Акафіст Пресвятій Богородиці перед іконою “Жировицька”
Конда́к 1
Избра́нней от всех родо́в Цари́це и Влады́чице/ похва́льныя пе́сни принесе́м, яќо Хода́таице и Засту́пнице ро́да христиа́нскаго,/ Ты же, яко блага́я Предста́тельница пред Го́сподем,/ умоли́ Сы́на Твоего́ и Бо́га на́шего/ дарова́ти нам насле́дие благ ве́чных,/ да ра́дующеся о Тебе́ взыва́ем:// Ра́дуйся, премилосе́рдая Влады́чице, предста́тельство на́ше и всера́достное заступле́ние.
И́кос 1
Арха́нгел Гаврии́л, с Небесе́ по́сланный к Тебе́, Де́во Чи́стая, веща́ Ти: Ра́дуйся, Благода́тная, Госпо́дь с Тобо́ю! Мы же, благода́тию Бо́жиею чрез Тебе́ озаре́ннии, восхваля́ем Тя пе́сньми сицевы́ми:
Ра́дуйся, пре́жде веко́в Сове́том Бо́жиим предызбра́нная;
ра́дуйся, А́гнице, А́гнца Бо́жия ро́ждшая.
Ра́дуйся, сокро́вищнице спасе́ния на́шего, превы́шшая сил А́нгельских;
ра́дуйся, Отрокови́це пренепоро́чная и Ма́ти Све́та.
Ра́дуйся, горо́ несеко́мая, исто́чник воды́ живы́я источи́вшая;
ра́дуйся, раю́ цветоно́сный, Боже́ственное Дре́во жи́зни произрасти́вшая.
Ра́дуйся, богообра́дованная Ма́ти, ра́дость Не́бу и земли́ ро́ждшая;
ра́дуйся, си́лою Всевы́шняго осене́нная, Боже́ственный Клас прозя́бшая.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 2
Ви́дящи ве́рная ча́да Твоя́, в беда́х жите́йских уныва́ющая и по́мощи Небе́сныя от Тебе́ тре́бующая, Ты, Богома́ти, наде́ждо христиа́ном, чуде́сным явле́нием близ ве́си Жиро́вицкия святы́я ико́ны Твоея́ испо́лнила еси́ ра́дости и весе́лия сердца́ всех, в ско́рби припа́дающих к Тебе́, да благода́рственно вопию́т о Тебе́ Бо́гу: Аллилу́ия.
И́кос 2
Ра́зумом не уразуме́в та́йны чуде́снаго явле́ния на дре́ве ико́ны Твоея́, Пречи́стая Влады́чице, скры боля́рин Со́лтан в ковче́жце явле́нный Тобо́ю о́браз. Ты же, Де́во Богоро́дице, сугу́бым явле́нием на том же дре́ве ико́ны сея́ вразуми́ла еси́ его́, да вси позна́ют дар милосе́рдия, лю́дем Тобо́ю низпосыла́емый, и в весе́лии возопию́т:
Ра́дуйся, кла́дезю живы́й неисчерпа́емыя ра́дости;
ра́дуйся, цве́те благоуха́нный неизрече́нныя сла́дости.
Ра́дуйся, явле́нием ико́ны Твоея́ на дре́ве нас кре́пко огражда́ющая;
ра́дуйся, благода́тию от нея́, а́ки от Дре́ва жи́зни, нас сладкопита́ющая.
Ра́дуйся, ми́лости заблу́ждших не лиша́ющая;
ра́дуйся, покро́вом Твои́м всех осеня́ющая.
Ра́дуйся, гла́су моле́ния скорбя́щих послу́шная;
ра́дуйся, Ма́ти милосе́рдия неоску́днаго.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 3
Си́лою вразумле́ния о явле́нии чудотво́рныя ико́ны Твоея́ просвеще́нный, позна́ боля́рин Со́лтан, я́ко ико́на сия́ стра́ждущим во утеше́ние Тобо́ю свы́ше низпо́слана бысть, и, сле́зно сокруша́яся о неразу́мии свое́м, воздви́же храм на ме́сте явле́ния ея́, да вси лю́дие Бо́гу воздаю́т непреста́нную о Тебе́ хвалу́: Аллилу́ия.
И́кос 3
Иму́щи бога́тство милосе́рдия неизрече́нное, не отри́нула еси́ промышле́нием избра́нных Твои́х, в ско́рби ве́лией су́щих. Егда́ бо храм, иде́же бе ико́на Твоя́ пречестна́я, огне́м попале́н бысть, Ты, всеблага́я Уте́шительнице, сохрани́ла еси́ о́браз Твой от огня́ неврежде́н, па́ки яви́ла еси́ на ка́мени близ хра́ма, огне́м сожже́ннаго. Лю́дие же, узре́вше таково́е чу́до, воспе́ша Ти хвале́бную песнь сицеву́ю:
Ра́дуйся, купино́ неопали́мая, во огни́ пречестны́й Свой о́браз сохра́ньшая;
ра́дуйся, ско́рбныя лю́ди Твоя́ чудотво́рныя ико́ны не лиши́вшая.
Ра́дуйся, кро́вом крилу́ Твое́ю христиа́н покрыва́ющая;
ра́дуйся, предста́тельством Твои́м святы́ни охраня́ющая.
Ра́дуйся, на ка́мени пречестны́й Твой о́браз па́ки яви́вшая;
ра́дуйся, вразумле́нием Твои́м на ка́мени ве́ры стопы́ на́ша утверди́вшая.
Ра́дуйся, я́ко сте́ну неруши́мую Тебе́ стяжа́хом;
ра́дуйся, я́ко благомо́щную Покрови́тельницу Тя позна́хом.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 4
Бу́рею страсте́й и искуше́ний одержи́мии ве́рнии Твои́, моля́щеся пред чудотво́рною ико́ною Твое́ю, поко́й и душе́вную ра́дость обрета́ют. Ты бо, Де́во Чи́стая, христиа́н Путеводи́тельнице, му́дро и пра́во путь жития́ ше́ствовати наставля́еши, да вси богокра́сною пе́снию восхваля́ют Бо́га, пою́ще: Аллилу́ия.
И́кос 4
Слы́шавше лю́дие, я́ко явле́нная Тобо́ю ико́на да́ром чуде́с преизбы́точествует, с ве́рою и упова́нием на милосе́рдие Твое́ к ней притека́ют и, бога́тством щедро́т Твои́х обогати́вшеся, воспева́ют Ти хвалу́ такову́ю:
Ра́дуйся, мо́ре щедро́т христиа́ном излива́ющая;
ра́дуйся, ра́дость всему́ ми́ру принося́щая.
Ра́дуйся, свяще́нное прибе́жище ве́рных;
ра́дуйся, Пода́тельнице благ ве́чных.
Ра́дуйся, Услади́тельнице го́рестей на́ших;
ра́дуйся, кре́пкое воста́ние па́дших.
Ра́дуйся, изнемога́ющих Засту́пнице и укрепле́ние;
ра́дуйся, в страда́ниих на́ших при́сное утеше́ние.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 5
Боготе́чней звезде́, с восто́ка возсия́вшей, подо́бна бы́ла еси́, Пресвята́я Де́во, егда́ в лучеза́рнем сия́нии а́ки Жена́ красоты́ неизрече́нныя яви́лася еси́ де́тем, указу́ющи ме́сто явле́ния пречестны́я ико́ны Твоея́, чуде́сно Тобо́ю от огня́ сохране́нныя. Не лиши́ла еси́ и ма́лых сих Твоея́ благосты́ни, поуча́ющи их о вели́цем милосе́рдии Твое́м, да, подража́юще де́тем изра́илевым, восклица́вшим Христу́: “Оса́нна”, – воспою́т хвалу́ Бо́гу: Аллилу́ия.
И́кос 5
Ви́деша вси стра́нное и пресла́вное чу́до, ико́ною Твое́ю явля́емое, Пречи́стая: деви́ца не́кая Ири́на, боле́знию подви́гшися к поклоне́нию святы́ни Твое́й, на пути́ у́мре, и егда́ и́ноцы нача́ша сверша́ти отпева́ние ея́ пред ико́ною Твое́ю, ди́вно воскре́се, и вси лю́дие со тре́петом восклица́ху:
Ра́дуйся, Сло́во жи́зни пло́тию роди́вшая;
ра́дуйся, ме́ртвую рабу́ Твою́ воскреси́вшая.
Ра́дуйся, ковче́же жи́зни на́шея, от пото́па сме́ртнаго нас сохраня́яй;
ра́дуйся, ра́зуме пресве́тлый, жи́зни ве́чныя позна́ние нам да́руяй.
Ра́дуйся, ико́ною Твое́ю исто́чники чуде́с ве́лиих нам явля́ющая;
ра́дуйся, тьму лю́тых обстоя́ний от почита́ющих ю́ отгоня́ющая.
Ра́дуйся, зна́меньми непостижи́мыми моля́щихся Ти ободря́ющая;
ра́дуйся, ма́терними щедро́тами всех прибега́ющих к Тебе́ посеща́ющая.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 6
Пропове́дницы благосты́ни Твоея́ яви́шася вси, притека́ющии к цельбоно́сней ико́не Твое́й, Влады́чице. Не отри́нула бо еси́ никого́же, в те́плей моли́тве ру́це свои́ к ней простира́юща, да позна́вшии си́лу да́ра чуде́снаго Бо́гу благода́рственную песнь возопию́т: Аллилу́ия.
И́кос 6
Возсия́вшая луча́ светоза́рная яви́ся всечестна́я оби́тель Жиро́вицкая, под кро́вом святы́ни Твоея́, Богома́ти, воздви́гнутая и путь жития́ благонра́внаго озаря́ющая. Сей бо дом по́двигов и́ноческих и учи́лище боже́ственнаго разуме́ния освети́ зе́млю на́шу луча́ми и́стиннаго богове́дения, да вси Тебе́, о до́ме Прему́дрости седмисто́лпный, та́ко воспою́т в пе́снех достохва́льных:
Ра́дуйся, заре́ Со́лнца незаходи́маго;
ра́дуйся, Богороди́тельнице Све́та непостижи́маго.
Ра́дуйся, ле́ствице, к Небеси́ возводя́щая;
ра́дуйся, нему́дрых ра́зумом Боже́ственным умудря́ющая.
Ра́дуйся, учи́лищ благоче́стия в стране́ на́шей Насади́тельнице;
ра́дуйся, в позна́нии за́поведей Христо́вых прему́драя Руководи́тельнице.
Ра́дуйся, ду́ши ве́рных благода́тно насыща́ющая;
ра́дуйся, ве́рныя млеко́м прему́дрости пита́ющая.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 7
Хотя́ще возда́ти поклоне́ние ико́не Твое́й, мно́гими чудесы́ просия́вшей, посеща́ху оби́тель Жиро́вицкую не то́кмо худоро́днии, но и ца́рие зе́мстии, припа́дающе к пречи́стому Твоему́ о́бразу, Влады́чице, и, ча́юще от Тебе́ вели́кия и бога́тыя ми́лости, приноша́ху Ти песнь хвале́бную и Бо́гови воспева́ху: Аллилу́ия.
И́кос 7
Ди́вное вои́стину промышле́ние яви́ла еси́, Влады́чице, ве́рным Твои́м; егда́ бо оби́тель Жиро́вицкая ле́стию и наси́лием от Правосла́вия отто́ржена бысть, заступле́нием Твои́м па́ки возврати́ся лю́дем правосла́вным. Сего́ ра́ди вси пра́выя ве́ры покло́нницы притеко́ша к пречи́стому о́бразу Твоему́, и с весе́лием воспе́ша:
Ра́дуйся, в ско́рбных обстоя́ниих наде́жное прибе́жище;
ра́дуйся, и́щущим спасе́ния ти́хое приста́нище.
Ра́дуйся, со апо́столы ве́ры Христо́вы Насади́тельнице;
ра́дуйся, глубине́ сло́ва Бо́жия прему́драя Учи́тельнице.
Ра́дуйся, свети́льниче Трисо́лнечнаго Све́та, и́стиною нас озаря́яй;
ра́дуйся, сто́лпе о́гненный, путь пра́выя ве́ры нам показу́яй.
Ра́дуйся, от па́губных уче́ний на́ше охране́ние;
ра́дуйся, душевре́дных уче́ний посрамле́ние.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 8
Стра́нная и пресла́вная чудеса́ позна́ша о Тебе́, Богома́ти, ве́рнии Твои́, я́ко не то́кмо ико́ною Твое́ю благода́ть им явля́еши, но и вода́м исто́чника, на ме́сте явле́ния происте́кшаго, дар неду́ги исцеля́ти подае́ши, да вси, вели́кую и бога́тую ми́лость от Тебе́ восприи́мше, воспою́т хвале́бную песнь Бо́гови: Аллилу́ия.
И́кос 8
Вси, к покро́ву Твоему́ прибега́ющии, ско́рое услы́шание и те́плое заступле́ние обрета́ют: Ты бо, Богома́ти, ско́рби ма́терния при Кресте́ Сы́на Твоего́ восприи́мшая, ве́си тяготу́ скорбе́й на́ших. Те́мже к Тебе́, Ма́ти, в ско́рби искуше́нней, я́ко о́бщницы ско́рби и страда́ний Сы́на Твоего́, та́ко взыва́ем:
Ра́дуйся, ненаде́янных наде́яние;
ра́дуйся, ско́рбных утеше́ние.
Ра́дуйся, печа́ли на́ша утоля́ющая;
ра́дуйся, всему́ ми́ру ра́дость да́рующая.
Ра́дуйся, в беда́х су́щим ру́ку по́мощи ско́ро подаю́щая;
ра́дуйся, ма́тернюю любо́вь и милосе́рдие нам явля́ющая.
Ра́дуйся, пред Бо́гом на́ша Моли́твеннице и Засту́пнице;
ра́дуйся, в напа́стех превели́кая Защи́тнице.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 9
Вся А́нгельская во́инства Тебе́, Богома́ти, я́ко вы́шшую Небе́с и чи́стшую све́тлостей со́лнечных, ублажа́ют: Бо́га бо зачала́ еси́ пло́тию и Све́та све́тов родила́ еси́. Те́мже и мы, земноро́днии, я́ко честне́йшую Херуви́м и сла́внейшую без сравне́ния Серафи́м, велича́юще Тя, вопие́м о Тебе́ Бо́гови: Аллилу́ия.
И́кос 9
Вети́йство вся́кое земноро́дных не довле́ет к прославле́нию ико́ны, Тобо́ю явле́нныя, от нея́же, я́ко от приснотеку́щаго исто́чника, прибега́ющии оби́лие благ почерпа́ют. Те́мже, недоумева́юще восхвали́ти Тя по достоя́нию, яко первоисто́чник благ сих, со умиле́нием се́рдца взыва́ем си́це:
Ра́дуйся, Домострои́тельнице на́шего спасе́ния, житие́ на́ше до́бре устроя́ющая;
ра́дуйся, Путеводи́тельнице, к Небе́сному Оте́честву нас возводя́щая.
Ра́дуйся, благи́х вино́вная, гре́шники благ ве́чных не лиша́ющая;
ра́дуйся, Предста́тельнице на́ша пред Бо́гом, пра́ведный гнев Бо́жий на ми́лость претворя́ющая.
Ра́дуйся, су́етная ми́ра сего́ презира́ти нас науча́ющая;
ра́дуйся, к любви́ Боже́ственней нас привлека́ющая.
Ра́дуйся, от всех бед ско́рое избавле́ние;
ра́дуйся, отча́янных наде́жное спасе́ние.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 10
Спасти́ся хотя́щим нам и под кров Твой прибега́ющим, бу́ди, Пресвята́я Де́во, Помо́щница неоску́дная. Сохрани́ нас от бед и напа́стей, наипа́че же от паде́ния грехо́внаго и отча́яния, да, преуспева́юще в доброде́телех Христо́вых, с ра́достию о преди́внем Твое́м заступле́нии благода́рственно возопие́м: Аллилу́ия.
И́кос 10
Стена́ кре́пкая Це́ркви Правосла́вней была́ еси́, Пресвята́я Де́во, во дни тя́жких испыта́ний ея́; те́мже мо́лим Тя: заступи́, покры́й и соблюди́ ю́ во вся дни от враг злоко́зненных, возстаю́щих на ню́, да вси ра́достно о Тебе́ возопие́м:
Ра́дуйся, Це́ркве Христо́вы огражде́ние и Правосла́вия Побо́рнице;
ра́дуйся, я́ко заступле́нием Твои́м Це́рковь Христо́ва све́тло красу́ется.
Ра́дуйся, я́ко отсту́пницы ве́ры оте́ческия Тобо́ю вразумля́ются;
ра́дуйся, я́ко Тобо́ю ко́зни враго́в Правосла́вия посрамля́ются.
Ра́дуйся, я́ко вразумле́нием Твои́м и́стинная ве́ра в стране́ на́шей насажда́ется;
ра́дуйся, я́ко распыха́ющаяся на ню́ зло́ба вра́жия утиша́ется.
Ра́дуйся, тве́рдое Правосла́вия укрепле́ние;
ра́дуйся, ерети́чествующих посрамле́ние.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 11
Пе́ние сладча́йшее не довле́ет восхвали́ти по достоя́нию щедро́ты Твоя́, Пречи́стая, несть бо ра́зума, могу́ща позна́ти глубину́ милосе́рдия Твоего́, ниже́ сло́ва, досто́йно воспева́юща Тя. Оба́че, Блага́я су́щи, приими́ и на́ша убо́гая хвале́ния, да и мы, вели́чие Твое́ прославля́юще, воспое́м о Тебе́ песнь Бо́гу: Аллилу́ия.
И́кос 11
Светоза́рными луча́ми, пречи́стому о́бразу Твоему́ прису́щими, озари́, Влады́чице, путь жития́ на́шего приско́рбный, да вси от бед и лю́тых напа́стей Тобо́ю изба́вленнии, возмо́жем пра́во ходи́ти в зако́не Госпо́дни, благодаря́ще Тя и пою́ще си́це:
Ра́дуйся, чудесы́ Твои́ми, я́ко омофо́ром, нас покрыва́ющая;
ра́дуйся, безчи́сленныя щедро́ты всем подава́ющая.
Ра́дуйся, стра́сти на́ша и по́мыслы утиша́ющая;
ра́дуйся, боле́зни теле́сныя и душе́вныя исцеля́ющая.
Ра́дуйся, Твои́м хода́тайством от всех бед избавля́ющая;
ра́дуйся, от ско́рби и печа́ли ско́ро нас изыма́ющая.
Ра́дуйся, вдов заступле́ние и си́рых призре́ние;
ра́дуйся, ю́ных исправле́ние и ста́рцев утеше́ние.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 12
Благода́ть с Небесе́ от Бо́га испроси́ нам, Влады́чице, к пречи́стому о́бразу Твоему́ притека́ющим и Тебе́, Ма́терь Све́та, в пе́снех велича́ющим, да, осеня́еми покро́вом Твои́м, во вся́ком благоче́стии и чистоте́ поживе́м и Престо́лу Царя́ Сла́вы неосужде́нно предста́нем, пою́ще о Тебе́ хвале́бную песнь: Аллилу́ия.
И́кос 12
Пою́ще вели́чия Твоя́, Пресвята́я Де́во, восхваля́ем Тя вси и, я́ко тве́рдую Предста́тельницу спасе́ния на́шего, усе́рдно мо́лим: бу́ди нам во вся́ком де́ле бла́зе Помо́щница и услы́ши нас, уми́льно взыва́ющих Ти:
Ра́дуйся, пра́ваго пути́ ко Христу́ прему́драя Указа́тельнице;
ра́дуйся, чистоты́ и целому́дрия преди́вная Охрани́тельнице.
Ра́дуйся, а́лчущих и жа́ждущих пра́вды Пита́тельнице;
ра́дуйся, и́щущим предста́тельства Твоего́ неусы́пная Засту́пнице.
Ра́дуйся, изнемога́ющим поможе́ние;
ра́дуйся, всему́ ми́ру защище́ние.
Ра́дуйся, на всех путе́х жи́зни нас огражда́ющая;
ра́дуйся, при исхо́де на́шем от духо́в зло́бы защища́ющая.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 13
О Пресвята́я Влады́чице, Де́во Богоро́дице, А́нгельскими чи́нми на Небеси́ песносло́вимая, приими́ и от нас, недосто́йных раб Твои́х, сие́ ма́лое моле́ние, в похвалу́ Тебе́ приноси́мое, и, от паде́ний грехо́вных избавля́ющи, насле́дники ны Ца́рствия Небе́снаго соде́лай, да с Тобо́ю во ве́ки пое́м Бо́гу: Аллилу́ия.
[Се́й конда́к глаго́лется три́жды.] [Далее повторяем 1‑е икос и кондак:]
И́кос 1
Арха́нгел Гаврии́л, с Небесе́ по́сланный к Тебе́, Де́во Чи́стая, веща́ Ти: Ра́дуйся, Благода́тная, Госпо́дь с Тобо́ю! Мы же, благода́тию Бо́жиею чрез Тебе́ озаре́ннии, восхваля́ем Тя пе́сньми сицевы́ми:
Ра́дуйся, пре́жде веко́в Сове́том Бо́жиим предызбра́нная;
ра́дуйся, А́гнице, А́гнца Бо́жия ро́ждшая.
Ра́дуйся, сокро́вищнице спасе́ния на́шего, превы́шшая сил А́нгельских;
ра́дуйся, Отрокови́це пренепоро́чная и Ма́ти Све́та.
Ра́дуйся, горо́ несеко́мая, исто́чник воды́ живы́я источи́вшая;
ра́дуйся, раю́ цветоно́сный, Боже́ственное Дре́во жи́зни произрасти́вшая.
Ра́дуйся, богообра́дованная Ма́ти, ра́дость Не́бу и земли́ ро́ждшая;
ра́дуйся, си́лою Всевы́шняго осене́нная, Боже́ственный Клас прозя́бшая.
Ра́дуйся, премилосе́рдая Влады́чице, предста́тельство на́ше и всера́достное заступле́ние.
Конда́к 1
Избра́нней от всех родо́в Цари́це и Влады́чице/ похва́льныя пе́сни принесе́м, яќо Хода́таице и Засту́пнице ро́да христиа́нскаго,/ Ты же, яко блага́я Предста́тельница пред Го́сподем,/ умоли́ Сы́на Твоего́ и Бо́га на́шего/ дарова́ти нам насле́дие благ ве́чных,/ да ра́дующеся о Тебе́ взыва́ем:// Ра́дуйся, премилосе́рдая Влады́чице, предста́тельство на́ше и всера́достное заступле́ние.
Моли́тва
О премилосе́рдая Госпоже́, Де́во Богоро́дице! Ки́има устна́ма прикосну́ся ко святы́ни Твое́й или́ ки́ими словесы́ испове́м щедро́ты Твоя́, лю́дем явля́емыя; никто́же бо, притека́яй к Тебе́, отхо́дит тощ и не услы́шан. От ю́ности моея́ взыска́х по́мощи и заступле́ния Твоего́ и николи́же лише́н бых милосе́рдия Твоего́. Зри́ши, Госпоже́, ско́рби се́рдца моего́ и я́звы души́ моея́ ве́си. И ны́не коленопреклоне́нно предстоя́ пред пречи́стым Твои́м о́бразом, моле́ния моя́ приношу́ Ти. Не лиши́ мя всеси́льнаго хода́тайства Твоего́ в день ско́рби моея́, и в день печа́ли моея́ заступи́ мя. То́ка слез мои́х не отврати́ся, Влады́чице, и ра́дости мое́ се́рдце испо́лни. Прибе́жище и предста́тельство бу́ди мне, Ми́лостивая, и све́та Твоего́ заря́ми ум мой просвети́. И не то́кмо о себе́ молю́ Тя, но и о лю́дех, притека́ющих к заступле́нию Твоему́. Це́рковь Сы́на Твоего́ во бла́гости соблюди́, и огради́ ю́ от злоко́зненных наве́тов враг, возстаю́щих на ню́. Архипа́стырем на́шим посли́ по́мощь Твою́ во апо́стольстве и сохрани́ их здра́вы, долгоде́нствующа, пра́во пра́вяща сло́во и́стины Госпо́дни. Па́стырем испроси́ у Бо́га Сы́на Твоего́ ре́вность и бде́ние о душа́х вруче́ннаго им ста́да слове́снаго, дух ра́зума и благоче́стия, чистоты́ и пра́вды боже́ственныя им низпосли́. Испроси́ та́кожде, Влады́чице, у Го́спода власте́м предержа́щим и градоправи́телем му́дрость и си́лу, судия́м пра́вду и нелицеприя́тие, всем же притека́ющим к Тебе́ дух целому́дрия, смиренному́дрия, терпе́ния и любве́. Еще́ же молю́ Тя, Премилосе́рдая, осени́ страну́ на́шу кро́вом Твоея́ благосты́ни и изба́ви ю́ от бе́дствий стихи́йных, наше́ствия иноплеме́нников и междоу́собных нестрое́ний, да вси живу́щии в ней, в любви́ и ми́ре пребыва́юще, ти́хое и безмяте́жное житие́ поживу́т и, благ ве́чных моли́твами Твои́ми сподо́бившеся, возмо́гут ку́пно с Тобо́ю и все́ми святы́ми восхваля́ти Бо́га на Небеси́ во ве́ки. Ами́нь.
И́на моли́тва
О всепе́тая и преблагослове́нная Де́во, Ма́ти Христа́ Бо́га на́шего, приими́ моле́ния нас, Тебе́ прославля́ющих, Тебе́ благодаре́ния принося́щих и почита́ющих честну́ю ико́ну сию́, от лет дре́вних в ве́си Жиро́вицтей явле́нную. Не таи́м благодея́ния Твоя́, Богоро́дице, и па́ки испове́дуем, я́ко сия́ ико́на Твое́ю благода́тною си́лою всем, с ве́рою приходя́щим к ней, источа́ет неоску́дныя ми́лости: просвеща́ет сердца́ благоче́стием, укрепля́ет си́лы осла́бленныя и исцеля́ет не́мощи душе́вныя и теле́сныя. О всепе́тая Цари́це Небе́сная, приими́ благода́рственное пе́ние и никогда́же лиши́ нас Твоего́ Небе́снаго покро́ва и заступле́ния: вся бо мо́жет моли́тва Ма́тере к Милосе́рдному Боже́ственному Сы́ну, о сем бо вели́ком заступле́нии возвеща́ет нам сия́ ма́лая ико́на, я́ко безце́нное сокро́вище, на сем ме́сте обре́тенное. Благода́тная Ма́ти Бо́жия, Ты и во огни́ о́браз сей сохра́ньшая, па́ки да́руеши его́ в зало́г Твоея́ бли́зости к нам и всегда́шняго заступле́ния. О Пречи́стая Влады́чице, умягчи́ сердца́ на́ша, окамене́нная грехо́м, да, ожи́вше благода́тными Твои́ми моли́твами, испо́лним Боже́ственныя за́поведи Сы́на Твоего́, Го́спода на́шего Иису́са Христа́, и та́ко дости́гнем несконча́емаго дне Ца́рствия Бо́жия, в не́же и зва́ни есмы́ со все́ми святы́ми. Ами́нь.
Кондaкъ №
И#збрaннэй t всёхъ родHвъ цRи1цэ и3 бцdэ похвaльныz пёсни принесeмъ, ћкw ходaтаицэ и3 застyпницэ р0да хrтіaнскагw. Ты2 же, ћкw бlгaz, предстaтельница пред8 гDомъ ўмоли2 сн7а твоегw2 и3 бGа нaшегw, даровaти нaмъ наслёдіе бlгъ вёчныхъ, да рaдующесz њ тебЁ взывaемъ:
Рaдуйсz, премлcрднаz бцdе, предстaтельство нaше и3 всерaдостное заступлeніе.
Јкосъ №
ҐрхaгGлъ гавріи1лъ, съ нб7съ послaнный къ тебЁ, дв7о чcтаz вэщA ти2: Рaдуйсz, бlагодaтнаz гDь съ тоб0ю. Мh же бlгадaтію б9іею чрез8 тебЁ њзарeнніи, восхвaлимъ тS пёсньми сицевы6ми:
Рaдуйсz, пред8избрaннаz прeждэ вэкHвъ совётомъ б9іимъ. Рaдуйсz, ѓгнице, роди1вшаz ѓгнца б9іz, взeмлющагw грэхи2 мjра. Рaдуйсz, сокр0вищнице сп7сeніz нaшего, превhсшаz си1лъ ѓгGльскихъ. Рaдуйсz, nтрокови1це пренепор0чнаz и3 м™рь свёта. Рaдуйсz, горо2 несэк0маz, и3ст0чникъ воды2 живhz и3сточи1вшаz. Рaдуйсz, рaю цвэтон0сный, бжcтвенное дрeво жи1зни произрасти1вшаz. Рaдуйсz, бGоwбрaдованнаz м™и, рaдость нб7у и3 земли2 роди1вшаz. Рaдуйсz, си1лою всевhшнzгw њсэнeннаz, бжcтвенный клaсъ, спcтлz мjру, прозsбшаz.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ в7
Ви1дz вёрныz ч†да твоS въ бэдaхъ житeйскихъ ўнывaющіz и3 п0мощи нбcныz t тебЁ трeбующіz, ты2, бGом™и, надeждо хrтіaнwмъ, чудeснымъ kвлeніемъ на дрeвэ с™hz твоеS їкHны насє1льникwмъ вeси жирови1цкіz, и3сп0лнила є3си2 рaдостію и3 весeліемъ ск0рбныz сeрдца и5хъ, да вси2 бlгодaрственнw вопію1тъ въ тебЁ бGу: Ґллилyіа.
Јкосъ в7
Рaзумомъ не ўразумeвъ тaйны чудeснагw kвлeніz на дрeвэ їкHны твоеS, пречcтаz бцdе, скры2 боsринъ солтaнъ въ ковчeгэ kвлeнный тоб0ю пречcтный џбразъ тв0й. Тh же, дв7о бGор0дице, сугyбымъ kвлeніемъ на т0мъ же дрeвэ їкHны сеS вразуми1ла є3си2 є3гw2, да вси2 познaютъ дaръ млcрдіz лю1демъ тоб0ю ниспосылaемый, и3 въ весeліи возопію1тъ:
Рaдуйсz, клaдезю неисчерпaемыz рaдости. Рaдуйсz, цвёте бlгоухaнный неизречeнный слaдости. Рaдуйсz, ѓки дрeвомъ жи1зни, вёрныz дух0внw ўслаждaющаz. Рaдуйсz, богaтство невес0мое всёмъ чтyщимъ ю5 подавaющаz. Рaдуйсz, бlгодaти твоеS и3 млcти заблyждшихъ не лишaющаz: Рaдуйсz, покр0вомъ твои1мъ всёхъ притекaющихъ къ їкHнэ твоeй њсэнsющаz. Рaдуйсz, глaсу молeніz всёхъ скорбsщихъ послyшнаz. Рaдуйсz, м™и млcрдіz, неwскyднаz.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ G
Си1лою вразумлeніz њ kвлeніи чудотв0рныz їкHны твоеS просвэщeнный, познA боsринъ солтaнъ, ћкw їкHна сіS во ўтэшeніе стрaждущимъ тоб0ю свhше ниспослaна бhсть, и3, слeзнw молsсz њ неразyміи своeмъ, воздви1же хрaмъ на мёстэ kвлeніz є3S, да вси2 лю1діе, мlтвы въ нeмъ бGу возносS, воздаю1тъ непрестaнную њ тебЁ хвалY: Ґллилyіа.
Јкосъ G
И#мyщи богaтство млcрдіz неизречeнное, не tри1нула є3си2 промышлeніемъ и3збрaнныхъ твои1хъ, въ ск0рби вели1цэй сyщихъ. Е#гдA бо хрaмъ, и3дёже бЁ їкHны твоS пречcтнаz, nгню2 предадeсz, ты2, всебlгaz, ўтёшительнице, сохрaнши ю5 t nгнS невреждeнною, пaки kви1ла на кaмени бли1зъ хрaма, nгнeмъ сожжeннагw. Лю1діе же, ўзрёши таков0е чyдо, воспёша ти2 хвалeбную пёснь сицев{ю:
Рaдуйсz, купино2 неwпали1маz, неwпaльнw во џгни пречтcнhй тв0й џбразъ сохрaншаz. Рaдуйсz, ск0рбныz лю1ди твоS чудотв0рныz їкHны не лиши1вшаz. Рaдуйсz, кр0вомъ крылY твоeю хrтіaнъ покрывaющаz. Рaдуйсz, предстaтельствомъ твои1мъ с™hни твоS њхранsющаz. Рaдуйсz, на кaмени пречтcнhй тв0й џбразъ пaки kви1вшаz. Рaдуйсz, вразумлeніемъ твои1мъ на кaмени вёры стопы2 нaша ўтвэрди1вшаz. Рaдуйсz, ћкw стёну неруши1мую нaшегw прибёжища тебЁ стzжaхомъ. Рaдуйсz, ћкw бlгом0щную покрови1тельницу тS познaхомъ.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ д7
Бyрею страстeй и3 и3скушeній њдержи1міи вёрніи твои2, молsшесz пред8 чудотв1орною їкHною твоeю, пок0й и3 душeвную рaдость њбрэтaютъ. Ты2 бо, дв7о чcтаz, хrтіaнъ путеводи1тельница, прaвому пути2 и5хъ наставлsвши и3 смhслъ бытіS земнaгw познaти пос0бствуеши, да вси2 бGокрaсною пёснію восхвалsютъ бGа, пою1ще є3мY: Ґллилyіа.
Јкосъ д7
Слhшавшіе лю1діе, ћкw kвлeннаz тоб0ю їкHна дaромъ чудeсъ преизбhточествуетъ, съ вёрою и3 ўповaніемъ на млcрдіе твоE къ нeй притекaютъ и3 богaтствомъ щедрHтъ твои1хъ њбогати1вшесz, воспэвaютъ ти2 хвaлу таковyю:
Рaдуйсz, м™и млcрдіz, м0ре щедрHтъ хrтіaнwмъ и3зливaющаz. Рaдуйсz, рaдость всемY мjру приносsщаz. Рaдуйсz, сщ7eнное прибёжище вёрныхъ. Рaдуйсz, подaтельнице бlгъ вёчныхъ. Рaдуйсz, ўслади1тельнице г0рестей нaшихъ. Рaдуйсz, крёпкое востaніе всёхъ пaдшихъ. Рaдуйсz, и3знемогaющихъ застyпнице и3 ўкрёпленіе. Рaдуйсz, въ страдaніzхъ нaшихъ при1сное ўтэшeніе.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ є7
БGотeчнэй ѕвэздЁ, съ вост0ка возсіsвшей, под0бна бhла є3си2, прес™аz дв7о, є3гдA въ лучез†рнемъ сіsніи во џбразе жены2 красоты2 неизречeнныz kви1ласz є3си2 дётємъ, ўказyz мёстw kвлeніz пречтcнhz їкHны твоеS, чудeсно тоб0ю t nгнS сохранeнныz. Не лиши1ла є3си2 и3 мaлыхъ си1хъ твоеS бlгостhни, поучaz и5хъ њ вели1комъ млcрдіи твоeмъ, да, подражaюще дётємъ ї}левымъ, восклицaвшимъ хrтY: nсaнна, воспою1тъ њ тебЁ хвалY бGу. Ґллилyіа.
Јкосъ є7
Ви1дэвши стрaнное и3 преслaвное чудо їкHною твоeю kвлsемое, пречcтаz, є3гдA дэви1ца нёкаz и3ри1на, въ болёзни сyщаz, подви1гшисz на поклонeніе с™hнэ твоeй, на пути2 ўмре, и3 є3гдA и4нwцы начaта совэршaти чи1нъ погребeніz є3S пред8 їкHною твоeю, воскрeсе, вси2 лю1діи со трeпетомъ восклицaху:
Рaдуйсz, сл0во жи1зни пл0тію роди1вшаz. Рaдуйсz, мlтвами твои1ми мeртвую рабY твою2 воскреси1вшаz. Рaдуйсz, ковчeже жи1зни нaшеz, t пот0па смeртнагw нaсъ сохранsющаz. Рaдуйсz, рaзуме пресвётлый, слaдости жи1зни вёчныz познaніе нaмъ дaрующій. Рaдуйсz, їкHною твоeю и3ст0чники чудeсъ вели1кихъ нaмъ kвлsющаz. Рaдуйсz, тмY лю1тыхъ њбст0zній t почитaющихъ ю5 tгонsющаz. Рaдуйсz, знaменьми непостижи1мыми молsщихсz ти2 њбодрsющаz. Рaдуйсz, м™рними щедр0тами всёхъ прибэгaющихъ къ тебЁ посэщaющаz.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ ѕ7
Проповёдницы бlгостhни твоеS kви1вшасz вси2 притекaющіи къ цэльбон0снэй їкHнэ твоeй, бцdе. Не tри1нула бо є3си2 никаг0же и3з8 ни1хъ, въ тeплей мlтвэ рyцэ свои2 къ нeй простирaющихъ, да, познaвши си1лу дaра чудeснагw тоб0ю въ нeй kвлsемагw, возопію1тъ бGу бlгодaрственную пёснь: Ґллилyіа.
Јкосъ ѕ7
Возсіsвшимъ лучeмъ свэтозaрнымъ пyть житіS бlгонрaвственнагw њзaрzющимъ, kви1сz всечтcнаz њби1тель жирови1цкаz, под8 кр0вомъ с™hни твоеS, бGом™и, воздви1гнутаz. Сeй бо д0мъ п0двигwвъ и4ноческихъ, и3 ўчи1лище бжcтвеннагw разумeніz ю4ношамъ, њсвэти2 зeмлю лит0вскую лучaми и4стиннагw бGовёдэніz, да вси2 тебЁ, ўмA бжcтвеннагw насади1тельницу, тaкw воспою1тъ въ пёснzхъ достохвaльныхъ:
Рaдуйсz, бGороди1тельнице свёта непостижи1магw. Рaдуйсz, зарЁ с0лнца незаходи1магw. Рaдуйсz, лёствице, къ нб7си2 возводsщаz. Рaдуйсz, немyдрыхъ рaзумомъ бжcтвеннымъ ўмудрsющаz. Рaдуйсz, ўчи1лище бlгочeстіz въ странЁ нaшей насади1тельнице. Рaдуйсz, въ познaніи ўчeній хrт0выхъ премyдраz руководи1тельнице. Рaдуйсz, душъ вёрныхъ бlгодaтнw питaющаz. Рaдуйсz, вёрныz млек0мъ премyдрости насыщaющаz.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ з7
Хотsщи воздaти поклонeніе їкHнэ твоeй, мн0гими чудесы2 просіsвшей, посэщаху њби1тель жирови1цкую не т0кмw худор0дніи, но и3 цaріе земнjи, припaдающе къ пречcтому твоемY џбразу, бцdе, и3, чaюще t тебЁ вели1кіz и3 богaтыz ми1лости, приношaху ти2 пёснь хвалeбную и3 бGови воспэвaху: Ґллилyіа.
Јкосъ з7
Ди1вное вои1стину промышлeніе kви1ла є3си2. бцdе, вёрнымъ твои1мъ, є3гдA бо њби1тель жирови1цкаz лёстнw и3 наси1ліемъ t правослaвіz tгор0жена бhсть, заступлeніемъ твои1мъ пaки вдaдесz лю1дємъ правослaвнымъ. Сегw2 рaди вси2 прaвыz вёры покл0нницы, притекли2 къ пречcтому џбразу твоемY съ весeліемъ воспёша:
Рaдуйсz, въ ск0рбныхъ њбстоsніzхъ надeжное нaше прибёжище. Рaдуйсz, и4щущимъ сп7сeніz ти1хое пристaнище. Рaдуйсz, со ґпcтwлы вёры хrт0вы насади1тельнице. Рaдуйсz, глубины2 сл0ва б9іz премyдраz ўчи1тельнице. Рaдуйсz, свэти1льникъ трис0лнечнагw свёта, и4стиною нaсъ њзарsющій. Рaдуйсz, ст0лпе џгненный, пyть прaвыz вёры нaмъ показyющій. Рaдуйсz, t пaгубныхъ ўчeній нaше њхранeніе. Рaдуйсz, душеврeдныхъ ўчeній посрамлeніе.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ }
Стрaннаz и3 преслaвнаz чудесA познaша въ тебЁ, бGом™и, вёрніи твои2, ћкw не т0кмw їкHною твоeю бlгодaтнаz дaры и4мъ kвлsеши, но и3 в0дамъ и3ст0чника, на мёстэ kвлeніz твоеS їкHны проистeкшагw, дaръ недyги и3сцэлsти подаeши, да вси2, вели1кую и3 богaтую ми1лость, t тебЁ воспріи1мше, воспою1тъ хвалeбную пёснь бGови: Ґллилyіа.
Јкосъ }
Вси2 къ покр0ву твоемY прибэгaющіи, не tхо2дzтъ t тебЁ т0щи и3 не ўслhшаны: ты2 бо, бGом™и, ск0рби м™рніz при кrтЁ сн7а твоегw2 воспріsвшаz, вeси тzготY скорбeй нaшихъ. Тёмже къ тебЁ, м™и, въ ск0рби и3скушeнней, ћкw џбщницы ск0рби и3 страдaній сн7а твоегw2, тaкw взывaемъ:
Рaдуйсz, ненадezнныхъ надezніе. Рaдуйсz, ск0рбныхъ ўтэшeніе. Рaдуйсz, печaли нaша ўтолsщаz. Рaдуйсz, всемY мjру рaдость дарyющаz. Рaдуйсz, въ бэдaхъ сyщимъ рyку п0мощи ск0ро подавaющаz. Рaдуйсz, м™рнюю люб0вь и3 млcрдіе нaмъ kвлsющаz. Рaдуйсz, твои1ми моли1твами пред8 бGомъ нaша застyпница. Рaдуйсz, въ напaстэхъ превели1каz защи1тнице.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ f7
ВсS ѓгGльскаz в0инства тебЁ, бGом™и, ћкw вhсшую нб7съ и3 чcтую свётлостей с0лнечныхъ, величaетъ: бGа бо зачaла є3си2 пл0тію и3 свёта свётwвъ родилA є3си2. Тёмже и3 мы2, земнор0дніи, ћкw чтcнёйшую херув‡мъ и3 слaвнэйшую без8 сравнeніz сераф‡мъ, величaюще тS, воспои1мъ њ тебЁ бGови: Ґллилyіа.
Јкосъ f7
Вит‡йство вс‰кое земнор0дныхъ не довлёетъ къ прославлeнію їкHны тоб0ю ћвленныz, t неs же, ћкw t приснwтекyщегw и3ст0чника, притекaющіи nби1ліе бlгъ почерпaютъ. Тёмже, недоумевaюще восхвали1ти тS по достоsнію, ћкw первоист0чницу бlгъ си1хъ, со ўмилeніемъ сeрдца взывaемъ си1це:
Рaдуйсz, домострои1тельнице нaшегw сп7сеніz, житіE нaше земн0е д0бре ўстроsющаz. Рaдуйсz, путеводи1тельнице, къ нб7сному џтeчеству нaсъ возводsщаz. Рaдуйсz, бlги1хъ вин0внаz, бlгъ вёчныхъ грёшникwвъ не лишaющаz. Рaдуйсz, предстaтельнице нaша пред8 бGомъ, правeдный гнёвъ б9ій на ми1лость претворsющаz. Рaдуйсz, сyетнаz мjра сегw2 презирaти нaсъ научaющаz. Рaдуйсz, прозрёніемъ ўмA нaшегw къ любви2 бжcтвенней нaсъ привлекaющаz. Рaдуйсz, t всёхъ бёдъ ск0рое и3збавлeніе. Рaдуйсz, tчazнныхъ надeжное сп7сeніе.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ ‹
Сп7сти1сz хотsщимъ нaмъ, и3 под8 кр0въ тв0й прибэгaющимъ, бyди, прес™az дв7о, пом0щница неwскyднаz. Сохрани2 нaсъ t бёдъ и3 напaстей, наипaче же tчazніz и3 падeніz грэх0внагw, да приспэвaz въ добродётелэхъ хrт0выхъ, съ рaдостію њ преди1внемъ твоeмъ заступлeніи бlгодaрственнw вопіeмъ: Ґллилyіа.
Јкосъ ‹
Стэн0ю крёпкою цRкви правослaвней бhла є3си2, прес™az дв7о, во дни2 тsжкихъ и3спытaній є3S: тeмъ же м0лимъ тS: заступи2, покр0й и3 соблюди2 ю5 и3 во дни2 нaши лукaвы t врaгъ ѕлок0зненныхъ, возстаю1щихъ на ню2, да вси2 рaдостно њ тебЁ возопіeмъ:
Рaдуйсz, цRкве хrтовы њграждeніе и3 правослaвіz поб0рнице. Рaдуйсz, ћкw заступлeніемъ твои1мъ цRковь свётло красyетсz. Рaдуйсz, ћкw tстyпницы вёры праoтeческіz тоб0ю вразумлsютсz: Рaдуйсz, ћкw тоб0ю к0зни врагHвъ правослaвіz посрамлsютсz. Рaдуйсz, ћкw вразумлeніемъ твои1мъ и4стиннаz вёра въ странЁ нaшей насаждaетсz. Рaдуйсz, ћкw пhшущаz на ню2 ѕл0ба врaжіz ўтишaетсz. Рaдуйсz, твёрдое правослaвіz ўкрэплeніе. Рaдуйсz, є3рети1чествующихъ посрамлeніе.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ №i
Пёніе всsкое не довлёетъ восхвали1ти по достоsнію щедрHты твоS, пречcтаz, лю1демъ тоб0ю kвлeнныz. Нёсть бо рaзума, м0гуща познaти глубинY млcрдіz твоегw2, ни сл0ва, во є4же дост0йно воспёти тS. Nбaче, бlгaz сyщи, пріими2 и3 нaша ўб0гаz хвалeніz, да и3 мы2, вели1чіе твоE прославлsюще, воспоeмъ њ тебЁ пёснь бGу: Ґллилyіа.
Јкосъ №i
Свэтозaрнымъ лучeмъ п0мощи бlгодaтныz, пречcтому џбразу твоемY присyщаz њзари2, бцdе, пyть житіS нaшегw приск0рбный, да вси2 t бёдъ, ск0рбей и3 лю1тыхъ напaстей, тоб0ю и3збaвленніи, возм0жемъ прaво стоsти въ зак0нэ гDни, бlгодарsще тS и3 пою1ще сице:
Рaдуйсz, чудесы2, їкHною твоeю kвлsемыz, ћкw nмоф0ромъ нaсъ покрывaющаz. Рaдуйсz, безчи1сленныz щедрHты всёмъ подавaющаz. Рaдуйсz, стрaсти нaша и3 п0мыслы пл0тскіz ўтишaющаz. Рaдуйсz, всsкіz болёзни нaша тэлeсныz и3 душeвныz и3сцэлsющаz. Рaдуйсz, твои1мъ ходaтайствомъ t всёхъ бёдъ и3збавлsющаz. Рaдуйсz, въ ск0рбэхъ и3 печaлэхъ ск0ро нaсъ ўтэшaющаz. Рaдуйсz, вд0въ заступлeніе и3 си1рыхъ призрёніе. Рaдуйсz, ю4ныхъ и3справлeніе и3 стaрцевъ ўтэшeніе.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ в7i
Бlагодaть съ нб7сE t бGа и3спроси2 нaмъ, бцdе, къ пречcтому џбразу твоемY притекaющимъ, и3 тебЁ, м™ерь свёта, въ пёснzхъ величaющимъ, да, њсэнsеми покр0вомъ твои1мъ, во всsкомъ бlгочeстіи и3 чcтотЁ поживeмъ и3 пrт0лу цRS слaвы неwсуждeннw предстaти спод0бимсz, пою1ще њ тебЁ хвалeбную пёснь: Ґллилyіа.
Јкосъ в7i
Пою1ще вели1чіz твоS, прес™az дв7о, восхвалsемъ тS вси2, и3, ћкw твёрдую предстaтельницу сп7сeніz нaшегw, ўсeрднw м0лимъ: бyди нaмъ всёмъ ко бlгу пом0щница и3 ўслhши ны2, ўми1льнw взывaющіz ти2:
Рaдуйсz, прaвагw пyти ко хrтY премyдраz ўказaтельнице. Рaдуйсz, чcтоты2 и3 цэломyдріz преди1внаz nхрани1тельнице. Рaдуйсz, ѓлчущихъ и3 жaждущихъ прaвды питaтельнице. Рaдуйсz, и4щущимъ предстaтельства твоегw2 неусhпнаz застyпнице. Рaдуйсz, и3знемогaющимъ поможeніе. Рaдуйсz, всемY мjру защищeніе. Рaдуйсz, путеводи1тельнице нaша, на всёхъ путёхъ жи1зни нaсъ њграждaющаz. Рaдуйсz, и3 по смeрти на воздyшныхъ мытaрствахъ t дyхwвъ ѕл0бы нaсъ защищaющаz.
Рaдуйсz, премлcрднаz бцdе, предстaтельство нaше и3 всерaдостное заступлeніе.
Кондaкъ Gi
Q, прес™az вLце, дв7о бцdе, ѓгGльскими чи1нми на нб7си пэсносл0вимаz, пріими2 и3 t нaсъ, нед0стойныхъ рaбъ твои1хъ, сіE молeніе, въ похвалY ти2 приноси1мое, и3 t падeній грэхHвныхъ нaсъ и3збавлsющи, наслёдниками цrтвіz нбcнагw содeлай, да съ тоб0ю во вёки поёмъ бGу: Ґллилyіа, Ґллилyіа, Ґллилyіа.
Сeй кондaкъ чтeтсz три1жды.
И# пaки јкосъ №-и3: ҐрхaгGлъ гавріи1лъ:
И# кондaкъ №-и3: И#збрaннэй t всёхъ родHвъ:
Мlтва
Q премлcрднаz гпcже, дв7о бцdе. Кjима ўстнaма прикоснyсz ко с™hни твоeй, и4ли кjими словесы2 и3сповёмъ щедрHты твоS, лю1демъ kвлsемыz: никт0же бо, притекazй къ тебЁ, tх0дитъ т0щъ и3 не ўслhшанъ. T ю4ности моеS взыскaхъ п0мощи и3 заступлeніz твоегw2, и3 николи1же лишeнъ бhхъ млcрдіz твоегw2. Зри1ши, гпcже, ск0рби сeрдца моегw2 и3 ћзвы души2 моеS вёси. И# нhнэ, коленwпреклонeннw предстоS пред8 пречcтымъ твои1мъ џбразомъ, молeніz моS приношY ти2. Не лиши2 мS всеси1льнагw ходaтайства твоегw2 въ дeнь ск0рби моеS, и3 въ дeнь печaли моеS заступи2 мS. Т0ка слeзъ мои1хъ не tврати2, бцdе, и3 рaдости моE сeрдце и3сп0лни. Прибёжище и3 предстaтельство бyди мнЁ, ми1лостиваz, и3 свёта твоегw2 зар‰ми ќмъ м0й просвэти2. И# не т0кмw њ себЁ молю2 тS, но и3 њ лю6дэхъ, притекaющихъ къ заступлeнію твоемY. ЦRковь сн7а твоегw2 во бlгости соблюди2, и3 њгради2 ю5 t ѕлок0зненныхъ навётwвъ врaгъ, возстаю1щихъ на ню2. Ґрхіпaстырємъ нaшимъ посли2 п0мощь твою2 во ґпcтольствэ, и3 сохрани2 и5хъ здрaвы, долгодeнствующи, прaво правsщи сл0во и4стины гDни. Пaстырємъ и3спроси2 ў бGа сн7а твоегw2 рeвность и3 бдёніе њ дyшахъ вручeннагw и5мъ стaда словeснагw, и3 дyхъ рaзума и3 бlгочeстіz, чcтоты2 и3 прaвды бжcтвенныz и5мъ ниспосли2. И#спроси2 тaкожде, бцdе, ў гDа властёмъ предержaщимъ и3 градоправи1телэмъ мyдрость и3 си1лу, судіsмъ прaвду и3 нелицепріsтіе, всёмъ же притекaющимъ къ тебЁ дyхъ цэломyдріz, смиреннwмyдріz, терпёніz и3 любвЁ. Е#щE же молю2 тS, премлcрднаz, њсэни2 странY нaшу кр0вомъ твоеS бlгостыни, и3 и3збaви ю5 t бёдствій стихjйныхъ, нaшествіz и3ноплемeнникwвъ и3 междоус0бныхъ нестроeній, да вси2, живyщіи въ нeй, въ любвЁ и3 мjрэ пребывaюще, ти1хое и3 безмzтeжное житіE поживyтъ, и3 бlгъ вёчныхъ моли1твами твои1ми ўнаслёдивше, возм0гутъ кyпнw съ тоб0ю восхвалsти бGа на нб7си во вёки. Ґми1нь.
Очікується текст
