Акафіст святій блаженній Ксенії Петербурзькій
Кондак 1
Избра́нная уго́днице Христо́ва, свята́я блаже́нная Ксе́ние, хвале́бное пе́ние ти прино́сим, чту́ще терпе́ние твое́ и злострада́ние во́льное; ты же, иму́щи дерзнове́ние ко Го́споду, во вся́ких беда́х и напа́стех заступа́й нас, гре́шных, взыва́ющих к тебе́:
Ра́дуйся, Ксе́ние блаже́нная, моли́твеннице о душа́х на́ших.
Икос 1
Равноа́нгельски на земли́ пожила́ еси́, блаже́нная ма́ти, по успе́нии му́жа твоего́, без приуготовле́ния христиа́нскаго внеза́пу сконча́вшагося, отве́ргла еси́ жизнь мирску́ю, моля́щи Бо́га супру́га твоего́ ду́шу поми́ловати, по́двиг юро́дства на себе́ прия́вши, стяжа́ла еси́ соверше́нство духо́вное. Того́ ра́ди услы́ши от нас похвалы́ сия́, тебе́ возноси́мыя:
Ра́дуйся, Христо́ва уго́дница, в ми́ре надми́рно пожи́вшая;
ра́дуйся вся прило́ги ми́ра, пло́ти и диа́вола победи́вшая.
Ра́дуйся, нищету́ во́льную на всю жизнь избра́вшая;
ра́дуйся, сокро́вище на Небеси́ име́ти возжела́вшая.
Ра́дуйся, житие́м твои́м Андре́ю, Христа́ ра́ди юро́дивому, ра́вная;
ра́дуйся, от всех люде́й правосла́вных люби́мая и сла́вимая.
Ра́дуйся, о часе́ сме́ртнем по́мнити нас призыва́ющая;
ра́дуйся, бли́жняго ду́шу па́че ми́ра сего́ люби́ти нас науча́ющая.
Ра́дуйся, Ксе́ние блаже́нная, моли́твеннице о душа́х на́ших.
Кондак 2
Ви́дяще стра́нное житие́ твое́, блаже́нная, я́ко во цве́те мла́дости твоея́ во оде́жду му́жа твоего́ усо́пшаго облекла́ся еси́, и́менем его́ нарекла́ся еси́, себе́ уме́ршую бы́ти глаго́лющи, дом же твой и вся блага́я земна́я оста́вивши, скита́лицу себе́ сотвори́ла еси́, сро́дницы твои́ безу́мную тя бы́ти мня́ху, лю́дие же боголюби́вии воспе́ша: Аллилу́иа.
Икос 2
Ра́зум, от Бо́га ти дарова́нный, в безу́мии мни́мом сокры́ла еси́, блаже́нная Ксе́ние; в суете́ же гра́да вели́каго, а́ки пусты́нница, пребыва́ла еси́, моли́твы своя́ к Бо́гу вознося́щи непреста́нно. Мы же, дивя́щеся житию твоему́, воспева́ем ти си́це:
Ра́дуйся, крест тя́жкий юро́дства, от Бо́га ти да́нный, на ра́мо свое́ прия́вшая;
ра́дуйся, мни́мым безу́мием сия́ние благода́ти сокры́вшая.
Ра́дуйся, и́менем му́жеским наре́кшися, не́мощи же́нския отреши́вшаяся;
ра́дуйся, печа́ли и ско́рби кро́тце терпе́вшая.
Ра́дуйся, все име́ние твое́ бе́дным лю́дем разда́вшая;
ра́дуйся, жили́ще Ду́ху Свято́му в се́рдце твое́м угото́вившая.
Ра́дуйся, всем прибега́ющим к тебе́ благо́е утеше́ние;
ра́дуйся, от сме́рти внеза́пныя избавле́ние.
Ра́дуйся, Ксе́ние блаже́нная, моли́твеннице о душа́х на́ших.
Кондак 3
Си́лою, свы́ше ти дарова́нною, благода́тию и му́жеством, зной и сту́жу лю́тую претерпева́ла еси́, всено́щно моля́щися и покло́ны творя́щи; те́мже и просла́влена бысть свя́тость твоя́, блаже́нная Ксе́ние, во Оте́честве на́шем многострада́льнем и во всем ми́ре правосла́внем, да зове́м с тобо́ю Бо́гу: Аллилу́иа.
Икос 3
Име́ла еси́, о, ма́ти блаже́нная, не́бо покро́в и зе́млю ло́же свое́, о те́ле, во оде́жду ве́тхую облече́ннем, небрегла́ еси́, моли́твы же к Бо́гу пла́менне возноси́ла еси́, сего́ ра́ди воспева́ем ти си́це:
Ра́дуйся, век твой земны́й без кро́ва прове́дшая;
ра́дуйся, Небе́снаго кро́ва взыска́вшая и того́ улучи́вшая.
Ра́дуйся, по вся дни но́щию в по́ли моли́вшаяся;
ра́дуйся, покло́ны земны́я на вся страны́ све́та та́мо твори́вшая.
Ра́дуйся, град Петро́в всено́щным бде́нием от бед огражда́вшая;
ра́дуйся, гнев Бо́жий от него́ мно́гажды отвраща́вшая.
Ра́дуйся, благода́тию Ду́ха Свята́го чуде́сно согрева́емая;
ра́дуйся, хлад лю́тый душ на́ших моли́твою твое́ю растаява́ющая.
Ра́дуйся, Ксе́ние блаже́нная, моли́твеннице о душа́х на́ших.
Кондак 4
Бу́рю жите́йскую, во гра́де Петро́ве мяту́щуюся, кро́тостию и незло́бием препобежда́ла еси́, ма́ти блаже́нная, безстра́стие же посреде́ ми́ра су́етнаго стяжа́ла еси́ и та́ко, Ду́хом Святы́м просвеща́емая, взыва́ла еси́ Пода́телю тишины́ серде́чныя Бо́гу: Аллилу́иа.
Икос 4
Слы́шаша лю́дие дар прозре́ния чу́дный, тобо́ю явле́нный, свята́я ма́ти, и удиви́шася. Се, жене́ не́коей рекла́ еси́: возми́ пята́к, зде царь на коне́, поту́хнет. Та же не ве́дающи, я́ко ты запале́ние до́ма ея́ прозре́ла еси́, притече́ во своя́ си и узри́ дом свой во огни́ горя́щ, и а́бие по моли́тве твое́й пла́мень огня́ угасе́. Мно́зи же стра́ждущии к по́мощи твое́й прибега́ху, ю́же стяжа́вше, та́ко взыва́ша ти:
Ра́дуйся, дар прозре́ния смире́нием кра́йним стяжа́вшая;
ра́дуйся, дар сей на по́льзу и спасе́ние стра́ждущим явля́вшая.
Ра́дуйся, свеще́ негаси́мая, к Бо́гу в моли́твах горе́вшая;
ра́дуйся, ве́рою твое́ю пла́менною запале́ние домо́в угаша́вшая.
Ра́дуйся, гряду́щия ско́рби людски́я, а́ки настоя́щия, зре́вшая;
ра́дуйся, врач безме́здный и милосе́рдый лю́дем бы́вшая.
Ра́дуйся, я́ко и нас, немощны́х в ве́ре, укрепля́еши;
ра́дуйся, я́ко сия́нием свя́тости твоея́ лю́ди правосла́вныя озаря́еши.
Ра́дуйся, Ксе́ние блаже́нная, моли́твеннице о душа́х на́ших.
Кондак 5
Боготе́чная звезда́ яви́ся свя́тость твоя́ на тве́рди гра́да Петро́ва, уго́днице Бо́жия, заре́ю свое́ю сердца́ просвеща́ющая: уже́ бо лю́дем, в безу́мии греха́ погиба́ющим, путь спасе́ния указа́ла еси́, к покаянию их наставля́ющи, вое́же вопи́ти Бо́гу: Аллилу́иа.
Икос 5
Ви́дяще по́двиги твоя́ моли́твенныя, терпе́ние хла́да и зно́я вели́кое, лю́дие осла́бити жела́ху злострада́ния твоя́; ты же оде́жду и вся, и́ми приноси́мая, ни́щим раздава́ла еси́, нищету́ свою́, а́ки сокро́вище, храня́щи. Сего́ ра́ди слы́шиши от нас сицева́я:
Ра́дуйся, бога́тство твое́ то́кмо в любви́ к Бо́гу и бли́жним полага́вшая;
ра́дуйся, ничто́же земно́е име́вшая и всех духо́вно богати́вшая.
Ра́дуйся, ми́лостивым твои́м се́рдцем стра́ждущим сострада́вшая;
ра́дуйся, по́мощь им чрез до́брых люде́й посыла́вшая.
Ра́дуйся, чу́ждая ми́ру, в ми́ре живу́щим бла́го твори́вшая;
ра́дуйся, ве́ка сего́ суему́дрия отверга́тися научи́вшая.
Ра́дуйся, пла́кати с пла́чущими нас подвига́ющая;
ра́дуйся, от тя́жкаго сна грехо́внаго пробужда́ющая.
Ра́дуйся, Ксе́ние блаже́нная, моли́твеннице о душа́х на́ших.
Кондак 6
Пропове́дана бысть свя́тость жития́ твоего́, блаже́нная, жи́телем гра́да твоего́, егда́ ты, о младе́нце, еще́ не ро́ждшемся, пеку́щися, жене́ до́брей, в до́ме, тобо́ю дарова́нном, жи́вшей, рекла́ еси́: Бог тебе́ сы́на посла́, теки́ на кла́дбище Смоле́нское. Та́я же, со тща́нием прите́кши, сироту́, рожде́нна ма́терию, внеза́пу на пути́ пострада́вшею и сконча́вшеюся, в дом свой прия́ла есть; вся же ле́та жития́ своего́, тебе́ благодаря́ще, сия́ семья́ благода́тная Бо́гу Человеколю́бцу взыва́ше: Аллилу́иа.
Икос 6
Возсия́ла есть сла́ва по́двигов твои́х, блаже́нная ма́ти Ксе́ние, егда́ но́щию на верх хра́ма Смоле́нскаго ка́мение, тая́щися, носи́ла еси́, до́му Пречи́стей возгради́тися посо́бствующи. Ны́не же вси моля́щиися во святе́м хра́ме сем и во всем ми́ре Бо́жием, взира́юще на о́браз твой, воспева́ют ти такова́я:
Ра́дуйся, та́йно твори́ти добро́ науча́ющая;
ра́дуйся, к по́двигом благоче́стия всех призыва́ющая.
Ра́дуйся, строи́телем хра́мов Бо́жиих помога́ющая;
ра́дуйся, святы́ню церко́вную возлюби́вшая.
Ра́дуйся, в де́лех благи́х усе́рдное поспеше́ние;
ра́дуйся, трудо́в на́ших на пути́ спасе́ния облегче́ние.
Ра́дуйся, под кро́вом Бо́жия Ма́тере по́двиги твори́вшая и та́ко почи́вшая;
ра́дуйся, с Не́ю ны́не на Небесе́х о нас Христа́ моля́щая.
Ра́дуйся, Ксе́ние блаже́нная, моли́твеннице о душа́х на́ших.
Кондак 7
Хотя́ще судьбы́ людски́я во блага́я устро́ити, повеле́ла еси́ де́ве кро́тцей на Охту́ тещи́, проре́кши, я́ко «муж твой та́мо жену́ погреба́ет». Та же, а́ще и недоумева́шеся, оба́че не ослу́шася глаго́ла твоего́, и та́мо вдовца́ мла́да, над гро́бом жены́ рыда́вшаго, сре́тила есть и утеше́ние в моли́тве ему́ подаде́. Ле́ту же мину́вшу, о́на венча́стася, и та́ко мно́гая ле́та в любви́ и согла́сии пожи́вше, чад свои́х наставля́ху тебе́, свята́я ма́ти, чти́ти, Бо́гу же воспева́ти песнь: Аллилу́иа.
Икос 7
Но́вое чу́до показа́ла еси́, блаже́нная, посреде́ скве́рны людски́я ду́шу твою́, юро́дством сокры́тую, в кро́тости а́нгельстей соблю́дши. Научи́ и нас, ма́ти Ксе́ние, и ма́лыя до́ли скорбе́й твои́х не терпя́щих и в ро́поте на Бо́га и бли́жняго дни на́ши иждива́ющих, вся свы́ше посыла́емая в терпе́нии сноси́ти, да взира́юще на по́двиги твоя́, чи́стым се́рдцем зове́м ти си́це:
Ра́дуйся, ми́ру злохла́дному благода́тную му́дрость яви́вшая;
ра́дуйся, нищеты́ духо́вныя блаже́нство вкуси́вшая.
Ра́дуйся, о́браз терпе́ния и благосе́рдия нам подаю́щая;
ра́дуйся, смире́нием и покая́нием от бед избавля́тися науча́ющая.
Ра́дуйся, с моли́твою и любо́вию дете́й благословля́вшая;
ра́дуйся, прикоснове́нием руку́ твое́ю чуде́сно их исцеля́вшая.
Ра́дуйся, уны́ние тя́жкое, ду́шу сокруша́ющее, от нас отводя́щая;
ра́дуйся, наде́ждою несумне́нною на ми́лость Бо́жию окриля́ющая.
Ра́дуйся, Ксе́ние блаже́нная, моли́твеннице о душа́х на́ших.
Кондак 8
Стра́нница бездо́мная протекла́ еси́ путь ско́рбный жития́ твоего́ в сто́льнем гра́де Оте́чества на́шего, ма́ти блаже́нная, взыску́ющи гра́да вы́шняго, Иерусали́ма Небе́снаго; ны́не же в нем со А́нгелы и все́ми святы́ми пое́ши Бо́гу: Аллилу́иа.
Икос 8
Вся в моли́твах ко Творцу́ пребыва́ющи, ма́ти свята́я, до успе́ния твоего́, от страда́ний и по́двигов к жи́зни блаже́нней и ве́чней невозбра́нно прешла́ еси́. Сего́ ра́ди, преклоня́юще коле́на серде́ц на́ших, благогове́йное пе́ние ти прино́сим:
Ра́дуйся, во оби́телех го́рних с ли́ки святы́х лику́ющая;
ра́дуйся, и нас, тебе́ моля́щихся, та́мо не забыва́ющая.
Ра́дуйся, чудеса́ неисче́тная по успе́нии твое́м яви́вшая;
ра́дуйся, сме́ртно боля́щих, врачми́ оста́вленных, исцеля́вшая.
Ра́дуйся, в пия́нстве ги́бнущих устраше́ние и исправле́ние;
ра́дуйся, ме́ста служе́ния лиши́вшимся благо́е поспеше́ние.
Ра́дуйся, вдови́ц и жен, супру́гом оста́вленных, покрови́тельнице;
ра́дуйся, стра́нников и безприю́тных пита́тельнице.
Ра́дуйся, Ксе́ние блаже́нная, моли́твеннице о душа́х на́ших.
Кондак 9
Вся́кия утоли́ боле́зни, блаже́нная ма́ти Ксе́ние, на тя наде́ющихся и к по́мощи твое́й усе́рдно притека́ющих: я́коже помина́вших пре́жде ду́шу твою́ ра́ди души́ своея́ спасе́ния, по заве́ту твоему́, та́ко и ны́не помяни́ всех, прославля́ющих тя, Бо́гу же, в тебе́ ди́вно просла́вленному, вопию́щих непреста́нно: Аллилу́иа.
Икос 9
Вити́я суему́дренныя разуме́ти не мо́гут, ка́ко ты безу́мием свои́м безу́мие ми́ра сего́ обличи́ла еси́ и не́мощию свое́ю си́льныя и кре́пкия посрами́ла еси́: не ве́дают бо в тебе́ си́лы и прему́дрости Бо́жия. Мы же, тя почита́юще, с любо́вию зове́м ти си́це:
Ра́дуйся, Боже́ственнаго Ду́ха селе́ние;
ра́дуйся, ве́лие к Бо́гу дерзнове́ние.
Ра́дуйся, у усыпа́льницы твоея́ моля́щимся явля́ющаяся и им помога́ющая;
ра́дуйся, земле́ю и еле́ем от нея́ мно́гия освяти́вшая и от неду́г исцели́вшая.
Ра́дуйся, я́ко одержи́мых страстьми́ от ги́бели спаса́еши;
ра́дуйся, я́ко отверга́тися себе́ нас науча́еши.
Ра́дуйся, любве́ и смире́ния путь во спасе́ние нам указу́ющая;
ра́дуйся, во хра́ме Бо́жием с на́ми незри́мо пребыва́ющая.
Ра́дуйся, Ксе́ние блаже́нная, моли́твеннице о душа́х на́ших.
Кондак 10
Спасти́ лю́ди хотя́щи, блаже́нная ма́ти Ксе́ние, при́сно да́руеши им заступле́ние твое́ чу́дное. Се де́ву благочести́вую с вдови́цею ма́терию ея́, в кану́н венча́ния у гробни́цы твоея́ усе́рдно моли́вшуюся, от бра́ка спасла́ еси́ со злоде́ем, и́же ра́тнаго челове́ка уби́, и́мя же и чин его́ себе́ присво́и. В день то́йже уби́йца о́ный внеза́пу обличе́н бысть и, у́жасом объя́т, испове́да пред все́ми, я́ко си́ла Бо́жия сироту́ от бра́ка с ним изба́ви, мы же, дивя́щеся си́ле моли́тв твои́х, нас спаса́ющих, воспева́ем Бо́гу: Аллилу́иа.
Икос 10
Стена́ еси́ неруши́мая, преблаже́нная ма́ти, и дом правосла́вных. Не оста́ви и ны́не супру́ги разлуче́нныя, помози́ роди́телем, за грехи́ своя́ о ча́дех сле́зы пролива́ющим, научи́ ю́ноши и де́вы в чистоте́ себе́ храни́ти и всех нас святы́ню уз семе́йных почита́ти, да еди́неми усты́ воспева́ем ти та́ко:
Ра́дуйся, дев благочести́вых от бра́ка неве́рнаго избавля́ющая;
ра́дуйся, спу́тника жи́зни до́браго им обрести́ помога́ющая.
Ра́дуйся, сро́дник вражду́ющих благо́е примире́ние;
ра́дуйся, слез де́тских осуше́ние.
Ра́дуйся, от убие́ния младе́нцев во чре́ве жена́м гро́зное преще́ние;
ра́дуйся, на ка́мени любве́ и ве́ры домо́в устрое́ние.
Ра́дуйся, супру́гов, сме́ртию разлуче́нных, утеше́ние;
ра́дуйся, в жи́зни безсме́ртней ве́чное их соедине́ние.
Ра́дуйся, Ксе́ние блаже́нная, моли́твеннице о душа́х на́ших.
Кондак 11
Пе́ние благода́рственное прино́сят ти, ма́ти блаже́нная, лю́дие правосла́внии, от бед и боле́зней моли́твами твои́ми изба́вленнии; и ны́не, а́ще попу́стит нам Всепра́ведный Госпо́дь ско́рби грех на́ших ра́ди, со слеза́ми к тебе́ припаде́м, упова́юще на ми́лостивое твое́ о нас к Бо́гу предста́тельство, да воспое́м Ему́: Аллилу́иа.
Икос 11
Светоза́рная луча́ во мра́це жития́ сего́, путь ко Све́ту Непристу́пному освеща́ющая, яви́лася еси́, богому́драя Ксе́ние, чуде́с мно́жеством просия́вши. В лю́тую же годи́ну гоне́ний безбо́жных ве́рнии от часо́вни твоея́ не отступи́ша, но, презре́вше и страх сме́ртный, с ве́рою и упова́нием к тебе́ притека́ху, се́рдцем воспева́юще си́це:
Ра́дуйся, безнаде́жных наде́яние;
ра́дуйся, в бе́здне отча́яния погиба́ющих спасе́ние.
Ра́дуйся, уни́женных и гони́мых покрови́тельнице;
ра́дуйся, от клеветы́ и суда́ непра́веднаго защи́тнице.
Ра́дуйся, оби́димых и обездо́ленных утеше́ние;
ра́дуйся, оби́дящих гро́зное вразумле́ние.
Ра́дуйся, гра́да свята́го Петра́ засту́пнице;
ра́дуйся, ча́дом земли́ Росси́йския ма́ти и пита́тельнице.
Ра́дуйся, Ксе́ние блаже́нная, моли́твеннице о душа́х на́ших.
Кондак 12
Благода́ть утеше́ний оби́льно излива́еши, блаже́нная Ксе́ние, всем чту́щим па́мять твою́ и к заступлению твоему́ притека́ющим. Те́мже и мы, гре́шнии, на тя по Бо́зе наде́жду на́шу возлага́ем и мо́лимся тебе́ усе́рдно: не оста́ви нас во обстоя́ниих ско́рбных, умоли́ Го́спода сил, да не отпаде́м от ве́ры правосла́вныя, в нейже тобо́ю утвержда́еми, зове́м Ему́ ве́рно: Аллилу́иа.
Икос 12
Пою́ще мно́гая твоя́ чудеса́, блаже́нная ма́ти Ксе́ние, восхваля́ем тя, я́ко те́плую на́шу засту́пницу и ско́рую предста́тельницу. Улуча́юще же от тебе́ по́мощь благода́тную, неуста́нно воспева́ем ти си́це:
Ра́дуйся, све́том кро́тости твоея́ вся концы́ земли́ озари́вшая;
ра́дуйся, житие́м твои́м по́стническим горды́ню диа́вольскую посрами́вшая.
Ра́дуйся, до́му ца́рскому поможе́ние и благослове́ние;
ра́дуйся, ми́ра Бо́жия в сердца́ ве́рных насажде́ние.
Ра́дуйся, о спасе́нии Оте́чества на́шего при́сно моля́щаяся;
ра́дуйся во Оте́чество Небе́сное нам путь указу́ющая.
Ра́дуйся, по Богоро́дице в ско́рбех и печа́лех на́ше утеше́ние;
ра́дуйся, по Бо́зе грехо́в на́ших проще́ние и ве́чное спасе́ние.
Ра́дуйся, Ксе́ние блаже́нная, моли́твеннице о душа́х на́ших.
Кондак 13
О свята́я блаже́нная ма́ти Ксе́ние, в житии твое́м крест тя́жкий поне́сшая. Приими́ от нас, гре́шных, моле́ние сие́, тебе́ приноси́мое, огради́ нас моли́твами твои́ми от наве́тов духо́в тьмы, от бед и напа́стей, умоли́ Всеще́драго Бо́га пода́ти нам си́лу и кре́пость, да взе́мше крест свой, восле́д Христу́ гряде́м, пою́ще Ему́ с тобо́ю вове́ки: Аллилу́иа.
[Се́й конда́к глаго́лется три́жды.] [Далее повторяем 1‑е икос и кондак:]
Икос 1
Равноа́нгельски на земли́ пожила́ еси́, блаже́нная ма́ти, по успе́нии му́жа твоего́, без приуготовле́ния христиа́нскаго внеза́пу сконча́вшагося, отве́ргла еси́ жизнь мирску́ю, моля́щи Бо́га супру́га твоего́ ду́шу поми́ловати, по́двиг юро́дства на себе́ прия́вши, стяжа́ла еси́ соверше́нство духо́вное. Того́ ра́ди услы́ши от нас похвалы́ сия́, тебе́ возноси́мыя:
Ра́дуйся, Христо́ва уго́дница, в ми́ре надми́рно пожи́вшая;
ра́дуйся вся прило́ги ми́ра, пло́ти и диа́вола победи́вшая.
Ра́дуйся, нищету́ во́льную на всю жизнь избра́вшая;
ра́дуйся, сокро́вище на Небеси́ име́ти возжела́вшая.
Ра́дуйся, житие́м твои́м Андре́ю, Христа́ ра́ди юро́дивому, ра́вная;
ра́дуйся, от всех люде́й правосла́вных люби́мая и сла́вимая.
Ра́дуйся, о часе́ сме́ртнем по́мнити нас призыва́ющая;
ра́дуйся, бли́жняго ду́шу па́че ми́ра сего́ люби́ти нас науча́ющая.
Ра́дуйся, Ксе́ние блаже́нная, моли́твеннице о душа́х на́ших.
Кондак 1
Избра́нная уго́днице Христо́ва, свята́я блаже́нная Ксе́ние, хвале́бное пе́ние ти прино́сим, чту́ще терпе́ние твое́ и злострада́ние во́льное; ты же, иму́щи дерзнове́ние ко Го́споду, во вся́ких беда́х и напа́стех заступа́й нас, гре́шных, взыва́ющих к тебе́:
Ра́дуйся, Ксе́ние блаже́нная, моли́твеннице о душа́х на́ших.
Моли́тва
О свята́я всеблаже́нная ма́ти Ксе́ние! Под кро́вом Всевы́шняго жи́вшая, ведо́мая и укрепля́емая Богома́терию, глад и жа́жду, хлад и зной, поноше́ния и гоне́ния претерпе́вшая, дар прозорли́вости и чудотворе́ния от Бо́га прия́ла еси́ и под се́нию Всемогу́щаго поко́ишися. Ны́не Свята́я Це́рковь, я́ко благоуха́нный цвет, прославля́ет тя. Предстоя́ще на ме́сте погребе́ния твоего́, пред о́бразом твои́м святы́м, я́ко живе́й ти, су́щей с на́ми, мо́лимся тебе́: приими́ проше́ния на́ша и принеси́ их ко Престо́лу милосе́рдаго Отца́ Небе́снаго, я́ко дерзнове́ние к Нему́ иму́щая. Испроси́ притека́ющим к тебе́ ве́чное спасе́ние, на блага́я де́ла и начина́ния на́ша ще́дрое благослове́ние, от вся́ких бед и скорбе́й избавле́ние. Предста́ни святы́ми твои́ми моли́твами пред Всеми́лостивым Спаси́телем на́шим о нас, недосто́йных и гре́шных. Помози́, свята́я блаже́нная ма́ти Ксе́ние, младе́нцы све́том свята́го креще́ния озари́ти и печа́тию да́ра Ду́ха Свята́го запечатле́ти, о́троки и отрокови́цы в ве́ре, че́стности, богобоя́зненности воспита́ти и успе́хи в уче́нии им дарова́ти; боля́щия и неду́гующия исцели́, семе́йным любо́вь и согла́сие низпосли́, мона́шествующих по́двигом до́брым подвиза́тися удосто́й и от поноше́ний огради́, па́стыри в кре́пости Ду́ха Свята́го утверди́, лю́ди и страну́ на́шу в ми́ре и безмяте́жии сохрани́, о лише́нных в предсме́ртный час причаще́ния Святы́х Христо́вых Та́ин умоли́. Ты на́ша наде́жда и упова́ние, ско́рое услы́шание и избавле́ние, тебе́ благодаре́ние возсыла́ем и с тобо́ю сла́вим Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.
Кондaкъ №
И#збрaннаz ўг0днице хrт0ва, с™az бlжeннаz xeніе, хвалeбное пёніе ти2 прин0симъ, чтyще терпёніе твоE и3 ѕлострадaніе в0льное: тh же и3мёющи дерзновeніе ко гDу, во всsкихъ бэдaхъ и3 напaстехъ заступaй нaсъ грёшныхъ, взывaющихъ къ тебЁ:
Рaдуйсz, xeніе бlжeннаz, мlтвеннице њ душaхъ нaшихъ.
Јкосъ №
РавноaгGльски на земли2 пожилA є3си2, бlжeннаz мaти, по ўспeніи мyжа твоегw2, без8 пріуготовлeніz хrтіaнскагw внезaпу скончaвшегwсz, tвeргла є3си2 жи1знь мірскyю, молsщи бGа супрyга твоегw2 дyшу поми1ловати, п0двигъ ю3р0дства на себE пріsвши, стzжaла є3си2 совершeнство дух0вное. тогw2 рaди ўслhши t нaсъ похвалы6 сі‰, тебЁ возноси6мыz:
Рaдуйсz, хrт0ва ўг0днице, въ мjрэ надмjрнw пожи1вшаz. Рaдуйсz, вс‰ прил0ги мjра, пл0ти и3 діaвола побэди1вшаz. Рaдуйсz, нищетY в0льную на всю2 жи1знь и3збрaвшаz. Рaдуйсz, сокр0вище на нб7си2 и3мёти возжелaвшаz. Рaдуйсz, житіeмъ твои1мъ ґндрeю хrтA рaди ю3р0дивому, рaвнаz. Рaдуйсz, t всёхъ людeй правослaвныхъ люби1маz и3 слaвимаz. Рaдуйсz, њ часЁ смeртнэмъ п0мнити нaсъ призывaющаz. Рaдуйсz, бли1жнzгw дyшу пaче мjра сегw2 люби1ти нaсъ научaющаz.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ в7
Ви1дzще стрaнное житіE твоE, бlжeннаz, ћкw во цвётэ млaдости твоеS во њдeжду мyжа твоегw2 ўс0пшагw њблеклaсz є3си2, и4менемъ є3гw2 нареклaсz є3си2, себE ўмeршую бhти глаг0лющи, д0мъ же тв0й и3 вс‰ бlг†z зємнaz њстaвивши, скитaлицу себE сотвори1ла є4й, ср0дницы твои2 безyмную тS бhти мнsху, лю1діе же бGолюби1віи воспёша: Ґллилyіа.
Јкосъ в7
Рaзумъ t бGа ти2 даровaнный, въ безyміи мни1момъ сокрhла є3си2, бlжeннаz xeніе: въ суетё же грaда вели1кагw, ѓки пустhнница пребывaла є3си2, мlтвы сво‰ къ бGу возносsщи непрестaннw. мh же, дивsщесz житію2 твоемY, воспэвaемъ ти2 си1це:
Рaдуйсz, кrтъ тsжкій ю3р0дства, t бGа ти2 дaнный, на рaмо своE пріsвшаz. Рaдуйсz, мни1мымъ безyміемъ сіsніе блгdти сокрhвшаz. Рaдуйсz, и4менемъ мyжескимъ нарeкшисz, нeмощи жeнскіz tрэши1вшаzсz. Рaдуйсz, пєчaли и3 скHрби кр0тцэ терпёвшаz. Рaдуйсz, всE и3мёніе твоE бBднымъ лю1демъ раздaвшаz. Рaдуйсz, жили1ще д¦у с™0му въ сeрдцэ твоeмъ ўгот0вившаz. Рaдуйсz, всBмъ прибэгaющымъ къ тебЁ бlг0е ўтэшeніе. Рaдуйсz, t смeрти внезaпныz и3збавлeніе.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ G
Си1лою, свhше ти2 даровaнною, блгdтію и3 мyжествомъ, зн0й и3 стyжу лю1тую претерпэвaла є3си2, всен0щнw молsщисz и3 покл0ны творsщи: тёмже и3 прослaвлена бhсть с™ость твоS, бlжeннаz xeніе, во nтeчествэ нaшемъ многострадaльнэмъ и3 во всёмъ мjрэ правослaвнэмъ, да зовeмъ съ тоб0ю бGу: Ґллилyіа.
Јкосъ G
И#мёла є3си2, q мaти бlжeннаz, нeбо покр0въ и3 зeмлю л0же своE: њ тёлэ, во њдeжду вeтхую њблечeннэмъ, небреглA є3си2, мlтвы же къ бGу плaменнэ возноси1ла є3си2, сегw2 рaди воспэвaемъ ти2 си1це:
Рaдуйсz, вёкъ тв0й земнhй без8 кр0ва провeдшаz. Рaдуйсz, нбcнагw кр0ва взыскaвшаz и3 тогw2 ўлучи1вшаz. Рaдуйсz, по вс‰ дни6 н0щію въ п0ли моли1вшаzсz. Рaдуйсz, покл0ны зємнhz на вс‰ страны6 свёта тaмw твори1вшаz. Рaдуйсz, грaдъ петр0въ всен0щнымъ бдёніемъ t бёдъ њграждaвшаz. Рaдуйсz, гнёвъ б9ій t негw2 мн0гажды tвращaвшаz. Рaдуйсz, блгdтію д¦а с™aгw чудeснw согрэвaемаz. Рaдуйсz, хлaдъ лю1тый дyшъ нaшихъ мlтвою твоeю растаzвaющаz.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ д7
Бyрю житeйскую, на ст0гнахъ грaда твоегw2 мzтyщуюсz, кр0тостію и3 неѕл0біемъ препобэждaла є3си2, мaти бlжeннаz: безстрaстіе же посредЁ мjра сyетнагw стzжaла є3си2, и3 тaкw, д¦омъ с™hмъ просвэщaемаz, взывaла є3си2 подaтелю тишины2 сердeчныz бGу: Ґллилyіа.
Јкосъ д7
Слhшаша лю1діе дaръ прозрёніz чyдный, тоб0ю kвлeнный, с™az мaти, и3 диви1шасz. сE, женЁ нёкоей реклA є3си2: возми2 пzтaкъ, здЁ цaрь на конЁ: потyхнетъ. тa же не вёдающи, ћкw ты2 запалeніе д0ма є3S прозрёла є3си2, притечE во сво‰ си2 и3 ўзрЁ д0мъ св0й во nгни2 горsщъ: и3 ѓбіе по мlтвэ твоeй плaмень nгнS ўгасE. мн0зи же стрaждущіи къ п0мощи твоeй прибэгaху, ю4же стzжaвше, тaкw взывaша ти2:
Рaдуйсz, дaръ прозрёніz смирeніемъ крaйнимъ стzжaвшаz. Рaдуйсz, дaръ сeй на п0льзу и3 сп7сeніе стрaждущымъ kвлsвшаz. Рaдуйсz, свэщE негаси1маz, къ бGу въ мlтвахъ горёвшаz. Рaдуйсz, вёрою твоeю плaменною запалeніе домHвъ ўгашaвшаz. Рaдуйсz, грzдyщыz скHрби людск‡z ѓки настоsщыz, зрёвшаz. Рaдуйсz, врaчь безмeздный и3 млcрдый лю1демъ бhвшаz. Рaдуйсz, ћкw и3 нaсъ, немощнhхъ въ вёрэ, ўкрэплsеши. Рaдуйсz, ћкw сіsніемъ с™ости твоеS лю1ди правосл†вныz њзарsеши.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ є7
БGотeчнаz ѕвэздA kви1сz с™ость твоS на твeрди грaда петр0ва, ўг0днице б9іz, зарeю своeю сердцA просвэщazщаz: ўжe бо лю1демъ, въ безyміи грэхA погибaющымъ, пyть сп7сeніz ўказaла є3си2, къ покаsнію и5хъ наставлsющи, во є4же вопи1ти бGу: Ґллилyіа.
Јкосъ є7
Ви1дzще п0двиги тво‰ мlтвєнныz, терпёніе хлaда и3 зн0z вели1кое, лю1діе њслaбити желaху ѕлострад†ніz тво‰: тh же њдeжду и3 вс‰, и4ми приноси6маz, ни1щымъ раздавaла є3си2, нищетY свою2, ѓки сокр0вище хранsщи. сегw2 рaди слhшиши t нaсъ сицєвaz:
Рaдуйсz, богaтство твоE т0кмw въ любви2 къ бGу и3 бли6жнимъ полагaвшаz. Рaдуйсz, ничт0же земн0е и3мёвшаz и3 всёхъ дух0внw богати1вшаz. Рaдуйсz, ми1лостивымъ твои1мъ сeрдцемъ стрaждущымъ сострадaвшаz. Рaдуйсz, п0мощь и5мъ чрез8 д0брыхъ людeй посылaвшаz. Рaдуйсz, чyждаz мjру, въ мjрэ живyщымъ бlго твори1вшаz. Рaдуйсz, вёка сегw2 суемyдріz tвергaтисz научи1вшаz. Рaдуйсz, плaкати съ плaчущими нaсъ подвигaющаz. Рaдуйсz, t тsжкагw снA грэх0внагw пробуждaющаz.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ ѕ7
Проповёдана бhсть с™ость житіS твоегw2 бlжeннаz, жи1телємъ грaда твоегw2, є3гдA ты2 њ младeнцэ є3щE не р0ждшемсz пекyщисz, женЁ д0брэй, въ д0мэ тоб0ю дар0ванномъ жи1вшей, реклA є3си2: бGъ тебЁ сhна послA, теки2 на клaдбище смолeнское! тaz же со тщaніемъ притeкши, сиротY, рождeнна мaтерію, внезaпу на пути2 пострадaвша и3 скончaвшесz, въ д0мъ св0й пріsла є4сть: вс‰ же лёта житіS своегw2, тебE бlгодарsще, сіS сэмьS бlгодaтнаz бGу чlколю1бцу взывaше: Ґллилyіа.
Јкосъ ѕ7
Возсіsла є4сть слaва п0двигwвъ твои1хъ, бlжeннаz мaти xeніе, є3гдA н0щію на вeрхъ хрaма смолeнскагw кaменіе, таsщисz, носи1ла є3си2, д0му пречcтэй возгради1тисz пос0бствующи. Нhнэ же вси2 молsщіисz во с™ёмъ хрaмэ сeмъ и3 во всeмъ мjрэ б9іемъ, взирaюще на w4бразъ тв0й, воспэвaютъ ти2 таков†z:
Рaдуйсz, тaйнw твори1ти добро2 научaющаz. Рaдуйсz, къ п0двигwмъ бlгочeстіz всёхъ призывaющаz. Рaдуйсz, строи1телємъ хрaмwвъ б9іихъ помогaющаz. Рaдуйсz, с™hню цRк0вную возлюби1вшаz. Рaдуйсz, въ дёлэхъ бlги1хъ ўсeрдное поспэшeніе. Рaдуйсz, трудHвъ нaшихъ на пути2 сп7сeніz њблегчeніе. Рaдуйсz, под8 кр0вомъ б9іz м™ре п0двиги твори1вшаz, и3 тaкw почи1вшаz. Рaдуйсz, съ нeю нhнэ на нб7сёхъ њ нaсъ хrтA молsщаz.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ з7
Хотsще судьбы6 людск‡z во бlг†z ўстр0ити, повелёла є3си2 дёвэ кр0тцэй на џхту тещи2, прорeкши, ћкw мyжъ тв0й тaмw женY погребaетъ. тa же, ѓще и3 недоумэвaшесz, nбaче не њслyшасz глаг0ла твоегw2, и3 тaмw вдовцA млaда, над8 гр0бомъ жены2 рыдaвшаго срётила є4сть и3 ўтэшeніе въ мlтвэ є3мY подадE. лёту же минyвшу, џна вэнчaстасz, и3 тaкw мнHгаz лBта въ любви2 и3 соглaсіи пожи1вше, чaдъ свои1хъ наставлsху, тебE с™az мaти, чти1ти, бGу же воспэвaти пёснь: Ґллилyіа.
Јкосъ з7
Н0вое чyдо показaла є3си2, бlжeннаz, посредЁ сквeрны людскjz дyшу твою2, ю3р0дствомъ сокрhтую, въ кр0тости ѓгGльстэй соблю1дши. Научи2 и3 нaсъ, мaти xeніе, и3 мaлыz д0ли скорбeй твои1хъ не терпsщихъ и3 въ р0потэ на бGа и3 бли1жнzго дни6 нaшz и3ждивaющихъ, вс‰ свhше посылaємаz въ терпёніи сноси1ти, да взирaюще на п0двиги тво‰, чcтымъ сeрдцемъ зовeмъ ти2 си1це:
Рaдуйсz, мjру ѕлохлaдному блгdтную мyдрость kви1вшаz. Рaдуйсz, нищеты2 д¦0вныz бlжeнство вкуси1вшаz. Рaдуйсz, w4бразъ терпёніz и3 бlгосeрдіz нaмъ подаю1щаz. Рaдуйсz, смирeніемъ и3 покаsніемъ t бёдъ и3збавлsтисz научaющаz. Рaдуйсz, съ мlтвою и3 люб0вію дэтeй бlгословлsвшаz. Рaдуйсz, прикосновeніемъ рукY твоє1ю чудeснw и5хъ и3сцэлsвшаz. Рaдуйсz, ўнhніе тsжкое, дyшу сокрушaющее, t нaсъ tводsщаz. Рaдуйсz, надeждою несумнённою на млcть б9ію њкрилsющаz.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ }
Стрaнница безд0мнаz протеклA є3си2 пyть ск0рбный житіS твоегw2 въ ст0льнэмъ грaдэ nтeчества нaшегw, мaти бlжeннаz, взыскyющи грaда вhшнzгw, їеrли1ма нбcнагw: нhнэ же въ нeмъ со ѓгGлы и3 всёми с™hми поeши бGу: Ґллилyіа.
Јкосъ }
ВсS въ мlтвахъ ко творцY пребывaющи, мaти с™az, до ўспeніz твоегw2, t страдaній и3 п0двигwвъ къ жи1зни бlжeннэй и3 вёчнэй невозбрaннw прешлA є3си2. сегw2 рaди, преклонsюще колBна сердeцъ нaшихъ, бlгоговёйное пёніе ти2 прин0симъ:
Рaдуйсz, во њби1телехъ г0рнихъ съ ли1ки с™hхъ ликyющаz. Рaдуйсz, и3 нaсъ, тебЁ молsщихсz, тaмw не забывaющаz. Рaдуйсz, чудесA неисчє1тнаz по ўспeніи твоeмъ kви1вшаz. Рaдуйсz, смeртнw болsщихъ, врачьми2 њстaвленныхъ, и3сцэлsвшаz. Рaдуйсz, въ піsнствэ ги1бнущихъ ўстрашeніе и3 и3справлeніе. Рaдуйсz, мёста служeніz лиши1вшымсz бlг0е поспэшeніе. Рaдуйсz, вдови1цъ и3 жeнъ, супрyгомъ њстaвленныхъ, покрови1тельнице. Рaдуйсz, стрaнникwвъ и3 безпрію1тныхъ питaтельнице.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ f7
Вс‰кіz ўтоли2 болBзни, бlжeннаz мaти xeніе, на тS надёющихсz и3 къ п0мощи твоeй ўсeрднw притекaющихъ: ћкоже поминaвшихъ прeжде дyшу твою2 рaди души2 своеS спасeніz, по завёту твоемY, тaкw и3 нhнэ помzни2 всёхъ, прославлsющихъ тS, бGу же, въ тебЁ ди1внw прослaвленному, вопію1щихъ непрестaннw: Ґллилyіа.
Јкосъ f7
Вэт‡z суемyдрєнныz разумёти не м0гутъ, кaкw ты2 безyміемъ свои1мъ безyміе мjра сегw2 њбличи1ла є3си2, и3 нeмощію своeю си6льныz и3 крBпкіz посрами1ла є3си2: не вёдаютъ бо въ тебЁ си1лы и3 премyдрости б9іz. мh же, тS почитaюще съ люб0вію зовeмъ ти2 си1це:
Рaдуйсz, б9eственнагw д¦а селeніе. Рaдуйсz, вeліе къ бGу дерзновeніе. Рaдуйсz, ў ўсыпaльницы твоеS молsщымсz kвлsющаzсz и3 и5мъ помогaющаz. Рaдуйсz, землeю и3 є3лeемъ t неS мнHгіz њсвzти1вшаz и3 t недyгъ и3сцэли1вшаz. Рaдуйсz, ћкw њдержи1мыхъ страстьми2 t ги1бели спасaеши. Рaдуйсz, ћкw tвергaтисz себE нaсъ научaеши. Рaдуйсz, любвE и3 смирeніz пyть во спасeніе нaмъ ўказyющаz. Рaдуйсz, во хрaмэ б9іемъ съ нaми незри1мw пребывaющаz.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ ‹
Спасти2 лю1ди хотsщи, бlжeннаz мaти xeніе, при1снw дaруеши и5мъ заступлeніе твоE чyдное. сE дёву бlгочести1вую съ вдови1цею мaтерію є3S, въ канyнъ вэнчaніz ў гробни1цы твоеS ўсeрднw моли1вшуюсz, t брaка спаслA є3си2 со ѕлодёемъ, и4же рaтнагw человёка ўби2, и4мz же и3 чи1нъ є3гw2 себЁ присв0и. въ дeнь т0йже ўбjйца џный внезaпу њбличeнъ бhсть, и3 ќжасомъ њб8sтъ, и3сповёда пред8 всёми, ћкw си1ла б9іz сиротY t брaка съ ни1мъ и3збaви, мh же, дивsщесz си1лэ мlтвъ твои1хъ, нaсъ спасaющихъ, воспэвaемъ бGу: Ґллилyіа.
Јкосъ ‹
СтэнA є3си2 неруши1маz, пребlжeннаz мaти, и3 д0мъ правослaвныхъ. не њстaви и3 нhнэ супрyги разлучє1нныz, помози2 роди1телємъ, за грэхи2 сво‰ њ чaдэхъ слeзы проливaющымъ, научи2 ю4ношы и3 дBвы въ чcтотЁ себE храни1ти и3 всёхъ нaсъ с™hню ќзъ сэмeйныхъ почитaти, да є3ди1нэми ўсты2 воспэвaемъ ти2 тaкw:
Рaдуйсz, дёвъ бlгочести1выхъ t брaка невёрнагw и3збавлsющаz. Рaдуйсz, спyтника жи1зни д0браго и5мъ њбрэсти2 помогaющаz. Рaдуйсz, срHдникъ враждyющихъ бlг0е примирeніе. Рaдуйсz, слeзъ дётскихъ њсушeніе. Рaдуйсz, t ўбіeніz младeнцєвъ во чрeвэ женaмъ гр0зное прещeніе. Рaдуйсz, на кaмени любвE и3 вёры домHвъ ўстроeніе. Рaдуйсz, супрyгwвъ, смeртію разлучeнныхъ, ўтэшeніе. Рaдуйсz, въ жи1зни безсмeртнэй вёчное и4хъ соединeніе.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ №i
Пёніе бlгодaрственное прин0сzтъ ти2, мaти бlжeннаz, лю1діе правослaвніи, t бёдъ и3 болёзней мlтвами твои1ми и3збaвленніи: и3 нhнэ, ѓще попyститъ нaмъ всепрвdный гDь скHрби грёхъ нaшихъ рaди, со слезaми къ тебЁ припадeмъ, ўповaюще на млcтивое твоE њ нaсъ къ бGу предстaтельство, да воспоeмъ є3мY: Ґллилyіа.
Јкосъ №i
Свэтозaрнаz лучA во мрaцэ житіS сегw2, пyть ко свёту непристyпному њсвэщaющаz, kви1ласz є3си2, бGомyдраz xeніе, чудeсъ мн0жествомъ просіsвши. въ лю1тую же годи1ну гонeній безб0жныхъ вёрніи t час0вни твоеS не tступи1ша, но презрёвше и3 стрaхъ смeртный, съ вёрою и3 ўповaніемъ къ тебЁ притекaху, сeрдцемъ воспэвaюще си1це:
Рaдуйсz, безнадeжныхъ надёzніе. Рaдуйсz, въ бeзднэ tчazніz погибaющихъ спасeніе. Рaдуйсz, ўни1женныхъ и3 гони1мыхъ покрови1тельнице. Рaдуйсz, t клеветы2 и3 судA непрaведнагw защи1тнице. Рaдуйсz, њби1димыхъ и3 њбезд0ленныхъ ўтэшeніе. Рaдуйсz, њби1дzщихъ гр0зное вразумлeніе. Рaдуйсz, грaда с™aгw петрA застyпнице. Рaдуйсz, чaдwмъ земли2 рwссjйскіz мaти и3 питaтельнице.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ в7i
Блгdть ўтэшeній њби1льнw и3зливaеши, бlжeннаz xeніе, всBмъ чтyщымъ пaмzть твою2 и3 къ заступлeнію твоемY притекaющымъ. тёмже и3 мы2, грёшніи, на тS по бз7э надeжду нaшу возлагaемъ и3м0лимсz тебЁ ўсeрднw: не њстaви нaсъ во њбстоsніихъ ск0рбныхъ, ўмоли2 гDа си1лъ, да не tпадeмъ t вёры правослaвныz, въ нeйже тоб0ю ўтверждaеми, зовeмъ є3мY вёрнw: Ґллилyіа.
Јкосъ в7i
Пою1ще мнHгаz тво‰ чудесA, бlжeннаz мaти xeніе, восхвалsемъ тS, ћкw тeплую нaшу застyпницу и3 ск0рую предстaтельницу. ўлучaюще же t тебE п0мощь бlгодaтную, неустaннw воспэвaемъ ти2 си1це:
Рaдуйсz, свётомъ кр0тости твоеS вс‰ концы2 земли2 њзари1вшаz. Рaдуйсz, житіeмъ твои1мъ п0стническимъ гордhню діaвольскую посрами1вшаz. Рaдуйсz, д0му цaрскому поможeніе и3 бlгословeніе. Рaдуйсz, ми1ра б9іz въ сердцA вёрныхъ насаждeніе. Рaдуйсz, њ спасeніи nтeчества нaшегw при1снw молsщаzсz. Рaдуйсz, во nтeчество нбcное нaмъ пyть ўказyющаz. Рaдуйсz, по бцdэ въ ск0рбехъ и3 печaлехъ нaше ўтэшeніе. Рaдуйсz, по бз7э грэхHвъ нaшихъ прощeніе и3 вёчное спасeніе.
Рaдуйсz, xeніе бlжeннаz, мlтвеннице њ душaхъ нaшихъ.
Кондaкъ Gi
Q с™az бlжeннаz мaти xeніе, въ житіи2 твоeмъ крeстъ тsжкій понeсшаz, пріими2 t нaсъ, грёшныхъ молeніе сіE, тебЁ приноси1мое, њгради2 нaсъ мlтвами твои1ми t навётwвъ духHвъ тьмы2, t бёдъ и3 напaстей, ўмоли2 всещeдраго бGа подaти нaмъ си1лу и3 крёпость, да взeмше крeстъ св0й, во слёдъ хrтY грzдeмъ, пою1ще є3мY съ тоб0ю во вёки: Ґллилyіа.
Сeй кондaкъ глаг0ли три1жды.
И# пaки чтeтсz а7-й јкосъ: РавноaгGльски на земли2
И# пaки кондaкъ пeрвый: И#збрaннаz ўг0днице
Мlтва
Q с™az всебlжeннаz мaти xeніе! под8 кр0вомъ всевhшнzгw жи1вшаz, вед0маz и3 ўкрэплsемаz бGом™рію, глaдъ и3 жaжду, хлaдъ и3 зн0й, поношє1ніz и3 гонє1ніz претерпёвшаz, и3 дaръ прозорли1вости и3 чудотворeніz t бGа пріsла є3си2 и3 под8 сёнію всемогyщагw пок0ишисz, нhнэ с™az цRковь, ћкw бlгоухaнный цвётъ, прославлsетъ тS. предстоsще на мёсте погребeніz твоегw2, пред8 w4бразомъ твои1мъ с™hмъ, ћкw живёй ти2 сyщей съ нaми, м0лимсz тебЁ: пріими2 прошє1ніz н†ша и3 принеси2 и5хъ ко пrт0лу млcрдагw nц7A нбcнагw, ћкw дерзновeніе къ немY и3мyщаz. и3спроси2 притекaющымъ къ тебЁ вёчное спасeніе, на бlг†z дэлA и3 начин†ніz н†ша щeдрое бlгословeніе, t всsкихъ бёдъ и3 скорбeй и3збавлeніе. предстaни с™hми твои1ми мlтвами пред8 всемлcтивымъ сп7си1телемъ нaшимъ њ нaсъ, недост0йныхъ и3 грёшныхъ. помози2, с™az бlжeннаz мaти xeніе, младє1нцы свётомъ с™aгw кRщeніz њзари1ти и3 печaтію дaра д¦а с™aгw запечатлёти, џтроки и3 nтрокwви1цы въ вёрэ, чтcности, бGобоsзненности воспитaти и3 ўспёхи въ ўчeніи и5мъ даровaти: болsщыz и3 недyгующыz и3сцэли2, сэмє1йнымъ люб0вь и3 соглaсіе низпосли2, монaшествующихъ п0двигомъ д0брымъ подвизaтисz ўдост0й и3 t поношeній њгради2, пaстыри въ крёпости д¦а с™aгw ўтверди2, лю1ди и3 странY нaшу въ ми1рэ и3 безмzтeжіи сохрани2, њ лишeнныхъ въ предсмeртный чaсъ причащeніz с™hхъ хrт0выхъ т†инъ ўмоли2. ты2 нaша надeжда и3 ўповaніе, ск0рое ўслhшаніе и3 и3збавлeніе, тебЁ бlгодарeніе возсылaемъ и3 съ тоб0ю слaвимъ nц7A и3 сн7а и3 с™aго д¦а, нhнэ и3 при1снw и3 во вёки вэкHвъ. Ґми1нь.
Очікується текст
