...
Типікон

Глава 36. О молчании на трапезе

ТранслітераціяЦерковнословʼянськаУкраїнська

О молчании на трапезе

Многу же опасству подобает быти, еже не проглаголати никомуже на трапезе отнюд каковолибо слово, кроме стиха и чтения: егда же нужды время приключится, настоятелю должно есть проглаголати единому точию, или служащему трапезе, но со щадением и благоговением.

О сочиве же и овощии

Сице достоит быти по уставу великих монастырей: боб, сочевица, горох, егда суть обварена, по единой полной миске коемуждо от братий, по равну. Якоже убо и от одежды: ова убо суть приобретна, ова же скупейша: якоже рече и Великий Василий: яже удобь приобретаемая, и нужную потребу исполняющая, подобает избирати противу времене. На сухоядении же стафиды (виноград сухий), и маслицы, и ягоды винныя сухи, рекше едино коеждо на кийждо день: маслиц убо чашицу полну питию: стафид же равну: орехов 6: смоквей 8 средних: малыя убо, и великия разнствуют. Тако убо достоит и от прочих овощех подобных сим: якоже выше рехом, от пряженых сочивех. Сия же вся, и варена же и сурова, егда же суть суха, такоже подобно есть. Егда же время имать зелена, и пища и мера разнствует. От зелей же якоже есть, подобно и варена и сурова, и еще же и квашена, рекомыя армеа и комбоста: фаво слано, и репа со уксусом, и прочая подобная сим уготовлена, и подобающая в постныя дни, и нужную потребу исполняющая. Сице убо окормляеми Божиею благодатию, лихоимства свободимся, якоже некий от святых глаголет: яко лихоимение есть сие, еже излишнее и паче потребы. Отонудуже и апостол, яже от Божия царствия нас отлучающая изсчитая, и сию страсть ко инем, глаголет: яко лихоимцы царствия Божия не наследят. А еже лишше стяжевати, о всякой вещи приемлется.

Сия же вся общежительнии чини предаша. Сокоядения же и сухоядения меру всем опасно повелеша: и познавание равности, и прозябающих соблазн, и прочих вин, к хотящим со множайшими жити, сего ради убо аще и когда несть масла, и прилучится ино что творити, в потребу по нужди. Аще ли прилучаем ни сего несть, не достоит пещися о сем. В субботу, якоже и предваривше множицею рехом, в начале 5-го часа подобает поставляти трапезу, и ясти два ядения, якоже выше рехом: кроме же сих, аще послет Бог что-либо, подобает ясти вся яже суть, во славу Божию. Не достоит же пещися, якоже Божественнии отцы предаша. И сам Господь глаголет: яко не пецытеся что ясте, и прочая. И апостол излишняя попечения отсецая, рече: имуще же пищу и одеяние, сими довольни будем.

Такожде и в неделю, в 3-й час, рекше, на конце его лепо есть поставляти трапезу, и ясти два варения: аще ли послет Христос, и ино что не слагающееся обоему ястию, подобает ясти и третие, якоже предрекохом, по нужди. Не достоит же приимати се во устав, но по случаю аще будет: ясти же в субботу, и вечер, подобне же и в неделю, и в праздники, в нихже что-либо забавление скораго вкушения не будет, на которыйждо яко подобно есть.

Такожде и о вине, якоже предрекохом, бывати должно есть.

В великия же праздники, сиречь Христовы, и Богородичны, и Предтечевы, Рождество и Усекновение: и еще к сим святых апостол Петра и Павла, в каков либо день прилучится, в понедельник, или среду, или пяток, сице творити подобает: в Христовы убо и в Богородичныя, яко в день недельный, кроме точию святыя 40-цы: подобне же и Предтечевы, и реченных святых апостол.

В средния же праздники, в 6-й час подобает поставляти трапезу и вечерю: о снеди же, якоже и в прочих днех. Аще ли случится в день постен сухо ясти достоит на обеде. Аще ли и варение подобает, без услаждения да бывает, аще угодно есть Богу: или множицею и со услаждением, егда не зрится беда души.

В малыя же праздники, в 9-й час подобает ясти, якоже угодно Богу да бывает, якоже и в прочия дни, единою же днем. Аще ли подобает и в малыя праздники, варение без елеа да бывает, аще угодно есть Богу, или с елеем, егда беда душевная не зрится. Сие же разсуждение снеди праздничной извествованое, по смотрению бысть всяко святых отец сия предавших: иже убо от отец воображенныя праздники, со опасством, и со страхом же и разумом божиим, в снедех проходити достоит, и в самых тех простых днех, множае же паче в постных: на многих бо местех взаконенных Божественных писаниях обретаются отлучены снеди в праздниках, и пременены. Но якоже и в старчествех глаголет: яко праздник не винопитием смотряй сотворяти, но обновлением ума, и душевною чистотою, объядаяйся же и опиваяйся прогневляет паче предначальствующаго торжество.

Њ молчaніи на трапeзэ

Мн0гу же nпaсству подобaетъ бhти, є4же не проглаг0лати никомyже на трапeзэ tню1дъ каков0либо сл0во, кромЁ стіхA и3 чтeніz: є3гдa же нyжды врeмz приключи1тсz, настоsтелю д0лжно є4сть проглаг0лати є3ди1ному т0чію, и3ли2 служaщему трапeзэ, но со щадёніемъ и3 благоговёніемъ.

Њ с0чивэ же и3 nв0щіи

Си1це дост0итъ бhти по ўстaву вели1кихъ монастырeй: б0бъ, сочеви1ца, гор0хъ, є3гдA сyть њбварє1на, по є3ди1ной п0лной ми1скэ коемyждо t брaтій, по рaвну. Ћкоже ќбw и3 t nдeжды: џва ќбw сyть пріwбрётна, џва же скупBйша: ћкоже речE и3 вели1кій васjлій: ±же ўд0бь пріwбрэтaємаz, и3 нyжную потрeбу и3сполн‰ющаz, подобaетъ и3збирaти проти1ву врeмене. На сухоzдeніи же стафи1ды (віногрaдъ сухjй), и3 мaслицы, и3 ћгwды в‡нныz сyхи, рeкше є3ди1но к0еждо на кjйждо дeнь: мaслицъ ќбw чaшицу п0лну пи1тію: стафи1дъ же рaвну: nрёхwвъ ѕ7: см0квей } срeднихъ: м†лыz ќбw, и3 вели6кіz рaзнствуютъ. Тaкw ќбw дост0итъ и3 t пр0чихъ nвощeхъ под0бныхъ си6мъ: ћкоже вhше рёхомъ, t прzжeныхъ с0чивэхъ. Сі‰ же вс‰, и3 варє1на же и3 сyрwва, є3гдa же сyть сухA, тaкоже под0бно є4сть. Е#гдa же врeмz и4мать зелєнA, и3 пи1ща и3 мёра рaзнствуетъ. T ѕeлей же ћкоже є4сть, под0бно и3 варє1на и3 сyрwва, и3 є3щe же и3 квaшєна, рекHмыz ґрмeа и3 комб0ста: фaво слaно, и3 рёпа со ќxусомъ, и3 прHчаz подHбнаz си6мъ ўготHвлена, и3 подоб†ющаz въ пHстныz дни6, и3 нyжную потрeбу и3сполн‰ющаz. Си1це u5бо њкормлsеми б9іею бlгодaтію, лихои1мства свободи1мсz, ћкоже нёкій t с™hхъ глаг0летъ: ћкw лихоимёніе є4сть сіE, є4же и3зли1шнее и3 пaче потрeбы. Toнyдуже и3 ґпcлъ, ±же t б9іz цrтвіz нaсъ tлуч†ющаz и3зсчитaz, и3 сію2 стрaсть ко и3нBмъ, глаг0летъ: ћкw лихои1мцы цrтвіz б9іz не наслёдzтъ. Ґ є4же ли1шше стzжевaти, њ всsкой вeщи пріeмлетсz.