Тріодь пісна,  1 частина

У вівторок сирний

ТранслітераціяЦерковнослов’янськаУкраїнська

В понеде́льник ве́чера,

На Го́споди воззва́х, стихи́ры я́ко обы́чно.

На стихо́вне самогла́сен, два́жды. Гла́с 8:

Посто́м очи́ститися потщи́мся, от скве́рны прегреше́ний на́ших, и ми́лостию и человеколю́бием к ни́щим, вни́ти в черто́г Жениха́ Христа́, подаю́щаго нам ве́лию ми́лость.

И глаго́лем обы́чныя стихи́, я́коже вчера́.

Му́ченичен: Му́ченицы Госпо́дни, моли́те Бо́га на́шего, и испроси́те душа́м на́шим мно́жество щедро́т, и очище́ние мно́гих прегреше́ний, мо́лимся.

Сла́ва, и ны́не, богоро́дичен: Пресла́вную и Пречи́стую Богоро́дицу, и́стинную я́ко Ма́терь Бо́жию, воспои́м благоче́стно, ра́доватися То́й глаго́люще я́ко А́нгел: ра́дуйся Ма́ти свята́я воплоще́ннаго Сы́на Бо́жия. Ра́дуйся жили́ще Свята́го Ду́ха, моля́щая при́сно о на́с, бо е́же спасти́ся душа́м на́шим.

И про́чее после́дование.

Во вто́рник сы́рный на у́трени

По 2-м стихосло́вии седа́лен, гла́с 8.

Подо́бен: Прему́дрость, и Сло́во:

Преблаги́й Сло́ве, со Отце́м и Ду́хом созда́вый ви́димая вку́пе и неви́димая, неизрече́нною му́дростию Твое́ю, све́тлаго поста́ вре́мя прейти́, в ми́ре глубо́це благоволи́ Благоутро́бне, разреша́я пре́лесть го́рькаго греха́, подая́ умиле́ние и исцеле́ний сле́зы, и прегреше́ний проще́ние, да несумне́нною душе́ю, усе́рдным ду́хом постя́щеся, со А́нгелы пое́м держа́ву Твою́.

Сла́ва, то́йже. И ны́не, богоро́дичен:

Прему́дрость и Сло́во в Твое́м чре́ве, заче́ншая неизрече́нно Ма́ти Бо́жия, ми́ру родила́ еси́ ми́р содержа́щаго, и на объя́тиях держа́ла еси́ вся́ объе́млющаго Пищеда́теля все́х и Созда́теля, и Го́спода, те́мже молю́ тя Всепе́тая Де́во, и ве́рою сла́влю Тя́, изба́витися прегреше́ний мои́х, егда́ и́мам предста́ти пред лице́м Созда́теля моего́, Влады́чице Де́во чи́стая, Твою́ по́мощь тогда́ ми да́руй: и́бо мо́жеши, ели́ка хо́щеши Всенепоро́чная.

Чте́м же и Вели́каго Васи́лия сло́во о благодаре́нии. Та́же псало́м 50. Кано́ны пое́м осмогла́сника и мине́и, я́коже в понеде́льник указа́ся: та́кожде и в про́чее после́дуй.

И трипе́снец господи́на Ио́сифа. Гла́с 3.

Пе́снь 2

Ирмо́с: Я́ко ту́ча на тро́скот, и я́ко и́ней на се́но, да сни́дут на зе́млю, глаго́ли мои́.

Я́ко у́тро возсия́ на́м, покая́ния зари́, преддве́рия све́тло воздержа́ния.

Тьмы́ мя изба́ви Христе́ вне́шния, мно́жеством ми́лости Твоея́, я́ко еди́н ми́лостив.

Огня́ мя исхи́ти, и че́рвия Спа́се неусыпа́ющаго, покая́ния прилежа́нием очище́нна.

Богоро́дичен: Де́во всепе́тая, бу́ди на́м пу́ть покая́ния, ко спасе́ния веду́щий две́рем.

И́ный

Ирмо́с, гла́с 2: Внемли́те лю́дие мои́:

Вре́мя покая́ния наста́, потщи́мся христолю́бцы очи́ститися всех прегреше́ний, и яви́тися Влады́це блаже́нни.

По́ст чи́стый, безгре́шный потщи́мся соверши́ти ны́не непреста́нно, да обря́щем прегреше́ний оставле́ние.

Еси́ во Христе́ многоми́лостив все́х Бла́же, при́сно прие́мляй в покая́ние: те́мже вси́ Тя при́сно сла́вим.

Сла́ва, тро́ичен: Тро́ицу во еди́нице просла́вим, несеко́мую, неслия́нну, неразде́льну существо́м, разде́льна же ли́цы Бо́га.

Богоро́дичен: Чи́стая Де́во Ма́ти, умоли́, Его́же воплоти́ла еси́ я́ко челове́ка Де́во, и Сло́ва: да спасе́т от бе́д рабы́ Твоя́.

Ирмо́с: Вне́млите лю́дие мои́ зако́ну моему́, приклони́те у́хо ва́ше во глаго́лы у́ст мои́х: я́ко и́мя Твое́ Го́споди, призва́х.

Пе́снь 8

Ирмо́с: Из безнача́льна Отца́ рожде́ннаго:

Раска́яния вре́мя, покая́ния показа́ти плоды́ досто́йны Бо́гу, душе́ моя́ потщи́ся, воста́ни, и возопи́й приле́жно, в поще́ниих и моли́твах: по́йте, благослови́те и превозноси́те Христа́ во ве́ки.

Предочи́стим бра́тие душе́вная чу́вства, и Го́сподеви ны́не прилепи́мся о́бразы умиле́ния, вопию́ще чи́сте покая́нием чи́стым: по́йте, благослови́те и превозноси́те Христа́ во ве́ки.

Уловля́ющаго врага́ ласкосе́рдыми воспомина́ньми, и невоздержа́нием сла́сти кра́ткия паля́ща чу́вство, умертви́ти потщи́мся приле́жною моли́твою, пою́ще, благословя́ще и превознося́ще Христа́ во ве́ки.

Богоро́дичен: Оневеси́вшая на́ше земно́е Отрокови́це смеше́ние, оляде́вшую и истле́вшую души́ моея́ бразду́, ту́чами Твои́х щедро́т, плодоно́сну доброде́тельми покажи́ вопию́щу, и превознося́щу Христа́ во ве́ки.

И́ный

Ирмо́с: В купине́ Моисе́ю:

Предочи́стимся ны́не, не бра́шны то́кмо, но и дея́ньми, и начне́м ве́рнии те́плым помышле́нием: да Созда́телю све́тли яви́мся во ве́ки.

Си́це нам пости́тися подоба́ет, не во вражде́ и бра́ни, не в за́висти и рве́нии, не во тщесла́вии и ле́сти сокрове́нней, но я́коже Христо́с, в смиренному́дрии.

Ми́лующии, рече́ ни́щия, Спа́су взаи́м даю́т разу́мно. От ра́дости неуподоби́мыя! Подае́т бо бога́тно воздая́ния до́брых, во вся́ ве́ки.

Благослови́м Отца́, и Сы́на, и Свята́го Ду́ха, Го́спода.

Тро́ичен: Сла́ва Отцу́, и Сы́ну, и Свято́му Ду́ху: Еди́н бо Бо́г, три́. Со А́нгелы непреста́нно челове́цы восхваля́ем Тя́, Всесвята́я Тро́ице: во вся́ ве́ки.

Богоро́дичен: Ра́дуйся Де́во чи́стая Богоро́дице Мари́е, очисти́лище ми́ра, правосла́вных ро́г, моли́ изба́витися от негаси́маго огня́, Тя славосло́вящим во вся́ ве́ки.

Хва́лим, благослови́м, покланя́емся Го́сподеви:

Ирмо́с: В купине́ Моисе́ю Де́вы чу́до, на сина́йстей горе́, прообрази́вшаго иногда́, по́йте, благослови́те и превозноси́те во вся́ ве́ки.

Пе́снь 9

Ирмо́с: Тебе́ неопали́мую купину́:

Отве́рзи на́м ми́лости Твоея́ пречи́стыя утро́бы, покая́ние челове́ком во спасе́ние дарова́вый еди́не Спа́се многоми́лостиве.

Увы́ мне́, ко́е стра́шное о́ное неумы́тное суди́лище, на не́мже и́мамы на́зи твори́ти сло́во, и́хже в житии́ зле́ соде́яхом;

Одожди́ на́м благоутро́бия Благоде́телю ка́плю, потопля́ющую на́шу скве́рну всю́, вины́ покая́ния на́м подава́я.

Вси́ усе́рдным се́рдцем, в свята́го поста́ преддве́рия све́тло совше́дше, благода́рственныя пе́сни Христу́ принесе́м.

Богоро́дичен: Тя кре́пкую Предста́тельницу, и изве́стную наде́жду, воспева́юще благоче́стно, мо́лим: Сы́на Твоего́ моли́ Де́во спасти́ся на́м.

И́ный. Ирмо́с: Де́вство Твое́ Богоро́дице нескве́рная:

Ны́не предочи́стимся в посте́ и слеза́х, и в ве́лиих исправле́ниих, да обря́щем ве́лию ми́лость.

Ны́не подража́им Илию́ пости́вшася, и бежа́вша от лука́выя Иезабе́ли, да та́ко вознесе́мся от земли́.

Сла́ва, тро́ичен: Святы́й, святы́й, святы́й, трисвяты́й, О́тче Вседержи́телю, и Сы́не Единосу́щне со Ду́хом, еди́но Божество́.

Богоро́дичен: О Тебе́ хва́лимся, и к Тебе́ прибега́ем, Чи́стая, Присноде́во честна́я, муче́ния изба́ви вся́ ны́.

Ирмо́с: Де́вство Твое́ Богоро́дице нескве́рная, е́же не опали́ о́гнь боже́ственный, велича́ем.

На стихо́вне стихи́ра самогла́сна, гла́с 3:

Любе́зно лю́дие по́ст облобыза́им: приспе́ бо духо́вных по́двигов нача́ло: оста́вим теле́сное сладостра́стие, возрасти́м душе́вная дарова́ния, спостра́ждем я́ко раби́ Христо́ви, да и спросла́вимся я́ко ча́да Бо́жия, и Дух Святы́й в на́с все́лься, просвети́т ду́ши на́ша.

Сти́х: Испо́лнихомся зау́тра ми́лости Твоея́:

Па́ки ту́же стихи́ру:

Сти́х: И бу́ди све́тлость:

Му́ченичен: Царе́й и мучи́телей стра́х отри́нуша Христо́вы во́ины, и благодерзнове́нно, и му́жественно Того́ испове́даша, все́х Го́спода Бо́га, и Царя́ на́шего: и мо́лятся о душа́х на́ших.

Сла́ва, и ны́не, богоро́дичен: Богоро́дице, предста́тельство все́х моля́щихся, на Тебе́ наде́емся, и Тобо́ю хва́лимся, в Тебе́ все́ упова́ние на́ше е́сть. Моли́ из Тебе́ роди́вшагося о непотре́бных рабе́х Твои́х.

Въ понедёльникъ вeчера.

На ГDи воззвaхъ, стіхи6ры ћкw nбhчно.

На стіх0внэ самоглaсенъ, двaжды. Глaсъ }:

Пост0мъ њчи1ститисz потщи1мсz, t сквeрны прегрэшeній нaшихъ, и3 ми1лостію и3 человэколю1біемъ къ ни1щымъ, вни1ти въ черт0гъ женихA хrтA, подаю1щагw нaмъ вeлію млcть.

И# глаг0лемъ nбы6чныz стіхи2, ћкоже вчерA.

Мyчениченъ: М§нцы гDни, моли1те бGа нaшего, и3 и3спроси1те душaмъ нaшымъ мн0жество щедр0тъ, и3 њчищeніе мн0гихъ прегрэшeній, м0лимсz.

Слaва, и3 нhнэ, бGор0диченъ:

Преслaвную и3 пречи1стую бцdу, и4стинную ћкw м™рь б9ію, воспои1мъ бlгочeстнw, рaдоватисz т0й глаг0люще ћкw ѓгGлъ: рaдуйсz м™и с™az воплощeннагw сн7а б9іz. Рaдуйсz жили1ще с™aгw д¦а, молsщаz при1снw њ нaсъ, во є4же сп7сти1сz душaмъ нaшымъ.

И# пр0чее послёдованіе.

Во вт0рникъ сhрный на ќтрени.

По в7-мъ стіхосл0віи сэдaленъ, глaсъ }.

Под0бенъ: Премyдрость, и3 сл0во:

Пребlгjй сл0ве, со nц7eмъ и3 д¦омъ создaвый ви1димаz вкyпэ и3 неви1димаz, неизречeнною мyдростію твоeю, свётлагw постA врeмz прейти2, въ ми1рэ глуб0цэ бlговоли2 бlгоутр0бне, разрэшaz прeлесть г0рькагw грэхA, подаS ўмилeніе и3 и3сцэлeній слeзы, и3 прегрэшeній прощeніе, да несумнённою душeю, ўсeрднымъ д¦омъ постsщесz, со ѓгGлы поeмъ держaву твою2.

Слaва, т0йже. И# нhнэ, бGор0диченъ:

Премyдрость и3 сл0во въ твоeмъ чрeвэ, зачeншаz неизречeннw м™и б9іz, мjру родилA є3си2 мjръ содержaщаго, и3 на њб8sтіzхъ держaла є3си2 вс‰ њб8eмлющаго пищедaтелz всёхъ и3 создaтелz, и3 гDа, тёмже молю1 тz всепётаz дв7о, и3 вёрою слaвлю тS, и3збaвитисz прегрэшeній мои1хъ, є3гдA и4мамъ предстaти пред8 лицeмъ создaтелz моегw2, вLчце дв7о чcтаz, твою2 п0мощь тогдa ми дaруй: и4бо м0жеши, є3ли1ка х0щеши всенепор0чнаz.

Чтeмъ же и3 вели1кагw васjліа сл0во њ бlгодарeніи. Тaже pал0мъ н7. КанHны поeмъ nсмоглaсника и3 минeи, ћкоже въ понедёльникъ ўказaсz: тaкожде и3 въ пр0чее послёдуй.

И# трипёснецъ господи1на їHсифа. Глaсъ G.

Пёснь в7.

Їрм0съ: Ћкw тyча на тр0скотъ, и3 ћкw и4ней на сёно, да сни1дутъ на зeмлю, глаг0ли мои2.

Ћкw ќтро возсіS нaмъ, покаsніz зари2, преддвeріz свётлw воздержaніz.

Тьмh мz и3збaви хrтE внёшніz, мн0жествомъ млcти твоеS, ћкw є3ди1нъ млcтивъ.

Nгнs мz и3схи1ти, и3 чeрвіz сп7се неусыпaющагw, покаsніz прилэжaніемъ њчищeнна.

БGор0диченъ: Дв7о всепётаz, бyди нaмъ пyть покаsніz, ко сп7сeніz ведyщій двeремъ.

И$ный.

Їрм0съ, глaсъ в7: Внемли1те лю1діе мои2:

Врeмz покаsніz настA, потщи1мсz хrтолю1бцы њчи1ститисz всёхъ прегрэшeній, и3 kви1тисz вLцэ бlжeнни.

П0стъ чи1стый, безгрёшный потщи1мсz соверши1ти нhнэ непрестaннw, да њбрsщемъ прегрэшeній њставлeніе.

Е#си1 бо хrтE многомлcтивъ всёхъ бlже, при1снw пріeмлzй въ покаsніе: тёмже вси1 тz при1снw слaвимъ.

Трbченъ: Трbцу во є3ди1ницэ прослaвимъ, несэк0мую, несліsнну, нераздёльну существ0мъ, раздёльна же ли1цы бGа.

БGор0диченъ: ЧCтаz дв7о м™и, ўмоли2, є3г0же воплоти1ла є3си2 ћкw чlвёка дв7о, и3 сл0ва: да сп7сeтъ t бёдъ рабы6 тво‰.

Їрм0съ: Внемли1те лю1діе мои2 зак0ну моемY, приклони1те ќхо вaше во глаг0лы ќстъ мои1хъ: ћкw и4мz твоE гDи, призвaхъ.

Пёснь }.

Їрм0съ: И#з8 безначaльна nц7A рождeннаго:

Раскazніz врeмz, покаsніz показaти плоды2 дост0йны бGу, душE моS потщи1сz, востaни, и3 возопjй прилёжнw, въ пощeніихъ и3мlтвахъ: п0йте, бlгослови1те и3 превозноси1те хrтA во вёки.

Пред8wчи1стимъ брaтіе душє1внаz ч{вства, и3 гDви нhнэ прилэпи1мсz w4бразы ўмилeніz, вопію1ще чи1стэ покаsніемъ чи1стымъ: п0йте, бlгослови1те и3 превозноси1те хrтA во вёки.

Ўловлsющаго врагA ласкосeрдыми воспоминaньми, и3 невоздержaніемъ слaсти крaткіz палsща чyвство, ўмертви1ти потщи1мсz прилёжною мlтвою, пою1ще, бlгословsще и3 превозносsще хrтA во вёки.

БGор0диченъ: Њнебеси1вшаz нaше земн0е nтрокови1це смэшeніе, њлzдёвшую и3 и3стлёвшую души2 моеS браздY, тyчами твои1хъ щедр0тъ, плодон0сну добродётельми покажи2 вопію1щу, и3 превозносsщу хrтA во вёки.

И$ный.

Їрм0съ: Въ купинЁ мwmсeю:

Пред8wчи1стимсz нhнэ, не брaшны т0кмw, но и3 дэsньми, и3 начнeмъ вёрніи тeплымъ помышлeніемъ: да создaтелю свётли kви1мсz во вёки.

Си1це нaмъ пости1тисz подобaетъ, не во враждЁ и3 брaни, не въ зaвисти и3 рвeніи, не во тщеслaвіи и3 лeсти сокровeннэй, но ћкоже хrт0съ, въ смиренномyдріи.

Ми1лующіи, речE ни1щыz, сп7су взаи1мъ даю1тъ разyмнw. Q рaдости неуподоби1мыz! Подаeтъ бо богaтнw воздаsніz д0брыхъ, во вс‰ вёки.

Бlгослови1мъ nц7A, и3 сн7а, и3 с™aго д¦а, гDа.

Трbченъ: Слaва nц7Y, и3 сн7у, и3 с™0му д¦у: Е#ди1нъ бо бGъ, три2. Со ѓгGлы непрестaннw человёцы восхвалsемъ тS, всес™az трbце: во вс‰ вёки.

БGор0диченъ: Рaдуйсz дв7о чcтаz бцdе мRjе, њчисти1лище мjра, правослaвныхъ р0гъ, моли2 и3збaвитисz t негаси1магw nгнS, тS славосл0вzщымъ во вс‰ вёки.

Хвaлимъ, бlгослови1мъ, покланsемсz гDви:

Їрм0съ: Въ купинЁ мwmсeю дв7ы чyдо, на сінaйстэй горЁ, проwбрази1вшаго и3ногдA, п0йте, бlгослови1те и3 превозноси1те во вс‰ вёки.

Пёснь f7.

Їрм0съ: ТебE неwпали1мую купинY:

Tвeрзи нaмъ млcти твоеS пречcтыz ўтрHбы, покаsніе человёкwмъ во сп7сeніе даровaвый є3ди1не сп7се многомлcтиве.

Ўвы2 мнЁ, к0е стрaшное џное неумhтное суди1лище, на нeмже и4мамы нaзи твори1ти сл0во, и5хже въ житіи2 ѕлЁ содёzхомъ;

Њдожди2 нaмъ бlгоутр0біz бlгодётелю кaплю, потоплsющую нaшу сквeрну всю2, вины6 покаsніz нaмъ подавaz.

Вси2 ўсeрднымъ сeрдцемъ, въ с™aгw постA преддвє1ріz свётлw совшeдше, бlгодaрствєнныz пBсни хrтY принесeмъ.

БGор0диченъ: ТS крёпкую предстaтельницу, и3 и3звёстную надeжду, воспэвaюще бlгочeстнw, м0лимъ: сн7а твоего2 моли2 дв7о сп7сти1сz нaмъ.

И$ный.

Їрм0съ: Двcтво твоE бцdе несквeрнаz:

Нhнэ пред8wчи1стимсz въ постЁ и3 слезaхъ, и3 въ вeліихъ и3справлeніихъ, да њбрsщемъ вeлію млcть.

Нhнэ подражaимъ м{дрыz дBвы хrтолю1бцы, и3 потщи1мсz хrтA ўсрёсти со свэщaми свётлыми.

Нhнэ подражaимъ и3лію2 пости1вшасz, и3 бэжaвша t лукaвыz їезавeли, да тaкw вознесeмсz t земли2.

Трbченъ: С™hй, с™hй, с™hй, трис™hй, џ§е вседержи1телю, и3 сн7е є3диносyщне со д¦омъ, є3ди1но б9ество2.

БGор0диченъ: Њ тебЁ хвaлимсz, и3 къ тебЁ прибэгaемъ, чcтаz, приснодв7о честнaz, мучeніz и3збaви вс‰ ны2.

Їрм0съ: Дёвство твоE бцdе несквeрнаz, є4же не њпали2 џгнь б9eственный, величaемъ.

На стіх0внэ стіхи1ра самоглaсна, глaсъ G:

Любeзнw лю1діе п0стъ њблобызaимъ: приспё бо д¦0вныхъ п0двигwвъ начaло: њстaвимъ тэлeсное сладострaстіе, возрасти1мъ душє1внаz даров†ніz, спострaждемъ ћкw раби2 хrт0ви, да и3 спрослaвимсz ћкw ч†да б9іz, и3 д¦ъ с™hй въ нaсъ всeльсz, просвэти1тъ дyшы нaшz.

Стjхъ: И#сп0лнихомсz заyтра млcти твоеS:

Пaки тyже стіхи1ру:

Стjхъ: И# бyди свётлость:

Мyчениченъ: Царeй и3 мучи1телей стрaхъ tри1нуша хrтHвы в0ини, и3 бlгодерзновeннw, и3 мyжественнw того2 и3сповёдаша, всёхъ гDа бGа, и3 цRS нaшего: и3м0лzтсz њ душaхъ нaшихъ.

Слaва, и3 нhнэ, бGор0диченъ:

Бцdе, предстaтельство всёхъ молsщихсz, на тебE надёемсz, и3 тоб0ю хвaлимсz, въ тебЁ всE ўповaніе нaше є4сть. Моли2 и3з8 тебE роди1вшагосz њ непотрeбныхъ рабёхъ твои1хъ.

Очікується текст