,/ ум же от тва́ри возвы́сив,/ вся же чу́вства тому́ покори́в,/ лицу́ же Госпо́дню ду́шу предста́вив,/ вы́ше своея́ кре́пости на Не́бо протя́жущуюся,/ воскресе́ние ду́ше пре́жде теле́снаго обре́те,/ к Нему́ же в дерзнове́нии мно́зе, я́ко дерзнове́ние иму́щу,/ к Жениху́ душ – Хри́сту, гряду́щему в полу́нощи,/ ужаса́ющеся вку́пе и ожида́юще/ Того́ ужа́снаго вои́стинну и стра́шнаго прише́ствия,/ вже́гше свещи́ своя́, еле́ем просвеще́нныя, возопие́м:/ блаже́нне и приснопа́мятне Си́моне,/ пла́чем зде посе́явый,/ но в ра́дости натрижне́ние восприе́млем,/ моли́ся ко Го́споду/ смири́тися и нам под кре́пкуто ру́ку Его́/ и спасти́ся душа́м на́шим.

И ны́не, Богоро́дичен: Царь Небе́сный:

На литии́ стихи́ры, глас 1:

Да ра́дуется днесь ве́рных мно́жество,/ обстоя́ще ра́ку уго́дника Христо́ва Си́мона,/ честна́, – приглаша́юще –, пред Го́сподем смерть преподо́бных Его́,/ той бо прия́т от Подвигополо́жника Христа́ дар чу́дес,/ по преставле́нии бо свое́м многовре́менне боля́ща, я́влься, пресла́вно исцели́,/ и жену́, подо́бне боле́знующую,/ чуде́сным си явле́нием неду́га премени́,/ и разли́чная ина́я исцеле́ния,/ и очесе́м боле́знующим здра́вие подава́ет,/ и во вре́мя запале́ния гра́да очеви́ден бысть сострада́тель,/ в разли́чных бо ме́стех, ходя́, явля́яся,/ плач, я́коже Иереми́я о Иерусали́ме,/ та́ко он о свое́м гра́де творя́ше/ и ны́не мо́лится Го́сподеви поми́ловатися душа́м на́шим.

Глас 2:

Христо́ва рачи́теля, прииди́те, Си́мона днесь ублажи́м,/ вся кова́рства вра́жия низложи́вшаго/ и к высоте́ безстра́стия дости́гшаго ра́зума чистото́ю,/ апо́стольское завеща́ние де́лом испо́лнившаго,/ в ве́це бо сем юро́д бысть,/ я́ко да Бо́гови мудр бу́дет,/ тем и благода́тию Того́ проро́чески хотя́щая бы́ти предрече́,/ и челове́ческая помышле́ния не утаи́шася его́,/ и от истопле́ния вма́ле поги́бнути иму́щаго свободи́,/ и вели́кия реки́ широту́/ верху́ вод пре́йде, я́ко безвеще́ствен,/ я́коже иногда́ Иорда́н во преподо́бных изя́щнейшая ,/ но и ны́не того́ призыва́ющим помо́щник обрета́ется/ и моли́твенник ко Го́споду о спасе́нии душ на́ших.

Глас 7:

Твори́т Госпо́дь Вседержи́тель святы́м испове́дати,/ я́коже пи́сано есть вся чудеса́ Его́,/ возвеща́ет мимоше́дшая и бу́дущая/ и открыва́ет след та́йных и благове́рным дае́т прему́дрость,/ сия́ показа́ на рабе́ Свое́м блаже́ннем Си́моне,/ ему́же, я́ко ве́рну су́щу,/ дарова́ прему́дрость Свою́, в та́йне сокрове́нную,/ и я́ко юро́да су́ща от ми́ра избра́,/ да прему́дрыя посрами́т,/ зане́ бу́ее Бо́жие прему́дрее челове́к есть,/ и немощно́е Бо́жие крепча́е челове́к есть,/ того́ моли́твами, Му́дросте и Си́ло Бо́га и Отца́ И́же бысть,/ нам прему́дрость от Бо́га, пра́вда же, и освяще́ние, и избавле́ние,/ ди́вный во святы́х Свои́х/ удиви́ в нас бога́тыя Своя́ ми́лости, я́ко Человеколю́бец.

Сла́ва, глас 5:

Целому́драго му́жа и до́блественна,/ и́же, я́ко Ла́заря, в напа́стех наказа́вшагося/ и, я́ко зла́то огне́м, злострада́нии очи́стившагося,/ днесь в па́мяти его́, соше́дшеся, ублажи́м/ и, моля́щеся ему́, возопие́м:/ челове́че Бо́жий, Си́моне, всеблаже́нне,/ поне́же ве́мы, я́ко боле́зновавшая твоя́ зде душа́/ близ есть ны́не Бо́га,/ помяни́ в ве́чном сый ве́дре/ бу́рю жития́ на́шего су́етнаго/ и моли́ся о нас ко Христу́ Бо́гу,/ И́же Петра́ дре́вле, стра́ждуща в волна́х,/ погря́знути не попусти́вшу/ и тебе́, верху́ вод ходя́ща, невре́дна сохрани́вшу,/ да пода́ст нам втора́го Его́ прише́ствия присноча́ющим,/ нескве́рным и непоро́чным обрести́ся в ми́ре/ и спасти́ся душа́м на́шим.

И ны́не, Богоро́дичен, глас то́йже:

Блажи́м Тя, Богоро́дице Де́во,/ и сла́вим Тя, ве́рнии, по до́лгу,/ град непоколеби́мый, сте́ну необори́мую,/ тве́рдую Предста́тельницу и прибе́жище душ на́ших.

На стихо́вне стихи́ры, глас 8. Самогла́сен:

Блаже́нне Си́моне му́дре,/ основа́ние положи́в доброде́телей,/ е́же дре́вняго челове́ка совлещи́ся с похотьми́/ и во Христа́ – Истину облещи́ся,/ и сего́ ра́ди обличи́л еси́ мно́гая враго́в ополче́ния/ и ми́ра пре́лесть юро́дством во́льным оплева́л еси́,/ моли́ спасти́ся душа́м на́шим.

Стих: Честна́ пред Го́сподем/ смерть преподо́бных Его́.

Богоно́се и преблаже́нне Си́моне,/ ты слеза́ми зе́млю омака́ше,/ не дал еси́ сна твои́ма очи́ма,/ ниже́ ве́ждома дрема́ния,/ серде́чное же́лание явли́я ко Христу́ Бо́гу,/ Его́же возлюби́л еси́/ и вся́кия доброде́тели вид испра́вил еси́,/ тем тя ублажа́ем,/ Христа́ велича́юще, Тя просла́вльшаго.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Блаже́нне Си́моне чу́дне,/ ты у́бо, возше́д на ле́ствицу доброде́телей,/ по ней же к Го́рнему восте́кл еси́ Иерусали́му/ и та́мо узре́л еси́/ прежела́емое Влады́ки и Цари́ Христа́ кротча́йшее лице́,/ ти́хима очи́ма Си Боже́ственными взира́юще на тя,/ Его́же моли́ блаже́нныя той и нам сла́вы не отпа́сти,/ ниже́ искуше́ния прия́ти ве́чных и непостоя́нных мук,/ но спасе́ние получи́ти/ и со избра́нными ве́чная блага́я и ве́лию ми́лость.

Сла́ва, глас 6:

Днесь верхо́внаго в му́ченицех/ присносла́внаго Гео́ргия/ град, нарече́нный именова́нием святы́м,/ в па́мять тезоиме́ннаго,/ юро́дственно в нем пожи́вша,/ торжество́ све́тлое составля́ет,/ и гроб его́, обстои́м, зри́тся,/ и́же ясне́е трубы́ гласи́щ,/ свои́ согра́жданы уча́щ подо́битися житию́ его́ доброде́тельному,/ гряде́т бо,– глаго́лет,– хотя́й воста́вити вся́, во гробе́х спя́щия,/ всем вся, я́ко на ме́риле положи́ти пра́ведным Судо́м:/ и одея́ние, и сло́во, и размышле́ние,/ еди́но бо и коне́чное Суди́ще всех ожида́ет вои́стинну стра́шное,/ па́че же сего́ ра́ди и страшне́йшее,/ зане́же пра́ведно тогда́шния у́бо неисповеди́мыя нужды́ избежа́ти нам,/ о уго́дниче Спа́сов Си́моне,/ помина́й о нас ко Го́споду,/ и да сподо́бит ны в тре́петное Его́ прише́ствие/ сре́сти Его́ на о́блацех со святы́ми Его́ в ра́дости,/ с ни́ми же ты ны́не ра́дуешися,/ ожида́я коне́чнаго воздая́ния/ во о́бщее всех воскресе́ние.

И ны́не, Богоро́дичен.

Тропа́рь, глас 8:

Я́ко вои́стинну гла́са апо́стольскаго/ послу́шатель был еси́, блаже́нне Си́моне,/ Христа́ бо ра́ди изво́лив име́ти бу́йство,/ в не́мже соблю́л еси́ твоя́ к Бо́гу доброде́тели, посреде́ молв некра́домы,/ терпе́нием у́бо пачеесте́ственным Христа́ подража́в,/ посрами́л еси́ льсти́ваго всю горды́ню,/ тем и в лю́тых ра́нах, я́коже дре́вний Ла́зарь,/ в не́дра Авраа́мля пресели́лся еси́,/ иде́же и ны́не утеша́яся, посеща́й град твой,/ почита́ющий любо́вию святу́ю па́мять твою́.

На У́трени

По 1-й кафизме седа́лен, глас 1:

Измла́да разуме́в твою́ кро́тость и незло́бие, Си́моне всече́стне,/ Еди́н преблаги́й Бог от лука́вства посреде́ мяте́жнаго ми́ра невре́дна тя соблюде́/ и сла́вы сподо́би тя страда́ний твои́х ра́ди,/ о всех нас не премолчи́, Влады́ку бла́жащи.

Сла́ва, и ны́не, Богоро́дичен:

Цари́цу Де́ву Тя пропове́дует Дави́д, Пречи́стая, чи́сту,/ те́мже молю́ся Ти, Небе́снаго мя Ца́рствия сотвори́ насле́дника,/ я́ко да ублажа́ю Тя.

По 2-й кафи́зме седа́лен, глас 3:

Чуде́с прия́л еси́ Боже́ственную благода́ть, Богому́дре чудотво́рче Си́моне,/ вся ве́рных стра́сти очища́я и ду́хи лука́вства потребля́я,/ сего́ ра́ди тя воспева́ем я́ко уго́дника Христо́ва приснопа́мятна.

Сла́ва, и ны́не, Богоро́дичен:

Недомы́слимо и непостижи́мо есть, Влады́чице Богоблагода́тная,/ соде́ланное на Тебе́ стра́шное та́инство,/ и́бо Необыме́ннаго Бо́га заче́нши,/ родила́ еси́, пло́тию обложе́на от чи́стых крове́й Твои́х,/ Его́же, Чи́стая, я́ко Сы́на Твоего́ при́сно моли́ спасти́ ду́ши на́ша.

По полиеле́и седа́лен, глас 4:

Посто́м и воздержа́нием, и на земли лега́нием увяди́л еси́ плотски́я стра́сти,/ ду́шу же просвети́л еси́/ и на Небесе́х от Христа́ вели́ко возме́здие восприя́л еси́,/ тем досто́ин сосу́д чуде́с и по кончи́не яви́лся еси́ притека́ющим к моще́м твои́м, преблаже́нне,/ моли́ Христа́ Бо́га грехо́в оставле́ние дарова́ти/ почита́ющим лю́бовию свя́тую па́мять твою́.

Сла́ва, и ны́не, Богоро́дичен:

Обнови́ла еси́, Пречи́стая, Боже́ственным Твои́м рождество́м/ истле́вшее страстьми́ земноро́дных ме́ртвенное существо́/ и возста́вила еси́ вся от сме́рти к жи́зни нетле́нней,/ тем Тя по до́лгу ублажа́ем вси, Де́во Препросла́вленна, я́коже прорекла́ еси́.

Степе́нна 4-го гла́са, 1-й антифо́н. Проки́мен, глас 7: Возвесели́тся пра́ведник о Го́споде/ и упова́ет на Него́. Стих: Услы́ши, Бо́же, глас мой,/ внегда́ моли́ти ми ся к Тебе́.Ева́нгелие от Луки́, зача́ло 44.

По 50-м псалме́ стихи́ра, глас 6:

И́же себе́ сама́го позна́вый/ во вся́ком чу́встве души́ Си́мон ди́вный,/ на земли́ се́я простоту́ во́льнаго юро́дства,/ и́мже смиренному́дрие процвести́ сотвори́/ и тем пости́же стра́ха Госпо́дня ра́зум,/ си́м же ше́ствовав,/ во врата́ любве́ доспе́в чи́стыя, ми́лостивый,/ и нетле́нныя чистоты́ бысть сокро́вище некра́домо/ и та́ко ду́хов нечи́стых лука́вству одоле́ благочести́вым худо́жеством,/ того́ моли́твами,/ о Тро́ице Свята́я и покланя́емая и долготерпели́вая,/ всем в бу́дущий век позна́тися иму́щая,/ о́вем у́бо сия́нием, о́вем же муче́нием,/ мо́лим Тя пе́рваго у́бо рече́ния прича́стники ны сотвори́,/ друга́го же свобожде́ны покажи́/ вели́кия ра́ди ми́лости Тво́ея.

Кано́н Богоро́дице со ирмосо́м на 6 и свята́го Си́мона кано́н на 8, глас 8, его́же краестро́чие: Блаже́нному четвери́цу десяти́ц ги́мнов приноша́ю.

Песнь 1

Ирмо́с:Сокруши́вшему бра́ни мы́шцею Свое́ю/ и прове́дшему Изра́иля сквозе́ Чермно́е мо́ре,/ пои́м Ему́ я́ко Изба́вителю на́шему Бо́гу,/ я́ко просла́вися.

Бо́жию си́лу – Христа́, и Бо́жию прему́дрость:/ нача́ло ми прему́дрости – стра́х Тво́й,/ и́мже уклони́тися от зла весть кто одесны́м придержа́щихся, –/ пода́ти молю́,/ во е́же бы́ти ему́ и к соверше́нству каса́емых споспе́шника.

Любому́дрие от младе́нства, блаже́нне, возыме́л еси́,/ е́же есть поуче́ние сме́ртное,/ от добро́ты же зри́мых Предо́браго позна́в, Безконе́чнаго, и Превели́каго,/ и всяк ра́зум во мно́жестве си́лы Своея́ превосходя́щаго Бо́га,/ потща́лся еси́ души́ добро́ту непоро́чну стяжа́ти.

Алфави́т приско́рбнаго жития́,/ его́же ле́ствицы чу́дный предложи́ списа́тель,/ неукло́нно соверши́ти сподо́бился еси́, Си́моне приснопа́мятне,/ простоты́ с незло́бием и безстра́стия дом быв/ и подража́тель Влады́чен от по́мощи Влады́чни.

Тро́ичен: Жела́ний всех кра́йнейшее – Вседержи́теля Бо́га,/ в Тро́ице у́бо Лиц Ипоста́сьми разделя́емаго, ве́рнии, просла́вим,/ Еди́наго же, Боже́ственным Естество́м Су́ща,/ Безнача́льна, Присносу́щна, Непости́жна и Несказа́нна.

Богоро́дичен: Еди́ну наде́жду ве́рных и к Бо́гу Хода́тайцу воспои́м Влады́чицу ми́ра,/ спа́сшися Пречи́стым Рождество́м Ея́:/ ра́дуйся,– вопию́ще Арха́нгельский глас,– всея́ тва́ри Честне́йшая,/ Госпо́дь с Тобо́ю и Тебе ра́ди с на́ми, спаса́й нас.

Песнь 3

Ирмо́с:Утверди́ся се́рдце мое́ во Го́споде,/ вознесе́ся рог мой в Бо́зе мое́м,/ разшири́шася на враги́ моя́ уста́ моя́,/ возвесели́хся о спасе́нии Твое́м.

Нача́ло спасе́ния – страх Госпо́день име́в,/ и́мже огражде́н, в ненаселе́нная еди́н поте́кл еси́ места́,/ иде́же я́коже дре́вле Е́здра, нощь и зау́тра бу́дущи,/ пребыва́л еси́, моля́ся,/ я́ко да пока́жет Вы́шний све́тлость и вели́чество Небе́снаго Сио́на.

Не обучи́лся еси́ ле́ности, блаже́нне,/ но терпе́нию Христа́ ра́ди,/ ве́дяше предпи́санное, я́ко терпели́в муж – мног в му́дрости,/ ю́же скрыл еси́, я́ко би́сер, в та́йне бу́йства,/ егда́ от текто́нов, обре́тшихся в пусты́ни, пре́дан,/ да в разумля́ешися от пресви́тера.

О́браз Бо́жий – тебе́ сама́го – опа́сно ве́дая,/ оста́вил еси́ вре́менная, де́латель быв к Бо́гу подо́бия,/ от произволе́ния бо исправли́л еси́ до́лжное/ и, в селе́ живи́ и во град преше́д, неизме́нно,/ я́ко сбы́тися на тебе́ рече́нному:/ жела́ния благочести́вых наслажда́ют ду́шу.

Тро́ичен: Му́дрость, Си́лу, Свет и Жизнь –/ Сло́во Бо́жие – прославля́ти, ве́рнии, усе́рдствуим,/ благоволе́нием бо Безнача́льнаго о́тца́ и соде́йством Свята́го Ду́ха/ свободи́ ны, земноро́днии, от рабо́ты вра́жия, я́ко Человеколю́бец,/ нося́й вся глаго́лом си́лы Свое́й.

Богоро́дичен: Углебо́х в тиме́нии дел мои́х злых,/ сего́ ра́ди недоумева́ю, помышля́я страх, хотя́щий бы́ти согреша́ющим,/ но иму́щая бе́здну благосты́ни, Влады́чице Всеми́лостивая,/ к покая́нию наста́ви мя, я́ко вся могу́щая.

Седа́лен, глас 8.

Подо́бен: Повеле́нное та́йно:

Повеле́нное Го́сподем прии́м в ра́зуме в кле́ти души́ своей,/ тща́нием крест Его́, е́же есть подража́ние спаси́тельнаго жития́ Его́,/ смиренному́дренно Си́мон блаже́нный понесе́,/ я́коже иногда́ гряды́й с села́ Кирине́й,/ Крест, нань возло́женный, по Гряду́щем на страсть во́льную, ноша́ше,/ и сего́ ра́ди блаже́н обре́теся, я́ко пло́ти не после́дова,/ и, чудеса́ ны́не точа́, весели́т взыва́ющия к нему́:/ ра́дуйся, уго́дниче Христо́в всече́стне.

Други́й седа́лен, глас 4.

Подо́бен: Ско́ро предвари́:

Яви́лся еси́ чу́ден в терпе́нии твое́м,/ вся́чески Христу́ угоди́в, преблаже́нне Си́моне,/ му́дрою мы́слию утверди́л еси́ ду́шу твою́,/ порабо́тив плотска́я мудрова́ния ду́хови,/ избра́л еси́ благу́ю часть, е́же Бо́га ра́ди тружда́тися му́жески, глаго́лаше:/ а́ще и я́ра зима́, но сла́док рай,/ боле́зненно тружда́тися, но блаже́нно восприя́тие,/ те́мже, пра́ведне, моли́ Христа́ Бо́га спасти́ся душа́м на́шим.

Сла́ва, и ны́не, Богоро́дичен:

Пое́м Тя, Богоневе́сто, Ма́ти Христа́ Бо́га,/ сла́вяще рождество́ Твое́ непостижи́мое,/ и́мже изба́вихомся от ле́сти диа́воли и вся́кия беды́, Влады́чице Богоро́дице,/ и ве́рою вопие́м Ти:/ поми́луй ста́до Твое́, Еди́на Всепе́тая.

Песнь 4

Ирмо́с:Услы́шах, Го́споди, слух Твой и убоя́хся,/ я́ко неизрече́нным сове́том,/ Бог Сый Присносу́щный,/ от Де́вы проше́л еси́, вопло́щься:/ сла́ва снизхожде́нию Твоему́, Христе́,/ сла́ва си́ле Твое́й.

Чистоту́, я́же есть естества́ па́чеесте́ственное,/ вы́ше естества́ отверже́ние/ и безтеле́сным телесе́ ме́ртвеннаго и тле́ннаго пресла́вное вои́стинну обще́ние,/ чистолю́бец Си́мон возлюби́,/ жела́нием бо жела́ние возрази́/ и огнь веще́ственный невеще́ственным угаси́.

Еди́не Безсме́ртный Царю́, И́стино и Бла́госте ве́чная,/ благослове́н еси́ и препросла́влен, я́коже рекл еси́ проро́ком,/ испо́лнил еси́ и ны́не в суббо́тствование благи́х дел,/ се бо призре́л еси́ на кро́ткаго, и молчали́ваго, и трепе́щущаго слове́с Твои́х, с ни́мже Тебе́ вопие́м, Христе́:/ сла́ва си́ле Твое́й.

Та́йным поуче́нием Христо́в раб – нача́ло у́бо блаже́ннаго незлобоиме́ния,/ а́ще и в го́рести души́ и боле́зни,/ оба́че со благода́рствием безче́стие и поруга́ние от просты́я приима́ше,/ одоле́в же про́чее, без печа́ли пребыва́я,/ и я́коже благохвале́нием красу́яся, и поя́ше Го́сподеви:/ сла́ва си́ле Твое́й.

Тро́ичен: Вси ве́рнии, со стра́хом просла́вим Святу́ю Тро́ицу,/ покланя́ющеся Отцу́, и Сы́ну, и Свято́му Ду́ху,/ в Сы́не Отца́ зна́юще, в Ду́се Сы́на,/ в Я́же ве́ровахом, И́мже счини́хомся,/ пре́жде, не́же разделя́ти, совокупля́юще, вопию́ще:/ Трисвяты́й Бо́же, сла́ва си́ле Твое́й.

Богоро́дичен: Еди́ну Богоро́дицу госпо́дственно и и́стинно/ Пресвяту́ю и Пречи́стую Де́ву Мари́ю, пропове́дающе, возвели́чим,/ из Нея́ бо воплоти́ся, О́тчих недр не отсту́пльше, Бо́жие Сло́во,/ неопи́санно и непости́жно, я́коже весть Сам,/ прие́м нача́ток на́шего смеше́ния – плоть, одушевле́нну душе́ю слове́сною же и у́мною,/ и спасе́ зову́щия Ему́:/ сла́ва си́ле Твое́й.

Песнь 5

Ирмо́с:Мрак души́ моея́ разжени́, Светода́вче Христе́ Бо́же,/ началоро́дную тьму изгна́в бе́здны,/ и да́руй ми свет повеле́ний Твои́х, Сло́ве,/ да у́тренюя, сла́влю Тя.

Рукоя́ть твою́, приснопа́мятне, с ра́достию ны́не восприе́млеши,/ ходя́ бо в ми́ре сем в соверше́ннем нестяжа́нии,/ не име́я где главы́ подклони́ти и пла́чем мета́я семена́ доброде́телей,/ утеше́ния ве́чнаго сподо́бился еси́.

И́мство и непости́жно Бо́жия про́мысла на тебе́ позна́ся, блаже́нне Си́моне,/ попусти́ бо тебе́, я́ко кре́пка во́ина и пра́ведна су́ща,/ напа́стем пре́дана бы́ти,/ я́ко да тая́щуюся в тебе́ доброде́тель пока́жет и́ным,/ я́коже и в И́ове.

Цельбу́ дарова́л еси́ горта́ни пресви́тера,/ но не а́ки бу́йством содержи́мый,/ и́же и потече́ здрав яко секра́т ко свои́м, пребыва́ющаго тя в су́щем по естеству́,/ я́ко голуби́цу посреде́ крагу́ев,/ в ми́ре сем наро́ду возвеща́юще.

Тро́ичен: Уче́ньми крася́щеся апо́стол, и проро́к, и учи́тель,/ испове́дуем и сла́вим Святу́ю Тро́ицу,/ я́ко Еди́н есть Бог,/ си́речь Еди́но Естество́ в Трех Ипоста́сех зна́ется же и есть,/ и я́ко Оте́ц, и Сын, и Святы́й Дух по всем Еди́но суть,/ кроме́ нерожде́ния, и рожде́ния, и исхожде́ния.

Богоро́дичен: Ду́ху Свято́му, я́коже Арха́нгел рече́, наше́дшу на Богоотрокови́цу,/ присени́ Ю Ипоста́сная Вы́шняго Му́дрость и Си́ла – Сы́н Бо́жий/ и созда́ Себе́ из нескве́рных и всечисте́йших крове́й Ея́ плоть одушевле́нну/ не се́менно, но соде́тельно во спасе́ние нас,/ покланя́ющихся Боже́ственному воплоще́нию Его́.

Песнь 6

Ирмо́с:Я́коже проро́ка изба́вил еси́/ из глубины́ преиспо́дния, Христе́ Бо́же,/ и мене́ от грехо́в мои́х изба́ви, я́ко Человеколю́бец,/ и упра́ви живо́т мой, молю́ся.

Е́же у́бо Ада́м имя́ше пре́жде преслуша́ния,/ сие́, блаже́нне Си́моне, ты соблю́л еси́,/ а́ще бо и на земли́, живя́, был еси́,/ но душе́вно А́нгелом сожи́тельствоваше, духо́вными пита́яся по́мыслы,/ наг простото́ю и жи́знию безхи́тростною.

Созда́телю твоему́ угожда́я,/ был еси́ незло́бив, прав, кро́ток, смиренному́др,/ вся́кою доброде́телию освяще́н,/ по о́бразу бо, е́же есть у́мное и самовла́стное, соблю́л еси́ невреди́мо,/ по подо́бию же, е́же есть доброде́телию, по возмо́жному Бо́гови угоди́л еси́.

Язы́к твой, преподо́бне, на таи́нственное славосло́вие Бо́жие отлучи́л еси́,/ и́мже и проре́кл еси́ озло́бившему тя лише́ние супру́жницы/ и Ло́нгину предвозвести́л еси́ ку́пли приобре́тение и к свои́м здра́вое возвраще́ние,/ я́ко бо настоя́щая, открове́ния тебе́ бы́ша бу́дущая.

Тро́ичен: Тро́ице Свята́я и Пресу́щественная,/ Пребоже́ственная, Преблага́я, Препо́лная,/ вся нача́ла и чи́ны определя́ющая/ и вся́кому нача́лу и чи́ну Непостижи́мая,/ Ца́рствующая Безконе́чным и Безсме́ртным Ца́рством,/ поми́луй ны, Тя ве́дущия, И́стиннаго Бо́га на́шего.

Богоро́дичен: Из Тебе́ возсия́ Пра́ведное Со́лнце – Иису́с Госпо́дь, Царь Сла́вы, Присноде́во Богоро́дице,/ к Нему́же Ма́тернюю Твою́ о нас, гре́шных, принеси́ моли́тву,/ да спасе́т ны, я́ко Человеколю́бец, сла́вящия Тя,/ влады́чествующую все́ми тва́рьми, ви́димыми и разумева́емыми.

Конда́к, глас 4.

Подо́бен: Вознесы́йся:

Возгоре́вся раче́нием Го́рним,/ же́стость во́льнаго юро́дства па́че все́х сла́дких ми́ра предпоче́л еси́,/ отону́дуже повину́ся ти огнь,/ от его́же запале́ния град твой Ю́рьевец изба́вил еси́,/ и во́ды немо́кренно, я́ко по су́ху, преше́л еси́,/ и хотя́щия бы́ти предре́кл еси́,/ просла́вльшу тя та́ко Бо́гу,/ к Нему́же моля́ся, и о нас, пою́щих тя,/ блаже́нне Си́моне, помина́й.

И́кос:

И́же до тре́тияго Небесе́ восхище́нный в рай,/ сокро́вищу духо́вному в скуде́льных сосу́дех обрета́тися сказу́ет,/ о́бразно предначерта́ бу́йство, е́же не́ции возыме́ша святи́и,/ в не́мже сокро́вище Боже́ственных дея́ний неявле́нне соблюдо́ша,/ от ни́хже Си́мон Юрьеве́цкий в во́льном свое́м юро́дстве/ Небе́снаго Бо́га Отца́ Ипоста́сней Му́дрости и Си́ле/ па́че вся́каго плодоприноше́ния, плоды́ жития́ своего́ принесе́,/ я́же стяжа́ во труде́х, бде́ниях же и слеза́х,/ во гла́де и жа́жде, зиме́ и наготе́,/ пха́ниях, руга́ниях же и ра́нах,/ его́же Изба́витель от ми́ра я́ко юро́да избра́,/ ему́ су́ща прему́дра, и просла́ви,/ про́чая же услы́шите, ели́ка ди́вный сей,/ ме́ртвость Го́спода Иису́са нося́, чудоде́йствова в житии́ свое́м,/ па́че же и по преставле́нии при́сно то́чит цельбы́,/ к нему́ же мы приле́жно воззове́м:/ блаже́нне и пра́ведне Си́моне,/ ко Го́споду моля́ся, и о нас, хва́лящих тя, помина́й.

Песнь 7

Ирмо́с:На по́ле Деи́ре иногда́ мучи́тель/ пещь поста́ви на муче́ние Богоно́сных,/ в не́йже три о́трока песносло́вяху Еди́наго Бо́га,/ тро́ично воспева́ху, глаго́люще:/ оте́ц Бо́же, благослове́н еси́.

Ца́рствия Небе́снаго возжела́л еси́ бы́ти насле́дник,/ его́же зло́бою де́тствующии улуча́ют/ и сего́ ра́ди, младе́нческое незло́бие име́в,/ простоту́, кро́тость же и ти́хость стяжа́л еси́,/ я́ко терпе́нию утвержде́ние,/ воспева́я благи́х Да́телю:/ отце́в Бо́же, благослове́н еси́.

Гра́ду Ю́рьевцу озаре́ние показа́лся еси́, Си́моне Богому́дре,/ я́коже бо узре́ тя Петр о́ный,/ путеше́ствующа по во́дам великоре́чным, я́ко невеще́ственныма нога́ма:/ о, коль ди́вен еси́, Го́споди, во святы́х Свои́х,/ – возопи́;/ тре́петен же быв, славосло́вляше воспе́таго отце́в Бо́га благослове́ннаго.

Ипоста́си О́тчия хара́ктире и осия́ние сла́вы Его́,/ жуву́щая Му́дросте и Си́ло, и́стово Ипоста́сное, Суще́ственное,/ Иису́се Бо́же, мо́лим Тя, Животе́ и Воскресе́ние на́ше,/ испо́лнитися на нас Твоему́ чрез проро́ка Твоего́ обетова́нию,/ е́же не погуби́ти ны за на́ша беззако́ния,/ ра́ди послужи́вшаго Ти в преподо́бии и пра́вде,/ обре́тшагося во гра́де сем, я́коже зерно́ на гро́зде.

Тро́ичен: Моли́твенников Твои́х не забу́ди гла́са, Тро́ице Пресвята́я,/ вся́ бо, ели́ка хо́щеши, мо́жеши,/ поми́луй Богосло́вящия Тя, О́тче, Сло́ве, Уте́шителю,/ Еди́но Божество́, Еди́но Госпо́дьство, Еди́но Ца́рство/ в Трех Соверше́нных Ипоста́сех несли́тно соедине́нных,/ зна́емо же и покланя́емое от всего́ слове́снаго зда́ния.

Богоро́дичен: Наде́жда ненаде́жных Ты еси́, Блага́я Богоро́дице,/ поми́луй ста́до Твое́, Богора́дованная,/ ве́си у́бо, Цари́це, я́ко неизле́чными грехо́в ра́нами изнуря́еми/ и ко врато́м поги́бели доспе́хом,/ Твое́ стра́шное и еди́но предста́тельство в по́мощь призыва́ем,/ не отри́ни достоя́ние Твое́,/ но спасе́ния сподо́би, во ве́ки Тя благословя́щее.

Песнь 8

Ирмо́с:Разжжи́те пещь седмери́цею,/ до́ндеже до конца́ разгори́тся,– мучи́тель рече́ халде́ом, –/ Ана́нию, Аза́рию и Мисаи́ла, вложи́те я в ню,/ и́же о́бразу злато́му не поклони́шася, но глаго́лаху:/ мы Бо́га и́мамы на Небесе́х,/ Ему́же слу́жим и покланя́емся.

Объя́тиями свои́ми прие́мля младе́нцы,/ ро́ждшими приноси́мыя к тебе́,/ и́мже, по предопределе́нию Бо́га, ве́дети тебе́ даю́щаго открове́ние,/ о житии́ их преподава́л еси́,/ чудеса́ чудесе́м тобо́ю после́доваша:/ от ни́хже бо отвраща́лся еси́/ печа́ли се́товное о хотя́щей на ча́да их приити́ сме́рти прие́млюще,/ прине́сшия я же́ны отхожда́ху,/ но сла́ва та́ко тя просла́вльшему Бо́гу,/ Ему́же слу́жим и покланя́емся во ве́ки.

Вои́стинну испо́лнися на тебе́ Боже́ственный глас:/ претерпе́вый, – бо рече́, – до конца́, той спасе́тся./ Зимы́ бо лю́тость и зной до́блественно, я́коже в чужде́м телеси́,/ и наготу́, и необуве́ние, пост же и воздержа́ние,/ пха́ние же и уничиже́ние Христа́ ра́ди терпе́л еси́/ да́же до соверше́ния жи́зни твоея́,/ но ны́не тя гре́ет с Ла́зарем и Андре́ем ло́но Авраа́мле,/ с ни́ми же помина́й нас ко Го́споду,/ Ему́же слу́жим и покланя́емся во ве́ки.

Пострада́л еси́ непра́ведное озлобле́ние и ра́ны,/ в ни́хже и ду́шу твою́, блаже́нне, испусти́л еси́,/ оба́че во ве́ки живе́ши и от Го́спода мзда твоя́,/ прия́л бо еси́ Ца́рствие, благоле́пие и вене́ц добро́ты от руки́ Вседержи́телевы/ и благослове́ние Его́ на тебе́ возсия́/ и чуде́с де́тельми тя́ обогати́, превознося́ща Его́ во ве́ки.

Тро́ичен: Ру́це мои́ воздева́ю к Тебе́, Триипоста́сному Бо́гу, даю́щему ми ра́зум,/ воздаю́ Ти сла́ву, Трисо́лнечный Царю́,/ Ты бо вели́к еси́ па́че всех дел Твои́х,/ стра́шен еси́, Го́споди, зело́ и чу́дно може́ние Твое́,/ кто́ же насы́тится, поя́ сла́ву Твою́,/ сего́ ра́ди испове́м Ти ся и восхвалю́, недосто́йный,/ земля́ сый и пе́пел,/ и благословлю́ И́мя Твое́ Пресвято́е, Го́споди, и покланя́юся во ве́ки.

Богоро́дичен: Избавле́ния ра́ди сме́ртнаго молю́ся Тебе́,/ Всеси́льней Ма́тери Бо́га Сло́ва:/ не оста́ви мя во дни́ скорбе́й и во вре́мя го́рдых без по́мощи/ и изми́ мя, Влады́чице, от вре́мене лука́вна,/ весь мир спа́сшая Боже́ственным Плодо́м чре́ва Твоего́,/ спаси́ мя от па́губы грехо́вныя,/ ино́го прибе́жища, окая́нный, не и́мам, ра́зве Тебе́,/ на Тя́ бо, Всеми́лостивая, наде́юся и Тебе́ покланя́юся во ве́ки.

Песнь 9

Ирмо́с:Устраши́ся всяк слух/ неизрече́ннаБо́жия снизхожде́ния,/ я́ко Вы́шний во́лею сни́де да́же и до пло́ти,/ от Деви́ческаго чре́ва быв Челове́к./ Те́мже Пречи́стую Богоро́дицу, ве́рнии, велича́ем.

Ны́не у́бо не в гада́ниих, но зерца́лом разре́шшимся/ позна́л еси́ блага́я Иерусали́мова, от позна́вшаго тя прие́мля ра́дость ве́чную,/ со святы́ми дости́гл бо еси́ в му́жа соверше́нна,/ в ме́ру во́зраста исполне́ния Христо́ва, Его́же велича́ем.

Огнь пояда́яй есть Бог наш,/ Его́же моли́, блаже́нне Си́моне,/ грехи́ на́ша потреби́ти и спасе́ния сподо́бити ны,/ твоея́ добро́ты собира́ния тку́щих,/ по побе́де бо трех мучи́телей, е́же есть души́ трича́стнаго,/ возте́кл еси́ к зре́нию соверше́ннаго ми́ра/ и Тро́ицу при́сно зри́ши, Ю́же велича́ем.

Ше́ствие твое́ бысть, блаже́нне,/ от вре́менных на ве́чныя радостотво́рно у́бо Небе́сным А́нгелом,/ сопроти́вней же лука́ваго си́ле – плач и паде́ние,/ я́коже вра́нове обра́зно показа́ша,/ но и нас, тя честву́ющих, о Небе́сный хо́дче,/ твоего́ тече́ния ревни́тели показа́ти моли́,/ па́че же варя́й и предводи́ ны к соверше́нству добродея́ний,/ и́миже сла́вится Бог, Его́же велича́ем.

Тро́ичен: Адонаи́, Го́споди, Нерожде́нное, и Рожде́нное и Происходя́щее,/ Еди́но Естество́, Тро́ице Свята́я и Соверше́нная,/ Еди́не Бо́же над все́ми, и чрез вся́, и во все́х,/ Твое́ есмы́ де́ло, а́ще и удали́хомся, гре́шнии, от Тебе́,/ но и па́ки к Тебе́, Пребла́же, востягни́ ны,/ мо́лим Ти ся, Человеколю́бче,/ и град сей поми́луй,/ Тя, Трисо́лнечнаго Све́та, при́сно велича́ющий.

Богоро́дичен: Ю́же избра́л еси́ от всех родо́в, Пресла́внейшую Де́ву,/ душе́ю и пло́тию предочище́нную Ду́хом/ и от Нея́ неизрече́нно роди́тися благоволи́вый,/ о Бо́жий Сло́ве – Преве́чне, Неви́диме, Непостижи́ме, Исто́чниче жи́зни,/ Тебе́ приво́дим в моли́тву,/ Тоя́ ра́ди спаси́ вся лю́ди Твоя́,/ да Тя при́сно я́ко Человеколю́бца с Ро́ждшею вси ве́рнии велича́ем.

Свети́лен:

Ви́дев Кре́пкий управле́ние твое́ и чистоту́,/ ю́же име́л еси́ от ю́ности твоея́,/ и сего́ ра́ди от оте́чествия твоего́ преселя́ет тя стра́нствовати во гра́д Ю́рьевец,/ показа́ти чу́дная соде́лования на сла́ву Боже́ственных Его́ вели́чий,/ Его́же ми́лостива нам сотвори́ моли́твами твои́ми, блаже́нне Си́моне.

Сла́ва:

Сей есть от нас днесь похваля́емый вои́стинну, ве́рнии,/ и му́дрый раб Влады́чен,/ и́же теплоту́ свою́ сохрани́ неуга́сшу/ и да́же до своего́ исхо́да по вся дни прилага́ти огнь огню,/ и теплоту́ теплоте́, и лю́бовь любви́, и спе́х спе́ху не преста́,/ его́же просла́ви Христо́с, наде́жда душ на́ших.

И ны́не, Богоро́дичен:

Возвы́си рог благочести́вых и низложи́ ва́рваров шата́ния, Богороди́тельнице Присноде́во,/ необори́мо спаса́ющи сие́ ста́до Твое́,/ в не́мже вели́кое Твое́ пресвято́е и многосла́вное и́мя велича́ется ве́рно и сла́вится/ моли́твами уго́дника Твоего́ Си́мона приснопа́мятнаго.

На хвали́тех стихи́ры, глас 8.

Подо́бен: О, пресла́внаго чудесе́:

О, пресла́внаго чудесе́,/ Тро́ицы Пресвяты́я благода́тию/ град наш тре́ми уго́дники Ея́ красу́ется:/ Гео́ргий бо, сла́ва и верх му́чеников,/ вино́вник нарече́ния его́ бысть/ чуде́снаго ра́ди ико́ны его́ странноявле́ния,/ други́й же благочести́вый князь и страстоте́рпец/ созда́ния его́ нача́льник бысть,/ Си́мон же житие́м и положе́нием в нем моще́й свои́х освяти́ его́,/ и вси три́е ку́пно мо́лятся Го́сподеви/ спасти́ся душа́м на́шим.

Тре́ми украси́хся и стах красна́ пред Бо́гом и челове́ки,–/ му́дрость Бо́жия вопие́т, –/ Гео́ргиями бо двема́ и Си́моном град сей озари́,/ и́же ны́не я́ко бра́тия совоку́плени/ в ра́дости и в любви́ Ду́ха, я́ко и́скреннии,/ в ни́х же Бог прославля́ется,/ и́миже я́ко ди́вный во святы́х Свои́х/ спаса́ет ду́ши на́ша, я́ко Милосе́рд.

О блаже́нне и чудоно́сче Си́моне,/ не преста́й моля́ся Христу́ Бо́гу/ спасти́ притека́ющия к честно́му твои́х моще́й гро́бу,/ вся́ких искуше́ний, бед же, и скорбе́й,/ и неду́гов, и лука́ваго враждова́ния,/ мир же и благоде́нствие со здра́вием всем дарова́ти,/ и насле́дие Небе́снаго Ца́рствия,/ и гра́ду твоему́ ми́лость получи́ти от Бо́га,/ почита́ющему досто́йно па́мять твою́.

Сла́ва, глас 8:

Ра́дуйся о Го́споде, послу́шниче Ева́нгелия Си́моне чу́дне,/ ты бо, те́ло твое́ хотя́ чи́сто предста́вити Христо́ви/ и се́рдце без поро́ка пред Ним показа́ти,/ соблю́л еси́ безгне́вие, воздержа́ние же и терпе́ние,/ во всем же житии́ твое́м Боже́ственное разсужде́ние стяжа́в,/ я́ко свет неви́димый доброде́телей,/ и сего́ ра́ди честна́ яви́ся пред Бо́гом смерть твоя́,/ ю́же мы днесь, почита́юще я́ко вино́вну твоего́ к ве́чному поко́ю отше́ствия/ и ра́дующеся, вопие́м ти:/ моли́ся, блаже́нне, о нас ко Христу́ Бо́гу,/ я́ко да Ми́лостив нам бу́дет в день Су́дный.

И ны́не, Богоро́дичен:

Пресла́внейшая Влады́чице и Цари́це,/ Еди́наго от Тро́ицы неизрече́нно роди́вшая,/ ра́дуйся, Небе́сных сил ра́дование,/ и земленоро́дных Боже́ственная сла́во и похвало́,/ Тобо́ю бо позна́ся нам Бог,/ сугу́б Естество́м во Еди́ной же Ипоста́си,/ И́же у́бо Сый и при́сно Сый,/ из Присносу́щаго па́че вины́ и сло́ва роди́ся безле́тно,/ То́йже нас ра́ди, из Тебе́ по нам быв по́слежде,/ я́ко да е́же бы́ти дав, и е́же бла́го бы́ти да́рует,/ Его́же моли́, Преблагослове́нная и Преми́лостивая Богоро́дице Мари́е,/ со уго́дником Твои́м Си́моном/ презре́ти на́ша согреше́ния/ и ми́рное зде житие́ дарова́ти нам/ и ве́чнаго блаже́нства сподо́бити нас,/ Ты бо еси́ на́ша наде́жда, и покро́в, и спасе́ние душ на́ших.

Славосло́вие вели́кое.

На Литурги́и

Слу́жба преподо́бническая по уста́ву.

Моли́тва

ОВсесвяты́я, Живонача́льныя и Неразде́льныя Тро́ицы и́стинный уго́дниче и ве́рный ра́бе, блаже́нне и приснопа́мятне Си́моне! О избра́нниче Бо́жий, а́ще и ми́ру я́ко юро́д бы́вый, но прему́дрыя житие́м твои́м удивля́яй! О преукраше́нный доброде́тельми ди́вный чудотво́рче Си́моне! Се при́сно ублажа́ем и ублажа́ти тя бу́дем, предублаже́ннаго Го́сподем на́шим Иису́сом Христо́м. Ты бо, поревнова́в всех пра́ведных блаже́нству, оста́вил еси́ вся ми́ра сего́ преходя́щая, и восле́д ве́рныя на́шея ра́дости и воскресе́ния Всесладча́йшаго Иису́са поте́кл еси́, и всеси́льною Того́ помощию да́же Го́рняго Сио́на дости́гл еси́, иде́же есть веселя́щихся жили́ще. Ублажа́юще у́бо тя, приле́жно мо́лим, пра́ведный челове́че Бо́жий: при́зри на ны, во мно́гая искуше́ния впада́ющия; моли́ о нас неизрече́нную всех челове́к ра́дость и упова́ние, Собезнача́льнаго Отцу́ и Ду́ху Единоро́днаго Сы́на и Сло́во Божие, да и нас, того́ непамятозло́бное милосе́рдие прогневля́ющих, не оста́вит и вся на по́льзу нам да устро́ит, па́че же да утверди́т ны во свое́й Правосла́вней, и́стинней и непоро́чней ве́ре непоколеби́мы и пра́ведными Свои́ми судьба́ми да спасе́т нас, ниже́ да попу́стит ны искуси́тися па́че, не́же мо́жем, от бед же и печа́лей, при́сно на ны зде грех ра́ди на́ших быва́ющих ми́лостивно нас да изба́вит. Ей, мо́лим тя, рабе́ Христо́в: я́коже в жи́зни твое́й на тре́бующия по́мощи призира́л еси́, та́ко и ны́не нас, тебе́ моля́щихся, не отврати́, но предста́ни о нас ко Го́споду и от лю́тых паде́ний моли́твами твои́ми изми́ нас. Умоли́ Его́, да град твой сей, в не́мже, доброде́тельно пожи́в, Бо́гу угоди́л еси́, сохрани́т от всех наве́т вра́жиих и лю́ди, в нем живу́щия, ве́чныя жи́зни досто́йны да пока́жет. Па́ки мо́лим тя, блаже́нне Си́моне: посеща́й нас, тебе́ моля́щихся, в ну́ждах на́ших, да, тобо́ю заступа́еми, непреста́нно прославля́ем Христа́ Бо́га на́шего, те́плаго предста́теля нам тя дарова́вшаго, я́ко Тому́ подоба́ет вся́кая сла́ва, че́сть и поклоне́ние со Отце́м и Святы́м Ду́хом ны́не, и при́сно, и во ве́ки веко́в, ами́нь.

 

Преподо́бнаго Мерку́рия, в Да́льних пеще́рах почива́ющаго

Тропа́рь, глас 5:

Присносу́щныя, блаже́нне, жела́я сподо́битися жи́зни,/ пра́ведне и непоро́чне/ жизнь свою́ препроводи́л еси́ в ны́нешнем ве́це,/ те́мже, Мерку́рие, жела́емаго ты дости́г,/ моли́ и нам ве́чныя сподо́битися жи́зни.

Конда́к, глас 8:

Преподо́бному во всех де́лех Го́сподеви преи́скренне рабо́тая,/ и О́наго всегда́ в це́ркви преподо́бных Свои́х/ преподо́бным воспева́я гла́сом,/ насле́дил еси́, преподо́бне Мерку́рие, часть преподо́бных,/ с ни́миже моли́ся о всех нас.

Святаго священнои́нока Григо́рия

Тропа́рь, глас 4:

Боже́ственную ти ра́ку обстоя́ще, прему́дре,/ зове́м ти, преподо́бне:/ ко Влады́це всех и Зижди́телю моли́ся/ изба́вити нас от бед,/ и́же ве́рою и любо́вию тебе́/ душа́ми и сердцы́ воспева́юще досто́йно:/ сла́ва ти, преподо́бне всеблаже́нне Григо́рие.

Конда́к, глас 8:

Го́рдаго врага́ ты низложи́л еси́/ посо́бием держа́вне Боже́ственнаго Ду́ха/ и побе́ду прие́м кре́пце,/ му́ченическим оде́явся неувяда́емым венце́м свы́ше, Богому́дре, всеблаже́нне,/ сего́же ра́ди зове́м ти:/ ра́дуйся, о́тче Григо́рие.

Прпdбнагw nтцA нaшегw їwаннjкіа вели1кагw:

И# с™aгw м§ника нікaндра, є3пjскопа мЂрскагw, и3 є3рмeа пресвЂтера.

На ГDи, воззвaхъ, стіхи6ры на ѕ7. Прпdбнагw G, глaсъ д7.

Под0бенъ: Звaнный свhше:

И$же свётомъ њблистaнъ бжcтвеннымъ, є3гдA чистот0ю ўмA воззрёлъ є3си2, и3 под0бнw разсуди1въ не стоsщихъ, вёчнw б{дущаz, тогдA џгнь въ сeрдцы, џ§е, пріeмъ, є3лeни под0бнw разжeглсz є3си2 бжcтвенною люб0вію, и3 забhвъ пл0ть и3 кр0вь, ўгот0вилсz є3си2 къ подвигHмъ п0стничєскимъ, и4хже рaди тэлє1сныz стр†сти души2 твоeй покори1лъ є3си2.

На восхождeніе бжcтвенныхъ г0ръ высоты2 всели1лсz є3си2, не смирsемь смирeннагw сегw2 тэлесE нyждами, џ§е, бёдными, їwаннjкіе. Бдёнными сто‰ніи и3 вседнeвными моли1твами, благ0му сочетaвсz, просвэти1лсz є3си2, и3 прор0чества пріsлъ є3си2 дaръ, зрёти д†льнzz, ћкw бли6жнzz, и3 предглаг0лати вBрнымъ б{дущаz. Тёмъ, ћкw бжcтвеннаго ўчи1телz, тS слaвимъ.

Дeмwнскаz стремлє1ніz и3 стрёлы крёпкw притупи1лъ є3си2 воwбражeніи моли1твъ, и3 на тёхъ взsлъ є3си2 побBды б9іею си1лою, достослaвне. Tсю1ду п0чєсти тебЁ, џ§е, чудeсъ бlгjй даровA, смирeніемъ ўпок0ивсz сeрдца твоегw2. Тёмже и3 мЂро благов0нное тво‰ честны6z и3сточaютъ м0щи: благов0ніе бо kви1лсz є3си2 хrт0во, їwаннjкіе.

И$ны стіхи6ры м§ника, глaсъ в7.

Под0бенъ: Е#гдA t дрeва:

Звaніе тезоимeнное пріeмъ t бжcтвеннагw пр0мысла, сіE вещми2, џ§е, знaменавъ, ўтверди1лъ є3си2: рaтныхъ бо мн0жєства, и3 соб0ръ мучи1телей въ терпёніи твоeмъ побэди1лъ є3си2. Тёмъ вэнeцъ побёды пріeмъ, вёрою взывaлъ є3си2: слaва непобэди1мэй держaвэ твоeй, чlвэколю1бче.

М›ра благовHннэйшаz нaмъ врачевaній и3сточaеши днeсь, нікaндре, въ бжcтвеннэй пaмzти твоeй, и3 tг0ниши, мyдре, мглY скорбeй и3 стр†сти тэлє1сныz, и3 богaтыz благодaти и3сполнsеши соб0ръ всёхъ вопію1щихъ хrтY: ты2 є3си2 неистощeнное мЂро, благоухaющее пою1щыz тS.

И#мёz дерзновeніе ко хrтY, прославлsемому є3ди1ному во с™hхъ є3гw2, того2 моли2, прпdбне нікaндре, њ всёхъ, люб0вію совершaющихъ твою2 пaмzть, и3 восхвалsющихъ тво‰ и3справлє1ніz, ћкw да неизречeнныхъ џныхъ бл†гъ и3 нетлённыz слaвы џбщницы бyдемъ благодaтію.

Слaва, глaсъ ѕ7:

Прпdбне џ§е, во всю2 зeмлю и3зhде вэщaніе и3справлeній твои1хъ, тёмъ на нб7сёхъ њбрёлъ є3си2 мздY трудHвъ твои1хъ. Дeмwнскіz погуби1лъ є3си2 полки2, и3 ѓгGльскіz дости1глъ є3си2 чи1ны: и4хже житію2 безъ пор0ка поревновaлъ є3си2, дерзновeніе и3мёz ко хrтY бGу, ми1ръ и3спроси2 душaмъ нaшымъ.

И# нhнэ, бGор0диченъ, и3ли2 кrтобGор0диченъ.

Под0бенъ: Триднeвенъ:

Ви1дzщи тS распинaема, хrтE, тебE р0ждшаz, вопіsше: что2 стрaнное, є4же ви1жу, тaинство, сн7е м0й; кaкw на дрeвэ ўмирaеши, пл0тію повёшенъ, жи1зни подaтелю;

На стіх0внэ nктHиха. Слaва, глaсъ }. Самоглaсенъ:

Монaхwвъ мн0жєства настaвника тS почитaемъ, џ§е нaшъ їwаннjкіе: твоeю бо стезeю вои1стинну прaвw ходи1ти познaхомъ. Блажeнъ є3си2 хrтY раб0тавъ, и3 врaжію њбличи1лъ є3си2 си1лу, ѓгGлwвъ собесёдниче, прпdбныхъ сопричaстниче и3 прaведныхъ: съ ни1миже моли1сz гDеви, поми1ловатисz душaмъ нaшымъ.

И# нhнэ, бGор0диченъ: и3ли2 кrтобGор0диченъ.

Под0бенъ: Q преслaвнагw чудесE!

ТS ви1дzщи пригвождaема на кrтЁ, ї}се, и3 стrти пріeмлюща в0лею, дв7а и3 м™и твоS, вLко, ўвы2 мнЁ, вопіsше, чaдо слaдкое: р†ны непрaведнw кaкw терпи1ши, врачY, и3сцэли1вый человёческое неможeніе, и3 t тли2 всёхъ и3збaвивый милосeрдіемъ твои1мъ;

Тропaрь, глaсъ }:

Слeзъ твои1хъ течeньми пустhни безпл0дное воздёлалъ є3си2, и3 и5же и3зъ глубины2 воздыхaньми, во сто2 трудHвъ ўплодоноси1лъ є3си2, и3 бhлъ є3си2 свэти1льникъ вселeннэй, сіsz чудесы2, їwаннjкіе џ§е нaшъ, моли2 хrтA бGа спасти1сz душaмъ нaшымъ.

Слaва, глaсъ д7:

М§никъ тв0й, гDи, нікaндръ, во страдaніи своeмъ вэнeцъ пріsтъ нетлённый, t тебє2 бGа нaшегw: и3мёzй бо крёпость твою2, мучи1телей низложи2, сокруши2 и3 дeмwнwвъ немощны6z дeрзwсти. Тогw2 моли1твами спаси2 дyшы нaшz.

На ќтрени є3ди1нъ канHнъ nктHиха, и3 прпdбнагw на д7: и3 м§ника на д7.

КанHнъ прпdбнагw, їHсифъ, глaсъ д7, є3гHже краегранeсіе:

П®тeчева тS подражaтелz хвалю2.

Пёснь №.

Їрм0съ: Tвeрзу ўстA мо‰, и3 нап0лнzтсz д¦а, и3 сл0во tрhгну цRи1цэ м™ри, и3 kвлю1сz свётлw торжествyz, и3 воспою2 рaдуzсz тоS чудесA.

Свётомъ бlгодaти њзарsемь, прпdбне, вёрою пaмzть твою2 торжествyющыz просвэти2, и3 тмы2 грэх0вныz моли1твами твои1ми и3збaви, їwаннjкіе.

Пyть вводsщій невозврaтнw шeствовалъ є3си2, ко грaду нбcному, їwаннjкіе: с™hй бо настaви тS д¦ъ, почивaz въ сeрдцы твоeмъ.

Вышшaющее смирeніе, їwаннjкіе, и3мёлъ є3си2, тёмъ м0лимсz тебЁ: ўщeдри, прпdбне, смирeніе нaше, и3 болBзни вс‰ њблегчи2 сердeцъ нaшихъ.

БGор0диченъ: Пaдшихъ воззвaніе, и3 стоsщихъ ўкрэплeніе сyщи, всенепор0чнаz, тёмъ молю1сz тебЁ: пaдшій м0й ќмъ грэх0мъ, и3спрaви, вLчце, ћкw да слaвлю тS.

КанHнъ мyченикwвъ, Глaсъ д7.

Пёснь №.

Їрм0съ: Ли1цы ї}льтестіи невлaжными стопaми п0нтъ чермнhй, и3 влaжную глубинY прогнaвше, всaдники трістaты враги2 ви1дzще, въ нeй погружє1ны, съ весeліемъ поsху: пои1мъ бGу нaшему, ћкw прослaвисz.

Честнhй прaздникъ честнhхъ страдaлєцъ свzщенномyченикwвъ, свzщeнную пaмzть днeсь свzщeнными пэснопёньми, нhнэ свzщeннэйшаz хrт0ва цRковь, сщ7еннолёпнw совершaющи, пёсньми ўкрашaетсz, сі‰ почитaющи.

Честн0ю помaзанъ мaстію свzщeнничества, вёрнw, свzщенноначaльниче нікaндре, честнёйшу сію2, t кровeй твои1хъ њбагрeньми содёлалъ є3си2, въ рaдости зовS: воспои1мъ бGу нaшему, ћкw прослaвисz.

Пyть мучeніz текyще, весeліе и4стинное въ нeмъ ћвэ показyюще, њбогати1стесz бlгодaтію чудeсъ и3 даровaній нбcныхъ, мyчєницы, соглaснw вопію1ще: воспои1мъ бGу нaшему, ћкw прослaвисz.

БGор0диченъ: Неwпи1санный въ нёдрэхъ n§ескихъ, въ нёдрэхъ м™рнихъ пл0тски хrт0съ њписyетсz, по ржcтвЁ сію2 и4стиннw дв7у пaче ўмA сохрани1въ, є3мyже велеглaснw вопіeмъ: воспои1мъ бGу нaшему, ћкw прослaвисz.

Пёснь G.

Їрм0съ: Тво‰ пэсносл0вцы, бцdе, живhй и3 незави1стный и3ст0чниче, ли1къ себЁ совокyпльшыz дух0внw ўтверди2, въ бжcтвеннэй твоeй слaвэ вэнцє1въ слaвы спод0би.

Тек{щаz пребывaющими и3змэни1лъ є3си2, смhсленнw пріeмъ тв0й кrтъ, їwаннjкіе, и3 на невосходи6мыz г0ры, ћкw и3ліA вели1кій возшeдъ, пребhлъ є3си2.

Пyть тебЁ ѕэлw2 желaемый nтцє1въ показA дв0ица, ю4же њбрёлъ є3си2 лёты множaйшими сокровeнну въ горaхъ, прbр0ческимъ дaромъ просвэщeнъ, бlжeнне.

Колeблеми страстьми2 разли1чными, вёрою притекaемъ къ твоемY покр0ву, їwаннjкіе: с™hми твои1ми ходaтайствы вс‰ ны2 посэти2, молsсz чlвэколю1бцу.

БGор0диченъ: Кроплeніемъ ми1лости твоеS, дв7о, ќгліе погаси2 мои1хъ страстeй, бGорaдованнаz, и3 ўгaсшій возжзи2 свэти1льникъ сeрдца моегw2, златhй свэти1льниче, всенепор0чнаz.

И$нъ.

Їрм0съ: Ћкw непл0ды роди2 t kзы6къ цRковь, и3 мн0гое въ чaдэхъ и3знем0же с0нмище, чyдному бGу нaшему возопіи1мъ: с™ъ є3си2, гDи.

Словє1сныz мрє1жи простирaz, сyщыz въ прeлести чудодёйствуz ўловлsлъ є3си2, њбр0къ многоoбрaзенъ, t дв7ы нікaндре, возсіsвшему сі‰ приносS.

РозгA благопл0днэйшаz тjтова сaда бhлъ є3си2 кри1тскагw свэти1льника, гр0зды носS словє1сныz, слaдость нaмъ точaщаz спаси1тельную, нікaндре бlжeнне.

Со є3рмeемъ бжcтвеннымъ, њлzденBвшаz сердцA, кrтA рaломъ воздёласте, мyдріи, и3 плодонHсны бlгодaти kви1сте: тёмъ блажи1ми є3стE.

БGор0диченъ: НижE нбcный ќмъ м0жетъ, пaче ўмA ржcтво2 твоE сказaти, nтрокови1це: ўмa бо пeрвагw во чрeвэ, сл0во, чcтаz, зачалA є3си2, всsчєскаz сл0вомъ состaвившее.

Сэдaленъ, глaсъ }.

Под0бенъ: Премyдрости:

Страстeй мрaкъ њчи1стивъ, хrт0выхъ повелёній ћкw и4стиннw свётъ пріeмъ, въ постЁ просіsлъ є3си2, и3 ўмертви1въ тёло, дyхомъ њжи1лъ є3си2, вр†жіz сBти попрaлъ є3си2, бlжeнне. Тёмъ и3 вhшнихъ безпл0тныхъ ѓгGлwвъ сопричaстникъ бhлъ є3си2 д¦а бlгодaтію: їwаннjкіе џ§е нaшъ, моли2 хrтA бGа, грэхHвъ њставлeніе даровaти, прaзднующымъ люб0вію свzтyю пaмzть твою2.

Слaва, м§никwвъ, глaсъ д7.

Под0бенъ: Вознесhйсz:

С™и1тельства и4стины бжcтвеннымъ помaзаніемъ, и3 мучeніz свzщeнною и4стиннw кр0вію просвэщeни, слaвніи, совокупи1стесz чинHмъ, рaдующесz, безпл0тныхъ ѓгGлъ. Тёмъ прaзднуемъ честнyю вaшу пaмzть, молsщесz всBмъ њчищeніе подaти, моли1твами вaшими, с™jи.

И# нhнэ, бGор0диченъ:

Њбнови1ла є3си2, чcтаz, бжcтвеннымъ ржcтв0мъ твои1мъ, и3стлёвшее во страстeхъ земнор0дныхъ мeртвенное существо2, и3 воздви1гла є3си2 вс‰ t смeрти къ животY нетлёніz. Тёмже тS по д0лгу блажи1мъ вси2, дв7о препрослaвленнаz, ћкоже прореклA є3си2.

КrтобGор0диченъ: Дв7о пренепор0чнаz, м™и хrтA бGа, nрyжіе пр0йде твою2 прес™yю дyшу, є3гдA распинaема ви1дэла є3си2 в0лею сн7а и3 бGа твоего2: є3г0же, бlгословeннаz, молsщи не престaй, прощeніе прегрэшeній нaмъ даровaти.

Пёснь д7.

Їрм0съ: Неизслёдный б9ій совётъ, є4же t дв7ы воплощeніz тебє2 вhшнzгw, прbр0къ ґввакyмъ ўсмотрsz, зовsше: слaва си1лэ твоeй, гDи.

Г0ры высочaйшыz пости1гъ, верхи2 дeмwнwвъ возвышaємыz, смирeніемъ смири1лъ є3си2, мyдре, и3 на ни1хъ мyжествовалъ є3си2, слaва монaшествующихъ и3 ўтверждeніе.

Ћкw мечeмъ nбоюдоo1стрымъ, хrт0вымъ стрaхомъ воwружи1всz, ѕмjz tстyпника низложи1лъ є3си2 разyмнw, и3 чyвственнw, бlжeнне, сщ7eнными побёдами прославлsемь.

Вeсь бжcтвеннымъ д¦омъ распали1всz, џ§е, мрaзъ претерпёлъ є3си2, мн0жайшими лёты въ пустhнzхъ вселszсz, и3щaй гDа, бlгодaтію тS бжcтвенною согрэвaюща.

БGор0диченъ: ТS њчищeніе всёхъ земнhхъ вёрою молю2 и3 припaдаю, бlгословeннаz: ми1лостива ми2 судію2 и3 сн7а твоегw2 сотвори2, ћкw да по д0лгу слaвлю тS.

И$нъ.

Їрм0съ: Сэдsй въ слaвэ на пrт0лэ б9ествA, во џблацэ лeгцэ пріи1де ї}съ пребжcтвенный, нетлённою длaнію, и3 спасE зовyщыz: слaва, хrтE, си1лэ твоeй.

Колесни1ца kви1стесz сл0ва, ќмнw сего2 носsще! Тёмъ привsзани къ к0нємъ, лю1тэ же влачи1ми, не tверг0стесz сегw2, ни побэди1стесz, къ нбcнэй стезЁ ћвэ подвизaеми.

Темни1цамъ приближaющесz и3 ќзами њблагaеми, t ќзъ льсти2 грaдъ и3 лю1ди спас0сте, и3 ю4зою любвE свzзaстесz свsзаннагw пл0тію нaсъ рaди, всеблажeнніи.

Со ѓгGлы вLку, заключeни, слaвzху, нбcнымъ хлёбомъ, всеслaвніи, питaеми. Тёмъ пл0ти болёзней небрег0сте, си1льнэйшіи р†нъ бhвше.

БGор0диченъ: На прест0лэ выс0цэмъ стрaшнw сэдsй, на м™рнихъ њб8sтіzхъ, мLнцъ бhвъ, сэди1тъ, пaдшій џбразъ и3справлsz, и3 њбожeніе сyщымъ и3зъ ґдaма дaруz.

Пёснь є7.

Їрм0съ: Ўжас0шасz всsчєскаz њ бжcтвеннэй слaвэ твоeй: тh бо, неискусобрaчнаz дв7о, и3мёла є3си2 во ўтр0бэ надъ всёми бGа, и3 родилA є3си2 безлётнаго сн7а, всBмъ воспэвaющымъ тS ми1ръ подавaющаz.

Шeствовалъ є3си2, прпdбне, тёсный и3 приск0рбный пyть, бжcтвенными восхождeньми сeрдца, и3 видBніи разширsемь, и3 положeніемъ њбожaемь ћвэ. Тёмъ бhсть монaшествующымъ ўтверждeніе и3 ўкрашeніе.

Џко њчи1стившу помышлeніz, прпdбне, благодaть тебЁ дадeсz прbр0чества, ћкw насто‰щаz, глаг0лати б{дущаz: зрёти же д†льнаz, ћкw бли6жнzz, q їwаннjкіе, б9іе њби1телище!

Болёзни мS и3збaви грэхHвъ и3 скорбeй, ўтоли2 сeрдца моегw2 болёзнь, и3 грэхопадeній разрэшeніе дaруй, бlгодётелz бGа и3мёz, послyшающа честнhхъ твои1хъ моли1твъ.

БGор0диченъ: ЎмA моегw2 ўврачyй и3зступлє1ніz, всенепор0чнаz, и3 ўврачи2 стр†сти души2 моеS, и3 ўнhніz тмY tжени2: ћкw да восхвалsю тS пёсненнw, присноблажeннаz, бцdе всепётаz.

И$нъ.

Їрм0съ: Просвэщeніе твоE, гDи, низпосли2 нaмъ, и3 t мглы2 прегрэшeній разрэши1 ны, блaже, тв0й ми1ръ дaруzй.

Въ просвэщeніе вёры путев0ждствовалъ є3си2 лю1ди, и3 њстaвльше тмY їдwлонеи1стовства, ч†да свёта бhша ходaтайствомъ твои1мъ, нікaндре.

Просвэти1тельными д¦а блистaюще зарsми, мучeній н0щь преид0сте безврeднw, рэшaще мглY безб0жіz, свэти1льницы слaвніи.

Пavловыхъ в0дъ и3сп0лненъ тjтъ бhвъ, тS напаsше, показyz рэкY, струи6 м{тныz безб0жіz потоплsющу, нікaндре.

БGор0диченъ: Ѓгнца и3 гDа р0ждшаz пл0тію, дв7о, є3ди1на несквeрнаz ски1ніе, бжcтвенный ковчeже, честнhй свэти1льниче, дyшу мою2 њзари2.

Пёснь ѕ7.

Їрм0съ: Бжcтвенное сіE и3 всечестн0е совершaюще прaзднество, бGомyдріи, бGомaтере, пріиди1те, рукaми восплeщимъ, t неS р0ждшагосz бGа слaвимъ.

Ўвzди1въ стр†сти тэлє1сныz, ћкw дрeво ўзрёлсz є3си2 высоковeрхое, плоды2 чудє1сныz и3 честн†z и3справлє1ніz свzщeннэйше носS, бGоблажeнне.

Ўврачи1 тz гDи kвлeніемъ є3vстafіа мyченика, ћдъ всепaгубный и3спи1вша, всеблажeнне, чрезъ рyку непрaведную, и3 бёдствующа.

Тмaмъ болёзней приwбщи1лсz є3си2, тёломъ нeмощенъ пребhвъ, їwаннjкіе. Тёмъ вёрою зовy ти: болBзни ўтоли2 сeрдца моегw2.

БGор0диченъ: Е#ди1на всёхъ п0моще, помози2 нaмъ бёдствующымъ, и3 рyку подaждь, и3 къ пристaнищємъ введи2 спасeніz, nтрокови1це бGоблагодaтнаz.

И$нъ.

Їрм0съ: Возопи2, проwбразyz погребeніе триднeвное, прbр0къ їHна, въ ки1тэ молsсz: t тли2 и3збaви мS, ї}се цRю2 си1лъ.

Пригвождaема гвоздьми2 тэлесA мyченикwвъ, стrтeй подражaтелє сп7са kвлsхусz, пригвозди1вшагwсz на кrтЁ, и3 t тли2 мjръ спaсшагw.

Пучи1ну мyкъ преид0сте, м§ницы, њкормлeніемъ с™aгw всеси1льнагw д¦а, и3 къ бжcтвенному пристaнищу пристaсте, слaвы и3сполнsеми.

Побэди1лъ є3си2, тезоимени1тне, мужeй всsкое противлeніе ўбjйцъ, с™и1телю приснопaмzтне нікaндре, и3 вэнцы2 слaвы пріsлъ є3си2, бGу предстоS.

БGор0диченъ: Погуби1ла є3си2 прамaтере, nтрокови1це, ўкори1зну, благословeньми нaсъ вэнчaвшаго пл0тію р0ждши: и3 ск0рбь тоS въ рaдость и4стинную преложи1ла є3си2.

Кондaкъ, глaсъ }.

Под0бенъ: Взбрaнной:

ЅвэздA kви1лсz є3си2 всесвётлаz, въ мjрэ просвэщazй, и3 сyщыz во мрaцэ страстeй њблиставazй: врaчь же крэпчaйшій kви1лсz є3си2. Но ћкw пріsлъ є3си2 бlгодaть и3сцэлeній, просsщымъ тS подaждь и3сцэлeніе, да зовeмъ: рaдуйсz, џ§е їwаннjкіе.

Јкосъ: Другjй, џ§е, kви1лсz є3си2 врaчь и3 предстaтель нед{ги њдержи6мымъ и3 скорбьми2, їwаннjкіе чyдне, и3сцэлsz всёхъ, вёрнw притекaющихъ подъ бжcтвенный кр0въ тв0й. Тёмъ и3 t нaсъ слhшиши: рaдуйсz, nтцA благaгw к0рене џтрасль: рaдуйсz, мaтере благaz вётвь: рaдуйсz, и4же тёхъ люб0вь tри1нувый: рaдуйсz, и4же є3ди1наго бGа пріeмый: рaдуйсz, ћкw њстaвилъ є3си2 земн0е в0инство: рaдуйсz, ћкw низложи1лъ є3си2 вaрварскую гордhню: рaдуйсz, стэнA и3 храни1тель царє1мъ бhвый: рaдуйсz, nрyжіе и3 ст0лпъ мjрови ћвльсz: рaдуйсz, kзhчєскіz разрушaz бр†ни: рaдуйсz, свэти1льниче, сіsz чудєсы2: рaдуйсz, наги1хъ покрови1телю: рaдуйсz, плэнeнныхъ и3збaвителю. Рaдуйсz, џ§е їwаннjкіе.

Пёснь з7.

Їрм0съ: Не послужи1ша твaри бGомyдріи, пaче создaвшагw, но џгненное прещeніе мyжески попрaвше, рaдовахусz, пою1ще: препётый nтцє1въ гDь и3 бGъ, бlгословeнъ є3си2.

Сeрдце твоE трbцы жили1ще содёлалъ є3си2, три2 создaвъ хрaмы, въ ни1хже бжcтвенною благодaтію, їwаннjкіе, мЂро и3сточaеши въ просвэщeніе и3 њчищeніе вёрнw тебЁ приходsщихъ.

ДушA твоS, свэтозарeніемъ бжcтвеннагw д¦а њсвэщaема при1снw, дyшъ зрsше вёрнw приходsщихъ тебЁ совёты, блажeнне, прор0ческими прознaньми свzщeннw ўдивлsема.

Недyгwвъ, њбуревaющихъ мS, блажeнне, души1 же и3 тэлесE, твои1ми с™hми моли1твами ск0рw и3збaви, и3 пёти сотвори2: препётый nтє1цъ нaшихъ б9е, бlгословeнъ є3си2.

БGор0диченъ: Непремённаго р0ждшаz, є3ди1на, гDа, бGорaдованнаz, десни1цею є3гw2, чи1стаz, премэни1ти м0й ќмъ моли1сz къ лyчшымъ, лю1тэ превращaемый житeйскими печaльми.

И$нъ.

Їрм0съ: Ґвраaмстіи и3ногдA въ вавmлHнэ џтроцы пeщный плaмень попрaша, пёсньми взывaюще: nтє1цъ нaшихъ б9е, бlгословeнъ є3си2.

Свzщeнную твою2 nдeжду њбагри1въ, бlжeнне, њбагрeньми кровeй, соверши1лъ є3си2 свётльшую, нікaндре, nтцє1въ, вопіS: б9е, бlгословeнъ є3си2.

Приближaющесz nгню2, несомнённою люб0вію къ творцY, не њпали1стесz, вопію1ще, блажeнніи: nтє1цъ нaшихъ, б9е, бlгословeнъ є3си2.

Пeщи плaмень, вaмъ ўгот0ванный на мучeніе, преврати1сте на р0су д¦омъ вседётельнымъ, вопію1ще: nтє1цъ нaшихъ б9е, бlгословeнъ є3си2.

БGор0диченъ: Воплощeнное сл0во раждaеши нескaзаннw, чcтаz дв7о, зовyщыz t смeрти и3збавлsюща: nтє1цъ нaшихъ б9е, бlгословeнъ є3си2.

Пёснь }.

Їрм0съ: Џтроки бlгочести6выz въ пещи2 ржcтво2 бGор0дичо спасло2 є4сть: тогдA ќбw њбразyемое, нhнэ же дёйствуемое, вселeнную всю2 воздвизaетъ пёти тебЁ: гDа п0йте дэлA, и3 превозноси1те є3го2 во вс‰ вёки.

СтоS выс0ко на горЁ, ћкw на свёщницэ свэти1льникъ, прпdбне, всёхъ помышлє1ніz вёрою просвэщaлъ є3си2, показyz и3зрsднэйше словесы2 и3 дёлы стезю2 жи1зни: и3 возводS тhz бжcтвеннымъ сл0вомъ къ высотЁ безстрaстіz.

Ќмъ безстрaстіемъ њчи1щшему бесёдовалъ є3си2 гDу вседержи1телю, t негHже неизглагHланнымъ, прпdбне, научaемь, прор0чески предглаг0лалъ є3си2, просвэщaz дyшы, ћкw величaйшъ, всеблажeнне, прbр0къ: тёмъ тS соглaснw вёрніи восхвалsемъ.

Постиг0ша мS р†ны т‰жкіz, и3 недyзи разли1чніи смущaютъ: си1хъ мS и3збaви, џ§е, молю1сz тебЁ, ћкw t бGа пріeмъ, їwаннjкіе, бlгодaть, врачевaти стр†сти, и3 бwлёзни вёрныхъ њблегчевaти.

Трbченъ: Со всёми вhшними вHинствы, nц7A, сн7а, и3 с™aго д¦а, трbцу нераздёльную, несоздaнное б9ество2, пэсносл0вzще, с™ъ, с™ъ, с™ъ возопіи1мъ въ рaдости, є3ди1на влaсть, начaло и3 цrтво.

БGор0диченъ: Kви1ласz є3си2 ѓгGлwвъ превhшшаz, бGа неизречeннw воплоти1вши, того2 ўмоли2, вLчце всенепор0чнаz, плотски1хъ вhшша страстeй бhти мS ўм0мъ, высот0ю смирeніz, пэсносл0вzща твою2 величaйшую бlгодaть.

И$нъ.

Їрм0съ: И#збaвителю всёхъ всеси1льне, посредЁ плaмене бlгочeствовавшыz, снизшeдъ, њроси1лъ є3си2, и3 научи1лъ є3си2 пёти: вс‰ дэлA бlгослови1те, п0йте гDа.

Їерaрхъ чeстенъ бhлъ є3си2, никaкоже чуждeю кр0вію, своeю же, нікaндре, вшeдъ въ г0рній хрaмъ, и3 поS: благослови1те, вс‰ дэлA гDнz, гDа.

На сэдaлищи восхвали1въ гDа пресвЂтерwвъ є3рмeй слaвный, ўдобри1всz кр0вію мучeніz, зовeтъ: бlгослови1те, вс‰ дэлA гDнz, гDа.

Свzщeннw предсовершaюще с™†z, жє1ртвы честны6z kви1стесz, и3 въ воню2 принес0стесz благов0ніz гDу, вопію1ще: благослови1те, вс‰ дэлA гDнz, гDа.

БGор0диченъ: ЅHлъ мои1хъ пучи1ну и3зсуши2, бlгоутр0біz пучи1ну р0ждшаz и3збaвителz и3 гDа, є3мyже вопіeмъ, дв7о: вс‰ дэлA бlгослови1те гDнz гDа.

Пёснь f7.

Їрм0съ: Всsкъ земнор0дный да взыгрaетсz, д¦омъ просвэщaемь, да торжествyетъ же безпл0тныхъ ўмHвъ є3стество2, почитaющее свzщeнное торжество2 бGомaтере, и3 да вопіeтъ: рaдуйсz, всебlжeннаz бцdе, чcтаz приснодв7о.

Ўкрэпи1сz, бGу ќмъ тв0й ўтверди1вшу ўдержaти стр†сти, ѓгGлъ въ тэлеси2 tсю1ду, џ§е, ты2 бhлъ є3си2, и3 со ѓгGлы на нб7сёхъ живeши всегдA, слaвы прест0лу предстоS, и3 свёта невечeрнzгw и3сполнsемь.

Ћкоже на небеси2, въ горaхъ и3 вертeпахъ всели1лсz є3си2, прпdбне: тёмъ ўкроти1шасz тебЁ ди1віи ѕвёріе, покори1вшу стр†сти душє1вныz, неуд0бь покори6мыz, їwаннjкіе, и3 прaведну же бhвшу. Сегw2 рaди вёрнw тS почитaемъ.

Тво‰ свzщє1нныz и3 с™ы6z м0щи, во гр0бэ лежaще, недyги погружaютъ и3 попалsютъ полки2 дє1мwнскіz всегдA, мyдре їwаннjкіе, б9іею бlгодaтію, и3сточaютъ всBмъ врачев†ніz вёрнw тS при1снw блажaщымъ.

ЎжE хrтY приближazсz ћснше и3 чи1стше, помzни2 вёрою тS поминaющихъ, їwаннjкіе, грэхHвъ прощeніе нaмъ просS, и3 недyгwвъ всёхъ и3збавлeніz, и3 нбcнагw цrтвіz селeніе.

БGор0диченъ: Просвэти2, чcтаz, души2 моеS џчи, свётъ р0ждшаz, да не пости1гнетъ мS грэх0внаz тмA тzжчaйшаz, нижE глубинA покрhетъ мS tчazніz: но тh мz спаси2, и3 њкорми2 къ пристaнищу бжcтвеннагw хотёніz.

И$нъ.

Їрм0съ: Е$vа ќбw недyгомъ преслушaніz клsтву всели1ла є4сть: тh же, дв7о бцdе, прозzбeніемъ чревоношeніz, мjрови благословeніе процвэлA є3си2. Тёмъ тS вси2 величaемъ.

На дрeвэ, мyдре, терпэли1внw растzгaемь, и3 свэщaми њпалsемь, р0су нбcную пріsлъ є3си2 рук0ю ѓгGльскою, м§ниче нікaндре, палsщыz же мє1ртвы показaлъ є3си2 живон0сными твои1ми моли1твами.

Ви1дэстесz видёніе стрaшно, њбнажaеми, и3 безсловє1снымъ привzзyеми, и3 на мн0жайше, страстотeрпцы, влек0ми, и3 цёли kвлsеми, nгню2 приближaющесz, и3 неwпалsеми, д¦омъ бжcтвеннымъ соблюдaеми.

Днeсь мЂрскаz свzщeннаz митроп0ліа прaзднуетъ велеглaснw, грaдъ всsкъ на весeліе созывaющи, въ пaмzти вaшей сeй, всехвaльніи, въ нeйже свzщeнное вaше страдaніе соверши1сте.

Tвeрзесz вaмъ нб7о, и3 ѓгGли восхождeнію восплескaвше, чи1ни прпdбныхъ и3 првdныхъ возвесели1шасz, взыгрaшасz м§ницы: съ ни1миже всeльшесz, помzни1те поминaющыz вaсъ, с™jи.

БGор0диченъ: Свётомъ мS њзари2 твои1мъ, всенепор0чнаz, р0ждшаz свётъ непристyпный: разжени2 џблаки души2 моеS, и3 тмh мz и3схити2, молю1сz, и3 бжcтвеннагw спасeніz спод0би пречcтаz, є3ди1на приснодв7о.

Свэти1ленъ.

Под0бенъ: Д¦омъ во с™и1лищи:

Бlгодaть преизбhсть б9іz въ души2 твоeй, мyдре їwаннjкіе, безпл0тнw живyща. Тёмъ чтyщыz тS, страстeй и3збaви тeмныхъ nблакHвъ, къ ти1хому пристaнищу вводS, и3 њгонsz полки2 дє1мwнскіz.

БGор0диченъ: Сотвори2 и4стиннw съ тоб0ю вели6чіz сн7ъ предвёчный џ§имъ совётомъ: жи1знь бо нетлённую безъ стрaсти родилA є3си2, и3 пребылA є3си2, ћкоже прeжде ржcтвA, м™рскихъ и3збёгши болёзней, и3 дв7а, пaки по ржcтвЁ пребhвши дв7а.

На стіх0внэ nктHиха. Слaва, глaсъ ѕ7:

Е$же по џбразу соблю1дъ невреди1мw, ќмъ владhку надъ страстьми2 пaгубными п0стнически постaвивъ, во є4же по под0бію ћкоже м0щно возшeлъ є3си2: мyжески бо є3стество2 понyдивъ, потщaлсz є3си2 хyждшее покори1ти лyчшему, и3 пл0ть пораб0тити дyху. Тёмже монaшествующихъ kви1лсz є3си2 вeрхъ, жи1тель пустhнный, благотекyщихъ њбучи1тель, прaвило добродётелей и3звёстнэйшее. И# нhнэ на нб7сёхъ, зерцaлwмъ разрёшшымсz, џ§е нaшъ їwаннjкіе, чи1стэ зри1ши с™yю трbцу, молsсz непосрeдственнэ њ и5же вёрою и3 люб0вію чтyщихъ тS.

И# нhнэ, бGор0диченъ, и3ли2 кrтобGор0диченъ.

Под0бенъ: ВсE tл0жше:

Nрyжіе, ћкоже речE сmмеHнъ, сeрдце твоE пр0йде, пречcтаz вLчце, є3гдA ўзрёла є3си2 и3зъ тебє2 возсіsвшаго неизречeннымъ сл0вомъ, t беззак0нныхъ, ћкw њсуждeнна, возноси1ма на кrтЁ, џцтомъ и3 жeлчію напаsемаго, рeбра же прободaема, и3 рyцэ и3 н0зэ пригвождaемы, и3 рыдaющи, восклицaше, м™рски вопію1щи: что2 сіE, чaдо сладчaйшее, н0вое тaинство;

На літургjи прокjменъ, глaсъ з7:

ЧестнA предъ гDемъ смeрть прпdбныхъ є3гw2.

Стjхъ: Что2 воздaмъ гDеви њ всёхъ:

Ґпcлъ, къ галaтwмъ, зачaло сGi.

Ґллилyіа, глaсъ ѕ7: Бlжeнъ мyжъ, боsйсz гDа:

Стjхъ: Си1льно на земли2 бyдетъ сёмz є3гw2.

Е#ђліе матfeа, зачaло ‹.

Причaстенъ: Въ пaмzть вёчную бyдетъ првdникъ.