...
Тріодь пісна,  1 частина

В суботу м’ясопусну

ТранслітераціяЦерковнослов’янськаУкраїнська

В субботу мясопустную

Память совершаем всех от века усопших православных христиан, отец и братий наших.

В пяток вечера

По предначинательном псалме, и обычном стихословии, на Го́споди воззвах, поставим стихов 6: И поем Осмогласника стихиры мученичны три, рядоваго гласа:

И Триоди подобны, три. Глас 8.

Подобен: Во Еде́ме рай:

От ве́ка ме́ртвых днесь / всех по и́мени, ве́рою пожи́вших благоче́стно, / па́мять сотворя́юще ве́рнии, / Спа́са и Го́спода воспои́м, прося́ще приле́жно / сим в час суда́ отве́т благи́й да́ти, / Тому́ Самому́ Бо́гу на́шему, / всей судя́щему земли́, / десна́го Его́ предстоя́ния получи́ти в ра́дости, / в ча́сти пра́ведных, и во святы́х жре́бии све́тлем, / и досто́йным бы́ти Небе́снаго Ца́рствия Его́.

Твое́ю кро́вию челове́ки Спа́се искупи́вый, / и сме́ртию Твое́ю от сме́рти го́рькия изба́вивый нас, / и жизнь ве́чную подая́й нам Воскресе́нием Твои́м, / вся упоко́й Го́споди, усо́пшия благоче́стно, / или́ в пусты́нях, или́ во граде́х, или́ в мо́ри, / или́ на земли́, или́ на вся́ком ме́сте: / цари́ же, свяще́нники, архиере́и, / мона́хи, и бельцы́ в во́зрасте вся́ком всеро́дном, / и сподо́би я́ Небе́снаго Ца́рствия Твоего́.

Из ме́ртвых воста́нием Твои́м Христе́, / не ктому́ смерть облада́ет уме́ршими благоче́стно. / Те́мже мо́лимся приле́жно: / рабы́ Твоя́ упоко́й во дво́рех Твои́х, / и в не́дрех Авраа́ма, от Ада́ма да́же до днесь, / послужи́вшия Тебе́ чи́сто, / отцы́ и бра́тию на́шу, / дру́ги вку́пе и сро́дники, / вся́каго челове́ка, в житии́ послужи́вша ве́рно, / и к Тебе́ преста́вльшася многови́дно и многообра́зно, Бо́же, / и сподо́би я́ Небе́снаго Ца́рствия Твоего́.

Слава, глас 8: Пла́чу и рыда́ю, / егда́ помышля́ю смерть, / и ви́жду во гробе́х лежа́щую / по о́бразу Бо́жию созда́нную на́шу красоту́, / безобра́зну, и безсла́вну, / не иму́щу ви́да. / О́ле чудесе́! / Что е́же о нас сие́ бысть та́инство? / Ка́ко преда́хомся тле́нию? / Ка́ко припряго́хомся сме́рти? / Вои́стинну Бо́жиим повеле́нием, / я́коже есть пи́сано, / подаю́щаго преста́вльшимся поко́й.

И ныне, Богородичен первый, гласа. Свете тихий:

Вместо же прокимена поем Аллилу́иа, на глас 8.

Стих: Блаже́ни, я́же избра́л и прия́л еси́ Го́споди, и па́мять их в род и род.

Стих: Ду́ши их во благи́х водворя́тся.

На стиховне мученичен гласа, и два мертвена, Иоанна Дамаскина.

Стихи же припеваем вышереченныя: Блаже́ни, я́же избра́л и прия́л еси́ Го́споди, и па́мять их в род и род. и Ду́ши их во благи́х водворя́тся.

Слава, глас 6: Нача́ток ми и соста́в зижди́тельное Твое́ бысть повеле́ние: / восхоте́в бо от неви́димаго и ви́димаго естества́ жи́ва мя соста́вити, / от земли́ у́бо те́ло созда́в, дал же ми еси́ду́шу, / Боже́ственным Твои́м и животворя́щим вдохнове́нием. / Те́мже Спа́се, рабы́ Твоя́ во стране́ живы́х, / и в кро́вех пра́ведных упоко́й.

И ныне, Богородичен, глас тойже: Моли́твами Ро́ждшия Тя Христе́, / му́ченик Твои́х и апо́стол, и проро́к, и святи́телей, / преподо́бных, и пра́ведных, и всех святы́х, / усо́пшия рабы́ Твоя́ упоко́й.

Ны́не отпуща́еши:

Тропарь, глас 8:

Глубино́ю му́дрости человеколю́бно вся стро́яй / и поле́зное всем подава́яй, / Еди́не Соде́телю, упоко́й, Го́споди, ду́ши раб Твои́х, / на Тя бо упова́ние возложи́ша, / Творца́ и Зижди́теля и Бо́га на́шего.

Слава, и ныне, Богородичен, глас тойже: Тебе́ и Сте́ну и Приста́нище и́мамы, / и Моли́твенницу благоприя́тну к Бо́гу, / Его́же родила́ еси́, Богоро́дице безневе́стная, ве́рных спасе́ние.

Ектения, и отпуст.

По отпущении же Вечерни, творим в притворе паннихиду за усопших, и поем канон рядоваго гласа мертвым.

Пaмzть совершaемъ всёхъ t вёка ўс0пшихъ правослaвныхъ хrтіaнъ, nтє1цъ и3 брaтій нaшихъ.

Въ пzт0къ вeчера по предначинaтельномъ pалмЁ, и3 nбhчномъ стіхосл0віи, на ГDи воззвaхъ, постaвимъ стіхHвъ ѕ7: И# поeмъ nсмоглaсника стіхи6ры м§нчны три2, рzдовaгw глaса:

И# тріHди подHбны, три2. Глaсъ }.

Под0бенъ: Во є3дeмэ рaй:

У п’ятницю ввечері
Після передпочаткового псалма і кафизми на Господи, взиваю… стихири мученичі чергового гласу 3 з Тріоді 3, глас 8: