Последование церковнаго псалмопения же и сочинения всего лета, начинающееся от месяца септемвриа, до месяца августа.

1. 🕂 Начало индикта, сиречь новаго лета. И память преподобнаго отца нашего Симеона столпника, и архимандрита: И матере его Марфы: И Собор Пресвятыя Богородицы, иже в Миасинех: И святаго мученика Аифала: И святых мучениц четыредесяти жен: И святаго Аммуна диакона, и учителя их: И святых мученик, Каллисты, Евода и Ермогена, самобратных: И память праведнаго Иисусуса сына Навина.

Вечер, во светильничное, стихологисуем: Блажен муж, 1 антифон. Аще же в субботу вечера, стихологисуем всю кафисму. На Господи воззвах, поставим стихов 10: И поем стихиры индикта, 3: Глас 1. Подобен: Небесных чинов: Самословнаго и божественнаго: И преподобнаго 3: Глас 5. Подобен: Преподобне отче: Ины стихиры самогласны 4, глас 2: От корене благаго: Слава, глас 6: Божественная благодать: И ныне, индикта, глас тойже: Иже со духом святым: И бывает вход. Прокимен дне. И чтения 3: 1-е, Пророчества Исаиина: Дух Господень на мне: 2, Левит: Глагола Господь сыном израилевым: 3, святаго, Премудрости Соломони: Праведник аще постигнет: Посем ектениа. Таже, Сподоби Господи в вечер сей: И паки ектениа, Исполним вечернюю молитву: И возглас. Таже поем, На стиховне, стихиры индикта, глас 1, самогласны: Наста вход лета: с припевы. Припев 1, Тебе подобает песнь, Боже, в сионе: 2, Исполнимся во благих: 3, Благословиши венец лета: Слава, святаго, глас 5: Преподобне отче: И ныне, индикта, глас тойже: Ты царю сый: Таже, Ныне отпущаеши: Трисвятое, и Отче наш.

Тропарь индикта, глас 2: Всея твари содетелю, времена и лета во своей власти положивый, благослови венец лета благости твоея Господи, сохраняя в мире град твой, молитвами Богородицы, и спаси ны.

Слава, преподобнаго, глас 1: Терпения столп был еси, ревновавый праотцем преподобне: Иову во страстех, Иосифу во искушениих, и безплотных жительству, сый в телеси, Симеоне отче наш, моли Христа Бога, спастися душам нашим.

И ныне, Богородицы, глас тойже: Радуйся обрадованная Богородице Дево, пристанище и предстательство рода человеческаго, из тебе бо воплотися Избавитель мира: едина бо еси Мати и Дева, присноблагословенная и препрославленная. моли Христа Бога, мир даровати всей вселенней.

Посем, иерей, Премудрость. Лик, Благослови. Иерей, Сый благословен: И лик, Утверди Боже: И прочая и отпуст. На утрени, на Бог Господь, Тропарь индикта, дважды. Слава, преподобнаго: И ныне, Богородицы: Радуйся обрадованная: И обычныя кафисмы. По 1-й кафисме, Седален индикта, глас 4. Подобен: Удивися Иосиф: Яко Владыце всех: Слава, преподобнаго, глас 8. Подобен: Премудрости и слова: Крест Господень взем мудре: И ныне, индикта, Яко Владыце всех: И чтение.

[Зри] От днесь начинается чести Метафраст Логофета Симеона, и Маргарит Златоустов, и толкования посланий святаго апостола Павла.

По 2-й кафисме седален преподобнаго, глас 8. Подобен, Премудрости: Воздержанием и труды: Слава, глас 4, подобен: Скоро предвари: Вошла еси в подвиг мучения: И ныне, Богородичен: Скоро приими, Владычице, мольбы наша: И чтение. Псалом 50. Таже поем каноны, 3: Индикта, глас 1, со ирмосом на 6. Кир Иоанна, ирмос по дважды: Тропари на 4, и святых жен на 4, глас 4: И преподобнаго Симеона на 4, глас 8. Катавасиа, Крест начертав: [И до отдания Воздвижения Честнаго Креста. По 3-й песни,

Кондак индикта, глас 2: В вышних живый Христе Царю, всех видимых и невидимых творче и зиждителю, иже дни и нощи, времена и лета сотворивый, благослови ныне венец лета, соблюди и сохрани в мире град, и люди твоя, Многомилостиве.

Таже седален индикта, глас 8. Подобен, Премудрости: Иже времена плодоносна: Другий седален преподобнаго, глас 8 подобен тойже: Земная вся оставив: Слава, святых жен, глас 1. Подобен: Гроб твой: Агницы словесныя: И ныне, Богородичен, Настави ны: По 6-й песни:

Кондак преподобнаго, глас 2: Вышних ищяй, вышним совокупляяйся, и колесницу огненную столп соделавый: тем собеседник ангелом был еси преподобне, с ними Христу Богу моляся непрестанно о всех нас.

И икос. И чтем пролог. По 9-й песни, Катавасиа: Таин еси Богородице рай: И другий, Снедию древа: Светилен, индикта: Подобен: Учеником: Боже богов и Господи: Слава, преподобнаго. Подобен: тойже: Якоже светило: И ныне, индикта. Подобен: тойже, Содетелю и правителю: На хвалитех стихиры индикта, на 4, самогласны, глас 3: Превечное слово: Слава, преподобнаго, глас 2: От корене благаго: И ныне, индикта, глас 8: Неизреченною мудростию: Славословие великое. По трисвятом тропарь индикта: Слава, святаго: И ныне, Радуйся обрадованная: Ектении: И отпуст. И час 1. На 1-м часе тропарь индикта: Слава, святаго: И ныне, Богородичен часов. По трисвятом кондак индикта, и святаго, глаголем пременяюще: и прочая, и совершенный отпуст. На литургии, блаженна от канона индикта, песнь 3-я на 4: И преподобнаго, песнь 6 на 4. По входе тропарь прежде индикта: И Богородицы: Радуйся обрадованная: И преподобнаго: Слава, кондак преподобнаго: И ныне, индикта. Аще же храм Богородицы, И ныне, храма Богородицы: индикта же кондак глаголи в начале. Прокимен индикта, глас 3: Велий Господь наш, и велия крепость его, и разума его несть числа. Стих: Хвалите Господа, яко благ псалом. И преподобнаго, глас 7: Честна пред Господем смерть преподобных его. Апостол к Тимофею, зачало 282: Чадо Тимофее, молю прежде: И преподобнаго к колоссаем, зачало 258: Братие, облецытеся убо: Аллилуиа, глас 4: Тебе по добает песнь, Боже, в Сионе. Стих: Благословиши венец лета благости твоея Господи. И преподобнаго: Блажен муж бояйся Господа, в заповедех его восхощет зело. Евангелие Луки, зачало 13: Во время оно, вниде Иисус в Назарет, идеже бе воспитан: И преподобнаго: Матфеа, зачало 43: Вся мне предана суть: Причастен: Благословиши венец лета благости твоея Господи. Другий: В память вечную: [Зри] Дневный же апостол и Евангелие вычитаем напреди.

[МРК] Подобает ведати. Аще случится первый день месяца септемвриа в неделю, оставляется служба святых жен, и поется егда екклисиарх разсудит. Поется же воскресна служба со возследованием индикта, и преподобнаго Симеона, сице: На малей вечерни, стихиры воскресны, и Богородицы по обычаю. Тропарь воскресн: Слава, и ныне, Богородичен. На велицей вечерни поем, Блажен муж: кафисму всю. На Господи воззвах, стихиры воскресны 3: и анатолиев един, и индикта 3, и святаго 3. Слава, индикта: И ныне, Богородичен гласа. И чтения индикта два: И святаго едино. На литии стихира храма, и индикта, стихиры стиховныя. Слава, святаго: И ныне, индикта, писан на хвалитех. На стиховне стихиры воскресны но алфавиту, с припевы их. Слава, святаго: И ныне, индикта. На благословении хлебов, Богородице Дево радуйся, дважды: и индикта, единожды. И чтение в посланиих апостольских. На утрени, на Бог Господь, тропарь воскресн, дважды: Слава, святаго: И ныне, индикта. По кафисме седальны воскресны с богородичны их. И чтение в толкованиих евангельских, еже на ряду. По непорочнах тропари и ипакои: И чтение. Степенны. и прокимен гласа, и Всякое дыхание: Евангелие воскресное. Воскресение Христово: псалом 50. Стихира воскресна. Канон воскресн, со ирмосом на 4. Богородицы на два: индикта на 4, и святаго на 4. Катавасиа: Крест начертав: По 3-й песни, кондак индикта, и святаго, и седален святаго, дважды. Слава, и ныне, индикта. И чтение жития святаго Симеона: По 6-й песни, кондак воскресн и икос. И чтем пролог. На 9-й песни поем, Честнейшую: Светилен воскресный. Слава, святаго: И ныне, индикта. На хвалитех стихиры воскресны 4: И индикта 3, глас 3. Превечное слово: с припевом индикта. Таже самогласен святаго, глас 2-й, с припевом: Честна пред Господем смерть преподобных его. От корене благаго: Слава, стихира евангельская. И ныне, Преблагословенна еси: Славословие великое. По трисвятом тропарь воскресн точию, ектении, и отпуст, и оглашение, и обычное исхождение: и час 1-й в притворе: и конечный отпуст. На часех глаголем тропарь воскресн: Слава, индикта: И ныне, Богородичен, часов. По Отче наш, кондак индикта. На 3-м часе тропарь воскресн: Слава, святаго: И ныне, Богородичен часов. По Отче наш, кондак святаго. Такожде и на прочих часех кондак воскресн, и индикта, и святаго, глаголем пременяюще. На литургии: блаженна воскресна гласа, на 4: И от канона индикта песнь 3-я на 4: И святаго песнь 6-я на 4. По входе тропарь воскресн, и индикта, и святаго. Кондак воскресн: Слава, святаго: И ныне, индикта. Прокимен, апостол, аллилуиа, и Евангелие, прежде индикта: воскресно же под зачало: Таже святаго. Причастен, индикта, потом святаго.

2. Святаго мученика Маманта: И преподобнаго отца нашего Иоанна постника, патриарха Царя града.

Вечер обычная кафисма: На Господи воззвах, стихиры мученика 3, глас 8. Подобен: О преславнаго чудесе! И преподобнаго 3, глас и подобен тойже: Слава, мученика, глас 2, самогласен: Нов сад: И ныне, Богородичен, в тойже глас. Аще среда, или пяток, И ныне, Крестобогородичен. На стиховне октоиха: Слава, мученика: глас 4, самогласен: Приидите согласно вернии: И ныне, Богородичен, или Крестобогородичен.

Тропарь мученика, глас 4: Мученк твой Господи, Мамант, во страдании своем венец прият нетленный от Тебе Бога нашего: имеяй бо крепость твою, мучителей низложи, сокруши и демонов немощныя дерзости: того молитвами спаси души наша.

Слава, тропарь преподобнаго, глас тойже: Правило веры и образ кротости, воздержания учителя яви тя стаду твоему, яже вещей истина: сего ради стяжал еси смирением высокая, нищетою богатая, отче Иоанне, моли Христа Бога спастися душам нашим.

И ныне, Богородичен, или Крестобогородичен. На утрени, на Бог Господь, тропарь мученика, дважды: Слава, преподобнаго: И ныне, Богородичен, или Крестобогородичен: и обычныя кафисмы: и седальны октоиха: И чтения. Канон октоиха един со ирмосом на 6: мученика на 4, глас 8, и преподобнаго на 4, глас тойже. По 3-й песни, седален мученика: глас 8. Слава, преподобнаго, глас 3: И ныне, Богородичен, или Крестобогородичен. По 6-й песни:

Кондак мученика, глас 3. Подобен: Дева днесь: Жезлом святе от Бога тебе данным люди твоя упаси на пажитех живоносных, звери же невидимыя и неукротимыя сокруши под ноги тя поющих, яко вси иже в бедах, предстателя тя тепла, Маманте, имут.

И икос. и чтем пролог. По 9-й песни, светилен октоиха: Слава, мученика: И ныне, Богородичен, или Крестобогородичен: На стиховне октоиха.

Припевы же поем во все лето. Припев 1-й: Исполнихомся заутра: весь до конца. 2-й: И буди светлость: и прочая, и час 1: и отпуст, и обычное исхождение в притвор: И бывает литиа о усопших. На часех, тропарь мученика: Слава, преподобнаго: И ныне, Богородичен часов. По трисвятом, кондак святых. На литургии, Блаженна октоиха. Прокимен, глас 7: Возвеселится праведник о Господе, и уповает на него. Стих: Услыши, Боже, глас мой: Апостол к римляном, зачало 99: Вемы, яко любящим Бога: Аллилуиа, глас 4: Праведник яко финикс процветет: Евангелие Иоанна, зачало 50: Аз есмь лоза истинная: Причастен: Радуйтеся:

3. Святаго священномученика Анфима, епископа Никомидийскаго: И преподобнаго отца нашего Феоктиста, спостника великаго Евфимиа.

Вечер обычная кафисма. На Господи воззвах, стихиры святых, на 6: Анфима, 3: глас 1. Подобен: Всехвальнии мученицы: И Феоктиста, 3: глас и подобен тойже. Слава, Анфима, глас 6. Самогласен: Священник законен: И ныне, Богородичен, или Крестобогородичен. На стиховне октоиха: Слава, преподобнаго, глас 6: Преподобне отче, во всю землю: И ныне, Богородичен, или Крестобогородичен.

Тропарь, глас 4: И нравом причастник, и престолом наместник апостолом быв, деяние обрел еси богодохновенне, в видения восход: сего ради слово истины исправляя, и веры ради пострадал еси даже до крове, священномучениче Анфиме, моли Христа Бога спастися душам нашим.

Слава, тропарь преподобнаго, глас 8: Слез твоих теченьми пустыни безплодное возделал еси, и иже из глубины воздыханьми, во сто трудов уплодоносил еси, и был еси светильник вселенней, сияя чудесы, Феоктисте отче наш, моли Христа Бога спастися душам нашим.

И ныне, Богородичен, или Крестобогородичен. На утрени, на Бог Господь, тропарь Анфима, дважды: Слава, преподобнаго: И ныне, Богородичен. И обычныя кафисмы: И седальны октоиха: И чтения. Канон октоиха един, со ирмосом на 6: И святым два: Анфима, глас 8: и преподобнаго, глас тойже. По 3-й песни, седален Анфима, глас 1: Слава, преподобнаго, глас 4: И ныне, Богородичен. И чтение. По 6-й песни,

Кондак Анфиму, глас 4. Подобен: Вознесыйся: Во священницех благочестно пожив, и мучения путь скончав, идольская угасил еси служения, поборник быв твоему стаду, богомудре. темже тя и почитаем ныне тайно вопиюще: от бед избави нас твоими молитвами, приснопамятне Анфиме.

И икос: И чтем пролог. По 9-й песни, Светилен октоиха. Слава, святаго. И ныне, Богородичен. На стиховне октоиха. Слава, самогласен, глас 4: Никомидийскому великограду: И ныне, Богородичен, или Крестобогородичен. На литургии, блаженна октоиха на 4: И Анфима песнь 3, на 4. Прокимен, глас 7: Честна пред Господем смерть преподобных его. Стих: Что воздам Господеви: Апостол ко евреем, зачало 334: Братие, поминайте наставники ваша: Аллилуиа, глас 2: Священницы твои: Стих: Блажен муж: Евангелие Иоанна, зачало 36: Рече Господь: Аз есмь дверь: Причастен: В память вечную:

4. Святаго священномученика Вавилы, епископа Великия Антиохии: И святаго пророка и Боговидца Моисеа.

На Господи воззвах, стихиры на 6. Вавилы, 3: глас 6. Подобен: Всю отложивше: И пророка, 3: глас 4. Подобен: Званный свыше: Слава, Вавилы, глас 6. Самогласен: Восходный степень: И ныне, Богородичен, или Крестобогородичен. На стиховне октоиха: Слава, святаго, глас 6: Судищу мучителеву: И ныне, Богородичен. Тропарь Вавилы, глас 4: И нравом причастник: Вчерашний.

Слава, тропарь пророка, глас 2: Пророка твоего Моисеа память, Господи, празднующе, тем тя молим, спаси души наша.

Или сей, глас тойже: На высоту добродетелей возшел еси, пророче Моисее: и сего ради сподобился еси видети славу Божию. скрижали благодатныя закона прият, и начертаний благодать в себе нося, и пророков был еси честная похвала, и благочестия великое таинство.

На утрени, на Бог Господь, тропарь Вавилы дважды. Слава, пророка: И ныне, Богородичен. И обычныя кафисмы.: И седальны октоиха: И чтение. Канон октоиха един, со ирмосом на 6: И святых два: Вавилы, глас 6: И пророка, глас 4. По 3-й песни,

Кондак пророка, глас 2: Лик пророческий с Моисеем и Аароном, веселием днесь веселится, яко конец пророчествия их на нас исполнися: днесь сияет Крест, имже нас спасл еси. тех молитвами Христе Боже помилуй нас.

И седален, Вавилы, глас 3. Слава, пророка, глас 4: И ныне, Богородичен. По 6-й песни,

Кондак Вавилы, глас 8. Подобен: Яко начатки: Яко благочестия проповедника, и страдальцев утверждение, церковь славит тя Вавило славне, освещаема днесь: но яко имея дерзновение ко Господу, в мире совершеннем, величающия и восхваляющия тя, сохранити Христу молися, о многострадальне.

И икос, и пролог. По 9-й песни, светилен октоиха: Слава, Вавилы: И ныне, Богородичен: На стиховне октоиха. На литургии прокимен, глас 4: Святым иже суть на земли его, удиви Господь вся хотения своя в них. Стих: Предзрех Господа: Апостол к евреем, зачало 330: Святии вси, верою: Аллилуиа, глас 4: Воззваша праведнии: Евангелие Луки, зачало 67: Не бойся малое стадо: Причастен, Радуйтеся:

5. 🕃 Святаго пророка Захарии, отца честнаго Иоанна Предтечи: И святыя праведныя Елисаветы.

Вечер, обычная кафисма. На Господи воззвах, стихиры на 6, глас 4. Подобен: Дал еси знамение: Масть имея: Слава, глас 8, самогласен: Священства законнаго: И ныне, Богородичен или Крестобогородичен. На стиховне октоиха: Слава, святаго, глас 2: Яко чист:

Тропарь, глас 4: Священства одеждею обложен премудре, по закону Божию всесожжения приятна священнолепно приносил еси Захарие, и был еси светильник и зритель тайных, знамения в тебе благодати нося явственно всемудре, и мечем убиен быв в храме Божии, Христов пророче, с Предтечею моли спастися душам нашим.

На утрени, на Бог Господь, тропарь пророка, дважды. Слава, и ныне, Богородичен. и обычныя кафисмы, и седальны октоиха, и чтения. Каноны октоиха оба без мученичнов: И святаго на 6: глас 8. По 3-й песни, седален святаго, глас 8, дважды. Слава, и ныне, Богородичен, или Крестобогородичен. По 6-й песни,

Кондак, глас 3. Подобен: Дева днесь: Пророк днесь и священник вышняго, Захариа предложи Предтечев родитель трапезу своея памяти, верныя питая: питие бо правды всем растворив, сего ради скончавается, яко Божественный таинник Божия благодати.

И икос: и пролог. По 9-й песни, светилен октоиха: Слава, святаго: И ныне, Богородичен. На стиховне октоиха, Слава, святаго, глас 8. Жертвы принося: На литургии, блаженна октоиха, на 4. И святаго, песнь 3-я на 4. Прокимен, глас 7: Возвеселится праведник о Господе: Стих: Услыши Боже глас мой. Апостол ко евреем, зачало 314. Аврааму обетовая Бог: Аллилуиа, глас 7: Свет возсия праведнику. Евангелие матфеа, зачало 96: Горе вам книжницы и фарисее лицемери: Причастен, В память вечную:

6. 🕃 Воспоминание бывшаго чудесе в Колоссаех, еже есть в Хонех, от архистратига Михаила: И святаго мученика Евдоксиа, и иже с ним: И преподобнаго отца нашего Архиппа.

Вечер, обычная кафисма: На Господи воззвах, стихиры архангела, на 6, глас 4. Подобен: Яко добля: Трисолнечнаго Божества: Слава, глас 6, самогласен: Срадуйтеся нам: И ныне, Богородичен: Срадуйтеся нам вся: На стиховне октоиха, Слава, и ныне, глас 8: Яко чиноначальник: Тропарь, глас 4: Небесных воинств архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняя нас припадающих прилежно, и вопиющих: от бед избави нас, яко чиноначальник вышних сил.

Слава, и ныне, Богородичен, или Крестобогородичен.

[Зри] Служба святаго Евдоксиа поется на повечерии.

На утрени, на Бог Господь, тропарь архангела, дважды. Слава, и ныне, Богородичен, или Крестобогородичен. И обычныя кафисмы, и седальны октоиха, и чтения. Оба канона октоиха, без мученичнов: И архангела, на 6, глас 4. По 3-й песни седален, глас 8. Слава, глас 1. По 6-й песни,

Кондак, глас 2: Архистратиже Божий, служителю Божественныя славы, ангелов начальниче, и человеков наставниче, полезное нам проси, и велию милость, яко безплотных архистратиг.

И икос. По 9-й песни, Светилен октоиха: Слава, архангела: И ныне, Богородичен. На хвалитех стихиры архангела, на 4, глас 1-й. Подобен: Небесных чинов: Ангельски в мире: Слава, глас тойже, самогласен: Чиноначальник вышних сил: И ныне, Богородичен, или Крестобогородичен: На стиховне, октоиха: Слава, архангела, глас 5: Идеже осеняет: И ныне, Богородичен. На литургии блаженна, архангела, песнь 3-я и 6-я. Прокимен, глас 4: Творяй ангелы своя духи, и слуги своя пламень огненный. Стих: Благослови душе моя Господа: Апостол ко евреем, зачало 305: Братие, аще глаголанное ангелы слово бысть: Аллилуиа, глас 5: Хвалите Господа вси ангели его, хвалите его вся силы его. Стих: Яко той рече, и быша: той повеле, и создашася. Евангелие Луки, зачало 51: Рече Господь, слушаяй вас: Причастен, Творяй ангелы своя духи:

7. 🕃 Предпразднство Рождества Пресвятыя Богородицы: И святаго мученика Созонта:

На Господи воззвах, стихиры предпразднства 3, глас 1-й. Подобен. Небесных чинов: Всемирныя миру радости: и мученика 3, глас 4. Подобен: Дал еси знамение: Слава, и ныне: предпразднства, глас 4: Всечестное твое рождество: Аще же в пяток вечера, Слава, предпразднства: И ныне, догматик гласа настоящаго. На стиховне стихиры, глас 8. Подобен: О преславнаго чудесе! О преславнаго чудесе, яко от нераждающия: с припевы, 1-й, Слыши дщи: 2-й, Лицу твоему: Слава, и ныне, предпразднства, глас 4: Всемирная радость: Тропарь мученика, глас 4: Мученк твой Господи: писан сего месяца во 2 день.

Слава, и ныне, предпразднства, глас тойже: От корене Иессеева, и от чресл Давидовых Богоотроковица Мариам раждается днесь нам: радостию бо радуются всяческая и обновляются. срадуйтеся купно небо и земля, восхвалите ю отечествия языков: Иоаким веселится, и Анна торжествует зовущи: неплоды раждает Богородицу, и питательницу жизни нашея.

На утрени, на Бог Господь, тропарь предпразднства дважды. Слава, мученика: И ныне, предпразднства. И обычныя кафисмы. По 1-й кафисме седален, глас 1, подобен: Камени: Рождшися преславно: Слава, и ныне, тойже. По 2-й кафисме седален, глас 5, подобен: Собезначальное: Небесная вся: Слава, и ныне, тойже: и чтение. Канон предпразднства, со ирмосом на 8, глас 4: И мученика на 4, глас тойже. По 3-й песни.

Кондак мученика, глас 2. Подобен: Твердыя: Истиннаго и Богомудраго мученика, страдальца благочестия искуснаго, сошедшеся днесь, велегласно восхвалим, Созонта таинника благодати, исцелений дателя богатейшаго: молит бо Христа Бога о всех нас.

И икос, и седален, глас 4. Подобен: Скоро предвари: Спаслся верою Созонте: Слава, и ныне, предпразднства, глас 8: Да радуется небо: По 6-й песни,

Кондак предпразднства, глас 3. Подобен: Дева днесь: Дева днесь и Богородица Мариа, чертог безконечный небеснаго Жениха, раждается от неплодове, Божиим советом: колесница Слова благоукрашается. на сие бо преднаречеся Божественная дверь, и Мати сущия жизни.

И икос. По 9-й песни, светилен мученика: Слава, и ныне, предпразднства. на стиховне стихиры, глас 2. Подобен: доме евфрафов: приидите, иже от адама: слава, и ныне, глас 2, самогласен: пронареченная всех царица: На литургии, блаженна, предпразднства, песнь 3, на 4: И святаго песнь 6, на 4. Прокимен, глас 7: Возвеселится праведник о Господе: Стих: Услыши, Боже, глас мой: Апостол к ефесеем, зачало 233: Возмогайте о Господе: Аллилуиа, глас 4: Воззваша праведнии: Стих: Многи скорби праведным: Евангелие Иоанна, зачало 52: Си заповедаю вам: Причастен: В память вечную:

🕃 И память иже во святых отца нашего Иоанна, архиепископа Новгородскаго, чудотворца.

Совершается собор его, идеже лежат мощи его, и идеже храм его.

Тропарь, глас 8: Днесь светло красуется славнейший великий Нов град, имея мощи твоя в себе, святителю Иоанне, яко солнечныя лучи испущающия, и подающия исцеления притекающим с верою к раце мощей твоих. молися Христу Богу, избавити град сей невредимь от варварскаго пленения, и междоусобныя брани, и огненнаго запаления, святителю Богомудре и чудоносче, небесный человече, и земный ангеле: да сошедшеся любовию в память твою, светло празднуем в песнех и пениих радующеся, и Христа славяще, тебе таковую благодать даровавшаго исцелений, и великому Нову граду заступление и утверждение.

Кондак, глас 4. Подобен: Вознесыйся: Возвеселися явленно честная церковь Христова, в память днесь приснословущаго святителя Иоанна, от великаго Нова града возсиявшаго, и всю страну удивившаго преславными чудодеянии, и всеми добродетельми украсившагося: и по преставлении бо честное тело его обретеся нетленно, истощающее велия чудеса. темже зовем ему: О всеблаженне, моли Христа Бога непрестанно о всех нас.

[МРК] Аще случится предпразднство Рождества Пресвятыя Богородицы, и святаго мученика Созонта, в неделю. В субботу на малей вечерни, стихиры воскресны, и Богородицы по обычаю. Тропарь воскресн: Слава, и ныне, Богородичен его. На велицей вечерни, по кафисме, на Господи воззвах, стихиры воскресны 3: и Анатолиев един. И предпразднства, 3, и мученика 3: Слава, предпразднства: И ныне, Богородичен настоящаго гласа. На литии стихира храма: Таже стихиры стиховны предпразднства вечерния. Слава, и ныне, предпразднства: писан на утрени на стиховне. На стиховне, стихиры воскресны. Слава, и ныне, предпразднства. На благословении хлебов тропарь: Богородице Дево: дважды, и предпразднства единожды. И чтение в посланиих апостольских. На утрени, на Бог Господь: тропарь воскресн дважды. Слава, мученика: И ныне, предпразднства. По кафисмах седальны воскресны, и богородичны их: И чтение во евангелии толковом: неделя пред Воздвижением. Посем непорочны: И ипакои: И чтение, неделя ряд. Степенны, и прокимен гласа: Всякое дыхание: и Евангелие воскресно: и Воскресение Христово: Таже канон воскресн, со ирмосом на 4: и Богородицы на два и предпразднства на 4: и мученика на 4. Катавасиа, Крест начертав: По 3-й песни, кондак и икос предпразднства, и мученика. Слава, седален мученика: И ныне, предпразднства. По 6-й песни, кондак и икос воскресн. И чтем пролог. На 9-й песни, поем Честнейшую: Светилен воскресн: Слава, мученика: И ныне предпразднства. На хвалитех, стихиры воскресны 4, и Анатолиев един един, и предпразднства, подобны 3 стиховныя с припевы их. Слава, стихира евангельская: И ныне, Преблагословенна еси: Славословие великое. Тропарь воскресн точию. Ектении: и отпуст: и оглашение. И обычное исхождение в притвор: И час 1-й. На 1-м часе тропарь воскресн: Слава, предпразднства: И ныне, Богородичен часов. По Отче наш: кондак предпразднства: И конечный отпуст. На 3-м часе тропарь воскресн: Слава, мученика: И ныне, Богородичен часов. По Отче наш, кондак воскресн. Такожде и на прочих часех, глаголем воскресн тропарь прежде: а предпразднства и мученика, пременяюще. Кондаки же воскресн и предпразднства, глаголем пременяюще. На литургии блаженна октоиха на 6, и с троичным и предпразднства песнь 3, на 4. По входе тропарь воскресн, и предпразднства: таже храма святаго, и мученика. Кондак воскресн, и храма святаго: Слава, мученика: И ныне, предпразднства. Прокимен, апостол, Аллилуиа и Евангелие, прежде недели пред Воздвижением: И ряд недели под зачало: таже святаго. Прокимен же гласа оставляется. Причастен: Хвалите Господа: и мученика. В память вечную:

8. 🕀 Рождество Пресвятыя Владычицы нашея Богородицы и Приснодевы Марии.

На малей вечерни, на Господи воззвах, стихиры на 4, глас 1-й. Подобен: Небесных чинов: Иоаким и Анна торжествуют: Слава, и ныне, глас 4: Всечестное твое рождество: На стиховне стихиры, глас 2. Подобен: Доме евфрафов: Радуйся Иоаким: с припевы: 1-й, Слыши дщи и виждь: 2-й, Лицу твоему помолятся: Слава, и ныне, подобен тойже: Храм Божий едина Богородица:

Тропарь, глас 4: Рождество твое, Богородице Дево, радость возвести всей вселенней: из тебе бо возсия солнце правды Христос Бог наш, и разрушив клятву, даде благословение: и упразднив смерть, дарова нам живот вечный.

На велицей вечерни, по предначинательном псалме, поем: Блажен муж: 1-й антифон. На Господи воззвах, стихиры на 8, глас 6. Самогласны: Днесь иже на разумных престолех: Слава, и ныне, 1-ю стихиру: Днесь иже на разумных: Вход. Прокимен дне, и чтения 3: 1-е, Бытия: Изыде Иаков: 2-е, Пророчества Иезекиилева: Тако глаголет Господь, будет от дне осмаго: 3-е, Притчей: Премудрость созда себе дом: Ектениа, Рцем вси: и Сподоби Господи в вечер сей: и Исполним вечернюю молитву нашу: На литии стихиры самогласны, глас 1: Начало нашего спасения: Слава, и ныне, глас 8: В благознаменитый день: На стиховне стихиры самогласны, глас 4: Всемирная радость: с припевы праздника, [писаны на малей вечерни]. Слава, и ныне, глас 8: Приидите вси вернии: Таже, Ныне отпущаеши: На благословении хлебов, отпустительный тропарь, глас 4: Рождество твое, Богородице Дево: трижды, писан на малей вечерни. Буди имя Господне: трижды, с пением: и псалом 33: Благословлю Господа на всякое время: до Не лишатся всякаго блага. И раздаются благословенныя хлебы по обычаю. Таже иерей глаголет: Благословение Господне на вас: и предложится чтение праздника: Слово Андреа Критскаго, емуже начало: Аще мерима есть земля пядию: [А идеже не бывает бдения, по Ныне отпущаеши: Тропарь, и отпуст. Полунощницу же поем по обычаю. На нейже вместо, Се жених: глаголем тропарь праздника. По 2-м трисвятом, глаголем кондак, и Господи помилуй, 12, и отпуст. молитвы же Помяни Господи, не глаголем. На утрени, по шестопсалмии, на Бог Господь: тропарь праздника, трижды. По 1-й кафисме седален праздника, глас 4. Подобен: Удивися Иосиф: Возопий Давиде: Слава: и ныне, тойже. И чтение праздника. По 2-й кафисме седален, глас и подобен тойже. И чтем слово святаго Иоанна Дамаскина, емуже начало: Приидите вси язы́цы: По чтении же даются свещи братии. Таже полиелей, и седален праздника, глас 8. Подобен: Повеленное: Да радуется небо: Слава, и ныне, глас тойже: Обновися Адаме: И чтем слово Григориа иеромонаха. Степенна, 1-й антифон 4-го гласа. Прокимен, глас тойже: Помяну имя твое во всяком роде и роде. Стих: Отрыгну сердце мое слово благо. Всякое дыхание: Стих: Хвалите Бога во святых его. Евангелие Луки, зачало 4: Во дни оны, воставши Мариам: Таже псалом 50. Слава, Молитвами Богородицы: И ныне, тойже. И посем, Помилуй мя Боже: И стихира праздника, глас 6: Сей день: Таже, Канона два: един кир Иоанна, глас 2: Другий кир Андреа, глас 8: Ирмосы обою канонов по дважды. Тропари же на 12. Катавасиа: Крест начертав: По 3-й песни, седален праздника: глас 4: Дева Мариа: Слава, и ныне, тойже. По 6-й песни,

Кондак, глас 4: Иоаким и Анна поношения безчадства, и Адам и Ева от тли смертныя свободистася, Пречистая, во святем рождестве твоем: то празднуют и людие твои, вины прегрешений избавльшеся, внегда звати ти: неплоды раждает Богородицу и питательницу жизни нашея.

И икос, и чтем пролог. На 9-й песни вжигают свещи братия. Честнейшую же не поем, но поем припевы праздника: Величай душе моя: И другий, Величай душе моя: На сходе, Катавасиа, Таин еси Богородице рай: И другий, Снедию древа: с припевы праздника. Ектениа малая. Светилен праздника, От неплодныя днесь: дважды. Слава, и ныне: Адаме обновися: На хвалитех стихиры на 4, глас 1. Подобен: О дивнаго чудесе: Слава, и ныне, глас 6: Сей день Господень: Славословие великое. По трисвятом тропарь праздника единожды. Ектении, и отпуст. Знаменаются же братия от иереа святым елеем. И поем стихиру самогласну праздника, юже хощет екклисиарх. И молитве глаголемей от иереа, якоже уставлено есть, на литии вечер воскресныя службы: Владыко многомилостиве: И час 1 в притворе. На 1-м часе тропарь праздника: И ныне, Богородичен часов. По трисвятом кондак праздника: И прочее все до конца. И совершенный отпуст. На литургии, блаженна от канона гласа 2-го, песнь 3-я, на 4: и 8-го песнь 6-я на 4. По входе, тропарь праздника: Слава и ныне, кондак. Прокимен, глас 3, песнь Богородицы: Величит душа моя Господа, и возрадовася дух мой о Бозе Спасе моем. Стих: Яко призре на смирение рабы своея: Апостол к филипписием, зачало 240: Сие да мудрствуется в вас: Аллилуиа, глас 8: Слыши дщи и виждь, и приклони ухо твое. Стих: Лицу твоему помолятся богатии людстии. Евангелие Луки, зачало 54: Вниде Иисус в весь некую: Вместо Достойна, поем ирмос: Чужде матерем: И до отдания, с припевом праздника. Сице поем во вся праздники Владычни и Богородицы. Причастен: Чашу спасения прииму: Бывает же на трапезе утешение братии, довольно же и духовно.

[Зри] Аще случится праздник сей в субботу пред Воздвижением: Апостол, и Евангелие, субботы пред Воздвижением, чти в 13-й день. Прокимен же, Аллилуиа, и причастен Обновления.

Подобает ведати. Яко кафисма не глаголется на вечерни, труда ради бденнаго.

Сице убо творим и на всяк праздник, егда бывает бдение.

По обычном псалме, на Господи воззвах, стихиры праздника: и стиховна праздника же. Празднуем же праздник сей 5 дней, за еже близ быти празднику Святаго Воздвижения Честнаго Креста.

[МРК] Аще ли случится Рождество Богородицы в неделю.

В субботу, на малей вечерни, на Господи воззвах, стихиры воскресны гласа, на 4: Слава, и ныне, праздника. На стиховне стихира воскресна едина: И праздника стиховна великия вечерни, с припевы праздника: Слава, и ныне, праздника. Тропарь воскресн. Слава, и ныне, праздника. Ектения малая. И отпуст. На велицей вечерни, по обычной кафисме, на Господи воззвах, стихиры воскресны 3: и Анатолиев един, и праздника 6. Слава, и ныне праздника. Вход, Прокимен дне: и чтения 3, праздника. На литии стихиры, и Слава, и ныне, праздника. На стиховне стихиры воскресны: Слава, и ныне, праздника. На благословении хлебов, тропарь праздника, трижды: и чтение в посланиих, или праздника. На утрени, на Бог Господь, тропарь воскресн дважды: Слава, и ныне, праздника. По обычных кафисмах седальны воскресны с богородичны их: и чтение во евангелии толковом, неделя пред Воздвижением. Таже полиелей: и тропари, Ангельский собор: и ипакои гласа. И седальны праздника оба по единожды: Слава, седален, иже по полиелеи: И ныне, другий: и чтение праздника. Степенна гласа: Прокимен и Евангелие праздника. Таже, Воскресение Христово: Псалом 50. И целование евангелиа по обычаю. Посем, Слава, Молитвами Богородицы: И ныне, тойже. Стихира праздника. Канон воскресн со ирмосом на 4. И Богородицы на два: И праздника оба канона, на 8. Катавасиа, Крест начертав: По 3-й песни, кондак и икос воскресн, и седален праздника, дважды. По 6-й песни, кондак и икос праздника: и чтем пролог. На 9-й песни, припевы не поем, но поем Честнейшую: Светилен воскресн: Слава, и ныне, праздника. На хвалитех стихиры воскресны 4, и праздника 4, с припевы праздника. Слава, праздника: И ныне, Преблагословенна еси: И славословие великое. и тропарь воскресн точию. И ектении: И отпуст. Дается же и елей от кандила праздника. Таже, Слава, и ныне, стихира евангельская: оглашение, и обычное исхождение: И час первый в притворе. На 1-м часе тропарь воскресн: Слава, праздника: И ныне, Богородичен часов. По Отче наш, кондак воскресн, и отпуст. Такожде и на прочих часех, тропарь воскресн: Слава, праздника: И ныне, Богородичен часов. Кондак праздника, и воскресн, глаголем пременяюще. На литургии, блаженна воскресна, гласа, на 6: И праздника песнь 3-я, на 4. По входе тропарь воскресн и праздника: Слава, кондак воскресн: И ныне, праздника. Прокимен, апостол, Аллилуиа, и Евангелие чтем прежде недели пред Воздвижением: Таже ряд: Посем Богородицы, А прокимен гласа оставляется. Причастен, Хвалите Господа с небес: И праздника, Чашу спасения прииму:

[МРК] Аще случится попразднство Рождества Пресвятыя Богородицы в неделю.

В субботу, на малей вечерни, стихиры воскресны, и Богородицы, по обычаю: На велицей вечерни, на Господи воззвах, стихиры воскресны 3: и Анатолиев един: И праздника того дне на ряду, 3, и минеи святаго 3. Аще ли поется святый на 6: или емуже и полиелей, и поем стихиры воскресны 3: и праздника 3: и святаго 4. Слава, святаго. Аще же ни: Слава, праздника: И ныне, Богородичен первый, гласа. Вход. Прокимен дне: и ектениа. На литии стихиры праздника. Стиховна вечерняя того дне. и святаго, аще полиелей. Слава, и ныне, праздника. Аще ли имать святый Славу, Слава святаго: И ныне, праздника. На стиховне стихиры воскресны: Слава, святаго. Аще ли ни: Слава, и ныне, праздника. На благословении хлебов, тропарь: Богородице Дево радуйся: дважды, и Праздника единожды. И чтение во апостольских посланиих. На утрени, тропарь воскресн дважды: Слава святаго: Аще ли ни, Слава, и ныне, праздника. По кафисмах седальны воскресны, с богородичны их: и чтение во евангелии толковом, неделя пред Воздвижением. Таже непорочны и тропари: Ангельский собор, и ипакои гласа, и чтение во евангелии толковом, неделя ряд. Степенна, и прокимен гласа. Евангелие воскресно. Воскресение Христово: и псалом 50, и прочее воскресно. Канон воскресн, со ирмосом на 4: и Богородицы на два: и праздника на 4: и святаго на 4. Аще полиелей: Канон воскресн со ирмосом на 4: и праздника на 4, и святаго на 6. Катавасиа, Крест начертав: По 3-й песни, кондак праздника и икос, и святаго аще имать, и седален его. Слава, и ныне, праздника. По 6-й песни, кондак и икос воскресн. На 9-й песни поем, Честнейшую: Светилен воскресн, Слава, святаго: Аще ли ни, Слава, и ныне, праздника. На хвалитех стихиры воскресны 4: и праздника 4, стиховна того дне со Славным, с припевы праздника. Аще имать святый стихиры на хвалитех: и поем стихиры воскресны 4, и святаго со Славным 4, с припевы его. Слава, стихира евангельская: И ныне, Преблагословенна еси: По славословии, тропарь воскресн точию, и ектении, и отпуст, и оглашение, и исхождение в притвор, и час 1-й. На 1-м часе тропарь воскресн: Слава, праздника: И ныне, Богородичен часов. По Отче наш, кондак праздника, и конечный отпуст. На 3-м часе тропарь воскресн: Слава, святаго. Аще ли ни, Слава, праздника. По трисвятом, кондак праздника, и воскресн глаголем пременяюще: аще ли полиелей, и святаго. На литургии, блаженна гласа на 6, и праздника от канона песнь рядовая, на 4. Аще ли имать святый песнь, и воскресна на 4: и праздника на 4, и святаго песнь 6-я на 4. По входе тропарь воскресн, и праздника, и храма святаго, или святыя, и святаго, аще есть. Таже кондак воскресн, и храма святаго, или святыя. Слава, святаго, аще есть. Аще ли ни. Слава, храма святаго: И ныне, праздника. Прокимен, апостол, Аллилуиа, и Евангелие, прежде недели пред Воздвижением: ряд же под зачало, потом святаго. Причастен: Хвалите Господа с небес: и святаго, аще есть, аще ли ни, праздника.

[Зри] Суббота пред воздвижением. На литургии, прокимен, глас 3: Пойте Богу нашему, пойте, пойте Цареви нашему, пойте. Стих: Вси язы́цы восплещите руками: Апостол к коринфяном, зачало 126: Братие, премудрость глаголем: Аллилуиа, глас 5: Милости твоя, Господи, во век воспою в род и род. Евангелие Матфеа, зачало 39: Рече Господь: иже любит отца или матерь: Апостол же и Евангелие субботы ряд под зачало. Таже святаго, аще имать. Причастен дне.

Подобает ведати: Аще случится отдание Рождества Богородицы в субботу пред Воздвижением: Прокимен, Аллилуиа, и причастен праздника. Апостол, и Евангелие прежде субботы пред Воздвижением. Таже праздника. А прокимен субботы пред Воздвижением оставляется.

[Зри] Неделя пред Воздвижением. На утрени чтем в толковании евангелиа от Иоанна: и дне ряд. На литургии, прокимен, глас 6: Спаси Господи люди твоя: Стих: К тебе Господи воззову: Апостол к галатом, зачало 215: Братие, видите колицеми книгами: Аллилуиа, глас 1: Вознесох избраннаго: Евангелие Иоанна, зачало 9: Рече Господь: никтоже взыде на небо: Таже ряд. Причастен дне.

9. 🕃 Святых и праведных Богоотец Иоакима и Анны: И святаго мученика Севириана.

На Господи воззвах, поем стихиры праздника 3, глас 1, подобен: Небесных чинов: Иоаким и Анна: и святых 3, глас 4, подобен: Дал еси знамение: Приидите ныне: Слава, и ныне, глас 5, самогласен: О блаженная двоице: Аще ли случится в пяток вечера: Слава, праздника: И ныне, Богородичен первый настоящаго гласа. На стиховне, стихиры праздника: глас 2, подобен: Егда от древа: Анна Богомудренная: с припевы. Слава, и ныне, праздника, глас 8, самогласен: Иже из неплодных ложесн.

Тропарь святых, глас 2: Праведных твоих Господи память празднующе, теми молим тя, спаси души наша.

Или сей, глас 1: Иже в законней благодати праведни бывше, младенеца Богоданнаго породиша нам, Иоаким и Анна. темже днесь светло торжествует, весело празднующи Божественная церковь честную вашу память, славящи Бога, воздвигшаго рог спасения нам в дому Давидове.

Слава, и ныне, праздника: Рождество твое:

Служба святаго Севириана поется на повечерии. По Достойне, и по трисвятом, кондак праздника: во все попразднство, и до отдания. На утрени, на Бог Господь, тропарь праздника, дважды: Слава, Богоотцев: И ныне, праздника. По кафисмах седальны праздника. Канон праздника 2-го гласа со ирмосом на 6: и святых глас тойже, на 6. По 3-й песни, кондак и икос праздника. И седален святых, глас 5: Слава, и ныне, тойже. По 6-й песни,

Кондак Богоотцев, глас 2. Подобен: Вышних ищя: Радуется ныне Анна, неплодства разрешившися соуз, и питает пречистую, созывающи вся воспети, даровавшаго от чрева ея человеком едину Матерь и неискусомужную.

И икос: и пролог. По 9-й песни, Светилен: подобен: Посетил ны: Яже Евы клятву: Слава, и ныне: Яко от солнца солнце: На стиховне стихиры праздника, глас 6. Подобен: Тридневен: с припевы их. Слава, и ныне, праздника, глас 2: Днесь всенепорочная чистая: и отпуст. На литургии, блаженна праздника, песнь 1-я 2-го гласа, на 4: и святых песнь 6-я, на 4. По входе тропарь праздника: и храма святаго: и святых: Слава, кондак святых: И ныне, праздника. Аще храм Христов, и глаголем тропарь, прежде храма Христова: и праздника Богородицы, и храма святаго: и святых. Таже кондак храма Христова, и святаго. Слава, кондак святых: И ныне, праздника. Сице по входе тропари и кондаки глаголем и в прочия дни. Прокимен праздника и до отдания: потом святых, глас 4: Дивен Бог во святых своих: Стих: В церквах благословите Бога Господа: Апостол к галатом, зачало 210, от полу: Братие, Авраам два сына име: Аллилуиа, глас 1: Спасение праведных от Господа: Евангелие Луки, зачало 36: Рече Господь: никтоже убо светильника вжег: Причастен праздника, и до отдания: и святых: Радуйтеся:

🕃 В тойже день преподобнаго отца нашего Иосифа Волоцкаго чудотворца.

Совершается собор его во обители его, и идеже храм его.

Тропарь, глас 5: Яко постников удобрение, и отцев красоту, милости подателя, разсуждения светильника, вси вернии сошедшеся восхвалим, кротости учителя, и ересей посрамителя, премудраго Иосифа: Российскую звезду, молящася Господу, помиловатися душам нашим.

Кондак, глас 8. Подобен: Взбранной: Жития треволнения, и мятеж мирский, и страстная взыграния в ничтоже вменив, пустынный гражданин показался еси, многих быв наставник Иосифе преподобне, монахов собратель, и молебник верен, чистоты рачитель, моли Христа Бога спастися душам нашим.

В тойже день обретение и пренесение честных мощей иже во святых отца нашего Феодосиа архиепископа Черниговскаго.

Тропарь, глас 4: Преудобрен во архиереех, святителю Феодосие, был еси светило своему стаду, таже преставился еси в вечныя обители. умоли у престола Царя славы, избавитися нам от находящих на ны зол, и спастися душам нашим, святе, молитвами твоими.

Кондак, глас тойже: Пастырей начальнику Христу трудился еси, святителю Феодосие, на пажити духовней питая словесныя твоя овцы, и приял еси от Христа Спаса целебный дар, целити от немощи душевныя и телесныя, всякаго с верою приходящаго к целебным твоим мощем. моли, святе, о призывающих имя твое, от наветов вражиих спастися душам нашим.

10. Святых мучениц, Минодоры, Митродоры и Нимфодоры.

На Господи воззвах, стихиры праздника 3: глас 8. Подобен: О преславнаго чудесе! и святых 3, глас 4. Подобен: Яко добля: Слава, и ныне, праздника, глас 2: Что шум празднующих: На стиховне стихиры праздника, с припевы их. Слава, и ныне, праздника глас 2: Пронареченная всех царица: По Отче наш: тропарь праздника. На утрени, на Бог Господь, тропарь праздника трижды, и обычныя кафисмы: и седальны праздника. Канон праздника, глас 8, со ирмосом на 8: и мучениц, на 4, глас 4. По 3-й песни,

Кондак мучениц, глас 4. Подобен: Вознесыйся: За Троицу терпеливно страдальчествовавшия, многокозненнаго врага победисте, братски облекшеся духом. темже водвористеся с пятьми девами в небесном страстотерпицы чертозе, и со ангелы Всецарю в веселии непрестанно предстоите.

И седален мучениц: Слава, и ныне, праздника. По 6-й песни, кондак и икос праздника. По 9-й песни, светилен праздника. На стиховне стихиры праздника: Слава, и ныне, праздника, глас 4: Всемирная радость: На литургии блаженна праздника: песнь 4 и 5-я, на 8.

11. Преподобныя матере нашея Феодоры Александрийския.

[Зде же поется служба и священномученика Автонома.]

На Господи воззвах, стихиры преподобныя 3, глас 4, подобен: Яко добля: И Автонома, 3, глас и подобен тойже: Слава, и ныне, праздника: глас тойже самогласен: Ангеловым проречением. На стиховне стихиры праздника: Слава, и ныне, глас 4: Неплоды безчадная:

Тропарь преподобныя, глас 8: В тебе мати известно спасеся еже по образу: приимши бо крест, последовала еси Христу, и деющи учила еси презирати убо плоть, преходит бо, прилежати же о души вещи безсмертней: темже и со ангелы срадуется, преподобная Феодоро, дух твой.

Слава, и ныне, праздника. На утрени, на Бог Господь, тропарь праздника, дважды: Слава, святыя: И ныне, праздника, и обычныя кафисмы и седальны праздника. Канон праздника, глас 2, со ирмосом на 6: И преподобныя, глас 4, на 4: и Автонома, глас 8, на 4. По 3-й песни,

Кондак святыя, глас 2: Подобен: Вышних ищя: Тело твое постами изнуривши, бденными молитвами Творца умолила еси о гресе твоем, яко да приимеши совершенное прощение: и прияла еси оставление, путь покаяния показавши.

И святаго, Кондак, глас 2: Подобен: Вышних ищя: Божественная премудре, непорочне тайноводил еси, жертва приятная был еси богоблаженне: Христову бо пил еси чашу преславне, светильниче всемирный, моля непрестанно о всех нас.

И седален святыя. Слава, мученика. И ныне, праздника. По 6-й песни, кондак и икос праздника. По 9-й песни, светилен праздника. На стиховне стихиры праздника. Слава, и ныне, глас 8: В благознаменитый день: На литургии, блаженна праздника, песнь 7-я и 8-я, на 8. Прокимен, глас 4: Дивен Бог во святых своих, Бог Израилев. Стих: В церквах благословите Бога: Апостол к галатом, зачало 250: Прежде пришествия веры: Аллилуиа, глас 1: Терпя потерпех Господа, и внят ми: Евангелие Иоанна, зачало 28: Приведоша книжницы: Причастен, В память вечную.

12. Святаго священномученика Автонома: В сей день отдается праздник Рождества Пресвятыя Богородицы, и поется вся служба праздника.

Вечер, обычная кафисма. На Господи воззвах, стихиры праздника, на 6: Слава, и ныне, праздника. Аще же в пяток вечера, Слава, праздника: И ныне, догматик настоящаго гласа. Прокимен дне, кроме входа и паремий. и абие, Сподоби Господи: Ектениа, Исполним вечернюю: На стиховне стихиры, и Слава, и ныне, праздника. По Отче наш, тропарь праздника, единожды: и ектениа, и отпуст. На повечерии, кондак праздника. Полунощницу же поем по обычаю, с кафисмою и тропари обычными, а не праздника. Глаголем же и молитву, Помяни Господи в надежди: На утрени, на Бог Господь, тропарь праздника, дважды: Слава, и ныне, тойже. По кафисмах седальны праздника: и чтение, и псалом 50. Каноны праздника: первый со ирмосом на 8, другии со ирмосом на 6. Ирмосы же поем обою канонов, по дважды. Катавасиа, Крест начертав: По 3-й песни, седален праздника, дважды. По 6-й песни, кондак и икос праздника. На 9-й песни. Честнейшую не поем: Но поем припевы праздника. На сходе катавасиа, Таин еси: и другий, Снедию древа: с припевы праздника. Светилен праздника, дважды. На хвалитех, стихиры праздника, на 4: Слава, и ныне, праздника. Славословие великое. По трисвятом, тропарь праздника, единожды. Ектении, и отпуст, и исхождение в притвор, и час 1-й. На часех тропарь и кондак праздника. На литургии, блаженна обою канонов песнь 9-я на 8. По входе тропарь праздника: Слава, и ныне, кондак праздника. Прокимен, Аллилуиа, и причастен праздника. Апостол и Евангелие дне, и праздника.

[МРК] Подобает ведати, аще случится отдание Рождества Богородицы в неделю. В субботу на малей вечерни стихиры воскресны, по обычаю. На стиховне стихира воскресна едина, и праздника стиховна, с припевы своими, великия вечерни: Слава, и ныне, праздника. Тропарь воскресн: Слава, и ныне, праздника. На велицей вечерни, по обычной кафисме, на Господи воззвах, стихиры воскресны 3, и Анатолиев един: и праздника 6: поемыя на самый праздник. Слава, праздника: И ныне, Богородичен первый гласа. На литии стихиры, и Слава, и ныне, праздника. На стиховне стихиры воскресны. Слава, и ныне, праздника. На благословении хлебов тропарь, Богородице Дево: дважды: и праздника, единожды. и чтение в посланиих апостольских. На утрени, на Бог Господь, тропарь воскресн, дважды: Слава, и ныне, праздника. По кафисмах седальны воскресны, с богородичны их. и чтение в толковом евангелии, неделя пред Воздвижением. Посем непорочны. И ипакои гласа, и чтение, неделя ряд. Степенна, и прокимен гласа. Всякое дыхание: Евангелие воскресное. Воскресение Христово: псалом 50. стихира воскресна, и прочее по обычаю. Канон воскресн со ирмосом на 4, и Богородицы на 2, и праздника оба канона на 8. Катавасиа, Крест начертав: По 3-й песни, кондак и икос праздника: и седален праздника, дважды. По 6-й песни, кондак и икос воскресн, и пролог. На 9-й песни поем Честнейшую: Светилен воскресн: Слава, и ныне, праздника. На хвалитех стихиры воскресны на 4: и праздника со славным на 4: припевы праздника. Слава, стихира евангельская: И ныне, Преблагословенна еси: Славословие великое. По трисвятом тропарь воскресн точию. Ектении, и отпуст, и оглашение Студитово. И исхождение обычное в притвор, и час 1-й, и конечный отпуст. На часех, тропарь воскресн: Слава, праздника: И ныне, Богородичен часов. По Отче наш, кондак праздника, и воскресн, глаголем пременяюще. На литургии, блаженна гласа на 6: и праздника песнь 9-я, на 4. По входе, тропарь воскресн, и праздника. Слава, кондак воскресн: И ныне, праздника. Прокимен, апостол, Аллилуиа, и Евангелие, недели пред Воздвижением, и ряд под зачало. Таже Богородицы. Причастен, Хвалите Господа с небес: другий праздника, Чашу спасения.

13. 🕃 Память обновлений храма святаго, Христа и Бога нашего, Воскресения: И предпразднство Воздвижения Честнаго и Животворящаго Креста: И святаго священномученика Корнилиа сотника.

Вечер, обычная кафисма. На Господи воззвах, стихиры на 6: обновления, 3, глас 6, самогласны: и святаго, 3, глас 4. Подобен: Дал еси знамение: Слава, обновления, глас 6, самогласен: Память обновлений. И ныне, предпразднства, глас тойже: Днесь древо явися: Аще ли в пяток вечера, И ныне, Богородичен первый, настоящаго гласа. Вход. Прокимен дне, чтения 3, обновления: 1-е, Царств третиих: Ста Соломон: 2-е, Притчей: Бог премудростию: 3-е, Притчей: Премудрость созда себе дом: и ектении. На стиховне стихиры Креста, глас 5, подобен: Радуйся живоносный Кресте: с припевы их. первый, Возносите Господа Бога нашего: вторый, Бог же Царь наш прежде века: Слава, обновления, глас 2, самогласен: Обновление совершающе, И ныне, предпразднства, глас тойже: Божественное сокровище: По трисвятом,

Тропарь обновления, глас 4: Якоже вышния тверди благолепие, и нижнюю споказал еси красоту святаго селения славы твоея Господи, утверди сие во век века, и приими наша в нем непрестанно приносимая тебе моления Богородицею, всех животе и воскресение.

Слава, мученика, глас тойже: И нравом причастник: писан сего месяца в 3-й день.

И ныне, предпразднства, глас тойже: Животворящий Крест твоея благости, егоже даровал еси нам недостойным Господи, тебе приносим в молитву: спаси град твой молящийся, Богородицею едине человеколюбче.

И отпуст. На повечерии, по трисвятом кондак обновления. На утрени, на Бог Господь, тропарь обновления, дважды: Слава, святаго: И ныне, предпразднства: и обычныя кафисмы. По 1-й кафисме седален обновления, глас 4, подобен: Скоро предвари: Вся просвети: Слава, и ныне, тойже: и чтение. По 2-й кафисме седален, глас и подобен тойже: Празднственный днесь: Слава, и ныне, тойже: и чтение. Каноны 3: обновления, глас 4, со ирмосом на 6: и предпразднства, глас тойже, на 4: и святаго, глас 5, на 4. Катавасиа, Крест начертав: По 3-й песни,

Кондак обновления, глас 4. Подобен: Явился еси: Небо многосветлое церковь показася, вся просвещающая верныя. в нейже стояще зовем: сей дом утверди Господи.

И седален, глас 8. Слава, святаго, глас 4: И ныне, предпразднства, глас тойже. По 6-й песни,

Кондак обновления, глас 2. Подобен: Твердыя: Обновления духа в сердцах, и просвещение внутренним даруй, верою совершающим священная обновления храма дому твоего, емуже благоволил еси создатися в твое Божественное имя, едине во святых прославляемый.

И икос: и пролог. По 9-й песни светилен обновления, подобен: Духом: Юже пречистою кровию: Слава, и ныне, Светодательными: На хвалитех стихиры обновления на 6, глас 4, подобен: Дал еси знамение: Днесь божественный и священный: Ины стихиры, глас 1, самогласны: Обновляйся, обновляйся: Слава, глас 3, К себе восходи человече: И ныне, предпразднства, глас тойже: Христе Боже наш: Славословие великое. По трисвятом, тропарь обновления: Слава, святаго: И ныне, Креста. Ектении, и отпуст, и час 1. На 1-м часе, тропарь обновления: Слава, Креста: И ныне, Богородичен часов. Кондаки на часех пременяюще глаголем. На литургии, блаженна от канона обновления, песнь 3-я и 6-я. По входе тропарь обновления, и Креста, и святаго. Слава, и ныне, кондак обновления. Прокимен, глас 4: Дому твоему подобает святыня Господи в долготу дний. Стих: Господь воцарися, в лепоту облечеся. Апостол ко евреем, зачало 307: Святая звания: Аллилуиа, глас 2: Основания его на горах святых. Стих: Преславная глаголашася о тебе граде Божий. Евангелие Матфеа, зачало 67: Прииде Иисус во страны Кесарии Филипповы: Причастен: Господи возлюбих благолепие дому твоего, и место селения славы твоея. Аллилуиа, трижды.

[Зри] Ведомо же буди и сие: Аще случится Воздвижение Честнаго Креста в неделю: В субботу же пред Воздвижением, на литургии: Прокимен, и Аллилуиа обновления. един. Субботы же прокимен пред Воздвижением оставляется. Апостол, и Евангелие прежде обновления, и потом субботы пред Воздвижением: Причастен обновления. Рядовый же апостол, и Евангелие вычитаем напреди: Недели же пред Воздвижением, чтется апостол, и Евангелие, в мимошедшую неделю.

[МРК] Подобает ведати: Яко аще случится обновление, 13 день в неделю, оставляется служба святаго Корнилиа, и поется, егда разсудит екклисиарх. Поется же воскресна служба со обновлением: и с предпразднством Честнаго Креста. На малей вечерни, стихиры воскресны, и Богородицы по обычаю. Тропарь воскресн. Слава, и ныне, Богородичен. На велицей вечерни, Блажен муж, кафисма вся. На Господи воззвах, стихиры воскресны, 3: и Анатолиев един. И обновления, 3: и Креста 3, глас 5: Подобен: Радуйся: писаны на стиховне. Слава, обновления: И ныне, Богородичен 1-й гласа. Вход: И чтения 3, обновления. На литии стихира храма: И обновления хвалитныя. глас 1: Обновляйся, обновляйся: И гласа 4-го: Обновляется днесь: Глас тойже: Посреди земли возносима: Слава, глас 5: Иже в недрех: И ныне, глас 6: Днесь древо явися: На стиховне стихиры воскресны гласа. Слава, глас 2: Обновление совершающе: И ныне, Креста, глас тойже: Божественное сокровище: На благословении хлебов тропарь: Богородице Дево, дважды. И обновления единожды. И чтение в посланиих апостольских. На утрени, на Бог Господь, тропарь воскресн, дважды: Слава, обновления: И ныне, Креста. По кафисмах седальны воскресны: Слава, и ныне, обновления. богородичны же оставляются.И чтение во евангелии, неделя пред Воздвижением. По непорочных ипакои: И чтем во евангелии неделю рядовую. Степенны, и прокимен гласа: Всякое дыхание: Евангелие воскресное. Воскресение Христово: и псалом 50. Стихира воскресна. Канон воскресн со ирмосом на 4: Богородицы на 2: обновлению на 4: и Креста на 4. Катавасиа: Крест начертав: По 3-й песни, кондак и икос обновления: И седален. Слава, и ныне, Креста: И чтение. По 6-й песни, кондак воскресн: И икос. И пролог. На 9-й песни, поем Честнейшую. Светилен воскресн: Слава, обновления: И ныне, Креста. На хвалитех стихиры воскресны, 4: И обновления, глас 4, подобен: Дал еси знамение: две. И самогласны две, глас 3: К себе восходи человече: Другий, Христе Боже наш: Первый припев: Дому твоему подобает святыня Господи в долготу дний. Другий: Господь воцарися, в лепоту облечеся: Слава, стихира евангельская. И ныне, Преблагословенна еси Богородице Дево: Славословие великое. Тропарь воскресн: И ектении. И отпуст: И оглашение. И обычное исхождение в притвор. И час 1-й. На часех, тропарь воскресн. Слава, обновления: И ныне, Богородичен часов. По Отче наш, кондак воскресн, и обновления, пременяюще глаголем. На литургии блаженна воскресна гласа, на 6: И обновления, песнь 3-я, на 4. По входе, тропарь воскресн, и обновления и Креста. Кондак воскресн: Слава, и ныне, обновления. Прокимен, апостол, Аллилуиа, и Евангелие прежде недели пред Воздвижением: И ряд под зачало: таже обновления. Причастен, Хвалите Господа с небес: И обновления.

14. 🕀 Всемирное воздвижение Честнаго и Животворящаго Креста:

И успение во святых отца нашего Иоанна, архиепископа Константина града, Златоустаго.

[Зри] Ведомо же буди, яко Златоустаго воследование в сей пресветлый день, в Константине граде, и повсюду не поется, Воздвижения ради Честнаго Креста, Господьскаго праздника: и преложися в 13 день ноемвриа месяца.

Во время же вечера, кандиловжигатель, по благословению ударяет в кампан. Иерей же входит в сосудохранительницу, и полагает Честный Крест, со благовонными васильки на жертвенник, на мисе, и поем, На малей вечерни, на Господи воззвах, стихиры праздника на 4, глас 1. Подобен: Небесных чинов: Крест возносится: Слава, и ныне, глас 6, самогласен: Днесь сад: Таже, Свете тихий: Прокимен дне. И Сподоби Господи: На стиховне стихиры, глас 2. Подобен: Доме евфрафов: С припевы их: Водою боготворною: Припевы: 1-й, Возносите Господа Бога нашего: 2-й, Бог же царь наш прежде века: Слава, и ныне, глас 6, самогласен: Днесь древо явися: Ныне отпущаеши: Трисвятое, и по Отче наш:

Тропарь праздника, глас 1: Спаси Господи люди твоя и благослови достояние твое, победы на сопротивныя даруя, и твое сохраняя Крестом твоим жительство.

Ектениа малая: И отпуст. По отпущении же малыя вечерни, входит екклисиарх со иереем и диаконом и параекклисиархом в жертвенник, со свещами, и облачится иерей и диакон: и кадив Честный Крест, глаголет: Благослови владыко. Иерей: Благословен Бог наш: Таже, Трисвятое: и по Отче наш, тропарь Креста: Спаси Господи люди твоя: Слава и ныне:

Кондак, глас 4: Вознесыйся на Крест волею, тезоименитому твоему новому жительству, щедроты твоя даруй Христе Боже: возвесели нас силою твоею, победы дая нам на сопостаты, пособие имущым твое оружие мира, непобедимую победу.

И взимает иерей Честный Крест со блюдом на главу, и вносит его во святый олтарь, предыдущим же пред ним со двема лампадама: И полагает Честный Крест на святой трапезе на евангельском месте: а Евангелие поставляет на горнее место, и вжигают пред ним свещу на всю нощь.

[Зри] Подобает ведати: Яко аще случится праздник сей в неделю, ничтоже поется воскресно: ни стихиры воскресны, ниже непорочны, ни степенна гласа, ни Евангелие воскресное чтется: Точию, Воскресение Христово, глаголем: и Свят Господь Бог: не поется же, но всю службу поем праздника. На велицей вечерни: Аще в субботу вечера поем, Блажен муж, кафисму всю. Аще же в неделю вечера, поем, Блажен муж, 1-й антифон. Аще же ин день, стихологиа не бывает: но по обычном псалме поем, Господи воззвах, на глас 6. И поем стихиры праздника, на 8, глас 6. Подобен: Всю отложивше: Крест воздвизаемь: Слава, и ныне, глас 2: Приидите вси язы́цы: Таже вход. Прокимен дне, Аще случится праздник сей в субботу, в пяток вечера, прокимен дне оставляется: и поется прокимен великий, глас 7: Бог наш на небеси и на земли: понеже в субботу вечера поется прокимен, Господь воцарися: Чтения 3: 1-е Исхода. Поят Моисей сыны Израилевы: 2-е, Притчей: Сыне не пренебрегай: 3-е, Пророчества Исаиина: Сия глаголет Господь: отверзутся врата: И посем ектениа: Рцем вси: и Сподоби Господи: и Исполним вечернюю молитву: На литии стихиры самогласны, глас 1: Днесь яко воистинну: Слава, и ныне, глас 4: Честнаго Креста Христе: И обычныя молитвы бдения. На стиховне стихиры праздника, глас 5. Самоподобен: Радуйся живоносный Кресте: с припевы их, писаны на малей вечерни. Слава, и ныне, глас 8. Егоже древле Моисей: Таже, Ныне отпущаеши: и трисвятое. По Отче наш, тропарь Креста, глас 1: Спаси Господи люди твоя: трижды, писан на малей вечерни. И обычное благословение хлебов, и раздаяние их: и Буди имя господне, трижды с пением. и псалом 33: Благословлю Господа: И чтем слово о честном древе. На утрени, на Бог Господь, тропарь праздника трижды: И обычныя кафисмы. По кафисмах седальны, и чтения праздника. По чтении же даются свещи братии. Таже полиелей: И седален праздника: И чтение праздника. Степенна, 1 и антифон 4-го гласа. Прокимен, глас 4: Видеша вси концы земли спасение Бога нашего. Стих: Воспойте Господеви песнь нову. Всякое дыхание: Стих: Хвалите Бога во святых его. Евангелие Иоанна, зачало 42 от полу: Рече Господь: Отче, прослави имя твое: Таже Воскресение Христово: и псалом 50. Слава, Молитвами апостолов: И ныне, Молитвами Богородицы: Посем стихира, глас 6: Кресте Христов: И молитва, Спаси, Боже, люди твоя: и Господи помилуй, 12. Таже иерей: Милостию и щедротами: Канон, глас 8: творение кир Космы. ирмос, Крест начертав: по дважды. Тропари на 12: И последи ирмос, оба лика вкупе: Крест начертав: По 3-й песни седален Креста, глас 4: В тебе треблаженне: Слава, и ныне, тойже. И чтение праздника. По 6-й песни, кондак Креста, глас 4: Вознесыйся на Крест волею: писан после малыя вечерни. И икос: И чтем пролог. На 9-й песни вжигают паки свещи братия. Честнейшую не поем, но поем припев праздника: Величай душе моя: Таже ирмос 1-го канона: Таин еси Богородице: И другий лик подобне припев, и ирмос: и к прочим стихам тойже припев поем. Таже поем и вторый припев: Величай душе моя: И ирмос: Снедию древа: И другий лик, подобне припев, и ирмос. Тропари обою канонов на 12. Катавасиа: Таин еси Богородице рай: Посем другий, Снедию древа: с припевом. И поклон: По 9-й песни светилен праздника, подобен: Учеником: Крест хранитель: дважды. Слава и ныне, подобен: Жены услышите: Крест воздвизается: На хвалитех стихиры, на 4, глас 8, самоподобен: О преславнаго чудесе! Слава, и ныне, глас 6, самогласен: Днесь происходит Крест Господень: Таже, Славословие великое. Поему же великому славословию, облачится настоятель во всю священную одежду, и приемлет кадильницу с фимиамом, и приходит ко святей трапезе, и кадит Честный Крест крестообразно, и взимает его на главу, и исходит северными дверьми, предыдущим ему со двема лампадами даже до царских врат, и тамо став ожидает конца славословия и трисвятаго. Сему же скончану, возглашает настоятель велегласно: Премудрость, прости. Мы же начинаем тропарь: Спаси Господи люди твоя: трижды. И приходит настоятель, нося на главе Честный Крест до среды церкве пред святыя царския двери: тамо убо уготовану аналогию, полагает верху его Честный Крест, и кадит крестообразно. Таже творит поклоны три до земли, в койлибо буди день, и взем Честный Крест со благовонными васильками, на подножии Креста обложенными, станет пред аналогием зря к востоком. И диакон возглашает велегласно во услышание всех: Помилуй нас, Боже, по велицей милости твоей, молимся тебе, услыши нас, Господи, и помилуй, рцем вси. И начинаем первую сотницу, Господи помилуй, 50: знаменающу настоятелю в начале Честным Крестом, трижды. Таже преклоняет главу, елико пядию отстояти главе от земли, и помалу воздвизается горе даже до скончания втораго, 50, Господи помилуй. Егда же доспеет до 97, Господи помилуй, возвышает глас свой екклисиарх, настоятель же прямо стоя, и конца сотницы ожидая, знаменует Крестом паки трижды. Таже обращается к западней стране. И глаголет диакон: Еще молимся о милости, жизни и оставлении грехов Великого Господина и Отца нашего Святейшаго Патриарха [имярек] и всего о Христе братства нашего, о здравии и о спасении, рцем вси. И начинаем вторую сотницу, Господи помилуй. И творит настоятель второе воздвижение, якоже преднаписася. Таже обращается к полуденной стране. И глаголет диакон: Еще молимся о Богохранимей стране Российстей, о властех и воинстве ея, да тихое и безмолвное житие поживем во всяком благочестии и чистоте. И начинаем третию сотницу, Господи помилуй. Скончаваемей же той, обращается настоятель к северной стране. И глаголет диакон: Еще молимся о всякой души христианстей, скорбящей же и озлобленней, здравия, спасения, и оставления грехов требующей, рцем вси. И бывает 4 воздвижение: И обращается настоятель к востоком. И глаголет диакон: Еще молимся о всех служащих и послуживших во святей обители сей [или храме семъ], отец и братий наших, о здравии и о спасении, и оставлении грехов их, рцем вси. И начинаем пятую сотницу. По пятом же воздвижении, поем: Слава, и ныне, кондак: Вознесыйся на Крест волею: Поему же сему, полагает настоятель честное древо Креста на аналогии, и поет тропарь сей во глас 6: Кресту твоему покланяемся Владыко, и святое воскресение твое славим. трижды. Поющим же и братиям тойже тропарь начинает кланятися настоятель, и творит метания два пред Честным Крестом, таже целует его. По целовании же творит паки едино метание, такожде и на оба лика но единому метанию. Посем приходят братия вся от десныя и левыя страны два два, по чину покланяются, и целуют Честный Крест. Поем же и стихиры самогласны, Дóндеже совершится целование. Стихиры Креста, глас 2: Приидите вернии: Глас 5: Приидите людие, преславное чудо видяще: Глас тойже, Глас пророк твоих: Глас 6, Четвероконечный мир: Пророков гласи: Глас 8, Глас пророка твоего Моисеа, Боже: Днесь Владыка твари: Слава, и ныне: Днесь неприкосновенный существом: И по скончании целования Честнаго Креста, поставляется аналогий, с Честным Крестом, о десную страну царских дверей, и тамо стоит, Дóндеже праздник отдастся. [Зри] Аще ли же не в соборных храмех, и воздвижение Креста не бывает, точию поклонение Кресту, якоже указано в неделю 3-ю святых постов. Посем входит иерей во святый олтарь, и диакон глаголет ектению: Помилуй нас Боже: Иерей возглас: Яко милостив и человеколюбец: Таже диакон: Исполним утреннюю молитву нашу: Иерей же возглас: Твое бо есть, еже миловати: По амине, Премудрость. Лик: Благослови. Иерей, Сый благословен: Лик, Утверди Боже: Иерей, Пресвятая Богородице: Клирицы, Честнейшую: И отпуст. И час 1-й. На 1-м часе тропарь праздника. По Отче наш: кондак праздника же: И совершенный отпуст.

На литургии антифон 1-й, глас 2, псалом 21: Боже Боже мой, вонми ми, Вскую оставил мя еси? Молитвами Богородицы, Спасе спаси нас. И паки другий лик, 2-й стих: Далече от спасения моего словеса грехопадений моих. Молитвами Богородицы, Спасе, спаси нас. И паки 1-й лик, стих 3: Боже мой, воззову во дни, и не услышиши, и в нощи, и не в безумие мне. Молитвами Богородицы: Таже 2-й лик, стих 4: Ты же во святем живеши, хвало Израилева. Молитвами Богородицы: Слава, и ныне: Молитвами Богородицы: Антифон 2, глас 2, псалом 73: Вскую, Боже, отринул ны еси до конца; Спаси ны Сыне Божий, плотию распныйся, поющия ти: аллилуиа. Другий лик, стих 2-й: Помяни сонм твой, егоже стяжал еси исперва. Спаси ны Сыне Божий, плотию распныйся, поющия ти: Стих 3-й: Гора Сион сия, в нейже вселился еси. Спаси ны Сыне Божий: Стих 4: Бог же Царь наш, прежде века содела спасение посреде земли. Спаси ны Сыне Божий: Слава, и ныне: Единородный Сыне: оба лика вкупе. Антифон 3-й, глас 1, псалом 98: Господь воцарися, да гневаются людие. Таже тропарь: Спаси Господи люди твоя: весь до конца. Другий лик, тойже стих: Господь воцарися, да гневаются людие, седяй на херувимех, да подвижится земля. Тропарь: Спаси Господи люди твоя: И паки первый лик, стих 3: Господь в Сионе велик и высок есть над всеми людьми. Тропарь: Спаси Господи люди твоя: Другий лик, стих 4: Поклонитеся Господеви во дворе святем его: Тропарь: Спаси Господи люди твоя: Таже вход. Диакон речет: Премудрость, прости. Мы же входное: Возносите Господа Бога нашего, и покланяйтеся подножию ногу его, яко свято есть. Таже тропарь: Спаси Господи люди твоя: Слава, и ныне, кондак: Вознесыйся на Крест: Вместо трисвятаго поем: Кресту твоему покланяемся, Владыко, и святое воскресение твое славим. Прокимен, глас 7: Возносите Господа Бога нашего, и покланяйтеся подножию ногу его, яко свято есть. Стих: Господь воцарися, да гневаются людие. Апостол к коринфяном, зачало 125: Слово крестное: Конец: Христа Божию Силу, и Божию Премудрость. Аллилуиа, глас 1: Помяни сонм твой, егоже стяжал еси исперва. Стих: Бог же Царь наш прежде века, содела спасение посреде земли. Евангелие от Иоанна, зачало 60: Во время оно, совет сотвориша архиереи: Причастен: Знаменася на нас свет лица твоего Господи. На трапезе же бывает утешение братии, о елеа и вина, и прочих снедей овощных. Сыра же и яиц и рыбы, никакоже дерзнем коснутися.

15. 🕃 Святаго великомученика Никиты.

Вечер кафисмы не глаголем, труда ради бденнаго. На Господи воззвах, стихиры праздника, 3, глас 5: Подобен: Радуйся живоносный Кресте: И святаго 3, глас 1. Подобен, Небесных чинов: Слава, святаго, глас 6: Светильника мучеников тя: И ныне, праздника, глас тойже: Пророков гласи: Вход. Прокимен, глас 7: Бог наш на небеси и на земли, вся елика восхоте сотвори. Стих 1: Во исходе Израилеве от Египта, дому Иаковля: Стих 2: Море виде и побеже, Иордан возвратися вспять. Стих 3: Что ти есть море, яко побегло еси, и тебе Иордане, яко возвратился еси вспять? Посем ектениа: Рцем вси: и Сподоби Господи: И Исполним вечернюю молитву нашу: Сице подобает пети во вся Господския праздники, в нихже бывает вход, и великий прокимен. Таже на стиховне, стихиры праздника, глас 6. Подобен: Всю отложивше: Крест воздвизаемь: с припевы их. Слава, святаго, глас 8: Победы тезоименит: И ныне, Креста, глас тойже: Глас пророка твоего Моисеа, Боже: Тропарь святаго, глас 4: Мученк твой Господи: Сего месяца во вторый день.

Или сей, глас тойже: Крест Христов, яко некое оружие, усердно восприим, и к борению врагов притекл еси, и за Христа пострадав, последи огнем священную твою душу Господу предал еси: отонудуже и даров исцеления от него сподобился еси прияти, великомучениче Никито, моли Христа Бога спастися душам нашим.

Слава, и ныне, праздника.

На утрени, на Бог Господь, тропарь праздника, дважды. Слава, святаго: И ныне, праздника. И обычныя кафисмы. И седальны праздника. И чтение. Канон праздника со ирмосом на 6: И святаго на 6, глас 4. По 3-й песни кондак и икос праздника: и седален святаго, дважды. Слава, и ныне, праздника. По 6-й песни,

Кондак святаго, глас 2. Подобен: Вышних ищя: Прелести посек державу стоянием твоим, и победы приим венец во страдальчествех твоих, со ангелы славне радуешися, Никито тезоимените, с ними Христа Бога моля непрестанно о всех нас.

И икос. По 9-й песни, светилен святаго дважды. [Зри] [Сице глаголем всем шестеричным святым в попразднстве. Слава, и ныне, праздника. На стиховне стихиры праздника, глас 2. Подобен: Доме евфрафов: с преждеписанными припевы. Слава, глас 6: Днесь вселенная: И ныне, глас тойже: Днесь сад: По трисвятом, тропарь святаго. Слава, и ныне, праздника. Ектении, и час 1-й. На часех глаголем тропарь праздника. Слава, святаго, По Отче наш, кондак праздника, на всех часех глаголем. И отпуст. На литургии, блаженна праздника, песнь 1, на 4: и святаго песнь 6, на 4. По входе, Спаси ны Сыне Божий, плотию распныйся, поющия ти: аллилуиа. Сице поем и до отдания. Тропарь праздника. Таже храма Богородицы, или святаго или святыя. Таже кондак праздника, и храма. Слава, кондак святаго: И ныне, Богородицы храма. А идеже несть храма Богородицы, И ныне, праздника. [Зри] Во храме же Христове, в попразднствах Владычних праздников, и до отдания, тропарь и кондак храма, не глаголется. Аще ли несть святому кондака: Слава, храма святаго, И ныне, праздника. [Зри] [По сему же указу глаголем тропари и кондаки, во вся дни в попразднствах и до отдания. Прокимен праздника: И святаго, глас 7: Возвеселится праведник о Господе: Стих: Услыши, Боже, глас мой: Апостол к Тимофею, зачало 292: Чадо Тимофее, возмогай о благодати: Аллилуиа, глас 4: Праведник яко финикс процветет: Евангелие от Матфеа, зачало 36: Се аз посылаю вас: Причастен праздника и до отдания. И святаго, В память вечную: Сице поем во вся Владычни попразднства.

[Зри] Суббота по Воздвижении: Апостол к коринфяном, зачало 125 от полу: Видите звание ваше: Евангелие от Иоанна, зачало 30: Аз иду, и взыщете мене:

[Зри] Неделя по Воздвижении: Прокимен праздника. Апостол к галатом, зачало 203: Уведевше, яко не оправдится человек: Евангелие от Марка, зачало 37: Иже хощет по мне ити, да отвержется себе: Причастен дне, и праздника.

[Зри] Подобает ведати, аще случится Воздвижение честнаго Креста в субботу: Неделя по Воздвижении, чтется апостол, и Евангелие, на утрии праздника в неделю. В приидущую же субботу, во отдании праздника: На литургии, Прокимен, Аллилуиа, и причастен праздника. Апостол и Евангелие прежде субботы по Воздвижении, и ряд.

[МРК] Подобает ведати, аще случится попразднство Воздвижения Честнаго Креста в неделю, а святый поется на 4, или на 6: или емуже и полиелей.

В субботу на малей вечерни, стихиры воскресны, и Богородицы, по обычаю. Тропарь воскресн. Слава, и ныне, Богородичен его. На велицей вечерни: по обычней кафисме, На Господи воззвах, стихиры воскресны 3, и Анатолиев 1: и праздника 3, того дне: и святаго минеи 3. [Зри] Аще ли поется святый на 6, или емуже и полиелей: И поем стихиры воскресны, 3: и праздника 3: и святаго 4, Слава, святаго: И ныне, Богородичен первый, гласа. На литии стихиры праздника, того дне рядовыя стиховныя. Слава, и ныне, праздника: писан на утрени на стиховне. Аще ли имать святый Славу, Слава святаго, И ныне, праздника. На стиховне стихиры воскресны. Слава святаго, аще есть. И ныне, праздника. Аще ли ни, Слава, и ныне, праздника. На благословении хлебов, тропарь, Богородице Дево, дважды. И праздника единожды. На утрени, на Бог Господь, тропарь воскресн дважды. Слава, святаго, аще есть. И ныне, праздника. Аще ли ни, Слава, и ныне, праздника. По кафисмах седальны воскресны, с богородичны их. И чтение во евангелии толковом, неделя по Воздвижении. И непорочны с тропари их. Ипакои гласа. И чтение во евангелии толковом, неделя ряд. Аще ли святый имать полиелей, по дву кафисму, поем святаго полиелей, и по полиелеи тропари: Ангельский собор: и ипакои гласа, и седальны святаго вси, и чтение. Степенна, и прокимен гласа. И Всякое дыхание: Евангелие воскресно, и стихира воскресна, и прочее воскресно. Канон воскресн, со ирмосом на 4: Богородицы на два: праздника на 4: и святаго на 4. Катавасиа праздника. Аще имать святый полиелей, или славословие: И поем канон воскресн, со ирмосом на 4: И праздника на 4: И святаго на 6. По 3-й песни, кондак и икос праздника: и святаго, аще имать, и седален святаго. Слава, и ныне, праздника: И чтение. По 6-й песни кондак и икос воскресн. И пролог. На 9-й песни поем Честнейшую: Светилен воскресн. Слава, святаго, аще имать: аще ли ни, Слава, и ныне, праздника. На хвалитех стихиры воскресны, 4: И святаго, аще имать, подобны, 3. И самогласен иже на Славу, поем с припевы его. Аще ли не имать святый хвалитных: И поем стихиры воскресны, 4, и праздника 4, того дне стиховныя утренния, с припевы праздника. Слава, стихира евангельская. И ныне, Преблагословенна еси: Славословие великое. И по трисвятом, тропарь воскресн точию. Ектении, и отпуст. И оглашение. И обычное исхождение в притвор. Таже час 1-й. На 1-м часе тропарь воскресн. Слава, праздника: И ныне, Богородичен часов. По Отче наш, кондак праздника. Такожде и на прочих часех, кондак праздника и воскресн глаголем пременяюще: Аще полиелей, и святаго. На литургии, блаженна гласа на 6, и праздника песнь рядовая на 4. Аще ли имать святый песнь: И блаженна воскресна на 4: И праздника песнь рядовая на 4: И святаго песнь 6-я, на 4. По входе тропарь воскресн, и праздника. Таже храма: и святаго, аще имать. Слава, кондак святаго: И ныне, праздника. Аще ли не имать святый тропаря и кондака: И глаголем кондак воскресн: Слава, храма: И ныне, праздника. Прокимен, апостол, Аллилуиа, и Евангелие недели по Воздвижении: таже святаго, аще имать: аще ли ни, ряд. А прокимен гласа оставляется. Причастен: Хвалите Господа с небес: Другий святаго, аще имать, аще ли ни, праздника.

16. 🕃 Святыя великомученицы Евфимии всехвальныя.

На Господи воззвах, стихиры праздника, 3: И святыя 3, глас 4: Подобен: Яко добля: Слава, святыя, глас 6: Процветшая добродетельми: И ныне, праздника, глас тойже: Четвероконечный мир: На стиховне праздника, Слава, святыя, глас 8: Всяк язык, И ныне, праздника, глас тойже: Егоже древле Моисей:

Тропарь святыя, глас 4: Агница твоя, Иисусе, Евфимиа, зовет велиим гласом: тебе Женише мой люблю, и тебе ищущи страдальчествую, и сраспинаюся, и спогребаюся крещению твоему, и стражду тебе ради, яко да царствую в тебе, и умираю за тя, да и живу с тобою: но яко жертву непорочную приими мя, с любовию пожершуюся тебе. тоя молитвами, яко Милостив спаси души наша.

Слава, и ныне, праздника.

На утрени, на Бог Господь, тропарь праздника, дважды. Слава, святыя: И ныне, праздника. И обычныя кафисмы. И седальны праздника, и чтение. Канон праздника, со ирмосом на 6, и святыя на 6, глас 8. По 3-й песни кондак и икос праздника, и седален святыя, глас 8, дважды. Слава, и ныне, праздника, глас тойже. По 6-й песни,

Кондак святыя, глас 4. Подобен: Вознесыйся: Во страдальчестве твоем добре подвизалася еси, и по смерти ны освящаеши чудес точеньми, всехвальная. темже твое успение святое поем, верою притекающе в божественный храм твой, да избавимся недугов душевных, и чудес благодать почерпем.

И икос. По 9-й песни светилен святыя, дважды: Слава, и ныне, праздника. На хвалитех, стихиры святыя, на 4: глас 3, самогласны. Слава, глас 6: Одесную Спаса: И ныне, праздника, глас тойже: Днесь происходит: На стиховне, стихиры праздника, с припевы их. Слава, святыя, глас 1: Днесь лицы: И ныне, праздника, глас тойже: Днесь яко воистинну: По трисвятом, тропарь святыя: Слава, и ныне, праздника. Ектениа, и час 1-й. И отпуст. На литургии, блаженна праздника, песнь 3-я, на 4: И святыя, песнь 6, на 4. Прокимен, глас 4: Дивен Бог во святых своих, Бог Израилев. Стих: В церквах благословите Бога Господа: Апостол к коринфяном, зачало 181: Поспешствующе молим: Аллилуиа, глас 6: Терпя потерпех Господа, и внят ми. Евангелие Луки, зачало 33: Моляше Иисуса некий от фарисей: Причастен: В память вечную:

17. Святыя мученицы Софии, и трех ея дщерей, Веры, Надежды и Любве.

Стихиры праздника, 3: И святых 3, глас 4. Подобен: Дал еси знамение: Слава, и ныне, праздника, глас 1: Насажденое в краниеве месте: На стиховне праздника. Слава, и ныне, глас 1: Прообразуя крест: По Отче наш, тропарь праздника. На утрени, на Бог Господь, тропарь праздника, трижды. И обычныя кафисмы. И седальны праздника. И чтение. Канон праздника со ирмосом на 8: И мучениц на 4, глас 1. По 3-й песни,

Кондак мучениц, глас 1. Подобен: Гроб твой Спасе: Софии честныя священнейшия ветви, Вера, и Надежда, и Любовь показавшеся, мудрость обуиша еллинскую благодатию, и пострадавше, и победоносицы явившеся, венцем нетленным от всех веки Христа увязошася.

И седален: Слава, и ныне, праздника. По 6-й песни, кондак и икос праздника. И пролог. По 9-й песни, светилен праздника: На стиховне стихиры праздника: Слава, и ныне, глас 2: Приидите вси язы́цы: Тропарь праздника. И отпуст. На литургии, Блаженна праздника, песнь 4, на 6.

18. Преподобнаго отца нашего Евмениа епископа, Гортинскаго чудотворца.

Стихиры праздника 3: И святаго 3, глас 4. Подобен: Яко добля: Слава, и ныне, праздника, глас 2: Божественное сокровище: На стиховне праздника, Слава, и ныне, глас 4: Честнаго Креста: По трисвятом тропарь праздника. И отпуст. На утрени, на Бог Господь, тропарь праздника, трижды. По кафисмах, седальны праздника. Канон праздника со ирмосом на 8: И святаго на 4, глас 2. По 3-й песни,

Кондак святаго, глас 2. Подобен: Вышних ищя: Светом Божественным просветився, всеблаженне, просвещаеши ны любовию поющия твое честное и славное, и святое, отче, преставление, иерарше Евмение, моля непрестанно о всех нас.

И седален, глас 5. Слава, и ныне праздника. По 6-й песни кондак и икос праздника. По 9-й песни светилен праздника. На стиховне, стихиры праздника: Слава, и ныне, глас 4, самогласен: Светосиянен: Ектениа. И час 1-й. И отпуст. На литургии блаженна праздника, песнь 5-я, и 6-я, на 6.

19. Святых мученик Трофима, Савватиа и Доримедонта.

Стихиры праздника, 3. И святых 3, глас 8. Подобен: Мученцы твои Господи: Слава, и ныне, глас 4: Восплещем днесь: На стиховне стихиры праздника: Слава, и ныне, глас 5: Глас пророк твоих:

Тропарь, глас 8: В Троице хвалимый Бог, троицу мученик прослави, Трофима и Савватиа и Доримедонта: в того бо веровавше, врага низложиша. тех молитвами, Христе Боже наш, помилуй нас.

Слава, и ныне, праздника.

На утрени, канон праздника, со ирмосом на 8: И святых на 4. По 3-й песни,

Кондак, глас 8. Подобен: Яко начатки: Яко страдальцев основание, и благочестия утверждение, церковь чтит и славит твое светоносное страдание, приснопеваемый блаженне страдальче, доблемудре славне Трофиме со страдавшими с тобою, очищение поющим тя испроси, яко непобедимь.

И седален, глас 1: Слава, и ныне, праздника: По 6-й песни, кондак и икос праздника. По 9-й песни, светилен, и стиховна праздника. На литургии блаженна праздника, песнь 7-я на 6.

🕃 И преставление благовернаго великаго князя Феодора, и чад его благоверных князей, Давида и Константина, Смоленских и Ярославских чудотворцев.

Совершается собор их, идеже лежат мощи их, или храм.

Тропарь, глас 4: От юности вашея Христове любви прилепившеся святии, усердно закон и оправдания того сохранисте: отонудуже и чудесными дарованьми обогатившеся, исцеления источаете. Феодоре, Давиде и Константине, о верою вас почитающих, молите Христа Бога, спастися душам нашим.

На пренесение мощей святых, тропарь, глас 8: Яко звезды многосветлыя от юности возсиявше, осветили есте сердца верных пренесением честных мощей ваших: во плоти яко ангели на земли показастеся, пощением насаждени бысте яко древа при водах воздержания, напоени струями слез ваших, и скверну омысте. сего ради явистеся приятелища Божия Духа, Феодоре и Давиде, и Константине, молите Христа Бога, спастися душам нашим.

Кондак, глас 8: Явистеся светильницы всесветлии, во плоти яко ангели: и яко жизни древеса райская, пощением, бдением, и верою возращаеми, процвели есте: молитвами вашими небесныя благодати приемше врачеве крепцы явльшеся, исцеляете недугующих души, с верою прибегающих к раце мощей ваших, чудотворцы славнии, Феодоре, Давиде и Константине: молите Христа Бога грехов оставление даровати, верою и любовию чтущим память вашу.

20. 🕃 Святаго великомученика Евстафиа, и иже с ним.

На Господи воззвах, стихиры праздника 3: И святаго 3, глас 4. Подобен: Дал еси знамение: Слава, святаго, глас 2: Вторый Иов Евстафий: И ныне, праздника, глас тойже: Рук пременение: На стиховне праздника: Слава, святаго, глас 6: Адамант душею: И ныне, праздника, глас тойже: Кресте Христов:

Тропарь, глас 4: Мученцы твои Господи, во страданиих своих венцы прияша нетленныя от Тебе Бога нашего: имуще бо крепость твою мучителей низложиша, сокрушиша и демонов немощныя дерзости. тех молитвами спаси души наша.

Слава, и ныне, праздника.

На утрени, на Бог Господь, тропарь праздника, дважды. Слава, мучеников: И ныне, праздника. И обычныя кафисмы: и седальны праздника. Канон праздника, со ирмосом на 6: И святаго на 6: глас 4. По 3-й песни, кондак и икос праздника и седален святаго, глас 8, дважды. Слава, и ныне, праздника, глас тойже. По 6-й песни,

Кондак святаго, глас 2. Подобен: Вышних ищя: Страсти Христовы яве подражав, и сего испив усердно чашу, общник Евстафие, и славы снаследник был еси, от самаго всех Бога приемля с высоты божественное оставление.

И икос. По 9-й песни, Светилен святаго дважды: Слава, и ныне, праздника. На хвалитех, стихиры святаго, на 4, самогласны: Един, глас 4, дважды: и глас 6, и глас 8. Слава, глас 8: Воинствоначалия: И ныне, праздника, глас тойже: Егоже древле Моисей: На стиховне, стихиры праздника. Слава, святаго, глас 8: Якоже Павел звание: И ныне, праздника, глас тойже: Глас пророка твоего: На литургии блаженна праздника песнь 8-я, на 4: И святаго, песнь 6-я, на 4. Прокимен, глас 4: Святым иже суть на земли его: Стих: Предзрех Господа предо мною выну: Апостол ко ефесеем, зачало 233: Возмогайте о Господе: Аллилуиа, глас 4: Воззваша праведнии, и Господь услыша их. Евангелие от Луки, зачало 106: Возложат на вы: Причастен, Радуйтеся:

🕃 И святых мученик и исповедник, великаго князя Михаила и болярина его Феодора, Черниговских чудотворцев.

Совершается собор их, идеже лежат мощи их.

Тропарь, глас 4: Жизнь вашу мученически совершивше, исповедания венцы украсившеся, к небесным востекосте, Михаиле премудре, с доблим Феодором, молите Христа Бога сохранити отечество ваше, и люди, по велицей его милости.

Кондак, глас 8. Подобен: Взбранной: Царство земное в ничтоже вменив, славу яко преходящую оставил еси, самозван пришед к подвигом, Троицу проповедал еси пред нечестивым мучителем, страстотерпче Михаиле, с доблим Феодором: Царю сил предстояще, молите без вреда сохранити отечество ваше, и люди, да вас непрестанно почитаем.

21. Святаго апостола Кодрата, иже в Магнисии: [Служба его поется в 22 день сего месяца.]

В сей день отдается праздник Честнаго Креста.

Вечер, обычная кафисма. На Господи воззвах, стихиры праздника на 6, поемыя на самый праздник. Слава, и ныне, праздника. Аще суббота, Слава, праздника: И ныне, догматик настоящаго гласа. На стиховне стихиры праздника: Слава, и ныне, праздника. По трисвятом тропарь праздника. Ектениа и отпуст. На повечерии по трисвятом, кондак праздника. Полунощницу же поем, по обычаю с тропари дневными. На утрени, на Бог Господь, тропарь праздника, трижды. По кафисмах, седальны праздника. Канон праздника на 12: Ирмосы по дважды. Последи ирмос тойже оба лика вкупе. По 3-й песни, седален дважды. По 6-й песни, кондак и икос праздника. На 9-й песни Честнейшую не поем, но поем припевы праздника, 1-го канона со ирмосом на 8: 2-го канона со ирмосом на 6: Ирмосы обою канонов 9-я песни по дважды. Таже, на сходе поем с припевом ирмос: Таин еси: И потом припев, и ирмос: Снедию древа: И поклон. Светилен праздника, дважды. На хвалитех стихиры на 4: Слава, и ныне, праздника. Славословие великое. По трисвятом, тропарь праздника. Таже ектении, и отпуст. На часех, тропарь и кондак праздника. На литургии, блаженна от канона песнь 9-я, на 8. По входе тропарь праздника. Слава, и ныне, кондак праздника. Таже трисвятое. Прокимен, Аллилуиа и Причастен праздника. Апостол, и Евангелие дне.

По отпущении литургии: Исходит иерей с кадилом, диакон со свещею, и кадит Честный Крест: и тако взимает иерей Честный Крест с блюдом на главу, и вносит его во святый олтарь царскими дверьми, предыдущу же пред ним диакону со свещею, и кадит Честный Крест. Таже полагает иерей Честный Крест на святый престол, и кадит его крестообразно. И тако отдается праздник Честнаго Креста.

[МРК] Подобает ведати: Аще случится отдание Воздвижения Честнаго Креста в неделю: В субботу, на малей вечерни, стихиры воскресны. На стиховне стихира воскресна, и праздника стиховна, с припевы своими великия вечерни. Слава, и ныне, праздника. Тропарь воскресн: Слава, и ныне, праздника. На велицей вечерни: По обычной кафисме, На Господи воззвах стихиры воскресны 3, и Анатолиев 1: и праздника, 6: поемыя на самый праздник. Слава, праздника: И ныне, Богородичен 1-й гласа. На литии стихиры и Слава, и ныне, праздника. На стиховне, стихиры воскресны: Слава, и ныне, праздника. На благословении хлебов, тропарь: Богородице Дево: дважды. И праздника, единожды. И чтение в посланиих апостольских. На утрени, на Бог Господь, тропарь воскресн дважды: Слава, и ныне, праздника. По кафисмах седальны воскресны с богородичны их. И чтение в толковом евангелии, неделя по Воздвижении. И непорочны: И ипакои гласа. И чтение, неделя ряд. Степенна, и прокимен гласа: и Всякое дыхание: Евангелие воскресное. Воскресение Христово: псалом 50. Стихира воскресна, и прочее по обычаю. Канон воскресн, со ирмосом на 4: и Богородицы на два: и праздника на 8. Катавасиа праздника. По 3-й песни, кондак и икос праздника, и седален дважды. И чтение праздника. По 6-й песни кондак и икос воскресн, и пролог. На 9-й песни поем Честнейшую: Светилен воскресн. Слава, и ныне, праздника. На хвалитех стихиры воскресны 4. И праздника 4, со славным, с припевы праздника. Слава, стихира евангельская: И ныне, Преблагословенна еси: Славословие великое. По трисвятом тропарь воскресн. И ектении. И оглашение Студитово. И исхождение обычное в притвор, и час 1-й. И конечный отпуст. На часех, тропарь воскресн: Слава, праздника: И ныне, Богородичен часов. По Отче наш, кондак праздника, и воскресн глаголем пременяюще. На литургии, блаженна гласа, на 6: И праздника, песнь 9, на 4. По входе, тропарь воскресн, и праздника: Слава, кондак воскресн: И ныне, праздника. Прокимен дне, и праздника. Апостол, и Евангелие недели по Воздвижении, и дне. Аллилуиа, и причастен праздника, и дне.

🕂 В тойже день память иже во святых отца нашего Димитриа, митрополита Ростовскаго.

Тропарь, глас 8: Православия ревнителю, и раскола искоренителю, Российский целебниче, и новый к Богу молитвенниче, списаньми твоими буих уцеломудрил еси, цевнице духовная, Димитрие блаженне, моли Христа Бога спастися душам нашим.

Кондак, глас тойже: Звезду Российскую от Киева возсиявшую, и чрез Новъград северский в Ростов достигшую, всю же страну сию ученьми и чудесы озарившую, ублажим златословеснаго учителя Димитриа. той бо всем вся написа, яже к наставлению, да всех приобрящет якоже Павел Христу, и спасет правоверием души наша.

[Зри] Ведомо же буди: Яко по отдании праздника Честнаго Креста, от 21-го дне септемвриа месяца, начинаем стихословити на утрени по 3 кафисме: творим же и чтения 4, кроме пролога. На вечерни, стихологисуем кафисму: Ко Господу внегда скорбети ми: Аще ли будет великий святый, имеяй полиелей, стихословим на утрени две кафисмы: а на вечерни рядовую 3-ю. Сие убо вестно да будет: яко от недели начало вземлет псалтирь: сие же от понедельника сотворяется, 3 кафисмы по вся дни до 20-го дне декемвриа месяца. В неделях же на утрени стихословим по две кафисмы. Прилагаем же и полиелей по вся недели, до 20-го декемвриа. От 20-го же декемвриа, не поется полиелей, до 14-го ианнуариа, Дóндеже отдается праздник Богоявления, кроме великаго святаго имущаго полиелей: а от 14-го ианнуариа поем полиелей по вся недели, даже до недели сыропустныя. [Зри] Катавасиа от днесь поется: Отверзу уста моя: до 21-го ноемвриа.

22. Святаго священномученика Фоки, епископа Синопийскаго: И святаго пророка Ионы: И преподобнаго Ионы пресвитера, отца Феофанова, творца канонов, и Феодора начертаннаго.

Стихиры апостола, 3: И мученика, 3: Слава, мученика, глас 4: Измлада был еси: И ныне, Богородичен, или Крестобогородичен. На стиховне октоиха.

Тропарь апостола, глас 3: Апостоле святый Кодрате, моли милостиваго Бога, да прегрешений оставление подаст душам нашим.

Слава, Фоки, глас 4: И нравом причастник: Сего месяца в 3-й день.

Служба пророка Ионы, и преподобнаго Ионы, поется на повечерии.

На утрени, на Бог Господь, тропарь апостола дважды: Слава, мученика: И ныне, Богородичен, или Крестобогородичен. И обычныя кафисмы. И седальны октоиха. И чтение. Канон октоиха един: И святых два, на 8. Апостола, глас 2: И мученика, глас 4. По 3-й песни,

Кондак мученика, глас 6. Подобен: Еже о нас: Яко архиерей принося, отче, жертвы, на конец себе принесл еси жертву живую, свидетельствовав законно о Христе Бозе, от ангел укрепляемь, и смерть изволяя, сый с вопиющими тебе: прииди, Фоко, с нами, и никтоже на ны.

И икос, и седален апостола: Слава. мученика. По 6-й песни,

Кондак апостола, глас 8. Подобен: Яко начатки: Яко священноначальника честна, и страдальца твердейша, вселенная приносит тебе, Господи, Кодрата апостола, и песньми почитает честную его память, просящи всегда прегрешений оставления, тем дароватися поющим его, благоутробне.

И икос. По 9-й песни, светилен октоиха, и апостола: Слава, мученика. На стиховне октоиха. По трисвятом тропарь апостола: Слава, мученика. На литургии, прокимен, глас 7: Честна пред Господем смерть преподобных его. Стих: Что воздам Господеви: Апостол ко евреем, зачало 311: Имуще архиереа велика: Аллилуиа, глас 2: Священницы твои облекутся в правду: Евангелие Иоанна, зачало 36: Аз есмь дверь: Причастен, В память вечную.

23. 🕃 Зачатие честнаго славнаго пророка, Предтечи и Крестителя Господня Иоанна.

Вечер, обычная кафисма. На Господи воззвах, стихиры на 6, глас 4: Подобен: Званный свыше: Священствуя божественный Захарие: Слава, глас 6: От неплоднаго днесь чрева: И ныне, Богородичен: Кто тебе не ублажит: На стиховне стихиры, глас 6. Подобен: Всю отложивше: Идущу во святая святых: с припевы. Слава, глас тойже, самогласен: Ангел из неплодных ложесн: И ныне, Богородичен: Никтоже притекаяй:

Тропарь, глас 4: Первее нераждающая неплоды возвеселися: се бо зачала еси солнца светильника яве, просвещати имуща всю вселенную, слепотою недугующую. ликуй Захарие, вопия со дерзновением: пророк Вышняго есть, хотяй родитися.

Слава, и ныне, Богородичен: Еже от века утаеное: На повечерии, по трисвятом кондак Предтечи. На утрени, на Бог Господь, тропарь дважды. Слава, и ныне: Еже от века: По 1-й кафисме, седален, глас 5. Подобен: Собезначальное: Елисавет неплодствия: дважды. Слава, и ныне, Богородичен. По 2-й кафисме, седален, глас 4. Подобен: Скоро предвари: Горлица пустыннолюбная: дважды. Слава, и ныне, Богородичен. Оба канона октоиха, без мученичнов: И святаго на 6, глас 6. Катавасиа, Отверзу уста моя: По 3-й песни седален, глас 4, дважды. Слава, и ныне, Богородичен. По 6-й песни,

Кондак, глас 1. Подобен: Лик ангельский: Веселится светло Захариа великий, со всеславною Елисаветою сопружницею, достойно зачинающе Иоанна Предтечу: егоже архангел благовести радуяся, и человецы достодолжно почтим, яко таинника благодати.

И икос: и пролог. По 9-й песни, светилен Предтечи, дважды: Подобен, Со ученики: Предтечево славное зачатие: Слава, и ныне, Богородичен. На хвалитех, стихиры на 4: глас 1. Подобен: Небесных чинов: Веселится тварь в зачатии твоем: Слава, и ныне, глас 6, самогласен: Елисавет зачат: Славословие великое. По трисвятом тропарь святаго: Слава, и ныне, Еже от века: Ектении. И отпуст, И час 1-й. И конечный отпуст.

[Зри] [О славословии же великом да не почудишися. Возможно убо есть, якоже устав изъявляет, и осмогласнику певаему, и Господеви поим, глаголему, сотворити и великое славословие. На литургии, блаженна от канона песнь 3-я, и 6-я. Прокимен, глас 7: Возвеселится праведник: Стих: Услыши, Боже, глас мой: Апостол к галатом, зачало 210, от полу: Авраам два сына име: Аллилуиа, глас 4: Праведник яко Финикс процветет: Стих: Насаждени в дому Господни: Евангелие Луки, зачало 2: Бысть во дни Ирода царя Иудейска: Конец: Поношение мое в человецех. Причастен, В память вечную будет праведник:

24. 🕃 Святыя первомученицы и равноапостольныя Феклы.

На Господи воззвах, стихиры на 6, глас 8. подобен: Господи, аще и на судищи: Слава, глас 6: Страстотерпческими борении: На стиховне октоиха: Слава, святыя, глас 8: Львов стремление:

Тропарь, глас 4: Словесем Павловым научившися, богоневестная Фекло, и верою утвердившися от Петра богозванная, первомученица явилася еси и первострадальница в женах: возшла еси на пламень яко на место благоцветущее, звери и юнцы устрашишася тебе, вооружися бо крестом: тем моли, всехвальная, Христа Бога, спастися душам нашим.

На утрени, на Бог Господь, тропарь дважды. И обычныя кафисмы: и седальны октоиха: и чтение. Оба канона октоиха, без мученичнов: и святыя на 6, глас 8. По 3-й песни,

Кондак, глас 8. Подобен: Яко начатки: Девства добротою просияла еси, и мученичества венцем украсилася еси, апостольству вверяешися, Дево, яко преславная: и огня убо пламень в росу преложила еси, юнца же ярость молитвою твоею укротила еси, яко первострадальная.

Таже седален святыя, дважды: Слава, и ныне, Богородичен. По 6-й песни,

Кондак, глас 2. Подобен: Вышних ищя: Уязвивши твое сердце добродево, любовию Христовою, обручника временнаго яко небрегома преобидела еси, и на огнь дерзнула еси: зверей же уста заградила еси, и спасшися от них прилежаше Павла ищущи, Фекло первострадальная.

И икос. По 9-й песни, светилен октоиха: Слава, святыя. На хвалитех стихиры самогласны, на 4: Слава, глас 1: Страдальческий подвиг: И ныне, Богородичен. На стиховне октоиха. Слава, глас 2: Приидите мучениколюбцы: И ныне, Богородичен, или Крестобогородичен. На литургии, блаженна октоиха, на 4: И святыя песнь 3-я, на 4. Прокимен глас 4: Дивен Бог во святых своих, Бог Израилев. Стих: В церквах благословите Бога: Апостол к Тимофею, зачало 296: Чадо Тимофее, последовал еси моему учению: Аллилуиа, глас 1: Терпя потерпех Господа: Евангелие Матфеа, зачало 104: Уподобися царствие небесное десятим девам: Причастен: Радуйтеся праведнии.

25. Преподобныя матере нашея Евфросинии.

Стихиры октоиха 3: И святыя, 3, глас 5. Подобен: Преподобне отче: Слава, глас 2, самогласен: Чистое чистоты твоея: На стиховне октоиха. Слава, святыя, глас 6: Приидите любодевственнии: Тропарь, глас 8: В тебе мати: сего месяца в 11 день. На утрени, оба канона октоиха: И святыя на 4, глас 5. По 3-й песни, седален, святыя. По 6-й песни,

Кондак, глас 2. Подобен: Вышних ищя: Вышнюю жизнь возжелевши получити, дольнюю сладость тщательно оставила еси, и самую себе смесила еси посреде мужей краснейшая: Христа бо ради жениха твоего о обручнице привременном небрегла еси.

И икос. По 9-й песни, светилен октоиха: Слава, святыя.

🕂 И преподобнаго отца нашего Сергиа игумена, Радонежскаго чудотворца.

Совершается собор его и во обители его и во храмех, в прочих же полиелей.

Тропарь, глас 4: Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником: темже и вселися в тя Пресвятый Дух, егоже действием светло украшен еси. но яко имеяй дерзновение ко Святей Троице, поминай стадо, еже собрал еси мудре, и не забуди якоже обещался еси, посещая чад твоих, Сергие преподобне отче наш.

Кондак, глас 8. Подобен: Взбранной: Христовою любовию уязвився, преподобне, и тому невозвратным желанием последовав, всякое наслаждение плотское возненавидел еси, и яко солнце отечеству твоему возсиял еси: тем и Христос даром чудес обогати тя. поминай нас чтущих пресветлую память твою, да зовем ти: радуйся, Сергие Богомудре.

26. 🕁 Преставление святаго апостола и евангелиста Иоанна Богослова.

На малей вечерни, стихиры на 4, глас 2. Подобен: Егда от древа: Слава, глас тойже, самогласен: Апостолов верх: И ныне, Богородичен. На стиховне стихиры, глас 1. Подобен: Всехвальные мученицы: с припевы их: 1-й: Во всю землю изыде вещание их. 2-й, Небеса поведают славу Божию, творение же руку его возвещает твердь. Слава, глас 2: Богослове девственниче: И ныне, Богородичен, глас тойже: Все упование мое:

Тропарь, глас 2: Апостоле Христу Богу возлюбленне, ускори избавити люди безответны, приемлет тя припадающа, иже падша на перси приемый: егоже моли, Богослове, и належащую мглу языков разгнати, прося нам мира и велия милости.

Слава, и ныне: Вся паче смысла: Ектения малая, и отпуст. На велицей вечерни, по обычном псалме, стихословим, Блажен муж, 1-й антифон. На Господи воззвах, стихиры на 8, глас 1, подобен: Небесных чинов: Зритель неизреченных откровений: Слава, глас 2: Сына громова: И ныне: Прейде сень: Вход. Прокимен дне. И чтения 3: 1-е, Соборнаго послания Иоаннова: Возлюбленнии, аще сердце наше: 2-е, Возлюбленнии, аще сице: 3-е, Возлюбленнии, аще кто речет, яко люблю Бога: На литии, стихира храма: Таже апостола, глас 1: Реки богословия: Слава, глас 4: Возлег на перси: И ныне, Богородичен, глас тойже Со Отцем и Духом: и обычныя молитвы литии. На стиховне стихиры, глас 4, подобен: Званный свыше: с припевы их. Слава, глас 6: Апостоле Христов: И ныне: Творец и избавитель: На благословении хлебов тропарь, глас 2: Апостоле Христу Богу: дважды, писан на малей вечерни. И Богородице Дево, единожды. И Буди имя Господне, с пением, трижды. Псалом 33: Благословлю Господа: Конец: Не лишатся всякаго блага. и чтение. На утрени, на Бог Господь, тропарь апостола, дважды: Слава, и ныне: Вся паче смысла: и обычныя кафисмы. И седальны апостола, с богородичны их: и чтения. По чтении же даются свещи братии. Полиелей, и седален, глас 8: Возлег на перси: дважды. Слава, и ныне, Богородичен: Небесную дверь: и чтение: Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим, востав от мертвых: По 50-м псалме, Слава, Молитвами апостола, Милостиве, очисти множества согрешений наших: И ныне: Молитвами Богородицы: Помилуй мя Боже: Таже, стихира, глас 2: Богослове девственниче: Канон Богородицы, со ирмосом на 6, 2-го гласа: и апостола два канона на 8: един, глас 2: другий, глас 6. Катавасиа: Отверзу уста моя: По 3-й песни, седален апостола, глас 8, дважды: Слава, и ныне, Богородичен: и чтение. По 6-й песни,

Кондак, глас 2: Величия твоя девственниче кто повесть? точиши бо чудеса, и изливаеши исцеления, и молишися о душах наших, яко богослов и друг Христов.

И икос, и пролог. На 9-й песни, паки вжигают свещи братия. По 9-й песни, светилен апостола: Слава, ин: И ныне, Богородичен. На хвалитех стихиры на 4, глас 8. Подобен: О преславнаго чудесе! Слава, глас тойже, самогласен. Благовестниче Иоанне. И ныне: Владычице, приими молитвы раб твоих: Славословие великое. По трисвятом, тропарь апостола. Слава, и ныне, Богородичен: Вся паче смысла: Ектении, и отпуст. И поем стихиру самогласну святаго, юже хощет екклисиарх. И исходит иерей с кадилом, предыдущу ему светильнику, кадит на аналогии икону святаго апостола, и отдав кадило стоит о десную страну аналогиа: и приходит игумен ко аналогию, и творит два поклоны, и целует икону святаго апостола. И по целовании един поклон: и взем стручец на то устроенный, помазует себе от кандила святым елеем крестообразно, на челе своем: и братия подобне целует икону святаго, игумен же помазует святым елеем иереа, и прочую братию. По помазании же святаго елеа, поем час первый. На 1-м часе, тропарь и кондак апостола, и бывает конечный отпуст. [Зри] [Сице помазание бывает всегда, и во вся праздники великих святых, в нихже бывают бдения. На литургии, блаженна от канона 2-го гласа, песнь 3-я, на 4: и 8-го гласа, песнь 6-я, на 4. По входе, тропарь храма Христова, и Богородицы, и апостола. Храмов же святых, тропари и кондаки не глаголются. Посем кондак храма Христова. Таже, Слава, кондак апостола: И ныне, храма Богородицы. Аще ли несть храма Богородицы: И ныне, храма Христова. Аще ли несть храма Христова и Богородицы, глаголем тропари сице: Тропарь апостола: Слава, кондак его: И ныне, Предстательство христиан: Прокимен, глас 8: Во всю землю: Стих: Небеса поведают славу Божию: Апостол, Соборнаго послания Иоаннова зачало 73 от полу: Возлюбленнии, Бога никтоже виде: Аллилуиа, глас 1: Исповедят небеса чудеса твоя, Господи. Стих: Бог прославляемь в совете святых. Евангелие Иоанна, зачало 61: Стояху при кресте Иисусове: Причастен, Во всю землю.

27. Святаго мученика Каллистрата и дружины его.

Стихиры октоиха 3: И святых 3, глас 8, подобен: О преславнаго чудесе! Слава, глас 4: Прежде честнаго креста: На стиховне октоиха. Тропарь, глас 4: Мученцы твои Господи: Сего месяца в 20-й день. На утрени, оба канона октоиха: И святых на 4, глас 8. По 3-й песни,

Кондак, глас 4. Подобен: Явился еси: Всяк труд днесь церковь ныне совершающи святии, восхваляет таинственно, яко за ню страдальчествовавшия мученицы божественнии, добропобеднии, всемудрии.

Таже седален, глас 5. По 6-й песни,

Кондак, глас 4. Подобен: Вознесыйся на крест. Многообразныя раны претерпевше, и венцы от Бога яве приимше, о нас молитеся блаженнии Христу, память всепразднственную вашу совершающих, величайший Каллистрате, со страдавшими с тобою, еже умирити паству и люди: той бо есть верных утверждение.

И икос. По 9-й песни светилен октоиха: Слава, святых: И ныне, Богородичен. На стиховне октоиха.

🕃 И преподобнаго отца нашего Савватиа Соловецкаго чудотворца.

Совершается собор его во обители его, и идеже храм его.

Тропарь, глас 3: Удалився мира и водворився в пустыни, добрым подвигом подвизался еси, злостраданием и вниманием и молитвами: отонудуже и по смерти источаеши исцеления, Савватие отче наш. моли Христа Бога, спастися душам нашим.

Кондак, глас 2: Житейския молвы отбег, вселился еси в морский остров, мудре, и крест твой взем, Христу последовал еси, в молитвах и во бдениих и в пощениих, злостраданьми плоть твою изнуряя: тем был еси преподобных удобрение: сего ради любовию память твою празднуем, преподобне Савватие, моли Христа Бога непрестанно о всех нас.

28. 🕂 Преподобнаго отца нашего и исповедника Харитона.

Вечер, Блажен муж, 1-й антифон. На Господи воззвах, стихиры на 6, глас 4. подобен: Дал еси знамение: Слава, глас тойже, самогласен: Богоносе Харитоне: И ныне, Богородичен: Иже тебе ради: Вход. Прокимен дне. И чтения, 3, и ектении. На стиховне стихиры, глас 1, подобен: Всехвальнии мученицы: с припевы их: Честна пред Господем: Слава, глас 8: Монахов множества: И ныне: Безневестная Дево: По Отче наш: тропарь, глас 8: Слез твоих теченьми: писан сего месяца в 3-й день. Слава, и ныне: Иже нас ради: И отпуст. На утрени, на Бог Господь: тропарь святаго, дважды. Слава, и ныне, Богородичен. И обычныя кафисмы, и седальны святаго. И чтение. Степенна 1-й антифон 4-го гласа. Прокимен, глас тойже: Честна пред Господем смерть преподобных его. Стих: Что воздам Господеви: Всякое дыхание: Евангелие Матфеа, зачало 10. По Иисусе идоша народи мнози: По 50-м псалме, стихира, глас 6: Преподобне отче, во всю землю: Канон Богородицы, со ирмосом на 6, глас 2: Нетрену, необычну: И преподобнаго на 8, глас 4. Катавасиа, Отверзу уста моя. По 3-й песни седален, глас 8, дважды. Слава, и ныне, Богородичен. По 6-й песни,

Кондак, глас 2. Подобен: В молитвах: Насладився, богомудре, воздержания, и плоти твоея вожделения обуздав, явился еси верою возращаемь: и яко жизни древо, посреде рая процвел еси, Харитоне всеблаженне священнейший.

И икос. По 9-й песни светилен, дважды. Слава, и ныне, Богородичен. На хвалитех, стихиры на 4, глас 4. Подобен: Дал еси знамение: Слава, глас 5: Преподобне отче, глас евангельский: И ныне, Богородичен: Славословие великое. По трисвятом, тропарь святаго. Слава и ныне, Богородичен: Ектении. И отпуст. И час 1-й, и конечный отпуст. На литургии, блаженна от канона святаго, песнь 3-я, и 6-я, Прокимен, глас 7: Восхвалятся преподобнии во славе: Стих: Воспойте Господеви песнь нову: Апостол к коринфяном, зачало 176: Бог рекий из тьмы свету возсияти: Аллилуиа, глас 6: Блажен муж бояйся Господа: Евангелие Луки, зачало 24: Ста Иисус на месте равне: Причастен: В память вечную будет праведник:

29. 🕃 Преподобнаго отца нашего Кириака отшельника.

Стихиры на 6: глас 8, подобен: Что вы наречем: Слава, глас тойже, самогласен: Монахов множества: И ныне, Богородичен, или Крестобогородичен. На стиховне, октоиха: Слава глас 6: Преподобне отче, во всю землю: По Отче наш:

Тропарь, глас 1: Пустынный житель и в телеси ангел. и чудотворец показался еси, богоносе отче наш Кириаче, постом, бдением, молитвою, небесная дарования приим, исцеляеши недужныя, и души верою притекающих к тебе. слава давшему тебе крепость: слава венчавшему тя: слава действующему тобою всем исцеления.

На утрени, оба канона октоиха: и святаго на 6, глас 8. По 3-й песни,

Кондак, глас 8. Подобен: Возбранной: Яко поборника крепкаго и заступника, чтущи тя священная лавра всегда празднует летне памяти: но яко имея дерзновение ко Господу, от врагов находящих соблюди ны, да зовем: радуйся отче треблаженне.

Таже седален, глас 5, дважды. По 6-й песни,

Кондак, глас 2. Подобен: Вышних ищя: Чистотою душевною божественно вооружився, и непрестанную молитву яко копие вручив крепко, ссекл еси демонская ополчения, Кириаче отче наш, молися непрестанно о всех нас.

И икос. По 9-й песни светилен октоиха: Слава, святаго, И ныне, Богородичен. На стиховне октоиха: Слава, глас 5: Преподобне отче: И ныне, Богородичен или Крестобогородичен. По трисвятом, тропарь святаго, и отпуст. На литургии, блаженна октоиха на 4: И преподобнаго песнь 3-я, на 4. Прокимен, глас 7: Честна пред Господем смерть преподобных его. Стих, Что воздам Господеви о всех: Апостол к галатом, зачало 213. Плод духовный: Аллилуиа, глас 6: Блажен муж бояйся Господа. Евангелие Луки, зачало 24: Ста Иисус на месте равне: Причастен, В память вечную:

30. 🕃 Святаго священномученика Григориа, Великия Армении.

Стихиры на 6, глас 6, подобен: Всю отложивше: Слава, глас тойже, самогласен: Кто достойно: На стиховне октоиха: Слава, глас 6: В незаходящий облак: Тропарь, глас 4: И нравом причастник: сего месяца в 3-й день. На утрени, оба канона октоиха: И святаго на 6, глас 4. По 3-й песни, седален святаго, глас 4. дважды. По 6-й песни,

Кондак, глас 2. Подобен: Твердыя: Благославнаго и священноначальника вси яко страдальца истины, днесь вернии в песнех и песнопениих восхвалим, бодраго пастыря и учителя, Григориа всемирнаго светильника, и поборника: Христу бо молится еже спастися нам.

И икос. По 9-й песни светилен октоиха: Слава, святаго: И ныне, Богородичен. На стиховне октоиха. На литургии, блаженна октоиха, на 4: и святаго, песнь 3-я, на 4. Прокимен, глас 7: Честна пред Господем смерть преподобных его. Стих: Что воздам Господеви о всех: Апостол к коринфяном, зачало 166: Братие, бодрствуйте: Аллилуиа, глас 2: Священницы твои: Евангелие Матфеа, зачало 103: Бдите убо: Причастен, В память вечную:

🕃 И преподобнаго отца нашего Григориа, иже на Пелшме реце, Вологодскаго чудотворца:

Совершается собор его во обители его, и во храмех.

Тропарь, глас 8: Любовию Христовою, богомудре, просветився, добродетельми облистал еси, и всякое наслаждение плотское возненавидев, и в пустыню вселився, в нейже вельми подвизался еси в жизни сей временней в пениих, и во бдениих, и в пощениих: сего ради и Христос даром чудес обогати тя. но поминай нас чтущих пресветлую память твою, преподобне отче Григорие, и моли Христа Бога спастися душам нашим.

Кондак, глас 8: Христовою любовию уязвився, преподобне, и тому невозвратным желанием последовал еси, всякое наслаждение плотское возненавидев, и в пустыню вселився, в ней вельми подвизался еси. тем и Христос даром чудес обогати тя, поминай нас чтущих пресветлую память твою. да зовем ти: радуйся, преподобне Григорие, отче наш.

И святаго Михаила, перваго митрополита Киевскаго, и всея Руси чудотворца.

Месяц октоврий

имеяй дней 30. День имать часов 10, а нощь 14.

1. 🕃 Святых и чудотворцев безсребреников Космы и Дамиана, иже от Асии.

Вечер, обычная кафисма. На Господи воззвах, стихиры на 6: глас 6, самоподобен: Всю отложивше: Слава, глас тойже, самогласен: Безконечна есть святых благодать: И ныне, Богородичен, или Крестобогородичен. На стиховне октоиха. Слава, святых, глас 6: Всегда имуще Христа: И ныне, Богородичен, или Крестобогородичен.

Тропарь, глас 8: Святии безсребреницы и чудотворцы Космо и Дамиане, посетите немощи наша: туне приясте, туне дадите нам.

Слава, и ныне, Богородичен, или Крестобогородичен. На утрени, на Бог Господь, тропарь святых, дважды. Слава, и ныне, Богородичен, или Крестобогородичен. И обычныя кафисмы: И седален октоиха. И чтение. Оба канона октоиха, без мученичнов: И святых на 6, глас 6. По 3-й песни, седален, глас 8, дважды. Слава, и ныне, Богородичен, или Крестобогородичен. По 6-й песни,

Кондак, глас 2. Подобен: Твердыя: Благодать приимше исцелений, простираете здравие сущим в нуждах, врачеве, чудотворцы преславнии: но вашим посещением ратников дерзости низложите, мир исцеляюще чудесы.

И икос, и чтем пролог. По 9-й песни, светилен октоиха: Слава, святых: И ныне, Богородичен, или Крестобогородичен. На хвалитех стихиры самогласны, на 4, глас 1. Слава, глас 4: Источник исцелений: И ныне, Богородичен, или Крестобогородичен. На стиховне октоиха. И святых стихиры, с припевы, глас 6: Се что добро, или что красно: Светлая и просвещенная: Слава, глас 8: Кто не удивится: И ныне, Богородичен, или Крестобогородичен. На литургии, блаженна октоиха, на 4: и святых, от канона песнь 3. Прокимен, глас 4: Святым, иже суть на земли его: Стих: Предзрех Господа предо мною выну: Апостол к коринфяном, зачало 153: Вы есте тело Христово: Аллилуиа, глас 2: Се что добро, или что красно: Евангелие Матфеа, зачало 34, от полу: Призва Иисус обанадесяте: Причастен, Радуйтеся:

2. Святых мученик, Акиндина, Пигасиа, Аффониа, Елпидифора и Анемподиста.

Стихиры октоиха три, и святых, 3, глас 4. Подобен: Яко добля: Слава, глас 6: Днесь пятозарный: На стиховне октоиха: и святых, стихира с припевом, глас 1: Дивен Бог во святых своих: Лучи возсияша: Слава, глас 2: Приидите возрадуемся:

Тропарь, глас 2: Страстотерпцы Господни, блаженна земля напившаяся кровьми вашими, и свята селения приимшая телеса ваша: в тризнищи бо врага победисте, и Христа со дерзновением проповедасте: Того, яко блага, молите спастися, молимся, душам нашим.

Слава, и ныне, Богородичен, или Крестобогородичен. На утрени, обычныя кафисмы, и седальны октоиха: и чтение: Оба канона октоиха: и святых на 4, глас 4. По 3-й песни, седален, глас 8. По 6-й песни,

Кондак, глас 2. Подобен: Твердыя: Благочестивыя и богоносныя мученики, яко на земли оставльшия вся, приял еси в наслаждение благих твоих и упокоение, Акиндина, Пигасиа, Анемподиста: с нимиже Аффониа, и Елпидифора же, едине сый Преблагий.

И икос. По 9-й песни, светилен октоиха: Слава, святых: На стиховне октоиха. И святых стихира, с припевы, глас 2: Многи скорби праведным: Кровными токи: Слава, глас 4: Пятозарная страдалец: На литургии, прокимен, глас 4: Святым, иже суть на земли его: Стих: Предзрех Господа предо мною выну: Апостол ко ефесеем, зачало 233: Возмогайте о Господе: Аллилуиа, глас 4: Воззваша праведнии: Стих: Многи скорби праведным: Евангелие Матфеа, зачало 36: Се Аз посылаю вас: Причастен: Радуйтеся:

3. Святых мученик, Акепсимы епископа, и Иосифа пресвитера и Аифала диакона: И обновление храма святаго великомученика Георгиа, иже в Лиде, идеже положено есть честное тело его.

Стихиры мучеников, глас 8. Подобен: О преславнаго чудесе! И Георгиа, глас 4. Подобен: Яко добля: Слава, глас 6: Достойно имени: На стиховне октоиха: Слава, мучеников, глас 6: Предпутие образно: Тропарь, глас 4: Мученцы твои Господи: септемвриа в 20-й день.

Слава, тропарь Георгиа, глас 4: Яко пленных свободитель и нищих защититель, немощствующих врачь, царей поборниче, победоносче великомучениче Георгие, моли Христа Бога спастися душам нашим.

На утрени, обычныя кафисмы: И седальны октоиха: И чтение. Канон октоиха един, со ирмосом на 6: и мучеников на 4, глас 4. И Георгиа, на 4, глас тойже. По 3-й песни,

Кондак мучеников, глас 2. Подобен: Вышних ищя: Божественная, мудре, непорочно тайноводил еси, жертва приятна был еси, богоблаженне: Христову бо пил еси чашу славно, святе Акепсимо, со страдальцы твоими моляся непрестанно о всех нас.

И икос. И седален мучеников: Слава, Георгиа. По 6-й песни,

Кондак Георгиа, глас 8. Подобен: Взбранной: К возбранному и скорому заступлению твоему прибегше, вернии, молим избавитися, страстотерпче Христов, от соблазн вражиих воспевающим тя, и всяких бед и озлоблений, да зовем: радуйся, мучениче Георгие.

И икос. По 9-й песни, светилен октоиха, и мучеников. Слава, Георгиа. На стиховне октоиха: И мучеников стихира, с припевом, глас 2: О благочестии святии: Слава, Георгиа, глас 4. Самогласен: Разумнаго адаманта: На литургии, прокимен, глас 4: Святым, иже суть: Стих: Предзрех Господа: Апостол ко ефесеем: зачало 233: Возмогайте о Господе: Аллилуиа, глас 4: Воззваша праведнии, и Господь услыша их. Стих: Многи скорби праведным: Евангелие Луки, зачало 106: Возложат на вы руки своя: Причастен: Радуйтеся:

4. Преподобнаго отца нашего Иоанникиа Великаго: И святаго мученика Никандра, епископа Мирскаго: И Ермеа пресвитера.

Стихиры преподобнаго 3, глас 4. Подобен: Званный свыше: И мученика 3, глас 2. Подобен: Егда от древа: Слава, глас 6: Преподобне отче: На стиховне октоиха: Слава, глас 8: Монахов множества: Тропарь, глас 8: Слез твоих теченьми: септемвриа в 3-й день. Слава, мученика, глас 4: Мученк твой Господи: септемвриа во 2-й день. На утрени, на Бог Господь тропарь преподобнаго, дважды: Слава, мученика. И обычныя кафисмы, и седальны октоиха: И чтение. Канон октоиха, един, И преподобнаго на 4, глас 4: И мучеников на 4, глас тойже. По 3-й песни седален, глас 8. Слава, мучеников, глас 4. По 6-й песни,

Кондак, глас 8. Подобен: Взбранной: Звезда явился еси всесветлая, в мире просвещаяй, и сущия во мраце страстей облиставаяй: врачь же крепчайший явился еси, но яко приял еси благодать исцелений, просящим тя подаждь исцеление, да зовем: радуйся, отче Иоанникие.

И икос. По 9-й песни, светилен октоиха: Слава, святаго. На стиховне октоиха. Слава, глас 6, самогласен: Еже по образу: На литургии, прокимен, глас 7: Честна пред Господем: Стих: Что воздам Господеви: Апостол к галатом, зачало 213: Плод духовный: Аллилуиа, глас 6: Блажен муж бояйся Господа: Стих: Сильно на земли будет семя его. Евангелие Матфеа, зачало 10: По Иисусе идоша народи: Причастен: В память вечную:

5. Святых мученик Галактиона и Епистимии.

Стихиры октоиха 3: И мучеников 3, глас 8. Подобен: О преславнаго чудесе! На стиховне октоиха. Тропарь, глас 4: Мученцы твои Господи: септемвриа в 20-й день. На утрени, обычныя кафисмы: И седальны октоиха: И чтение. Оба канона октоиха: и мучеников, на 4, глас 8. По 3-й песни, седален, глас 4. По 6-й песни,

Кондак, глас 2. Подобен: Вышних ищя: Мученик Христовых полком причтостеся, добре храбрствовавшим: светло подвизавшеся Галактионе славне с честною супружницею и сострадавшею тебе, Епистимиею, единому Богу непрестанно молитеся о всех нас.

По 9-й песни светилен: И на стиховне октоиха.

🕃 В тойже день преставление иже во святых отца нашего Ионы архиепископа, Новгородскаго чудотворца.

Совершается собор его, идеже лежат мощи его, и идеже храм его.

Тропарь, глас 4: Исправление веры, и образ кротости, и якоже сад посреде рая, преподобными делы твоими мир просвещаеши. и сего ради к честней раце твоей любовию прикасаемся, и верно вопием: предстани в помощь воспевающим память твою светоносную, отче Ионо, и моли спастися душам нашим.

Кондак, глас тойже: Свыше приял еси божественную благодать, ходатайствовати Богу и человеком, яко архиерей возношение вознося, и мир людем твоим снося, и обилие плодов, Ионо блаженне: ты бо еси Великаго Новаграда похвала, и сущих о нем радость.

6. 🕃 Иже во святых отца нашего Павла, архиепископа Константиня града, исповедника.

На Господи воззвах, стихиры на 6, глас 4. Подобен: Дал еси знамение: Слава, глас 1: Архиерейскою одеждею: На стиховне октоиха: и стихира святителя, глас 1, с припевом: Священницы Твои облекутся в правду: Преподобне отче Павле: Слава, глас 2: Постную пучину:

Тропарь, глас 3: Божественныя веры исповеданием, другаго Павла тя церковь ревнителя во священницех показа: свозопиет ти и Авель ко Господу, и Захариина кровь праведная, отче преподобне, Христа Бога моли, дароватися нам велией милости.

На утрени, оба канона октоиха, без мученичнов: И святаго на 6, глас 4. По 3-й песни, седален, глас 3. Слава, глас 8. По 6-й песни,

Кондак, глас 2. Подобен: Вышних ищя: Облиставый на земли яко звезда небосветлая, кафолическую просвещаеши церковь ныне, о нейже и страдальчествовал еси, душу твою, Павле, предложив: и якоже Захариина и Авелева, ясно вопиет твоя кровь ко Господу.

И икос. По 9-й песни, светилен октоиха: Слава, святаго. На стиховне октоиха. Слава, глас 7: Вникнул еси во глубины духа: На литургии, блаженна октоиха, на 4: И от канона святаго песнь 3, на 4. Прокимен, глас 7: Восхвалятся преподобнии во славе: Стих, Воспойте Господеви песнь нову. Апостол ко евреем, зачало 318, от полу: Всяк первосвященник: Аллилуиа, глас 2: Священницы Твои облекутся: Евангелие Луки, зачало 64: Всяк иже исповесть мя: Причастен: В память вечную:

🕃 В тойже день преподобнаго отца нашего Варлаама Хутынскаго, Новгородскаго чудотворца.

Совершается собор его, идеже лежат мощи его: и идеже храм его.

Тропарь, глас 3: Иже на земли леганием, пощением же и бдением тело твое изнуряя, преподобне, вся плотская мудрования умертвил еси: и исцелений струя независтная явился еси верою притекающим к раце мощей твоих, Варлааме отче наш: моли Христа Бога спастися душам нашим.

Кондак, глас 8. Подобен: Взбранной: Якоже другий Илиа, отче, дождь с небесе свел еси: он убо огнь сведе, и царя удиви, ты же люди твоя возвеселил еси, и торжествовати устроил еси. великий бо Новъград вельми тобою хвалится, имея мощи твоя в себе, егоже сохраняй от враг непоколебима, да зовем ти: радуйся, преподобне Варлааме, отче наш.

7. Святых мученик тридесяти и трех, иже в Мелитине: И преподобнаго отца нашего и чудотворца Лазаря, в Галисийстей горе постившагося.

Стихиры мучеников 3, глас 4. Подобен: Яко добля: И преподобнаго 3, глас 6. Подобен: Всю отложивше: Слава, преподобнаго, глас 5: Преподобне отче, не дал еси сна: На стиховне октоиха: Слава, преподобнаго, глас 6: Преподобне отче: во всю землю: Тропарь, глас 4: Мученцы твои Господи: септемвриа в 20-й день.

Слава, тропарь преподобнаго, глас 8: Бденными молитвами, теченьми слезными столп омочил еси, и из глубины воздыханьми во сто трудов уплодоносил еси, и был еси пастырь, всем подая прощение, преподобне отче наш Лазаре, молися Христу Богу спастися душам нашим.

На утрени, канон октоиха един, и святых два: Мученков, глас 8: Преподобнаго, глас 2. По 3-й песни,

Кондак преподобнаго, глас 4. Подобен: Явился еси: Яко светильника превеликаго, церковь Христова славит тя с веселием псаломски: темже не престай моляся Христу дати всем прегрешений прощение.

И седален мучеников, глас 8. Слава, преподобнаго, глас 3. По 6-й песни,

Кондак мучеников, глас 8. Подобен: Яко начатки: Лик мученический ясен, полк светоносен, сошед к нам разумно, церковь днесь просветил есть чудными зарями. темже празднующе честную память их, просим от Тебе Спасе наш: тех молитвами от бед избави нас, да поем ти: аллилуиа.

По 9-й песни, светилен октоиха, и мучеников: Слава, преподобнаго. На литургии, прокимен, глас 7: Честна пред Господем: Стих, Что воздам Господеви: Апостол к галатом, зачало 213: Плод духовный: Аллилуиа, глас 6: Блажен муж бояйся Господа: Стих, Сильно на земли будет семя его: Евангелие Матфеа, зачало 10: По Иисусе идоша народи: Причастен, В память:

8. 🕂 Собор архистратига Михаила, и прочих Безплотных Сил.

Аще храм Собора архистратига Михаила, или изволит настоятель, творим бдение.

На малей вечерни, на Господи воззвах, стихиры на 4, глас 1. Подобен: Всехвальнии: Слава, глас 4: И ныне, Богородичен. На стиховне стихиры, глас 6. Подобен, Тридневен: Слава, и ныне, Богородичен. Тропарь, глас 4: Небесных воинств: Слава, и ныне, Богородичен. На велицей вечерни, поем: Блажен муж: 1-й антифон, На Господи воззвах, стихиры на 8, глас 4. Подобен: Яко добля: Ины стихиры, глас тойже. Подобен: Дал еси знамение: Слава, глас 6: Срадуйтеся: И ныне, Богородичен: Срадуйтеся: Вход. Прокимен дне. И чтения 3: 1-е, Иисуса Навина: Бысть егда бяше Иисус у Иерихона: 2-е, Судей Израилевых: Бысть во дни оны укрепися Мадиам: 3-е, Пророчества Исаиина: Тако глаголет Господь, вся земля да вопиет: На литии стихиры, глас 1: Слава, глас 4: Огненными устнами: И ныне, глас тойже: Днесь боговместимый храм Богородица: На стиховне стихиры, глас 1. Подобен: Небесных чинов: Ангельски в мире торжествующе: Слава, и ныне, глас 8: Яко чиноначальник:

Тропарь, глас 4: Небесных воинств архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще ны припадающия прилежно, и вопиющия: от бед избавите ны, яко чиноначальницы вышних сил.

Слава, и ныне, Богородичен. На утрени, на Бог Господь, тропарь дважды: Слава, и ныне, Богородичен: И обычныя кафисмы, и седальны: и чтем слово Златоустаго в Маргарите о серафимех. Полиелей, и седален, и чтение. Степенна, 1-й антифон 4-го гласа. Прокимен: Творяй ангелы своя духи: Евангелие Матфеа, зачало 52. Псалом 50. Стихира, глас 6: Ангели твои Христе: Канон Богородицы, глас 8, со ирмосом на 6: И безплотных два канона на 8, глас 8. Катавасиа: Отверзу уста моя: По 3-й песни, седален, глас 8, дважды: Слава, и ныне, Богородичен: По 6-й песни,

Кондак, глас 2: Архистратизи Божии, служителие Божественныя славы, ангелов начальницы, и человеков наставницы, полезное нам просите и велию милость, яко безплотных архистратизи.

И икос: и пролог. По 9-й песни светилен: Огненных архистратиже: Слава, Невещественных: И ныне, Богородичен. На хвалитех стихиры на 4, глас 1. Подобен: Небесных чинов: Слава, глас 5: Идеже осеняет: И ныне, Богородичен: Блажим тя: Славословие великое. По трисвятом тропарь: Слава, и ныне, Богородичен: Еже от века: Ектении, и отпуст, и час 1-й. На Литургии, блаженна, 1-го канона песнь 3-я, и 2-го песнь 6. Прокимен, глас 4: Творяй ангелы своя духи: Стих, Благослови душе моя Господа: Апостол ко евреем, зачало 305: Аще глаголанное ангелы слово: Аллилуиа, глас 2: Хвалите Господа вси ангели его. Стих: Яко той рече, и быша: Евангелие Луки, зачало 51: Слушаяй вас: Причастен, Творяй ангелы своя:

9. Святых мученик, Онисифора и Порфириа: И преподобныя матере нашея Матроны: И преподобныя Феоктисты, яже от Лезвы.

Стихиры мучеников 3, глас 8. Подобен: О преславнаго чудесе! И преподобныя 3, глас 4. Подобен: Яко добля: На стиховне октоиха. Тропарь, глас 4: Мученцы твои Господи: септемвриа в 20-й день. Слава, преподобныя, глас 8: В тебе мати: септемвриа в 11-й день.

[Зри] Возследование же преподобныя Феоктисты поется на повечерии.

На утрени, канон октоиха един, и святых два. Мученков глас 4: Преподобныя, глас 8. По 3-й песни,

Кондак преподобныя, глас 2. Подобен: Благодать приимше: За любовь Господню предподобная Матроно, покоя желание возненавидела еси, пощением дух твой просветивши. но твоими молитвами и противных шатания разори: крепко бо звери победила еси.

И икос, и седален мучеников, глас 1: Слава преподобныя, глас 8. По 6-й песни,

Кондак мучеников, глас 2: Подобен: Вышних ищя: Мученик двоица пострадавше крепко, вражию гордыню на землю низложисте, озарившеся благодатию несозданныя Троицы, славнии Онисифоре и Порфирие, молитеся непрестанно о всех нас.

И икос. По 9-й песни, светилен октоиха и мученичен. Слава, преподобныя. На стиховне октоиха.

10. Святых апостол: Ераста, Олимпа, Родиона, и иже с ними.

Стихиры октоиха, 3: и апостолов 3, глас 1: Подобен: Всехвальнии мученицы: На стиховне октоиха. Тропарь, глас 3: Апостоли святии: октовриа в 31-й день. На утрени, оба канона октоиха, и святых на 4, глас 1: По 3-й песни,

Кондак, глас 4. Подобен: Явился еси: Явися днесь апостол честное торжество, подающее яве всем прегрешений оставление, совершающим их память.

Таже седален, глас 1. По 6-й песни,

Кондак, глас 2. Подобен: Вышних ищя: Божественным светом ум озаривше, витийская плетения мудре розористе: и языки вся, уловивше, апостоли славнии, Владыце приведосте, Троицу Божественную славити научающе.

И икос. По 9-й песни, светилен октоиха. Слава, святых. На стиховне октоиха.

11. Святых мученик Мины, Виктора и Викентиа: И святыя мученицы Стефаниды: И преподобнаго отца нашего и исповедника Феодора Студита.

Стихиры мучеников 3, глас 4: Подобен: Яко добля: И преподобнаго 3, глас 8. Подобен: О преславнаго чудесе! Слава, мучеников, глас 6: Паки нам летняя память: На стиховне октоиха. Таже, стихира мучеников, с припевом, глас 2: Многи скорби праведным: Приидите любострадальцы: Слава, преподобнаго, глас 6: Преподобне отче: Тропарь, глас 4: Мученцы твои Господи: септемвриа в 20-й день. Слава, преподобнаго, глас 8. Православия наставниче: октовриа в 11-й день. На утрени, обычныя кафисмы: и седальны октоиха: и чтения. Канон октоиха един: И мучеников, глас 4: И преподобнаго, глас 8. По 3-й песни,

Кондак преподобнаго, глас 2. Подобен: Вышних ищя: Постническое и равноангельное житие твое страдальческими уяснил еси подвиги, и ангелом совсельник, богоблаженне, явился еси, Феодоре: с ними Христу Богу моляся не престай о всех нас.

И икос, и седален мучеников, глас 8: Слава, преподобнаго, глас 3. По 6-й песни,

Кондак, глас 4. Подобен: Явился еси: Воинства исхити привременнаго, и нетленнаго показа тя Небеснаго общника страстотерпче Мино, Христос Бог наш, иже мучеников нетленный венец.

И икос. По 9-й песни, светилен октоиха, и мучеников. Слава, преподобнаго. На стиховне октоиха. Таже стихира мучеников с припевом, глас 2: Воззваша праведнии, и Господь услыша их. Приидите вернии: Слава, преподобнаго, глас 8: Монахов множества: На литургии, прокимен, глас 4: Святым, иже суть на земли его: Стих: Предзрех Господа предо мною выну. Апостол ко ефесеем, зачало 233: Возмогайте о Господе: И преподобнаго, ко евреем, зачало 335: Повинуйтеся наставником вашим: Аллилуиа, глас 4: Воззваша праведнии: Стих: Блажен муж бояйся Господа: Евангелие Матфеа зачало 38: Всяк иже исповесть Мя: И преподобнаго, от Матфеа, зачало 10: По Иисусе идоша народи: Причастен, Радуйтеся праведнии о Господе:

🕃 В тойже день преставление святаго и блаженнаго Максима, Христа ради юродиваго, Московскаго чудотворца.

Собор его совершается, идеже лежат мощи его, и идеже храм его.

Тропарь, глас 5: Наготою телесною и терпением обнажил еси вражия коварствия, обличая неподобное его деяние, зельне стражда солнечный вар, и нужныя великия студени, мраза, и огня не чул еси, Божиею помощию покрываемь, Максиме премудре: о верою творящих память твою честно и усердно, притекающих к раце мощей твоих, моли избавитися от бед, и падения избежати.

Кондак, глас 2: Вышния красоты желая, нижния сладости и телесная одеяния в ничтоже вменил еси, и нестяжание паче суетнаго мира возлюбил еси, ангельское житие проходя скончался еси, блаженне Максиме, с нимиже Христа моли непрестанно о всех нас.

12. 🕃 Иже во святых отца нашего Иоанна, патриарха Александрийскаго, милостиваго: 🕃 И преподобнаго отца нашего Нила.

На Господи воззвах, стихиры Иоанна, 3, глас 4. Подобен: Дал еси знамение: И преподобнаго, три, глас 8. Подобен: Что вы наречем: Слава, глас 2: Милости источник: На стиховне октоиха. Слава, глас 8: Монахов множества:

Тропарь, глас 8: В терпении твоем стяжал еси мзду твою, отче преподобне, в молитвах непрестанно терпевый, нищия возлюбивый, и сия удовливый: но молися Христу Богу, Иоанне милостиве блаженне, спастися душам нашим.

Слава, глас тойже: Слез твоих теченьми: септемвриа в 3-й день. На утрени, канон октоиха един, со ирмосом на 6: и святых два, на 8. Иоанна, глас 8: и преподобнаго, глас тойже. По 3-й песни,

Кондак Нила, глас 8. Подобен: Взбранной: Хврастная страстей яже от телесе востания, сечительно, Ниле блаженне, во бденной твоей ссекл еси молитве: но яко имея дерзновение ко Господу, от всяких мя бед свободи, да зову ти: радуйся, отче всемирный.

И икос, и седален, глас тойже. Слава, преподобнаго, глас тойже. По 6-й песни,

Кондак Иоанна, глас 2. Подобен: Вышних ищя: Богатство твое расточил еси убогим, и небесное богатство ныне восприял еси, Иоанне всемудре: сего ради вси тя почитаем, совершающе память твою, милостыни о тезоимените!

И икос. По 9-й песни, светилен октоиха: И Иоанна: Слава, преподобнаго. На стиховне октоиха. Слава, преподобнаго, глас 6: Преподобне отче: На литургии, блаженна октоиха: И святителя песнь 3. Прокимен, глас 7: Честна пред Господем: Стих: Что воздам Господеви: Апостол ко евреем, зачало 311: Имуще убо Архиереа велика: Аллилуиа, глас 2: Уста праведнаго поучатся премудрости: Стих: Закон Бога его: Евангелие Луки, зачало 24: Ста Иисус на месте равне: Причастен, В память вечную:

13. 🕁 Иже во святых отца нашего Иоанна, архиепископа Константиня града, Златоустаго.

Творим бдение. На малей вечерне, стихиры, глас 1. Подобен: Небесных чинов: Крестителя подражая: Слава, глас 4: Был еси, Златоусте: И ныне, Избави ны: На стиховне стихиры, глас 2. Подобен: Доме Ефрафов: Труба златовидная: с припевы их. 1-й. Уста моя возглаголют премудрость: 2-й, Священницы твои облекутся в правду: Слава, Подобен тойже: Троицы честныя: И ныне, Дево из тебе рождшагося Бога:

Тропарь, глас 8: Уст твоих якоже светлость огня возсиявши благодать, вселенную просвети: не сребролюбия мирови сокровища сниска, высоту нам смиренномудрия показа. но твоими словесы наказуя, отче Иоанне Златоусте, моли Слова, Христа Бога, спастися душам нашим.

Слава, и ныне, Богородичен. Ектения малая, и отпуст. На велицей вечерни, поем: Блажен муж, первый антифон. На Господи воззвах, стихиры на 8, глас 4. Подобен: Яко добля: Златокованную трубу: Слава, глас 6: Преподобне треблаженне: И ныне, Богородичен: Кто тебе не ублажит: Вход, прокимен дне. Чтения 3, святительская. На литии стихира храма, и святаго самогласны, глас 1: Светильниче Иоанне: Слава, глас 4, самогласен: Подобаше царствующему градов: И ныне: Тя стену стяжахом: На стиховне стихиры, глас 5. Подобен: Радуйся постников: Радуйся златозарный: с припевы их. Слава, глас 6: Труба златогласная: И ныне: Творец и избавитель мой: На благословении хлебов, Тропарь, глас 8: Уст твоих: дважды, писан на малей вечерни: и Богородице Дево: единожды. [Зри] А идеже всенощнаго бдения не бывает: По тропаре, Слава, и ныне, Богородичен: и отпуст. На утрени, на Бог Господь, тропарь святаго, дважды. Слава, и ныне, Богородичен: Иже нас ради: И обычныя кафисмы, и седальны святаго с богородичны их. И чтем от жития Златоустаго. По полиелеи седален, глас 8, дважды. Слава, и ныне, Богородичен: и чтение. Степенна, 1-й антифон 4-го гласа. Прокимен, глас 4: Уста моя возглаголют премудрость: Стих: Услышите сия вси язы́цы: Всякое дыхание: Евангелие от Иоанна, зачало 35 от полу: Не входяй дверьми: Таже псалом 50. Стихира, глас 6: Излияся благодать: Канон Богородицы, со ирмосом на 6, глас 8, и святаго на 8, глас тойже. Катавасиа: Отверзу уста моя: По 3-й песни, седален святаго, глас 8. Слава, глас тойже: И ныне, Богородичен. По 6-й песни,

Кондак, глас 6. Подобен: Еже о нас: От небес приял еси Божественную благодать, и твоими устнами вся учиши покланятися в Троице единому Богу, Иоанне Златоусте, всеблаженне преподобне, достойно хвалим тя: еси бо наставник, яко божественная являя.

И икос. По 9-й песни, светилен. Слава ин: И ныне, Богородичен. На хвалитех стихиры на 4, глас 4. Подобен: Дал еси знамение: Сосуд честнейший: Слава, глас 8: Златыми словесы: И ныне, Богородичен: Владычице приими: Славословие великое. Тропарь. Слава, и ныне, Богородичен: Иже нас ради: Ектении и отпуст. И дается елей от кандила святаго: и час первый: и конечный отпуст. На литургии, блаженна от канона святаго, песнь 3-я и 6-я. По входе тропарь храма Христова, и Богородицы, и святаго. Слава, кондак его. И ныне храма Богородицы, или, Предстательство христиан: Прокимен, глас 1: Уста моя возглаголют премудрость: Стих: Услышите сия вси язы́цы: Апостол ко евреем, зачало 318: Таков нам подобаше архиерей: Аллилуиа, глас 2: Уста праведнаго поучатся премудрости: Евангелие Иоанна, зачало 36: Рече Господь: Аз есмь дверь: Причастен: В память вечную: На трапезе бывает братии великое утешение.

[Зри] Ведомо буди, яко всегда творим мясопуст в 14-й день непременно кроме дву дней, среды и пятка. Аще ли случится мясопуст в среду или в пяток, в 14-й день, в память святаго апостола Филиппа: тогда творим мясопуст в 13-й день, на память святаго Иоанна Златоустаго, а в среду или в пяток никакоже дерзнем мясопуст творити, возбранено бо есть святыми правилы.

14. 🕂 Святаго и всехвальнаго апостола Филиппа.

На велицей вечерни, поем: Блажен муж, 1-й антифон. На Господи воззвах, стихиры апостола, на 8, глас 6. Подобен: Всю отложивше: Слава, глас 6: Великаго, Филиппе, света: И ныне: Кто тебе не ублажит: Вход. Прокимен дне, и чтения 3: ищи сего месяца в 30-й день. На литии стихира храма, и апостола, глас 4: Подобен: Яко добля: Слава, глас 2: Оставив земная. И ныне: Все упование мое: На стиховне стихиры, глас 1. Подобен: Небесных чинов: с припевы их: Слава, глас 2: Чаша аромат в мире: И ныне: О чудесе новаго: По трисвятом, Тропарь глас 3: Апостоле святый: септемвриа в 22-й день.

Или сей, глас тойже: Благоукрашается вселенная, Ефиопиа ликовствует, яко венцем красуема тобою, просветившися светло торжествует память твою, богоглаголиве Филиппе: вся бо веровати Христу научил еси, и течение совершил достойно евангелиа. тем дерзновенно варит ефиопская рука к Богу, егоже моли даровати нам велию милость.

Слава, и ныне, Богородичен: Тя ходатайствовавшую: И отпуст. На утрени, на Бог Господь: тропарь апостола, дважды, Слава, и ныне, Богородичен. По кафисмах, седальны апостола, с богородичны их. И чтение. По полиелеи седален, глас 8, дважды. Слава, и ныне, Богородичен. Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 66: Явися Иисус учеником своим: По 50-м псалме, стихира, глас 7: Премудрый ловче: Канон Богородицы со ирмосом на 6: и апостола на 8, глас 6. Катавасиа, Отверзу уста моя: По 3-й песни, седален, глас 8: Слава, ин, глас тойже: И ныне, Богородичен. По 6-й песни,

Кондак, глас 8. Подобен: Яко начатки: Ученик и друг твой, и подражатель страсти твоея, вселенней Бога тя проповеда, богоглаголивый Филипп, того молитвами от врагов пребеззаконных церковь твою, и всяк град твой, Богородицею соблюди, многомилостиве.

И икос: И пролог. По 9-й песни светилен апостола, дважды. Слава, и ныне, Богородичен. На хвалитех стихиры апостола на 4, глас 8. Подобен: О преславнаго чудесе! Слава, глас 3: Рыб ловитву: И ныне, Богородичен: Богородице предстательнице: Славословие великое. По трисвятом тропарь апостола: Слава, и ныне, Богородичен: Тя ходатайствовавшую: Ектении, и отпуст, и час 1-й. На литургии, блаженна апостола, от канона песнь 3-я и 6-я, на 8. Прокимен, глас 8: Во всю землю: Стих: Небеса поведают: Апостол к коринфяном, зачало 131: Бог ны посланники: Аллилуиа, глас 1: Исповедят небеса чудеса твоя, Господи. Евангелие Иоанна, зачало 5: Восхоте Иисус изыти в Галилею: Причастен, Во всю землю: На трапезе утешение братии.

[Зри] Подобает ведати: Яко заутра начинаем пост к Рождеству Христову, святую 40-цу. Должни есмы в сей 40-це сохраняти в коейждо седмице три дни, постящеся от елеа и вина, понедельник, среду и пяток. Точию аще случится великий святый, в того бо память разрешаем, и творим за любовь святаго праздника его ради, еже есть сего месяца 16, 25, 30. декемвриа 4, 5, 6, 9, 17, 20 день. В те бо дни, аще во вторник и в четверток, ядим рыбу. В понедельник же, в среду и в пяток, разрешаем точию на елей и вино, рыбы же не ядим, кроме храма. Аще ли единому от сих во обители храм, разрешаем на рыбу и вино. Введение же Богородицы в кийлибо день случится, аще в среду, или пяток разрешаем и на рыбы. [Зри] Нецыи же уставы от 9-го числа декемвриа повелевают поститися, и на рыбы не разрешати, кроме суббот, и недель, и храма святаго. От 20-го же числа, даже до 25, аще и суббота и неделя случится, не разрешаем на рыбы.

[Зри] Ведати подобает и сие: Яко аще случится начало сего поста в субботу, или неделю, в два сия дни глаголем на Бог Господь, тропарь святых исповедник, и по 6-й песни кондак их: и самогласны стихиры их, на своем ряду. Аще ли случится во един от пяти дней седмицы, еже есть от понедельника до пятка, не подобает пети им тропаря, но Аллилуиа чести ради святыя 40-цы, и тоя ради начала. Кондак же святых исповедник по 6-й песни глаголем, вместо мученична. Егда же в тыя дни случится Аллилуиа, творим единою днем ясти: поем же все возследование с поклоны, якоже и в великую четыредесятницу. Часы же поем с междочасием, без псалтири и без чтения, и все возследование поем с поклоны, якоже во святую 40-цу: тогда же и ядим единою днем сухоядение.

[Зри] Ведати и сие подобает: Яко в первый день, в начале вечерни, того пощения, ниже трисвятаго глаголем, ниже поклоны творим, ниже Аллилуиа поем: но прокимен дневный. От Сподоби Господи, начинаем поклоны, и творим 3 поклоны. И по Ныне отпущаеши: на трисвятом 3 поклоны. По Отче наш, глаголем тропари: Богородице Дево радуйся: с поклоны, по образу святыя четыредесятницы. Господи помилуй, 40. кротким гласом, и равно вси. Таже, Честнейшую: Иерей, Сый благословен: Мы же молитву: Небесный царю: и творим три великия поклоны, с молитвою святаго Ефрема: Господи и Владыко живота моего: Таже, глаголет иерей: Слава тебе, Христе Боже, упование наше, слава тебе. И отпуст. Повечерие же поем малое с начала без поклонов. Точию на Слава в вышних, три поклоны. На трисвятом три поклоны. По Иже на всякое время: и по Честнейшую, три поклоны великия, с молитвою святаго Ефрема, и прочия 12. и последи молитву всю вышеписанную: Господи и Владыко живота моего: И поклон великий, и наконец, по трисвятом, 3 поклоны, и отпуст. На полунощнице по обычном начале, чтец: Слава тебе, Боже наш: и Царю небесный: и поем полунощницу всю от начала с поклоны, якоже предписася во вседневней службе. По отпусте полунощницы, вшед в церковь, творит иерей начало по обычаю: и чтец трисвятое без поклонов, и прочее, яко предписася во вседневней службе. На утрени, по шестопсалмии вместо Бог Господь, поем Аллилуиа, на глас октоиха, и троичны гласа. Таже кафисмы: и по коейждо Славе творим поклоны 3. Седальны октоиха, и богородичны, и чтения. Канон октоиха, 1-й со ирмосом на 6: вторый же на 4: И минеи святаго, на 4. По 3-й песни, седален святаго, и Богородичен. По 6-й песни, кондак святаго, аще имать: аще же ни, глаголем мученичен октоиха. По 9-й песни, светилен гласа троичен, трижды. На Слава в вышних, поклоны три. На стиховне октоиха. Таже, Благо есть: единожды. И трисвятое: и поклоны три. По Отче наш, тропарь: В храме стояще: Господи помилуй, 40. Честнейшую: иерей, Сый благословен: Таже, Небесный царю: и поклоны 3 великия: и прочих 12. И последи поклон великий, с молитвою святаго Ефрема. Такоже и час 1-й, с поклоны, якоже и в великую святую 40-цу: точию без кафисмы. Заутра же услыши глас мой, Царю мой и Боже мой: поскору без пения. Подобно же и прочия часы. [Зри] В сию же 40-цу на часех и на повечерии, не стихословим с пением, ниже тропари поем со гласом: но вся тропари, и богородичны, и С нами Бог, скоро без пения глаголем. Поем же и междочасие 1-го, 3-го, 6-го и 9-го часа, По отпусте же, хотящии спастися, от своих келлий да не исходят до клепания церковнаго: но ови убо на пение укрепляются, овии же на чтение со вниманием, друзии же на рукоделие упражняются: вся же таковая творят с разсуждением настоящаго. Служебницы же внемлют о службах своих. В час же третий клеплет в малое било, и собравшеся во храм, Благословившу иерею: Предстоятель, или чтец глаголет: Слава тебе Боже наш: Царю небесный: и Трисвятое, и поклоны 3. По Отче наш: Господи помилуй 12. Приидите поклонимся: трижды. и поклоны три: и обычныя псалмы. Слава, и ныне, аллилуиа, трижды, и поклоны 3. Таже тропарь, глас 6, среди церкве глаголется от священника, или от канонарха: Господи, иже Пресвятаго Твоего Духа: весь до конца. Тоже глаголет первый лик, дважды: Вторый, единожды. Глаголет же священник: Стих, Сердце чисто созижди во мне, Боже: Стих: Не отвержи мене от лица твоего: Таже, Слава: Посем учиненный чтец глаголет: И ныне, Богородице, ты еси лоза истинная: и Господь Бог благословен: Трисвятое, и поклоны 3. По Отче наш, тропари, глас 8: Благословен еси Христе, Боже наш: Слава, Скорое и известное: И ныне, Надежда и предстательство: Господи помилуй, 40. и молитва: Иже на всякое время: Господи помилуй, трижды. Слава, и ныне: Честнейшую херувим: Иерей, Боже ущедри ны, и благослови ны: и поклоны 3 великия, с молитвою: Господи и Владыко живота моего: и прочих 12, и последи великий поклон, с молитвою. Таже молитва: Владыко Боже, Отче Вседержителю: и посем, Приидите, поклонимся: трижды: и поклоны 3. и глаголем междочасие 3-го часа, псалом 29: Вознесу тя Господи, яко подъял мя еси: псалом 31: Блажени, ихже оставишася беззакония: псалом 60: Услыши Боже моление мое: Посем, Слава, и ныне, трисвятое, и поклоны 3. По Отче наш, тропарь, глас 4: Боже отец наших: Слава, Мученцы твои Господи: И ныне, Стена необоримая: Господи помилуй, 40. Слава, и ныне: Честнейшую херувим: Иерей, Молитвами святых отец наших: и поклоны 3 великия. И посем молитва великаго Василиа: Господи Боже наш, твой мир давый учеником: Присовокупляем же и час 6-й, с поклоны, якоже предречеся. и по 16 поклонех, и по молитве: Владыко Боже Отче Вседержителю: Приидите, поклонимся, трижды: и поклоны 3. и глаголем междочасие 6-го часа, псалом 55: Помилуй мя Боже, яко попра мя человек: псалом 56, Помилуй мя Боже, помилуй мя: псалом 69: Боже, в помощь мою: Слава, и ныне, трисвятое, и поклоны 3. тропарь, глас 1: Спаси Господи люди твоя: Слава, Болезньми святых: И ныне, Молитвами Господи всех святых: Господи помилуй, 40. Слава, и ныне, Честнейшую херувим. Иерей, Молитвами святых отец наших: и поклоны три великия, с молитвою святаго Ефрема, и посем молитва великаго Василиа: Боже и Господи сил: Присовокупляем же 9-й час, с поклоны, якоже предречеся, и по 16 поклонех, и по молитве, глаголем: Приидите поклонимся, трижды: и поклоны 3. И глаголем междочасие 9-го часа, псалом 112: Хвалите отроцы Господа: псалом 137: Исповемся тебе, Господи, всем сердцем моим: псалом 139: Изми мя Господи от человека лукава, от мужа неправедна избави мя. Слава, и ныне, трисвятое, и поклоны 3. По Отче наш, тропарь, глас 8: Просветивый земныя крестом: Слава, Яко разбойник: И ныне, Нас ради распятаго: Господи помилуй, 40. Слава, и ныне: Честнейшую херувим: Иерей: Молитвами святых отец наших: и великия 3 поклоны. Посем молитва великаго Василиа: Владыко Господи, Иисусе Христе, Боже наш: Посем, Благослови душе моя Господа: Слава, Хвали душе моя Господа: И ныне, Единородный Сыне: И Во царствии твоем: и блаженна гласа. Апостол и Евангелие ряд. и Помяни нас Господи: просто без пения, и поклоны 3. По Отче наш: кондак храма, и дне, и святаго ряд. Слава, Со святыми упокой: И ныне, Богородицы храма, или Предстательство христиан: Господи помилуй, 40, Слава, и ныне, Честнейшую херувим: Иерей: Боже ущедри ны и благослови ны: и поклоны 3 великия, и прочих 12: и последи поклон великий. Таже трисвятое, и поклоны 3: и посем, Господи помилуй, 12. и молитва: Всесвятая Троице: и на Буди имя Господне, поклоны 3. Таже псалом 33: Благословлю Господа на всякое время: И отпуст. И входим к трапезу, и ядим сухоядение. И отходим кийждо в келлию свою.

[Зри] Ведомо буди: Яко егда поем Аллилуиа, и часы с междочасием, творим же и поклоны, и пост: тогда литургиа не бывает на соборе, по типиком: И попразднствовавше мало, и клепанию бывшу, собираемся во храм. И аще убо будет Бог Господь: бывает служба святаго, якоже указует ряд. Аще же есть Аллилуиа, вся вечерня с поклоны от начала, такожде и повечерие великое. От Внегда призвати ми: неизменно вся с поклоны. Сей чин и правило бывает непременно, якоже в посте Христова Рождества: такожде и в пост святых апостол, известно яко егда случится Аллилуиа.

15. Святых мученик и исповедник, Гуриа, Самона и Авива.

Аллилуиа. На Господи воззвах, стихиры Богородицы 3, глас 4. Подобен, Дал еси знамение: и мучеников 3, глас и подобен тойже. Такожде и во вся дни, в нихже поем Аллилуиа, прежде стихиры пети Богородицы: Таже святаго. Сице бо обретается в греческих минеах]. Слава, глас 2: Едес веселится: И ныне, Богородичен, или Крестобогородичен. На стиховне октоиха. Слава, глас 2: Приидите мучениколюбцы: Аще Бог Господь:

Тропарь, глас 5: Чудеса святых твоих мученик, стену необориму нам даровавый, Христе Боже: тех молитвами советы языков разори, яко един Благ и Человеколюбец.

Слава, и ныне, Богородичен, или Крестобогородичен. На утрени, на Бог Господь: тропарь святых, дважды. И обычныя кафисмы. И седальны октоиха, и чтение. Оба канона октоиха. И мучеников на 4, глас 4. По 3-й песни, седален, глас 8. По 6-й песни,

Кондак, глас 2. Подобен: Вышних ищя: С высоты мудрии благодать приемше, сущим во искушениих предстоите, всехвальнии. темже отроковицу святии от смерти горькия избависте: вы бо воистинну есте Едесу слава, и миру радость.

И икос. По 9-й песни, светилен троичен. Аще же Бог Господь, светилен октоиха. Слава, святых: И ныне, Богородичен. На литургии, прокимен, глас 4: Святым, иже суть на земли его: Стих, Предзрех Господа: Апостол ко ефесеем, зачало 233: Возмогайте о Господе: Аллилуиа, глас 4: Воззваша праведнии: Стих, Многи скорби праведным: Евангелие Луки, зачало 64: Всяк иже исповесть Мя: Причастен, Радуйтеся праведнии:

16. 🕀 Святаго апостола и евангелиста Матфеа.

На велицей вечерни, поем Блажен муж, 1-й антифон. На Господи воззвах, стихиры апостола, на 8, глас 4. Подобен: Званный свыше: Слава, глас тойже, самогласен: Зовущу Христу: И ныне, Иже тебе ради: Вход. Прокимен дне: и чтения 3: ищи сего месяца в 30-й день. Аще изволит настоятель пети литию, сего месяца в 14-й день. На стиховне стихиры, глас 4. Подобен: Дал еси знамение: с припевы их. Слава, глас 6: Из глубины злобы: И ныне, Творец и избавитель мой: По трисвятом, тропарь, глас 3: Апостоле святый и евангелисте: октовриа во 18-й день.

Или сей, глас тойже: Усердно от мытницы к звавшему Владыце Христу явльшуся на земли человеком за благость, тому последовав, апостол избранный явился еси, и благовестник евангелиа вселенней велегласен. сего ради чтим честную память твою, Матфее богоглаголиве: моли милостиваго Бога, да грехов оставление подаст душам нашим.

Слава, и ныне, Богородичен: Тя ходатайствовавшую: И отпуст. На утрени, на Бог Господь тропарь апостола, дважды. Слава, и ныне, Богородичен. По кафисмах седальны апостола, с богородичны их. И чтение. По полиелеи седален, глас 8, дважды. Слава, и ныне, Богородичен. Степенна 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим: По 50-м псалме, стихира, глас 6: Восплещим в песнех: Канон Богородицы, со ирмосом на 6, и апостола на 8, глас 4. Катавасиа: Отверзу уста моя: По 3-й песни, седален, глас 8. Слава, ин, глас тойже: И ныне, Богородичен. По 6-й песни,

Кондак, глас 4. Подобен: Вознесыйся: Мытарства иго отверг, правды игу припряглся еси, и явился еси купец всеизряднейший, богатство принес, юже с высоты премудрость. Отонудуже проповедал еси истины слово, и унылых воздвигл еси души, написав час судный.

И икос, и пролог. По 9-й песни, светилен апостола: Слава, ин: И ныне, Богородичен. На хвалитех, стихиры апостола, на 4, глас 4. Подобен: Дал еси знамение: Слава, глас 2: Иго оставив неправды: И ныне, Спаси от бед: Славословие великое. По трисвятом, тропарь апостола. Слава, и ныне, Богородичен воскресн. Ектении, и отпуст, и час 1-й. На литургии, блаженна апостола, от канона песнь 3-я, и 6-я, на 8. Прокимен, глас 8: Во всю землю: Стих: Небеса поведают славу: Апостол к коринфяном, зачало 131: Бог ны посланники: Аллилуиа, глас 1: Исповедят небеса чудеса твоя, Господи: Евангелие Матфеа, зачало 30: Преходя Иисус: Причастен, Во всю землю:

17. 🕃 Иже во святых отца нашего Григориа епископа, Неокесарийскаго чудотворца.

На Господи воззвах, стихиры на 6, глас 8. Подобен: Что вы наречем: Слава, глас 6: Во глубину видения: На стиховне октоиха. Слава, глас 6: Бодрость Божия дадеся тебе.

Тропарь, глас 8: В молитвах бодрствуя, чудес деланми претерпевая, тезоимение стяжал еси исправления: но молися Христу Богу, отче Григорие, просветити души наша, да не когда уснем в смерть.

На утрени, оба канона октоиха. И святаго на 6, глас 8. По 3-й песни, седален, глас 3. По 6-й песни,

Кондак, глас 2. Подобен: Вышних ищя: Чудес многих прием действо, знаменми ужасными демоны устрашил еси, и недуги отгнал еси человеческия, всемудре Григорие: чудотворец же именуешися, звание от дел прием.

И икос. По 9-й песни, светилен октоиха: Слава, святаго. На стиховне октоиха. таже стихира святаго, глас 4, с припевом: Священницы твои облекутся в правду: Священства избрание: Слава, глас 8: Пресловущаго в чудесех: На литургии, блаженна октоиха: И святаго: песнь 3-я. Прокимен, глас 7: Честна пред Господем: Стих: Что воздам Господеви: Апостол к коринфяном, зачало 151: Комуждо дается: Аллилуиа, глас 2: Священницы твои облекутся в правду: Евангелие Матфеа, зачало 34 от полу: Призва Иисус обанадесяте: Причастен, В память:

🕃 В тойже день преподобнаго отца нашего Никона чудотворца, ученика святаго Сергиа.

Совершается собор его во обители его, и во храме: повсюду же шестерик, во ин день.

Тропарь, глас 1: Послушания добрый рачитель быв, преподобне Никоне приснопамятне: церковь бо прекрасну Святыя Троицы, в похвалу отцу твоему воздвигл еси. темже и мы чада твоя любовию вопием ти: слава давшему ти крепость, слава венчавшему тя, слава действующему тобою всем исцеления.

Кондак, глас 4. Подобен: Явился еси: Духовному твоему настоятелю, отче Никоне, всячески прилепився, и от него наставляемь, во всем Христови поработився, монахов был еси чиноначальник, и преподобных сожитель, с нимиже Христа Бога моли непрестанно о всех нас.

18. Святых мученик, Платона и Романа.

Стихиры Платона, глас 8. Подобен: О преславнаго чудесе! И Романа, глас 4. Подобен: Яко добля: Слава, глас 6: Страшныя и преславныя: На стиховне октоиха. Тропарь, глас 4: Мученцы твои Господи: Септемвриа в 20-й день. На утрени, Канон октоиха един, и святых два. Платона, глас 8: Романа, глас 4. По 3-й песни, седален Платона, глас 8. Слава, седален Романа, глас 4. По 6-й песни,

Кондак, глас 3. Подобен: Дева днесь: Святая твоя память вселенную веселит, созывающи верныя вся в пречестный храм твой: идеже ныне радостию совокупльшеся, поем в песнех и светлостех. сего ради, Платоне, вопием ти: языческаго нашествия избави град твой, святе.

И икос. По 9-й песни, светилен октоиха. Слава, Платона. На стиховне октоиха.

19. Святаго пророка Авдиа: И святаго мученика Варлаама.

Аллилуиа, или тропарь. Стихиры пророка, глас 1. Подобен: Всехвальнии мученицы: и мученика, глас 4. Подобен: Яко добля: На стиховне октоиха. Тропарь мученика: Мученк твой Господи: Септемвриа во 2-й день. На утрени, обычныя кафисмы, и седален октоиха, и чтение. Канон октоиха един, и святых 2. По 3-й песни, седален пророка, глас 1. Слава, мученика, глас 4. По 6-й песни,

Кондак мученика, глас 4. Подобен: Явился еси: Явился еси преудивлен крепостию, всесожжения Ливан благовонен себе принесл еси жертву Христу и венец почести приим, Варлааме, присно моли за ны страдальче.

🕃 В тойже день преподобных отец наших, Варлаама, и Иоасафа царевича великия Индии.

Праздник, идеже храм.

Тропарь, глас 4: От духовнаго наставника научився, царю Иоасафе, Бога познати: крещением же просветився, люди к вере обратил еси, и отцу твоему от купели приимник быв, царство оставив, пустыню достигл еси, и в ней трудолюбне подвизался еси: моли Христа Бога со учителем твоим Варлаамом, спастися душам нашим.

Кондак, глас 8: Ведый твое из младенства благое изволение, Иоасафе, един сердцеведец Бог, и от царствия земнаго в монашеское пребывание приведый тя, великому Варлааму последовати сподоби. с нимже и ныне горний Иерусалим всесветлый отечество имея, желаемыя доброты красно наслаждаяся Святыя Троицы. молим тя царская красото, поминай нас верою чтущия тя.

20. Предпразднство Во храм входа Пресвятыя Богородицы: И преподобнаго отца нашего Григориа Декаполита: И во святых отца нашего Прокла, архиепископа Константиня града.

Стихиры предпразднства 3, глас 1. Подобен: Небесных чинов: Свещеносицы девы: И святаго Григориа 3, глас и подобен тойже. Слава, и ныне, предпразднства, глас 4: Днесь боговместимый храм: Аще в пяток вечера, Слава, предпразднства, И ныне, догматик гласа. На стиховне стихиры святаго Прокла, глас 4. Подобен: Дал еси знамение: с припевы его. 1-й, Честна пред Господем: 2: Священницы Твои облекутся в правду: Слава, и ныне, предпразднства, глас 4: Приидите вси вернии:

Тропарь, глас 4: Боже отец наших, творяй присно с нами по твоей кротости, не остави милость твою от нас, но молитвами их в мире управи живот наш.

Слава, и ныне, предпразднства.

Тропарь, глас тойже: Радость предобручает всем Анна ныне, печали сопротивный плод прозябши едину Приснодеву, юже и приводит, молитвы исполняющи, днесь веселящися в храм Господень, яко сущий храм Бога Слова, и Матерь чистую.

На повечерии, по трисвятом кондак предпразднства един. На утрени, на Бог Господь, тропарь предпразднства, дважды. Слава, святых: И ныне, предпразднства: И обычныя кафисмы. Седальны предпразднства. Канон предпразднства, со ирмосом на 6, глас 4: и святых два канона. Григориа глас 8: Прокла глас 1. По 3-й песни,

Кондак Григориа, глас 3: Светлое тя солнце церковь познавает, добродетелей красотами, и исцелений лучами, всех просвещая Христов угодниче. темже празднуем честную память твою, и почитаем подвиги твоя, всеблаженне отче, премудре Григорие.

Кондак Прокла, глас 4: Подобен: Явился еси: Достойно днесь торжествует всех градов честнейший воистинну, в честном представлении твоем, отче отцев Прокле мудре.

И седален Григориа, глас 4. Слава, Прокла, глас 3: И ныне, предпразднства, глас 1. По 6-й песни,

Кондак предпразднства, глас 4. Подобен: Явился еси: Веселия днесь вселенная исполнися вся, в благознаменитом празднице Богородицы зовущи: та есть Сень Небесная.

И икос. По 9-й песни, светилен Григориа. Слава, и ныне, предпразднства. На стиховне стихиры предпразднства, глас 1: Подобен: Небесных чинов: С припевы: 1-й, Приведутся Царю девы: 2-й, Приведутся в веселии и радовании: Слава, и ныне: глас тойже: Да радуется днесь небо свыше: На литургии, блаженна предпразднства, песнь 3-я и 6-я. По входе глаголем тропарь храма Христова, идеже храм: И тропарь предпразднства: И храма святаго: И святых общий. Таже кондак храма Христова, идеже есть, и храма святаго, и Григориа. Слава, Прокла: И ныне, предпразднства. Прокимен, глас 1: Уста моя возглаголют премудрость: Стих: Услышите сия вси язы́цы: Апостол дне, и утрешний под зачало. Таже святаго, ко евреем, зачало 318: Таков нам подобаше: Аллилуиа, глас 2: Уста праведнаго: Стих: Закон Бога его: Такожде и Евангелие дне, и утреннее, под зачало: И святаго, от Иоанна, зачало 36: Аз есмь дверь: Причастен: В память вечную:

[МРК] Подобает ведати: Яко аще случится предпразднство Входа Пресвятыя Богородицы в неделю.

В субботу, на малей вечерни, стихиры воскресны, и Богородицы по обычаю. На велицей вечерни, по обычаю кафисма. На Господи воззвах, стихиры воскресны 3, и Анатолиев 1, и предпразднства 3: И преподобнаго Григориа, 3. Слава, предпразднства: И ныне, Богородичен 1, гласа. На литии, обычное. На стиховне стихиры воскресны. Слава, и ныне, предпразднства. На благословении хлебов тропарь: Богородице Дево радуйся: трижды.

[Зри] Аще ли несть бдения, глаголем тропарь воскресн.

Слава, тропарь Григориа, глас 3: Образ был еси воздержания Божественным Духом вся просветив, правоверия течение совершил еси, учением мир просветил еси, и зловерных обличил еси смыслы: отче преподобне Григорие, Христа Бога моли, даровати нам велию милость.

И ныне, предпразднства. На Бог Господь: тропарь воскресн, дважды: Слава, Григориа. И ныне, предпразднства. По кафисмах, седальны воскресны, и богородичны их. Полиелей, и тропари: Ангельский собор: Ектениа. Ипакои гласа. Степенна. Прокимен, Евангелие воскресно, и прочая. Канон воскресн со ирмосом на 4. и Богородицы на 2: и предпразднства на 4: и преподобнаго Григориа на 4. Катавасиа: Отверзу уста моя: По 3-й песни, кондак и икос предпразднства, и кондак Григориа. Слава, седален его: И ныне, предпразднства. По 6-й песни, кондак воскресн, и икос. На 9-й песни, поем Честнейшую: Светилен воскресн. Слава, Григориа: И ныне, предпразднства. На хвалитех стихиры воскресны 4: и предпразднства, подобны три, писаны на стиховне: И самогласен их с припевы. Слава, стихира евангельская: И ныне: Преблагословенна еси: Славословие великое. По трисвятом, тропарь воскресн точию. Ектениа. И отпуст. И час 1-й. На 1-м часе, тропарь воскресн. Слава, предпразднства. И ныне, Богородичен часов. По Отче наш, кондак предпразднства: На 3-м часе, тропарь воскресн. Слава, Григориа: И ныне, Богородичен часов. По Отче наш, кондак воскресн. Такожде и на прочих часех, кондак воскресн, и предпразднства, глаголем пременяюще. На литургии, блаженна гласа, на 6: И предпразднства, песнь 3-я на 4. По входе тропарь воскресн, и предпразднства: И храма святаго. Таже тропарь, Григориа: Кондак воскресн, и храма, Слава, Григориа: И ныне, предпразднства. Прокимен, апостол, аллилуиа, Евангелие, и причастен, прежде воскресн, и потом святаго. Служба преподобническая.

Святаго же Прокла служба поется, егда разсудит екклисиарх.

Тропарь Прокла, глас, 4: Иже божественным началом премудрости, страхом Господним утверждся, оттуду священными восхождении возшел еси во ученичество Златоуста, и архиерейскаго того престола достоин быв чистоты добротами, апостольским правилом себе вообразив не себе живый, но Христу и стаду твоему. тем в нетленный живот апостольски вселился еси, иерарше Прокле: моли Христа Бога спастися душам нашим.

21. 🕀 Вход во храм Пресвятыя Владычицы нашея Богородицы и Приснодевы Марии.

Совершаем бдение, якоже и в прочих Владычних праздницех.

На малей вечерни, стихиры праздника, на 4, глас 1. Подобен: Небесных чинов: От Господа приимше обещания: Слава, и ныне, глас 8: Давид провозглашаше: На стиховне стихиры, глас 2. Подобен: Доме Евфрафов: Двери небесныя: с припевы их: 1-й, Приведутся Царю девы: 2-й, Приведутся в веселии и радовании: Слава, и ныне, глас, и подобен тойже: Свет тя трисиянный:

Тропарь, глас 4: Днесь благоволения Божия предображение, и человеком спасения проповедание, в храме Божии ясно Дева является, и Христа всем предвозвещает. Той и мы велегласно возопиим: радуйся смотрения Зиждителева исполнение.

Ектениа малая, и отпуст. На велицей вечерни, по обычном псалме поем: Блажен муж: 1-й антифон. На Господи воззвах, стихиры на 8, глас 1. Подобен: О дивнаго чудесе! Днесь вернии ликовствуем: Ины стихиры, глас 4. Подобен: Яко добля: Во святых Святая: Слава, и ныне, глас 8: По рождестве твоем: Вход, прокимен дне. И чтения 3: 1-е, Исхода: Глагола Господь к Моисею: 2-е, Царств третиих: Бысть яко соверши Соломон: 3, Пророчества Иезекиилева: Тако глаголет Господь: будет от дне осмаго: На литии стихиры, глас 1, самогласны: Да радуется днесь небо свыше: Слава, и ныне, глас 5: Возсия день радостен: На стиховне стихиры, глас 5. Подобен: Радуйся: Радуется небо и земля: с припевы их. Слава, и ныне, глас 6: Днесь собори верных: На благословении хлебов тропарь, глас 4: Днесь благоволения Божия: трижды: писан на малей вечерни. Аще же несть бдения, зри полунощницы септемвриа во 8-й день. На утрени, по шестопсалмии, На Бог Господь: Тропарь праздника трижды. И обычныя кафисмы, и седальны праздника. и чтения во евангелии толковом. Таже полиелей праздника. И даются свещи братии. И седален, глас 8. Слава, и ныне, тойже: и чтение. Таже степенна, 1-й антифон 4-го гласа. Прокимен праздника, глас тойже: Слыши Дщи и виждь, и приклони ухо твое. Стих: Отрыгну сердце мое слово благо: Всякое дыхание: Евангелие Луки, зачало 4: Воставши Мариам: По 50-м псалме: Вместо Молитвами Богородицы: Слава, глас 2: Днесь Храм одушевленный: И ныне, тойже. Таже, Помилуй мя Боже: Стихира, глас 4: Днесь боговместимый храм: и прочая. Канона два: един 4-го гласа: другий 1-го гласа: ирмосы обою канонов по дважды. Тропари на 12, якоже быти им со ирмосы на 16. Катавасиа: Христос раждается: оба лика вкупе. [Зри] [От сего дне катавасиа сия поется, до 1-го дне ианнуариа. По 3-й песни, седален, глас 4. Подобен: Удивися: Возопий Давиде: Слава, и ныне: Непорочная Агница: И чтение. По 6-й песни,

Кондак, глас 4. Подобен: Вознесыйся: Пречистый Храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи, яже в Дусе Божественном, юже воспевают Ангели Божии: сия есть селение Небесное.

И икос. и чтем пролог. На 9-й песни вжигают свещи братия: Честнейшую же не поем, но поем припев праздника: Ангели вхождение Пречистыя: И ирмос: Яко одушевленному Божию кивоту: Подобне и другий лик тойже припев, и ирмос: и к тропарем тойже припев. Посем припев другаго канона: Величай душе моя приведенную во храм Господень: И ирмос: Светоносный облак: дважды: И к прочим тропарем тойже припев. Таже на сходе оба лика поют среди церкве первый припев. И катавасиа: Таинство странное: И поклон. Светилен праздника, трижды. На хвалитех стихиры, на 4: глас 1-й. Подобен: Небесных чинов: Свещеносицы девы: Слава, и ныне, глас 2: Днесь во храм приводится: Славословие великое. По трисвятом тропарь праздника, ектении, и отпуст. И поем стихиру самогласну, праздника. [Зри] И дается святый елей братии от кандила праздника, якоже указася септемвриа в 26-й день, и час 1-й. На 1-м часе, тропарь праздника. По трисвятом кондак праздника, и прочее, и совершенный отпуст. На литургии, блаженна, от канона песнь 3-я, 4-го гласа: и 6-я, 1-го гласа, на 8. По входе тропарь праздника. Слава, и ныне, кондак праздника. Прокимен, глас 3, песнь Богородицы: Величит душа моя Господа: Стих: Яко призре на смирение рабы Своея: Апостол ко евреем, зачало 320: Имеяше первая скиниа: Аллилуиа, глас 8: Слыши Дщи и виждь и приклони ухо твое. Стих: Лицу твоему помолятся богатии людстии. Евангелие Луки, зачало 54: Вниде Иисус в весь некую: Причастен: Чашу спасения: Вестно буди, Яко празднуется праздник сей, 5 дней.

[МРК] Подобает ведати, яко аще случится праздник Введения Богородицы в неделю.

В субботу, на малей вечерни, на Господи воззвах, стихиры воскресны, гласа 4. Слава, и ныне, праздника, иже на Господи воззвах, малыя вечерни. На стиховне стихира воскресна едина, таже праздника стиховна великия вечерни, со стихи праздничными. Слава, и ныне, праздника. Тропарь воскресн. Слава, и ныне, праздника. Посем ектения малая, и отпуст. На велицей вечерни, на Господи воззвах, стихиры воскресны 3, и Анатолиев 1: и праздника 6. Слава, и ныне, праздника. Посем вход. Прокимен дне, и чтения праздника 3. На литии стихиры, и Слава, и ныне, праздника: Возсия день: На стиховне стихиры воскресны. Слава, и ныне, праздника. На благословении хлебов тропарь праздника трижды. и чтение в посланиих апостольских. На утрени, на Бог Господь, тропарь воскресн, дважды. Слава, и ныне, праздника. По обычных кафисмах, седальны воскресны с богородичны их. И чтение во евангелии толковом. Таже, полиелей, и тропари: Ангельский собор: ипакои, гласа: и седальны вси праздника, по единожды. Слава, и ныне, праздника, иже по полиелеи седален, и чтение праздника. Степенна гласа. Прокимен, и Евангелие праздника. Таже, Воскресение Христово: псалом 50: и целование евангелиа по обычаю. Таже, Слава, припев: праздника. И ныне, тойже, и стихира праздника. Канон воскресн со ирмосом на 4: и Богородицы два: и праздника оба канона на 8. Катавасиа, Христос раждается: оба лика вкупе. По 3-й песни, кондак и икос воскресн: и седален праздника, дважды. и чтение праздника. По 6-й песни, кондак и икос праздника. И чтение в пролозе. На 9-й песни припевов не поем, но Честнейшую: Светилен воскресн. Слава, и ныне, праздника. На хвалитех стихиры воскресны, 4: и праздника 4, со стихи праздничными. Слава, праздника: И ныне, Преблагословенна еси Богородице Дево: Таже, Славословие великое. По трисвятом, тропарь воскресн точию, и ектении, и отпуст. Таже стихира евангельская, и оглашение, и обычное исхождение, и час 1-й, в притворе. На часех, тропарь воскресн: Слава, тропарь праздника: И ныне, Богородичен часов. По Отче наш, кондак воскресн. Такожде и на всех часех кондаки пременяюще глаголем. На литургии, блаженна воскресна гласа на 6: и праздника песнь 3, на 4. По входе тропарь воскресн, и праздника. Слава, кондак воскресн. И ныне, праздника. Прокимен, апостол, аллилуиа, Евангелие и причастен, прежде дне, и праздника.

[МРК] Подобает ведати, аще случится попразднство Входа Богородицы в неделю, и святый празднуется на 4, или на 6.

В субботу на малей вечерни, стихиры воскресны, и Богородице, по обычаю. На велицей вечерни, по стихословии, на Господи воззвах, стихиры воскресны 3, и Анатолиев 1, и праздника 3, того дне рядовыя, и святаго минеи 3. Аще ли поется святый на 6, или емуже и полиелей, и поем стихиры воскресны 3: и праздника 3: и святаго 4. Слава, святаго. Аще же ни, Слава, праздника, И ныне, Богородичен 1-го гласа. Вход. Прокимен дне. На литии стихиры праздника, того дне стиховныя, и святаго, аще полиелей. Слава, и ныне, праздника: Аще ли имать святый Славу, Слава, святаго, И ныне, праздника. На стиховне стихиры воскресны. Слава, святаго, аще есть. Аще ли ни, Слава, и ныне, праздника. На благословении хлебов тропарь, Богородице Дево: дважды. и праздника единожды. На утрени, на Бог Господь, тропарь воскресн, дважды: Слава святаго, аще есть: аще ли ни, Слава, и ныне, праздника. По кафисмах седальны воскресны с богородичны их, и чтение во евангелии толковом. Полиелей и тропари: Ангельский собор: ипакои. Степенна, и прокимен гласа. Евангелие воскресно: и стихира воскресна: и прочее воскресно. Канон воскресн, со ирмосом на 4: И Богородицы на 2: Праздника на 4: и святаго на 4. Аще полиелей, канон воскресн со ирмосом на 4: и праздника на 4: святаго, на 6. Катавасиа, Христос раждается: По 3-й песни, кондак праздника, и икос: и святаго аще имать: и седален святаго. Слава, и ныне, праздника: и чтение. По 6-й песни, кондак воскресн, и икос. и чтем пролог. На 9-й песни поем Честнейшую: Светилен воскресн: Слава, святаго, аще имать: аще ли ни, Слава, и ныне, праздника. На хвалитех стихиры воскресны 4: и праздника со славным 4, стиховныя утренния, со стихи праздника. Аще имать святый стихиры на хвалитех, и поем стихиры воскресны 4: и святаго со славным 4, с припевы его. Слава, стихира евангельская: И ныне, Преблагословенна еси Богородице Дево: Славословие великое. По трисвятом, тропарь воскресн точию: И ектении. И отпуст. И оглашение: И обычное исхождение в притвор. Таже час 1: На 1-м часе, тропарь воскресн. Слава, тропарь праздника: И ныне, Богородичен часов. По Отче наш: кондак праздника. На 3-м часе, тропарь воскресн: Слава, святаго: И ныне, Богородичен часов. По Отче наш: кондак воскресн. Такожде и в прочия часы глаголем воскресный тропарь всегда с праздничным, и со святаго тропарем пременяюще, аще есть. А кондак воскресн и праздника, глаголем пременяюще, аще полиелей, и святаго. На литургии, блаженна гласа на 6: и праздника рядовая песнь, на 4: Аще ли имать святый песнь во уставе, и воскресна на 4: и праздника песнь рядовая на 4: и святаго песнь 6, на 4. По входе тропарь воскресн и праздника, и храма святаго, и святому, аще имать. Таже кондак воскресн. Слава, святаго: И ныне, праздника. Аще ли не имать святый тропаря и кондака: Слава, кондак воскресн: И ныне, кондак праздника. Прокимен, апостол, Аллилуиа, Евангелие, и причастен дне, и святаго, аще имать: аще ли ни, то ряд недели един.

22. Святаго апостола Филимона, и иже с ним:

На Господи воззвах, стихиры праздника, глас 8. Подобен: О преславнаго чудесе! И святых, глас 2. Подобен: Егда от древа: Слава, и ныне, праздника, глас 1: Да радуется днесь небо свыше: На стиховне стихиры праздника, глас 2. Подобен: Доме Евфрафов: с припевы их. Слава, и ныне, глас тойже, самогласен: Днесь в храм приводится. Тропарь апостолов, глас 3: Апостоли святии: октовриа в 31-й день. Слава, и ныне, праздника, и отпуст. На утрени, на Бог Господь, тропарь праздника, дважды, Слава, апостолов: И ныне, праздника. И обычныя кафисмы: И седальны праздника. Канон праздника, глас 4, со ирмосом на 8: и святых на 4, глас 2. По 3-й песни,

Кондак апостолов, глас 2. Подобен: Вышних ищя: Яко звезды всесветлыя, просвещающия концы, апостолы Христовы восхвалим: Филимона славнаго, и Архиппа священнаго, и Онисима, и Марка, и Аполлоса, с нимиже и Апфию всемудрую, вопиюще: молите непрестанно о всех нас.

И седален святых, глас 8: Слава, и ныне, праздника. По 6-й песни кондак праздника. По 9-й песни, светилен праздника. Слава, и ныне, тойже. На стиховне стихиры праздника, глас 6. Подобен: Тридневен: С припевы. Слава, и ныне, глас 4: Днесь боговместимый храм: На литургии, блаженна праздника, песнь 1-я, на 6. По входе тропарь храма Христова. Таже праздника, и храма святаго: Посем святых. Таже, кондак храма Христова, или святаго: Слава, кондак апостолов: И ныне, праздника. Сице глаголются тропари и кондаки, и до отдания, кроме недели. Прокимен, глас 8: Во всю землю изыде: Стих: Небеса поведают славу Божию: Апостол к Филимону послания, последи 302-го зачала: Павел юзник Иисус Христов, и Тимофей брат, Филимону возлюбленному: Аллилуиа, глас 1: Исповедят небеса чудеса твоя Господи. Евангелие Луки, зачало 8: Яви Господь и инех седмьдесят: Причастен: Во всю землю:

🕃 В тойже день убиение святаго благовернаго великаго князя Михаила Тверскаго.

Совершается собор его во Твери, и идеже храм его.

Тропарь, глас 8: Возвысив ум твой к Богу: и жития со ангелы возжелел еси, тленную славу земную оставил еси, блаженне, и положил еси душу твою за люди твоя, восприял еси венец противу трудов твоих, богомудре Михаиле: моли Христа Бога о чтущих любовию святую память твою.

Кондак, глас 2. Подобен: Вышних ищя: Вышних ищя и земную славу презрев, церковь Божию обагрил еси твоею кровию, за нюже и пострадал еси, святе Михаиле, заколение неправедное прием веселяся: темже со ангелы предстоя Христу Богу, моли непрестанно за вся ны.

23. Иже во святых отец наших Амфилохиа, епископа Иконийскаго, и Григориа, епископа Акрагантийскаго.

Стихиры Амфилохиа 3, глас 4. Подобен: Дал еси знамение: И Григориа 3, глас 8. Подобен: О преславнаго чудесе! Слава, и ныне, праздника, глас 4: Приидите вси вернии: На стиховне стихиры праздника, глас 1. Подобен: Небесных чинов: С припевы их. Слава, и ныне, глас 5: Возсия день радостен: Тропарь, глас 4: Боже отец наших: Сего месяца в 21-й день. Слава, и ныне, праздника. И отпуст. На утрени, на Бог Господь, тропарь праздника, дважды. Слава, святых: И ныне, праздника. И обычныя кафисмы: и седальны праздника: и чтение. Канон праздника со ирмосом на 6: И святых два, на 8: Амфилохиа, глас 4: И Григориа, глас 8. По 3-й песни, кондак праздника, и икос.

Таже кондак Григориа, глас 4. Подобен: Явился еси: Светолучными сиянии церковь Святаго Духа световодит светлое совершающия твое успение, преподобне отче, всеблаженне Григорие.

И седален Амфилохиа, глас 4. Слава, Григориа, глас 8. И ныне, праздника. По 6-й песни,

Кондак Амфилохиа, глас 2. Подобен: Вышних ищя: Божественный гром, труба Духа, веры садоделателю и сечиво ересей, иерарше Амфилохие, Троицы угодниче великий, со ангелы предстоя присно, моли непрестанно о всех нас.

И икос. По 9-й песни, светилен Амфилохиа: Слава, Григориа: И ныне, праздника. На стиховне стихиры праздника, глас 2. Подобен: Доме Евфрафов: Слава, и ныне, глас 6: Днесь собори верных: На литургии, блаженна праздника, песнь 4-я и 5-я, на 6. Прокимен, глас 7: Честна пред Господем смерть преподобных его. Стих: Что воздам Господеви о всех: Апостол ко евреем, зачало 334: Поминайте наставники ваша: Аллилуиа, глас 2: Священницы Твои облекутся в правду: Стих: Закон Бога его в сердцы его. Евангелие Матфеа, зачало 103: Бдите убо, яко не весте: Причастен: Радуйтеся праведнии:

🕂 В тойже день преставлепие святаго благовернаго великаго князя Александра Невскаго, и всея России чудотворца:

Совершается собор, идеже храм его.

Тропарь, глас 4: Яко благочестиваго корене пречестная отрасль был еси, блаженне Александре: яви бо тя Христос, яко некое божественное сокровище Российстей земли, новаго чудотворца преславна и богоприятна. и днесь сошедшеся в память твою верою и любовию, во псалмех и пениих радующеся славим Господа, давшаго тебе благодать исцелений. егоже моли спасти град сей, и сыновом Российским спастися.

Кондак, глас 8. Подобен: Яко начатки: Яко звезду тя пресветлую почитаем, от востока возсиявшую, и на запад пришедшую: всю бо страну сию чудесы и добротою обогащаеши, и просвещаеши верою чтущия память твою, Александре блаженне. сего ради днесь празднуем твое успение, людие твои сущии, моли спасти отечество твое, и вся притекающия к раце мощей твоих, и верно вопиющия ти: радуйся граду нашему утверждение.

🕂 В тойже день память перваго Воронежскаго святителя Митрофана, в схимонасех Макариа:

Совершается собор, идеже храм его.

Тропарь, глас 4: Правило веры, и образ кротости, словом и житием, пастве твоей, отче смиреномудре Митрофане, был еси. темже и во светлостех святых, солнца светлейше возсиял еси, венцем нетления и славы украшаемь, моли Христа Бога, всей державе нашей, и граду твоему в мире спастися.

Кондак, глас 8. Воздержанием тело духу поработив, душу же равноангельну сотворив, святительскою одеялся еси одеждою, яко венец священства: и ныне всех Владыце предстоя, моли, всеблаженне Митрофане, умирити и спасти души наша.

24. 🕃 Святыя великомученицы Екатерины: 🕃 И святаго великомученика Меркуриа:

Стихиры Екатерины 3, глас 1. Подобен: Небесных чинов: И Меркуриа 3, глас 4. Подобен: Яко добля: Слава, Екатерины, глас 2: Радостно к торжеству: И ныне, праздника, глас 8: По рождестве твоем: На стиховне стихиры праздника, глас 1. Подобен: Небесных чинов: Слава, Екатерины, глас 2: Житие невещественно: И ныне, праздника, глас 8: Давид провозглашаше: Тропарь, глас 4: Агница твоя, Иисусе: септемвриа в 16-й день.

Или сей, глас тойже: Добродетельми яко лучами солнечными просветила еси неверныя мудрецы, и якоже пресветлая луна ходящим в нощи неверия тьму отгнала еси, и царицу уверила еси, вкупе же и мучителя обличила еси, богозванная невесто, блаженная Екатерино. желанием востекла еси в небесный чертог к прекрасному Жениху Христу и от него царским венцем венчалася еси: емуже со ангелы предстоящи, за ны молися, творящия пречестную память твою.

Слава, Меркуриа, глас тойже: Мученк твой, Господи: септемвриа во 2 день. И ныне, праздника. И отпуст. На утрени, на Бог Господь, тропарь праздника, единожды. И Екатерины единожды. Слава, Меркуриа: И ныне, праздника. И обычныя кафисмы. и седальны праздника. Канон праздника со ирмосом на 6: И святых на 8: Екатерины, глас 8: Меркуриа, глас тойже. По 3-й песни, кондак и икос праздника:

Потом кондак Меркуриа, глас 4. Подобен: Явился еси: Во бранех непобедимаго воина, и в бедах непостыдна заступника, песньми Меркуриа ублажим, славяще: празднующия бо память его весело, от бед избавляет и скорбей.

И седален Екатерины, глас 4. Слава, Меркуриа, глас тойже: И ныне, праздника, глас тойже. По 6-й песни,

Кондак Екатерины, глас 2. Подобен: Вышних ищя: Лик честный божественне мучениколюбцы воздвигните ныне, почитающе всемудрую Екатерину: сия бо в тризнищи Христа проповеда, и змия попра, риторов разумы укротивши.

И икос. По 9-й песни, светилен святых. Слава, и ныне, праздника. На хвалитех стихиры, глас 4. Подобен: Дал еси знамение: Слава, глас 2: Житие невещественно: И ныне: Днесь собори: На стиховне стихиры, глас 2. Подобен: Доме Евфрафов: Слава, и ныне, глас и подобен тойже: Двери небесныя: и отпуст. На литургии, блаженна праздника, песнь 7-я и 8-я, на 4: И святыя, песнь 6-я. Прокимен, глас 4: Дивен Бог во святых своих: Стих: В церквах благословите Бога Господа: Апостол ко ефесеем, зачало 233: Возмогайте о Господе: Аллилуиа, глас 1: Воззваша праведнии и Господь услыша их. Евангелие Луки, зачало 106: Возложат на вы руки своя: Причастен: Радуйтеся праведнии:

🕃 В тойже день святаго мученика Меркуриа Смоленскаго.

Совершается собор его во храме его.

Тропарь, глас 4: Мученк твой Господи: септемвриа во 2-й день.

Кондак, глас тойже: Явися во бранех непобедимь воин, от римлян родом, сыновство име града Смоленска: яко бо сих ради наречеся, яко от Богородицы страж крепок послася граду, песньми Меркуриа ублажим, празднующе весело память его, яко да избавит град наш от беды ратник.

25. Иже во святых отец наших и священномучеников, Климента папы Римскаго и Петра Александрийскаго.

🕃 В сей день отдается праздник Входа Пресвятыя Богородицы.

На Господи воззвах, стихиры праздника 3: глас 1. Подобен: О дивнаго чудесе! Поемыя на самый праздник. И Климента 3, глас 2: Подобен: Егда от древа: Слава, и ныне, праздника, глас 8: По рождестве твоем: На стиховне стихиры праздника, глас 5. Подобен: Радуйся: Радуется небо и земля: С припевы их. Слава, и ныне, праздника, глас 6: Днесь собори верных: Тропарь святых, глас 4: Боже отец наших: сего месяца в 20-й день. Слава, и ныне, праздника. И отпуст. На утрени, на Бог Господь, тропарь праздника, дважды. Слава, святых: И ныне, праздника: И обычныя кафисмы. Седальны праздника. И чтение. Канон праздника един, со ирмосом на 6: И святых два, на 8. Климента, глас 8. Петра, глас тойже. Катавасиа: Христос раждается: По 3-й песни,

Кондак Климента и Петра, глас 4. Подобен: Явился еси: Церкве недвижимии и божественнии пиргове, благочестия божественнии столпи, воистинну крепцыи, Клименте с Петром всехвальнии, вашими молитвами соблюдите вся.

И седален Климента, глас 4. Слава, Петра, глас 8. И ныне, праздника, глас 4. По 6-й песни, кондак праздника, и икос. На 9-й песни, Честнейшую, не поем, но поем припев праздника, яко предписася. Святым же припеваем стихи песней: в конец же 9-й песни, поет 1-й лик припев праздника, таже катавасиа праздника: Таинство странное вижу: И поклон. Светилен святых. Слава, и ныне, праздника. На хвалитех стихиры на 6, праздника 3, глас 1. Подобен: Небесных чинов: Свещеносицы девы: И святаго петра 3, глас и подобен тойже: Пресущныя Троицы: Слава, глас 4: Рукою Божиею: И ныне, праздника, глас 2: Днесь во храм: Славословие великое. По трисвятом, тропарь святых. Слава, и ныне, праздника. Ектении: И отпуст. И час 1. На первом часе тропарь праздника: Слава, святых: И ныне, Богородичен. По трисвятом кондак праздника, непременно. На литургии, блаженна праздника обою канонов, песнь 9-я на 8. По входе тропарь праздника: И святых. Слава, кондак святых: И ныне, праздника. Прокимен, песнь Богородицы, глас 3: Величит душа моя Господа: Стих: Яко призре на смирение рабы своея: Святых прокимен, глас 7: Честна пред Господем: Апостол праздника, ко евреем, зачало 320: Имеяше первая скиниа: И святых к филипписием, зачало 246: Наше житие на небесех есть: Аллилуиа, глас 8: Слыши Дщи и виждь: Евангелие праздника, Луки, зачало 54: Вниде Иисус в весь некую: И святых, Матфеа, зачало 11: Вы есте свет мира: Причастен: Чашу спасения: И святых, В память: И отдается праздник Входа Пресвятыя Богородицы.

[МРК] Подобает ведати, яко аще случится отдание праздника Входа Пресвятыя Богородицы в неделю, оставляется возследование святаго Петра, и поется, егда хощет екклисиарх.

В субботу на малей вечерни, стихиры воскресны, и Богородицы по обычаю. На велицей вечерни, на Господи воззвах, стихиры воскресны 3: И Анатолиев 1: И праздника 3, глас 1: Днесь вернии: И Климента 3. Слава, праздника, глас 8: По рождестве твоем: И ныне, Богородичен 1, настоящаго гласа. Вход. Прокимен дне. На литии стихиры праздника: Слава, и ныне, праздника. На стиховне стихиры воскресны гласа. Слава, и ныне, праздника. На благословении хлебов, тропарь: Богородице Дево: трижды. И чтение в посланиих апостольских. А идеже всенощное не бывает, глаголем тропарь воскресн.

Слава, тропарь Климента, глас 4: Иже от Бога чудодействы преславно удивляя вселенныя концы мира, священный страдальче: паче естества морю, составы водам содеваеши разделение, в честней памяти твоей, всегда притекающим усердно в богозданную ти церковь, чудесным твоим мощем: и по всенародном хождении, море во едино течение чудодетельне твориши, Клименте предивный, моли Христа Бога спастися душам нашим.

И ныне, праздника. На утрени, на Бог Господь, тропарь воскресн, дважды. Слава, Климента: И ныне, праздника. По кафисмах, седальны воскресны, с богородичны их. И чтение. И полиелей. Таже тропари: Ангельский собор: Ипакои гласа. И прочее воскресно. Канон воскресн со ирмосом на 4: И Богородицы на два: И праздника 1-го гласа, на 4: И Климента на 4. Катавасиа, Христос раждается: По 3-й песни, кондак и икос праздника.

Таже кондак Климента, глас 2. Подобен: Твердыя: Божественнаго винограда священноодеянна всем лоза явися, каплющи сладость премудрости, молитвами твоими всечестне. да тебе исткану яко багряницу, песнь мысленную принесем, Клименте святе: спаси рабы твоя.

И седален его. Слава, и ныне, праздника. По 6-й песни, кондак и икос воскресн. На 9-й песни поем, Честнейшую: Светилен воскресн: Слава, святаго: И ныне, праздника. На хвалитех стихиры воскресны, 4, И праздника со Славным, 4, с припевы праздничными. Слава, стихира евангельская: И ныне, Преблагословенна еси: Славословие великое. Тропарь воскресн точию, Ектении, и отпуст, и час 1-й. На часех, тропарь воскресн, и праздника: и ныне, Богородичен часов. По Отче наш: кондак праздника, и воскресн, глаголем пременяюще. На литургии, блаженна гласа, на 6: И праздника, песнь 9-я, на 4. По входе тропарь воскресн, и праздника, и святаго. Кондак воскресн. Слава, Климента: И ныне, праздника. Прокимен гласа и праздника. Апостол, Аллилуиа, Евангелие воскресное, и праздника. Причастен: Хвалите Господа с небес: Другий, Чашу спасения:

26. Преподобнаго отца нашего Алипиа столпника:

Аллилуиа, или тропарь. Стихиры октоиха, или Богородицы 3: И святаго 3, глас 1. Подобен: Всехвальнии мученицы: На стиховне октоиха.

Тропарь, глас 1: Терпения столп был еси, ревновавый праотцем, преподобне, Иову во страстех, Иосифу во искушениих, и безплотных жительству сый в телеси, Алипие отче наш, моли Христа Бога спастися душам нашим.

На утрени, обычныя кафисмы: И седальны октоиха: И чтения. Оба канона октоиха: И святаго на 4, глас 5. По 3-й песни, седален, глас 4. По 6-й песни,

Кондак, глас 8. Подобен: Яко начатки: Яко добродетелей вину, и постников удобрение, церковь славит тя днесь, и воспевает, Алипие, молитвами твоими подаждь чтущим любовию доблести твоя и борения, лютых прегрешений избавление, яко тезоименитый.

И икос. По 9-й песни, светилен: и на стиховне октоиха.

В тойже день празднуем освящению церкви святаго великомученика Георгиа, яже в Киеве у Златых врат.

Служба его поется, идеже храм его.

Тропарь, глас 4: Днесь блажат тя мира концы божественных чудес исполншеся, и земля радуется напившися крове твоея: христоименитии же людие града Киева, освящением божественнаго храма твоего, радостию возвеселишася, страстотерпче Георгие, сосуде избранный Святаго Духа, угодниче Христов. егоже моли, с верою и мольбою приходящим во святый твой храм, дати очищение грехов, умирити мир, и спасти души наша.

Кондак, глас 2. Подобен: Твердыя: Божественнаго и венценоснаго великомученика Христова Георгиа, на враги победу вземшаго одоления, сошедшеся верою во освященный храм восхвалим, егоже благоволи Бог создати во имя его, един во святых почиваяй.

В тойже день преставление святителя Иннокентиа, перваго епископа Иркутскаго, чудотворца.

Совершается собор, идеже храм его.

Тропарь, глас 3: Светильниче церкве пресветлый, озаривый лучами доброт твоих страну сию, и исцеленьми многими притекающих к раце твоей с верою Бога прославивый, молим тя, святителю отче Иннокентие, ограждай молитвами твоими град сей от всех бед и печали.

Кондак, глас 4: Непорочности соименнаго пастыря, проповедника веры в языцех монгольских, славу и украшение Иркутския паствы, любовию восхвалим вси вернии: той бо есть хранитель страны сея и молитвенник о душах наших.

27. 🕃 Святаго мученика Иакова Персянина:

И преподобнаго отца нашего Палладиа.

Служба его поется на повечерии.

Стихиры мученика на 6, глас 2. Подобен: Егда от древа: Слава, глас 5: Удивил еси, о Иакове: На стиховне октоиха. Слава, глас 8: Верно сошедшеся: Тропарь, глас 4: Мученк твой Господи: септемвриа во 2-й день.

Или сей, глас тойже: Мучении странноужасными, и доблестию терпения всех преудивил еси, многострадальне: над коимждо составом удеси резания, благодарны мольбы предивне изрекл еси Господу. Тем во страдании твоем венец прием, к Престолу возшел еси Небеснаго Царя Христа Бога, Иакове: того моли спасти души наша.

На утрени оба канона октоиха: И святаго на 6, глас 2. По 3-й песни, седален, глас 8, дважды. По 6-й песни,

Кондак, глас 2. Подобен: Вышних ищя: Уверився доброю супружницею терпеливодушне, и страшнаго судища убоявся, персское повеление и страх, Иакове, поплевал еси, и явился еси мученик честный, телом яко розга режемь.

И икос. По 9-й песни, светилен октоиха. Слава, мученика. На стиховне октоиха. Слава, мученика, глас 2: Терпя во страданиих: На литургии, прокимен, глас 4: Святым, иже суть на земли его: Апостол к ефесеем, зачало 233. Аллилуиа: Многи скорби праведным: Евангелие Иоанна, зачало 50. Причастен: В память вечную:

🕂 В тойже день знамение Пресвятыя Богородицы, бывшее в Великом Нове граде.

Аще храм пресвятыя Богородицы Знамения, и поется служба Знамения во всем подобне, якоже септемвриа в 8-й день. Кроме же храма поется служба Знамения, со Иаковом Персянином сице:

На малей вечерни, На Господи воззвах, стихиры на 4, глас 1. Подобен: Небесных чинов: Слава, и ныне, глас тойже. На стиховне стихиры, глас 2: Подобен: Доме Евфрафов: с припевы их. Слава, и ныне: глас 1, и прочее обычно, и отпуст. На велицей вечерни, Блажен муж: 1-й антифон. На Господи воззвах, стихиры на 8: Богородицы 4: глас 8. самогласны: Гордостию зависти: и мученика 4: глас 2. Подобен: Егда от древа: Мира красная оставль: Слава, мученика, глас 5: Дивен был еси, Иакове: И ныне, Богородицы, глас 6: Веселитеся, людие: Вход. Прокимен дне. Чтения Богородицы 3. На литии стихиры, глас 6: Роги грешных сотрошася: Слава, и ныне, глас тойже: Сей день избавления нашего наста: На стиховне стихиры, глас 1, самогласны: Якоже древле во Иерусалиме: с припевы их. Стих 1: Воскресни Господи в покой твой: Стих 2: Клятся Господь Давиду истиною: Слава, мученика, глас 8: Верно сошедшеся днесь: И ныне, Богородицы, глас тойже: Мнящеся непокоривии: По Ныне отпущаеши: Тропарь мученика, глас 4.

Слава, и ныне, тропарь Богородицы, глас тойже: Яко необоримую стену, и источник чудес стяжавше тя раби твои, Богородице Пречистая, сопротивных ополчения низлагаем. темже молим тя: мир граду твоему даруй, и душам нашим велию милость.

И отпуст. На утрени, на Бог Господь, тропарь Богородицы, дважды. Слава, мученика: И ныне, Богородицы. И обычныя кафисмы. По 1-й и по 2-й кафисме, и по полиелеи, седальны Богородицы, и чтение. Степенна 1-й антифон 4-го гласа. Прокимен, глас 4: Слыши дщи и виждь, и приклони ухо твое. Стих: Отрыгну сердце мое: Евангелие Луки, зачало 4: Воставши Мариам: По 50-м псалме стихира, глас 6: Веселитеся людие: писана на Господи воззвах, Слава. Канона два Богородицы, со ирмосом на 8. Един, глас 6: другий, глас 8: И мученика, на 6, глас 2. Катавасиа: Христос раждается: По 3-й песни, кондак и икос мученика. Седален Богородицы, глас 8. Слава, святаго, глас тойже: И ныне, Богородицы. По 6-й песни,

Кондак Богородицы, глас 4. Подобен: Явился еси: Честнаго образа твоего Знамение празднующе людие твои, Богородительнице, имже дивную победу на сопротивныя граду твоему даровала еси. темже тебе верою взываем. радуйся, Дево, христиан похвало.

И икос. и чтем пролог. По 9-й песни, светилен Богородицы. Слава, мученика: И ныне, Богородицы. На хвалитех стихиры на 4: глас 6, самогласны. Слава, мученика, глас 2: Терпев во страдании, мучениче: И ныне, Богородицы, глас 8: Мнящеся непокоривии: Славословие великое. По трисвятом тропарь святаго: Слава, и ныне, Богородицы. Ектении и отпуст, и час 1. На 1-м часе, тропарь Богородицы. Слава, святаго: И ныне, Богородичен часов. По трисвятом на всех часех кондак Богородицы, непременно. И совершенный отпуст. На литургии, блаженна Богородицы, 1-го канона песнь 3-я, на 4: 2-го канона песнь 6-я, на 4. Прокимен, глас 3. Песнь Богородицы: Величит душа моя Господа: Стих: Яко призре на смирение рабы своея: И мученику, прокимен, глас 4: Святым, иже суть на земли его: Апостол Богородицы, ко евреем, зачало 320: Имеяше убо первая скиниа: и мученику апостол ко ефесеем, зачало 233. Возмогайте о Господе: Аллилуиа, глас 8: Слыши дщи и виждь: Стих: Лицу твоему помолятся богатии людстии. И мученику, Стих: Многи скорби праведным: Евангелие Богородицы, Луки, зачало 54: Вниде Иисус в весь некую: мученика, Евангелие Иоанна, зачало 50: Аз есмь лоза истинная: Причастен Богородицы: Чашу спасения: Мученка, В память вечную:

Потребно есть ведати и сие, яко аще случится праздник Пресвятыя Богородицы, честнаго Ея Знамения: И святаго великомученика Иакова Персскаго, в неделю.

На малей вечерни, на Господи воззвах, стихиры воскресны гласа, на 4: Слава, и ныне, Знамения. На стиховне стихира воскресна едина: и Знамения стиховна со стихи ея. Слава, и ныне, Знамения. Таже, Ныне отпущаеши: и по трисвятом тропарь воскресн: Слава, и ныне, Знамения. Ектениа малая: Помилуй нас Боже: и отпуст. На велицей вечерни, по обычном стихословии на Господи воззвах, стихиры воскресны 3, и Анатолиев 1: и Знамения 3: и мученика Як. 3. Слава, Знамения. И ныне, Богородичен 1-й гласа. Чтения Знамения. На литии стихиры Знамения: Слава, мученика: И ныне, Знамения. На стиховне стихиры воскресны: Слава, мученика, И ныне, Знамения. На благословении хлебов тропарь Знамения трижды. Аще несть бдения, глаголем тропарь воскресн. Слава, мученика: И ныне, Знамения. На утрени, на Бог Господь, тропарь воскресн, дважды. Слава, мученика: И ныне, Знамения. По кафисмах, седальны воскресны, с богородичны их. Таже полиелей, и величание поем: Достойно есть величати тя Богородице Дево, честнейшую Херувим, и славнейшую без сравнения Серафим. Или: Песнь всяку духовную принесем Богородице. Псалом избранный: Помяни Господи Давида, и всю кротость его: И тропари: Ангельский собор: и седальны Знамения купно вся 3. Степенна, и прокимен гласа: Евангелие воскресно: Таже Воскресение Христово: псалом 50. стихира воскресна. Канон воскресн, со ирмосом на 4: Знамения един канон на 6: мученика на 4. Катавасиа: Христос раждается: По 3-й песни, кондак Знамения и мученика, и седален мученика. Слава, и ныне, Знамения. По 6-й песни, кондак и икос воскресн. На 9-й песни, поем Честнейшую: Светилен воскресн: Слава, мученика: И ныне, Знамения. На хвалитех стихиры воскресны 4: и Знамения со Славным 4, глас 6. самогласны со стихи. Стихи же глаголем: Воскресни Господи в покой твой: Клятся Господь Давиду истиною, и не отвержется ея. Слава, стихира евангельская: И ныне, Преблагословенна еси: Славословие великое, и по трисвятом тропарь воскресн точию. Ектении и отпуст, таже час 1-й. На 1-м часе, тропарь воскресн. Слава, Знамения: И ныне, Богородичен часов. По Отче наш, кондак Знамения: и прочее воследование 1-го часа, и отпуст. На 3-м часе, тропарь воскресн: Слава, мученика: И ныне, Богородичен часов. Такожде и на 6-м часе, и на 9-м, глаголем тропарь Знамения, и мученика, пременяюще: тропарь же воскресн глаголем непременно. По Отче наш, кондак воскресн и Знамения, глаголем пременяюще. На литургии, блаженна гласа на 6: и Богородицы песнь 3-я на 4. По входе тропарь воскресн, и Знамения, и мученика. Кондак воскресн. Слава, мученика: И ныне, Знамения. Прокимен, апостол, Аллилуиа, Евангелие и причастен, прежде воскресн, и потом Богородицы.

🕃 В тойже день иже во святых отца нашего Иакова епискпа, Ростовскаго чудотворца.

Совершается собор его, идеже лежат мощи его.

Тропарь, глас 4: Избран от юности Богови быв, святителю Иакове: сего ради архиерейства саном почтен, упасл еси люди, яже тебе Богом врученныя. темже и по преставлении чудес дарования от Бога приял еси, исцеляти различныя недуги: моли о нас совершающих честную память твою. да тебе непрестанно величаем.

Кондак, глас 8: Яко архиереев сопрестольник, и святителем изрядный поборник был еси, святителю Иакове, непрестанно сохраняй отечество твое, град же и люди, тебе верою почитающия, и честным мощем твоим покланяющияся, да велегласно тебе вопием: радуйся Иакове богомудре.

28. 🕃 Святаго преподобномученика Стефана новаго:

И святаго мученика Иринарха.

Стихиры преподобнаго на 6, глас 6. Подобен: Всю отложивше: Слава, глас тойже, самогласен: От младенства Богу: На стиховне октоиха. Слава, глас 8: Еже по образу: Тропарь, глас 4: Постнически предподвизався на горе: октовриа в 17 день. [Зри] Мученка же Иринарха служба поется на повечерии. На утрени, оба канона октоиха, без мученичнов: и святаго на 6, глас 6. По 3-й песни,

Кондак, глас 8. Подобен: Взбранной: Троицы рачителя, и божественнаго Стефана восхвалим верно, песньми празднолюбцы от сердца, яко почествовавша начертание красное Владыки, и Матере Его: и согласно ныне от любве возопиим ему, радующеся: радуйся, отче приснославне.

Таже седален, глас 1, дважды. По 6-й песни,

Кондак, глас 3. Подобен: Дева днесь: Из неплодна, преподобне, корене, возрасте ветвь, первострадальцу тезоимените, монахов наставник велик, отче, явился еси, и ярости не убоявся царя, не хотяща Христов чествовати образ: сего ради скончався. мученический венец приял еси, Стефане.

И икос. По 9-й песни, светилен октоиха. Слава, святаго. На стиховне октоиха. На литургии, блаженна октоиха, на 4, и святаго песнь 3-я, на 4. Прокимен, глас 8: Восхвалятся преподобнии во славе: Стих: Воспойте Господеви песнь нову: Апостол к Тимофею, зачало 291: Не постыдися убо страстию Господа нашего Иисуса Христа: Аллилуиа, глас 8: Блажен муж бояйся Господа: Стих: Сильно на земли будет: Евангелие Матфеа, зачало 37: Егда гонят вы во граде сем: Причастен: В память вечную будет праведник:

29. Святаго мученика Парамона: И святаго мученика Филумена: И преподобнаго Акакиа, иже в Лествице свидетельствованнаго.

Аллилуиа, или тропарь. Стихиры октоиха 3, и мученика 3, глас 4. Подобен: Званный свыше: [Зри] Служба преподобнаго Акакиа поется на повечерии. На утрени, оба канона октоиха, и святаго на 4, глас 4. По 3-й песни, седален, глас 4. По 6-й песни, мученичен октоиха. По 9-й песни, светилен, и на стиховне октоиха.

30. 🕂 Святаго и всехвальнаго апостола Андреа Первозваннаго.

На велицей вечерни, поем: Блажен муж, 1-й антифон. На Господи воззвах, поем стихиры на 8, глас 4. Подобен: Званный свыше: Слава, глас тойже, самогласен: Рыб ловитву: И ныне, глас тойже: Исаие ликуй: Вход, прокимен дне, и чтения 3: Втораго послания Петрова, зачало 58, 59 и 61. На литии стихира храма и апостола, глас 1. Слава глас 8: Проповедника веры: И ныне: Владычице приими: На стиховне стихиры, глас 5. Подобен: Радуйся: с припевы. Слава, глас 3: Скровника Петрова: И ныне, глас тойже: Иосифе рцы нам: По трисвятом,

Тропарь, глас 4: Яко апостолов первозванный, и верховнаго сущий брат, Владыце всех, Андрее, молися, мир вселенней даровати, и душам нашим велию милость.

Слава, и ныне: Еже от века утаеное: И отпуст. На утрени, на Бог Господь, тропарь апостола дважды. Слава, и ныне, Богородичен. По кафисмах седальны апостола, с богородичны их. И чтение. По полиелеи седален, глас 5, дважды. Слава, и ныне, Богородичен. Степенна, 1-й антифон 4-го гласа. Прокимен, глас 4: Во всю землю изыде вещание их: Стих: Небеса поведают славу Божию: Всякое дыхание: Евангелие Матфеа, зачало 9: Ходя Иисус при мори Галилейстем: По 50-м псалме стихира, глас 8: Проповедника веры: писана, Слава, на литии. Таже, молитва: Спаси Боже люди твоя: Канон Богородицы, со ирмосом на 6, глас 1: и апостола два канона на 8, глас 1. Катавасиа, Христос раждается: По 3-й песни, седален, глас 8. Подобен: Премудрости: Слава, ин, глас и подобен тойже. И ныне, Богородичен. По 6-й песни,

Кондак, глас 2: В молитвах: Мужества тезоименитаго богоглагольника, и церкве возследователя верховнаго, Петрова сродника восхвалим: зане якоже древле сему, и ныне нам воззва, приидите, обретохом желаемаго.

И икос. По 9-й песни, светилен апостола. Слава, ин: И ныне, Богородичен. На хвалитех стихиры на 4, глас 1. Подобен: Небесных чинов: Слава, глас 8, самогласен: Проповедника веры: И ныне, глас тойже: Восприими, Вифлееме: Славословие великое, и тропарь апостола. Слава, и ныне: Богородичен воскресен. Ектении, и отпуст, и час 1-й. На литургии, блаженна, от канонов песнь 3-я и 6-я, на 8. Прокимен, глас 8: Во всю землю изыде вещание их: Стих: Небеса поведают славу Божию: Апостол к коринфяном, зачало 131: Бог ны посланники: Аллилуиа, глас 1: Исповедят небеса чудеса твоя, Господи. Евангелие Иоанна, зачало 4: Стояше Иоанн, и от ученик его два: Причастен, Во всю землю:

 

Месяц декемврий