...
Типікон

Глава 32. О велицей четыредесятнице, яже должен всякий христианин хранити

ТранслітераціяЦерковнословʼянськаУкраїнська

О велицей четыредесятнице, яже должен всякий христианин хранити

Во святую и великую четыредесятницу, 1-я недели первый день, сиесть в понедельник, отнюд ясти не подобает, такожде и во вторый. В среду же по совершении преждесвященных, трапеза поставляется, и ядим хлеб тепл, и от снедей овощных теплых, дается же и укроп с медом. Не могущии же сохранити дву дней первых, ядят хлеб, и квас по вечерни, во вторник: Подобне же и старии творят. В субботы же и недели разрешаем на елей точию, и вино. В прочих же седмицах постимся, до вечера 5 дней, и ядим сухоядение, кроме суббот и недель: рыбы же во всю святую четыредесятницу никакоже дерзнем ясти, кроме праздника Благовещения Пресвятыя Богородицы, и недели цветоносныя. В пяток 1-я недели, и в среду великаго канона, и в великий четверток, аще нецыи уставы и повелевают на елей разрешати, но не творится за честность дней. В навечерие же праздника Благовещения, прежде субботы святаго праведнаго Лазаря, разрешаем на елей и вино. И аще монах святую четыредесятницу своим лакомством разорит, еже ясти рыбу, кроме праздника Благовещения, и недели цветоносныя, то не причастится Святых Таин и на святую Пасху: по друзии две недели покается, а поклонов на день, и на нощь 300.

О причащении Христовых Таин

Егда хощет кто причаститися Святых Христовых Таин, подобает ему сохранити всю седмицу, от понедельника пребыти в посте, и молитве, и трезвости совершенной всеконечно, и тогда со страхом, и велиим благоговеинством приимет Пречистыя Тайны.

О помывании уст братий, причащающихся пречистых Христовых Таин

Потребно есть и сие ведати, о помывании в храме причащающихся братий, якоже речеся: Достоит помывати уста в служебном: сице бо божественный Златоуст повеле, вины ради плюновения. Бывает же сице: По приятии Святых Таин емлет брат антидор, и потребив и, и приемлет теплоты [оставльшия вливаемыя в божественную чашу] во уста мало, и пласкав поглотает, и уста помывает мало, и отирает платом чистым на сие устроенным над сосудом.

Во святую и великую неделю Пасхи, и во всю светлую неделю разрешаем: монаси на сыр и яица и рыбы, мирстии же на вся.

От новыя же недели понедельника, по еже пети 3– й час, и 6-й, в чину их с междочасии, к сим же и обедницу: дается благословение братии, в понедельник, среду и пяток, во всю пятьдесятницу. Благословение же мерити подобает, две онгии чисты паксимады (сухари), и то снедати точию подобает, и по отпетии 9-го часа совершенне ясти. Подобне и в навечерии Рождества и Богоявления Господня, аще случится в субботу, и неделю. В неделю же сошествия Святаго Духа, бывает коленопреклонение на вечерни, и неделя тая разрешена ясти рыбы, сыр, и яица, и млеко: а миряном мясо, до недели всех святых.

T прaвилъ с™hхъ ґпcлъ, и3 с™hхъ nтє1цъ, њ с™ёй вели1цэй четыредесsтницэ, ±же д0лженъ всsкій хrтіaнинъ nпaснw храни1ти

Во с™yю и3 вели1кую четыредесsтницу, №-z недёли пeрвый дeнь, сjесть въ понедёльникъ, tню1дъ ћсти не подобaетъ, тaкожде и3 во вторhй. Въ срeду же по совершeніи преждесщ7eнныхъ, трапeза поставлsетсz, и3 kди1мъ хлёбъ тeплъ, и3 t снёдей nв0щныхъ тeплыхъ, даeтсz же и3 ўкр0пъ съ мeдомъ. Не могyщіи же сохрани1ти двY днeй пeрвыхъ, kдsтъ хлёбъ, и3 квaсъ по вечeрни, во вт0рникъ: Под0бнэ же и3 стaріи творsтъ. Въ суббw6ты же и3 недBли разрэшaемъ на є3лeй т0чію, и3 віно2. Въ пр0чихъ же седми1цахъ пости1мсz, до вeчера є7 днeй, и3 kди1мъ сухоzдeніе, кромЁ суббHтъ и3 недёль: рhбы же во всю2 с™yю четыредесsтницу никaкоже дeрзнемъ ћсти, кромЁ прaздника бlговёщеніz прес™hz бцdы, и3 недёли цвэтон0сныz. Въ пzт0къ №-z недёли, и3 въ срeду вели1кагw канHна, и3 въ вели1кій четверт0къ, ѓще нёцыи ўстaвы и3 повелэвaютъ на є3лeй разрэшaти, но не твори1тсz за чeстность днeй. Въ нaвечеріе же прaздника бlговёщеніz, прeжде суббHты с™aгw првdнагw лaзарz, разрэшaемъ на є3лeй и3 віно2. И# ѓще монaхъ с™yю четыредесsтницу свои1мъ лaкомствомъ разори1тъ, є4же ћсти рhбу, кромЁ прaздника бlговёщеніz, и3 недёли цвэтон0сныz, то2 не причасти1тсz с™hхъ т†инъ и3 на с™yю пaсху: по друзjи двЁ недBли покaетсz, ґ покл0нwвъ на дeнь, и3 на н0щь™.

Њ причащeніи хrт0выхъ т†инъ.

Е#гдA х0щетъ кто2 причасти1тисz с™hхъ хrт0выхъ т†инъ, подобaетъ є3мY сохрани1ти всю2 седми1цу, t понедёльника пребhти въ постЁ, и3мlтвэ, и3 трeзвости совершeнной всеконeчнw, и3 тогдA со стрaхомъ, и3 вeліимъ бlгоговёинствомъ пріи1метъ пречcтыz т†йны.

Знайшли помилку