Акафіст святому рівноапостольному князю Володимиру

ТранслітераціяЦерковнослов’янськаУкраїнська

Кондак 1

Избранного светильника, тьму идолослужения в державе Русской разгнавшаго и светом Божественныя веры ю просветившаго, восхваляем тя, святый равноапостольный княже Владимире: ты же яко выну со дерзновением предстояй Царю царствующих, не престай моляся о достоянии твоем и твоими молитвами сохраняй нас от всяких бед и зол, да со умилением благодарственно зовем ти:

Радуйся, Владимире, державы Русския просветителю.

Икос 1

Ангелом и человеком Творец, времена и лета во Своей власти положивый и судьбы государств и народов устрояяй, егда благоизволи призвати род русский от тьмы идолослужения ко свету истины и правды вечныя, постави тя, благоверный княже, благовестителя и совершителя сея всеблагия воли Своея. Темже, благодаряще Творца и Спаса нашего, славословим тя, яко великаго избранника Божия нашего ради спасения, с веселием зовуще:

Радуйся, равноапостоле, ко просвещению народа русскаго Премудрым Промыслом предъизбранный;

радуйся, от первозваннаго апостола на горах Киевских прореченный.

Радуйся, преславный сосуде Божественныя благодати, державе твоей дарованный;

радуйся, пречудный кореню, из негоже на земли нашей произрасте велие древо правоверия.

Радуйся, яко тобою Имя Господне во всех пределех страны твоей прославляется;

радуйся, яко и твое преславное имя от всех родов русских с любовию воспевается.

Радуйся, Владимире, державы Русския просветителю.

Кондак 2

Видя суету бездушных идолов и прелесть диавола еюже уловляет темныя люди в сети беззакония, купно же слыша святых первомученик русских за Христа Феодора и юнаго Иоанна, глаголющих безбожным мучителем: «Бози ваши не суть бози, но древо, еже днесь пребывает — утро сгнило есть. Един же есть Бог Истинный, Иже сотвори Небо и землю»; тогда возгорелся еси сердцем, во еже взыскати и уведети Сего Единаго Истиннаго Бога, Емуже покланяется всяко колено Небесных, земных и преисподних, немолчно воспевая: Аллилуиа.

Икос 2

Разум всевышний приосени тя, егда предсташа ти проповедницы разновернии и потщался еси, да не уловлен будеши в сети лжеучения, но да обрящеши веру истинную и спасительную. Темже ублажаем тя:

Радуйся, премудрый просветителю народа русскаго;

радуйся, разум богопросвещенный стяжавый.

Радуйся, яко ухищрения и суесловия лжеучителей посрамил еси;

радуйся, яко глаголы Жизни Вечныя в словесех Мудреца Истиннаго мудре уразумел еси.

Радуйся, лучу Божественнаго света посреде тьмы лжеверия;

радуйся, стено нерушимая посреде бури страстей языческих.

Радуйся, Владимире, державы Русския прocветитeлю.

Кондак 3

Силою свыше умудрен, послал еси мужи избранныя во страны иныя, да видят и испытают, како инии народи служат Богу и како веру свою от дел своих показуют; тии же вся добре испытавше, достигоша Царьграда, идеже видяще благолепное совершение Божественнаго священнодействия, мнеша себе не на земли, но на Небеси стояти, и со умилением сердца воздаша хвалу Господеви, зовуще: Аллилуиа.

Икос 3

Имуще в сердцах своих твердое уверение, яко вера греко-восточная воистинну есть православная и яко священнодействия ея паче всех иных велелепна, послании тобою мужие, возвратившеся во Отечествие свое исповедаша сия пред лицем твоим и пред старейшины твоими, рекоша же: «Никтоже вкусив сладкаго, восхощет горькаго, тако и мы не можем паки остати зде и служити кумиром». Яковое извещение прием, возгорелся еси ревностию по вере истинней. Сего ради величаем тя:

Радуйся, гласу Божественныя благодати прилежно внимавый;

радуйся, водительству Святаго Духа ycеpдно последствовавый.

Радуйся, яко советники твоя умудрил еси;

радуйся, вся люди твоя советы твоими ко истинней вере привел еси.

Радуйся, яко со тщанием поискал еси добраго бисера Христа;

радуйся, пчело трудолюбивая, мудре взыскавшая цветы, в них же сладкий мед истины и спасения.

Радуйся, Владимире, державы Русския просветителю.

Кондак 4

Бурею сумнений и недоумений не поколебался еси повнегда уведети тебе веру истинную, православную, но абие восхотел еси прияти Святое Крещение со всею державою твоею, да купно с нею, яко отец со чады своими, достойно воспоеши Богу: Аллилуиа.

Икос 4

Слышавше боляре и старейшины яже о вере истинней, помянуша праматерь твою святую княгиню Ольгу, яже прият Святое Крещение в Цареграде, и рекоша: аще не бы блага бысть вера сия, не бы прияла ю сия мудрейшая в женах. Темже и мы, присно поминающе премудрую Ольгу, благодарственно зовем ти:

Радуйся, яко соблюл еси Божественное семя, еже всея в сердце твое блаженная праматерь твоя;

радуйся, яко святым заветам тоя последовал еси.

Радуйся, яко провидел еси в ней зарю спасения народа твоего;

радуйся, солнце возшедшее по заре той.

Радуйся, свете, старейшины твоя просветивый;

радуйся, вся люди твоя ко Христу приведый.

Радуйся, Владимире, державы Русския просветителю.

Кондак 5

Боготканную одежду Святаго Крещения восхотев получити, помыслил еси, откуду и како имети имаши толик сонм пастырей и учителей, да просветят вся люди твоя с тобою, и како пояти себе жену, в вере святей испытанну, дому твоему благую строительницу, чадом твоим матерь во Христе, советницу же всем во благочестии, и о сем всем поревновав, дух твой приведе тя ко стране Гречестей, идеже вернии от лет древних благочестно воспевают Богу: Аллилуиа.

Икос 5

Видевше царие гречестии всю страну твою во тьме идолослужения коснящу, небрегоша тя, яко кумиром служаща, обаче побеждени бывше от тебе и уведевше крепкое изволение твое прияти Святое Крещение и вся люди твоя ко Христу привести, исполнишася радости и вдаша ти сестру свою Анну на брак, пастыри же и учители народу твоему. Темже и мы, присно радующеся святому сему союзу твоему, воспеваем тя:

Радуйся, яко посетил есть тя Восток свыше;

радуйся, яко звезда Всевышняго приведе тя к Востоку, идеже Премудрость созда себе дом и утверди столпов седмь, седмь Соборов Вселенских, иже утвердиша веру Христову по вселенней.

Радуйся, яко сия есть вера апостольская, сия вера вселенную всю утверди;

радуйся, яко от чистаго источника чистое учение Христово приял еси. Радуйся дому твоего и чад твоих добрый рачителю,

радуйся, всего народа твоего премудрый наставниче.

Радуйся, Владимире, державы Русския просветителю.

Кондак 6

Пастырие и учители, ихже приял еси, прехвальне княже, от царей греческих, яко да напаяют всю страну Русскую ученьми Божественными, со тщанием течаху на делание свое, благодарственно поюще призвавшему народ твой ко спасению Господу Богу: Аллилуиа.

Икос 6

Возсия пречудне чувственный свет в помраченною недугом слепоты очию твоею, в душе твоей свету благодати возсиявшу, егда, просветився Божественным Крещением, изшел еси от святыя купели, еже ощутив, радостно воскликнул еси: «ныне познах Бога Истиннаго». Темже ублажаем тя:

Радуйся, светильниче, огнем Божественныя благодати во тьме язычества возжженный;

радуйся, благовестителю света Христова, омраченная очеса и сердца народа твоего отверзаяй.

Радуйся, яко умною очию твоею провидел еси Божие смотрение о державе твоей;

радуйся, яко до конца потщался еси, да и вси людие твои просветятся в нем.

Радуйся, богосветлая главо князей Русских;

радуйся, славнейшее украшение и похвало Церкве Христовы.

Радуйся, Владимире, державы Русския просветителю.

Кондак 7

Хотя просветити Божественным Крещением народ русский, первее повелел еси креститися сыновом и вельможам твоим, да вси людие, последующе стопам их, со благим произволением приступят ко Святому Крещению, благочестно зовуще Богу: Аллилуиа.

Икос 7

Ново творение во Христе яви тя, по Святем Крещении, образ жития твоего: ревнитель бо первее быв идолослужения, последи выну по вере Христовой ревновал еси: возлюбил же еси кротость и милосердие, воздержание и целомудрие и все житие по заповедем Господним. Чудящеся убо благому пременению сему, благочестно зовем ти:

Радуйся, яко росою Святаго Духа пламень страстей в себе угасил еси;

радуйся, яко огнем Божественныя благодати вся помышления и вся чувствия твоя согрел еси.

Радуйся, селения Господня, церкви святыя, паче всех селений земных, возлюбивый;

радуйся, Божественныя службы и Христова учения паче всех деяний и учений взыскавый.

Радуйся, образ новаго жития всем людем твоим в себе показавый;

радуйся, сирых и убогих благий кормителю и попечителю.

Радуйся, Владимире, державы Русския просветителю.

Кондак 8

Странное бе, купно же и радостотворное видение, егда тмочисленный сонм мужей и жен, юнош и дев, таже незлобивых младенец с радостию течаху к реце Днепру, якоже ко Иордану, идеже крещахуся во Имя Отца и Сына и Святаго Духа, иереом на брезе возносящим тайнодейственныя молитвы и воспевающим Господу песнь: Аллилуиа.

Икос 8

Весь был еси объят неизреченною радостию, достоблаженне княже, зря крещаемыя люди твоя, и во умилении сердца, воздав хвалу Спасителю Богу, усердно молил еси Его, да призрит на новопросвещенныя люди Своя, да утвердит их в вере и благочестии и да прославит Имя Свое в странах русских. Воспоминающе убо преславное и прерадостное сих сбытие, приносим ти благодарственныя и похвальныя песни сия:

Радуйся, виновниче спасения безчисленных душ в земли Русской;

радуйся, неоскудеваемый источниче благословений и милостей Божиих к народу твоему.

Радуйся, благий вертоградарю, сад Божественныя веры в царстве твоем насадивый;

радуйся, поточе сладости, напоивый водою благочестия люди русския.

Радуйся, яко Божественную веру прославил еси, прелесть же идольскую посрамил еси;

радуйся, яко Царь царей дарова тебе мудрость Соломонову, кротость Давидову, ревность Илиину, правоверие апостольское.

Радуйся, Владимире, державы Русския просветителю.

Кондак 9

Все естество Ангелов, хранителей рода человеческаго, прослави тя, благоверный княже, егда повелел еси отцем и матерем вдаяти дети своя в учение книжное, да разумеют, яже веруют, и да познают, како житие свое добре по вере провождати. Темже и ныне призри на учащияся Божественным писанием, и на отцев и матерей их, пастырей же и учителей, споспешествующих им во учении, благослови, укрепи и настави я во трудех их, да возрастают в вере истинней и в добром житии, поюще Богу: Аллилуиа.

Икос 9

Вития многовещанныя не могут достойно изобразити величие благодеяний, дарованных тобою, княже, земли твоей: водворив бо в ней Божественную веру, избавил еси ю от мрака языческаго и вечныя погибели, открыл еси ей путь ко истинному просвещению, ко спасению и земному благоденствию. Сего ради со благодарением благочестно зовем ти:

Радуйся, могущества и славы державы Русския основателю;

радуйся, истиннаго просвещения и благочестия в ней насадителю.

Радуйся, в народе твоем языческих суеверий и злых обычаев искоренителю;

радуйся, идольских требищ и кумиров потребителю.

Радуйся, святых храмов создателю;

радуйся, равноапостольному царю Константину равночестный подобниче.

Радуйся, Владимире, державы Русския просветителю.

Кондак 10

Спасти хотя от вечныя погибели царство твое, в бездне идолослужения гибнувшее, подъял еси велия труды и попечения, обходя грады и веси земли твоея и посылая повсюду пастыри духовныя, во еже Божественною верою Святым Крещением люди твоя просветити, и научити их Единому Истинному Богу пети: Аллилуиа.

Икос 10

Стена твердая был еси земли твоей во вся дни живота твоего противу врагов тоя и виновник благоденствия и славы ея; буди и ныне защитник необоримый от враг видимых и невидимых и помощник в нуждех и скорбех нам, с любовию вопиющим тебе:

Радуйся, благопопечительнейший пастырю народа русскаго;

радуйся, благострадательнейший отче сирых и страждущих.

Радуйся, готовый споспешниче ищущих вечнаго спасения и истиннаго просвещения;

радуйся, слава и радование державы Русския.

Радуйся, присный помощниче в многотруднем деле народоуправления;

радуйся, мощный споборниче в брани воинства русскаго.

Радуйся, Владимире, державы Русския просветителю.

Кондак 11

Пение умиленное приими от нас, угодниче Божий, сокруши твоими молитвами вся враги наша, насади православную веру среди язык страны русския, неведущих истиннаго Бога, искорени в ней вся ереси и расколы, да сынове русские едиными усты и единым сердцем славят Бога, поюще Ему: Аллилуиа.

Икос 11

Светозарное светило, просвещающее сиянием своим страну русскую, ты еси достохвальне княже Владимире, разгоняя мрак идолослужения и показуя путь к истинному просвещению и небесному блаженству. Сего ради, прославляюще тя глаголем:

Радуйся, звездо, просвещенная от незаходимаго Солнца Правды;

радуйся, путеводителю, правую стезю к вечному спасению нам открывый.

Радуйся, мощный споспешниче и укрепление проповедников православныя веры;

радуйся, присный покровителю благих наставников юношества и всех благотрудящихся на пользу общую.

Радуйся, скорый помощниче всех, к помощи твоей прибегающих;

радуйся, яко всем усердно тя чтущим, благотворныя советы подаеши.

Радуйся, Владимире, державы Русския просветителю.

Кондак 12

Благодать Пресвятаго Духа испроси нам, преблагий пастырю наш, от Всещедраго Бога и Спаса нашего, вразумляющую и укрепляющую нас в деле спасения, да не безплодна будет в нас насажденная тобою святая вера, но да уклоняющеся от путей нечестия и заблуждений, ходим во свете заповедей Божиих и достигнем вечнаго блаженства, воспевающе Богу: Аллилуиа.

Икос 12

Поюще твоя премногая и преславная благодеяния, явленная державе нашей в просвещении тоя светом Божественныя веры, купно же велия твоя труды и подвиги, во благоустроение ея подъятыя, усердно благодарим и восхваляем тя, с любовию зовуще:

Радуйся, богоизбранне и богопрославленне самодержче земли Русския;

радуйся, несокрушимое ограждение ея, покрове и защищение.

Радуйся, райское древо, произрастившее две пречудныя отрасли, святых страстотерпцев Бориса и Глеба,

радуйся, первостоятелю святых Русския Церкве.

Радуйся, апостолов сопрестольниче и сликовствователю;

радуйся, яко на землю Русскую выну призираеши благ временных и вечных ей у Бога ходатайствуеши.

Радуйся, Владимире, державы Русския просветителю.

Кондак 13

О прехвальный и предивный равноапостоле, великий княже Владимире, приими милостивно от нас благодарение сие о всех, яже тобою воздаде Господь нам, отцем и праотцем нашим и всей державе Русской, начен от дне Крещения даже до сего часа, и моли Всеблагаго Бога пробавити милость Свою на ны и на роды родов наших, утвердити ны в правоверии и благочестии, хранити же от всех бед и зол, да сподобимся с тобою, якоже чада со отцем, во веки воспевати Богу: Аллилуиа.

[Се́й конда́к глаго́лется три́жды.] [Далее повторяем 1‑е икос и кондак:]

Икос 1

Радуйся, равноапостоле, ко просвещению народа русскаго Премудрым Промыслом предъизбранный;

радуйся, от первозваннаго апостола на горах Киевских прореченный.

Радуйся, преславный сосуде Божественныя благодати, державе твоей дарованный;

радуйся, пречудный кореню, из негоже на земли нашей произрасте велие древо правоверия.

Радуйся, яко тобою Имя Господне во всех пределех страны твоей прославляется;

радуйся, яко и твое преславное имя от всех родов русских с любовию воспевается.

Радуйся, Владимире, державы Русския просветителю.

Кондак 1

Радуйся, Владимире, державы Русския просветителю.

Молитва святому равноапостольному князю Владимиру

О великий угодниче Божий, богоизбранный и богопрославленный, равноапостольный княже Владимире! Ты отринул еси зловерие и нечестие языческое, уверовал еси во Единаго Истиннаго Триипостаснаго Бога и, восприяв Святое Крещение, просветил еси светом Божественныя веры и благочестия всю страну Русскую. Славяще убо и благодаряще Премилосердаго Творца и Спасителя нашего, славим, благодарим и тя, просветителю наш и отче, яко тобою познахом спасительную веру Христову и крестихомся во Имя Пресвятыя и Пребожественныя Троицы: тою верою избавихомся от праведнаго осуждения Божия, вечнаго рабства диаволя и адова мучительства: тою верою восприяхом благодать всыновления Богу и надежду наследования Небеснаго блаженства. Ты еси первый вождь наш к Начальнику и Совершителю нашего вечнаго спасения Господу Иисусу Христу; ты еси теплый молитвенник и ходатай о стране Русской, о воинстве и о всех людех. Не может язык наш изобразити величие и высоту благодеяний, тобою излиянных на землю нашу, отцев и праотцев наших и на нас, недостойных. О всеблагий отче и просветителю наш! Призри на немощи наша и умоли премилосердаго Царя Небеснаго, да не прогневается на ны зело, яко по немощем нашим по вся дни согрешаем, да не погубит нас со беззаконьми нашими, но да помилует и спасет нас, по милости Своей, да всадит в сердце наше спасительный страх Свой, да просветит Своею благодатию ум наш, во еже разумети нам пути Господни, оставити стези нечестия и заблуждений, тщатися же во стезях спасения и истины, неуклоннаго исполнения заповедей Божиих и уставов Святыя Церкве. Моли, благосерде, Человеколюбца Господа, да пробавит нам великую милость Свою, да избавит нас от нашествия иноплеменных, от внутренних нестроений, мятежей и раздоров, от глада, смертоносных болезней и от всякаго зла, да подаст нам благорастворение воздуха и плодоносие земли, да даст пастырем ревность о спасении пасомых, всем же людем споспешение о еже усердно службы своя исправляти, любовь между собою и единомыслие имети, на благо же Отечества и Святыя Церкве верне подвизатися, да возсияет свет спасительныя веры в стране нашей во всех концех ея, да упразднятся вся ереси и расколы, да тако поживше в мире на земли, сподобимся с тобою вечнаго блаженства, хваляще и превозносяще Бога во веки веков. Аминь.

Кондaкъ №

И#збрaннагw свэти1льника, тмY їдwлослужeніz въ держaвэ ру1сстэй разгнaвшагw и3 свётомъ б9eственныz вёры ю5 просвэти1вшагw, восхвалsемъ тS, с™hй равноапcльный кнsже влади1міре: ты2 же ћкw вhну со дерзновeніемъ предстоsй цRю2 цaрствующихъ, не престaй молsсz њ достоsніи твоeмъ и3 твои1ми моли1твами сохранsй нaсъ t всёхъ бёдъ и3 ѕHлъ, да со ўмилeніемъ бlгодaрственнw зовeмъ ти2:

Рaдуйсz, влади1міре, держaвы ру1сскіz просвэти1телю.

Јкосъ №

ЃгGлwмъ и3 чlвёкwмъ творeцъ, временA и3 лBта во своeй влaсти положи1вый и3 судьбы6 цaрствъ и3 нар0дwвъ ўстроszй, бlгоизв0ли призвaти р0дъ ру1сскій t тмы2 їдwлослуженіz ко свёту и4стины и3 прaвды вёчныz, постaви тS, бlговёрный кнsже, бlговэсти1телz и3 соверши1телz сеS всебlгjz в0ли своеS. Тёмже, бlгодарsще творцA и3 сп7са нaшегw, славосл0вимъ тS, ћкw вели1кагw и3збрaнника б9іz нaшегw рaди сп7сеніz, съ весeліемъ зовyще:

Рaдуйсz, равноапcле, ко просвэщeнію нар0да рyсскагw премyдрымъ пр0мысломъ пред8избрaнный. Рaдуйсz, t первозвaннагw апcла на горaхъ кjевскихъ проречeнный. Рaдуйсz, преслaвный сосyде б9eственныz бlгодaти, держaвэ твоeй даровaнный. Рaдуйсz, пречyдный к0реню, и3з8 негHже на земли2 нaшей произрастE вeліе дрeво правовёріz. Рaдуйсz, ћкw тоб0ю и4мz гDнэ во всёхъ предёлэхъ страны2 твоeй прославлsетсz. Рaдуйсz, ћкw и3 твоE преслaвное и4мz t всёхъ родHвъ рyсскихъ съ люб0вію воспэвaетсz.

Рaдуйсz, влади1міре, держaвы ру1сскіz просвэти1телю.

Кондaкъ в7

Ви1дz суетY бездyшныхъ јдwловъ и3 прeлесть діaвола є4юже ўловлsетъ тє1мныz лю1ди въ сBти беззак0ніz, кyпнw же слhша с™hхъ первом§никъ рyсскихъ за хrтA, глаг0лющихъ безб0жнымъ мучи1телємъ: б0зи вaши не сyть б0зи, но дрeво, є4же днeсь пребывaетъ ќтро сгнило2 є4сть, є3ди1нъ же є4сть бGъ и4стинный, и4же сотвори2 нб7о и3 зeмлю: тогдA возгорёлсz є3си2 сeрдцемъ, во є4же взыскaти и3 ўвёдэти сегw2 є3ди1нагw и4стиннагw бGа, є3мyже покланsетсz всsко колёно нбcныхъ, земнhхъ и3 преисп0днихъ, нем0лчнw поспэвaz: Ґллилyіа.

Јкосъ в7

Рaзумъ всевhшній пріwсэни2 тS, є3гдA предстaша ти2 пропвёдницы разновёрніи и3 потщaлсz є3си2, да не ўловлeнъ бyдеши въ сBти лжеучeніz, но да њбрsщеши вёру и4стинную и3 сп7си1тельную. Тёмже ўблажaемъ тS:

Рaдуйсz, премyдрый власти1телю нар0да рyсскагw. Рaдуйсz, рaзумъ бGопросвzщeнный стzжaвый. Рaдуйсz, ћкw ўхищрє1ніz и3 суесл0віz лжеyчителей посрами1лъ є3си2. Рaдуйсz, ћкw глагHлы жи1зни вёчныz въ словесёхъ мудрецA и4стиннагw мyдрэ ўразумёлъ є3си2. Рaдуйсz, лучY б9eственнагw свёта посредЁ тмы2 лжевёріz. Рaдуйсz, стэно2 неруши1маz посредЁ бyри страстeй kзhческихъ.

Рaдуйсz, влади1міре, держaвы ру1сскіz просвэти1телю.

Кондaкъ G

Си1лою свhше ўмудрeнъ, послaлъ є3си2 мyжи и3збр†нныz во страны6 и3нhz, да ви1дzтъ и3 и3спытaютъ, кaкw и3нjи нар0ди слyжатъ бGу и3 кaкw вёру свою2 t дёлъ свои1хъ показyютъ; тjи же вс‰ д0брэ и3спытaвше, достиг0ша царzгрaда, и3дёже ви1дzще бlголёпное совершeніе бжcтвеннагw сщ7еннодёйствіz, мнёша себE не на земли2, но на нб7еси2 стоsти, и3 со ўмилeніемъ сeрдца воздaша хвалY гDви, зовyще: Ґллилyіа.

Јкосъ G

И#мyще въ сердцaхъ свои1хъ твeрдое ўвэрeніе, ћкw вёра грeко-вост0чнаz вои1стинну є4сть правослaвнаz и3 ћкw сщ7еннодBйствіz є3S пaче всёхъ и3нhхъ велелёпна, п0сланіи тоб0ю мyжіе, возврати1вшесz во nтeчествіе своE и3сповёдаша сі‰ пред8 лицeмъ твои1мъ и3 пред8 старёйшины твои1ми, рек0ша же: никт0же вкуси1въ слaдкагw, восх0щетъ г0рькагw, тaкw и3 мы2 не м0жемъ пaки њстaти здЁ и3 служи1ти кумjрwмъ. Kков0е и3звэщеніе пріeмъ, возгорёлсz є3си2 рeвностію по вёрэ и4стинней. Сегw2 рaди величaемъ тS:

Рaдуйсz, глaсу б9eственныz бlгодaти прилёжнw внимaвый. Рaдуйсz, води1тельству с™aгw д¦а ўсeрднw послёдствовавый. Рaдуйсz, ћкw совётники твоS ўмудри1лъ є3си2. Рaдуйсz, вс‰ лю1ди твоS совёты твои1ми ко и4стиннэй вёрэ привeлъ є3си2. Рaдуйсz, ћкw со тщaніемъ поискaлъ є3си2 д0брагw би1сера хrтA. Рaдуйсz, пчело2 трудолюби1ваz, мyдрэ взыскaвшаz цвэты2, въ ни1хъ же слaдкій мeдъ и4стины и3 спасeніz.

Рaдуйсz, влади1міре, держaвы ру1сскіz просвэти1телю.

Кондaкъ д7

Бyрею сумнёній и3 недоумёній не поколебaлсz є3си2 повнегдA ўвёдэти тебЁ вёру и4стинную, правослaвную, но ѓбіе восхотёлъ є3си2 пріsти с™0е крещeніе со всeю держaвою твоeю, да кyпнw съ нeю, ћкw nтeцъ со чaды свои1ми, дост0йнw воспоeши бGу: Ґллилyіа.

Јкосъ д7

Слhшавше болsре и3 старёйшины ±же њ вёрэ и4стинней, помzнyша прамaтерь твою2 с™yю кн7ги1ню џльгу, ћже пріsтъ с™0е крещeніе въ царэгрaдэ, и3 рек0ша: ѓще не бы2 блaга бhсть вёра сіS, не бы2 пріsла ю5 сіS мудрёйшаz въ женaхъ. Тёмже и3 мы2, при1снw поминaюще премyдрую џльгу, бlгодaрственнw зовeмъ ти2:

Рaдуйсz, ћкw соблю1лъ є3си2 б9eственное сёмz, є4же всэS въ сeрдце твоE блажeннаz прамaтерь твоS. Рaдуйсz, ћкw с™ы6мъ завётамъ тоS послёдовалъ є3си2. Рaдуйсz, ћкw прови1дэлъ є3си2 въ нeй зарю2 спасeніz нар0да твоегw2. Рaдуйсz, с0лнце возшeдшее по зарЁ т0й. Рaдуйсz, свёте, старёйшины твоS просвэти1вый. Рaдуйсz, всS лю1ди твоS ко хrтY приведhй.

Рaдуйсz, влади1міре, держaвы ру1сскіz просвэти1телю.

Кондaкъ є7

БGоткaнную nдeжду с™aгw крещeніz восхотёвъ получи1ти, помhслилъ є3си2, tкyду и3 кaкw и3мёти и4маши толи1къ с0нмъ пaстырей и3 ўчи1телей, да просвэтsтъ всS лю1ди твоS съ тоб0ю, и3 кaкw поsти себЁ женY, въ вёрэ с™ёй и3спытaнну, д0му твоемY благyю строи1тельницу, чaдwмъ твои1мъ мaтерь во хrтЁ, совётницу же всBмъ во бlгочeстіи, и3 њ сeмъ всeмъ поревновaвъ, духъ тв0й приведE тS ко странЁ грeчестэй, и3дёже вёрніи t лётъ дрeвнихъ бlгочeстнw воспэвaютъ бGу: Ґллилyіа.

Јкосъ є7

Ви1дэвше цaріе грeчестіи всю2 странY твою2 во тмЁ їдwлослужeніz коснsщу, небрег0ша тS, ћкw кумjрwмъ служaща, nбaче побэждeни бhвше t тебE и3 ўвёдэвше крёпкое прозволeніе твоE пріsти с™0е крещeніе и3 всS лю1ди твоS ко хrтY привэсти2, и3сп0лнишасz рaдости и3 вдaша ти2 сестрY свою2 ѓнну на брaкъ, пaстыри же и3 ўчи1тели нар0ду твоемY. Тёмже и3 мы2, при1снw рaдующесz с™0му семY сою1зу твоемY, воспэвaемъ тS:

Рaдуйсz, ћкw посэти1лъ є4сть тS вост0къ свhше. Рaдуйсz, ћкw ѕвэздA всевhшнzго приведE тS къ вост0ку, и3дёже премyдрость создA себЁ д0мъ и3 ўтверди2 столпHвъ сeдмь, сeдмь соб0рwвъ вселeнскихъ, и5же ўтверди1ша вёру хrт0ву по вселeннэй. Рaдуйсz, ћкw сіS є4сть вёра ґпcльскаz, сіS вёра вселeнную всю2 ўтверди2. Рaдуйсz, ћкw t чи1стагw и3ст0чника чи1стое ўчeніе хrт0во пріsлъ є3си2. Рaдуйсz д0му твоегw2 и3 ч†дъ твои1хъ д0брый рачи1телю. Рaдуйсz, всегw2 нар0да твоегw2 премyдрый настaвниче.

Рaдуйсz, влади1міре, держaвы ру1сскіz просвэти1телю.

Кондaкъ ѕ7

Пaстыріе и3 ўчи1тели, и5хже пріsлъ є3си2, прехвaльне кн7же, t цReй грeческихъ, ћкw да напаsютъ всю2 странY ру1сскую ўчeньми б9eственными, со тщaніемъ течaху на дёланіе своE, бlгодaрственнw пою1ще призвaвшему нар0дъ тв0й ко сп7сeнію гDу бGу: Ґллилyіа.

Јкосъ ѕ7

ВозсіS пречyднэ чyвственный свётъ въ помрачeнною недyгомъ слэпоты2 џчію твоeю, въ душЁ твоeй свёту бlгодaти возсіsвшу, є3гдA, просвэти1всz бжcтвеннымъ крещeніемъ, и3зшeлъ є3си2 t с™hz купёли, є4же њщути1въ, рaдостнw воскли1кнулъ є3си2: нhнэ познaхъ бGа и4стиннагw. Тёмже ўблажaемъ тS:

Рaдуйсz, свэти1льниче, nгнeмъ б9eственныz бlгодaти во тмЁ kзhчества возжжeнный. Рaдуйсz, бlговэсти1телю свёта хrт0ва, њмрачє1ннаz nчесA и3 сердцA нар0да твоегw2 tвэрзazй. Рaдуйсz, ћкw ќмною џчію твоeю прови1дэлъ є3си2 б9іе смотрeніе њ держaвэ твоeй. Рaдуйсz, ћкw до концA потщaлсz є3си2, да и3 вси2 лю1діе твои2 просвэтsтсz въ нeмъ. Рaдуйсz, бGосвётлаz главо2 царeй ру1сскихъ. Рaдуйсz, слaвнэйшее ўкрашeніе и3 похвало2 цeркве хrт0вы.

Рaдуйсz, влади1міре, держaвы ру1сскіz просвэти1телю.

Кондaкъ з7

ХотS просвэти1ти бжcтвеннымъ крещeніемъ нар0дъ рyсскій, пeрвэе повелёлъ є3си2 крести1тисz сыновHмъ и3 вельм0жамъ твои1мъ, да вси2 лю1діе, послёдующе стопaмъ и5хъ, со бlги1мъ произволeніемъ пристyпzтъ ко с™0му крещeнію, бlгочeстнw зовyще бGу: Ґллилyіа.

Јкосъ з7

Н0во творeніе во хrте kви2 тS, по с™ёмъ крещeніи, џбразъ житіS твоегw2: ревни1тель бо пeрвэе бhвъ їдwлослужeніz, послэди2 вhну по вёрэ хrт0вой ревновaлъ є3си2: возлюби1лъ же є3си2 кр0тость и3 милосeрдіе, воздержaніе и3 цэломyдріе и3 всE житіE по зaповэдемъ гDнимъ. Чудsщесz u5бо бlг0му премэнeнію семY, бlгочeстнw зовeмъ ти2:

Рaдуйсz, ћкw рос0ю с™aгw д¦а плaмень страстeй въ себЁ ўгаси1лъ є3си2. Рaдуйсz, ћкw nгнeмъ б9eственныz бlгодaти вс‰ помышлeніz и3 вс‰ чyвствіz тво‰ согрёлъ є3си2. Рaдуйсz, селє1ніz гDнz, цє1ркви с™hz, пaче всёхъ селeній земнhхъ, возлюби1вый. Рaдуйсz, б9eственныz слyжбы и3 хrт0ва ўчeніz пaче всёхъ дэsній и3 ўчeній взыскaвый. Рaдуйсz, џбразъ н0вагw житіS всёмъ лю1демъ твои1мъ въ себЁ показaвый. Рaдуйсz, си1рыхъ и3 ўб0гихъ бlгjй корми1телю и3 попечи1телю.

Рaдуйсz, влади1міре, держaвы ру1сскіz просвэти1телю.

Кондaкъ }

Стрaнное бЁ, кyпнw же и3 радостотв0рное видёніе, є3гдA тмочи1сленный с0нмъ мужeй и3 жeнъ, ю4ношъ и3 дёвъ, тaже неѕл0бивыхъ младeнєцъ съ рaдостію течaху къ рэцE днэпрY, ћкоже ко їoрдaну, и3дёже крещaхусz во и4мz oц7A и3 сн7а и3 с™aгw д¦а, їерewмъ на брeзэ возносsщимъ тайнодёйственныz мlтвы и3 воспэвaющимъ гDу пёснь: Ґллилyіа.

Јкосъ }

Вeсь бhлъ є3си2 њб8sтъ неизречeнною рaдостію, достобlжeнне кн7же, зрS крещaемыz лю1ди твоS, и3 во ўмилeніи сeрдца, воздaвъ хвалY сп7си1телю бGу, ўсeрднw моли1лъ є3си2 є3го2, да при1зритъ на новопросвэщeнныz лю1ди своS, да ўтверди1тъ и5хъ въ вёрэ и3 бlгочeстіи и3 да прослaвитъ и4мz своE въ стрaнахъ рyсскихъ. Воспоминaюще ќбw преслaвное и3 прерaдостное си1хъ сбытіE, прин0симъ ти2 бlгодaрствєнныz и3 похв†льныz пBсни сі‰:

Рaдуйсz, вин0вниче сп7сeніz безчи1сленныхъ дyшъ въ земли2 рyсстэй. Рaдуйсz, неоскудэвaемый и3ст0чниче бlгословeній и3 ми1лостей б9іихъ къ нар0ду твоемY. Рaдуйсz, бlгjй вертогрaдарю, сaдъ б9eственныz вёры въ цaрствэ твоeмъ насади1вый. Рaдуйсz, пот0че слaдости, напои1вый вод0ю бlгочeстіz лю1ди рyсскіz. Рaдуйсz, ћкw б9eственную вёру прослaвилъ є3си2, прeлесть же јдwльскую посрами1лъ є3си2. Рaдуйсz, ћкw цRь царeй даровA тебЁ мyдрость соломHнову, кр0тость давjдову, рeвность и3ліинY, правовёріе апcльское.

Рaдуйсz, влади1міре, держaвы ру1сскіz просвэти1телю.

Кондaкъ f7

ВсE є3стество2 ѓгGлwвъ, храни1телей р0да чlвёческагw, прослaви тS, бlговёрный кн7же, є3гдA повелёлъ є3си2 nтцє1мъ и3 мaтеремъ вдаsти дёти сво‰ въ ўчeніе кни1жное, да разумёютъ, ±же вёруютъ, и3 да познaютъ, кaкw житіE своE д0брэ по вёрэ провождaти. Тёмже и3 нhнэ при1зри на ўчaщіzсz б9eственнымъ писaніємъ, и3 на nтцє1въ и3 мaтерей и5хъ, пaстырей же и3 ўчи1телей, споспэшествyющихъ и5мъ во ўчeніи, бlгослови2, ўкрэпи2 и3 настaви | во трудёхъ и5хъ, да возрастaютъ въ вёрэ и4стиннэй и3 въ д0бромъ житіи2, пою1ще бGу: Ґллилyіа.

Јкосъ f7

Вэтjz мнагwвэщaнніи не м0гутъ дост0йнw и3з8wбрази1ти вели1чіе бlгодэsній, даровaнныхъ тоб0ю, кн7же, земли2 твоeй: водвори1въ бо въ нeй бжcтвенную вёру, и3збaвилъ є3си2 ю5 t мрaка kзhческагw и3 вёчныz поги1бели, tкрhлъ є3си2 є3й пyть ко и4стинному просвэщeнію, ко сп7сeнію и3 земн0му бlгодeнствію. Сегw2 рaди со бlгодарeніемъ бlгочeстнw зовeмъ ти2:

Рaдуйсz, могyщества и3 слaвы держaвы ру1ссскіz њсновaтелю. Рaдуйсz, и4стиннагw просвэщeніz и3 бlгочeстіz въ нeй насади1телю. Рaдуйсz, въ нар0дэ твоeмъ kзhческихъ суевёрій и3 ѕлhхъ њбhчаевъ и3скорени1телю. Рaдуйсz, јдwльскихъ трeбищъ и3 кумjрwвъ потреби1телю. Рaдуйсz, с™hхъ хрaмwвъ создaтелю. Рaдуйсz, равноапcльному цRю2 кwнстантjну равночeстный под0бниче.

Рaдуйсz, влади1міре, держaвы ру1сскіz просвэти1телю.

Кондaкъ ‹

Сп7сти2 хотS t вёчныz поги1бели цaрство твоE, въ бeзднэ їдwлослужeніz ги1бнувшее, под8sлъ є3си2 вє1ліz труды2 и3 попечє1ніz, њбходS грaды и3 вє1си земли2 твоеS и3 посылaz повсю1ду пaстыри дух0вныz, во є4же бжcтвенною вёрою с™hмъ крещeніемъ лю1ди твоS просвэти1ти, и3 научи1ти и5хъ є3ди1ному и4стинному бGу пёти: Ґллилyіа.

Јкосъ ‹

СтэнA твeрдаz бhлъ є3си2 земли2 твоeй во всS дни2 животA твоегw2 проти1ву врагHвъ тоS и3 вин0вникъ бlгодeнствіz и3 слaвы є3S; бyди и3 нhнэ защи1тникъ неwбори1мый t вр†гъ ви1димыхъ и3 неви1димыхъ и3 пом0щникъ въ нyждехъ и3 ск0рбехъ нaмъ, съ люб0вію вопію1щимъ тебЁ:

Рaдуйсz, бlгопопечи1тельнэйшій пaстырю нар0да рyсскагw. Рaдуйсz, бlгострадaтельнэйшій џтче си1рыхъ и3 стрaждущихъ. Рaдуйсz, гот0вый споспёшниче и4щущихъ вёчнагw сп7сeніz и3 и4стиннагw просвэщeніz. Рaдуйсz, слaва и3 рaдованіе держaвы ру1сскіz. Рaдуйсz, при1сный пом0щниче въ многотрyднэмъ дёлэ народоуправлeніz. Рaдуйсz, м0щный споб0рниче въ брaни в0инства ру1сскагw.

Рaдуйсz, влади1міре, держaвы ру1сскіz просвэти1телю.

Кондaкъ №i

Пёніе ўмилeнное пріими2 t нaсъ, ўг0дниче б9ій, сокруши2 твои1ми мlтвами всS враги2 нaша, насади2 правослaвную вёру среди2 kзы6къ страны2 рyсскіz, невёдущихъ и4стиннагw бGа, и3скорени2 въ нeй всS є4рєси и3 раскHлы, да сhнове рyсскіе є3ди1ными ўсты2 и3 є3ди1нымъ сeрдцемъ слaвzтъ бGа, пою1ще є3мY: Ґллилyіа.

Јкосъ №i

Свэтозaрное свэти1ло, просвэщaющее сіsніемъ свои1мъ странY ру1сскую, ты2 є3си2 достохвaльне кн7же влади1міре, разгонsz мрaкъ їдwлослужeніz и3 показyz пyть къ и4стинному просвэщeнію и3 нбcному бlжeнству. Сегw рaди, прославлsюще тS глагHлемъ:

Рaдуйсz, ѕвэздо2, просвэщeннаz t незаходи1магw с0лнца прaвды. Рaдуйсz, путеводи1телю, прaвую стезю2 къ вёчному сп7сeнію нaмъ tкрhвый. Рaдуйсz, м0щный споспёшниче и3 ўкрэплeніе проповёдникwвъ правослaвныz вёры. Рaдуйсz, при1сный покрови1телю бlги1хъ настaвниковъ ю4ношества и3 всёхъ бlготрудsщихсz на п0льзу џбщую. Рaдуйсz, ск0рый пом0щниче всёхъ, къ п0мощи твоEй прибегaющихъ. Рaдуйсz, ћкw всёмъ ўсeрднw тS чтyщимъ, бlготв0рныz совёты подаeши.

Рaдуйсz, влади1міре, держaвы ру1сскіz просвэти1телю.

Кондaкъ в7i

Бlгодaть прес™aгw д¦а и3спроси2 нaмъ, пребlгjй пaстырю нaшъ, t всещeдрагw бGа и3 сп7са нaшегw, вразумлsющую и3 ўкрэплsющую нaсъ въ дёлэ сп7сeніz, да не безпл0дна бyдетъ въ нaсъ насаждeннаz тоб0ю с™аz вёра, но да ўклонsющесz t путeй нечeстіz и3 заблуждeній, х0димъ во свётэ зaповэдей б9іихъ и3 дости1гнемъ вёчнагw блажeнства, воспэвaюще бGу: Ґллилyіа.

Јкосъ в7i

Пою1ще тво‰ премнHгаz и3 пресл†внаz бlгодэ‰ніz, kвлє1ннаz держaвэ нaшей въ просвэщeніи т0z свётомъ бжcтвенныz вёры, кyпнw же вє1ліz твоS труды2 и3 п0двиги, во бlгоустроeніе є3S под8sтыz, ўсeрднw бlгодари1мъ и3 восхвалsемъ тS, съ люб0вію зовyще:

Рaдуйсz, бGоизбрaнне и3 бGопрослaвленне самодeржче земли2 ру1сскіz. Рaдуйсz, несокруши1мое њграждeніе є3S, покр0ве и3 защищeніе. Рaдуйсz, рaйское дрeво, произрасти1вшее двЁ пречyдныz џтрасли, с™hхъ страстотeрпцевъ бори1са и3 глёба, радуйсz, первостоsтелю с™hхъ ру1сскіz цeркве. Рaдуйсz, апcлwвъ сопрест0льниче и3 сликовствовaтелю. Рaдуйсz, ћкw на зeмлю рyсскую вhну призирaеши бл†гъ врeменныхъ и3 вёчныхъ є4й ў бGа ходaтайствуеши.

Рaдуйсz, влади1міре, держaвы ру1сскіz просвэти1телю.

Кондaкъ Gi

Q прехвaльный и3 преди1вный равноапcле, вели1кій кн7же влади1міре, пріими2 ми1лостивнw t нaсъ бlгодарeніе сіE њ всёхъ, ±же тоб0ю воздадE гDь нaмъ, nтцє1мъ и3 прaoтцємъ нaшимъ и3 всeй держaвэ ру1сстэй, начeнъ t днE крещeніz дaже до сегw2 часA, и3 моли2 всебlгaгw бGа пробaвити ми1лость свою2 на ны2 и3 на р0ды родHвъ нaшихъ, ўтверди1ти ны2 въ правовёріи и3 бlгочeстіи, храни1ти же t всёхъ бёдъ и3 ѕHлъ, да спод0бимсz съ тоб0ю, ћкwже ч†да со nтцeмъ, во вёки воспэвaти бGу: Ґллилyіа.

Сeй кондaкъ глаг0ли три1жды:

Посeмъ јкосъ №-й: ЃгGлwмъ и3 чlвёкwмъ творeцъ:

И# кондaкъ №-й: И#збрaннагw свэти1льника:

Мlтва

Q, вели1кий ўг0дниче б9ій, бGоизбрaнный и3 бGопрослaвленный равноапcтольный кн7же влади1міре! Ты2 tри1нулъ є3си2 ѕловёріе и3 нечeстіе kзыческое, ўвeровалъ є3си2 во є3ди1наго и4стиннаго тріmпостаснаго бGа, и3 восприsвъ с™0е крещeніе, просвэти1лъ є3си2 свётомъ б9eственныz вёры и3 бlгочeстіz всю2 странY рyсскую слaвzще u5бо и3 бlгодарzще преми1лосердаго тв0рца и3 сп7си1телz нaшего, слaвимъ и3 бlгодари1мъ и3 тS, просвёти1телю нaшъ и3 џтче, ћкw тоб0ю познaхомъ сп7си1тельную вёру хrт0ву, и3 крести1хомсz во и4мz прес™hz и3 преб9eственныz тrцы: т0ю вёрою и3збaвихомсz t прaведнагw њсуждeніz б9іz, вёчнагw рaбства діaвола и3 ѓдова мучи1тельства: т0ю вёрою восприsхомъ бlгодaть ўсыновлeніz бGу и3 надeжду наслёдованіz нбcнагw бlжeнства. Ты2 є3си2 пeрвый в0ждь нaшъ къ начaльнику и3 соверши1телю вёчнагw сп7сeніz гDу ї}су хrтY: ты2 є3си2 тeплый моли1твенникъ и3 ходaтай њ цaрствэ всеру1сстэмъ, њ цRёхъ є3гw2, народоправи1телехъ, в0инствэ и3 њ всёхъ лю1дехъ. Не м0жетъ љзhкъ нaшъ и3з8wбрази1ти вели1чіе и3 высотY благодэsній, тоб0ю и3зліsнныхъ на зeмлю нaшу, nтцє1въ и3 прaoтцєвъ нaшихъ и3 на нaсъ недост0йныхъ. Q, всеблагjй џтче и3 просвэти1телю нaшъ! При1зри на нeмощи нaшz и3 ўмоли2 премилосeрдаго цRS нбcнаго, да не прогнёваетсz на ны2 ѕэлw2, ћкw по нeмощемъ нaшимъ по вс‰ дни2 согрэшaемъ, да не погуби1тъ нaсъ со беззак0ньми нaшими, но да поми1луетъ и3 спасeтъ нaсъ, по ми1лости своeй, да всади1тъ въ сeрдце нaше спаси1тельный страхъ св0й, да просвэти1тъ своeю бlгодaтію ќмъ нaшъ, во є4же разумёти нaмъ пути2 гDни, њстaвити стєзи2 нечeстіz и3 заблуждeній, тщaтисz же во стезsхъ спасeніz и3 и4стины, неукл0ннагw и3сполнeніz зaповэдей б9іихъ и3 ўстaвwвъ с™hz цeркве. Моли2, бlгосeрде, чlвэколю1бца бGа, да пробaвитъ нaмъ вeлiю ми1лость свою, да и3збaвитъ нaсъ t нашeствіz и3ноплемeнныхъ, t внyтреннихъ нестроeній, мzтeжей и3 разд0рwвъ, t глaда, смертон0сныхъ болёзней и3 t всsкагw ѕлA, да подaстъ нaмъ бlгорастворeніе воздyха и3 плодон0сіе земли2, да дaстъ пaстырємъ рeвность њ спасeніи пас0мыхъ, всёмъ же лю1дємъ споспэшeніе њ є4же ўсeрднw сл{жбы своS и3справлsти, люб0вь междY соб0ю и3 єдиномhсліе и3мёти, на блaго же nтeчества и3 с™hz цeркве вёрнэ подвизaтисz: да возсіsетъ свётъ сп7си1тельныz вёры въ странE нaшей во всёхъ концёхъ є3S, да ўпразднsтсz всS є4рєси и3 раскHлы, да тaкw пожи1вше въ ми1рэ на земли2, спод0бимсz съ тоб0ю вёчнагw бlжeнства, хвaлzще и3 превозносsще бGа во вёки вэкHвъ. Ґми1нь.