Вересень * Жовтень * Листопад * Грудень * Січень * Лютий * Березень * Квітень * Травень * Червень * Липень * Серпень * Богородичний додаток
| ← В 3-й день | В 5 день → |
День 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30
В 4-й день
Свята́го священному́ченика Вави́лы, епи́скопа Вели́кия Антиохи́и.
И свята́го проро́ка и богови́дца Моисе́я
Ве́чер
На Го́споди, воззва́х: стихи́ры на 6, глас 6.
Подо́бен: Все отло́жше:
Кро́вию обагри́в/ твою́ свяще́нную оде́жду,/ вшел еси́ во Свята́я Святы́х,/ свят ты быв, Вави́ло сла́вне,/ и Я́ве всегда́ наслажда́яся обожа́ния,/ украша́ем и муче́нием сия́я,/ и А́нгел показу́яся/ чисте́йшими причаще́нии./ Тем тя чтим/ и любо́вию пра́зднуем/ твое́ свяще́ннейшее торжество́,// достоблаже́нне.
Желе́зом око́ван,/ непреткнове́нно стезю́ ше́ствовал еси́, преподо́бне,/ к Небе́сному Гра́ду веду́щую,/ честны́ми ра́нами,/ Вави́ло всему́дре,/ я́коже у́тварию обложе́н./ В него́же вшед, я́ко победи́тель и́стиннейший,/ и му́ченик непобеди́м,/ и священноде́йственник свяще́ннейший,/ пое́ши со А́нгелы/ песнопе́ние Боже́ственное чи́сто:// Свят, Свят, Свят, Тро́ице Единосу́щная.
Ста́ду предста́тельствуя/ слове́сному, иера́рше,/ па́лицею зна́ния/ на зла́це воспита́л еси́ сие́ ве́ры,/ и от звере́й спасл еси́,/ и Бо́га возвесели́л еси́,/ с высоты́ тя па́ствующаго,/ Его́же пред безбо́жными, блаже́нне, пропове́дуя,/ я́ко незло́биво закла́лся еси́ а́гня, ра́дуяся,/ с незло́бивыми о́троки,/ и приве́лся еси́ с ни́ми же́ртва благово́нна всеце́ла,// Вави́ло всечу́дный.
И́ны стихи́ры проро́ка, глас 4.
Подо́бен: Зва́нный свы́ше:
Научи́вся Бо́жиим та́йнам,/ добро́ты неизрече́нныя и сла́вы чудеса́м,/ Моисе́е богови́дче всехва́льне,/ се́ньми и начерта́нии/ и во о́бразех сия́ провозвести́л еси́,/ тем Боже́ственнаго сия́ния Первонача́льнаго Нача́ла/ безо́бразными о́бразы и невеще́ственными вещьми́/ вво́диши воображе́нная нам,/ и, е́же обожи́тися над фарао́ном,/ я́ко Бог, блаже́нне,/ обе́том и благода́тию стяжа́в,// моли́ о всех чту́щих тя.
Ты, доброде́тельми превше́д,/ в виде́нии был еси́ близ всех Бо́га,/ посреде́ ви́хра и мра́ка же и о́блака внутрь быв,/ весь просла́вился еси́./ Отту́ду прия́т скрижа́ли Боже́ственных Писа́ний/ и равноа́нгельно благода́тию/ я́сно блиста́вши душе́вными очесы́,/ вку́пе и теле́сными,/ и спокрыва́еши злове́рное ослепле́ние,/ явля́я ве́рным открове́ние,/ ты и сло́вом подава́вши,// моли́ спасти́ся нам.
В богоде́льней и огнено́сней/ Боже́ственней любви́/ был еси́ собесе́дник,/ я́ко Дру́гу друг, Бо́гу,/ и, лицо́м к Лицу́, Моисе́е треблаже́нне,/ на Творца́ своего́ воззре́в,/ ви́диши за́дняя заре́ю Сего́ Я́ве/ и, чрез сква́жню навы́кнув,/ пло́тию Сло́ва бу́дущее тебе́ Богоявле́ние./ Те́мже и столп предыды́й,/ пресла́вно пред людьми́ богому́дрыми предхо́диши//и спаса́еши ве́рно хва́лящия тя.
Сла́ва, священному́ченика, глас 6. Самогла́сен:
Восхо́дный степе́нь/ Це́рковь стяжа́ свяще́нныя твоя́ по́двиги,/ священному́чениче Вави́ло,/ ю́же и храни́ши незы́блену и ненаве́тну от волко́в держа́вных,/ пропове́дующую до́блести твоя́/ и велича́ющую с тобо́ю младе́нцы,// за Христа́ заколе́нныя с тобо́ю, блаже́нне.
И ны́не, Богоро́дичен или́ Крестобогоро́дичен.
Подо́бен: Тридне́вен:
Зача́тие Твое́ безсе́менно/ и рожде́ние безболе́зненно помышля́ющи,/ удивля́юся зело́:/ ка́ко си́це, я́ко злоде́й,/ благоволи́л еси́ умре́ти, Сы́не?// Пречи́стая взыва́ше.
На стихо́вне Окто́иха.
Сла́ва, священному́ченика, глас 6:
Суди́щу мучи́телеву предстоя́/ и подвиза́яся за благоче́стие, взыва́л еси́:/ се аз и де́ти, я́же мне даде́ Бог;/ с ни́миже венча́вся на Небесе́х,/ Вави́ло священному́чениче,/ моли́ непреста́нно,// сете́й врага́ изба́витися душа́м на́шим.
И ны́не, Богоро́дичен или́ Крестобогоро́дичен.
Подо́бен: Тридне́вен:
Лю́ди беззако́ннейшия,/ без пра́вды пригвожда́ющия Тя на Дре́ве,/ Де́ва и Чи́стая Ма́ти Твоя́ зря́щи,/ я́коже Симео́н прорече́,// утро́бою, Спа́се, уязвля́шеся.
Тропа́рь, глас 4:
И нра́вом прича́стник,/ и престо́лом наме́стник апо́столом быв,/ дея́ние обре́л еси́, богодухнове́нне,/ в виде́ния восхо́д:/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Вави́ло,/ моли́ Христа́ Бо́га// спасти́ся душа́м на́шим.
И проро́ка, глас 2:
Проро́ка Твоего́ Моисе́я па́мять, Го́споди, пра́зднующе,/ тем Тя мо́лим:// спаси́ ду́ши на́ша.
Или́ сей, глас то́йже:
На высоту́ доброде́телей возше́л еси́, проро́че Моисе́е,/ и сего́ ра́ди сподо́бился еси́ ви́дети сла́ву Бо́жию,/ скрижа́ли благодатныя Зако́на прия́т,/ и начерта́ний благода́ть в себе́ нося́,/ и проро́ков был еси́ честна́я похвала́/ и благоче́стия вели́кое та́инство.
На у́трени
Кано́н Окто́иха еди́н и святы́х два.
Кано́н священному́ченика. Иоа́нна мона́ха. Глас 6.
Песнь 1
Ирмо́с: Яко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,// Бо́гу побе́дную песнь пои́м, вопия́ше.
Свои́ми кровьми́, я́ко Моисе́й Чермно́е мо́ре, безво́лненно проше́д, Вави́ло блаже́нне,/ Бо́гу побе́дную песнь вопия́л еси́:/ воспои́м Го́споду, я́ко просла́вися.
Ты земны́х преоби́дел еси́ жела́ние,/ Боже́ственному повину́в жела́ние, е́же жи́ти, Вави́ло блаже́нне,/ Христо́ву гряды́й ви́дети красоту́.
Пребоже́ственныя Тро́ицы я́ко сый рачи́тель,/ с тремя́ у́мерл еси́ о́троки, ра́дуяся, Вави́ло блаже́нне,/ при́сно приводя́ ду́ши сия́ жела́нием.
Богоро́дичен: Своего́ прие́мши Соде́теля, я́ко Сам восхоте́,/ из безсе́меннаго чре́ва Твоего́ па́че ума́ воплоща́ема, Чи́стая,/ тва́рей и́стинно показа́лася еси́ Влады́чица.
Ин кано́н проро́ка, его́же краегране́сие:
Моисе́й, проро́ков пе́рвый, да похва́лится словесы́.
В Богоро́дичнах же: Кли́ментово. Глас 4.
Песнь 1
Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма// Амали́кову си́лу в пусты́ни победи́л есть.
Моисе́й проро́ков да восхва́лится пе́рвый,/ я́ко пред Бо́гом бесе́довав пе́рвый Я́ве лице́м к Лицу́,/ не в гада́ниих рече́ний, но я́ко в ви́де пло́ти ви́дев Того́.
Я́ко боже́ственна народоводи́теля и изба́вителя тя/ ро́ду твоему́ Изра́илю, Моисе́е богови́дче, даде́ Бог,/ Отцу́ я́коже помоли́ся,/ обетова́ния пома́занием провозвеща́я твое́ рожде́ние.
Му́дрости тя сокро́вище обрето́ша родны́я доброде́тели, сокрове́но зна́нием Бо́жиим,/ я́коже в ковче́зе, богови́дче Моисе́е;/ тем тя воспита́ше цари́ца и Боже́ственный Про́мысл.
Богоро́дичен: Устраши́ся Моисе́й, ви́дев пресла́вное в пе́рвых виде́ние,/ купине́ и пла́меню стра́нное смеше́ние, Бо́га из Де́вы Ма́тере прообразу́ющее Нетле́ннаго,/ Его́же, мину́в времена́, ви́де пло́тию.
Песнь 3
Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени// испове́дания Твоего́.
Несть свят, я́коже Ты, Го́споди Бо́же мой,/ возвы́сивый рог ве́рнаго Твоего́ Вави́лы/ и венча́в его́ венце́м испове́дания Твоего́.
Му́чеников бысть кре́пость, Го́споди, Крест Твой,/ утверди́вый о́троки с блаже́нным Вави́лою/ и низложи́вый те́ми пре́лести безбожныя де́рзости.
Кре́пость оскуде́, Христе́, диа́воля в коне́ц:/ незло́бивыми бо детьми́ и боже́ственным Вави́лою побежда́ется кре́пкий/ и посмева́емь есть, от них поруга́емь.
Богоро́дичен: Боже́ственнаго рождества́ Твоего́, Чи́стая,/ вся́кий естества́ чин прехо́дит чу́до:/ Бо́га бо преесте́ственно зачала́ еси́ во утро́бе/ и, ро́ждши, пребыва́вши Присноде́ва.
Ин
Ирмо́с: Лук си́льных изнемо́же,/ и немощству́ющии препоя́сашася си́лою,// сего́ ра́ди утверди́ся в Го́споде се́рдце мое́.
Весьма́ неизрече́ннаго зна́ния испо́лнился еси́, богови́дче,/ Дух Святы́й чрез А́нгела/ дре́вних научи́ тя зна́нию я́сно.
Нося́й све́тло Боже́ственныя зари́,/ богозна́меньми удиви́л еси́ Еги́пет,/ претворя́я стихи́й пресла́вне естество́, прему́дре.
Озаря́ет кра́сное добро́ты твоея́/ от Боже́ственныя зари́ све́тлое, блаже́нне, жи́тельство/ и к Боже́ственней несы́тно вся привлече́ красоте́.
Богоро́дичен: Взя́лся еси́ стра́шным виде́нием ко ужа́сному зре́нию, прему́дре,/ но возбрани́ глас Го́спода,/ ро́ждшагося из Де́вы пло́тию.
Конда́к проро́ка, глас 2:
Лик проро́ческий с Моисе́ем и Ааро́ном/ весе́лием днесь весели́тся,/ я́ко коне́ц проро́чествия их на нас испо́лнися:/ днесь сия́ет Крест, и́мже нас спасл еси́;// тех моли́твами, Христе́ Бо́же, поми́луй нас.
Седа́лен священному́ченика, глас 3.
Подо́бен: Боже́ственныя ве́ры:
Точа́ ве́ры испове́дание, пре́лесть угаси́л еси́ злосла́вия, обличи́в и́дольское безбо́жие,/ и, всесожже́ние Боже́ственное быв, чудотворе́ньми ороша́еши концы́:/ о́тче преподо́бне, Христа́ Бо́га моли́ дарова́ти нам ве́лию ми́лость.
Сла́ва, ин седа́лен, проро́ка, глас 4:
Проро́ков всех тя пе́рваго я́ко су́ща, благоче́стно ве́дуще, восхваля́ем ве́рнии:/ пе́рвый бо Бо́га ви́дел еси́,/ я́коже мо́щно бя́ше челове́ку ви́дети.
И ны́не, Богоро́дичен:
Пречи́стыя ру́ки Твоя́, Де́вомати, просте́рши,/ покры́й упова́ющия на Тя и Сы́ну Твоему́ зову́щия:/ всем пода́ждь, Христе́, ми́лости Твоя́.
Крестобогоро́дичен:
На Дре́ве ви́дящи воздви́жена Сы́на Твоего́, Пречи́стая,/ утро́бою ма́тернею растерза́ема, жа́лостно взыва́ла еси́:/ увы́ Мне, ка́ко заше́л еси́, Све́те Мой безле́тный?
Песнь 4
Ирмо́с: Христо́с моя́ си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи,// от смы́сла чи́ста о Го́споде пра́зднующи.
Христо́с моя́ си́ла, Бог и Госпо́дь, пред суди́щем вопия́л еси́,/ мучи́тельских преще́ний небоя́знен, священному́чениче Вави́ло,/ в Го́споде ра́дуяся.
Же́ртву непоро́чну, стра́шну, безкро́вну Го́споду принося́,/ и себе́ само́го заколе́ние кро́вию, священному́чениче Вави́ло,/ нескве́рно приве́л еси́.
Дете́й, преподобне, младо́е мудрова́ние, я́ко мудр детоучи́тель,/ духо́вным воспита́в млеко́м, священному́чениче Вави́ло,/ в соверше́ние испра́вил еси́.
Богоро́дичен: Яко и́стинно невеща́нна и непости́жна/ Твоего́, Богоро́дице, благоле́пнаго суть рождества́/ су́щим на земли́ и на Небеси́, Присноде́во, та́инства.
Ин
Ирмо́с: Вознесе́на Тя ви́девши Це́рковь на Кресте́,/ Со́лнце пра́ведное,/ ста в чи́не свое́м,/ досто́йно взыва́ющи:// сла́ва си́ле Твое́й, Го́споди.
Гугна́нию язы́ка и гла́са твоего́ уясни́вшуся Боже́ственным Про́мыслом, богови́дче,/ вити́я та́йн Бо́жиих яви́лся еси́ глаго́лы/ и ра́нами я́звил еси́ Еги́пет.
Коль пресла́вно зва́ние твое́, о богови́дче!/ Коль стра́шна дела́ твои́х чуде́с!/ Яви́ся бо Сый тебе́ Бог/ и, сла́вою возвы́сив тя, Изра́илю спаси́теля посла́.
Вся́каго перворо́дна порази́л еси́ еги́петскаго,/ я́ко Христо́с де́монов умертви́ держа́ву:/ о́браз бо бу́дущаго тобо́ю де́йствуемая и́стинно бы́ша, сла́вне.
Богоро́дичен: Не приближа́йся се́мо, Моисе́й слы́шав,/ Бо́жию гла́су вопию́щу из пла́мене купины́:/ свя́то бо ме́сто в ле́поту преднаписа́/ пло́тию роди́тися Христу́ из Чи́стыя.
Песнь 5
Ирмо́с: Бо́жиим све́том Твои́м, Бла́же,/ у́тренюющих Ти ду́ши/ любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,// от мра́ка грехо́внаго взыва́юща.
Боже́ственную благода́ть Твою́, Иису́се,/ священному́ченик Вави́ла и́стинно с высоты́ прия́ше,/ я́ко и де́ти ю́ныя к Твое́й любви́ приведе́ и сме́рти к преоби́дению.
Боже́ственным зна́нием Твои́м осия́вся,/ священному́ченик Вави́ла вся уча́ше, Го́споди,/ Тя ве́дети, Еди́наго Бо́га, Су́що Го́спода,/ от мра́ка и льсти взыва́юща.
Боже́ственным избра́нием Твои́м прозна́менався священному́ченик Вави́ла слове́сное пасти́ ста́до Твое́,/ Тебе́ прино́сит, Сло́ве Бо́жий, кровь свою́,/ к стези́ спасе́ния всех му́дре путеводя́.
Богоро́дичен: Богоро́дицу Тя от души́, Влады́чице ми́ра блага́я, испове́дующия спаса́й:/ Тя бо Предста́тельницу непобеди́му и́мамы,/ су́щую Богороди́тельницу.
Ин
Ирмо́с: Ты, Го́споди, мои́ Свет,/ в мир прише́л еси́,/ Свет Святы́й, обраща́яй из мра́чна неве́дения// ве́рою воспева́ющия Тя.
Ударя́еши Чермно́е и твори́ши разделе́ния мно́гая/ жезло́м твои́м, о богови́дче,/ да пока́жеши в сем Креста́ Боже́ственную си́лу.
О, дерзнове́ния прелюбе́знаго!/ О, простоты́ души́ чи́стыя!/ Аще позна́л еси́ мя па́че всех, к Бо́гу богови́дец рече́,/ разу́мно мне яви́ся.
Ка́менем покры́вся, не ви́дел еси́ Бо́жия Лица́,/ я́ко утае́на, о богови́дче,/ воплоще́ние же позна́л еси́ Сло́ва, я́ко за́дняя.
Богоро́дичен: Вшел еси́ чу́вственне во мрак/ и навы́кл еси́ неизрече́нная, о богови́дче,/ я́ко хо́щет из Де́вы Бог пло́тию роди́тися, Спас.
Песнь 6
Ирмо́с: Жите́йское мо́ре/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мои́,// Многоми́лостиве.
Жите́йское мо́ре преле́стное зря волну́емо бу́рею,/ Вави́ла, пресла́вный страда́лец, вопия́ше:/ возведи́ из тли жизнь мою́, Многоми́лостиве.
Христу́ подо́бяся, за па́ству ду́шу твою́ пре́дал еси́,/ о сла́вный му́чениче и страда́льче, Вави́ло блаже́нне,/ и преле́стныя сте́ны разори́л еси́.
Дете́й непостоя́нное утверди́ му́дре/ свои́ми страда́ньми Вави́ла, приснопа́мятный страда́лец,/ к жи́зни Небе́сней от земли́ преводя́, пресла́вный.
Богоро́дичен: Пречи́стая Влады́чице, ро́ждшая земны́м Ко́рмчию Го́спода,/ страсте́й мои́х непостоя́нное и лю́тое укроти́ смуще́ние/ и тишину́ пода́ждь се́рдцу моему́.
Ин
Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х// исте́кшею Кро́вию.
Во́инство стяжа́в Бо́жие Изра́иль си́льное,/ седмь у́бо зло́бы ханане́йския язы́ки погуби́л еси́,/ лю́дем ты в насле́дие дав зе́млю их.
Неизглаго́ланно вшед во мрак Боже́ственный, Моисе́е,/ иде́же Бог бя́ше, зовы́й тя,/ пи́санныя скрижа́ли пе́рстом Его́ законныя прия́л еси́,/ я́ко вели́к уго́дник Его́.
Поста́ви послу́шати Бог гла́са Своего́ богови́дца Моисе́я,/ Себе́ Само́го ему́ яви́в,/ да пока́жет стра́шное со сла́вою та́инство Свое́.
Богоро́дичен: Ма́нием Боже́ственным Тя преднапису́ет Моисе́й сла́вный/ ковче́г, Богоро́дице, заря́ми Ду́ха всю́ду, я́ко зла́том, покрове́н/ в сла́ву Бо́жию.
Конда́к священному́ченика, глас 8.
Подо́бен: Я́ко нача́тки:
Я́ко благоче́стия пропове́дника и страда́льцев утвержде́ние,/ Це́рковь сла́вит тя, Вави́ло сла́вне, освеща́ема днесь;/ но, я́ко име́я дерзнове́ние ко Го́споду,/ в ми́ре соверше́нием велича́ющия и восхваля́ющий тя сохрани́ти Христу́// моли́ся, о многострада́льне.
И́кос:
Мирску́ю Я́ве суету́ помышля́я, ми́ра отчужде́нный,/ и Стра́сти Христо́вы подража́в, плотски́я стра́сти умертви́л еси́,/ и, крест твой взем, после́довал еси́, му́чениче, Зижди́телю твоему́,/ и, пребыва́я с Ним ны́не, моли́ся о честву́ющих тя и́стинно,/ о многострада́льне.
Песнь 7
Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:// благослове́н еси́, Бо́же оте́ц на́ших.
Небе́сная чинонача́лия днесь,/ победоно́сцы зря́ще ю́ныя на пре́лесть и чу́днаго Вави́лу,/ вопия́ху сра́дующеся Христу́:/ благослове́н еси́, Го́споди Бо́же отце́в на́ших.
Влады́чня светоно́сная уясни́ благода́ть соше́дшияся ве́рныя,/ венцено́сный же сла́вный Вави́ла повелева́ет сра́дующимся вопи́ти:/ благослове́н еси́, Го́споди Бо́же отце́в на́ших.
Мучи́телей у́бо недоуме́яшеся умышле́ние, помоществова́ти не су́щим бого́м,/ Пресвято́й же Тро́ице чу́дный Вави́ла повелева́ет вопи́ти:/ благослове́н еси́, Бо́же отце́в на́ших.
Богоро́дичен: Тобо́ю, Ма́ти Де́во, Свет возсия́ вселе́нней све́тел:/ Ты бо Зижди́теля всех родила́ еси́, Бо́га,/ Его́же моли́, Всечистая, низпосла́ти нам, ве́рным, ве́лию ми́лость.
Ин
Ирмо́с: В пещи́ авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:// благослове́н еси́ в хра́ме сла́вы Твоея́, Го́споди.
В боговиде́ниих неизглаго́ланных Боже́ственный писа́тель быв,/ весь му́дрый вид ски́нии ты сло́вом ухи́трив,/ началозда́телю Веселеи́лу предложи́л еси́ дея́ние, богови́дче Моисе́е.
Свяще́нствовати дерзну́в Корре́й с тобо́ю, яви́ся низше́д во ад жив,/ всежре́бийно Бо́гу тебе́ честно́е, Моисе́е, храня́щу,/ ца́рствия и свяще́нства вку́пе.
Воево́дствующу тебе́ иуде́йскому язы́ку дре́вле, Моисе́е,/ яви́ся Михаи́л, нача́льник Небе́сных и те́ла твоего́ Боже́ственный храни́тель:/ злонача́льника бо противоглаго́люща той посрами́.
Богоро́дичен: Ааро́нов Тя Боже́ственный жезл прозя́бнути показа́ всем, Богоро́дице,/ реше́ние грехо́в, очище́ние бо земны́м была́ еси́,/ я́коже ропта́вшим на Бо́га о́но стра́шное преще́ние.
Песнь 8
Ирмо́с: Из пла́мене преподо́бным ро́су источи́л еси́/ и праведнаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти,// Тя превозно́сим во вся ве́ки.
Бо́га Отца́ Соде́теля, Единосу́щна Сы́на и Бо́жия Ду́ха/ в пла́мени ю́ноши пе́ти повелева́ются:/ да благослови́т Го́спода вся тварь и превозно́сит во вся ве́ки.
Па́мять днесь, бра́тие, священному́ченика Вави́лы/ я́же в пла́мени ю́ноши пе́ти повелева́ют:/ благослови́те Го́спода, вся дела́, и превозноси́те Его́ во ве́ки.
Ю́нии днесь ученицы́ иере́я и му́ченика Вави́лы с ста́рцем венча́вшеся,/ в пещи́ ю́нош песнь пе́ти повелева́ют:/ благослови́те Го́спода, вся дела́, и превозноси́те Его́ во ве́ки.
Богоро́дичен: Бо́га родила́ еси́ пло́тию, содержа́щаго руко́ю вся,/ и на объя́тиих Сего́, Де́во, носи́ла еси́,/ Его́же пое́м я́ко Го́спода, дела́, и превозно́сим во вся ве́ки.
Ин
Ирмо́с: Ру́це распросте́р, Дании́л/ львов зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:// благослови́те, вся дела́ Госпо́дня, Го́спода.
Уго́дник и́стинно Бо́жий, я́ко кро́ток, слы́шал еси́ и де́лы был еси́,/ тем позна́н бысть тебе́ Госпо́дь па́че всех проро́ков, Моисе́е,/ и, всели́вся в тя, ве́рно пе́ти научи́:/ благослови́те, вся дела́ Госпо́дня, Го́спода.
Я́ко таи́нник Бо́жий и служи́тель и царь Изра́илев, Моисе́е богови́дче, я́влься,/ Христа́ пропове́дал еси́ приити́ в пло́ти,/ прописа́в Его́ в себе́ стра́шное и Боже́ственное Прише́ствие,/ Его́же и о́браз одушевле́н яви́лся еси́ я́ве, и проро́к ве́рен.
Сло́ва проро́чествием лю́ди и Зако́на повеле́ньми наста́вил еси́ ве́рно,/ зна́меньми и чудесы́ напра́вив и чуде́с показа́нии:/ от Бо́га бо показа́вся нача́льник, богови́дче Моисе́е;/ тем приложи́лся еси́ ко отце́м твои́м со сла́вою мно́гою.
Богоро́дичен: Никто́же предуслы́ша пре́жде тебе́, богови́дче сла́вне Моисе́е, уго́дниче Христо́в,/ зане́ вся изре́кл еси́ Де́вы смотре́ния,/ пропису́ющия Тоя́ Боже́ственное рождество́,/ в пла́мени бо купины́ ви́дел еси́ зрак неви́димый.
Песнь 9
Ирмо́с: Бо́га/ челове́ком невозмо́жно ви́дети,/ на Него́же не сме́ют чи́ни а́нгельстии взира́ти;/ Тобо́ю же, Всечи́стая, яви́ся челове́ком/ Сло́во воплоще́нно,/ Его́же велича́юще,// с Небе́сными во́и Тя ублажа́ем.
Бог челове́ком путь показа́ Кресто́м к высоте́ Небе́сней благовосхо́ден,/ сего́ ра́ди смерть побежда́ется земны́ми,/ де́ти бо ю́ныя сея́ не убоя́шася, с чу́дным Вави́лою, я́же ублажа́ем.
Я́ко Свет сый, Христе́, Всечи́стый, стра́стныя мглы ду́шу мою́ очи́сти/ моли́твами, Влады́ко, Твои́х страстоте́рпец, Вави́лы и дете́й,/ и́хже ле́тнюю па́мять соверша́юще, благосла́вно торжеству́ем.
Страсте́й врачева́ния почерпе́м, сла́вней Це́ркви страда́лец притека́юще:/ в ту бо приидо́ша а́нгельстии ли́цы, и ду́си пра́ведных всех,/ и Влады́чица с чу́дным Вави́лою, врачева́ния подава́ющи.
Богоро́дичен: Сы́на, безле́тно от Отца́ возсия́вша, Ты, во чре́ве несказа́нно заче́нши, родила́ еси́,/ Богома́ти Чи́стая, Де́во Пресвята́я,/ моли́ о рабе́х Твои́х Еди́наго Человеколю́бца Бо́га, спасти́ род наш.
Ин
Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́.// Тем, веселя́щеся, Тя, Богоро́дице, велича́ем.
Был еси́, богови́дче, самови́дец Госпо́день и по сме́рти,/ не во мра́чных гада́ниих, я́ко в ка́мени пе́рвее,/ но в челове́честей пло́ти Христа́ ви́дев, облиста́юща Божество́м.
Гора́ Фаво́р просла́вися па́че Сина́йския бога́тно,/ иде́же Моисе́й из ме́ртвых и Фесви́тянин от стран живу́щих/ Христа́ со апо́столы зря́ху преобразу́ющася, я́ко Су́що Бо́га.
Спаси́ мя ми́лостивною твое́ю моли́твою и моли́тв дерзнове́нием,/ я́ко Изра́иля от бед, Моисе́е богови́дче, и лю́тых, и ну́ждных,/ христиа́н исполне́ние от вся́каго вре́да, пою́щих Тя.
Богоро́дичен: Ста́мну Тя злату́ю, и скрижа́ль, и Боже́ственную трапе́зу, Де́во,/ пе́рвее Моисе́й написа́в, Я́ве пока́зоваше Бо́га роди́тися из Тебе́,/ Его́же ви́девше пло́тию, ве́рно песнь скончава́ем Твою́.
Свети́лен.
Подо́бен: Не́бо звезда́ми:
Жрец ку́пно и же́ртва, Вави́ло, яви́лся еси́ Бо́жия,/ жря Ему́ безкровно и свои́ми кровьми́ поже́рся с соверше́нными младе́нцы,/ с ни́миже Тя ны́не восхваля́ем.
Богоро́дичен: Твоему́ о́бразу, Де́во, не покланя́ющияся, и Сы́на и Бо́га Твоего́, ве́рою чи́стою/ низложи́, я́ко безбожныя, и гее́нне преда́ждь.
На литурги́и
Проки́мен, глас 4: Святы́м, я́же суть на земли́ Его́,// удиви́ Госпо́дь вся хоте́ния Своя́ в них. Стих: Предзре́х Го́спода предо мно́ю вы́ну. Апо́стол ко Евре́ем, зача́ло 330. Аллилу́йя, глас 4: Воззва́ша пра́веднии, и Госпо́дь услы́ша их. Ева́нгелие от Луки́, зача́ло 67. Прича́стен: Ра́дуйтеся, пра́веднии, о Го́споде:
Обре́тение моще́й святи́теля Иоаса́фа, епи́скопа Белогра́дскаго
На ма́лей вече́рни
На Го́споди, воззва́х: стихи́ры, глас 1:
Воспои́м, бра́тие, светлопра́зднственную песнь,/ новоявле́ннаго уго́дника Бо́жия ублажа́юще/ и к тому́ вознося́ще моли́тву,/ во е́же очи́стити серде́ц на́ших очеса́/ и па́мятию чуде́с его́ просвети́ти ду́ши на́ша.
Иоаса́фе, уго́дниче Христо́в,/ всех доброде́телей подви́жник был еси́,/ на земли́ у́бо ско́рби поне́с,/ на Небеси́ же ра́дость ве́чную от Бо́га прие́м,/ услы́ши моле́ние чад твои́х/ и моли́ спасти́ и просвети́ти ду́ши на́ша.
Ни́щия и ско́рбныя возлюби́вый/ и о гре́шных лю́дех моли́тву всегда́ возноси́вый,/ сам от Христа́ возлю́блен был еси́,/ Иоаса́фе святи́телю:/ помина́й нас, по́двиги твоя́ почита́ющих,/ и моли́тву сотвори́ ко Го́споду/ спасти́ и просвети́ти ду́ши на́ша.
Кто исчи́слит мно́жество исцеле́ний,/ от чудотво́рных моще́й твои́х источа́емых, уго́дниче Христо́в?/
Кто не подиви́тся вели́кому твоему́ заступле́нию?/ Ко́е ли се́рдце челове́ческое любо́вию твое́ю не умили́тся?/ Ди́вно просла́вися в тебе́ Госпо́дь,// просвеща́яй и спаса́яй ду́ши на́ша.
Сла́ва, глас 6:
О́трочеству твоему́ наче́ншуся, преподо́бне,/ под кров Влады́чицы прия́т был еси́,/ я́коже роди́тель твой виде́нием в том уве́рися;/ сконча́вшуся же земно́му житию́ твоему́,/ ино́е виде́ние лю́ди уверя́ет,/ я́ко дух твой просла́влен есть от Бо́га./ Тому́ и о нас моли́ся, святи́телю Христо́в,// поми́ловатися душа́м на́шим.
И ны́не, Богоро́дичен, глас то́йже:
Богоро́дице, Ты еси́ лоза́ и́стинная,/ возрасти́вшая нам Плод живота́,/ Тебе́ мо́лимся: моли́ся, Влады́чице,/ со святы́ми апо́столы,// поми́ловати ду́ши на́ша.
На стихо́вне стихи́ры, глас 2.
Подо́бен: До́ме Евфра́фов:
Иоаса́фе, святи́телю Бо́жий,/ моли́твы непреста́нныя кади́ло/ и предста́телю о лю́дех тепле́йший,/ и нас, пою́щих тя, не отри́ни,// но помо́щник бу́ди нам при́сный.
Стих: Блаже́н муж, боя́йся Го́спода,/ в за́поведех Его́ восхо́щет зело́.
Воспои́м, бра́тие,/ уго́дника Христо́ва Иоаса́фа,/ того́ подвиза́юще на моли́тву/ от бед изба́витися нам// и дарова́тися нам пре́жде конца́ покая́нию.
Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.
Не довле́ют тебе́, святи́телю Христо́в,/ челове́ческая благохвале́ния,/ зане́ от Пречи́стыя Богоро́дицы/ во млады́х ле́тех твои́х.// я́ко избра́нник Бо́жий свиде́тельствован был еси́.
Сла́ва, глас 6:
Преподо́бне о́тче,/ во всю зе́млю изы́де веща́ние исправле́ний твои́х,/ те́мже на Небесе́х обре́л еси́ мзду трудо́в твои́х,/ де́монская разори́л еси́ по́лчища/ и дости́гл еси́ чино́в а́нгельских,/ и́хже житию́ непоро́чно поревнова́л еси́./ Дерзнове́ние име́я ко Христу́ Бо́гу,// мир испроси́ душа́м на́шим.
И ны́не, Богоро́дичен, глас то́йже:
Вели́ких дарова́ний, Чи́стая Де́во Богома́ти, Ты сподо́билася еси́:/ я́ко родила́ еси́ пло́тию Еди́наго от Тро́ицы Христа́ Жизнода́вца,/ во спасе́ние душ на́ших.
Тропа́рь пи́сан на вели́цей вече́рни.
На вели́цей вече́рни
Блаже́н муж: 1-й антифо́н.
На Го́споди, воззва́х: стихи́ры на 8, глас 8:
Ди́вен Бог во святы́х Свои́х,/ в ро́дех христиа́нских чудоде́йствуяй/ и но́выя избра́нники Своя́ явля́яй:/ зрим бо и ны́не Иоаса́фа уго́дника/ от Христа́ прославля́ема,/ и красото́ю доброде́телей свои́х страну́ на́шу озаря́юща,/ и дерзнове́ние ве́лие иму́ща/ мир вселе́нней дарова́ти// и душа́м на́шим ве́лию ми́лость.
Лик святы́х Твои́х, Го́споди, на Небеса́х умно́жися/ преставле́нием святи́теля Твоего́ Иоаса́фа,/ его́же и на земли́ Це́рковь воспева́ет:/ того́ у́бо моли́твы о нас приими́, Человеколюбче,// я́ко име́яй ве́лию ми́лость.
Нощне́й тьме огустева́ющей,/ умножа́ется зве́здный блеск/ и к тому́ о́чи заблу́ждших ра́достно возво́дятся;/ та́ко и умно́жившейся на земли́ грехо́вней тьме,/ возведе́м горе́ о́чи на́ши, бра́тие,/ и, сия́ние доброде́телей святи́теля узре́вше,/ к Небе́сному Оте́честву потщи́мся,/ его́же да не лиши́т Госпо́дь нас, гре́шных,// име́яй ве́лию ми́лость.
Глас 5:
Подо́бен: Ра́дуйся:
Ра́дуйся, свяще́нная главе́,/ святи́телю Бо́жий Иоаса́фе,/ па́стырей богому́дрое пра́вило/ и и́ноков наста́вниче предо́брый;/ ра́дуйся, боля́щих цели́телю пресла́вный/ и скорбя́щих уте́шителю ми́лостивый./ Моли́ся при́сно ко Го́споду/ и нам подража́телем тебе́ бы́ти/ и, грехо́вная вся презре́вшим,// Еди́ному Бо́гу рабо́тати.
Ра́дуйся, страсте́й сопротивобо́рче/ и духовнаго де́лания тру́дниче;/ ра́дуйся, пра́ведниче, смиренному́дрия испо́лненный,/ го́рдых ми́ра сего́ обличи́телю/ и лени́вых гро́зный кара́телю./ Не преста́й моля́ся ко Го́споду о нас,// во е́же спасти́ся нам.
Ра́дуйся, Небе́сный жи́телю,/ на зе́млю ми́лостивным о́ком призира́яй/ и моли́твы певцо́в твои́х прие́мляй;/ ра́дуйся, очеса́ твоя́ всегда́ на Не́бо возводи́вый/ и о земны́х стяжа́ниих небреги́й./ Научй у́бо и нас, святи́телю Христо́в,/ на Небесе́х сокро́вище стяжа́ти// и твою́ та́мо сла́ву я́ве узре́ти.
Сла́ва, глас 2:
Ки́ими похва́льными венцы́/ увенча́ем святи́теля Христо́ва,/ Госпо́дню сла́ву непреста́нно возвеща́вшаго/ и благоче́стие пра́вое повсю́ду насади́вшаго,/ за́поведей Христо́вых живу́ю скрижа́ль,/ на ли́ца челове́ков не взира́вшаго,/ но ду́ши всех ко спасе́нию приводи́вшаго;/ сего́ бо венцы́ нетле́нными венча́ет Христо́с Бог наш,// име́яй ве́лию ми́лость.
И ны́не, Богоро́дичен, глас то́йже: Пре́йде сень зако́нная:
Вход. Проки́мен дне и чте́ния три святи́тельская.
При́тчей чте́ние: Па́мять пра́веднаго с похвала́ми:
Прему́дрости Соломо́новы чте́ние: Уста́ пра́веднаго ка́плют прему́дрость: Прему́дрости Соломо́новы чте́ние: Похваля́ему пра́веднику, возвеселя́тся лю́дие: (зри страни́цы 205–208).
На лити́и стихи́ра хра́ма. И свята́го, глас 1:
Подоба́ше непоро́чно соблюде́нному святи́теля де́вственному те́лу/ и нетле́нием ве́чным просла́витися:/ сие́ бо, доброде́тельми преподо́бнаго очища́емо,/ еще́ жи́ву ему́ су́щу,/ храм Свята́го Ду́ха быва́ет/ и по преставле́нии его́ исто́чите чуде́сных дарова́ний явля́ется,/ и́мже со умиле́нием дивя́щеся,/ ко уго́днику вознесе́м моли́тву// о спасе́нии душ на́ших.
Сла́ва, глас 6:
Ди́вный во святы́х Госпо́дь/ в житии́ святи́теля Иоаса́фа просла́вися,/ и по преставле́нии его́ нетле́нными мощми́ чудоде́йствует,/ и безчи́сленныя лю́ди/ ве́ровати и упова́ти на по́мощь Небе́сную науча́ет./ Потщи́мся у́бо, о бра́тие,/ е́же еди́но на потре́бу иска́ти,/ и ду́ши на́ша покая́нием очища́ти,/ святи́теля в по́мощь призыва́юще,// и в Тро́ице воспева́емаго Бо́га прославля́ти во ве́ки.
И ны́не, Богоро́дичен, глас то́йже: Творе́ц и Изба́витель:
На стихо́вне стихи́ры, глас 7:
Украси́теся, черто́зи Небе́снии,/ отве́рзитеся, две́ри до́му Бо́жия:/ се бо от земли́ вознесе́ся пра́ведная душа́ святи́теля/ и со А́нгелы водворя́ется,/ и́мже житие́м свои́м поревнова́./ Того́ моли́твами, Христе́ Бо́же,// пощади́ и спаси́ ду́ши на́ша.
Стих: Честна́ пред Го́сподем/ смерть преподо́бных Его́.
Пра́ведных ду́ши в руце́ Бо́жией,/ и не ко́снется их му́ка,/ но и ме́ртвенное те́ло пра́веднаго Иоаса́фа/ тле́нию неприча́стно пребыва́ет/ и растле́нным грехми́ душа́м исто́чник благода́ти явля́ется,/ еще́ же и боля́щим здра́вие да́рует,/ егда́ моли́тв уго́дника Бо́жия воспро́сят/ и к нему́ с ве́рою притека́ют.
Стих: Что возда́м Го́сподеви о всех,/ я́же воздаде́ ми?
Поревну́им о благоче́стии, бра́тие,/ зрим бо сие́ ве́чною сла́вою венча́емо:/ возненави́дим горды́ню и сребролю́бие,/ я́ко, та́я отри́нув, святи́тель Христо́в/ на Небеси́ и на земли́ ве́чную сла́ву прия́т/ и сокро́вище обре́те неиждива́емое;/ те́мже и о гре́шных лю́дех моли́тися дерзнове́ние/ и исцеле́ний благода́ть от Бо́га стяжа́,/ да и беззаконныя путе́м Бо́жиим научи́т,/ и нечести́выя ко Го́споду обрати́т.
Сла́ва, и ны́не, Богоро́дичен, глас то́йже: Под кров Твой, Влады́чице:
Тропа́рь, глас 3:
Святи́телю, Христу́ Бо́гу возлю́бленне,/ пра́вило ве́ры и о́браз милосе́рдия лю́дем был еси́,/ бде́нием же, посто́м и моли́твою,/ я́ко свети́льник пресве́тлый, просия́л еси́/ и просла́влен от Бо́га яви́лся еси́:/ те́лом у́бо в нетле́нии почива́я,/ ду́хом же Престо́лу Бо́жию предстоя́,/ чудеса́ пресла́вная источа́вши./ Моли́ Христа́ Бо́га,/ да утверди́т нас в Правосла́вии и благоче́стии/ и спасе́т ду́ши на́ша.
Ин тропа́рь, глас 2:
Моли́твенниче изде́тска преизря́дный,/ богоизбра́нный святи́телю Христо́в Иоаса́фе,/ пра́вило ве́ры и о́браз милосе́рдия благоче́стным житие́м всем явля́вши/ и с ве́рою к тебе́ притека́ющим оби́льно исцеле́ния источа́вши./ Моли́ Христа́ Бо́га,/ да утверди́т правове́рие, мир и благоче́стие/ и спасе́т ду́ши на́ша.
Сла́ва, и ны́не, Богоро́дичен.
На у́трени
На Бог Госпо́дь: тропа́рь свята́го, два́жды. Сла́ва, и ны́не, Богоро́дичен.
По 1-м стихосло́вии седа́лен, глас 4:
Да возвели́чится Иоаса́ф, святи́тель Христо́в,/ да насле́дит угото́ванное ему́ ве́чное Ца́рство:/ той бо Христу́ ве́рно служа́ше, о ме́ньшей бра́тии Его́ при́сно пеки́йся,/ и ка́ющияся в любо́вь свою́ приима́ше,/ и ны́не мо́лится о душа́х на́ших.
Сла́ва, и ны́не, Богоро́дичен:
Те́плое заступле́ние су́щим в беда́х, и Помо́щницу на́шу,/ и к Бо́гу примире́ние, Е́юже от тли изба́вихомся,/ Богоро́дицу, ве́рнии, ублажа́ем.
По 2-м стихосло́вии седа́лен, глас 8:
В житии́ твое́м, уто́дниче Христо́в, посто́м и труды́ те́ло твое́ изнури́л еси́,/ сего́ ра́ди по сме́рти твое́й нетле́нием процвете́ и исто́чник исцеле́ний ве́рным быва́ет./ Моли́ приле́жно Христа́ Бо́га спасти́ся душа́м на́шим.
Сла́ва, и ны́не, Богоро́дичен:
Я́ко всенепоро́чная Неве́ста Творца́,/ я́ко неискусому́жная Ма́ти Изба́вителя,/ я́ко вмести́лище Вы́шняго су́щи, Всепе́тая,/ беззако́ний мя су́ща скве́рное жили́ще и в ра́зуме бы́вша бесо́м игра́лище/ потщи́ся от сих злоде́йствия мя изба́вити, све́тлое жили́ще доброде́телию соде́лавши;/ Светоприе́мнице нетле́нная, отжени́ о́блак страсте́й/ и сподо́би го́рния све́тлости и неле́стнаго осия́ния Све́та Невече́рняго Твоего́.
По полиеле́и седа́лен, глас 2:
Прииди́те, вси ве́рнии, почита́юще па́мять святи́теля Иоаса́фа,/ излие́м сердца́ на́ша в моли́тве,/ да пребу́дет с на́ми ду́хом свои́м, и на блага́я дея́ния да наста́вит нас,/ и да научи́т искуше́ния пло́ти побежда́ти и Еди́ному Бо́гу угожда́ти.
Сла́ва, и ны́не, Богоро́дичен:
Боже́ственнаго Естества́ не отлу́чься, Плоть бысть во чре́ве Твое́м,/ но Бог и вочелове́чься пребы́сть,/ Иже по рождестве́ Ма́терь Тя Де́ву, я́коже пре́жде рождества́, сохрани́ всенепоро́чну, Еди́н Госпо́дь./ Того́ приле́жно моли́ дарова́ти нам ве́лию ми́лость.
Степе́нна, 1-й антифо́н 4-го гла́са. Проки́мен, глас 4:
Уста́ моя́ возглаго́лют прему́дрость// и поуче́ние се́рдца моего́ ра́зум. Стих: Услы́шите сия́, вси язы́цы, внуши́те, вси живу́щии по вселе́нней. Вся́кое дыха́ние: Ева́нгелие от Иоа́нна, зача́ло 36.
По 50-м псалме́ стихи́ра, глас 6:
Непреста́нною моли́твою, учи́тельным сло́вом,/ вели́ким милосе́рдием и доброде́тельным житие́м/ о́браз ве́рным был еси́, богому́дре Иоаса́фе,/ всех ко Христу́ приводя́ и на путь спасе́ния наставля́я;/ твоего́ пастыренача́льства не лиши́ и нас, вели́кий святи́телю Бо́жий,/ почита́ющих па́мять твою́ ве́рно.
Кано́н Богоро́дицы на 6 и свята́го на 8.
Кано́н святи́телю Иоаса́фу, его́же краегране́сие:
Иоаса́фе святи́телю, моли́ся о царе́ и лю́дех.
Глас 4.
Песнь 1
Ирмо́с: Триста́ты кре́пкия,/ Рожде́йся от Де́вы,/ безстра́стия во глубине́/ души́ трича́стное потопи́, молю́ся,/ да Тебе́, я́ко в тимпа́не,/ во умерщвле́нии телесе́// побе́дное воспою́ пе́ние.
Иоаса́фа святи́теля воспева́юще по́двиги, очи́стим по́мыслы ума́ на́шего, бра́тие,/ того́ подвиза́юще на моли́тву о проще́нии грех на́ших/ и благода́тнаго умиле́ния дарова́нии.
О твое́м благоче́стии измла́да потща́вшеся, роди́телие твои́, уго́дниче Христо́в,/ досто́йную мзду трудо́в свои́х в тебе́ стяжа́ша,/ я́ко от младе́нчества твоего́ благочести́вым нра́вом ра́дость тем был еси́.
А́нне пра́ведней уподо́бися оте́ц твой, святи́телю:/ та бо Дщерь свою́ во Свято́е Святы́х вводи́му ви́де,/ сей же тя от Тоя́жде Пресвяты́я Богоро́дицы архиере́йскою сла́вою венча́нна/ в виде́нии чу́днем позна́ти сподо́бися. Себе́ сама́го пла́чу окая́нный аз, от ю́ности страстя́м порабо́тився:/ поми́луй мя предста́тельством твои́м, святи́телю,/ от ю́ности стра́сти порабо́тивый и еди́ному Бо́гу до сме́рти послужи́вый.
Богоро́дичен: Го́ру святу́ю, превы́шнее носи́ло,/ Ма́терь Бо́жию и Де́ву и́стинную по рождестве́ воспои́м.
Катава́сия 4-го сентября́: Крест начерта́в, Моисе́й:
10-го декабря́; Спасе́ лю́ди чудоде́йствуяй Влады́ка: или́: Христо́с ражда́ется:
Песнь 3
Ирмо́с: С высоты́ снизше́л еси́ во́лею на зе́млю,/ превы́ше вся́каго нача́ла,/ и смире́нное возне́сл еси́ из а́да преиспо́дняго/ естество́ челове́ческое:// несть бо свят па́че Тебе́, Человеколю́бче.
А́ще и ча́до послу́шное роди́телем твои́м был еси́, Иоаса́фе,/ но, Го́спода па́че сих возлюби́в, из оте́ческаго до́ма спасе́ния ра́ди удали́лся еси́/ и, науче́ние кни́жное восприи́м, во оби́тель и́ноческую себе́ заключи́л еси́.
Фариее́йскаго возноше́ния чужд яви́лся еси́, о́тче преподо́бне,/ мона́шеское же смире́ние от ю́ности возлюби́в, та́йными по́двиги плоть смиря́л еси́/ и ду́шу твою́ моли́твою пред Отцо́м Небе́сным просвеща́л еси́.
Е́же жи́ти ми Христо́с, и смерть приобре́тение,/ глаго́лал еси́ в себе́, Христо́в уго́дниче,/ и, боле́знем плоть твою́ сокруша́ющим, труды́ ко трудо́м Го́спода ра́ди прилага́л еси́.
Свято́е послуша́ние восприи́м и свяще́нства оде́ждою укра́шен,/ Иоаса́ф, уго́дник Христо́в, учи́тель добр отроко́м быва́ет,/ сло́вом и житие́м тех благоче́стию науча́я и во млады́х ле́тех ум зре́лый явля́я.
Богоро́дичен: Неискусобра́чная, Бо́га пло́тию ро́ждшая,/ стра́стными прило́ги преклоне́на мя утверди́:/ несть бо, Чи́стая, ра́зве Тебе́ помо́щница.
Седа́лен, глас 6:
Ка́я доброде́тель не обре́те в души́ твое́й обита́лища?/ Ко́его по́двига не был еси́ побо́рник?/ Нищета́ бо духо́вная, и о Ца́рствии Небе́снем плач, и нра́ва кро́тость, и пра́вды иска́ние,/ и ко бли́жним милосе́рдие, и се́рдца чистота́ во твое́м непоро́чнем житии́ просия́ша./ Тех у́бо дарова́ний о́бщники ны, моля́щияся, сотвори́/ и о душа́х на́ших предста́тель бу́ди, Иоаса́фе, избра́нниче Бо́жий.
Сла́ва, и ны́не, Богоро́дичен:
Благослове́нную нареки́й Твою́ Ма́терь,/ прише́л еси́ на Страсть во́льным хоте́нием,/ возсия́в на Кресте́, взыска́ти хотя́ Ада́ма, глаго́ля А́нгелом:/ сра́дуйтеся Мне, я́ко обре́теся поги́бшая дра́хма./ Вся му́дре устро́ивый, Бо́же наш, сла́ва Тебе́.
Песнь 4
Ирмо́с : Седя́й в сла́ве/ на Престо́ле Божества́,/ во о́блаце ле́гце/ прии́де Иису́с Пребоже́ственный/ нетле́нною дла́нию/ и спасе́ зову́щия:// сла́ва, Христе́, си́ле Твое́й.
Вем и аз путь, ко спасе́нию веду́щий,/ но ле́ности пло́ти моея́ не побежда́ю, увы́ мне!/ Сего́ ра́ди тя, святи́телю, призыва́ю в моли́тву,/ да жела́ние спасе́ния во мне утверди́ши.
Я́корь спасе́ния име́я наде́жду на Го́спода, служе́ние игу́менское прия́л еси́/ и, к попече́нием о строи́тельстве домо́внем понужда́емь,/ ду́шу твою́ устроя́ти ко спасе́нию не преста́л еси́;/ сему́ и мене́, многосу́етнаго, науча́й, о́тче преподо́бне.
Труды́ ко трудо́м прилага́я и оби́тель Лу́бенскую от разруше́ния воздвиза́я,/ по земли́ же Росси́йстей за ми́лостынею стра́нствуя,/ святи́тель Иоаса́ф цари́цу во благоче́стии утвержда́ет/ и вся лю́ди спасе́нию душ науча́ет.
Име́я в се́рдце свое́м при́сную к нйи́щим любо́вь,/ Иоаса́ф, Христо́в уго́дник, оте́ческое попече́ние о монасты́рских тру́дницех явля́ет/ и от доста́тка своего́ щедро́ты бли́жним свои́м отверза́ет.
Богоро́дичен: Госпоже́ Всепе́тая, Богороди́тельнице,/ моя́ помышле́ния Твои́ми моли́твами очи́стивши,/ покажи́ мя благопло́дна, Ма́ти всех Бо́га.
Песнь 5
Ирмо́с: Ны́не воста́ну, проро́чески рече́ Бог,/ ны́не просла́влюся, ны́не вознесу́ся,/ па́дшаго прие́м от Де́вы// и к Све́ту у́мному вознося́й Моего́ Божества́.
Тебе́, святи́телю Христо́в, молю́ в сокруше́нии се́рдца:/ я́коже в житии́ твое́м ка́ющияся проща́л еси́,/ та́ко, и моего́ се́рдца сокруше́ние зря,/ умоли́ Го́спода грехо́м мои́м проще́ние дарова́ти.
Еле́нь на исто́чники водны́я устремля́ется,/ ты же, уго́дниче, ко сла́ве Це́ркве Христо́вы вся дея́ния и по́мыслы твоя́ при́сно устремля́л еси́/ и та́ко оби́тели святи́теля Афана́сия и преподо́бнаго Се́ргия/ ели́ко строе́нием церко́вным, толи́ко и благоче́стием бра́тии украси́л еси́.
Лю́дие, слы́шите и чуди́теся уго́дника смиренному́дрию,/ сей бо свята́го Афана́сия в виде́нии зрит и тому́ вопроси́вшу отвещава́ет:/ хощу́, да мене́, я́коже гре́шника, нака́жеши.
Ю́наго Соломо́на, не бога́тства, но му́дрости от яви́вшагося Го́спода прося́ща,/ похваля́ет Вы́шний и вселе́нная при́сно прославля́ет,/ но того́ мудре́йший Иоаса́ф показу́ется,/ наказа́ния грехо́м свои́м от я́вльшагося святи́теля испроша́я.
Богоро́дичен: Воплоти́ся Бог по Ипоста́си, Чи́стая,/ из Тебе́ пло́ти соединя́емь, пребы́в неизме́нен,/ по Боже́ственному Существу́ безпло́тен.
Песнь 6
Ирмо́с : Возопи́, прообразу́й погребе́ние тридне́вное,/ проро́к Ио́на, в ки́те моля́ся:// от тли изба́ви мя, Иису́се, Царю́ Сил.
Моли́твами преподобнаго Се́ргия,/ твои́ми же труды́ во сла́ву святы́х Бо́жиих, па́че же се́рдца чистото́ю/ от Го́спода еще́ на земли́ возвели́чен был еси́, уго́дниче,/ и святи́тельским са́ном во спасе́ние па́ствы твоея́ облече́н был еси́.
О́гненную ре́вность о испра́влении церко́внем/ явля́л еси́ в Белогра́дстем преде́ле, Иоаса́фе святи́телю;/ те́мже и днесь подава́й Це́ркви мир, ве́рным утвержде́ние.
Любве́ сыно́вния не отпа́л еси́, на высоте́ святи́тельства пребыва́я,/ и роди́телю твоему́ земно́е поклоне́ние возда́л еси́, Христу́ посреде́ вас су́шу;/ у́бо и мое́ смири́ прего́рдое се́рдце и моли́твами твои́ми вразуми́ мя.
И́нок нестяжа́телен на престо́ле архиере́йетва пребы́л еси́, святи́телю,/ по́двиги поста́ и моли́твы умножа́я, до́брое о себе́ и о лю́дех вознося́ моле́ние,/ иере́и же и вся лю́ди за́поведем Бо́жиим науча́я.
Богоро́дичен: Вся́каго существа́ вы́шшее/ Сло́во Бо́жие воплоще́нно нам родила́ еси́;/ те́мже Богоро́дицу Тя устна́ми и душо́ю пропове́дуем.
Конда́к, глас 8.
Многоразли́чныя по́двиги жития́ твоего́ кто испове́сть?/ Многообра́зныя ма́лости Бо́жия, тобо́ю явле́нныя, кто исчи́слит?/ Дерзнове́ние же твое́ у Преча́стыя Богоро́дицы и Всеще́драго Бо́га до́бре ве́дуще,/ во умиле́нии серде́чнем зове́м ти:/ не лиши́ и нас твоея́ по́мощи и заступле́ния,// святи́телю Христо́в и чудотво́рче Иоаса́фе.
И́кос:
Пречи́стою Богома́терию от ю́ности в сосу́д благода́ти избра́нный,/ благочести́вым житие́м вои́стину до́брый па́стырь слове́сных ове́ц яви́лся еси́, святи́телю:/ те́мже прия́л еси́ дар исцеле́ний от возлюби́вшаго тя Христа́ Бо́га на́шего./ Сего́ ра́ди зове́м ти:/ не лиши́ и нас твоея́ по́мощи и заступле́ния,/ святи́телю Христо́в и чудотво́рче Иоаса́фе.
Песнь 7
Ирмо́с: Ю́ноши три в Вавило́не,/ веле́ние мучи́телево на бу́йство прело́жше,/ посреде́ пла́мене вопия́ху:// благослове́н еси́, Го́споди, Бо́же оте́ц на́ших.
Святи́телю Иоаса́фу диви́мся, о лю́дие,/ ве́дуще сего́, а́ки Никола́я Чудотво́рца, бе́дных хи́жины та́йно посеща́юща,/ или́ тем дрова́ свои́ма рука́ма уготовля́юща,/ и бие́ния от привра́тника прие́млюща.
Я́звы грехо́вныя на душа́х челове́ческих прови́дел еси́, святи́телю,/ и та́йная прегреше́ния их с любо́вию и долготерпе́нием облича́л еси́;/ те́мже и нас моли́твою твое́ю к покая́нию и исправле́нию жития́ приведи́/ и ду́ши на́ша предста́тельством твои́м поми́луй.
О́ному власти́телю уподо́бихся аз, окая́нный,/ и́же, сам беззако́нен быв, ко у́зником зело́ же́сток явля́шеся;/ но я́коже того́ науче́нием твои́м испра́вил еси́, о́тче Иоаса́фе, святи́телю Христо́в,/ та́ко и мене́ науча́ ко бли́жним ми́лостива, к себе́ же же́стока бы́ти.
Царя́ Небе́снаго до́брый во́ине и ста́да Христо́ва ве́рный па́стырю,/ моли́тву сотвори́ о лю́дех твои́х,/ да ти́хое житие́ на земли́ пожи́вше,/ жи́зни ве́чныя на Небесе́х сподо́бимся.
Богоро́дичен: Преве́чно от Отца́ возсия́вша Бо́га Сло́ва/ во утро́бе пло́тию заче́ншую вси ублажа́ем,/ я́ко Ма́терь всех Бо́га.
Песнь 8
Ирмо́с: Изба́вителю всех Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:// вся дела́, благослови́те, по́йте Го́спода.
Афана́сию о́ному, тобо́ю возлю́бленному, подража́тель быв, святи́телю,/ потщи́лся еси́ земно́е житие́ во стра́нничестем по́двизе сконча́ти/ и, кончи́ну свою́ прозре́в, пути́ дале́кому небоя́зненно вда́лся еси́.
Рекл еси́ лю́дем, от па́ствы твоея́ отходя́: не и́мате мене́ жи́ва узре́ти./ Те́мже в зало́г обще́ния та́мо гробни́цу тебе́ устро́ити повеле́л еси́./ И нас у́бо научи́ час сме́ртный па́мятовати/ и о души́ свое́й попече́ние непреста́нно храни́ти.
Ели́ка твоя́ о мона́шестем житии́ бя́ше ре́вность, толи́ка и ко твои́м при́сным любы́:/ зане́ не по пло́ти то́чию свои́ тебе́ бы́ша, но и ду́хом еди́но в Бо́зе с тобо́ю яви́шася./ Того́ ра́ди восхоте́л еси́ роди́тели твоя́ пре́жде кончи́ны твоея́ посети́ти/ и благослове́ние Бо́жие тем препода́ти.
Игу́мен, близ ме́ста твоея́ пра́ведныя кончи́ны подвиза́выйся,/ о часе́ преставле́ния твоего́ виде́нием известву́ется/ и свиде́тель ве́рен о твое́м от Бо́га прославле́нии а́бие быва́ет./ И на мне у́бо твоея́ моли́твы си́лу покажи́, Христо́в уго́дниче,/ и то́ю от мучи́тельства страсте́й свободи́ мя.
Богоро́дичен: Всесвята́я Де́во, Бо́га Сло́ва ро́ждшая пло́тию,/ души́ моея́ мрак Твои́ми моли́твами отгна́вши, просвети́ взыва́юща:/ благослови́те, вся дела́ Госпо́дня, Го́спода.
Песнь 9
Ирмо́с: Рождество́ Твое́ нетле́нно яви́ся:/ Бог из боку́ Твое́ю про́йде,/ я́ко Плотоно́сец яви́ся на земли́/ и с челове́ки поживе́.// Тя, Богоро́дице, тем вси велича́ем.
Любы́ николи́же отпа́дает, глаго́лет Боже́ственный Дух./ И́стина сия́ в чудесе́х любве́ твоея́ извести́ся, святи́телю Христо́в,/ я́ко боля́щим исцеле́ние и скорбя́щим утеше́ние от твои́х нетле́нных моще́й источа́вши.
Ю́жский Росси́йския земли́ преде́л благодаре́ний о чудесе́х твои́х испо́лнися издре́вле,/ ны́не же и от да́льних стран се́верных притека́ющия зрим/ и исцеле́нныя страда́льцы, о твое́м заступле́нии ра́дующияся.
Де́ти стра́ждущия па́че ины́х возлюби́л еси́, святи́телю Христо́в,/ тем исцеле́ния и благода́тную по́мощь умножа́я/ и роди́тели их от ско́рби к ра́дости пременя́я.
Елиссе́я проро́ка косте́й прикоснове́нием воста́ уме́рый,/ твои́х же моще́й целова́нием безчи́сленнии исцели́шася лю́дие./ И мене́ у́бо припа́дающа исцели́ от грехо́вных страсте́й/ и ве́ру укрепи́ многогре́шныя души́ моея́, о́тче преподо́бне.
Христе́ Бо́же, моли́твами Иоаса́фа, уго́дника Твоего́,/ мир Це́ркви пода́ждь и благостоя́ние,/ от гла́да же и па́губы избавле́ние и согреше́ний на́ших проще́ние.
Богоро́дичен: Плод чре́ва Твоего́, Ра́дость ро́ждшая,/ соде́я ликостоя́теля песнь пе́ти Тебе́ велегла́сно:/ ра́дуйся, провещава́ше.
Свети́лен.
Подо́бен: Жены́, услы́шите:
Свети́льник све́тлый Иоаса́ф да воспое́тся посреде́ Це́ркве,/ я́ко и́нок преподо́бен и святи́тель че́стен,/ нему́дрых наказа́тель и ве́ры учи́тель,/ боля́щих врач чудотворя́й, бесо́в изгони́тель/ и о вселе́нней предста́тель тепле́йший.
Сла́ва, и ны́не, Богоро́дичен:
Ве́лие и пресла́вное Рождества́ Твоего́ та́инство, Богора́дованная Отрокови́це и Богома́ти Де́во,/ проро́цы пропове́даша, апо́столи научи́ша, му́ченицы испове́даша,/ А́нгели же воспева́ют, и челове́цы покланя́ются.
На хвали́тех стихи́ры на 4, глас 4.
Подо́бен: Яко до́бля:
Святи́теля Госпо́дня о́браз/ целу́юще, ве́рнии,/ очи́стим себе́ от скве́рны/ пло́ти и ду́ха/ и па́мятию чуде́с его́/ сердца́ на́ша умили́м,/ в покая́нии те́пле зову́ще Христу́:/ Го́споди, уго́дника Твоего́ моли́твами/ вложи́ в нас тому́ подража́ти жела́ние.
Никто́же тощ от Тебе́ исхо́дит,/ святи́телю Бо́жий Иоаса́фе,/ и исцеле́ние те́ла и души́ освяще́ние/ всяк прие́млет,/ а́ще с ве́рою по́мощь твою́ призове́т/ и, о гресе́х свои́х покая́ние принося́,/ житие́ свое́ испра́вити потщи́тся./ Тому́ у́бо и нас научи́, свя́те,// и моли́тву сотвори́ о спасе́нии душ на́ших.
Слеза́ми умиле́ния/ ли́ца своя́ ороша́юще, ве́рнии,/ целу́им уго́дника о́браз честны́й,/ я́ко ре́ку чуде́с и исцеле́ний исто́чник неоску́дный,/ я́ко Боже́ственныя си́лы зна́мение ясне́йшее,/ е́же в на́ша малове́рная времена́/ в сердца́х ве́ру умножа́ет,/ неве́рныя же к ве́ре возво́дит// и святи́теля Бо́жия чти́ти всех науча́ет.
Сла́ва, глас 8:
О, пресла́внаго чудесе́!/ О, Боже́ственнаго к нам гре́шным долготерпе́ния!/ я́ко умно́жившимся собла́зном на земли́ и ве́ре зело́ ума́ленней,/ чуде́сная умножа́ются святи́теля исцеле́ния./ Зри́те у́бо, лю́дие росси́йстии/ и вся ве́рная Христо́вы Це́ркве ча́да,/ коли́ко мо́жет моли́тва пра́веднича,/ ка́ко дре́вних чуде́с подо́бие днесь нам явля́ется./ Сла́ва Тебе́, Христе́ Бо́же,/ я́ко Ты еси́ святы́ми чудоде́йствуяй;/ сотвори́ ны досто́йны толи́кия благода́ти бы́ти,/ слы́шатели и свиде́тели чуде́с свята́го Иоаса́фа су́щия,/ и изба́ви нас от безме́рных грехо́в,// и ра́дость спасе́ния Твоего́ пода́ждь нам.
Ины́не, Богоро́дичен, глас то́йже:
Влады́чице, приими́ моли́твы раб Твои́х,// и изба́ви нас от вся́кия ну́жды и печа́ли.
Славосло́вие вели́кое, и отпу́ст.
На Литурги́и слу́жба вся святи́тельская.
Пра́зднование Пресвяте́й Влады́чице Богоро́дице ра́ди ико́ны Ей, имену́емыя «Неопали́мая Купина́»
На вече́рни
На Го́споди, воззва́х: стихи́ры на 8, глас 2.
Подо́бен: Егда́ от Дре́ва:
Прииди́те, ве́рнии, с любо́вию к горе́ святе́й/ и та́мо у́зрим виде́ние Боже́ственное,/ его́же вели́кий во проро́цех Моисе́й Богови́дец нам та́инственно возвеща́ет,/ ка́ко купина́ горя́ше огне́м и неопали́ма бысть,/ сим проявля́ющи обра́зно ве́лию и непостижи́мую та́йну/ безсе́меннаго Рождества́ Твоего́, Богоро́дице./ Я́ко Огнь Божества́ неопали́мо в ложесна́х Твои́х вмести́ла еси́/ и по Рождестве́ ключи́ де́вства невреди́мо сохрани́ла еси́./ Те́мже ублажа́ем Тя вси ро́ди,// я́ко ро́ждшую Спа́са и Изба́вителя душ на́ших.
Пребыва́вши в Рождестве́ и по Рождестве́ Де́ва,/ огне́м неопали́мыя купины́ дре́вле прообразова́нная Моисе́ови, Богороди́телънице,/ и созыва́вши ве́рных собо́ры/ ико́ны Твоея́ честно́е явле́ние благохвали́ти в пе́снех духо́вных./ Я́ко в ней зало́г благоволе́ния Твоего́ ро́ду христиа́нскому дарова́ла еси́/ в покро́в и защи́ту от о́гненнаго запале́ния и молниено́снаго гро́ма./ Се бо и на ико́не зря́ще Тя, в подо́бии неопали́мыя купины́ изображе́нную,/ да́ры бла́гости Твоея́ от нея́ неоску́дно прие́млем/ и Тя ублажа́ем по до́лгу,// я́ко ро́ждшую Спа́са и Изба́вителя душ на́ших.
Пла́мень страсте́й на́ших угаша́еши моли́твою Твое́ю, Богоро́дице Де́во,/ предста́тельствующи за нас непреста́нно у Престо́ла Сы́на Твоего́ и Бо́га на́шего,/ я́ко вои́стину ве́лие дерзнове́ние и́маши к Нему́/ и ничто́же невозмо́жно есть хода́тайству Твоему́./ Ибо само́й ико́не Твое́й дарова́ Он си́лу Боже́ственную/ соверша́ти мно́гая и преди́вная чудеса́,/ си́ми уверя́я нас,/ я́ко никто́же прибега́яй к покро́ву заступле́ния Твоего́ посра́млен оты́дет./ Сего́ ра́ди пое́м моли́тв Твои́х си́лу/ и ублажа́ем Тя, Наде́жде христиа́н,/ ро́ждшую Спа́са и Изба́вителя душ на́ших.
Пода́ждь по́мощь Твою́ держа́вную нам, Богоро́дице,/ егда́, грех ра́ди на́ших,/ о́гненнаго запале́ния наказа́ние на нас прии́дет внеза́пно/ или́ гро́ми и мо́лнии с небесе́ нас устраша́т./ Тогда́ ико́ною Твое́ю свято́ю нас защити́ и изба́ви/ и яви́ся Утоли́тельница гне́ва Бо́жия, на нас пра́ведно подви́женнаго./ Мно́го бо мо́жет Ма́терняя моли́тва ко Творцу́,/ и всеси́льно хода́тайство Твое́ пред Лице́м Всевы́шняго,/ Его́же умоля́ти не преста́й за род христиа́нский,/ я́же в пе́снех немо́лчных ублажа́ет Тя,// ро́ждшую Спа́са и Изба́вителя душ на́ших.
Сла́ва, и ны́не, глас то́йже: Пре́йде сень зако́нная:
Вход. Проки́мен дне. Чте́ния три.
Бытия́ чте́ние: Изы́де Иа́ков от студенца́ клятвеннаго: (зри страни́цы 233–234).
Исхо́да чте́ние (глава́ 3):
Вни́де Моисе́й в го́ру Бо́жию Хори́в./ Яви́ся же ему́ А́нгел Госпо́день в пла́мени о́гненне из купины́,/ и ви́де, я́ко купина́ горя́ше огне́м и купина́ не сгара́ше./ Рече́ же Моисе́й:/ прише́д узрю́ виде́ние вели́кое сие́,/ что я́ко не сгара́ет купина́?/ Я́коже ви́де Госпо́дь, я́ко приступа́ет ви́дети,/ призва́ его́ Госпо́дь из купины́, глаго́ля: Моисе́е, Моисе́е!/ Он же рече́: что́ есть?/ И рече́: не прибли́жися се́мо,/ иззу́й сапо́г от ногу́ твое́ю,/ ме́сто бо, на не́мже ты стои́ши, земля́ свята́ есть./ И рече́ ему́:/ Аз есмь Бог отца́ твоего́,/ Бог Авраа́мов, и Бог Исаа́ков, и Бог Иа́ковль./ Отврати́ же Моисе́й лице́ свое́,/ стыдя́ше бо ся зре́ти пред Бо́гом./ Рече́ же Госпо́дь к Моисе́ю:/ ви́дя ви́дех озлобле́ние люде́й Мои́х, и́же во Еги́пте,/ и вопль их услы́шах от наси́льствующих в де́лех;/ вем бо боле́знь их, и снидо́х, е́же изъя́ти их от руки́ еги́птян,/ и извести́ их от земли́ о́ныя,/ и ввести́ их в зе́млю бла́гу и мно́гу,/ в зе́млю, точа́щу мед и млеко́.
Проро́чества Иезеки́илева чте́ние: Та́ко глаго́лет Госпо́дь: бу́дет от дне осма́го и про́чее: (зри страни́цу 234).
На лити́и стихи́ры, глас 6. Самогла́сны:
Я́ко вои́стину дре́вняго киво́та честне́йшая/ яви́ся свята́я ико́на Твоя́, Богородице Влады́чице,/ на не́йже боже́ственнаго ли́ка Твоего́ подо́бие созерца́ем./ На руку́ бо Твое́ю Богомладе́нца Предве́чнаго,/ Го́спода Иису́са Христа́, держи́ши,/ Ангелов и челове́ков Творца́,/ и всему́ ми́ру явля́вши/ из Тебе́ безсе́менно вопло́щшагося Бо́га Сло́ва,/ Ему́же раболе́пно кла́няющеся,/ песносло́вим Тя, вои́стину Богоро́дицу,/ и мо́лим Ти ся приле́жно:/ умири́ мир и спаси́ ду́ши на́ша/ Ма́терним предста́тельством Твои́м к Ро́ждшемуся от Тебе́,// еди́на Благослове́нная.
Предстоя́т честне́й ико́не Твое́й христолюби́вии лю́дие/ и с любо́вию ей покланя́ются, Богоро́дице Влады́чице,/ почерпа́юще оби́льныя от нея́ да́ры щедро́т Твои́х:/ в неду́зех врачество, в беда́х избавле́ние,/ в ско́рбех утеше́ние,/ и́бо всем вся блага́я и душеполе́зная да́руеши/ с ве́рою прося́щим пред пречи́стым о́бразом Твои́м./ Сего́ ра́ди се́рдцем и усты́ благогове́йно лобыза́ем/ Боже́ственнаго ли́ка Твоего́ подо́бие/ и мо́лим Ти ся приле́жно:/ умири́ мир и спаси́ ду́ши на́ша/ всеси́льными моли́твами Твои́ми к Ро́ждшемуся от Тебе»,// еди́на Благослове́нная.
Пе́рвее написа́вшейся ико́не Твое́й/ боже́ственным Евангели́стом Луко́ю/ и к Тебе́ принесе́нней, Богоро́дице Влады́чице,/ благоволи́ла еси́ о ико́не сей, я́ко ми́лостива су́щи,/ и, благослови́вши ю,/ рекла́ еси́ со вла́стию:/ с сим о́бразом благода́ть Моя́ и си́ла./ И воспе́ла еси́, ра́дующися,/ я́коже и Бо́га внегда́ носи́ла еси́ во чре́ве,/ песнь проро́ческую:/ се́ от ны́не ублажа́т Мя вси ро́ди./ Те́мже, ви́дяще с гла́сом де́йство чуде́с мно́жества,/ от ико́ны Твоея́ явле́нное и присноявля́емое по всей вселе́нней,/ немо́лчными славословле́нии Тя ублажа́ем/ и мо́лим Ти ся приле́жно:/ умири́ мир и спаси́ ду́ши на́ша/ благоприя́тным хода́тайством Твои́м к Ро́ждшемуся от Тебе́,// еди́на Благослове́нная.
Гора́ еси́ вели́кая и пресла́вная/ па́че горы́ Сина́йския, Богоро́дице Влады́чице:/ та бо, не терпя́щи сни́тия Сла́вы Бо́жия,/ огне́м возгара́шеся, и гро́ми и мо́лнии та́мо бы́ша./ Ты же Огнь Божества́, Бо́га Сло́ва,/ неопа́льно во чре́ве Твое́м вмести́ла еси́/ и млеко́м пита́ла еси́ Пита́теля вселе́нныя./ К Нему́же дерзнове́ние Ма́тернее иму́щи,/ спаса́й от бед ве́рно пра́зднующий Твой честны́й пра́здник,/ в не́мже песносло́вим ми́лости Твой и щедро́ты/ и мо́лим Ти ся приле́жно:/ умири́ мир и спаси́ ду́ши на́ша/ Боже́ственным моле́нием Твои́м к Ро́ждшемуся от Тебе»,// еди́на Благослове́нная.
Сла́ва, и ны́не, глас 8:
Па́че ски́нии Моисе́евы, по о́бразу Небе́сному сотворе́нныя,/ всю Тя Бог освяти́, Богоро́дице,/ и па́че Ааро́ня киво́та испо́лни благода́ти Бо́жия изоби́льно,/ ея́же и ико́на Твоего́ подо́бия прича́стна показа́ся,/ источа́ет бо освяще́ние и цельбу́ душа́м и телесе́м челове́ческим/ и уставля́ет си́лу о́гненную прису́тствием свои́м./ Ейже с любо́вию покланя́ющеся,/ про́сим, Всеблага́я, и вопие́м:/ огня́ вре́меннаго и ве́чнаго изба́ви нас,// Благослове́нная Помо́щнице.
На стихо́вне стихи́ры, глас 6:
Велича́ем Тя, Богоро́дице Де́во,/ возвели́чившую род наш:/ из Тебе́ бо воплоти́ся Изба́витель па́дшаго челове́чества,/ Имже Ада́м и Е́ва кля́твы свободи́шася/ и от мра́чных удо́лий а́дских во Еде́м па́ки введо́шася,/ сый Бог наш,// спаса́яй при́сно Тя велича́ющия.
Стих: Слы́ши, Дщи, и виждь,// и приклони́ у́хо Твое́.
Велича́ем Тя, Богоро́дице Де́во,/ Засту́пницу усе́рдную ро́да христиа́нскаго,/ покро́вом ми́лости Твоей покрыва́ющую всю вселе́нную./ Се бо ико́на Твоя́ свята́я чуде́с мно́жество источа́ет/ и, я́ко у́тварь драга́я, Це́ркви Христо́вой дарова́ся бла́гостию Творца́,/ все́льшагося в Тя пло́тию и просла́вльшаго Тя сла́вою Божества́./ Из Тебе́ бо вои́стину, а не привиде́нием/ воплоти́ся Сый Бог наш,// спаса́яй при́сно Тя велича́ющия.
Стих: Лицу́ Твоему́ помо́лятся// бога́тии лю́дстии.
Велича́ем Тя, Богоро́дице Де́во,/ я́ко одушевле́нный киво́т Божества́,/ пе́нии хвале́бными честву́ем Тя,/ еди́ну Избра́нную и Благослове́нную в жена́х:/ ложесна́ бо Твоя́ престо́л Себе́ сотвори́/ Сый Бог наш,/ спаса́яй при́сно Тя велича́ющия.
Сла́ва, и ны́не, глас то́йже:
От святы́я ико́ны Твоей,/ Влады́чице Преблага́я,/ исцеле́ний струи́ истека́ют,/ и́миже напая́ются благода́тно ду́ши на́ша/ и врачу́ются безме́здно телеса́ на́ша;/ те́мже Тя, Целе́бницу ми́лостивую,// при́сно в пе́снех велича́ем.
Тропа́рь, глас 4:
И́же во огни́ купины́ неопали́мыя, дре́вле Моисе́ем ви́денныя,/ та́йну воплоще́ния Своего́ от неискусобра́чныя Де́вы Мари́и Прообразова́вый,/ Той и ны́не, я́ко чуде́с Творе́ц и всея́ тва́ри Созда́тель,/ ико́ну Ея́ святу́ю чудесы́ мно́гими просла́ви,/ дарова́в ю ве́рным во исцеле́ние неду́гом/ и в защище́ние от о́гненнаго запале́ния./ Сего́ ра́ди вопие́м Преблагослове́нней:/ наде́ждо христиа́н, от лю́тых бед, огня́ и гро́ма изба́ви на Тя упова́ющия/ и спаси́ ду́ши на́ша, я́ко милосе́рда.
Ин тропа́рь, глас то́йже:
И́же в купине́, огне́м горя́щей и несгара́емей,/ показа́вый Моисе́ови пречи́стую Твою́ Ма́терь, Христе́ Бо́же,/ Огнь Божества́ неопа́льне во чре́ве прии́мшую/ и нетле́нну по Рождество́ пребы́вшую,/ Тоя́ моли́твами пла́мене страсте́й изба́ви нас/ и от о́гненных запале́ний град Твой сохрани́,// я́ко Многоми́лостив.
На у́трени
На Бог Госпо́дь: тропа́рь Богоро́дицы, три́жды.
По 1-м стихосло́вии седа́лен, глас 4.
Подо́бен: Яви́лся еси́ днесь:
Яви́ся в огнепа́льней купине́ на Сина́и/ Твоего́, Влады́чице, нетле́ннаго Рождества́ проо́браз,/ я́коже богосло́вцы Це́ркве Христо́вой богому́дренно испове́дуют./ Купина́ бо, огне́м горе́вшая, неопа́льна пребыва́ше./ Та́ко и Ты Огнь Божества́ во чре́ве Твое́м неопа́льно носи́ла еси́,/ вопло́щшагося от Тебе́ Бо́га Сло́ва,/ Его́же моли́ спасти́ся нам, пою́щим Тя.
Сла́ва, и ны́не, то́йже.
По 2-м стихосло́вии седа́лен, глас 4.
Подо́бен: Удиви́ся:
Удиви́ся богови́дец Моисе́й, ви́дев купину́, огне́м горя́щу и несгара́ему,/ и устраши́ся Боже́ственнаго тайноявле́ния,/ в не́мже благоволи́ Госпо́дь/ воплоще́ния Своего́ от Де́вы неискусому́жныя проо́браз ми́ру яви́ти,/ я́ко в после́дняя ле́та, спасти́ хотя́ па́дшее челове́чество,/ пло́ти дебельство́м Божества́ Своего́ сла́ву сокры́ет/ и с на́ми поживе́т, спаса́я ду́ши на́ша от поги́бели ве́чныя.
Сла́ва, и ны́не, то́йже.
По полиеле́и седа́лен, глас 6.
Подо́бен: А́нгельския Си́лы:
А́нгельския Си́лы боголе́пно Тебе́ слу́жат, Небесе́ и земли́ Цари́це Богоро́дице,/ и Твой пресвяты́й о́браз обстоя́т неви́димо./ Тех бо Творца́ и Го́спода воплоти́ла еси́ и на руку́ Твое́ю, я́ко Младе́нца, носи́ла еси́,/ Иже го́рняя с до́льними совокупи́ и А́нгелы с челове́ки ликовствова́ти устро́и,/ пою́щия во гла́сех ра́дования Твое́ нетле́нное Рождество́.
Сла́ва, и ны́не, то́йже.
Степе́нна, 1-й антифо́н 4-го гла́са.
Проки́мен, глас 4: Помяну́ и́мя Твое́// во вся́ком ро́де и ро́де.
Стих: Слы́ши, Дщи, и виждь, и приклони́ у́хо Твое́.
Вся́кое дыха́ние:
Ева́нгелие от Луки́, зача́ло 4.
По 50-м псалме́ стихи́ра, глас 2:
Весели́тся днесь гора́ Сина́йская и све́тло торжеству́ет,/ Ма́тери Госпо́дни светоно́сное пра́зднество соверша́ющи на ме́сте том,/ иде́же неопали́мая купина́ вели́ким во проро́цех Моисе́ем ви́дена бысть./ Зде бо и до ны́не благода́ть Бо́жия обита́ет/ и чуде́с мно́жество явля́ет ве́рным,// благоче́стно Богоро́дицу в пе́снех велича́ющим.
Кано́н, глас 8.
Песнь 1
Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:// Изба́вителю и Бо́гу на́шему пои́м.
Ум помраче́нный мой просвети́, Де́во,/ огнено́сным сия́нием Твоея́ сла́вы,/ па́мять, в славосло́вии изнемога́ющую, укрепи́/ и воспламени́ хла́дное мое́ се́рдце Боже́ственною любо́вию,/ да Тебе́, Купине́ Неопали́мей, пе́ние хвале́бное воспою́ досто́йно, Чи́стая.
Храм Трисо́лнечнаго Све́та прекра́сный,/ украси́ моя́ чу́вства, молю́ся,/ да целому́дренною мы́слию и нескве́рными усты́/ огнезра́чныя ико́ны Твоея́ явле́ние воспою́ досто́йно, Чи́стая.
К Твое́й пресве́тлаго зра́ка ико́не припа́даю, окая́нный:/ ду́шу мою́ озари́ благода́тно, яви́ и те́ло нескве́рно/ и, от лю́тых мя неду́гов свободи́вши,/ покажи́ прича́стника насле́дия Небе́снаго, Богоневе́стная.
Неду́гующа страстьми́ многоразли́чными,/ от ико́ны Твоея́ Боже́ственныя исцеле́ния сподо́би мя, о Богома́ти Влады́чице,/ да сла́влю чудеса́ Твоя́ и пою́ Тя, благи́х вино́вную,/ Ве́чную Бла́гость воплоти́вшую, ми́ра благу́ю Засту́пницу.
Песнь 3
Ирмо́с: Небе́снаго кру́га/ Верхотво́рче, Господи,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний Кра́ю, ве́рных Утвержде́ние,// Еди́не Человеколюбче.
Низложи́ нало́ги бесо́вския, стужа́ющия мне, Влады́чице,/ го́рдость в доброде́тели, лицеме́рие в свя́тости, тщесла́вие во бде́нии,/ высокоу́мие в благогове́нии и неблагода́рность о благодея́ниих Сы́на Твоего́,/ еди́на Всепе́тая Де́во.
Стра́нна мя любоче́стия сотвори́, молю́ Тя, Де́во,/ и чу́жда любопы́тства о челове́ческих согреше́ниих,/ де́рзость и изли́шнее на ми́лость Сы́на Твоего́ упова́ние отдали́ от мене́,/ да досто́йны Ему́ плоды́ принесу́, еди́на Пречи́стая.
Нача́ло от земли́ прие́мшую ху́дость моего́ естества́ познава́я,/ молю́ Тя, Де́во, даждь ми презре́ние славолю́бия, бе́гство челове́ческия хвалы́,/ позна́ние собственнаго греха́ и собственныя не́мощи,/ еди́на Богоблаже́нная.
Кра́ткий всех веще́й и всего́ ми́ра коне́ц,/ сме́ртный час и муче́ние бу́дущее за суету́ дея́ний тщесла́вных/ помышля́ти сподо́би мя, Де́во,/ да благода́тию Сы́на Твоего́ к пути́ и́стиннаго покая́ния наста́влен,/ ве́чнаго избе́гну прокля́тия, Пренепоро́чная.
Седа́лен, глас 8:
Вели́чия Твоя́ кто испове́сть, Богоро́дице?/ Явле́нием бо огнезра́чныя ико́ны Твоея́ возвесели́ла еси́ ду́ши правосла́вных,/ мно́гия неду́ги е́ю врачу́ющи, от огня́ же и гро́ма защища́ющи/ и́же по Бо́зе на Тя упова́ние возлага́ют./ О Всеми́лостивая Влады́чице, не лиши́ у́бо и нас Твоего́ заступле́ния,/ спаси́ правосла́вных христиа́н от вся́каго зла,/ да Тобо́ю хва́лящеся, не постыди́мся во ве́ки.
Песнь 4
Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́// и просла́вих Твое́ Божество́.
Жестокосе́рдием отягче́ннаго мя облегчи́,/ немилосе́рдием к тре́бующим окамене́нную утро́бу мою́ умягчи́,/ бу́рею сребролю́бия объя́таго мя ути́ши,/ во огни́ неопали́мыя купины́ прообразова́нная Влады́чице.
Во упова́нии тле́нных и вре́менных веще́й не оста́ви мя/ и пла́мень хище́ния непра́веднаго угаси́ во мне пла́менем огня́ Боже́ственнаго,/ Неопали́мая Купина́ я́вльшаяся, Богоневе́стная Влады́чице.
Идолослуже́ние в лихоиме́нии и заблужде́ние от и́стиннаго благоче́стия и правосла́вныя ве́ры/ потреби́ от мене́, Влады́чице, и не попусти́ мя па́сти паде́нием ерети́ческим,/ да восхваля́ю и́мя Твое́ благослове́нное до кончи́ны живота́ моего́ в Правосла́вии непоро́чно,/ еди́на Присноде́во.
Ум мой, молю́ Тя, Богоро́дице, благоустро́й к позна́нию ве́чных и́стин Христо́ва Ева́нгелия,/ к разсмотре́нию тле́нности вре́менных благ напра́ви мой по́мысл/ и щедролю́бие да́руй ми неоску́дное,/ да благода́тию Христо́вою укра́шен, пою́ Тя, еди́на Присноде́во.
Песнь 5
Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой мир пода́ждь нам,// Человеколюбче.
Огнь нечистоты́ и вся́кия скве́рны во мне, безсту́днем,/ мо́рем бла́гости Твоея́ потопи́, и мглу грехо́вную разжени́,/ и се́рдце мое́ ра́дости испо́лни, Всенепоро́чная.
Срамосло́вию безобра́зному не даждь во мне ме́ста, Влады́чице,/ селе́ние собла́знов замени́ в души́ мое́й зре́нием со́бственных грехо́в,/ храм мя чистоты́ и целому́дрия соде́лай,/ да нескве́рными усты́ велича́ю Тя вы́ну, Всенепоро́чная.
Смерть, суд и муче́ния ве́чныя, гре́шником угото́ванная, в па́мяти мое́й углуби́, Влады́чице,/ да поне́ после́дняя сия́ в па́мяти содержа́,/ лю́тая беззако́ния оста́влю и плоды́ покая́ния и́стиннаго принесу́,/ велича́я Тя при́сно, еди́но души́ моея́ упова́ние.
Любо́вь сея́ жи́зни изли́шнюю и плотска́го поко́я раче́ние/ отложи́ от мене́, молю́ Тя, Де́во Чи́стая,/ да су́етных попече́ний избе́г, Тобо́ю получу́ нетле́нное на Небеси́ бога́тство,/ еди́на души́ моея́ Покрови́тельнице.
Песнь 6
Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:// от тли, Бо́же, возведи́ мя.
Ра́дости су́етныя, к преогорче́нию бли́жняго приводя́щия, чу́жда мя соде́лай,/ Купино́ Неопали́мая ве́рными имену́емая, Пречу́дная Цари́це,/ даждь ми сопеча́ловатися и́скреннему моему́ в бе́дствиих, Человеколюби́вая Влады́чице,/ и памятозло́бия изба́ви мя, приле́жно молю́ Тя, Всенепоро́чная Де́во.
За́висти в по́мысле мое́м не даждь вкореня́тися,/ виде́нием несгара́емыя купины́ прообразова́нная Моисе́ю и ро́ждшаяся от ко́рене свя́та, Де́во,/ и братоненавиде́ния изба́ви мя, Чи́стая,/ да не зло́бою мра́чною оскверне́н быв,/ лишу́ся Бо́жия благода́ти и жи́зни ве́чныя, Всенепоро́чная Влады́чице.
Терпе́ние в беда́х утверди́ во мне, Всечи́стая,/ с ра́дующимися духо́вную ра́дость, к се́тующим сожале́ние да́руй ми, Пресвята́я,/ и братолю́бие низпосли́ мне свы́ше, Любве́ Пучи́ну ро́ждшая Де́во/ и любо́вь ве́лию при́сно явля́ющая ро́ду христиа́нскому.
Жела́ние кра́йнее согре́й во мне вся́кому бли́жнему от души́ благотвори́ти, Блага́я,/ да не ка́ко злоб лю́тых душа́ моя́ испо́лнится, и живо́т мой а́ду прибли́жится,/ и пре́дан бу́ду без ми́лости, я́ко несотвори́вый ми́лости, во тьму кроме́шнюю,/ Всенепоро́чная Богоневе́сто.
Конда́к, глас 8:
Предочи́стим чу́вствия душ и теле́с на́ших,/ да ви́дим та́инство Боже́ственное,/ обра́зно явле́нное дре́вле вели́кому во проро́цех Моисе́ю купино́ю,/ горе́вшею огне́м и не сгара́вшею,/ в не́йже Твоего́ безсе́меннаго Рождества́, Богоро́дице, предвозвеще́ние испове́дуем/ и, благогове́йно покланя́ющеся Тебе́ и ро́ждшемуся от Тебе́ Спа́су на́шему,/ со стра́хом вопие́м: ра́дуйся, Влады́чице,/ покро́ве, и прибе́жище, и спасе́ние душ на́ших.
И́кос:
Прови́дя ди́вный Моисе́й в неопали́мей купине́ на Сина́и та́йну, от ве́ка утае́нную,/ Безле́тнаго, в ле́те роди́тися восхоте́вшаго, рожде́ние от Чи́стыя и Неискусобра́чныя Де́вы,/ у́жасом содержи́мь, вопия́ше:/ Сия́ земля́ вои́стину свята́ есть,/ я́ко Плод спаси́тельный ми́ру из Нея́ произы́дет,/ и́мже го́ресть паде́ния Ада́мова услади́тся./ Сего́ послу́шая, и мы, та́инства Бо́жия собы́тие позна́вший,/ ублажа́ем Тя, Богоро́дице, возвели́чившую па́дшее челове́чество/ и милосе́рдием неизрече́нным призрева́ющую на род христиа́нский,/ те́мже и зове́м Ти:/ ра́дуйся, Влады́чице, покро́ве, и прибе́жище, и спасе́ние душ на́ших.
Песнь 7
Ирмо́с: От Иудёи доше́дше, о́троцы/ в Вавило́не иногда́/ ве́рою Тро́ическою пла́мень пе́щный попра́ша, пою́ще:// отце́в Бо́же, благослове́н еси́.
Весе́лие мирско́е пресецы́ и душетле́нное пристра́стие умертви́ во мне, Де́во,/ презре́ние вре́менных, жела́ние ве́чных благ и нетле́нную ра́дость пода́ждь ми с пою́щими:/ отце́в Бо́же, благослове́н еси́.
Безчи́нное весе́лие и изли́шество, ум вредя́щее, душе́ скве́рну ражда́ющее, отлучи́ от мене́, Де́во,/ и сподо́би во здра́вии душе́внем и теле́снем духо́внаго утеше́ния наслажда́тися с пою́щими:/ отце́в Бо́же, благослове́н еси́.
Грехо́м, смерть лю́тую ражда́ющим, оскверни́х ду́шу мою́,/ но Ты, Пречи́стая Влады́чице, огнезра́чная и неопали́мая Купина́ я́вльшися,/ ти́ну страсте́й мои́х изсуши́ огне́м Бо́жия благода́ти и наста́ви мя на богоуго́дное житие́,/ украси́ же воздержа́нием и целому́дрием и даждь ми чи́стым се́рдцем пе́ти:/ отце́в Бо́же, благослове́н еси́.
К Твое́й огнезра́чней ико́не взира́я, молю́ Тя, Влады́чице,/ омраче́ннаго мя самолю́бием све́том зра́ка Твоего́ просвети́/ и, по́хоти плотски́я укроти́вши во мне, огне́м Бо́жия любве́ хла́дное се́рдце мое́ воспламени́,/ да Ро́ждшемуся от Тебе́ досто́йно возмогу́ пе́ти:/ отце́в Бо́же, благослове́н еси́.
Песнь 8
Ирмо́с: Царя́ Небе́снаго,/ Его́же пою́т во́и а́нгельстии,// хвали́те и превозноси́те во вся ве́ки.
Возмуще́ние души́ моей утоли́, Всенепоро́чная,/ от клеветы́ наве́тующих изба́ви мя,/ вражду́ грехо́вную во мне укроти́ и не́нависть мра́чную отврати́ от мене́, Де́во,/ да прославля́ю Тя, Чи́стая, во ве́ки.
Огнь я́рости, во мне зело́ разжже́нный, росо́ю благода́тныя моли́твы Твоей угаси́,/ хулу́, умножа́ющую души́ мое́й озлобле́ние, и вся́кий вид зло́бы, гнездя́щийся в се́рдце мое́м, искорени́, Де́во,/ да Тя прославля́ю, Чи́стая, во ве́ки.
Образ Христо́в ева́нгельскими доброде́тельми напиши́ в души́ мое́й, Богоблагода́тная,/ укрепи́ и утверди́ мя во вся́ком де́ле бла́зе, от вся́кия же зло́бы отврати́ се́рдце мое́,/ да ми́рными усты́ прославля́ю Тя, Чи́стая, во ве́ки.
Кро́тким о́ком Твои́м виждь мое́ смире́ние, Пренепоро́чная Богоневе́сто,/ и приклони́ у́хо Твое́ к моли́тве се́рдца моего́,/ кро́тостию и незло́бием благоукраси́ мя, помраче́ннаго безобра́зием зло́бных страсте́й,/ и сотвори́ прича́стника блаже́нства, кро́тким обетова́ннаго,/ да ра́дуяся прославля́ю Тя, Чи́стая, во ве́ки.
Песнь 9
Ирмо́с: Вои́стину Богоро́дицу/ Тя испове́дуем,/ спасе́ннии Тобо́ю, Де́во Чи́стая,// с безпло́тными ли́ки Тя велича́юще.
Ско́рби се́рдца моего́ утиши́, Ра́досте скорбя́щих,/ уны́ние душегуби́тельное отыми́ от мене́, Утоли́тельнице печа́ли,/ и ле́ность ко взыска́нию доброде́телей искорени́ во мне, Взыска́ние поги́бших,/ да Тебе́, Де́во Чи́стая, непреста́нно велича́ю.
Малоду́шием боле́знующаго мя оживи́, Цели́тельнице боля́щих,/ отча́янием па́дшаго мя возста́ви, Одиги́трие заблу́ждших,/ грехми́ умерщвле́ннаго мя воскреси́, Спору́чнице гре́шных,/ да Тебе́, Де́во Непоро́чная, непреста́нно велича́ю.
Усе́рдие во мне твори́ти во́лю Бо́жию возбуди́/ и ре́вность ко сла́ве Бо́жией воспламени́ в се́рдце мое́м,/ Купино́ огнезра́чная и неопали́мая,/ и благогове́йна служи́теля Христо́ва соде́лай мя, Де́во,/ Предводи́тельнице моего́ спасе́ния.
Слеза́ми покая́ния и умиле́ния изсо́хшую в зно́й страсте́й ду́шу мою́ умягчи́, я́ко руно́ ороше́нное Гедео́на,/ и сокруше́ние к исправле́нию даждь ми, Де́во,/ да ве́чная бла́га унасле́дую и с ли́ки избра́нных Бо́жиих воспою́ Тя,/ Хода́таицу моего́ спасе́ния.
Свети́лен:
Ико́ну Твою́ всечестну́ю в зало́г благоволе́ния Твоего́ ве́рным дарова́ла еси́, Влады́чице,/ покрыва́ющи и сохраня́ющи е́ю от о́гненнаго запале́ния на Тя упова́ющия./ О Ма́ти Царя́ Христа́ Бо́га, бу́ди и нам, гре́шным,/ прибе́жище спасе́ния в неча́янных беда́х и Хода́таица ве́чныя жи́зни.
На хвали́тех стихи́ры на 4, глас 6:
О, вели́кия бла́гости/ и неисче́тнаго милосе́рдия Твоего́, Влады́чице!/ Удивля́вши нас пресла́вными чудесы́,/ и́хже источа́ет ико́на Твоя́ свята́я,/ во о́бразе неопали́мыя купины́ Тя изобразу́ющая/ и о́гненнаго естества́ си́лу укроща́ющая/ си́лою Твое́ю Боже́ственною./ ю́же с весе́лием прие́млюще,/ Тя, Чи́стую Богоотрокови́цу,// достодо́лжно пе́сньми почита́ем и ублажа́ем.
О, благосе́рдаго Твоего́/ о нас промышле́ния, Влады́чице!/ В годи́ну бед и обстоя́ний,/ егда́ внеза́пное запале́ние о́гненное/ обы́мет жили́ща на́ша,/ чу́дную ико́ну Твою́/ посыла́еши нам в по́мощь и защи́ту/ и е́ю укроща́вши свире́пство огня́,/ я́ко Ма́ти су́щи/ стихи́ями облада́ющаго Влады́ки Христа́./ Те́мже велегла́сно пропове́дуем Твоя́ чудеса́/ и ми́лость мно́гу к ро́ду христиа́нскому/ и пе́сньми хвале́бными// немо́лчно Тя велича́ем и ублажа́ем.
О, пресла́внаго чудесе́!/ Ка́ко огнезра́чная ико́на Твоя́, Влады́чице,/ огня́ си́лу угаша́ет/ и све́тлыми луча́ми Бо́жия благода́ти/ умы́ просвеща́ет и сердца́ весели́т?/ Вои́стину бо торжество́ благоче́стия/ явле́ние ико́ны Твоея́ познава́юще,/ пра́зднуем сие́ в пе́снех духо́вных ра́достно/ и Тя, Богоблагода́тная Де́во, Вино́вницу ра́дости на́шей,// славословле́ния гла́сы восхваля́ем и ублажа́ем.
Сла́ва, и ны́не, глас то́йже:
О чу́до чуде́с,/ Богоневе́стная Ма́ти и Де́во!/ Чудотвори́ти не престае́ши и ны́не/ ико́ною Твое́ю пречестно́ю,/ отра́ду и утеше́ние е́ю да́руеши/ стра́нником земны́м в юдо́ли ско́рби и пла́ча./ Из Тебе́ бо воплоти́ся/ Обнови́тель па́дшаго естества́ челове́ча,/ сый Бог наш,/ дарова́вый нам Тебе́ в покро́в и защи́ту,/ Иже слы́шит моли́тву Твою́,/ за нас приноси́мую,/ и преклоня́ется к моле́нию Твоему́ Ма́тернему,/ егда́ умоля́вши бла́гость Его́ за лю́ди согреши́вшия./ Те́мже не преста́й, благосе́рдая Влады́чице,/ предста́тельствовати за вся ны, чту́щия Тя,// я́ко вои́стину еси́ Хода́таица непосты́дная на́шего спасе́ния.
Славосло́вие вели́кое, ектении́ и отпу́ст.
Н литурги́и
Блаже́нны от кано́на, пе́сни 3-я и 6-я.
Проки́мен, глас 3, песнь Богоро́дицы: Вели́чит душа́ Моя́ Го́спода,// и возра́довася дух Мой о Бо́зе, Спа́се Мое́м.
Стих: Я́ко призре́ на смире́ние Рабы́ Своей, се бо от ны́не ублажа́т Мя вси ро́ди.
Апо́стол к Филипииси́ем, зача́ло 240.
Аллилу́йя, глас 8.
Стих: Слы́ши, Дщи, и виждь, и приклони́ у́хо Твое́.
Ева́нгелие от Луки́, зача́ло 54.
Прича́стен: Ча́шу спасе́ния прииму́:
Молитва
О Пресвята́я и Преблагослове́нная Ма́ти Сладча́йшаго Го́спода на́шего Иису́са Христа́! Припа́даем и покланя́емся Тебе́ пред свято́ю и пречестно́ю ико́ною Твое́ю, е́юже ди́вная и пресла́вная чудеса́ содева́еши, от о́гненнаго запале́ния и молниено́снаго гро́ма жили́ща на́ша спаса́вши, неду́жныя исцеля́вши и вся́ко благо́е проше́ние на́ше во бла́го исполня́вши. Смире́нно мо́лим Тя, всеси́льная ро́да на́шего Засту́пнице: сподо́би ны, немощны́я и гре́шныя, Твоего́ Ма́терняго заступле́ния и благопопече́ния. Спаси́ и сохрани́, Влады́чице, под кро́вом ми́лости Твоея́ Це́рковь святу́ю, град сей (или́: весь сию́, или́: оби́тель сию́), всю страну́ на́шу правосла́вную и вся ны, припа́дающия к Тебе́ с ве́рою и любо́вию и со умиле́нными слеза́ми Твоего́ заступле́ния прося́щия. Ей, Госпоже́ Всеми́лостивая! Умилосе́рдися на нас, обурева́емых грехи́ мно́гими и не иму́щих дерзнове́ния ко Христу́ Го́споду проси́ти Его́ о поми́ловании и проще́нии: Тебе́ у́бо предлага́ем к Нему́ на умоле́ние, Ма́терь Его́ су́щую. Простри́ к Нему́, о Всеблага́я, богоприи́мнеи ру́це Твои́ и предста́тельствуй за нас пред Его́ бла́гостию, прося́щи нам проще́ния прегреше́ний на́ших, благоче́стнаго ми́рнаго жития́, благи́я христиа́нския кончи́ны и добраго отве́та на стра́шнем суде́ Его́. В час же гро́знаго посеще́ния Бо́жия, а́ще огне́м возгоря́тся до́мове на́ши, а́ще ли молниено́сным гро́мом устраша́еми бу́дем, яви́ нам ми́лостивное Твое́ заступле́ние и держа́вное вспоможе́ние да спаса́еми вееси́льными Твои́ми ко Го́споду моли́твами, вре́меннаго наказа́ния Бо́жия зде избе́гнем, ве́чное же блаже́нство ра́йское та́мо унасле́дуем и со все́ми святы́ми воспое́м пречестно́е и великоле́пое и́мя покланя́емыя Тро́ицы, Отца́ и Сы́на и Свята́го Ду́ха, и Твое́ ве́лие к нам милосе́рдие, во ве́ки веко́в. Ами́нь.
Слyжба и4же во с™hхъ nтцY нaшему їwасaфу, є3пjскопу бэлогрaдскому.
На мaлэй вечeрни. На ГDи воззвaхъ, стіхи6ры, глaсъ №:
Воспои1мъ, брaтіе, свэтлопрaзднственную пёснь, новоzвлeннаго ўг0дника б9іz ўбlжaюще и3 къ томY возносsще мlтву, во є4же њчи1стити сердeцъ нaшихъ nчесA и3 пaмzтію чудeсъ є3гw2 просвэти1ти дyшы нaшz.
Їwасaфе, ўг0дниче хrт0въ, всёхъ добродётелей подви1жникъ бhлъ є3си2, на земли2 ќбw скHрби понeсъ, на нб7си1 же рaдость вёчную t бGа пріeмъ, ўслhши молeніе ч†дъ твои1хъ и3 моли2 сп7сти2 и3 просвэти1ти дyшы нaшz.
Ни1щыz и3 скHрбныz возлюби1вый и3 њ грёшныхъ лю1дехъ мlтву всегдA возноси1вый, сaмъ t хrтA возлю1бленъ бhлъ є3си2, їwасaфе с™и1телю: поминaй нaсъ, п0двиги тво‰ почитaющихъ, и3мlтву сотвори2 ко гDу, сп7сти2 и3 просвэти1ти дyшы нaшz.
Кто2 и3счи1слитъ мн0жество и3сцэлeній, t чудотв0рныхъ мощeй твои1хъ и3сточaемыхъ, ўг0дниче хrт0въ; кто2 не подиви1тсz вели1кому твоемY заступлeнію; к0е ли сeрдце человёческое люб0вію твоeю не ўмили1тсz; ди1внw прослaвисz въ тебЁ гDь, просвэщazй и3 сп7сazй дyшы нaшz.
Слaва, глaсъ ѕ7:
Џтрочеству твоемY начeншусz, прпdбне, под8 кр0въ вLчцы пріsтъ бhлъ є3си2, ћкоже роди1тель тв0й видёніемъ въ т0мъ ўвёрисz: скончaвшусz же земн0му житію2 твоемY, и3н0е видёніе лю1ди ўвэрsетъ, ћкw дyхъ тв0й прослaвленъ є4сть t бGа. ТомY и3 њ нaсъ моли1сz, с™и1телю хrт0въ, поми1ловатисz душaмъ нaшымъ.
И# нhнэ, бGор0диченъ:
Бцdе, ты2 є3си2 лозA и4стиннаz, возрасти1вшаz нaмъ пл0дъ животA: тебЁ м0лимсz, моли1сz, вLчце, со с™hми ґпcлы, поми1ловати дyшы нaшz.
На стіх0внэ стіхи6ры, глaсъ в7:
Под0бенъ: Д0ме є3vфрafовъ:
Їwасaфе, с™и1телю б9ій, мlтвы непрестaнныz кади1ло и3 предстaтелю њ лю1дехъ теплёйшій, и3 нaсъ пою1щихъ тS не tри1ни, но пом0щникъ бyди нaмъ при1сный.
Стjхъ: Бlжeнъ мyжъ боsйсz гDа, въ зaповэдехъ є3гw2 восх0щетъ ѕэлw2.
Воспои1мъ, брaтіе, ўг0дника хrт0ва їwасaфа, того2 подвизaюще на мlтву, t бёдъ и3збaвитисz нaмъ и3 даровaтисz нaмъ прeжде концA покаsнію.
Стjхъ: Сщ7eнницы твои2 њблекyтсz въ прaвду, и3 прпdбніи твои2 возрaдуютсz.
Не довлёютъ тебЁ, с™и1телю хrт0въ, человёчєскаz бlгохвалє1ніz: занE t пречcтыz бцdы, во младhхъ лётэхъ твои1хъ, ћкw и3збрaнникъ б9ій свидётельствованъ є3си2.
Слaва, глaсъ ѕ7:
Прпdбне џтче, во всю2 зeмлю и3зhде вэщaніе и3справлeній твои1хъ, тёмже на нб7сёхъ њбрёлъ є3си2 мздY трудHвъ твои1хъ: дeмwнскаz разори1лъ є3си2 пHлчища, и3 дости1глъ є3си2 чинHвъ ѓгGльскихъ, и4хже житію2 непор0чнw поревновaлъ є3си2. Дерзновeніе и3мёz ко хrтY бGу, ми1ръ и3спроси2 душaмъ нaшымъ.
И# нhнэ, бGор0диченъ:
Вели1кихъ даровaній, чcтаz дв7о бGомaти, ты2 спод0биласz є3си2: ћкw родилA є3си2 пл0тію є3ди1наго t трbцы хrтA жизнодaвца, во сп7сeніе дyшъ нaшихъ.
Тропaрь, глaсъ ™:
С™и1телю хrтY бGу возлю1бленне, прaвило вёры и3 џбразъ милосeрдіz лю1демъ бhлъ є3си2, бдёніемъ же, пост0мъ и3мlтвою ћкw свэти1льникъ пресвётлый просіsлъ є3си2, и3 прослaвленъ t бGа kви1лсz є3си2: тёломъ ќбw въ нетлёніи почивaz, дyхомъ же пrт0лу б9ію предстоS, чудесA пресл†внаz и3сточaеши. Моли2 хrтA бGа, да ўтверди1тъ nтeчество нaше въ правослaвіи и3 бlгочeстіи и3 сп7сeтъ дyшы нaшz.
И$нъ тропaрь, глaсъ в7:
Моли1твенниче и3здётства преизрsдный, бGоизбрaнный с™и1телю хrт0въ їwасaфе, прaвило вёры и3 џбразъ милосeрдіz бlгочeстнымъ житіeмъ всBмъ kвлsеши и3 съ вёрою къ тебЁ притекaющымъ nби1льнw и3сцэлє1ніz и3сточaеши. Моли2 хrтA бGа, да ўтверди1тъ правовёріе, ми1ръ и3 бlгочeстіе и3 сп7сeтъ дyшы нaшz.
Слaва, и3 нhнэ, бGор0диченъ, глaсъ G:
ТS, ходaтайствовавшую сп7сeніе р0да нaшегw, воспэвaемъ, бцdе дв7о: пл0тію бо t тебє2 воспріsтою сн7ъ тв0й и3 бGъ нaшъ, кrт0мъ воспріи1мъ стрaсть, и3збaви нaсъ t тли2, ћкw чlвэколю1бецъ.
(Зри2) Слyжбу вселeнскихъ с™hхъ, въ ты6z дни6 пaмzти с™и1телz їwасaфа прилучи1вшуюсz, поeмъ на повечeріи во и4нъ дeнь.
На вели1цэй вечeрни. Бlжeнъ мyжъ, №-й ґнтіфHнъ.
На ГDи воззвaхъ, стіхи6ры на }:
Глaсъ }:
Ди1венъ бGъ во с™hхъ свои1хъ, въ р0дэхъ хrтіaнскихъ чудодёйствуzй и3 нHвыz и3збрaнники своS kвлszй: зри1мъ бо и3 нhнэ їwасaфа ўг0дника t хrтA прославлsема, и3 красот0ю добродётелей свои1хъ странY нaшу њзарsюща, и3 дерзновeніе вeліе и3мyща, ми1ръ вселeннэй даровaти и3 душaмъ нaшымъ вeлію млcть. Двaжды.
Ли1къ с™hхъ твои1хъ, гDи, на нб7сёхъ ўмн0жисz преставлeніемъ с™и1телz твоегw2 їwасaфа, є3г0же и3 на земли2 цRковь воспэвaетъ: тогw2 u5бо мlтвы њ нaсъ пріими2, чlвэколю1бче, ћкw и3мёzй вeлію млcть.
Нощнёй тмЁ њгустэвaющей, ўмножaетсz ѕвёздный блeскъ, и3 къ томY џчи заблyждшихъ рaдостнw возв0дzтсz: тaкw и3 ўмн0жившейсz на земли2 грэх0внэй тмЁ, возведeмъ горЁ џчи нaши, брaтіе, и3 сіsніе добродётелей с™и1телz ўзрёвше, къ нбcному nтeчеству потщи1мсz, є3гHже да не лиши1тъ гDь нaсъ грёшныхъ, и3мёzй вeлію млcть.
Глaсъ є7:
Рaдуйсz, сщ7eннаz главо2, с™и1телю б9ій їwасaфе, пaстырей бGомyдрое прaвило и3 и4нокwвъ настaвниче пред0брый: рaдуйсz, болsщихъ цэли1телю преслaвный и3 скорбsщихъ ўтёшителю ми1лостивый. Моли1сz при1снw ко гDу, и3 нaмъ подражaтелємъ тебЁ бhти, и3 грэхHвнаz вс‰ презрёвшымъ, є3ди1ному бGу раб0тати. Двaжды.
Рaдуйсz, страстeй сопротивоб0рче и3 д¦0внагw дёланіz трyдниче: рaдуйсz, прaведниче, смиренномyдріz и3сп0лненный, г0рдыхъ мjра сегw2 њбличи1телю и3 лэни1выхъ гр0зный карaтелю. Не престaй молsсz ко гDу њ нaсъ, во є4же сп7сти1сz нaмъ.
Рaдуйсz, нбcный жи1телю, на зeмлю ми1лостивнымъ џкомъ призирazй и3мlтвы пэвцє1въ твои1хъ пріeмлzй: рaдуйсz, nчесA тво‰ всегдA на нб7о возводи1вый и3 њ земнhхъ стzжaніихъ небрегjй. Научи2 u5бо и3 нaсъ, с™и1телю хrт0въ, на нб7сёхъ сокр0вище стzжaти и3 твою2 тaмw слaву ћвэ ўзрёти.
Слaва, глaсъ в7:
Кjими похвaльными вэнцы2 ўвэнчaемъ с™и1телz хrт0ва, гDню слaву непрестaннw возвэщaвшаго и3 бlгочeстіе прaвое повсю1ду насади1вшаго, зaповэдей хrт0выхъ живyю скрижaль, на ли1ца человёкwвъ не взирaвшаго, но дyшы всёхъ ко сп7сeнію приводи1вшаго; сег0 бо вэнцы2 нетлёнными вэнчaетъ хrт0съ бGъ нaшъ, и3мёzй вeлію млcть.
И# нhнэ, бGор0диченъ:
Прeйде сёнь зак0ннаz, бlгодaти пришeдши: ћкоже бо купинA не сгарaше њпалsема, тaкw дв7а родилA є3си2, и3 дв7а пребылA є3си2. Вмёстw столпA џгненнагw прaведное возсіS сlнце: вмёстw мwmсeа, хrт0съ, сп7сeніе дyшъ нaшихъ.
Вх0дъ. Прокjменъ днE, и3 чтє1ніz G.
При1тчей чтeніе.
(Главы6 ‹, G, }) Пaмzть првdнагw съ похвалaми, и3 бlгословeніе гDне на главЁ є3гw2. Бlжeнъ человёкъ, и4же њбрёте премyдрость, и3 смeртенъ, и4же ўвёдэ рaзумъ. Лyчше бо сію2 куповaти, нeжели злaта и3 сребрA сокрHвища. Честнёйшаz же є4сть кaменій многоцённыхъ: всe же честн0е недост0йно є3S є4сть. Долготa бо днeй и3 лёта животA въ десни1цэ є3S, въ шyйцэ же є3S богaтство и3 слaва: t ќстъ є3S и3сх0дитъ прaвда, зак0нъ же и3 млcть на љзhцэ н0ситъ. Послyшайте u5бо менE, q ч†да, честн†z бо рекY: и3 бlжeнъ человёкъ, и4же пути6 мо‰ сохрани1тъ: и3сх0ди бо мои2 и3сх0ди животA, и3 ўготовлsетсz хотёніе t гDа. Сегw2 рaди молю2 вaсъ, и3 предлагaю м0й глaсъ сыновHмъ человёчєскимъ: ћкw ѓзъ, премyдрость, ўстр0ихъ совётъ, и3 рaзумъ и3 смhслъ ѓзъ призвaхъ. М0й совётъ и3 ўтверждeніе, м0й рaзумъ, моs же крёпость. Ѓзъ менE лю1бzщыz люблю2, и4щущіи же менE њбрsщутъ бlгодaть. Разумёйте u5бо неѕл0бивіи ковaрство, ненакaзанніи же прилагaйте сердцA. Послyшайте менE и3 пaки, честнaz бо рекY, и3 tвeрзу t ўстeнъ пр†ваz: ћкw и4стинэ поучи1тсz гортaнь м0й, мє1рзки же предо мн0ю ўстны2 лжи6выz. Съ прaвдою вси2 глаг0лы ќстъ мои1хъ: ничт0же въ ни1хъ стр0потно, нижE развращeнно. Вс‰ пр†ва сyть разумэвaющымъ, и3 прHста њбрэтaющымъ рaзумъ. Научy бо вaсъ и4стинэ, да бyдетъ њ гDэ надeжда вaша, и3 и3сп0лнитесz д¦а.
Премyдрости соломHновы чтeніе.
(Главы6 ‹, №i) ЎстA првdнагw кaплютъ премyдрость: ўстнё же мужeй мyдрыхъ вёдzтъ бlгодaть. ЎстA мyдрыхъ поучaтсz премyдрости, прaвда же и3збавлsетъ и5хъ t смeрти. Скончaвшусz мyжу прaведну, не поги1бнетъ надeжда. Сhнъ бо прaведенъ раждaетсz въ жив0тъ, и3 во бlги1хъ свои1хъ пл0дъ прaвды њб8и1метъ. Свётъ првdнымъ всегдA, и3 t гDа њбрsщутъ бlгодaть и3 слaву. Љзhкъ мyдрыхъ дHбраz свёсть, и3 въ сeрдцэ и4хъ почjетъ мyдрость. Лю1битъ гDь преподHбнаz сердцA, пріsтни же є3мY вси2 непор0чніи въ пути2. Мyдрость гDнz просвэщaетъ лицE разyмнагw: постигaетъ бо желaющыz ю5, прeжде дaже разумёти ю5, и3 ўд0бь ќзритсz t лю1бzщихъ ю5. Ќтреневавый къ нeй, не ўтруди1тсz: и3 бдsй є3S рaди, вск0рэ без8 печaли бyдетъ. Ћкw дост0йныхъ є3S самA њбх0дитъ и4щущи, и3 во стезsхъ є3S kвлsетсz и5мъ бlгопріeмнэ. Мyдрости никогдaже њдолёетъ ѕл0ба. Си1хъ рaди и3 рачи1тель бhхъ добр0ты є3S: и3 возлюби1хъ ю5, и3 поискaхъ t ю4ности моеS: и3 взыскaхъ невёсту привести2 себЁ, ћкw всёхъ вLка возлюби2 ю5. Таи1бница бо є4сть б9іz хи1трости и3 њбрэтaтельница дёлъ є3гw2. Труды2 є3S сyть добродётєли: цэломyдрію же и3 рaзуму тA ўчи1тъ, прaвдэ и3 мyжеству, и4хже потрeбнэе ничт0же є4сть въ житіи2 человёкwмъ. Ѓще же и3 мн0гагw и3скyсства желaетъ кто2, вёсть дрє1внzz и3 бhти хот‰щаz разсм0тритъ: свёсть и3зви6тіz словeсъ и3 разрэшє1ніz гадaній: знaмєніz и3 чудесA проразумёетъ, и3 сбыті‰ времeнъ и3 лётъ: и3 всBмъ совётникъ є4сть бlгъ, ћкw безсмeртіе є4сть въ нeй, и3 бlгослaвіе во nбщeніи словeсъ є3S. Сегw2 рaди бесёдовахъ ко гDу, и3 помоли1хсz є3мY, и3 рёхъ t всегw2 сeрдца моегw2: б9е nтцє1въ и3 гDи млcти, сотвори1вый вс‰ сл0вомъ твои1мъ и3 мyдростію твоeю ўстр0ивый человёка, да владёетъ бhвшими t тебє2 тварьми2 и3 да ўправлsетъ мjръ въ препод0біи и3 прaвдэ: дaждь ми2 твои1хъ пrт0лwвъ присэдsщую премyдрость: и3 не tлучи2 менE t џтрwкъ твои1хъ, ћкw ѓзъ рaбъ тв0й и3 сhнъ рабhни твоеS. Посли2 ю5 съ нб7съ t с™aгw жили1ща твоегw2 и3 t пrт0ла слaвы твоеS, да сyщи со мн0ю научи1тъ мS, что2 бlгоуг0дно є4сть пред8 тоб0ю: и3 настaвитъ мS въ рaзумъ, и3 сохрани1тъ мS во слaвэ своeй. Помышлє1ніz бо смeртныхъ вс‰ боzзли6ва, и3 погрэши1тєльна ўмышлє1ніz и4хъ.
Премyдрости соломHновы чтeніе.
(Главы6 д7, ѕ7, з7, в7) Похвалsему првdнику, возвеселsтсz лю1діе: безсмeртіе бо є4сть пaмzть є3гw2, ћкw t гDа познавaетсz и3 t человBкъ: и3 ўг0дна гDеви душA є3гw2. Возлюби1те u5бо, q мyжіе, мyдрость, и3 поживетE: восхощи1те є3S, и3 накaзани бyдете: начaло бо є3S любы2 и3 соблюдeніе зак0на. Почти1те премyдрость, да во вёки цaрствуете. ВозвэщY вaмъ и3 не скрhю t вaсъ т†инъ б9іихъ: ћкw т0й мyдрости настaвникъ є4сть, и3 мyдрыхъ и3спрaвитель, и3 всsкому смhслу и3 дёлу хитрeцъ. И# всBмъ смhслwмъ научи1тъ мyдрость: є4сть бо въ нeй д¦ъ разyменъ и3 с™ъ, и3 сіsніе свёта присносyщнагw, и3 џбразъ бlгости б9іz. ТA дрyги б9іz и3 прbр0ки ўстроsетъ: бlголёпнэйши же є4сть с0лнца и3 пaче всsкагw сотворeніz ѕвёздъ: свёту сосуждaема, њбрэтaетсz пeрвэйши. ТA ўгождaющыz є4й t болёзней и3збaви, и3 настaви на стєзи2 пр†выz: дадE и5мъ рaзумъ и3мёти с™ъ, и3 сохрани2 | t ловsщихъ, и3 п0двигъ крёпокъ подадE и5мъ, да разумёютъ вси2, ћкw си1льнэе всегw2 є4сть бlгочeстіе: и3 никогдaже прем0жетъ ѕл0ба мyдрости, нижE прeйдетъ ѕлы6z њбличaz сyдъ. Рек0ша же въ себЁ, помhсливше непрaведнw: наси1льствуемъ првdному, и3 не пощади1мъ препод0бства є3гw2, ни ўсрами1мсz сэди1нъ стaрости многолётны, бyдетъ бо нaмъ крёпость зак0нъ: и3 ўлови1мъ првdнаго, ћкw неуг0денъ нaмъ є4сть, и3 проти1витсz дэлHмъ нaшымъ, и3 пон0ситъ нaмъ tпадeніе зак0на, и3 њбличaетъ нaмъ согрэшє1ніz наказaніz нaшегw: возвэщaетъ нaмъ рaзумъ и3мёти б9ій, и3 џтрока гDнz себE и3менyетъ. Бhсть нaмъ на њбличeніе помышлeній нaшихъ, и3 тsжекъ нaмъ є4сть, и3 ви1димь, ћкw непод0бно и3ны6мъ житіE є3гw2, и3 и3змэнє1ны стєзи2 є3гw2. Въ поругaніе вмэни1хомсz є3мY: и3 ўдалsетсz t путeй нaшихъ, ћкw t нечист0тъ, и3 бlжи1тъ послBднzz првdныхъ. Ўви1димъ u5бо, ѓще словесA є3гw2 и4стинна сyть: и3скyсимъ, ±же сбывaютсz є3мY Ругaніемъ и3 мyкою и3стsжемъ є3го2, да разумёемъ кр0тость є3гw2, и3 и3скyсимъ безѕл0бство є3гw2: смeртію безwбрaзною њсyдимъ є3го2: бyдетъ бо посэщeніе t словeсъ є3гw2. СіS помhслиша, и3 прельсти1шасz: њслэпи1 бо | ѕл0ба и4хъ, и3 не разумёша т†инъ б9іихъ, и3 не разсуди1ша, ћкw ты2 є3си2 бGъ є3ди1нъ, животA и3мёzй и3 смeрти влaсть, и3 сп7сazй во врeмz ск0рби, и3 и3збавлszй t всsкагw ѕлA: щeдръ и3 млcтивъ, и3 даS прпdбнымъ свои6мъ бlгодaть, и3 своeю мhшцею гHрдымъ противлszсz.
На літjи стіхи1ра хрaма: и3 с™aгw, глaсъ №:
Подобaше непор0чнw соблюдeнному с™и1телz дёвственному тёлу и3 нетлёніемъ вёчнымъ прослaвитисz: сіe бо, добродётельми прпdбнагw њчищaемо, є3щE жи1ву є3мY сyщу, хрaмъ с™aгw д¦а бывaетъ, и3 по преставлeніи є3гw2 и3ст0чникъ чудeсныхъ даровaній kвлsетсz, и4мже со ўмилeніемъ дивsщесz, ко ўг0днику вознесeмъ мlтву њ сп7сeніи дyшъ нaшихъ.
Слaва, глaсъ ѕ7:
Ди1вный во с™hхъ гDь въ житіи2 с™и1телz їwасaфа прослaвисz, и3 по преставлeніи є3гw2 нетлёнными мощaми чудодёйствуетъ, и3 безчи1слєнныz лю1ди вёровати и3 ўповaти на п0мощь нбcную научaетъ. Потщи1мсz u5бо, q брaтіе, є4же є3ди1но на потрeбу и3скaти, и3 дyшы нaшz покаsніемъ њчищaти, с™и1телz въ п0мощь призывaюще, и3 въ трbцэ воспэвaемаго бGа прославлsти во вёки.
И# нhнэ, бGор0диченъ:
Творeцъ и3 и3збaвитель м0й, пречcтаz, хrт0съ гDь, и3з8 твои1хъ ложeснъ прошeдъ, въ мS њболкjйсz, пeрвыz клsтвы ґдaма свободи2. Тёмже ти2, всечcтаz, ћкw б9іи м™ри же и3 дв7э вои1стину, вопіeмъ нем0лчнw: рaдуйсz, ѓгGльски, рaдуйсz, вLчце, предстaтельство и3 покр0ве, и3 сп7сeніе дyшъ нaшихъ.
На стіх0внэ стіхи6ры, глaсъ з7:
Ўкраси1тесz, черт0зи нбcніи, tвeрзитесz, двє1ри д0му б9іz: сe бо t земли2 вознесeсz прaведнаz душA с™и1телz и3 со ѓгGлы водворsетсz, и5мже житіeмъ свои1мъ поревновA. Тогw2мlтвами, хrтE б9е, пощади2 и3 сп7си2 дyшы нaшz.
Првdныхъ дyшы въ руцЁ б9іей, и3 не к0снетсz и4хъ мyка: но и3 мeртвенное тёло првdнагw їwасaфа тлёнію непричaстно пребывaетъ и3 растлённымъ грэхми2 душaмъ и3ст0чникъ бlгодaти kвлsетсz, є3щe же и3 болsщымъ здрaвіе дaруетъ, є3гдA мlтвъ ўг0дника б9іz воспр0сzтъ и3 къ мощaмъ є3гw2 съ вёрою притекaютъ.
Поревнyимъ њ бlгочeстіи, брaтіе, зри1мъ бо сіE вёчною слaвою вэнчaемо: возненави1димъ гордhню и3 сребролю1біе, ћкw т†z tри1нувъ с™и1тель хrт0въ, на нб7си2 и3 на земли2 вёчную слaву пріsтъ и3 сокр0вище њбрёте неиждивaемое: тёмже и3 њ грёшныхъ лю1дехъ моли1тисz дерзновeніе и3 и3сцэлeній бlгодaть t бGа стzжA, да и3 беззакHнныz путє1мъ б9іимъ научи1тъ, и3 нечести6выz ко гDу њбрати1тъ.
Слaва, и3 нhнэ, бGор0диченъ:
Под8 кр0въ тв0й, вLчце, вси2 земнор0дніи прибэгaюще, вопіeмъ ти2: бцdе, ўповaніе нaше, и3збaви ны2 t безмёрныхъ прегрэшeній, и3 сп7си2 дyшы нaшz.
На ќтрени. На БGъ гDь, тропaрь, двaжды.
Слaва, и3 нhнэ, бGор0диченъ:
ТS, ходaтайствовавшую:
По №-мъ стіхосл0віи сэдaленъ, глaсъ д7:
Да возвели1читсz їwасaфъ, с™и1тель хrт0въ, да наслёдитъ ўгот0ванное є3мY вёчное цrтво: т0й бо хrтY вёрнw служaше, њ мeньшей брaтіи є3гw2 при1снw пекjйсz, и3 кaющыzсz въ люб0вь свою2 пріимaше, и3 нhнэ м0литсz њ душaхъ нaшихъ. Двaжды.
Слaва, и3 нhнэ, бGор0диченъ:
Тeплое заступлeніе сyщымъ въ бэдaхъ, и3 пом0щницу нaшу, и3 къ бGу примирeніе, є4юже t тли2 и3збaвихомсz, бцdу вёрніи ўбlжaемъ.
По в7-мъ стіхосл0віи сэдaленъ, глaсъ }:
Въ житіи2 твоeмъ, ўг0дниче хrт0въ, пост0мъ и3 труды2 тёло твоE и3знури1лъ є3си2: сегw2 рaди по смeрти твоeй нетлёніемъ процвэтE и3 и3ст0чникъ и3сцэлeній вBрнымъ бывaетъ. Моли2 прилёжнw хrтA бGа сп7сти1сz душaмъ нaшымъ. Двaжды.
Слaва, и3 нhнэ, бGор0диченъ:
Ћкw всенепор0чнаz невёста творцA, ћкw неискусомyжнаz м™и и3збaвителz, ћкw вмэсти1лище вhшнzгw сyщи, всепётаz, беззак0ній мS сyща сквeрное жили1ще и3 въ рaзумэ бhвша бэсHмъ и3грaлище, потщи1сz и3 t си1хъ ѕлодёйствіz мS и3збaвити, свётлое жили1ще добродётелію содёлавши: свэтопріeмнице нетлённаz, tжени2 w4блакъ страстeй, и3 спод0би г0рніz свётлости и3 нелeстнагw њсіsніz свёта невечeрнzгw твоегw2.
На полmелeи величaніе:
Величaемъ тS, с™и1телю џтче їwасaфе, и3 чти1мъ с™yю пaмzть твою2: тh бо м0лиши за нaсъ хrтA бGа нaшего.
Pал0мъ и3збрaнный: Ўслhшите сі‰, вси2 kзhцы:
По полmелeи сэдaленъ, глaсъ в7:
Пріиди1те, вси2 вёрніи, њбстоsще многоцэлє1бныz м0щи с™и1телz, и3зліeмъ сердцA н†ша въ мlтвэ, да пребyдетъ съ нaми дyхомъ свои1мъ, и3 на бlг†z дэ‰ніz да настaвитъ нaсъ, и3 да научи1тъ и3скушє1ніz пл0ти побэждaти и3 є3ди1ному бGу ўгождaти.
Слaва, и3 нhнэ, бGор0диченъ:
Б9eственнагw є3стествA не tлyчьсz, пл0ть бhсть во чрeвэ твоeмъ: но бGъ и3 вочlвёчьсz пребhсть, и4же по ржcтвЁ м™рь тS дв7у, ћкоже прeжде ржcтвA, сохрани2 всенепор0чну, є3ди1нъ гDь. Того2 прилёжнw моли2, даровaти нaмъ вeлію млcть.
Степє1нна, №-й ґнтіфHнъ д7-гw глaса.
Прокjменъ, глaсъ №:
ЎстA мо‰ возглаг0лютъ премyдрость, и3 поучeніе сeрдца моегw2 рaзумъ.
Стjхъ: Ўслhшите сі‰, вси2 kзhцы, внуши1те, вси2 живyщіи по вселeннэй.
Всsкое дыхaніе:
Е#ђліе t їwaнна, зачaло lѕ.
По є3ђліи стіхи1ра, глaсъ ѕ7.
Непрестaнною мlтвою, ўчи1тельнымъ сл0вомъ, вели1кимъ милосeрдіемъ и3 добродётельнымъ житіeмъ џбразъ вBрнымъ бhлъ є3си2, бGомyдре їwасaфе, всёхъ ко хrтY приводS и3 на пyть сп7сeніz наставлsz: твоегw2 пастыреначaльства не лиши2 и3 нaсъ, вели1кій с™и1телю б9ій, почитaющихъ пaмzть твою2 вёрнw.
КанHнъ бцdы, на ѕ7, и3 с™aгw, на }.
Катавaсіа:
д7-гw септeмвріа: Кrтъ начертaвъ мwmсeй:
‹-гw декeмвріа: Сп7сE лю1ди чудодёйствуzй вLка:
И#ли2: Хrт0съ раждaетсz:
КанHнъ с™и1телю їwасaфу, глaсъ д7, и3мёzй краегранeсіе сицево2:
Їwасaфе свzти1телю, моли1сz њ царЁ и3 лю1дехъ.
Пёснь №.
Їрм0съ: Трістaты крBпкіz, рождeйсz t дв7ы, безстрaстіz во глубинЁ, души2 тричaстное потопи2, молю1сz, да тебЁ, ћкw въ тmмпaнэ, во ўмерщвлeніи тэлесE побёдное воспою2 пёніе.
Припёвъ: С™и1телю џтче їwасaфе, моли2 бGа њ нaсъ.
Їwасaфа с™и1телz воспэвaюще п0двиги, њчи1стимъ п0мыслы ўмA нaшегw, брaтіе, того2 подвизaюще на мlтву њ прощeніи грBхъ нaшихъ и3 бlгодaтнагw ўмилeніz даровaніи.
Њ твоeмъ бlгочeстіи и3змлaда потщaвшесz роди1теліе твои2, ўг0дниче хrт0въ, дост0йную мздY трудHвъ свои1хъ въ тебЁ стzжaша, ћкw t младeнчества твоегw2 бlгочести1вымъ нрaвомъ рaдость тBмъ бhлъ є3си2.
Ѓннэ прaведнэй ўпод0бисz nтeцъ тв0й, с™и1телю: тa бо дщeрь свою2 во с™0е с™hхъ вводи1му ви1дэ, сeй же тS t тоsжде прес™hz бцdы ґрхіерeйскою слaвою вэнчaнна въ видёніи чyднэмъ познaти спод0бисz.
Себє2 самaгw плaчу њкаsнный ѓзъ, t ю4ности страстeмъ пораб0тивсz: поми1луй мS предстaтельствомъ твои1мъ, с™и1телю, t ю4ности стр†сти поработи1вый и3 є3ди1ному бGу до смeрти послужи1вый.
БGор0диченъ: Г0ру с™yю, превhшнее носи1ло, м™рь б9ію и3 дв7у и4стинную по ржcтвЁ воспои1мъ.
Пёснь G.
Їрм0съ: Съ высоты2 снизшeлъ є3си2 в0лею на зeмлю, превhше всsкагw начaла, и3 смирeнное вознeслъ є3си2 и3з8 ѓда преисп0днzгw є3стество2 человёческое: нёсть бо с™ъ пaче тебє2, чlвэколю1бче.
Ѓще и3 чaдо послyшное роди1телємъ твои6мъ бhлъ є3си2, їwасaфе, но, гDа пaче си1хъ возлюби1въ, и3з8 nтeческагw д0ма сп7сeніz рaди ўдали1лсz є3си2, и3 научeніе кни1жное воспріи1мъ, во nби1тель и4ноческую себE заключи1лъ є3си2.
Фарісeйскагw возношeніz чyждь kви1лсz є3си2, џтче прпdбне: монaшеское же смирeніе t ю4ности возлюби1въ, тaйными пHдвиги пл0ть смирsлъ є3си2, и3 дyшу твою2мlтвою пред8 nц7eмъ нбcнымъ просвэщaлъ є3си2.
Е$же жи1ти ми2 хrт0съ, и3 смeрть пріwбрётеніе, глаг0лалъ є3си2 въ себЁ, хrт0въ ўг0дниче, и3 болёзнемъ пл0ть твою2 сокрушaющымъ, труды2 ко трудHмъ гDа рaди прилагaлъ є3си2.
С™0е послушaніе воспріи1мъ и3 сщ7eнства њдeждою ўкрaшенъ, їwасaфъ ўг0дникъ хrт0въ ўчи1тель д0бръ nтрокHмъ бывaетъ, сл0вомъ и3 житіeмъ тёхъ бlгочeстію научaz и3 во младhхъ лётэхъ ќмъ зрёлый kвлsz.
БGор0диченъ: Неискусобрaчнаz бGа пл0тію р0ждшаz, стрaстными прилHги преклонeна мS ўтверди2: нёсть бо, чcтаz, рaзвэ тебє2 пом0щница.
Сэдaленъ, глaсъ ѕ7:
Кaz добродётель не њбрёте въ души2 твоeй њбитaлища; к0егw п0двига не бhлъ є3си2 поб0рникъ; нищетa бо дух0внаz и3 њ цrтвіи нбcнэмъ плaчь, и3 нрaва кр0тость, и3 прaвды и3скaніе, и3 ко бли1жнимъ милосeрдіе, и3 сeрдца чистотA во твоeмъ непор0чнэмъ житіи2 просіsша. Тёхъ u5бо даровaній џбщники ны2 молsщыzсz сотвори2, и3 њ душaхъ нaшихъ предстaтель бyди, їwасaфе и3збрaнниче б9ій. Двaжды.
Слaва, и3 нhнэ, бGор0диченъ:
Бlгословeнную нарекjй твою2 м™рь, пришeлъ є3си2 на стrть в0льнымъ хотёніемъ, возсіsвъ на кrтЁ, взыскaти хотS ґдaма, глаг0лz ѓгGлwмъ: срaдуйтесz мнЁ, ћкw њбрётесz поги1бшаz дрaхма. ВсS мyдрэ ўстр0ивый, б9е нaшъ, слaва тебЁ.
Пёснь д7.
Їрм0съ: Сэдsй въ слaвэ на пrт0лэ б9ествA, во w4блацэ лeгцэ пріи1де ї}съ преб9eственный, нетлённою длaнію, и3 сп7сE зовyщыz: слaва, хrтE, си1лэ твоeй.
Вёмъ и3 ѓзъ пyть ко сп7сeнію ведyщій, но лёности пл0ти моеS не побэждaю, ўвы2 мнЁ. Сегw2 рaди тS, с™и1телю, призывaю въ мlтву, да желaніе сп7сeніz во мнЁ ўтверди1ши.
Ћкорь сп7сeніz и3мёz надeжду на гDа, служeніе и3гyменское пріsлъ є3си2, и3 къ попечeніємъ њ строи1тельствэ дом0внэмъ понуждaемь, дyшу твою2 ўстроsти ко сп7сeнію не престaлъ є3си2: семY и3 менE многосyетнаго научaй, џтче прпdбне.
Труды2 ко трудHмъ прилагaz и3 nби1тель лубeнскую t разрушeніz воздвизaz, по земли1 же рwссjйстэй за ми1лостынею стрaнствуz, с™и1тель їwасaфъ цари1цу во бlгочeстіи ўтверждaетъ и3 вс‰ лю1ди сп7сeнію дyшъ научaетъ.
И#мёz въ сeрдцэ своeмъ при1сную къ ни1щымъ люб0вь, їwасaфъ хrт0въ ўг0дникъ nтeческое попечeніе њ монастhрскихъ трyдницэхъ kвлsетъ и3 t достaтка своегw2 щедрHты бли6жнимъ свои6мъ tверзaетъ.
БGор0диченъ: ГпcжE всепётаz бGороди1тельнице, мо‰ помышлє1ніz твои1ми мlтвами њчи1стивши, покажи1 мz бlгопл0дна, м™и всёхъ бGа.
Пёснь є7.
Їрм0съ: Нhнэ востaну, прор0чески речE бGъ, нhнэ прослaвлюсz, нhнэ вознесyсz, пaдшаго пріeмъ t дв7ы и3 къ свёту ќмному возносsй моегw2 б9ествA.
ТебE, с™и1телю хrт0въ, молю2 въ сокрушeніи сeрдца: ћкоже въ житіи2 твоeмъ кaющыzсz прощaлъ є3си2, тaкw и3 моегw2 сeрдца сокрушeніе зрS, ўмоли2 гDа грэхHмъ мои6мъ прощeніе даровaти.
Е#лeнь на и3ст0чники водны6z ўстремлsетсz: тh же, ўг0дниче, ко слaвэ цRкве хrт0вы вс‰ дэ‰ніz и3 п0мыслы тво‰ при1снw ўстремлsлъ є3си2, и3 тaкw nби1тєли с™и1телz ґfанaсіа и3 прпdбнагw сeргіа є3ли1кw строeніемъ цRк0внымъ, толи1кw и3 бlгочeстіемъ брaтіи ўкраси1лъ є3си2.
Лю1діе, слhшите и3 чуди1тесz ўг0дника смиренномyдрію: сeй бо с™aго ґfанaсіа въ видёніи зри1тъ и3 томY вопроси1вшу tвэщавaетъ: хощY, да менE ћкоже грёшника накaжеши.
Ю$наго соломHна, не богaтства, но мyдрости t kви1вшагwсz гDа просsща, похвалsетъ вhшній, и3 вселeннаz при1снw прославлsетъ: но тогw2 мудрёйшій їwасaфъ показyетсz, наказaніz грэхHмъ свои6мъ t ћвльшагwсz с™и1телz и3спрошaz.
БGор0диченъ: Воплоти1сz бGъ по v3постaси, чcтаz, и3з8 тебє2 пл0ти соединsемь, пребhвъ неизмёненъ, по б9eственному существY безпл0тенъ.
Пёснь ѕ7.
Їрм0съ: Возопи2, проwбразyz погребeніе триднeвное, прbр0къ їHна, въ ки1тэ молsсz: t тли2 и3збaви мS, ї}се цRю2 си1лъ.
Мlтвами прпdбнагw сeргіа, твои1ми же труды6 во слaву с™hхъ б9іихъ, пaче же сeрдца чистот0ю, t гDа є3щE на земли2 возвели1ченъ бhлъ є3си2, ўг0дниче, и3 с™и1тельскимъ сaномъ во сп7сeніе пaствы твоеS њблечeнъ бhлъ є3си2.
Џгненную рeвность њ и3справлeніи цRк0внэмъ kвлsлъ є3си2 въ бэлогрaдстэмъ предёлэ, їwасaфе с™и1телю: тёмже и3 днeсь подавaй цRкви ми1ръ, вBрнымъ ўтверждeніе.
ЛюбвE сын0вніz не tпaлъ є3си2, на высотЁ с™и1тельства пребывaz, и3 роди1телю твоемY земн0е поклонeніе воздaлъ є3си2, хrтY посредЁ вaсъ сyщу: u5бо и3 моE смири2 прег0рдое сeрдце, и3мlтвами твои1ми вразуми1 мz.
И$нокъ нестzжaтеленъ на прест0лэ ґрхіерeйства пребhлъ є3си2, с™и1телю, п0двиги постA и3мlтвы ўмножaz, д0брое њ себЁ и3 њ лю1дехъ возносS молeніе, їерє1и же и3 вс‰ лю1ди зaповэдемъ б9іимъ научaz.
БGор0диченъ: Всsкагw существA вhшшее, сл0во б9іе воплощeнно нaмъ родилA є3си2: тёмже бцdу тS ўстнaми и3 душeю проповёдуемъ.
Кондaкъ, глaсъ }:
Многоразли1чныz п0двиги житіS твоегw2 кто2 и3сповёсть; многоwбрaзныz млcти б9іz тоб0ю kвлє1нныz кто2 и3счи1слитъ; дерзновeніе же твоE ў пречcтыz бцdы и3 всещeдрагw бGа д0брэ вёдуще, во ўмилeніи сердeчнэмъ зовeмъ ти2: не лиши2 и3 нaсъ твоеS п0мощи и3 заступлeніz, с™и1телю хrт0въ и3 чудотв0рче їwасaфе.
Јкосъ: Пречcтою бGом™рію t ю4ности въ сосyдъ бlгодaти и3збрaнный, бlгочести1вымъ житіeмъ вои1стину д0брый пaстырь словeсныхъ nвeцъ kви1лсz є3си2, с™и1телю: тёмже пріsлъ є3си2 дaръ и3сцэлeній t возлюби1вшагw тS хrтA бGа нaшегw. Сегw2 рaди зовeмъ ти2: не лиши2 и3 нaсъ твоеS п0мощи и3 заступлeніz, с™и1телю хrт0въ и3 чудотв0рче їwасaфе.
Пёснь з7.
Їрм0съ: Ю$нwши три2 въ вавmлHнэ, велёніе мучи1телево на бyйство прел0жше, посредЁ плaмене вопіsху: бlгословeнъ є3си2, гDи б9е nтє1цъ нaшихъ.
С™и1телю їwасaфу диви1мсz, q лю1діе, вёдуще сего2, ѓки ніколaа чудотв0рца, бёдныхъ хи6жины тaйнw посэщaюща, и3ли2 тBмъ дровA свои1ма рукaма ўготовлsюща, и3 біє1ніz t приврaтника пріeмлюща.
Ћзвы грэхHвныz на душaхъ человёческихъ прови1дэлъ є3си2, с™и1телю, и3 т†йнаz прегрэшє1ніz и4хъ съ люб0вію и3 долготерпёніемъ њбличaлъ є3си2: тёмже и3 нaсъ мlтвою твоeю къ покаsнію и3 и3справлeнію житіS приведи2, и3 дyшы нaшz предстaтельствомъ твои1мъ поми1луй.
Џному власти1телю ўпод0бихсz ѓзъ њкаsнный, и4же, сaмъ беззак0ненъ бhвъ, ко ќзникwмъ ѕэлw2 жeстокъ kвлsшесz: но ћкоже того2 научeніемъ твои1мъ и3спрaвилъ є3си2, џтче їwасaфе, с™и1телю хrт0въ, тaкw и3 менE научи2 ко бли6жнимъ ми1лостива, къ себё же жeстока бhти.
ЦRS нбcнагw д0брый в0ине и3 стaда хrт0ва вёрный пaстырю, мlтву сотвори2 њ лю1дехъ твои1хъ, да ти1хое житіE на земли2 пожи1вше, жи1зни вёчныz на нб7сёхъ спод0бимсz.
БGор0диченъ: Превёчнw t nц7A возсіsвша бGа сл0ва во ўтр0бэ пл0тію зачeншую вси2 ўбlжaемъ, ћкw м™рь всёхъ бGа.
Пёснь }.
Їрм0съ: И#збaвителю всёхъ всеси1льне, посредЁ плaмене бlгочeствовавшыz снизшeдъ њроси1лъ є3си2, и3 научи1лъ є3си2 пёти: вс‰ дэлA, бlгослови1те, п0йте гDа.
Ґfанaсію џному тоб0ю возлю1бленному подражaтель бhвъ, с™и1телю, потщaлсz є3си2 земн0е житіE во стрaнничестэмъ п0двизэ скончaти, и3 кончи1ну свою2 прозрёвъ, пути2 далeкому небоsзненнw вдaлсz є3си2.
Рeклъ є3си2 лю1демъ, t пaствы твоеS tходS: не и4мате менE жи1ва ўзрёти. Тёмже въ зал0гъ nбщeніz тaмw гробни1цу тебЁ ўстр0ити повелёлъ є3си2. И# нaсъ u5бо научи2 чaсъ смeртный пaмzтовати и3 њ души2 своeй попечeніе непрестaннw храни1ти.
Е#ли1ка твоS њ монaшестэмъ житіи2 бsше рeвность, толи1ка и3 ко твои6мъ при6снымъ любы2: занE не по пл0ти т0чію свои2 тебЁ бhша, но и3 дyхомъ є3ди1но въ бз7э съ тоб0ю kви1шасz. Тогw2 рaди восхотёлъ є3си2 роди1тєли тво‰ прeжде кончи1ны твоеS посэти1ти и3 бlгословeніе б9іе тBмъ преподaти.
И#гyменъ, близ8 мёста твоеS прaведныz кончи1ны подвизaвыйсz, њ часЁ преставлeніz твоегw2 видёніемъ и3звэствyетсz, и3 свидётель вёренъ њ твоeмъ t бGа прославлeніи ѓбіе бывaетъ. И# на мнЁ u5бо твоеS мlтвы си1лу покажи2, хrт0въ ўг0дниче, и3 т0ю t мучи1тельства страстeй свободи1 мz.
БGор0диченъ: Всес™az дв7о, бGа сл0ва р0ждшаz пл0тію, души2 моеS мрaкъ твои1ми мlтвами tгнaвши, просвэти2 взывaюща: бlгослови1те, вс‰ дэлA гDнz, гDа.
Пёснь f7.
Їрм0съ: Ржcтво2 твоE нетлённо kви1сz: бGъ и3з8 бокY твоє1ю пр0йде, ћкw плотон0сецъ kви1сz на земли2, и3 съ человBки поживE. ТS, бцdе, тёмъ вси2 величaемъ.
Любы2 николи1же tпaдаетъ, глаг0летъ б9eственный д¦ъ. И$стина сіS въ чудесёхъ любвE твоеS и3звэсти1сz, с™и1телю хrт0въ, ћкw болsщымъ и3сцэлeніе и3 скорбsщымъ ўтэшeніе t твои1хъ нетлённыхъ и3сточaеши мощeй.
Ю$жскій рwссjйскіz земли2 предёлъ бlгодарeній њ чудесёхъ твои1хъ и3сп0лнисz и3здрeвле: нhнэ же и3 t дaльнихъ стрaнъ сёверныхъ притекaющыz зри1мъ и3 и3сцэлє1нныz страдaльцы, њ твоeмъ заступлeніи рaдующыzсz.
Дёти стрaждущыz пaче и3нhхъ возлюби1лъ є3си2, с™и1телю хrт0въ, тBмъ и3сцэлє1ніz и3 бlгодaтную п0мощь ўмножaz и3 роди1тєли и4хъ t ск0рби къ рaдости премэнsz.
Е#ліссeа прbр0ка костeй прикосновeніемъ востA ўмeрый: твои1хъ же мощeй цэловaніемъ безчи1сленніи и3сцэли1шасz лю1діе. И# менE u5бо припaдающа и3сцэли2 t грэх0вныхъ страстeй, и3 вёру ўкрэпи2 многогрёшныz души2 моеS, џтче прпdбне.
ХrтE б9е, мlтвами їwасaфа ўг0дника твоегw2 ми1ръ цRкви подaждь и3 бlгостоsніе, t глaда же и3 пaгубы и3збавлeніе и3 согрэшeній нaшихъ прощeніе.
БGор0диченъ: Пл0дъ чрeва твоегw2, рaдость р0ждшаz, содёz ликостоsтелz пёснь пёти тебЁ, велеглaснw рaдуйсz провэщавaюща.
И# ѓбіе: Люби1ти ќбw нaмъ, ћкw безбёдное стрaхомъ, ўд0бэе молчaніе: люб0вію же, дв7о, пBсни ткaти спротzжeннw сложє1нныz неуд0бно є4сть. Но и3, м™и, си1лу, є3ли1ко є4сть произволeніе, дaждь.
Свэти1ленъ.
Под0бенъ: Жєны2, ўслhшите:
Свэти1льникъ свётлый їwасaфъ да воспоeтсz посредЁ цRкве, ћкw и4нокъ препод0бенъ и3 с™и1тель чeстенъ, немyдрыхъ наказaтель и3 вёры ўчи1тель, болsщихъ врaчь чудотворsй, бэсHвъ и3згони1тель и3 њ вселeннэй предстaтель теплёйшій.
Слaва, и3 нhнэ, бGор0диченъ:
Вeліе и3 преслaвное ржcтвA твоегw2 тaинство, бGорaдованнаz nтрокови1це и3 бGом™и дв7о, прbр0цы проповёдаша, ґпcли научи1ша, м§нцы и3сповёдаша, ѓгGли же воспэвaютъ, и3 человёцы покланsютсz.
На хвали1техъ стіхи6ры на д7, глaсъ д7.
Под0бенъ: Ћкw д0блz:
С™и1телz гDнz м0щи цэлyюще, вёрніи, њчи1стимъ себE t сквeрны пл0ти и3 дyха, и3 пaмzтію чудeсъ є3гw2 сердцA н†ша ўмили1мъ, въ покаsніи тeплэ зовyще хrтY: гDи, ўг0дника твоегw2мlтвами вложи2 въ нaсъ томY подражaти желaніе. Двaжды.
Никт0же т0щь t тебє2 и3сх0дитъ, с™и1телю б9ій їwасaфе, и3 и3сцэлeніе тёла и3 души2 њсщ7eніе всsкъ пріeмлетъ, ѓще съ вёрою п0мощь твою2 призовeтъ, и3 њ грэсёхъ свои1хъ покаsніе приносS, житіE своE и3спрaвити потщи1тсz. ТомY u5бо и3 нaсъ научи2, с™е, и3мlтву сотвори2 њ сп7сeніи дyшъ нaшихъ.
Слезaми ўмилeніz ли1ца сво‰ њрошaюще, вёрніи, цэлyимъ ўг0дника нетлBнныz м0щи, ћкw рэкY чудeсъ и3 и3сцэлeній и3ст0чникъ неwскyдный, ћкw б9eственныz си1лы знaменіе kснёйшее, є4же въ н†ша маловBрнаz временA въ сердцaхъ вёру ўмножaетъ, невBрныz же къ вёрэ возв0дитъ и3 с™и1телz б9іz чти1ти всёхъ научaетъ.
Слaва, глaсъ }:
Q преслaвнагw чудесE! Q б9eственнагw къ нaмъ грBшнымъ долготерпёніz! ћкw ўмн0жившымсz соблaзнwмъ на земли2 и3 вёрэ ѕэлw2 ўмaленнэй, чудє1снаz ўмножaютсz t мощeй с™и1телz и3сцэлє1ніz. Зри1те u5бо, лю1діе рwссjйстіи и3 вс‰ вBрнаz хrт0вы цRкве чaда, коли1кw м0жетъ мlтва прaведнича, кaкw дрeвнихъ чудeсъ под0біе днeсь нaмъ kвлsетсz. Слaва тебЁ, хrтE б9е, ћкw ты2 є3си2 с™hми чудодёйствуzй: сотвори1 ны достHйны толи1кіz бlгодaти бhти, слhшатєли и3 свидётєли чудeсъ с™aгw їwасaфа сyщыz, и3 и3збaви нaсъ t безмёрныхъ грэхHвъ, и3 рaдость сп7сeніz твоегw2 подaждь нaмъ.
И# нhнэ, бGор0диченъ:
ВLчце, пріими2мlтвы р†бъ твои1хъ, и3 и3збaви нaсъ t всsкіz нyжды и3 печaли.
Славосл0віе вели1кое, и3 tпyстъ.
На літургjи слyжба всS с™и1тельскаz.
Слyжба прес™ёй вLчцэ нaшей бGор0дицэ, въ чeсть и3 пaмzть kвлeніz чудотв0рныz їкHны є3S, неwпали1мыz купины2.
На вечeрни, на ГDи воззвaхъ, стіхи6ры на }. Глaсъ в7.
Под0бенъ: Е#гдA t дрeва:
Пріиди1те вёрніи съ люб0вію къ горЁ с™ёй, и3 тaмw ќзримъ видёніе б9eственное, є3г0же вели1кій во прор0цэхъ мwmсeй бGови1децъ, нaмъ тaинственнw возвэщaетъ, кaкw купинA горsше nгнeмъ, и3 неwпали1ма бhсть, си1мъ проzвлsz nбрaзнw вeлію и3 непостижи1мую тaйну, безсёменнагw рожcтвA твоегw2, бGор0дице: ћкw џгнь бжcтвA неwпали1мw въ ложеснaхъ твои1хъ вмэсти1ла є3си2, и3 по рожcтвЁ ключи2 дёвства невреди1мw сохрани1ла є3си2. Тёмже ўблажaемъ тS вси2 р0ди, ћкw р0ждшую сп7са и3 и3збaвителz дyшъ нaшихъ.
Пребывaеши въ рожcтвЁ и3 по рожcтвЁ дв7а, nгнeмъ неwпали1мыz купины2 дрeвле проwбразовaннаz мwmсeови, бGороди1тельнице, и3 созывaеши вёрныхъ соб0ры, їкHны твоеS честн0е kвлeніе бlгохвали1ти въ пёснехъ дух0вныхъ: ћкw въ нeй зал0гъ бlговолeніz твоегw2, р0ду хrтіaнскому даровaла є3си2, въ покр0въ и3 защи1ту t џгненнагw запалeніz и3 молніен0снагw гр0ма. Сe бо и3 на їкHнэ зрsще тS, въ под0біи неwпали1мыz купины2 и3з8wбражeнную, дaры блaгости твоеS t неS неwскyднw пріeмлемъ, и3 тS ўбlжaемъ по д0лгу, ћкw р0ждшую сп7са и3 и3збaвителz дyшъ нaшихъ.
Плaмень страстeй нaшихъ ўгашaеши моли1твою твоeю, бцdе дв7о, предстaтельствуz за нaсъ непрестaннw ў прест0ла сн7а твоегw2 и3 бGа нaшегw: ћкw вои1стинну вeліе дерзновeніе и4маши къ немY, и3 ничт0же невозм0жно є4сть ходaтайству твоемY. И$бо сaмой їкHнэ твоeй даровA џнъ си1лу б9eственную, совершaти мнHгаz и3 преди1внаz чудесA, си1ми ўвэрsz нaсъ, ћкw никт0же прибэгazй къ покр0ву заступлeніz твоегw2, посрaмленъ tи1детъ. Сегw2 рaди поeмъ моли1твъ твои1хъ си1лу, и3 ўблажaемъ тS, надeждо хrтіaнъ, р0ждшую сп7са и3 и3збaвителz дyшъ нaшихъ.
Подaждь п0мощь твою2 держaвную нaмъ, бцdе, є3гдA грBхъ рaди нaшихъ, џгненнагw запалeніz наказaніе на нaсъ пріи1детъ внезaпнw, и3ли2 гр0мы и3 мHлніи съ небесE нaсъ ўстрашaютъ: тогдA їкHною твоeю с™0ю нaсъ защити2 и3 и3збaви, и3 kви1сz ўтоли1тельница гнёва б9іz, на нaсъ прaведнw подви1женнагw. Мн0гw бо м0жетъ мaтернzz моли1тва ко творцY, и3 всеси1льно ходaтайство твоE предъ лицeмъ всевhшнzгw: є3г0же ўмолsти не престaй за р0дъ хrтіaнскій, и4же въ пёснехъ нем0лчныхъ ўбlжaетъ тS, р0ждшую сп7са и3 и3збaвителz дyшъ нaшихъ.
Слaва, и3 нhнэ. Глaсъ т0йже:
Прeйде сёнь зак0ннаz, бlгодaти пришeдши: ћкоже бо купинA не сгарaше њпалsема, тaкw дв7а родилA є3си2, и3 дв7а пребылA є3си2. Вмёстw столпA џгненнагw, прaведное возсіS с0лнце, вмёстw мwmсeа хrт0съ, спасeніе дyшъ нaшихъ.
Вх0дъ. Прокjменъ днE. Чтє1ніz три2.
БытіS чтeніе.
(ГлавA к7и) И#зhде їaкwвъ t студенцA клsтвеннагw, и3 и4де въ харрaнь. И# њбрёте мёсто, и3 спA тaмw, зaйде бо с0лнце: и3 взsтъ t кaменіz мёста тогw2, и3 положи2 возглaвіе себЁ, и3 спA на мёстэ џномъ. И# с0нъ ви1дэ: и3 сE лёствица ўтверждeна на земли2, є3sже главA досzзaше до небeсъ, и3 ѓгGли б9іи восхождaху и3 низхождaху по нeй. ГDь же ўтверждaшесz на нeй, и3 речE: Ѓзъ бGъ ґвраaма nтцA твоегw2, и3 бGъ їсаaка, не б0йсz: землS, и3дёже ты2 спи1ши на нeй, тебЁ дaмъ ю5, и3 сёмени твоемY. И# бyдетъ сёмz твоE, ћкw пес0къ земнhй, и3 распространи1тсz на м0ре, и3 лjву, и3 сёверъ, и3 на вост0ки: и3 возблагословsтсz њ тебЁ вс‰ колBна земнaz, и3 њ сёмени твоeмъ. И# сE ѓзъ є4смь съ тоб0ю, сохранszй тS на всsкомъ пути2, ѓможе ѓще п0йдеши, и3 возвращy тz въ зeмлю сію2: ћкw не и4мамъ тебE њстaвити, д0ндеже сотвори1ти ми2 вс‰ є3ли6ка глаг0лахъ тебЁ. И# востA їaкwвъ t снA своегw2, и3 речE: ћкw є4сть гDь на мёстэ сeмъ, ѓзъ же не вёдэхъ. И# ўбоsсz, и3 речE: ћкw стрaшно мёсто сіE: нёсть сіE, но д0мъ б9ій, и3 сі‰ вратA небє1снаz.
И#сх0да чтeніе.
(ГлавA G) Вни1де мwmсeй въ г0ру б9ію хwри1въ. Kви1сz же є3мY ѓгGлъ гDнь въ плaмени џгненнэ и3з8 купины2: и3 ви1дэ, ћкw купинA горsше nгнeмъ и3 купинA не сгарaше. Речe же мwmсeй: пришeдъ ўзрю2 видёніе вели1кое сіE, что2 ћкw не сгарaетъ купинA; Ћкоже ви1дэ гDь, ћкw приступaетъ ви1дэти, призвA є3го2 гDь и3з8 купины2, глаг0лz: мwmсeе, мwmсeе. џнъ же речE: что2 є4сть; И# речE: не приближaйсz сёмw: и3ззyй сапоги2 t ног{ твоє1ю: мёсто бо, на нeмъ же ты2 стои1ши, землS с™A є4сть. И# речE є3мY: ѓзъ є4смь бGъ nц7A твоегw2, бGъ ґвраaмовъ, и3 бGъ їсаaковъ, и3 бGъ їaкwвль. Tврати1 же мwmсeй лицE своE, стыдsшебосz зрёти предъ бGомъ. Речe же гDь къ мwmсeю: ви1дz ви1дэхъ њѕлоблeніе людeй мои1хъ, и5же во є3гЂптэ, и3 в0пль и4хъ ўслhшахъ t наси1льствующихъ въ дёлэхъ: Вёмъ бо болBзни и4хъ, и3 снид0хъ є4же и3з8sти и5хъ t руки2 є3гЂптzнъ, и3 и3звести2 и5хъ t земли2 џныz, и3 ввести2 и5хъ въ зeмлю блaгу и3 мн0гу, въ зeмлю, точaщую мeдъ и3 млеко2.
Прор0чества їезекjилева чтeніе.
(ГлавA м7г и3м7д) Тaкw глаг0летъ гDь: бyдетъ t днE nсмaгw и3 пр0чее, сотворsтъ їерє1и на nлтари2 всесожжeніz вaшегw, и3 ±же спасeніz вaшегw, и3 пріимY вы2, и3 глаг0летъ ґдwнаJ гDь. И# њбрати1 мz на пyть врaтъ с™hхъ внёшнихъ, зрsщихъ на вост0ки, и3 сі‰ бsху затворє1на. И# речE гDь ко мнЁ: сі‰ вратA бyдутъ, заключє1нна и3 не tвeрзутсz, и3 никт0же пр0йдетъ сквозЁ и4хъ, ћкw гDь бGъ ї}левъ пр0йдетъ и4ми, и3 бyдутъ затворє1на. Ћкw и3гyменъ сsдетъ въ ни1хъ снёсти хлёбъ, по пути2 є3лaмскихъ врaтъ вни1детъ, и3 по пути2 є3гw2 и3зhдетъ. И# введe мz по пути2 врaтъ свzтhхъ сyщихъ къ сёверу, прsмw хрaму, и3 ви1дэхъ: и3 сE и3сп0лнь слaвы хрaмъ гDень.
На літjи стіхи6ры, глaсъ ѕ7. Самогл†сны:
Ћкw вои1стинну дрeвнzгw ківHта чcтнёйшаz, kви1сz с™az їкHна твоS, бцdе вLчце, на нeйже бжcтвеннагw ли1ка твоегw2 под0біе созерцaемъ: на рукy бо твоeю бGомладeнца предвёчнаго, гDа ї}са хrтA держи1ши, ѓгGлwвъ и3 человёкwвъ творцA, и3 всемY мjру kвлsеши и3зъ тебє2 безсёменнw вопл0щшагосz бGа сл0ва. Е#мyже раболёпнw клaнzющесz, пэсносл0вимъ тS вои1стинну бцdу, и3м0лимтисz прилёжнw: ўмири2 мjръ, и3 спаси2 дyшы нaшz, мaтернимъ предстaтельствомъ твои1мъ къ р0ждшемусz t тебє2, є3ди1на бlгословeннаz.
Предстоsтъ чcтнэй їкHнэ твоeй хrтолюби1віи лю1діе, и3 съ люб0вію є4й покланsютсz, бцdе вLчце, почерпaz њби1льныz t неS дaры щедрHтъ твои1хъ, въ недyзэхъ врачевство2, въ бэдaхъ и3збавлeніе, въ ск0рбехъ ўтэшeніе: и4бо всBмъ вс‰ благ†z и3 душеполє1знаz дaруеши, съ вёрою просsщымъ предъ пречcтымъ џбразомъ твои1мъ. Сегw2 рaди сeрдцемъ и3 ўсты2 бlгоговёйнw лобызaемъ б9eственнагw ли1ка твоегw2 под0біе, и3м0лимтисz прилёжнw: ўмири2 мjръ, и3 спаси2 дyшы нaшz, всеси1льными моли1твами твои1ми къ р0ждшемусz t тебє2, є3ди1на бlгословeннаz.
Пeрвэе написaвшейсz їкHнэ твоeй бжcтвеннымъ є3ђлjстомъ лук0ю, и3 къ тебЁ принесeннэй, бцdе вLчце, бlговоли1ла є3си2 њ їкHнэ сeй ћкw ми1лостива сyщи, и3 бlгослови1въ ю5, реклA є3си2 со влaстію: съ си1мъ џбразомъ бlгодaть моS и3 си1ла: и3 воспёла є3си2 рaдуzсz, ћкоже и3 бGа внегдA носи1ла є3си2 во чрeвэ, пёснь прор0ческую: сE t нhнэ ўблажaтъ мS вси2 р0ди. Тёмже ви1дzще съ глaсомъ дёйство, чудeсъ мн0жество t їкHны твоеS kвлeнное и3 присноzвлsемое по всeй вселeннэй, нем0лчными славословлeніи тS ўбlжaемъ, и3м0лимтисz прилёжнw: ўмири2 мjръ и3 спаси2 дyшы нaшz, бlгопріsтнымъ ходaтайствомъ твои1мъ къ р0ждшемусz t тебє2, є3ди1на бlгословeннаz.
ГорA є3си2 вели1каz и3 преслaвнаz, пaче горы2 сінaйскіz, бцdе вLчце: тa бо не терпsщи сни1тіz слaвы б9іz, nгнeмъ возгарaшесz, и3 гр0ми и3 мHлніи тaмw бhша: тh же џгнь бжcтвA, бGа сл0во неwпaльнw во чрeвэ твоeмъ вмэсти1ла є3си2, и3 млек0мъ питaла є3си2 питaтелz вселeнныz. Къ немyже дерзновeніе мaтернее и3мyщи, спасaй t бёдъ вёрнw прaзднующихъ тв0й честнhй прaздникъ, въ нeмже пэсносл0вимъ ми1лwсти тво‰ и3 щедрHты, и3м0лимтисz прилёжнw: ўмири2 мjръ, и3 спаси2 дyшы нaшz бжcтвеннымъ молeніемъ твои1мъ къ р0ждшемусz t тебє2, є3ди1на бlгословeннаz.
Слaва, и3 нhнэ: Глaсъ }:
Пaче ски1ніи мwmсeевы, по џбразу небeсному сотворeнныz, всю1 тz бGъ њс™и2, бцdе, и3 пaче ґарHнz ківHта, и3сп0лни бlгодaти б9іz и3зoби1льнw, є3sже и3 їкHна твоегw2 под0біz причaстна показaсz: и3сточaетъ бо њсвzщeніе и3 цэльбY душaмъ и3 тэлесє1мъ человёчєскимъ, и3 ўставлsетъ си1лу џгненную присyтствіемъ свои1мъ. Е$й же съ люб0вію покланsющесz, пр0симъ, всебlгaz, и3 вопіeмъ: nгнS врeменнагw и3 вёчнагw и3збaви нaсъ, бlгословeннаz пом0щнице.
На стіх0внэ стіхи6ры, глaсъ ѕ7:
Величaемъ тS, бцdе дв7о, возвели1чившую р0дъ нaшъ: и3з8 тебє1 бо воплоти1сz и3збaвитель пaдшагw человёчества, и4мже ґдaмъ и3 є4vа клsтвы свободи1шасz, и3 t мрaчныхъ ўд0лій ѓдскихъ во є3дeмъ пaки введ0шасz, сhй бGъ нaшъ, спасazй при1снw тS величaющыz.
Стjхъ: Слhши, дщи2, и3 ви1ждь, и3 приклони2 ќхо твоE.
Величaемъ тS, бцdе дв7о, застyпницу ўсeрдную р0да хrтіaнскагw, покр0вомъ ми1лости твоеS покрывaющую всю2 вселeнную: сe бо їкHна твоS с™az чудeсъ мн0жество и3сточaетъ, и3 ћкw ќтварь драгaz цRкви хrт0вой даровaсz бlгостію творцA, всeльшагwсz въ тS пл0тію, и3 прослaвльшагw тS слaвою бжcтвA. И#з8 тебe бо вои1стинну, ґ не привидёніемъ, воплоти1сz сhй бGъ нaшъ, спасazй при1снw тS величaющыz.
Стjхъ: ЛицY твоемY пом0лzтсz богaтіи лю1дстіи.
Величaемъ тS, бцdе дв7о, ћкw њдушевлeнный ківHтъ б9ествA, пёніи хвалeбными чествyемъ тS, є3ди1ну и3збрaнную и3 бlгословeнную, въ женaхъ: ложеснa бо тво‰ прест0лъ себЁ сотвори2 сhй бGъ нaшъ, спасazй при1снw тS величaющыz.
Слaва, и3 нhнэ, глaсъ т0йже:
T с™hz їкHны твоеS, вLчце пребlгaz, и3сцэлeній струи6 и3стекaютъ, и4миже напоsютсz бlгодaтнw дyшы нaшz, и3 врачyютсz безмeзднw тэлесA н†ша: тёмже тS цэлeбницу ми1лостивую при1снw въ пёснехъ величaемъ.
Тропaрь, глaсъ д7:
И$же во nгни2 купины2 неwпали1мыz, дрeвле мwmсeемъ ви1дэнныz, тaйну воплощeніz своегw2 t неискусобрaчныz дв7ы марjи проwбразовaвый, т0й и3 нhнэ, ћкw чудeсъ творeцъ и3 всеS твaри создaтель, їкHну є3S с™yю чудесы2 мн0гими прослaви, даровaвъ ю5 вBрнымъ во и3сцэлeніе недyгwмъ, и3 въ защищeніе t џгненнагw запалeніz. Сегw2 рaди вопіeмъ пребlгословeннэй: надeждо хrтіaнъ, t лю1тыхъ бёдъ, nгнS и3 гр0ма и3збaви на тS ўповaющихъ, и3 спаси2 дyшы нaшz ћкw милосeрда.
На ќтрени. На БGъ гDь, тропaрь т0йже.
По №-мъ стіхосл0віи, сэдaленъ, глaсъ д7.
Под0бенъ: Kви1лсz є3си2 днeсь:
Kви1сz въ nгнепaльнэй купинЁ на сінaи, твоегw2, вLчце, нетлённагw рожcтвA проo1бразъ, ћкоже бGосл0вцы цRкве хrт0вой бGомyдреннw и3сповёдуютъ: купинa бо nгнeмъ горёвшаz, неwпaльна пребывaше, тaкw и3 ты2, џгнь бжcтвA во чрeвэ твоeмъ неwпaльнw носи1ла є3си2, вопл0щшагосz t тебE бGа сл0ва, є3г0же моли2 спасти1сz нaмъ пою1щымъ тS.
Слaва, и3 нhнэ: т0йже.
По в7-мъ стіхосл0віи, сэдaленъ, глaсъ д7.
Под0бенъ: Ўдиви1сz:
Ўдиви1сz бGови1децъ мwmсeй, ви1дэвъ купинY nгнeмъ горsщу и3 несгарaему, и3 ўстраши1сz б9eственнагw тайноzвлeніz, въ нeмъ же благоволи2 гDь, воплощeніz своегw2 t дв7ы неискусомyжныz, проo1бразъ мjру kви1ти, ћкw въ послBднzz лBта, спасти2 хотS пaдшее человёчество, пл0ти дебельств0мъ б9ествA своегw2 слaву сокрhетъ, и3 съ нaми поживeтъ, спасaz дyшы нaшz t поги1бели вёчныz.
Слaва, и3 нhнэ: т0йже.
По полmелeи сэдaленъ, глaсъ ѕ7.
Под0бенъ: ЃгGльскіz си6лы:
ЃгGльскіz си6лы бGолёпнw тебЁ слyжатъ, нб7сE и3 земли2 цRи1це бцdе, и3 тв0й прес™hй џбразъ њбстоsтъ неви1димw: тёхъ бо творцA и3 гDа воплоти1ла є3си2, и3 на рyку твоє1ю, ћкw младeнца, носи1ла є3си2, и4же гHрнzz съ д0льними совокупи2, и3 ѓгGлы съ человёки ликовствовaти ўстр0и, пою1щыz во глaсэхъ рaдованіz твоE нетлённое рожcтво2.
Слaва, и3 нhнэ: т0йже.
Степє1нна: №-й ґнтіфHнъ д7-гw глaса.
Прокjменъ, глaсъ д7: ПомzнY и4мz твоE во всsкомъ р0дэ и3 р0дэ.
Стjхъ: Слhши, дщи2, и3 ви1ждь, и3 приклони2 ќхо твоE.
Е#ђліе t луки2, зачaло д7.
По н7-мъ pалмЁ стіхи1ра, глaсъ в7:
Весели1тсz днeсь горA сінaйскаz, и3 свётлw торжествyетъ, м™ри гDни свэтон0сное прaзднество совершaющи на мёстэ т0мъ, и3дёже неwпали1маz купинA вели1кимъ во прор0цэхъ мwmсeемъ ви1дэна бhсть: здё бо и3 до нhнэ бlгодaть б9іz њбитaетъ, и3 чудeсъ мн0жество kвлsетъ вBрнымъ, бlгочeстнw бцdу въ пёснехъ величaющымъ.
КанHнъ, глaсъ }.
Пёснь №.
Їрм0съ: В0ду прошeдъ ћкw сyшу, и3 є3гЂпетскагw ѕлA и3збэжaвъ, ї}льтzнинъ вопіsше: и3збaвителю и3 бGу нaшему пои1мъ.
Ќмъ помрачeнный м0й просвэти2, дв7о, nгнен0снымъ сіsніемъ твоеS слaвы, пaмzть въ славосл0віи и3знемогaющую ўкрэпи2, и3 воспламени2 хлaдное моE сeрдце бжcтвенною люб0вію, да тебЁ, купинЁ неwпали1мэй, пёніе хвалeбное воспою2 дост0йнw, чи1стаz.
Хрaмъ трис0лнечнагw свёта прекрaсный, ўкраси2 мо‰ ч{вства, молю1сz, да цэломyдренною мhслію и3 несквeрными ўсты2, nгнезрaчныz їкHны твоеS kвлeніе, воспою2 дост0йнw, чи1стаz.
Слaва: Къ твоeй пресвётлагw зрaка їкHнэ припaдаю nкаsнный: дyшу мою2 њзари2 бlгодaтнw, kви2 и3 тёло несквeрно, и3 t лю1тыхъ мS недyгwвъ свободи1вши, покажи2 причaстника наслёдіz нбcнагw, бGоневёстнаz.
И# нhнэ: Недyгующа страстьми2 многоразли1чными, t їкHны твоеS бжcтвенныz и3сцэлeніz спод0би мS, q бGомaти вLчце, да слaвлю чудесA тво‰, и3 пою1 тz, бlги1хъ вин0вную, вёчную бlгость воплоти1вшую, мjра бlгyю застyпницу.
Пёснь G.
Їрм0съ: Нбcнагw крyга верхотв0рче гDи, и3 цeркве зижди1телю, ты2 менE ўтверди2 въ любви2 твоeй, желaній крaю, вёрныхъ ўтверждeніе, є3ди1не чlвэколю1бче.
Низложи2 нал0ги бэсHвскіz стужaющыz мнЁ, вLчце, г0рдость въ добродётели, лицемёріе въ с™ости, тщеслaвіе во бдёніи, высокоyміе въ бlгоговёніи, и3 неблагодaрность въ бlгодэsніихъ сн7а твоегw2, є3ди1на всепётаz дв7о.
Стрaнна мS любочeстіz сотвори2, молю1 тz, дв7о, и3 чyжда любопhтства њ человёческихъ согрэшeніихъ, дeрзость и3 и3зли1шнее на ми1лость сн7а твоегw2 ўповaніе tдали2 t менE, да достHйны є3мY плоды2 принесY, є3ди1на пречcтаz.
Слaва: Начaло t земли2 пріeмшую хyдость моегw2 є3стествA познавaz, молю1 тz, дв7о, дaждь ми2 презрёніе славолю1біz, бёгство человёческіz хвалы2, познaніе с0бственнагw грэхA, и3 с0бственныz нeмощи є3ди1на бGоблажeннаz.
И# нhнэ: Крaткій всёхъ вещeй и3 всегw2 мjра конeцъ, смeртный чaсъ и3 мучeніе бyдущее за суетY дэsній тщеслaвныхъ, помышлsти спод0би мS, дв7о: да бlгодaтію сн7а твоегw2 къ пути2 и4стиннагw покаsніz настaвленъ, вёчнагw и3збёгну проклsтіz, пренепор0чнаz.
Сэдaленъ, глaсъ }:
Вели6чіz тво‰ кто2 и3сповёсть, бцdе; kвлeніемъ бо nгнезрaчныz їкHны твоеS возвесели1ла є3си2 дyшы правослaвныхъ, мнHгіz недyги є4ю врачyz, t nгнs же и3 гр0ма защищaz, и5же по бз7э на тS ўповaніе возлагaютъ. Q всеми1лостиваz вLчце, не лиши2 u5бо и3 нaсъ твоегw2 заступлeніz, спаси2 правослaвныхъ хrтіaнъ t всsкагw ѕлA, да тоб0ю хвалsщесz, не постыди1мсz во вёки.
Пёснь д7.
Їрм0съ: Ўслhшахъ, гDи, смотрeніz твоегw2 тaинство, разумёхъ дэлA тво‰, и3 прослaвихъ твоE бжcтво2.
Жестокосeрдіемъ њтzгчeннаго мS њблегчи2, немилосeрдіемъ къ трeбующымъ њкаменeнную ўтр0бу мою2 ўмzгчи2, бyрею сребролю1біz њб8sтаго мS ўтиши2, во nгни2 неwпали1мыz купины2 проwбразовaннаz вLчце.
Во ўповaніи тлённыхъ и3 врeменныхъ вещeй не њстaви мS, и3 плaмень хищeніz непрaведнагw ўгаси2 во мнЁ, плaменемъ nгнS бжcтвеннагw, неwпали1маz купино2 ћвльшаzсz, бGоневёстнаz вLчце.
Слaва: Їдwлослужeніе въ лихоимaніи, и3 заблуждeніе t и4стиннагw бlгочeстіz и3 правослaвныz вёры потреби2 t менE, вLчце, и3 не попусти1 мz пaсти падeніемъ є3ретjческимъ, да восхвалsю и4мz твоE бlгословeнное до кончи1ны животA моегw2, въ правослaвіи непор0чнw, є3ди1на приснодв7о.
И# нhнэ: Ќмъ м0й, молю1 тz, бцdе, бlгоустр0й къ познaнію вёчныхъ и4стинъ хrт0ва є3ђліа, къ разсмотрeнію тлённости врeменныхъ бл†гъ напрaви м0й п0мыслъ, и3 щедролю1біе дaруй ми2 неwскyдное, да бlгодaтію хrт0вою ўкрaшенъ, пою1 тz, є3ди1на приснодв7о.
Пёснь є7.
Їрм0съ: Просвэти2 нaсъ повелёніи твои1ми, гDи, и3 мhшцею твоeю выс0кою, тв0й ми1ръ подaждь нaмъ, чlвэколю1бче.
Џгнь нечистоты2 и3 всsкіz сквeрны во мнЁ безстyдномъ, м0ремъ бlгости твоеS потопи2, и3 мглY грэх0вную разжени2, и3 сeрдце моE рaдости и3сп0лни, всенепор0чнаz.
Срамосл0вію безoбрaзному не дaждь во мнЁ мёста, вLчце, селeніе соблaзнwвъ замэни2 въ души2 моeй зрёніемъ с0бственныхъ грэхHвъ, хрaмъ мS чистоты2 и3 цэломyдріz содёлай, да несквeрными ўсты2 величaю тS вhну, всенепор0чнаz.
Слaва: Смeрть, сyдъ и3 мучє1ніz вBчнаz, грёшникwмъ ўготHваннаz, въ пaмzти моeй ўглуби2 вLчце, да понE послBднzz сі‰ въ пaмzти содержA, лю1таz беззакHніz њстaвлю, и3 плоды2 покаsніz и4стиннагw принесY, величaz тS при1снw, є3ди1но души2 моеS ўповaніе.
И# нhнэ: Люб0вь сеS жи1зни и3зли1шнюю, и3 плотскaгw пок0z рачeніе tложи2 t менE, молю1 тz, дв7о чи1стаz: да сyетныхъ попечeній и3збёгъ, тоб0ю получY нетлённое на небеси2 богaтство, є3ди1на души2 моеS покрови1тельнице.
Пёснь ѕ7.
Їрм0съ: Моли1тву пролію2 ко гDу, и3 томY возвэщY печaли мо‰, ћкw ѕHлъ душA моS и3сп0лнисz, и3 жив0тъ м0й ѓду прибли1жисz, и3 молю1сz ћкw їHна: t тли2, б9е, возведи1 мz.
Рaдости сyетныz, къ преwгорчeнію бли1жнzгw приводsщіz чyжда мS содёлай, купино2 неwпали1маz вёрными и3менyемаz, пречyднаz цRи1це: њ несчaстіzхъ и4скреннzгw без8 печaли бhти не допущaй менE, человэколюби1ваz вLчце, и3 памzтоѕл0біz и3збaви мS, прилёжнw молю1 тz, всенепор0чнаz дв7о.
Зaвисти въ п0мыслэ моeмъ не дaждь вкоренsтисz, видёніемъ несгарaемыz купины2 проwбразовaннаz мwmсeю, и3 р0ждшаzсz t к0рене с™а, дв7о, и3 братоненавидёніz и3збaви мS, чcтаz: да не ѕл0бою мрaчною њсквернeнъ бhвъ, лишyсz б9іz бlгодaти и3 жи1зни вёчныz, всенепор0чнаz вLчце.
Слaва: Терпёніе въ бэдaхъ ўтверди2 во мнЁ, всечcтаz, съ рaдующимисz дух0вную рaдость, къ сётующымъ сожалёніе дaруй ми2, прес™az, и3 братолю1біе низпосли2 мнЁ свhше, любвE пучи1ну р0ждшаz дв7о, и3 люб0вь вeлію при1снw kвлsющаz р0ду хrтіaнскому.
И# нhнэ: Желaніе крaйнее согрёй во мнЁ, всsкому бли1жнему t души2 бlготвори1ти, благaz, да не кaкw ѕл0бъ лю1тыхъ душA моS и3сп0лнитсz, и3 жив0тъ м0й ѓду прибли1житсz, и3 прeданъ бyду без8 ми1лости, ћкw не сотвори1вый ми1лости, во тмY кромёшнюю, всенепор0чнаz бGоневёсто.
Кондaкъ, глaсъ }:
Пред8wчи1стимъ ч{вствіz дyшъ и3 тэлeсъ нaшихъ, да ви1димъ тaинство б9eственное, nбрaзнw kвлeнное дрeвле вели1кому во прор0цэхъ мwmсeю, купин0ю горёвшею nгнeмъ и3 не сгарaвшею, въ нeйже твоегw2 безсёменнагw ржcтвA, бцdе, предвозвэщeніе и3сповёдуемъ, и3 бlгоговёйнw покланsющесz тебЁ, и3 р0ждшемусz t тебє2 сп7сY нaшему, со стрaхомъ вопіeмъ: Рaдуйсz, вLчце, покр0ве, и3 прибёжище, и3 спасeніе дyшъ нaшихъ.
Јкосъ: Прови1дz ди1вный мwmсeй въ неwпали1мэй купинЁ на сінaи, тaйну t вёка ўтаeнную, безлётнагw, въ лётэ роди1тисz восхотёвшагw, рождeніе t чcтыz и3 неискусобрaчныz дв7ы, ќжасомъ содержи1мь вопіsше: сіS землS вои1стинну с™A є4сть, ћкw пл0дъ спаси1тельный мjру и3зъ неS произhдетъ, и4мже г0ресть падeніz ґдaмова ўслади1тсz. Сегw2 послyшаz и3 мы2, тaинства б9іz собhтіе познaвшіи, ўбlжaемъ тS, бцdе, возвели1чившую пaдшее человёчество, и3 милосeрдіемъ неизречeннымъ призрэвaющую на р0дъ хrтіaнскій, тёмже и3 зовeмъ ти2: рaдуйсz, вLчце, покр0ве, и3 прибёжище, и3 спасeніе дyшъ нaшихъ.
Пёснь з7.
Їрм0съ: T їудeи дошeдше џтроцы въ вавmлHнэ и3ногдA, вёрою трbческою плaмень пeщный попрaша, пою1ще: nтцє1въ б9е, бlгословeнъ є3си2.
Весeліе мірск0е пресэцы2, и3 душетлённое пристрaстіе ўмертви2 во мнЁ, дв7о, презрёніе врeменныхъ, желaніе вёчныхъ бл†гъ, и3 нетлённую рaдость подaждь ми2, съ пою1щими: nтцє1въ б9е, бlгословeнъ є3си2.
Безчи1нное ўтэшeніе, и3 и3зли1шество ќмъ вредsщее, душЁ сквeрну раждaющее, tлучи2 t менE, дв7о, и3 спод0би во здрaвіи душeвнэмъ и3 тэлeснэмъ, дух0внагw ўтэшeніz наслаждaтисz, съ пою1щими: nтцє1въ б9е, бlгословeнъ є3си2.
Слaва: Грэх0мъ, смeрть лю1тую раждaющимъ, њскверни1хъ дyшу мою2: но ты2, пречcтаz вLчце, nгнезрaчнаz и3 неwпали1маz купино2 ћвльшисz, ти1ну страстeй мои1хъ и3зсуши2 nгнeмъ б9іz бlгодaти, и3 настaви мS на бGоуг0дное житіE, ўкраси1 же воздержaніемъ и3 цэломyдріемъ, и3 дaждь ми2 чи1стымъ сeрдцемъ пёти: nтцє1въ б9е, бlгословeнъ є3си2.
И# нhнэ: Къ твоeй nгнезрaчной їкHнэ взирaz, молю1 тz, вLчце, њмрачeннаго мS самолю1біемъ свётомъ зрaка твоегw2 просвэти2, и3 п0хwти плwтскjz ўкроти1вши во мнЁ, nгнeмъ б9іz любвE хлaдное сeрдце моE воспламени2, да р0ждшемусz t тебE дост0йнw возмогY пёти: nтцє1въ б9е, бlгословeнъ є3си2.
Пёснь }.
Їрм0съ: ЦRS нбcнаго, є3г0же пою1тъ в0и ѓгGльстіи, хвали1те и3 превозноси1те во вс‰ вёки.
Возмущeніе души2 моеS ўтоли2, всенепор0чнаz, t клеветы2 навётующихъ и3збaви мS, враждY грэх0вную во мнЁ ўкроти2, и3 нeнависть мрaчную tврати2 t менE, дв7о, да прославлsю тS, чcтаz, во вёки.
Џгнь ћрости во мнЁ ѕэлw2 разжжeнный, рос0ю благодaтныz моли1твы твоеS ўгаси2, хулY, ўмножaющую души2 моeй њѕлоблeніе, и3 всsкій ви1дъ ѕл0бы, гнэздsщійсz въ сeрдцэ моeмъ, и3скорени2, дв7о, да тS прославлsю, чcтаz, во вёки.
Слaва: Џбразъ хrт0въ є3ђльскими добродётельми напиши2 въ души2 моeй, бGоблагодaтнаz, ўкрэпи2 и3 ўтверди1 мz во всsкомъ дёлэ благ0мъ, t всsкіz же ѕл0бы tврати2 сeрдце моE, да ми1рными ўсты2 прославлsю тS, чcтаz, во вёки.
И# нhнэ: Кр0ткимъ џкомъ твои1мъ ви1ждь моE смирeніе, пренепор0чнаz богоневёсто, и3 приклони2 ќхо твоE къ моли1твэ сeрдца моегw2: кр0тостію и3 неѕл0біемъ благоукраси1 мz, помрачeннаго безoбрaзіемъ ѕл0бныхъ страстeй, и3 сотвори2 причaстника блажeнства, крHткимъ њбэтовaннагw, да рaдуzсz прославлsю тS чcтаz, во вёки.
Пёснь f7.
Їрм0съ: Вои1стинну бцdу тS и3сповёдуемъ, спасeнніи тоб0ю, дв7о чcтаz, съ безпл0тными ли1ки тS величaюще.
СкHрби сeрдца моегw2 ўтиши2, рaдосте скорбsщихъ, ўнhніе душегуби1тельное tими2 t менE, ўтоли1тельнице печaли, и3 лёность ко взыскaнію добродётелей и3скорени2 во мнЁ, взыскaніе поги1бшихъ, да тебE, дв7о чcтаz, непрестaннw величaю.
Малодyшіемъ болёзнующаго мS њживи2, цэли1тельнице болsщихъ, tчazніемъ пaдшаго мS возстaви, nдиги1тріе заблyждшихъ, грэхaми ўмерщвлeннаго мS воскреси2, спорyчнице грёшныхъ, да тебE, дв7о непор0чнаz, непрестaннw величaю.
Слaва: Ўсeрдіе во мнЁ твори1ти в0лю б9ію возбуди2, и3 рeвность ко слaвэ б9іей воспламени2 въ сeрдцэ моeмъ, купино2 nгнезрaчнаz и3 неwпали1маz, и3 бlгоговёйна служи1телz хrт0ва содёлай мS, дв7о, предводи1тельнице моегw2 спасeніz.
И# нhнэ: Слезaми покаsніz и3 ўмилeніz и3зс0хшую, въ зн0и страстeй дyшу мою2 ўмzгчи2, ћкw руно2 њрошeнное гедеHна, и3 сокрушeніе къ и3справлeнію дaждь ми2, дв7о, да вBчныz бл†га ўнаслёдую, и3 съ ли1ки и3збрaнныхъ б9іихъ воспою1 тz, ходaтаицу моегw2 спасeніz.
Свэти1ленъ: ЇкHну твою2 всечестнyю, въ зал0гъ благоволeніz твоегw2 вBрнымъ даровaла є3си2, вLчце, покрывaz и3 сохранsz є4ю t џгненнагw запалeніz на тS ўповaющыz: q м™и цRS хrтA бGа, бyди и3 нaмъ грBшнымъ прибёжище спасeніz въ нечazнныхъ бэдaхъ, и3 ходaтаица вёчныz жи1зни.
На хвали1техъ стіхи6ры, глaсъ ѕ7:
Q вели1кіz бlгости и3 неисчeтнагw милосeрдіz твоегw2, вLчце: ўдивлsеши нaсъ преслaвными чудесы2, и5хже и3сточaетъ їкHна твоS с™az, во џбразэ неwпали1мыz купинh тz и3зwбразyющаz, и3 џгненнагw є3стествA си1лу ўкрощaющаz си1лою твоeю бжcтвенною: ю4же съ весeліемъ пріeмлюще, тS чи1стую бGоoтрокови1цу достод0лжнw пёсньми почитaемъ и3 ўбlжaемъ.
Q бlгосeрдагw твоегw2 њ нaсъ промышлeніz, вLчце: въ годи1ну бёдъ и3 њбстоsній, є3гдA внезaпное запалeніе џгненное њбhметъ жили6ща н†ша, чyдную їкHну твою2 посылaеши нaмъ въ п0мощь и3 защи1ту, и3 є4ю ўкрощaеши свирёпство nгнS, ћкw м™и стіхjами њбладaющагw вLки хrтA. Тёмже велеглaснw проповёдуемъ тво‰ чудесA, и3 ми1лость мн0гу къ р0ду хrтіaнскому, и3 пёсньми хвалeбными нем0лчнw тS величaемъ и3 ўбlжaемъ.
Q преслaвнагw чудесE: кaкw nгнезрaчнаz їкHна твоS, вLчце, nгнS си1лу ўгашaетъ, и3 свётлыми лучaми б9іz бlгодaти ўмы2 просвэщaетъ и3 сердцA весели1тъ: вои1стинну бо торжество2 бlгочeстіz kвлeніе їкHны твоеS познавaz, прaзднуемъ сіE въ пёснехъ дух0вныхъ рaдостнw, и3 тS, бGоблагодaтнаz дв7о, вин0вницу рaдости нaшеz, славословлeніz глaсы восхвалsемъ и3 ўбlжaемъ.
Слaва, и3 нhнэ. Глaсъ т0йже:
Q чyдо чудeсъ, бGоневёстнаz м™и и3 дв7о: чудотвори1ти не престаeши и3 нhнэ їкHною твоeю пречестн0ю, nтрaду и3 ўтэшeніе є4ю дaруz стрaнникwмъ земнhмъ, въ ю3д0ли ск0рби и3 плaча: и3зъ тебe бо воплоти1сz њбнови1тель пaдшагw є3стествA человёча, сhй бGъ нaшъ, даровaвый нaмъ тебE въ покр0въ и3 защи1ту, и4же слhшитъ моли1тву твою2 за нaсъ приноси1мую, и3 преклонsетсz къ молeнію твоемY мaтернему, є3гдA ўмолsеши бlгость є3гw2 за лю1ди согрэши1вшыz. Тёмже не престaй, бlгосeрдаz вLчце, предстaтельствовати за вс‰ ны2, чтyщыz тS, ћкw вои1стинну є3си2 ходaтаица непостhднаz нaшегw спасeніz.
Славосл0віе вели1кое.
На літургjи бlжє1нна t канHна, пBсни G и3 ѕ7.
Прокjменъ, глaсъ G, пёснь бцdы:
Вели1читъ душA моS гDа, и3 возрaдовасz дyхъ м0й њ бз7э сп7сэ моeмъ:
Стjхъ: Ћкw призрЁ на смирeніе рабы2 своеS, сe бо t нhнэ ўблажaтъ мS вси2 р0ди.
Ґпcлъ къ філіпписjємъ, зачaло ©м.
Ґллилyіа, глaсъ }.
Стjхъ: Слhши, дщи2, и3 ви1ждь, и3 приклони2 ќхо твоE.
Е#ђліе t луки2, зачaло н7д.
Причaстенъ: Чaшу спасeніz пріимY, и3 и4мz гDне призовY.
Моли1тва:
Q прес™az и3 пребlгословeннаz м™и сладчaйшагw гDа нaшегw ї}са хrтA: припaдаемъ и3 покланsемсz тебЁ предъ с™0ю и3 пречестн0ю їкHною твоeю, є4юже ди6внаz и3 прєслaвнаz чудесA содэвaеши, t џгненнагw запалeніz и3 молніен0снагw гр0ма жили6ща н†ша спасaеши, нед{жныz и3сцэлsеши, и3 всsко благ0е прошeніе нaше во бlго и3сполнsеши. Смирeннw м0лимъ тS, всеси1льнаz р0да нaшегw застyпнице, спод0би нaсъ немощнhхъ и3 грёшныхъ, твоегw2 мaтернzгw ўчaстіz и3 бlгопопечeніz. Спаси2 и3 сохрани2, вLчце, подъ кр0вомъ ми1лости твоеS цRковь с™yю, nби1тель сію2, всю2 странY нaшу правослaвную, и3 вс‰ ны2 припaдающыz къ тебЁ съ вёрою и3 люб0вію, и3 ўмилeннw просsщыz со слезaми твоегw2 заступлeніz. Е$й, гпcжE всеми1лостиваz, ўмилосeрдисz на нaсъ, њбуревaемыхъ грэхaми мн0гими, и3 не и3мyщихъ дерзновeніz ко хrтY гDу, проси1ти є3го2 њ поми1лованіи и3 прощeніи: но тебE предлагaемъ къ немY на ўмолeніе, мaтерь є3гw2 по пл0ти: тh же, всебlгaz, простри2 къ немY бGопріи1мніи рyцэ твои2, и3 предстaтельствуй за нaсъ предъ блaгостію є3гw2, просS нaмъ прощeніz прегрэшeній нaшихъ, бlгочeстнагw ми1рнагw житіS, благjz хrтіaнскіz кончи1ны, и3 д0брагw tвёта на стрaшнэмъ судЁ є3гw2. Наипaче же въ чaсъ гр0знагw посэщeніz б9іz, є3гдA nгнeмъ возгорsтсz д0мы нaшz, и3ли2 молніен0снымъ гр0момъ ўстрашaеми бyдемъ, kви2 нaмъ ми1лостивное твоE заступлeніе и3 держaвное вспоможeніе: да спасaеми всеси1льными твои1ми ко гDу моли1твами, врeменнагw наказaніz б9іz здЁ и3збёгнемъ, вёчное же бlжeнство рaйское тaмw ўнаслёдуемъ, и3 со всёми с™hми воспоeмъ пречестн0е и3 великолёпое и4мz поклонsемыz трbцы, nц7A, и3 сн7а, и3 с™aгw д¦а, и3 твоE вeліе къ нaмъ милосeрдіе, во вёки вэкHвъ, ґми1нь.
