Чин благословения новаго дому
ЧИН БЛАГОСЛОВЕНИЯ
НОВАГО ДОМУ, В НЕМЖЕ ХОЩЕТ
КТО ПЕРВЕЕ ВСЕЛИТИСЯ
Пришед иерей в дом, егоже благословити имать, совершает малое освящение воды. Может же и имети с собою священную воду в сосуде (аще по чемулибо не имать быти освящения воды в доме) и елей в другом сосуде, имеющему же быти началу благословения, на коейждо от четырех стен да будет крест написан. Посем начинает обычно:
Священник: Благослове́н Бог наш всегда́, ны́не и при́сно и во ве́ки веко́в.
Чтец: Ами́нь. Сла́ва Тебе́, Бо́же наш, сла́ва Тебе́. Царю́ Небе́сный: Трисвятое. Пресвята́я Тро́ице: О́тче наш: Священник: Я́ко Твое́ есть Ца́рство: Чтец: Ами́нь. Го́споди, поми́луй, 12. Прииди́те, поклони́мся: трижды.
И псалом 90:
Живы́й в по́мощи Вы́шняго, в кро́ве Бо́га небе́снаго водвори́тся. Рече́т Го́сподеви: засту́пник мой еси́ и прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи, и от словесе́ мяте́жна, плещма́ Свои́ма осени́т тя, и под криле́ Его́ наде́ешися, ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тьме преходя́щия, от сря́ща и бе́са полу́деннаго. Паде́т от страны́ твое́й ты́сяща, и тьма одесну́ю тебе́, к тебе́ же не прибли́жится, оба́че очи́ма твои́ма смо́триши и воздая́ние гре́шников у́зриши. Я́ко Ты, Го́споди, упова́ние мое́; Вы́шняго положи́л еси́ прибе́жище твое́. Не прии́дет к тебе́ зло, и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́; на а́спида и васили́ска насту́пиши, и попере́ши льва и зми́я. Я́ко на Мя упова́, и изба́влю и́; покры́ю и́, я́ко позна́ и́мя Мое́. Воззове́т ко Мне, и услы́шу его́, с ним есмь в ско́рби, изму́ его́ и просла́влю его́, долгото́ю дней испо́лню его́ и явлю́ ему́ спасе́ние Мое́.
По псалме же чтет, или поет тропарь сей, глас 8:
Я́коже Закхе́еву до́му Твои́м, Христе́, вхо́дом спасе́ние бысть, / си́це и ны́не вхо́дом свяще́нных служи́телей Твои́х, и с ни́ми святы́х А́нгел Твои́х, / мир Твой пода́ждь до́му сему́, и ми́лостивно благослови́ его́, / спаса́я и просвеща́я всех жи́ти хотя́щих в нем.
Сущей же трапезе убрусом покрытой, Евангелию и кресту на ней возлежащим, и свещам горящим, и воде священней и елею сущим, став иерей к востоку лицем и рек:
Священник: Го́споду помо́лимся.
И лик: Го́споди, поми́луй.
Чтет иерей молитву сию во услышание всем:
Го́споди Иису́се Христе́, Бо́же наш, изво́ливый под сень Закхе́а мытаря́ вни́ти, и спасе́ние тому́ и всему́ до́му его́ бы́вый; Сам и ны́не зде жи́ти восхоте́вшия, и на́ми недосто́йными мольбы́ Тебе́ и моле́ния принося́щия, от вся́каго зла невреди́мы соблюди́, благословля́я их и обита́лище сие́, и ненаве́тен тех живо́т вы́ну сохраня́й, изоби́льно вся блага́я Твоя́ им Твои́м благослове́нием на по́льзу подава́яй. Я́ко подоба́ет Тебе́ вся́кая сла́ва, че́сть и поклоне́ние, со безнача́льным Твои́м Отце́м, и Пресвяты́м, и Благи́м, и Животворя́щим Твои́м Ду́хом, ны́не и при́сно и во ве́ки веко́в.
Лик: Ами́нь.
Иерей: Мир всем.
Лик: И ду́хови твоему́.
Иерей: Главы ва́ша Го́сподеви приклони́те.
Лик: Тебе́, Го́споди.
И чтет иерей тайно молитву сию:
Влады́ко Го́споди Бо́же наш, на высо́ких живы́й и на смире́нныя призира́яй, домы́ созида́ти челове́ком повеле́вый и благослови́вый жи́ти в них, и спасе́ние до́му Закхе́ову дарова́вый; Са́м благослови́ и дом сей, и в нем жи́ти хотя́щих стра́хом Твои́м огради́, и невреди́мых от сопроти́вных сохрани́, и благослове́ние Твое́ с высоты́ жили́ща Твоего́ низпосли́ им, и благослови́ и умно́жи вся блага́я в до́ме сем.
Возглас: Твое́ бо есть, е́же ми́ловати и спаса́ти ны, Бо́же на́ш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Лик: Ами́нь.
Абие же посем знаменав трижды елей, глаголя: Во и́мя Отца́ и Сы́на и Свята́го Ду́ха, ами́нь.
И чтет над ним молитву сию:
Го́споди Бо́же наш, при́зри ны́не ми́лостивно на моли́тву мене́ смире́ннаго и недосто́йнаго раба́ Твоего́, и низпосли́ благода́ть Пресвята́го Твоего́ Ду́ха на еле́й сей, и освяти́ его́, я́ко да бу́дет во освяще́ние ме́сту сему́ и на нем сооруже́нну до́му, и на прогна́ние вся́кия сопроти́вныя си́лы и сатани́нских наве́тов. Ты́ бо еси́ благословля́яй и освяща́яй вся́ческая, Христе́ Бо́же на́ш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Лик: Ами́нь.
По молитве же вземлет священную воду, и кропит ею вся стены дома окрест и вся клети его, глаголя:
Во и́мя Отца́ и Сы́на и Свята́го Ду́ха, окропле́нием воды́ сея́ свяще́нныя, в бе́гство да претвори́тся вся́кое лука́вое бесо́вское де́йство, ами́нь.
Окропив же все, взем елей, помазует им стены дома, идеже есть крест написан в средине его, начен от восточныя стены дома, посем и западную, и по сих северную, в конец же южную стену, над коейждо глаголет:
Благословля́ется дом сей пома́занием свята́го еле́а сего́, во и́мя Отца́ и Сы́на и Свята́го Ду́ха, ами́нь.
По совершении помазания елеем, возжигают свещи пред киимждо крестом, на коейждо стене. Сему же бывающу, певцы поют стихиру сию глас 5:
Благослови́, Го́споди, дом сей, / и испо́лни его́ земны́х Твои́х благ, / и в нем благоче́стно жи́ти хотя́щих / от вся́каго зла́го обстоя́ния неврежде́нных сохрани́, / и вся́кое изоби́лие небе́снаго и земна́го Твоего́ благослове́ния тем да́руй, / и я́ко щедр поми́луй, / по вели́цей Твое́й ми́лости.
По окончании помазания, становится иерей лицем к востоком, и аще изволит, чтет Евангелие, рек:
Иерей: Прему́дрость, про́сти, услы́шим свята́го Ева́нгелиа. Мир всем.
Людие: И ду́хови твоему́.
Иерей: От Луки́ свята́го Ева́нгелиа чте́ние.
Лик: Сла́ва Тебе́, Го́споди, сла́ва Тебе́.
Иерей: Во́нмем.
И чтет от Луки зачало 94.
Во вре́мя о́но, прии́де Иису́с во Иерихо́н. И се муж нарица́емый Закхе́й, и сей бе ста́рей мытаре́м, и той бе бога́т. И иска́ше ви́дети Иису́са, кто есть, и не можа́ше от наро́да, я́ко во́зрастом мал бе. И предите́к возле́зе на я́годичину, да ви́дит, я́ко туде́ хотя́ше мину́ти. И я́ко прии́де на ме́сто, воззре́в Иису́с, ви́дев его́, и рече́ к нему́: Закхе́е, потща́вся сле́зи, днесь бо в дому́ твое́м подоба́ет Ми бы́ти. И потща́вся сле́зе, и прия́т Его́ ра́дуяся. И ви́девше вси́ ропта́ху, глаго́люще, я́ко ко гре́шну му́жу вни́де вита́ти. Став же Закхе́й рече́ ко Го́споду: се пол име́ния моего́, Го́споди, дам ни́щим: и а́ще кого́ чим оби́дех, возвращу́ четвери́цею. Рече́ же к нему́ Иису́с, я́ко днесь спасе́ние до́му сему́ бысть, зане́ и сей сын Авраа́мль есть. Прии́де бо Сын Челове́чь взыска́ти и спасти́ поги́бшаго.
Лик: Сла́ва Тебе́, Го́споди, сла́ва Тебе́.
И абие чтут псалом 100:
Ми́лость и суд воспою́ Тебе́, Го́споди. Пою́ и разуме́ю в пути́ непоро́чне, когда́ прии́деши ко мне? Прехожда́х в незло́бии се́рдца моего́ посреде́ до́му моего́. Не предлага́х пред очи́ма мои́ма вещь законопресту́пную: творя́щыя преступле́ние возненави́дех. Не прильпе́ мне се́рдце стропти́во, уклоня́ющагося от мене́ лука́ваго не позна́х. Оклевета́ющаго тай и́скренняго своего́, сего́ изгоня́х: го́рдым о́ком, и несы́тым се́рдцем, с сим не ядя́х. О́чи мои́ на ве́рныя земли́, посажда́ти я́ со мно́ю: ходя́й по пути́ непоро́чну, сей ми служа́ше. Не живя́ше посреде́ до́му моего́ творя́й горды́ню, глаго́ляй непра́ведная, не исправля́ше пред очи́ма мои́ма. Во у́трия избива́х вся гре́шныя земли́, е́же потреби́ти от гра́да Госпо́дня вся де́лающыя беззако́ние.
Иерей же кадит весь дом.
По сем же глаголет ектению сию:
Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.
Лик: Го́споди, поми́луй. Трижды.
Еще́ мо́лимся о е́же низпосла́ти благослове́ние Свое́ на дом сей и на раба́ Своего́ [или рабу́ Свою́] (имярек), и на всех в нем благоче́стно жи́ти хотя́щих, и посла́ти им А́нгела Своего́ ми́лостива, соблюда́юща и сохраня́ща их от вся́каго зла, и наставля́юща к де́ланию всех доброде́телей, и ко исполне́нию святы́х Христо́вых за́поведей. и о е́же сохрани́ти их от гла́да, губи́тельства, тру́са, пото́па, огня́, меча́ и наше́ствия иноплеме́нник, и вся́кия смертоно́сныя ра́ны, и дарова́ти им здра́вие, и долгоде́нствием огради́ти их, и во всем угобзи́ти, рцем вси: Го́споди, услы́ши и поми́луй.
Лик: Го́споди, поми́луй. Трижды.
Еще́ мо́лимся за всю бра́тию и за вся христиа́ны.
Лик: Го́споди, поми́луй. Трижды.
Возглас: Услы́ши ны́, Бо́же Спаси́телю наш, упова́ние всех конце́в земли́, и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших, и поми́луй ны: ми́лостив бо и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свя́то́му Ду́ху, ны́не и при́сно и во ве́ки веко́в.
Лик: Ами́нь.
И творит дневный обычный отпуст, и многолетствовав дому владыце, отходит во свояси, благодаря Бога.
Чи1нъ бlгословeніz н0вагw д0му
въ нeмже х0щетъ
кто2 пeрвэе всели1тисz.
Пришeдъ їерeй въ д0мъ, є3г0же бlгослови1ти и4мать, совершaетъ мaлое њсвzщeніе воды2. М0жетъ же и3 и3мёти съ соб0ю свzщeнную в0ду въ сосyдэ (ѓще по чемyлибо не и4мать бhти њсвzщeніz воды2 въ д0мэ) и3 є3лeй въ друг0мъ сосyдэ, и3мёющему же бhти начaлу бlгословeніz, на к0ейждо t четhрехъ стёнъ да бyдетъ крeстъ напи1санъ:
Посeмъ начинaетъ nбhчнw: Бlгословeнъ бGъ нaшъ: и3 ѓбіе поeтъ съ кли1ріки: ЦRю2 небeсный: По скончaніи же пёніz, чтeмъ: Трис™0е. Џ§е нaшъ: ГDи поми1луй, в7i. Слaва, и3 нhнэ: Пріиди1те, поклони1мсz: три1жды.
Pал0мъ §:
Живhй въ п0мощи вhшнzгw, въ кр0вэ бGа нбcнагw водвори1тсz, речeтъ гDеви: застyпникъ м0й є3си2 и3 прибёжище моE, бGъ м0й, и3 ўповaю на него2. Ћкw т0й и3збaвитъ тS t сёти л0вчи и3 t словесE мzтeжна: плещмA свои1ма њсэни1тъ тS, и3 под8 крилB є3гw2 надёешисz: nрyжіемъ њбhдетъ тS и4стина є3гw2. Не ўбои1шисz t стрaха нощнaгw, t стрэлы2 летsщіz во дни2, t вeщи во тьмЁ преходsщіz, t срsща и3 бёса полyденнагw. Падeтъ t страны2 твоеS тhсzща, и3 тьмA њдеснyю тебє2, къ тебё же не прибли1житсz: nбaче nчи1ма твои1ма см0триши и3 воздаsніе грёшникwвъ ќзриши. Ћкw ты2, гDи, ўповaніе моE: вhшнzго положи1лъ є3си2 прибёжище твоE. Не пріи1детъ къ тебЁ ѕло2, и3 рaна не прибли1житсz тэлеси2 твоемY: ћкw ѓгGлwмъ свои6мъ заповёсть њ тебЁ, сохрани1ти тS во всёхъ путeхъ твои1хъ. На рукaхъ в0змутъ тS, да не когдA преткнeши њ кaмень н0гу твою2: на ѓспіда и3 васілjска настyпиши, и3 поперeши львA и3 ѕмjz. Ћкw на мS ўповA, и3 и3збaвлю и5: покрhю и5, ћкw познA и4мz моE. Воззовeтъ ко мнЁ, и3 ўслhшу є3го2: съ ни1мъ є4смь въ ск0рби, и3змY є3го2 и3 прослaвлю є3го2: долгот0ю днjй и3сп0лню є3го2 и3 kвлю2 є3мY спcніе моE.
Слaва, и3 нhнэ: Ґллилyіа, ґллилyіа, ґллилyіа, слaва тебE, б9е, три1жды.
По pалмё же чтeтъ,
и3ли2 поeтъ тропaрь сeй, глaсъ }:
Ћкоже закхeеву д0му / твои1мъ, хrтE, вх0домъ спасeніе бhсть, / си1це и3 нhнэ вх0домъ свzщeнныхъ служи1телей твои1хъ, / и3 съ ни1ми с™hхъ твои1хъ ѓгGлъ, / ми1ръ тв0й подaждь д0му семY, / и3 ми1лостивнw бlгослови2 є3го2, / спасaz и3 просвэщaz всёхъ / жи1ти хотsщихъ въ нeмъ.
Сyщей же трапeзэ ўбрyсомъ покрhтой, є3ђлію и3 кrтY на нeй, и3 свэщaмъ горsщымъ, и3 водЁ свzщeннэй и3 є3лeю сyщымъ, стaвъ їерeй къ вост0ку лицeмъ и3 рeкъ:
ГDу пом0лимсz.
Ли1къ: ГDи поми1луй.
Чтeтъ моли1тву сію2 во ўслышaніе всBмъ:
ГDи ї}се хrтE б9е нaшъ, и3зв0ливый под8 сёнь закхeа мытарS вни1ти, и3 спасeніе томY и3 всемY д0му є3гw2 бhвый: сaмъ и3 нhнэ здЁ жи1ти хотsщихъ, и3 нaми недост0йными молбы6 тебЁ и3 молє1ніz приносsщихъ, t всsкагw ѕлA невреждeнныхъ соблюди2, бlгословлsz и5хъ и3 nбитaлище сіE, и3 ненавётенъ тёхъ жив0тъ вhну сохранsz, и3з8oби1лнw вс‰ благ†z тво‰ и5мъ твои1мъ бlгословeніемъ на п0лзу подавazй. Ћкw подобaетъ тебЁ всsкаz слaва, чeсть и3 поклонeніе, со безначaльнымъ твои1мъ nц7eмъ, и3 прес™hмъ, и3 бlги1мъ, и3 животворsщимъ твои1мъ д¦омъ, нhнэ и3 при1снw, и3 во вёки вэкHвъ.
Ли1къ: Ґми1нь. Їерeй: Ми1ръ всBмъ. Ли1къ: И# дyхови твоемY. Їерeй: Главы6 вaшz гDеви приклони1те. Ли1къ: ТебЁ гDи.
И# чтeтъ їерeй тaйнw моли1тву сію2:
Владhко г0споди б9е нaшъ, на выс0кихъ живhй и3 на смирє1нныz призирazй, бlгослови1вый д0мъ лавaновъ при вх0дэ їaкwва, и3 д0мъ пентeфріевъ при вх0дэ їHсифовэмъ: бlгослови1вый д0мъ ґведaріинъ внесeніемъ ківHта, и3 во дни6 пришeствіz во пл0ти хrтA бGа нaшегw, спасeніе д0му закхeеву даровaвый. Сaмъ бlгослови2 и3 д0мъ сeй, и3 въ нeмъ жи1ти хотsщихъ стрaхомъ твои1мъ њгради2, и3 невреди1мыхъ t сопроти1вныхъ сохрани2, и3 бlгословeніе твоE съ высоты2 жили1ща твоегw2 низпосли2 и5мъ, и3 бlгослови2 и3 ўмн0жи вс‰ благ†z въ д0мэ сeмъ.
Возглaсъ: Твоe бо є4сть, є4же ми1ловати и3 спасaти ны2, б9е нaшъ, и3 тебЁ слaву возсылaемъ, nц7Y, и3 сн7у, и3 с™0му д¦у, нhнэ и3 при1снw, и3 во вёки вэкHвъ.
Ли1къ: Ґми1нь.
Ѓбіе же посeмъ знaменавъ три1жды є3лeй, глаг0летъ:
Во и4мz nц7A, и3 сн7а, и3 с™aгw дyха, ґми1нь.
И# чтeтъ над8 ни1мъ моли1тву сію2:
ГDи б9е нaшъ, при1зри нhнэ ми1лостивнw на моли1тву менE смирeннагw и3 недост0йнагw рабA твоегw2, и3 низпосли2 бlгодaть прес™aгw твоегw2 д¦а на є3лeй сeй, и3 њс™и2 є3го2, ћкw да бyдетъ во њсвzщeніе мёсту семY и3 на нeмъ соwружeнну д0му, и3 на прогнaніе всsкіz сопроти1вныz си1лы и3 сатани1нскихъ навётwвъ. Тh бо є3си2 бlгословлszй и3 њсвzщazй всsчєскаz, хrтE б9е нaшъ, и3 тебЁ слaву возсылaемъ, nц7Y, и3 сн7у, и3 с™0му д¦у, нhнэ и3 при1снw, и3 во вёки вэкHвъ.
Ли1къ: Ґми1нь.
По моли1твэ же взeмлетъ свzщeнную в0ду, и3 кропи1тъ є4ю вс‰ стBны д0му џкрестъ и3 вс‰ клBти є3гw2, глаг0лz:
Во и4мz nц7A, и3 сн7а, и3 с™aгw д¦а, њкроплeніемъ воды2 сеS свzщeнныz, въ бёгство да претвори1тсz всE лукaвое бэс0вское дёйство, ґми1нь.
Њкропи1въ же всE, взeмъ є3лeй, помазyетъ и4мъ стёны д0ма, и3дёже є4сть крeстъ напи1санъ въ среди1нэ є3гw2, начeнъ t вост0чныz стэны2 д0ма, посeмъ и3 зaпадную, и3 по си1хъ сёверную, въ конeцъ же ю4жную стёну, надъ к0ейждо глаг0летъ:
Бlгословлsетсz д0мъ сeй помaзаніемъ свzтaгw є3лeа сегw2, во и4мz nц7A, и3 сн7а, и3 с™aгw дyха, ґми1нь.
По совершeніи помaзаніz є3лeемъ, сожигaетъ помaзаніе свэщы2 горsщими, на к0ейждо стэнЁ.
Семy же бывaющу, пэвцы2 пою1тъ стіхи1ру сію2 глaсъ є7:
Бlгослови2, гDи, д0мъ сeй, / и3 и3сп0лни є3го2 земнhхъ твои1хъ бл†гъ, / и3 въ нeмъ бlгочeстнw жи1ти хотsщихъ / t всsкагw ѕлaгw њбстоsніz невреждeнныхъ сохрани2, / и3 всsкое и3з8oби1ліе небeснагw и3 земнaгw твоегw2 бlгословeніz тBмъ дaруй, / и3 ћкw щeдръ поми1луй, / по вели1цэй твоeй ми1лости.
По њкончaніи помaзаніz, станови1тсz їерeй лицeмъ къ вост0ку, и3 ѓще и3зв0литъ, чтeтъ и3 є3ђліе, рeкъ:
Премyдрость пр0сти, ўслhшимъ с™aгw є3ђліа. Ми1ръ всBмъ.
Ли1къ: И# дyхови твоемY.
T луки2 с™aгw є3ђліа чтeніе.
Ли1къ: Слaва тебЁ, гDи, слaва тебЁ.
И# чтeтъ t луки2 зачaло §д.
Во врeмz џно, пріи1де ї}съ во їеріхHнъ. И# сE мyжъ нарицaемый закхeй, и3 сeй бЁ стaрэй мытарє1мъ, и3 т0й бЁ богaтъ: и3 и3скaше ви1дэти ї}са, кт0 є3сть, и3 не можaше t нар0да, ћкw в0зрастомъ мaлъ бЁ: и3 предитeкъ, возлёзе на ћгодичину, да ви1дитъ, ћкw хотsше ми1мw є3S проити2. И# ћкw пріи1де на мёсто, воззрёвъ ї}съ ви1дэ є3го2, и3 речE къ немY: закхeе, потщaвсz слёзи: днeсь бо въ домY твоeмъ подобaетъ ми2 бhти. И# потщaвсz слёзе, и3 пріsтъ є3го2 рaдуzсz. И# ви1дэвше вси2 роптaху, глаг0люще, ћкw ко грёшну мyжу вни1де витaти. Стaвъ же закхeй речE ко гDу: сE п0лъ и3мёніz моегw2, гDи, дaмъ ни1щымъ: и3 ѓще кого2 чи1мъ њби1дэхъ, возвращY четвери1цею. Речe же къ немY ї}съ: ћкw днeсь спcніе д0му семY бhсть, занE и3 сeй сhнъ ґвраaмль є4сть: пріи1де бо сн7ъ чlвёчь взыскaти и3 спcти2 поги1бшаго.
Ли1къ: Слaва тебЁ, гDи, слaва тебЁ.
И# ѓбіе чтyтъ pал0мъ R:
Млcть и3 сyдъ воспою2 тебЁ, гDи: Пою2 и3 разумёю въ пути2 непор0чнэ: когдA пріи1деши ко мнЁ; прехождaхъ въ неѕл0біи сeрдца моегw2 посредЁ д0му моегw2. Не предлагaхъ пред8 nчи1ма мои1ма вeщь законопрестyпную: творsщыz преступлeніе возненави1дэхъ: Не прильпE мнЁ сeрдце стропти1во: ўклонsющагосz t менE лукaваго не познaхъ. Њклеветaющаго тaй и4скреннzго своего2, сего2 и3згонsхъ: г0рдымъ џкомъ и3 несhтымъ сeрдцемъ, съ си1мъ не kдsхъ. Џчи мои2 на вBрныz земли2, посаждaти | со мн0ю: ходsй по пути2 непор0чну, сeй ми2 служaше. Не живsше посредЁ д0му моегw2 творsй гордhню: глаг0лzй непрaвєднаz не и3справлsше пред8 nчи1ма мои1ма. Воyтріz и3збивaхъ вс‰ грBшныz земли2, є4же потреби1ти t грaда гDнz вс‰ дёлающыz беззак0ніе.
Їерeй кади1тъ вeсь д0мъ. По сeмъ же глаг0летъ є3ктенію2 сію2:
Поми1луй нaсъ, б9е, по вели1цэй ми1лости твоeй, м0лимтисz, ўслhши и3 поми1луй.
Ли1къ: ГDи поми1луй. Три1жды.
Е#щE м0лимсz њ є4же низпослaти бlгословeніе своE на д0мъ сeй и3 на рабA своего2 [и3ли2 рабY свою2] и4м>къ, и3 на всёхъ въ нeмъ бlгочeстнw жи1ти хотsщихъ, и3 послaти и5мъ ѓгGла своего2 ми1лостива, соблюдaюща и3 сохранsща и5хъ t всsкагw ѕлA, и3 наставлsюща къ дёланію всёхъ добродётелей, и3 ко и3сполнeнію с™hхъ хrт0выхъ зaповэдей: и3 њ є4же сохрани1ти и5хъ t глaда, губи1тельства, трyса, пот0па, nгнS. мечA и3 нашeствіz и3ноплемє1нникъ. и3 всsкіz смертон0сныz рaны, и3 даровaти и5мъ здрaвіе, и3 долгодeнствіемъ њгради1ти и5хъ. и3 во всeмъ ўгобзи1ти, рцeмъ вси2, гDи, ўслhши и3 поми1луй.
Е#щE м0лимсz за всю2 брaтію и3 за всS хrтіaны.
Возглaсъ: Ўслhши ны2, б9е сп7си1телю нaшъ, ўповaніе всёхъ концeвъ земли2, и3 сyщихъ въ м0ри далeче, и3 ми1лостивъ, ми1лостивъ бyди, вLко, њ грэсёхъ нaшихъ, и3 поми1луй ны2: ми1лостивъ бо и3 чlвэколю1бецъ бGъ є3си2, и3 тебЁ слaву возсылaемъ, nц7Y, и3 сн7у, и3 с™0му д¦у, нhнэ и3 при1снw, и3 во вёки вэкHвъ.
Ли1къ: Ґми1нь.
И# твори1тъ днeвный nбhчный tпyстъ, и3 многолётствовавъ д0му владhцэ, tх0дитъ во сво‰си, бlгодарS бGа.
Текст очікується.
