Мінея Місячна,  Грудень

Вересень * Жовтень * Листопад * Грудень * Січень * Лютий * Березень * Квітень * Травень * Червень * Липень * Серпень * Богородичний додаток

← В 21-й день

Грудень

В 23-й день →

День 12345678910111213141516171819202122232425262728293031

В 22-й день

ТранслітераціяЦерковнослов’янськаУкраїнська

Предпра́зднство Рождества́ Христо́ва, и святы́я великому́ченицы Анаста́сии Фармаколи́трии, е́же есть Узореши́тельницы

На Го́споди, воззва́х: стихи́ры предпра́зднства 3 и святы́я 3.

Стихи́ры предпра́зднства, глас 1.

Подо́бен: Всехва́льнии му́ченицы

Земля вся, зря́щи/ Бо́жие снизхожде́ние, весели́тся:/ волсви́ да́ры Мне прино́сят,/ Не́бо свы́ше веща́ет звездо́ю,/ А́нгели сла́вят,/ па́стырие, свиря́юще, дивя́тся,/ я́сли подъе́млют,/ я́коже престо́л Мя огнезра́чный./ Ра́дуйся, Ма́ти, сия́ ви́дящи.

Свет во открове́ние язы́ков/ прише́л еси́, обложи́мь Моего́ зра́ка подо́бием,/ Сы́не Мой Безнача́льне,/ Отца́ Пребезнача́льнаго/ несказа́нное рожде́ние,/ обогати́ти бо гряде́ши/ обнища́вшее челове́чество нището́ю,/ е́юже обложи́мь еси́,/ воспева́ю, Го́споди, Твое́ благоутро́бие.

Я́ко Младе́нца Мя зря́щи,/ на Твои́х почива́юща, Ма́ти, дла́нех, возвесели́ся:/ приидо́х бо боле́знь всю отъя́ти Ада́мову,/ ю́же пострада́ зле́йшим сове́том зми́я,/ дре́вле вкуси́в, и сла́дости вне быв ра́йския,/ и растли́вся.

И́ны стихи́ры святы́я му́ченицы, глас 8.

Подо́бен: Что вы нарече́м:

Ми́ра кра́сных пренебре́гши/ и к сим пло́ти твоея́ не пощади́вши, честна́я,/ всю вдала́ еси́ себе́ саму́ю служи́ти боголе́пно святы́м,/ во страда́ниях терпели́вейше,/ гной о́ных отира́ющи/ и к му́жеству му́дрейше/ словесы́ му́дрыми укрепля́ющи,/ моли́ е́же спасти́ся душа́м на́шим.

Бога́тство тре́бующим расточи́ла еси́ привре́менное, честна́я,/ ве́чнующая те́пле взыску́ющи/ и Христо́вым стопа́м Боже́ственным/ неукло́нною ве́рою после́дующи, и вопия́ше:/ уязви́хся Твои́м жела́нием, Безсме́ртне,/ Твои́х страда́ний сообра́зну мя/ и сла́вы Боже́ственныя соприча́стницу покажи́,/ я́ко Щедр и Человеколю́бец.

Страсть претерпе́вши блаже́нную,/ стра́сти на́ша, Анастаси́е, и́стинно омыва́еши/ струя́ми врачева́ний твои́х при́сно./ Тем тя по до́лгу блажи́м,/ и любо́вию пра́зднуем па́мять твою́,/ и покланя́емся моще́м, свяще́ние почерпа́юще./ Моли́ спасти́ся душа́м на́шим.

Сла́ва, святы́я, глас 2:

Воскресе́ния дар прия́ла еси́,/ Анастаси́е всехва́льная,/ пострада́вши на суди́щи:/ де́монов бо мно́жество погуби́вши,/ мо́рю преда́ла еси́, страстоно́сице,/ му́ченице досточу́дная.

И ны́не, предпра́зднства, глас 4:

Вифлее́ме, украша́йся,/ воспои́, гра́де Сио́не, ра́дуйся, пусты́не, предобруча́ющи ра́дость:/ звезда́ бо предъи́дет в Вифлее́м,/ возвеща́ющи хотя́щаго роди́тися Христа́,/ и верте́п прие́млет Невмести́маго все́ми,/ и я́сли гото́вятся восприя́ти Жи́знь ве́чную./ тому́ вси воспои́м и возопии́м:/ спаси́ ду́ши на́ша, Иису́се Бо́же,/ воплоти́выйся нас ра́ди.

На стихо́вне стихи́ры, глас 2.

Подо́бен: До́ме Евфра́фов:

Гряде́т Христо́с/ лука́ваго сокруши́ти,/ су́щия во тьме просвети́ти/ и разреши́ти свя́занныя,/ предусря́щим того́.

Стих: Бог от ю́га прии́дет/ и Святы́й из горы́ приосене́нныя ча́щи.

Лику́й, Сио́не,/ верте́пе, благоукраси́ся,/ Вифлее́ме, гото́вися:/ се бо Де́ва/ роди́ти Христа́ грядет.

Стих: Го́споди, услы́шах слух Твой и убоя́хся;/ Го́споди, разуме́х дела́ Твоя́ и ужасо́хся.

Воспо́йте, оте́чествия язы́ков,/ хвалу́ и сла́ву,/ волсви́ с да́ры,/ па́стырие, свиря́юще,/ усе́рдно потщи́теся.

Сла́ва, свя́тей, глас 4. Студи́тово:

Живоно́снаго воста́ния Христо́ва тезоимени́тна бы́вши,/ честны́м жи́тельством зва́нию преизя́щно после́довала еси́/ и, естество́ укре́пльши,/ вмужи́вшися же мудрова́нием,/ червлени́цу истка́ла еси́ обагре́нием крове́й твои́х/ и, ца́рски, я́коже скиптр, крест держа́щи,/ Бо́гу и Спа́су сца́рствуеши, Анастаси́е всеблаже́нная./ того́ моли́ и нас облиста́ти Боже́ственною сла́вою Его́.

И ны́не, глас то́йже:

Иса́ие, лику́й, Сло́во Бо́жие восприе́м,/ прорцы́ Отрокови́це Мари́и:/ купине́ горе́ти и огне́м не сгара́ти заре́ю Божества́./ Вифлее́ме, благоукраси́ся,/ отве́рзи врата́, Еде́ме,/ и волсви́, иди́те ви́дети спасе́ние, в я́слех повива́емое:/ его́же звезда́ показа́ верху́ верте́па, Жизнода́вца Го́спода,/ спаса́ющаго род наш.

Тропа́рь, глас 4:

Побе́доноснаго Воскресе́ния/ истинноимени́тая нарече́на еси́, му́ченице Христо́ва,/ побе́ды на враги́ поста́вила еси́ мук терпе́нием,/ Христа́ ра́ди, Жениха́ твоего́,/ его́же возлюби́ла еси́./ Того́ моли́/ спасти́ ду́ши на́ша.

Сла́ва, и ны́не, предпра́зднства, глас то́йже:

Гото́вися, Вифлее́ме,/ отве́рзися всем, Еде́ме,/ красу́йся, Евфра́фо,/ я́ко дре́во живота́ в верте́пе процвете́ от Де́вы:/ рай бо О́ноя чре́во яви́ся мы́сленный,/ в не́мже Боже́ственный сад,/ от него́же я́дше, жи́ви бу́дем,/ не я́коже Ада́м у́мрем./ Христо́с ражда́ется пре́жде па́дший возста́вити о́браз.

НА ПОВЕ́ЧЕРИИ

Кано́н, глас 6. его́же краегранесие: Вели́каго четвертка́ до́лгую песнь пою́.

И́рмо́с по два́жды, тропари на 6 и па́ки ирмо́с на сходе.

Песнь 1

Ирмо́с: Сече́ное, сече́тся/ мо́ре Чермно́е,/ волнопита́емая же изсуша́ется глубина́,/ та́яжде ку́пно безору́жным бы́вши проходи́ма/ и всеору́жным гроб./ Песнь же Богокра́сная воспева́шеся:/ сла́вно просла́вися Христо́с, Бог наш.

Всевино́вная и вседержи́тельная Жи́знь, безме́рная Му́дрость Бо́жия,/ созда́ дом Себе́ от Чи́стыя Неискусому́жныя Ма́тере:/ хра́мом бо теле́сным обложи́вся,/ сла́вно просла́вися Христо́с, Бог наш.

Тайноводя́щи волхвы́, созыва́ет нача́ток Бо́жия Му́дрость от язы́ков,/ безслове́сныя пре́жде напита́ти та́инственно,/ в безслове́сных я́слех трапе́за лежи́т тайная:/ к не́йже тща́тся,с дарми́ путеше́ствующе, звезде́ предсия́ющей.

Да услы́шим ны́не проро́ческия, исполня́емыя Ду́хом, гла́сы:/ Де́ва бо, прие́мши во чре́ве, прихо́дит Пресу́щественнаго роди́ти;/ его́же волхво́м у́бо не́бо показа́, па́стырем же А́нгели,/ я́ко Младе́нца носи́ма.

Песнь 3

Ирмо́с: Госпо́дь, Сый, всех и Зижди́тель Бог,/ созда́нное, Безстра́стный, обнищав, Себе́ соедини́/ и я́ко Младе́нец, носи́мь пло́тию,/ в я́слех убо́гих покланя́емь быва́ет,/ яди́те, – вопия́, – Те́ло Мое́/ и ве́рою утверди́теся.

Избавле́ние за ми́р истощи́ти ны́не Свою́ Кровь Христа́ гряду́ща,/ И́род свире́пствует уби́ти пре́жде вре́мене,/ неи́стовствуя пре́жде неи́стовства Пила́това:/ те́мже уби́йственным суровство́м младе́нец мно́жество закла́.

Безу́мен муж рече́:/ несть Бо́га./ И́же неи́стовства испо́лнився коне́чнаго, христоуби́йством неду́гует,/ ра́зума же де́рзостию отпа́д,/ ко убие́нию младе́нец неискусозло́бных всего́ себе́ вооружи́/ и зе́млю оскверни́ кровьми́.

Песнь 4

Ирмо́с: Прови́дев проро́к/ та́йну твою́ неизрече́нную, Христе́, провозгласи́:/ положи́л еси́ тве́рдую любо́вь кре́пости, О́тче Ще́дрый,/ Единоро́дна го бо Сы́на, Благи́й,/ очище́ние, в ми́р посла́л еси́.

На руно́, я́ко дождь, низше́д,/ и, я́коже ка́пля, на зе́млю, на Ро́ждшую Тя, Го́споди,/ гряде́ши ми́лостивно роди́тися и с челове́ки пожи́ти:/ Единоро́днаго бо Тя, очище́ние, Оте́ц в ми́р посла́.

Прио́бща́ешися челове́ческия, Христе́, пло́ти от се́мене Авраа́мля,/ и благода́ть вме́сто благода́ти гряде́ши пода́ти,/ и спасти́ о́браз, и обезтли́ти;/ Единоро́днаго бо Тя, очище́ние, Оте́ц в ми́р посла́.

Питие но́вое, е́же дре́вле пи́ти Дави́д, жа́ждав, возжеле́,/ в верте́пе происхо́дит источи́тися Вифлее́мли/ и уста́вити прибы́вшую душе́вную жа́жду, Ада́мову же и Дави́дову,/ из ни́хже по пло́ти ражда́ется Христо́с.

Песнь 5

Ирмо́с: Сою́зом любве́ связу́еми я́ко братолю́бцы,/ Владущему все́ми, ми́р зело́ Возлюби́вшему,/ и Да́вшему избавле́ние Сы́на Возлю́бленнаго,/ дади́м сла́ву Даю́щему всем мир.

Неодержи́мую держа́щая и превы́спреннюю на возду́се во́ду,/ бе́здны обуздава́ющая и мо́ря востязу́ющая Бо́жия Прему́дрость,/ я́ко дождь, на руно́ низше́дши, всели́ся во утро́бу Де́вы.

Ученики́ волхва́ Валаа́ма волхвы́ зове́т к ра́зуму звездо́ю Христо́с,/ о́блаки же не́бо оде́ваяй, пелена́ми повива́ется/ и в я́слех возлежи́т, его́же трепе́щут Херуви́ми,/ в верте́пе же вмеща́ется исполня́яй вся.

Песнь 6

Ирмо́с: Бе́здна после́дняя грехо́в обы́де мя,/ и, волне́ния не ктому́ терпя́,/ я́ко Ио́на Влады́це, вопию́ Ти:/ от тли мя возведи́.

Го́спода ве́дяще Тя, небеса ́пове́дают твою́ сла́ву, Спа́се,/ звездо́ю волхвы́ ны́не с да́ры призыва́юще к позна́нию Твоему́/ и Боже́ственному поклоне́нию.

Скве́рну кто отте́р, да отве́ржет/ и та́ко Христу́ чист Чи́стому да прико́снется Младе́нцу,/ в я́слех лежа́щу и глубину́ серде́ц очища́ющу.

Песнь 7

Ирмо́с: О́троцы в Вавило́не/ пе́щнаго пла́мене не убоя́шася,/ но, посреде́ пла́мене вве́ржени, ороша́еми, поя́ху:/ благослове́н еси́, Го́споди, Бо́же оте́ц на́ших.

Зы́бля главо́ю, И́род, зла́я прови́дя, подви́жеся, благовре́мения ища́,/ умертви́ти жи́зни и сме́рти Бо́га,/ и́же всех есть Госпо́дь и Влады́ка тва́ри.

Ели́цы вас, Христо́вы друзи, бе́гайте с бе́гающим в Еги́пет/ и, сему́ до́бре покланя́ющеся, боголе́пно воззови́те/ и согла́сно просла́вите.

И́же кто со Мно́ю несть, на Мя де́ет, Христо́с глаго́лет,/ не собира́яй же со Мно́ю расточа́ющему уподо́бися./ Те́мже сего́ убои́мся плотска́го низше́ствия.

Песнь 8

Ирмо́с: За зако́ны оте́ческия/ блаже́ннии в Вавило́не ю́ноши предбе́дствующе,/ царю́ющаго оплева́ша повеле́ние безу́мное/ и, совоку́плени, и́мже не свари́шася огне́м,/ Держа́вствующему досто́йную воспева́ху песнь:/ Го́спода по́йте, дела́,/ и превозноси́те во вся ве́ки.

Пито́мцы Богому́дрии, в Вифлее́м Сло́ву предше́дшии,/ со А́нгелы у́зрим и па́стырьми чу́до,/ су́щему в Вы́шних сла́ву возсыла́юще Бо́гу,/ благоволе́ние даю́щему челове́ком и мир:/ Го́спода по́йте, дела́, и превозноси́те во вся ве́ки.

Зако́на любве́ держа́щеся, братолю́бия изволе́ние да восприи́мем,/ с друг дру́ги ми́рствующе и еди́но сму́дрствующе:/ ми́ра бо Пода́тель прихо́дит Христо́с,/ умиря́яй вся́ческая и спаса́я зову́щия:/ Го́спода по́йте, дела́, и превозноси́те во вся ве́ки.

Вме́сто Сла́вы припе́в: Благослови́м Отца́ и Сы́на и Свята́го Ду́ха, Го́спода.

Почита́ет ле́стными словесы́ ражда́ющагося Христа́ И́род беззако́нный/ и к волхво́м приклоня́шеся, я́ко и сам бо поклони́тся;/ но не стыдя́шеся, гоня́ тая́щагося Христа́,/ ни младе́нцев уще́дри и вопи́ти не разуме́:/ Го́спода по́йте, дела́, и превозноси́те во вся ве́ки.

Та́же пое́м оба ли́ка вку́пе:

Хва́лим, благослови́м, покланя́емся Го́сподеви,/ пою́ще и превознося́ще во вся ве́ки.

И пое́м ирмо́с: За зако́ны оте́ческия:

Песнь 9

Ирмо́с: Стра́нствия Влады́чня/ и Безсме́ртныя Трапе́зы/ во убо́зем верте́пе высо́кими умы́,/ ве́рнии, прииди́те, наслади́мся,/ воплоти́вшееся Сло́во неизрече́нно уве́девше,/ его́же велича́ем.

Иди́те, – нача́льником И́род рече́ волхво́в, –/ поищи́те Отроча́те;/ егда́ же обря́щете сего́, ми ско́ро возвести́те,/ лесть в се́рдцы ко́знствуя;/ но обличе́н бысть преле́стник, вотще́ беззако́ннуя.

Соде́тель, рожде́йся от Отца́ пре́жде веков, ражда́ется от Де́вы,/ му́дрость Сый Сло́во Бо́жие и си́ла./ Те́мже еди́наго Сы́на ве́дяще, Богочелове́ка Го́спода велича́ем.

Я́ко челове́к яви́лся еси́ существо́м, не мечта́нием,/ та́ко Бог нра́вом воздая́ния, естество́м, Спа́се, е́же прия́л еси́./ Те́мже, от Де́вы Боже́ственное прише́ствие Твое́ чту́ще, велича́ем.

Посе́м ирмо́с и поклон.

НА У́ТРЕНИ

По 1-й стихологии седа́лен, глас 1.

Подо́бен: Ка́мени запечатану:

Просвети́ся тварь,/ Зижди́тель бо предгряде́т роди́тися в верте́пе за неизрече́нную ми́лость./ Па́стырие, сря́щите со тща́нием, зря́ще чу́до стра́шно./ Прииди́те, волсви́, да́ры рука́ми держа́ще и глаго́люще:/ сла́ва рожде́нному Царю́,/ сла́ва путево́дствовавшему ны./ Сему́, я́ко Царю́ всех, поклони́мся пло́тию.

Сла́ва, и ны́не, глас 4.

Подо́бен: Ско́ро предвари́:

Боже́ственне весели́тся тварь вся днесь:/ Христо́с бо Госпо́дь, Бо́жий Сын, из Де́вы ражда́ется Чи́стыя,/ весь род челове́чь обезсме́ртствуя,/ разреша́я же кля́тву прама́тере Е́вы./ Тем я́ко Бла́годе́телю на́шему пе́ние принесе́м.

По 2-й стихологии седа́лен, глас 6.

Подо́бен: Упова́ние ми́ра:

Из Перси́ды ца́рие зла́то, сми́рну и лива́н рожде́нному Царю́ и Бо́гу принесо́ша дре́вле,/ мы же ны́не, предпра́зднующе Рождество́ его́,/ благочестному́дренне от души́ наде́жду, ве́ру и любо́вь принесе́м ему́,/ Де́ву пою́ще.

Сла́ва, и ны́не, глас 3.

Подо́бен: Де́ва днесь:

Де́ву, ражда́ющую Преве́чное Сло́во,/ Ио́сиф пра́ведный песносло́вя, вопия́ше:/ ви́жду Тя, бы́вшую храм Госпо́день,/ нося́щую вся челове́ки спасти́ прише́дшаго,/ и воспева́ющия того́ за милосе́рдие, Боже́ственныя хра́мы показу́ющаго.

Кано́на два: предпра́зднства на 8, и святы́я на 6. Кано́н предпра́зднства, глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здие стопа́ми,/ гони́теля фарао́на/ ви́дя потопля́ема,/ Бо́гу побе́дную песнь пои́м, вопия́ше.

Из де́вственнаго о́блака вели́кое нам возсия́ со́лнце, Иису́с Просвеще́ние,/ су́щии во тьме пое́м ему́,/ озаря́еми све́тло сего́ сия́ньми.

Язы́ков ча́яние, Царь ми́ра гряде́т ра́тника уби́ти./ Сре́сти потщи́мся того́,/ ражда́ема в Вифлее́ме на спасе́ние на́ше.

Проро́честии соверша́ются Боже́ственнии гла́си,/ стра́шное явле́ние прознаменова́вше Христо́во:/ А́гница бо приближа́ется роди́ти А́гнца/ и Изба́вителя и всех Го́спода.

Богоро́дичен: Тя, Чи́стую Влады́чнюю голуби́цу,/ честну́ю, и непоро́чную, и до́брую в жена́х,/ я́ко всех ро́ждшую Бо́га, ублажа́ем ве́рно, Богоблаже́нная.

Кано́н святы́я, глас 8, его́же краегране́сие: Пою́ тя, му́ченице Анастаси́е, любо́вию. Ио́сиф.

Песнь 1

Ирмо́с: Песнь возсле́м, лю́дие,/ чу́дному Бо́гу на́шему,/ свободи́вшему Изра́иля от рабо́ты,/ песнь побе́дную пою́ще и вопию́ще,/ пои́м Тебе́, Еди́ному Влады́це.

Пе́ние возсле́м Бо́гу,/ роди́тися хотя́щему пло́тию из Де́вы в Вифлее́ме гра́де/ и в я́слех положи́тися Отроча́ти, я́ко младе́нцу,/ да спасе́т челове́ческий род.

Еди́ныя вожделе́нныя Христо́вы, Анастаси́е сла́вная, добро́ты и́щущи,/ претекла́ еси́ добро́ты мирски́я тве́рдостию нра́ва/ и безсме́ртнаго насле́дия, му́ченице, сподо́билася еси́.

Нощь ле́стнаго омраче́ния, просвеще́нием ду́ха озаря́ема, честна́я,/ претекла́ еси́ смы́сленне/ и ны́не всели́лася еси́, иде́же есть Боже́ственное сия́ние Несозда́нныя Тро́ицы.

Богоро́дичен: Яви́ся неви́димый Бог, преесте́ственно ражда́емь,/ за благоутро́бие мно́гое из Тебе́, Де́во Ма́ти, обнища́в, бога́тый,/ я́ко да безсме́ртием челове́ческий род обогати́т.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Сло́вом простры́й небеса́, вхо́дит в верте́п/ и в безслове́сных восклони́тися я́слех Христо́с,/ безслове́сия нас за милосе́рдие хотя́ изба́вити.

Вопие́т проро́к я́вственно:/ Бог наш Сей, не вмени́тся у́бо ин кто к Нему́./ Изобре́те всяк путь худо́жества, челове́ком соедини́вся.

Не терпи́т зре́ти Херуви́м,/ и ка́ко стерпя́т Тя я́сли, невмести́маго естество́м,/ за милосе́рдие мно́гое ражда́ема нас ра́ди от Де́вы,/ Го́споди Человеколю́бче?

Богоро́дичен: Прови́дя Тя го́ру иногда́ Дании́л проро́к,/ из нея́же ка́мень отсече́ся, Богоро́дице,/ тре́бища и́дольския истни́в и разори́в, Всечи́стая Богоневе́сто.

Ин ирмо́с:

Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.

Пелена́ми повива́емый Младе́нец, неосяза́емый Госпо́дь,/ хо́щет ви́ден бы́ти, в я́слех возлежа́й;/ го́ры, взыгра́йте, и ра́достию Боже́ственною, хо́лми, облецы́теся,/ све́та исполня́еми.

Благоче́стным дерзнове́нием гони́телей притупи́ла еси́ разжже́нных глаго́л стре́лы,/ спаси́тельным Сло́вом обогати́вшися, Анастаси́е,/ и Боже́ственною любо́вию двиза́ния душе́вная упра́вивши.

То́чию, му́ченице, вопия́ла еси́:/ ищу́ Го́спода, к еди́ной того́ любви́ ду́шу привяза́х,/ сего́ осия́тися чисте́йшими бога́тно блиста́ньми иду,/ обы́чая простото́ю.

Богоро́дичен: Неискусобра́чная Отрокови́це,/ руко́ю нося́щаго всю тварь во утро́бе но́сиши, воплоща́ема,/ его́же и ражда́ема восклоня́еши в я́слех,/ младе́нца зри́ма Преве́чнаго.

Конда́к предпра́зднства, глас 3.

Подо́бен: Де́ва днесь:

Де́ва днесь Преве́чное Сло́во/ в верте́пе гряде́т роди́ти неизрече́нно;/ лику́й, вселе́нная, услы́шавши,/ просла́ви со А́нгелы и па́стырьми хотя́щаго яви́тися/ Отроча́ мла́до, Преве́чнаго Бо́га.

И́кос:

О, ужа́снаго вои́стинну и па́че сло́ва чудесе́!/ Е́же бы́ти дая́й всем ра́ди бла́гости/ во чре́во Святы́я Де́вы вни́де,/ и в верте́пе роди́тися гряде́т, и в я́слех положи́тися./ Звезда́ же сего́ пропове́дует свы́ше волхво́м,/ иду́щим на поклоне́ние его́ с да́ры, издале́ча привлача́щи,/ со тща́нием после́дующия Валаа́ма прорече́нию, ре́кшаго:/ звезда́ хо́щет провозвести́ти Отроча́ мла́до, Преве́чнаго Бо́га.

Седа́лен, глас 1.

Подо́бен: Гроб Твой, Спа́се:

Я́ко неве́сту тя Христо́ву восхваля́ем, де́во,/ я́ко Фе́клу честну́ю досто́йно почита́ем./ Те́мже и в па́мяти твое́й пролива́ются ре́ки исцеле́ний:/ ты бо прия́ла еси́ благода́ть,/ я́ко храня́щи за́поведи Госпо́дни си́лою ду́ха.

Сла́ва, и ны́не, предпра́зднства, глас 8.

Подо́бен: Повеле́нное та́йно:

Рождества́ Христо́ва предпра́зднственная соверша́юще,/ ве́рнии, торжеству́им и досто́йне вси предусря́щим,/ я́ко волсви́, даронося́ще доброде́тели, воспе́ти а́нгельскую песнь но́вую/ от Де́вы Богоотрокови́цы в Вифлее́ме без се́мене ро́ждшемуся Бо́гу на́шему,/ его́же славосло́вят вся́ческая.

Песнь 4

Ирмо́с: Христо́с моя́ си́ла, Бог и Госпо́дь,/ честна́я Це́рковь/ боголе́пно пое́т, взыва́ющи,/ от смы́сла чи́ста о Го́споде пра́зднующи.

Се возсия́ звезда́ издале́ча,/ я́же предвозвести́ся дре́вле из Иа́кова;/ Челове́к быв необъе́млемый Бог,/ и зри́тся, пелена́ми повива́емь.

Всех Госпо́дь избавле́ние зри́тся Младе́нец, в де́вственных не́дрех седя́й,/ и́же в не́дрех О́тчих, я́ко Сын, почива́яй.

Еде́ме, заключи́вшийся мне окраде́нием сне́ди иногда́, отве́рзися:/ ны́не бо в Вифлее́ме ражда́ется Облеки́йся в мя,/ отлучи́вый мя твоего́ безболе́зненнаго наслажде́ния.

Богоро́дичен: Проро́к Авваку́м Ду́хом прови́дя Тя, Де́во,/ го́ру Бо́жию, доброде́тельми приосене́нную,/ из нея́же яви́ся нам Просвеща́яй ду́ши на́ша.

Ин ирмо́с:

Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Рече́ния уже́ исполня́ются проре́кших Боже́ственным Ду́хом:/ Де́ва бо и́дет в верте́пе роди́ти Всесоверше́ннаго.

Му́ченическое благосла́вие любо́вию взыска́вши,/ сего́ получи́ла еси́, тве́рдо пострада́вши/ несомне́нною во́лею, терпеливоду́шная.

Истка́нною от свы́ше благода́ти ри́зою и́стинно оде́ялася еси́ совлече́нием те́ла,/ страстоте́рпице му́ченице всехва́льная.

Богоро́дичен: Плотоно́сец происхо́дит от Твоего́ светоно́снаго ложесна́, Пречи́стая,/ Царь Небе́сный,/ я́ко на престо́ле, в я́слех возлеги́й.

Песнь 5

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

Евфра́фов доме, Вифлее́ме,/ Нача́льник изы́дет из тебе́ во Изра́или,/ призыва́я язы́ки отринове́нныя,/ я́коже предрече́,/ Ду́хом Михе́я озаря́емь.

Па́ствити па́ству Свою́ еди́ный кре́постию Иису́с из Де́вы роди́тся,/ до коне́ц же земли́ возвели́чится,/ проро́к Богоглаго́ливый дре́вле провозвести́.

Дух прему́дрости, Дух Бо́жий,/ Дух кре́пости и сове́та, зна́ния же и ра́зума,/ Дух Боже́ственнаго стра́ха/ из ложе́сн Твои́х Сы́на вопло́щшагося, Де́во, испо́лни.

Богоро́дичен: Ору́жия вся вра́жия, Пречи́стая Всенепоро́чная, Чи́стая,/ и́стинно в коне́ц оскуди́ла еси́:/ Ты бо всех Бо́га родила́ еси́,/ копие́м низложи́вшаго сего́ свире́пство.

Ин ирмо́с:

У́тренююще, вопие́м Ти:/ Го́споди, спаси́ ны,/ Ты бо еси́ Бог наш,/ ра́зве Тебе́, ино́го не ве́мы.

Возсия́ звезда́ Иу́дова от земли́ Халде́йския,/ дви́жущи на поклоне́ние звездосло́вцы, я́ко писа́ся.

Зако́нно подвиза́лася еси́, беззако́нныя победи́вши,/ му́ченице всесла́вная, си́лою ду́ха.

Воскресе́ние Бо́жие образу́еши тезоимени́тством,/ враги́ проклина́ющи неви́димыя, всехва́льная.

Богоро́дичен: В верте́пе подзе́мнем роди́тися от Де́вы Христо́с гряде́т,/ да веселя́тся вся́ческая.

Песнь 6

Ирмо́с: Жите́йское мо́ре,/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой,/ Многоми́лостиве.

Се во Своя́ прихо́дит Христо́с,/ присво́имся ему́ благода́тию, доброде́тельми Боже́ственными, ве́рнии,/ и сего́ прии́мем, душа́ми и сердцы́ просвеща́емы.

Ко́рень прозябе́ Иессе́ев,/ и из него́ проше́д Бог наш,/ наде́жда язы́ков, упокое́ние и честь,/ я́коже дре́вле прорече́ Иса́ия, Боже́ственно просвеща́емь.

Плени́цы моя́ разреша́я мно́гих грехо́в пеле́нным пови́тием,/ обогаща́я же мя, лю́те зло́бою обнища́вшаго,/ Иису́се мой, обнищава́еши воплоща́емь.

Богоро́дичен: Обурева́ет зима сопроти́вных помышле́ний смире́нное се́рдце мое́/ лука́вых духо́в наве́тами, благолюби́вая Влады́чице:/ укроти́ сию́ хода́тайством Твои́м.

Ин ирмо́с:

Моли́тву пролию́ ко Го́споду/ и тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Естество́, е́же от нас Благоутро́бный прие́м,/ ви́димь есть я́ко Младе́нец, зи́ждай во чре́ве младе́нцы,/ и повива́ется, и в я́слех возлега́ет,/ и разреша́ет мои́х страсте́й многоплете́нныя плени́цы бла́гостию.

Святы́х му́ченик следя́щи терпели́вно Христа́ ра́ди по́двиги,/ и тех потре́бам служа́щи,/ и гное́ния, преподо́бная, отира́ющи, обогати́лася еси́ пресве́тло,/ тех сия́ющи благосла́вием.

Ка́пли врачева́ний излива́еши ту́чами Боже́ственных дарова́ний,/ и страсте́й ре́ки воспря́туеши,/ и по́моществу́еши лю́те бе́дствующим, всесла́вная му́ченице Христо́ва,/ Боже́ственнаго Воскресе́ния тезоимени́тая.

Богоро́дичен: Исцеля́я челове́ческое естество́, дре́вним преступле́нием истле́вшее,/ без тли нов ражда́ется Младе́нец/ и в Твои́х не́дрех, я́ко на престо́ле, седи́т, Безневе́стная,/ Оте́ческаго не оста́вль соседе́ния Божество́м.

Конда́к, глас 2.

Подо́бен: Вы́шних ища:

Во искуше́ниих и ско́рбех су́щии,/ к твоему́ хра́му притека́юще,/ прие́млют честна́я дарова́ния от живу́щия в тебе́ Боже́ственныя благода́ти, Анастаси́е:/ ты бо при́сно ми́ру то́чиши исцеле́ния.

И́кос:

Воскресе́ния Христо́ва тезоимени́та су́щи,/ па́дша мя ны́не воскреси́ моли́твами твои́ми,/ от чуде́с твои́х ка́плю иска́павши, му́ченице, души́ мое́й/ и запале́ния лю́таго греха́ угаша́ющи./ Ми́р бо спа́саеши от страсте́й многообра́зных всегда́,/ и́миже и аз искушаемь есмь:/ ты бо, всем вся подаю́щи, ми́ру то́чиши исцеле́ния.

Песнь 7

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.

Всесоверше́нный ражда́ется, я́ко Младе́нец пелена́ми повива́емь,/ и Безнача́льный от Де́вы прие́млет нача́ло, обожи́ти прия́тие иски́й:/ да ра́дуется Не́бо, и да весели́тся земля́.

Я́ко ца́рскою багряни́цею, обло́жся пло́тию,/ ны́не предгряде́т от ложе́сн Твои́х ми́ра, Отрокови́це, Царь,/ сокруши́в враги́, я́ко си́лен,/ и умири́в на́шу бори́му бы́вшую жи́знь.

С на́ми Бог яви́тся, воплоща́емь,/ разуме́йте, язы́цы проти́внии,/ и покори́теся, на́шея удали́вшиися жи́зни:/ се воззва́ние на́ше,/ Младе́нец в я́слех Вифлее́мских возлещи́ хо́щет.

Богоро́дичен: От всех Тя родо́в избра́, пала́ту нескве́рну,/ всели́выйся Царь во утро́бу твою́, Отрокови́це,/ ему́же песнопое́м ны́не благоче́стно:/ благослове́н еси́, Бо́же оте́ц на́ших.

Ин ирмо́с:

О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.

Го́рнии ли́цы славосло́вят безпло́тных,/ на земли́ же покланя́емся, зря́ще, земни́и, нам уподо́бльшагося/ и в я́слех возлежа́ща Тя, Христе́, Бо́же вся́ческих.

Огнь испепели́ла еси́ ле́стный, я́коже де́ти, пла́мени приобщи́вшися,/ пока́зоваше тепло́ раче́ние, Богому́драя,/ его́же к твоему́ стяжа́ла еси́ Влады́це и Жени́ху́.

Ту́чи пролива́вши врачева́ний,/ уставля́ющи пале́ние неду́гов, и лю́ди при́сно устроя́еши песнопе́ти:/ благослове́н еси́, Го́споди Бо́же, во ве́ки.

Богоро́дичен: Чу́до, мысль удивля́ющее, соверша́емое в Тебе́, Де́во Ма́ти:/ роди́ти и́маши Бо́га и в я́слех восклони́ти,/ Херуви́мом непристу́пнаго и невмести́маго естество́м.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти./ Тя превозно́сим во вся ве́ки.

Проро́к Богоглаго́ливых рече́ния ны́не испо́лнишася:/ Де́ва приближа́ется роди́ти Го́спода./ Вся земля́ да весели́тся, лику́ющи,/ и да ра́дуется во вся веки.

Заря́ми светя́ся Боже́ственныя благода́ти,/ зако́на сень уставля́я, Светода́вец Иису́с возсия́;/ омраче́ннии, у́зрите свет вели́к.

Бы́вша мя верте́п разбо́йников,/ Го́споди, рожде́йся в верте́пе, храм покажи́ Твой,/ и Отца́, и Боже́ственнаго Твоего́ ду́ха,/ да сла́влю Тя во вся ве́ки.

Богоро́дичен: Небе́сная из чре́ва Твоего́ звезда́ возсия́,/ звездосло́вцы подвиго́шася сию́ ви́дети,/ ра́зумом тоя́ просве́щшеся Ду́хом, Пречи́стая Де́во,/ при́сно Благослове́нная.

Ин ирмо́с:

Богоглаго́ливии о́троцы, в пещи́/ со огне́м пла́мень попирающе, поя́ху:/ благослови́те, дела́ Госпо́дня, Го́спода.

Ему́же предстоя́т горе́ ты́сящи и тьмы А́нгелов,/ верте́п но́сит ражда́емаго;/ его́же пое́м дела́ непреста́нно, я́ко Го́спода.

Храм Тро́ицы показа́лася еси́ в Боже́ственных хра́мех,/ моли́твами и поще́нии, Анастаси́е, упражня́ющися,/ благослови́те, взыва́ющи, дела́ Госпо́дня, Го́спода.

Крепча́йшими словесы́ Хрисого́на, страстоте́рпице, укре́пльшися,/ и́долов немощно́е попра́ла еси́ суровство́,/ до́блественне пострада́вши.

Богоро́дичен: О Боговмести́мая Отрокови́це!/ Роди́ши Младе́нца, Творца́ веков и неизме́ннаго Го́спода, в Вифлее́ме гра́де/ за неизрече́нную ми́лость.

Песнь 9

Ирмо́с: Бо́га/ челове́ком невозмо́жно ви́дети,/ на него́же не сме́ют чи́ни А́нгельстии взира́ти;/ Тобо́ю бо, Всечи́стая, яви́ся челове́ком/ Сло́во воплоще́нно,/ его́же велича́юще,/ с Небе́сными во́и Тя ублажа́ем.

Се всех прии́де воззва́ние, очище́ние, Христо́с, спасе́ние и си́ла,/ сокро́вище многоце́нное кры́ется внутрь верте́па,/ и́мже обогати́вшеся, волсви́ зла́то я́ко Царю́ прино́сят.

Христо́вы па́стырие, побди́те,/ и умно во град Вифлее́м прииди́те,/ и Бо́гу в вы́шних возопи́йте:/ сла́ва и вели́чие благоволи́вшему Младе́нцу яви́тися нас ра́ди за благосты́ню.

Пло́тию пелена́ми повива́емь,/ повива́яй мгло́ю зе́млю, песко́м же мо́ре,/ соу́з зол мои́х расто́ргл еси́ и пра́вдою вся связа́л еси́,/ разсла́бленныя прило́гми борца́.

Богоро́дичен: Черто́же и престо́ле Ца́рствующаго,/ Горо́ Бо́жия, и гра́де избра́нный,/ и раю́, со́лнца о́блаче всесве́тлый,/ просвети́ ду́шу мою́,/ о́блак отгоня́щи беззако́ний мои́х мно́гих, Богора́дованная.

Ин

Ирмо́с: Вои́стину Богоро́дицу,/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

Игра́йте, горы, в весе́лии,/ и ра́достию, хо́лми, препоя́шитеся;/ ны́не Де́ва приближа́ется роди́ти Господа.

День весе́лия приноша́ет ти тварь, Анастаси́е, па́мять прославля́ющи,/ Его́же просла́вила еси́, Сло́ва, твои́ми кровьми́.

Све́том чисте́йшим ны́не осия́ема,/ моли́твами твои́ми просвеща́тися свы́ше всем нам проси́,/ му́ченице благода́рная.

Богоро́дичен: Све́тло вся тварь ны́не да ра́дуется:/ Богоро́дица роди́ти гряде́т от Бо́га Бо́га Сло́ва, Челове́ка бы́вшаго.

Свети́лен.

Подо́бен: Ду́хом во святи́лищи:

Хрисого́ну чу́дному, в темни́це заключе́ну, Анастаси́е сла́вная, служи́ла еси́/ и, сего́ словесе́м повину́вшися, в Бо́зе сконча́ла еси́ муче́ния тече́ние,/ от Него́же благода́ть исцеле́ний прие́мши, исцеля́еши неду́ги.

Сла́ва, и ны́не, предпра́зднства. Подо́бен то́йже:

Да ра́дуется Не́бо, и земля́ да весели́тся./ Верте́пе, просвети́ся,/ я́сли же, подъими́те Созда́вшаго челове́ка руко́ю я́ко Младе́нца, ражда́ющася от Де́вы./ А́нгелов мно́жество, возопи́йте ясно:/ сла́ва Бо́гу в Вы́шних.

На хвали́тех стихи́ры на 4, глас 6.

Подо́бен: А́нгельския предъиди́те:

Ны́не дре́вняя разреша́ются явле́ния,/ прия́т бо во утро́бе Де́ва,/ и́бо ка́мень из горы́ отсече́ся,/ и жезл прозябе́ Иессе́ев,/ и роса́ ны́не Гедео́нова на земли́ пролия́ся./ Лю́дие, возопие́м:/ Царь Изра́илев, Христо́с прихо́дит.

Стра́ннаго Рождества́ стра́нны вещи ви́дятся:/ ка́ко в Вы́шних Отцу́ соседя́й/ в я́слех безслове́сных, восхоте́в, восклоня́ется?/ ка́ко Неосяза́емый в пелена́х?/ ка́ко везде́ Сый в верте́пе?/ Лю́дие, возопие́м:/ Царь Изра́илев, Христо́с прихо́дит.

И́же чудеса́ Творя́й,/ и Еги́пта уязвля́я,/ одождя́я лю́дем неразу́мным ма́нну,/ воплоща́ется и млеко́м пита́ется,/ и Отроча́ зри́мо бе́гает гони́теля И́рода,/ я́ко на о́блаце, Де́вою Ма́терию носи́мь,/ я́ко Иса́ия прозре́ Богови́днейший.

Отроча́, пре́жде Сый Царь веко́в,/ ражда́ется во́льно,/ и Сын нам даде́ся,/ услы́шите, язы́цы, Изра́илю, внуши́./ Разуме́йте и покаря́йтеся:/ с на́ми бо, И́же истни́т и разори́т от земли́/ вся́кое и ца́рство, и нача́льство, и́же его́ не послуша́ша.

Сла́ва, подо́бен то́йже:

Жезло́м желе́зным упасе́н бу́деши, иуде́е,/ я́ко не покори́выйся и проро́ком не ве́руяй:/ Сы́ну бо ро́ждшуся Оте́ц насле́дие дае́т язы́ки/ и одержа́ние земли́ всея́,/ тебе́ же отри́нет скверноуби́й ственне,/ вопи́ти бо не повину́ешися:/ Царь Изра́илев, Христо́с прихо́дит.

И ны́не, подо́бен то́йже:

Взыгра́й, Дави́де,/ из чресл бо твои́х Христо́с;/ ра́дуйся, Иессе́е,/ процвете́ бо ко́рень твой;/ от бедра́ твоего́, Иу́до, прихо́дит Госпо́дь,/ по прорече́нию Валаа́мову./ Ви́дите, язы́цы, по вели́кому Иса́ии:/ се роди́т Отроча́ Емману́ила/ Де́ва Всечи́стая.

На стихо́вне стихи́ры, глас 2.

Подо́бен: До́ме Евфра́фов:

Приближа́ется Христо́с,/ звезда́ предозаря́ет/ Небе́сное мно́жество,/ во́инства приница́ет/ у́мных сил.

Стих: Бог от ю́га прии́дет/ и Святы́й из горы́ приосене́нныя ча́щи.

Ра́дуйся, Вифлее́ме,/ па́ствуяй наста́,/ Изра́иля спаса́яй,/ не ктому́ мний бу́деши,/ во Иу́довых влады́ках.

Стих: Го́споди, услы́шах слух Твой и убоя́хся;/ Го́споди, разуме́х дела́ Твоя́ и ужасо́хся.

Прииди́те, земноро́днии,/ со А́нгелы и мы/ соста́вим лик:/ сла́ва в Вы́шних/ Бо́гу возопии́м.

Сла́ва, святы́я, глас 5. Византи́ево:

Предпра́зднственный день днесь вочелове́чения Христа́ Бо́га/ и всехва́льныя му́ченицы пра́здник совозсия́ Анастаси́и:/ се Де́ва в Вифлее́м приближа́ется/ Младе́нца, пелена́ми пови́та, восклони́ти в я́слех безслове́сных,/ свободи́вшаго ны от дре́вния кля́твы/ и спаса́ющаго ду́ши на́ша.

И ны́не, предпра́зднства, глас то́йже:

Не дря́хлуй, Ио́сифе, зря мою́ утро́бу:/ узри́ши бо ражда́емаго от Мене́, и возра́дуешися,/ и я́ко Бо́гу поклони́шися,/ Богоро́дица глаго́лаше ко Своему́ обру́чнику,/ хотя́щи роди́ти Христа́./ Сию́ воспои́м, глаго́люще:/ ра́дуйся, Обра́дованная, с Тобо́ю Госпо́дь/ и Тебе́ ра́ди с на́ми.

НА ЛИТУРГИ́И

Блаже́нны предпра́зднства песнь 3-я и святы́я песнь 6-я. Проки́мен, глас 4: Ди́вен Бог во святы́х Свои́х,/ Бог Изра́илев.

Стих: В це́рквах благослови́те Бо́га, Го́спода от исто́чник Изра́илевых.

Апо́стол к Гала́том, зача́ло 208.

Аллилу́ия, глас 1: Терпя́, потерпе́х Го́спода, и внят ми.

Ева́нгелие от Луки́, зача́ло 33. Прича́стен: В па́мять ве́чную:

Предпрaзднство ржcтвA хrт0ва:

И# с™hz великомyченицы ґнастасjи фармаколЂтріи, є4же є4сть ўзорэши1тельницы.

На ГDи, воззвaхъ: стіхи6ры предпрaзднства G, и3 с™hz G.

Стіхи6ры предпрaзднства, глaсъ №.

Под0бенъ: Всехвaльніи м§ницы.

ЗемлS всS, зрsщи б9іе снизхождeніе, весели1тсz: волсви2 дaры мнЁ прин0сzтъ, нeбо свhше вэщaетъ ѕвэзд0ю, ѓгGли слaвzтъ, пaстыріе свирsюще дивsтсz, ћсли под8eмлютъ, ћкоже прест0лъ мS nгнезрaчный. Рaдуйсz, м™и, сі‰ ви1дzщи.

Свётъ во tкровeніе kзhкwвъ пришeлъ є3си2, њбложи1мь моегw2 зрaка под0біемъ, сн7е м0й безначaльне, nц7A пребезначaльнагw, несказaнное рождeніе: њбогати1ти бо грzдeши њбнищaвшее человёчество нищет0ю, є4юже њбложи1мь є3си2: воспэвaю, гDи, твоE бlгоутр0біе.

Ћкw мLнца мS зрsщи, на твои1хъ почивaюща, м™и, длaнэхъ, возвесели1сz: пріид0хъ бо болёзнь всю2 tsти ґдaмову, ю4же пострадA ѕлёйшимъ совётомъ ѕмjz, дрeвле вкуси1въ, и3 слaдости внЁ бhвъ рaйскіz, и3 растли1всz.

И$ны стіхи6ры с™hz м§ницы, глaсъ }.

Под0бенъ: Что2 вы2 наречeмъ:

Мjра крaсныхъ пренебрeгши, и3 къ си6мъ пл0ти твоеS не пощади1вши, честнaz, всю2 вдалA є3си2 себE самyю служи1ти бGолёпнw с™ы6мъ, во страдaніихъ терпэли1вэйше, гн0й џныхъ њтирaющи, и3 къ мyжеству мудрёйше словесы2 мyдрыми ўкрэплsющи, моли2 є4же спасти1сz душaмъ нaшымъ.

Богaтство трeбующымъ расточи1ла є3си2 приврeменное, честнaz, вBчнующаz тeплэ взыскyющи, и3 хrтHвымъ стопaмъ бжcтвєннымъ неукл0нною вёрою послёдующи, и3 вопіsше: ўzзви1хсz твои1мъ желaніемъ, безсмeртне, твои1хъ страдaній соwбрaзну мS и3 слaвы бжcтвенныz сопричaстницу покажи2, ћкw щeдръ и3 чlвэколю1бецъ.

Стrть претерпёвши бlжeнную, стр†сти нaшz, ґнастасjе, и4стиннw њмывaеши струsми врачевaній твои1хъ при1снw. Тёмъ тS по д0лгу блажи1мъ, и3 люб0вію прaзднуемъ пaмzть твою2, и3 покланsемсz мощє1мъ, свzщeніе почерпaюще. Моли2 спасти1сz душaмъ нaшымъ.

Слaва: с™hz, глaсъ в7:

Воскrніz дaръ пріsла є3си2, ґнастасjе всехвaльнаz, пострадaвши на суди1щи: дeмwнwвъ бо мн0жество погуби1вши, м0рю предалA є3си2, страстон0сице мyченице досточyднаz.

И# нhнэ, предпрaзднства, глaсъ д7:

Виfлеeме, ўкрашaйсz, восп0й, грaде сіHне, рaдуйсz, пустhне, пред8wбручaющи рaдость: ѕвэздa бо пред8и1детъ въ виfлеeмъ, возвэщaющи хотsщаго роди1тисz хrтA: и3 вертeпъ пріeмлетъ невмэсти1маго всёми, и3 ћсли гот0вzтсz воспріsти жи1знь вёчную. ТомY вси2 воспои1мъ и3 возопіи1мъ: спаси2 дyшы нaшz, ї}се б9е, воплоти1выйсz нaсъ рaди.

На стіх0внэ стіхи6ры, глaсъ в7.

Под0бенъ: Д0ме є3vфрafовъ:

Грzдeтъ хrт0съ лукaваго сокруши1ти, сyщыz во тмЁ просвэти1ти, и3 разрэши1ти св‰занныz, пред8усрsщимъ того2.

Стjхъ: БGъ t ю4га пріи1детъ, и3 с™hй и3зъ горы2 приwсэнeнныz чaщи.

Ликyй, сіHне, вертeпе, благоукраси1сz, виfлеeме, гот0висz: сe бо дв7а роди1ти хrтA грzдeтъ.

Стjхъ: ГDи, ўслhшахъ слyхъ тв0й, и3 ўбоsхсz: гDи, разумёхъ дэлA тво‰, и3 ўжас0хсz.

Восп0йте nтeчєствіz kзhкwвъ хвалY и3 слaву: волсви2 съ дaры, пaстыріе свирsюще, ўсeрднw потщи1тесz.

Слaва: с™ёй, глaсъ д7:

Студjтово: Живон0снагw востaніz хrт0ва тезоимени1тна бhвши, честнhмъ жи1тельствомъ звaнію преизsщнw послёдовала є3си2, и3 є3стество2 ўкрёпльши, вмужи1вшисz же мудровaніемъ, червлени1цу и3сткaла є3си2 њбагрeніемъ кровeй твои1хъ, и3 цaрски, ћкоже ски1птръ, кrтъ держaщи, бGу и3 сп7су сцrтвуеши, ґнастасjе всеблажeннаz. Того2 моли2 и3 нaсъ њблистaти бжcтвенною слaвою є3гw2.

И# нhнэ, глaсъ т0йже:

И#сaіе ликyй, сл0во б9іе вопріeмъ, прорцы2 nтрокови1цэ марjи, купинЁ горёти и3 nгнeмъ не сгарaти зарeю бжcтвA. Виfлеeме, бlгоукраси1сz, tвeрзи вратA, є3дeме, и3 волсви2, и3ди1те ви1дэти спасeніе, въ ћслехъ повивaемое: є3г0же ѕвэздA показA верхY вертeпа, жизнодaвца гDа, спасaющаго р0дъ нaшъ.

Тропaрь мyченицэ, глaсъ д7:

Ѓгница твоS, ї}се, ґнастасjа, зовeтъ вeліимъ глaсомъ: тебE, женишE м0й, люблю2, и3 тебє2 и4щущи страдaльчествую, и3 сраспинaюсz, и3 спогребaюсz кRщeнію твоемY, и3 страждY тебє2 рaди, ћкw да цrтвую въ тебЁ, и3 ўмирaю за тS, да и3 живY съ тоб0ю: но ћкw жeртву непор0чную пріими1 мz, съ люб0вію пожeршуюсz тебЁ. ТоS моли1твами, ћкw ми1лостивъ, спаси2 дyшы нaшz.

Слaва, и3 нhнэ, предпрaзднства:

Гот0висz, виfлеeме, tвeрзисz всBмъ, є3дeме, красyйсz, є3vфрafо, ћкw дрeво животA въ вертeпэ процвэтE t дв7ы: рaй бо џноz чрeво kви1сz мhсленный, въ нeмже бжcтвенный сaдъ: t негHже ћдше жи1ви бyдемъ, не ћкоже ґдaмъ ќмремъ. Хrт0съ раждaетсz, прeжде пaдшій возстaвити џбразъ.

На повечeріи канHнъ, глaсъ ѕ7. Е#гHже краегранeсіе:

Вели1кагw четверткA д0лгую пёснь пою2.

Їрм0съ, по двaжды, тропари2 на ѕ7: и3 пaки їрм0съ на и3сх0дэ.

Пёснь №.

Їрм0съ: Сэчeное сэчeтсz м0ре чермн0е, волнопитaемаz же и3зсушaетсz глубинA, тazжде кyпнw без8oр{жнымъ бhвши проходи1ма, и3 всеoр{жнымъ гр0бъ, пёснь же бGокрaснаz воспэвaшесz: слaвнw прослaвисz хrт0съ бGъ нaшъ.

Всевин0внаz и3 вседержи1тельнаz жи1знь, безмёрнаz мyдрость б9іz, создA д0мъ себЁ t чcтыz неискусомyжныz м™ре: хрaмомъ бо тэлeснымъ њбложи1всz, слaвнw прослaвисz хrт0съ бGъ нaшъ.

Тайноводsщи волхвы2, созывaетъ начaтокъ б9іz мyдрость t kзhкwвъ, безсловє1сныz прeжде напитaти тaинственнw, въ безсловeсныхъ ћслехъ трапeза лежи1тъ тaйнаz: къ нeйже тщaтсz съ дарми2 путешeствующе, ѕвэздЁ предсіsющей.

Да ўслhшимъ нhнэ прbр0чєскіz и3сполнsємыz д¦омъ глaсы: дв7а бо, пріeмши во чрeвэ, прих0дитъ пресyщественнаго роди1ти: є3г0же волхвHмъ ќбw нб7о показA, пaстыремъ же ѓгGли, ћкw мLнца носи1ма.

Пёснь G.

Їрм0съ: ГDь сhй всёхъ и3 зижди1тель бGъ, создaнное безстрaстный њбнищaвъ себЁ соедини2: и3 ћкw мLнецъ носи1мь пл0тію, въ ћслехъ ўб0гихъ покланsемь бывaетъ, kди1те, вопіS, тёло моE, и3 вёрою ўтверди1тесz.

И#збавлeніе за мjръ и3стощи1ти нhнэ свою2 кр0вь хrтA грzдyща, и4рwдъ свирёпствуетъ ўби1ти прeжде врeмене, неи1стовствуz прeжде неи1стовства пілaтова: тёмже ўбjйственнымъ суровств0мъ младeнєцъ мн0жество заклA.

Безyменъ мyжъ речE: нёсть бGа. И$же неи1стовства и3сп0лнивсz конeчнагw хrтоубjйствомъ недyгуетъ: рaзума же дeрзостію tпaдъ, ко ўбіeнію младeнєцъ неискусоѕл0бныхъ всего2 себE воwружи2, и3 зeмлю њскверни2 кровьми2

Пёснь д7.

Їрм0съ: Прови1дэвъ прbр0къ тaйну твою2 неизречeнну, хrтE, провозгласи2: положи1лъ є3си2 твeрдую люб0вь крёпости, џ§е щeдрый: є3динор0днаго бо сн7а, бlгjй, њчищeніе въ мjръ послaлъ є3си2.

На руно2 ћкw д0ждь снизшeдъ, и3 ћкоже кaплz на зeмлю, на р0ждшую тS, гDи, грzдeши ми1лостивнw роди1тисz и3 съ человBки пожи1ти: є3динор0днаго бо тS њчищeніе nц7ъ въ мjръ послA.

Приwбщaешисz человёческіz, хrтE, пл0ти t сёмене ґвраaмлz, и3 бlгодaть вмёстw благодaти грzдeши подaти, и3 спасти2 џбразъ, и3 њбезтли1ти: є3динор0днаго бо тS њчищeніе nц7ъ въ мjръ послA.

ПитіE н0вое, є4же дрeвле пи1ти дв7дъ жaждавъ возжелЁ, въ вертeпэ происх0дитъ и3сточи1тисz виfлеeмли, и3 ўстaвити прибhвшую душeвную жaжду, ґдaмову же и3 дв7дову, и3зъ ни1хже по пл0ти раждaетсz хrт0съ.

Пёснь є7.

Їрм0съ: Сою1зомъ любвE свzзyеми ґпcли, вLчествующему всёми себE хrтY возл0жше, крaсны н0ги њчищaху, благовэствyюще всBмъ ми1ръ.

Неwдержи1мую держaщаz и3 превhспреннюю на воздyсэ в0ду, бє1здны њбуздавaющаz и3 морS востzзyющаz б9іz премyдрость, ћкw д0ждь на руно2 низшeдши, всели1сz во ўтр0бу дв7ы.

Ўченики2 волхвA валаaма волхвы2 зовeтъ къ рaзуму ѕвэзд0ю хrт0съ: џблаки же нeбо њдэвazй, пеленaми повивaетсz, и3 въ ћслехъ возлежи1тъ, є3г0же трепeщутъ херувjми: въ вертeпэ же вмэщaетсz и3сполнszй вс‰.

Пёснь ѕ7.

Їрм0съ: Бeздна послёднzz грэхHвъ њбhде мS, и3 волнeніz не ктомY терпS, ћкw їHна, вLцэ вопію1 ти: t тли1 мz возведи2.

ГDа вёдzще тS небесA, повёдаютъ твою2 слaву, сп7се, ѕвэзд0ю волхвы2 нhнэ съ дaры призывaюще къ познaнію твоемY, и3 бжcтвенному поклонeнію.

Сквeрну кто2 tтeръ, да tвeржетъ, и3 тaкw хrтY чи1стъ чcтому да прик0снетсz мLнцу, въ ћслехъ лежaщу, и3 глубинY сердeцъ њчищaющу.

Пёснь з7.

Їрм0съ: Џтроцы въ вавmлHнэ, пeщнагw плaмене не ўбоsшасz, но посредЁ плaмене ввeржени, њрошaеми поsху: бlгословeнъ є3си2, гDи б9е nтє1цъ нaшихъ.

Зhблz глав0ю и4рwдъ, ѕл†z прови1дz, подви1жесz, благоврeменіz и3щA, ўмертви1ти жи1зни и3 смeрти бGа, и4же всёхъ є4сть гDь и3 вLка твaри.

Е#ли1цы вaсъ хrт0вы дрyзи, бёгайте съ бёгающимъ въ є3гЂпетъ: и3 семY д0брэ покланsющесz, бGолёпнw воззови1те, и3 соглaснw прослaвите.

И$же кто2 со мн0ю нёсть, на мS дёетъ, хrт0съ гlг0летъ: не собирazй же со мн0ю расточaющему ўпод0бисz. Тёмже сегw2 ўбои1мсz плотскaгw низшeствіz.

Пёснь }.

Їрм0съ: За зак0ны n§єскіz блажeнніи въ вавmлHнэ ю4ношы предбёдствующе, царю1ющагw њплевaша повелёніе безyмное, и3 совокyплени, и4мже не свари1шасz, nгнeмъ, держaвствующему дост0йную воспэвaху пёснь: гDа п0йте дэлA, и3 превозноси1те во вс‰ вёки.

Пит0мцы бGомyдріи въ виfлеeмъ сл0ву предшeдшіи, со ѓгGлы ќзримъ и3 пaстырьми чyдо, сyщему въ вhшнихъ слaву возсылaюще бGу, благоволeніе даю1щему человёкwмъ и3 ми1ръ: гDа п0йте дэлA, и3 превозноси1те во вс‰ вёки.

Зак0на любвE держaщесz, братолю1біz и3зволeніе да воспріи1мемъ, съ дрyгъ дрyги ми1рствующе, и3 є3ди1но смyдрствующе: ми1ра бо подaтель прих0дитъ, хrт0съ, ўмирszй всsчєскаz, и3 спасaz зовyщыz: гDа п0йте дэлA, и3 превозноси1те во вс‰ вёки.

Вмёстw Слaвы припёвъ:

Благослови1мъ nц7A, и3 сн7а, и3 с™aго д¦а, гDа.

Почитaетъ лeстными словесы2 раждaющагосz хrтA и4рwдъ беззак0нный, и3 къ волхвHмъ приклонsшесz, ћкw и3 сaмъ бо поклони1тсz: но не стыдsшесz гонS таsщагосz хrтA: ни младeнцєвъ ўщeдри, и3 вопи1ти не разумЁ: гDа п0йте дэлA, и3 превозноси1те во вс‰ вёки.

Тaже поeмъ џба ли6ка вкyпэ:

Хвaлимъ, благослови1мъ, покланsемсz гDеви, пою1ще и3 превозносsще во вс‰ вёки.

И# поeмъ їрм0съ:

За зак0ны n§єскіz:

Пёснь f7.

Їрм0съ: Стрaнствіz вLчнz и3 безсмeртныz трапeзы во ўб0зэмъ вертeпэ выс0кими ўмы2, вёрніи, пріиди1те наслади1мсz, воплоти1вшеесz сл0во неизречeннw ўвёдэвше, є3г0же величaемъ.

И#ди1те, начaльникwмъ и4рwдъ речE волхвHвъ, поищи1те nтрочaте: є3гдa же њбрsщете, сег0 ми ск0рw возвэсти1те, лeсть въ сeрдцэ к0знствуz: но њбличeнъ бhсть прелeстникъ, вотщE беззак0ннуz.

Содётель, рождeйсz t nц7A прeжде вэкHвъ, раждaетсz t дв7ы, мyдрость сhй сл0во б9іе и3 си1ла. Тёмже є3ди1наго сн7а вёдzще, бGочlвёка величaемъ.

Ћкw человёкъ kви1лсz є3си2 существ0мъ, не мечтaніемъ: тaкw бGъ нрaвомъ воздаsніz, є3стеств0мъ, сп7се, є4же пріsлъ є3си2. Тёмже t дв7ы бжcтвенное пришeствіе твоE чтyще величaемъ.

Посeмъ їрм0съ, и3 покл0нъ.

На ќтрени, по №-й стіхол0гіи сэдaленъ, глaсъ №.

Под0бенъ: Кaмени запечaтанну:

Просвэти1сz твaрь, зижди1тель бо предгрzдeтъ роди1тисz въ вертeпэ, за неизречeнную ми1лость. Пaстыріе, срsщите со тщaніемъ, зрsще чyдо стрaшно. Пріиди1те, волсви2, дaры рукaми держaще, и3 глаг0люще: слaва рождeнному цRю2, слaва путев0дствовавшему ны2. СемY, ћкw цRю2, всёхъ, поклони1мсz пл0тію.

Слaва, и3 нhнэ, глaсъ д7.

Под0бенъ: Ск0рw предвари2:

Бжcтвеннэ весели1тсz твaрь всS днeсь: хrт0съ бо гDь, б9ій сн7ъ, и3зъ дв7ы раждaетсz чи1стыz, вeсь р0дъ человёчь њбезсмeртствуz, разрэшaz же клsтву прамaтере є4vы. Тёмъ ћкw бlгодётелю нaшему пёніе принесeмъ.

По в7-й стіхол0гіи сэдaленъ, глaсъ ѕ7:

Под0бенъ: Ўповaніе мjра:

И#зъ персjды цaріе злaто, смЂрну и3 лівaнъ рождeнному цRю2 и3 бGу принес0ша дрeвле, мh же нhнэ, предпрaзднующе рождество2 є3гw2, благочестномyдреннэ t души2, надeжду, вёру и3 люб0вь принесeмъ є3мY, дв7у пою1ще.

Слaва, и3 нhнэ, глaсъ G.

Под0бенъ: Дв7а днeсь:

Дв7у раждaющую превёчное сл0во, їHсифъ прaведный пэсносл0вz, вопіsше: ви1жду тS бhвшую хрaмъ гDень, носsщую вс‰ человёки спасти2 пришeдшаго, и3 воспэвaющыz того2, за милосeрдіе бжcтвєнныz хрaмы показyющаго.

КанHна двA: предпрaзднства на }, и3 с™hz на ѕ7.

КанHнъ предпрaзднства. Глaсъ ѕ7.

Пёснь №.

Їрм0съ: Ћкw по сyху, пэшешeствовавъ ї}ль, по бeзднэ стопaми, гони1телz фараHна ви1дz потоплsема, бGу побёдную пёснь, пои1мъ, вопіsше.

И#зъ дёвственнагw џблака вели1кое нaмъ возсіS сlнце, ї}съ просвэщeніе, сyщіи во тмЁ поeмъ є3мY, њзарsеми свётлw сегw2 сіsньми.

Kзhкwвъ чazніе, цRь ми1ра грzдeтъ, рaтника ўби1ти. Срёсти потщи1мсz того2, раждaема въ виfлеeмэ на спасeніе нaше.

Прор0честіи совершaютсz бжcтвенніи глaси, стрaшное kвлeніе прознaменовавше хrт0во: ѓгница бо приближaетсz роди1ти ѓгнца и3 и3збaвителz и3 всёхъ гDа.

БGор0диченъ: ТS чcтую вLчнюю голуби1цу, честнyю и3 непор0чную и3 д0брую въ женaхъ, ћкw всёхъ р0ждшую бGа, ўблажaемъ вёрнw, бGобlжeннаz.

КанHнъ с™hz, їHсифъ, глaсъ }, є3гHже краегранeсіе:

Пою1 тz, мyченице ґнастасjе, люб0вію.

Пёснь №.

Їрм0съ: Пёснь возслeмъ, лю1діе, чyдному бGу нaшему, свободи1вшему ї}лz t раб0ты, пёснь побёдную пою1ще и3 вопію1ще, пои1мъ тебЁ є3ди1ному вLцэ.

Пёніе возслeмъ бGу, роди1тисz хотsщему пл0тію и3зъ дв7ы, въ виfлеeмэ грaдэ, и3 въ ћслехъ положи1тисz nтрочaти, ћкw мLнцу, да спасeтъ человёческій р0дъ.

Е#ди1ныz вожделённыz хrт0вы, ґнастасjе слaвнаz, добр0ты и4щущи, претеклA є3си2 добрHты мірск‡z твeрдостію нрaва, и3 безсмeртнагw наслёдіz, мyченице, спод0биласz є3си2.

Н0щь лeстнагw њмрачeніz, просвэщeніемъ д¦а њзарsема, честнaz, претеклA є3си2 смhсленнэ, и3 нhнэ всели1ласz є3си2, и3дёже є4сть бжcтвенное сіsніе несоздaнныz трbцы.

БGор0диченъ: Kви1сz неви1димый бGъ, преестeственнw раждaемь, за бlгоутр0біе мн0гое, и3зъ тебє2, дв7о м™и, њбнищaвъ богaтый, ћкw да безсмeртіемъ человёческій р0дъ њбогати1тъ.

Пёснь G.

Їрм0съ: Нёсть свsтъ, ћкоже ты2, гDи б9е м0й, вознесhй р0гъ вёрныхъ твои1хъ, бlже, и3 ўтверди1вый нaсъ на кaмени и3сповёданіz твоегw2.

Сл0вомъ прострhй небесA вх0дитъ въ вертeпъ, и3 въ безсловeсныхъ восклони1тисz ћслехъ хrт0съ, безсловeсіz нaсъ за милосeрдіе хотS и3збaвити.

Вопіeтъ прbр0къ ћвственнw: бGъ нaшъ сeй, не вмэни1тсz ќбw и4нъ кто2 къ немY. И#з8wбрёте всsкъ пyть худ0жества, человёкwмъ соедини1всz.

Не терпи1тъ зрёти херувjмъ, и3 кaкw стерпsтъ тS ћсли, невмэсти1маго є3стеств0мъ, за милосeрдіе мн0гое раждaема нaсъ рaди t дв7ы, гDи чlвэколю1бче;

БGор0диченъ: Прови1дz тS г0ру и3ногдA даніи1лъ прbр0къ, и3зъ неsже кaмень tсэчeсz, бцdе, трє1бища јдwльскаz и3стни2 и3 разори2, всечcтаz бGоневёсто.

И$нъ.

Їрм0съ: Нбcнагw крyга верхотв0рче, гDи, и3 цRкве зижди1телю, ты2 менE ўтверди2 въ любви2 твоeй, желaній крaю, вёрныхъ ўтверждeніе, є3ди1не чlвэколю1бче.

Пеленaми повивaемый мLнцъ, неwсzзaемый гDь, х0щетъ ви1дэнъ бhти въ ћслехъ возлежaй: г0ры взыгрaйте, и3 рaдостію бжcтвенною х0лми њблецhтесz, свёта и3сполнsеми.

Благочeстнымъ дерзновeніемъ гони1телей притупи1ла є3си2 разжжeнныхъ глагHлъ стрёлы, спаси1тельнымъ сл0вомъ њбогати1вшисz, ґнастасjе, и3 бжcтвенною люб0вію двиз†ніz душє1внаz ўпрaвивши.

Т0чію, мyченице, вопіsла є3си2: и3щY гDи, къ є3ди1ной тогw2 любви2 дyшу привzзaхъ, сегw2 њсіsтисz чистёйшими богaтнw блистaньми и3дY, nбhчаz простот0ю.

БGор0диченъ: Неискусобрaчнаz nтрокови1це, рук0ю носsщагw всю2 твaрь во ўтр0бэ н0сиши воплощaема, є3г0же и3 раждaема восклонsеши въ ћслехъ, мLнца зри1ма превёчнаго.

Кондaкъ предпрaзднства, глaсъ G.

Под0бенъ: Дв7а днeсь:

Дв7а днeсь превёчное сл0во въ вертeпэ грzдeтъ роди1ти неизречeннw: ликyй, вселeннаz, ўслhшавши, прослaви со ѓгGлы и3 пaстырьми хотsщаго kви1тисz nтрочA млaдо, превёчнаго бGа.

Јкосъ: Q ўжaснагw вои1стинну и3 пaче сл0ва чудесE! Е$же бhти даsй всBмъ, рaди бlгости, во чрeво с™hz дв7ы вни1де, и3 въ вертeпэ роди1тисz грzдeтъ, и3 въ ћслехъ положи1тисz. Ѕвэздa же сего2 проповёдуетъ свhше волхвHмъ, и3дyщымъ на поклонeніе є3гw2 съ д†ры, и3здалeча привлачaщи со тщaніемъ послёдующыz валаaма проречeнію, рeкшагw: ѕвэздA х0щетъ провозвэсти1ти nтрочA млaдо, превёчнаго бGа.

Сэдaленъ, глaсъ №.

Под0бенъ: Гр0бъ тв0й, сп7се:

Ћкw невёсту тS хrт0ву восхвалsемъ, дв7о: ћкw feклу честнyю дост0йнw почитaемъ. Тёмже и3 въ пaмzти твоeй проливaютсz рёки и3сцэлeній: тh бо пріsла є3си2 бlгодaть, ћкw хранsщи зaпwвэди гDни си1лою д¦а.

Слaва, и3 нhнэ, предпрaзднства, глaсъ }.

Под0бенъ: Повелённое тaйнw:

РжcтвA хrт0ва предпрaзднствєннаz совершaюще, вёрніи торжествyимъ: и3 дост0йнэ вси2 пред8усрsщимъ, ћкw волсви2 дароносsще добродётєли, воспёти ѓгGльскую пёснь н0вую, t дв7ы бGоoтрокови1цы въ виfлеeмэ безъ сёмене р0ждшемусz бGу нaшему: є3г0же славосл0вzтъ всsчєскаz.

Пёснь д7.

Їрм0съ: Хrт0съ моS си1ла, бGъ и3 гDь честнaz цRковь бGолёпнw поeтъ, взывaющи t смhсла чи1ста, њ гDэ прaзднующи.

СE возсіS ѕвэздA и3здалeча, ћже предвозвэсти1сz дрeвле и3зъ їaкwва: чlвёкъ бhвъ неwб8eмлемый бGъ, и3 зри1тсz пеленaми повивaемь.

Всёхъ гDи и3збавлeніе, зри1тсz мLнцъ, въ дёвственныхъ нёдрэхъ сэдsй, и4же въ нёдрэхъ џ§ихъ, ћкw сн7ъ, почивazй.

Е#дeме, заключи1вшійсz мнЁ њкрадeніемъ снёди и3ногдA, tвeрзисz: нhнэ бо въ виfлеeмэ раждaетсz њблекjйсz въ мS, tлучи1вый мS твоегw2 безболёзненнагw наслаждeніz.

БGор0диченъ: Прbр0къ ґввакyмъ д¦омъ прови1дz тS, дв7о, г0ру б9ію, добродётельми приwсэнeнную: и3зъ неsже kви1сz нaмъ просвэщazй дyшы нaшz.

И$нъ.

Їрм0съ: Ўслhшахъ, гDи, смотрeніz твоегw2 тaинство, разумёхъ дэлA тво‰, и3 прослaвихъ твоE б9ество2.

Речє1ніz ўжE и3сполнsютсz, прорeкшихъ бжcтвеннымъ д¦омъ: дв7а бо и4детъ въ вертeпэ роди1ти всесовершeннаго.

Мyченическое бlгослaвіе люб0вію взыскaвши, сего2 получи1ла є3си2 твeрдw пострадaвши, несомнённою в0лею, терпэливодyшнаz.

И#сткaнною t свhше бlгодaти ри1зою и4стиннw њдёzласz є3си2 совлечeніемъ тёла, страстотeрпице мyченице всехвaльнаz.

БGор0диченъ: Плотон0сецъ происх0дитъ t твоегw2 свэтон0снагw ложеснA, пречcтаz, цRь нбcный, ћкw на пrт0лэ, въ ћслехъ возлегjй.

Пёснь є7.

Їрм0съ: Б9іимъ свётомъ твои1мъ, бlже, ќтренюющихъ ти2 дyшы люб0вію њзари2, молю1сz, тS вёдэти, сл0ве б9ій, и4стиннаго бGа, t мрaка грэх0внагw взывaюща.

Е#vфрafовъ д0ме виfлеeме, начaльникъ и3зhдетъ и3зъ тебє2 во ї}ли, призывaz kзhки tриновє1нныz, ћкоже предречE д¦омъ міхeа њзарsемь.

Пaствити пaству свою2, є3ди1ный крёпостію ї}съ и3зъ дв7ы роди1тсz: до конє1цъ же земли2 возвели1читсz, прор0къ бGоглаг0ливый дрeвле провозвэсти2.

Д¦ъ премyдрости, д¦ъ б9ій, д¦ъ крёпости и3 совёта, знaніz же и3 рaзума, д¦ъ бжcтвеннагw стрaха, и3зъ ложeснъ твои1хъ сн7а вопл0щшагосz, дв7о, и3сп0лни.

БGор0диченъ: Nр{жіz вс‰ вр†жіz, пречcтаz всенепор0чнаz чcтаz, и4стиннw въ конeцъ њскуди1ла є3си2: тh бо всёхъ бGа родилA є3си2, копіeмъ низложи1вшаго сегw2 свирёпство.

И$нъ.

Їрм0съ: Ќтренююще, вопіeмъ ти2, гDи, спаси1 ны: тh бо є3си2 бGъ нaшъ, рaзвэ тебє2 и3н0гw не вёмы.

ВозсіS ѕвэздA їyдова t земли2 халдeйскіz, дви1жущи на поклонeніе ѕвэздосл0вцы, ћкw писaсz.

Зак0ннw подвизaласz є3си2, беззакHнныz побэди1вши, мyченице всеслaвнаz, си1лою д¦а.

Воскrніе б9іе њбразyеши тезоимени1тствомъ, враги2 проклинaющи неви6димыz, всехвaльнаz.

БGор0диченъ: Въ вертeпэ подзeмнэмъ роди1тисz t дв7ы хrт0съ грzдeтъ, да веселsтсz всsчєскаz.

Пёснь ѕ7.

Їрм0съ: Житeйское м0ре, воздвизaемое зрS напaстей бyрею, къ ти1хому пристaнищу твоемY притeкъ, вопію1 ти: возведи2 t тли2 жив0тъ м0й, многоми1лостиве.

СE во сво‰ прих0дитъ хrт0съ, присв0имсz є3мY благодaтію, добродётельми бжcтвенными вёрніи: и3 сего2 пріи1мемъ, душaми и3 сердцы2 просвэщaеми.

К0рень прозzбE їессeевъ, и3 и3зъ негw2 прошeдъ бGъ нaшъ, надeжда kзhкwвъ, ўпокоeніе и3 чeсть, ћкоже дрeвле проречE и3сaіа, бжcтвеннw просвэщaемь.

Плєни1цы мо‰ разрэшaz мн0гихъ грэхHвъ пелeннымъ пови1тіемъ, њбогащaz же мS лю1тэ ѕл0бою њбнищaвшаго, ї}се м0й, њбнищавaеши воплощaемь.

БGор0диченъ: Њбуревaетъ зимA сопроти1вныхъ помышлeній смирeнное сeрдце моE, лукaвыхъ духHвъ навётами, благолюби1ваz вLчце: ўкроти2 сію2 ходaтайствомъ твои1мъ.

И$нъ.

Їрм0съ: Моли1тву пролію2 ко гDу, и3 томY возвэщY печ†ли мо‰, ћкw ѕHлъ душA моS и3сп0лнисz, и3 жив0тъ м0й ѓду прибли1жисz, и3 молю1сz, ћкw їHна: t тли2, б9е, возведи1 мz.

Е#стество2 є4же t нaсъ бlгоутр0бный пріeмъ, ви1димь є4сть ћкw мLнецъ, зи1ждай во чрeвэ младeнцы: и3 повивaетсz, и3 въ ћслехъ возлегaетъ, и3 разрэшaетъ мои1хъ страстeй многоплетє1нныz плени6цы бlгостію.

С™hхъ м§никъ слэдsщи терпэли1внw хrтA рaди п0двиги, и3 тёхъ потрeбамъ служaщи, и3 гноє1ніz, препод0бнаz, њтирaющи, њбогати1ласz є3си2 пресвётлw, тёхъ сіsющи благослaвіемъ.

К†пли врачевaній и3зливaеши тyчами бжcтвенныхъ даровaній, и3 страстeй рёки воспрsтуеши, и3 помоществyеши лю1тэ бёдствующымъ, всеслaвнаz мyченице хrт0ва, бжcтвеннагw воскресeніz тезоимени1таz.

БGор0диченъ: И#сцэлsz человёческое є3стество2, дрeвнимъ преступлeніемъ и3стлёвшее, безъ тли2 н0въ раждaетсz мLнецъ: и3 въ твои1хъ нёдрэхъ, ћкw на пrт0лэ сэди1тъ, безневёстнаz, n§ескагw не њстaвль сосэдёніz бжcтв0мъ.

Кондaкъ, глaсъ в7.

Под0бенъ: Вhшнихъ и3щS:

Во и3скушeніихъ и3 ск0рбехъ сyщіи, къ твоемY хрaму притекaюще, пріeмлютъ честн†z даров†ніz t живyщіz въ тебЁ бжcтвенныz бlгодaти, ґнастасjе: тh бо при1снw мjру т0чиши и3сцэлє1ніz.

Јкосъ: Воскrніz хrт0ва тезоимени1та сyщи, пaдша мS нhнэ воскреси2 моли1твами твои1ми, t чудeсъ твои1хъ кaплю и3скaпавши, мyченице, души2 моeй, и3 запалє1ніz лю1тагw грэхA ўгашaющи. Мjръ бо спасaеши t страстeй многоoбрaзныхъ всегдA, и4миже и3 ѓзъ и3скушaемь є4смь: тh бо всBмъ вс‰ подаю1щи, мjру т0чиши и3сцэлє1ніz.

Пёснь з7.

Їрм0съ: Росодaтельну ќбw пeщь содёла ѓгGлъ преподHбнымъ nтрокHмъ, халдє1и же њпалsющее велёніе б9іе, мучи1телz ўвэщA вопи1ти: бlгословeнъ є3си2, б9е nтє1цъ нaшихъ.

Всесовершeнный раждaетсz, ћкw мLнецъ, пеленaми повивaемь, и3 безначaльный t дв7ы пріeмлетъ начaло, њбожи1ти пріsтіе и3скjй: да рaдуетсz нб7о, и3 да весели1тсz землS.

Ћкw цaрскою багрzни1цею њбл0жсz пл0тію, нhнэ предгрzдeтъ t ложeснъ твои1хъ, ми1ра, nтрокови1це, цRь, сокруши1въ враги2, ћкw си1ленъ, и3 ўмири1въ нaшу бори1му бhвшую жи1знь.

Съ нaми бGъ kви1тсz воплощaемь, разумёйте kзhцы проти1вніи, и3 покори1тесz нaшеz ўдали1вшіисz жи1зни: сE воззвaніе нaше, мLнцъ въ ћслехъ виfлеeмскихъ возлещи2 х0щетъ.

БGор0диченъ: T всёхъ тS родHвъ и3збрA палaту несквeрну всели1выйсz цRь во ўтр0бу твою2, nтрокови1це, є3мyже пэснопоeмъ нhнэ благочeстнw: бlгословeнъ є3си2, б9е nтє1цъ нaшихъ.

И$нъ.

Їрм0съ: Џтроцы є3врeйстіи въ пещи2 попрaша плaмень дерзновeннw, и3 на р0су џгнь преложи1ша, вопію1ще: бlгословeнъ є3си2, гDи б9е, во вёки.

Г0рніи ли1цы славосл0вzтъ безпл0тныхъ, на земли1 же покланsемсz, зрsще земнjи нaмъ ўпод0бльшагосz, и3 въ ћслехъ возлежaща тS, хrтE, б9е всsческихъ.

Џгнь и3спепели1ла є3си2 лeстный, ћкоже дёти плaмени приwбщи1вшисz: покaзоваше тепло2 рачeніе бGомyдраz, є3г0же къ твоемY стzжaла є3си2 вLцэ и3 женихY.

Тyчи проливaеши врачевaній, ўставлsющи палeніе недyгwвъ, и3 лю1ди при1снw ўстроsеши пэснопёти: бlгословeнъ є3си2, гDи б9е, во вёки.

БGор0диченъ: Чyдо, мhсль ўдивлsющее, совершaемое въ тебЁ, дв7о м™и: роди1ти и4маши бGа, и3 въ ћслехъ восклони1ти, херувjмwвъ непристyпнаго, и3 невмэсти1маго є3стеств0мъ.

Пёснь }.

Їрм0съ: И#зъ плaмене прпdбнымъ р0су и3сточи1лъ є3си2, и3 прaведнагw жeртву вод0ю попали1лъ є3си2: вс‰ бо твори1ши, хrтE, т0кмw є4же хотёти. ТS превозн0симъ во вс‰ вёки.

ПрbрHкъ бGоглаг0ливыхъ речє1ніz нhнэ и3сп0лнишасz, дв7а приближaетсz роди1ти гDа. ВсS землS да весели1тсz ликyющи, и3 да рaдуетсz во вс‰ вёки.

Зарsми свэтsсz бжcтвенныz бlгодaти, зак0на сёнь ўставлsz, свэтодaвецъ ї}съ возсіS, њмрачeнніи ќзрите свётъ вели1къ.

Бhвша мS вертeпъ разб0йникwвъ, гDи, рождeйсz въ вертeпэ, хрaмъ покажи2 тв0й, и3 nц7A, и3 бжcтвеннагw твоегw2 д¦а, да слaвлю тS во вс‰ вёки.

БGор0диченъ: Нбcнаz и3зъ чрeва твоегw2 ѕвэздA возсіS: ѕвэздосл0вцы подвиг0шасz сію2 ви1дэти, рaзумомъ тоS просвёщшесz д¦омъ, пречcтаz дв7о, при1снw бlгословeннаz.

И$нъ.

Їрм0съ: БGоглаг0ливіи џтроцы, въ пещи2 со nгнeмъ плaмень попирaюще, поsху: благослови1те, дэлA гDнz, гDа.

Е#мyже предстоsтъ горЁ тhсzщы и3 тмы6 ѓгGлwвъ, вертeпъ н0ситъ раждaемаго: є3гHже пою1тъ дэлA непрестaннw ћкw гDа.

Хрaмъ трbцы показaласz є3си2 въ бжcтвенныхъ хрaмэхъ, моли1твами и3 пощє1ніи, ґнастасjе, ўпражнsющисz, бlгослови1те, взывaющи, дэлA гDнz, гDа.

Крэпчaйшими словесы2 хрmсог0на, страстотeрпице, ўкрёпльшисz, јдwлwвъ немощн0е попрaла є3си2 суровство2, д0блественнэ пострадaвши.

БGор0диченъ: Q бGовмэсти1маz nтрокови1це! Роди1ши мLнца творцA вэкHвъ, и3 неизмённаго гDа, въ виfлеeмэ грaдэ, за неизречeнную ми1лость.

Пёснь f7.

Їрм0съ: БGа человёкwмъ не возм0жно ви1дэти, на нег0же не смёютъ чи1ни ѓгGльстіи взирaти: тоб0ю бо, всечcтаz, kви1сz человёкwмъ сл0во воплощeнно. Е#г0же величaюще, съ нбcными вHи тS ўбlжaемъ.

СE всёхъ пріи1де воззвaніе, њчищeніе, хrт0съ, спасeніе и3 си1ла, сокр0вище многоцённое крhетсz внyтрь вертeпа: и4мже њбогати1вшесz волсви2, злaто, ћкw цRю2, прин0сzтъ.

Хrт0вы пaстыріе, побди1те, и3 ќмнw во грaдъ виfлеeмъ пріиди1те, и3 бGу въ вhшнихъ возопjйте: слaва и3 вели1чіе бlговоли1вшему мLнцу kви1тисz нaсъ рaди за благостhню.

Пл0тію пеленaми повивaемь, повивazй мгл0ю зeмлю, песк0мъ же м0ре, соyзъ ѕHлъ мои1хъ раст0рглъ є3си2, и3 прaвдою вс‰ свzзaлъ є3си2, разслaблєнныz прил0гми борцA.

БGор0диченъ: Черт0же и3 прест0ле цrтвующагw, горо2 б9іz, и3 грaде и3збрaнный, и3 раю2, сlнца џблаче всесвётлый, просвэти2 дyшу мою2, џблакъ tгонsщи беззак0ній мои1хъ мн0гихъ, бGорaдованнаz.

И$нъ.

Їрм0съ: Вои1стинну бцdу тS и3сповёдуемъ, спасeнніи тоб0ю, дв7о чи1стаz, съ безпл0тными ли1ки тS величaюще.

И#грaйте г0ры въ весeліи, и3 рaдостію х0лми препоsшитесz, нhнэ дв7а приближaетсz роди1ти гDа.

Дeнь весeліz приношaетъ ти2 твaрь, ґнастасjе, пaмzть прославлsющи, є3г0же прослaвила є3си2 сл0ва твои1ми кровьми2.

Свётомъ чистёйшимъ нhнэ њсіsема, моли1твами твои1ми просвэщaтисz свhше всBмъ нaмъ проси2, мyченице благодaрнаz.

БGор0диченъ: Свётлw вс‰ твaрь нhнэ да рaдуетсz: бцdа роди1ти грzдeтъ, t бGа бGа сл0ва чlвёка бhвшаго.

Свэти1ленъ.

Под0бенъ: Д¦омъ во с™и1лищи:

Хрmсог0ну чyдному въ темни1цэ заключeну, ґнастасjе слaвнаz, служи1ла є3си2: и3 сегw2 словесeмъ повинyвшисz, въ бз7э скончaла є3си2 мучeніz течeніе, t негHже благодaть и3сцэлeній пріeмши, и3сцэлsеши недyги.

Слaва, и3 нhнэ, предпрaзднства. Под0бенъ т0йже:

Да рaдуетсz нб7о, и3 землS да весели1тсz. Вертeпе, просвэти1сz: ћсли же под8ими1те создaвшаго человёка рук0ю, ћкw мLнца раждaющасz t дв7ы. ЃгGлwвъ мн0жество, возопjйте ћснw: слaва бGу въ вhшнихъ.

На хвали1техъ стіхи6ры на д7, глaсъ ѕ7.

Под0бенъ: ЃгGльскіz пред8иди1те:

Нhнэ дрє1внzz разрэшaютсz kвлє1ніz, пріsтъ бо во ўтр0бэ дв7а: и4бо кaмень и3зъ горы2 tсэчeсz, и3 жeзлъ прозzбE їессeевъ, и3 росA нhнэ гедеHнова на земли2 проліsсz. Лю1діе, возопіeмъ: цRь ї}левъ хrт0съ прих0дитъ.

Стрaннагw ржcтвA, стрaнны вeщы ви1дzтсz, кaкw въ вhшнихъ nц7Y сосэдsй, въ ћслехъ безсловeсныхъ восхотёвъ восклонsетсz; кaкw неwсzзaемый, въ пеленaхъ; кaкw вездЁ сhй, въ вертeпэ; лю1діе, возопіeмъ: цRь ї}левъ хrт0съ прих0дитъ.

И$же чудесA творsй, и3 є3гЂпта ўzзвлsz, њдождsz лю1демъ нераз{мнымъ мaнну, воплощaетсz, и3 млек0мъ питaетсz: и3 nтрочA зри1мо, бёгаетъ гони1телz и4рwда, ћкw на џблацэ, дв7ою м™рію носи1мь, ћкw и3сaіа прозрЁ бGови1днэйшій.

NтрочA прeжде сhй цRь вэкHвъ, раждaетсz в0льнw, и3 сн7ъ нaмъ дадeсz, ўслhшите, kзhцы, ї}лю, внуши2. Разумёйте, и3 покарsйтесz: съ нaми бо и4же и3стни1тъ и3 разори1тъ t земли2 всsкое и3 цaрство и3 начaльство, и5же є3гw2 не послyшаша.

Слaва, под0бенъ т0йже:

Жезл0мъ желёзнымъ ўпасeнъ бyдеши, їудeе, ћкw не покори1выйсz, и3 прbр0кwмъ не вёруzй: сн7у бо р0ждшусz nц7ъ наслёдіе даeтъ kзhки, и3 њдержaніе земли2 всеS, тебe же tри1нетъ скверноубjйственне, вопи1ти бо не повинyешисz: цRь ї}левъ хrт0съ прих0дитъ.

И# нhнэ, под0бенъ т0йже:

Взыгрaй, дв7де, и3зъ чрeслъ бо твои1хъ хrт0съ: рaдуйсz, їессeе, процвэтe бо к0рень тв0й: t бедрA твоегw2, їyдо, прих0дитъ гDи, по проречeнію валаaмову. Ви1дите kзhцы, по вели1кому и3сaіи: сE роди1тъ nтрочA є3мманyила дв7а всечcтаz.

На стіх0внэ стіхи6ры, глaсъ в7.

Под0бенъ: Д0ме є3vфрafовъ:

Приближaетсz хrт0съ, ѕвэздA пред8wзарsетъ, нбcное мн0жество в0инства приницaетъ ќмныхъ си1лъ.

Стjхъ: БGъ t ю4га пріи1детъ, и3 с™hй и3зъ горы2 приwсэнeнныz чaщи.

Рaдуйсz, виfлеeме, пaствуzй настA, ї}лz спасazй, не ктомY мнjй бyдеши, во їyдовыхъ владhкахъ.

Стjхъ: ГDи, ўслhшахъ слyхъ тв0й, и3 ўбоsхсz: гDи, разумёхъ дэлA тво‰, и3 ўжас0хсz.

Пріиди1те, земнор0дніи, со ѓгGлы и3 мы2 состaвимъ ли1къ: слaва въ вhшнихъ бGу возопіи1мъ.

Слaва, с™hz, глaсъ є7.

Вmзантjево: Предпрaзднственный дeнь днeсь вочlвёченіz хrтA бGа и3 всехвaльныz мyченицы прaздникъ совозсіS ґнастасjи: сE дв7а въ виfлеeмъ приближaетсz, мLнца пеленaми пови1та восклони1ти въ ћслехъ безсловeсныхъ, свободи1вшаго ны2 t дрeвніz клsтвы, и3 спасaющаго дyшы нaшz.

И# нhнэ, предпрaзднства, глaсъ т0йже:

Не дрsхлуй, їHсифе, зрS мою2 ўтр0бу: ќзриши бо раждaемагw t менє2, и3 возрaдуешисz, и3 ћкw бGу поклони1шисz, бцdа глаг0лаше ко своемY њбрyчнику, хотsщи роди1ти хrтA. Сію2 воспои1мъ глаг0люще: рaдуйсz, њбрaдованнаz, съ тоб0ю гDь, и3 тебє2 рaди съ нaми.

На літургjи бlжє1нна предпрaзднства, пёснь G: и3 с™hz пёснь ѕ7.

Прокjменъ, глaсъ д7:

Ди1венъ бGъ во с™hхъ свои1хъ, бGъ ї}левъ.

Стjхъ: Въ цRквахъ благослови1те бGа, гDа t и3стHчникъ ї}левыхъ.

Ґпcлъ къ галaтwмъ, зачaло ©и.

Ґллилyіа, глaсъ №: ТерпS потерпёхъ гDа, и3 внsтъ ми2.

Е#ђліе t луки2, зачaло lг.

Причaстенъ: Въ пaмzть вёчную бyдетъ прaведникъ: