Кондак 1 И збранный чудотворче и изрядный угодниче Христов, Ростова просветителю, и усердный о душах наших молитвенниче, святителю отче Леонтие! Восхваляем тя с любовию, заступника нашего: ты же, яко имеяй дерзновение ко Господу, молися выну о спасении нас грешных и от всяких бед избавляй зовущих ти:
Р адуйся, Леонтие, Ростовский чудотворче.
Икос 1
А нгелонравное житие возлюбив, отче Леонтие, в обитель Киево-Печерскую пришел еси, и от преподобных отец Антониа и Феодосиа во иночество прияв пострижение, свято и богоугодно пожил еси, подвизаяся в посте, бдении и молитвах непрестанных. Темже слышиши от нас благохваления таковая:
Р адуйся, земный ангеле, во плоти небесно поживый.
Р адуйся, небесный человече, о горних выну помышлявый.
Р адуйся, во мраце пещернем свет боговидения снискавый.
Р адуйся, подвиги великими плоть твою обуздавый.
Р адуйся, смирением высокая стяжавый.
Р адуйся, терпением вся искушения диавольския победивый.
Р адуйся, постом душу твою просветивый.
Р адуйся, молитвами непрестанными сердце твое освятивый.
Р адуйся, сосуде избранный Божия благодати.
Р адуйся, селение непорочное Духа Святаго.
Р адуйся, светильниче, сияяй дары божественными.
Р адуйся, луче пресветлаго Солнца Правды Христа.
Р адуйся, Леонтие, Ростовский чудотворче.
Кондак 2 В идев Господь душу твою, святителю Леонтие, добродетельми благоукрашенну, благоволи поставити тя во епископа граду Ростову, идолослужением языческим потемненному: да право правиши в нем слово истины, и приводиши ко Христу заблуждшыя человеки, неведущыя пети Триипостасному Богу: Аллилуиа.
Икос 2 Р азум небесный тебе даровася, святче Божий, от Христа Бога, Иже посла тя в страну Ростовскую проповедати людем Евангелие Христово, и приводити к познанию веры истинныя идолослужением одержимыя человеки. Мы же тя, равноапостольнаго проповедника ведуще, приветствуем радостно сими достодолжными хвалении:
Р адуйся, первопрестольниче святыя Ростовския Церкве.
Р адуйся, Православия столпе непоколебимый.
Р адуйся, красныя нозе твои направивый к борению со враги спасения человеческаго.
Р адуйся, апостольски подвизавыйся во граде Ростове.
Р адуйся, терпеливо преносивый гонение велие от идолослужителей.
Р адуйся, любовию отеческою злобу их побеждавый.
Р адуйся, мужеством души твоея вся злохитрости их посрамивый.
Р адуйся, благовременно и безвременно паству твою благочестию поучавый.
Р адуйся, старцев идолослужительных богомудрый обличителю.
Р адуйся, младенцев благий научителю.
Р адуйся, неутомимо подвизавыйся о спасении душ человеческих.
Р адуйся, просветивый Ростов светом познания Христова.
Р адуйся, Леонтие, Ростовский чудотворче.
Кондак 3 С илою Христовою преисполненный, святителю Леонтие, не убоялся еси противустати сонмищу идолослужителей, со оружием и дрекольми на тя пришедшему, к нимже, в святительския ризы облеченный, из храма Божия кротко изшел еси, и с любовию их увещавал еси, обратитися ко Христу Богу, и вкупе с тобою пети Ему: Аллилуиа.
Икос 3 И мел еси лице, яко ангельское, светом небесным сияющее, святителю Леонтие, егоже не терпяще зрети идолослужители, ови ослепоша, ови же разслаблени на земли падоша, и зело устрашеннии не дерзнуша озлобити тя, проповедника божественныя истины, воистинну достойнаго похвал таковых:
Р адуйся, светозарный Божия благодати таинниче.
Р адуйся, ангелоподобный человече.
Р адуйся, безоружный вооруженных победивый.
Р адуйся, небоязненно слово Божие проповедавый.
Р адуйся, яко лице адамантово свыше тебе даровася.
Р адуйся, яко тобою лица идолослужителей посрамишася.
Р адуйся, яко ангел Божий, светом лица твоего идолослужителей устрашивый.
Р адуйся, яко со злобою на тя устремившихся кротостию твоею смиривый.
Р адуйся, ослепших и разслабленных молитвою твоею изцеливый.
Р адуйся, благостию злобу победивый.
Р адуйся, апостоле земли Ростовския.
Р адуйся, пастырю добрый стада Христова.
Р адуйся, Леонтие, Ростовский чудотворче.
Кондак 4 Б уря гонения языческаго паки возшуме на тя, святителю Леонтие, и изгна тя из града Ростова на предградие его, идеже ты поселился еси, и храм Божий во имя Архистратига Сил Небесных тамо создав, при нем подвизался еси в трудех апостольских, зовый единому могущему спасти заблуждшыя человеки Христу, Царю и Богу: Аллилуиа.
Икос 4 С лышавше благия твоя глаголы, святителю Христов, малыя дети прихождаху к тебе, на предградии Ростова живущему, ихже ты пшеницею с медом питая, насаждал еси в них учение Христово, да от уст младенцев совершиши хвалу Богу, внушающему нам звати тебе:
Р адуйся, озаривый светом Христовым люди во тме и сени смертней седящыя.
Р адуйся, призвавый ко Христу овцы заблуждшыя.
Р адуйся, гонение и изгнание Христа ради многажды претерпевый.
Р адуйся, терпением твоим гонителей твоих препобедивый.
Р адуйся, христоподражательно младенцы возлюбивый.
Р адуйся, сердца их невинныя Христовым познанием украсивый.
Р адуйся, сладким брашном их питая, душы их в любовь Пресладкаго Иисуса пленивый.
Р адуйся, мудро их в мрежу Евангелиа Христова уловивый.
Р адуйся, чрез чада родителей ко спасению призвавый.
Р адуйся, многих ко Христу обративый.
Р адуйся, делателю добрый винограда небеснаго.
Р адуйся, сладкия плоды делания твоего Христу принесый.
Р адуйся, Леонтие, Ростовский чудотворче.
Кондак 5 Б оготечное светило быв, святителю отче Леонтие, мрак идолослужения во граде Ростове просветил еси, сиянием немерцающим Солнца Правды Христа, и мрежею проповеди евангелькия уловил еси во спасение многия человеки, научив их православно веровати во единаго Бога, в Троице Святей славимаго и покланяемаго, и благоприятно пети Ему: Аллилуиа.
Икос 5 В идевше тя людие Ростовстии, святителю Леонтие, терпеливо поучающаго их Евангелию Христову, и ни во что же вменяющаго гонение, изгнание и скорби, начаша приходити к тебе и послушати твоих поучений душеспасительных: ты же, святе, хвалу о сем Богу воздав, от предградия во град Ростов возвратился еси, и при соборнем его храме водворився, неленостно учил еси люди твоя благочестию христианскому. О сем тя хвалим и зовем:
Р адуйся, терние неверия языческаго в Ростове посекавый.
Р адуйся, лозу познания Христова тамо насадивый.
Р адуйся, день и нощь трудивыйся на ниве Господней.
Р адуйся, приведый Господеви люди пакибытием обновленныя.
Р адуйся, во имя Отца, и Сына, и Святаго Духа крестивый язычники ожесточенныя.
Р адуйся, троическою благодатию укротивый идолослужители озлобленныя.
Р адуйся, первопастырю Ростовския Церкве.
Р адуйся, звездо немерцающая, светом Христовым всех просвещающая.
Р адуйся, молитвенниче усердный о пастве твоей земней.
Р адуйся, Бога зело прославивый подвиги твоими равноапостольными.
Р адуйся, от Бога прославленный многими чудесы.
Р адуйся, сими утвердивый истину твоея проповеди божественныя.
Р адуйся, Леонтие, Ростовский чудотворче.
Кондак 6 П роповедником евангельския истины, апостолом Христовым, верно подражал еси, святителю отче наш Леонтие, и подобно им трудился еси во благовестии Христове, люди Ростовския поучая православно веровати во Святую Троицу и Божественную Единицу, Творца и Создателя всяческих, Емуже присно пел еси ангельскую песнь: Аллилуиа.
Икос 6 В озсиял еси во граде Ростове светом добрых дел твоих, святителю приснопамятне, о нихже прославляху люди Отца Небеснаго Бога, укрепившаго тя на подвиги апостольския, и даровавшаго ти силу и власть на духи нечистыя, от ихже влияния пагубнаго свобождал еси человеки, тебе зовущыя и глаголющыя:
Р адуйся, Христу уневестивый многия душы человеческия.
Р адуйся, от Христа обогащенный многими благодатными дары.
Р адуйся, крине благоуханный небеснаго прозябения.
Р адуйся, маслино благоплодная сада Иисусова.
Р адуйся, града Ростова славо и похвало.
Р адуйся, веры Христовой в нем крепкое утверждение.
Р адуйся, благочестия учителю.
Р адуйся, православия наставниче.
Р адуйся, недугов душевных и телесных целителю.
Р адуйся, нищих и убогих питателю.
Р адуйся, священников рукополагателю.
Р адуйся, иноков покровителю.
Р адуйся, Леонтие, Ростовский чудотворче.
Кондак 7 Х отение едино имел еси, святче Божий, еже Богу угождати и спасению людей твоих служити: темже не дал еси сна очима твоима, ни веждома дремания, но присно подвизался еси во благо святыя Ростовския Церкве, стяжавшия тя, столпа Православия непоколебимаго, и стража дому Божию вернаго, примером твоим и нас поучающаго неленостно возносити песнь хвалы Христу Богу: Аллилуиа.
Икос 7 Н оваго тя Николаа Мирликийскаго, стяжа град Ростов, святителю отче Леонтие, чудесы твоими зело имя Христово в нем прославльшаго, и ко Христову познанию люди заблуждшыя приведшаго, твоим учением божественным, емуже внимающе, люди Ростовстии научишася пети тебе:
Р адуйся, благий рабе и верный, данный тебе от Господа талант не сокрывый.
Р адуйся, многу куплю духовную им приобретый.
Р адуйся, сотворивый и научивый, и велий нареченный в Царствии Небеснем.
Р адуйся, величием чудес на земли прославленный.
Р адуйся, знамения дивная рукама твоима совершивый.
Р адуйся, туне приявый, туне подававый.
Р адуйся, исполнение обетований евангельских получивый.
Р адуйся, милосердия Спасова подражателю.
Р адуйся, щедродательный милостыни подателю.
Р адуйся, любвеобильный скорбящих утешителю.
Р адуйся, органе Духа Святаго.
Р адуйся, миро Христова благоухания на земли.
Р адуйся, Леонтие, Ростовский чудотворче.
Кондак 8 С транствие земное мученическою кончиною совершил еси, святителю Леонтие, Христа ради от идолослужителей ожесточенных даже до крове пострадав, первый священномученик Русския Земли явлься, град Ростов освятил еси излиянием крове твоея, и Христу приусвоил еси, да просвещеннии тобою люди, чествующе подвиг твой апостольский, зовут Богу: Аллилуиа.
Икос 8 В есь в жертву Богу принеслся еси, святителю достоблаженный, и со дерзновением многим Христу предстал еси во славе Царствия Небеснаго, идеже не забуди и нас, земных, усердно с любовию тя почитающих, но присно молися о спасении нашем, да тебе зовем хвалебно:
Р адуйся, первый священномучениче земли Русския.
Р адуйся, крове обагрением украсивый ризу твою святительскую.
Р адуйся, со страстотерпцы вшедый в радость Господа твоего.
Р адуйся, Агнцу Божию подвигом земным подражавый.
Р адуйся, за овцы твоя словесныя душу твою положивый.
Р адуйся, имя Христово кончиною твоею прославивый.
Р адуйся, смерть мученическую приявый, но тления не познавый.
Р адуйся, чудесы многими святость твою ознаменовавый.
Р адуйся, во гроб сошедый и от него зарею безсмертия возсиявый.
Р адуйся, во одежду благодатнаго нетления облеченный.
Р адуйся, воскресения Христова силу в мертвенном телеси твоем проявивый.
Р адуйся, во благоухании святыни опочивый.
Р адуйся, Леонтие, Ростовский чудотворче.
Кондак 9 В сем телом цел и нерушимь, с лицем сияющим, лежащ во гробе яко жив, по летех мнозех в земли обретен был еси, святителю Леонтие, и чудес множество от нетленных и многоцелебных мощей твоих источил еси, ими святость твою знаменуя, и подвизая верныя благодарственно взывати Дивному во святых своих Богу: Аллилуиа.
Икос 9 В етийство человеческое не довлеет к прославлению многих и преславных чудотворений твоих, святителю Леонтие, имиже Церковь Ростовская благоукрасися, и сего ради гласы хвалебными усердно тя славим, яко своего первосвятителя, просветителя и предстателя ко Господу, зовуще к тебе благодарственно и хвалебно:
Р адуйся, алавастре целебный мира Христова преисполненный.
Р адуйся, реко чудес многоводная.
Р адуйся, источниче кипяй исцеленьми.
Р адуйся, кладезю, от негоже болящии здравие почерпают.
Р адуйся, нетления цвете благоуханный и прекрасный.
Р адуйся, безсмертия заре присносияющая.
Р адуйся, бисере драгий Божия благодати, в недрех земных обретенный.
Р адуйся, со славою и честию во храме Божием положенный.
Р адуйся, яко к тебе слепии приходяще, зрящии возвращахуся.
Р адуйся, яко к тебе хромии и ничащии ползуще, прямоходяще отхождаху.
Р адуйся, разслабленных благодатный укрепителю.
Р адуйся, бесноватых от насилия диавольскаго свободителю.
Р адуйся, Леонтие, Ростовский чудотворче.
Кондак 10 С пасения душевнаго ходатай являешися верным, святителю Леонтие, и присно молишися Богу о пастве твоей земной, усердно тя почитающей. Сие уверяя в чудном видении явился еси в нощи, в соборнем храме Ростова, с подъятыми горе дланьми у престола Божия усердно моляйся и светом небесным сияяй, еже видев муж, таковаго видения достойный, возопи ко Господу: Аллилуиа.
Икос 10 Ц аря Небеснаго Христа верный рабе и угодник был еси, святителю Леонтие, и от Него нетлением и чудесы прославленный, от великаго князя Андреа Боголюбскаго почесть посмертную восприял еси в мощах твоих святых, имже покланяющеся с верою и любовию, песненно тебе вопием:
Р адуйся, Православия утверждение.
Р адуйся, архиереев красото.
Р адуйся, в сониих и видениих верныя посещаяй.
Р адуйся, явлением твоим больным нездравие во здравие претворяяй.
Р адуйся, скорый помощниче молитвенно тя призывающих.
Р адуйся, усердный заступниче тя почитающих.
Р адуйся, правоверных благонадежное прибежище.
Р адуйся, по Бозе и Богородице крепкое наше упование.
Р адуйся, врачу безмездный, единыя веры токмо требуяй.
Р адуйся, ближним и дальним щедроты целебныя подаваяй.
Р адуйся, Ростова хранителю неотступный.
Р адуйся, всея Руси предстателю, Богом данный.
Р адуйся, Леонтие, Ростовский чудотворче.
Кондак 11 П ение молебное от лет древних и доныне не умолче у гроба твоего, святителю отче наш Леонтие, и свеща неугасимо пребывает тамо, еяже погашение единым от клирик соборныя церкве ты грозно покарал еси, разслаблением телесным виновнаго наказав, дондеже не вразумися, и с покаянием не обратися к тебе целебнику благодатному, зовый тя прославляющему Богу: Аллилуиа.
Икос 11 С ветлостию чудес сияяй, святителю преподобне, благодатно озаряеши душы наша, страстьми греховными потемненныя, и вся ны приводиши на стезю покаяния и спасения. Сего ради ублажаем тя, наставника душеспасительнаго и по смерти, от гроба твоего чудесно нас поучающаго, и во умилении глубоцем воспеваем в похвалу тебе:
Р адуйся, друже Христов, до конца верен Ему пребывый.
Р адуйся, угодниче Божий, на небеси и земли прославленный.
Р адуйся, в сонме святителей сияющая звездо.
Р адуйся, со святители московскими в видении, во дни обложения татарами Москвы, таинственно представый.
Р адуйся, Пресвятей Владычице Богородице, в другом видении, спутник бывый.
Р адуйся, Ея волю святую в жизни и по смерти усердно творяй.
Р адуйся, свеще, в молитвах к Богу возжженная.
Р адуйся, вождю, путь ко спасению всем показующий.
Р адуйся, паству твою молитвенно назираяй.
Р адуйся, с верою к тебе прибегающих прошения исполняяй.
Р адуйся, Церкве Православныя благодатная лепото.
Р адуйся, любящих и чтущих тя присное радование.
Р адуйся, Леонтие, Ростовский чудотворче.
Кондак 12 Б лагодати Божией сокровище, святая и всечестная рака твоя, святителю отче наш Леонтие, новая купель Силоамская для недужных явися: к ней бо не единожды токмо в лето, но на всякое время, с верою приходящии, исцеление болезнем своим приемлют, и тя прославляют, милостиваго и безмезднаго целителя, зовуще благих подателю Богу: Аллилуиа.
Икос 12 П оюще подвиги твоя равноапостольныя, и многая преславная чудотворения твоя, чудотворче святый Леонтие, молим тя, милостиваго предстателя нашего: молися с нами и о нас ко Христу Богу, да пробавит к нам милость свою, и явит нам великия своя щедроты, да возможем благоприятно приносити тебе от усердия нашего сия песненныя похвалы:
Р адуйся, Пресвятыя Троицы верный исповедниче.
Р адуйся, Пресвятыя Богородицы достойный избранниче.
Р адуйся, ангельских воинств собеседниче.
Р адуйся, всех святых сожителю.
Р адуйся, в райских обителех пребываяй.
Р адуйся, от горних высот к земнородным милостивно приникаяй.
Р адуйся, любовь к пастве твоей неизменно сохранивый.
Р адуйся, чудес множеством и по смерти чада твоя озаривый.
Р адуйся, в вышних живый и о нижних промышляяй.
Р адуйся, град Ростов от всякаго зла соблюдаяй.
Р адуйся, телес наших немздоприимный целебниче.
Р адуйся, о душах наших благоприятный к Богу молитвенниче.
Р адуйся, Леонтие, Ростовский чудотворче.
Кондак 13 О пресвятый и предивный чудотворче, святителю отче Леонтие, Ростова первопастырю и всех верных предстателю! Приими милостиво сие малое моление наше в похвалу тебе приносимое, и благоприятными молитвами твоими ко Господу Богу, сотвори нас наследники быти всесветлаго Царствия Христова: да предстательством твоим мучений вечных избавльшеся, сподобимся в радости святых, вкупе с тобою пети вечно Богу: Аллилуиа.
Этот кондак читается трижды, затем икос 1-й, и кондак 1-й
Молитва святителю Леонтию, епископу Ростовскому, чудотворцу О священная главо, преславный чудотворче, первопастырю святыя Ростовския Церкве, святителю отче наш Леонтие! К тебе припадаем и молимся мы смиреннии и грешнии, и яко отца чадолюбиваго просим: всели в сердца наша любовь твою, еюже к Богу и ближним твоим, при жизни твоей преисполнен был еси, яко и душу твою за паству твою положил еси, мученически пострадав от идолослужителей. Научи нас, отче, тебе подражати верно, Бога и ближних наших любити искренно, и заповеди Господни совершати непогрешительно: да будем и мы чада твоя, не по имени токмо, но самым делом и всем житием нашим. Молися, угодниче Божий, ко Христу Богу о святей православней Церкви и Державе Русстей: да пребудут в мире и благостоянии, и процветают в благочестии христианстем непоколебимы. Владыку всех умоли: страждущую страну Русскую от лютых безбожник и власти их да свободит, и да возставит престол православных правителей; верных рабов Его, в скорби и печали день и нощь вопиющих к Нему, многоболезненных вопль да услышит и да изведет от погибели живот наш. Соблюди град твой Ростов, и вся грады и веси страны Русския невредимы от всякаго зла. Призри благоутробно на всяку душу христианскую, милости и помощи от тебе ищущую: буди всем нам в болезнех целитель, в скорбех утешитель, в печалех избавитель, в бедах помощник, в час смертный покровитель; да при помощи молитв твоих святых, сподобимся и мы грешнии спасение вечное получити и Царствие Небесное унаследовати. Ей, святителю Христов! Не посрами упования нашего, еже по Бозе и Пресвятей Богородице на тя крепко возлагаем, но яви нам твое многомощное заступление: да хвалим, славим и величаем великое человеколюбие дивнаго во святых своих Бога, Отца, и Сына, и Святаго Духа, во веки веков. Аминь.
Кондaкъ №. И# збрaнный чудотв0рче и3 и3зрsдный ўг0дниче хrт0въ, рост0ва просвэти1телю, и3 ўсeрдный њ душaхъ нaшихъ мlтвенниче, с™и1телю џ§е ле0нтіе! восхвалsемъ тS съ люб0вію, застyпника нaшего: ты2 же, ћкw и3мёzй дерзновeніе ко гDу, моли1сz вhну њ сп7сeніи нaсъ грёшныхъ и3 t всsкихъ бёдъ и3збавлsй зовyщихъ ти2:
Р aдуйсz, ле0нтіе, рост0вскій чудотв0рче.
Јкосъ №.
Ґ гGлонрaвное житіE возлюби1въ, џ§е ле0нтіе, въ њби1тель кjево-печeрскую пришeлъ є3си2, и3 t прпdбныхъ nтє1цъ ґнтHніа и3 fеод0сіа во и4ночество пріsвъ пострижeніе, свsтw и3 бGоуг0днw пожи1лъ є3си2, подвизazсz въ п0стЁ, бдёніи и3мlтвахъ непрестaнныхъ. тёмже слhшиши t нaсъ бlгохвалє1ніz такwвaz:
Р aдуйсz, земнhй ѓгGле, во пл0ти нб7снw пожи1вый: рaдуйсz, нбcный человёче, њ г0рнихъ вhну помышлsвый.
Р aдуйсz, во мрaцэ пещeрнэмъ свётъ бGови1дэніz снискaвый: рaдуйсz, п0двиги вели1кими пл0ть твою2 њбуздaвый.
Р aдуйсz, смирeніемъ высHкаz стzжaвый: рaдуйсz, терпeніемъ вс‰ и3скушє1ніz діaвwльскіz побэди1вый.
Р aдуйсz, пост0мъ дyшу твою2 просвэти1вый: рaдуйсz, мlтвами непрестaнными сeрдце твоE њсвэти1вый.
Р aдуйсz, сосyде и3збрaнный б9іz бlгодaти: рaдуйсz, селeніе непор0чное д¦а с™aгw.
Р aдуйсz, свэти1льниче, сіszй д†ры бжcтвенными: рaдуйсz, лучE пресвётлагw сlнца прaвды хrтA.
Р aдуйсz, ле0нтіе, рост0вскій чудотв0рче.
Кондaкъ в7. В и1дэвъ гDь дyшу твою2, с™и1телю ле0нтіе, добродётельми бlгоукрашeнну, бlговоли2 постaвити тS во є3пcкопа грaду рост0ву, їдwлослужeніемъ kзhческимъ потемнeнному: да прaво правиши въ нeмъ сл0во и4стины, и3 прив0диши ко хrтY заблyждшыz человёки, невёдущыz пёти тріmпостaсному бGу: Ґллилyіа.
Јкосъ в7. Р aзумъ нбcный тебЁ даровaсz, с™че б9ій, t хrтA бGа, и3же послA тS въ странY рост0вскую проповёдати лю1демъ є3ђліе хrт0во, и3 приводи1ти къ познaнію вёры и4стинныz їдwлослужeніемъ њдержи6мыz человёки. мh же тS, равноапcльнагw проповёдника вёдуще, привётствуемъ рaдостнw си1ми достод0лжными хвалє1ніи:
Р aдуйсz, первопрест0льниче с™hz рост0вскіz цRкве: рaдуйсz, правослaвіz ст0лпе непоколеби1мый.
Р aдуйсz, кр†сныz н0зэ твои2 напрaвивый къ борeнію со враги2 сп7сeніz человёческагw: рaдуйсz, ґпcльски подвизaвыйсz во грaдэ рост0вэ.
Р aдуйсz, терпэли1вw преноси1вый гонeніе вeліе t їдwлослужи1телей: рaдуйсz, люб0вію отeческою ѕл0бу и4хъ побэждaвый.
Р aдуйсz, мyжествомъ души2 твоеS вс‰ злохи1трwсти и4хъ посрами1вый: рaдуйсz, бlговрeменнw и3 безврeменнw пaству твою2 бlгочeстію поучaвый.
Р aдуйсz, стaрцєвъ идwлослужи1тельныхъ бGомyдрый њбличи1телю: рaдуйсz, младeнцєвъ бlгjй научи1телю.
Р aдуйсz, неутоми1мw подвизaвыйсz њ сп7сeніи дyшъ человёческихъ: рaдуйсz, просвэти1вый рост0въ свётомъ познaніz хrт0ва.
Р aдуйсz, ле0нтіе, рост0вскій чудотв0рче.
Кондaкъ G. С и1лою хrт0вою преисп0лненный, с™и1телю ле0нтіе, не ўбоsлсz є3си2 противустaти с0нмищу їдwлослужи1телей, со nрyжіемъ и3 дрек0льми на тS пришeдшему, къ ни6мже, въ с™и1тєльскіz ри6зы њблечeнный, и3з8 хрaма б9іz кр0ткw и3зшeлъ є3си2, и3 съ люб0вію и4хъ ўвэщавaлъ є3си2, њбрати1тисz ко хrтY бGу, и3 вкyпэ съ тоб0ю пёти є3мY: Ґллилyіа.
Јкосъ G. И# мёлъ є3си2 лице, ћкw ѓгGльское, свётомъ нбcнымъ сіsющее, с™и1телю ле0нтіе, є3г0же не терпsще зрёти їдwлослужи1тели, џви њслэп0ша, џви же разслaблени на земли2 пад0ша, и3 ѕэлw2 ўстрашeнніи не дерзнyша њѕл0бити тS, проповёдника бжcтвенныz и4стины, вои1стинну дост0йнаго похвaлъ таковhхъ:
Р aдуйсz, свэтозaрный б9іz блгdти таи1нниче: рaдуйсz, ѓгGлопод0бный человёче.
Р aдуйсz, без8wрyжный воwружeнныхъ побэди1вый: рaдуйсz, небоsзненнw сл0во б9іе проповёдавый.
Р aдуйсz, ћкw лицE ґдамaнтово свhше тебЁ даровaсz: рaдуйсz, ћкw тоб0ю ли1ца їдwлослужи1телей посрами1шасz.
Р aдуйсz, ћкw ѓгGлъ б9ій, свётомъ лицA твоегw2 їдwлослужи1телей ўстраши1вый: рaдуйсz, ћкw со ѕл0бою на тS ўстреми1вшихсz кр0тостію твоeю смири1вый.
Р aдуйсz, њслёпшихъ и3 разслaбленныхъ мlтвою твоeю и3зцэли1вый: рaдуйсz, бlгостію ѕл0бу побэди1вый.
Р aдуйсz, ґпcле земли2 рост0вскіz: рaдуйсz, пaстырю д0брый стадA хrт0ва.
Р aдуйсz, ле0нтіе, рост0вскій чудотв0рче.
Кондaкъ д7. Б yрz гонeніz kзhческагw пaки возшумЁ на тS, с™и1телю ле0нтіе, и3 и3згнA тS и3з8 грaда рост0ва на предгрaдіе є3гw2, и3дёже ты2 посели1лсz є3си2, и3 хрaмъ б9ій во и4мz ґрхістрати1га си1лъ нбcныхъ тaмw создaвъ, при нeмъ подвизaлсz є3си2 въ трудёхъ ґпcльскихъ, зовhй є3ди1ному могyщему сп7сти2 заблyждшыz человёки хrтY, цRю2 и3 бGу: Ґллилyіа.
Јкосъ д7. С лhшавше бlг‡z тво‰ глаг0лы, с™и1телю хrт0въ, мaлыz дёти прихождaху къ тебЁ, на предградіи рост0ва живyщему, и4хже ты2 пшени1цею съ мeдомъ питaz, насаждaлъ є3си2 въ ни1хъ ўчeніе хrт0во, да t ќстъ младeнцєвъ соверши1ши хвалY бGу, внушaющему нaмъ звaти тебE:
Р aдуйсz, њзари1вый свётомъ хrт0вымъ лю1ди во тмЁ и3 сёни смeртнэй сэдsщыz: рaдуйсz, призвaвый ко хrтY џвцы заблyждшыz.
Р aдуйсz, гонeніе и3 и3згнaніе хrтA рaди многaжды претерпёвый: рaдуйсz, терпёніемъ твои1мъ гони1телей твои1хъ препобэди1вый.
Р aдуйсz, хrтоподражaтельнw младeнцы возлюби1вый: рaдуйсz, сердцA и4хъ неви1нныz хrт0вымъ познaніемъ ўкраси1вый.
Р aдуйсz, слaдкимъ брaшномъ и5хъ питaz, дyшы и4хъ въ люб0вь преслaдкагw ї}са плэни1вый: рaдуйсz, мyдрw и4хъ въ мрeжу є3ђліа хrт0ва ўлови1вый.
Р aдуйсz, чрeз8 ч†да роди1телей ко сп7сeнію призвaвый: рaдуйсz, мн0гихъ ко хrтY њбрати1вый.
Р aдуйсz, дёлателю д0брый віногрaда нбcнагw: рaдуйсz, сл†дкіz плоды2 дёланіz твоегw2 хrтY принесhй.
Р aдуйсz, ле0нтіе, рост0вскій чудотв0рче.
Кондaкъ є7. Б Gотeчное свэти1ло бhвъ, с™и1телю џ§е ле0нтіе, мрaкъ їдwлослужeніz во грaдэ рост0вэ просвэти1лъ є3си2, сіsніемъ немерцaющимъ сlнца прaвды хrтA, и3 мрeжею пр0повэди еђлькіz ўлови1лъ є3си2 во сп7сeніе мнHгіz человёки, научи1въ и5хъ правослaвнw вёровати во є3ди1наго бGа, въ трbцэ с™ёй слaвимаго и3 покланsемаго, и3 бlгопріsтнw пёти є3мY: Ґллилyіа.
Јкосъ є7. В и1дэвше тS лю1діе рост0встіи, с™и1телю ле0нтіе, терпэли1вw поучающаго и5хъ є3ђлію хrт0ву, и3 ни во что2 же вменsющаго гонeніе, и3згнaніе и3 скHрби, начaша приходи1ти къ тебЁ и3 послyшати твои1хъ поучeній душесп7си1тельныхъ: тh же, с™е, хвалY њ сeмъ бGу воздaвъ, t пред8грaдіz во грaдъ рост0въ возврати1лсz є3си2, и3 при соб0рнэмъ є3гw2 хрaмэ водвори1всz, нелёностнw ўчи1лъ є3си2 лю1ди тво‰ бlгочeстію хrтіaнскому. њ сeмъ тS хвaлимъ и3 зовeмъ:
Р aдуйсz, тeрніе невёріz kзhческагw въ рост0вэ посэкaвый: рaдуйсz, лозY познaніz хrт0ва тaмw насади1вый.
Р aдуйсz, дeнь и3 н0щь труди1выйсz на ни1вэ гDней: рaдуйсz, приведhй гDеви лю1ди пакибытіeмъ њбновлє1нныz.
Р aдуйсz, во и4мz nц7A, и3 сн7а, и3 с™aгw д¦а крести1вый kзhчники њжесточє1нныz: рaдуйсz, трbческою блгdтію ўкроти1вый їдwлослужи1тели њѕл0блєнныz.
Р aдуйсz, первопaстырю рост0вскіz цRкве: рaдуйсz, ѕвэздо2 немерцaющаz, свётомъ хrт0вымъ всёхъ просвэщaющаz.
Р aдуйсz, мlтвенниче ўсeрдный њ пaствэ твоeй земнёй: рaдуйсz, бGа ѕэлw2 прослaвивый п0двиги твои1ми равноапcльными.
Р aдуйсz, t бGа прослaвленный мн0гими чудесы2: рaдуйсz, си1ми ўтверди1вый и4стину твоеS пр0повэди бжcтвенныz.
Р aдуйсz, ле0нтіе, рост0вскій чудотв0рче.
Кондaкъ ѕ7. П роповёдникwмъ є3ђльскіz и4стины, ґпcлwмъ хrт0вымъ, вёрнw подражaлъ є3си2, с™и1телю џ§е нaшъ ле0нтіе, и3 под0бнw и3мъ труди1лсz є3си2 во бlговёстіи хrт0ве, лю1ди рост0вскіz поучaz правослaвнw вёровати во с™yю трbцу и3 бжcтвенную є3ди1ницу, творцA и3 создaтелz всsческихъ, є3мyже при1снw пёлъ є3си2 ѓгGльскую пёснь: Ґллилyіа.
Јкосъ ѕ7. В озсіsлъ є3си2 во грaдэ рост0вэ свётомъ д0брыхъ дёлъ твои1хъ, с™и1телю приснопaмzтне, њ ни1хже прославлsху лю1ди nц7A нбcнагw бGа, ўкрэпи1вшагw тS на п0двиги ґпcльскіz, и3 даровaвшагw ти2 си1лу и3 влaсть на д{хи нечи1стыz, t и4хже вліzніz пaгубнагw свобождaлъ є3си2 человёки, тебЁ зовyщыz и3 глаг0лющыz:
Р aдуйсz, хrтY ўневёстивый мнHгіz дyшы человёчєскіz: рaдуйсz, t хrтA њбогащeнный мн0гими бlгодатными дaры.
Р aдуйсz, крjне бlгоухaнный нбcнагw прозzбeніz: рaдуйсz, мaслино бlгопл0днаz садA і}сова.
Р aдуйсz, грaда рост0ва слaво и3 похвало2: рaдуйсz, вёры хrт0вой въ нeмъ крёпкое ўтверждeніе.
Р aдуйсz, бlгочeстіz ўчи1телю: рaдуйсz, правослaвіz настaвниче.
Р aдуйсz, недyгwвъ душeвныхъ и3 тэлeсныхъ цэли1телю: рaдуйсz, ни1щихъ и3 ўб0гихъ питaтелю.
Р aдуйсz, свzщeнникwвъ рукополагaтелю. рaдуйсz, и4нокwвъ покрови1телю.
Р aдуйсz, ле0нтіе, рост0вскій чудотв0рче.
Кондaкъ з7. Х отёніе є3ди1но и3мёлъ є3си2, свsтче б9ій, є4же бGу ўгождaти и3 сп7сeнію людeй твои1хъ служи1ти: тёмже не дaлъ є3си2 снA nчи1ма твои1ма, ни вёждома дремaніz, но при1снw подвизaлсz є3си2 во бlго с™hz рост0вскіz цRкве, стzжaвшіz тS, столпA правослaвіz непоколеби1маго, и3 стрaжа д0му б9ію вёрнаго, примёромъ твои1мъ и3 нaсъ поучающаго нелёностнw возноси1ти пёснь хвалы2 хrтY бGу: Ґллилyіа.
Јкосъ з7. Н 0вагw тS ніколaа мmрлmкjйскагw, стzжA грaдъ рост0въ, с™и1телю џ§е ле0нтіе, чудесы2 твои1ми ѕэлw2 и4мz хrт0во въ нeмъ прослaвльшаго, и3 ко хrт0ву познaнію лю1ди заблyждшыz привeдшаго, твои1мъ ўчeніемъ бжcтвенным, є3мyже внимaюще, лю1ди рост0встіи научи1шасz пёти тебЁ:
Р aдуйсz, бlгjй рaбе и3 вёрный, дaнный тебЁ t гDа талaнтъ не сокрhвый: рaдуйсz, мн0гу кyплю дух0вную и4мъ приwбрэтhй.
Р aдуйсz, сотвори1вый и3 научи1вый, и3 вeлій наречeнный въ цrтвіи нбcнэмъ: рaдуйсz, вели1чіемъ чудeсъ на земли2 прослaвленный.
Р aдуйсz, знaмєніz ди6внаz рукaма твои1ма соверши1вый: рaдуйсz, тyне пріsвый, тyне подавaвый.
Р aдуйсz, и3сполнeніе њбэтовaній є3ђльскихъ получи1вый: рaдуйсz, млcрдіz сп7сова подражaтелю.
Р aдуйсz, щедродaтельный ми1лостыни подaтелю: рaдуйсz, любвеwби1льный скорбsщихъ ўтёшителю.
Р aдуйсz, nргaне д¦а с™aгw: рaдуйсz, мЂро хrт0ва бlгоухaніz на земли2.
Р aдуйсz, ле0нтіе, рост0вскій чудотв0рче.
Кондaкъ }. С трaнствіе земн0е м§ническою кончи1ною соверши1лъ є3си2, с™и1телю ле0нтіе, хrтA рaди t їдwлослужи1телей њжесточeнныхъ дaже до кр0ве пострадaвъ, пeрвый сщ7енном§никъ русскіz земли2 ћвльсz, грaдъ рост0въ њс™и1лъ є3си2 и3зліsніемъ кр0ве твоеS, и3 хrтY приусв0илъ є3си2, да просвэщeнніи тоб0ю лю1ди, чествyюще п0двигъ тв0й ґпcльскій, зовyтъ бGу: Ґллилyіа.
Јкосъ }. В eсь въ жeртву бGу принeслсz є3си2, с™и1телю достобlжeнный, и3 со дерзновeніемъ мн0гимъ хrтY предстaлъ є3си2 во слaвэ цrтвіz нбcнагw, и3дёже не забyди и3 нaсъ, земнhхъ, ўсeрднw съ люб0вію тS почитaющихъ, но при1снw моли1сz њ сп7сeніи нaшемъ, да тебЁ зовeмъ хвалeбнw:
Р aдуйсz, пeрвый сщ7енном§ниче земли2 русскіz: рaдуйсz, кр0ве њбагрeніемъ ўкраси1вый ри1зу твою2 с™ительскую.
Р aдуйсz, со стrтотeрпцы вшeдый въ рaдость гDа твоегw2: рaдуйсz, ѓгнцу б9ію п0двигомъ земнhмъ подражaвый.
Р aдуйсz, за џвцы тво‰ словє1сныz дyшу твою2 положи1вый: рaдуйсz, и4мz хrт0во кончи1ною твоeю прослaвивый.
Р aдуйсz, смeрть м§ническую пріsвый, но тлёніz не познaвый: рaдуйсz, чудесы2 мн0гими с™ость твою2 њзнаменовaвый.
Р aдуйсz, во гр0бъ сошeдый и3 t негw2 зарeю безсмeртіz возсіsвый: рaдуйсz, во њдeжду бlгодaтнагw нетлёніz њблечeнный.
Р aдуйсz, воскrніz хrт0ва си1лу въ мeртвенномъ тэлеси2 твоeмъ проzви1вый: рaдуйсz, во бlгоухaніи с™hни њпочи1вый.
Р aдуйсz, ле0нтіе, рост0вскій чудотв0рче.
Кондaкъ f7. В сёмъ тёломъ цёлъ и3 неруши1мь, съ лицeмъ сіsющимъ, лежaщъ во гр0бэ ћкw жи1въ, по лётэхъ мн0зэхъ въ земли2 њбрётенъ бhлъ є3си2, с™и1телю ле0нтіе, и3 чудeсъ мн0жество t нетлённыхъ и3 многоцэлeбныхъ мощeй твои1хъ и3сточи1лъ є3си2, и4ми с™ость твою2 знaменуz, и3 подвизaz вёрныz бlгодaрственнw взывaти ди1вному во с™hхъ свои1хъ бGу: Ґллилyіа.
Јкосъ f7. В итjйство человёческое не довлёетъ къ прославлeнію мн0гихъ и3 преслaвныхъ чудотворeній твои1хъ, с™и1телю ле0нтіе, и4миже цRковь рост0вскаz бlгоукраси1сz, и3 сегw2 рaди глaсы хвалeбными ўсeрднw тS слaвимъ, ћкw своегw2 первос™и1телz, просвэти1телz и3 предстaтелz ко гDу, зовyще къ тебЁ бlгодaрственнw и3 хвалeбнw:
Р aдуйсz, алавaстре цэлeбный мЂра хrт0ва преисп0лненный: рaдуйсz, рэко2 чудeсъ многов0днаz.
Р aдуйсz, и3ст0чниче кипsй и3сцэлeньми: рaдуйсz, клaдезю, t негHже болsщіи здрaвіе почерпaютъ.
Р aдуйсz, нетлёніz цвёте бlгоухaнный и3 прекрaсный: рaдуйсz, безсмeртіz зарE присносіsющаz.
Р aдуйсz, би1сере драгjй б9іz блгdти, въ нёдрэхъ земнhхъ њбрэтeнный: рaдуйсz, со слaвою и3 чeстію во хрaмэ б9іемъ положeнный.
Р aдуйсz, ћкw къ тебЁ слэпjи приходsще, зрsщіи возвращaхусz: рaдуйсz, ћкw къ тебЁ хр0міи и3 ничaщіи ползyще, прzмоходsще tхождaху.
Р aдуйсz, разслaбленныхъ бlгодaтный ўкрэпи1телю: рaдуйсz, бэсновaтыхъ t наси1ліz діaвольскагw свободи1телю.
Р aдуйсz, ле0нтіе, рост0вскій чудотв0рче.
Кондaкъ ‹. С п7сeніz душeвнагw ходaтай kвлsешисz вBрнымъ, с™и1телю ле0нтіе, и3 при1снw м0лишисz бGу њ пaствэ твоeй земн0й, ўсeрднw тS почитaющей. сіE ўвэрsz въ чyдномъ видёніи kви1лсz є3си2 въ нощи2, въ соб0рнэмъ хрaмэ рост0ва, съ под8sтыми горЁ длaньми ў пrт0ла б9іz ўсeрднw молsйсz и3 свётомъ нбcнымъ сіszй, є4же ви1дэвъ мyжъ, таковaгw видёніz дост0йный, возопи2 ко гDу: Ґллилyіа.
Јкосъ ‹. Ц RS нбcнагw хrтA вёрный рaбе и3 ўг0дникъ бhлъ є3си2, с™и1телю ле0нтіе, и3 t негw2 нетлёніемъ и3 чудесы2 прослaвленный, t вели1каго кнsзz ґндрeа бGолю1бскагw п0честь посмeртную воспріsлъ є3си2 въ мощах твои1хъ с™hхъ, и5мже покланsющесz съ вёрою и3 люб0вію, пёсненнw тебЁ вопіeмъ:
Р aдуйсz, правослaвіz ўтверждeніе: рaдуйсz, ґрхіерeєвъ красото2.
Р aдуйсz, въ с0ніихъ и3 видёніихъ вёрныz посэщazй: рaдуйсz, kвлeніемъ твои1мъ больны6мъ нездрaвіе во здрaвіе претворszй.
Р aдуйсz, ск0рый пом0щниче моли1твеннw тS призывaющихъ: рaдуйсz, ўсeрдный застyпниче тS почитaющихъ.
Р aдуйсz, правовёрныхъ бlгонадeжное прибёжище: рaдуйсz, по бзэ и3 бцdэ крёпкое нaше ўповaніе.
Р aдуйсz, врачY безмeздный, є3ди1ныz вёры т0кмw трeбуzй: рaдуйсz, бли6жнимъ и3 д†льнимъ щедрHты цэлє1бныz подавazй.
Р aдуйсz, рост0ва храни1телю неtстyпный: рaдуйсz, всёz руси предстaтелю бGомъ дaнный.
Р aдуйсz, ле0нтіе, рост0вскій чудотв0рче.
Кондaкъ №i. П ёніе молeбное t лётъ дрeвнихъ и3 донhнэ не ўмолчE ў гр0ба твоегw2, с™и1телю џ§е нaшъ ле0нтіе, и3 свэщA неугаси1мw пребывaетъ тaмw, є3sже погашeніе є3ди1нымъ t кли6рікъ соб0рныz цeркве ты2 гр0знw покарaлъ є3си2, разслаблeніемъ телeснымъ вин0внаго наказaвъ, д0ндэже не вразуми1сz, и3 съ покаsніемъ не њбрати1сz къ тебЁ цэлeбнику бlгодaтному, зовhй тS прославлsющему бGу: Ґллилyіа.
Јкосъ №i. С вётлостію чудeсъ сіszй, с™и1телю прпdбне, бlгодaтнw њзарsеши дyшы нaша, страстьми2 грэх0вными потемнє1нныz, и3 вс‰ ны2 прив0диши на стезю2 покаsніz и3 сп7сeніz. сегw2 рaди ўбlжaемъ тS, настaвника душесп7си1тельнаго и3 по смeрти, t гр0ба твоегw2 чудeснw нaсъ поучающаго, и3 во ўмилeніи глуб0цэмъ воспэвaемъ въ похвалY тебЁ:
Р aдуйсz, дрyже хrт0въ, до концA вёренъ є3мY пребhвый: рaдуйсz, ўг0дниче б9ій, на нб7си2 и3 земли2 прослaвленный.
Р aдуйсz, въ с0нмэ с™и1телей сіsющаz ѕвэздо2: рaдуйсz, со с™и1тели моск0вскими въ видёніи, во дни6 њбложeніz татaрами москвы2, таи1нственнw предстaвый.
Р aдуйсz, прес™ёй вLчцэ бцdэ, въ друг0мъ видёніи, спyтникъ бhвый: рaдуйсz, є3S в0лю с™yю въ жи1зни и3 по смeрти ўсeрднw творsй.
Р aдуйсz, свэщE, въ мlтвахъ къ бGу возжжeннаz: рaдуйсz, вождю2, пyть ко сп7сeнію всBмъ показyющій.
Р aдуйсz, пaству твою2мlтвеннw назирazй: рaдуйсz, съ вёрою къ тебЁ прибэгaющихъ прошє1ніz и3сполнszй.
Р aдуйсz, цRкве правослaвныz бlгодaтнаz лёпото: рaдуйсz, любsщихъ и3 чтyщихъ тS при1сное рaдованіе.
Р aдуйсz, ле0нтіе, рост0вскій чудотв0рче.
Кондaкъ в7i. Б лгdти б9іей сокр0вище, с™az и3 всечестнaz рaка твоS, с™и1телю џ§е нaшъ ле0нтіе, н0ваz купёль сілwaмскаz длz недyжныхъ kви1сz: къ нeй бо не є3ди1ножды т0кмw въ лёто, но на всsкое врeмz, съ вёрою приходsщіи, и3сцэлeніе болёзнемъ свои6мъ пріeмлютъ, и3 тS прославлsютъ, ми1лостиваго и3 безмeзднаго цэли1телz, зовyще бlги1хъ подaтелю бGу: Ґллилyіа.
Јкосъ в7і. П ою1ще п0двиги тво‰ равноапcльныz, и3 мнHгаz пресл†внаz чудотворє1ніz тво‰, чудотв0рче с™hй ле0нтіе, м0лимъ тS, ми1лостиваго предстaтелz нaшего: моли1сz съ нaми и3 њ нaсъ ко хrтY бGу, да пробaвитъ къ нaмъ млcть свою2, и3 kви1тъ нaмъ вели6кіz сво‰ щедрHты, да возм0жемъ бlгопріsтнw приноси1ти тебЁ t ўсeрдіz нaшегw сі‰ пёснєнныz похвалы6:
Р aдуйсz, прес™hz трbцы вёрный и3сповёдниче: рaдуйсz, прес™hz бцdы дост0йный и3збрaнниче.
Р aдуйсz, ѓгGльскихъ в0инствъ собесёдниче: рaдуйсz, всёхъ с™hхъ сожи1телю.
Р aдуйсz, въ рaйскихъ њби1телехъ пребывazй: рaдуйсz, t г0рнихъ выс0тъ къ земнорHднымъ ми1лостивнw приникazй.
Р aдуйсz, люб0вь къ пaствэ твоeй неизмённw сохрани1вый: рaдуйсz, чудeсъ мн0жествомъ и3 по смeрти ч†да тво‰ њзари1вый.
Р aдуйсz, въ вhшнихъ жи1вый и3 њ ни1жнихъ промышлszй: рaдуйсz, грaдъ рост0въ t всsкагw ѕлA соблюдazй.
Р aдуйсz, тэлeсъ нaшихъ немздопріи1мный цэлeбниче: рaдуйсz, њ душaхъ нaшихъ бlгопріsтный къ бGу мlтвенниче.
Р aдуйсz, ле0нтіе, рост0вскій чудотв0рче.
Кондaкъ Gi. Q прес™ый и3 преди1вный чудотв0рче, с™и1телю џ§е ле0нтіе, рост0ва первопaстырю и3 всёхъ вёрныхъ предстaтелю! пріими2 ми1лостивw сіE мaлое молeніе нaше въ похвалY тебЁ приноси1мое, и3 бlгопріsтными мlтвами твои1ми ко гDу бGу, сотвори2 нaсъ наслёдники бhти всесвётлагw цrтвіz хrт0ва: да предстaтельствомъ твои1мъ мучeній вёчныхъ и3збaвльшесz, спод0бимсz въ рaдости с™hхъ, вкyпэ съ тоб0ю пёти вёчнw бGу: Ґллилyіа.
Конда1къ се1й глаго1лн G-жды, таже i4косъ №-й, и3 кондaкъ №-й.
Моли1тва Q сщ7eннаz главо2, преслaвный чудотв0рче, первопaстырю с™hz рост0вскіz цRкве, с™и1телю џ§е нaшъ ле0нтіе! къ тебЁ припaдаемъ и3м0лимсz мы смирeнніи и3 грёшніи, и3 ћкw nтцA чадолюби1ваго пр0симъ: всели2 въ сeрдца н†ша люб0вь твою2, є4юже къ бGу и3 бли6жнимъ твои6мъ, при жи1зни твоeй преисп0лненъ бhлъ є3си2, ћкw и3 дyшу твою2 за пaству твою2 положи1лъ є3си2, мyченически пострадaвъ t їдwлослужи1телей. научи2 нaсъ, џ§е, тебЁ подражaти вёрнw, бGа и3 бли1жнихъ нaшихъ люби1ти и4скреннw, и3 зaповэди гDни совершaти непогрэши1тельнw: да бyдемъ и3 мы2 ч†да тво‰, не по и4мени т0кмw, но сaмымъ дёломъ и3 всёмъ житіeмъ нaшимъ. моли1сz, ўг0дниче б9ій, ко хrтY бGу њ с™ёй правослaвнэй цRкви и3 держaвэ русстэй: да пребyдутъ въ ми1рэ и3 бlгостоsніи, и3 процвэтaютъ въ бlгочeстіи хrтіaнстэмъ непоколеби1мы. вLку всёхъ ўмоли2: стрaждущую странY русскую t лю1тыхъ безбHжникъ и3 влaсти и4хъ да свободи1тъ, и3 да возстaвитъ прест0лъ правослaвныхъ прави1телей: вёрныхъ рабHвъ є3гw2, въ ск0рби и3 печaли дeнь и3 н0щь вопію1щихъ къ немY, многоболёзненныхъ в0пль да ўслhшитъ и3 да и3зведeтъ t поги1бели жив0тъ нaшъ. соблюди2 грaдъ тв0й рост0въ, и3 вс‰ грaды и3 вёси страны2 русскіz невреди1мы t всsкагw ѕлA. при1зри бlгоутр0бнw на всsку дyшу хrтіaнскую, ми1лости и3 п0мощи t тебЁ и4щущую: бyди всBмъ нaмъ въ болёзнехъ цэли1тель, въ ск0рбехъ ўтёшитель, въ печaлехъ и3збaвитель, въ бэдaхъ пом0щникъ, въ чaсъ смeртный покрови1тель: да при п0мощи мlтвъ твои1хъ с™hхъ, спод0бимсz и3 мы2 грёшніи сп7сeніе вёчное получи1ти и3 цrтвіе нбcное ўнаслёдовати. є4й, с™и1телю хrт0въ! не посрами2 ўповaніz нaшегw, є4же по бз7э и3 прес™ёй бцdэ на тS крёпкw возлагaемъ, но kви2 нaмъ твоE многом0щное заступлeніе: да хвaлимъ, слaвимъ и3 величaемъ вели1кое человэколю1біе ди1внагw во с™hхъ свои1хъ бGа, nц7A, и3 сн7а, и3 с™aгw д¦а, во вёки вэкHвъ. Ґми1нь.
