Мінея Місячна, Жовтень Вересень * Жовтень * Листопад * Грудень * Січень * Лютий * Березень * Квітень * Травень * Червень * Липень * Серпень * Богородичний додаток ← В 11-й день Жовтень В 13-й день → День 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 В 12-й день → Святых мученик Про́ва, Тара́ха и Андрони́ка и преподобнаго отца нашего Космы́ святоградца и творца канонов, епископа Маиу́мскаго → Празднование святому Иоа́нну, Крести́телю Госпо́дню, на память пренесения из Ма́льты во град Га́тчину креста из части Дре́ва Животворящаго Креста́ Госпо́дня, Филе́рмскаго чудотворнаго образа Бо́жия Ма́тере, пи́саннаго святы́м Евангели́стом Луко́ю, и десны́я руки мощей свята́го Иоа́нна Крести́теля → Преподобных отец Диони́сия и Амфило́хия, Глуши́цких, чудотворцев → Празднование Пресвяте́й Богоро́дице ради иконы Ея Иерусали́мския → С™hхъ мyчєникъ, пр0ва, тарaха и3 ґндронjка: И# прпdбнагw nтцA нaшегw космы2 свzтогрaдца, и3 творцA канHнwвъ, є3пjскопа маіyмскагw. ТранслітераціяЦерковнослов’янськаУкраїнська Святых мученик Про́ва, Тара́ха и Андрони́ка и преподобнаго отца нашего Космы́ святоградца и творца канонов, епископа Маиу́мскаго На Го́споди, воззва́х: стихи́ры мучеников, глас 4 Подо́бен: Дал еси знамение В лице́ сокруша́емь, и по вы́и ураня́емь,/ и же́злием раздробля́емь,/ рука́ми же изжига́емь, и главу́, му́чениче,/ и рожны́ пробода́емь лю́те,/ уши́ма и устна́ма обре́зуемь,/ и о́цтом напая́емь,/ и звере́м поверга́емь, и мече́м усека́емь му́чениче,/ весели́лся еси́, Тара́хе. Терпе́л еси́ бие́мь, и рожны́ пробода́емь,/ и лы́стом отре́заемым,/ о́чию лиша́емь,/ и звере́м, всеблаже́нне, в сне́дь дава́емь,/ и огню́ приближа́яйся,/ и мече́м главоусека́емь,/ му́чеников удобре́ние,/ и це́ркве утвержде́ние,/ страда́льче Про́ве сла́вный, Ангелом равноче́стне. Огне́м сожига́емь,/ и воло́выми жи́лами бие́мь,/ струги́ стру́жемь,/ по лы́стом крои́мь,/ и Богосло́вный уре́заемь язы́к,/ и зубы́, му́чениче, су́рово, Андрони́че, искореня́емь,/ со зверьми́ же сплета́яся,/ и скончава́емь мечи́,/ по́двиг соверши́л еси́, и вене́ц прия́л еси́. Ины стихиры преподобнаго, глас 4 Подобен: Яко добля: Яко му́дрости тя́ пита́теля,/ и чистоты́ корми́теля,/ сокро́вище зна́ния, иера́рше Космо́,/ Богосло́вника изве́стнейшаго, учи́теля Боже́ственна,/ ве́рным просвети́теля/ похваля́ем, блаже́нне,/ моля́ще тобо́ю Влады́ку,/ от тли́ и бе́д и вся́каго вре́да/ все́м на́м изба́витися. Воздержа́нием пожи́л еси́,/ бде́нием же и посто́м,/ целому́дрием и смире́нием, сла́вне,/ ра́зумом вся́чески обогати́лся еси́,/ ни́жних и привре́менных,/ и вы́шними све́тлыми:/ и я́сно возгреме́л еси́ недоуме́нное,/ стра́шное же и вели́кое, блаже́нне, все́х Царя́/ строе́ния та́инство. Смиренному́др и кро́ток,/ ти́х же и доброглаго́лив,/ уве́тлив и незло́бив, целому́дрен и пра́веден, препро́ст и це́л,/ преподо́бне Космо́, ты́ бы́в,/ иера́рх от Бо́га священноявле́н еси́,/ и упа́сл еси́ на зла́це во́д спаси́тельных/ ста́до твое́, Богому́дре:/ те́м тя́ ны́не ублажа́ем. Слава, глас 4. Анатолия: Во́инствоваше Христу́, я́же на земли́ кра́сная оста́висте, и Крест на ра́мена взе́мше, му́к ра́ди многоплете́нных Тому́ после́довали есте́, и пред цари́ и мучи́тели мно́гими не отверго́стеся его́: Ангели венцы́ побе́дными главы́ ва́ша увязо́ша, дерзнове́ннии душе́ю све́тло в черто́г вели́кий внидо́сте. Про́ве, сла́во му́чеников: Тара́хе, де́монов губи́телю: и Андрони́че, побе́да ве́рных: дерзнове́ние иму́ще ко Спа́су все́х, моли́теся о душа́х на́ших. И ныне, Богородичен или Крестобогородичен Подобен: Яко добля: Агнца и Па́стыря Тя́/ на дре́ве я́ко ви́де,/ Агница ро́ждшая рыда́ше,/ и ма́терски Ти́ веща́ше./ Сы́не возжеле́нне,/ ка́ко на Дре́ве Крестнем пове́шен еси́, Долготерпели́ве?/ Ка́ко ру́це и но́зе Твои́, Сло́ве,/ пригвозди́шася от беззако́нных,/ и кро́вь Твою́ излия́л еси́, Влады́ко? На стиховне Октоиха Слава, мучеников, глас 1: Андрея Иерусали́млянина: Трира́сленное собра́ние, равночи́сленнии Святы́я Тро́ицы, я́коже зве́зды све́тлыя от восто́ка я́вльшеся, тва́рь созыва́ют к свяще́нному торжеству́, Про́в и Тара́х со Андрони́ком му́дрым: пло́ти бо своя́ звере́м преда́ша, и кро́вию зе́млю обагри́вше, венцено́сцы на Небесе́х со Ангелы ликовству́ют, прося́ще о на́с человеколюби́ваго Бо́га, прегреше́ний оставле́ние дарова́ти и ве́лию ми́лость. И ныне, Богородичен или Крестобогородичен Подобен: Всехвальнии мученицы: Заколе́ние Твое́ непра́ведное, Христе́,/ Де́ва зря́щи,/ пла́чущи вопия́ше Ти́:/ Ча́до сладча́йшее,/ ка́ко без пра́вды умира́еши?/ Ка́ко на дре́ве ви́сиши,/ Иже всю́ зе́млю пове́шей на вода́х?/ Не оста́ви Мене́ еди́ну, Благоде́телю Многоми́лостиве,/ Ма́терь и Рабу́ Твою́, молю́ся. Тропарь мучеников, глас 5: Святы́х му́ченик исправле́нием Небе́сныя Си́лы преудиви́шася, я́ко в те́ле сме́ртнем, безтеле́снаго врага́, си́лою Креста́ подвиза́вшеся до́бре, победи́ша неви́димо: и мо́лятся Го́споду, поми́ловатися душа́м на́шим. Слава, преподобнаго, глас 8: Правосла́вия наста́вниче, благоче́стия учи́телю и чистоты́, вселе́нныя свети́льниче, архиере́ов Богодухнове́нное удобре́ние, Космо́ прему́дре, уче́ньми твои́ми вся́ просвети́л еси́: цевни́це духо́вная, моли́ Христа́ Бо́га, спасти́ся душа́м на́шим. И ныне, Богородичен или Крестобогородичен На утрени Канон Октоиха един и святых два. Канон мучеников, егоже краегранесие: Воспою мученик Твоих, Спасе, славу. Иосифово. Глас 8 Песнь 1 Ирмос: Колесницегонителя фарао́ня погрузи́/ чудотворяй иногда́/ Моисейский жезл, крестообра́зно поразив/ и разделив море,/ Израиля же беглеца, пешехода, спасе,/ песнь Бо́гови воспевающа. Мученическими укра́шени благодатьми,/ Венцедателю Христу на Небесех любовию, мученицы, предстои́те,/ светом озаряеми Трисо́лнечнаго сия́ния,/ и вся просвещаете верою вас блажа́щия. В гонении нечестия явистеся, всю прогоняюще злочестивую прелесть, мученицы непобедимии,/ доблественными подвиги, яко до́брии воини,/ яко Це́ркве утверждения и яко Истины держава. С мы́сленным разумом, всемудрии,/ отразивше злобную бурю и свире́пеющееся море злочестия,/ духа тихостию к пристанищем преидо́сте Небесным, радующеся. Душа́м мучеников ваши срадуются, мученицы, ду́си на Небесех истинно,/ Про́ве, и Андрони́че, и Тара́хе, блаженнии:/ му́жески бо болезни мучения претерпе́сте,/ победами Божественными прославля́еми. Богородичен: Иже Отцу и Духу Святому Слово Собезначальное в девственную утробу, восхотев, вселися,/ и плоть невра́щно бысть, и пострадав волею,/ мученическая Божественная воинства верою страдати устроил есть. Ин канон преподобнаго, егоже краегранесие: Косму похвалим песнотворца мудренно. Глас 4 Песнь 1 Ирмос: Моря чермную пучину/ невлажными стопами/ древний пешешествовав Изра́иль,/ крестообра́зныма Моисеовыма рукама/ Амали́кову силу в пусты́ни победил есть. Удобри́в добродетелей житие твое, отче Космо,/ светом и блистании светя́ся света Трисия́ннаго,/ Владыце твоему яко предстоя, просветитися тя поющим молися. Нрав твой подобно являет тя, имея наречение:/ архиереев бо украшение, мудре, показался еси,/ и утверждение монашествующих, и мудрости обитель был еси. Мудрости яко рачитель мудрейш, мудре,/ очистил еси твою душу, всемирный Космо,/ мирскаго смущения страсти отгнав, яко мглу омраче́ния. Богородичен: Марию Непорочную и Чистую Отрокови́цу воспои́м,/ яко Божию Матерь благоговейно согласно прославляюще:/ радуйся, Чистая Богоневесто, Благословенная Мати Дево. Песнь 3 Ирмос: Небеснаго круга, Верхотворче Господи,/ и Церкве Зижди́телю,/ Ты мене утверди в любви Твоей,/ желаний краю, верных утверждение,/ Едине Человеколюбче. Крепко гонителю проти́вився, Тара́хе,/ и сокрушение лица терпя́ крепча́йше,/ челюсти сокрушил еси мысленных львов,/ доблествен быв силою Духа. Великому́дренным разумом раны претерпел еси,/ по хребту́ и чре́ву, мучениче Про́ве, растяза́емь и поджигаем,/ и рожны́ перси, и Богославная твоя уста биема. Яко а́гнец, вознесен быв,/ терпел еси болезни люте́йших ран, мучениче Андрониче,/ огня попале́ния и искорене́ние зубов,/ и Богословнаго твоего язы́ка отъятие. Трисветлы, яко зве́зды, разумных сия́ний/ всю, славнии, тварь просвещаете, тьму отгоня́ще многобожия лести,/ страстотерпцы, мученицы светови́днейшии. Богородичен: Яко добру́, яко красну́/ и яко избра́нну, Чистая,/ Слово, Иже вся существовавшее Тя избрав,/ в Твою непорочную и Богоприятную утробу,/ восхотев, вселися Пресу́щественный. Ин Ирмос: Весели́тся о Тебе Церковь Твоя, Христе, зовущи:/ Ты моя крепость, Господи,/ и прибежище, и утверждение. Пе́сньми красными к песнословию/ Христову возвеселил еси Невесту,/ ясно изложив Христовы Божественныя тайны. Законы ты воспита́вся Христовыми, отче Космо,/ питал еси стадо, вверенное тебе,/ православными повеле́ньми. В себе огнем Божественнаго рвения/ распаля́ему душу, преподобне отче Космо, стяжав,/ вся ереси отгнал еси. Богородичен: Преидоша убо се́ни, Христос же Истина возсия,/ плоть приим, Мати Божия, от боку́ Твоею, и спасе́ ны. Кондак преподобнаго, глас 8 Подобен: Избранной: Укра́шен добродетельми, Космо́ Богодухновенне,/ Церкве Христовы украшение был еси:/ пе́сньми бо украси́л еси сию, блаженне./ Но молися ко Господу избавитися нам от всяких козней ратника,/ тебе зовущим:/ радуйся, отче требога́те. Седален мучеником, глас 8 Подобен: Премудрости: Святыя Троицы крепкою вооружившеся верою юношески,/ Андрони́к, Пров же и всемудрый Тара́х/ многобо́жия лести державу потреби́ша/ и люди к Божественней любви привяза́ша./ Тем победныя прии́мше почести,/ лико́м свеселятся сил Безплотных,/ к нимже верою возопиим:/ молите Христа Бога грехов оставление даровати/ чтущим любовию святую память вашу. Слава, преподобнаго, глас тойже: Благочестием и верою воспита́вся,/ и премудростию украси́в ум и душу,/ всех избегл еси земных попечений,/ особь же пожив и ум в неизреченныя вложив,/ великия сподобился еси благодати./ Тем и Божественную Христову Церковь украси́л еси/ песньми медото́чными и ученьми, святителю отче наш Космо́:/ моли Христа Бога грехов оставление даровати/ чтущим любовию святую память твою. И ныне, Богородичен: Премудрость и Слово в Твоем чреве заче́нши неопально, Мати Божия,/ миру родила еси мир Содержащаго/ и во объятиях понесла еси вся Носящаго, Питателя всех и Творца твари./ Темже молю Тя, Всесвятая Дево, и верно славлю Тя избавитися ми от прегрешений/ и в день Суда, егда́ предстати и́мам пред лицем Создателя моего,/ Владычице Дево Чистая, Твою помощь тогда подаждь ми,/ вся бо можеши, елика хощеши, Всепетая. Крестобогородичен : А́гнца, и Пастыря, и Изба́вителя/ А́гница зрящи на Кресте, восклицаше плачущи,/ и, горько рыдающи, вопияше:/ мир убо радуется, прие́мля Тобою избавление,/ утро́ба же Моя горит, зрящи Твое распятие,/ еже терпи́ши за милосердие милости./ Долготерпеливе Господи, милости бездно и источниче неисчерпаемый,/ умилосердися и даруй согрешений оставление/ верою поющим Божественныя Страсти Твоя. Песнь 4 Ирмос: Ты моя крепость, Господи,/ Ты моя и сила,/ Ты мой Бог, Ты мое радование,/ не оставль недра Отча/ и нашу нищету́ посети́в./ Тем с пророком Авваку́мом зову Ти:/ силе Твоей слава, Человеколюбче. Закон Твой соблюдающе, Слове, мученицы, беззаконных законы возненавидевше/ небрещи́ Тебе Творца повелева́ющия де́монскими ухищре́ньми,/ и все претерпевше треволне́ние мук, Небесную тишину получиша. Любя Христово иго носити подвыйное на выи твоей,/ еюже радуешися, сокрушаем,/ Крест же, жезл державныя, Тара́хе всеблаженне, силы имы́й,/ па́личная умножения терпи́ши, взывая:/ силе Твоей слава, Человеколюбче. Яко си́лен Божественным быв Духом,/ лы́стов твоих болезненное мужественно, Про́ве, сокрушение и очес изятие претерпел еси,/ просвещаемь знанием Троицы, совершеннейше,/ и с Вышними лики, мучениче, сочета́лся. Юношески, мучениче, предстал еси, Андрони́че, пред суди́щем,/ противля́яся врагу крепко./ Тем отре́зая лы́сты твоя, сильнейше содеваша тя,/ главу его попира́юща и Горнее тебе шествие сотворяюща. Богородичен: Едина Бога носиши во утробе воплоща́ема, еже быти всем подающаго./ Eгоже на три́знищи непрекло́нно испове́дающа,/ пострадаша Божественнии мученицы, Дево Богородице Препетая,/ Ангелов чудо и демонов я́зва. Ин Ирмос: Вознесе́на Тя видевши Церковь на Кресте,/ Солнце праведное,/ ста в чине своем,/ достойно взывающи:/ слава силе Твоей, Господи. Предочистив око твоего сердца страстнаго смущения, Космо́ иера́рше,/ пение воспел еси красное и спасительное/ и Церковь просветил еси. Целе́ние всякаго уныния/ бывают твоя, Космо, всехвальная лю́бящим пе́сненная наслаждения,/ догма́тами украша́емая и сладкогласия добро́тами. Неду́гующую, всеблаженне, Церковь/ хульными веле́ньми Копрони́мовыми и блуди́выми/ исцелил еси писа́ньми, имиже сладкопесненно песнопе́л еси. Яко чудны твоя песни и всякаго, отче, исполнены разума,/ имиже я́вственно всем открыл еси Христовы тайны,/ страшныя истинно и пречудныя. Богородичен: Пресвятую воспои́м Богородицу,/ Воплощенное родившую Божие Слово во дву естеству́, Единей же Ипостаси,/ якоже Косма Божественный научи́. Песнь 5 Ирмос: Вскую мя отри́нул еси/ от лица Твоего, Свете незаходимый,/ и покрыла мя есть чужда́я тьма окаяннаго,/ но обрати мя и к свету заповедей Твоих/ пути моя направи, молюся. Неукло́ннии путешественницы стези́ узкия и жестокия бы́сте,/ напа́стей мно́жество, яко пены морския отрева́юще,/ яко неразсе́днии столпи́, сердца́, страстотерпцы, яко на камени веры утвердивше. Вити́йствуя Божественная и Богословя спасительная учения,/ усте́н терпи́ши растерзания, ума крепостию загражда́я уста́, на Бога, Тарахе мучениче,/вредосло́вие глаголющая сотво́ршаго. На че́тверо протяза́ем и ран я́звами одержи́м,/ душевное показу́я доблественно востание./ Темже венценосец явлься с тождестрада́льники, Прове,/ Царю всех предстои́ши. Богородичен: Больши Горних сил еси Слово поро́ждши Отчее, Дево,/ Собезначальное и Соприсносущное, Eгоже све́тлостьми страстотерпцы озари́вшеся,/ безбожия нощь преидоша. Ин Ирмос: Ты, Господи, мой свет,/ в мир пришел еси,/ Свет Святый, обраща́яй из мрачна неве́дения/ верою воспевающия Тя. Вещание твое, му́дре, во вся концы протече́,/ песньми возвеселяя Божественными, Космо, хва́лящих тя. Закон естественных паче, – рекл еси, -/ рождшую Пресвятую Богородицу Пребожественное Слово;/ тем тя ублажаем. Песни дивныя сладостно поя́,/ воспел еси неизреченное Владычне,/ еже из Девы Пречистыя Рождество священнейше. Богородичен: Просветиша молния Твоего Рождества, Всепетая, всю вселенную,/ и земля подвижеся от прелести к вере Его. Песнь 6 Ирмос: Очисти мя, Спа́се,/ многа бо беззако́ния моя/ и из глубины зол возведи, молюся:/ к Тебе бо возопи́х, и услыши мя,/ Боже, спасения моего. Оружие Си́льнаго бывше верою,/ сердца́ зловерных му́жески уязви́сте,/ подви́гшеся на ня до́блественно, страстотерпцы великоименитии. Яко древле Даниила в рове зве́рие устыде́шася,/ тако и ныне крепких ору́жников веры на три́знищи устрашишася,/ укроти́вшеся честны́ми их страдании. Прободе́ным Твоим ре́бром, Владыко,/ тожде образуя, Тарах приемлет в ре́бра прободе́ние,/ и о́цтом напая́ется, и огнем в главу лю́те попаляется. Богородичен: Заченши без Се́мене во утробе Превечнаго, Чистая,/ и родила еси плотию естеством Безплотнаго,/ и млеко́м поила еси Питающаго всех, Богомати Неискусобрачная. Ин Ирмос: Пожру Ти со гласом хваления, Господи,/ Церковь вопиет Ти,/ от бесовския кро́ве очи́щшися,/ ради милости от ребр Твоих/ истекшею Кровию. Словеса твоя, яко сот сладкий, яви́шася,/ благочестивых сердца́ веселящя,/ поющих Крещение Спасово, Сретение же Симеоново и отпущение. Не словесы́, но вещми́ ты представил еси:/ востание, блаженне, Ла́зарево из мертвых, и детей хваление,/ и зависть иудейскую, – в песнех. Возвышение Треблаженнаго Древа украси́л еси,/ воспев песнь веселия всяческаго исполнену/ и радости сущия в пении того, всеблаженне. Богородичен: Глаголом Твоим Богодухнове́нным, Отрокови́це, после́дующе,/ Тя блажим вси ро́ди, Дево,/ яко Бога Блаженнаго Блаженную бывшую Родительницу. Кондак мучеников, глас 2 Подобен: Вышних ища: Троицы нам славу яви́ша,/ до́блии Христовы оружницы и мученицы,/ с Тара́хом Пров же и Андрони́к:/ обличиша бо все мучителей безбожие, верою до́блественне страда́льчествовавше. Икос: Иису́совы страсти до́блественно подража́вше,/ купно с Тара́хом мудрым Пров же и Андрони́к,/ радующеся, пострадаша на три́знищи, беззаконных обличающе безбожие./ Тем и мы, любовию чтуще память их,/ в песнех похвалим и верно подвиги пропове́даем:/ яко дивен бо Господь, светильники в мире прославив сия,/ верою до́блественно страда́льчествовавшия. Песнь 7 Ирмос: Божия снизхожде́ния/ огнь устыде́ся в Вавилоне иногда́,/ сего ради о́троцы в пещи́ ра́дованною ногою,/ яко во цве́тнице, ликующе, пояху:/ благословен еси, Боже отец наших. Уше́с отъятие претерпел еси, радуяся, Тарахе славне,/ яко благопослушли́в раб Приклоншаго тебе ухо милостивнейшее/ и молитвы твоя Совершившаго, зовуще:/ благословен еси, Боже отец наших. Протяза́еми мученицы и му́ками ра́ними/ твердым смыслом пребеззако́ннующим сопроти́вистеся,/ и, победоносцы бывше, поете:/ благословен еси, Боже отец наших. Исполнися дух твой Божественныя росы́ и прохлаждения,/ егда ру́це огне́м и главу попаля́ху ти,/ и, якоже дети, взывал еси, Тарахе:/ благословен еси, Боже отец наших. Кропле́нием, святии, честны́х крове́й ваших пре́лести у́глие погаснете,/ ро́су Божественныя нам источающе благодати/ и исцеле́ния проливаете во́ды, хва́лящим вашу память всегда. Богородичен: Истощевается во утробу Твою, Отеческих недр не оставль, Соверше́ннейшее Слово,/ и плоть видится, и Младенец раждается,/ Емуже поем, Дево, радующеся:/ благословен еси, Боже отец наших. Ин Ирмос: В пещи Авраа́мстии отроцы перси́дстей/ любовию благочестия паче,/ не́жели пламенем, опаля́еми, взываху:/ благословен еси в храме славы Твоея, Господи. Веселится вся́ка душа́,/ песнопения твоя, Богомудре отче, прочита́ющи и верою зовущи:/ отец наших Боже, благословен еси. Воистинну язык твой -/ трость книжника скоропи́сца, отче, бысть Святаго Духа,/ писавший великая чудеса Слова. Закон побеждается о тебе похвалении, отче,/ ни бо и́мать, что хвалению достойно вещати,/ тебе Владычняя изре́кшу вели́чествия. Богородичен: Кий Тя язык земных достойно ублажит, Бога рождшую, Богоневесто?/ Тем верою зовем:/радуйся, Дево Чистая, радуйся, Препрославленная. Песнь 8 Ирмос: Седмери́цею пещь/ халдейский мучитель/ Богочестивым нейстовно разжже́,/ силою же лучшею спасе́ны сия видев,/ Творцу и Изба́вителю вопияше:/ о́троцы, благословите,/ священницы, воспо́йте,/ людие, превозноси́те во вся веки. Просвеще́ни я́звами и красными добро́тами добротво́рнаго и чуднаго страдания/ Господу предстои́те, венценосцы вси,/ Света тамо сущаго, испуща́ема бога́тно, исполняемы и любовию поюще непрестанно:/ отроцы, благословите,/ священницы, воспойте/ людие, превозносите во вся веки. В себе неи́стовяся пребезу́мный мучитель,/ яко побежден вашими противле́нии,/ вскоре повелевает уморити мече́м вас, Содетелю и Изба́вителю поющия:/ отроцы, благословите,/ священницы, воспойте,/ людие, превозноси́те во вся веки. Троицы побо́рницы, добропобе́днии мученицы,/ иже безбожия зи́му разо́рше теплотою веры,/ верных предсто́лпие, цве́ти кра́снии умнаго рая́,/ пристанища сущим в бури, непреклоннии столпи́,/ Андрони́к, и Пров, и Тара́х почитаются. Богородичен: Со Безплотными чи́нми,/ с мученик воинствы, со апостолы и пророки,/ всеми владычествующую тварьми Владычицу яко Херувим святейшу/ и Едину Божию Чистую Матерь благоче́стно поем,/ Христа превознося́ще во вся веки. Ин Ирмос: Руце распросте́р Дании́л,/ львов зия́ния в ро́ве затче́,/ огненную же силу угаси́ша,/ добродетелию препоя́савшеся,/ благочестия рачи́тели, о́троцы взывающе:/ благословите вся дела Господня Господа. Жезло́м укрепля́еми твоих догма́тов, славне,/ тя хва́лящии отвращаемся всяких еретических злоб/ и песнопоем благочестно Христу, зовуще:/ благословите вся дела Господня Господа. Всех яко выше умом, Космо́, быв,/ ве́черю написал еси, в нейже пре́дал есть Господь Живоно́сныя Тайны/ и предание страшное, безчеловечие же Иудино,/ егоже и бежати нас научил еси. Света Невещественнаго заря́ми осия́ем, Космо́ всепреподобне,/ Страсти пречистыя написал еси,/ и погребение, и Востание, и Преображение Христово,/ научив вся воспевати:/ благословите вся дела Господня Господа. Богородичен: Жезл из корене Иессе́ева Ты израстила еси, Дево Пречистая,/ Цвет, Господа, рождшая, нас благоухавшаго/ миро дыха́тельными воня́ми Страсте́й Его,/ тем вси Тя благословим, Марие Богоневе́сто. Песнь 9 Ирмос: Устраши́ся всяк слух/ неизрече́нна Божия снизхождения,/ яко Вышний волею сни́де даже и до плоти,/ от Девическаго чрева быв Человек./ Темже Пречистую Богородицу, вернии, величаем. Возмогоша телесы́ тленными нетленныя подвиги пристяжа́ти, доблественнии,/ и Ангелом уподобишася, Царство Божие приемше недви́жимое,/ Пров, и Тара́х, и Андрони́к, Христовы угодницы. Яви́стеся у́глие, Огне́м Невещественным та́инственне вжигаеми,/ и пожго́сте вещественную лесть, великомученицы,/ и, возсиявше, яко свет, тварь озаряете/ и спасаете от страсте́й и бед души наша. Днесь приносит празднство летнее светло и радостно Церковь Христова,/ Божественное сие ваше торжество,/ и веселятся с вами пророцы, апостоли и вси мученицы,/ страстоносцы, победители великоимени́тии. Взястеся в светови́дная ра́йская, страстоносцы, селения,/ оде́явшеся светлою ризою, юже исткасте многови́дными муками,/ и Престолу предстоите Вседержителя,/ о всех прилежно молящеся. Богородичен: Пощади мя, Спасе, рождейся и сохранивый Рождшую Тя нетленну по Рождестве,/ егда сядеши судити вся дела моя,/ беззакония и грехи моя, пре́зри яко Безгрешен,/ Милостив яко Бог и Человеколюбец. Ин Ирмос: Камень нерукосечный/ от несекомыя горы Тебе, Дево,/ краеугольный отсечеся,/ Христос, совокупивый разстоящаяся естества,/ тем веселящеся, Тя, Богородице, величаем. Богат, благороден быв, всеблаже́нне,/ доброде́тельными заря́ми сия́я и просвещая верныя, Космо,/ тя хвалами почитающия и православно поющия:/ тя величаем, трисвя́те. Зако́ны сияя Божественными/ и те́ми, блаженне, твое стадо якоже на па́жить живоно́сную наставив,/ яко подоба́ше, преподобне, к Небесе́м преставился еси,/ плоды боле́зней твоих пожина́я. Показася тебе незаходяй Свет,/ ныне преставльшуся тебе от привре́менных, яко очище́нному праведно,/ ясне́е же и честне́е егоже наслаждаяся,/ помяни тебе почитающия, достославне. Богородичен: Тя, Пресвятую Деву и Серафим сла́внейшу,/ рождшую Христа, Богородице,/ пребезначально возсиявшаго от Отца, якоже пи́сано есть,/ славословяще, ублажаем. Светилен Октоиха. И святых Подобен: Учеником зрящим Триплете́нный лик страстотерпец,/ Тара́ха и Прова вси со Андрони́ком, песньми хва́льными увенчаем:/ строга́ния бо претерпеша, и лютыя раны, и болезни/ и со Христом царствуют. Богородичен: Херувим явилася еси сла́внейши и Серафим показалася еси вы́шши,/ яко Бога Рождшая воплощенна,/ земны́м же показавшаго стези правыя ше́ствовати, ко спасению водя́щия. На Литургии: прокимен глас 4: Святым, иже суть на земли Его, удиви Господь вся хотения Своя в них. Стих: Предзрех Господа предо мною вы́ну: Апостол ко Ефесе́ом, зачало 233. Аллилуия, глас 4: Воззваша праведнии, и Господь услыша их. Евангелие от Луки, зачало 106. Причастен: Радуйтеся Празднование святому Иоа́нну, Крести́телю Госпо́дню, на память пренесения из Ма́льты во град Га́тчину креста из части Дре́ва Животворящаго Креста́ Госпо́дня, Филе́рмскаго чудотворнаго образа Бо́жия Ма́тере, пи́саннаго святы́м Евангели́стом Луко́ю, и десны́я руки мощей свята́го Иоа́нна Крести́теля На малой вечерни Стихиры на 4, глас 8: Днесь возсия память твоя, Предтече,/ яко светило ве́лие лучи обильныя чудес излива́ющи,/ благочестивых сердца́ озаряющи,/ и утешение подающи всем с верою приходящим и покланяющимся тебе,/ заступнику и поборнику земли Российския,/ и теплому молитвеннику о душах наших. Светлое торжество духовное устроя́ет нам рука твоя, Предтече,/ соводвори́тися бо с нами, почитающими тя усердно, пришел еси ви́димым образом,/ приносящи дары Божественныя благодати,/ сего ра́ди к тебе взываем:/ буди нам помощник, и ходатай, и руководитель,/ на спасения стези́ наставляющий. Днесь пала́та присносве́тла является/ пришествием тебе, светильника невечерняго Света./ Торжествует град, его же благословляет десница твоя, Крестителю./ Светло празднуют благовернии людие, вхождением ея осеня́емии,/ и покланяяся тебе, глаголют:/ избави молитвами твоими от всякаго зла,/ находя́щаго за множество прегрешений на рабы твоя. Божественное сокровище и богатство неистощимое/ даровася державному граду десница твоя, Предтече Господень,/ и положися че́стне в Божественнем храме,/ и бысть духовнаго веселия вина́ тепле любящим тя, пророков верховнейший,/ иде́же священно собравшеся,/ воспеваем тя благодарным сердцем, яко Авраама,/ пресе́льника к нам преславна и молитвенника о душах наших. Слава, глас 6: Крест Твой, Господи,/ оружие на враги видимыя и невидимыя нам даровася,/ да будет убо неви́димая сила его/ огнь, попаляяй лица сопротивных,/ хотящих бра́ни неправедно. И ныне, глас тойже: Просте́рши Божественныя руце Твои,/ и́миже Создателя воплотившагося носила еси,/ умоли Его, Всеблагая Владычице,/избавити от искушений и страстей, и бед/ любовию чтущих святую икону Твою, Приснодево. На стиховне стихиры, глас 2: Иде́же осеня́ет рука твоя, Христов Предтече,/ тамо струи благодати, от Бога тебе данныя, изливаются обильно,/ страхом отбега́ют демони,/ различныя человеков исцеляются стра́сти и неду́ги,/ плоды духовных дел процветают, благочестие утверждается,/ и вси приходящии и прикасающиися ея,/ зарею Божественнаго света просвещаются/ и спасаются молитвами твоими. Стих: Благословен Господь Бог Израилев,/ яко посети и сотвори избавление людем Своим. Светильник горя́ и светя́ от Богочеловека нарече́н был еси, Крестителю,/ мы же возрадовахомся в день сре́тения твоего,/ егда десницею твоею Отечество наше озари́ти восхотел еси,/ к ней же с любовию притекающе,/ воспоминаем Божественное учение и Ангельское на земли житие твое,/ емуже подража́ти сподо́би славящих тя. Стих: И ты, отроча́,/ пророк Вышняго наречешися. Зря́ще телесныма очи́ма святую твою руку,/ умными очесы́ зрим тебе, ангела,/ егоже посла́ в мир Великаго Совета Ангел,/ пред лице́м Своим угото́вати пути Его/ крещением покаяния во оставление грехов,/ Провозвестниче, исправи стези заблуждения молитвами твоими. Слава, и ныне: Преклонившися свыше Всецарица Мати и Дева,/ благословеньми венча́ет воспевающих Ю́, и сице моля́щихся:/ Надеждо христиан, сподоби смиренных нас Небеснаго Царствия,/ ничтоже бо не возможно ходатайству Твоему. На велицей вечерни По обычном псалме поем Блажен муж: 1 антифон. На Господи, воззвах: стихиры на 8, глас 5: Руку твою, прикоснувшуюся пречистому верху́ Владычню,/ с нею же и перстом Того нам показал еси,/ воздежи́ о нас к Нему, Крестителю, яко дерзновение имея много,/ ибо болий пророков всех от Него свидетельствован еси./ Очи же твои паки Всесвятаго Духа ви́девшия,/ яко в виде голубине соше́дша,/ воздвигни к Нему, Крестителю, и милостива нам соделай,/ и прииди, стани с нами,/ запеча́таяй пение и предначинаяй торжество́. Пе́рвее к антиохийскому народу рука твоя благодатная/ яко дар Божественный Лукою Евангелистом перенесе́ся,/ таже восточным царе́м Багрянородным даровася./ Ныне же от запада приходит благословити народ российский,/ изливая струи Божественныя благодати./ Крестителю Христов! всех нас помяни,/ да избавимся от бед и скорбей;/ тебе бо даде́ся благодать молитися за ны. Да устро́иши пути Господни и стези пра́вы сотвориши Богу в человецех,/ да уготовиши Господеви люди российския соверше́нны; прежде пришествия твоего посылаеши к ним священныя дары твоя,/ последи же, аки сам с Небесе яве приходя посети́ти избранный тобою христианский народ,/ десницу твою Божественную нетлением прославленную, подаеши нам, Крестителю,/ во еже просветити и озарити мысли верных и укрепити в благочестии./ Темже духовными песньми вси согласно тебе вопием:/ Пророче и проповедниче Истины!/ моли спастися всем людем страны нашея. Днесь возсия в концех северных,/ яко светоносное солнце, рука твоя честна́я, Крестителю!/ Агнца Божия плотию явившагося, всем показа́вшая,/ и покаяния спасительныя пути;/ юже, яко сокровище Божественных даров, верою приемлюще,/ и со страхом прикасающеся, и покланяющеся любовию духовною,/ приемлем от Тебе, Христов Предтече, источник исцелений,/ просвещение душ, благодать утешения и велию милость. Торжествует духовно лику́ющи Христова Церковь/ в принятии мощей твоих, Предтече,/ град освящается и вси православнии людие вопиют:/ Крестителю Христов! ты наша крепость и утверждение,/ ты наша добро́та и тобою хвалимся,/ моли Христа Бога спасти любовию тя славящия. Иисус одолева́ше и побеждаше Амали́ка,/ егда руце Моисеевы просте́ртыя в молитве ко Господу поддержа́ста Аарон и Ор;/ тако сотвори Господь российскому воинству побеждати всегда и одолевати враги,/ егда благоговейно твою пречистую руку приемше, держаху, и усердне лобыза́ху,/ просяще с верою помощи во бране́х и победы на сопротивныя. Бездна неизчерпаемыя Божия благодати,/ за принятие с верою и благоговением десницы Пророка,/ мзду пророчу вскоре воздает христианом,/ их же да сохранит, сице благоволивый Бог,/ молитвами твоими, Предтече. Ефрема и Манассию целомудренный Иосиф приводит к патриарху Иакову,/ да благословением и возложением рук святаго Израиля/ сни́дет вседействующее Божие благословение на сыны его;/ ныне же мы, подклоняя главы под твою, всеблаженне, многомощную десни́цу,/ молим тя со слезами, Крестителю,/ да твоих ради заслуг снидет на нас всесильное благословение Всевышняго. Слава, глас тойже: Ве́лия слава твоя, достохвальне Предтече,/ деснице бо твоей главу Свою преклони Иисус,/ Господь господствующих и Владыка владеющих./ Велие человеколюбие Свое Всеблагий Бог показа́ на нас,/ егда благоизво́ли сию даровати нам, яко Богосветлое украшение и утверждение,/ темже радостно воспоем Промыслителю нашему сию хваления песнь:/ Велий еси, Господи, и чу́дны дела Твоя. И ныне, Богородичен, глас 8: Пе́рвее написавшейся твоей иконе Евангельских тайн благовестником,/ и к Тебе, Царице, принесе́нней:/ да усво́иши ту и сильно соделаеши спасти честву́ющия Тя,/ и порадовалася еси, яко сущи милостива спасения нашего Соделательница,/ и, на ту зрящи, глаголала еси со властию:/ с сим образом благодать Моя и сила,/ и мы истинно веруем, яко се рекла еси, Госпоже./ Сим образом с нами пребу́ди,/ ему же благоговейно предстояще, покланяемся Тебе, раби Твои,/ посети ны матерними Твоими щедротами. Вход. Прокимен дне и чтения три Исхода чтение (глава 14): Рече Господь к Моисею:/ возми жезл твой и простри́ руку твою на море, и расторгни е́./ Простре же Моисей руку на море, и разступися вода./ И внидо́ша сы́нове Израилевы посреде́ моря по су́ху; и вода им бысть стена одесну́ю и стена ошу́юю./ Погнаша же еги́птяне, и внидоша в след их всяк конь фараонов и колесницы и всадники посреде́ моря./ И простре́ Моисей руку на море, и устройся вода ко дню на место;/ еги́птяне же бежаша под водою./ И, обратившися, вода покры́ колесницы и всадники и всю силу фараонову, вшедши в след их в море,/ и не оста́ от них ни един./ Сынове же Израилевы проидо́ша по су́ху посреде моря. Царств третиих чтение (глава 8): Ста Соломон пред лицем жертвенника Господня пред всем собором Израилевым./ И воздев руце свои на небо, рече:/ Господи Боже Израилев! несть бог, якоже Ты на Небеси горе и на земли ни́зу./ Аще небо, и Небо небесе не довлеют Тебе, кольми́ паче храм сей, егоже создах Имени Твоему,/ и да при́зриши на молитву мою, Господи Боже Израилев,/ еюже молится раб Твой пред Тобою к Тебе днесь./ Да будут очи Твои отверсты на храм сей день и нощь, на место сие, о нем же рекл еси:/ будет Имя Мое тамо, еже услышати молитву, еюже молится раб Твой на месте сем во дни и нощи./ И услышиши мольбу раба Твоего и людей Твоих Израиля, о них же помолятся на месте сем,/ и Ты услышиши на месте обиталища Твоего на Небеси;/ и сотвориши, и милостив им будеши. Премудрости Соломоновы чтение (глава 4): Праведник аще пости́гнет сконча́тися, в покои будет./ Осудит же праведник умираяй живущия нечестивыя;/ узрят бо кончину праведнаго и не уразумеют, что усове́това о нем, и во что утверди́ его Господь:/ приидут бо в помышление согрешений своих ужа́сни, и обличит их противу беззакония их./ Тогда станет в дерзновении мнозе праведник, пред лицем оскорбивших его и отметающих труды его./ Видевше же его смятутся страхом многим, и ужасну́тся о преславном спасении его./ И рекут в себе, кающеся:/ сей бе, егоже име́хом не́когда в посме́х и в притчу поношения./ Безумнии, житие его вменихом неи́стово, и кончину его безчестну./ Како вменися в сынех Божиих, и во святых жребий его есть;/ убо заблуди́хом от пути истиннаго, и правды свет не облиста нам, и солнце не возсия нам./ Беззаконных исполнихомся стезь и погибели, и ходихом стези непроходны,/ пути же Господня не разуме́хом. На литии стихиры, глас 1: Глас сый вопиющаго в пустыни,/ Пророк и учитель обличил еси велехва́льныя фарисеи, глаголя к ним:/ порождения ехи́днина, сотворите плоды достойны покаяния,/ ныне Божественною десницею твоею, православными Россианами любезне почитаемою,/ показу́еши ясно перст Божий,/ наказу́ющий нечестие презрителей веры, отвергших тя,/ отягощающи над ними руку благочестиваго воинства,/и расточающи их яко овцы, неимущия пастыря,/ покайтеся, вопия,/ да не когда во веки прогневается Господь,/и погибнете от пути праведнаго. Богоотступный Иулиан, люте́йший зло́бою Ирода,/ тщашися истребити в правоверных всю святыню,/ искаше сожещи руку твою, Предтече;/ но вотще шата́яся, вскоре поги́бе с шумом нечести́вый./ Поборник же благочестия российский народ, благоговейно сию почитая,/ яко светильник на свещнице, во святем храме поставляет ю́, и хранит святолепно;/ тем же утвердити страну нашу в мире, и сохранити вся люди молися, Предтече,/ теплый предстатель наш ко Господу. Любовию уготовавших тебе златоко́ванный ковчег благоле́пнейший,/ в нем же святая десница твоя че́стне положися,/ воздая богатно приношения,/ хра́м Духа Божественнаго сотвори ходатайствы твоими, Крестителю,/ зарею Божия премудрости освещая во вся дни,/ во еже стояти им в Православии непоползнове́нно. Коль благ Бог Израилев правым сердцем,/ прежде еже родитися прови́дящий издале́че достойных Того благодати,/ чудодействующую бо в дальних странах десницу праведника,/ взима́я от лица неправды и ущедряя, ея же восхоте уще́дрити,/ вручает напосле́док дней многобогатый дар сей стране нашей, тайно веща́я:/ приими́те залог Моея благодати, благодати тезоимени́таго./ Се дах его стража страны вашея,/ видите, яко рука Моя сотвори сия вся. Слава, глас 8: Даждь славу Богу твоему, Россие!/ Яко Просла́вивый тебе досе́ле множеством святых, не оставляет прославляти и ныне./ Се бо многоценное сокровище, в различных странах доселе сокрываемое,/ благоизволи даровати тебе многочудесную руку Предтечеву,/ оружие мирно, утверждение державно, сте́ну необори́му/ и невреди́мое сопротивными ограждение новому Сиону. И ныне, глас 2: Предстоя пред Твоим, Всечистая, образом/ все христоименитое людей множество, достойно блажат Тя, Матерь Божию,/ и прославляют раболепно, и честву́ют и молятся Тебе по Бозе,/ да мир умири́ши в православии, и веру утвердиши,/ и спасеши от всех зол Твоя рабы, едина Благословенная. На стиховне стихиры, глас 2: Действуяй вся во всех, Боже,/ неизреченную милость Твою явил еси нам,/ подая благословение рукою пророков верховнейшаго,/ о всех де́лех Твоих благодарение Тебе приносим. Стих: Благословен Господь Бог Израилев,/ яко посети и сотвори избавление людем своим. Весь Богоносен явился еси, Крестителю,/ егда рукою твоею прикоснулся еси верху́ Владычню,/ слухом же Родителев глас слыша и очима сошествие Святаго Духа узре́л еси,/ тем же и нас, почитающих Богоноснаго тела твоего останки,/ сотвори сосуды че́стны к принятию даров Божественныя благодати. Стих: И ты, отроча,/пророк Вышняго наречешися. Перстом десницы твоея/ древле показал еси людем грядущаго к тебе крестится Агнца Божия,/ взе́млющаго грехи всего мира;/ ныне же предлежащими персты,/ нетлением сияющими, и благочестно от всех почитаемыми,/ загладив неве́дения начерта́ние,/ напиши на скрижалех сердец наших Боговедение покланяемыя Троицы. Слава, глас 8: Неизчетный в милости, Боже наш!/ Праведных ради обещавый не погуби́т грешный на земли,/ повелел еси ты́я в молитву призывати,/ и ныне, молящеся Тебе, Благоутробне,/ приводим в молитву честна́го пророка Твоего угодника,/ да его ради пощади́ши нас, избавляя от всех искушений и бед,/ и спасеши души наша. И ныне, глас тойже: Крепкое заступление и сте́ну неруши́му стяжавше,/ всечестную и чудотворную икону Твою, Богомати,/ молим Тя православным Христианом победы на враги даровати/ и спасти достояние Твое. На благословении хлебов: Тропарь, глас 2: Память праведнаго: или сей, глас 4: От запада возсия́вши Предтечева рука,/ лучи испущает нетления верным исцелений,/ свыше собирает множество Ангел,/ до́ле же созывает человеческий род,/ единогласно возсылати славу Христу Богу. На утрени На Бог Господь: тропарь Предтечи, дважды. Слава, и ныне, Богородичен воскресен по гласу тропаря. По 1-й кафизме седален, глас 4: Воистинну пророков бо́льший нареклся еси, Иоанне,/ они бо по рождестве своем проро́чествоваша,/ ты же, Крестителю, еще сый во чреве матере, сподобился еси таково́го дара,/ и был еси первейший благовестник воплотившагося Избавителя,/ устна́ми бо матере твоея Богоизбранней Отроковице вещал еси:/ отку́ду мне сие, да прииде Мати Господа моего ко мне?/ Сего ради вопием тебе:/ радуйся, зерца́ло, тайны Божия нам являющее. Слава, и ныне, Богородичен: Тебе вси роди человечестии хва́льныя дары приносят, Владычице,/ и молятся яко Царице и Матери Божией,/ покрый и соблюди, Госпоже, молитвами Твоими,/ и спаси от бед души наша. По 2-й кафизме седален, глас 8 Похвали́ Бога твоего, граде Петро́в,/ и да возвеселятся сердца́ православных христиан;/ яко благоизволи Вышний даровати нам десницу покаяния проповедника,/ в рожденных жена́ми большаго Иоанна, покрывающаго и защищающаго град и люди,/ егоже почитающе, возвеличим Бога нашего,/ давшаго нам священный залог милости Своея. Слава, и ныне, Богородичен: Покланяющеся образу Твоему, Богомати, вернии раби Твои,/ молим Тя, в день Судный избавити нас, и сподобити Царствия Небеснаго,/ Марие Благословенная, православных похвало. Таже полиелейныя псалмы, по сем величание Величаем тя,/ Крестителю Спасов Иоанне,/ и почитаем вси/ честныя твоея руки пренесение. Стих: Блажен муж, бояйся Господа Стих: Направити ноги наша на путь ми́рен. По полиелеи седален, глас 8: Закона гла́си нея́сни быша и косноглаголание Моисеево/ словеса благодати в гада́ниих изъяви;/ ты же начало Евангелия сый, светлый глас вопиющаго нареклся еси,/ясно бо возвестил еси пришедшаго в мир Спасителя,/ Eгоже моли о нас, Предтече. Слава, и ныне, Богородичен: Приступи́те с веселием, Богоизбраннии и христолюбивии людие,/ и честный образ Богоматере любезно приимите;/ се бо щедрот море неизчерпаемое, источник сладкий изливает благодати,/ от негоже вси спасение почерпа́ем. Таже степенна, 1-й антифон 4 гласа. Прокимен: Тамо возращу рог Давидови,/ угото́вах светильник пома́занному Моему. Стих: Враги́ Его́ облеку́ студо́м,/ на Не́мже процвете́т святы́ня Моя́. Евангелие от Луки, зачало 31 По 50-м псалме стихира самогласна, глас 6: Плотскаго пришествия Христова нача́ло,/ пророков конец и глас Слова сый, взывал еси:/ покайтеся, приближися бо Царство Небесное;/ темже угото́вавый пути Господни,/ благодати предшественник явился еси, Крестителю и Апостоле,/ моли Христа Бога, прегрешений оставление даровати/ празднующим любовию святую память твою. Канон Предтечи со ирмосом на 8, глас 1 Песнь 1 Ирмос: Твоя победительная десни́ца/ Боголепно в крепости прославися;/ та бо, Безсмертне,/ яко всемогущая противныя сотре,/ Израильтяном путь глубины новосоделавшая. Устне нечи́сты, и сердце, и глас недостойный/ движу к тебе на моление, Крестителю Христов,/ но ты глас Слова и орга́н Духа Божия сый,/ потщися на помощь,/ сердце просвети, ум мой озари светом Богоразумия и слово ми вдохни,/ да возмогу воспети с любовию вели́чия твоя. В молитвах Господеви предстоя,/ якоже звезда Солнцу предтеки́й,/ радости Небеснаго рая́ неизреченныя исполняяся,/ Безсмертному Царю, в безконечныя веки от Ангел безпрестанно хвалимому,/ присносущное с ними возсылая славословие,/ помяни нас на земли призывающих тя, Крестителю. Друг искренний Владыки быв, Крестителю всеблаженне,/ укрепи нас любити Его нравом правым/ и страстей тлетворных возгнушатися, влекущих к гибели. Виновное спасения нашего всечестно́е Древо Креста,/ предлежащее видяще,/ вернии почти́м и радостно облобыза́ем,/ источающее нам освящение, и жизнь, и лютых избавле́ние. Богородичен: Якоже родством естественным совоку́плени,/ тако и молитвенным согласием, вы едино су́ще,/ Мати всех Царя и Божественный Предтече,/ мольбу сотворите вку́пе к благоуветливому Владыке,/ да вашими ходатайствы преклонься,/ ущедрит и спасет люди Своя. Песнь 3 Ирмос: Еди́не ве́дый человеческаго существа немощь,/ и милостивно в не вообра́жен,/ препоя́ши мя с высоты силою,/ еже вопити Тебе, Святы́й:/ одушевленный храме нензреченныя славы Твоея, Человеколюбче. Подвигом добрым подвизався, течение скончав мечным усекновением,/ во светлости Небеснаго Иерусалима вни́ти и ликовствова́ти с Безплотными сподобился еси;/ и ныне с Небес простирая к нам отеческия объятия,/ рукою твоею привлещи́ всех в ограду Христову потщися, Крестителю,/ наставляя на путь покаяния тебе величающия. Свыше нас ныне назирая, всеблаженне,/ твоими молитвами от тли и бед сохрани,/ Божественному пропове́данию твоему верно последующих/ и пребывающих во учении спасительных твоих догма́тов. Бо́лий в рожденных жена́ми,/ имену́емый от Премудрости Вечныя,/ бу́ди нам премудрости и смысла хода́тай;/ да сподобимся с мудрыми девами внити в Чертог вечныя Божественныя Славы. Жезлом чудесным, Креста зна́мением от камене неплодна воду людем Твоим источивый, Боже,/ от неплодныя Елисаветы покаяния проповедателя миру даровав,/ десницею его нас обогатил еси,/ вся преславна твоя, Всесильный Владыко. Богородичен: Яко венцем пресветлым благоукрашается град наш,/ Богородительнице, образом Твоим честны́м, паче луч солнечных сияющим/ и просвещающим хва́лящия Тя. Песнь 4 Ирмос: Го́ру Тя, благодатию Божиею приосене́нную,/ прозорливыма Аввакум усмотри́в очи́ма,/ из Тебе изы́ти Израилеву,/ провозглашаше, Святому,/ во спасение наше и обновление. С воинствы Небесными водворяяся, Богому́дре,/ Христа умоли с ними спасти нас на земли сущих,/ почитающих тя в честне́м храме сем, Господень Предтече. Светильниче Света невечерняго,/ угасший благих дел светильник возжги в душах наших, огнем твоих молитв,/ да ясно узревше свет повелений Создавшаго,/ стопы наша направим по словеси Его. Бездну милосердия в струях Иорданских погрузивый рукою твоею, Крестителю,/ источники слез подаждь,/ разжения сласте́й погашающий и грехи очищающия. Неповинно закла́н был еси,/ яко агнец незлобив, Божественный Предтече,/ непорочная и священная жертва Творцу принеслся еси,/ темже верою тя молим,/ и нас возносити жертвы духовныя Богу настави. Богородичен: Не отри́ни молений наших, Владычице Чистая,/ но посети милостию рабы Твоя, покланяющиися образу Твоему,/ упование христиан,/ в мире житие наше соблюди и подаждь спасение необори́мое. Песнь 5 Ирмос: Просвети́вый сиянием/ пришествия Твоего, Христе,/ и осветивый Крестом Твоим мира концы,/ сердца просвети светом твоего Богоразумия,/ православно поющих Тя. Дивен Бог, во святых своих творяй чудеса,/ кости бо мертвыя Елисеевы мертваго воскреси́ша,/ руками Павловыми многи от неду́г и духов злых исцелева́хуся,/ рука же Крестителева бо́льшая источает чудеса,/ и подает исцеления верою почитающим ю́/ и благоговейно лобызающим. Приближився Свету крайнему,/ свет вторы́й по Божественному причащению был еси воистину,/ темже радующеся светлую и благонаро́читую память твою совершаем,/ и молим тя, Крестителю:/ просвети души наша дарованиями Вседетельнаго Духа. Не хода́тай, ни Ангел, но Сам Господь, пришедый в мир, спасе нас,/ Емуже правыя пути по́слан был еси угото́вати, блаженне./ Того ныне умоли, Крестителю,/ показати и нам стезю, к Царствию Небесному наставляющую. Го́ресть вод древле услаждая Моисей,/ древом сохрани еврейския люди, образ Креста проначерта́я,/ сему вернии покланяющася, горести и скорби всякия избавляемся. Богородичен: Се приходит Дева, всех пророков превышши, честны́м образом Своим, Зиждителя миру рождшая,/ град Свой сохранити и спасти достояние Свое. Песнь 6 Ирмос: Из утробы Иону младенца изблева́ морски́й зверь,/ якова́ прия́т;/ в Деву же всельшееся Слово,/и плоть приемшее пройде, сохраншее нетленну./ Eгоже бо не пострада нетления,/ Рождшую сохрани неврежде́нну. Глас вопиющаго Бога наречен был еси, Предтече Господень;/ темже яко уста Божия, кто не восхва́лит тя? Веру благочестивую в Сына Божия/ запустевшим сердцам проповедал еси, Пророче благодати,/ неплодие душ наших, от тли греховный изсыхаемых на всяк день,/ отреби рукою Твоею пречистою,/ да будем древеса приносящая плод живыя веры Вседержителю. Волна́ми житейскими обуреваеми и в страсте́х различных погружаеми,/ под кров твой прибегаем, великий Иоанне,/ потщися помощи́ рабом твоим/ и к спасения благооти́шному приста́нищу настави. Приими от души молящихся Тебе, Христе,/ и даждь нам помощь Твою свыше, якоже иногда учеником Твоим на мо́ри,/ и от бед избави нас, молением Твоего Предтечи. Богородичен: Пред образом Твоим, Богомати,/ проливаем сердечная моления наша недостойнии,/ помози, Владычице, усердно молящимся Тебе, и избави от всех бед и зол славящих Тя;/ кто бо, Всемилостивая, с верою призываяй Тя,/ посрамле́н и неуслышан от Тебе изы́де? Кондак, глас 6: Умнаго Солнца светильник Божественный Предтеча,/ показавый в концех светоносную свою десницу,/ ныне на севере озаряет ею блаженное Отечество наше,/ просвещая и освящая верно покланяющихся, и Христу вопиющих:/ спаси нас молитвами пророка Твоего, Царю Вышний. Икос: Новый рай является Божественный храм,/ во́ньже с верою и благоговением входит беседовати с Создателем своим первый человек./ Река бо даров Божественныя благодати, разделяющаяся в четыре начала,/ исходит из Едема Небеснаго напая́ти его./ Источник жизни, нетления и спасения/ изливает всем нерукотворе́нное начертание Спасителя нашего./ Поток милостей и щедрот, и сроднаго о христианех промышления/ исходит от святыя Богоматере иконы./ Древо Креста, на немже спасение совершися,/ источает воду, услаждающую го́ресть вкушения запове́даннаго./ Струи́ же теплых молитв текут обильно от Предтечевы десницы,/ во струя́х Иорданских сподобившияся крестити Просветителя нашего./ Вся земля Российская да покло́нится Тебе и да поет Тебе, Царю Вышний. Песнь 7 Ирмос: Тебе у́мную, Богородице, пещь,/ разсмотря́ем вернии;/ якоже бо о́троки спасе́ три Превозноси́мый,/ мир обнови, во чреве Твоем всеце́л,/ хвальный отцев Бог, и препрославлен. Прославляяй Господь Того сла́вящыя,/ нетлением прославленную десницу твою, подаде верным прибежище благонаде́жно,/ юже просте́рши, подаждь нам помощь от Святаго,/ и даждь безбедно во благочестии жизнь совершити славящим тя. Твоими молитвами немощнии врачуются,/ демони отгоняются, и вся скорби ре́шатся,/ сего ради тя почитаем, Предтече Господень,/ России похвало, крепость и ограждение, и утверждение. Пригвожде́н ум к земным вещем имея,/ что сотворим, и к кому прибе́гнем ищущим помощи?/ разве к тебе, святый Иоанне, благодати тезоимени́те,/ не отри́ни нас от твоего заступления, но возстави и обнови покаянием,/ и пону́ди со избранными вни́ти, а́може ничтоже скверно входит,/ в Царство Небесное. Умири́ мир, Христе, мольбами Предтечи Твоего,/ низлагая врагов силу и тишину неизглаголанную устрояя стране нашей,/ во веки сохрани́. Богородичен: Образу Твоему покланяющимся/ и призывающим Тя во обстоя́ниих лютых, помози, Владычице,/ упование и спасение всех человеков,/ иныя бо Предстательницы, разве Тебе, по Бозе не и́мамы. Песнь 8 Ирмос: Чу́да преестественнаго/ росодательная изобрази пещь образ;/ не бо яже прия́т пали́т юныя,/ яко ниже́ Огнь Божества Девы, в Ниже вни́де утробу,/ тем воспевающе воспоем:/ да благословит тварь вся Господа,/ и превозносит во вся веки. Присносущныя и неизреченныя Славы и Света невечерняго наслаждаяся,/ идеже неизглаголанное есть веселие и радость непрестанная,/ простирающих к тебе молений гла́сы услыши, Крестителю,/ и сподоби молитвами твоими причастниками быти вечныя Божественныя Славы. Духом и силою Илиино́ю предходя́ Христу,/ был еси, премудре, не трость противными ветры колеблема,/ но столп и наше Божественное веры утверждение, и непоколебимое Церкве укрепление,/ юже твоим ходатайством во единомыслии соблюди непреклонну и недви́жиму,/ утоляя всякия собла́зны. Авраам яко друг Божий/ сподо́бився духом провидети день Зиждителя Своего,/ радости неизреченныя исполняшеся;/ ты же, Предтече, не в гаданиих и сенех,/ но лицем к лицу зря воплотившагося Господа, и от руки твоея крещение прие́мша,/ достойно взывал еси:/ сия убо радость моя исполнися./ Сего ра́ди, яко друга Христова и теплаго о нас предстателя/ правостию ума чтуще, ублажаем, Троичен: Троицу Нераздельную,/ Тре́ми Ли́цы разделяемую, соединяемую же Существом,/ всеми державно владычествующую и вся соблюдающую,/ вернии благоче́стие исповедающе, возвеличим. Богородичен: Приими моления рабов Твоих, Пресвятая Владычице,/ яже Тебе приносим;/ помози и от бед избави покланяющихся образу Твоему;/ Ты бо, Спаса Рождшая, имаши дерзновение, яко Того Мати сущи,/ не престай моля́щи о чтущих Тя, еже спастися нам. Песнь 9 Ирмос: Образ чистаго Рождества Твоего/ огнепали́мая купина́ показа́ неопальная,/ и ныне на нас напа́стей свирепе́ющую угасити молимся пещь,/ да Тя, Богородице,/ непрестанно величаем. Стал еси посреде закона и благодати, премудре,/ темже взываем к тебе:/ побеждаемых нас законом греховным, воюющим противу ума во у́дех наших, ущедри, Крестителю,/ и благодати дар испроси, творити Божественная хоте́ния. Утробы неплодныя израще́ние плодовитое сый,/ неплодие сердец в благоплодие претвори молитвами твоими,/ и капли покаяния спасительнаго одожди́ в сердцах поющих тя. Источая всегда исцеления притекающим к мощем твоим, чудный Предтече,/ исцели стра́сти сердечныя, востающия от невнимания,/ де́тельною твоих Божественных молитв цельбо́ю. Вити́йствующих язык не может по достоянию восхвалити тя, Предтече пришествия Христова;/ но якоже Христос вдовицы прия́ два ле́пта,/ не возгнушайся, Крестителю, малаго сего приноше́ния;/ благости же подражанием, приими песнь, яко достойную/ и дерзнувшаго от усердия пове́дати величия твоя. Богородичен: Взирающе на твою всечестную, Пречистая Богомати, икону,/ яко на Тебе Самую́, на Небесех Сыну соцарствующую,/ с верою к ней припа́даем, благочестно почитаем, и со страхом лобызаем,/ и славим рождшагося от Тебе Христа Бога нашего,/ Eгоже моли спасти рабы Твоя. Светилен: Предстоя присно стра́шному Престолу,/ и светлыми зарями Трисолнечнаго Божества осияваем, светильниче мира,/ просвети души верою приступающих к Тебе,/ греховный мрак отгоняя и приводя ты́я к Свету незаходимому. Слава, и ныне, Богородичен: Скорая в беда́х Помощнице,/ готовое обуреваемых приста́нище,/ Неискусобрачная Невесто, рождшая плотию Спасителя миру,/ сохрани нас, покланяющихся образу Твоему честно́му и сице Тебе взывающих:/ радуйся, Предстательнице Твоих рабов. На хвалитех стихиры на 4, глас 1: Память праведнаго с похвала́ми,/ хвала бо его сладость верным,/ блажен воистинну, егоже избра и прия́т Господь;/ темже и мы днесь, веселящеся, почитаем память твою, Предтече,/ просяще тя, имущаго дерзновение ко Господу,/молитися о благополучии страны нашея,/ о победе на языки противныя, еже низложи́ти непра́ведно хотящия бра́ни,/ даровати же мир мирови, Церквам единомыслие,/ и душам нашим велию милость. От запада принесшая благодать исцелений рука твоя, Крестителю,/ созывает верных к тоя́ пришествию./ Входу ея православный народ радуется,/ священных сословие благоговеет и торжествует све́тло;/ собравшееся же верных множество усердно покланяется,/веселия духовнаго исполняяся./ Ты же, ходатай Новаго и Ветхаго быв священнейший,/ обнови обветшание, обновление совершающих/новаго явления десницы твоея,/ моля́ Человеколюбца даровати всем спасение и велию милость. Давиду кроткому и благочестивому уподобляется священных собрание,/ радостно преносящее в храм, якоже древле в Сион,/новый кивот древняго пречестне́йший./ Тамо бе ста́мна, манну носящая,/зде же образ во чреве Носи́вшия Христа;/ тамо жезл, зде же Крест Христов, вселенныя хранитель;/ тамо скрижали каменни Ветхаго Завета,/ зде же рука, предначертающая Новый Завет,/ возвещающий миру спасение и велию милость. Боговидец предивный Илия,/ пове́рже ми́лоть свою на Елиссея,/ и абие сей остави волы́, имиже делаше землю,/ идяше в след его и служаше Богу;/ ты же, Крестителю, не ризу,/но руку твою святую ниспослал еси нам, рабом твоим,/ еюже да излие́тся на нас благодать Духа Божественнаго,/ во еже не земным и суетным работати,/ но Богу Жи́ву служити преподобием и правдою/ вся дни живота нашего,/ подающему миру велию милость. Слава, глас 8: Вси совокупльшеся единодушно во святем храме Спаса нашего,/ и зряще в нем светлый Богоматере образ, Живоносное Древо Креста и твою, Предтече, пречестну́ю руку,/ руце и сердца горе́ воздвигнем к Триипостасному Божеству,/ радующеся о великих Его дарованиих, и молящеся прилежно,/ да предстательством Всенепорочныя, силою Честнаго и Животворящаго Креста,/ и твоими, всеблаженне, молитвами,/ посетит нас милостию и щедротами Всеблагий Бог,/ подающий миру велию милость. И ныне, глас 8: Со всеми пророки, со апостолы, и мученики,/ преподобными, и праведными, и всех христиан надеждою – Богородицею,/ моли Преблагаго Бога, Предтече,/ даровати совершающим светоносную и Божественную память твою,/ разрешение грехов, очищение прегрешений и велию милость. Славословие великое и отпуст На Литургии: Блаженны. Прокимен, глас 7: Возвеселится праведник о Господе: Апостол к Коринфяном, зачало 106. А ллилуиа, глас 4: Праведник, яко финикс, процветет Евангелие от Матфея, зачало 40. Причастен: В память вечную: На молебне Евангелие от Марка, зачало 1. Преподобных отец Диони́сия и Амфило́хия, Глуши́цких, чудотворцев На вечерни Блажен муж: на Господи, воззвах: стихиры, глас 8 Подобен: О, преславнаго чудесе: Преподобнии отцы Богомудрии,/ слепым дае́те свет,/ болящим исцеление и хромым здравие,/ милостивно преклоняющеся к приходящим верою к вам/ и прося́щим помощи ва́шея,/ заступники бо и предстатели вернии вси обрето́хом, восхваляюще вас. Преподобнии отцы всечестнии,/ добродетельми возшедше на колесницу,/ к Богу востеко́сте, победныя почести приемлюще,/ и, яко ми́лоть, нам телеса́ ваша положена во гробех отцы оставили есте́,/ источати исцеления и прогони́ти духи лукавые,/ тем же блажим вас, прехвальнии. Ликом постническим сочетастеся и украшшеся, блаженнии,/ постническим житием и ныне в Небесных обителех живете, веселящеся,/ идеже ликуют Ангели,/ и Светом Божественным воистину обожаеми,/ поминайте любовию блажащих вас на земли́/ и святое ваше творящих празднество. Слава, глас 6: Преподобнии отцы,/ во всю землю изыде вещание исправлений ваших,/ темже на Небесех обрето́сте мзду трудов своих,/ бесовския разрушили есте полки́/ и Ангельския достигли есте чины,/ ихже житию непорочно поревнова́сте,/ дерзновение иму́ще ко Господу,/ мир испроси́те душам нашим. И ныне, Богородичен: Богородице Дево Чистая,/ молися Го́сподеви,/ яко да Твоими молитвами/ подаст душам нашим грехов оставление,/ мир и велию милость. Крестобогородичен: На Древе Живот наш зря́щи,/ Пренепорочная Богородица, ви́сящ,/ ма́терски рыдающе, вопия́ше:/ Сыне Мой и Боже Мой,/ спаси любовию поющия Тя. Аще празднуеши с полиелеом, глаголи Богородичен воскресный: Кто Тебе не ублажит: Вход, прокимен дне. Чтения преподобническая На стиховне стихиры, глас 4 Подобен: Яко добля: Во Христа обле́кшеся,/ тле́емаго человека Богомудренно совлекшеся,/ тем духовною благодатию присно просвеща́еми,/ яко звезды светлыя, ми́рове просияли есте́,/ молящеся от тли и бед изба́витися,/ иже верою совершающим присно честну́ю память вашу. Стих: Честна́ пред Господем/ смерть преподобных Его. Ныне пищу Небесную восприемлюще,/ и Светом ограждаеми, и Жизнь вечную насле́дствующе,/ к вам прибегающия от бед изба́вите,/ и искушений различных, и всякаго озлобления,/ Богомудренно к Богу дерзновение стяжавше/ и любовь показу́юще воистину христоподобную. Стих: Блаже́н муж, боя́йся Господа,/ в заповедех Его восхо́щет зело́. Богоносцы вседи́внии, Троицы поборницы,/ к миродержителеву борению му́жескою мудростию ополчи́вшеся,/ и того низложисте твердыми сплете́нии,/ победными увязо́стеся венцы́./ Сего ради Божественную и светоносную совершаем вашу память,/ освящаеми благодатию. Слава, глас 8: Преподобнии отцы,/ мира красоты и пищи временныя отнюд возненавидевше,/ иноческое житие паче возлюбивше/ и Ангелом собеседницы бысте,/ и светильницы многосветлии вселенней,/ чудесами, якоже второе солнце, сияюще,/ всех нас поминайте,/ совершающих священную память вашу./ Мы бо, чада ваша/ и овцы словесных ваших учений,/ и вас на помощь призываем,/ прося́ще вами прияти мир и велию милость. И ныне, Богородичен воскресен: Безневестная Дево: Аще ли не празднуеши, глаголи сей Богородичен: Аз, Дево Святая Богородице,/под кров Твой прибегаю,/ вем яко обрящу Тобою спасение,/ можеши бо, Чистая, помощи́ мне. Крестобогородичен: Тя пригвожда́ема ви́дящи на Кресте, Иисусе,/ и страсти приемлюща волею, Владыко,/ Дева Мати Твоя, увы Мне, вопияше, Чадо Сладкое,/ раны без правды како терпи́ши, Врачу́,/ исцели́вый человеком немощь/и от тли всех изба́вивый милосердием Своим. Тропарь, глас 8: Светильницы светлии, явльшеся/ добро́ту земну́ю мудренно оста́вльше/ и идо́ша во внутреннюю пусты́ню, ку́пно с Диони́сием Амфило́хие,/ смирение и всю добродетель извыко́ша и обрето́ша безсмертие,/ постом, и бдением, и прочим воздержанием себе принося́ Христу,/ и ныне на Небесех Престолу Христову предстоя́,/ моли́теся, отцы Богомудрии, Диони́сие и Амфило́хие,/ умири́ти мир и спастися душа́м поющих вас,/ согрешением оставление дарова́ти,/ чтущим всечестну́ю память вашу. Слава, и ныне, Богородичен или Крестобогородичен. На утрени: По 1-м стихословии седален, глас 4 Подобен: Скоро предвари: Светильницы пресветлии и́стины Христовы,/ мир просвети́сте учением вашим, отцы Богоноснии Диони́сие и Амфило́хие,/ погуби́вше е́реси зловерных ху́льник, погаси́сте пламенная ху́лящих смущения,/ тем яко Христовы угодницы всех просвещаете. Слава, и ныне, Богородичен: Дево Всенепорочная, Пребогатаго Бога рождшая,/ со Безплотными Того непрестанно моли, оставление прегрешений и исправление жития дати прежде конца,/ верою и любовию поющим Тя. По 2-м стихословии седален, глас 8: Отреко́стеся плоти Христа ради и духовнии явистеся людем води́телие,/ услышали есте́ словеса́ тайных учений,/ и́ноком же яви́стеся правило пра́вости,/ страсти вся крепостию попрали есте́./ Тем и коварства бесо́в до конца попалили есте́,/ к Нему изрядно всегда, Богоноснии отцы, моли́теся,/ грехов оставление подати, чтущим любовию святую память вашу. Слава, и ныне, Богородичен: Се Тебе ро́ди родо́в славят, якоже прорекла́ еси, Отроковице,/ Создателя бо всех бысть палата и Божественный храм,/ в немже вселися Вышний и плотию обложи́ся, да спасет нас. По Хвалите Имя Господне: величание: Ублажаем вас,/ преподобнии отцы,/ и чтим святую память вашу,/ наставницы монахов и собеседницы Ангелов. Псалом избра́нный: Терпя́, потерпе́х Господа По полиелеи седален, глас 8 Подобен: Премудрости: Егда, блаженнии, к Божественному желанию ум свой впери́сте,/ тогда остависте вся до́лу влеку́щия мудрова́ния и в пустыню всельшеся,/ яко крин, процветосте добродетельми прекраснии, страстей искорени́вше терние,/ в ней насадивше плоды трудов своих,/ темже и пожасте рукояти, богатство неотъе́млемо на Небесех,/ отцы преподобнии, моли́те Христа Бога/ согрешений оставление даровати, чтущим верою святую память вашу. Слава, и ныне, Богородичен: О Тебе радуется: Таже степенна, 1-й антифон 4-го гласа. Прокимен: Честна́ пред Господем/ смерть преподобных Его. Стих: Что воздам Го́сподеви о всех,/ яже воздаде ми. Всякое дыхание: Стих: Хвалите Бога во святых Его: Евангелие от Иоанна, зачало 36 По 50-м псалме стихира, глас 6: Иже на земли Ангели/ и на Небеси́ челове́цы Божии,/ мира благое украшение/ и благих питателей,/ удобрение иноков и преподобных похвалу́/ великих отцев почтим,/ насажде́ни бо в дому Господни/ и процвето́ша праведно, яко ке́дри в пусты́ни,/ умножили есте́ стадо Христово словесных овец,/ в преподобии и правде. Канон, глас 6 Песнь 1 Ирмос: Яко по суху пешеше́ствовав Изра́иль,/ по бездне стопами,/ гонителя фараона,/ видя потопляема,/ Богу победную песнь поим, вопияше. Сшедшаго с Небес и на Кресте ру́це Простершаго подражатели, блаже́ннии,/ тем распя́сте себе мирови, и мир вами распина́шеся,/ и сего ради всели́стеся во Царствие Небесное,/ чудотворцы яви́стеся воистину преди́внии. Творца всех Бога возлюби́сте, преподобнии,/ мирску́ю мудрость всю отве́ргше, о земных неради́вше,/ Небесных благ наслади́вшеся со Ангельскими ли́ки,/ с нимиже молящеся, не забу́дите нас, чад своих. Ревность духовную в сердца́х своих приемше,/ вслед Бога усердно потеко́сте и сего ради прославистеся в Божественней Того славе,/ у Него же обрести́ нам испроси́те велию милость. Богородичен: Един от Святыя Троицы во двою естеству́/от чистых крове́й Твоих воплоти́ся, Боголепно про́йде,/ ихже от Ада́ма спасая, Пречистая, благостию Своею. Песнь 3 Ирмос: Несть свят,/ якоже Ты, Господи Боже мой,/ вознесы́й рог верных Твоих, Блаже,/ и утверди́вый нас на камени/ испове́дания Твоего. Бысть в пустынях гнездя́щася Ангели, добродетельным житием своим мир озаряюща,/ Диони́сия блаженнаго обре́те, преподобне Амфило́хие,/ ему же после́дствовав, Спасу всех угодил еси. Молением своим непрестанным и всенощны́м предстоянием,/ Пречистую Богородицу Помощницу иму́ще, бесовския полки́ от обители вашея прогони́ли есте́./ Тем и приходящим к вам подаваете скорое исцеление. Се, мы оста́вихом вся,/ по Господню словеси́ сотвори́сте и вслед Того изыдо́сте,/ тем мзду сторичную прия́сте и Живот вечный насле́довасте со всеми святыми,/ с ними же молящеся о нас не престайте, отцы блаженнии. Богородичен: Просвещение мне испроси, Пречистая Владычице,/ рождшая Свет всему миру, омраче́нному грехи,/страстную мглу далече отжени, Едина Богоблаженная. Седален, глас 4: Удивил еси, Владыко, преподобных отец наших,/ подав им чуде́с благодать и неду́ги различныя от человек отгоня́ти,/ им же молебно возопие́м:/ о, отцы досточу́днии, Диони́сие и Амфило́хие,/ непрестанно моли́те о нас Пречистую Богородицу,/ да, просте́рши длани, умоли́т Сына Своего и Бога,/ сохрани́ти град наш и люди от злых обстояний,/ подаст верным людем победу на враги/ и душам нашим грехов оставление. Слава, и ныне, Богородичен: Пречи́стеи руце Твои, Богородице Дево, просте́рши,/ покры́й уповающих на Тя, Сыну Твоему зовущия,/ всем подай, иже милости Твоя. Песнь 4 Ирмос: Христос моя сила,/ Бог и Господь,/ Честна́я Церковь/ Боголепно поет, взывающи,/ от смысла чиста о Господе празднующи. Руце просте́рше, о нас мольбу ко Владыце приношайте,/ стаду вашему от долг разрешение прося́ще, и́мате бо послушающаго Владыку всей твари,/ творит бо волю боящихся Его и молитву их послушает. Сконча́сте течение, житие свое добре совершивше, блаженнии,/ приятелище бысте Пресвятыя Троицы,/ тем молитеся в мире сохраненным быти верным людем,/ правоверно вас почитающим. Любовию Божиего распаля́стеся, святии,/ мир весь оставльше, пустыню достиго́сте,/ в ней же Ангельски пожили есте́ и ныне, в Чертозех Небесных со всеми святыми веселящеся,/ непрестанно о нас молитеся. Богородичен: К Тебе упование мое возложих, Мати Божия Приснодево, спасения моего/ и Тя Предстательницу животу моему положих, тверду же и непоколебиму. Песнь 5 Ирмос: Божиим светом Твоим, Блаже,/ у́тренюющих ти ду́ши любовию озари́, молюся,/ Тя ведети, Слове Божий,/ Истиннаго Бога,/ от мрака греховнаго взывающа. Смире́н помысл и ду́шу свою сокруше́нную иму́ще,/ вы́ну прилепляшеся Бо́гови и на Того упование о души́ своей возло́жше,/ толпы бесо́вския, яко прах, разгнасте,/ исцеляете неду́ги душевныя вку́пе и телесныя. Юность телесную отвергше,/ посто́м и бдением удручи́ли есте́ плоти своя́,/ тем и святым житием своим весь мир просветили есте, Богоблаженнии. Егоже ищущи, присно желаемаго вами блаженства Небеснаго Царствия,/ о нем бо подвизастеся в поще́ниих и бде́ниих,/ души свои изда́сте в руце Божии;/ сему и нам получи́ти молитеся присно, блаженнии. Богородичен: Тебе, рождши Христа, всему Содетеля, взываем:/ радуйся, Иже Свет возсия́вше нам,/ радуйся, вместившая Бога невместимаго. Песнь 6 Ирмос: Житейское море,/ воздвиза́емое зря напастей бурею,/ к тихому пристанищу Твоему притек, вопию Ти:/ возведи от тли живот мой,/ Многомилостиве. Возгремели быша до Небес молитвы ваша, святии,/ яко гром, Святым Духом гремя́ше,/ возду́шный же дух, яко дым, разгоняше,/ от недуг разрешение верным подавающи./ Тем яко заступники наша и к Богу хода́таи,/ непрестанно вас почитаем. Вышняго прибежище положи́сте себе и упова́ние, в пустынях, да яко в черто́зех светлых, пребывающе,/ во а́лчбе и жа́жде жизнь свою провожда́юще,/ тем и обители себе во имя Пресвятыя Богородицы сотвори́сте, Еяже молитвами от зол нас изба́вите. И́гу Господню вы́я прекло́нше, житейских молв избего́сте,/ тесным и прискорбным путем ше́ствовавше,/ пространства онаго Небеснаго достигли есте́,/ егоже и нам сподобленным бы́ти, святии, молитеся. Богородичен: Пречистая Богородице Владычице, рождшая человеком Христа Спаса нашего,/ подаждь ми грехов оставление, да сподоблен буду избыти вечных мук нескончаемых,/ заступление Твое стяжавше, Богоневестная. Кондак, глас 8 Яко светила незаходи́мая мысленнаго Солнца, просвети́сте вселенную,/ верным ду́ши и телеса́ лучами чудес ваших озаря́юще,/ незави́стно подава́ете от неду́г исцеление,/ темже, сошедшеся верою, вас в песнех восхва́лим,/ яко наши премудрыя наставники и к Богу хода́таи,/ и непрестанно вопием:/ радуйтеся, отцы Богомудрии Диони́сие и Амфило́хие. Икос: Кто изрещи́ может ваша на ме́стех сих труды́ и страдания, отцы Богоноснии,/ или кто испове́сть прежде смерти и по смерти, яже ваше к Богу дерзновение,/ ибо во плоти Безплотным подо́бящеся, Ангельски пожи́сте,/ добродетельми своими весь мир просвети́ли есте́./ Но, а́ще и худосло́вен есмь,/ но убо воспою́ и, поя, не престаю Божию силу и премудрость/ и преподобных терпение и по́двизи, си́це реку́ще:/ радуйся, Диони́сие, великий отче наш,/ яко измла́да Богу послужил еси и к Нему достигл еси в Небесное Царствие;/ радуйся, целомудренный сто́лпе, Амфило́хие преподобне,/ имже попрася всякая кознь сопроти́вная;/ радуйся, чу́дный Диони́сие,/ ибо терпением своим, яко безплотен, Ангелы удиви́л еси, лукавых бесо́в победи́вый;/ радуйся, Амфило́хие блаженне,/ мысленнаго рая́ грозд пресладкий, услади́вший весь мир пресладким житием своим;/ радуйся, Диони́сие Богомудре,/ прекрасное жилище Пресвятаго Духа;/ радуйся, Амфило́хие всече́стне,/ яко на Небесе́х предстои́ши Пресвятей Троице с преподобным Диони́сием, о нас мо́лишися непрестанно;/ радуйтеся, отцы наши вселюбе́знии,/ наставницы иноком премудрии, и ко Христу сих приведосте преподобно и праведно;/ радуйтеся, отцы досточу́днии,/ свети́льницы пресве́тлии, весь мир в чудесех просветили есте́ и, просвещая, не престае́те./ Темже, вопиюще, вси рцем непрестанно:/ радуйтеся, отцы Богомудрии, Диони́сие и Амфило́хие. Песнь 7 Ирмос: Росодательну убо пещь/ соде́ла Ангел/преподобным отроко́м,/ халдеи же опаля́ющее/веление Божие мучителя увеща́ вопи́ти:/ благословен еси Боже отец наших. Вмени́вше уме́ты вся, яже на земли́ сущая,/ всяко желание и тщание показа́сте, взыска́юще,/ да Христа приобря́щете,/ Eгоже обре́тше, посещайте шествующих путем вашим,/ ихже сниска́сте трудами своими, отцы блаженнии. На Небеси́ пребывающе,/ неотступно с нами пребу́дите, назира́юще нас, чад своих,/ непрестанно молитву к Богу, отцы, о нас сотвори́те,/ яко да молением вашим от всех зол нас избавите. Ни о́ны пустынная страши́лища устраши́ша вас,/ ни человек злых нахождения, ни лукавых бесо́в преще́ния,/ ни лет долгота́, ни скудость ме́стная,/ но вся преодоле́вше терпением,/ и сего ради со Христом царствуете в нескончаемыя веки. Богородичен: Тя, Богомати, спасение позна́хом, земни́и,/ яко Творца плотию рождшая,/ темже спаси мене заблу́ждшаго,/ в пути правыя наста́ви мя,/ повелением Божественным грехов прощение подавая ми,/ яко Человеколюбива, Преблагая Помощнице. Песнь 8 Ирмос: Из пламене преподобным ро́су источи́л еси/ и праведнаго жертву водою попали́л еси:/ вся бо твори́ши, Христе, то́кмо еже хоте́ти,/ Тя превозно́сим во вся веки. Светила великая, чудотворцы предивнии, Диони́сие со Амфило́хием,/ посетите нас в боле́знех наших,/ здравие всем притекающим к вам вскоре подавающе,/ разреши́те нас от греховных уз,/ ту́не прия́сте, ту́не и дади́те нам. Якоже обеща́стеся спожи́ти неразлучно в жизни сей,/ сице и по смерти вашей изво́листе погребе́нным быти единым телесем вашим,/ от них же чудес изливаете требующим исцеление, и Христа непрестанно сла́вящим. Нощь, яко день, вменя́шеся вами, преподобнии,/ не давше покоя телесе́м вашим, ни ве́ждома дрема́ния,/ но безпреста́ни течение творя́ще к Богу посто́м и молитвами,/ до́ндеже сподо́бистеся прияти праведных селение. Богородичен: В рождестве болезни избежала еси, Чистая,/ и, рождши, паки Девою пребыла еси,/ вся бо творит Иисус Бог и Человек,/ Eгоже превозносим во веки. Песнь 9 Ирмос: Бога/ челове́ком невозможно видети,/ на Негоже не смеют чини Ангельстии взирати:/ Тобою бо, Всечи́стая, явися человеком/ Слово Воплоще́нно,/ Eгоже величающе,/ с Небесными вои Тя ублажаем. Равно́ Ангелом житие стяжал еси, Диони́сие,/ тем равноа́нгельна в пусты́нях кры́ющася, обре́т тя блаженный Амфило́хий,/ и сего ради соревнова́ше ти в житии́ твоем,/ твоему внимающе нраву Боголюбезному. Подобящеся Христу своему,/ кротко житие и смиренно в жизни сей стяжа́ли есте́./ Тем и покой обрето́сте душа́м вашим,/ егоже ради жизнь сию во слеза́х и в воздыха́ниих изнури́ли есте́. Моление сие́ не пре́зрите, отцы досточу́днии,/ иже от недостойных уст моих вам приноси́мое,/ и, прия́в, сего донесите Творцу и Богу,/ прося́ще у Него обрести́ милость во вся веки. Богородичен: Сына Безлетна от Отца Ты, во утробе несказа́нно заче́нши, родила́ еси, Богомати Пречистая Дево,/ моли непрестанно о рабе́х Твоих Того яко Человеколюбца Бога спасти род наш. На хвалитех стихиры, глас 4 Подобен: Дал еси знамение: Светлейше просия́вше, якоже солнце, преподобнии,/ всепра́зднственная память ваша луча́ми облиста́ема/ ваших добродетельных деяний, блаженнии,/ и озаряюще верных чу́вства светом чуде́с ваших./ Сию убо празднующе,/ радостно вас восхваляем и верно ублажаем. Якоже друзи́и Ангели земни́и пожи́ли есте́,/ воздержанием тело свое удручи́вше, всеславнии;/ бдением и памятию смертною прилежно помышля́юще,/ Божественнии отцы, возраща́ху/ и великими восхожде́нии к желанию верховному./ Тем воистину прибли́жилися есте/ к Самому́ Христу, каменю краеугольному. Страсти телесныя воздержанием утоли́ли есте́,/ и прилежным моле́нием/ змия льстиваго слезными потоки удавили есте́,/ отцы преподобнии,/ и угодили есте́ Богу паче и́нех, досточу́днии./ Тем вас укра́си Небесными дарованьми Иисус Человеколюбец/ и Спас душ наших. Слава, глас 8: Преподобнии отцы,/ поучи́стеся день и нощь в законе Господни,/ достойни бысте древа Животнаго,/ са́дове бысте/ и плод ваш страданьми и венцы процвете́./ Дерзновение имуще к Подвигоположнику Христу Богу,/ и нам проси́те очищение и велию милость. И ныне, Богородичен: Владычице, приими́ молитву раб Твоих/ и изба́ви нас/от всякия ну́жды и печали. Крестобогородичен: Пречистая, яко узре Тя плотию висяща на Кресте/ и, сердцем растерзающеся, вопия́ше, слезя́щи:/ Слове, камо зайде, прелюбимый Иисусе,/ Сыне Мой, Господи,/ не остави Мене едину, Христе, Рождшую Тебе. Аще имать на стиховне Слава, и ты глаголи вечернюю. И ныне, Богородичен или Крестобогородичен В той же день. Празднование Пресвяте́й Богоро́дице ради иконы Ея Иерусали́мския Тропарь, глас 4: Богорадованная Владычице,/ препрославленная Мати щедрот и человеколюбия,/ всемилостивая о всем мире Ходатаице!/ Прилежно раби Твои ко Твоему предстательству прибегаем,/ и ко пречудному образу Твоему со умилением, припадающе, молимся:/ молитву теплую Сыну Твоему и Богу нашему сотвори,/ о Всепетая Царице Богородице,/ да от всяких болезней и печалей нас Тебе ради избавит,/ и от грехов всяких свободив,/ Царствия Своего Небеснаго наследники ны покажет:/ велие бо и неизреченное яко Мати к Нему дерзновение имаши/ и вся от Него испросити можеши,/ Едина во веки преблагословенная. Ин тропарь, глас 3: Твоего предстательства уверение/ и милосердия Твоего явление/ икона Иерусалимская нам, Владычице, показася/ пред нею же души наша в молитве изливаем/ и верою Тебе вопием:/ воззри, Милосердая, на люди Твоя,/ вся скорби наша и печали утоли,/ утешение благое в сердца наша низпосли/ и спасение вечное душам нашим, Пречистая, испроси. Кондак, глас 5: Не отрини, о Милосердая Мати,/ слез и воздыханий наших,/ но прошения наша милостивно приимши,/ пред Иерусалимскою иконою Твоею/ молящихся людей веру укрепи,/ умилением сердца́ их исполни,/ и крест земнаго жития нести им помози,/ елика бо хощеши можеши. Сии припевы поются на Святой Афонской Горе в праздник Иерусалимския иконы Божия Матере Величай, душе моя,/ Чистую Деву и Едину Богородицу. Ангели, благодать к нам Пречистыя зряще, удивишася,/ како Дева вниде иконою Своею во храм сей святый. Ангели дивятся величию Твоему, Всецарице,/ и мы, бреннии, чудесем, ихже иконою Твоею совершила еси. Ангели радуются славе Твоей, Дево,/ веселимся и мы, довольнии, припа́дающе ко иконе Твоей. Ангели на Небеси Тя, Богородице, воспевают,/ и мы славим зде, в дому́ Твоем, лобызающе дивную икону Твою. Ангели ублажают милосердие Твое к людем,/ благодарим Тя и мы, Мати Божия, празднующе иконе Твоей. Ангели славят промышление Твое о верных,/и мы поем Тя, явльшуюся нам на помощь Своим образом. Величай, душе моя,/ благодать Оставившую верным во святых иконах Своих. Величай, душе моя,/ Всемилостивую Владычицу, иконою Своею обитати зде изволившую. Величай, душе моя,/ Преблагословенную Марию, освящающую ко иконе Ея притекающих. Величай, душе моя,/ Святою Троицею Избранную спасения ради нашего. Величай, душе моя,/ Благословенную в женах, иконою Своею благословившую нас. Молитва Пресвятая Госпоже, Владычице Богородице, упование всех уповающих на Тя, Заступнице печальных, прибежище отчаянных, вдов и сирот Питательнице! Услыши и помилуй ны, грешныя и недостойныя рабы Своя, со умилением ко пречистому Твоему образу припадающия: умоли, Милосердая Владычице, Сына Твоего и Господа нашего Иисуса Христа, да отвратит от нас праведный гнев Свой, да простит грехи и беззакония наша, яко да сподобимся благостию Его скончати житие наше в покаянии и получити милость Его со всеми избранными Его, яко благословена и препрославлена еси во веки веков. Аминь. С™hхъ мyчєникъ, пр0ва, тарaха и3 ґндронjка: И# прпdбнагw nтцA нaшегw космы2 свzтогрaдца, и3 творцA канHнwвъ, є3пjскопа маіyмскагw. Въ т0йже дeнь прaзднованіе с™0му їwaнну кrти1телю гDню, на пaмzть пренесeніz и3зъ мaльты во грaдъ гaтчину кrтA и3зъ чaсти дрeва животворsщагw кrтA гDнz: чудотв0рнагw џбраза б9іz м™ри, пи1саннагw с™hмъ є3ђлjстомъ лук0ю: и3 деснhz руки2 мощeй с™aгw їwaнна кrти1телz. На ГDи, воззвaхъ, стіхи6ры м§никwвъ, глaсъ д7. Под0бенъ: Дaлъ є3си2 знaменіе: Въ лицE сокрушaемь, и3 по вhи ўранsемь, и3 жeзліемъ раздроблsемь, рукaми же и3зжигaемь, и3 главY, м§ниче, и3 рожны2 прободaемь лю1тэ, ўши1ма и3 ўстнaма њбрёзуемь, и3 џцтомъ напаsемь, и3 ѕвэрє1мъ повергaемь, и3 мечeмъ ўсэкaемь мyчениче, весели1лсz є3си2, тарaхе. Терпёлъ є3си2 біeмь, и3 рwжны2 прободaемь, и3 лhстwмъ tрёзаємымъ, џчію лишaемь, и3 ѕвэрє1мъ, всебlжeнне, въ снёдь давaемь, и3 nгню2 приближazйсz, и3 мечeмъ главоусэкaемь, м§никwвъ ўдобрeніе, и3 цRкве ўтверждeніе, страдaльче пр0ве слaвный, ѓгGлwмъ равночeстне. Nгнeмъ сожигaемь, и3 вол0выми жи1лами біeмь, струги2 стрyжемь, по лhстwмъ крои1мь. И# бGосл0вный ўрёзаемь kзhкъ, и3 зубы2, м§ниче, сyровw, ґндронjче, и3скоренsемь, со ѕвэрьми1 же сплетazсz, и3 скончавaемь мечи6, п0двигъ соверши1лъ є3си2, и3 вэнeцъ пріsлъ є3си2. И$ны стіхи6ры прпdбнагw, глaсъ д7. Под0бенъ: Ћкw д0блz: Ћкw мyдрости тS питaтелz, и3 чистоты2 корми1телz, сокр0вище знaніz, їерaрше космо2, бGосл0вника и3звёстнэйшаго, ў§телz бжcтвенна, вBрнымъ просвэти1телz похвалsемъ, бlжeнне, молsще тоб0ю вLку, t тли2 и3 бёдъ и3 всsкагw врeда всBмъ нaмъ и3збaвитисz. Воздержaніемъ пожи1лъ є3си2, бдёніемъ же и3 пост0мъ, цэломyдріемъ и3 смирeніемъ, слaвне, рaзумомъ всsчески њбогати1лсz є3си2, ни1жнихъ и3 приврeменныхъ, и3 вhшними свётлыми: и3 ћснw возгремёлъ є3си2 недоумённое, стрaшное же и3 вели1кое, блажeнне, всёхъ цRS строeніz тaинство. Смиренномyдръ и3 кр0токъ, ти1хъ же и3 доброглаг0ливъ, ўвётливъ и3 неѕл0бивъ, цэломyдренъ и3 прaведенъ, препр0стъ и3 цёлъ, прпdбне космо2, ты2 бhвъ, їерaрхъ t бGа свzщенноzвлeнъ є3си2, и3 ўпaслъ є3си2 на ѕлaцэ в0дъ спаси1тельныхъ стaдо твоE, бGомyдре: тёмъ тS нhнэ ўблажaемъ. Слaва, глaсъ д7. Ґнат0ліа: В0инствоваше хrтY, ±же на земли2 кр†снаz њстaвисте, и3 кrтъ на рaмена взeмше, мyкъ рaди многоплетeнныхъ томY послёдовали є3стE, и3 предъ цари6 и3 мучи1тєли мн0гими не tверг0стесz є3гw2: ѓгGли вэнцы6 побёдными главы6 вaшz ўвzз0ша, дерзновeнніи душeю свётлw въ черт0гъ вели1кій внид0сте. Пр0ве, слaво мyченикwвъ: тарaхе, дeмwнwвъ губи1телю: и3 ґндронjче, побёда вёрныхъ: дерзновeніе и3мyще ко сп7су всёхъ, моли1тесz њ душaхъ нaшихъ. И# нhнэ, бGор0диченъ, и3ли2 кrтобGор0диченъ: Под0бенъ: Ћкw д0блz: Ѓгнца и3 пaстырz тS на дрeвэ ћкw ви1дэ, ѓгница р0ждшаz рыдaше, и3 м™рски ти2 вэщaше. Сн7е возжелённе, кaкw на дрeвэ кrтнэмъ повёшенъ є3си2, долготерпэли1ве; кaкw рyцэ и3 н0зэ твои2, сл0ве, пригвозди1шасz t беззак0нныхъ, и3 кр0вь твою2 и3зліsлъ є3си2, вLко; На стіх0внэ nктHиха. Слaва, мyченикwвъ, глaсъ №: Ґндрeа їеrли1млzнина: Трирaсленное собрaніе, равночи1сленніи с™hz трbцы, ћкоже ѕвёзды свBтлыz t вост0ка ћвльшесz, твaрь созывaютъ къ свzщeнному торжествY, пр0въ и3 тарaхъ со ґндронjкомъ мyдрымъ: плHти бо сво‰ ѕвэрє1мъ предaша, и3 кр0вію зeмлю њбагри1вше, вэнцен0сцы на нб7сёхъ со ѓгGлы ликовствyютъ, просsще њ нaсъ чlвэколюби1ваго бGа, прегрэшeній њставлeніе даровaти и3 вeлію ми1лость. И# нhнэ, бGор0диченъ, и3ли2 кrтобGор0диченъ. Под0бенъ: Всехвaльніи мyчєницы: Заколeніе твоE непрaведное, хrтE, дв7а зрsщи, плaчущи вопіsше ти2: чaдо сладчaйшее, кaкw безъ прaвды ўмирaеши; кaкw на дрeвэ ви1сиши, и4же всю2 зeмлю повёшей на водaхъ; не њстaви менE є3ди1ну, бlгодётелю многоми1лостиве, м™рь и3 рабY твою2, молю1сz. Тропaрь мyченикwвъ, глaсъ є7: С™hхъ мyчєникъ и3справлeніємъ нбcныz си6лы преудиви1шасz, ћкw въ тёлэ смeртнэмъ, безтэлeснаго врагA, си1лою кrтA подвизaвшесz д0брэ, побэди1ша неви1димw: и3м0лzтсz гDу, поми1ловатисz душaмъ нaшымъ. Слaва, прпdбнагw, глaсъ }: Правослaвіz настaвниче, благочeстіz ўчи1телю и3 чистоты2, вселeнныz свэти1льниче, ґрхіерewвъ бGодухновeнное ўдобрeніе, fеофaне премyдре, ўчeньми твои1ми вс‰ просвэти1лъ є3си2: цэвни1це дух0внаz, моли2 хrтA бGа, спасти1сz душaмъ нaшымъ. И# нhнэ, бGор0диченъ, и3ли2 кrтобGор0диченъ: На ќтрени, канHнъ nктHиха є3ди1нъ, и3 с™hхъ двA. КанHнъ м§никwвъ, глaсъ }, їHсифово, є3гHже краегранeсіе: Воспою2 м§никъ твои1хъ, сп7се, слaву. Пёснь №. Їрм0съ: Колесницегони1телz фараHнz погрузи2, чудотворsй и3ногдA мwmсeйскій жeзлъ, кrтоoбрaзнw порази1въ, и3 раздэли1въ м0ре: ї}лz же бэглецA пэшех0дца спасE, пёснь бGови воспэвaюща. Мyченическими ўкрaшени благодaтьми, вэнцедaтелю хrтY на нб7сёхъ люб0вію, мyчєницы, предстоитE, свётомъ њзарsеми трис0лнечнагw сіsніz, и3 вс‰ просвэщaете вёрою вaсъ блажaщыz. Въ гонeніи нечeстіz kви1стесz всю2 прогонsюще ѕлочести1вую прeлесть, мyчєницы непобэди1міи, д0блественными пHдвиги, ћкw д0бріи в0ини, ћкw цRкве ўтверждє1ніz и3 ћкw и4стины держaва. Смhсленнымъ рaзумомъ, всемyдріи, tрази1вше ѕл0бную бyрю, и3 свирёпэющеесz м0ре ѕлочeстіz, дyха ти1хостію, къ пристaнищємъ преид0сте небє1снымъ, рaдующесz. Душaмъ мyченикwвъ вaши срaдуютсz мyчєницы дyси на нб7сёхъ и4стиннw, пр0ве и3 ґндронjче и3 тарaхе блажeнніи: мyжески бо болBзни мучeніz претерпёсте, побёдами бжcтвенными прославлsеми. БGор0диченъ: И$же nц7Y и3 д¦у с™0му сл0во собезначaльное, въ дёвственную ўтр0бу восхотёвъ всели1сz, и3 пл0ть неврaщнw бhсть, и3 пострадaвъ в0лею, м§ничєскаz бжcтвєннаz вHинства вёрою страдaти ўстр0илъ є4сть. И$нъ канHнъ прпdбнагw, глaсъ д7, є3гHже краегранeсіе: КосмY похвaлимъ пэснотв0рца мyдреннw. Пёснь №. Їрм0съ: М0рz чермнyю пучи1ну невлaжными стопaми дрeвній пэшешeствовавъ ї}ль, крестоoбрaзными мwmсeовыма рукaма ґмали1кову си1лу въ пустhни побэди1лъ є4сть. Ўдобри1въ добродётелей житіE твоE, џ§е космо2, свётомъ и3 блист†ніи свэтsсz свёта трисіsннагw, вLцэ твоемY ћкw предстоS, просвэти1тисz тS пою1щымъ, моли1сz. Нрaвъ тв0й под0бнw kвлsетъ тS, и3мёz наречeніе: ґрхіерeєвъ бо ўкрашeніе, мyдре, показaлсz є3си2, и3 ўтверждeніе монaшествующихъ, и3 мyдрости nби1тель бhлъ є3си2. Мyдрости ћкw рачи1тель мудрёйшъ, мyдрэ њчи1стилъ є3си2 твою2 дyшу, всемjрный космо2, мірскaгw смущeніz стр†сти tгнaвъ, ћкw мглY њмрачeніz. БGор0диченъ: Марjю непор0чную и3 чcтую nтрокови1цу воспои1мъ, ћкw б9ію м™рь благоговёйнw соглaснw прославлsюще: рaдуйсz, чcтаz бGоневёсто, бlгословeннаz м™и дв7о. Пёснь G. Їрм0съ: Нбcнагw крyга верхотв0рче, гDи, и3 цRкве зижди1телю, ты2 менE ўтверди2 въ любви2 твоeй, желaній крaю, вёрныхъ ўтверждeніе, є3ди1не чlвэколю1бче. Крёпкw гони1телю проти1вивсz, тарaхе, и3 сокрушeніе лицA терпS крэпчaйше, чє1люсти сокруши1лъ є3си2 мhсленныхъ львHвъ, д0блественъ бhвъ си1лою д¦а. Великомyдреннымъ рaзумомъ, р†ны претерпёлъ є3си2 по хребтY и3 чрeву, м§ниче пр0ве, растzзaемь и3 поджигaемь, и3 рwжны2 пє1рси, и3 бGосл†внаz тво‰ ўстA біє1ма. Ћкw ѓгнецъ вознесeнъ бhвъ, терпёлъ є3си2 болBзни лютёйшихъ р†нъ, м§ниче ґндронjче, nгнS попалeніz, и3 и3скоренeніе зубHвъ, и3 бGосл0внагw твоегw2 љзhка tsтіе. Трисвётлы ћкw ѕвёзды разyмныхъ сіsній, всю2, слaвніи, твaрь просвэщaете, тмY tгонsще многоб0жіz лeсти, страстотeрпцы мyчєницы свэтови1днэйшіи. БGор0диченъ: Ћкw добрY, ћкw краснY, и3 ћкw и3збрaнну, чcтаz, сл0во, и4же вс‰ њсуществовaвшее, тS и3збрaвъ, въ твою2 непор0чную и3 бGопріsтную ўтр0бу восхотёвъ всели1сz пресyщественный. И$нъ. Їрм0съ: Весели1тсz њ тебЁ цRковь твоS, хrтE, зовyщи: ты2 моS крёпость, гDи, и3 прибёжище, и3 ўтверждeніе. Пёсньми крaсными, къ пэсносл0вію хrт0ву возвесели1лъ є3си2 невёсту, ћснw и3зложи1въ хrтHвы бжcтвєнныz т†йны. ЗакHны ты2 воспитaвсz хrт0выми, џ§е космо2, питaлъ є3си2 стaдо ввёренное тебЁ, правослaвными повелёньми. Въ себЁ nгнeмъ бжcтвеннагw рвeніz распалsему дyшу, прпdбне џ§е космо2, стzжaвъ, вс‰ є4рєси tгнaлъ є3си2. БGор0диченъ: Преид0ша ќбw сBни, хrт0съ же и4стина возсіS, пл0ть пріи1мъ, м™и б9іz, t бокY твоє1ю, и3 спасe ны. Кондaкъ прпdбнагw, глaсъ }. Под0бенъ: Взбрaнной: Ўкрaшенъ добродётельми, космо2 бGодухновeнне, цRкве хrт0вы ўкрашeніе бhлъ є3си2: пёсньми бо ўкраси1лъ є3си2 сію2, бlжeнне. Но моли1сz ко гDу, и3збaвитисz нaмъ t всsкихъ к0зней рaтника, тебЁ зовyщымъ: рaдуйсz, џ§е требогaте. Сэдaленъ м§никwмъ, глaсъ }. Под0бенъ: Премyдрости: С™hz трbцы крёпкою воwружи1вшесz вёрою ю4ношски, ґндронjкъ, пр0въ же и3 всемyдрый тарaхъ, многоб0жіz лeсти держaву потреби1ша, и3 лю1ди въ бжcтвеннэй любви2 привzзaша. Тёмъ побBдныz пріи1мше п0чєсти, ликHмъ свеселsтсz си1лъ безпл0тныхъ, къ ни6мже вёрою возопіи1мъ: моли1те хrтA бGа, грэхHвъ њставлeніе даровaти, чтyщымъ люб0вію свzтyю пaмzть вaшу. Слaва, прпdбнагw, глaсъ т0йже: Благочeстіемъ и3 вёрою воспитaвсz, и3 премyдростію, ўкраси1въ ќмъ и3 дyшу, всёхъ и3збёглъ є3си2 земнhхъ попечeній, nс0бь же пожи1въ, и3 ќмъ въ неизречє1ннаz вложи1въ, вели1кіz спод0билсz є3си2 бlгодaти. Тёмъ и3 б9eственную хrт0ву цRковь ўкраси1лъ є3си2 пёсньми медот0чными и3 ўчeньми, с™и1телю џ§е нaшъ космо2: моли2 хrтA бGа, грэхHвъ њставлeніе даровaти, чтyщымъ люб0вію свzтyю пaмzть твою2. И# нhнэ, бGор0диченъ: Премyдрость и3 сл0во въ твоeмъ чрeвэ зачeнши неwпaльнw, м™и б9іz, мjру родилA є3си2 мjръ содержaщаго: и3 во њб8sтіzхъ понеслA є3си2 вс‰ носsщаго, питaтелz всёхъ, и3 творцA твaри. Тёмже молю1 тz, всес™az дв7о, и3 вёрнw слaвлю тS, и3збaвитисz ми2 t прегрэшeній: и3 въ дeнь судA, є3гдA предстaти и4мамъ предъ лицeмъ создaтелz моегw2, вLчце дв7о чи1стаz, твою2 п0мощь тогдA подaждь ми2: вс‰ бо м0жеши, є3ли6ка х0щеши, всепётаz. КrтобGор0диченъ: Ѓгнца и3 пaстырz и3 и3збaвителz ѓгница зрsщи на кrтЁ, восклицaше плaчущи, и3 г0рькw рыдaющи вопіsше: мjръ ќбw рaдуетсz, пріeмлzй тоб0ю и3збавлeніе, ўтр0ба же моS гори1тъ, зрsщи твоE распsтіе, є4же терпи1ши за милосeрдіе ми1лости. Долготерпэли1ве, гDи, ми1лости бeздно и3 и3ст0чниче неисчерпaемый, ўмилосeрдисz и3 дaруй согрэшeній њставлeніе вёрою пою1щымъ бжcтвєнныz стр†сти тво‰. Пёснь д7. Їрм0съ: Ты2 моS крёпость, гDи, ты2 моS и3 си1ла, ты2м0й бGъ, ты2 моE рaдованіе, не њстaвль нёдра џ§а, и3 нaшу нищетY посэти1въ. Тёмъ съ прbр0комъ ґввакyмомъ зовy ти: си1лэ твоeй слaва, чlвэколю1бче. Зак0нъ тв0й соблюдaюще сл0ве, м§ницы, беззак0нныхъ зак0ны возненави1дэвше, небрещи2 тебE творцA повелэвaющыz, дeмwнскими ўхищрeньми, и3 всE претерпёвше треволнeніе мyкъ, нбcную тишинY получи1ша. ЛюбS хrт0во и4го носи1ти подвhйное на вhи твоeй, є4юже рaдуешисz сокрушaемь: кrтъ же жeзлъ держaвныz, тарaхе всебlжeнне, си1лы и3мhй, п†личнаz ўмножє1ніz терпи1ши, взывaz: си1лэ твоeй слaва, чlвэколю1бче. Ћкw си1ленъ бжcтвеннымъ бhвъ д¦омъ, лhстwвъ твои1хъ болёзненное мyжественнw, пр0ве, сокрушeніе, и3 nчeсъ и3з8sтіе претерпёлъ є3си2, просвэщaемь знaніемъ трbцы совершeннэйше, и3 съ вhшними ли6ки, мyчениче, сочетazсz. Ю$ношски мyчениче, предстaлъ є3си2, ґндронjче, предъ суди1щемъ противлszсz врагY крёпкw. Тёмъ tрёзаz лhсты тво‰, си1льнэйша содэвaше тS, главY є3гw2 попирaюща, и3 г0рнее тебЁ шeствіе сотворsюща. БGор0диченъ: Е#ди1на бGа н0сиши во ўтр0бэ воплощaема, є4же бhти всBмъ подаю1щаго. Е#г0же на три1знищи не прекл0ннw и3сповёдающа пострадaша бжcтвенніи м§ницы, дв7о бцdе препётаz, ѓгGлwвъ чyдо, и3 дeмwнwвъ ћзва. И$нъ. Їрм0съ: Вознесeна тS ви1дэвши цRковь на кrтЁ, сlнце прaведное, стA въ чи1нэ своeмъ, дост0йнw взывaющи: слaва си1лэ твоeй, гDи. Пред8wчи1стивъ џко твоегw2 сeрдца стрaстнагw смущeніz, космо2 їерaрше, пёніе воспёлъ є3си2 крaсное и3 спаси1тельное, и3 цRковь просвэти1лъ є3си2. Цэлeніе всsкагw ўнhніz бывaютъ тво‰, космо2, всехв†льнаz лю1бzщымъ пёснєннаz наслаждє1ніz, догмaтами ўкрашaємаz, и3 сладкоглaсіz добр0тами. Недyгующую, всебlжeнне, цRковь, хyльными велёньми кwпронЂмовыми и3 буесл0выми, и3сцэли1лъ є3си2 писaньми, и4миже сладкопёсненнw пэснопёлъ є3си2. Ћкw чyдны тво‰ пBсни, и3 всsкагw, џ§е, и3сп0лнены рaзума, и4миже ћвственнw всBмъ tкрhлъ є3си2 хrт0вы т†йны, стр†шныz и4стиннw и3 преч{дныz. БGор0диченъ: Прес™yю воспои1мъ бцdу, воплощeнное роди1вшую б9іе сл0во во двY є3стєствY, є3ди1нэй же v3постaси, ћкоже космA бжcтвенный научи2. Пёснь є7. Їрм0съ: Вскyю мS tри1нулъ є3си2 t лицA твоегw2, свёте незаходи1мый, и3 покрhла мS є4сть чуждaz тмA nкаsннаго, но њбрати1 мz, и3 къ свёту зaповэдей твои1хъ пути6 мо‰ напрaви, молю1сz. Неукл0нніи путешeствєнницы стези2 ќзкіz и3 жест0кіz бhсте, напaстей мн0жество ћкw пBны морск‡z tрэвaюще, ћкw неразсёдніи столпи2, сердцA страстотeрпцы, ћкw на кaмени вёры ўтверди1вше. Витjйствуz бжcтвєннаz, и3 бGосл0вz спаси1тєльнаz ўчє1ніz, ўстeнъ терпи1ши растерз†ніz, ўмA крёпостію заграждaz ўстA, на бGа тарaхе мyчениче, вредосл0віе глагHлющаz сотв0ршаго. На чeтверw протzзaемь, и3 р†нъ ћзвами њдержи1мь, душeвное показyz д0блественнw востaніе. Тёмже вэнцен0сецъ ћвльсz съ тождестрад†льники, пр0ве, цRю2 всёхъ предстои1ши. БGор0диченъ: Б0льши г0рнихъ си1лъ є3си2, сл0во пор0ждши џ§ее, дв7о, собезначaльное и3 соприсносyщное: є3гHже свётлостьми, страстотeрпцы њзари1вшесz, безб0жіz н0щь преид0ша. И$нъ. Їрм0съ: Ты2, гDи м0й, свётъ въ мjръ пришeлъ є3си2, свётъ с™hй, њбращazй и3зъ мрaчна невёдэніz, вёрою воспэвaющыz тS. Вэщaніе твоE, мyдре, во вс‰ концы2 протечE, пёсньми возвеселsz бжcтвенными, космо2, хвaлzщихъ тS. ЗакHнъ є3стeственныхъ пaче рeклъ є3си2, р0ждшую прес™yю бцdу пребжcтвенное сл0во: тёмъ тS ўблажaемъ. ПBсни ди6вныz слaдостнw поS, воспёлъ є3си2 неизречeнное вLчне, є4же и3зъ дв7ы пречcтыz, ржcтво2, свzщeннэйше. БGор0диченъ: Просвэти1ша м0лніz твоегw2 ржcтвA, всепётаz, всю2 вселeнную, и3 землS подви1жесz t прeлести къ вёрэ є3гw2. Пёснь ѕ7. Їрм0съ: Њчи1сти мS, сп7се, мнHга бо беззакHніz мо‰, и3 и3зъ глубины2 ѕHлъ возведи2, молю1сz: къ тебё бо возопи1хъ, и3 ўслhши мS, б9е спасeніz моегw2. Nрyжіе си1льнагw бhвше вёрою, сердцA ѕловёрныхъ мyжески ўzзви1сте, подви1гшесz на нS д0блественнw страстотeрпцы великоимени1тіи. Ћкw дрeвле даніи1ла въ р0вэ ѕвёріе ўстыдёшасz: тaкw и3 нhнэ крёпкихъ nрyжникwвъ вёры на три1знищи ўстраши1шасz, ўкроти1вшесz честнhми и4хъ страд†ніи. Прободє1нымъ твои6мъ рeбрwмъ, вLко, т0жде њбразyz тарaхъ, пріeмлетъ въ рeбра прободeніе, и3 џцтомъ напаsетсz, и3 nгнeмъ въ главY лю1тэ попалsетсz. БGор0диченъ: Зачeнши безъ сёмене во ўтр0бэ превёчнаго, чcтаz, и3 родилA є3си2 пл0тію є3стеств0мъ безпл0тнаго, и3 млек0мъ пои1ла є3си2 питaющаго всёхъ, бGомaти неискусобрaчнаz. И$нъ. Їрм0съ: Пожрy ти со глaсомъ хвалeніz, гDи, цRковь вопіeтъ ти2, t бэс0вскіz кр0ве њчи1щшисz, рaди ми1лости t рeбръ твои1хъ и3стeкшею кр0вію. СловесA тво‰ ћкw с0тъ слaдкій kви1шасz, благочести1выхъ сердцA веселsщz, пою1щихъ крещeніе сп7сово, срётеніе же сmмеHново и3 tпущeніе. Не словесы2, но вещми2 ты2 предстaвилъ є3си2, востaніе, блажeнне, лaзарево и3зъ мeртвыхъ, и3 дэтeй хвалeніе, и3 зaвисть їудeйскую въ пёснехъ. Возвышeніе требlжeннагw дрeва ўкраси1лъ є3си2, воспёвъ пёснь весeліz всsческагw и3сп0лнену и3 рaдости сyщіz, въ пёніи тогw2 всебlжeнне. БGор0диченъ: Глаг0лwмъ твои6мъ бGодохновє1ннымъ, nтрокови1це, послёдующе, тS блажи1мъ вси2 р0ди, дв7о, ћкw бGа блажeннагw, блажeнную бhвшую роди1тельницу. Кондaкъ мyченикwвъ, глaсъ в7. Под0бенъ: Вhшнихъ и3щS: Трbцы нaмъ слaву kви1ша д0бліи хrтHвы nрyжницы и3 м§ницы, съ тарaхомъ пр0въ же и3 ґндронjкъ: њбличи1ша бо всE мучи1телей безб0жіе, вёрою д0блественнэ страдaльчествовавше. Јкосъ: Ї}совы стrти д0блественнw подражaвше, кyпнw съ тарaхомъ мyдрымъ пр0въ же и3 ґндронjкъ, рaдующесz пострадaша на три1знищи, беззак0нныхъ њбличaюще безб0жіе. Тёмъ и3 мы2 люб0вію чтyще пaмzть и4хъ, въ пёснехъ похвaлимъ, и3 вёрнw п0двиги проповёдаемъ: ћкw ди1венъ бо гDь, свэти1льники въ мjрэ прослaвивъ сі‰, вёрою д0блественнw страдaльчествовавшыz. Пёснь з7. Їрм0съ: Б9іz снизхождeніz џгнь ўстыдёсz въ вавmлHнэ и3ногдA, сегw2 рaди џтроцы въ пещи2 рaдованною ног0ю, ћкw во цвётницэ ликyюще, поsху: бlгословeнъ є3си2 б9е nтє1цъ нaшихъ. Ўшeсъ tsтіе претерпёлъ є3си2 рaдуzсz, тарaхе слaвне, ћкw бlгопослушли1въ рaбъ прикл0ншагw тебЁ ќхо ми1лостивнэйшее, и3 моли6твы тво‰ соверши1вшагw, зовyща: бlгословeнъ є3си2, б9е nтє1цъ нaшихъ. Протzзaеми, м§ницы, и3 мyками рaними, твeрдымъ смhсломъ пребеззак0ннующымъ сопроти1вистесz, и3 побэдон0сцы бhвше, поетE: бlгословeнъ є3си2, б9е nтє1цъ нaшихъ. И#сп0лнисz дyхъ тв0й бжcтвенныz росы2 и3 прохлаждeніz, є3гдA рyцэ nгнeмъ и3 главY попалsху ти2, и3 ћкоже дёти взывaлъ є3си2, тарaхе: бlгословeнъ є3си2, б9е nтє1цъ нaшихъ. Кроплeніемъ, с™jи, честнhхъ кровeй вaшихъ, прeлести ќгліе погаси1сте, р0су бжcтвенныz нaмъ и3сточaюще бlгодaти, и3 и3сцэлeніz проливaете в0ды, хвaлzщымъ вaшу пaмzть всегдA. БGор0диченъ: И#стощевaетсz во ўтр0бу твою2, n§ескихъ нёдръ не њстaвль совершeннэйшее сл0во, и3 пл0ть ви1дитсz, и3мLнцъ раждaетсz. Е#мyже поeмъ, дв7о, рaдующесz: бlгословeнъ є3си2, б9е nтє1цъ нaшихъ. И$нъ. Їрм0съ: Въ пещи2 ґвраaмстіи џтроцы персjдстэй, люб0вію благочeстіz пaче, нeжели плaменемъ њпалsеми, взывaху: бlгословeнъ є3си2 въ хрaмэ слaвы твоеS, гDи. Весели1тсz всsка душA, пэснопBніz тво‰ бGомyдре џ§е, прочитaющи, и3 вёрою зовyщи: nтє1цъ нaшихъ б9е, бlгословeнъ є3си2. Вои1стинну љзhкъ тв0й тр0сть кни1жника скоропи1сца, џ§е, бhсть с™aгw д¦а, писaвшій вели6каz чудесA сл0ва. Зак0нъ побэждaетсz њ тебЁ похвалeній, џ§е, ни бо2 и4мать что2 хвалeнію дост0йно вэщaти, тебЁ вLчнzz и3зрeкшу вели1чєствіz. БGор0диченъ: Кjй тS љзhкъ земнhхъ дост0йнw ўблажи1тъ бGа р0ждшую, бGоневёсто; тёмъ вёрою зовeмъ: рaдуйсz, дв7о чcтаz, рaдуйсz, препрослaвленнаz. Пёснь }. Їрм0съ: Седмери1цею пeщь халдeйскій мучи1тель бGочести6вымъ неи1стовнw разжжE, си1лою же лyчшею спасє1ны сі‰ ви1дэвъ, творцY и3 и3збaвителю вопіsше: џтроцы, бlгослови1те, свzщeнницы, восп0йте, лю1діе, превозноси1те во вс‰ вёки. Просвэщeни ћзвами и3 крaсными добр0тами добротв0рнагw и3 чyднагw страдaніz, гDу предстоитE вэнцен0сцы вси2, свёта тaмw сyщагw и3спущaема богaтнw и3сполнsеми, и3 люб0вію пою1ще непрестaннw: џтроцы, бlгослови1те, свzщeнницы, восп0йте, лю1діе, превозноси1те во вс‰ вёки. Въ себЁ неи1стовzсz пребезyмный мучи1тель, ћкw побэждeнъ вaшими противлє1ніи, вск0рэ повелэвaетъ ўмори1ти мечeмъ вaсъ, содётелю и3 и3збaвителю пою1щыz: џтроцы, бlгослови1те, свzщeнницы, восп0йте, лю1діе, превозноси1те во вс‰ вёки. Трbцы побHрницы, добропобёдніи мyчєницы, и5же безб0жіz зи1му раз0рше теплот0ю вёры, вёрныхъ предст0лпіе, цвёти крaсніи ќмнагw раS, прист†нища сyщымъ въ бyри, непрекл0нніи столпи2, ґндронjкъ, и3 пр0въ, и3 тарaхъ почитaютсz. БGор0диченъ: Со безпл0тными чи1нми, съ м§никъ в0инствы, со ґпcлы и3 прbрHки, вси2 всёми владhчествующую твaрьми вLчцу, ћкw херув‡мъ с™ёйшу, и3 є3ди1ну б9ію чcтую м™рь благочeстнw поeмъ, хrтA превозносsще во вс‰ вёки. И$нъ. Їрм0съ: Рyцэ распростeръ даніи1лъ, львHвъ зі‰ніz въ р0вэ затчE џгненную же си1лу ўгаси1ша, добродётелію препоsсавшесz, благочeстіz рачи1тели џтроцы, взывaюще: бlгослови1те, вс‰ дэлA гDнz, гDа. Жезл0мъ ўкрэплsеми твои1хъ догмaтwвъ, слaвне, тS хвaлzщіи, tвращaемсz всsкихъ є3ретjческихъ ѕл0бъ, и3 пэснопоeмъ благочeстнw хrтY, зовyще: бlгослови1те, вс‰ дэлA гDнz, гDа. Всёхъ ћкw вhше ўм0мъ, космо2, бhвъ, вeчерю написaлъ є3си2, въ нeйже прeдалъ є4сть гDи живонHсныz т†йны, и3 предaніе стрaшное, безчеловёчіе же їyдино, є3гHже и3 бэжaти нaмъ научи1лъ є3си2. Свёта невещeственнагw зарsми њсіsемь, космо2 всепрпdбне, стrти пречcтыz написaлъ є3си2, и3 погребeніе и3 востaніе, и3 преwбражeніе хrт0во, научи1въ вс‰ воспэвaти: благослови1те, вс‰ дэлA гDнz, гDа. БGор0диченъ: Жeзлъ и3зъ к0рене їессeева ты2 и3зрасти1ла є3си2, дв7о пречcтаz, цвётъ гDа р0ждшаz, нaсъ благоухaвшаго мmродыхaтельными вонsми стrтeй є3гw2: тёмъ вси1 тz бlгослови1мъ, марjе бGоневёсто. Пёснь f7. Їрм0съ: Ўстраши1сz всsкъ слyхъ неизречeнна б9іz снизхождeніz, ћкw вhшній в0лею сни1де дaже и3 до пл0ти, t дв7и1ческагw чрeва бhвъ чlвёкъ. Тёмже пречcтую бцdу, вёрніи, величaемъ. Возмог0ша тэлесы2 тлёнными, нетлBнныz п0двиги пристzжaти д0блественніи, и3 ѓгGлwмъ ўпод0бишасz, цrтво б9іе пріeмше недви1жимое, пр0въ, и3 тарaхъ, ґндронjкъ, хrт0вы ўгHдницы. Kви1стесz ќгліе, nгнeмъ невещeственнымъ тaинственнэ вжигaеми, и3 пожг0сте вещeственную лeсть великомyчєницы: и3 возсіsвше ћкw свётъ, твaрь њзарsете, и3 спасaете t страстeй и3 бёдъ дyшы нaшz. Днeсь прин0ситъ прaзднство лётнее свётлw и3 рaдостнw цeрковь хrт0ва, бжcтвенное сіE вaше торжество2: и3 веселsтсz съ вaми прор0цы, ґпcли, и3 вси2 м§ницы, страстон0сцы, побэди1тели великоимени1тіи. Взsстесz въ свэтови6днаz р†йскаz, страстон0сцы, селє1ніz, њдёzвшесz свётлою ри1зою, ю4же и3сткaсте многови1дными мyками, и3 прест0лу предстоитE вседержи1телz, њ всёхъ прилёжнw молsщесz. БGор0диченъ: Пощади1 мz, сп7се, рождeйсz, и3 сохрани1вый р0ждшую тS нетлённу по рождествЁ: є3гдA сsдеши суди1ти вс‰ дэлA мо‰, беззакHніz и3 грэхи2 мо‰ прeзри, ћкw безгрёшенъ, ми1лостивъ ћкw бGъ и3 чlвэколю1бецъ. И$нъ. Їрм0съ: Кaмень нерукосёчный t несэк0мыz горы2 тебє2, дв7о, краеуг0льный tсэчeсz, хrт0съ, совокупи1вый разсто‰щаzсz є3стєствA: тёмъ веселsщесz, тS, бцdе, величaемъ. Богaтъ, благор0денъ бhвъ, всебlжeнне, добродётельными зарsми сіsz, и3 просвэщaz вBрныz, космо2, тS хвалaми почитaющыz, и3 правослaвнw пою1щыz, тS величaемъ, трисвsте. ЗакHны сіsz бжcтвенными, и3 тёми, бlжeнне, твоE стaдо ћкоже на пaжить живон0сную настaвивъ, ћкw подобaше, прпdбне, къ небесє1мъ престaвилсz є3си2, плоды2 болёзней твои1хъ пожинaz. Показaсz тебЁ незаходsй свётъ, нhнэ престaвльшусz тебЁ t приврeменныхъ, ћкw њчищeнному прaведно, ћснэе же и3 чcтёе є3гHже наслаждazсz, помzни2 тебE почитaющыz, достослaвне. БGор0диченъ: ТS прес™yю дв7у и3 сераф‡мъ слaвнэйшу, р0ждшую хrтA, бцdе, пребезначaльнw возсіsвшаго t nц7A, ћкоже пи1сано є4сть, славосл0вzще ўблажaемъ. Свэти1ленъ nктHиха. И# с™hхъ. Под0бенъ: ЎченикHмъ зрsщымъ: Триплетeнный ли1къ страстотeрпєцъ, тарaха и3 пр0ва вси2 со ґндронjкомъ пёсньми хвaльными ўвэнчaемъ: строг†ніz бо претерпёша и3 лю6тыz р†ны и3 болBзни и3 со хrт0мъ цrтвуютъ. БGор0диченъ: Херув‡мъ kви1ласz є3си2 слaвнэйши, и3 сераф‡мъ показaласz є3си2 вhшши, ћкw бGа р0ждшаz воплощeнна, земны6мъ же показaвшаго стєзи2 пр†выz шeствовати ко спасeнію водsщыz. На літургjи, прокjменъ, глaсъ д7: С™ы6мъ, и5же сyть на земли2 є3гw2 ўдиви2 гDь вс‰ хотBніz сво‰ въ ни1хъ. Стjхъ: Предзрёхъ гDа предо мн0ю вhну: Ґпcлъ ко є3фесewмъ, зачaло сlг. Ґллилyіа, глaсъ д7: Воззвaша првdніи, и3 гDь ўслhша и5хъ. Е#ђліе луки2, зачaло Rѕ. Причaстенъ: Рaдуйтесz:
